JKW-KABUM-01-KA-004-021-wylie

rdor sems la gsol 'debs phyogs bcu dus gsum ma/__ phyogs bcu dus gsum rgyal ba sras bcas kyi/__/mi phyed 'od gsal thugs kyi ye shes sku/__/dpal ldan bla ma rdo rje sems dpa' la/__/snying nas gsol ba 'debs so brtse bas dgongs/__/bdag gi sdig ltung spyi dang khyad par du/__/mi shes nyon mongs bag med ma gus dang /__/bar chad dbang gis dpal ldan bla ma yi/__/sku gsum thugs dang 'gal ba'i nyes pa kun/__/'gyod pa chen pos bshags shing phyin chad bsdam/__/lus ngag yid gsum longs spyod dang bcas pa'i/__/don yod rnam bzhis rtag tu mnyes bgyid na/__/sgrib med tshangs pa'i dngos grub stsol nas kyang /__/byang chub bar du 'bral med rjes 'dzin shog__/i daM sarba shiSh+yA NaM tri mu kha bi shud+d+haM b+ha ba tu//__//