JKW-KABUM-19-DZA-001-032

Previous Text Back to Volume PageNext Text

གསེར་སྨད་ཤུག་སྒང་རིག་འཛིན་ཆེན་པོར་གྲགས་པ་ནི།

Wylie title	gser smad shug sgang rig 'dzin chen por grags pa ni
Location	mkhyen brtse'i bka' 'bum Volume 19, sde tshan 1, Text 32, Pages 276-278 (Folios 138b1 to 139b1)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. gser smad shug sgang rig 'dzin chen por grags pa ni. In 'jam dbyangs mkhyen brtse'i dbang po'i bka' 'bum, Vol. 19: 276-278. Khams sde dge rdzong sar dgon: Rdzong sar blo gros phun tshogs, 2020.
Genre	History Texts - lo rgyus  ·  Religious History Texts - chos 'byung

Tibetan Text

Wylie

[edit]

༄༅། །གསེར་སྨད་ཤུག་སྒང་རིག་འཛིན་ཆེན་པོར་གྲགས་པ་ནི། རིག་འཛིན་ཀུན་བཟང་ཤེས་རབ་ཀྱི་ཐུགས་སྲས་བུ་ཆེན་བཞིའི་ཡ་གྱལ་རོང་སྟོན་ལྷུན་གྲུབ་རྒྱ་མཚོས་གདན་ས་ཤུག་སྒང་བླ་བྲང་བཏབ། དེའི་སྤྲུལ་སྐུ་བླ་མ་ཤཱཀྱ་རྒྱལ་མཚན། དེའི་སྤྲུལ་སྐུ་གནུབས་སངས་རྒྱས་ཡེ་ཤེས་ཀྱི་རྣམ་འཕྲུལ་དུ་ལུང་གིས་ཟིན་པའི་རིག་འཛིན་པདྨ་འདུས་པ་རྩལ་ཞེས་པ་སྙི་ཁོག་གཞུང་གི་སའི་ཆར་རབ་ཡིད་ལྕགས་རྟ་ལོར་འཁྲུངས། རིགས་སད་པའི་ཡོན་ཏན་རྨད་དུ་བྱུང་། དཔལ་ཡུལ་མཆོག་སྤྲུལ་རིན་པོ་ཆེ་ཀརྨ་འགྱུར་མེད་སོགས་ལས་ཟབ་རྒྱས་ཀྱི་གདམས་པ་གསན་ཅིང་ཐུགས་ཉམས་སུ་བཞེས། ཉམས་རྟོགས་ཀྱི་ཀློང་བརྡོལ། དག་པའི་སྣང་བ་མཐའ་ཡས་པ་ཤར། དངོས་དང་དག་སྣང་གི་ཟབ་གཏེར་འདོད་རྒུའི་གཏེར་མཛོད་ཅེས་ཡང་ཟབ་གུ་རུ་པདྨ་རྒྱལ་པོའི་བསྙེན་སྒྲུབ་ཕྲིན་ལས་རྒྱས་པ་པུསྟི་གཅིག་གིས་མཚོན་གཏེར་གཞུང་ཆོག་སྒྲིགས་བཀའ་འབུམ་བཅས་པུསྟི་བཅུ་དྲུག་ཡོད། འདིའི་ནང་ནས་པདྨ་རྒྱལ་པོའི་སྒྲུབ་ཆེན་ཚེས་བཅུ་དང་འབྲེལ་བ། ཐུགས་རྗེ་ཆེན་པོའི་སྒྲུབ་ཆེན་སོགས་གདན་ས་དེར་དར་རྒྱས་སུ་ཡོད་པས་མཚོན། དབང་ལུང་ཁྲིད་གསུམ་གྱི་བརྒྱུད་འཛིན་ཐུགས་སྲས་གཙོ་བོ་གསུམ། འགྲོ་དོན་སྒོ་འབྱེད་ལྔ། དཀྱིལ་འཁོར་འཛིན་པ་བརྒྱད་སོགས་སུ་བགྲངས་པ་རྨད་དུ་བྱུང་བས་ད་ལྟའང་ཅུང་ཟད་དར་བས་ཕྱིས་ཀྱི་གཏེར་སྟོན་ཞིག་ལ་ཕྲིན་ལས་ཆེ་བར་མངོན། གང་ལྟར་ཡང་རྗེ་དེ་ཉིད་རྟེན་བསླབ་གཙང་། མཁས་གྲུབ་ཀྱི་རྣམ་ཐར་ཐམས་ཅད་ཀྱིས་བསྔགས་འོས་སྐུ་ཚེ་དང་སྒྲུབ་པ་མཉམ་པར་བྱུང། མཐར་དགུང་གྲངས་རེ་གསུམ་པ་ཆུ་སྤྲེལ་ཧོར་ཟླ་ལྔ་པའི་ཚེས་གཅིག་ལ་ནམ་མཁའ་སུམ་སྤྲུགས་ཀྱི་སྦྱོར་བས་སྒྲ་འོད་ཟེར་གསུམ་སོགས་ངོ་མཚར་བའི་རྟགས་དང་བཅས་ཏེ་གཤེགས། རྗེས་གསེར་གདུང་སོགས། །རྟེན་བཞེངས་དགོངས་རྫོགས་རྒྱ་ཆེར་བསྒྲུབས། དེའི་སྐྱེ་སྲིད་སྦ་ནག་ཕྱོགས་སུ་བྲག་དཀར་སྤྲེལ་རྫོང་དང་ཉེ་བའི་གསེར་ཐང་ཞེས་པར་ཆུ་བྱ་ལོར་འཁྲུངས་པ་པདྨ་མདོ་སྔགས་བྱང་ཆུབ་གླིང་པའམ་མི་འགྱུར་རྡོ་རྗེ་སྟེ། ལྕགས་འབྲུག་ལོར་རང་གནས་ཁྲིར་མངའ་གསོལ་བ་ད་ལྟ་བགྲང་བྱ་བཅོ་བརྒྱད་དུ་སོན་པ་སྟེ། འདི་ལའང་དག་སྣང་དགོངས་གཏེར་མང་དུ་འབེབས་རྒྱུ་ཡོད་པར་གྲགས་ཤིང་སྤྱིར་སྤྲུལ་པ་བཅུ་གསུམ་པར་འགྲོ་དོན་རྒྱས་པར་ལུང་བསྟན། མ་འོངས་པ་ན་ནུབ་ཕྱོགས་པདྨའི་སྙིང་པོས་བརྒྱན་པའི་ཞིང་ཁམས་སུ་རྫོགས་པའི་སངས་རྒྱས་དགེ་བའི་སྟོབས་འཕེལ་ཞེས་བྱ་བར་འཚང་རྒྱ་བར་གསུངས་སོ། །རྣམ་ཐར་སྙིང་པོ་ཙམ་འདི་ནི་གསན་ཡིག་མཐོང་བ་དོན་ལྡན་ཞེས་པ་ལས་བྱུང་བ་ལྟར་བཏུས་པ་ཡིན་ཞིང་། ཅུང་ཟད་རྒྱས་པ་རྗེ་རང་ཉིད་ཀྱི་རྣམ་ཐར་དང་། གཟིགས་སྣང་སྐོར་ཞལ་གསུང་མ་ཡོད་དོ།། །། ༈

