JKW-KABAB-10-THA-003-wylie
@#/__/yang gter phag dkar gsang chen thugs tig gi phrin las kyi byang bu bde chen bcud 'bebs zhes bya ba bzhugs so/__kun khyab bde stong 'dus ma byas pa'i dbyings/__/mtshan dpe'i gar bsgyur rdo rje btsun mo dang*/__/dbyer med bla ma mchog la gus btud nas/__/de sgrub byed pa'i phrin las 'dir gsal bya/__/de la dbang gis rgyud smin cing dam tshig dag pa'i rnal 'byor pas dur khrod la sogs pa dben zhing zil che ba'i gnas su/__sgrub pa'i khang pa byi dor bya zhing bdud rtsi lnga'i chus chag chag gdab/__dbang dang sgrub mchod sogs kyi tshe maN+Dal gyi gzhir mtshan ma'i dkyil 'khor ji ltar rigs pa 'du byas pa'i khar many+dzi'i steng du thod pa mtshan ldan nang sgrub pa'i dpal gtor brjid dang ldan pa bris sku dang sngags byang brgyan cing dar gdugs kyis spras pa dang*/__rgyun du gtor ma tsam la brten pas kyang rung ste de'i mdun du sman gtor rak+ta tshogs kyi 'khor lo mar me brgya rtsa sogs mchod pa'i yo byad ci 'byor pa dang sngon gtor dkar bgegs kyang bsham/__rang nyid skra grol zhing kha nub tu phyogs pas bde ba'i stan la 'khod/__tshig bdun dang brgyud 'debs sngon tu 'gro bas/__cho ga dngos la sbyor dngos rjes gsum las dang po la bdun las thog mar gzhi bdag la gtor ma bsngo ba ni/__oM hrIHbadz+ra kro d+ha ha ya grI wa hu lu hu lu hU~M phaTa?H__rang nyid skad cig gis rta mchog he ru ka khro gtum bzod par dka' ba'i gzi brjid bskal pa'i me ltar 'bar bar gyur par bsams la/__gtor ma rta sngags kyis bsang*/__swa b+hA was sbyang*/__stong pa'i ngang las b+h+rU~M las rin po che'i snod yangs shing rgya che ba'i nang du gtor ma kha dog dri ro nus pa phun sum tshogs par gyur/__oM AHhU~M hoHsa brlab/__b+hU mi pa ti sa pa ri wa ra badz+ra sa mA dzaHsa spyan drang*/__b+hU mi pa ti sa pa ri wA ra a ka ro mu khaM sogs lan gsum gyis bsngo/__gang dag 'dir gnas lha dang klu/__/gnod sbyin srin po'am gzhan dag la/__/dkyil 'khor don du sa phyogs 'di/__/bdag zhu khyed kyis stsal du gsol/__/zhes lan gsum/__b+hU mi pa ti sa pa ri wA ra gats+tshaHsa rang gnas su gshegs par bsams la/__dkar gtor gtsang sar bskyal/_gnyis pa bgegs gtor ni/__ra~M ya~M kha~M gis bsang sbyang :__oM AHhU~M hoHsa brlab:__oM sarba b+hU ta A kar+Sha ya dzaHsa mgron dgug:__oM sarba big+h+nAn ba liM ta khA his bsngos la bka' bsgo ba ni:__hU~M:__sku dang ye shes dkyil 'khor 'dir:__tha mal snang zhen gdon bgegs kun:__rig rtsal gnyug ma'i bka' byung gis:__rang bzhin 'od gsal dbyings su dengs:__hU~M hU~M hU~M:__gsum pa rgyud sbyang ba ni/__lhag pa'i lha dang bla ma dbyer med par shes pa la mos 'dun drag po rtse gcig pas tshogs shing mkha' khyab tu sad pa'i spyan sngar/__na mo:__bdag dang mtha' yas sems can kun:__dus 'di nas bzung byang chub bar:__phyogs bcur bzhugs pa'i bla ma dang :__yi dam lha dang mkha' 'gro la:__gus pas phyag 'tshal skyabs su mchi:__dngos bshams yid las byung ba