རྗེ་བཙུན་ས་སྐྱ་པ་ཡབ་སྲས་ལ་དཔལ་རྡོ་རྗེ་ནག་པོ་ཆེན་པོ་གུར་གྱི་མགོན་པོའི་སྐོར་སོགས་སྣ་ཚོགས།

🚧 This website is under continued development. We appreciate your patience!

Previous Text Back to Volume PageNext Text

Wylie title	rje btsun sa skya pa yab sras la dpal rdo rje nag po chen po gur gyi mgon po'i skor sogs sna tshogs
Location	mkhyen brtse'i bka' 'bum Volume 4, sde tshan 1, Text 20, Pages 253-269 (Folios 127a1 to 135a1)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. rje btsun sa skya pa yab sras la dpal rdo rje nag po chen po gur gyi mgon po'i skor sogs sna tshogs. In 'jam dbyangs mkhyen brtse'i dbang po'i bka' 'bum, Vol. 4: 253-269. Khams sde dge rdzong sar dgon: Rdzong sar blo gros phun tshogs, 2020.
Genre	Notes - zin bris
Deity	bka' srung

1 Texts in this Section (sde tshan or chos tshan)

20 253-269	རྗེ་བཙུན་ས་སྐྱ་པ་ཡབ་སྲས་ལ་དཔལ་རྡོ་རྗེ་ནག་པོ་ཆེན་པོ་གུར་གྱི་མགོན་པོའི་སྐོར་སོགས་སྣ་ཚོགས། rje btsun sa skya pa yab sras la dpal rdo rje nag po chen po gur gyi mgon po'i skor sogs sna tshogs Notes - zin bris	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

རྗེ་བཙུན་ས་སྐྱ་པ་ཡབ་སྲས་ལ་དཔལ་རྡོ་རྗེ་ནག་པོ་ཆེན་པོ་གུར་གྱི་མགོན་པོའི་བརྒྱུད་པའི་བཀའ་མི་འདྲ་བ་བཞི་ཙམ་ཕྱག་ཏུ་བབས་པ་ཡིན་ཏེ། དེ་ཡང་ག་ཡ་དྷ་ར་ནས་བརྒྱུད་པའི་ལམ་འབྲས་པའི་མགོན་རྐྱང་དཔའ་བོ་གཅིག་པ་དང་། རྡོ་རྗེ་གདན་པ་དང་བ་རི་ལོ་ཙཱ་བ་ལས་བརྒྱུད་པའི་སྒྲུབ་ཐབས་བརྒྱ་རྩའི་ནང་ན་བཞུགས་པའི་གུར་གྱི་མགོན་པོ་དང་། པཎ་ཆེན་ཤཱཀྱ་ཤྲཱི་ནས་ས་པཎ་ལ་བརྒྱུད་པའི་སྤུ་གྲི་སྐོར་གསུམ་གྱི་གདམས་ངག་དང་། བྲམ་ཟེ་མཆོག་སྲེད་ནས་པཎ་ཆེན་བདེ་བའི་རྡོ་རྗེ་སོགས་ལ་རིམ་བཞིན་དུ་བརྒྱུད་པ་མལ་ལོ་ཙཱ་བ་ལས་གསན་པའི་སྐོར་དང་བཞི་ལས། དང་པོ་གསུམ་པོ་དེ་ལ་ནི་སྒྲུབ་ཐབས་རྗེས་གནང་མན་ངག་ཙམ་ལས་ཁྲིད་ལ་སོགས་པའི་རྣམ་གཞག་རྒྱ་ཆེར་མེད་ཅིང་། བཞི་པོ་དེའི་ནང་ནས་ཐུགས་རྩིས་དང་ཐུགས་དམ་གྱི་སྙིང་པོ་ནི་མལ་ལོ་ནས་བརྒྱུད་པ་འདི་ལ་མཛད་པ་ཡིན་ཅིང་། དེ་ལའང་བྱིན་རླབས་ཆུ་བོའི་རྒྱུན་དང་འདྲ་བའི་བཀའ་མ་ནུབ་པ། གདམས་ངག་གསེར་འགྱུར་གྱི་རྩི་དང་འདྲ་བའི་སརྒ་མ་ལོག་པ། མོས་གུས་གཞོན་ནུ་མའི་དགའ་བ་དང་འདྲ་བའི་བསམ་པ་ཚིམ་པ། བསྙེན་བཀུར་ལྷ་འདོད་ཡོན་ལ་ལོངས་སྤྱོད་པ་དང་འདྲ་བའི་དཔལ་འབྱོར་རྒྱུན་མི་ཆད་པ་སྟེ། སྙན་བརྒྱུད་བཞི་ལས། དང་པོ་ལ། དབང་བཀའ་མ་ནུབ་པ་བཞི། བྱིན་རླབས་བཀའ་མ་ནུབ་པ་གཅིག །རྗེས་གནང་བཀའ་མ་ནུབ་པ་ཉི་ཤུ་ཙམ་ཡོད། གཉིས་པ་ལ། ཁྲོ་བཅུའི་རྗེས་གནང་སྔོན་དུ་སོང་ནས་ཕྱི་སྲུང་བའི་འཁོར་ལོ་ལ་བརྟེན་པ་ཕྱི་འཁྲིད་དང་། དྲག་པོ་སྔགས་རྒོད་ནང་གི་བྲག་རྫོང་མ། སེམས་ཉིད་ཡེ་ཤེས་རྩལ་འདོན་གསང་བའི་བྲག་རྫོང་མ་སྟེ་གསུམ། ལྷ་བརྒྱད་ཟངས་གྲི་ཅན་དང་བཅས་པའི་རྗེས་གནང་སྔོན་དུ་སོང་ནས། གསང་བ་ཡང་གསང་སེམས་ཀྱི་གནད་ལ་བརྟེན་ནས་སྒྲུབ་པའི་ཁྲིད་ཕོག །དེའང་ཕྱི་ནང་གསང་གསུམ་གྱི་བྲག་རྫོང་མ་སྔོན་དུ་སོང་བ་དང་། ཕྱི་ཁྲིད་ཙམ་སྔོན་དུ་སོང་བ་དང་། བྲག་རྫོང་མའི་སྲུང་འཁོར་ཙམ་སྔོན་དུ་སོང་བ་དང་། མ་སོང་ཡང་བླ་མའི་རྣལ་འབྱོར་ཡན་ཆད་སྔོན་དུ་སོང་ནས་སྟོན་དུ་རུང་བར་བཞེད། འདི་རྣམས་ཀྱི་ཁུངས་ཀྱང་། མཁའ་འགྲོ་མ་རྡོ་རྗེ་གུར་གྱི་རྒྱུད་ལས། དེ་ནས་རྡོ་རྗེ་འཛིན་པ་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ནག་པོ་ཆེན་པོ་འདི་ཉིད་རབ་ཏུ་ཕྱུང་ངོ་། །ཞེས་པས་དེ་སྤྱི་དོན་ལྟར་ན། རྡོ་རྗེ་འཛིན་པ་ནི་རྒྱུད་གསུངས་པའི་སྟོན་པ། དེའི་སྐུ་གསུང་ཐུགས་ལས་བསྟན་པ་སྤྱི་དང་། བྱེ་བྲག་རྒྱུད་འདི་གསུངས་པའི་ཕྱིར་ནག་པོ་ཆེན་པོ་ཞལ་ཕྱག་གི་རྣམ་པ་ཅན་འཇིགས་སུ་རུང་བ་སྤྲོས་ཏེ། ཕྱི་སྒྲུབ་ཐམས་ཅད་བསྟན་པ་ཡིན་ནོ། །སྦས་དོན་དུ་བཤད་ན། རྡོ་རྗེ་འཛིན་པ་ནི་ཁམས་དྲུག་ལྡན་གྱི་སྒྲུབ་པ་པོ་རང་ཉིད་དང་། རྩ་རོ་རྐྱང་དབུ་གསུམ་རཀྟ་ཁུ་བ་ཁུ་ཁྲག་འདྲེས་པ་རླུང་ལྡང་འཇུག་གནས་གསུམ་དང་བཅས་པ་ནི་སྐུ་གསུང་ཐུགས་རྡོ་རྗེ། དེ་ལ་གནད་དུ་བསྣུན་པས་ཕྱི་ནང་གི་དྲེགས་པ་རྒྱུད་གསུམ་དབང་དུ་སྡུད་པར་བྱེད་པ་ནང་སྒྲུབ། མཐར་ཐུག་གི་དོན་དུ། རྡོ་རྗེ་འཛིན་པ་ནི་ཁམས་དྲུག་ལྡན་གྱི་སྒྲུབ་པ་པོ། །སེམས་གསལ་སྟོང་ཟུང་འཇུག་ནི་རྡོ་རྗེ་གསུམ། དེ་ལ་གནད་དུ་བསྣུན་ནས་སྒྲུབ་པ་ལ་གསང་སྒྲུབ་ཅེས་འཇོག་གོ །དེའང་ཁའུ་པའི་ལུགས་གསང་ཁྲིད་ལ་ནང་ཁྲིད་ཀྱང་དོན་གྱིས་ཚང་བས་ལོགས་སུ་མི་མཛད།། །། ༈

བླ་མ་ལྔ་བཅུ་པ་ལས། རྟེན་ལ་ཕྱག་གསུམ་བྱས་ནས་ནི། །པུས་བཙུག་ཐལ་མོ་སྦྱར་བ་ཡིས། །ཉན་སོགས་འདོད་པས་གསོལ་གསུམ་གདབ། །གསང་བ་སྤྱི་རྒྱུད་ལས། །མཐོ་དམན་ཅན་དང་ཚེར་མ་ཅན། །གྱོ་དུམ་ཅན་དང་ངམ་གྲོག་ཅན། །རུས་པ་སྡོང་དུམ་ཁུང་བུ་ཅན། །གྲོག་མཁར་ཐལ་བ་ཚ་སྒོ་ཅན། །སོག་མ་བོང་བ་རྡུལ་དང་སྐྲ། །སྲིན་བུ་གྲོག་སྤུར་ལ་སོགས་མང་། །དེ་ལྟ་བུ་ཡི་ས་གཞི་ནི། །མཁས་པས་ལས་རྣམས་ཀུན་ལ་སྤང་། ཞེས་དང་། །སྟོན་ཟླ་ར་བ་ནས་བརྩམས་ཏེ། །ཟླ་བ་གསུམ་གསུམ་ལྟོ་འཕྱེའི་མགོ །ཤར་དང་ལྷོ་དང་ནུབ་དང་བྱང་། །བལྟས་ཏེ་གཡོན་པའི་ཟུར་གྱིས་ཉལ། །པུས་མོ་ལྟེ་བ་རྐེད་མཚམས་སུ། །དངོས་གྲུབ་རྗེས་མཐུན་ལྟོ་ནས་བརྐོ། །ཞེས་སོ། །ཕུབ་མ་གསེག་མ་རྡོ་བ་དང་། །ཤིང་བུ་ལ་སོགས་དོར་བར་བྱ། །ཞེས་སོ། །རྡོ་ལ་རླུང་། རུས་ལ་གཟེར། གྱོ་དུམ་ལ་ལྐུགས་པ། ཕུབ་མ་དང་སོལ་བ་ཡོད་ན་རིམས་ནད། སྐྲ་དང་རྩ་ཤིང་སོགས་ཡོད་ན་ཉེར་འཚེ་ཕྲ་མོ་རྣམས་འབྱུང་བས་བསལ་ལོ། །རྟོག་པ་ཐམས་ཅད་ལེགས་པར་བསྡུས་ནས་ནི། །ཤིན་ཏུ་བསམ་པ་བཟང་པོ་ལྡན་པས་ཉོན། །བརྗེད་ངེས་བློ་ལ་རྡོ་རྗེ་སེམས་སོགས་ཀྱི། །བདེ་བར་གཤེགས་པ་རྣམས་ཀྱིས་བྱིན་མི་རློབ། །ཅེས་དང་། གསང་བ་སྤྱི་རྒྱུད་ལས། །དེ་ཡི་ཚེ་ན་མཚན་མ་ནི། །དེ་རྩེ་ཐུར་ལ་བསྟན་པ་དང་། །རྩེ་མོ་གྱེན་དུ་བསྒྲེངས་གྱུར་ན། །དེ་ནི་དངོས་གྲུབ་མཆོག་ཅེས་བཤད། །དེ་བཞིན་ཐུར་དུ་བལྟས་ན་ནི། །དེ་ནི་དངོས་གྲུབ་འབྲིང་དུ་བཤད། །མཚམས་དང་བྱང་དུ་ཁ་བལྟས་ན། །འཇིག་རྟེན་པ་ཡི་དངོས་གྲུབ་ཐོབ། །སོ་ཤིང་དོར་བ་བརྒྱ་ཞིག་ལ། །གལ་ཏེ་ཐུར་དུ་ཁ་བལྟས་ན། །དེ་ནི་ངེས་པར་ས་འོག་གི །དངོས་གྲུབ་འགྲུབ་པར་ཐེ་ཚོམ་མེད། །ཅེས་སོ། །དཔལ་དུས་ཀྱི་འཁོར་ལོ་ལས། འགྲོ་བ་བགྲོད་པ་རྣམས་ཀྱི་བརྟུལ་ཞུགས་སྦྱིན་བྱ་དེ་དག་ནི། །འཚེ་དང་མི་བདེན་གཞན་གྱི་བུད་མེད་སྤང་བྱ་གཞན་གྱི་ནོར་དང་ཆང་གི་བཏུང་བ་དེ་བཞིན་ཉིད། །འཁོར་བར་རྡོ་རྗེའི་ཞགས་པ་དག་སྟེ་རང་གི་དགེ་བ་འཇོམས་བྱེད་སྡིག་པ་ལྔ་པོ་འདི་རྣམས་སོ། །གང་ཞིག་གང་གི་དུས་སུ་བྱུང་བ་ལྷ་དང་མི་ཡི་བླ་མ་དེ་ཡི་མཚན་གྱིས་རབ་སྦྱིན་བྱ། །སྣ་ཚོགས་གཙོ་བོའི་བཀའ་འདིས་སྲིད་པའི་འཇིགས་པ་འཇོམས་པ་དག་སྟེ་ཁྱོད་ཀྱིས་ཀྱང་ནི་བསྐྱང་བར་བྱ། །ཚེ་ལོ་ཁ་ན་མ་ཐོ་བཅས་པའི་ཟས་དང་ཚིག་ངན་ཀློག་དང་འབྱུང་པོ་ལྷ་མིན་དབང་པོའི་ཆོས། །བ་ལང་བྱིས་པ་བུད་མེད་སྐྱེས་པ་རྣམས་དང་ལྷ་མིའི་བླ་མ་གསོད་པ་ལྔ་ནི་མི་བྱའོ། །གྲོགས་པོ་རྗེ་བོ་རྣམས་དང་ལྷ་དང་མི་ཡི་བླ་མ་དགེ་འདུན་ཡིད་བརྟན་རྣམས་ལ་འཁུ་བ་ཡང་། །དབང་པོ་རྣམས་ནི་ཀུན་ནས་ཆགས་པ་དག་སྟེ་དེ་ལྟར་སྲིད་པའི་བདག་པོའི་བརྟུལ་ཞུགས་ཉི་ཤུ་ལྔ། །ཞེས་དང་། སྲིད་པའི་འཇིགས་པ་འཇོམས་མཛད་པའི། །བརྟུལ་ཞུགས་ཉི་ཤུ་རྩ་ལྔ་པོ། །སྣ་ཚོགས་གཙོ་བོའི་གསུང་ཇི་བཞིན། །བདག་གིས་བརྟན་པོར་བཟུང་བར་བགྱི། །ཞེས་སོ། །ཡང་། ངེས་པར་རྡོ་རྗེའི་རིགས་དག་ལ་ནི་སྲོག་གཅོད་བྱ་སྟེ་རལ་གྲི་ལ་ཡང་བདེན་པ་མིན་པའི་ཚིག །རིན་ཆེན་ལ་ནི་གཞན་ནོར་འཕྲོག་བྱ་མཆོག་གི་པདྨའི་རིགས་ལ་ཡང་ནི་གཞན་གྱི་བུད་མེད་འཕྲོག །ཆང་དང་སྒྲོན་མ་སངས་རྒྱས་རྣམས་དང་བཟང་པོའི་ཡུལ་རྣམས་མཐའ་དག་འཁོར་ལོ་ལ་ནི་བསྟེན་པར་བྱ། །གཡུང་མོ་ལ་སོགས་མཐའ་དག་བུད་མེད་རྣམས་ནི་གྲི་གུག་ལ་ཡང་མཁའ་ཡི་པདྨར་སྨད་མི་བྱ། །སེམས་ཅན་དོན་གྱི་སླད་དུ་ནོར་དང་བཅས་པའི་ལུས་འདི་སྦྱིན་པར་བྱ་སྟེ་ཁྱོད་ཀྱིས་བསྲུང་མི་བྱ། །རིགས་ཀྱི་བུ་ཀྱེ་སངས་རྒྱས་ཉིད་དུ་འགྱུར་བ་གཞན་དུ་མཐའ་ཡས་བསྐལ་པས་མིན་པར་རྒྱལ་བས་གསུངས། ཞེས་དང་། གལ་ཏེ་གཡོ་སྒྱུའི་དབང་གིས་རྩ་བའི་ལྟུང་བ་བྱུང་ན་དམྱལ་བར་འགྲོ་སྟེ་འདི་དག་སྡུག་བསྔལ་ལོ། །ཞེས་དང་། དཔལ་ལྡན་བླ་མའི་ཐུགས་དཀྲུགས་པ་ལས་བུ་རྣམས་རྩ་བའི་ལྟུང་བ་རི་བོང་འཛིན་པར་འགྱུར། །དེ་ཡི་བཀའ་ལ་འགོངས་པས་གཞན་དུ་འགྱུར་ཏེ་ངེས་པར་དེ་བཞིན་སྤུན་ལ་ཁྲོས་པས་གསུམ་པའོ། །བྱམས་པ་བཏང་བས་བཞི་པར་འགྱུར་ཏེ་བྱང་ཆུབ་སེམས་ནི་རབ་ཏུ་ཉམས་པ་ལས་ཀྱང་མདའ་རུ་འགྱུར། །དྲུག་པ་གྲུབ་པའི་མཐའ་ལ་སྨོད་པ་རི་བོང་དག་ཀྱང་མ་སྨིན་མི་ལ་གསང་བ་བྱིན་ལས་སོ། །ཕུང་པོ་ཉོན་མོངས་པ་ལས་ཀླུ་རུ་འགྱུར་ཏེ་སླར་ཡང་དགུ་པ་དག་པའི་ཆོས་ལ་མ་དད་གང་། །སྒྱུ་ཡི་བྱམས་པ་དང་ནི་མིང་སོགས་བྲལ་ན་བདེ་བ་སྟེར་ལ་རྟོག་པ་ཕྱོགས་དང་དྲག་པོའོ། །དག་པའི་སེམས་ཅན་དག་ལ་སྐྱོན་བརྗོད་པ་ལས་ཉི་མ་དམ་ཚིག་གཏོང་བ་ལས་ཀྱང་གཞན། །བུད་མེད་ཐམས་ཅད་ལ་སྨོད་ངེས་པར་མ་ནུར་འགྱུར་ཏེ་རྡོ་རྗེ་ཐེག་པར་གནས་པ་རྣམས་ལའོ། །ཞེས་པས་སོ། །དངོས་པོ་མེད་ལ་བསྒོམ་པ་མེད། །སྒོམ་པ་བསྒོམ་པ་ཉིད་མ་ཡིན། །དེ་ལྟར་དངོས་པོ་དངོས་མེད་པས། བསྒོམ་པ་དམིགས་སུ་མེད་པའོ། །ཞེས་དང་། །དེ་བཞིན་སེམས་ཀྱི་འོད་གསལ་རྟོག་པ་ཡི། །སྒོམ་པའི་ཐབས་རྣམས་བདག་གིས་མི་མཐོང་སྟེ། །འདི་ཉིད་དུ་ནི་རྐྱང་མ་དག་དང་ནི། །རོ་མ་གཅིག་ཏུ་སྦྱོར་བས་མཐོང་བར་འགྱུར། ཞེས་དང་། །ཡན་ལག་ཕྱག་རྒྱ་ཆེ་བསྒོམས་པས། །རྣམ་འབྱོར་ཆེན་པོ་ཀུན་མཁྱེན་ཉིད། །འགྱུར་མེད་བདེ་བའི་རང་བཞིན་བསྒྲུབ། །སྐྱེ་བ་འདི་ལ་སངས་རྒྱས་ཉིད། །ཅེས་སོ། །ཇི་སྐད་དུ། མཚལ་ཆེན་བདུད་རྩི་ལྔ་དང་བཅས། །དུར་ཁྲོད་རས་ལ་བྱུགས་ནས་ནི། །བསྡུས་པའི་ཕྱེ་མ་ཆ་གཅིག་དང་། །བྱི་ལ་ནག་པོའི་བཤང་བ་ནི། །དེ་མཉམ་ཆ་ནི་གཅིག་ཏུ་བྱ། །དེ་ནས་གུ་གུལ་ནག་པོ་སྦྱར། །དུར་ཁྲོད་སོལ་བ་བླངས་ནས་ནི། །མཆོད་ཡོན་སྣོད་དུ་བདུག་པ་སྦྱར། །ཞེས་སོ། །སློབ་དཔོན་སྨད་པར་མི་བྱ་ཞིང་། །བདེ་གཤེགས་བཀའ་ལས་འདའ་མི་བྱ། །རྡོ་རྗེ་སྤུན་ལ་སྨོད་མི་བྱ། །སེམས་ཅན་རྣམས་ལ་བྱམས་པ་དང་། །བྱང་ཆུབ་སེམས་ནི་དོར་མི་བྱ། །རང་གཞན་ཆོས་ལ་སྨོད་མི་བྱ། །སྐལ་མེད་དེ་ཉིད་བསྟེན་མི་བྱ། །བདག་ཉིད་ཕུང་པོ་སྨོད་མི་བྱ། །ཆོས་ཉིད་ལ་ནི་སུན་མི་དབྱུང་། །གདུག་ལ་བྱམས་པ་རྟག་ཏུ་སྤང་། །ཆོས་ལ་ཚད་བཟུང་མི་བྱའོ། །དད་ལྡན་སེམས་ཅན་བསླུ་མི་བྱ། །རྟག་ཏུ་དམ་ཚིག་བསྟེན་པར་བྱ། །བུད་མེད་ཉིད་ལའང་སྨོད་མི་བྱ། །ཞེས་དང་། དམ་ཚིག་དག་དང་མི་ལྡན་པའི། །རིག་མ་ལ་བརྟེན་དགའ་བ་ན། །ཉེས་པ་འོང་བས་སྤང་བར་བྱ། །ཚོགས་ཀྱི་འཁོར་ལོ་རྩོད་པ་ནི། །ཉེས་པ་ཡོད་པས་མི་བྱའོ། །ཚུལ་དང་མི་ལྡན་རིག་མ་ལ། །སྤྱད་པར་མི་བྱ་ཉེས་པ་འབྱུང་། །གསང་ཆོས་ཆོ་ག་ཤེས་པ་འདི། །བུ་ལ་ལེགས་པར་བསྟན་པར་བྱ། །དད་པས་སེམས་ཅན་ཆོས་འདྲི་བར། །ཆོས་ལོག་མི་བཤད་དོན་ལ་བཀྲི། །ཉན་ཐོས་སྤྱོད་པའི་ནང་དག་ཏུ། །ཞག་བདུན་ལ་སོགས་བསྡད་མི་བྱ། །སྔགས་ཀྱི་བསྐྱེད་རྫོགས་མི་ཤེས་པར། །སྔགས་ཀྱི་ཁ་ཕོ་མི་བཏང་ངོ་། །སྣོད་དང་མི་ལྡན་སེམས་ཅན་ལ། །གསང་ཆོས་བཤད་པར་མི་བྱའོ། །ཞེས་སོ།། །། ༈ བྱང་ཆུབ་སྙིང་པོ་རྒྱན་གྱི་ཆོ་ག་ཞིབ་མོ་ལས། ཆོས་སྐུའི་རིང་བསྲེལ་དང་། །ཆོས་ཀྱི་རིང་བསྲེལ་དང་། སྐུ་གདུང་གི་རིང་བསྲེལ་དང་། སྐུ་བལ་གྱི་རིང་བསྲེལ་དང་། ཡུངས་འབྲུ་ལྟ་བུའི་རིང་བསྲེལ་ཏེ་ལྔར་བཤད་པའི། དང་པོ་ནི། སཱཙྪ་དང་མཆོད་རྟེན་སོགས་ཆོས་སྐུའི་རྟེན་རྣམས་དང་། གཉིས་པ་ནི་གླེགས་བམ་དང་གཟུངས་སྔགས་སོ། །གསུམ་པ་སྐུ་གདུང་དངོས་ཏེ་གང་ཟག་ཁྱད་པར་ཅན་གྱི་སྐུ་གདུང་སོགས། བཞི་པ་སྐུའི་ཉེར་སྤྱད་ན་བཟའ་སོགས། ལྔ་པ་རིང་བསྲེལ་དངོས་ཏེ་འཕེལ་གདུང་དུ་གྲགས་པ་རྣམས་ཡིན་ནོ།། །། ༈ སློབ་དཔོན་ངག་གི་དབང་ཕྱུག་གྲགས་པས་མཛད་པའི་འཆི་བ་བསླུ་བའི་མན་ངག་ཀུན་ལས་བཏུས་པ་ལས། གང་གིས་དཔལ་ལྡན་སྟུག་པོ་བཀོད་པར་དོན་དམ་རྟོགས་པ་ཉིད། །སླར་ཡང་དགའ་ལྡན་སྐྱེ་བོའི་དོན་དུ་དམ་པ་ཏོག་དཀར་གྱུར། །དེ་ནས་འདིར་ནི་འགྲོ་བའི་དོན་དུ་ཤཱཀྱའི་ཏོག་གྱུར་པ། །འཆི་བ་ལས་རྒྱལ་སྒྱུ་མ་མཐའ་ཡས་སྟོན་དེ་རྒྱལ་གྱུར་ཅིག །ཅེས་དང་། །བློ་གྲོས་དམན་པས་རྟོགས་དཀའ་ཞིང་། །གཡོ་བའི་སེམས་ཀྱིས་སྒྲུབ་དཀའ་བའི། །འཆི་ལྟས་འཆི་བ་བསླུ་བར་བཅས། །བསྟན་བཅོས་ལས་བཏུས་བཤད་པར་བྱ། །རྣམ་ཀུན་འཆི་བ་བསླུ་བ་ནི། །གྲོལ་བ་ཉིད་ལ་རིགས་པ་ཡིན། །མ་གྲོལ་བ་རྣམས་ཐམས་ཅད་ལ། །ཇི་ཙམ་དུས་ལ་བསྲིང་བའོ། །ཚེ་དང་དབང་པོ་སེམས་རྣམས་ནི། །འགགས་པ་འཆི་བའི་མཚན་ཉིད་དེ། །ཐབས་ཀྱིས་རིང་དུ་འཚོ་བ་ནི། །འཆི་བ་བསླུ་བ་ཞེས་བརྗོད་དོ། །ཆོས་སྤྱོད་དབང་པོ་ཐུལ་བ་ནི། །འཁོར་བ་རུ་ནི་ཇི་སྲིད་འཚོ། །དེ་སྲིད་བསོད་ནམས་ལ་སོགས་ཚོགས། །བྱང་ཆུབ་སྒྲུབ་བྱེད་རབ་ཏུ་སྐྱེ། །འཚོ་བ་ལས་གཞན་སྙིང་པོ་ནི། །འཁོར་བར་ཅུང་ཟད་མ་མཐོང་ངོ་། །དེ་ཕྱིར་མྱུར་དུ་ཐབས་མང་པོས། །འཆི་བ་བསླུ་བ་བརྩམ་པར་བྱ། །གང་ཕྱིར་རིག་པས་ཐབས་སྦྱར་བས། །དཀའ་བ་ཅུང་ཟད་ཡོད་མ་ཡིན། །ནོར་བུ་སྨན་དང་སྔགས་རྣམས་ཀྱི། །མཐུ་ནི་ཐམས་ཅད་ཡང་དག་འདོད། །འཆི་བའི་མཚན་ཉིད་རིང་མོ་ནས། །ཤེས་བྱ་འོས་པས་བཅོས་པར་བྱ། །སྤྱི་བོར་ཐོག་ནི་བབས་པའི་ཚེ། །རབ་ཏུ་མཁས་ཀྱང་ཅི་བྱར་ཡོད། ཅེས་སོ། །ཡང་། ཕྱི་དང་ནང་གི་བདག་ཉིད་ཅན། །འཆི་ལྟས་ཚོགས་ནི་ཤེས་བྱས་ནས། །ཕྱི་དང་ནང་གི་བདག་ཉིད་ཀྱིས། །བསླུ་བ་བསྡུས་པའང་ཤེས་པར་བྱ། །ལུས་དང་ངག་དང་ལས་ཀྱིས་ནི། །བསམ་གཏན་ལས་ཀྱིས་ནང་གི་ཡིན། །ནོར་བུ་སྔགས་སྨན་ཕྱི་ཡིན་ཏེ། །རྣལ་འབྱོར་ནུས་པ་ནང་ཡིན་ནོ། །འབད་པས་འཆི་བ་བསླུ་བ་ནི། །དད་པ་ཉིད་ཀྱིས་བྱ་བར་ནུས། །དེ་བས་དད་པ་བརྟན་པར་བྱ། །གཞན་དུ་ངལ་བ་དོན་མེད་འགྱུར། །ཞེས་སོ། །འཆི་བ་བསླུ་བར་འདོད་པ་ཡིས། །དང་པོར་བསོད་ནམས་བརྩོན་པས་བསྐྱེད། །ཆོས་ཀྱིས་འཆི་ལས་སྐྱོབ་བྱེད་ཅིང་། །ཆོས་ཀྱིས་འཆི་བ་སླུ་བར་བྱེད། །ཆོས་ནི་དོར་ཞིང་བག་མེད་དུ། །སྐད་ཅིག་ཙམ་ཡང་གནས་མི་བྱ། །ཞེས་དང་། ཆོས་གཞན་རྒྱ་ཆེན་རྣམས་ཀྱིས་ཅི། །འཚེ་བ་མེད་པ་ཆོས་ཀྱི་མཆོག །ཅེས་དང་། །བྱ་ཉ་རི་དྭགས་རྐུན་མ་དང་། །སྦྲུལ་སོགས་བསད་བྱའི་ཕྱོགས་གྱུར་པ། །སྲོག་བསྐྱབས་པ་ཡིས་འཕྲལ་དུ་ནི། །ཚེ་ཐུང་བ་ཡང་ཚེ་རིང་འགྱུར། །རྐུན་མ་ཉ་དང་རི་དྭགས་སྦྲུལ། །བྱ་སོགས་སྲོག་ལ་ཆགས་པ་རྣམས། །འདི་དག་བསད་ན་འཕྲལ་དུ་ནི། །ཚེ་རིང་བ་ཡང་ཚེ་ཐུང་འགྱུར། །མི་དགེ་བཅུ་ནི་སྤངས་པ་དང་། །དེ་བཞིན་གསུམ་པ་སྐྱབས་འགྲོ་དང་། །བསླབ་པ་ལྔ་དང་བརྒྱད་བསྲུངས་ན། །འཆི་བ་ཐག་རིང་བསྲིང་བར་འགྱུར། །བཙོན་རར་ནད་དང་གདུང་བ་དང་། །འཚེ་སོགས་འཇིགས་པ་ཇི་ཙམ་ཡང་། །བསྐྱབས་བྱས་ན་ནི་ངེས་པར་དུ། །ཚེ་རིང་འཆི་བ་སླུ་བྱེད་ཡིན། །ཞེས་དང་། དབེན་པའི་གནས་སུ་རས་བྲིས་སོགས། །མདུན་དུ་མཆོད་པ་བྱས་ནས་ནི། །སྔགས་རྣམས་བཟླས་པ་ཙམ་གྱིས་ཀྱང་། །འཆི་བ་བསླུ་བ་འབྱུང་བར་འགྱུར། །ཞེས་དང་། དེ་ལྟར་འཆི་བའི་དགྲ་བོ་བསླུ་བ་འདི་ནི་བཤད་པ་སྟེ། །རང་ངམ་གཞན་གྱི་གཞུང་ལས་གྲུབ་པའི་བསམ་གཏན་ལས་ནི་རབ་བསྒྲུབས་ཤིང་། །བརྩེ་མེད་འཆི་བའི་འཇིགས་པ་ལས་ནི་འབད་པས་ཡང་དག་བསྒྲལ་བར་བྱ། །གང་ཕྱིར་འདིར་ནི་སྲོག་ལས་གཞན་པའི་ཡིད་འོང་ཡོད་མ་ཡིན། །ཞེས་དང་། དེ་བཞིན་ཉིད་ནི་སྟོང་ཉིད་བཤད། །རྣམ་པ་ཀུན་མཆོག་བདག་ཉིད་ཅན། །དེ་ནི་རྟག་ཏུ་གོམས་བྱས་ནས། །འཆི་བ་བསླུ་བར་འགྱུར་བ་ཡིན། །ཞེས་དང་། རྣམ་པ་ཀུན་གྱི་མཆོག་ལྡན་པའི། །སྟོང་ཉིད་ཀུན་གྱི་མཆོག་ལྡན་པའི། །སྟོང་ཉིད་འཛིན་པ་རྣམས་པར་སྤངས། །སྟོང་པ་ཉིད་ནི་རྟག་བསྒོམས་ན། །འཆི་བ་ཡིས་ནི་མཐོང་མི་འགྱུར། །ཀུན་རྟོག་ཙམ་ལས་བྱུང་བ་ཡི། །འཆི་བ་དེ་ཡང་མཐོང་མི་འགྱུར། །གཞན་ཡང་བདུད་ནི་མང་པོ་དང་། །འཁོར་བ་ཡང་ནི་མཐོང་མི་འགྱུར། །ཞེས་དང་། འཆི་བ་ཞེས་བྱ་རྣམ་རྟོག་འདི། །དངོས་པོ་ཀུན་ལ་ཡོད་མིན་ཏེ། །སོ་སོ་སྐྱེ་བོ་རྣམ་རྨུགས་པས། །རང་གི་རྟོག་པས་བཅོམ་པ་ཡིན། །རྣམ་རྟོག་སྡུག་བསྔལ་ཐམས་ཅད་དེ། །རྣམ་པར་རྟོག་པ་འཆི་བར་བཤད། །དེ་ཕྱིར་རྣམ་པར་རྟོག་གཞོམ་ཕྱིར། །རྟག་ཏུ་རྣམ་པར་མི་རྟོག་བྱ། །ཞེས་དང་། བསྟན་བཅོས་རྣམས་ནི་རྙེད་སླ་ཡི། །དེ་སྦྱོར་ཤིན་ཏུ་རྙེད་པར་དཀའ། །སྦྱོར་བ་ཤེས་པའི་འཇིག་རྟེན་ན། །སྦྱོར་བ་རྙེད་དཀའ་ཉིད་མ་ཡིན། །ཞེས་དང་། རབ་ཏུ་སྦྱོར་བ་མཁས་ཤིང་དང་། །བཟོད་དང་བརྩོན་འགྲུས་ལ་རབ་གནས། །སྒྲུབ་ལ་བརྩོན་པའི་ཤེས་རབ་ཅན། །འཆི་བ་བསླུ་བའི་སྣོད་ཡིན་ནོ། །ཞེས་དང་། སྣུམ་དང་སྙིང་པོ་ཟད་སོགས་ལས། །མར་མེ་ལ་སོགས་འཇིག་ཕྱོགས་པའང་། །སླར་ཡང་སྣུམ་སོགས་རབ་ཐོབ་པས། །བསྐལ་པའི་བར་དུ་གནས་པ་ཡིན། །ཇི་ལྟར་དེ་བཞིན་ལུས་འདི་ཡང་། །རྒས་སོགས་ཀྱིས་ནི་འཆི་བཞིན་པར། །གྲུབ་པའི་མན་ངག་ལེགས་རྙེད་ན། །བསྐལ་པའི་མཐར་ཡང་ཅིས་མི་གནས། །ཞེས་དང་། སྟོབས་ཀྱིས་འབད་པས་དཀའ་བ་ཅུང་ཟད་མེད། །དེ་བས་རྩོལ་བའི་ཁུར་ནི་འདོར་མི་བྱ། །རྟག་ཏུ་འབབ་ན་ཆུ་རྒྱུན་འཇམ་པོས་ཀྱང་། །དུས་སུ་རྡོ་ལེབ་དག་ཀྱང་རྣམ་པར་འབིགས། །གཙུབས་ན་ཤིང་ལས་མེ་ནི་འབྱུང་འགྱུར་ཞིང་། །བརྐོས་པས་ས་ལས་ཆུ་ནི་འབྱུང་བར་འགྱུར། །མི་ནི་རྩོལ་བ་བཅས་ལ་མི་འགྲུབ་མེད། །ཅེས་གསུངས་སོ། །གདན་བཞིའི་དཀྱིལ་ཆོག་སྙིང་པོ་མདོར་བསགས་ལས། །བརྒྱུད་པའི་གསང་བ་མཐོང་བ་ལས། །རྣལ་འབྱོར་བསྟན་བཅོས་དམ་པ་སྟེ། །ཕྱི་རོལ་བསྟན་བཅོས་སུན་འབྱིན་ཡིན། །སྡེབ་སྦྱོར་དང་ནི་ཚད་མ་མེད། །སྒྲ་ཡི་མཚན་ཉིད་རྣམ་པར་སྤངས། །ཡེ་ཤེས་ཅན་གྱི་རྣལ་འབྱོར་ཚིག །ཐམས་ཅད་རྣལ་འབྱོར་བསྟན་བཅོས་ཡིན། །ཞེས་དང་། དོན་ལ་རྟེན་པའི་བསྟན་བཅོས་འདི། །གཅིག་ནས་གཅིག་ཏུ་བསླབ་པ་སྟེ། །ཤིན་ཏུ་གབ་ཅིང་གསང་བའི་དོན། །བརྡ་ཡི་སྐད་ཀྱིས་བཤད་པ་ཡིན། །ཞེས་དང་། དང་པོར་རེ་ཞིག་སློབ་དཔོན་གྱིས། །སྔོན་དུ་བསྙེན་པ་ལ་སོགས་བྱ། །ཞེས་དང་། ཤིན་ཏུ་བརྟན་པའི་སློབ་མ་ལ། །སློབ་དཔོན་གྱིས་ནི་དཀྱིལ་འཁོར་འདྲི། །དཀོན་མཆོག་གསུམ་ལ་སྐྱབས་སོང་ཞིང་། །ལུས་སོགས་རང་བཞིན་དག་པར་ལྡན། །འཇམ་ཞིང་སྙན་པར་སྨྲ་བ་དང་། །སྙིང་རྗེ་ལ་སོགས་ཕན་སེམས་ལྡན། །ཉན་དང་ཐོས་སོགས་ལྷག་པར་དང་། །སྦྱིན་སོགས་དགེ་བའི་ལས་ལ་དགའ། །ཐེག་པ་ཆེ་ལ་མངོན་པར་སེམས། །གསང་བའི་ཆོས་ལ་དད་པ་ལྡན། །རྟག་པར་རྒྱུན་དུ་བླ་མར་གུས། །དེ་འདྲའི་སློབ་མ་ཡོངས་སུ་བཟུང་། ཞེས་དང་། །དེ་ནས་དངོས་གྲུབ་ཀུན་སྒྲུབ་པའི། །དཀྱིལ་འཁོར་ཆོ་ག་བཤད་པར་བྱ། །སྙིང་རྗེ་ཕན་པའི་སེམས་ཀྱིས་ནི། །དང་པོར་ས་གཞི་ཡོངས་སུ་བཟུང་། །ཡིད་ཀྱིས་དག་པའི་ས་ཕྱོགས་ཏེ། །མ་དད་པ་ནི་སྤང་བར་བྱ། །དག་པའི་ས་སོགས་བཟུང་ནས་སུ། །བློ་ལྡན་དེར་ནི་དཀྱིལ་འཁོར་བརྩམ། །ཞེས་དང་། དེ་ནས་བྱང་ངམ་ཤར་དུ་ནི། །སློབ་མ་སྟ་གོན་གནས་པར་བྱ། །ཞེས་དང་། དེ་ནས་དབང་ནི་བསྐུར་བའི་ཕྱིར། །ལྷོ་དང་ནུབ་དང་བྱང་དང་ནི། །ཤར་གྱི་སྒོ་ཡི་བུམ་པ་ཡི། །སློབ་དཔོན་གྱིས་ནི་བསྙེན་པར་བྱ། །ཞེས་དང་། དེ་ནས་སློབ་མ་བློ་ལྡན་པས། །བླ་མར་ཡོན་ནི་དབུལ་བར་བྱ། །བུ་དང་ཆུང་མ་སྡུག་པ་དང་། །གཉེན་དང་བྲན་ཕོ་བྲན་མོ་བཅས། །ཡུལ་དང་ཁྱིམ་དང་ཞིང་དང་ནི། །མུ་ཏིག་གོས་དང་གསེར་དང་ནི། །དངུལ་དང་ཟངས་སོགས་ནོར་རྣམས་དང་། །འབྲུ་ནི་རྣམ་པ་སྣ་ཚོགས་དབུལ། །མལ་སྟན་གདུགས་དང་མཆིལ་ལྷྭམ་སོགས། །མཉེས་པའི་ལོངས་སྤྱོད་ཀུན་ཕུལ་ནས། །མཐར་ནི་བདག་གི་ལུས་ཉིད་ཀྱང་། །བླ་མའི་ཡོན་དུ་བསྟན་པར་བྱ། །སློབ་མ་གུས་པ་མེད་པ་ཡིས། །སྡུག་བསྔལ་གྱིས་གཟིར་ཐེ་ཚོམ་མེད། །དེ་ཕྱིར་སློབ་མས་དངོས་ཀུན་གྱི། །ཡོན་ནི་གཟབ་སྟེ་དབུལ་བར་བྱ། །ཞེས་དང་། སློབ་མར་བཅས་པས་སྔགས་དང་ནི། །བཀྲ་ཤིས་གླུ་བླངས་གར་ཡང་བྱ། །ཞེས་དང་། མཚམས་མེད་པ་དང་སྡིག་ཅན་ཡང་། །ཚོན་རྩི་མཐོང་བས་གྲོལ་བར་འགྱུར། །སྔགས་ཀྱི་དེ་ཉིད་ཕབ་པ་ཡིས། །གཙང་མའི་རིགས་སུ་སྐྱེ་བར་འགྱུར། །ཞེས་དང་། ཧཱུྃ་ཞེས་བྱ་བའི་གླུ་ཡིས་ནི། །རྡོ་རྗེ་རྣལ་འབྱོར་མ་ཆགས་བྱ། །བཀྲ་ཤིས་རོལ་མོ་སྙན་པ་ཡིས། །ཤིན་ཏུ་མཉམ་བཞག་གླུ་བླང་བྱ། །ཞེས་དཔལ་སྤྱོད་པའི་བརྟུལ་ཞུགས་ཞབས་ཀྱིས་མཛད་པའི་ཆོ་ག་ལེའུ་ཉི་ཤུ་རྩ་བརྒྱད་པ་ལས་ཁོལ་བཏུས་སོ།། །། ༈ ནག་པོ་ཆེན་པོའི་རྒྱུད་དངོས་གྲུབ་ཀུན་ལས་བཏུས་པར། ལག་ན་རྡོ་རྗེས་གསོལ་པ། ཀྱེ་བཅོམ་ལྡན་འདས་དགའ་བ་རྣམས་ནི་དུ་ཞིག །བཅོམ་ལྡན་འདས་ཀྱིས་གསུངས་པ། །དགའ་བ་བཞི་སྟེ་དགའ་བ་དང་། མཆོག་དགའ་དང་། ལྷན་ཅིག་སྐྱེས་པའི་དགའ་བ་དང་། །དགའ་བྲལ་གྱི་དགའ་བའོ། །མཆོག་དགའ་དང་དགའ་བྲལ་གྱི་དབུས་སུ་ངེས་པར་མཚོན་པར་གྱིས་ཤིག །ཅེས་དང་། ལག་ན་རྡོ་རྗེས་གསོལ་པ། ཀྱེ་བཅོམ་ལྡན་འདས། ལུས་ལ་རྩ་དུ་ཞིག་མཆིས། དེ་རྣམས་ཀྱི་རང་བཞིན་འབྱུང་བ་ཇི་ལྟ་བུ་རང་གི་མངོན་པར་འདོད་པའི་གནས་དེ་གསུང་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། །ལུས་ལ་རྩ་སུམ་ཅུ་རྩ་གཉིས་ཏེ། དེ་རྣམས་ཀྱི་ནང་དུ་རྩའི་གཙོ་མོ་གསུམ་ནི། རྐྱང་མ་དང་། རོ་མ་དང་། ཀུན་འདར་མ་སྟེ། རྐྱང་མ་ནི་ཤེས་རབ་དང་རོ་མ་ནི་ཐབས་ཀྱི་རང་བཞིན་དུ་གནས་སོ། །དབུས་ཀྱི་ཡུལ་ལ་ཨ་བ་དྷུ་ཏཱི་སྟེ་ནམ་མཁའི་རང་བཞིན་གཟུང་བ་དང་འཛིན་པ་སྤངས་པའོ། །ཞེས་དང་། ཀྱེ་བཅོམ་ལྡན་འདས་ཕྱག་རྒྱ་ཆེན་མོ་ཞེས་པ་ཅིའི་ཕྱིར་གསུངས། བཅོམ་ལྡན་འདས་ཀྱིས་བཀའ་སྩལ་པ། ཕྱག་རྒྱའང་འདི་ལ་ཆེན་མོའང་འདི་ཡིན་པས་ཕྱག་རྒྱ་ཆེན་མོ་སྟེ། རང་བཞིན་མེད་པའི་ཚུལ་ཅན་ལུས་ངག་ཡིད་སྤངས་པ། སྟོན་ཀའི་ནམ་མཁའི་དཀྱིལ་ལྟ་བུ་ཕུན་སུམ་ཚོགས་པ་ཐམས་ཅད་ཀྱི་གནས་སུ་གྱུར་པ། སྲིད་པ་དང་མྱ་ངན་ལས་འདས་པ་ཐམས་ཅད་གཅིག་པའི་བདག་ཉིད། བདེ་བ་ཆེན་པོའི་གཟུགས་ཅན་ནི་ཕྱག་རྒྱ་ཆེན་པོའི་མིང་གིས་བཤད་པའོ། །ཞེས་སོ། །སྔགས་བཟླས་མེད་ཅིང་དཀའ་ཐུབ་མེད། །སྦྱིན་སྲེག་མེད་ཅིང་དཀྱིལ་འཁོར་དང་། །དཀྱིལ་འཁོར་པ་མེད་དེ་ཉིད་ནི། །སྔགས་བཟླས་དཀའ་ཐུབ་སྦྱིན་སྲེག་སྟེ། །དེ་ཉིད་དཀྱིལ་འཁོར་འཁོར་ལོ་པའང་། །ཞེས་སོ།། །། ༈

གཤིན་རྗེ་གཤེད་དམར་པོའི་རྒྱུད་ཀྱི་རྒྱལ་པོ་ལས། །བསམ་བྱ་མེད་ཅིང་བསམ་བྱེད་གང་། །དེ་ཡང་གང་དུ་ཡོད་མ་ཡིན། །དེ་འདིར་བསམ་མི་ཁྱབ་པར་བརྗོད། །སྲིད་པའི་ཤིང་གི་སྟྭ་རེ་སྟེ། །ཞེས་དང་། །སྙིང་གར་སྲོག་དང་ཐུར་སེལ་བཤད། །ལྟེ་བའི་ཕྱོགས་སུ་མཉམ་གནས་སོ། །མགྲིན་པའི་ཕྱོགས་ན་གྱེན་རྒྱུ་སྟེ། །ལུས་ཀུན་སོན་པ་ཁྱབ་བྱེད་དོ། །ཞེས་དང་། །རྐྱང་མ་དང་ནི་རོ་མ་དག །གཡོན་དང་གཡས་སུ་གནས་པའོ། །ཀུན་འདར་མ་ནི་དབུས་ཕྱོགས་སུ། །ལྷན་ཅིག་སྐྱེས་པ་རྗེས་སུ་བྱེད། །ཅེས་དང་། ལྷ་ཡི་གཟུགས་ཀྱི་བདག་ཉིད་ཅན། །སླར་ཡང་སྐུ་གསུང་ཐུགས་དབྱེ་བས། །ཡིག་གསུམ་ཉིད་ཀྱིས་མཉམ་བཞག་པའི། །ཡིད་ཀྱི་ཁོང་དུ་ཆུད་པར་བྱ། །ཨོཾ་ཡིག་གིས་ནི་འཇུག་པ་དང་། །ཨཱཿཡིག་གིས་ནི་དེ་བཞིན་གནས། །ཧཱུྃ་ཡིག་གིས་ནི་དབྱུང་བ་ཡང་། །རྣལ་འབྱོར་མན་ངག་ལས་བྱའོ། །ཨོཾ་ཨཱཿཧཱུྃ་ཞེས་བྱ་བ་འདིས། །གཡོ་ཞིང་གཡོ་བ་བརྟན་པར་འགྱུར། །ཞེས་པས་སོ།། །། ༈

[edit]

rje btsun sa skya pa yab sras la dpal rdo rje nag po chen po gur gyi mgon po'i skor sogs sna tshogs/__ rje btsun sa skya pa yab sras la dpal rdo rje nag po chen po gur gyi mgon po'i brgyud pa'i bka' mi 'dra ba bzhi tsam phyag tu babs pa yin te/__de yang ga ya d+ha ra nas brgyud pa'i lam 'bras pa'i mgon rkyang dpa' bo gcig pa dang /__rdo rje gdan pa dang ba ri lo tsA ba las brgyud pa'i sgrub thabs brgya rtsa'i nang na bzhugs pa'i gur gyi mgon po dang /__paN chen shAkya shrI nas sa paN la brgyud pa'i spu gri skor gsum gyi gdams ngag dang /__bram ze mchog sred nas paN chen bde ba'i rdo rje sogs la rim bzhin du brgyud pa mal lo tsA ba las gsan pa'i skor dang bzhi las/__dang po gsum po de la ni sgrub thabs rjes gnang man ngag tsam las khrid la sogs pa'i rnam gzhag rgya cher med cing /__bzhi po de'i nang nas thugs rtsis dang thugs dam gyi snying po ni mal lo nas brgyud pa 'di la mdzad pa yin cing /__de la'ang byin rlabs chu bo'i rgyun dang 'dra ba'i bka' ma nub pa/__gdams ngag gser 'gyur gyi rtsi dang 'dra ba'i sarga ma log pa/__mos gus gzhon nu ma'i dga' ba dang 'dra ba'i bsam pa tshim pa/__bsnyen bkur lha 'dod yon la longs spyod pa dang 'dra ba'i dpal 'byor rgyun mi chad pa ste/__snyan brgyud bzhi las/__dang po la/__dbang bka' ma