JKW-KABUM-03-GA-001-007-wylie
kun mkhyen bsod nams seng ge'i dris lan las khol btus sogs/__
bsod nams seng ges ldan ma sher seng dris lan las/__las kyi bag chags kun gzhi la brten pa klu sgrub kyis sA lu ljang pa'i mdo 'grel dang /__rje btsun gyis 'khor 'das dbyer med 'grel par yang gsungs pas nges par khas len dgos/__der sems tsam pa 'dod pa ltar gyi tshogs bdun las rdzas gzhan pa'i kun gzhi bden grub mi 'dod cing /__yid kyi rnam shes gcig nyid la gsal tsam rgyun mi 'chad pa'i cha dang /__res 'ga' ngar 'dzin pa'i cha dang /__res 'ga' yul drug pa chos la 'jug pa'i cha gsum yod pa la rim pa ltar/__kun gzhi dang /__nyon yid dang /__drug pa yid kyi rnam shes gsum du 'jog pa'i skabs yin pas/__dang po la lam du zhugs pa'i tshe thos sogs kyi bag chags 'jog tu rung pa/__lam du ma zhugs pa'i tshe las nyon gyi bag chags 'jog pa yang 'bad med du grub pa'i phyir/__'jug shes ni dper na rnam rig pa'i lugs la yang bag chags 'jog pa po yin gyi/__bag chags 'jog pa'i gzhi ma yin/__gsungs snang /__bar bskal zhes pa/__tshe lo dpag med thub pa nas/__tshe lo bcu ba'i bar du bar bskal gcig ste/__ya thog ring mo zer/__ya thog ring mo'i mtha' tshe lo bcu pa'i lhag ma rnams kyis dge ba spyad pas tshe lo brgyad khri thub pa'i bar yar 'phel zhing /__yang mi dge ba spyad pas de nyid nas tshe lo bcu pa'i bar mar 'bri ba bcas/__de gnyis la bar khug gcig gam/__bar bskal gcig yin pas/__de lta bu bco brgyad bar ma chad 'byung ba la bar gyi khug pa bco brgyad grags/__chags 'jig gnas stong bzhi la/__bar bskal nyi shu re/__nyi shu phrag bzhi ni brgyad cu ste/__de la bskal chen du bshad/___/_!
gzugs khams/__tshangs ris pa'i tshe tshad bskal pa phyed yin pa nas/__'og ma pa'i tshe tshad bskal pa khri drug stong gi bar du sbyar/___/__!_
gzugs med khams/__nam mkha' pa'i tshe tshad bskal pa nyi khri/__rnam shes pa'i bzhi khri/__ci yang med pa'i drug khri/__srid rtse pa'i brgyad khri yin no/___/__!_
sku zhabs si tu'i mngon mdzod 'grel par/__bar do'i skabs sgom pa las byung ba'i lha mig dag pa'i mngon shes ni/__skyon bcu gnyis dang bral ba ste/__the tshom yid la mi byed pa/__lus kyi gnas ngan len/__rmugs gnyid/__rgod pa/__brtson 'grus brtsams drags pa/__sems ya ya po/__bag tsha ba/__'du shes sna tshogs/__smra ba mang ba/__ha cang bsgom drags pa rnams so/__/sems ya ya po zhes pa/__sems yul la gtad med du dbye ba'i don yin/___/__!_
de nyid las grang dmyal chu bur sogs brgyad ni/__rim bzhin/__chu bur thon pa/__de brdol nas 'dzag pa/__so tham tham pa/__a chu zer ba/__kyi hud zer ba/__ser ga'i rma chung 'bring chen por gas pa rnams yin/_/_!
de nyid las/__'dzam gling de'i dbus su srid mtha'i byang sems bzhugs gnas rdo rje lta bu'i ting nge 'dzin mngon du mdzad pa'i gnas rdo rje'i gdan zhes bya ba gser gyi rang bzhin gyi sa gzhi yod do/__/rdo rje lta bu'i ting nge 'dzin de ni byang sems kyi sku lus las gzhan pa'i lus dang /__rdo rje'i gdan las gzhan pa'i sa phyogs kyis bzod bar mi nus pa'i phyir/___/__!_
thogs med ldan/__mi zlog ces pa/__bar srid de gang du las kyis 'phangs pa der thogs rdugs med par 'jug cing /__rdo rje la sogs pas kyang bzlog par mi nus pa'i phyir/___/__!_
til sbyang zhes pa/__bA ha ste/__'bru 'jal ba'i tshad kyi bye brag yin zhing /__grangs kyi bstan bcos las nyi shu pA ha ru bshad cing /__khal nyi shu sbyang gcig yin par bsgyur ba ste/__'gyur rnying yang khungs che bas khal brgyad cur bshad pa'ang 'thad pa nyid du shes par bya'o/___/__!_
lcags rdul ni/__lcags rigs la yod pa'i bsags rdul phra shos dang /__chu rdul ni rlangs pa la mngon pa dang /__ri bong sogs gsum ni so so'i sha'i rdul rags zhib kyis gsungs par mngon no/__/rdul phra rab ni/__gzugs 'grib pa'i mtha' ni rdul gyi chung shos cha dbye bar mi nus pa'i rdzas rdul phra rab yin te/__bsags rdul gyi gzugs 'grib pa'i mtha' shin tu phra ba dbang shes kyi yul ma yin pa de yin par blo brtan dang gang spel gnyis kas gsal bar bshad do/__/de bdun rdul phran/__de bdun lcags rdul sogs/___/__!_
