JKW-KABUM-17-TSA-002-039-wylie
nyams yig sna tshogs/ oM a thA/__dug gsum rgyu 'bras drung 'byin pa/__/dpal ldan bla ma sman pa'i rgyal/__/snying dbus thig ler spyan drangs nas/__/nyams kyi yig chung sna tshogs 'bri/__/de yang tsha ba la/__thog mar ma nu bzhi thang btang /__/de rjes rta zi ril bu tshad dar phug em chi'i dris lan ltar/__ldan nor bu bdun thang gis phul/__rtsa bdun brgyad cam drag tu 'phar nas sdod na gnyan dang chu mdog ljang gu 'byung /__bsdangs rtags yin pas/__/gtso khyung kho na mchog tu zab/__/de rnams kyis ma thub na/__sro ma rta ri'i bshal sman ril bu dang po bdun/__bar du bzhi/__tha ma gsum re gtong bas nyi shar dus thebs/__bcad ran pa dang chu grogs dang /__de rjes sha btsabs pa'i khu ba phran bu blud/__tsha ba'i rtags 'phar na sngon gyi tsha sman rigs gtong /__cung zad tsha rtags nub cing za zi chal chol byung na so lnga bzi kha yod pa dang /__a gar bco lnga rnams btang /__de nas ri thang mtshams su ba 'o phul gang la/__chu phul gang blugs nas bskol ba gtong bas snga ma las/__tshad rtags nub na/__rim par sre long dang /__sha gsar sogs cha yis brid/__rnyogs tshad kyis yun ring du mnar ba la/__sro ma rta ri'i sbyangs dang /__gnyan shas med tshe ga bur nyer lnga gtong /__rims tshad la slebs chog dang /__mkhris tshad la 'bri lugs sman nag chen mo zab/__gnyan rigs kun la/__thog mar phur nag bzhi thang dang /__de nas spru nag so gnyis tshad ldan/__nywa log 'khru skyugs sogs la sngo ril/__'khrugs su shor na ga bur nyer lnga zab/__/de yang ga bur sran tsam la/__gtso bor stong ri zil pa phon cher gtong ba phyag len yin/__lhog pa la thog mar skyer shun gyi thang btang /__phyi nas dkar gsum byugs/__khyung lnga wa ta mnyam sbyor dang /__dmar chen rdo rje pha lam gyis gsod/__spyir rims la bdun thang dang /__slebs chog gtong ba las/__spang rtsi gtong snga na byer 'gro/__/_!_snying rlung la/__gzer chen 'brang rtse ar brgyad kyis zug gcog par byed/__rgyun sman mde_la thung man ngag dang /__sems kyi bde skyid tshad ldan gtong /__zla ba gsum bzhi nas btsan dug sman shes rab can la mi legs/__mar bsten/__rim gyis je dwangs song na rjes gcod drug bdun dkar nag mtshams rnams bsregs/__'on kyang snga mi nyan/__rgyal gdon dang bsdongs na khyung steng dzA ti bsnan pa gsang nas gtong ba zab/__gri snying tshad ldan gsang nas sbyin/__/_!_glang thabs spyi la phan glang thabs dang khong lhog nor nyen che bas/__khyung lnga gshogs rdzogs kyis gzer rtse bcil na khong lhog yin rtags/__khong lhog rtsa grim/__chu mdog ljang /__pa kun ldan/__tsha shas yod na zla shel dang /__grang glang la g.yu dril zab/__des ma thub na me nyams kyi gsang la me bya/__des ma thub na lang rtsa zegs tsam gtar bas phan nges/__/_!_mig nad spyi la skyer khaN/__rna nad la ug chos bcu pa/__sna srin la gla rtsi lnga sbyor dang /__si tu'i sna sman nyes sel/__mgo srin la tshangs pa dbu sel dang /__man ngag gur 'dis klad srin la'ang phan che/__gum bcu gsum rnams zab/__se 'bru nyer lnga'i steng rdo thal bung mnyam pa bsnan nas star bus khaN+Das 'dam btags byas pa nyid kyis pho nad phal cher la zab/__lpags srin la sgron shing dang /__spos dkar dud pas phan nges/__mig gi lpags srin la kha sha'i tshugs gis phan/_!