[edit]

gser smad shug sgang rig 'dzin chen por grags pa ni/_ @#/_/gser smad shug sgang rig 'dzin chen por grags pa ni/__rig 'dzin kun bzang shes rab kyi thugs sras bu chen bzhi'i ya gyal rong ston lhun grub rgya mtshos gdan sa shug sgang bla brang btab/__de'i sprul sku bla ma shAkya rgyal mtshan/__de'i sprul sku gnubs sangs rgyas ye shes kyi rnam 'phrul du lung gis zin pa'i rig 'dzin pad+ma 'dus pa rtsal zhes pa snyi khog gzhung gi sa'i char rab yid lcags rta lor 'khrungs/__rigs sad pa'i yon tan rmad du byung /__dpal yul mchog sprul rin po che karma 'gyur med sogs las zab rgyas kyi gdams pa gsan cing thugs nyams su bzhes/__nyams rtogs kyi klong brdol/__dag pa'i snang ba mtha' yas pa shar/__dngos dang dag snang gi zab gter 'dod rgu'i gter mdzod ces yang zab gu ru pad+ma rgyal po'i bsnyen sgrub phrin las rgyas pa pusti gcig gis mtshon gter gzhung chog sgrigs bka' 'bum bcas pusti bcu drug yod/__'di'i nang nas pad+ma rgyal po'i sgrub chen tshes bcu dang 'brel ba/__thugs rje chen po'i sgrub chen sogs gdan sa der dar rgyas su yod pas mtshon/__dbang lung khrid gsum gyi brgyud 'dzin thugs sras gtso bo gsum/__'gro don sgo 'byed lnga/__dkyil 'khor 'dzin pa brgyad sogs su bgrangs pa rmad du byung bas da lta'ang cung zad dar bas phyis kyi gter ston zhig la phrin las che bar mngon/__gang ltar yang rje de nyid rten bslab gtsang /__mkhas grub kyi rnam thar thams cad kyis bsngags 'os sku tshe dang sgrub pa mnyam par byung/__mthar dgung grangs re gsum pa chu sprel hor zla lnga pa'i tshes gcig la nam mkha' sum sprugs kyi sbyor bas sgra 'od zer gsum sogs ngo mtshar ba'i rtags dang bcas te gshegs/__rjes gser gdung sogs/__/rten bzhengs dgongs rdzogs rgya cher bsgrubs/__de'i skye srid sba nag phyogs su brag dkar sprel rdzong dang nye ba'i gser thang zhes par chu bya lor 'khrungs pa pad+ma mdo sngags byang chub gling pa'am mi 'gyur rdo rje ste/__lcags 'brug lor rang gnas khrir mnga' gsol ba da lta bgrang bya bco brgyad du son pa ste/__'di la'ang dag snang dgongs gter mang du 'bebs rgyu yod par grags shing spyir sprul pa bcu gsum par 'gro don rgyas par lung bstan/__ma 'ongs pa na nub phyogs pad+ma'i snying pos brgyan pa'i zhing khams su rdzogs pa'i sangs rgyas dge ba'i stobs 'phel zhes bya bar 'tshang rgya bar gsungs so/__/rnam thar snying po tsam 'di ni gsan yig mthong ba don ldan zhes pa las byung ba ltar btus pa yin zhing /__cung zad rgyas pa rje rang nyid kyi rnam thar dang /__gzigs snang skor zhal gsung ma yod do//____//_!_