mdzod las/__rdul phran dang ni de bzhin du/__/lcags chu ri bong lug dang glang /__/nyi zer rdul dang sro ma dang /__/de las shig dang de bzhin nas/__/sor tshigs zhes bya gong bdun 'gyur/__/rdul phran rab ni cha shas gtan med pas/__zla med kyi rdul zhes pa shin tu phra ba zhig go__/rdul phran ni rdul rdzas brgyad 'dus te rdzas rdul zhes pa sngar las rags pa zhig go__/lcags rdul ni lcags phyis pa na g.ya' lta bu'i rdul zhig dag 'gro rgyu yod pa de'o/__/chu rdul ni chu'i khar rlung gis btab pa na rdul gyi dbyibs can phra mo zhig 'khyor rgyu yod pa de'o/__/ri bong lug glang gsum ni de gsum gyi spu steng gi rdul/___/__!_
sangs rgyas pa rnams dus kyi dang po dgun/__phyogs kyi dang po mar ngo byed cing /__dus tshigs kyang /__mgo rgyal mchu dbo'i zla ba bzhi dgun dang /__nag pa sa ga snron chu stod bzhi dpyid dang /__gro bzhin khrums dbyug smin bzhi dbyar yin pas/__smin zla'i bcu drug nas mgo zla'i bco lnga'i bar zla gcig dang /__de'i mar ngo'i rgyal zla'i gnam gang zhag mi thub rgyu dor nas nyer dgu la gso sbyong bcu bzhi pa 'byung ba dang /__de bzhin sbyar te rgyal zla'i phyed phyi ma dang /__mchu zla ril po 'das pa'i dbo zla'i mar ngo'i gnam stong dor ba'i nyer dgu gso sbyong bcu bzhi pa 'byung ba sogs rigs 'gre bas/__lo gcig la zhag mi thub drug dor bas gso sbyong bcu bzhi pa'ang drug 'byung ba yin no/___/__!_
khro lo'i bsngo bar/__sbyin pa dam pa/__tshogs lam/__sbyor lam/__sems kyi rgyan/__mthong lam/__sems kyi yo byad/__sgom lam/__rnal 'byor gyi tshogs/__don gyi mchog__/mthar phyin lam/___lam lnga'i ngo bor bsgyur ba ste/___/_!
las byang zhes pa/__phrin las kyi byang bu/__mkhyen brtse'i phur pa rgyud lugs las gsungs/___/__!_
nA ro'i slob ma gnyis skyes/__mchog gsum ni/__bzhi ste/__gnyis skyes bram ze'i rigs can yin pas na gnyis skyes zhes bya la/__rten dge slong yin no/__/mchog gsum ni/__mA na ka shrIdz+nyA na dang /__pradz+nyA rak+Shi ta dang /__bal po pham 'thing pa dang gsum yin par bshad do/__/pham 'thing pa sku mched bzhi yod pa/__che ba dge slong chos kyi blo gros/__nA ro'i mdun lo bcu gnyis bzhugs/__phyis ri bo rtse lngar byon pa de nyid mchog gsum gyi phyi ma'o/__/gcung dge slong 'jigs med grags pa/__nA ro'i mdun lo dgu bzhugs/__bod du pham 'thing par grags pa de nyid da lta bde mchog dang mkha' spyod sogs kyi brgyud pa nang bzhugs pa 'di'o/__/de yi slob ma ni klog skya shes rab brtsegs so/__/gcung dus 'khor ba/__nA ro'i mdun lo lnga bzhugs/__chung ba thang chung bas kyang nA ro'i mdun nas gdams pa phal cher thob pa yin/__zhes go ram pas lo hi'i rnam bshad las so/___/__!_
sangs phun/__lung gi be bum dgos 'dod kun 'byung las/__'gog pa ni nyon mongs zad pa/___/__!_
lan kan ni rgyu ba'i don du lam kha khyer gyis bskor ba/__/_!
'jig tshogs lta ba ni/__nyer len phung po lnga'i yul la/__bdag dang bdag gir shes pa/__ri'i rtse mo ni/__'jigs lta de nyid gzhig dka' ba'i phyir ri dang 'dra ba/__nyi shu ni/__bdag gzugs yin te bdag po dang 'dra ba/__bdag gzugs dang ldan te rgyan dang 'dra ba/__gzugs bdag yin te bran dang 'dra ba/__gzugs la bdag gnas te snod dang 'dra ba/__bdag tshor ba sogs/___/__!_
'tsho zhing ni/__nyid kyi mthus sku sris su rung ba'o/__/gzhes ni/__sman gyi mthus/___/__!_
tshogs bdag las/__bcu drug 'dzam/__dpyi'am/__tshang ra'i mdo la bshad/__ske tshe/__mi rgan/__shangs tshe/__til bong rigs skye ba'i yungs gzhi'i sgong bu lta bu/__'bras bu phra zhib dmar ser can de la/__sgang thog pa yang zer/__/_!
