JKW-KABUM-20-WA-001-045-wylie
mchog sprul rdo rje 'chang chos dbyings rdo rjer phul ba'i zhu lan/ mchog sprul rdo rje 'chang chos dbyings rdo rjer phul ba'i zhu lan no/___/gsang ba'i bdag po tshur mthong ngor/___/rdo rje'i slob dpon mchog gi tshul/___/bka' drin mnyam med rje bla ma'i/___/zhabs kyi pad+mo'i nye drung du/___/dge slong gzhon nus gsol pa/___brgya byin thogs pa'i nor bu ltar/___/mtshan dpe rnyogs pa'i dri bral zhing /___/phrin las pha mtha' yas pa ni/___/'chi med lam gyi spun zlar song /___/de tshe shin tu rjes brtse ba'i/___/gzigs pa dus las yol min pas/___/snga phyir byin rlabs gzi 'bar ba'i/___/bka' glegs skyes bcas spyi bor son/___3__/dad pa'i gtsug tu bkod byas shing /___/dwang ba'i mig gis mjal ba na/___/snying la gus spro'i pad+mo ni/___/dbyar ka lta bur rgyas par gyur/___4__/bsam gtan las kyang ma g.yos bzhin/___/rnam dkar sgo 'phar brgya dbye ba/___/khyod kyi legs mdzad sangs rgyas las/___/dpe zlas dben no rab btags min/___5__/'di na ser gos 'dzin pa yang /___/gtso bor gzhan dbang la 'chel nas/___/dgyes pa rdo rje'i bsnyen sgrub tshul/___/dgun dus 'phyi ba'i brtul zhugs bzung /__6__/'on kyang dbang gi byin rlabs ni/___/zla ba'i zer gyis gsos pa las/___/lang tsho'i ku mud ma nyams bzhin/___/gsol 'debs dri bsung 'thul bzhin mchis/___7__/slar yang /___tiSh+Than+tu zhes gang lan/___/skye ba'i tshul rol zad gyur bas/___/'pho ba'i mtshan ma ring bcad pa'i/___/rdo rje 'chang dngos de la'o/___8__/ji ltar nyid dang pad+ma dkar/___/zla ba dang ni chu gter bzhin/___/byang chub bar du mgon khyod kyis/___/bdag kyang rjes su skyongs mdzod kye/___/sarba dA mang+ga lam//___//__!
