JKW-KABUM-18-TSHA-003-007

Previous Text Back to Volume PageLast text in section.

གྲུབ་མཐའ་གཞན་པ།

Wylie title	grub mtha' gzhan pa
Location	mkhyen brtse'i bka' 'bum Volume 18, sde tshan 3, Text 7, Pages 505-530 (Folios 92a3 to 104b3)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. grub mtha' gzhan pa. In 'jam dbyangs mkhyen brtse'i dbang po'i bka' 'bum, Vol. 18: 505-530. Khams sde dge rdzong sar dgon: Rdzong sar blo gros phun tshogs, 2020.
Genre	Doxographies - grub mtha'  ·  Monastic Chronicles - gdan rabs
Colophon	།གངས་ཅན་གྱི་ལྗོངས་སུ་བྱོན་པའི་གདན་རབས་སོགས་ཅུང་ཟད་བཤད་པའི་བརྗེད་བྱང་གི་ལེའུ་ཚན་ནོ།། །།ཤུབྷམ་སྟུ་སརྦ་ཛཱ་ག་ཏཱཾ།།
	gangs can gyi ljongs su byon pa'i gdan rabs sogs cung zad bshad pa'i brjed byang gi le'u tshan no//__//shub+ham stu sarba dzA ga tAM/

":Property:textsubnumber|textsubnumber" can not be assigned to a declared number type with value 1.

Tibetan Text

Wylie

[edit]

གཞན་ཡང་དེ་དག་ཏུ་མ་འདུས་པའི། གྲུབ་མཐའ་ཟུར་པ། ཇོ་ཞལ། པོ་ཤངས། ཞི་གཅོད་སོགས་མང་དུ་མཆིས་པ་ལས།

ཇོ་ནང་རྒྱལ་བའི་རི་ཁྲོད་ནི། ཀུན་མཁྱེན་ཆོས་སྐུ་འོད་ཟེར་གྱི་སློབ་མ་ཀུན་སྤངས་ཐུགས་རྗེ་བརྩོན་འགྲུས་ཞེས་གྲུབ་པའི་ཁྱུ་མཆོག་ཆེན་པོ་དེས་བཏབ། དེ་རྗེས་ཀུན་མཁྱེན་དོལ་བུ་པ་ཤེས་རབ་རྒྱལ་མཚན་ནི། སྤྱི་སྟོན་གྲགས་པ་རྒྱལ་མཚན་སོགས་བླ་མ་སུམ་ཅུ་ལྷག་པ་ལས་མདོ་སྔགས་ཀྱི་ཆོས་ཚུལ་རྒྱ་མཚོ་ལྟ་བུ་གསན། དབུས་གཙང་དུ་གྲྭ་སྐོར་མཛད་པས་ཐམས་ཅད་མཁྱེན་པའི་གྲགས་པས་ཁྱབ། སོ་གཅིག་པར་ཛེ་ནང་དུ་ཕེབས་ནས་མཁས་བཙུན་ཡོན་ཏན་རྒྱ་མཚོ་ལས་རྡོ་རྗེའི་རྣལ་འབྱོར་ཟབ་མོ་གསན་ཞིང་སྲོག་རྩོལ་མཐར་ཕྱིན། དེ་ནས་གདན་སར་བཞུགས་ཏེ་སྐུ་འབུམ་ཆེན་མོ་བཞེངས། དབུ་མ་གཞན་སྟོང་པའི་ལྟ་བ་ལ་ཐུགས་ངེས་འདྲངས་ཏེ། དེ་རྩལ་དུ་བཏོན་པའི་ཡིག་ཆ་ངེས་དོན་རྒྱ་མཚོ་དང་། བཀའ་བསྡུ་བཞི་པ་སོགས་མང་དུ་བརྩམས། དེའི་རྒྱུན་ཇོ་ནང་ཕྱོགས་ལས་རྣམ་རྒྱལ་དང་། ཉ་དབོན་ཀུན་དགའ་དཔལ་སོགས་ཀྱིས་བསྐྱངས། ཕྱིས་འཇམ་དབྱངས་ཀུན་དགའ་གྲོལ་མཆོག་ཀྱང་ཕེབས། དེའི་རྣམ་འཕྲུལ་རྗེ་བཙུན་ཏཱ་ར་ནཱ་ཐས་འཕགས་བོད་ཀྱི་མཁས་གྲུབ་དུ་མ་བསྟེན་ནས་མདོ་སྔགས་རྒྱ་མཚོ་ལྟ་བུར་གསན་བསམ་སྒོམ་གསུམ་མཛད་པས་མཁས་ཤིང་ཉམས་མྱོང་དང་ལྡན་པར་གྱུར། གསང་སྔགས་གཙོ་བོར་གྱུར་པའི་བསྟན་བཅོས་ཀྱང་པོད་བཅོ་བརྒྱད་ཐམ་པ་མཛད། རྟག་བརྟན་ཕུན་ཚོགས་གླིང་བཏབ་ཅིང་དར་རྒྱས་ཆེ་བར་བྱུང་ནའང་། བར་སྐབས་སུ་དུས་འགྱུར་གྱི་དབང་གིས། དེང་སང་ཇོ་ནང་དུ་རྟེན་གསུམ་སོགས་མ་ཉམས་ཙམ་ལས་བརྒྱུད་འཛིན་ཆེར་མེད་ལ། ཕུན་ཚོགས་གླིང་ནི་ལྔ་པ་རིན་པོ་ཆེས་དགེ་ལུགས་པར་བསྒྱུར་ནས་དགའ་ལྡན་ཕུན་ཚོགས་གླིང་ཞེས་གྲགས། ཆོས་བརྒྱུད་འགའ་ཞིག་སྔར་སྨོས་པ་ལྟར་བཀའ་འབྲུག་དང་། ཇོ་ནང་ཀུན་མཁྱེན་གྱི་ཡང་སློབ་དྲུང་ཀ་བཞི་པ་རིན་ཆེན་དཔལ་གྱིས་བཏབ་པའི་ཁམས་ཛི་ཐང་འདིར་སྦྱོར་དྲུག་གི་ཉམས་ལེན་གྱི་རྒྱུན་སོགས་མ་ཉམས་པར་ཡོད། དགོན་སོགས་སུ་ཡོད་དོ།། །། ༈ དཔལ་ཞྭ་ལུ་གསེར་ཁང་ཁྲ་མོ་ནི། ཆོས་རྒྱལ་ཁྲི་སྲོང་གི་དུས་ལོ་ཙཱ་བ་ཆེན་པོ་ལྕེ་ཁྱི་འབྲུག་སོགས་མང་དུ་བྱོན་པའི་གདུང་བརྒྱུད་རྣམ་པར་དག་པ་ལས། བསྟན་པ་ཕྱི་དར་གྱི་ཐོག་མར་དབུས་གཙང་གི་མི་བཅུར་གྲགས་པའི་ནང་ཚན་གཙང་པ་ལོ་སྟོན་རྡོ་རྗེ་དབང་ཕྱུག་གི་སློབ་མ། ལྕེ་བཙུན་ཤེས་རབ་འབྱུང་གནས་ཀྱིས་བཏབ་སྟེ། དེ་ཡང་རང་གི་བླ་མ་ལོ་སྟོན་ལ་དགོན་གནས་གར་འདེབས་ཀྱི་ལུང་བསྟན་ཞུས་པས། བླ་མས་ཕྱག་མདའི་ལྟོངས་ཁ་གསེར་གྱིས་བཀང་བ་ཞིག་གནང་བས། ད་ལྟའི་ཆོས་སྡེ་ཆགས་ས་འདིར་མདིལ་རྩེ་ཞྭ་ལུ་གསར་པ་ཞིག་ལ་ཁེལ་འདུག་པས་དེར་དགོན་གནས་བཏབ་པས་འབྲེལ་པ་རྒྱུ་མཚན་དུ་བྱས་ནས་ཞྭ་ལུ་གསེར་སྐོང་དང་། ཕྱིས་ཚོན་རྩི་ཁྲ་བོ་གསོལ་བས་ཞྭ་ལུ་གསེར་ཁང་ཁྲ་མོ་ཞེས་གྲགས། ལྕེ་བཙུན་ཉིད་རྒྱ་གར་དུ་བྱོན་ནས་ཨ་བྷཱ་ཡ་ལས་སྡོམ་རྒྱུན་གསར་དུ་ཞུས་ཏེ་སྤེལ། ལྔ་བརྒྱ་པ་རྣམས་ཀྱི་གཙུག་གི་ནོར་བུ་དཔལ་ལྡན་ཨ་ཏི་ཤས་རབ་ཏུ་གནས་པའི་མེ་ཏོག་འཐོང་ཞིང་། རི་སྦུགས་སུ་གཟིམས་སྐྱིལ་ཕུབས་ཏེ་ཕྱག་ཚ་བཏབ་པའི་ས་འབུམ་ད་ལྟ་ཡང་བཞུགས། དེ་རྗེས་མགོ་ཡེ་ཤེས་གཡུང་དྲུང་གིས་འདུལ་བ་དང་། པཎྜི་ཏ་འབུམ་ཕྲག་གསུམ་པ་དང་། རྔོག་ལོ་ཆེན་པོས་ཕར་ཕྱིན་གྱི་བཤད་གྲྭ་བཙུགས། ཀུན་མཁྱེན་བུ་སྟོན་རིན་པོ་ཆེ་ཡན་ཆད་མཁན་ཐོག་བཅུ་གཅིག་ཙམ་གྱིས་འདུལ་བ་ཨ་བྷཱ་ཡའི་སྡོམ་རྒྱུན་དང་། ཕར་ཕྱིན་རྔོག་ལུགས་གཙོ་བོར་བཏོན། ཕྱིས་སུ་རྒྱལ་པོ་ཆེན་པོ་རྣམ་ཐོས་སྲས་ཀྱི་སྤྲུལ་པ་སྐུ་ཞང་གྲགས་པ་རྒྱལ་མཚན་གྱིས་ལྕགས་སྤྲེལ་ལོ་རྩོད་པའི་དུས་ཀྱི་ཐམས་ཅད་མཁྱེན་པ་ཁྲོ་ཕུ་བུ་སྟོན་རིན་པོ་ཆེ་གདན་སར་སྤྱན་དྲངས། དེ་ནས་བཟུང་། སྡོམ་རྒྱུན་ཁ་ཆེ་པཎ་ཆེན་ལུགས་དང་། མདོ་སྔགས་གཉིས་ཀའི་སྒོ་ནས་གྲུབ་མཐའ་བུ་ལུགས་ཞེས་གངས་ཅན་མཁས་པ་རྣམས་ཀྱི་རྣ་བའི་རྒྱན་དུ་གྱུར། དེ་ཡང་མ་བྱོན་པའི་སངས་རྒྱས་རབ་གསལ་གྱི་རྣམ་འཕྲུལ་ཀུན་མཁྱེན་འདི་ཉིད་ནི། འཇམ་དཔལ་རྩ་རྒྱུད་ལས། ཡི་གེ་ར་ར་ལུང་། དང་པ་བུ་སྟོན། དང་པོར། བློ་ལྡན་གང་ཞིག་རབ་འབྱུང་གསུངས། །སྟོན་པའི་བསྟན་པ་གསལ་བྱེད་པ། །འབྱུང་བར་འགྱུར་པ་ཐེ་ཚོམ་མེད། །ཅེས་རྟེན་བརྟེན་པར་བཅས་པ་ལུང་གིས་གསལ་བར་བསྟན་པ་བཞིན། གཙང་ཤབ་སྨད་སྒོམ་གནས་ཞེས་བྱ་བར་བྲག་སྟོན་རྒྱལ་མཚན་དཔལ་བཟང་གི་སྲས་སུ་ལྕགས་ཕོ་རྟ་ཡི་ལོར་འཁྲུངས། ཆུང་ངུ་ནས་འཇམ་དཔལ་དཔའ་བོས་རྗེས་སུ་བཟུང་། ཁྲོ་ཕུ་སེམས་དཔའ་ཆེན་པོ། རང་གི་མེས་པོ་ཚུལ་ཁྲིམས་བཟང་པོ། མཁན་ཆེན་བཟང་པོ་དཔལ་གྲགས་པ་གཞོན་ནུ། ཐར་ལོ་ཉི་མ་རྒྱལ་མཚན། བླ་མ་དཔལ་ལྡན་སེངྒེ། བླ་མ་རྡོ་རྗེ་རྒྱལ་མཚན། འཕགས་འོད་ཡོན་ཏན་རྒྱ་མཚོ་སོགས་ལས། བཟོ་གསོ་སྒྲ་ཚད། ནང་རིགས་པ་སྡེ་སྣོད་རྒྱུད་སྡེ་དང་བཅས་པ། ཞར་བྱུང་རིག་གནས་ཆུང་བ་ལྔ་སྟེ། མདོར་ན་གངས་ཅན་གྱི་ལྗོངས་སུ་རྒྱུན་བཞུགས་སོ་ཅོག་གི་གཙུག་ལག་རབ་འབྱམས་ལ་མང་དུ་ཐོས་པའི་མཐར་སོན་པས་སློབ་དཔོན་དབྱིག་གཉེན་གྱི་སྤུན་ཟླར་འཛེགས། དེ་དག་གི་དོན་ལ་བསམ་བྱུང་གིས་དཔྱད་པ་ཡོངས་སུ་རྫོགས་པས་རིག་པར་སྨྲ་བ་རྣམས་ཀྱི་ཁེངས་པའི་རུ་ཚོན་བརྟུལ་ནས་ཕྱོགས་གླང་དང་ཆོས་ཀྱི་གྲགས་པའི་བརྟུལ་ཞུགས་བཟུང་། ཁྱད་པར་ཕ་རོལ་ཏུ་ཕྱིན་པའི་སྡེ་སྣོད་རྒྱ་མཚོ་ལྟ་བུ་འཆད་ཅིང་རྩོམ་པ་ལ་ཤིང་རྟ་ཆེན་པོ་ཀླུ་ཐོགས་དང་། འཕགས་པ་ལྷ་སོགས་ཀྱི་རྗེས་སུ་སོན། རྒྱུད་སྡེ་བཞིའི་ངེས་གསང་འགྲོལ་བའི་ཚེ་རྡོ་རྗེ་འཛིན་པ་ངུར་སྒྲིག་གི་གར་གྱིས་རོལ་པར་ངེས་པ་རྙེད། དཔལ་གསང་བ་འདུས་པ་དང་། དུས་ཀྱི་འཁོར་ལོ་སོགས་ལ་བརྟེན་ནས་མཆོག་གི་དངོས་གྲུབ་མངོན་དུ་གྱུར། སྐུ་གསུང་ཐུགས་ཀྱི་རྟེན་བསམ་གྱི་མི་ཁྱད་པ་བཞེངས། བཀའ་བསྟན་བཞེངས་པའི་ཚེ་མ་ཚང་བ་བཅུག །ལྷག་པ་བཏོན་པ་སོགས་དག་ཐེར་འགྲན་ཟླ་དང་བྲལ་བར་མཛད་ལས་བདེ་བར་གཤེགས་བསྲས་དང་སློབ་མར་བཅས་པའི་ཕྲིན་ལས་དུས་གཅིག་ཏུ་བསྒྲུབས། དཔལ་ལྡན་ས་སྐྱ་པ་བླ་མ་དམ་པ་སོགས་ཀྱིས་ཡོངས་འཛིན་དུ་བཀུར། སྙན་གྲགས་ཀྱིས་ས་སྟེང་ཐམས་ཅད་ཁྱབ་པས་རྒྱ་ནག་རྒྱལ་པོ་ཐོ་གོན་ཐེ་མུར་ཁཱ་དང་། རྒྱ་ནག་ཆོས་ཀྱི་རྒྱལ་པོ་པུཎྱ་མཱ་ལ་སོགས་པས་ཀྱང་བསྔགས་པའི་སྤྲིངས་ཡིག་གིས་མཆོད། ཞྭ་ལུ་མཐིལ་དུ། དགེ་འདུན་སུམ་སྟོང་བརྒྱད་བརྒྱ་དང་། རི་སྦུགས་སུ་སྡེ་སྣོད་འཛིན་པ་འདག་སྦྱར་ཆུ་བུག་སྒོ་ལ་བཞུགས་པའི་བཤེས་གཉེན་ལྔ་བརྒྱ་ཙམ་རེ་འདུས། རྒྱུད་སྡེ་བཞི་དང་འབྲེལ་བའི་དབང་ལུང་མན་ངག་བསམ་གྱིས་མི་ཁྱབ་པ་འཆད་སྤེལ་མཛད། ཕྱིས་རེ་ལྔ་པར་གདན་ས་དངོས་ཐུགས་སྲས་ལོ་ཙཱ་བ་རིན་ཆེན་རྣམ་རྒྱལ་ལ་གཏད་ནས། རྗེ་ཉིད་རི་སྦུག་ཏུ་ཀུན་སྤངས་མཛད་དེ་ཐུགས་དམ་ཟབ་མོ་ལ་རྩེ་གཅིག་ཏུ་གཞོལ། མདོར་ན་འཁོར་ལོ་གསུམ་གྱི་ཕྱག་རྗེས་རེ་རེ་ནས་བསམས་ཀྱང་འདི་ཁོ་ན་སྐུ་ཚེ་ཧྲིལ་པོར་མཛད་དམ་སྙམ་པ་ཡོད། དམ་པའི་ཆོས་མ་བསྒྱུར་བ་རྣམས་བསྒྱུར། བསྒྱུར་བ་རྣམས་ཞུ་ཆེན་བྱས། ཧོར་ཀོང་བསབས། འགྲེལ་བཤད་ཀྱིས་བཀྲལ། ཐུན་མོང་དང་ཐུན་མོང་མ་ཡིན་པའི་ཆོས་ཐམས་ཅད་ཕས་བུ་གཅིག་ལ་སྟེར་བ་ལྟ་བུར་མཛད་པས་བཀའ་དྲིན་བསམ་གྱིས་མི་ཁྱབ། ལེགས་བཤད་གསུང་རྩོམ་ཡང་སྔགས་ཕྱོགས་ལ་པོད་ཆེན་དང་༡༨། མདོ་ཕྱོགས་རིག་གནས་དང་བཅས་པ་ལ་པོད་བཞུགས། མཐར་དོན་ལྔ་པར་དགའ་ལྡན་ཆོས་ཀྱི་འདུན་སར་གཤེགས། དེ་ནས་གདན་སར་ལོ་ཙཱ་བ་རིན་ཆེན་རྣམ་རྒྱལ་བཞུགས། ཕྲིན་ལས་ཀྱི་རྒྱུན་ནི་གདན་ས་རང་དུ་རྡོ་རྗེ་འཆང་མཁྱེན་རབ་ཆོས་རྗེ། ལོ་ཆེན་ཆོས་སྐྱོང་བཟང་པོ་མཚུངས་མེད་ཚར་པ་ཆོས་རྗེ་ཡབ་སྲས་སོགས་མཁས་གྲུབ་བསམ་གྱིས་ཁྱབ་པ་ཞིག་བྱོན་པ་དང་། རྗེ་ཉིད་ཀྱི་དངོས་སློབ་མཁས་གྲུབ་ཁྱུང་པོ་ལྷས་པ་དང་། གོང་གསུམ་པ་ལས་རྒྱལ་བ་ཙོང་ཁ་པ་ཆེན་པོས་གསན་པ་དང་། ཐུགས་སྲས་རིན་པོ་ཆེའི་སློབ་མ་བཀྲ་ཤིས་རིན་ཆེན་ལས་ངོར་ཆེན་རྡོ་རྗེ་འཆང་གིས་གསན་པ་སོགས། ས་དགེ་ཀར་འབྲུག་གི་གྲུབ་མཐའ་ཐམས་ཅད་ལ་རྗེ་འདི་ལས་བརྒྱུད་པའི་དབང་དང་རྒྱུད་བཤད་མན་ངག་གིས་ཁྱབ་པས་བསམ་དཔྱོད་ཀྱི་ཡུལ་ལས་འདས་ཤིང་། དེང་སང་ཡང་རྒྱུད་སྡེ་བཞིའི་སྨིན་གྲོལ་དང་སྒྲུབ་མཆོད་ཀྱི་སྲོལ་མ་ནུབ་པར་བཞུགས་པའི་ཚུལ་མདོ་ཙམ་བརྗོད་ན། ཐོག་མར་རྣལ་འབྱོར་ཆེན་པོ་བླ་མེད་པའི་རྒྱུད་ལ། ཐབས་དང་། ཤེས་རབ། གཉིས་སུ་མེད་པའི་རྒྱུད་གསུམ་ལས། དང་པོ་གཉིས་སུ་མེད་པའི་རྒྱུད་ལ། དཔལ་དུས་ཀྱི་འཁོར་ལོ་སྐུ་གསུང་ཐུགས་ཡོངས་རྫོགས་ཀྱི་དཀྱིལ་འཁོར་ལྷ༦༣༤། ཐུགས་གཙོ་བོར་