tsha ba'i mar khu/__snum nag yin pa 'dra/___/__!_
chags med pa'i sa slong skabs/__spun drug ces pa/__lug lag gi bcad sug mtshams kyi rus pa dum bu drug pa de'o/___/__!_rang yu zhes pa/__mchig__/rgya yu zhes pa/__rgya ma/___/__!_
smyag tshags kha sbyar/___/__!_zer rmong gi skra zhes pa/__dzor bya'i ma'i khog pa'i thang chu zos pa nag po red pa de yin zer ba snang /___/__!_bod du do rgod pa zhes pa/__sngo sman do ba kha gdangs sam/__du ba kha skrangs zer ba/__me tog ser po yungs gzhi ltar/__mtho gang tsam skye ba/__rtsa ba ril mo kha tsha zhing dkar ba srin sman byed pa de yin/__khog la mi btang /___/__!_gi waM tshab lug ru ser po gu h+ya/___/__!_bzhi mnyam ni/__tsan+dan/__gla rtsi/__gur gum/__gi waM bzhi sbyar ba'o/__/zhes dbyangs can ma'i skabs su jo nang pas bshad/__/skag chol gyi rjes gnang zhes pa 'khor lo'i las tshogs la nye bar mkho ba yin gsungs/___/__!_thun mtshams su mdo sde me tog bkod pa nas gsungs pa'i glu dbang rgyal po'i gzungs 'don/___/__!_bu ga dgu dang drug mdor byug__/'jam nag skabs su bshad/_!_jo lugs lha mo dpal gyi sgom lung /_441_!_jo lugs dbyu gu ma/_453_dam tshul khrims gtsang sbra byi ba la mi sdang /_1_/_!__rgya gar gyi ri mo dang rgya gzhung bcas la/__bya khyung mi yi gzugs can la bya yi mchu dang gshog pa mjug sgro sder mo bcas yod/__rwa dang bya mgo yod pa'i bya khyung bal po tshul khrims/__sbra/__dang bod rgya nag gi lugs yin gsungs/___/__!_nyi sbas sgrol ma dkar mo rnam gsum ring la shin tu dar che gsungs/_/_!_gnyan sgrol yan lag drug pa/__gtso bo bsnyen pa dang /__las tshogs lnga bcas la zer/___/__!_
ral pa'i thor tshugs dang thor cog don gcig__/yi dam gyi lha rnams la dbu skra gyen du mtho re'i tshad tsam bsdom pa de la zer/__lha mo'i rigs la dka' thub kyi mdzad pa'i bstod pa 'dra ma gtogs gzhan sku dkyus ma la med/__bod yul 'dir lha mo'i sku la'ang thor tshugs 'ong ba 'khrul pa'i lag len snang /__zur phud dang do ker ming gi rnam grangs/__sngon gyi 'khor los sgyur rgyal rnams dang /__deng sang gzhung gi drung skor rnams kyi skra spyi bor bsdom lugs de ltar yin te/__snga ma las/__tshad thung bas de'i phyed dam sum cha tsam yod/___/__!_
rnam rgyal sngon po dar dpyangs zhes pa'ang sprul gzugs kyis dbu skra bcing ba'i lhag ma g.yas g.yon du dar dpyangs kyi gzugs su mdzes pa zhig go____/_!
klu shing zhes pa bal po yod pa 'di dang cung mi mthun snyam/___/__!_
dar le brgan dmar skya la bzhed/__nor rgyun dmar mo'i skabs/__ra bsre pram zhes pa ra'i spu mdog rgya go ra'i mdog can dmar hrag gam ser hrag gi mdog____/_!
'jam dpal smra seng la ril bu yod na 'jog__/med na zan ril gyis tshab bya/__pho 'khor sogs mi dgos/__gsar du bsgrubs na 'dod 'jo'i bum bzang ltar yin/__rtsibs dang 'dab brgyad la yi ge 'bri rgyu med/__mo 'khor yig mgo nang bstan/__pho 'khor phyir bstan/__mo 'khor 'og dang pho 'khor steng du byas pa'i bar du lhung bzed ril bu bzhag nas bsgrub/___/__!_
lha mo tsaN+Di'i g.yas brgyad pa'i phyag mtshan ga da zer ba/__dbyug pa dkar po la zer/___/__!_
zhi sbas lugs kyi nag po chen po'i skabs/__grib ma'i bu ni/__spen pa mtshan mor skyes pas spen pa'i ming yin/__spen pa dang gshin rje gnyis gcig pa'i skabs mang bas/_'dir gshin rje'i bu mo ste lha mo dud sol ma la 'jug pa yin no/___/__!_
'dzam bu ti ba'i zhal zas/__sha sran ma gnyis sbyar ba'i zan/__'bras kyang phran bu btab pa yin te lho mon pa rnams kyi zas zhig go__!_/mon kri ga zha zhes pa/__mon dar ri mo can la zer/___/__!_
gnyan sgrol skabs/__dbu skra g.yon phyogs su bcings nas g.yas phyogs su 'khyil ba ni li ma 'ga' la'ang byung /__mang yul skyid grong phyogs kyi bud med rnams kyi skra 'chings lugs ltar/___/__!_
rig byed kyi phug ces pa lho phyogs kyi rgya mtsho'i gling shed na yod par bshad/___/__!_
pad+ma'i phreng ba ni/_bal po nas 'byung ba'i me tog pad+ma rang gi 'bras bu'i rtsa ba'i phreng ba de ga yin gsungs/___/__!_
chos gos rnam gsum/__mthang sham dang /__snam sbyar/__chos gos gsum yin/___/__!_
sgom lung zhes pa/__lha yi mngon rtog kyi dmigs pa 'bogs pa yin/___/__!_
rus pa dang po'i shwa yis hal chur nem/__/gwa dor yang ni de yi sbang la'o/___/__!_
rgyab chos las/__rang gi nor gang yod rnams spel zhing rgyas par 'dod na/__oM pi sha ni swA hA/__sham bu gdags/__gzhan nor longs spyod rang gi dbang du bsdu bar 'dod na/__oM ba shaM ni swA hA/__pa dang ba dang wa gsum gang byas rung gsungs snang /___/__!_
sman tsha ba gsum/__sga skya/__pi pho gsum/__sngo tsha ba gsum/__sga tsha/__ra srus pa/__me tog dkar po 'bras bu bya mchu 'dra ba zhing mu skye/__dbyi mang dkar po/___/_!
dbang ril rab rim pa bdun btsan dug dang bsnyal bas/__rab zhabs su/__'bring gos su/__tha ma 'khor du bskor/__nam mkhar g.yugs pas byin rten yang ljang gur 'bar/___/__!_
rgya yan/__phyogs med par bzhag__/lhug pa/__bcas bcos med par bzhag pa'i don/___/__!_
byams pa'i bstod pa khro phu lo tsA bas mdzad par/__thub chen bla ma'i mchod rten gtsug tor na/__/'jig rten don sgrub nor bu 'bar bas spras/___/__!_
nyon mongs drag po skyes pa'i tshe/__/skye mkhan ngo bo shes par gces/__/sbrul gdug sngags kyis gcun pa 'dra/__/rang dbang thob pa ngo mtshar che/___/__!_
grub pa nyi shu rtsa bdun/_khro phu brgya rtsa ldeb 308nang yod/__/_!
