ཡང་ཞིང་ཁམས་གཞན་དུ་དགོངས་པ་གཏད་པའི་མཆོད་འབུལ་ལྟ་བུའི་ཚེ།

🚧 This website is under continued development. We appreciate your patience!

Previous Text Back to Volume PageNext Text

Wylie title	yang zhing khams gzhan du dgongs pa gtad pa'i mchod 'bul lta bu'i tshe
Location	mkhyen brtse'i bka' 'bum Volume 18, sde tshan 1, Text 14, Pages 175-181 (Folios 88a3 to 91a3)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. yang zhing khams gzhan du dgongs pa gtad pa'i mchod 'bul lta bu'i tshe. In 'jam dbyangs mkhyen brtse'i dbang po'i bka' 'bum, Vol. 18: 175-181. Khams sde dge rdzong sar dgon: Rdzong sar blo gros phun tshogs, 2020.
Genre	Official Letters - chab shog

1 Texts in this Section (sde tshan or chos tshan)

14 175-181	ཡང་ཞིང་ཁམས་གཞན་དུ་དགོངས་པ་གཏད་པའི་མཆོད་འབུལ་ལྟ་བུའི་ཚེ། yang zhing khams gzhan du dgongs pa gtad pa'i mchod 'bul lta bu'i tshe Official Letters - chab shog	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

ཡང་ཞིང་ཁམས་གཞན་དུ་དགོངས་པ་གཏད་པའི་མཆོད་འབུལ་ལྟ་བུའི་ཚེ། བསྐུར་ཡུལ་གདན་ཚབ་བམ། མཛོད་པ་སོགས་གང་ཡིན་ལ་དེར་བསྟུན་གྱི་མགོ་རྒྱན་དང་འབེབས་ཞུ་སོགས་སྐབས་ཐོབ་སྦྱོར་བའི་མཚམས། །ཁྱད་པར་དེར་དུས་སྐྱེ་འགྲོའི་བསོད་ནམས་ཀྱི། །མཆོད་སྡོང་གཅིག་གྱུར་རྗེ་བཙུན་འཇིག་རྟེན་མིག །རྡུལ་བྲལ་ཞི་བའི་དབྱིངས་སུ་གནལ་བའི་མོད། །ཡིད་ཅན་མུན་པའི་མལ་དུ་ངང་གིས་བཅིངས། །དེ་ཚེ་འདི་ན་གུས་ལྡན་དངོས་ངན་ཀྱང་། །བཟོད་དཀའི་ཟུག་རྔུའི་གདུང་བས་གཞུར་བ་ལས། །ཤུགས་རིང་དབུགས་ཆེན་འབྱིན་པ་སུ་ཞིག་ཅེས། །ཆེས་ཆེར་གཤུམ་པའི་སྨྲེ་སྔགས་རིང་དུ་བཏོན། །འོན་ཀྱང་རང་གི་ནོངས་པ་འབའ་ཞིག་གིས། །ཕྲིན་ལས་འཇུག་པའི་ཡུལ་དུ་མ་གྱུར་པར། །ད་ཀོ་མཐོང་ནས་མཐོལ་བའི་གཡར་དམ་བཅས། །སྙིང་ནས་གསོལ་བ་གདབ་ལ་འགྲུས་བཞིན་དུ། །དངོས་འབྱོར་ཉུར་ངུའི་བདོག་པ་འདིས་མཚོན་པའི། །དུས་གསུམ་ལུས་དང་ལོངས་སྤྱོད་དགེ་ཚོགས་ཀུན། །ཡེ་ཤེས་གཟིགས་པའི་དགྱེས་པ་བསྐང་བའི་སླད། །བསམ་ཡས་མཆོད་པའི་སྤྲིན་དུ་སྤྲུལ་ཏེ་དབུལ། །ཞེས་གཅམ་བུ་མིན་པའི་བརྗོད་པ་ཉུང་ངུའི་མདུན་བསུས་ཏེ། དེང་གི་ཆར་ཡང་ལྷ་དང་བླ་སྤྲུལ་ཕལ་པའི་རིགས་ལ་ལྷ་དང་བཅས་པ་ནས། ཐམས་ཅད་ཀྱི་བར་མ་བྲིས་པས་འཐུས། བཅས་པའི་ཡིད་ཅན་ཐམས་ཅད་ཀྱི་སྐྱབས་གཅིག་མཚུངས་པ་མེད་པ་རྗེ་བཙུན་སྤྲུལ་པའི་སྐུ་དེ་ཉིད་གངས་བླ་སྤྲུལ་ཕལ་པ་ལ་སྤྱི་དགོས་བསྟན་འགྲོའི་བསོད་ནམས་ཀྱིས། ཞེས་བསྒྱུར། ཅན་བསྟན་འགྲོའི་བསོད་ནམས་ཀྱིས་མ་འཆུན་པར་རེ་ཞིག་དགོངས་པ་ཆོས་དབྱིངས་སུ་ཐིམ་པའི་ཚུལ་བསྟན་པ་དེ་བཞིན་ཉི་འོག་གི་འདི་ཡང་ཕལ་པ་ལ་ལྟོས་བཅས་ཐམས་ཅད་ཞེས་བསྒྱུར། འགྲོ་བ་མ་ལུས་ཤིང་ལུས་པ་མེད་པ་ཐམས་ཅད་དམིགས་བུ་དུས་གཅིག་ཏུ་སྟོར་བ་ལྟར་གྱུར་པར་མ་ཟད། བྱེ་བྲག་ཏུ་གུས་ལྡན་ཁོ་བོ་ཅག་ཀྱང་སྲོག་གི་རྒྱུ་བ་འགགས་པ་ལ་ཕྱོགས་པའི་སྡུག་བསྔལ་གྱི་ཚོར་བས་ནོན་པར་གྱུར་མོད། དེ་ལྟ་ནའང་ཟད་པ་དང་མི་སྐྱེ་ཤེས་པའི་ཡེ་ཤེས་མངོན་སུམ་དུ་བརྙེས་པའི་འགྲོ་བའི་བླ་མ་དོན་ཀུན་གྲུབ་པ་ལྟ་བུའང་རྟག་འཛིན་ཅན་རྣམས་ཀྱི་སྣང་ངོར་འཚོ་བའི་འདུ་བྱེད་བཤིགས་པར་མཛད་དེ། སེམས་ཅན་གྱི་ལས་ལ་སངས་རྒྱས་ཀྱིས་ཀྱང་བཅོས་སུ་མེད་པར་བསྟན་པ་ལ་ཡིད་གཏད་པས་རང་གིས་རང་ལ་དབུགས་དབྱུང་བར་བགྱིས་ཏེ། ད་དགོས་དགོངས་རྫོགས་གསོལ་འདེབས་མཆོད་འབུལ་ལ་བརྩོན་པ་ཆེ་ཐང་དུ་བསྐྱེད་པ་ལས་འོས་མ་མཆིས་ཤིང་། དེ་ཡང་རྗེ་བཙུན་དམ་པ་དེ་ཉིད་ཀྱི་བཀའ་དྲིན་དང་ཐུགས་རྗེ་ལ་བསམས་ན་སྟོང་གསུམ་ནོར་བུས་བཀང་ཡང་ཕྱོགས་རེ་ཙམ་ཡང་གཞལ་བར་དཀའ་མོད། འོན་ཀྱང་རེ་ཞིག་རང་གི་འབྱོར་པ་དང་མཐུན་པར་ལྷག་བསམ་གྱིས་བླངས་བའི་བདོག་པ་ཉུང་ངུ་འདིས་ཐོག་དྲངས། སྲིད་པ་དང་ཞི་བའི་ཁམས་སུ་བླ་ན་ཡོད་མེད་ཀྱིས་བསྡུས་པའི་མཆོད་པའི་སྤྲིན་ཕུང་བསམ་ལས་འདས་པ་ཐམས་ཅད་བྱང་ཆུབ་སེམས་དཔའ་ཀུན་ཏུ་བཟང་པོའི་རྣམ་པར་ཐར་པ་དང་མཐུན་པར་སྤྲུལ་ཏེ་བསྐལ་པའི་བར་དུ་དབུལ་བའི་མཎྜལ་མཚོན་བྱེད་དུ། ཐོག་མར་ལྷ་རྫས་ཀྱི་ཝསྟྲཾ་དཀྱུས་སུ་རིང་བ། སོགས་འབུལ་ཚན་རྣམས་བཀོད་མཐར། བཅས་རྣམ་གྲངས་འབུལ་ལམ་ཞུས་ཡོད་པ། བརྩེ་བ་ཆེན་པོས་དགོངས་ཏེ་བཞེས་པར་གསོལ་བ་འདེབས་པ་ལགས། དེ་ནས་འཕྲོས་རྣམས་གང་འོས་སྦྱར་བར་བྱའོ། ། ༈ ཡང་རྟེན་བཞེངས་ཞལ་འདེབས་ལྟ་བུའི་ཚེ། གོང་གཤམ་བརྗོད་པ་དཀྱུས་སུ་འབྱུང་བ་གང་རིགས་ལས། ཁྱད་པར་གང་ཞིག་མཐོང་ཐོས་དྲན་རེག་གི །འགྲོ་རྒྱུད་ཞིང་ས་གཤིན་པོར་ཚོགས་གཉིས་ཀྱི། །ས་བོན་བཏབ་པ་མཁས་པའི་འདུ་འགོད་ཀྱིས། །རྒྱལ་དམིགས་གསལ་གསུང་རྟེན་ལྟ་བུ་བཞེངས་པའི་ཚེ་རྒྱལ་གསུང་གླེགས་བམ་ཕྲེང་བ་བསྐྲུན་པ་ཡིས། ཞེས་སམ། གཙུག་ལག་གསར་བཞེངས་སོགས་ལ་འཕགས་ཚོགས་འདུས་པའི་བསྟི་གནས་བསྐྲུན་པ་ཡིས། ཞེས་པ་ལྟ་བུ་ཁ་བསྒྱུར་ཤེས་པར་བྱའོ། །སྐུའི་སྣང་བརྙན་རྨད་བྱུང་བསྐྲུན་པ་ཡིས། །ལེགས་སྤྱད་གང་ལ་ཕྲག་པ་དོགས་གྱུར་པའི། །ཡིད་སྲུབ་སྡེར་བཅས་བརྟན་པ་ཉམས་པ་དང་། ལྷན་ཅིག་དོན་གཉིས་བདུད་རྩིའི་བགོ་བཤར་གྱིས། །བསྐལ་བཟང་ཀུན་དགའི་ལང་ཚོ་བྱིན་པའི་གཏམ། འདི་ན་རིང་ནས་བསོད་ནམས་ཟབ་མོ་ཡིས། །ཉེར་བསྐྲུན་རྣ་བའི་དཔྱིད་དུ་འཐུངས་པ་ལས། །ཡི་རངས་ཆུ་གཏེར་སྙིང་ནས་འཕྱུར་བ་དང་། །དངོས་རྫས་མེ་ཏོག་ཕྲ་མོའི་ལེགས་བྱས་སྟོབ། །ཅེས་སམ། གང་ཚེ་བསྐལ་མང་གཞན་ཕན་ལ་གོམས་པའི། །ཐུགས་བསྐྱེད་ས་བརྟོལ་དབང་པོའི་འགྲམ་པ་ནས། །དེང་དུས་ངོ་མཚར་མཆོད་སྡོང་བསྐྲུན་པ་ཡི། །པད་དཀར་བྱེ་བ་བཞད་པའི་གྲགས་སྙན་གཡོ། །དེ་ཚེ་འདི་ན་མཆིས་པའི་དངོས་ཅག་ཀྱང་། །རྗེས་སུ་རངས་པའི་འཛུམ་དཀར་གྲོལ་བ་དང་། །ཆབས་ཅིག་བདོག་འབྱོར་ཕྲ་མོའི་འབྲེལ་བ་ཡིས། །སྐལ་བ་བཟང་པོ་བསོད་ནམས་བསྒྲུབ་ལ་ཕྱོགས། །ཞེས་སམ། ལྷག་པར་གཞན་ཕྱིར་བརྩེ་བའི་ཆུ་གཏེར་ལས། །མཐོང་ཐོས་དྲན་རེག་ཐར་བའི་དཔལ་སྦྱིན་སླད། །ངོ་མཚར་རྟེན་གྱི་མཆོད་སྡོང་བསྐྲུན་པ་ལ། །འཇིག་རྟེན་ལྷ་མིར་བཅས་པས་བསྔགས་ལ་བྲེལ། །དེ་སླད་འདི་ནའང་དངོས་པོའི་ཡོ་བྱད་ཀྱིས། །ཕྲ་ཡང་ལྷག་པའི་བསོད་ནམས་ལས་སྐྱེས་པའི། །མཆོད་སྤྲིན་ཟེགས་མ་ཙམ་གྱི་དགའ་སྟོན་གྱིས། །ཡན་ལག་བཞི་པའི་བསོད་ནམས་བསྐྲུན་ལ་རིངས། །ཞེས་སམ། ཁྱད་པར་དེང་དུས་སྒྱུ་མའི་ནོར་རྫས་ལ། །ཚོགས་གཉིས་སྙིང་པོའི་ལྕིད་ཀྱིས་སྤ་བའི་ཕྱིར། །ལྷར་བཅས་མཆོད་འོས་རྟེན་མཆོག་འདུ་མཛད་པའི། །གཏམ་ཙམ་ཐོབ་པ་ཡིས་ཀྱང་ཀུན་དགར་གྱུར། །དེ་སླད་ལེགས་པར་སྤྱད་ལ་ཡི་རངས་བའི། །བསོད་ནམས་ཕུང་པོ་དེ་ཡང་གཞལ་དཀའ་བར། །མི་བསླུ་ངེས་པའི་ལུང་གིས་ཡིད་དྲངས་ནས། །དངོས་པོའི་བདོག་འབྱོར་ཉུང་ངུའི་ལེགས་འབུལ་སྟོབ། །ཅེས་སམ། ཁྱད་པར་ལེགས་སྤྱད་ཚོང་ཟོང་གིས། །འགྲོ་ལ་དོན་གཉིས་གཏེར་སྦྱིན་པའི། །ཐབས་མཁས་རོལ་མོ་མི་འགོག་ཕྱིར། །ཟླ་མེད་མཆོད་སྡོང་བསྐྲུན་པར་མཛད། །དེ་ལྟའི་གཏམ་གྱི་འབིགས་བྱེད་རླུང་། །སྙིང་ལ་རེག་པས་བསིལ་བདག་ཀྱང་། །རྗེས་སུ་ཡི་རངས་བསོད་ནམས་སླད། །དངོས་འབྱོར་ཉུང་ངུའི་མཆོད་སྤྲིན་སྟོབ། །ཅེས་པ་ལྟ་བུའི་གཤམ་དུ། ཞེས་སྐབས་སུ་བབས་པའི་བརྗོད་པ་ཉུང་ངུས་མདུན་བདར་ཏེ། དེང་གི་ཆར་ཡང་གཟོད་མ་ནས་གཞན་ལ་ཕན་པ་འབའ་ཞིག་ལ་གོམས་པའི་སྐྱོབ་པ་ཁྱོད་ནི་སེམས་ཅན་རྣམས་འདུལ་བའི་ཐབས་བླ་ན་མེད་པ་ལ་མཁས་པའི་ཕྱིར། མཐོང་ཐོས་དྲན་རེག་གི་འབྲེལ་བའི་ཡིད་ཅན་རྒྱ་མཚོའི་རྡུལ་སྙེད་ཐམས་ཅད་རྣམ་མཁྱེན་གྱི་གོ་འཕང་ལ་ཕྱམས་གཅིག་ཏུ་འགོད་པའི་ཆེད་དུ། སྨོན་ལམ་དང་སྙིང་རྗེའི་འཕེན་པ་ཁྱད་པར་ཅན་གྱི་བྱེད་འདིར་དམིགས་བསལ་གསུང་རྟེན་ལྟ་བུ་ལ། ཤེས་རབ་ཀྱི་ཕ་རོལ་ཏུ་ཕྱིན་པའི་གླེགས་བམ་མཐིང་ཤོག་གི་ངོས་ལ་གསེར་སྦྱངས་ཀུན་མས་བསྐྲུན་པའི་ངོ་མཚར་གྱི་སྣང་བ་ཞེས་སམ། གཙུག་ལག་ཁང་ལྟ་བུ་ལ་འཕགས་ཚོགས་འདུས་པ་རྒྱ་མཚོ་བསྟི་བའི་གནྡྷོ་ལ་ཆེན་པོ་རྟེན་དང་བརྟེན་པར་བཅས་པ་གསར་དུ་བསྐྲུན་པའི་ངོ་མཚར་གྱི་སྣང་བ་སོགས་གང་འོས་སྦྱར། མཆན། པོ་ཁོ་ན་ལ་འཆེལ་བས་བསྐལ་བཟང་རྣམ་འདྲེན་བཞི་པའི་མཚན་དཔེའི་ཞལ་སྐྱིན་གསེར་སྦྱངས་ཞུན་མའི་ཕུང་པོ་ལས་གྲུབ་པའི་ངོ་མཚར་གྱི་སྣང་བ་བློ་ཡི་ར་བ་ལས་བརྒལ་བར་བསྐྲུན་པར་མཛད་པའི་ཚེ་ན། ལེགས་བྲིས་དང་བཅས་པའི་འགྲོ་བ་ཐམས་ཅད་ཀྱིས་མངོན་པར་བསྔགས་པའི་མེ་ཏོག་འཐོར་ཞིང་། ཕྱོགས་བཅུའི་རྣམ་འདྲེན་སྲས་དང་བཅས་པ་ཀུན་གྱིས་ཀྱང་དགྱེས་པའི་སྤྱན་ཟུར་ལྷུག་པར་གཡོ་བའི་མོད། ཛམ་བུའི་རྐང་འཐུང་གིས་ཉེ་བར་མཚོན་པའི་ཐ་གྲུ་ཀུན་ཏུ་ཕན་པ་དང་བདེ་བའི་རྫོགས་ལྡན་གྱིས་དུས་སྟོན་གསར་པ་གློ་བུར་དུ་འབོད་པའི་དགེ་ལེགས་ཀྱི་སྒོ་འཕར་བརྒྱ་ཕྲག་དབྱེ་བ་ལ། གུས་ལྡན་པ་ཁོ་བོ་ཅག་ཀྱང་སྙིང་ཐག་པ་ནས་རྗེས་སུ་ཡི་རངས་པའི་བསོད་ནམས་ཀྱི་མཐུ་རྒྱ་ཆེར་བསྐྱེད་པ་དང་ཆབ་ཅིག །རང་གཞན་འབྲེལ་ཐོགས་ཀྱི་འགྲོ་བ་ཐམས་ཅད་བྱང་གྲོལ་གྱི་ལམ་ལ་འགོད་པའི་སླད། དུས་གསུམ་གྱི་ལུས་ལོངས་སྤྱོད་དགེ་ཚོགས་རྒྱ་མཚོ་དང་བཅས་པ་མཁའ་ཁྱབ་ཀྱི་མཎྜལ་དུ་འབུལ་བའི་མཚོན་བྱེད་དངོས་འབྱོར་གྱི་བསྙེན་བཀུར་ཕྲ་མོ་བགྱིད་པར། ཐོག་མར་མ་ཧཱ་ཙི་ནའི་ཡུལ་གྲུ་ནས་བསྐྲུན་པའི་ལྷ་རྫས་ཀྱི་ཝསྟྲ་ཡིད་དུ་རིང་བ་བཀྲ་ཤིས་རྟགས་ཀྱི་རྣ་ཆས་སྒེག་པ། སོགས་དང་། མཐར་འབུལ་ལམ་ཞུས་ཡོད་པ་བརྩེ་ཆེན་ཡེ་ཤེས་གཟིགས་པས་བདག་གིར་བཞེས་པར་གསོལ་བ་འདེབས་པ་ལགས། ཞེས་པའི་མཐར་དཀྱུས་ཀྱི་བརྗོད་པ་གང་རིགས་འདྲེན་པར་བྱའོ། ། ༈

[edit]

