JKW-KABUM-20-WA-001-084-wylie
rin chen tshul khrims bslab pas rgyud bsdams shing /_zhes pa'i dbu can/ rin chen tshul khrims bslab pas rgyud bsdams shing /_/dar zhing rgyas la 'chad rtsod rtsom pa yis/_/dri med thub bstan phyogs brgyar snang mdzad pas/_/'phrin yig rten bcas son pas rab tu spro/_/'di na khams 'dus sbrul gyis phung po'i tshogs/_/zas su za bar nye ba'i dge sbyong gzugs/_/'du shes gsum gyi mal du mnal ba la/_/su dang mi 'phrad sku mtshams dam mo lo/_/slad ma'i char yang bslab gsum rin chen gyis/_/phan bde'i dge mtshan dar rgyas rdzogs ldan mgron/_/bstan dang 'gro ba'i dpal du 'gugs mdzad gang /_/bskal brgyar 'tsho gzhes phrin las mkha' khyab smon/_/ces pa'i zhu gsol rmad du byung ba'i skyes kyi dam pa legs par bshad pa sna tshogs pa'i glegs bu dang /_sku tshe'i ril bu dar gyis lcibs te zla tshes dge bar ban rgan many+dzu g+ho Shas gus phul su shre yas+sid+d+hi rastu//__//_!_