kye rdor dbang bshad chen mo las/__rang bzhin brgyad cu'i rnam grangs spyod bsdus nang yod gsungs//___//_!
byams pa seng ge sgra'i mdo las/__'od srungs byang chub sems dpa' gang gis stong gsum gyi stong chen po'i 'jig rten gyi khams 'di'i chu'i phung po nas bzung ste/__tshangs pa'i 'jig rten gyi mthar thug pa'i bar du 'bru mar gyis yongs su bkang ste/__mar me'i snying po ri rab tsam btsugs nas/__de bzhin gshegs pa la mchod pa'i las kyi phyir mar me phul ba bas ni/__byang chub sems dpas lhag pa'i bsam pa phun sum tshogs pas/__tshul khrims kyi phung po la gnas pa gcig shos kyis mkhan po'am/__slob dpon gyi drung nas tshig bzhi pa'i tshigs su bcad pa gcig lung mnos te/__kha ton byed cing gom pa bdun 'dor bar byed pa gang yin pa de/__de bas ches bsod nams mang du bskyed par 'gyur ro/__/zhes dang /__da ltar sangs rgyas mngon sum du bzhugs pa ting 'dzin gyi mdo las/__gang gis gang+gA'i bye snyed 'jig rten khams/__/rin po ches ni bkang ste byin pa bas/__/gang zhig 'di las tshigs bcad 'ga' lung mnos/__/de yi bsod nams tshad bzung mi sla'o/__/zhes sogs rgya cher gsungs so/__/'brom ston gyis/__kho bos bla ma tsham tshom du bsten ma myong /__bsten nas 'dor ma myong /__zhes dang /__a ba tA ra las/__nam bzlas brjod dang bsam gtan la sogs byed pa'i tshe yang rang gi lha bsgrub par byas pa la dran pa nyams pa'am/__'dod chags la sogs pa'i nyon mongs mang po byung ngam/__gnyid dam/__snyoms pa'am yul gzhan 'gro 'dod pa'i rnam par rtog pa'i dbang gis phyag rgya chen po la dmigs pa la sogs pa'i yul la sems mi 'du bar gyur tshe yang rang gi sems de'i rang bzhin du gnas pa brtan par bya ba'i phyir/__yi ge brgya pa'i snying po 'di nyid dpal rdo rje sems dpal rdo rje rnon po la sogs pa'i ye shes kyi sems dpa' chen po thams cad kyi ngo bo nyid la bskul nas so/__/'di ni yi ge brgya pa'i snying po'o/__/oM badz+ra satwa sogs/__satwa AH__'di skad brjod pas mtshams med pa byas pa dang /__de bzhin gshegs pa thams cad bslus pa dang /__dam pa'i chos spong ba dang /__nyams par byed pa'i las thams cad byed pa yang /__de bzhin gshegs pa thams cad kyi phyag rgya bsgrubs pa la rdo rje sems dpa' brtan par gyur nas/__tshe 'di nyid la 'dod pa'i dngos grub thams cad myur du thob ste/__rdo rje'i dngos grub bam/__rdo rje sems dpa'i dngos grub nas/__de bzhin gshegs pa'i dngos grub mchog gi bar du thob par 'gyur ro/__/zhes bcom ldan 'das rdo rje sems dpas gsungs so//___//_!
bla ma dam pa'i zhabs la phyag 'tshal lo/__/sdom 'byung las/__ji ltar de nyid la rag nas/__/bsam pa thams cad bsam du med/__/gang tshe bsam du med sems pa/__/de tshe bsam gyis mi khyab 'byung /__/sems can ji bzhin bsam med de/__/bsam med ji bzhin rgyal yang med/__/gang phyir bsam bral sangs rgyas kyis/__/bsam pa 'di ni rab tu bshad/__/bsam gyis mi khyab sems de la/__/bsam pa kun gyi brjod las 'das/__/sna tshogs rtog pa'i rtog pa med/__/chags med bde ba chen po ste/__/rnam pa thams cad kyi ni mchog__/ces bsam gyis mi khyab par bstan/__/kye rdor las/__'di ni 'khor ba zhes bya ste/__/'di ni mya ngan 'das pa nyid/__/'khor ba spangs nas gzhan du ni/__/mya ngan 'das pa thob mi 'gyur/__/zhes 'khor 'das dbyer med du bstan/__dus kyi 'khor lo las/__ji srid 'gyur ba thob kyi bar/__/rten dang brten pa'i 'brel pas gnas/__/sems kyi 'gyur med thob nas ni/__/rten dang brten pa'i 'brel pa med/__/ces 'gyur med kyi bde ba chen por gsungs/__phyag rgya chen po'i brgyud pa ni/__rnal 'byor gyi dbang phyug til+li pa nges pa'i don du rdo rje 'chang chen po dang gnyis su med kyang /__drang ba'i don du bka' bzhi brgyud pa'i bla ma bsten nas sprul pa po gcig 'dir 'tshang rgya ba'i tshul bstan/__des nA ro pas dka' chen bcu gnyis kyi mthar rtogs pa gcig car du 'khrungs/__des rje btsun mar lor dgyes pa rdo rje'i dbang bskur gsan pa'i dus su gsum pa'i rten las phyag chen rtogs pa rim gyis mthar dbyung /__kha cig de dus kyis rgyu byas/__mai trI pa'i dus su shar bar rloms mod/__de ni mi 'thad de/__snga ma'i skabs su nyid kyi mgur las rlung 'pho med du gyur bar bshad pa gang zhig__/de'i dus