JKW-KABUM-17-TSA-003-003-wylie

gsum pa jo 'brom rngog gsum gyi zhal thang la/ oM swa sti/__jo 'brom rngog gsum gyi zhal thang la/__dbus su jo bo rje sku shin tu mdzes shing brjid chags pa/__sku lus drang por bsrangs te dbu cung zad 'gying nyams can/__phyag gnyis thugs kar chos 'chad/__na bza' sha 'gags sngo/__sham thabs btsag kha/__chos gos dang snam sbyar ngur smrig__/dbu paN zhu rna thung ser po ngur smrig ri mo can/__zhabs skyil krung /__g.yas su bka' gdams gdung rten dang glegs bam 'ga' re brtsegs pa dang 'khar bsil/__g.yon du za ma tog__/gdan pad zla seng khri/__mdun du spyi blugs/__lhung bzed zhos gang ba/__zhal dkar/__shel snod du shing tog__/de'i g.yas su 'brom ston pa dge bsnyen lcang lo sil bu can/__sku sha rgyas shing zhi 'dzum brjid chags/__zhi zhing dul ba'i nyams/__dbu jo bo la 'dud pa'i rnam pa/__phyag g.yas skyabs sbyin gyi rgyas shel phreng 'dren pa/__g.yon mchog sbyin pad dkar nor bus mtshan pa/__na bza' sha 'gag dkar po/__sku gzan rgya kha/__sku ber smug po lta bu dge slong gi rung ba'i tshon mdog ma yin pa'i gang 'os/__dbu zhwa med/__g.yon du rngog blo ldan shes rab dge slong dar yol/__phyag g.yas chos 'chad ut+pal ral gris mtshan pa/__g.yon mnyam gzhag glegs bam/__na bza' sha 'gag dmar po/__sku sham btsag kha/__chos gos dang snam sbyar ngur smrig__/zla gam ser po/__sku sha rgyas shing sgeg nyams can/__sha tshugs grim pa/__'di gnyis ka zur zhal/__gdan dar 'bol/__jo bo'i dbu steng du thub pa dam tshig gsum bkod thub dbang spyi ltar la phyag chos 'chad/__gdan seng khri pad zla/__de'i mdun g.yas su rdor dbyings gtso bo zhal bzhi kun rig lta bu/__sku dang zhal thams cad dkar po/__phyag gnyis thugs kar byang chub mchog gi phyag rgya zhes g.yon 'og tu byas pa'i khu tshur gyi mdzub mo g.yas pa'i khu tshur gyi nang du bcug pa'i steng du rdo rje rtse lnga sgang po 'dzin pa/__rin po che'i cod pan dar dpyangs can/__mgul rgyan/__do shal ring thung /__phyag zhabs kyi gdu bu/__ske rags/__dar dkar po'i stod g.yogs dang smad g.yogs zhes gsungs pa gnyis ka dkar po yin yang kha dog 'dres pa'i skyon spang phyir nang sha sngon po 'dra gang 'os/__gdan seng khri pad zla/__g.yon du rnam snang mngon byang sku mdog gser mdangs/__phyag mnyam bzhag__/rin po che'i rgyan rdor dbyings dang 'dra/__dar sngon po'i stod g.yogs/__kha dog sna tshogs pa'i smad dkris/__zhabs rdor skyil/__gdan pad+ma dkar po dang zla ba'o/__/de rnams kyi g.yas su sgrol dkar yid bzhin 'khor lo spyan bdun ma spyi ltar la/__bdud rtsi kha dog lnga ldan gyi char 'bebs pa/__g.yon du sgrol ljang spyi ltar la jo bo dang bar du 'ja' tshon gyis 'brel ba/__rin po che'i char 'bebs pa/__'brom gyi sku dpung g.yas pa'i steng nas 'ja' tshon 'phros pa'i rtser 'ja' sprin gyi nang du spyan ras gzigs phyag bzhi pa spyi ltar/__rngog gi dpung g.yon las 'ja' tshon 'phros pa'i rtser 'ja' sprin gyi nang du Dom+bi he ru ka stag la chibs pa yum dang bcas pa spyi ltar/__jo bo'i mdun du rdo rje 'chang dkon mchog bstan pa rab rgyas sku tshugs dang zhal ras sogs ma gzhi rje rin po che dang 'dra ba la/__shangs rdog de tsam mi che ba/__spyan cung zad hur bag gi rnam pa/__phyag mdud rgya/__na bza' rngog dang 'dra ba la/__'gags ring sha 'gags min/__dkyus ma ltar bri/__dbu paN zhwa ser po rna ring sne mo nang du slog pa/__gdan rin po che'i khri dang dar 'bol/__mdun du spyi blugs sogs jo bo ltar 'brom gyi 'og tu mgon po gri gug gnas bcu'i zhal thang 'ga' re la bri srol can de yin/__de'ang sku mdog mthing