nub pa bzhi/__byin rlabs bka' ma nub pa gcig__/rjes gnang bka' ma nub pa nyi shu tsam yod/__gnyis pa la/__khro bcu'i rjes gnang sngon du song nas phyi srung ba'i 'khor lo la brten pa phyi 'khrid dang /__drag po sngags rgod nang gi brag rdzong ma/__sems nyid ye shes rtsal 'don gsang ba'i brag rdzong ma ste gsum/__lha brgyad zangs gri can dang bcas pa'i rjes gnang sngon du song nas/__gsang ba yang gsang sems kyi gnad la brten nas sgrub pa'i khrid phog__/de'ang phyi nang gsang gsum gyi brag rdzong ma sngon du song ba dang /__phyi khrid tsam sngon du song ba dang /__brag rdzong ma'i srung 'khor tsam sngon du song ba dang /__ma song yang bla ma'i rnal 'byor yan chad sngon du song nas ston du rung bar bzhed/__'di rnams kyi khungs kyang /__mkha' 'gro ma rdo rje gur gyi rgyud las/__de nas rdo rje 'dzin pa nyid kyi sku dang gsung dang thugs rdo rje las nag po chen po 'di nyid rab tu phyung ngo /__/zhes pas de spyi don ltar na/__rdo rje 'dzin pa ni rgyud gsungs pa'i ston pa/__de'i sku gsung thugs las bstan pa spyi dang /__bye brag rgyud 'di gsungs pa'i phyir nag po chen po zhal phyag gi rnam pa can 'jigs su rung ba spros te/__phyi sgrub thams cad bstan pa yin no/__/sbas don du bshad na/__rdo rje 'dzin pa ni khams drug ldan gyi sgrub pa po rang nyid dang /__rtsa ro rkyang dbu gsum rak+ta khu ba khu khrag 'dres pa rlung ldang 'jug gnas gsum dang bcas pa ni sku gsung thugs rdo rje/__de la gnad du bsnun pas phyi nang gi dregs pa rgyud gsum dbang du sdud par byed pa nang sgrub/__mthar thug gi don du/__rdo rje 'dzin pa ni khams drug ldan gyi sgrub pa po/__/sems gsal stong zung 'jug ni rdo rje gsum/__de la gnad du bsnun nas sgrub pa la gsang sgrub ces 'jog go__/de'ang kha'u pa'i lugs gsang khrid la nang khrid kyang don gyis tshang bas logs su mi mdzad//____//__! bla ma lnga bcu pa las/__rten la phyag gsum byas nas ni/__/pus btsug thal mo sbyar ba yis/__/nyan sogs 'dod pas gsol gsum gdab/__/gsang ba spyi rgyud las/__/mtho dman can dang tsher ma can/__/gyo dum can dang ngam grog can/_/rus pa sdong dum khung bu can/__/grog mkhar thal ba tsha sgo can/__/sog ma bong ba rdul dang skra/__/srin bu grog spur la sogs mang /__/de lta bu yi sa gzhi ni/__/mkhas pas las rnams kun la spang /__zhes dang /__/ston zla ra ba nas brtsams te/__/zla ba gsum gsum lto 'phye'i mgo__/shar dang lho dang nub dang byang /__/bltas te g.yon pa'i zur gyis nyal/__/pus mo lte ba rked mtshams su/__/dngos grub rjes mthun lto nas brko/_/zhes so/__/phub ma gseg ma rdo ba dang /__/shing bu la sogs dor bar bya/__/zhes so/_/rdo la rlung /__rus la gzer/__gyo dum la lkugs pa/__phub ma dang sol ba yod na rims nad/__skra dang rtsa shing sogs yod na nyer 'tshe phra mo rnams 'byung bas bsal lo/__/rtog pa thams cad legs par bsdus nas ni/__/shin tu bsam pa bzang po ldan pas nyon/_/brjed nges blo la rdo rje sems sogs kyi/__/bde bar gshegs pa rnams kyis byin mi rlob/__/ces dang /__gsang ba spyi rgyud las/__/de yi tshe na mtshan ma ni/__/de rtse thur la bstan pa dang /__/rtse mo gyen du bsgrengs gyur na/__/de ni dngos grub mchog ces bshad/_/de bzhin thur du bltas na ni/__/de ni dngos grub 'bring du bshad/__/mtshams dang byang du kha bltas na/__/'jig rten pa yi dngos grub thob/__/so shing dor ba brgya zhig la/_/gal te thur du kha bltas na/__/de ni nges par sa 'og gi__/dngos grub 'grub par the tshom med/__/ces so/__/dpal dus kyi 'khor lo las/__'gro ba bgrod pa rnams kyi brtul zhugs sbyin bya de dag ni/__/'tshe dang mi bden gzhan gyi bud med spang bya gzhan gyi nor dang chang gi btung ba de bzhin nyid/__/'khor bar rdo rje'i zhags pa dag ste rang gi dge ba 'joms byed sdig pa lnga po 'di rnams so/__/gang zhig gang gi dus su byung ba lha dang mi yi bla ma de yi mtshan gyis rab sbyin bya/__/sna tshogs gtso bo'i bka' 'dis srid pa'i 'jigs pa 'joms pa dag ste khyod kyis kyang ni bskyang bar bya/__/tshe lo kha na ma tho bcas pa'i zas dang tshig ngan klog dang 'byung po lha min dbang po'i chos/__/ba lang byis pa bud med skyes pa rnams dang lha mi'i bla ma gsod pa lnga ni mi bya'o/__/grogs po rje bo rnams dang lha dang mi yi bla ma dge 'dun yid brtan rnams la 'khu ba yang /__/dbang po rnams ni kun nas chags pa dag ste de ltar srid pa'i bdag po'i brtul zhugs nyi shu lnga/_/zhes dang /___srid pa'i 'jigs pa 'joms mdzad pa'i/__/brtul zhugs nyi shu rtsa lnga po/_/sna tshogs gtso bo'i gsung ji bzhin/__/bdag gis brtan por bzung bar bgyi/__/zhes so/__/yang /__nges par rdo rje'i rigs dag la ni srog gcod bya ste ral gri la yang bden pa min pa'i tshig_/rin chen la ni gzhan nor 'phrog bya mchog gi pad+ma'i rigs