skad cig tu mi 'gyur ba'i bde bar dus kyi 'khor lo bsgrub pa'i phyir ro/__/des na de nyid du sangs rgyas pa'i tshul ma bstan par phyis mai trI pa'i drung du rtogs pa brtan por gyur pa'o/__/rje btsun mi las brag dkar rta sor mar pa'i drin gyis gtum mo la brten nas dang /__dwags pos rje btsun dang mjal nas lo bcu gnyis na rtogs pa shar bar lung bstan pa bzhin gnyal se ba klung du gzigs/__'ol khar mthar phyin/__'di yang gtum mo la brten pa dang /__phag gru sa skya pas mthong lam par gsungs kyang /__des go ma chod par dwags po chen po'i ngo sprod kyi tshig la brten nas rnyed pas sngar gyi bla ma rnams ci red gsungs byung dgos par gda'/__gling ras lo gsum la brten nas rtsa rlung gi drod rtags thon/__phag gru mjal bas rtogs pa phyi grol nang grol du song nas rgya gar gyi chu bo gang+gA tshun chod du rtogs pa mtho bar lung bstan/__'di gcig car ba'i skyes tshul lo/__/rgya ras pas gling gi drung du nyams dang rdzu 'phrul bsam gyis mi khyab pa byung bas rtogs par rloms te zhus pas/__rtogs pa gsha' ma da ste lo lnga na 'char bar gsungs pa bzhin/__mkhar chur rkyen ngan lam du longs shing /__bla ma'i mos gus tshad med pas rkyen byas te shar/__tshal par brten nas snying rje'i tshan kha brdol/__'di thod rgal ba'i skye tshul du bzhed/__rgod tshang pa dmigs pa gcig la brten pa'i khrid zhus pa'i zhag bco brgyad na rtogs pa shar/__'on kyang tsa ri/__ti se/__mthar rgod tshang brag la bzhugs tshun bskyangs pas brtan pa thob/__rim gyis pa'i skye tshul du bzhed do/__/phag grus/__phya par 'khor ba'i rgyu'i gtso bo dris pas/__gnas ngan len gyi dri ma phra zhing phra ba 'di'o/__/de gang /__shes bya'i dri ma snod la gla rtsi'i dri chags pa lta bu'o/__/de las bcar ba ma byung /__sa chen la zhus pas/__rlung sems dbu mar ma tshud pa'o/__/zhes gsungs/__da dung nyams ma bde/__dwags por zhus pas/__dge ba'i bshes gnyen/__tha mal gyi shes pa ngo ma shes pa yin mod gsungs pas bcar te zin/__de'i rgyu mtshan/__ston pas 'khor 'das kyi rgyu rig ma rig gnyis su gsungs pa ngo 'phrod par 'dug go/___//_!
sgra gnas brgyad ni/__sgra dang /__skad dang /__ming dang /__mtshan ma dang /__brda dang /__tha snyad dang /__tshig dang /__don rnams so/__/de la dang po ni/__zin pa'i sgra sems can du ston pa'o/__/gnyis pa ni/__legs sbyar/__rang bzhin/__zur chag__/sha za'i skad dang bzhi'o/__/gsum pa ni/__chos mngon pa'i lugs kyis yi ge 'dus pa sa'i bdag nyid can la bzhag ste/__brda sprod pas byings la rkyen sbyar zhing rnam dbye ma sbyar ba/__bud+d+ha lta bu la 'dod do/__/bzhi pa ni/__ming des don de mtshon par byed pa'o/__/lnga pa ni/__tha snyad sngar med pa la glo bur du 'dod pas sbyar ba ste/__dper na/__yal ga dang lo ma ldan pa'i ming can la/__ming shing zhes btags pas ming ming can 'brel bar go ba lta bu'o/__/drug pa ni/__de nyid 'jug ldog byed pa'i phyir brjod pa ste/__dper na gdung 'degs nus pa'i shing la ka ba zhes btags pa lta bu'o/__/bdun pa ni/__chos mngon pa'i lugs kyis ming 'dus pa ste/__'dus byas mi rtag__/ces pa lta bu dang /__brda sprod pas bying dang ming la ti dra su pra yi rkyen sbyar ba'o/__/brgyad pa ni/__chos thams cad kyi rang gi gnas lugs ji ltar gnas pa ste/__dper na/__me'i ngo bo tsha ba lta bu sogs so/___/__!_
dgyes rdor la rgya gar du 'grel byed bcu gnyis sogs byung yang lam srol yongs su rdzogs pa/__mtsho skyes/__nag po dam tshig rdo rje/__nA ro pa/__biR+Wa pa/__mai tri pa/__shan+ti pa/__kha che snyan grags bzang po ste bdun/__de las bod du ga ya d+ha ra la/__'brog mi shAkya ye shes dang /__/'gos lo tsA ba bsod nams rtse mo dang /__gyi gyo lo tsA ba zla ba'i 'od zer gyis zhus/__mar pas nA ro dang /__dpyal lo kun dga' rdo rjes paN+Di ta 'jigs med grags pa rnams la gsan pa dang /__ram lding pa sangs rgyas 'byung gnas rnams kyi lugs las/__dang po gsum ga ya d+ha ra dang /__phyi ma gsum nA ro pa'i rjes 'brangs yin/__sa skya pa kun dga' snying po la/__biR+Wa'i rjes 'brangs Dom+b+hi'i skor dang /__dpa' bo rdo rje nas 'grel pa lugs 'brog mi dang /__yan lag med pa rdo rje'i skor ga ya d+ha ra nas 'brog mi dang /__nag