JKW-KABAB-15-BA-018-wylie
@#/__/grub thob chen po'i thugs tig las/__yi dam bka' brgyad bde gshegs kun 'dus kyi rdo rje'i lam yongs su rdzogs pa'i smon lam mi shig rdo rje'i dbyangs snyan ces bya ba bzhugs/__na mo gu ru shrI we/__/dngos kun bde chen sdom pa'i he ru ka__/rab 'byams rigs brgya'i khyab bdag 'khor lo'i bsgyur/__/bla ma mchog dang dbyer med lhag pa'i lhas/__/rnam dag smon pa'i gnas 'di 'grub par mdzod/__/bdag dang mkha' khyab yid can rgya mtsho snyed/__/gsang chen rdo rje'i rigs su yongs sad nas/__/skal bzang bla med rin chen lta bu'i rigs/__/gyur nas rdo rje'i lam la 'jug par shog__/rang bzhin brgyad ldan rdo rje slob dpon gyis/__/phyi nang gsang ba de nyid dkyil 'khor bzhir/__/phan dbang rigs lnga nus pa'i dbang bco lnga/__/zab dbang gsum gyis rgyud dag nus thob shog__/dal rten gru gzings bshes gnyen nor bu'i brjid/__/mi rtag rgyud bskul dge sdig spang blang brtson/__/srid las nges 'byung rlung gis rab bskul bas/__/'khor ba'i rgya mtsho'i pha mthar brgal gyur cig__/zhi ba'i 'jug sgo'i skyabs 'gro'i rtsa ba brtan/__/gzhan phan sems kyi me tog bzhad pas mdzes/__/bsags sbyangs 'dab brgyas sgrib pa'i sbubs brtol nas/__/byin rlabs mchog gis sngon 'gro mthar phyin shog__/phyi dkyil brda don rtags kyi phyag rgya'i gar/__/mkha' khyab sgyu 'phrul drwa ba'i yeX shesaX skuX/__/he ru ka dpal 'bar ba'i 'khor lo dgu'i/__/gsal brtan dag pa'i ting 'dzin gyad gyur shog__/gzhom med gsang sngags bsnyen sgrub las kyi tshul/__/bkod dang khyogs bzlas 'phro 'du rab 'byams kyis/__/don gnyis lhun grub srog sdom gzer bzhi gdab/__/gsungaX giX rdoX rjeX'i gsang ba mngon gyur shog__/rdo rje'i lus kyi rtsa rlung thig le'i khams/__/sgrub sde brgyad rdzogs gnyug ma'i lhan cig skyes/__/he ru ka dpal phyag rgya gcig pa yis/__/thun min sngon 'gro'i lus dben mngon gyur shog__/rdo rje'i bzlas pas bum pa can 'byongs shing*/__/drod dang bde ba'i rnal 'byor zab mo yis/__/snang stong lhan skyes ye shes rtsal bskyed pa'i/__/sngagaXs kyiX rnal 'byoraX mtha' ru son par shog__/chos kyi 'khor lo d+hU ti'i srog gi dbyig__/rnal 'byor zab mo'i snang mched thob pa yis/__/nyams kyis mi rtog bde stong ting 'dzin mthus/__/semaXs dbeXn byed pas ye shes sad nus shog__/nyin mtshan dag dang ma dag snang cha'i dngos/__/rigs kun bdag po'i ye shes sgyu ma'i gar/__/yongs shar 'khrul snang rmi lam lha sku ru/__/sad pa'i sgyuX lusaX mthar phyin sku thob shog__/nyams kyi rnal 'byor mthu las rtogs pa yi/__/'od gsal snang bas kha sbyor gti mug sbyangs/__/bogs 'byin dngos yid phyag rgya'i reg pa las/__/'oXd gsaXl thugaXs kyi gsang ba longs spyod shog__/ye grol cog bzhag ka dag ltaX ba rtogs/__/sgoXm pa zangs thal chos nyid dran pas bskyangs/__/bzo med lhug pa'i spyodaX pas mi slob pa'i/__/zung 'jug