la yang ni gzhan gyi bud med 'phrog__/chang dang sgron ma sangs rgyas rnams dang bzang po'i yul rnams mtha' dag 'khor lo la ni bsten par bya/__/g.yung mo la sogs mtha' dag bud med rnams ni gri gug la yang mkha' yi pad+mar smad mi bya/__/sems can don gyi slad du nor dang bcas pa'i lus 'di sbyin par bya ste khyod kyis bsrung mi bya/__/rigs kyi bu kye sangs rgyas nyid du 'gyur ba gzhan du mtha' yas bskal pas min par rgyal bas gsungs/__zhes dang /__gal te g.yo sgyu'i dbang gis rtsa ba'i ltung ba byung na dmyal bar 'gro ste 'di dag sdug bsngal lo/__/zhes dang /__dpal ldan bla ma'i thugs dkrugs pa las bu rnams rtsa ba'i ltung ba ri bong 'dzin par 'gyur/__/de yi bka' la 'gongs pas gzhan du 'gyur te nges par de bzhin spun la khros pas gsum pa'o/__/byams pa btang bas bzhi par 'gyur te byang chub sems ni rab tu nyams pa las kyang mda' ru 'gyur/_/drug pa grub pa'i mtha' la smod pa ri bong dag kyang ma smin mi la gsang ba byin las so/_/phung po nyon mongs pa las klu ru 'gyur te slar yang dgu pa dag pa'i chos la ma dad gang /_/sgyu yi byams pa dang ni ming sogs bral na bde ba ster la rtog pa phyogs dang drag po'o/_/dag pa'i sems can dag la skyon brjod pa las nyi ma dam tshig gtong ba las kyang gzhan/__/bud med thams cad la smod nges par ma nur 'gyur te rdo rje theg par gnas pa rnams la'o/__/zhes pas so/__/dngos po med la bsgom pa med/__/sgom pa bsgom pa nyid ma yin/__/de ltar dngos po dngos med pas/__bsgom pa dmigs su med pa'o/__/zhes dang /__/de bzhin sems kyi 'od gsal rtog pa yi/__/sgom pa'i thabs rnams bdag gis mi mthong ste/__/'di nyid du ni rkyang ma dag dang ni/__/ro ma gcig tu sbyor bas mthong bar 'gyur/__zhes dang /__/yan lag phyag rgya che bsgoms pas/__/rnam 'byor chen po kun mkhyen nyid/__/'gyur med bde ba'i rang bzhin bsgrub/__/skye ba 'di la sangs rgyas nyid/__/ces so/__/ji skad du/__mtshal chen bdud rtsi lnga dang bcas/__/dur khrod ras la byugs nas ni/__/bsdus pa'i phye ma cha gcig dang /__/byi la nag po'i bshang ba ni/__/de mnyam cha ni gcig tu bya/__/de nas gu gul nag po sbyar/__/dur khrod sol ba blangs nas ni/__/mchod yon snod du bdug pa sbyar/__/zhes so/__/slob dpon smad par mi bya zhing /_/bde gshegs bka' las 'da' mi bya/__/rdo rje spun la smod mi bya/__/sems can rnams la byams pa dang /__/byang chub sems ni dor mi bya/__/rang gzhan chos la smod mi bya/_/skal med de nyid bsten mi bya/__/bdag nyid phung po smod mi bya/__/chos nyid la ni sun mi dbyung /__/gdug la byams pa rtag tu spang /__/chos la tshad bzung mi bya'o/__/dad ldan sems can bslu mi bya/__/rtag tu dam tshig bsten par bya/__/bud med nyid la'ang smod mi bya/__/zhes dang /___dam tshig dag dang mi ldan pa'i/__/rig ma la brten dga' ba na/_/nyes pa 'ong bas spang bar bya/__/tshogs kyi 'khor lo rtsod pa ni/__/nyes pa yod pas mi bya'o/__/tshul dang mi ldan rig ma la/__/spyad par mi bya nyes pa 'byung /__/gsang chos cho ga shes pa 'di/__/bu la legs par bstan par bya/__/dad pas sems can chos 'dri bar/__/chos log mi bshad don la bkri/__/nyan thos spyod pa'i nang dag tu/__/zhag bdun la sogs bsdad mi bya/__/sngags kyi bskyed rdzogs mi shes par/__/sngags kyi kha pho mi btang ngo /__/snod dang mi ldan sems can la/__/gsang chos bshad par mi bya'o/_/zhes so//____//___! byang chub snying po rgyan gyi cho ga zhib mo las/__chos sku'i ring bsrel dang /__/chos kyi ring bsrel dang /__sku gdung gi ring bsrel dang /__sku bal gyi ring bsrel dang /__yungs 'bru lta bu'i ring bsrel te lngar bshad pa'i/__dang po ni/__sAts+tsha dang mchod rten sogs chos sku'i rten rnams dang /__gnyis pa ni glegs bam dang gzungs sngags so/_/gsum pa sku gdung dngos te gang zag khyad par can gyi sku gdung sogs/__bzhi pa sku'i nyer spyad na bza' sogs/__lnga pa ring bsrel dngos te 'phel gdung du grags pa rnams yin no//____//__! slob dpon ngag gi dbang phyug grags pas mdzad pa'i 'chi ba bslu ba'i man ngag kun las btus pa las/__gang gis dpal ldan stug po bkod par don dam rtogs pa nyid/__/slar yang dga' ldan skye bo'i don du dam pa tog dkar gyur/__/de nas 'dir ni 'gro ba'i don du shAkya'i tog gyur pa/__/'chi ba las rgyal sgyu ma mtha' yas ston de rgyal gyur cig__/ces dang /__/blo gros dman pas rtogs dka' zhing /__/g.yo ba'i sems kyis sgrub dka' ba'i/__/'chi ltas 'chi ba bslu bar bcas/__/bstan bcos las btus bshad par bya/__/rnam kun 'chi ba bslu ba ni/__/grol ba nyid la rigs pa yin/_/ma grol ba rnams thams cad la/__/ji tsam dus la bsring ba'o/__/tshe dang dbang po sems rnams ni/__/'gags pa 'chi ba'i mtshan nyid de/__/thabs kyis ring du 'tsho ba ni/_/'chi ba bslu ba zhes brjod do/__/chos spyod dbang po thul ba