JKW-KABUM-16-MA-010-wylie
yang gsang bla ma'i sgrub pa thig le'i rgya can gyi bsnyen yig grub gnyis shing rta/ @#/__/yang gsang bla ma'i sgrub pa thig le'i rgya can gyi bsnyen yig grub gnyis shing rta zhes bya ba bzhugs so//__// na mo gu ru bi ma la rasmi pA dA ya/__driX meXd 'oXd gsal rdo rje'i snying po'i dbyings/__/snang bzhi'i 'dzum zeXr gsar pa dang sbyar bas/__/'ja' lus 'pho ba chen po'i gseng lam mchog__/dbye mdzad rig 'dzin bla mas rtag tu skyongs/__/de la 'dir rig 'dzin bla ma'i sgrub pa yang gsang thig le'i rgya can gyi lam zab mo la brten nas byin rlabs don gyi ye shes snying dbus su zhugs pas tshe gcig gis 'ja' lus rdo rje'i go 'phang thob par 'dod pa'i gang zag gis/__shin tu dben zhing nyams dga' la yid dang rjes su mthun pa'i nags khrod dam/__gangs khrod dam/__ri su la sogs grub pa'i skye bos bsten pa'i sman ljongs su sbyor ba/__dngos gzhi/__rjes kyi rim pa gsum gyis nyams su blang bar bya ba las/__dang po ni/__dal 'byor gyi rten 'di nyid rnyed dka' zhing nam 'chi ba'i cha med pa dang /__shi ba'i 'og tu las 'ba' zhig gi rjes su 'brangs te khams gsum gang du skyes kyang sdug bsngal gyi rang bzhin las ma 'das pas/__da res sdug bsngal can gyi 'khor ba 'di las bdag gzhan sems can thams cad thar ba zhig ci nas kyang bgyi'o snyam pa'i skyes bu chen po'i blos skyabs sems nas bla ma'i rnal 'byor gyi bar sngon 'gro'i rim pa rnams sngon du song bas lam 'dir 'jug pa'i tshe/__mar ngo'i tshes bcu sogs dmar phyogs kyi gza' skar sbyor byed shis pa'i nyin/__gnas khang byi dor bya zhing /__rig 'dzin bla ma'i dam tshig gi snang brnyan bris 'bur gang rigs 'byor na bshams pa'i mdun du stegs kyi khar 'od lnga'i thig le'i dkyil 'khor rdul tshon nam ras bris skabs dang sbyar ba'i dbus su many+dzi'i steng b+han+d+ha dum bu gsum pa dpral ba rang la bstan pa'i nang rig 'dzin gyi srog 'khor dpal gyi gdu bu bris sgrub tshad ldan bgyis pa dang /__brgyud pa 'di nyid las 'ongs pa'i sel med kyi bdud rtsi chos sman/__rin po che sna tshogs/__sman sna tshogs/__'bru sna tshogs bcas kyis gtams pa'i khar dar dmar gyi lding gur dbub/__de'i mdun du bla gtor dmar po pad 'dab bzhi pa rgyan ldan/__g.yas g.yon du sman raka__/mtha' skor du nyer spyod dang /__tshogs kyi 'khor lo'i yo byad ji ltar rigs pa bshams pas mtshon nye bar mkho ba'i yo byad rnams tshags su tshud par bya'o/__/gnyis pa dngos gzhi ni/__de nas srod thun gyi snga logs su stan bde ba la bsam gtan gyi spyod lam dang ldan pas 'khod nas sngon 'gro'i rim pas blo rgyud sbyangs pa'i mthar/__rang nyid skad cig gis dpal rta mchog rol pa sogs las kyi khro bo gnyug ma'i he ru ka gang yang rung ba'i nga rgyal gyis gzhi bgegs la gtor ma byin zhing rdo rje'i srung ba'i 'khor los phyogs mtshams thams cad bcing ba dang /__rgyal chen bzhi la bar chad zhi ba'i phrin las bcol nas tho 'dzugs pa sogs bsnyen yig spyi 'gro ltar shes par byas nas/__skabs don gyi khyad par/__mdun gyi nam mkhar skyabs gnas kun 'dus rtsa ba'i bla ma dang dbyer med pa'i kun mkhyen chos kyi rgyal po zhi 'dzum mtshan dpe'i gzi byin phun sum tshogs par gsal btab la/__bdag gzhan sems can thams cad sgo gsum 'jug pa gcig pas skyabs su 'gro ba'i dmigs rnam kun rdzob tsam du byas pa'i mthar/__skyabs yul dang rang sems