JKW-KABUM-18-TSHA-003-005-wylie
mnyam med dwags po bka' brgyud kyi ring lugs/ sa skya dang dus mnyam tsam du mnyam med dwags po bka' brgyud kyi ring lugs kyang shin tu dar bar gyur te/__de la dwags la sgam po ni/__mnga' bdag mar pa'i sgrub brgyud kyi ka chen mi la bzhad pa'i rdo rje'i thugs sras nyi ma lta bu dwags po rin po che bsod nams rin chen gyis dgung lo bzhi bcu rtsa grangs dus btab/__bka' brgyud thams cad kyi 'byung khungs su gyur phyis sgam tshul tshul khrims snying po sogs dbon dang /__kun mkhyen bkra shis rnam rgyal sogs skye sprul rim byon gyis skyong //____//__!_ ngoms shod phag mo gdan sa thel/__gru kun tu bzang po'i nags khrod ni/__'gro ba'i mgon po phag gru rdo rje rgyal pos dgung lo zhe dgu par btab/__re zhig 'bri stag gnyis kyis cung zad bskyang zhing /__phyis lha gzigs rlangs kyi gdung las 'khrungs pa spyan snga grags pa 'byung gnas sogs lha gzigs spyan snga rim byon gyis gdan sa mdzad kyang /__deng sang ni rten gsum tsam las chos brgyud cher mi bzhugs/__phag gru'i slob ma/__'bri stag gnyis/__g.ya' shug gnyis/__smar yel gnyis/__khro gling gnyis te bka' brgyud zung bzhi'am ya brgyad du grags pa rnams byung ba las//____//__!_ 'bri gung thel byang gling rdo rje'i gdan ni/__thog mar phag gru rin po che'i slob ma me nyag bsgom ring zhes pas btab/__phyis 'phags pa klu sgrub kyi rnam 'phrul skyob pa 'jig rten gsum mgon dgung lo so brgyad par phebs nas bzhugs/__de nas mkhan chen gu ra ba dang /__dbon bsod nams grags pa sogs dbon brgyud dang /__dpal chos kyi grags pa sogs skye sprul rim byon gyis skyong //____//__!_ byang stag lung gi chos grwa ni/__stag lung thang pa rin po che bkra shis dpal gyis dgung lo so bdun par btab/__de'i dbon rin chen mgon sogs dang /__phyis skye sprul rim byon gyis bskyangs shing 'di gnyis deng sang dar rgyas che//____//__! khams su ri bo che ni/__thang pa rin po che'i dbon brgyud gsum pa sangs rgyas dbon gyis btab//____//__!_ grwa rabs za ra dgon ni/__skal ldan ye shes seng+ges btab/__de'i slob ma rgyal ba g.ya' bzang ba sogs kyis skyong /____/_!_ snye phu shugs gsebs dgon ni/__yar klung pa gyer sgom chen pos btab cing bar skabs phrin las kyang rgyas par byung //____//__!_ khams su shwa dgon pa ni/__chos rje smar pa shes rab ye shes kyis btab/__deng sang chos brgyud cung zad dpal yul ba la yod//____//__!_ shar rdo rdzong /__lho yel phug__/byang rta rna rnams ni 'gro mgon sangs rgyas yel ba ye shes brtsegs kyis btab/__deng sang dgon gnas tsam las chos brgyud cher med 'dra//____//__!_ gtsang du khro phu dgon ni/__gnubs nam mkha'i snying po'i gdung rigs rin po che rgyal tsha dang /__kun ldan ras chung mched gnyis kyis btab/__de'i dbon khro phu lo tsA ba byams pa'i dpal gyis paN chen shAka shrI sogs gdan drangs/__byams chen khru brgyad cu pa bzhengs pas mtshon phyag rjes rgya che/__brgyud par bcas pa rnams la khro phu bka' brgyud du grags/__deng sang dgon gnas tsam las brgyud 'dzin zur pa med mod/__'on kyang kun mkhyen bu ston rin po che yang /__gtso bo 'di'i chos brgyud las byung ba yin no//____//__!_ dbus su sna phu chos rdor brag dang nye bar yod/__lung dgon ni/__rtogs pa mthar phyin gling rje ras pa pad+ma rdo rjes btab/__deng sang dgon gnas tsam las brgyud 'dzin zur pa med na'ang /__khong las don brgyud 'brug pa'i grub mtha' byung ba yin pas phrin las kyi rgyun nam mkha' dang mnyam par song ngo //____//__!_ byang 'ba' rom dgon ni/__dwags po'i slob ma 'ba' rom ras pa dar ma dbang phyug gis btab/__phyis ti shrI ras pa sogs kyis dar rgyas su mdzad//____//__!