yi:__kun bzang mchod sprin rgya mtshos mchod:__tshe rabs thog med sdig ltung dang :__dam tshig nyams chags snying nas bshags:__dge ba kun la yi rangs shing :__chos kyi 'khor lo bskor ba dang :__mya ngan mi 'dar bzhugs gsol 'debs:__gzhan don rdzogs pa'i byang chub sems:__dam pa bdag gis bskyed par bgyi:__sgo gsum lha sngags ye shes las:__mi 'da' rdo rje'i sdom pa gzung :__bsod nams 'di dang gzhan rnams kun:__ma lus blo yis yongs bsdoms nas:__chos kyi dbyings su bsngos pa'i mthus:__'gro kun sangs rgyas myur thob shog:__lan gsum/__dzaHhU~M ba~M hoHtshogs zhing rnams rang la thim par bsam:__bzhi pa rdor sems sgom bzlas ni/__rang gi spyi bor seng ges bteg pa'i rin po che'i khri pad+ma dang zla ba'i gdan gyi steng du rtsa ba'i bla ma rigs thams cad kyi khyab bdag dpal rdo rje sems dpa' he ru ka sku mdog dkar po rdo rje dang dril bu 'dzin pas yum rdo rje snyems ma gri thod 'dzin pa dang mnyam par sbyor ba:__dar dang rin po che dang rus pa'i rgyan gyis brgyan pa:__zhabs rdo rje dang pad+ma'i skyil mo krung gis mnyam par sbyor ba'i yab kyi thugs kar zla ba'i steng du hU~M dkar po las 'od zer 'phros:__phyogs bcu dus bzhi'i bla ma yi dam sangs rgyas byang sems dpa' bo dang rnal 'byor ma thams cad kyi thugs ka dang sbyor mtshams nas ye shes kyi bdud rtsi spyan drangs:__hU~M la thim pas byin rlabs dang gzi brjid 'od du 'bar bar bsam:__oM:__bla ma khyab bdag rdo rje sems:__skyabs gnas kun 'dus bdag la dgongs:__bdag gi tshe rabs thog med nas:__bsags pa'i sdig ltung nyams chags kun:__mi 'chab mi sbed snying nas bshags:__slan chad sdom par dam bca' na:__ye shes bdud rtsi'i chu rgyun gyis:__dag cing tshangs par stsal du gsol:__zhes gsol ba btab pas thugs ka'i hU~M las bdud rtsi'i rgyun byung :__rang gi spyi bo nas zhugs:__lus kyi nang gang :__nad gdon sdig sgrib bag chags dang bcas pa byang zhing dag par bsams la/__yi ge brgya pa ci nus bzlas mthar/__mgon po bdag ni mi shes rmongs pa yis/__sogs bshags sdom mthar rdo rje sems dpa' yab yum 'od du zhu nas rang la thim pas rang gi lus ngag yid gsum gsang ba gsum dang dbyer med ro gcig tu gyur par bsam la ci gnas su bzhag__/lnga pa khyad par byin rlabs gnad 'bebs bla ma'i rnal 'byor ni/__rang mdun nam mkha' 'od lnga'i klong :__seng khri pad+ma nyi zla'i steng :__rtsa ba'i bla ma rdo rje 'chang :__mthing gsal rdor dril yum dang 'khril:__dar dang rin chen rgyan gyis spras:__zhabs zung rdo rje'i skyil krung gis:__ye shes 'od lnga'i klong na bzhugs:__sku ni dge 'dun gsung dam chos:__thugs ni gdod nas rdzogs sangs rgyas:__phung khams skye mched yi dam lha:__dpa' bo mkha' 'gro chos srung tshogs:__skyabs kun 'dus pa'i ngo bor gyur:__ces gsal btab la tshogs bsag pa'i slad du maN+Dal 'bul ba ni:__oM AHhU~M:__phyi ltar snod bcud bkod pa rdzogs:__nang du lus dang longs spyod rgyan:__gsang ba byang sems maN+Da la:__'bul lo byin