JKW-KABUM-17-TSA-003-014-wylie
dpal mgon gdong bzhi pa'i bris thang shin tu khungs btsun/ @#/_/rdo rje 'chang tshar pa'i sku ring la bzhengs pa'i dpal mgon gdong bzhi pa'i bris thang shin tu khungs btsun pa zhig la/__gong du rdo rje 'chang /__g.yas su klu sgrub dkyus ltar/__g.yon du grub chen ba liM ta pa sku mdog dmar skya/__g.yas bdud rtsi 'thor tshul/__g.yon thod pa thugs kar 'dzin pa/__gru thob gyi cha lugs can/__sangs rgyas ye shes zhabs nas rin chen grags pa'i bar paN grub kyi cha lugs rab byung dang /__yang paN+Di ta'i cha lugs can gnyis 'dug pa ta thA ga ta rak+Shi ta dang 'bum phrag gsum pa gnyis yin 'dra/__ri sul gyi rnal 'byor ma dmar skya g.yas DA ma ru 'khrol ba/__g.yon thod pa 'dzin pa/__sems dpa'i skyil krung gis bzhugs pa/__sku smad la ri dwags kyi pags pa/__gsol ba/__de'i gdan can/__mkha' 'gro ma'i cha lugs can/__gnyan lo rab byung paN zhwa gsol pa/__gnam kha'u pa dge bsnyen gyi cha lugs na bza' dmar po lcang lo can/__gong ma lnga dkyus bzhin/__dam pa kun grags rab byung zhal rgya bo/__pad 'dab gsum tsam yod pa'i zhwa mo mnabs pa/__mnyam gzhag gi steng du thod pa bsnams pa/__bdag nyid chen po dang /__nam mkha' legs pa/__kun dga' rgyal mtshan/__nam mkha' rgyal mtshan gsum dge bsnyen gyi cha lugs dbu reg kong stod dang bem po gsol ba/__gzhan rnams rab byung dkyus ltar/__kun spang chen po bsgres po spyi ther/__mgon po rang bram gzugs sngo ba sangs/__rkang gling dang thod pa bsnam pa/__tshangs skud sgril ma khra bo la g.yer kha brgyus pa/__rol stabs kyi bzhugs pa/__yum bzhi rgyu ma'i ga sha can/__khyad par g.yung mo la g.yang gzhi ang rag ltar byas pa/__mthar skor du dur khrod brgyad na/__zhing skyong brgyad/__glang po che sogs kyi gdong pa can kye rdor ltar las 'jigs su rung ba/__shing brgyad ni shar gyi dur khrod na shing dmar skya/__lo ma dang 'bras bu gang yang med pa la ro dang mgo lag bkal ba/__shar lho'i dur khrod na brag sems can gyi gdong pa 'dra ba kha mig gsal ba yod pa/__byang shar gyi dur khrod ni brag ling+ga 'dra ba la mi zhig lcags thag gis btags pa/__de dang nye bar khrag mtsho yod pa/__rnal 'byor ma rus rgyan can DA ma ru dang thod pa thog nas gar byed pa/__yang shar lho'i dur khrod na/__rnal 'byor pa tsog pur bsdad pa bzhi tsam dang /__rtsa'i spyil bu la gnas pa gcig__/byang gi dur khrod na mtsho nag po zhig las shing skyes pa/__gtso bo'i mdun ngos su/__mon pa dmar po gnyis/__sngon po gcig__/ser po gcig__/nag po gcig rnams skra thor cog can/__mda' dong rked la btags pa/__de yang dmar po gcig gis spu gri dang thod pa 'dzin pa/__gzhu gnya' ba la bkal ba/__dmar po gcig gis mi gcer bu bcings nas khrid pa/__sngon po nas sbrul zhags dang thod pa/__ser pos g.yas spu gri/__g.yon gzhu dang /__ban+d+ha sdig pa/__nag pos lcags kyus nya bo'i snying kha nas bzung ba/__g.yon thod pa/__yang las mkhan dmar po seng+ge'i mgo can spar ba gdeng pa/__ro'i snying kha nas khrag dron 'thung ba/__de rnams kyi bar du khyi dang lce spyang sogs mang po bris 'dug go__/_!