སྟོན་པའི་དཀྱིལ་འཁོར། དུས་འཁོར་སྡོམ་ཆེན་ལྷ༧༢། གཉིས་པ་ཤེས་རབ་གཙོ་བོར་སྟོན་པའི་རྒྱུད་ལ། རིགས་དྲུག་ཆ་མཉམ་དུ་སྟོན་པ་ཧེ་རུ་ཀའི་རིགས། རྣམ་སྣང་གི་རིགས། རྡོ་རྗེ་ཉི་མའི་རིགས། པདྨ་ཀ་ར་དབང་གི་རིགས། རྟ་མཆོག་གི་རིགས། རྡོ་རྗེ་འཆང་གི་རིགས་དང་དྲུག་ལས། དང་པོ་ནི། དཔལ་སངས་རྒྱས་ཐམས་ཅད་མཉམ་པར་སྦྱོར་བ་རིགས་དྲུག་བསྡུས་པའི་དཀྱིལ་འཁོར་ལྷ༥༡། གཉིས་པ་ནི། གྲུབ་ཆེན་ལཱུ་ཧི་པའི་ལུགས་ཀྱི་བདེ་མཆོག་འཁོར་ལོ་ལྷ༦༢། གྲུབ་ཆེན་ནག་པོ་པའི་ལུགས་ཀྱི་བདེ་མཆོག་ལྷ༦༢། གྲུབ་ཆེན་རྡོ་རྗེ་དྲིལ་བུ་པའི་ལུགས་ཀྱི་བདེ་མཆོག་ཕྱི་དཀྱིལ་ལ་ལྷ་ལྔ། ལུས་དཀྱིལ་དང་བཅས་པ། སློབ་དཔོན་ལྭ་བ་པའི་ལུགས་ཀྱི་བདེ་མཆོག་སྦྱངས་པའི་ཡོན་ཏན་བཅུ་གཉིས་ཀྱི་དཀྱིལ་འཁོར་ལྷ༡༣། སློབ་དཔོན་པདྨ་བཛྲ་གྱི་ལུགས་ཀྱི་འཁོར་ལོ་བདེ་མཆོག་སྤྱན་རས་གཟིགས་པདྨ་དྲྭ་བ་ལྷ༢༠། འཁོར་ལོ་བདེ་མཆོག་འདུས་པ་འཕགས་ལུགས་དང་མཐུན་པར་བཤད་པ་སྡོམ་པ་འབྱུང་བ་ལྷ༡༢། ༡༣གྲུབ་ཆེན་འདི་བརྒྱུད་པདྨའི་རིགས་བདེ་ཆེན་རལ་གཅིག་མའི་དབང་ཀ་ཆད་པས་དེའི་ཚབ་ཏུ་གསར་བཙུགས། ནཱ་རོ་པའི་ལུགས་ཀྱི་མཁའ་སྤྱོད་རྡོ་རྗེ་རྣལ་འབྱོར་མ་སྟེ་བདེ་མཆོག་གི་སྐོར་དང་། དཔལ་བིར་ཝ་པའི་ལུགས་ཀྱི་ཀྱེ་རྡོར་མན་ངག་ལུགས༩། གྲུབ་ཆེན་ཀུ་ཀུ་རི་པས་ལེགས་པར་བཀྲལ་བའི་རྔོག་དཀྱིལ་བདུན་གྱི་ཡ་གྱལ་མ་ཧཱ་མ་ཡ་ལྷ་ལྔ་རྣམས་སོ། །གཉིས་པ་ནི། གྲུབ་ཆེན་འཕགས་པ་ལྷའི་ལུགས་ཀྱི་དཔལ་རྡོ་རྗེ་གདན་བཞི་ལྷ་མང་། ལྔ་པ་ནི། སློབ་དཔོན་ཉི་མ་སྦས་པའི་ལུགས་ཀྱི་སྒྲོལ་མ་ལྷ་བཅུ་བདུན་མ་ཕྱི་དཀྱིལ་དང་། ལུས་དཀྱིལ་གཉིས་སོ། །གསུམ་པ་ཐབས་གཙོ་བོར་སྟོན་པའི་རྒྱུད་ལ། མི་བསྐྱོད་པ། རྣམ་སྣང་། རིན་འབྱུང་། འོད་དཔག་མེད། དོན་གྲུབ། རྡོ་རྗེ་འཆང་གི་རིགས་དང་དྲུག་ཏུ་གསུངས་པའི་དང་པོ་ནི། འཕགས་པ་ཀླུ་སྒྲུབ་ཀྱི་གསང་འདུས་མི་བསྐྱོད་པ་ལྷ༣༢། སློབ་དཔོན་སངས་རྒྱས་ཡེ་ཤེས་ཞབས་ཀྱི་ལུགས་སྲོལ་གསང་འདུས་འཇམ་དཔལ་རྡོ་རྗེ་ལྷ༡༩། ཇོ་བོ་ཨ་ཏི་ཤའི་ལུགས་ཀྱི་གསང་འདུས་སྤྱན་རས་གཟིགས་ལྷ༡༩། མི་བསྐྱོད་པའི་རིགས་ཀྱི་ཁྲོ་བོ་གྲུབ་ཆེན་པ་བ་རི་བའི་ལུགས་ཀྱི་ཕྱག་ན་རྡོ་རྗེ་འཁོར་ཆེན་ལྷ་༡༨རྣམས་སོ། །གཉིས་པ་ནི། གྲུབ་ཆེན་བིར་ཝ་པའི་ལུགས་ཀྱི་གཤེད་དམར་ལྷ་ལྔ། གྲུབ་ཆེན་དཔལ་འཛིན་གྱི་ལུགས་ཀྱི་གཤེད་དམར་ལྷ༡༢། རྭ་ལུགས་ཀྱི་གཤིན་རྗེ་གཤེད་དགྲ་ནག་ལྷ༡༣། རྭ་ལུགས་རྡོ་རྗེ་འཇིགས་བྱེད་དཔའ་བོ་གཅིག་པ་ཕྱག་མཚན་སོ་གཉིས་ཀྱིས་བསྐོར་བའི་དཀྱིལ་འཁོར། རྭ་ལུགས་ཐུན་མོང་མ་ཡིན་པ་འཇིགས་བྱེད་ལྷ༡༣། རྭ་ལུགས་གཤིན་རྗེ་གཤེད་གདོང་དྲུག་ལྷ་༢༡རྣམས་སོ། །གཉིས་པ་རྣལ་འབྱོར་གྱི་རྒྱུད་ལ། ཐབས་གཙོ་བོར་སྟོན་པ་དང་། ཤེས་རབ་གཙོ་བོར་སྟོན་པའི་རྒྱུད་གཉིས་ཀྱི། དང་པོ་ལའང་། རྩ་བརྒྱུད། བཤད་རྒྱུད། འཕྲོས་རྒྱུད། ཆ་མཐུན་གྱི་རྒྱུད། ཡན་ལག་གི་རྒྱུད་དང་ལྔར་གསུངས་པའི། དང་པོ་ནི། དེ་བཞིན་གཤེགས་པ་ཐམས་ཅད་ཀྱི་དེ་ཁོ་ན་ཉིད་བསྡུས་པའི་རྒྱུད་ཆེན་པོ་སྟེ། དེ་ལ་ནང་གསེས་སུ་དུམ་བུ་བཞི་ལས། དུམ་བུ་དང་པོ་འདོད་ཆགས་ཅན་གྱི་འདོད་ཆགས་འདུལ་བའི་ཕྱིར་བསྟན་པ་དེ་བཞིན་གཤེགས་པའི་རིགས་རྡོ་རྗེ་དབྱིངས་ཀྱི་དཀྱིལ་འཁོར་ལ། རྡོར་དབྱིངས་རྩ་ལུགས་ཀྱི་དཀྱིལ་འཁོར་ལྷ༣༠། འགྲེལ་ཆེན་དེ་ཉིད་སྣང་བའི་ལུགས་ཀྱི་དཀྱིལ་འཁོར་ལྷ༡༠༣༧། དུམ་བུ་གཉིས་པ་ཁྲོ་བས་ཁྲོ་བ་སྤངས་པའི་ཕྱིར་བསྟན་པ་རྡོ་རྗེའི་རིགས་ཁམས་གསུམ་རྣམ་རྒྱལ་གྱི་དཀྱིལ་འཁོར་ལྷ༡༠༣༧། གཉིས་པ་ནི། བཤད་རྒྱུད་རྡོ་རྗེ་རྩེ་མོ་ནས་གསུངས་པའི་གསང་བ་མཆོད་ཆེན་རིགས་ཐམས་ཅད་བསྡུས་པའི་དཀྱིལ་འཁོར་བཅུ་ལ་ལྷ་གྲངས༡༢༧༡། གསུམ་པ་ནི། རྩ་རྒྱུད་དུམ་བུ་གསུམ་པའི་ངན་འགྲོ་དགུག་ཅིང་སྡིག་པ་བྲལ་བ་ལས་འཕྲོས་པའི་ཀུན་རིག་རྣམ་པར་སྣང་མཛད་ཀྱི་དཀྱིལ་འཁོར་རྩ་བའི་ལྷ༣༧། ངན་སོང་ཐམས་ཅད་ཡོངས་སུ་སྦྱོང་བ་གཟི་བརྗིད་ཀྱི་རྒྱལ་པོའི་བརྟག་པ་ཕྱོགས་གཅིག་པ་ལས་གསུངས་པའི། ཤཱཀྱ་སེང་གེ་གཙུག་ཏོར་དགུ་པའི་དཀྱིལ་འཁོར་ལྷ༣༧། དཔལ་ཕྱག་ན་རྡོ་རྗེ་འཆི་བདག་འཇོམས་པའི་དཀྱིལ་འཁོར་ལྷ༡༣། ངན་འགྲོ་ཐམས་ཅད་ཡོངས་སུ་སྦྱོང་བ་བཅོམ་ལྡན་འདས་རྡོ་རྗེ་མི་འཁྲུགས་པ་ལྷ་༡༣གྱི་དཀྱིལ་འཁོར་རྣམས་སོ། །བཞི་པ་ནི། ཤེས་རབ་གཙོ་བོར་སྟོན་པའི་རྒྱུད་དམ། ཆ་མཐུན་གྱི་རྒྱུད་དཔལ་མཆོག་དང་པོ་ལས་གསུངས་པའི་རིགས་ཐམས་ཅད་བསྡུས་པའི་དཀྱིལ་འཁོར་བཅུ་བཞི་ལྷ་དང་༣༣༩། རིགས་རྐྱང་པ་རྡོ་རྗེ་སེམས་དཔའི་དཀྱིལ་འཁོར་གཉིས་སོ། །ལྔ་པ་ནི། འཇམ་དཔལ་སྒྱུ་འཕྲུལ་དྲྭ་བ་མཚན་ཡང་དག་པར་བརྗོད་པ་རྣལ་འབྱོར་གྱི་རྒྱུད་དུ་བཀྲལ་བའི་སྐོར་ཏེ། དེ་ཡང་ཆེ་བ་སློབ་དཔོན་འཇམ་དཔལ་གྲགས་པས་བཀྲལ་བ་ཆོས་དབྱིངས་གསུང་ནམ་མཁའ་འདྲི་མེད་ཆེ་བ། གི་དབང་ཕྱུག་ལྷ༢༢༩། འབྲིང་པོ་སློབ་དཔོན་སྒེག་པའི་རྡོ་རྗེས་བཀྲལ་བའི་འཇམ་དཔལ་གསང་ལྡན་ནམ་འཇམ་དཔལ་ཡོན་ཏན་ཀུན་འབྱུང་གི་དཀྱིལ་འཁོར་ལྷ༡༥། ཆུང་བ་སློབ་དཔོན་འཇམ་དཔལ་བཤེས་གཉེན་གྱིས་བཀྲལ་བའི་འཇམ་དཔལ་ནམ་མཁའ་དྲི་མེད་ཆུང་བའང་ཟེར། རིགས་བསྡུས་རྣམས་འདི་ཡི་འཇམ་དཔལ་གོང་འོག་གཉིས་ཀྱི་དབང་རྒྱུན་མེད། སོ། །དེ་དག་ལས་རྡོ་རྗེ་རྩེ་མོ་ནི། ཟངས་དཀར་ལུགས་དང་། ཀུན་རིག་གཙུག་དགུ་གཉིས་སྟོད་ལུགས་སམ་ཇོ་བོ་ལུགས་དང་། སྨད་ལུགས་སམ་ལོ་ཆེན་ལུགས་གཉིས་ཀ་ཡོད་ཅིང་། མི་འཁྲུགས་པ་དང་ཕྱག་རྡོར་འཆི་འཇོམས་གཉིས་ཇོ་ལུགས་དང་འཇམ་དཔལ་ནམ་མཁའ་དྲི་མེད་ཆུང་བ་དཀོན་དབང་ཕྱུག་བློ་གྲོས་ནས་བརྒྱུད། འཇམ་དཔལ་གསང་ལྡན་སྨྲི་ཏི་ནས་རྔོག་གི་ཕྱོགས་སུ་བཀའ་བབས་པ་ཡིན་ལ། གཞན་རྣམས་ལོ་ཆེན་རིན་བཟང་ལས་བརྒྱུད་པ་ཁོ་ནའོ། །གསུམ་པ་སྤྱོད་པའི་རྒྱུད་ལ་དེ་བཞིན་གཤེགས་པ་དང་། པདྨ་དང་། རྡོ་རྗེའི་རིགས་གསུམ་ལས། དང་པོ་ནི། རྡོ་རྗེ་གདན་པ་ནས་བ་རི་ལོ་ཙཱ་བ་ལ་བརྒྱུད་པའི་རྣམ་པར་སྣང་མཛད་མངོན་པར་བྱང་ཆུབ་པའི་རྒྱུད་ལས་གསུངས་པའི་དཀྱིལ་འཁོར་ལྷ༡༡༩། གཉིས་པ་ནི། སྐབས་འདིར་མི་འབྱུང་ལ། གསུམ་པ་ནི། ཕྱག་རྡོར་འགྲོ་བཟང་ལུགས་དང་། རྣམ་འཇོམས་དཀར་པོ་སོགས་སྦྱོང་རྒྱུད་དུ་བཞེད་པ་ལྟར་ན་འདིར་དྲང་བར་བྱའོ། །བཞི་པ་བྱ་བའི་རྒྱུད་ལ། དེ་བཞིན་གཤེགས་པ་དང་། པདྨ་དང་། རྡོ་རྗེ་དང་། ནོར་ཅན་དང་། ལྔ་རྩེན་དང་། འཇིག་རྟེན་པའི་རིགས་ཏེ་སྒོ་དྲུག་ལས། དང་པོ་ལའང་རིགས་ཀྱི་གཙོ་བོ་སོགས་བརྒྱད་ཀྱི། དང་པོ། རིགས་ཀྱི་གཙོ་བོ་ཐུབ་པ་གནས་བརྟན་བཅུ་དྲུག་གིས་བསྐོར་བའི་དཀྱིལ་འཁོར། མཁན་པོ་བོ་དྷི་ས་ཏྭས་མཛད་པའི་སྨན་བླ་བདེ་གཤེགས་བརྒྱད་ལ་མཆོད་ཅིང་གསོལ་བ་གདབ་པའི་ཚོམ་བུའི་དཀྱིལ་འཁོར། འཕགས་པ་འོད་ཟེར་དྲི་མེད་ལས་གསུངས་པའི་ཐུབ་དབང་ལྷ་བདུན་གྱི་དཀྱིལ་འཁོར། གཉིས་པ་རིགས་ཀྱི་ཡུམ་ནི། རྡོ་རྗེ་གདན་པ་ནས་བ་རི་ལོ་ཙཱ་བ་ལ་བརྒྱུད་པའི་སྲུང་བ་ལྷ་ལྔ་ལྷ༥༡། གསུམ་པ་རིགས་ཀྱི་གཙུག་ཏོར་ལ། རྡོ་རྗེ་གདན་པ་ནས་བ་རི་ལོ་ཙཱ་བ་བརྒྱུད་པའི་གཙུག་ཏོར་གདུགས་དཀར་གྱི་དཀྱིལ་འཁོར་ལྷ། འཕགས་པ་གཙུག་ཏོར་དྲི་མེད་ཀྱི་དཀྱིལ་འཁོར་ལྷ་མང་། རྣམ་རྒྱལ་ལྷ་མང་། གཉིས་པ་པདྨའི་རིགས་ལ་རིགས་ཀྱི་གཙོ་བོ་སོགས་ལྔ་ལས། རིགས་ཀྱི་གཙོ་བོ་རྡོ་རྗེ་གདན་པ་ནས་བ་རི་ལོ་ཙཱ་བ་ལ་བརྒྱུད་པའི་ཚེ་དཔག་མེད་འཆི་མེད་རྔ་སྒྲ་ལྷ༩། རིགས་ཀྱི་བདག་པོ་འཕགས་པ་སྤྱན་རས་གཟིགས་དོན་ཡོད་ཞགས་པ་ལྷ༢༥། གསུམ་པ་རྡོ་རྗེའི་རིགས་ལ། རིགས་ཀྱི་གཙོ་བོ་སོགས་ལྔ་ལས་རིགས་ཀྱི་གཙོ་བོ་སློབ་དཔོན་འབྲོ་བཟང་སྙིང་པོའི་ལུགས་ཀྱི་དཔལ་ཕྱག་ན་རྡོ་རྗེ་ལྷ༢༡། གྲུབ་ཆེན་པ་བ་རི་བའི་ལུགས་ཀྱི་རྣམ་འཇོམས་དཀར་པོ་ལྷ་བཅོ་ལྔ་ལ། སྒོ་བ་བཞི་བསྣན་པའི་ལྷ་བཅུ་དགུ་པའི་དཀྱིལ་འཁོར། ནོར་བུའི་རིགས་ལ། ཆོས་སྐྱོང་ཆེན་པོ་རྣམ་ཐོས་སྲས་ཀྱི་གཏོར་སྒྲུབ་བཅས་སོ། །དེ་ལྟར་ཡང་བླ་མེད་ཀྱི་རྒྱུད་ལ་དཀྱིལ་འཁོར་ཉེར་བརྒྱད། རྣལ་འབྱོར་གྱི་རྒྱུད་ལ་བཅུ་གསུམ། སྤྱོད་རྒྱུད་ལ་གཅིག །བྱ་རྒྱུད་ལ་བཅུ་གཉིས་ཏེ་དཀྱིལ་འཁོར་ལྔ་བཅུ་རྩ་གསུམ་སྟེ། དེ་རྣམས་ཀྱི་དབང་རྗེས་གནང་ལུང་མན་ངག་དང་བཅས་པ་དང་། སྒྲུབ་མཆོད་ཀྱི་རྒྱུན་རྣམས་སུ་བཞུགས་ཤིང་། བུ་ལུགས་ཀྱི་ཁྲིད་ཆེན་རིམ་ལྔ། སྤྲོས་མེད། ངལ་བསོ། སྦྱོར་དྲུག་བཞི། བཞི་ཞེས་གྲགས་པ་ལས། གསང་འདུས་རིམ་ལྔ་དང་། གཤེད་དམར་སྤྲོས་མེད་ཀྱི་ཁྲིད། ཁྲིད་ཆུང་བཞི་ལས། སྙིང་པོ་དོན་གསུམ་དང་ཚེམ་བུ་དམར་ཁྲིད། གཞན་ཡང་ར་ཁྲིད་མཁའ་འགྲོའི་སྙན་བརྒྱུད་སོགས་ཁྲིད་བཀའ་དང་། བུ་སྟོན་རིན་པོ་ཆེའི་བཀའ་འབུམ་སྔགས་ཕྱོགས་སྐོར་པོད༡༨། ཐུགས་སྲས་ལོ་ཙཱ་བའི་བཀའ་འབུམ་པོད་༢བཅས་ཀྱི་ལུང་། ཆོས་སྐྱོང་སྐོར་ལ་རྒྱལ་པོ་རྣམ་ཐོས་སྲས་བཀའ་བཅོ་ལྔ། གླེགས་བམ་གཉིས་ཀྱི་ལུང་། མགོན་པོ་བིང་དམར་གྱི་རྗེས་གནང་། ལྷ་མོ་རྡོ་རྗེ་རབ་བརྟན་མའི་རྗེས་གནང་ཐུན་མོང་དང་། ཐུན་མོང་མ་ཡིན་པ་དང་། སྒྲུབ་སྐོར་གྱི་ལུང་སོགས་བཞུགས་སོ། །དཔལ་ཞྭ་ལུ་པའི་གདན་རབས་སོགས་རྒྱས་པར་རྟོགས་པར་འདོད་ན། ཀུན་མཁྱེན་བུ་སྟོན་རིན་པོ་ཆེའི་རྣམ་ཐར་ལེ་ཚན་དང་། མཆོག་སྤྲུལ་རིན་པོ་ཆེ་བློ་གསལ་བསྟན་སྐྱོང་གིས་མཛད་པའི་གདན་རབས་གླེགས་བམ་སོགས་ལས་ཤེས་པར་བྱ་ཞིང་། རྒྱུད་སྡེའི་བྱུང་ཚུལ་སོགས་ཀྱང་། ཀུན་མཁྱེན་བུ་སྟོན་རིན་པོ་ཆེའི་རྒྱུད་སྡེ་སྤྱིའི་རྣམ་བཞག་ཆེ་འབྲིང་ཆུང་གསུམ་དང་། བདེ་གསང་དུས་གསུམ་ཡོ་ག་དང་བཅས་པའི་ཆོས་འབྱུང་རྣམས་ལས་ཤེས་པར་བྱའོ། ། ༈ བོ་དོང་ཨེ་ནི། ཐོག་མར་བཀའ་གདམས་པའི་དགེ་བཤེས་མུ་ཏྲ་ཆེན་པོས་ས་གླང་ལོར་བཏབ། ཕྱིས་དཔང་ལོ་བློ་གྲོས་བརྟན་པ། དེའི་དབོན་ལོ་ཆེན་བྱང་ཆུབ་རྩེ་མོ། དེའི་དབོན་ལོ་ཆེན་གྲགས་པ་སོགས་མཁས་གྲུབ་ཆེན་པོ་མང་དུ་བྱོན། ཁྱད་པར་གྲགས་པའི་དབོན་པོ་བོ་དོང་ཕྱོགས་ལས་རྣམ་རྒྱལ་ལམ། འཇིགས་བྲལ་ཆོས་ཀྱི་རྒྱལ་མཚན་ནི་སྒྲ་དབྱངས་ལྷ་མོས་རྗེས་སུ་བཟུང་བས་རིག་པའི་གནས་མཐའ་དག་ཐོགས་པ་མེད་པར་སྨྲ་པའི་མ་ཧཱ་པཎྜི་ཏར་གྱུར། གངས་ལྗོངས་མཁས་པ་ཕལ་ཆེར་རྩོད་པས་ཕམ་པར་བྱས། རྡོ་རྗེ་སེམས་དཔའ་དང་། རྡོ་རྗེ་ཕག་མོ་སོགས་དཀྱིལ་འཁོར་གྱི་གཙོ་བོ་རྣམས་ཀྱིས་གསང་བའི་མཛོད་ཆེན་པོ་བྱིན་པས་དེ་ཉིད་འདུས་པ་ཆེན་པོ་སོགས་བསྟན་བཅོས་པོད་བརྒྱ་ཕྲག་ཐལ་པ་མཛད་ཅིང་གསུང་ལས་སྐྱེས་པའི་སློབ་མ་ཡང་། བཟོ་རིག་པ་ནས་བསྟན་པ་ཡོངས་རྫོགས་ཀྱི་བར་བཀའ་བབས་ཉི་ཤུ་རྩ་གསུམ། འཁོན་གྱི་གདུང་བརྒྱུད་གསུམ། སྔགས་འཆང་ཆེན་པོ་གཅིག མཁས་གྲུབ་གཉིས། ལོ་ཆེན་གསུམ་སོགས་ནས། བཀའ་བཅུ་སྨྲ་བ་སྟོང་ཕྲག་གཅིག །བཀའ་བཞི་སྨྲ་བ་སྟོང་ཕྲག་ཟུང་། ཕར་ཚད་ཤེས་པའི་སློབ་མ་ཁྲི་ཕྲག་བརྒལ་བ་སོགས་བྱོན་པར་གྲགས་ཤིང་། ཕྱིས་དཔལ་མོ་ཆོས་སྡིངས་སུ་ཕྲིན་ལས་སྐྱོང་། གྲུབ་མཐའི་ཁས་ལེན་ཅུང་མི་འདྲ་བ་མང་དུ་མཛད་པས་བོ་དོང་པའི་ལུགས་ཞེས་གྲགས། དེང་སོང་གདན་ས་དངོས་སུ་ཆོས་རྒྱུན་སོགས་ཆེར་མི་བཞུགས་ཀྱང་། ལོ་རོར་རྗེ་ཉིད་ཀྱི་རྣམ་འཕྲུལ་སྦྱོར་ར་ཐམས་ཅད་མཁྱེན་པ་རིམ་བྱོན་དང་། ཡར་འབྲོག་བསམ་སྡིངས་སུ་རྡོ་རྗེ་ཕག་མོ་རིམ་བྱོན་སོགས་ཀྱིས་བཟུང་སྟེ་ཆོས་རྒྱུན་འགའ་ཞིག་ཡོད་དོ།། །། ༈ ཤངས་ཞང་ཞང་རྡོ་རྗེ་གདན་ནི། སྐུ་གསང་བ་འདུས་པ། གསུང་མ་ཧཱ་མཱ་ཡ། ཐུགས་དགྱེས་པ་རྡོ་རྗེ། ཡོན་ཏན་འཁོར་ལོ་སྡོམ་པ། ཕྲིན་ལས་རྡོ་རྗེ་འཇིགས་མཛད་དེ་རྒྱུད་སྡེ་ལྔ་ཡི་ངོ་བོར་བཞུགས་པ་མཁས་གྲུབ་ཁྱུང་པོ་རྣལ་འབྱོར་བརྩོན་འགྲུས་མགོན་ཞེས་གྲགས་པ་དེ་ཉིད་དང་པོར་བོན་གྱི་སྒོར་ཞུགས། བར་དུ་རིམ་པར་རྫོགས་ཆེན་དང་ཕྱག་ཆེན་སྦྱངས། མཐར་དེས་ཀྱང་ཐུགས་མ་ཚིམ་པར་འཕགས་པའི་ཡུལ་དུ་བྱོན་ནས། ཡེ་ཤེས་ཀྱི་མཁའ་འགྲོ་ནི་གུ་མ། སུ་ཁ་སི་དྡྷི། མེ་ཏྲི་པ། རྡོ་རྗེ་གདན་པ་སོགས་པཎ་གྲུབ་བརྒྱ་དང་ལྔ་བཅུའི་ཐུགས་ཀྱི་དགོངས་པ་བླངས་ནས་གངས་ཅན་དུ་ཕེབས་ཏེ་གླང་ཐང་པ་རྡོ་རྗེ་སེང་གེ་ལས་རབ་ཏུ་བྱུང་། སྐུ་ཚེའི་སྨད་ལ་ལོ་གཅིག་གི་ནང་དགོན་གནས་བརྒྱ་རྩ་གཅིག་བཏབ་པའི་ཡ་གྱལ་ཏེ། ཤངས་པ་བཀའ་བརྒྱུད་ཀྱི་འབྱུང་གནས་ལྟ་བུ་ཡིན་ཡང་། དེང་སང་ནི་སྐུ་འདྲ་རིན་པོ་ཆེ་བྱིན་ཅན་ཙམ་ལས་བརྒྱུད་འཛིན་སོགས་མི་སྣང་། ཆོས་བརྒྱུད་ནི། རྡོ་རྗེ་འཆང་༡། ནི་གུ་མ༢། ཁྱུང་པོ༣། དེ་ཡི་སློབ་མ་ཁྲི་བརྒྱད་དུ་ལོངས་པར་བྱུང་བར་གྲགས་པའི་གཙོ་བོ་གྲུབ་ཐོབ་རྨོག་ལྕོག་པ་རིན་ཆེན་བརྩོན་འགྲུས། དེ་ནས། དབོན་སྟོན་སྐྱེར་སྒང་པ་ཆོས་ཀྱི་སེང་གེ༥། སངས་རྒྱས་གཉན་སྟོན་སྦས་པའི་རྣལ་འབྱོར་ཆོས་ཀྱི་ཤེས་རབ༦། འགྲོ་མགོན་སངས་རྒྱས་སྟོན་པ་བརྩོན་འགྲུས་སེངྒེ་༧རྣམས་ལ་དཔལ་ཤངས་པ་བཀའ་བརྒྱུད་པའི་བརྒྱུད་པ་རིན་པོ་ཆེ་སྣ་བདུན་དུ་གྲགས་ཤིང་། གདམས་པ་ཕལ་ཆེར་ཡང་ཆིག་བརྒྱུད་དུ་བཞུགས། སངས་རྒྱས་གཉན་སྟོན་པས་ཁྱབ་བདལ་དུ་སྤེལ་བས་ཤངས་འཇག་པ་ཚུལ་ཁྲིམས་མགོན་དང་། ཉང་བསམ་སྡིངས་པ་གཞོན་ནུ་གྲུབ་སོགས་མཁས་ཤིང་དངོས་གྲུབ་བརྙེས་པ། སྒྱུ་ལུས་དང་རྨི་ལམ་ལ་རང་དབང་ཐོབ་པ་མང་དུ་བྱོན། གྲུབ་མཐའ་ཐམས་ཅད་ལ་རྒྱུད་འདྲེས་པར་གྱུར། དེ་ལས་བྱུང་བའི་ཆོས་བཀའ་ལ། ནི་གུའི་ཆོས་སྐོར། སུ་ཁའི་ཆོས་སྐོར། རྡོ་རྗེ་གདན་པའི་ཆོས་སྐོར། མཻ་ཏྲི་པའི་ཆོས་སྐོར། རཱ་ཧུ་ལའི་ཆོས་སྐོར་ཏེ་ལྔ་དང་། དེར་མ་འཐུས་པའི་མན་ངག་ཐོར་བུ་དང་བཅས་བསམ་གྱིས་མི་ཁྱབ་པ་ཞིག་མཆིས་ནའང་། དེང་སང་ཆོས་རྗེ་མུས་པ་དང་། བཀའ་བརྒྱུད་སོགས་སུ་ནི་གུའི་སྐོར་གཙོ་བོར་གྱུར་པ་ལ། རྩ་བ་ནི་ནི་གུ་ཆོས་དྲུག །སྡོང་པོ་ཕྱག་རྒྱ་ཆེན་པོ་གའུ་མ། ཡལ་ག་ལམ་ཁྱེར་རྣམ་གསུམ། མེ་ཏོག་མཁའ་སྤྱོད་དཀར་དམར། འབྲས་བུ་ལུས་སེམས་འཆི་མེད། བཀའ་སྲུང་ཡེ་ཤེས་མགོན་པོའི་སྐོར་རྣམས་ཀྱི་སྨིན་གྲོལ་རྒྱབ་བརྟེན་དང་བཅས་པ་ལས། དང་པོ་ལ། ཆོས་དྲུག་གི་སྨིན་བྱེད་ཁོག་ཕུབ་གསུམ། སྒོས་བཀའ་དྲུག །ཕྱག་ཆེན་བཀའ་ལྔ། མཁའ་སྤྱོད་བཀའ་གསུམ། གསང་སྒྲུབ་བཀའ་ལྔ། མགོན་པོ་བཀའ་གཉིས་ལས། དང་པོ་ནི། ཆོས་འཇུག་སྤྱི་ཡི་ཁོག་ཕུབ་རྒྱུད་སྡེ་ལྔ་གཙོ་བོར་གྱུར་པའི་འཇུག་སྒོ་སྒྱུ་ལུས་དབང་མོ་ཆེ༡། བདེ་མཆོག་དབང་བཞི་ལུས་བསྒྲིགས། ལྷ་བཞི་དྲིལ་སྒྲུབ་བཅས། གཉིས་པ་ནི། གཏུམ་མོ་སོགས་ཆོས་དྲུག་སོ་སོའི་དབང་། གསུམ་པ་ནི། ཕྱག་ཆེན་གའུ་མ༡། བླ་མ༢། ཡི་དམ༣། སྒྱུ་ལུས་༤ལམ་ཁྱེར། ལུས་སེམས་༥འཆི་མེད་ཀྱི་དབང་། བཞི་པ་ནི། མཁའ་སྤྱོད་དཀར་མོ༡། དམར་མོ༢། སུམ་ཕྲུགས་༣ཀྱི་དབང་། ལྔ་པ་ནི། བདེ་མཆོག༡ །སྤྱན་རས་གཟིགས༢། ཕྱག་རྡོར༣། རྟ་མགྲིན༤། དྲུག་པ་ནི། ཕྱག་དྲུག་༡པ་དང་། མགོན་དཀར༢། ཞར་བྱུང་སུ་ཁ་སིདྡྷིའི་བྱིན་རླབས་བཅས་སོ།། །།གཉིས་པ་གྲོལ་བྱེད་ཁྲིད་ལ། ཐང་རྒྱལ་མུས་པ་སོགས། དང་། ཇོ་ནང་བཀའ་བརྒྱུད་སོགས། ཏཱ་ར་ནཱ་ཐ་སོགས་ཀྱི་ཡིག་ཆའི་སྟེང་ནས་ཆོས་དྲུག །ཕྱག་ཆེན། ལམ་ཁྱེར་རྣམ་གསུམ། མཁའ་སྤྱོད་དཀར་དམར་གྱི་འཕོ་བ། ལུས་སེམས་འཆི་མེད། བླ་མགོན་དབྱེར་མེད་རྣམས་ཀྱི་ཉམས་ཁྲིད། གསུམ་པ་ལུང་ལ། རྩ་བ་རྡོ་རྗེའི་ཚིག་རྐང་སོགས་གླེགས་བམ་གཅིག་ལྷག་རྣམས་བཞུགས་ཤིང་། གཞན་ཡང་སྔར་སྨོས་པ་ལྟར་དགེ་ལུགས་པའི་ཕྱོགས་ལའང་ཆོས་དྲུག་གི་ཁྲིད་རྒྱུན་ཙམ་དང་། ཁྱད་པར་མགོན་པོ་ཕྱག་དྲུག་པའི་རྗེས་གནང་། ཁྲིད་ལུང་བཅས་རྒྱ་ཆེར་དར་རོ།། །། ༈ ལ་སྟོད་དིང་རི་གླང་འཁོར་ནི། འགྲོ་མགོན་དམ་པ་སངས་རྒྱས་དང་། དེའི་ཐུགས་སྲས་བྱང་ཆུབ་སེམས་དཔའ་ཀུན་དགའ་སོགས་ཀྱིས་བྱིན་གྱིས་བརླབས་པའི་གནས་ཁྱད་པར་ཅན་ཏེ། དེ་ལ་གྲུབ་ཆེན་འདི་ཉིད་ནི། འཕགས་ཡུལ་བཻ་ཏཱ་ཡུལ་གྱི་ཙ་ར་སིདྷར་འཁྲུངས། གྲུབ་ཐོབ་ཕོ་མོ་ལྔ་བཅུ་རྩ་དྲུག་ལས་གདམས་ངག་གི་སྒྲོ་འདོགས་བཅད། ཐུགས་དམ་བདེ་གཤེགས་བཅུ་གཉིས་དང་། ངོ་མཚར་མཁའ་སྤྱོད་ཀྱི་བླ་མ་སུམ་ཅུ་རྩ་དྲུག་གི་ཡེ་ཤེས་ཀྱི་སྐུས་རྗེས་སུ་བཟུང་། ཐུན་མོང་གི་དངོས་གྲུབ་ཆེན་པོ་བརྒྱད་དང་། མཆོག་གི་དངོས་གྲུབ་མཐོང་ལམ་ཆེན་པོ་མངོན་དུ་གྱུར། བོད་དུ་ལན་ལྔ་བྱོན་པའི་དུས། གསུམ་པ་ལ་ཁ་ཆེ་ཛྙཱ་ན་གུ་ཧྱ་ལ་ཞི་བྱེད་སྒྲོན་མའི་སྐོར་གསུམ་སོགས་གསུངས། དེ་དང་དམ་པ་གཉིས་ཀས་རྗེ་བཙུན་ལོང་པོ་ལོ་ཙཱ་དང་། ཁ་ཆེ་པུ་ཧྲང་ལོ་ཆུང་ལ་གསུངས་པ་སོགས་བརྒྱུད་པ་སྔ་མ་དང་། བཞི་པར། རྨ་ཆོས་ཀྱི་ཤེས་རབ་ལ་ཕྱག་ཆེན། སོ་ཆུང་དགེ་འདུན་འབར་ལ་རིགས་པ་གཅེར་མཐོང་། ཀམ་ཚུལ་ཁྲིམས་རྒྱལ་མཚན་ལ་རྟོགས་པ་ལམ་ཁྱེར་གྱི་གདམས་ངག་གནང་བས་མཚོན་རྨ་སོ་ཀམ་གསུམ་གྲངས་དང་། ལྕེ་དང་། ལྗགས་ལུགས་གསུམ། ཕྲན་དང་བཅས་པ་ལ་བརྒྱུད་པར་བར་མ། ལྔ་པར་དམ་པ་ཕྱར་ཆེན། ཕྱར་ཆུང་བཛྲ་ཀྲོ་དྷཱ། ཀུན་དགའ་བཞི་ལ་གདམས་པ་སོ་སོར་གནང་། གཞན་ཡང་མ་ཇོ་ཉི་ཤུ་རྩ་བཞི་སོགས་གྲུབ་པའི་སྐྱེས་བུ་ནམ་མཁའི་སྐར་ཚོགས་ཙམ་བྱོན་པ་བརྒྱུད་པ་ཕྱི་མ་སྟེ། དེ་ལས་ཀྱང་སྐྱེ་བ་ལྔར་དམ་པས་རྗེས་སུ་བཟུང་ཞིང་། ང་དང་དགོངས་པ་མཉམ་པ་ཀུན་དགའ་ཡིན། །ཞེས་བསྔགས་པ་ཆིག་བརྒྱུད་སྦས་པའི་གཏེར་མཛོད་དམ་པ་ཀུན་དགའ་ནས་རིམ་པར་པ་ཚབ་སྒོམ་པ་རྒྱལ་བ་ཏེ་ནེ། རོག་ཤེས་རབ་སེང་གེ་སྐུ་མཆེད་སོགས་བརྒྱུད་ཤིན་ཏུ་དར་བ་བྱུང་ཡང་། དེང་སང་ནི་བརྒྱུད་ལ་ཕྱི་མའི་སྐོར་ལས། ཚོགས་ལམ་བློ་སྦྱང་སྦྱོར་ལམ་དཀའ་ཐུབ། མཐོང་ལམ་བློ་བྲལ། སྒོམ་ལམ་རོ་སྙོམས། མཐར་ལམ་བདག་བསྟོད་དང་བཅས་པའི་ལམ་ལྔའི་དབང་རྒྱས་པ། འབྲིང་པོ་ལམ་གསུམ་གཞུང་མ། བསྡུས་པ་དབང་རྣོན་ཀུ་སཱ་ལའི་རྣལ་འབྱོར་གྱི་དབང་། རྟེན་འབྲེལ་སྔོན་དུ་བདག་པོ་བསྟོད་པ་ཞེས་བྱ་བ་དམ་པ་ཕྱི་ནང་གསང་གསུམ་གྱི་བླ་སྒྲུབ་བྱིན་རླབས། ཐུགས་དམ་བདེ་གཤེགས་བཅུ་གཉིས་ཀྱི་དབང་། བདེ་མཆོག་བཅུ་གསུམ་མ། ཕག་མོ་ཕྱི་སྒྲུབ་ལྷ་དགུ། ནང་སྒྲུབ་ཞལ་གཉིས་མ། གསང་སྒྲུབ་ཁྲོས་ནག །བདུད་རྩི་བུམ་པ་རྣམས་ཀྱི་དབང་། ཆོས་སྐྱོང་ཡེ་ཤེས་ཀྱི་མགོན་པོ་ཨ་གྷོ་ར་སྐྲག་མེད། གསང་སྒྲུབ་དམར་ནག་གི་དབང་བཀའ་རྒྱ་མ། ཕྱི་སྒྲུབ་ཐུན་མོང་བ། ཞིང་སྐྱོང་ཀུན་ཏུ་རི་ཀ་དང་། ཨ་པ་ར་ཙིཏྟ་སོགས་ཀྱི་རྗེས་གནང་དང་། མཁྱུད་དཔྱད་དཀར་ནག་ཁྲ་གསུམ་གྱི་ལུང་སོགས་ཐོར་བུ་ཙམ་ལས། གྲུབ་མཐའི་རྐང་འཛིན་པ་དང་ཆོས་བརྒྱུད་སོགས་རྒྱ་ཆེར་མི་སྣང་ངོ་།། །། ༈ ངོམ་ཤོད་ཟངས་རི་མཁར་དམར་གྱི་ཕུག་པར། མ་གཅིག་ལབ་ཀྱི་སྒྲོན་མས་སྐུ་ཚེའི་སྨད་དུ་ཡུན་རིང་བཞུགས་ཤིང་། གདུལ་བྱ་དཔག་ཏུ་མེད་པའི་དོན་མཛད་པ་དང་སྲས་སྙིང་པོ་གྲུབ་པས་གཡེ་ཆུང་གླང་ལུང་དགོན་པ་བཟུང་བ་སོགས་ཕྱོགས་དེར་གཅོད་ཡུལ་གྱི་བསྟན་པ་དར་བ་བྱུང་མོད། དེང་སང་ནི་གདན་ས་དངོས་སུ་ཆོས་བརྒྱུད་འཛིན་པ་དམིགས་བསལ་མེད་ཀྱང་། གདམས་ངག་གི་རྒྱུན་ནི་གྲུབ་མཐའ་ཐམས་ཅད་ལ་ཁྱབ་པར་གྱུར་ཏེ། སྤྱིར་དམ་པས་ཡར་ལུང་སྨ་ར་སེར་པོ་དང་། སྐྱོ་སྟོན་བསོད་ནམས་བླ་མ་ལ་བཤད་པར་ཕོ་གཅོད་དང་། མ་གཅིག་གིས་དམ་པ་དང་སྐྱོ་སྟོན་གཉིས་ཀ་ལས་གསན་ནས་བརྒྱུད་པ་ལ་མོ་གཅོད་ཅེས་གྲགས་པ་ལས། ཡུམ་ཆེན་མོ་ཤེས་རབ་ཀྱི་ཕ་རོལ་ཏུ་ཕྱིན་མ་དང་དབྱེར་མེད་པའི་ཡེ་ཤེས་ཌཱ་ཀི་འདི་ཉིད་ནི་ཡུལ་གཡེལ་བ། གྲོང་འདབ་གྲོང་མ་ཚེ་མོར་མོར་རུས་ཁེའུ་གད་ཀྱི་རིགས་སུ་འཁྲུངས། གྲྭ་པ་མངོན་ཤེས་དབང་ཕྱུག་འབར་ལས་རབ་ཏུ་བྱུང་། ཤེར་ཕྱིན་ཀློག་པས་སྟོང་ཉིད་ཀྱི་ལྟ་བ་གཤའ་མར་སྐྱེས། ཅེར་གྲོང་ཐོད་པ་འབབ་རེ་བྱ་བ་དང་འདུས་པས་སྲས་ལྕམ་སྲིང་ལྔ་འཁྲུངས། སླར་ཡང་རབ་ཏུ་བྱུང་ནས་དགུ་བཅུ་རྩ་ལྔའི་བར་དུ་གདུལ་བྱ་བསམ་གྱིས་མི་ཁྱབ་པའི་དོན་མཛད་ཅིང་། ཤེར་ཕྱིན་གྱི་གདམས་ངག་ཟབ་མོ་གཅོད་ཡུལ་གྱི་གྲུབ་མཐའ་གངས་ཅན་ཐམས་ཅད་ལ་ཁྱབ་པར་མཛད། ཚོགས་སློབ་ཀྱང་སྲས་རྒྱལ་བ་དོན་གྲུབ་ནས་བརྒྱུད་པ་ལ་སྲས་བརྒྱུད་དང་། ཁུ་སྒོམ་ཆོས་སེང་ནས་སློབ་བརྒྱུད་རྣམས་བྱུང་། ཕྱིས་ཀུན་