JKW-KABUM-02-KHA-002-035-wylie
yang de nyid kyi zhabs brtan gsol 'debs phun tshogs grub ster/__
dkyil 'khor chen po'i rdo rje slob dpon 'chi med bstan gnyis g.yung drung gling pa'i zhabs brtan gsol 'debs phun tshogs grub ster ces bya ba bzhugs so/_/gdod nas rtag pa dam pa gnyug ma'i gshis/_/gang 'dul mtshan dpe'i gzugs su mngon snang ba/_/rab 'byams dkyil 'khor 'khor lo'i dbang phyug che/_/gar dbang 'chi med gling pa 'tsho gzhes gsol/_/rgyal ba kun gyi gsung gi gsang ba dang /_/mi phyed lung dang rtogs pa'i sprin chen las/_/zab rgyas chos kyi char pa 'bebs mkhas pa'i/_/o rgyan bstan gnyis gling pa 'tsho gzhes gsol/_/'gyur med yongs grub lhan skyes bde ba che/_/srid zhi'i dngos po kun gyi de kho na/_/mkhyen brtse'i ye shes pha mtha' yas pa'i thugs/_/rdo rje g.yuXng drungaX glingaX paX 'tsho gzhes gsol/_/rtsa gsum kun 'dus mtsho skyes rdo rje dang /_/dbyer med dpal ldan bla ma'i zhabs pad+mo/_/bgrang yas bskal ba rgya mtshor 'tsho gzhes shing /_/phrin las 'jig rten kun tu rgyas par shog__/thun mong rig gnas khyad par bka' gter gsung /_/grub pa'i man ngag thun min gsang ba bcas/_/mdzod chen rnam lnga'i shing rta'i lam srol mchog__/phyogs dus kun na rtag tu khyab gyur cig__/ces 'jam mgon rdo rje 'chang karma ngag dbang yon tan rgya mtsho'am/_rig 'dzin pad+mas mtshan gsol 'chi med bstan gnyis g.yung drung gling pa rtsal gyi zhabs brtan gsol 'debs 'di'ang sprul pa'i sku mkhas grub rgya mtshos bkra shis pa'i lha rdzas dang bcas te bskul ba'i ngor/_sangs rgyas gnyis pa pad+ma saM b+hA wa'i zhabs dul spyi bos reg pa mtsho skyes bla ma dgyes pa'i 'bangs pad+ma 'od gsal mdo sngags gling pas rten 'byung khyad par can gyi slad du dmigs te me yos rgyal zla ba'i dkar phyogs kyi rgyal ba gnyis par 'gyur med rtag brtan rdo rje thugs kyi gnas mchog dpal spungs yang khrod de wI ko Ta tsA 'dra rin chen brag gi snying po dpal chen dgyes pa'i pho brang mdzod lnga 'dus pa'i gzhal med khang chen por gsol ba btab pa don dang ldan par gyur cig__/_!
