JKW-KABUM-21-ZHA-002-002-wylie

gnas chog zin bris/__ gnas brtan cho ga la/__sku brnyan mdun stegs dang por gtor ma dkar zlum cha bzhi/__de 'og dang nye logs gang bder maN+Dal tshom bu bdun ma dang /__mchod pa rnam bdun cha nyer gnyis/__de steng spos dang /__mar me dang /__zhal zas gsum lhag gang 'byor bcas gtsang zhing bkod pas mdzes par bsham/__tshogs pa rnams kyi mdun du maN+Dal/__khrus chas/__'thor nas/__ting shag__/sil snyan/__rnga rgya gling /__dung dkar bcas 'du bya/__/thog mar 'dus pa na sgo drung du chab blang /__l+h+wam phud/__nang du zhugs nas rten la phyag byas te rang rang gi gral du 'khod/__dkon mchog rjes dran nas lo paN spyi bstod bar chos spyod dkyus ltar btang /__de nas rnam rgyal stong mchod ltar gso sbyong blang /__'di skabs phyag 'tshal dus blo la yod na langs te dngos su phyag bya/__sdom bzung la tsog pur thal mo sbyar/__de rjes skyabs 'gro nas bzung cho ga gzhung ltar bsgrigs 'don dal bus bya/__spyan 'dren skabs bzhengs nas bla ma sogs kyis spos ring dang /__mchod dpon gyis dung chu thogs la rol mo'i skabs bzed zhal du dung chu sbreng /__khrus kyi skabs mchod dpon gyis dngos su khrus gsol sogs bya/__yan lag bdun pa'i rjes maN+Dal sa gzhi spos byugs brgya rtsa sogs nyi tshod dang bstun nas gang grub dang /__phyag mchod tshigs bcad ma tshar 21sogs gang grub gsog__/zhwa yod na spyan 'dren/__khrus gsol/__bkra shis rnams kyi skabs su gyon/__rjes su brtan bzhugs ma gtogs gshegs gsol mi dgos/__bkra shis rjes smon lam rnam lnga'am/__bzang spyod smon lam tsam nyi tshod dang bstun nas gang tshar 'don la grol/__'di nyin gso sbyong blangs pa yin pas gung tshigs dgongs bcad sogs zhib cha dgos so/__/'di 'jam mgon ngag dbang legs grub kyi ljags bsgrigs drwa sgang spar ma de'i phyag len tho gnang ba lags/___/___!_