JKW-KABAB-18-TSHA-006-wylie

🚧 This website is under continued development. We appreciate your patience!

'chi med tsaN+Da li'i brgyud 'debs bzhugs so/__/chos sku snang ba mtha' yas rigs kun bdag__/longs sku tshe dang ye shes dpag med mgon/__/sprul pa'i rnam rol pad+ma tsaN+Da lI/__/sku gsum dbyer med mtsho skyes rdo rje 'chang*/__/man+da ra ba rje 'bangs grogs gsum dang*/__/bka' babs 'od gsal sprul pa'i rdo rje'i zhabs/__/'chi med rig 'dzin rtsa gsum rab 'byams la/__/mi phyed rtse gcig gus pas gsol ba 'debs/__/'chi bdag la sogs bdud bzhi'i 'jigs las grol/__/'byung lnga'i dwangs ma ye shes bcud du grub/__/tshe gcig 'ja' lus rdo rje'i sku thob nas/__/'gro kun 'chi med go 'phang la 'god shog__/ces pa'ang zab chos 'di nyid kyi snod ldan blo gros mtha' yas kyis gsol ba btab pa'o/__/