JKW-KABUM-10-THA-004-025-wylie

From Khyentse Lineage - A Tsadra Foundation Project

Template:WyliePageHeader


sgra dbyangs lha mo dbyangs can ma dmar mo la gsol ba 'debs pa blo gros mchog sbyin/ @#/_/sgra dbyangs lha mo dbyangs can ma dmar mo la gsol ba 'debs pa blo gros mchog sbyin zhes bya ba/__na maHshrI mAM gu ru swa ra swa t+yai/__phul byung legs byas bye ba'i tshon ris kyis/__/tshogs gsum lang tsho'i mtshar sdug yongs gang ba/__/bcom ldan 'das ma swa ra swa tI yis/__/bdag gi yid la blo yi mchog sbyin mdzod/__/rnam pa kun ldan 'chi med lam yangs por/__/zung 'jug brgya byin mdzub rtses bris pa yi/__/mtshan bzang bye ru'i rdul mang brtsegs pa'i gzugs/__/bdag gi mig la mngon sum bstan tu gsol/__/rtag tu brjod pa'i pha rol las brgal kyang /__/rig sngags nor bu'i rgyud mangs rdung ba'i sgras/__/'gro mang ma rig gnyid las slong ba'i dbyangs/__/bdag gi ngag la mngon sum zhugs par mdzod/__/spros bral 'chi med lam gyi pha mtha' yis/__/mtshon min mkhyen brtse'i nyams brgyas rol pa mo/__/don dam rdo rje sgra dbyangs lha mo'i zhal/__/bdag gi snying la mngon sum shar bar mdzod/__/de ltar tha mal 'khrul pa'i sgo gsum po/__/sku gsung thugs kyi rdo rjer byin brlabs pas/__/rig byed 'dzin dbang bye ba'i gtsug tor rtser/__/rkang sen ut+pal dal gyis 'god mkhas shog__/ces pa'ang bsil ldan ljongs kyi snyan ngag smra ba sgra dbyangs lha mo dgyes pa'i 'bangs kyis gang shar yud tsam la brjod pa de de bzhin du 'grub par gyur cig___/__!_