yang zhing khams gzhan du dgongs pa gtad pa'i mchod 'bul lta bu'i tshe/ yang zhing khams gzhan du dgongs pa gtad pa'i mchod 'bul lta bu'i tshe/__bskur yul gdan tshab bam/__mdzod pa sogs gang yin la der bstun gyi mgo rgyan dang 'bebs zhu sogs skabs thob sbyor ba'i mtshams/_/khyad par der dus skye 'gro'i bsod nams kyi/__/mchod sdong gcig gyur rje btsun 'jig rten mig__/rdul bral zhi ba'i dbyings su gnal ba'i mod/__/yid can mun pa'i mal du ngang gis bcings/__/de tshe 'di na gus ldan dngos ngan kyang /__/bzod dka'i zug rngu'i gdung bas gzhur ba las/__/shugs ring dbugs chen 'byin pa su zhig ces/__/ches cher gshum pa'i smre sngags ring du bton/__/'on kyang rang gi nongs pa 'ba' zhig gis/__/phrin las 'jug pa'i yul du ma gyur par/__/da ko mthong nas mthol ba'i g.yar dam bcas/__/snying nas gsol ba gdab la 'grus bzhin du/__/dngos 'byor nyur ngu'i bdog pa 'dis mtshon pa'i/__/dus gsum lus dang longs spyod dge tshogs kun/__/ye shes gzigs pa'i dgyes pa bskang ba'i slad/__/bsam yas mchod pa'i sprin du sprul te dbul/__/zhes gcam bu min pa'i brjod pa nyung ngu'i mdun bsus te/__deng gi char yang lha dang bla sprul phal pa'i rigs la lha dang bcas pa nas/__thams cad kyi bar ma bris pas 'thus/__bcas pa'i yid can thams cad kyi skyabs gcig mtshungs pa med pa rje btsun sprul pa'i sku de nyid gangs bla sprul phal pa la spyi dgos bstan 'gro'i bsod nams kyis/_zhes bsgyur/__can bstan 'gro'i bsod nams kyis ma 'chun par re zhig dgongs pa chos dbyings su thim pa'i tshul bstan pa de bzhin nyi 'og gi 'di yang phal pa la ltos bcas thams cad zhes bsgyur/__'gro ba ma lus shing lus pa med pa thams cad dmigs bu dus gcig tu stor ba ltar gyur par ma zad/__bye brag tu gus ldan kho bo cag kyang srog gi rgyu ba 'gags pa la phyogs pa'i sdug bsngal gyi tshor bas non par gyur mod/__de lta na'ang zad pa dang mi skye shes pa'i ye shes mngon sum du brnyes pa'i 'gro ba'i bla ma don kun grub pa lta bu'ang rtag 'dzin can rnams kyi snang ngor 'tsho ba'i 'du byed bshigs par mdzad de/__sems can gyi las la sangs rgyas kyis kyang bcos