JKW-KABUM-01-KA-002-090-wylie
khyab bdag dpal ldan bla ma rdzogs pa'i sangs rgyas ngag dbang bstan pa'i nyi ma'i gsol 'debs smon lam dang bcas pa byin rlabs pad dkar bzhad pa'i nyin byed/__
khyab bdag dpal ldan bla ma rdzogs pa'i sangs rgyas ngag dbang bstan pa'i nyi ma'i gsol 'debs smon lam dang bcas pa byin rlabs pad dkar bzhad pa'i nyin byed ces bya ba bzhugs so/__/ngagaX dbaXng 'jam dpal gzhon nu'i rnam rol ni/__/bstanaX pa'iX nyiX maX mchog tu yongs shar ba/__/zab rgyas chosaX kyiX 'byungaX gnas gcig pu che/__/rigs brgya'i khyab bdag chen por gsol ba 'debs/__1__/mgon khyod gdod nas rnam grol mchog brnyen bzhin/__/zhing 'dir gdul bya'i tshogs rnams rjes bzung slad/__/ngo mtshar mchog gi sprul sku'i zlos gar gyis/__/srid zhi'i dge mtshan rgyas la gsol=__2__/nges 'byung so thar khrims kyi sman ljongs su/__/byang chub sems gnyis nor bu'i 'khri shing rgyas/__/gsang chen smin grol 'bras bus rab mdzes pa/__/sum ldan rdo rje 'dzin par=__3__/phyi nang rig gzhung mtha' dag gsan pa dang /__/bsam byung tshad ma gsum gyis dpyod pa dang /__/tshe gcig lam bzang bsgom pa'i snang ba yis/__/nges don mngon sum gzigs la=__4__'chad pas blo ldan bye ba'i yid dbang 'phrog__/rtsod pas phas rgol kun gyi khengs pa bsnyil/__/rtsom phreng thub bstan mdzes pa'i rgyan gcig tu/__/'god mkhas smra ba'i dbang por=__5__klog pa thos bsam 'khor los rgyud sbyangs shing /__/spong ba bsam gtan bdud rtsis lhag par dgyes/__/rlabs chen bya ba las kyi 'khor lo yis/__/bstan 'gro'i phan bde spel la=__6__mkhyen rab mtha' yas 'jam dpal gzhon nu dang /__/brtse chen thugs rje'i rang gzugs pad dkar 'chang /__/mthu stobs phul byung gsang ba'i bdag po'i dngos/__/rigs gsum kun 'dus khyod la=__7__mdor na bla ma mchog gsum yi dam lha/__/dpa' bo mkha' 'gro chos srung nor lhar bcas/__/mgon po khyod las gzhan du ma dmigs phyir/__/snying nas gdung shugs drag pos gsol ba 'debs/__8__/de ltar gus pas gsol ba btab pa dang /__/sras bcas rgyal ba'i thugs bskyed smon lam mthus/__/bstan 'dzin mchog rnams bskal brgyar zhabs brtan cing /__/bshad sgrub bstan pa dar bar byin gyis rlobs/__9__/bdag sogs mtha' klas yid can thams cad kyang /__/'di nas bzung ste byang chub snying po'i bar/__/dpal ldan bla mas 'bral med rjes bzung nas/__/thugs yid gcig tu 'dres par byin gyis rlobs/__10__/dad dang nges 'byung byang sems gting nas 'byongs/__/ji ltar khas blangs tshul khrims rnam par dag__/rgyal ba'i bstan la thos bsam sgom gsum gyis/__/rang gzhan don gnyis 'grub par byin=__11__mthar thug khyab bdag bla ma'i gsang gsum dang /___dbyer med zung 'jug ye shes sku brnyes nas/__/phyogs bcu dus gsum rgyal ba sras bcas kyi/__/smon lam mtha' dag 'grub par byin gyis rlobs/_12__/bkra shig gang zhig bla ma mchog gsum gyi/__/thugs rje zla ba bdud rtsi'i 'od snang gis/__/srid dang zhi ba'i rgud pa kun zhi nas/__/phan bde'i dga' ston mchog tu rgyas gyur cig__13__/ces khyab bdag dpal ldan bla ma rdzogs pa'i sangs rgyas dpal stag lung pa chen por ngag dbang bstan pa'i nyi ma chos kyi 'byung gnas phrin las rnam par rgyal ba'i sde zhes mtshan snyan srid zhi'i bla na mngon par mtho ba gang gi don gyi rnam par thar pa dang rjes su 'brel ba'i gsol 'debs smon lam dang bcas pa'i tshigs su bcad pa nyung ngu 'di'ang /__mtshungs med bstan pa'i nyin byed mchog sprul rin po che ngag dbang grags pa yongs khyab dge legs rab rgyas byang chub myu gu dpal bzang pos bka' stsal rin po che'i me tog dang bcas te bskul ba ltar/__bya bral ba 'jam dbyangs mkhyen brtse'i dbang pos gang shar gsol ba btab pa'i dge bas bdag gzhan kun gyi rgyud la khyab bdag bla ma'i ye shes gzigs pa'i byin rlabs myur du 'jug pa'i rgyur gyur cig__/sarba dA ka l+yA NaM b+ha ba tu//__//