__/rlung khrag pus mor 'thabs pa'i lce spyang mgo dang /__gnyan skrangs nor so che bas/__skar chus reg bya nyams par bran pas rlung yin na skrangs 'phyur 'ong /__gnyan yin na gzer zhi 'gro/__/de nas rlung la/__tshwa sgog skya/__mar dkar/__rtsam pa bcas phye 'bol du byas nas dril phyis dang 'byar nan byas pas phan/__/_!_mkhris pa k+Sha ya snod lhung la/__gur gum bdun mchog pa/__tig+ta brgyad steng g.ya' kyi bsnan pa/__g.ya' kyi bdun pa rnams zab/__/_!_mkhal rked kyi nad spyi la go yu bde ba'i dpag bsam a ru bco brgyad/__a ru so lnga/__dzA dngul rnams zab pa yin/__/_!_mkhal rtsa 'gram pa la'ang gong gi sman rnams dang /__ar khyung gtong /__/_!_mgo chag min gyi rtags ni/__sor mo gsum khar bcug pas tshang ma song na chag med rtags/__gcig ma song na chag yod rtags dang /__gnyis ma song na lpags rgya/__gsum ka ma song na klad rgya nyams rtags yin pas phyi ma phyi ma gso dka'/__de yang phyi nas rgya chings phyag len bzhin bya/__byang ba ma gtong ba'i mgo sbyang gis 'byar bya/__sdud sgo bzhir btsag bus chu ser drangs nas de yi steng du tshugs bya/__khong sman bya mo khug pa'i bdud rtsi sum sbyor dang /__/gnyan kha yod na dang po stag seng kha sprod btang /__phyi nas 'debs sman ldum chen dgu sbyor zab/__rus pas gang nas phug yod na de steng 'dar bu bzhag__/des khrag dang chu ser rnams drangs nas rma kha gsal ba na/__lcags thur gyis rus zan bru/__de dang khung mtshams su tol bu'i rus pa lta bu sprad la bzhag__/'di steng thig sman rnams kyis 'byar byas la dkri/__lpags rgya nyams na/__skra bzhar nas mgo sbyangs ltar 'byar bya/__de steng 'byor na grod pa/__ma byung na ras sogs kyis bstum/__rgya chings ni/__skra dkar nag mtshams nas sor bzhi re'i bar du shing bu mdzub phyed gang re tsam 'khor bar bzhag__/snal mas dkris mtshams nas kyang shing bu gtong zhing gru gu ltar dkri/__de steng zhwa mo lta bus g.yogs/__'gram sos sran ma bsdad lo dus 'byor rtags yin pas rim gyis klod/__lag pa snal ma dang de bas gang yang khral por dkri ba las ha kyang dam mi nyan/__chag na rma sman gyis 'byar bya/__de steng ri bong ma rnyed na bal gyis kyang rung /__spu/___de steng shing byang /__de yang dpung pa chag na nang du rang gi mkhyid gang dang /__phyi nas mtho gang re shing byang /__srabs la ldems pa dgos/__spu dang sha mtshams su rtsi dkar 'khor mor bzhag__/rim gyis 'byor pa na rtsi dkar phri bas rang klod du 'gro/__sen mo'i mdog dmar zhing lag mgo la drod phog na 'byar rtags dang /__de las ldog na mi 'byor/__rta nor chag dus kyang rtsi dkar dang spen ma'i debs kyis sngar ltar dkri/__/'dzub mo chags na ho phud kyi debs gtong zhing dkri/__rgyu ma lug na chu grang drod nyag tsam yod pas khrag khu bkru/__tshil rnams chu yis drod brgyabs nas nang du btsud/__gla rtsi dang dom mkhris btab/__zhib mo min tsam du legs par btsem/__ther khug gi thad nas lug na bcos rgyu med/__gzhang