su med par bstan pa la yid gtad pas rang gis rang la dbugs dbyung bar bgyis te/__da dgos dgongs rdzogs gsol 'debs mchod 'bul la brtson pa che thang du bskyed pa las 'os ma mchis shing /__de yang rje btsun dam pa de nyid kyi bka' drin dang thugs rje la bsams na stong gsum nor bus bkang yang phyogs re tsam yang gzhal bar dka' mod/__'on kyang re zhig rang gi 'byor pa dang mthun par lhag bsam gyis blangs ba'i bdog pa nyung ngu 'dis thog drangs/__srid pa dang zhi ba'i khams su bla na yod med kyis bsdus pa'i mchod pa'i sprin phung bsam las 'das pa thams cad byang chub sems dpa' kun tu bzang po'i rnam par thar pa dang mthun par sprul te bskal pa'i bar du dbul ba'i maN+Dal mtshon byed du/__thog mar lha rdzas kyi was+t+raM dkyus su ring ba/__sogs 'bul tshan rnams bkod mthar/__bcas rnam grangs 'bul lam zhus yod pa/__brtse ba chen pos dgongs te bzhes par gsol ba 'debs pa lags/__de nas 'phros rnams gang 'os sbyar bar bya'o/__/_!_yang rten bzhengs zhal 'debs lta bu'i tshe/__gong gsham brjod pa dkyus su 'byung ba gang rigs las/__khyad par gang zhig mthong thos dran reg gi__/'gro rgyud zhing sa gshin por tshogs gnyis kyi/__/sa bon btab pa mkhas pa'i 'du 'god kyis/__/rgyal dmigs gsal gsung rten lta bu bzhengs pa'i tshe rgyal gsung glegs bam phreng ba bskrun pa yis/__zhes sam/__gtsug lag gsar bzhengs sogs la 'phags tshogs 'dus pa'i bsti gnas bskrun pa yis/__zhes pa lta bu kha bsgyur shes par bya'o/__/sku'i snang brnyan rmad byung bskrun pa yis/__/legs spyad gang la phrag pa dogs gyur pa'i/__/yid srub sder bcas brtan pa nyams pa dang /__lhan cig don gnyis bdud rtsi'i bgo bshar gyis/__/bskal bzang kun dga'i lang tsho byin pa'i gtam/__'di na ring nas bsod nams zab mo yis/__/nyer bskrun rna ba'i dpyid du 'thungs pa las/__/yi rangs chu gter snying nas 'phyur ba dang /__/dngos rdzas me