rlabs dngos grub stsol:__rat+na maN+Dal pU dza ho:__mos gus drag pos gsol ba gdab pa ni:__rtsa ba'i bla ma rdo rje 'chang :__skyabs gnas kun 'dus bdag nyid la:__snying nas gus pas gsol ba 'debs:__dbang dang byin rlabs dngos grub stsol:__zhes brgya stong sogs dang :__oM AHhU~M ma hA gu ru badz+ra d+ha ra dz+nyA na sid+d+hi hU~M:__zhes ci nus bzlas mthar dbang blang ba ni:__bla ma yab yum sbyor mtshams nas:__ye shes bdud rtsi'i char rgyun babs:__rang gi gnas bzhi'i 'khor lo gang :__sgrib bzhi dag cing dbang bzhi thob:__dga' bzhi'i ye shes rgyud la skyes:__sku bzhi thob pa'i rten 'brel bsgrigs:__mthar ni rang thim gnyis med gyur:__ces thugs yid bsres te rig pa ma bcos spro bsdu bral ba'i ngang bskyangs te mnyam par bzhag__/'di rnams rtags thon par nyams su blang ngo :__drug pa bgegs bskrad cing mtshams bsrung ba ni/__rang skad cig gis dpal he ru kar gsal ba'i thugs ka nas hU~M gi sgras khro bo'i sprin rab 'byams su spros te rnal 'byor zab mo bsgom pa la bar du gcod pa'i bgegs tshogs rnams rgyang ring du bskrad par bsams la hU~M bzhi pa'i sngags brjod:__khro tshogs rnams slar 'dus te rang la thim pa 'od du zhu ba las srung ba'i 'khor lo rtsibs bcu pa yangs shing rgya che ba go skabs med pas gtams pa'i dbus su rang nyid gtsug tor 'khor los sgyur ba:__steng 'og dang phyogs mtshams kyi rtsibs la sprul pa'i khro bo bcu rngams brjid 'bar ba de'i phyi rol tu rdo rje'i rwa ba:__me'i gur:__mda'i drwa ba rnams kyis bskor ba bskal pa'i rlung gis kyang gzhom zhing gzhig par mi nus pa'i srung ba'i 'khor lo gsal zhing brtan par bsams la:__hU~M hU~M hU~M hU~M hU~M hU~M hU~M hU~M hU~M hU~M:__tsakra badz+ra sA ra a na la dz+wa la sa~M rak+Sha rak+Sha b+h+rU~M:__bdun pa mchod pa byin rlabs ni/__hU~M hU~M hU~M:__zhes brjod pas bgegs bsang zhing stong par sbyang :__stong pa'i ngang las gnas yul dur khrod zhing gi bkod pa 'byams klas pa'i dbus su:__phyi nang gsang ba'i mchod rdzas stong pa'i rang bzhin:__bde ba'i rnam pa:__ye shes kyi rol mo mkha' khyab tu 'char bar bsams la:__oM badz+ra puSh+pe d+hU pe A lo ke gan+d+he nai bid+yA shap+da AHhU~M:__oM pany+tsa kA ma gu na AHhU~M:__oM bod+d+hi tsit+ta ma hA su kha hU~M:__oM sarba pany+tsa a mr-i ta rak+ta ba liM tu AHhU~M:__ma hA su kha dz+nyA na badz+ra s+pha ra Na khaM:__gnyis pa dngos gzhi la bdag mdun gnyis las dang po la drug las thog mar dam tshig pa bskyed pa ni/__hU~M zhes brjod pas rang nyid gtsug tor 'khor los sgyur ba 'od du zhu ba las 'byung bzhi rim brtsegs ri rab dang bcas pa'i steng du chos kyi 'byung gnas yangs shing rgya che ba'i phyi rol tu dur khrod chen po brgyad kyis yongs su bskor ba'i lte bar sna tshogs pad nyi 'jigs byed dus mtshan dang bcas pa'i gdan gyi steng du rang sems gnyug ma mi shigs pa'i thig le hrIHyig dkar gsal yongs su gyur pa las skad cig gis bcom ldan 'das ma sku mdog ston ka'i zla