_ tshal gung thang ni/__dwags po sgam tshul gyi slob ma/__skye med zhang 'gro ba'i mgon po g.yu brag pa dar ma grags kyis btab/__mnyam med shAkya ye shes sogs kyis bskyangs te bar skabs su dar rgyas che bar byung //____//__! stod lung mtshur phu mdo bo lung gi gdan sa ni/__dwags po'i slob ma rje dus gsum mkhyen pas dgung lo brgyad cu par btab/__spyir 'di nyid kyis dgung lo nga lnga par khams kaM po gnas dang /__don bdun par karma'i dgon sogs kyang btab/__gdan sar la yag pa byang chub dngos grub sogs bzhugs/__de nas karma pak+shi sogs sprul pa'i sku rim byon gyis bskyangs pas sgrub brgyud thams cad kyi snying po kaM tshang bka' brgyud zhes yongs su grags pa 'di byung /__de yang dpal karma pa chen po ni 'phags mchog phyag na pad+mo bsam bzhin du mi'i srid par bzung ste/__rje dus gsum mkhyen pa bod chen po sa'i thig le tre shod du 'khrungs/__dbus gtsang du byon nas 'gro mgon dwags po lha rje gtso bor gyur pa las thos bsam dang /__nyams bzhes kyi bka' drin bskyangs pas grub pa'i go 'phang mthon por gshegs pa'i tshul bstan/__ye shes kyi DA ki ma rnams kyis zhwa nag po gser mdangs can cod pan du bcings pa gzigs pas/__grol ba bzhi ldan gyi dbu zhwa de lta bu bzhes pa na zhwa nag por grags pa'i ut+pal thog ma phyes/__gong du smos pa'i dgon gnas sogs btab nas don brgyud kyi bstan pa sangs rgyas ras chen la gtad/__dgung lo brgyad cu rtsa bzhi bar zhi ba'i dbyings su dgyes pa'i spyan zur lhung /__de'i skye sprul rim par/__gnyis pa karma pak+shi ni mdo smad le'i tshag tor 'khrungs/__rdzu 'phrul gyi bkod pa dang phrin las mtha' klas/__don brgyud kyi bstan pa grub chen o rgyan pa rin chen dpal la gtad/__dgung lo don bzhi par gshegs/_gsum pa thams cad mkhyen pa rang byung rdo rje ni mang yul gung thang du 'khrungs/__mngal gyi dri mas cung zad kyang ma sgrib par sngon gnas rjes su dran pas mtshon ngo mtshar pa'i rnam thar bsam gyis mi khyab/__thugs sras kyi thu bo zhwa dmar cod paN 'dzin pa'i thog mar grags pa seng+ge dang /__don brgyud g.yung ston pa rdo rje dpal la gtad/__bzhi pa chos rje rol pa'i rdo rje ni/__rngod a la rong du 'khrungs/__rje btsun blo bzang grags pa'ang dam pa 'di nyid kyis chos sgor bcug par mdzad/__lnga pa de bzhin gshegs pa nyang po 'od gsal gyi yul du 'khrungs/__rgya nag tA ming g.yung lo rgyal po sogs che dgu du mas mchod/__thugs rje dang phrin las bsam gyis mi khyab/__drug pa mthong ba don ldan ni ngom gyis cha karma dgon dang nye bar 'khrungs/__thugs sras kyang rgyal tshab na rim gyi thog ma gau shrI dpal 'byor don grub sogs byon/__bdun pa chos grags rgya mtsho ni/__rngod kyi mdor 'khrungs/__'chad rtsod rtsom gsum gyi phrin las rgya cher bskyangs/__brgyad pa kun mkhyen mi bskyod rdo rje ni/__ngam gyi yul du 'khrungs/__shes bya rig pa'i gnas mtha' dag thogs pa med par smra ba'i paN+Di ta chen por gyur/__bstan bcos kyang shin tu mang bar mdzad/__dgu pa dbang phyug rdo rje ni khams yul tre smad kha ba glang ri'i zhol du 'khrungs/__bcu pa chos dbyings rdo rje ni mgu log gi smar stod mgu mdar 'khrungs/__'di dus kar bstan la nyams chag che bar byung na'ang /__rje de nyid 'jang yul sogs su phebs pas brdzi bar ma nus/__bcu gcig pa ye shes rdo rje mgu log gi yul du 'khrungs/__bcu gnyis pa byang chub rdo rje ni sde dge'i mngal khul dbon stod dkyil le zhes par 'khrungs/__bcu gsum pa bdud 'dul rdo rje ni lho gnas dge ri dang nye bar 'khrungs/__bcu bzhi pa