lug na/__'phang stod/__khog stod smad/__mar khu thon yag red pa drod nyams tsam yod pas bkru/__ras snum tshos byas pas nang du bsdigs/__phying pa snum tshos dang chu srin sder mo btab pa blugs nas brdzang /__rjes gcod mdo ro gsang chen dang /__dpyi mig gnyis su mes bsregs/__khong sman sbrul zhags bco brgyad dang bcu gnyis rnams zab/__mdzub mo chad na gri rnon pos bcad nas mar khu blugs/__debs bya/__srin bu bud sla thabs ni/__gzer sar bu ram byugs/__mtha' bskor du 'byar sna tshogs bya/__rma khung du mu zi nag po btab/__mig lpags la 'dzer pa tshab chen byung na/__rgyas tshar nas stong skud kyis dam par bsdam/__dur mi shor bar bya/__bar skabs rtsa ba phra mor song ba'i tshe gri rnon pos bcad/__rma kha zangs tel gyis srungs/__dpung pa bud na mi gcig gis rgyab nas dam par bzung /__lha rje rang gis 'then pas them sgra grags na tshud rtags yin pas mgul du bcings la spyod lam gzab/__lag pa bud na sa khad snyoms pa zhig gi steng du drang por bzhag nas rkang pas brdzis na tshud yod/__rkang tshig bud na gar bud pa'i sa nas snga ma ltar tshur bsrangs la btsud/__pus mo bud na'ang btsud thabs sngar ltar dang /__rjes gcod rngabs ru chu lum sogs bya/__ma ne bud na sna nang du dud rgan btabs pas sbrid pa byung na tshud nges so/__/_!_khams zag la/__tsha 'dzag sA ra'i bya khyung dom mkhris kha che ha lo bskyed pa'am/__rdo rje khyung dmar zab/__grang 'dzag la ri mig dgu pa ha lo'i thang gis phul/__gnyis ka la'ang dzA dngul zab/__yang grang 'dzag nyi dkyil steng /__kha che/__dom mkhris/__gangs sbal lam sram gyi gzhug to bsnan pas phan/__chu btsag rjes su chu kha tsha ba la skyer shun lnga pa kho na zab/__/_!_'bras la thog mar gnyan sman gtong zhing gnyan 'byar bya/__gnyan kha chog nas 'bri gung gces btus su bshad pa'i 'bras 'dul gyis 'byar bya/__des rnag tu khug nas brtol lugs sogs sba ba dang 'dra/__rus 'bras la gras bcos bya/__/_!_skya sbab dang rmu chu'i bcos 'bri gung pa'i gsang ba sbubs 'dren ma bu le lag dang bcas pa ltar zab/__spyir rmu chu la bsdu na tsha rkyen/__grang rkyen gnyis las/__snga ma ni rtsa chu sogs tsha ba ltar ston zhing /__rngams pa shin tu rgod pa/__phyi ma skrangs pa skya sob/__rtsa chu sogs bad kan spyi dang 'dra ba 'byung /__gang ltar yang sngon 'gro a b+hi drug thang skyu ru bung skyed srad dkar 'phrul med gal che/__tshad ldan zhag kha yar bsten/__de rjes tsha chu la 'bol sman bdun pa/__su kha tsa kra/__bong dkar bcu pa sogs skabs thob gtong zhing /__cis kyang sel dka' na ba chu'i 'phrul bshal gzhung bzhin du sbyar ba'i steng 'bu skyogs bsnan pa'am/__yang na su kha tsa kra dang /__'bu skyogs bdun pa ltag pa sprad pa'i bshal bya/__grang chu la/__thog mar da lis bcu drug dang /__de nas bde byed chu bsgyur/__gur gum chu bsgyur/__dwangs ma chu 'dren sogs bsngags/__rjes gcod tsha grang gang la'ang skems byed kyi byugs pa skrangs lhag steng byugs cing me nyir bsro/__de rjes chu tshan la zhugs/___chu 1gsang 16kha 18gsum la me bya/__chu lhag skems byed zangs thal nyer lnga sogs sbyar/__slong rkyen