JKW-KABUM-16-MA-029-028-wylie

bstan srung ma hA kA la'i chos skor gyi brgyud 'debs dkon mchog lhun grub kyi gsung zhal skong dang bcas pa'i 'phro mthud/ bstan srung ma hA kA la'i chos skor gyi brgyud 'debs dkon mchog lhun grub kyi gsung zhal skong dang bcas pa'i 'phro mthud ni mkhas grub 'khor sgyur sangs rgyas phun tshogs te/__/zhes pa'i mtshams/__mkhas mchog bla ma gsum la gsol ba 'debs/__/mkhyen gnyis mthar son bstan 'dzin lhun grub dang /__/mkhyen brtse nus gter dpal ldan chos skyong zhabs/__/mkhyen rab dbang phyug rin chen mchog grub ste/__/mkhyen pa'i gter chen gsum la gsol ba 'debs/_/dpal ldan sku gsum mngon gyur nam mkha'i mtshan/__/dpal ldan srid zhi'i skyabs gcig kun dga'i zhabs/__/dpal ldan rigs kun khyab bdag 'khor lo'i mgon/__/dpal ldan rtsa brgyud bla mar gsol ba 'debs/__/rnam mkhyen 'gro ba'i 'dren pa sogs sbrel/__/'di la rjes gnang dang man ngag gi brgyud srol mang yang /__'dir lha brgyad ngor lugs kyi rjes gnang gi brgyud rim ltar bris pa'o/__/de ltar dpal e waM pa'i chos spyod dang cho ga nyer mkho 'ga' zhig gi brgyud 'debs kyi zhal skong 'di yang /__/thar rtse mkhan chen rdo rje 'chang byams pa kun dga' bstan 'dzin dang /__rdo rje 'chang rnal 'byor 'jam dpal bzang po gtso bor gyur pa'i yongs 'dzin dam pa rnams las chos skor 'di rnams kyi bka' drin mang du thos pa'i rgyal khams kyi bya bral ba 'jam dbyangs mkhyen brtse'i dbang pos/__snga phyi ci rigs par bris pa rnams slar yang phyogs gcig tu sdebs pa ste/__dge bas bdag gzhan gyi rgyud la rtsa brgyud bla ma dam pa rnams kyi ye shes gzigs pa'i byin rlabs myur du 'jug pa'i rgyur gyur cig__/sarba dA mang+ga laM b+ha ba tu/___/__!