khyab bdag theg pa mchog gi rdo rje ni ri bo che'i mnga' khul 'og min karma'i dgon dang nye bar 'khrungs/__shes bya rig pa'i gnas thams cad la mkhyen rab kyi pad+mo bye zhing /__'chad rtsod rtsom gsum sogs 'khor lo gsum gyi phrin las gong du 'phel ba'i ngang da lta zhabs pad brtan bzhin pa 'di'o/__/mdor na rje sku phreng 'di rnams sku 'khrungs ma thag nas sngon gnas rjes su dran pa dang /__mkhas pa dang grub pa'i rnam thar ngang gis sad pa sogs sprul par sgro btags pa gzhan las ches khyad par du gyur pa ni kun gyi mig dang rna ba'i spyod yul du gyur to//____//__!_ byang bde chen yangs pa can gyi chos grwa ni/__zhwa dmar rim byon gyi gdan sar mdzad de/__de yang sangs rgyas snang ba mtha' yas kyi ye shes thun mong gdul bya'i mkhas grub kyi skye ba brgyud mar bzung ba'i mthar/__rje gsum pa'i thugs sras zhwa dmar pa rtogs ldan grags pa bu 'bor shwa yi yul du 'khrungs/__seng+ge/__dpal mkha' spyod gnam gyi bye ma lang /__dbang po/__sprul sku chos dpal ye nyang po khe brag mdor/__shes/__chos kyi grags pa ye shes dpal tre shod kha gsar/__bzang po/__dkon mchog kong po cho rkyen gzhung /__yan lag__/chos kyi dbang 'bri gung pa'i gdung /__phyug__/ye shes snying mgo log smad/__po/__dpal chen yol mo gangs rar/__chos kyi don grub/__dgu pa rje chos grub sde pa bkra shis rtse/__rgya mtsho'i bar byon nas/__mkhas btsun grub pa'i yon tan bsam gyis mi khyab pas 'phags bod mkhas grub thams cad kyis bsngags pa'i me tog 'thor ba'i yul gcig tu gyur na'ang /__dgu pa chos grub rgya mtsho'i dus bstan pa'i gegs chag lta bus goR+Sha'i dus zing skabs gzhung nas dgongs phog gis/__yangs pa can gyi chos grwa dge lugs par bsgyur zhing /__slad nas sprul pa'i sku'ang khrir 'khod du med pa sogs mdzad mod/__'on kyang rgyal ba'i phrin las rtag cing khyab dang lhun gyis grub par 'jug pa ni su zhig gis 'gog par nus//____//__!_ mdo khams sde dge'i mngal khul shar dpal spungs thub bstan chos 'khor gling zhes bshad sgrub kyi chu gter chen po 'di nyid ni/__dus gsum mkhyen pa pad+ma saM b+hA was ye shes gzigs pa'i spyan can du rdo rje'i lung gis mngon par bsngags pa si tu rin po che kun mkhyen bstan pa'i nyin byed kyis dgung lo nyer dgu pa me lug lor btab/__de'i dbon dang mchog sprul rim byon gyis skyong /__'jang yul yan chad du dgon lag kyang mang du 'phel zhing dar rgyas che/__de yang si tu rin po che ni/__'phags pa'i yul du grub chen Dom+b+hi pa dang /__gangs can 'dir lho brag mar pa lo tsA sogs dag pa'i rnam 'phrul tshad med pa las/__bye brag karma pa dus gsum mkhyen pa'i thugs sras ras chen bsod nams grags pa/__pak+shi'i nye gnas ye shes 'od/__rang byung rdo rje'i dus ri mgo ba ran+ta kA ra/__rol pa'i rdo rje'i dus gnas brtan spyan 'dren pa'i tA zhing rdzu 'phrul can rnams dang /__de bzhin gshegs pa'i dus na skyes mchog chos kyi rgyal mtshan ni 'og min karma pa'i dbon brgyud/__gdan sa bar mar las ka bskos pas rgya nag tA ming rgyal pos si tu zhes pa'i mtshan dang /__shel dam sogs gnang ba la brten de phyin chad mtshan de skad du chags/__de nas si tu bkra shis rnam rgyal dang /__bkra shis dpal 'byor rnams gdan sa bar pa'i dbon brgyud du 'khrungs/__mi 'khrugs chos kyi go cha zur mang rtsis mdar 'khrungs shing shar phyogs spungs rir bzhugs/__de'i phyi mar si tu nor bu bsam 'phel/__de yi sprul sku si tu chos kyi rgyal mtshan dge legs dpal bzang po/__/de'i sprul sku mi pham phrin las rab brtan sde dge'i mnga' khul sman shod du 'khrungs shing 'di yan gdan sa bar ma karma'i