ni/__/'khor ba ru ni ji srid 'tsho/_/de srid bsod nams la sogs tshogs/__/byang chub sgrub byed rab tu skye/__/'tsho ba las gzhan snying po ni/__/'khor bar cung zad ma mthong ngo /__/de phyir myur du thabs mang pos/_/'chi ba bslu ba brtsam par bya/__/gang phyir rig pas thabs sbyar bas/__/dka' ba cung zad yod ma yin/__/nor bu sman dang sngags rnams kyi/__/mthu ni thams cad yang dag 'dod/__/'chi ba'i mtshan nyid ring mo nas/__/shes bya 'os pas bcos par bya/__/spyi bor thog ni babs pa'i tshe/__/rab tu mkhas kyang ci byar yod/__ces so/__/yang /___phyi dang nang gi bdag nyid can/__/'chi ltas tshogs ni shes byas nas/__/phyi dang nang gi bdag nyid kyis/__/bslu ba bsdus pa'ang shes par bya/__/lus dang ngag dang las kyis ni/_/bsam gtan las kyis nang gi yin/__/nor bu sngags sman phyi yin te/__/rnal 'byor nus pa nang yin no/__/'bad pas 'chi ba bslu ba ni/__/dad pa nyid kyis bya bar nus/__/de bas dad pa brtan par bya/__/gzhan du ngal ba don med 'gyur/__/zhes so/__/'chi ba bslu bar 'dod pa yis/__/dang por bsod nams brtson pas bskyed/__/chos kyis 'chi las skyob byed cing /__/chos kyis 'chi ba slu bar byed/__/chos ni dor zhing bag med du/_/skad cig tsam yang gnas mi bya/__/zhes dang /___chos gzhan rgya chen rnams kyis ci/_/'tshe ba med pa chos kyi mchog__/ces dang /__/bya nya ri dwags rkun ma dang /__/sbrul sogs bsad bya'i phyogs gyur pa/__/srog bskyabs pa yis 'phral du ni/__/tshe thung ba yang tshe ring 'gyur/__/rkun ma nya dang ri dwags sbrul/__/bya sogs srog la chags pa rnams/_/'di dag bsad na 'phral du ni/__/tshe ring ba yang tshe thung 'gyur/__/mi dge bcu ni spangs pa dang /__/de bzhin gsum pa skyabs 'gro dang /__/bslab pa lnga dang brgyad bsrungs na/_/'chi ba thag ring bsring bar 'gyur/__/btson rar nad dang gdung ba dang /__/'tshe sogs 'jigs pa ji tsam yang /__/bskyabs byas na ni nges par du/__/tshe ring 'chi ba slu byed yin/__/zhes dang /__dben pa'i gnas su ras bris sogs/__/mdun du mchod pa byas nas ni/__/sngags rnams bzlas pa tsam gyis kyang /__/'chi ba bslu ba 'byung bar 'gyur/_/zhes dang /___de ltar 'chi ba'i dgra bo bslu ba 'di ni bshad pa ste/__/rang ngam gzhan gyi gzhung las grub pa'i bsam gtan las ni rab bsgrubs shing /__/brtse med 'chi ba'i 'jigs pa las ni 'bad pas yang dag bsgral bar bya/__/gang phyir 'dir ni srog las gzhan pa'i yid 'ong yod ma yin/__/zhes dang /___de bzhin nyid ni stong nyid bshad/_/rnam pa kun mchog bdag nyid can/__/de ni rtag tu goms byas nas/__/'chi ba bslu bar 'gyur ba yin/__/zhes dang /__rnam pa kun gyi mchog ldan pa'i/__/stong nyid kun gyi mchog ldan pa'i/__/stong nyid 'dzin pa rnams par spangs/__/stong pa nyid ni rtag bsgoms na/__/'chi ba yis ni mthong mi 'gyur/__/kun rtog tsam las byung ba yi/__/'chi ba de yang mthong mi 'gyur/__/gzhan yang bdud ni mang po dang /__/'khor ba yang ni mthong mi 'gyur/__/zhes dang /___'chi ba zhes bya rnam rtog 'di/__/dngos po kun la yod min te/_/so so skye bo rnam rmugs pas/__/rang gi rtog pas bcom pa yin/__/rnam rtog sdug bsngal thams cad de/__/rnam par rtog pa 'chi bar bshad/__/de phyir rnam par rtog gzhom phyir/_/rtag tu rnam par mi rtog bya/__/zhes dang /___bstan bcos rnams ni rnyed sla yi/__/de sbyor shin tu rnyed par dka'/__/sbyor ba shes pa'i 'jig rten na/__/sbyor ba rnyed dka' nyid ma yin/__/zhes dang /__rab tu sbyor ba mkhas shing dang /__/bzod dang brtson 'grus la rab gnas/__/sgrub la brtson pa'i shes rab can/__/'chi ba bslu ba'i snod yin no/__/zhes dang /___snum dang snying po zad sogs las/__/mar me la sogs 'jig phyogs pa'ang /_/slar yang snum sogs rab thob pas/__/bskal pa'i bar du gnas pa yin/__/ji ltar de bzhin lus 'di yang /__/rgas sogs kyis ni 'chi bzhin par/__/grub pa'i man ngag legs rnyed na/__/bskal pa'i mthar yang cis mi gnas/__/zhes dang /___stobs kyis 'bad pas dka' ba cung zad med/__/de bas rtsol ba'i khur ni 'dor mi bya/__/rtag tu 'bab na chu rgyun 'jam pos kyang /__/dus su rdo leb dag kyang rnam par 'bigs/_/gtsubs na shing las me ni 'byung 'gyur zhing /__/brkos pas sa las chu ni 'byung bar 'gyur/__/mi ni rtsol ba bcas la mi 'grub med/__/ces gsungs so/__/gdan bzhi'i dkyil chog snying po mdor bsags las/__/brgyud pa'i gsang ba mthong ba las/__/rnal 'byor bstan bcos dam pa ste/__/phyi rol bstan bcos sun 'byin yin/__/sdeb sbyor dang ni tshad ma med/__/sgra yi mtshan nyid rnam par spangs/__/ye shes can gyi rnal 'byor tshig__/thams cad rnal 'byor bstan bcos yin/__/zhes dang /___don la rten pa'i bstan bcos 'di/__/gcig nas gcig tu bslab pa ste/__/shin tu gab cing gsang ba'i don/__/brda yi skad kyis bshad pa yin/__/zhes dang /__dang por re zhig slob dpon