JKW-KABUM-16-MA-029-001

First text in section. Back to Volume PageNext Text

སོ་ཐར་འདུལ་སྡོམ་བརྒྱུད་པའི་གསོལ་འདེབས་སྨོན་ལམ་དང་བཅས་པ་པུཎྜཱ་རི་ཀའི་དོ་ཤལ།

Wylie title	so thar 'dul sdom brgyud pa'i gsol 'debs smon lam dang bcas pa puN+DA ri ka'i do shal
Location	mkhyen brtse'i bka' 'bum Volume 16, sde tshan 29, Text 1, Pages 257-262 (Folios 1a to 3b2)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. so thar 'dul sdom brgyud pa'i gsol 'debs smon lam dang bcas pa puN+DA ri ka'i do shal. In 'jam dbyangs mkhyen brtse'i dbang po'i bka' 'bum, Vol. 16: 257-262. Khams sde dge rdzong sar dgon: Rdzong sar blo gros phun tshogs, 2020.
Genre	Prayers - smon lam  ·  Lineage Supplications - brgyud 'debs  ·  Vows - sdom pa
Colophon	།ཅེས་སོ་ཐར་འདུལ་སྡོམ་གྱི་བརྒྱུད་པའི་གསོལ་འདེབས་སྨོན་ལམ་དང་བཅས་པ་ཉུང་ངུར་བསྡུས་པ་འདིའང་བོད་ཆེན་པོའི་ལྗོངས་ཀྱི་ཐིག་ལེ་སྐྱེ་རྒུ་དོན་གྲུབ་གླིང་གི་ཆོས་གྲྭ་ནས་རིགས་པར་སྨྲ་བའི་བཤེས་གཉེན་དམ་པ་མཉྫུ་ཤྲི་མ་ཏིས་ཡུན་རིང་དུ་བསྐུལ་བའི་ངོར་ཤཱཀྱའི་དགེ་སློང་འཇིགས་མེད་མཁྱེན་བརྩེའི་ཟློས་གར་དཔལ་བཟང་པོའམ་གཙུག་ལག་སྨྲ་བའི་ཉི་མ་ཞེས་ཀྱང་བགྱི་བའི་རྒྱལ་ཁམས་ཀྱི་དཱ་རི་དྲས་ཡོན་ཏན་རིན་པོ་ཆེ་དུ་མའི་འབྱུང་གནས་དཔལ་ལྡན་ཨེ་ཝཾ་ཆོས་ལྡན་གྱི་བླ་བྲང་ཐར་པ་རྩེར་སྦྱར་བའི་ཡི་གེ་པ་ནི་ཉེ་བར་གནས་པ་ཚུལ་ཁྲིམས་རྒྱ་མཚོས་བགྱིས་པ་སརྦ་དཱ་ཀ་ལྱཱ་ཎཾ་བྷ་བནྟུ།
	ces so thar 'dul sdom gyi brgyud pa'i gsol 'debs smon lam dang bcas pa nyung ngur bsdus pa 'di'ang bod chen po'i ljongs kyi thig le skye rgu don grub gling gi chos grwa nas rigs par smra ba'i bshes gnyen dam pa many+dzu shri ma tis yun ring du bskul ba'i ngor shAkya'i dge slong 'jigs med mkhyen brtse'i zlos gar dpal bzang po'am gtsug lag smra ba'i nyi ma zhes kyang bgyi ba'i rgyal khams kyi dA ri dras yon tan rin po che du ma'i 'byung gnas dpal ldan e waM chos ldan gyi bla brang thar pa rtser sbyar ba'i yi ge pa ni nye bar gnas pa tshul khrims rgya mtshos bgyis pa sarba dA ka l+yA NaM b+ha ban+tu

":Property:textsubnumber|textsubnumber" can not be assigned to a declared number type with value 1.

