JKW-KABUM-01-KA-002-041-wylie
mi la bzhad pa rdo rje la bsngags pa mkha' spyod DA ki dgyes pa'i rol mo/__
grub pa'i dbang phyug kun gyi gtsug gi nor bu rje btsun mi la bzhad pa rdo rje la bsngags pa mkha' spyod DA ki dgyes pa'i rol mo zhes bya ba bzhugs so/__/na maHshrI ha sa badz+rA ya/__gsang bdag miX yi gar mkhan khyod cig ces/__/la laX tsam min kun tu bsngags pa'i phul/__/mkha' spyod mig yangs bzhadaX pa'iX rol mo can/__/rdoX rjeX'i brtul zhugs grub pas des srungs shig_1_/gang gi ngo mtshar rnam par thar pa ni/__/zla ba nor bu'i sim 'od mngon sum pas/_/mdzes byas blo gros dag pa'i dpyid ka las/__/tshig rgyan ku mud do shal cung zad dgod/__2__/e ma bsod nams bye ba'i cha rdzogs pa/__/ri bong 'dzin pa gzhan zhig gangs can 'dir/__/legs byas chu gter 'jings las thon pa na/__/grags dkar bdud rtsi'i dpal gyis mngon par mtho/__3__/rig sngags grub pa'i rdo rje'i me char gyis/__/phas rgol mtha' dag gcig car sreg mdzad pa/__/'di na cher rloms dregs ldan bye snyed kyi/__/'dar bcas thor tshugs dud pas bsnyen 'os kyang /__4_/srid las shin tu nges 'byung gang+gA ni/__/rnam grol thar pa'i lam gsum bder 'jug par/__/sus kyang bzlog pa med pa'i snying stobs kyis/__/theg mchog bshes gnyen 'tshol ba'i g.yar dam blangs/__5__/de tshe kha sbyor bdun ldan lho brag pa'i/__/zhabs pad gtsug tu thob pa'i de ma thag__/gang la 'khrungs pa'i dge mtshan slar yang de'i/__/bsod nams phung por bsnyen las gzhan gyis min/__6__/e ma phal gyis bsam par mi nus pa'i/__/grangs med dka' ba'i spyod pas yongs 'dzin mchog__/tshul bzhin bsnyen pa'i gtam gyi spring yig ni/__/da dung 'jig rten gsum na rlung ltar sgrog_7__/rgyas par byas so 'char ka'i nyi gzhon gyis/__/rab dwangs pad+mo'i rdzing bu gsar pa ste/__/mar ston chen po'i smin grol zil dngar gyis/__/khyod thugs nges don lang tsho mchog tu dar/__8__/slar la grub pas mdzes pa'i sman ljongs su/__/srog kyang ci da_gar 'dor ba'i dka' thub bcas/__/mi phyed lam bzang bslab pa'i rnam thar gyis/__/sgrub brgyud snying po'i dus ston gsar du tshugs/__9__/khyod kyis brtson 'grus gcig pus lus rten 'dir/__/byang chub dam pa'i pha rol son zhes brdzun/__/'on kyang myur lam rdo rje theg pa yi/__/rmad byung thabs kyi khyad par bsam mi khyab/__10__/dman pa'i go 'phang tsam gyis bsgrub min zhing /__/grangs med gsum gyi ngal bas ma smad par/__/mi 'gyur mchog tu bde ba'i brtul zhugs kyis/__/sku bzhi'i rgyal sar yud kyis gshegs 'di ci/__11__/de slad 'og min zhing na snyems ma'i bdag__/'phags pa'i yul du dpal ldan bi rU pa/__/gangs ri'i ljongs su bzhad pa'i mtshan can rnams/__/zung 'jug go 'phang brnyes pa'i ngo mtshar 'dzin/__12__/khyod dang khyod gsung snying la bkod pa yis/__/rgya mtsho'i gos can mtha' dag khyab byas pas/__/yid srubs re ba bcad pa'i grags dkar gyis/__/sras bcas rgyal kun dgyes pa'i me tog 'thor/__13__/mdor na phyogs kyi bu mo'i rna lung ni/__/ci yang mdzes pa'i brjod pa rmad byung bas/__/'phags dang mkhas rnams mgrin pa bkang byas nas/__/bskal par bsngags kyang rdzogs pa'i mtha' mi mngon/__14__/tshul des nyer drangs dad pa'i sor mo yis/__/tshig rgyan rgyud mang bsgrengs pa'i legs byas kyis/__/'gro kun zab mo'i de nyid la brten nas/__/srid dang zhi ba'i pha rol phyin gyur cig__15_/ces gangs ri'i khrod tsam na grub rigs rgya mtsho'i gtsug gi nor bus zhabs bsten gyi pad+mo la phyag byas rnal 'byor gyi dbang phyug rje btsun bzhad pa rdo rje la cung zad bsngags pa'i tshig gi sbyor ba 'di'ang /____shar mdo khams kyi btsun pa gtsug lag smra ba'i nyi mas rang lo nyer gcig pa kun ldan lo'i dbyug pa zla ba'i dkar phyogs kyi rgyal ba gsum pa la sras mkhar dgyes pa rdo rje'i gzhal med khang chen po'i nye 'dabs su bris te gsol ba btab pa sid+d+hi rastu//___//__!_