gyi zas spyod spyi dang /__khyad par brlan grang bser bu 'ju dka'/__chu ngan pa sogs rtag tu spong /__gal te yan lag gi skrangs rnams rim gyis bri ba'am/__ma bri yang pho ba lhag par skrangs nas gnod sbyin lta bur gyur pa'i rigs ni 'tsho bar ma mthong /__bla gnyan thor bu la/__glo bar babs nas rngams pa 'degs shing bzhin skrangs/__de la cu gang chu bsgyur ram/__rgun 'brum bdun sbyor shing tsha bris shing skyu ru ra bskyed pa dang chu sman spel/__skran dang bsdongs pa la thur ma bya ba lag len la shes/__mchin pa'i zag chu dang /__'bam gzhug chur 'gyur ba'i rigs la/__gur gum chu bsgyur dang /__glang chen chu bsgyur sogs bsngags/__chu nad byer nas yun ring du mnar ba dang /__smug po'i zag chu sogs la zla shel bdud rtsi thigs pa kho na bsngags pa mthong /__chu ser dang bsdongs nas skrangs shin tu che zhing chu ser brdol ba la gsang sman chig brgyud gtong bas phan zhes zer/__ra mo shel lugs kyi gsang sman ngos 'dzin 'bri gung pa'i man ngag las 'byung ba rnams so so'i dus gnad ma 'chol bar btus nas rma cung zad phab la grib skam legs par bya/__slar phyogs gcig tu khaN+Da byas pa nyid/__sdud ka rnams la bsdebs pa man ngag snying tig ma yin yang /__le lo can gyi lha rje la de 'dra'i re ba bral/__gzhan yang skyu ru ra'i khaN+Da legs par bskol ba nyid chu nad thams cad la bsngags te de yang tsha chu la 'bol bdun dang /__grang chu la aM b+hi drug thang yang na da lis bcu drug ma nu bzhi thang gis phul/__zhag kha yar bsten rjes/__dngos gzhir tsha chu la/__chu 'bebs dka' na rgya sdig gser bye lcam ba/__glor bab lud pa skya sob/__ci rigs la rgun 'brum bdun pa sngar bshad pa bsnan zhing /__aM b+hi drug thang shing mngar bskyed pas phul/__shin tu skrangs che zhing chu ser dang bsdongs na sga tig khaN+Da'am/__ba chu'i khaN+Da bsnan la btang /__'bam gzhug tsha chur gyur pa la gur tig dang /__grang chu spyi la nyi dga'i thang gis phul ba sogs rig pa'i 'khrul 'khor bskor bas chu nad thams cad la phan pa myong grub yin zhes thos/__sngar smos pa'i chu sbyong gi gdams pa thun mong ma yin pa 'bu skyogs bdun pa ni/__'bu skyogs dung 'dra ba nyer gcig dug 'don chang la gla rtsi btab par btso/__sdig srin/__zangs dregs/__chu ma tsi ste mkha' 'gro la phug__/lcam 'bru bzhi zho phyed re/__thar nu'i khaN+Da zho do/__byang pa bar gshogs ldan pa bzhi/__dug 'don par gshog blangs nas chang nang drod nyams tsam phab pa gnyis bcas/__sman sna bdun po ba chu phul gang tsam gyi khaN+Das ril bur dril/__sha lpags sbos shing chu ser shas che na sga tig khaN+Da zhad tsam bsnan pa ste dngos gzhi'i sman sbyor ro/__/'di tsha shas shin tu che dus srog la thob sha bya ba las/__grang chu sogs la gtan nas mi gtong sna sel du aM b+hi drug thang zhag kha yar bsten/__gzer chen spangs tshan gyis bdugs pa bya/__shin tu dro bar yibs/__chu mdog sngon po byung na bcad ran pa yin pas/__sha tshigs ma btsag pa'i khu ba phor shab do tsam bsten/__de nas zhag kha yar skom gyi rigs cher mi gtong /__gzhan yang zhal shes kyi rigs mang du mchis kyang 'dir de tsam mo/__/_!