མཁྱེན་རང་བྱུང་རྡོ་རྗེ་དང་། རྒོད་ཕྲུག་རས་པ་རྒྱལ་ཐང་པ་སོགས་ལམ་འདིའི་བཀའ་བབས་མང་དུ་བྱུང་སྟེ། དེང་སང་ཡང་བཀའ་བརྒྱུད་གཙོ་བོར་གྱུར་པའི་ས་རྙིང་དགེ་ལུགས་སོགས་ཀྱི་གྲུབ་མཐའ་ཐམས་ཅད་ལ་ཁྲོས་ནག་ལྷ་ལྔའི་དབང་། ནམ་མཁའ་སྒོ་འབྱེད་ཀྱི་བྱིན་རླབས། ཞག་བདུན་མ་དང་སྟན་ཐོག་གཅིག་མ་སོགས་ཀྱི་ཉམས་ཁྲིད་ཕྱག་བཞེས་དང་བཅས་པ། མ་གཅིག་གི་བཀའ་ཆེམ་སོགས་རྩ་བའི་གཞུང་དང་། གྲུབ་མཐའ་སོ་སོའི་གཅོད་གཞུང་གླེགས་བམ་མང་པོའི་ལུང་སོགས་ཅི་རིགས་པར་མཆིས་སོ། །དེ་ལ་སྡུག་བསྔལ་ཞི་བྱེད་ཅེས་པའི་དོན་ནི། བོད་དུ་བྱོན་པའི་གདམས་པ་ཕལ་མོ་ཆེ་སློབ་མ་མི་དགེ་བ་ལས་ཟློག་ཏུ་བཅུག་ནས་གཟོད་དེའི་སེམས་རྒྱུད་ཀྱི་ཉོན་མོངས་པར་སྦྱངས་བར་བྱེད་པ་གཙོ་ཆེ་ལ། འདིས་ནི་ཚེ་རབས་སྔ་མའི་ལས་ཀྱི་དབང་གིས་ལུས་དམན་པ་དང་། ནད་གདོན་གྱིས་གཙེས་པ་སོགས་སྡུག་བསྔལ་རྣམས་ལམ་དུ་བསླངས་པས་འཕྲལ་དུ་ཞི་བར་བྱས་ནས་རྣལ་འབྱོར་ལ་སྦྱོར་བཟོད་པའི་ཕྱིར་དེ་སྐད་ཅེས་བྱ་སྟེ། ཤེར་སྙིང་ལས། སྡུག་བསྔལ་ཐམས་ཅད་རབ་ཏུ་ཞི་བར་བྱེད་པའི་སྔགས། ཅེས་པ་ལ་བརྟེན་ནས་བཏགས་པར་བཞེད་དེ། གཅོད་ཡུལ་ཞེས་པ་ནི། གཅོད་བྱ་ནི། ཐོགས་བཅས། ཐོགས་མེད། དགའ་བྲོད། སྙེམས་བྱེད་དེ་བདུད་བཞིའི་རྒྱུ་འབྲས་སུ་གྱུར་པའི་ཉོན་མོངས་ཐམས་ཅད་སྤང་གཉེན་རེས་འཇོག་མ་ཡིན་པར་ཡུལ་དེ་ཉིད་ཀྱི་རང་ཐོག་ཏུ་གཅོད་པར་བྱེད་པས་དེ་སྐད་ཅེས་བྱ་ཞིང་། ངོ་བོ་ཕ་རོལ་ཏུ་ཕྱིན་པ་ལ་སྔགས་དང་རྗེས་སུ་མཐུན་པའི་སྤྱོད་པས་ཁྱད་པར་དུ་བྱས་པའོ། ། ༈

ཡང་དམ་པའི་ཆོས་འདུལ་བའི་ཐོག་མར་བསྟན་པ་ལ་སྔ་འགྱུར་སྨད་འདུལ་གྱི་བརྒྱུད་ནི། ལྷ་བཙན་པོ་ཁྲི་སྲོང་དུས། བྱང་ཆུབ་སེམས་དཔའ་ཆེན་པོ་ཞི་བ་འཚོས། སྦ་རཏྣ་ཡེ་ཤེས་དབང་པོ་སྲུང་བ་སོགས་སད་མི་མི་བདུན་རབ་ཏུ་བྱུང་བས་མཚོན་བསྟན་པའི་སྒྲོན་མེ་དང་པོར་སྦར། དར་མས་བསྟན་པ་བསྣུབས་པའི་སྐབས། སྦ་རཏྣའི་མཁན་བུ་འདུལ་བ་འཛིན་པ་དམར་གཡོ་གཙང་གསུམ་ཁམས་སུ་བྱོན། དེ་རྣམས་ཀྱི་སྤྱན་སྔར་བླ་ཆེན་དགོངས་པ་རབ་གསལ་གྱིས་རབ་ཏུ་བྱུང་ཞིང་འདུལ་བའི་སྡེ་སྣོད་ལ་སྦྱངས། དེ་ལས་ཀླུ་མེས་སོགས་དབུས་གཙང་གི་མི་བཅུས་བཀའ་དྲིན་ཞུས་ཏེ་སོ་སོས་གནས་གཞི་ཡང་བརྩིགས་ཏེ་ཆོས་གྲྭ་ཤིན་ཏུ་མང་བ་བྱུང་། བཀའ་གདམས་པའི་དགེ་བའི་བཤེས་གཉེན་ཆེན་པོ་རྣམས་ཀྱང་སྔ་འགྱུར་གྱི་སྡོམ་རྒྱུན་ལས་བསྙན་པར་རྫོགས། བར་དུ་ལྷ་བླ་མ་ཡེ་ཤེས་འོད་ཀྱིས་རྒྱ་གར་ཤར་ཕྱོགས་ཀྱི་པཎྜི་ཏ་དྷརྨ་པཱ་ལ་སྤྱན་དྲངས་ཏེ། མཁན་བུ་པཱ་ལ་རྣམ་གསུམ་བསྙེན་པར་རྫོགས་ཏེ་སྟོད་མངའ་རིས་ཕྱོགས་སུ་དར་བསྟོད་འདུལ་ཞེས་གྲགས་པ་བྱུང་། གཞན་ཡང་ལྕེ་བཙུན་གྱིས་ཞྭ་ལུར་ཨ་བྷ་ཡའི་སྡོམ་རྒྱུན་སྤེལ་ནའང་། སྔ་འགྱུར་གྱི་བཤད་རྒྱུན་ནི་ཁ་ཆེ་ལུགས་ཀྱི་བརྒྱུད་པ་དང་འདྲེས་ཤིང་སྡོམ་རྒྱུན་ཀྱང་དེང་སང་གི་བར་དུ་གནས་ལ། རྙིང་མ་དང་དགེ་ལུགས་ཕྱོགས་ལས་ཞིག ཕྱི་མ་གཉིས་ཀྱི་སྲོལ་ནི་ཡུན་མ་བྱུང་ངོ་། །ཕྱིས་མ་བྱོན་པའི་སངས་རྒྱས་གསུམ་པ་ཁ་ཆེའི་པཎྜི་ཏི་ཤཱཀྱ་ཤྲཱི་བོད་དུ་ཕེབས་ནས་འདུལ་བའི་སྡོམ་རྒྱུན་གསར་དུ་བཙུགས་པ་ལས། ཚོགས་སྡེ་གྲངས་མེད་པ་ཞིག་འཕེལ་བའི་རྩ་བ་ལྟ་བུ་ནི། དགེ་འདུན་སྒང་པ། ཆོས་ལང་པ། ཚལ་མིག་པ། བྱེ་རྫིང་པ་སྡེ་ཚོགས་སྡེ་བཞིར་གྲགས་པ་འདི་ཡིན་ལ། འདི་རྣམས་སུ་སྔར་འདུལ་བའི་བཤད་པ་ལག་ལེན་གཉིས་ཀ་ཁྱད་པར་ཅན་བྱུང་ནའང་། དེང་སང་ནི་སྤྱི་འགྲེ་ཙམ་ལས་དམིགས་བསལ་གྱི་ཁྱད་ཐོན་ཡོད་པར་མ་མངོན་མོད། འོན་ཀྱང་དགེ་འདུན་སྒང་པ་ལས་ཀར་ལུགས། ཆོས་ལུང་པ་ལས་འབྲུག་ལུགས། ཚལ་མིག་པ་ལས་ངོར་ལུགས་དང་། ས་ལུགས་སྔ་མ་རྣམས་ཀྱིས་མཚོན་སྡོམ་རྒྱུན་མང་དུ་འཕེལ་བས་ཕྱོགས་ཐམས་ཅད་དུ་འདུལ་བའི་བསྟན་པ་ཤིན་ཏུ་དར་ཞིང་རྒྱས་པར་གྱུར་ཏོ། །དེ་ལྟར་ན་གངས་ཀྱི་རི་བོའི་སུལ་ན་སྟོན་པ་བདེ་བར་གཤེགས་པའི་བསྟན་པ་འབའ་ཞིག་གི་དབང་དུ་བྱས་ཏེ། འགྲོ་བ་རྣམས་ཀྱི་ཕན་བདེའི་གཞིར་གྱུར་པའི་དགེ་འདུན་འདུས་པའི་སྡེ་དང་། གདན་རབས་ཀྱི་སྐོར་ཇི་ལྟར་བྱོན་པའི་ཚུལ་སོགས་ཡོངས་སུ་གྲགས་པ་འགའ་ཞིག་གི་མཚན་ཙམ་བརྗོད་ཟིན་ཏེ། སྤྱིར་ཡང་ཇི་སྐད་དུ། ཤེས་རབ་མཆོག་ཡིན་དེའི་གཞི་ནི། །ཐོས་པ་ཡིན་ཕྱིར་ཐོས་པ་གཅེས། །ཞེས་གསུངས་པ་ལྟར་རང་དང་གཞན་གྱི་གྲུབ་པའི་མཐའ་ཡི་གང་ཟག་དང་ཆོས་ཀྱི་ཚུལ་མང་དུ་ཐོས་པར་བྱ་བ་ནི་ཤིན་ཏུ་གལ་ཆེ་སྟེ། གཞན་དུ་རང་རང་གི་ལུགས་སྲོལ་ཙམ་ཁོང་དུ་ཆུད་པར་རློམ་པ་ཁ་ཅིག་ཀྱང་། རང་གི་བླ་མ་བརྒྱུད་པ་དང་། ཆོས་ལུགས་ཙམ་མ་གཏོགས་གཞན་མཁས་པ་དང་གྲུབ་པ་དང་ལུང་རིགས་ཀྱིས་དབེན་ནོ་སྙམ་དུ་སེམས་ཤིང་གཞན་ལའང་གདམས་པས་ཆོས་སྤོང་བའི་ལས་མི་བཟོད་པ་གསོག་པ་དག་སྣང་བའི་ཕྱིར་རོ། །དེ་བས་ན་བདག་ལེགས་སུ་འདོད་པ་རྣམས་ཀྱིས་སྟོན་པ་ཐུགས་རྗེ་ཅན་གྱི་རྣམ་ཐར་མདོ་སྡེ་རིན་པོ་ཆེ་རྣམས་དང་། དེ་དག་གི་དོན་བསྡུས་པ་བརྒྱ་ཉེར་ལྔ་བྱམས་པ་ཆོས་རྗེས་བསྐལ་བཟང་རྒྱ་མཚོ། པ་དང་། སྐྱེས་རབས་སོ་བཞི་པ་ཁ་སྐོང་རང་བྱུང་ཞབས་སོགས། འགྲེལ་ཆེན་ཡེ་ཤེས་རྒྱལ་མཚན་སོགས། དང་བཅས་པ་དང་། རྟོགས་བརྗོད་དཔག་བསམ་གྱི་འཁྲི་ཤིང་མཆན་སྤང་ལོས་སྟོན་སོགས། དང་དོན་བསྡུ་བའི་རིགས་དང་། འཕགས་པའི་གནས་བརྟན་ཡེ་ཤེས་རྒྱལ་མཚན་སོགས། བཅུ་དྲུག་དང་། གྲུབ་ཆེན་བརྒྱད་ཅུའི་རྟོགས་པ་བརྗོད་པ་སོགས་ལེགས་པར་བལྟ་ཞིང་དད་པ་བསྐྱེད། གྲུབ་མཐའ་སྤྱིའི་ཆོས་འབྱུང་སྐོར་ལ། ཐམས་ཅད་མཁྱེན་པ་ཏཱ་ར་ནཱ་ཐས་མཛད་པའི་རྒྱ་གར་ཆོས་འབྱུང་དང་བཀའ་བབས་བདུན་གྱི་གཏམ་སོགས་རྒྱ་གར་བའི་གཏམ་ཚད་མ་མང་པོ་དང་། གུང་མགོན་པོ་སྐྱབས་ཀྱིས་བྱས་པའི་རྒྱ་ནག་གི་ཆོས་འབྱུང་། བུ་སྟོན་རིན་པོ་ཆེའི་ཆོས་འབྱུང་། ཚལ་པའི་དེབ་དམར། འགོས་ལོའི་དེབ་སྔོན། དཔའ་བོ་གཙུག་ལག་ཕྲེང་བའི་ཆོས་འབྱུང་མཁས་པའི་དགའ་སྟོན། པད་དཀར་གྱི་བསྟན་པའི་པདྨོ་རྒྱས་པའི་ཉིན་བྱེད། ཐུའུ་བཀྭན་པའི་གྲུབ་མཐའ་ཤེལ་གྱི་མེ་ལོང་། རྒྱལ་རབས་གསལ་བའི་མེ་ལོང་དང་། རྫོགས་ལྡན་གཞོན་ནུའི་དགའ་སྟོན་སོགས། བྱེ་བྲག་སྔར་སྨོས་པའི་སོ་སོའི་རྣམ་ཐར་དང་ལོ་རྒྱུས་རྣམས་ལ་བློ་གྲོས་ཀྱི་མིག་བསྒྲུབས་ཏེ་རང་གི་ལུགས་སྲོལ་མ་ཉམས་པར་བཟུང་བའི་སྟེང་། གྲུབ་མཐའ་གཞན་ལའང་སྡང་ཞེན་གྱིས་སྨོད་པ་སོགས་སྤངས་ཏེ། དད་པའི་པདྨོ་མཆོག་ཏུ་རྒྱས་པར་བྱའོ། །ཐོས་པས་ཡིད་ཀྱི་གདུང་སེལ་ཞིང་། །ཕན་བདེའི་ཆུ་གཏེར་འཕེལ་བྱེད་པ། །དམ་པའི་རྣམ་ཐར་ཟླ་ཤེལ་གྱིས། །འཇིག་རྟེན་གསུམ་པོ་སྣང་གྱུར་ཅིག །གངས་ཅན་གྱི་ལྗོངས་སུ་བྱོན་པའི་གདན་རབས་སོགས་ཅུང་ཟད་བཤད་པའི་བརྗེད་བྱང་གི་ལེའུ་ཚན་ནོ།། །།ཤུབྷམ་སྟུ་སརྦ་ཛཱ་ག་ཏཱཾ།། །།

[edit]

grub mtha' gzhan pa/ gzhan yang de dag tu ma 'dus pa'i/__grub mtha' zur pa/__jo zhal/__po shangs/__zhi gcod sogs mang du mchis pa las/_ _jo nang rgyal ba'i ri khrod ni/__kun mkhyen chos sku 'od zer gyi slob ma kun spangs thugs rje brtson 'grus zhes grub pa'i khyu mchog chen po des btab/__de rjes kun mkhyen dol bu pa shes rab rgyal mtshan ni/__spyi ston grags pa rgyal mtshan sogs bla ma sum cu lhag pa las mdo sngags kyi chos tshul rgya mtsho lta bu gsan/__dbus gtsang du grwa skor mdzad pas thams cad mkhyen pa'i grags pas khyab/__so gcig par dze nang du phebs nas mkhas btsun yon tan rgya mtsho las rdo rje'i rnal 'byor zab mo gsan zhing srog rtsol mthar phyin/__de nas gdan sar bzhugs te sku 'bum chen mo bzhengs/__dbu ma gzhan stong pa'i lta ba la thugs nges 'drangs te/__de rtsal du bton pa'i yig cha nges don rgya mtsho dang /__bka' bsdu bzhi pa sogs mang du brtsams/__de'i rgyun jo nang phyogs las rnam rgyal dang /__nya dbon kun dga' dpal sogs kyis bskyangs/__phyis 'jam dbyangs kun dga' grol mchog kyang phebs/__de'i rnam 'phrul rje btsun tA ra nA thas 'phags bod kyi mkhas grub du ma bsten nas mdo sngags rgya mtsho lta bur gsan bsam sgom gsum mdzad pas mkhas shing nyams myong dang ldan par gyur/__gsang sngags gtso bor gyur pa'i bstan bcos kyang pod bco brgyad tham pa mdzad/__rtag brtan phun tshogs gling btab cing dar rgyas che bar byung na'ang /__bar skabs su dus 'gyur gyi dbang gis/__deng sang jo nang du rten gsum sogs ma nyams tsam las brgyud 'dzin cher med la/__phun tshogs gling ni lnga pa rin po ches dge lugs par bsgyur nas dga' ldan phun tshogs gling zhes grags/__chos brgyud 'ga' zhig sngar smos pa ltar bka' 'brug dang /__jo nang kun mkhyen gyi yang slob drung ka bzhi pa rin chen dpal gyis btab pa'i khams dzi thang 'dir sbyor drug gi nyams len gyi rgyun sogs ma nyams par yod/__dgon sogs su yod do//____//__!