po dam tshig rdo rje'i skor slob dpon des 'gos lo tsA ba dang /__man ngag la brten pa ni rnal 'byor dbang phyug nas lam 'bras dang phyogs gcig byung zhing /__nA ro pa dang mai tri'i lugs kyang sngar byung bar grags na'ang deng sang chad la/__de'i rgyud bshad tshul la/__spyi don/__mtshan don/__bshad thabs/__mngon rtogs te tshul bzhi sngon du 'gro bas 'chad pa'o/__/kun gzhi dbu sems gnyis ka khas len kyang /__snga mas bden grub tu mi bzhed cing phyi mas bden grub tu bzhed nas khas len/__'o na snga mas khas len pa tsam gyi dgos pa ci zhig snyam na/__las dang po pa drang pa'i phyir ming tsam zhig khas blangs te/__phyis zhib tu 'chad pa na/__gang la stong pa nyid rung ba/__/sogs kyi rig pas bden grub 'gog par byed do/__/zhes bzhed/___/__!_
kun gzhi'i ngo bo rnam par shes pa gsal tsam rang bzhin gyis stong pa 'khor 'das thams cad la rgyun chags pa ste/__de la 'khor 'das kyi bya byed rung ba'i cha nas kun gzhir 'jog__/de la ngar 'dzin pa nyon yid dang /__de nyid yul drug gi chos kyi phyogs su chad pa ni drug pa yid kyi rnam par shes par 'jog la/__de yang sems tsam pa ltar bden grub kyi cha nas kun gzhir mi 'jog ste/__stong pa nyid kyi cha nas bya byed rung ba'i phyir 'jog go__/des na kun gzhi khas len na sems tsam du 'jog pa ni go ba dman pa ste/__dbu ma thal 'gyur bas kyang tha snyad la kun gzhi khas len dgos te/__sangs rgyas kyis gsungs pa'i phyir dang /__de yang don dam bden pa rtogs pa'i thabs su gyur pa tha snyad kun rdzob kyi bden pa yin par slob dpon dag bzhed pa'i phyir ro/__/bden grub tu khas mi len te/__de ltar na don la nor ba chen por 'gyur ba'i phyir ro/__/mdor na kun gzhi gsal stong zung 'jug chos kyi dbyings mtha' thams cad dang bral ba'i de kho na nyid la 'jog pa ni mdo sngags gnyis kar dgongs pa mthun no/___/__!_
srong btsan gyis bram ze ku sA dang /__shang ku sogs spyan drangs/__khri srong gis zhi 'tsho pad 'byung pad+ma'i ngang tshul sogs/__mnga' bdag khri sde gtsug bstan gyis dA na shI la dang /__shI len+d+ra bo d+hi sogs spyan drangs/__lha btsun byang chub 'od khu dbon mched kyis jo bo spyan drangs/__ye shes 'od kyi lo chen brgyud nas shAr+d+ha sogs spyan drangs/__tho ling gser gyi lha khang bzhengs/__'brog mis ga ya d+ha ra gdan drangs/__'od sdes puN+ya shrI dang /__rtse sdes kha paN gdan drangs/__pa tshab kyis ka na ka gdan drangs pa sogs mtha' yas/__'bum la/__glang khams pa go cha'i thugs 'gyur ba'am reg zig dmar po/__nyang in+d+ra ba ro dang /__sbas many+dzu'i bsgyur ba'i reg zig sngon po'am bla 'gyur chung ba/__bai ros bsgyur ba'i bla 'gyur 'bring po'am sbar bkab can/__khri sde srong btsan dus su 'phan yul smad ka ba na mo cher zhus chen mdzad pa bla 'gyur chen mo/__phyis su rngog los shes rab sgron ma sogs gsum bsnan nas bsgyur cing shin tu dag par mdzad/__de rjes 'gos chos grub kyis rgya nag gi dpe las bsgyur nas byams zhus sogs le'u bzhi brgyad stong nas kha bskangs pa ste/__'bum la rtsa ba'i 'gyur6/__de las kyang gyes pa yan lag lta bu dang 14/__nyid lag lta bu 65sogs mtha' klas so//__//_!
lta ba'i rnam pa drug cu rtsa gnyis ni/__gzugs bdag__/gzugs bdag dang ldan pa/__bdag gzugs/__bdag gzugs dang ldan pa yin pa gang zhig phung po lhag ma bzhi la sbyar bas nyi shur 'gyur la/__de nyid dus gsum la sbyar ba'i steng log lta dang /__mthar 'dzin gnyis bsnan pas 65te de gnyis ni tshe snga phyi dang /__las dge sdig gi 'bras bu bde sdug yod par mi lta ba ste/__des na dus gsum la mi sbyar ro/__/phyir mi ldog pa'i byang chub sems dpa'i rtags su lus kyi srin bu rgyun chad/__dran pa nyer bzhag las/__rlung sa 'dzin g.yos pa'am/__nag po la dga' ba'i klus rgya mtsho rlabs bskyod pa las dang /__sprin dang glog ni klu'i sprul pa'am dbugs dang /__'brug ni klu'i skad dam tsha grang 'thab pa'i skad dang /__char ni dkar phyogs la dga' ba'i klus lha la rin po che dang /__mi la chu'i char phab par bshad do/__/kha cher dar gyi tshon sna lnga 'dus pa la za 'og zer//___//__!_
mi/__sbrul/__ba lang /__rta/__bong /__khyi/__seng ge__/phag__/wa/__spre'u'i sha bcu bza' bar ma gnang //___//_!