dbyer med pa'i chos nyid bsam gyis mi khyab pa'i ye shes ngo bo stong pa chos sku/__rang bzhin gsal ba longs sku/__thugs rje zung 'jug sprul pa'i sku ste sku gsum rang chas su bzhugs pa'i don la dran pa nye bar gzhag pa don dam pa'i skyabs 'gro/__rang gzhan sems can thams cad 'khor ba las bsgral 'dod kyi kun rdzob byang chub kyi sems de nyid/__don dam par cir yang ma grub cing /__kun rdzob tu cir yang 'char ba'i gnas lugs stong dang rten 'byung dbyer med pa'i ngang du mnyam par 'jog pa don dam gyi sems bskyed/__gzod ma nas gzung 'dzin gyi 'khrul pas gos ma myong ba'i 'od gsal gnyug ma'i ngang du kun brtags glo bur gyi gdon bgegs thams cad rang bzhin med pa'i lta bas rgyas 'debs pa khyad par gyi srung 'khor/__tshogs drug gi snang ba gang shar thams cad/__shar tsam nas gzung 'dzin gyi mdud pa rang grol du zhig pas cir snang phyi nang gsang ba'i mchod sprin du shar ba dag pa rab 'byams ye shes chen po'i byin 'bebs pa rnams gzhung gi tshig don dang rjes su mthun par nan tan gyis gsal btab rjes/__bskyed rim dngos gzhi'i char/__nyams su myong yang bsam brjod kyi spros pa las 'das pa'i rig stong rjen pa skad cig ma'i rang rtsal las snang bzhi'i 'char tshul pha mthar son pa'i rten 'byung gi snang cha ma 'gags pa rang shar ba'i tshul gyis yongs grub dag mnyam chen po'i lha'i gsal snang la sems zin pa na/__'od zer gyi 'phro 'dus kun rdzob tsam du ye shes pa spyan drangs shing bstims la/__don dam par lha dang rang sems dbyer med du shes pa'i rab lta bas mjal ba'i phyag dang /__cir snang nam mkha' mdzod kyi mchod pa'i sprin chen por spro ba dang /__sgyu ma dang rmi lam gyi tshul ltar snang yang zhen pa ma grub pa'i sgyu ma'i gsang gsum gyi yon tan rjes su dran pas bstod pa rnams las gzhung las 'byung ba ltar dang /__bzlas dmigs dngos ni/__rang gi lus kyi nang stong chen sgrib thogs dang bral ba phru ma phus btab pa lta bu'i dbus kyi thugs ka'i thad drang du 'od lnga'i thig le zlum 'khyil gyi dbus mthing ga khyab pa chen po'i klong na ye shes sems dpa' kun bzang yab yum gyi thugs dbus tsit+ta mchong gur phub pa lta bu'i dbus su pad+ma nyi zla'i gdan gyi steng du sems nyid gnyug ma'i dbyings kyi ngo bo hU~M yig mthing gsal gyi mthar rig pa rdo rje lu gu rgyud yi ge'i gzugs su shar ba'i sngags phreng spu shad kyis bris pa lta bu mthing gsal 'od zer kha dog lnga ldan du 'phro ba g.yas skor du gnas pa las 'od zer bun long gis 'phros pa'i rtse las mchod pa'i rnam grangs bsam gyis mi khyab pa spros te dus gsum gyi bde bar gshegs pa sras dang bcas pa dang /__khyad par du 'od gsal rdzogs pa chen po snying tig gi brgyud pa'i bla ma rnams la thugs mnyes pa'i mchod pa phul bar bsam pa bsnyenaX paX/__'od zer mar 'phros rigs drug gi sems can thams cad la phog pas sdig sgrib bag chags dang bcas pa sbyangs te phyi snod 'og min gyi zhing dang /__nang bcud rig 'dzin bla ma'i skur lam lam gsal 'debs pa sgrubaX paX/__'od zer tshur 'dus bdag la thim pas rang gi lus ngag yid gsum tha mal du 'dzin pa'i dri ma sbyangs te/__sgo gsum rdo rje gsum gyi ngo bor byin gyis brlabs pas mchog dang thun mong gi dngos grub thams cad lhun gyis grub par bsam pa sgrubaX chenaX/__de ltar 'od zer spro bsdus mtshon pa'i 'khor gsum gyi rtog tshogs thams cad gzod ma nas rang bzhin gyis ma grub pa'i 'od gsal rdzogs pa chen po ka dag gi gnas lugs la mnyam par 'jog pa laXs sbyoraX te/__tshul de lta bu'i dmigs gnad dang ma bral ba'i ngang nas bzlas pa ci nus byas rjes/__mchod bstod dngos grub blang zhing tshogs kyi mchod pa'ang byas la/__snod bcud thams cad 'od gsal du sbyangs pa'i nang gsal gyi rig pa thim la ma rmugs pa'i ngang du khams gso/__tho rangs ldang ba'i dus la bab pa na skad cig gis dwangs pa'i mkha' la 'ja' tshon shar ba ltar snang stong zung 'jug sgyu ma'i lha skur ldang zhing thor thun/__snga thun/__dgongs thun/__srod thun te thun bzhi'i rim pas 'bum phrag bcu gnyis kha skong dang bcas pa bzla ba ni grangs kyi bsnyen pa dang /__zla ba drug la sogs par brtson pa dus kyi bsnyen pa dang /__gzhung nas gsungs pa'i rtags rnams rdzogs pa'i bar bslab pa mtshan ma'i bsnyen pa ste/__brtson 'grus dang dbang po'i rim pa ltar nyams su blangs pas don brgyud kyi byin rlabs snying dbus su zhugs pas sde gsum rdzogs pa chen po'i tshig dang don gyi cha la spobs pa'i gter chen po grol zhing /__ring por mi thogs par snang bzhi'i ye shes mthar phyin par 'gyur ba ni nges pa'o/__/de ltar nyams su blang ba'i thun mtshams su snga dgongs kyi zer gnyis la lhun grub rdo rje lu gu rgyud kyi snang ba la gzir zhing /__srod dang tho rangs sogs rlung rig dwangs pa'i skabs gtum mo bsgom pa dang khregs chod kyi lta ba bskyangs te/__mdor na stan thog gcig tu dbang bzhi'i lam rdzogs par nyams su blang bar bya'o/___/gsum pa rjes ni/__sgrub pa thon pa'i tshe/__yar ngo'i tshes bcu sogs dus tshes shis pa'i sngar nyin nas tshogs kyi yo byad dang /__dngos grub len pa'i rdzas sogs 'du byas la/__tho rangs snga bar langs nas las gzhung bsrangs shing bzlas pa 'os mtshams kyi rjes tshogs kyi mchod pa bya zhing /__skya rengs shar ba'i dus la bab pa na spyi bshags ye shes sku mchog gis dam tshig nyams chag bshags/__sgrub pa'i rdzas la byin 'bebs dang /__mchod bstod sngon du 'gro bas dngos grub blang zhing /__sgrub rdzas rnams gnas gsum du gtugs la myang /__b+han+d+ha srog 'khor dang bcas pa 'bral med du 'chang /__nongs bshags nas bzung ste shis pa brjod pa'i bar tshogs mchod nas 'byung ba ltar dang /__gzhan yang bkra shis rgyas par brjod cing rgyal chen la gtang rag gi mchod bstod dang gshegs gsol bya/__de nas rang gi chos dang mthun pa'i grogs dam tshig ldan pa re gnyis dang rim gyis 'phrad pa sogs gsang ba spyi'i lugs bzhin shes par bya'o//__//gang du zhugs pas mchog dang thun mong gi/__/grub gnyis nor bu'i do shal 'dzin bzod pa/__/yang gsang bla ma bsnyen cing sgrub pa'i tshul/__/rig pa 'dzin pa dga' ba'i shing rta che/__/nyung gsal snying por dril nas bkod pa yi/__/bsod nams zla shel bye ba'i snyems 'chang bas/__/srid zhi'i rgud pa'i mun pa kun bcil nas/__/'ja' lus rdo rje'i ngal 'tsho rgyas gyur cig__/ces pa'ang dad pa dang dam tshig gis rgyud phyug cing rnam par dpyod pa'i blo gros can a b+ha ya shrI mAM gyis nan tan chen pos gsol ba btab pa las/__kun mkhyen bla ma dgyes pa'i 'bangs bya bral ba mkhyen brtse'i dbang pos 'og min bla ma'i gdan sa dpal ldan pad+ma 'od gling du snang gsal zhig gi ngogs su shar mar bris pa dge legs kyi snang ba mchog tu 'bar ba'i rgyur gyur cig__/shub+haM//__//