Tibetan Text

Wylie

[edit]

༄༅། །སོ་ཐར་འདུལ་སྡོམ་བརྒྱུད་པའི་གསོལ་འདེབས་སྨོན་ལམ་དང་བཅས་པ་པུཎྜཱ་རི་ཀའི་དོ་ཤལ་ཅེས་བྱ་བ་བཞུགས་སོ། ། གང་མཚན་བདུད་རྩིའི་ཆུ་གཏེར་ལ་རེག་པས། །ཕུན་ཚོགས་དགེ་ལེགས་ཨུཏྤལ་གསར་པའི་འཛུམ། །ཐར་པའི་ཕྱོགས་སུ་གྲོལ་བའི་དཔལ་སྦྱིན་པ། །སྟོན་མཆོག་ཉི་མའི་གཉེན་ལ་གསོལ་བ་འདེབས། །རྣམ་པར་གྲོལ་བའི་ཤེས་རབ་ཕུང་པོ་ཡིས། །ཟག་མེད་ཡུལ་ལ་འདུས་སྟེ་རེག་པའི་སྤྱན། །སྒྲིབ་པ་མེད་པས་བསྔགས་པའི་མེ་ཏོག་གིས། །མཛེས་བྱས་ཤཱ་རིའི་བུ་ལ༴ ཤཱཀྱའི་རིགས་འཁྲུངས་རྒྱལ་སྲས་སྒྲ་གཅན་འཛིན། །བྲམ་ཟེའི་བཙུན་པ་རཱ་ཧུ་ལ་གུཔྟ། །ཀུན་མཁྱེན་གཉིས་པ་ནཱ་ག་རྫུ་ན་སྟེ། །འཕགས་མཆོག་དམ་པ་གསུམ་ལ༴ མཁས་པའི་གཙུག་ནོར་གུ་ཎ་པ་ཏེ་དང་། །རིག་གྲོལ་མཐར་སོན་ཆོས་ཀྱི་ཕྲེང་བའི་མཚན། །བརྟན་མཁས་ཡོན་ཏན་ཡོངས་རྫོགས་ཞི་བའི་ཞབས། །འགྲོ་བའི་འདྲེན་པ་གསུམ་ལ༴ བསིལ་ལྗོངས་བཀའ་དྲིན་ཟླ་བྲལ་ཤཱཀྱ་ཤྲཱིཿ གང་དེས་རྗེས་བཟུང་མཁན་ཆེན་རྡོ་རྗེ་དཔལ། །བློ་ལྡན་དགྱེས་པའི་དཔྱིད་གྱུར་འོད་ཟེར་མཚན། །གངས་ཅན་སྣང་བྱེད་གསུམ་ལ༴ ཚུལ་གནས་ཐོས་བསམ་སྒོམ་མདུན་པུཎྱེ་ཤྲཱིཿ །རྣམ་ཐར་རྨད་བྱུང་བཀྲ་ཤིས་ཚུལ་ཁྲིམས་དང་། །ཐམས་ཅད་གཟིགས་པ་ཡེ་ཤེས་རྒྱལ་མཚན་ཏེ། །མཚུངས་མེད་དམ་པ་གསུམ་ལ༴ ཀུན་མཁྱེན་གཉིས་པ་རྗེ་བཙུན་ཨེ་ཝཾ་པ། །ཡོངས་ཀྱི་བཤེས་གཉེན་དཔལ་ལྡན་རྡོ་རྗེ་དང་། །ལུང་རྟོགས་ཡོན་ཏན་དབང་འབྱོར་དཀོན་མཆོག་འཕེལ། །རྒྱལ་བའི་རྒྱལ་ཚབ་གསུམ་ལ༴ སྡེ་སྣོད་རྒྱ་མཚོའི་མཐར་སོན་ལྷ་ཡི་མཚན། །ཆོས་ཀྱི་རྒྱལ་པོ་སངས་རྒྱས་སེང་གེ་དང་། །བརྟན་པའི་འཁོར་ལོ་ནམ་མཁའ་དཔལ་བཟང་སྟེ། །མཁས་བཙུན་དམ་པ་གསུམ་ལ༴ མཁྱེན་བརྩེའི་བདག་ཉིད་བསོད་ནམས་ལྷུན་གྲུབ་དང་། །རྒྱལ་བ་དགྱེས་པའི་བཤེས་གཉེན་དཔལ་གྲུབ་པ། །དམ་པའི་རིགས་འཁྲུངས་ཤེས་རབ་འབྱུང་གནས་སྟེ། །བསྟན་པའི་སྒྲོན་མེ་གསུམ་ལ༴ དྲི་མེད་བསླབ་པས་རྒྱུད་སྡོམ་ཡེ་ཤེས་བཟང་། །བྱམས་དང་བརྩེ་བའི་བདག་ཉིད་ཚུལ་ཁྲིམས་དཔལ། །ཕན་བདེའི་མཆོག་སྦྱིན་པུཎྱེ་བྷ་དྲཱ་སྟེ། །ཟླ་བྲལ་བཤེས་གཉེན་གསུམ༴ ངག་གི་དབང་ཕྱུག་ཆོས་སྐྱོང་བཟང་པོ་དང་། །སྨྲ་བའི་ཉི་མ་ཀུན་དགའ་བསོད་ནམས་ཞབས། །ཐམས་ཅད་མཁྱེན་པ་བསོད་ནམས་དཔལ་འབྱོར་ཏེ། །འདྲེན་མཆོག་མཚུངས་མེད་གསུམ་ལ༴ བྱམས་པའི་ཐུགས་རྗེས་འཇམ་དཔལ་གཞོན་ནུ་ཉིད། །རིག་གྲོལ་ངུར་སྨྲིག་འཛིན་པའི་སྐུར་བསྟན་པ། །མཁས་བཙུན་བཟང་པོའི་དཔལ་མངའ་ཆོས་ཀྱི་རྗེ། །བཀའ་དྲིན་འགྲན་ཟླ་མེད་དེར་གསོལ་བ་འདེབས། །དེ་ལྟར་ལེགས་གསུང་འདུལ་བའི་སྡེ་སྣོད་ཀྱི། །མཁན་རྒྱུད་དམ་པ་རྣམས་ལ་གསོལ་བཏབ་མཐུས། །བདག་གཞན་སྐྱེ་ཞིང་སྐྱེ་བ་ཐམས་ཅད་དུ། །རྙེད་དཀའི་དལ་འབྱོར་རྟེན་བཟང་ཐོབ་པར་ཤོག །དེར་ཡང་བཅོས་མིན་ངེས་འབྱུང་དྲག་པོ་དང་། །དྭངས་འདོད་ཡིད་ཆེས་དད་པས་རྒྱུད་བསྐུལ་ཏེ། །བརྟན་མཁས་མཚན་ཉིད་རྫོགས་པའི་བཤེས་གཉེན་གྱི། །ཞབས་རྡུལ་གཙུག་གི་པདྨོས་བསྙེན་པར་ཤོག །འགལ་རྐྱེན་ངེས་པ་ལྔ་བྲལ་མཐུན་པའི་རྐྱེན། །མཐའ་དག་ཚང་ཤིང་བསླབ་ཚིགས་སྔ་མ་གཉིས། །རིམ་པ་ནོད་ནས་མངོན་གྱུར་རྣམ་པ་བཅུས། །བག་མེད་འགོག་པའི་བདུད་རྩི་བཏུང་བར་ཤོག །ཕམ་ལྷག་སྤང་དང་ལྟུང་བྱེད་སོར་བཤགས་དང་། །ཉེས་བྱས་ཕྱོགས་མཐུན་བཅས་པ་ཀུན་སྤངས་ཤིང་། །བསླབ་ཚུལ་ཆོས་རྣམ་དག་པར་བྱེད་པ་ཡིས། །གཞི་གསུམ་ཆོ་གའི་དཔལ་ལ་སྤྱོད་པར་ཤོག །གོས་དང་སྨན་དང་གནས་མལ་ལ་སོགས་པ། །བདེ་བར་གནས་པའི་རྐྱེན་རྣམས་ཕུན་ཚོགས་ཤིང་། །གསོལ་དང་གསོལ་བ་གཉིས་དང་གཞི་ཡི་ལས། །བརྒྱ་རྩ་གཅིག་པའི་ཚུལ་ལ་མཁས་པར་ཤོག །ལྟུང་དང་རྩོད་པའི་མུན་སྟུག་ཕྲ་མོ་ཡང་། །ཕྱིར་བཅོས་བདུན་གྱི་ཟླ་ཤེལ་གིས་རེག་པས། །ཡོངས་སུ་སྦྱངས་ཏེ་འགྱོད་པ་མེད་པ་ཡི། །ཚུལ་ཁྲིམས་ཕུང་པོ་ཕ་མཐར་ཕྱིན་པར་ཤོག །དེ་མཐུས་ལུས་སེམས་ཤིན་སྦྱངས་ཏིང་འཛིན་དང་། །རྣམ་པར་མི་རྟོག་ཤེས་རབ་ལ་བརྟེན་ནས། །ཟད་དང་མི་སྐྱེ་ཤེས་པའི་ཡེ་ཤེས་ཀྱི། །ཀུན་མཁྱེན་རྒྱལ་བའི་གོ་འཕང་མྱུར་ཐོབ་ཤོག །ཅེས་སོ་ཐར་འདུལ་སྡོམ་གྱི་བརྒྱུད་པའི་གསོལ་འདེབས་སྨོན་ལམ་དང་བཅས་པ་ཉུང་ངུར་བསྡུས་པ་འདིའང་བོད་ཆེན་པོའི་ལྗོངས་ཀྱི་ཐིག་ལེ་སྐྱེ་རྒུ་དོན་གྲུབ་གླིང་གི་ཆོས་གྲྭ་ནས་རིགས་པར་སྨྲ་བའི་བཤེས་གཉེན་དམ་པ་མཉྫུ་ཤྲི་མ་ཏིས་ཡུན་རིང་དུ་བསྐུལ་བའི་ངོར་ཤཱཀྱའི་དགེ་སློང་འཇིགས་མེད་མཁྱེན་བརྩེའི་ཟློས་གར་དཔལ་བཟང་པོའམ་གཙུག་ལག་སྨྲ་བའི་ཉི་མ་ཞེས་ཀྱང་བགྱི་བའི་རྒྱལ་ཁམས་ཀྱི་དཱ་རི་དྲས་ཡོན་ཏན་རིན་པོ་ཆེ་དུ་མའི་འབྱུང་གནས་དཔལ་ལྡན་ཨེ་ཝཾ་ཆོས་ལྡན་གྱི་བླ་བྲང་ཐར་པ་རྩེར་སྦྱར་བའི་ཡི་གེ་པ་ནི་ཉེ་བར་གནས་པ་ཚུལ་ཁྲིམས་རྒྱ་མཚོས་བགྱིས་པ་སརྦ་དཱ་ཀ་ལྱཱ་ཎཾ་བྷ་བནྟུ། ། ༈