tog phra mo'i legs byas stob/__/ces sam/__gang tshe bskal mang gzhan phan la goms pa'i/__/thugs bskyed sa brtol dbang po'i 'gram pa nas/__/deng dus ngo mtshar mchod sdong bskrun pa yi/__/pad dkar bye ba bzhad pa'i grags snyan g.yo/__/de tshe 'di na mchis pa'i dngos cag kyang /__/rjes su rangs pa'i 'dzum dkar grol ba dang /__/chabs cig bdog 'byor phra mo'i 'brel ba yis/__/skal ba bzang po bsod nams bsgrub la phyogs/__/zhes sam/__lhag par gzhan phyir brtse ba'i chu gter las/__/mthong thos dran reg thar ba'i dpal sbyin slad/__/ngo mtshar rten gyi mchod sdong bskrun pa la/__/'jig rten lha mir bcas pas bsngags la brel/__/de slad 'di na'ang dngos po'i yo byad kyis/__/phra yang lhag pa'i bsod nams las skyes pa'i/__/mchod sprin zegs ma tsam gyi dga' ston gyis/__/yan lag bzhi pa'i bsod nams bskrun la rings/__/zhes sam/__khyad par deng dus sgyu ma'i nor rdzas la/__/tshogs gnyis snying po'i lcid kyis spa ba'i phyir/__/lhar bcas mchod 'os rten mchog 'du mdzad pa'i/__/gtam tsam thob pa yis kyang kun dgar gyur/__/de slad legs par spyad la yi rangs ba'i/__/bsod nams phung po de yang gzhal dka' bar/__/mi bslu nges pa'i lung gis yid drangs nas/__/dngos po'i bdog 'byor nyung ngu'i legs 'bul stob/__/ces sam/__khyad par legs spyad tshong zong gis/__/'gro la don gnyis gter sbyin pa'i/__/thabs mkhas rol mo mi 'gog phyir/__/zla med mchod sdong bskrun par mdzad/__/de lta'i gtam gyi 'bigs byed rlung /__/snying la reg pas bsil bdag kyang /__/rjes su yi rangs bsod nams slad/__/dngos 'byor nyung ngu'i mchod sprin stob/__/ces pa lta bu'i gsham du/__zhes skabs su babs pa'i brjod pa nyung ngus mdun bdar te/__deng gi char yang gzod ma nas gzhan la phan pa 'ba' zhig la goms pa'i skyob pa khyod ni sems can rnams 'dul ba'i thabs bla na med pa la mkhas pa'i phyir/__mthong thos dran reg gi 'brel ba'i