ba ltar rab tu dkar zhing dwangs ba'i mdangs dang ldan pa:__zhi zhing 'dzum la cung zad khro bo'i nyams dang bcas rjes su chags pa'i gzi byin ches cher 'bar ba:__rna ltag g.yas su phag zhal nag po ngur sgra sgrogs pas sa gsum g.yo ba:__zhal gcig phyag gnyis spyan gsum mche ba'i myu gu bzhi gtsigs pa:__phyag g.yas pas 'khor los mtshan pa'i gri gug nam mkhar 'phyar bas gzung 'dzin gyi rnam rtog gcod cing :__g.yon thod pa bdud bzhi'i khrag gis gang ba thugs kar bsnams pas bde chen ye shes kyi rgyun 'bebs pa:__gru mo g.yon du yab he ru ka sbas pa'i tshul gyis rdo rje'i kha TA~M ga'i rnam par 'chang bas bde stong gnyis su med pa:__dbu skra thor cog spyi bor bcings pa'i rtser 'khor los mtshan cing lhag ma sil bur grol bas sku sked yan chad khebs pa:__nu 'bur mkhregs shing gsang ba'i pad+mo rgyas pa:__thod pa skam po lngas dbu brgyan cing skam po lnga bcu'i do shal can:__rus pa'i phyag rgya lnga dang dar dpyangs kyis brgyan pa:__zhabs g.yas pa skums shing g.yon brkyangs pa'i gar stabs kyis ye shes kyi me 'bar ba'i dbus na zhugs pa'i snying ga'i dbus su rang 'dra ba'i ye shes sems pa mtshon gang ba:__de'i thugs kar nyi zla'i ga'u kha sbyor hrIH__dkar pos mtshan pa la sems gtad pas bde ba chen po'i ye shes bsam gyis mi khyab pa skyes pa'i rkyen gyis de las 'od zer 'phros:__lus kyi nang thams cad mun khung du sgron me btegs pa ltar gsal bar byas:__de'i rkyen gyis skad cig gis snying ga'i nang skor gyi rtsa 'dab bzhi la snying po'i rnal 'byor ma bzhi:__phyi skor brgyad la sgo mtshams ma brgyad:__spyi bo la sogs pa'i rtsa mdud rnams su yul nyi shu rtsa bzhi'i rnal 'byor ma rnams dang :__gzhan yang rtsa khams thams cad dpa' bo dang mkha' 'gro'i tshogs kyis yongs su gang ba gdod nas lhun grub tu bzhugs pa rnams lam gyis gsal bar gyur/__lha rnams kyi spyi bor oM dkar po:__mgrin par AHdmar po:__thugs kar hU~M sngon po:__lte bar hoHser po rnams kyis mtshan pa las de bzhin gshegs pa thams cad kyi sku gsung thugs ye shes rdo rje'i bdag nyid du bsams la/__oM sarba ta thA ga ta ma hA kA ya wA ka tsit+ta dz+nyA na badz+ra swa b+hA wa At+ma ko\u0f85ha~M:__zhes nga rgyal gzung*/__gnyis pa ye shes kyi 'khor lo spyan drangs pa ni/__mig gyen du blta zhing 'bar ba'i rgya dang bcas phaiM zhes brjod pas ye shes kyi 'khor lo mkha' khyab tu sad par bsams la/__oM:__stong pa shin tu yod med las:__ye shes sgyu ma'i phyag rgyar bzhengs:__dam tshig chen po'i dkyil 'khor 'dir:__byin gyis rlob phyir gshegs su gsol:__oM badz+ra b+hA rA hI sa pa ri wA ra e h+ye hi:__zhes pas spyan drang :__badz+ra dz+nyA na sa ma ya dzaHhU~M ba~M hoH__gsum pa dbang bskur rgyas gdab ni/__slar yang phaiM zhes pas dbang lha nam mkha' gang bar spyan drangs pa rnams kyis byang chub sems kyi bdud rtsi'i sprin chen pos mngon par dbang bskur bas tha mal snang zhen gyi dri ma dag:__bde ba mchog gi ye shes mngon