JKW-KABAB-19-DZA-018-wylie
@#/__yang dag rgyun khyer bzhugs/__skyabs sems spyi ltar rjes/__AH__stong pa nyid dang snying rje che/__/zung 'jug rig rtsal hU~M mthing nag__/de nyid yongs gyur skad cig gi__/pad nyi dregs pa'i gdan steng du/__/dpal chen badz+ra he ru kaH__/mthing nag nam mkha' dwangs pa'i mdog__/mthing dkar dmar ba'i zhal gsum pa/__/phyag drug rdo rje kha T+wA~M g.yas/__/dril bu b+han+d+ha rgyu zhags g.yon/__/dpal dang dur khrod chas kyis brgyan/__/yum chen kro d+hi shwa ri ma/__/mthing skya rdo rje thod khrag bsnams/__/gar dgu'i nyams ldan 'bar ba'i sku/__/ye shes me dpung klong na brjid/__/gau ri la sogs khro mo brgyad/__/g.yas g.yon zhal dang phyag rdzogs/__/gnas gsum yi ge gsum gyis mtshan/__/ye shes dbang bskur dbu rgyan rdzogs/__/dam ye gnyis med chen por gsal/__/thugs kar dpal gyi be'u'i dbyings/__/hU~M mthing ru lu 'bru brgyad 'phro/__/mar me lta bu gsal zhing 'bar/__/snang grags gnyis med dpal chen po'i/__/ye shes 'khor lor sad par bsam/__/oM ru lu ru lu hU~M b+h+yo hU~M/__zhes bzla/__/skabs su rdo rje'i bzlas pa dang*/__/rlung sngags rig pa dbyer med dang*/__/yang dag dgos pa'i ngang bskyang ngo*/__thun mthar/__snang cha lha yi 'khor lo rnams/__/skye med chos kyi dbyings su thim/__/slar yang dpal chen he ru ka'i/__/gsang ba gsum gyi rol pa shar/__badz+ra ka wa tsi rakA haM/__dge bsngo smon lam byas nas spyod lam la 'jug go__/ces pa'ang bsod nams rgyal mtshan gyi thugs bzhed ltar/__chos kyi blo gros pas lho brag mkhar chur bris pa'o//___//________________