dgon du bzhugs/__de yi rnam 'phrul kun mkhyen chos kyi 'byung gnas ni/__mdo khams sde dge'i mnga' khul a ta rong gi a lo ding ring sgang du 'bru'i rigs las/__sa mo yos kyi lor mtshan dpe'i pad+mo bzhad/__rigs sad pa'i yon tan gsal bas snyan pa'i grags pas phyogs thams cad du khyab/__bla ma karma dpal grub dang /__rig 'dzin tshe dbang nor bu las sgra/__bla ma chos dbang las snyan dngags/__de la dmar dge bshes las rtsis/__skyed tshal drung ram pa bsod nams rnam rgyal sogs las tshad ma dang /__'dul mngon dbu phar/__kong po sprul sku ba las lha bris/__phyag mdzod skyes mchog dang /__dbon tshang ye shes bsam gtan sogs rgya dkar nag bod ljongs kyi mkhas pa mang po las gso rig sogs thun mong gi rig gnas mtha' dag la gsan sbyangs kyi tshul tsam gnang bas thams cad las phul du byung bar mkhyen/__zhwa dmar brgyad pa dpal chen chos kyi don grub las sdom pa gsum gyi bka' drin nos shing /__de nyid dang rje rgyal ba'i dbang po bcu gnyis pa/__dpal rig pa 'dzin pa tshe dbang nor bu sogs las mdo sngags kyi zab chos rgya mtsho lta bu gsan/__thun mong gi rig pa'i gnas mtha' dag smra ba la rje btsun sa paN dang /__shong dpang yab sras zhi bar gzims pa'i rjes rje 'di kho na mkhyen rab tshad mar gyur pa ni mkhas pa thams cad kyi yid kyi me long du gsal bar 'char na'ang blun po phyogs 'dzin can rnams kyis gal la mthong /__lar yang 'phags yul gyi paN+Di ta chen po khyab 'jug bdag po dang /__rab stobs sogs kyis kyang bsngags pa'i me tog nyin bzhin du 'thor na gzhan bod blun po kha cig mgu min la ltos dgos pa'ang ci/__dus dbang gis ma gtogs rtsod pa'i dus kyi thams cad mkhyen pa rin 'byung zhi ba dang /__a b+hA ya dang /__shAkya shrI sogs dang mkhyen rtogs mnyam par 'khums so/__/gsung rtsom yang tshig gi zla ba re rer legs bshad kyi bdud rtsi 'bum du 'dzag pa 'phags yul mkhas pa'i gsung rab dang dbyer mi phyed pa/__legs sbyar gyi bstan bcos gtso bor gyur pa pod chen bco lnga bzhugs shing /__gdan sa bar mar phebs pa'i 'os yin kyang /__sde dge chos rgyal chen po'i lung gis bskul te dpal spungs thub bstan chos 'khor gling gsar du btab ste bzhugs/__thugs kyi sras rje bcu gsum pa dang /__zhwa dmar dgu pa/__dpa' bo rin po che sogs mchog gi dngos grub brnyes pa du ma dang /__'brug sgra skor sogs rig gnas kyi zin bris mang /__yongs 'dzin rin po che/__khams sprul chos snyan ngag dang nang don mdzod 'grel sogs/__kyi nyi ma/__sku'i gcung sats+tsha sku skye karma nges legs sman rtsis skor pod gsum/__bstan 'dzin/__mahA paN+Di ta tshe sgra dang sdeb sbyor rtsis skor nang don sogs kyi zin bris mang du yod/__dbang kun khyab sogs rig par smra ba dang /__gzhan yang gso ba rigs pa dang /__bzo rig pa sogs kyis mtshon deng sang gi bar du kun mkhyen chen po 'di nyid kyi bka' drin kho na la brten nas gtsug lag rab 'byams kyi gnas kun ma 'khrul par smra zhing lag len du 'debs pa ji snyed cig byon pa yin no/__/gdan sar sku'i gcung rig 'dzin klong gsal snying po'i sku skye karma bsam 'phel dang /__g.yu thog yon tan mgon po'i rnam 'phrul karma bsam gtan sogs bzhugs shing /__slar yang rje de nyid kyi mchog sprul rin po che mkhas btsun grub pa'i yon tan rgya mtsho'i mnga' bdag ka~M tshang ba'i ring lugs 'dzin pa mtha' dag gi gtsug gi nor bu gcig pu/__dus gsum mkhyen pa o rgyan chen pos pad+ma'i ljags ldan drug gi dang por lung bstan pa dpal pad+ma dbang chen nam/__pad+ma nyin byed dbang po dang /__dbon bsam 'phel gyi rnam 'phrul dbang gi rdo rje gong 'og__/karma nges legs bstan 'dzin gyi mchog sprul karma rin chen/__bsam gtan mchog sprul rin po che karma nges don bstan 'phel sogs kyis 'khor lo gsum gyi phyag rjes gong 'phel du mdzad do//____//__!