JKW-KABUM-01-KA-004-031-wylie
tsha la a 'phel la gnang ba'i gsol 'debs rtsa gsum kun 'dus zhes pa/__
rtsa gsum kun 'dus pad+ma 'byung gnas dang /__/thugs rje myur ma rje btsun sgrol ma'i zhabs/__/dbyer med khyab bdag dpal ldan bla ma la/__/snying nas gsol ba 'debs so byin gyis rlobs/__/dal 'byor rnyed dka' nam 'chi nges med dran/__/'khor ba'i sdug bsngal mthong ba'i nges 'byung gis/__/las 'bras blang dor tshul bzhin nus pa dang /__/byang chub sems gnyis 'byong bar byin gyis rlobs/__/khyad par rang gzhan sems can thams cad kun/__/'gal rkyen kun zhi tshe bsod dpal 'byor rgyas/__/phyi ma bde ba can kyi zhing skyes nas/__/myur du rnam mkhyen thob par byin gyis rlobs/__/zhes pa'ang dad gtong 'byor ba'i dpal gyis mtho ba tsha la a 'phen gyis gsungs ngor/__/mtsho skyes bla ma dgyes pa'i 'bangs mkhyen brtse'i dbang pos bris pa de de bzhin du 'grub par bla ma rgyal ba sras dang bcas pas byin gyis brlab tu gsol//__//_!
