JKW-KABAB-20-WA-025-wylie

From Khyentse Lineage - A Tsadra Foundation Project

Template:WyliePageHeader


@#/__/snyan brgyud ma mo'i gnad tig gi brgyud 'debs bde chen char 'bebs zhes bya ba bzhugs so/__/mkha' dbyings bde klong 'khyil pa kun tu bzang*/__/mngon rdzogs rgyal po bde mchog mu khA le/__/rtag rgyal lnga sogs bla med ma rgyud kyi/__/rgyal ba dgongs pa'i brgyud par gsol ba 'debs/__/rig 'dzin chen po d+hA na saM kr-i ta/__/rgyal ba kun 'dus pad+ma thod phreng rtsal/__/sprul pa'i mtshan mchog gu ru nyi ma 'od/__/rig 'dzin rig pa'i brgyud par gsol ba 'debs/__/lo chen bai ro chos rgyal yab sras dang*/__/bde chen rgyal mo 'brog mi dpal ye shes/__/snyan brgyud bka' bab pad+ma mdo sngags gling*/__/gang zag snyan khungs brgyud par gsol ba 'debs/__/chos kyi sdud po blo gros pha mtha' yas/__/smin grol gdams pa'i mdzod 'dzin thams cad dang*/__/zab mo'i lam 'di dngos su ston mdzad pa'i/__/rtsa ba'i bla ma rnams la gsol ba 'debs/__/dbang gis rgyud smin dam tshig rnam par dag__/bskyed rdzogs lam bsgom khams gsum zhen rtog sbyangs/__/rtsa dag ma mo mkha' 'gro'i grong khyer che/__/rlung dag d+hu ti'i dbyings su thim gyur cig__/thig le dag pa bla med he ru ka__/mngon rdzogs rgyal po'i klong du byang chub ste/__/sku dang ye shes phrin las rgya mtsho yi/__/go 'phang tshe 'di nyid la 'grub par shog__/ces pa'ang rig 'dzin kun bzang 'od gsal snying po rtsal gyis/__me bya zla 11tshes 15la 'bras ljongs sgang thog tu 'di'i bskang mdos 'don skabs bris pa dge'o//__//