_ dbus su gnas nang rgyal ba'i ri khrod ni/__thog mar zhwa dmar grags pa seng+ges btab/__phyis su dpa' bo rim byon gyi gdan sar mdzad de/__de yang gter ston rin chen gling pa'i sprul sku lho brgyud lo ror byon pa rgyal mtshan dpal bzang dang /__gzhon nu lhun grub/__dpa' bo zhes pa'i mtshan thog mar grags pa/__chos dbang lhun grub yar 'brog tu 'khrungs/__yan rnying ma yin la/__'di dus rje bdun pas lho gro bo lung dang sras mkhar gyi bdag por bskos pas bka' brgyud par gyur/__de'i sprul sku thams cad mkhyen pa gtsug lag phreng snying thang sgang brgyud/__ba nas/__rim par/__gtsug lag rgya 'khar yul ban+de lung /__mtsho/__phrin las rta'u shes khog tu 'khrungs/__rgya mtsho/__'di dus kar bstan nyams chag skabs yin kyang rje 'dir kun mkhyen lnga pas gzigs phyogs legs pas gnas nang dang /__bskrags sngags grwa sogs 'dzin skyong chog par mdzad/__gtsug lag don grub/__chu shul/__gtsug lag dga' ba'i dbang po/__gtsug si tu rin po che'i gcung /__lag chos rgyal rnams kyi bar byon nas mkhas grub kyi snang bas blo ldan yid kyi pad+mo kha bye bar mdzad do//____//__!_khams su zur mang dgon ni/__drung rma se blo gros dbos stod rin chen gyis thog mar btab/__kaM tshang bka' brgyud kyi nang gses zur mang bka' brgyud ces deng sang yang dar rgyas che//____//__!_ ngom yul gnas mdo dpal ri rtse'i sgrub khang ni/__zhwa dmar chos kyi dbang phyug gi zhal slob/__rje brgyad pa'i sku'i rnam 'phrul du grags shing /__kar rnying gnyis ka'i bstan pa'i sgron me grub chen karma chags med kyis btab cing skye sprul rim byon gyis skyong /__'di las gnas mdo bka' brgyud ces phrin las kyi sgo phyogs thams cad du bye ba byung /__gsung rtsom yang pod lnga bcu tsam yod par grags shing phal cher 'gro phan dar so che'o/____/_!_ gtsang snyang stod ra lung ni/__grub pa'i slob dpon mtsho skyes zhabs kyis/__sa ral zhes bya'i lung gsum mdor/__/nor bu 'dzin pa'i sprul pa 'byung /__/zhes rdo rje'i lung gis bstan pa bzhin/__sangs rgyas thams cad kyi thugs rje chen po'i ye shes gzugs su shar ba phyag na pad+mo'i rnam 'phrul mtshan gzhan du bsgyur pa na rgya gar 'phags pa'i yul du grub chen nA ro tA par gyur te rdo rje theg pa'i seng+ge'i sgra chen po bsgrags/__de nyid gangs can 'dir rgya gar gyi chu bo gang gA tshun chad du rtogs pa mtho bar grags shing /__dpal sa ra ha chen po'i spun zlar 'os pa gling ras pad+ma rdo rje'i slob ma gtsang pa rgya ras ye shes rdo rje zhes bya bar sprul te/__rje de la grub chen gling ras kyis lung bstan nas gdan sa 'di nyid dang /__zhang gis lung bstan nas klong brdol dgon dang /__karma pa dus gsum mkhyen pas lung bstan nas 'brug dgon pa rnams btab/__gdan sa gong mar rje 'di nyid kyis dbon ras dar ma seng+ge 1nas rim par/__chos rje gzhon nu 2seng ge__/byang sems nyi ma seng ge3/__rgyal sras seng+ge shes rab4/__spos skya pa seng ge rin chen5/__bcu gsum seng+ge rgyal po6/__'jam dbyangs kun dga' seng+ge7/__'jam dbyangs blo gros seng+ge/__sprul sku shes rab seng ge ste mnyam med seng ge dgu tshar du grags pa dang /__ye shes rin chen/__nam mkha' dpal bzang /__rgya ras rnam 'phrul rgyal dbang chos rje kun dga' dpal 'byor/__ngag dbang chos rgyal rnams dang /__rgyal dbang rje'i skye ba byar khri dpon gyi rigs su 'khrungs pa 'jam dbyangs chos kyi grags pa dang /__de'i skye ba kong por 'khrungs pa thams cad mkhyen pa pad+ma dkar po zhes shes bya rig pa'i gnas mtha' dag thogs pa med par 'chad cing rtsod pa dang /__legs bshad kyang mang du rtsom pa/__phrin las rgya che ba de nyid byon/__de nas dpag bsam dbang po dang /__bka' brgyud phrin las shing rta dang /__chos kyi snang ba gong 'og sogs thams cad mkhyen pa'i mtshan gyi grags dkar 'jig rten na nyi ma bzhin du gsal ba rnams byon nas don brgyud kyi phrin las mkha' mthar brdal/__gzhan yang rgya ras slob ma rgod tshang pa las stod 'brug gnam gyi skar ma lta bu dang /__rgyal ba lo ras pa las smad 'brug sa'i dregs pa lta bu zhes grags pas mtshon/__zhal slob khri tsho lnga byung ba phal cher gyis 'ja' lus grub/__rdo rje phag mos bstan pa bya rgod po'i nyin lam bco brgyad du khyab par lung bstan pa bzhin/__au Di yA na dang /__dza lan+d+ha ra tshun chad slob brgyud kyis gang zhing /__mi phyed 'brug pa/__'brug phyed sprang po/__sprang phyed grub thob zhes 'jig rten na gtam du sgrogs so//____//__!_ byar bkra shis mthong smon ni/__'brug pa rgyal dbang rje'i yang srid 'jam dbyangs chos kyi grags par mkha' 'gro ma su kha sid+d+his lung bstan nas btab cing /__skye sprul rim pas skyong //____//__!_ khyad par kun mkhyen pad+ma dkar po'i dus su phrin las rgyas par byung bas dgon gnas mang tsam dang /__rje ngag dbang rnam rgyal lho mon du phebs/__mon pa tsho bzhi sogs ting nge 'dzin gyis dbang du bsdus nas spong klog gi 'dus sde mang po btsugs te lho 'brug ces lugs gnyis kyi mnga' thang la gzhan dring mi 'jog pa 'di dang /__dbus su'ang bde chen chos 'khor dang /__grwa nang sding po che/__khams su kham sprul rin po che'i gdan sa mtshon mnga' ris nas bzung ste khams kong yan du deng sang yang dar rgyas shin tu che bar gnas so/__/ de ltar gangs ri'i khrod kyi grub rigs rgya mtsho'i 'byung gnas bka' brgyud rin po che de rnams kyi skyes bu dam pa bstan pa la bka' drin che ba ni/__spyir mar mi dwags gsum ras chung pa dang /__dpal phag mo gru ba rnams ni bka' brgyud rin po che'i spyi mes lta bu yin la/__bye brag kam tshang bka' brgyud la rje dus gsum mkhyen pa dang /__rtogs ldan grags pa seng ge sogs rgyal ba yab sras rim byon dang /__de las kyang kun mkhyen rang byung zhabs/__rje chos grags rgya mtsho/__mi bskyod rdo rje/__zhwa dmar chos kyi grags pa/__dpa' bo gtsug lag phreng ba sogs mkhas shing dngos grub brnyes par grags che zhing /__phyis su dus kyi dbang gis bstan pa la nyams chag byung ba'i tshe/__dpal chen chos kyi don grub dang /__thams cad mkhyen pa chos kyi 'byung gnas yab sras brgyud pa dang bcas pa gcig tu bka' drin che'o/__/de bzhin du dpal stag lung pa ngag dbang grags pa dang /__'bri gung rin chen phun tshogs dang /__chos kyi grags pa/__'brug pa rgyal dbang rje dang /__pad+ma dkar po sogs snyan pa'i grags dkar nyin bzhin du gsal zhing /__de lta bu'i skyes chen mchog rnams kyi don gyi rnam thar kyang mdor bsdu na/__nyan thos kyi nges 'byung /__theg chen gyi sems bskyed/__gsang sngags kyi dam tshig rnams gzhir bzhag cing /__mos gus phyag rgya chen po'i rnal 'byor gyis nges don snying po'i lam la rtse gcig tu gzhol ba'i steng /__so so'i khyad chos/__mar rngog gi rgyud bshad/__mi la'i snying rus dang gdams ngag__/sgam po po'i ngo bo'i ga dar/__karma pa'i rlung sems dbyer med/__zhang gi lam mchog mthar thug__/phag gru'i gsang sngags/__'ba' rom pa'i bsre 'pho gseb lam/__stag lung pa'i rnam thar so dgu__/'bri gung pa'i sdom gsum gnad gcig__/gtsang pa rgya ras kyi rten 'brel dang ro snyoms/__lo