_ dpal zhwa lu gser khang khra mo ni/__chos rgyal khri srong gi dus lo tsA ba chen po lce khyi 'brug sogs mang du byon pa'i gdung brgyud rnam par dag pa las/__bstan pa phyi dar gyi thog mar dbus gtsang gi mi bcur grags pa'i nang tshan gtsang pa lo ston rdo rje dbang phyug gi slob ma/__lce btsun shes rab 'byung gnas kyis btab ste/__de yang rang gi bla ma lo ston la dgon gnas gar 'debs kyi lung bstan zhus pas/__bla mas phyag mda'i ltongs kha gser gyis bkang ba zhig gnang bas/__da lta'i chos sde chags sa 'dir mdil rtse zhwa lu gsar pa zhig la khel 'dug pas der dgon gnas btab pas 'brel pa rgyu mtshan du byas nas zhwa lu gser skong dang /__phyis tshon rtsi khra bo gsol bas zhwa lu gser khang khra mo zhes grags/__lce btsun nyid rgya gar du byon nas a b+hA ya las sdom rgyun gsar du zhus te spel/__lnga brgya pa rnams kyi gtsug gi nor bu dpal ldan a ti shas rab tu gnas pa'i me tog 'thong zhing /__ri sbugs su gzims skyil phubs te phyag tsha btab pa'i sa 'bum da lta yang bzhugs/__de rjes mgo ye shes g.yung drung gis 'dul ba dang /__paN+Di ta 'bum phrag gsum pa dang /__rngog lo chen pos phar phyin gyi bshad grwa btsugs/__kun mkhyen bu ston rin po che yan chad mkhan thog bcu gcig tsam gyis 'dul ba a b+hA ya'i sdom rgyun dang /__phar phyin rngog lugs gtso bor bton/__phyis su rgyal po chen po rnam thos sras kyi sprul pa sku zhang grags pa rgyal mtshan gyis lcags sprel lo rtsod pa'i dus kyi thams cad mkhyen pa khro phu bu ston rin po che gdan sar spyan drangs/__de nas bzung /__sdom rgyun kha che paN chen lugs dang /__mdo sngags gnyis ka'i sgo nas grub mtha' bu lugs zhes gangs can mkhas pa rnams kyi rna ba'i rgyan du gyur/__de yang ma byon pa'i sangs rgyas rab gsal gyi rnam 'phrul kun mkhyen 'di nyid ni/__'jam dpal rtsa rgyud las/__yi ge ra ra lung /__dang pa bu ston/__dang por/__blo ldan gang zhig rab 'byung gsungs/__/ston pa'i bstan pa gsal byed pa/__/'byung bar 'gyur pa the tshom med/__/ces rten brten par bcas pa lung gis gsal bar bstan pa bzhin/__gtsang shab smad sgom gnas zhes bya bar brag ston rgyal mtshan dpal bzang gi sras su lcags pho rta yi lor 'khrungs/__chung ngu nas 'jam dpal dpa' bos rjes su bzung /__khro phu sems dpa' chen po/__rang gi mes po tshul khrims bzang po/__mkhan chen bzang po dpal grags pa gzhon nu/__thar lo nyi ma rgyal mtshan/__bla ma dpal ldan seng+ge/__bla ma rdo rje rgyal mtshan/__'phags 'od yon tan rgya mtsho sogs las/__bzo gso sgra tshad/__nang rigs pa sde snod rgyud sde dang bcas pa/__zhar byung rig gnas chung ba lnga ste/__mdor na gangs can gyi ljongs su rgyun bzhugs so cog gi gtsug lag rab 'byams la mang du thos pa'i mthar son pas slob dpon dbyig gnyen gyi spun zlar 'dzegs/__de dag gi don la bsam byung gis dpyad pa yongs su rdzogs pas rig par smra ba rnams kyi khengs pa'i ru tshon brtul nas phyogs glang dang chos kyi grags pa'i brtul zhugs bzung /__khyad par pha rol tu phyin pa'i sde snod rgya mtsho lta bu 'chad cing rtsom pa la shing rta chen po klu thogs dang /_'phags pa lha sogs kyi rjes su son/__rgyud sde bzhi'i nges gsang 'grol ba'i tshe rdo rje 'dzin pa ngur sgrig gi gar gyis rol par nges pa rnyed/__dpal gsang ba 'dus pa dang /__dus kyi 'khor lo sogs la brten nas mchog gi dngos grub mngon du gyur/__sku gsung thugs kyi rten bsam gyi mi khyad pa bzhengs/__bka' bstan bzhengs pa'i tshe ma tshang ba bcug__/lhag pa bton pa sogs dag ther 'gran zla dang bral bar mdzad las bde bar gshegs bsras dang slob mar bcas pa'i phrin las dus gcig tu bsgrubs/__dpal ldan sa skya pa bla ma dam pa sogs kyis yongs 'dzin du bkur/__snyan grags kyis sa steng thams cad khyab pas rgya nag rgyal po tho gon the mur khA dang /__rgya nag chos kyi rgyal po puN+ya mA la sogs pas kyang bsngags pa'i springs yig gis mchod/__zhwa lu mthil du/__dge 'dun sum stong brgyad brgya dang /__ri sbugs su sde snod 'dzin pa 'dag sbyar chu bug sgo la bzhugs pa'i bshes gnyen lnga brgya tsam re 'dus/__rgyud sde bzhi dang 'brel ba'i dbang lung man ngag bsam gyis mi khyab pa 'chad spel mdzad/__phyis re lnga par gdan sa dngos thugs sras lo tsA ba rin chen rnam rgyal la gtad nas/__rje nyid ri sbug tu kun spangs mdzad de thugs dam zab mo la rtse gcig tu gzhol/__mdor na 'khor lo gsum gyi phyag rjes re re nas bsams kyang 'di kho na sku tshe hril por mdzad dam snyam pa yod/__dam pa'i chos ma bsgyur ba rnams bsgyur/__bsgyur ba rnams zhu chen byas/__hor kong bsabs/__'grel bshad kyis bkral/__thun mong dang thun mong ma yin pa'i chos thams cad phas bu gcig la ster ba lta bur mdzad pas bka' drin bsam gyis mi khyab/_legs bshad gsung rtsom yang sngags phyogs la pod chen dang 18/__mdo phyogs rig gnas dang bcas pa la pod bzhugs/__mthar don lnga par dga' ldan chos kyi 'dun sar gshegs/__de nas gdan sar lo tsA ba rin chen rnam rgyal bzhugs/__phrin las kyi rgyun ni gdan sa rang du rdo rje 'chang mkhyen rab chos rje/__lo chen chos skyong bzang po mtshungs med tshar pa chos rje yab sras sogs mkhas grub bsam gyis khyab pa zhig byon pa dang /__rje nyid kyi dngos slob mkhas grub khyung po lhas pa dang /__gong gsum pa las rgyal ba tsong kha pa chen pos gsan pa dang /__thugs sras rin po che'i slob ma bkra shis rin chen las ngor chen rdo rje 'chang gis gsan pa sogs/__sa dge kar 'brug gi grub mtha' thams cad la rje 'di las brgyud pa'i dbang dang rgyud bshad man ngag gis khyab pas bsam dpyod kyi yul las 'das shing /__deng sang yang rgyud sde bzhi'i smin grol dang sgrub mchod kyi srol ma nub par bzhugs pa'i tshul mdo tsam brjod na/__thog mar rnal 'byor chen po bla med pa'i rgyud la/__thabs dang /_shes rab/__gnyis su med pa'i rgyud gsum las/__dang po gnyis su med pa'i rgyud la/__dpal dus kyi 'khor lo sku gsung thugs yongs rdzogs kyi dkyil 'khor lha634/__thugs gtso bor ston pa'i dkyil 'khor/__dus 'khor sdom chen lha72/__gnyis pa shes rab gtso bor ston pa'i rgyud la/__rigs drug cha mnyam du ston pa he ru ka'i rigs/__rnam snang gi rigs/__rdo rje nyi ma'i rigs/__pad+ma ka ra dbang gi rigs/__rta mchog gi rigs/__rdo rje 'chang gi rigs dang drug las/__dang po ni/__dpal sangs rgyas thams cad mnyam par sbyor ba rigs drug bsdus pa'i dkyil 'khor lha51/__gnyis pa ni/__grub chen lU hi pa'i lugs kyi bde mchog 'khor lo lha62/__grub chen nag po pa'i lugs kyi bde mchog lha62/__grub chen rdo rje dril bu pa'i lugs kyi bde mchog phyi dkyil la lha lnga/__lus dkyil dang bcas pa/__slob dpon l+wa ba pa'i lugs kyi bde mchog sbyangs pa'i yon tan bcu gnyis kyi dkyil 'khor lha13/__slob dpon pad+ma badz+ra gyi lugs kyi 'khor lo bde mchog spyan ras gzigs pad+ma drwa ba lha20/__'khor lo bde mchog 'dus pa 'phags lugs dang mthun par bshad pa sdom pa 'byung ba lha12/__13grub chen 'di brgyud pad+ma'i rigs bde chen ral gcig ma'i dbang ka chad pas de'i tshab tu gsar btsugs/__nA ro pa'i lugs kyi mkha' spyod rdo rje rnal 'byor ma ste bde mchog gi skor dang /__dpal bir wa pa'i lugs kyi kye rdor man ngag lugs9/__grub chen ku ku ri pas legs par bkral ba'i rngog dkyil bdun gyi ya gyal ma hA ma ya lha lnga rnams so/__/gnyis pa ni/__grub chen 'phags pa lha'i lugs kyi dpal rdo rje gdan bzhi lha mang /__lnga pa ni/__slob dpon nyi ma sbas pa'i lugs kyi sgrol ma lha bcu bdun ma phyi dkyil dang /__lus dkyil gnyis so/__/gsum pa thabs gtso bor ston pa'i rgyud la/__mi bskyod pa/__rnam snang /__rin 'byung /__'od dpag med/__don grub/__rdo rje 'chang gi rigs dang drug tu gsungs pa'i dang po ni/__'phags pa klu sgrub kyi gsang 'dus mi bskyod pa lha32/__slob dpon sangs rgyas ye shes zhabs kyi lugs srol gsang 'dus 'jam dpal rdo