yeX shesaX he ru ka 'grub shog__/bskyed bzlas nus pas gdul dka' tshar gcod phyir/__/srung bzlog bsad mnan las sbyor nus stobs rno/__/myong grol bdud rtsi smin lam tshe sgrub pas/__/skal bzang rjes 'dzin don gnyis lhun rdzogs shog__/rten 'dir lam mthar ma son bar ma dor/__/'chi ba 'od gsal bar dor longs spyod rdzogs/__/dmigs bcas sprul sku'i zhing du 'pho la sogs/__/lam gyi yan lag mtha' dag spyod nus shog__/rang rig gzhiX yi gnas lugs snying po'i khams/__/bskyed rdzogs thabs grol laXm gyis legs sbyangs mthus/__/gsang ba'i dgra gsum chos nyid klong du bsgral/__/'jigs pa'i bdud bzhi ye shes stobs kyi bcom/__/bar chad 'phrang gsum ming med mthar byas te/__/rig 'dzin rnam bzhi'i go 'phang myur bgrod nas/__/zung 'jug sku dang ye shes rgya mtsho'i dngos/__/mthar phyin 'braXs bu'i sa la dbang bsgyur ba'i/__/srid zhi mnyam nyid spyi dpal che mchog sku/__/mkha' khyab 'gro sgrol kun khyab thugs rje'i gsung*/__/zung 'jug mkhyen brtse'i thugs ldan he ru ka'i/__/rdo rje'i gsang ba chen po myur thob shog__/rgyal kun 'dus zhal pad+ma'i zhabs la sogs/__/rig 'dzin DA ki'i thugs kyi ti la ka__/snga 'gyur rgyud lung man ngag rgya mtsho'i dbus/__/ches cher rab 'phags zab gsang sgrub sde brgyad/__/smin lam dbang gi chu rgyun mi nub 'khyil/__/rgyud lung bshad sgrub rlabs phreng bye bas mdzes/__/dngos grub klu dbang nor bu'i bang mdzod la/__/spyod pa'i mkhas grub bye bas sa 'di khengs/__/theg mchog chos kyi rgyal khab srung nus pa'i/__/zab gsang sgrub pa'i rgyal mtshan mi nub brtan/__/phan bde'i 'dod pa yid bzhin 'jo ba yi/__/kun kyang skal bzang rdo rje'i rigs can du/__/gyur te sngon tshe za ho ra yi yul/__/gangs can bsam yas brag dmar ke'u tshang bzhin/__/'brel tshad 'phur 'gro'i grong na dga' mgu ru/__/brtsen pa'i ngo mtshar nyin byed 'char gyur cig__/chos nyid bsam mi khyab pa'i bden pa dang*/__/o rgyan rje 'bangs 'dus pa'i thugs bskyed mthu/__/lhag bsam dag pas ji ltar smon pa bzhin/__/'grub pas bstan 'gro'i dge mtshan dar rgyas shing*/__/phyi snod rnam dag d+hU ma tha la'i zhing*/__/nang bcud rdo rje'i dpa' bo DA ka'i dal/__/dngos grub mchog gi gzi byin dpal 'bar ba'i/__/bkra shis dge mtshan snang bas rtag khyab shog__/ces pa'ang gsang chen snga 'gyur chos kyi rgyal thabs skyong mdzad 'jig bral smra ba'i seng ge mi pham 'jam dpal rdo rje'i mchog sprul rin po che'i bka'i gling bu'i bskul bzhin zab gsang rdo rje'i theg par mos pas spyod pa'i rig 'dzin gyi gzugs brnyan mdo khams pa 'jigs med mkhyen brtse'i 'od zer rang byung 'od gsal thugs mchog rdo rje'i bka' brgyud grub pa'i chu 'go 'og min mtshur phu'i gan+d+ho la nas bris te phul bas bka' gter shing rta'i lam srol phyogs dus gnas skabs kun tu 'phel rgyas mi nub brtan pa'i rgyur gyur cig__/sarba mang+ga laM//__//__