rgod kyi mos gus dang zhen log rnams ni cha mthun khyad 'phags zhes re re la'ang thams cad tshang bar yod de/__gang la rtsal du bton nas rang rang gis thugs nyams su bzhes pa dang /__slob ma 'khrid cing skyong bar mdzad pa la khyad par gyi 'byed chos su'ang bzhag tu rung zhing /__de yongs su rdzogs pa la'ang bka' brgyud kyi bstan pa dang /__de nyid rgyud la mnga' ba rnams la bstan 'dzin gyi skyes bu zhes 'jig rten gsum na snyan par grags so/__/ de dag las brgyud pa'i gdams pa'ang /__spyir mdo sngags rig gnas dang bcas pa'i tshig gi bshad srol/__don gyi brgyud pa/__snying po'i nyams len bsam gyis mi khyab pa zhig bzhugs na'ang /__bye brag bka' brgyud rin po che rang gi khyad chos kyi dbang du byas na/__nges don phyag rgya chen po dang /__zab lam nA ro chos drug gnyis gtso bor dar zhing /__de las kyang kaM tshang bka' brgyud la sngar mtshur lugs kyi rgyud sde brgya rtsa dang /__yangs can gyi dkyil 'khor zhe gnyis sogs rgya cher bzhugs na'ang /__deng dus bya rgyud tshe dpag mi 'khrugs sogs nyer mkho'i dbang bka'i skor dang /__rjes gnang zur bka' mang po/__rnal 'byor rgyud kun rig__/bla med la thugs rje chen po rgyal ba rgya mtsho/__bde mchog lha lnga/__phag mo sogs kyi dbang rgya gzhung bod gzhung mang po'i lung man ngag dang bcas pa/__phyag rdor gtum chen gtum chung /__bla ma rngog pa rnams nas brgyud pa'i dkyil 'khor bdun zhes/__kye rdor yab 1bka' dang yum bka' 2bdag med ma/__rdo rje gar3/__ma hA mA ya4/__gdan bzhi yab bka' 5dang /__yum bka' ye shes dbang phyug ma6/__'jam dpal gsang rnal 'byor rgyud/__ldan 7rnams dang /__spyi bka' rdor phreng shAkya shrI sogs nas brgyud pa dang /__paN+Di ta nags kyi rin chen sogs nas brgyud pa so so/__/grub chen mi tra'i thugs dam dkyil 'khor brgya rtsa/__sgrub thabs rgya rgyam/__rin 'byung sogs dang /__rje dgu pa'i mngon rtogs zhi phreng /__drag phreng /__chos skyong glog phreng rnams kyi rjes gnang /__khyad par nges don phyag rgya chen po'i nyams khrid dang /__rgya gzhung dang bod gzhung rab tu mang po'i lung /__zab lam nA ro chos drug gi nyams khrid/__chos drug sras mkhar ma'i lugs/__zab mo nang don gyi bshad srol/__zur mang snyan brgyud kyi dbang lung man ngag gi skor bsam gyis mi khyab pa/__zab mo bdud kyi gcod yul skor gyi dbang lung nyams khrid/__rje btsun jo nang pa nas brgyud pa'i skor la/__dus 'khor dbang yongs rdzogs mchog dbang bdag dbang dang bcas pa/__bde mchog stod 'grel/__lU dril nag gsum/__lhan skyes bdag dbang /__bde mchog rab 'byams/__kye rdor sa lugs/__ma yA rngog lugs/__gdan bzhi/__yum bka'/__sgrol ma rnal 'byor ma/__mkha' spyod rigs gsum/__phur pa rgyud lugs/__gsang 'dus 'phags zhabs lugs gnyis/__gshed dmar lha lnga/__dgra nag zhang lugs/__'jigs byed bcu gsum ma/__ro lang brgyad skor/__gshin rje rab 'byams/__mi g.yo ba bla med/__shangs lugs rgyud sde lnga/__mi 'khrugs longs sku/__tshe dpag lha dgu rnams kyi dbang /__sbyor drug dang /__ni gu chos drug nyams khrid/__grol mchog khrid brgya/__chos skyong ber nag can gyi dbang /__rjes gnang /__rang byung rgyal mo dang ma mgon 'khor lnga/__bkra shis tshe ring ma sogs kyi rjes gnang mgon po phyag bzhi pa'i dbang sogs bzhugs/__rgyab brten lung la/__mar mi'i rnam mgur/__dwags po dang phag gru'i gsung tshang ma/__rngog 'grel rin chen rgyan 'dra/__dus mkhyen bka' 'bum tshang ma/__rang byung pa'i nang don sogs thor bu mi bskyod khrid thung pu ti sogs/__dbang phyug rdo rje/__zhwa dmar mkha' spyod dbang po/__dkon mchog yan lag__/chos