yid can rgya mtsho'i rdul snyed thams cad rnam mkhyen gyi go 'phang la phyams gcig tu 'god pa'i ched du/__smon lam dang snying rje'i 'phen pa khyad par can gyi byed 'dir dmigs bsal gsung rten lta bu la/__shes rab kyi pha rol tu phyin pa'i glegs bam mthing shog gi ngos la gser sbyangs kun mas bskrun pa'i ngo mtshar gyi snang ba zhes sam/__gtsug lag khang lta bu la 'phags tshogs 'dus pa rgya mtsho bsti ba'i gan+d+ho la chen po rten dang brten par bcas pa gsar du bskrun pa'i ngo mtshar gyi snang ba sogs gang 'os sbyar/__mchan/__po kho na la 'chel bas bskal bzang rnam 'dren bzhi pa'i mtshan dpe'i zhal skyin gser sbyangs zhun ma'i phung po las grub pa'i ngo mtshar gyi snang ba blo yi ra ba las brgal bar bskrun par mdzad pa'i tshe na/__legs bris dang bcas pa'i 'gro ba thams cad kyis mngon par bsngags pa'i me tog 'thor zhing /__phyogs bcu'i rnam 'dren sras dang bcas pa kun gyis kyang dgyes pa'i spyan zur lhug par g.yo ba'i mod/__dzam bu'i rkang 'thung gis nye bar mtshon pa'i tha gru kun tu phan pa dang bde ba'i rdzogs ldan gyis dus ston gsar pa glo bur du 'bod pa'i dge legs kyi sgo 'phar brgya phrag dbye ba la/__gus ldan pa kho bo cag kyang snying thag pa nas rjes su yi rangs pa'i bsod nams kyi mthu rgya cher bskyed pa dang chab cig__/rang gzhan 'brel thogs kyi 'gro ba thams cad byang grol gyi lam la 'god pa'i slad/__dus gsum gyi lus longs spyod dge tshogs rgya mtsho dang bcas pa mkha' khyab kyi maN+Dal du 'bul ba'i mtshon byed dngos 'byor gyi bsnyen bkur phra mo bgyid par/__thog mar ma hA tsi na'i yul gru nas bskrun pa'i lha rdzas kyi was+t+ra yid du ring ba bkra shis rtags kyi rna chas sgeg pa/__sogs dang /__mthar 'bul lam zhus yod pa brtse chen ye shes gzigs pas bdag gir bzhes par gsol ba 'debs pa lags/__zhes pa'i mthar dkyus kyi brjod pa gang rigs 'dren par bya'o/__/_!_