rje lha19/__jo bo a ti sha'i lugs kyi gsang 'dus spyan ras gzigs lha19/__mi bskyod pa'i rigs kyi khro bo grub chen pa ba ri ba'i lugs kyi phyag na rdo rje 'khor chen lha 18rnams so/__/gnyis pa ni/__grub chen bir wa pa'i lugs kyi gshed dmar lha lnga/__grub chen dpal 'dzin gyi lugs kyi gshed dmar lha12/__rwa lugs kyi gshin rje gshed dgra nag lha13/__rwa lugs rdo rje 'jigs byed dpa' bo gcig pa phyag mtshan so gnyis kyis bskor ba'i dkyil 'khor/__rwa lugs thun mong ma yin pa 'jigs byed lha13/__rwa lugs gshin rje gshed gdong drug lha 21rnams so/__/gnyis pa rnal 'byor gyi rgyud la/__thabs gtso bor ston pa dang /__shes rab gtso bor ston pa'i rgyud gnyis kyi/__dang po la'ang /__rtsa brgyud/__bshad rgyud/__'phros rgyud/__cha mthun gyi rgyud/__yan lag gi rgyud dang lngar gsungs pa'i/__dang po ni/__de bzhin gshegs pa thams cad kyi de kho na nyid bsdus pa'i rgyud chen po ste/__de la nang gses su dum bu bzhi las/__dum bu dang po 'dod chags can gyi 'dod chags 'dul ba'i phyir bstan pa de bzhin gshegs pa'i rigs rdo rje dbyings kyi dkyil 'khor la/__rdor dbyings rtsa lugs kyi dkyil 'khor lha30/__'grel chen de nyid snang ba'i lugs kyi dkyil 'khor lha1037/__dum bu gnyis pa khro bas khro ba spangs pa'i phyir bstan pa rdo rje'i rigs khams gsum rnam rgyal gyi dkyil 'khor lha1037/__gnyis pa ni/__bshad rgyud rdo rje rtse mo nas gsungs pa'i gsang ba mchod chen rigs thams cad bsdus pa'i dkyil 'khor bcu la lha grangs1271/__gsum pa ni/__rtsa rgyud dum bu gsum pa'i ngan 'gro dgug cing sdig pa bral ba las 'phros pa'i kun rig rnam par snang mdzad kyi dkyil 'khor rtsa ba'i lha37/__ngan song thams cad yongs su sbyong ba gzi brjid kyi rgyal po'i brtag pa phyogs gcig pa las gsungs pa'i/__shAkya seng ge gtsug tor dgu pa'i dkyil 'khor lha37/__dpal phyag na rdo rje 'chi bdag 'joms pa'i dkyil 'khor lha13/__ngan 'gro thams cad yongs su sbyong ba bcom ldan 'das rdo rje mi 'khrugs pa lha 13gyi dkyil 'khor rnams so/__/bzhi pa ni/__shes rab gtso bor ston pa'i rgyud dam/__cha mthun gyi rgyud dpal mchog dang po las gsungs pa'i rigs thams cad bsdus pa'i dkyil 'khor bcu bzhi lha dang 339/__rigs rkyang pa rdo rje sems dpa'i dkyil 'khor gnyis so/__/lnga pa ni/__'jam dpal sgyu 'phrul drwa ba mtshan yang dag par brjod pa rnal 'byor gyi rgyud du bkral ba'i skor te/__de yang che ba slob dpon 'jam dpal grags pas bkral ba chos dbyings gsung nam mkha' 'dri med che ba/__gi dbang phyug lha229/__'bring po slob dpon sgeg pa'i rdo rjes bkral ba'i 'jam dpal gsang ldan nam 'jam dpal yon tan kun 'byung gi dkyil 'khor lha15/__chung ba slob dpon 'jam dpal bshes gnyen gyis bkral ba'i 'jam dpal nam mkha' dri med chung ba'ang zer/__rigs bsdus rnams 'di yi 'jam dpal gong 'og gnyis kyi dbang rgyun med/__so/__/de dag las rdo rje rtse mo ni/__zangs dkar lugs dang /__kun rig gtsug dgu gnyis stod lugs sam jo bo lugs dang /__smad lugs sam lo chen lugs gnyis ka yod cing /__mi 'khrugs pa dang phyag rdor 'chi 'joms gnyis jo lugs dang 'jam dpal nam mkha' dri med chung ba dkon dbang phyug blo gros nas brgyud/__'jam dpal gsang ldan smri ti nas rngog gi phyogs su bka' babs pa yin la/__gzhan rnams lo chen rin bzang las brgyud pa kho na'o/__/gsum pa spyod pa'i rgyud la de bzhin gshegs pa dang /__pad+ma dang /__rdo rje'i rigs gsum las/__dang po ni/__rdo rje gdan pa nas ba ri lo tsA ba la brgyud pa'i rnam par snang mdzad mngon par byang chub pa'i rgyud las gsungs pa'i dkyil 'khor lha119/__gnyis pa ni/__skabs 'dir mi 'byung la/__gsum pa ni/__phyag rdor 'gro bzang lugs dang /__rnam 'joms dkar po sogs sbyong rgyud du bzhed pa ltar na 'dir drang bar bya'o/__/bzhi pa bya ba'i rgyud la/__de bzhin gshegs pa dang /__pad+ma dang /__rdo rje dang /__nor can dang /__lnga rtsen dang /__'jig rten pa'i rigs te sgo drug las/__dang po la'ang rigs kyi gtso bo sogs brgyad kyi/__dang po/__rigs kyi gtso bo thub pa gnas brtan bcu drug gis bskor ba'i dkyil 'khor/__mkhan po bo d+hi sa twas mdzad pa'i sman bla bde gshegs brgyad la mchod cing gsol ba gdab pa'i tshom bu'i dkyil 'khor/__'phags pa 'od zer dri med las gsungs pa'i thub dbang lha bdun gyi dkyil 'khor/__gnyis pa rigs kyi yum ni/__rdo rje gdan pa nas ba ri lo tsA ba la brgyud pa'i srung ba lha lnga lha51/__gsum pa rigs kyi gtsug tor la/__rdo rje gdan pa nas ba ri lo tsA ba brgyud pa'i gtsug tor gdugs dkar gyi dkyil 'khor lha/__'phags pa gtsug tor dri med kyi dkyil 'khor lha mang /__rnam rgyal lha mang /__gnyis pa pad+ma'i rigs la rigs kyi gtso bo sogs lnga las/__rigs kyi gtso bo rdo rje gdan pa nas ba ri lo tsA ba la brgyud pa'i tshe dpag med 'chi med rnga sgra lha9/__rigs kyi bdag po 'phags pa spyan ras gzigs don yod zhags pa lha25/__gsum pa rdo rje'i rigs la/__rigs kyi gtso bo sogs lnga las rigs kyi gtso bo slob dpon 'bro bzang snying po'i lugs kyi dpal phyag na rdo rje lha21/__grub chen pa ba ri ba'i lugs kyi rnam 'joms dkar po lha bco lnga la/__sgo ba bzhi bsnan pa'i lha bcu dgu pa'i dkyil 'khor/__nor bu'i rigs la/__chos skyong chen po rnam thos sras kyi gtor sgrub bcas so/__/de ltar yang bla med kyi rgyud la dkyil 'khor nyer brgyad/__rnal 'byor gyi rgyud la bcu gsum/__spyod rgyud la gcig__/bya rgyud la bcu gnyis te dkyil 'khor lnga bcu rtsa gsum ste/__de rnams kyi dbang rjes gnang lung man ngag dang bcas pa dang /__sgrub mchod kyi rgyun rnams su bzhugs shing /__bu lugs kyi khrid chen rim lnga/_spros med/__ngal bso/__sbyor drug bzhi/___bzhi zhes grags pa las/__gsang 'dus rim lnga dang /__gshed dmar spros med kyi khrid/__khrid chung bzhi las/__snying po don gsum dang tshem bu dmar khrid/__gzhan yang ra khrid mkha' 'gro'i snyan brgyud sogs khrid bka' dang /__bu ston rin po che'i bka' 'bum sngags phyogs skor pod18/__thugs sras lo tsA ba'i bka' 'bum pod 2bcas kyi lung /__chos skyong skor la rgyal po rnam thos sras bka' bco lnga/__glegs bam gnyis kyi lung /__mgon po bing dmar gyi rjes gnang /__lha mo rdo rje rab brtan ma'i rjes gnang thun mong dang /__thun mong ma yin pa dang /__sgrub skor gyi lung sogs bzhugs so/__/dpal zhwa lu pa'i gdan rabs sogs rgyas par rtogs par 'dod na/__kun mkhyen bu ston rin po che'i rnam thar le tshan dang /__mchog sprul rin po che blo gsal bstan skyong gis mdzad pa'i gdan rabs glegs bam sogs las shes par bya zhing /__rgyud sde'i byung tshul sogs kyang /__kun mkhyen bu ston rin po che'i rgyud sde spyi'i rnam bzhag che 'bring chung gsum dang /__bde gsang dus gsum yo ga dang bcas pa'i chos 'byung rnams las shes par bya'o/____/_!