kyi 'byung gnas sogs kyi bka' 'bum/__karma chags med kyi gsung rabs mang po/__dol po'i ri chos/__tA ra nA tha'i bka' 'bum sogs mang du bzhugs la/__bar skabs nas rnying ma'i phyogs la'ang thugs dam nyams bzhes mdzad pas/__gter kha gong 'og__/sangs gling /__rata gling /__karma gling pa sogs kyi gter chos ci rigs pa dang /__'ja' tshon pa/__bdud 'dul/__gnam chos/__stag sham/__chos gling /__rol rdor sogs dang /__lhag par yongs dge mi 'gyur rdo rje'i zhi khro pad+ma badz+ra/__tshe sgrub thabs shes kha sbyor/__rdo rje gro lod rnams ni shin tu dar ro/__/don brgyud 'brug pa'i ring lugs la spyir rgyud sde bzhi dang 'brel ba'i spyi bka' zur bka' sogs phal cher sngar ltar la/__khyad par lta ba gtso bor ston pa gdams ngag phyag rgya chen po/__sgom pa gtso bor ston pa gdams ngag nA ro chos drug__/spyod pa gtso bor ston pa gdams ngag 'byung ba ro snyoms/__'bras bu gtso bor ston pa gdams ngag rten 'brel bar bdun/__kun la gces pa'i gdams ngag lam zab bla ma sgrub pa'i skor dang /__'brug lugs 'phral mkho'i rjes gnang 2/__sgrub thabs skor lnga zhes/__bde mchog dngos grub kyi skor/__phag mo byin rlabs kyi skor/__gtum po nus mthu'i skor/__bde mchog lhan skyes ku sA li'i skor/__mgon po bya rog bstan srung ma'i dbang lung man ngag shin tu mang /__skor/__nyams len 'phral dgos bzhi zhes/__rdor sems nyes ltung 'khrud pa'i chos/__kaM ka ni ngan song sbyong ba'i chos/__tshe dpag med 'chi med grub pa'i chos/__ras chung lugs 'di la phyi nang gsum sogs mang /__thugs rje chen po dpal mo lugs/__rgyud byin gyis brlab pa'i chos gzhan yang ras chung pa'i snyan brgyud gsar rnying /__stod 'brug rgod tshang pa'i khrid chen brgyad/__o rgyan pa'i rdo rje gsum gyi bsnyen sgrub/__yang dgon pa'i ri chos skor gsum/__smad 'brug lo ras kyi thub pa lnga/__thugs dam dge sbyor bdun pa/__bka' brgyud kyi bka' 'bum la/__gling ras rgya ras/__mnyam med seng ge dgu tshar/__rgyal dbang rje/__pad+ma dkar po rnams kyi gsung rab rnams so/__/de bzhin dpal stag lung pa'i chos drug yid bzhin nor bu dang /__thang pa snga phyi sogs kyi bka' 'bum/__mgon po phyag bzhi'i skor gser pod dang bcas pa/__'bri gung pa'i dgongs gcig dang gnad gcig phyag chen lnga ldan sogs rgya cher mchis so/__/bka' brgyud rin po che rnams kyi rnam thar rgyas pa ni/__bka' brgyud so so'i rnam mgur gyi skor glegs bam shin tu mang po dang /__kun mkhyen bstan pa'i nyin byed dang paN+Di ta tshe dbang kun khyab kyis mdzad pa'i sgrub brgyud karma kaM tshang gi rnam thar rab 'byams zla ba nor bu chu shel gyi phreng ba/__'gos lo thams cad mkhyen deb ther sngon po pod gcig pa gzhon nu dpal/__'brug pa pad+ma pad dkar rgyas pa'i nyin byed pod gcig dkar po/__stag lung pa ngag dbang grags pa/__dpa' bo gtsug lag phreng ba mkhas pa'i dga' ston pod gnyis/__rnams kyi chos 'byung gi bka' brgyud pa'i skabs sogs las shes par bya'o/__/ bka' brgyud ces pa'i sgra don ni/__/dwangs po rin po ches thog mar jo bo rje nas brgyud pa'i bka' gdams pa'i gdams ngag gsan zhing /__phyis mar pa nas brgyud pa'i phyag rgya chen po'i brgyud pa rin po che la zhugs te/__de gnyis zung 'brel du skyong bas gdams pa'i ming gang zag la chags pa yin zhing /__'brug pa ni/__gtsang pa rgya ras kyis dgon gnas 'debs pa'i phyogs der byon pa'i tshe/__'brug ma smad dgu babs nas 'dug pa nam mkhar song /__'brug sgra drag po'ang lan gsum du grags pas gnas kyi phur dgon pa btab pa la 'brug ces btags par bshad pa'i phyir gnas kyi ming gang zag la chags pa yin no//____//__!_