nag__/g.yas gri gug 'phyar/__g.yon thod khrag thugs ka__/spyan gsum/__mche gtsigs/__ljags bskyod/__dbu skra dang smin ma dmar ser gyen du brdzes pa/__sbom thung yan lag rags/__gsus khyim che/__zhabs g.yon cung zad brkyangs pa'i bzhengs stabs/__thod skam dbu rgyan/__rlon pa'i do shal/__stag sham/__sbrul rgyan/__drag mo dmar nag 'bar ba/__gdan pad nyi/__mi ro/__spyi bor mi g.yo ba sngon po tshon gang tsam sku mdog mthing nag__/spyan gsum dmar zlum/__g.yas ral gri me 'bar ba nam mkhar 'phyar ba/__g.yon rdo rje'i zhags pa sdigs mdzub bcas thugs kar gtod pa/__smar smin dbu skra dmar ser/__ya sos ma mchu mnan pa/__mche ba rnon po gtsigs pa/__stag sham/__rin po che'i rgyan/__sbrul rgyan/__zhabs g.yon brkyangs pa'i dor stabs/__gdan pad+ma nyi ma tshogs bdag glang sna gan rkyal du bskyel ba'i steng du me 'bar ba'i dbus na bzhugs pa/__rngog lo'i 'og tu dzam dkar 'brug zhon/__sku mdog dkar gsal/__zhi 'dzum chags nyams cung zad khro ba/__spyan gsum dbu skra dkar ser gyen brdzes/__smar smin dkar ser gyen du 'khyil pa/__g.yas rtse gsum nam mkhar 'phyar ba/__g.yon rin po che'i be con dku g.yon pa la brten pa/__rin po che'i rgyan brgyad dang /__dar yug gon gyi stod g.yogs/__kha dog sna tshogs kyi sham thabs/__rin po che'i char 'bebs pa'i sprin kha dog sna tshogs pa'i dbus na pad zla dang g.yu 'brug gi steng na bzhugs pa/__phyi rol du nor 'dzin pa tra gang mdzes/__shar du rdo rje mkha' 'gro sngon mo g.yas rdo rje/__g.yon rin po che'i pad phor nor bu dang shing tog dar zab sogs kyis gang ba/__lhor rin chen mkha' 'gro ser/__g.yas nor bu me 'bar/__g.yon gter bum/__nub pad+ma mkha' 'gro dmar/__g.yas pad+ma/__g.yon lcags kyu/__byang las kyi mkha' 'gro ljang /__g.yas rgya gram/__g.yon ne'u le bsnams pa/__thams cad zhabs g.yon brkyangs pa'i gar stabs can/__'di bzhi zhal gyi sring mo bzhi ltar sku shin tu chung ba sprin gyi dbus su gang bder bri/__'brom gyi g.yas su rwa sgreng dgon pa shug nags 'thug po'i dkyil du yod pa/__lha khang dmar po gser 'phru can mdun nas chu che ba dang /__g.yon du chu mig__/ltag tu brag dkar po seng ge'i gdong pa 'dra ba'i mdun du sgrub khang chung ngu dang /__steng 'og thams cad du shug nags mthug po/__yang dgon du dge slong sgrub pa po gcer sham can/__lha khang khyung mgo can gyi mdun du bsags sbyong maN+Dal dang phyag 'tshal mkhan/__shug nags kyi bar ci rigs par dge slong bgres po la las bskor ba byed/__la la mnyam bzhag__/la la chos 'chad pa'i nyams can bri/__rwa sgreng gi rgyab phyogs su thang lha'i gangs sprin dang na bun 'ja' tshon 'phro ba/__seng ges brgyan pa/__rngog lo'i phyogs su gsang phu lung pa zhig gi phur ne'u gseng spang ljongs dang bcas par/__gtsug lag khang dmar po/__grwa gshag dkar po/__gtsug lag khang gi mthil du 'chad rtsod rtsom gsum gyi bkod pa/__bla ma dge 'dun thams cad zhwa ser can/__dgon pa'i g.yon logs mdun du spang dil shing seb me tog bcas pa dang /__shugs pa phra mo lta bu'i nags tshal chung du bcas dpe'u ris ltar/__dkon mchog bstan pa rab rgyas mdun 'ja' gur gyi dbus su ri rab gling bzhi nyi zla dang bcas pa'i maN+Dal gyi bkod pa mdor bsdus gang mdzes rin po che sna tshogs kyis gang ba dang /__g.yas g.yon du mchod pa'i bye brag__/gzhan yul snang gi bkod pa rnam 'gyur mi 'dra ba ma gtogs sa ngor tshar gsum gyi skabs ltar tshang ma ci mdzes su bri/_rgyab tu jo bo'i sku gdan khri dang bcas pa'i tshad dang mnyam pa'i dbyen zlum mchod rten thig rtsa dang ldan pa gser byib byugs byas pa bri'o/__mang+galaM/____/_!