gsang 'dus 'grel bshad klu sgrub kyis mdzad zer bar/_oM zhes bya ba'i rnam par snang mdzad rjes su dran pa'o/__/hrIHzhes bya ba ni sgyu ma'i sa bon gsung gi sa bon gyi rang bzhin no/__/Sh+t-I zhes bya ba ni rnam pa nyid yin pa'i phyir thugs kyi sa bon yin no/__/des na sku dang gsung dang thugs kyi sa bon yin no/__/bi kr-i tA na na ni grags pa'i gdong can no/__/zhes gsungs/__mdo sde mig bcu gnyis par rgya mtsho'i nya mo che g.yo bas sa g.yo bar bshad/___/__!_
phyag rdor gos sngon can gyi sgrub thabs slob dpon badz+ra pA Nis mdzad par/__de nas tsan+d+ra pa'i u NA di sogs yod/__de'i ting mthar/__ji ltar sbas pa ni ring por 'gro ba nyid kyi bdag nyid du ston par byed de/__de bzhin du gang spyir btang ba yin pa de ni sbas pa'i 'gros zhes brjod par bya'o/___/__!_
gang po la sogs pa'i rtogs brjod brgya par/__bcom ldan 'das kyis sems can bsod nams 'dod pa rnams la bsod nams kyi gnas bstan pa'i phyir/__nyid kyi phyag bdar te phyags ma bsnams nas rgyal bu rgyal byed kyi tshal la phyag bdar mdzad do/__/zhes dang /__bcom ldan 'das kyis dge slong rnams la bka' stsal pa/__dge slong lnga po 'di dag ni phyag bdar byed pa'i phan yon yin te/__lnga gang zhe na/__bdag nyid sems dga' bar 'gyur ba dang /__gzhan sems dga' bar 'gyur ba dang /__lha rnams dga' bar 'gyur ba dang /__mdzes par 'gyur ba'i dge ba'i rtsa ba sogs par 'gyur ba dang /__lus dang bral ba'i 'og tu bde 'gro mtho ris kyi 'jig rten lha rnams kyi nang du skye'o/__/zhes dang /__gser mdog gi rtogs pa brjod pa/__gzhi brtag pa/__gos brtag pa/__rin po che brtag pa/__shing brtag pa/__glang po brtag pa/__rta brtag pa/__gzhon nu brtag pa/__gzhon nu ma brtag pa brgyad gsungs so/__/'dul ba gzhir/__bsags pa kun gyi mtha' 'dzad cing /__/mthon po rnams kyi mtha' ru lhung /__/'phrad pa'i mtha' ni bral ba ste/__/gson pa'i mtha' ni 'chi ba yin/__zhes dang /__bcom ldan 'das kyis bka' stsal pa/__slob dpon ni lnga/__mkhan po ni gnyis so/__/slob dpon lnga gang zhe na/__dge tshul gyi slob dpon dang /__gsang ste ston pa dang /__las byed _pa dang /__gnas sbyin pa dang /__klog pa'i slob dpon no/__/zhes dang /__mkhan po gnyis gang zhe na/__gang gis rab tu 'byin par byed pa gang yin pa dang /__bsnyen par rdzogs par byed pa gang yin pa'o/__/zhes so/_/lan ka'i rgyu'i don du lam gyi kha khyer bskor ba'o/__/dam chos pad dkar che ba las/__snyan ngag me long gtsang ma gang /__/grags pa'i gzugs brnyan la 'phos kyang /__/mtho ris bzhud kyang mi nyams nyid/__/snyan ngag mkhan po de bsngags so/__/srung ba'i 'khor lo ni/__byas pas bgegs mi 'jug pa yin/__sbyin sreg byed pa'i lus la srung ba bdun gyis bsrung bar bya ste/__gser sa le sbram dang mu tig la sogs mig ma phug pa dang /__gi'u waM dang gur gum gyis bris pa'i rten 'brel snying po dang /__rma bya'i sgro la rma bya chen mo'i yang snying bzlas pa/__yungs kar dang yi ge btags pa lus la gdags pa dang /__gla rtsi la gos sngon can gyi snying po bzlas pa'i chus lus la byugs pa dang /__bya khyung gi sngags yi ge k+ShiM 'bru gcig pa gser gyis bris pa spyi bor gdags pa dang /__yang na 'jam pa'i dbyangs kyi snying po yi ge mU~M 'bru gcig pa dang /__phyag na rdo rje'i snying po k+ShiM gser gyis bris pa spyi gtsug tu gdags par bya'o/__/zhes bshad/__AR+Ya de was bden bzhi'i sgrub thabs su/__sdeb sbyor tshad ma'i tshig phrad med/__/sgra yi mtshan nyid rnam spangs pa/__/rnal 'byor tshig gis rnal 'byor pa/__/rnal 'byor bstan bcos yin par bshad/__/ces so/__/shing gel pa ni me 'bras rab tu rgyas pa/___/__!_
yod med mtha' sogs rnam par spangs/__/blo yi spyod yul ma yin kyang /__/'gro la brtse ba sna tshogs gzung /__/mkha' 'gro rgya mtsho la phyag 'tshal/__/zhes de'i ho ma dza ya se na kr-i tA ta/___/__!_
gdan bzhi ni/__bdag gi__/gzhan gyi/__sbyor ba'i/__gsang ba'i gdan te/__de re re la'ang dum bu bzhi re yod pas bcu drug go/___/__!_
rgyud sde bzhis 'dod chags bzhi lam du byed pas zad pa byed pa ste/__shing 'bu shing la gnas nas shing za bar byed pa bzhin no/__/de skad du saM Tir/__dgod dang blta dang /__sogs so/___/__!_
rab dbye'i 'grel ba spos khang ba rin chen rgyal mtshan/__dga' gdong pa chos rgyal dpal bzang /__bsam yas pa lha btsun bsod nams dpal ldan/__las chen gzhon nu seng ges mdzad pa rnams la tshad thub kyi 'grel chen bzhi zer/___/__!_