[edit]

brgyud 'debs skor la/__so thar 'dul sdom paN chen brgyud pa'i gsol 'debs smon lam/__ @#/_/so thar 'dul sdom brgyud pa'i gsol 'debs smon lam dang bcas pa puN+DA ri ka'i do shal ces bya ba bzhugs so/_/_ gang mtshan bdud rtsi'i chu gter la reg pas/__/phun tshogs dge legs ut+pal gsar pa'i 'dzum/__/thar pa'i phyogs su grol ba'i dpal sbyin pa/__/ston mchog nyi ma'i gnyen la gsol ba 'debs/__/rnam par grol ba'i shes rab phung po yis/__/zag med yul la 'dus ste reg pa'i spyan/__/sgrib pa med pas bsngags pa'i me tog gis/__/mdzes byas shA ri'i bu la=__shAkya'i rigs 'khrungs rgyal sras sgra gcan 'dzin/__/bram ze'i btsun pa rA hu la gup+ta/__/kun mkhyen gnyis pa nA ga rdzu na ste/__/'phags mchog dam pa gsum la=__mkhas pa'i gtsug nor gu Na pa te dang /__/rig grol mthar son chos kyi phreng ba'i mtshan/__/brtan mkhas yon tan yongs rdzogs zhi ba'i zhabs/__/'gro ba'i 'dren pa gsum la=__bsil ljongs bka' drin zla bral shAkya shrIH__gang des rjes bzung mkhan chen rdo rje dpal/__/blo ldan dgyes pa'i dpyid gyur 'od zer mtshan/__/gangs can snang byed gsum la=__tshul gnas thos bsam sgom mdun puN+ye shrIH__/rnam thar rmad byung bkra shis tshul khrims dang /__/thams cad gzigs pa ye shes rgyal mtshan te/__/mtshungs med dam pa gsum la=__kun mkhyen gnyis pa rje btsun e waM pa/__/yongs kyi bshes gnyen dpal ldan rdo rje dang /__/lung rtogs yon tan dbang 'byor dkon mchog 'phel/__/rgyal ba'i rgyal tshab gsum la=__sde snod rgya mtsho'i mthar son lha yi mtshan/__/chos kyi rgyal po sangs rgyas seng ge dang /__/brtan pa'i 'khor lo nam mkha' dpal bzang ste/__/mkhas btsun dam pa gsum la=__mkhyen brtse'i bdag nyid bsod nams lhun grub dang /__/rgyal ba dgyes pa'i bshes gnyen dpal grub pa/__/dam pa'i rigs 'khrungs shes rab 'byung gnas ste/__/bstan pa'i sgron me gsum la=__dri med bslab pas rgyud sdom ye shes bzang /__/byams dang brtse ba'i bdag nyid tshul khrims dpal/__/phan bde'i mchog sbyin puN+ye b+ha drA ste/__/zla bral bshes gnyen gsum=__ngag gi dbang phyug chos skyong bzang po dang /__/smra ba'i nyi ma kun dga' bsod nams zhabs/__/thams cad mkhyen pa bsod nams dpal 'byor te/__/'dren mchog mtshungs med gsum la=__byams pa'i thugs rjes 'jam dpal gzhon nu nyid/__/rig grol ngur smrig 'dzin pa'i skur bstan pa/__/mkhas btsun bzang po'i dpal mnga' chos kyi rje/__/bka' drin 'gran zla med der gsol ba 'debs/__/de ltar legs gsung 'dul ba'i sde snod kyi/__/mkhan rgyud dam pa rnams la gsol btab mthus/__/bdag gzhan skye zhing skye ba thams cad du/__/rnyed dka'i dal 'byor rten bzang thob par shog__/der yang bcos min nges 'byung drag po dang /__/dwangs 'dod yid ches dad pas rgyud bskul te/__/brtan mkhas mtshan nyid rdzogs pa'i bshes gnyen gyi/__/zhabs rdul gtsug gi pad+mos bsnyen par shog__/'gal rkyen nges pa lnga bral mthun pa'i rkyen/__/mtha' dag tshang shing bslab tshigs snga ma gnyis/__/rim pa nod nas mngon gyur rnam pa bcus/__/bag med 'gog pa'i bdud rtsi btung bar shog__/pham lhag spang dang ltung byed sor bshags dang /__/nyes byas phyogs mthun bcas pa kun spangs shing /__/bslab tshul chos rnam dag par byed pa yis/__/gzhi gsum cho ga'i dpal la spyod par shog__/gos dang sman dang gnas mal la sogs pa/__/bde bar gnas pa'i rkyen rnams phun tshogs shing /__/gsol dang gsol ba gnyis dang gzhi yi las/__/brgya rtsa gcig pa'i tshul la mkhas par shog__/ltung dang rtsod pa'i mun stug phra mo yang /__/phyir bcos bdun gyi zla shel gis reg pas/__/yongs su sbyangs te 'gyod pa med pa yi/__/tshul khrims phung po pha mthar phyin par shog__/de mthus lus sems shin sbyangs ting 'dzin dang /__/rnam par mi rtog shes rab la brten nas/__/zad dang mi skye shes pa'i ye shes kyi/__/kun mkhyen rgyal ba'i go 'phang myur thob shog__/ces so thar 'dul sdom gyi brgyud pa'i gsol 'debs smon lam dang bcas pa nyung ngur bsdus pa 'di'ang bod chen po'i ljongs kyi thig le skye rgu don grub gling gi chos grwa nas rigs par smra ba'i bshes gnyen dam pa many+dzu shri ma tis yun ring du bskul ba'i ngor shAkya'i dge slong 'jigs med mkhyen brtse'i zlos gar dpal bzang po'am gtsug lag smra ba'i nyi ma zhes kyang bgyi ba'i rgyal khams kyi dA ri dras yon tan rin po che du ma'i 'byung gnas dpal ldan e waM chos ldan gyi bla brang thar pa rtser sbyar ba'i yi ge pa ni nye bar gnas pa tshul khrims rgya mtshos bgyis pa sarba dA ka l+yA NaM b+ha ban+tu/___/__!