JKW-KABAB-14-PHA-009-wylie
@#/__/dgongs gter grub thob chen po'i thugs thig gi brgyud pa'i gsol 'debs bzhugs so/__/oM AHhU~M hrIHhrIH__ngo bo chos sku kun bzang snang mtha' yas/__/rang bzhin longs sku 'chi med spyan ras gzigs/___/thugs rje sprul sku rta mgrin dbang gi rgyal/__/sku gsum kun 'dus pad+ma thod phreng rtsal/__/dbyer med grub pa'i dbang phyug thang stong pa/__/de nyid 'gro 'dul rig pa 'dzin pa'i tshul/__/khyab bdag 'od gsal sprul pa'i rdo rje'i zhabs/__/bka' babs brgyud ldan bla ma'i tshogs rnams dang*/__/sgrub pa bka' brgyad yi dam zhi khro'i lha/__/gnas gsum mkha' 'gro chos skyong srung ma la/__/sgo gsum rtse gcig gus pas gsol ba 'debs/__/'di nas byang chub bar du thugs rjes zung*/__/dbang lngas rgyud smin dam tshig tshul bzhin bzung*/__/thun mong thun min khyad par sngon 'gro 'byongs/__/rnam thar sgo gsum dbu ma'i lta ba rtogs/__/phyag chen sgom pa mthar phyin byin gyis rlobs/__/ro snyoms spyod pa'i brtul zhugs rtsal rdzogs shing*/__/thabs lam bogs thon 'bras bu rdzogs pa che'i/__/rtags tshad mngon gyur sku dang ye shes lnga/__/myur du thob nas don gnyis lhun grub shog__/ces pa'ang bla ma grub thob chen po'i rnam par rol pas rjes su bzung ba'i las kyi 'phro ldan blo gros mtha' yas pa'i sdes sbyar ba dge legs 'phel//__//