sbyong rgyud TI kar sdig sbyong sgo dgu ni/__bsnyen pa sngon du song nas dkyil 'khor bzhengs te tshe 'das dang tshe ldan la kun rig rtsa ba'i dkyil 'khor du dbang bskur te sdig pa sbyong ba1/__sreg sbyong sogs stabs ma bde ba rnams kyis tshe 'das kyi phung po la dbang bskur te me tog phog pa'i lha'am/__dkyil 'khor dngos su bskyed la ye shes pa bcug ste mchod bstod sogs byas na byang chub chen po'i mchod rten sogs kyi dbus su bzhag ste rab gnas bya ba dbang bskur te mchod rten gyi dbus su bzhag ste sdig pa sbyong ba2/__phung po la dbang bskur te lha thams cad kyi sngags sam snying po gser dngul sogs kyis bris te gur gum sogs kyis byugs/__phung po'i snying gar btags pa lhar bskyed nas ye shes pa bcug__/mchod bstod sogs byas te dri'i gtsang khang gi khyim nang du 'jog pa dbang bskur te dri gtsang khang du bzhag ste sdig pa sbyong ba3/__tshe 'das kyi ming rtsa rig gi sarba karma'i gong du bcug pa gur gum sogs kyis bris pa 'bi 'bi'i nang du bcug pa'i sAts+tsha 'bum phrag tshang bar byed pa mchod rten byas te sdig pa sbyong ba4/__tshe 'das kyi ming spel ba'i rtsa rig 'bum phrag sogs byed pa bzlas pa byas te sdig pa sbyong ba5/__sbyin sreg byas te sdig pa sbyong ba6/__ro bsregs te sdig pa sbyong ba ni yig char gsal la/__gnas yig gi go don sngags rnams gong du bslan par gnas de dag tu sngags rnams zla ba'i steng du kha dog dkar po sbrul 'khyil lta bu re re byung ba'i 'od zer gyis tshe 'das kyi sdig pa dag par bsam/__sbyin sreg tshar nas rus pa thal bar gyur ba dang /__rdo rje bsdu ba'i phyag rgyas/__oM badz+ra sa mA dzaH__dzaHhU~M ba~M hoH__zhes brjod pa'i tshe/__de bzhin gshegs pa'i rdul phra rab rus bu la thim par bsams la/__de nas bum chu sogs kyis rus bu bkru zhing sAts+tsha sogs bya/__rten med pa la sdig pa sbyong ba ni/__ming byang la brten pa'o/__/dgu pa phyir bzlog gi sdig pa sbyong ba ni/__yungs kar bye ma la sogs pa'i sngags thams cad dam gtsug dgu'i sngags kyis brabs pa'o/__/dmigs pa ni sngags kyi 'od zer gyis tshe 'das kyi sdig pa bsregs par bsam/__zhes ma hA sur+b+bA dz+nyA na d+hA dza s+ya sho d+ha naM tan+t+ra bi b+hAShAtra/__bul tog__/ru rta/__dur byid/__dbyi mong me tog bzhis byugs pas shu raHlo se/___/__!_
myang 'das las/__rigs kyi bu gzhan yang byang chub sems dpa' sems dpa' chen po yang 'di skad ces dam bca' ste/__bdag gi khar lcags kyi tho lum mid kyang bla'i/__tshul khrims nyams pa'i lus kyis nam du'ang sbyin bdag gis dad pas sbyin pa'i zas mi bza'o/__/zhes dang /__rigs kyi bu gzhan yang byang chub sems dpa' sems dpa' chen po yang 'di skad ces dam bca' ste/__lcags kyi thur ma shin tu tsha bas mig gnyis brus kyang bla'i/__'dod chags kyi sems kyis pha rol gyi gzugs bzang po la mi blta'o/__/rigs kyi bu gzhan yang byang chub sems dpa' sems dpa' chen po 'di skad du dam bca' ste/__ci ste smyug bu mang pos rna ba'i dbang po btsag kyang bla'i/__'dod chags kyi sems kyis sgra snyan pa mi nyan no/__/rigs kyi bu/__gzhan yang byang chub sems dpa' sems dpa' chen po 'di skad du dam bca' ste/__gri rnon pos sna bcad kyang bla'i/__'dod chags kyi sems kyis dri zhim po mi snom mo/__/rigs kyi bu/__gzhan yang byang chub sems dpa' sems dpa' chen po 'di skad du dam bca' ste/__gri rnon pos lce bcad kyang bla'i/__'dod chags kyi sems kyis ro zhim po la mi chags so/__/rigs kyi bu/__gzhan yang byang chub sems dpa' sems dpa' chen po 'di skad du dam bca' ste/__gal te s+t+wa re rnon pos bdag gi lus dum bu dum bur btub kyang bla'i/__'dod chags kyi sems kyis reg bya mang po la mi chags so/__/de ci'i phyir zhe na/__de'i rgyu de'i rkyen kyis rnal 'byor can dag sems can dmyal ba dang /__byol song gi skye gnas dang /__gshin rje'i 'jig rten du skye bar 'gyur ro/__/zhes so/___/__!_
stag tshang lo tsA ba'i rten gsum bzhengs thabs dpa' 'byor rgya mtsho/__tsha rong pa 'jam dbyangs bsod nams 'od zer gyi rten gsum bzhengs pa'i rnam bzhag__/'phags pa'i slob mas rten gsum bzhengs thabs yon tan 'byung gnas/___/__!_
'pho ba'i dus la mi mthun pa mang ste kha cig nges pa'i 'chi ltas byung nas dang /__phal cher 'chi rtags byung na 'chi bslu byas kyang bzlog pa mi nus pa mthong ba dang /__la la 'chi rtags mthong nas 'chi bslu byas kyang mi bzlog pa'i nges pa mthong na ji ltar mos pa zhig gi mtshams su 'pho bar gsungs pa sogs mang kyang /__gdan gzhi las/__de bas lus la rtags byung nas/__/blo dang ldan pas sbyor ba brtsam/__/zhes dang /__zhal lung las/__'chi bar gyur pa'i dus byung nas/__/nad kyis yang dag ma btab par/__/'pho ba'i sbyor ba yang dag bshad/__/ces sogs gsungs pa ni/__'pho ba sbyangs pa nye bar sbyor pa'i dbang du byas kyi/__gzhan du/__dus min lha rnams gsod par byed/__ces pa'i nyes pa bzlog par mi nus/__des na rang lugs ma shi gong du 'phos na gang byas kyang dus min lha bsad pa'i skyon 'ong bas/__rnam shes 'od gsal la thim pa'i tshe sbyangs stobs 'pho dgos/__zhes swa mI muk+t+ya gras gsungs/__shu b+haM//___//__!_