gyis/__/sngon du bsnyen pa la sogs bya/__/zhes dang /__shin tu brtan pa'i slob ma la/_/slob dpon gyis ni dkyil 'khor 'dri/__/dkon mchog gsum la skyabs song zhing /_/lus sogs rang bzhin dag par ldan/__/'jam zhing snyan par smra ba dang /__/snying rje la sogs phan sems ldan/__/nyan dang thos sogs lhag par dang /__/sbyin sogs dge ba'i las la dga'/__/theg pa che la mngon par sems/__/gsang ba'i chos la dad pa ldan/_/rtag par rgyun du bla mar gus/__/de 'dra'i slob ma yongs su bzung /__zhes dang /__/de nas dngos grub kun sgrub pa'i/__/dkyil 'khor cho ga bshad par bya/__/snying rje phan pa'i sems kyis ni/__/dang por sa gzhi yongs su bzung /__/yid kyis dag pa'i sa phyogs te/_/ma dad pa ni spang bar bya/__/dag pa'i sa sogs bzung nas su/__/blo ldan der ni dkyil 'khor brtsam/__/zhes dang /___de nas byang ngam shar du ni/__/slob ma sta gon gnas par bya/__/zhes dang /__de nas dbang ni bskur ba'i phyir/__/lho dang nub dang byang dang ni/_/shar gyi sgo yi bum pa yi/__/slob dpon gyis ni bsnyen par bya/__/zhes dang /___de nas slob ma blo ldan pas/__/bla mar yon ni dbul bar bya/__/bu dang chung ma sdug pa dang /_/gnyen dang bran pho bran mo bcas/__/yul dang khyim dang zhing dang ni/__/mu tig gos dang gser dang ni/__/dngul dang zangs sogs nor rnams dang /__/'bru ni rnam pa sna tshogs dbul/__/mal stan gdugs dang mchil l+h+wam sogs/__/mnyes pa'i longs spyod kun phul nas/__/mthar ni bdag gi lus nyid kyang /__/bla ma'i yon du bstan par bya/__/slob ma gus pa med pa yis/__/sdug bsngal gyis gzir the tshom med/__/de phyir slob mas dngos kun gyi/__/yon ni gzab ste dbul bar bya/__/zhes dang /___slob mar bcas pas sngags dang ni/__/bkra shis glu blangs gar yang bya/__/zhes dang /___mtshams med pa dang sdig can yang /__/tshon rtsi mthong bas grol bar 'gyur/__/sngags kyi de nyid phab pa yis/_/gtsang ma'i rigs su skye bar 'gyur/__/zhes dang /__hU~M zhes bya ba'i glu yis ni/__/rdo rje rnal 'byor ma chags bya/__/bkra shis rol mo snyan pa yis/__/shin tu mnyam bzhag glu blang bya/__/zhes dpal spyod pa'i brtul zhugs zhabs kyis mdzad pa'i cho ga le'u nyi shu rtsa brgyad pa las khol btus so//____//__! nag po chen po'i rgyud dngos grub kun las btus par/__lag na rdo rjes gsol pa/__kye bcom ldan 'das dga' ba rnams ni du zhig__/bcom ldan 'das kyis gsungs pa/__/dga' ba bzhi ste dga' ba dang /__mchog dga' dang /__lhan cig skyes pa'i dga' ba dang /__/dga' bral gyi dga' ba'o/__/mchog dga' dang dga' bral gyi dbus su nges par mtshon par gyis shig__/ces dang /__lag na rdo rjes gsol pa/__kye bcom ldan 'das/__lus la rtsa du zhig mchis/__de rnams kyi rang bzhin 'byung ba ji lta bu rang gi mngon par 'dod pa'i gnas de gsung du gsol/__bcom ldan 'das kyis bka' stsal pa/__/lus la rtsa sum cu rtsa gnyis te/_de rnams kyi nang du rtsa'i gtso mo gsum ni/__rkyang ma dang /__ro ma dang /__kun 'dar ma ste/__rkyang ma ni shes rab dang ro ma ni thabs kyi rang bzhin du gnas so/__/dbus kyi yul la a ba d+hu tI ste nam mkha'i rang bzhin gzung ba dang 'dzin pa spangs pa'o/__/zhes dang /__kye bcom ldan 'das phyag rgya chen mo zhes pa ci'i phyir gsungs/__bcom ldan 'das kyis bka' stsal pa/__phyag rgya'ang 'di la chen mo'ang 'di yin pas phyag rgya chen mo ste/__rang bzhin med pa'i tshul can lus ngag yid spangs pa/__ston ka'i nam mkha'i dkyil lta bu phun sum tshogs pa thams cad kyi gnas su gyur pa/__srid pa dang mya ngan las 'das pa thams cad gcig pa'i bdag nyid/__bde ba chen po'i gzugs can ni phyag rgya chen po'i ming gis bshad pa'o/__/zhes so/__/sngags bzlas med cing dka' thub med/__/sbyin sreg med cing dkyil 'khor dang /__/dkyil 'khor pa med de nyid ni/__/sngags bzlas dka' thub sbyin sreg ste/__/de nyid dkyil 'khor 'khor lo pa'ang /__/zhes so//____//__! gshin rje gshed dmar po'i rgyud kyi rgyal po las/__/bsam bya med cing bsam byed gang /__/de yang gang du yod ma yin/__/de 'dir bsam mi khyab par brjod/__/srid pa'i shing gi s+t+wa re ste/__/zhes dang /__/snying gar srog dang thur sel bshad/__/lte ba'i phyogs su mnyam gnas so/__/mgrin pa'i phyogs na gyen rgyu ste/__/lus kun son pa khyab byed do/__/zhes dang /__/rkyang ma dang ni ro ma dag__/g.yon dang g.yas su gnas pa'o/__/kun 'dar ma ni dbus phyogs su/__/lhan cig skyes pa rjes su byed/__/ces dang /___lha yi gzugs kyi bdag nyid can/__/slar yang sku gsung thugs dbye bas/__/yig gsum nyid kyis mnyam bzhag pa'i/__/yid kyi khong du chud par bya/__/oM yig gis ni 'jug pa dang /__/AHyig gis ni de bzhin gnas/__/hU~M yig gis ni dbyung ba yang /__/rnal 'byor man ngag las bya'o/__/oM AHhU~M zhes bya ba 'dis/__/g.yo zhing g.yo ba brtan par 'gyur/__/zhes pas so//____//__!