_ bo dong e ni/__thog mar bka' gdams pa'i dge bshes mu tra chen pos sa glang lor btab/__phyis dpang lo blo gros brtan pa/__de'i dbon lo chen byang chub rtse mo/__de'i dbon lo chen grags pa sogs mkhas grub chen po mang du byon/__khyad par grags pa'i dbon po bo dong phyogs las rnam rgyal lam/__'jigs bral chos kyi rgyal mtshan ni sgra dbyangs lha mos rjes su bzung bas rig pa'i gnas mtha' dag thogs pa med par smra pa'i ma hA paN+Di tar gyur/__gangs ljongs mkhas pa phal cher rtsod pas pham par byas/__rdo rje sems dpa' dang /__rdo rje phag mo sogs dkyil 'khor gyi gtso bo rnams kyis gsang ba'i mdzod chen po byin pas de nyid 'dus pa chen po sogs bstan bcos pod brgya phrag thal pa mdzad cing gsung las skyes pa'i slob ma yang /__bzo rig pa nas bstan pa yongs rdzogs kyi bar bka' babs nyi shu rtsa gsum/__'khon gyi gdung brgyud gsum/__sngags 'chang chen po gcig__mkhas grub gnyis/__lo chen gsum sogs nas/__bka' bcu smra ba stong phrag gcig__/bka' bzhi smra ba stong phrag zung /__phar tshad shes pa'i slob ma khri phrag brgal ba sogs byon par grags shing /__phyis dpal mo chos sdings su phrin las skyong /__grub mtha'i khas len cung mi 'dra ba mang du mdzad pas bo dong pa'i lugs zhes grags/__deng song gdan sa dngos su chos rgyun sogs cher mi bzhugs kyang /__lo ror rje nyid kyi rnam 'phrul sbyor ra thams cad mkhyen pa rim byon dang /__yar 'brog bsam sdings su rdo rje phag mo rim byon sogs kyis bzung ste chos rgyun 'ga' zhig yod do//____//__!_ shangs zhang zhang rdo rje gdan ni/__sku gsang ba 'dus pa/__gsung ma hA mA ya/__thugs dgyes pa rdo rje/__yon tan 'khor lo sdom pa/__phrin las rdo rje 'jigs mdzad de rgyud sde lnga yi ngo bor bzhugs pa mkhas grub khyung po rnal 'byor brtson 'grus mgon zhes grags pa de nyid dang por bon gyi sgor zhugs/__bar du rim par rdzogs chen dang phyag chen sbyangs/__mthar des kyang thugs ma tshim par 'phags pa'i yul du byon nas/__ye shes kyi mkha' 'gro ni gu ma/__su kha si d+d+hi/__me tri pa/__rdo rje gdan pa sogs paN grub brgya dang lnga bcu'i thugs kyi dgongs pa blangs nas gangs can du phebs te glang thang pa rdo rje seng ge las rab tu byung /__sku tshe'i smad la lo gcig gi nang dgon gnas brgya rtsa gcig btab pa'i ya gyal te/__shangs pa bka' brgyud kyi 'byung gnas lta bu yin yang /__deng sang ni sku 'dra rin po che byin can tsam las brgyud 'dzin sogs mi snang /__chos brgyud ni/__rdo rje 'chang 1/__ni gu ma2/__khyung po3/__de yi slob ma khri brgyad du longs par byung bar grags pa'i gtso bo grub thob rmog lcog pa rin chen brtson 'grus/__de nas/__dbon ston skyer sgang pa chos kyi seng ge5/__sangs rgyas gnyan ston sbas pa'i rnal 'byor chos kyi shes rab6/__'gro mgon sangs rgyas ston pa brtson 'grus seng+ge 7rnams la dpal shangs pa bka' brgyud pa'i brgyud pa rin po che sna bdun du grags shing /__gdams pa phal cher yang chig brgyud du bzhugs/__sangs rgyas gnyan ston pas khyab bdal du spel bas shangs 'jag pa tshul khrims mgon dang /__nyang bsam sdings pa gzhon nu grub sogs mkhas shing dngos grub brnyes pa/__sgyu lus dang rmi lam la rang dbang thob pa mang du byon/__grub mtha' thams cad la rgyud 'dres par gyur/__de las byung ba'i chos bka' la/__ni gu'i chos skor/__su kha'i chos skor/__rdo rje gdan pa'i chos skor/__mai tri pa'i chos skor/__rA hu la'i chos skor te lnga dang /__der ma 'thus pa'i man ngag thor bu dang bcas bsam gyis mi khyab pa zhig mchis na'ang /__deng sang chos rje mus pa dang /__bka' brgyud sogs su ni gu'i skor gtso bor gyur pa la/__rtsa ba ni ni gu chos drug__/sdong po phyag rgya chen po ga'u ma/__yal ga lam khyer rnam gsum/__me tog mkha' spyod dkar dmar/__'bras bu lus sems 'chi med/__bka' srung ye shes mgon po'i skor rnams kyi smin grol rgyab brten dang bcas pa las/__dang po la/__chos drug gi smin byed khog phub gsum/__sgos bka' drug__/phyag chen bka' lnga/__mkha' spyod bka' gsum/__gsang sgrub bka' lnga/__mgon po bka' gnyis las/__dang po ni/__chos 'jug spyi yi khog phub rgyud sde lnga gtso bor gyur pa'i 'jug sgo sgyu lus dbang mo che1/__bde mchog dbang bzhi lus bsgrigs/__lha bzhi dril sgrub bcas/__gnyis pa ni/__gtum mo sogs chos drug so so'i dbang /__gsum pa ni/__phyag chen ga'u ma1/__bla ma2/__yi dam3/__sgyu lus 4lam khyer/__lus sems 5'chi med kyi dbang /__bzhi pa ni/__mkha' spyod dkar mo1/__dmar mo2/__sum phrugs 3kyi dbang /__lnga pa ni/__bde mchog1__/spyan ras gzigs2/__phyag rdor3/__rta mgrin4/__drug pa ni/__phyag drug 1pa dang /__mgon dkar2/__zhar byung su kha sid+d+hi'i byin rlabs bcas so//__//gnyis pa grol byed khrid la/__thang rgyal mus pa sogs/__dang /__jo nang bka' brgyud sogs/__tA ra nA tha sogs kyi yig cha'i steng nas chos drug__/phyag chen/__lam khyer rnam gsum/__mkha' spyod dkar dmar gyi 'pho ba/__lus sems 'chi med/__bla mgon dbyer med rnams kyi nyams khrid/__gsum pa lung la/__rtsa ba rdo rje'i tshig rkang sogs glegs bam gcig lhag rnams bzhugs shing /__gzhan yang sngar smos pa ltar dge lugs pa'i phyogs la'ang chos drug gi khrid rgyun tsam dang /__khyad par mgon po phyag drug pa'i rjes gnang /__khrid lung bcas rgya cher dar ro//____//__!_ la stod ding ri glang 'khor ni/__'gro mgon dam pa sangs rgyas dang /__de'i thugs sras byang chub sems dpa' kun dga' sogs kyis byin gyis brlabs pa'i gnas khyad par can te/_de la grub chen 'di nyid ni/__'phags yul bai tA yul gyi tsa ra sid+har 'khrungs/__grub thob pho mo lnga bcu rtsa drug las gdams ngag gi sgro 'dogs bcad/__thugs dam bde gshegs bcu gnyis dang /__ngo mtshar mkha' spyod kyi bla ma sum cu rtsa drug gi ye shes kyi skus rjes su bzung /__thun mong gi dngos grub chen po brgyad dang /__mchog gi dngos grub mthong lam chen po mngon du gyur/__bod du lan lnga byon pa'i dus/__gsum pa la kha che dz+nyA na gu h+ya la zhi byed sgron ma'i skor gsum sogs gsungs/__de dang dam pa gnyis kas rje btsun long po lo tsA dang /__kha che pu hrang lo chung la gsungs pa sogs brgyud pa snga ma dang /__bzhi par/__rma chos kyi shes rab la phyag chen/__so chung dge 'dun 'bar la rigs pa gcer mthong /__kam tshul khrims rgyal mtshan la rtogs pa lam khyer gyi gdams ngag gnang bas mtshon rma so kam gsum grangs dang /_lce dang /__ljags lugs gsum/___phran dang bcas pa la brgyud par bar ma/__lnga par dam pa phyar chen/__phyar chung badz+ra kro d+hA/__kun dga' bzhi la gdams pa so sor gnang /__gzhan yang ma jo nyi shu rtsa bzhi sogs grub pa'i skyes bu nam mkha'i skar tshogs tsam byon pa brgyud pa phyi ma ste/__de las kyang skye ba lngar dam pas rjes su bzung zhing /__nga dang dgongs pa mnyam pa kun dga' yin/__/zhes bsngags pa chig brgyud sbas pa'i gter mdzod dam pa kun dga' nas rim par pa tshab sgom pa rgyal ba te ne/__rog shes rab seng ge sku mched sogs brgyud shin tu dar ba byung yang /__deng sang ni brgyud la phyi ma'i skor las/__tshogs lam blo sbyang sbyor lam dka' thub/__mthong lam blo bral/__sgom lam ro snyoms/__mthar lam bdag bstod dang bcas pa'i lam lnga'i dbang rgyas pa/__'bring po lam gsum gzhung ma/__bsdus pa dbang rnon ku sA la'i rnal 'byor gyi dbang /__rten 'brel sngon du bdag po bstod pa zhes bya ba dam pa phyi nang gsang gsum gyi bla sgrub byin rlabs/__thugs dam bde gshegs bcu gnyis kyi dbang /__bde mchog bcu gsum ma/__phag mo phyi sgrub lha dgu/__nang sgrub zhal gnyis ma/__gsang sgrub khros nag__/bdud rtsi bum pa rnams kyi dbang /__chos skyong ye shes kyi mgon po a g+ho ra skrag med/__gsang sgrub dmar nag gi dbang bka' rgya ma/__phyi sgrub thun mong ba/__zhing skyong kun tu ri ka dang /__a pa ra tsit+ta sogs kyi rjes gnang dang /__mkhyud dpyad dkar nag khra gsum gyi lung sogs thor bu tsam las/__grub mtha'i rkang 'dzin pa dang chos brgyud sogs rgya cher mi snang ngo //____//__!_ ngom shod zangs ri mkhar dmar gyi phug par/__ma gcig lab kyi sgron mas sku tshe'i smad du yun ring bzhugs shing /__gdul bya dpag tu med pa'i don mdzad pa dang sras snying po grub pas g.ye chung glang lung dgon pa bzung ba sogs phyogs der gcod yul gyi bstan pa dar ba byung mod/__deng sang ni gdan sa dngos su chos brgyud 'dzin pa dmigs bsal med kyang /__gdams ngag gi rgyun ni grub mtha' thams cad la khyab par gyur te/__spyir dam pas yar lung sma ra ser po dang /__skyo ston bsod nams bla ma la bshad par pho gcod dang /__ma gcig gis dam pa dang skyo ston gnyis ka las gsan nas brgyud pa la mo gcod ces grags pa las/__yum chen mo shes rab kyi pha rol tu phyin ma dang dbyer med pa'i ye shes DA ki 'di nyid ni yul g.yel ba/__grong 'dab grong ma tshe mor mor rus khe'u gad kyi rigs su 'khrungs/__grwa pa mngon shes dbang phyug 'bar las rab tu byung /__sher phyin klog pas stong nyid kyi lta ba gsha' mar skyes/__cer grong thod pa 'bab re bya ba dang 'dus pas sras lcam sring lnga 'khrungs/__slar yang rab tu byung nas dgu bcu rtsa lnga'i bar du gdul bya bsam gyis mi khyab pa'i don mdzad cing /__sher phyin gyi gdams ngag zab mo gcod yul gyi grub mtha' gangs can thams cad la khyab par mdzad/__tshogs slob kyang sras rgyal ba don grub nas brgyud pa la sras brgyud dang /__khu sgom chos seng nas slob brgyud rnams byung /__phyis kun mkhyen rang byung rdo rje dang /__rgod phrug ras pa rgyal thang pa sogs lam 'di'i bka' babs mang du byung ste/__deng sang yang bka' brgyud gtso bor gyur pa'i sa rnying dge lugs sogs kyi grub mtha' thams cad la khros nag lha lnga'i dbang /__nam mkha' sgo 'byed kyi byin rlabs/__zhag bdun ma dang stan thog gcig ma sogs kyi nyams khrid phyag bzhes dang bcas pa/__ma gcig gi bka' chem sogs rtsa ba'i gzhung dang /__grub mtha' so so'i gcod gzhung glegs bam mang po'i lung sogs ci rigs par mchis so/__/de la sdug bsngal zhi byed ces pa'i don ni/__bod du byon pa'i gdams pa phal mo che slob ma mi dge ba las zlog tu bcug nas gzod de'i sems rgyud kyi nyon mongs par sbyangs bar byed pa gtso che la/__'dis ni tshe rabs snga ma'i las kyi dbang gis lus dman pa dang /__nad gdon gyis gtses pa sogs sdug bsngal rnams lam du bslangs pas 'phral du zhi bar byas nas rnal 'byor la sbyor bzod pa'i phyir de skad ces bya ste/__sher snying las/__sdug bsngal thams cad rab tu zhi bar byed pa'i sngags/__ces pa la brten nas btags par bzhed de/__gcod yul zhes pa ni/__gcod bya ni/__thogs bcas/__thogs med/__dga' brod/__snyems byed de bdud bzhi'i rgyu 'bras su gyur pa'i nyon mongs thams cad spang gnyen res 'jog ma yin par yul de nyid kyi rang thog tu gcod par byed pas de skad ces bya zhing /__ngo bo pha rol tu phyin pa la sngags dang rjes su mthun pa'i spyod pas khyad par du byas pa'o/____/_!_ yang dam pa'i chos 'dul ba'i thog mar bstan pa la snga 'gyur smad 'dul gyi brgyud ni/__lha btsan po khri srong dus/__byang chub sems dpa' chen po zhi ba 'tshos/__sba rat+na ye shes dbang po srung ba sogs sad mi mi bdun rab tu byung bas mtshon bstan pa'i sgron me dang por sbar/__dar mas bstan pa bsnubs pa'i skabs/__sba rat+na'i mkhan bu 'dul ba 'dzin pa dmar g.yo gtsang gsum khams su byon/__de rnams kyi spyan sngar bla chen dgongs pa rab gsal gyis rab tu byung zhing 'dul ba'i sde snod la sbyangs/__de las klu mes sogs dbus gtsang gi mi bcus bka' drin zhus te so sos gnas gzhi yang brtsigs te chos grwa shin tu mang ba byung /__bka' gdams pa'i dge ba'i bshes gnyen chen po rnams kyang snga 'gyur gyi sdom rgyun las bsnyan par rdzogs/__bar du lha bla ma ye shes 'od kyis rgya gar shar phyogs kyi paN+Di ta d+harma pA la spyan drangs te/__mkhan bu pA la rnam gsum bsnyen par rdzogs te stod mnga' ris phyogs su dar bstod 'dul zhes grags pa byung /__gzhan yang lce btsun gyis zhwa lur a b+ha ya'i sdom rgyun spel na'ang /__snga 'gyur gyi bshad rgyun ni kha che lugs kyi brgyud pa dang 'dres shing sdom rgyun kyang deng sang gi bar du gnas la/__rnying ma dang dge lugs phyogs las zhig__phyi ma gnyis kyi srol ni yun ma byung ngo /__/phyis ma byon pa'i sangs rgyas gsum pa kha che'i paN+Di ti shAkya shrI bod du phebs nas 'dul ba'i sdom rgyun gsar du btsugs pa las/__tshogs sde grangs med pa zhig 'phel ba'i rtsa ba lta bu ni/__dge 'dun sgang pa/__chos lang pa/__tshal mig pa/__bye rdzing pa sde tshogs sde bzhir grags pa 'di yin la/__'di rnams su sngar 'dul ba'i bshad pa lag len gnyis ka khyad par can byung na'ang /__deng sang ni spyi 'gre tsam las dmigs bsal gyi khyad thon yod par ma mngon mod/__'on kyang dge 'dun sgang pa las kar lugs/__chos lung pa las 'brug lugs/_tshal mig pa las ngor lugs dang /__sa lugs snga ma rnams kyis mtshon sdom rgyun mang du 'phel bas phyogs thams cad du 'dul ba'i bstan pa shin tu dar zhing rgyas par gyur to/__/de ltar na gangs kyi ri bo'i sul na ston pa bde bar gshegs pa'i bstan pa 'ba' zhig gi dbang du byas te/__'gro ba rnams kyi phan bde'i gzhir gyur pa'i dge 'dun 'dus pa'i sde dang /__gdan rabs kyi skor ji ltar byon pa'i tshul sogs yongs su grags pa 'ga' zhig gi mtshan tsam brjod zin te/__spyir yang ji skad du/__shes rab mchog yin de'i gzhi ni/__/thos pa yin phyir thos pa gces/__/zhes gsungs pa ltar rang dang gzhan gyi grub pa'i mtha' yi gang zag dang chos kyi tshul mang du thos par bya ba ni shin tu gal che ste/__gzhan du rang rang gi lugs srol tsam khong du chud par rlom pa kha cig kyang /__rang gi bla ma brgyud pa dang /__chos lugs tsam ma gtogs gzhan mkhas pa dang grub pa dang lung rigs kyis dben no snyam du sems shing gzhan la'ang gdams pas chos spong ba'i las mi bzod pa gsog pa dag snang ba'i phyir ro/__/de bas na bdag legs su 'dod pa rnams kyis ston pa thugs rje can gyi rnam thar mdo sde rin po che rnams dang /__de dag gi don bsdus pa brgya nyer lnga byams pa chos rjes bskal bzang rgya mtsho/__pa dang /__skyes rabs so bzhi pa kha skong rang byung zhabs sogs/__'grel chen ye shes rgyal mtshan sogs/__dang bcas pa dang /__rtogs brjod dpag bsam gyi 'khri shing mchan spang los ston sogs/__dang don bsdu ba'i rigs dang /__'phags pa'i gnas brtan ye shes rgyal mtshan sogs/__bcu drug dang /__grub chen brgyad cu'i rtogs pa brjod pa sogs legs par blta zhing dad pa bskyed/__grub mtha' spyi'i chos 'byung skor la/__thams cad mkhyen pa tA ra nA thas mdzad pa'i rgya gar chos 'byung dang bka' babs bdun gyi gtam sogs rgya gar ba'i gtam tshad ma mang po dang /__gung mgon po skyabs kyis byas pa'i rgya nag gi chos 'byung /__bu ston rin po che'i chos 'byung /__tshal pa'i deb dmar/__'gos lo'i deb sngon/__dpa' bo gtsug lag phreng ba'i chos 'byung mkhas pa'i dga' ston/__pad dkar gyi bstan pa'i pad+mo rgyas pa'i nyin byed/__thu'u bkwan pa'i grub mtha' shel gyi me long /__rgyal rabs gsal ba'i me long dang /__rdzogs ldan gzhon nu'i dga' ston sogs/__bye brag sngar smos pa'i so so'i rnam thar dang lo rgyus rnams la blo gros kyi mig bsgrubs te rang gi lugs srol ma nyams par bzung ba'i steng /__grub mtha' gzhan la'ang sdang zhen gyis smod pa sogs spangs te/__dad pa'i pad+mo mchog tu rgyas par bya'o/__/thos pas yid kyi gdung sel zhing /__/phan bde'i chu gter 'phel byed pa/__/dam pa'i rnam thar zla shel gyis/__/'jig rten gsum po snang gyur cig__/gangs can gyi ljongs su byon pa'i gdan rabs sogs cung zad bshad pa'i brjed byang gi le'u tshan no//__//shub+ham stu sarba dzA ga tAM//__//