du byas:__chu lhag ma spyi bor brtan pa las rnam par snang mdzad kyis dbu brgyan par bsams la/__oM badz+ra a b+hi Shiny+tsa ma hA su kha su ra s+t+waM a haM:__bzhi pa mchod pa ni/__thugs ka nas sprul pa'i phyi nang gi mchod pa'i lha mo rnams kyis mngon par mchod cing bstod pas bde chen ye shes kyi gzi byin spel bar bsams la/__oM shrI badz+ra rA ga puSh+paM:__d+hU paM:__dI paM:__gan+d+haM:__nai bid+yaM:__shap+da pra tIts+tsha AHhU~M:__pany+tsa kA ma gu Na sa ma ya ho:__bo d+hi tsit+ta ma hA su kha sa ma ya s+t+waM:__sarba pany+tsa a mr-i ta oM AHhU~M:__rak+ta bi pa ho:__i daM ba liM gr-ih+Na b+hUny+dza ho:__lnga pa bstod pa ni/__oMH__bcom ldan rdo rje phag mo ni:__zla ba ltar dkar rjes chags nyams:__ye shes gzi byin cher 'bar ba:__khams gsum dbang phyug ma la bstod:__de nas thog mar phyi dbyibs kyi lha sku dang :__rim par nang rtsa khams lhar gsal ba la sems rtse gcig tu gzung :__gsal snang skyes pa na rang bzhin gnyug ma'i ye shes dang bsres nas nga rgyal brtan:__phyi nang gi rdo rje phag mo la sogs pa'i lha rnams sangs rgyas chos kyi sku'i ye shes mngon par byang chub pa'i chos so bdun gyi ngo bor rnam par dag cing :__mngon par byang chub pa'i chos thams cad kyang lha so bdun gyi rnam par shar ba dang :__ye shes kyi rang rtsal mkha' khyab tu 'phro ba'i bdag nyid can du shes par byas la dag pa rab 'byams kyi rtsal sbyang ba ste/__de ni sku bskyed rim bsnyen pa'i rnal 'byor zhes bya des skyo na/__drug pa gsung bzlas pa sngags kyi sgrub thabs ni/__ye shes sems ma'i thugs kar nyi zla'i gwa 'u kha sbyor gyi lte bar hrIHdkar po mar me ltar 'bar ba'i mthar sngags kyi phreng ba g.yon skor du 'khod par mos la:__yid mig rlung gsum nang du gtad de sems rtse gcig tu 'dzin bzhin pas:__oM sarba bud+d+ha DA ki nI ye hU~M phaT swA hA:__zhes 'bum phrag bzhi bzla ba ni bsnyen pa'o:__thugs ka'i sngags phreng las sngags phreng gnyis pa byung :__zhal nas thon:__yab he ru ka'i ngo bo kha T+wA~M ga'i rtse mo nas zhugs:__bde ba chen po'i gzi byin 'bar:__rtsa ba nas brgyud gsang ba'i pad+mo nas gyen du byung :__de ltar bar ma chad par 'khor bas mchog tu mi 'gyur ba'i ye shes brtan par bsams la:__oM sarba bud+d+ha DA ki nI ye ma hA su kha dz+nyA na hU~M phaT swA hA:__'bum phrag gnyis bzla ba ni sgrub pa'o:__slar yang sngags phreng las bde ba chen po'i ye shes kyi 'od zer rab tu 'bar bas 'khor 'das kyi khams thams cad khyab cing g.yos:__rtsa gsum rgyal ba rab 'byams kyi byin rlabs bsdus te bdag la thim:__khams gsum gyi 'gro kun sgrib gnyis bag chags dang bcas pa bsregs shing sbyangs:__dwangs ma rdul phran 'od gsal gyi ye shes lha sngags chos sku'i phyag rgyar sad:__pho nya gsum gyi byin rlabs dang nus stobs thams cad rang la thim pas mkha' spyod chen po'i ye shes la dbang bsgyur:__'dul thabs bzhi'i phrin las thams cad lhun gyis grub par bsams la:__oM sarba bud+d+ha DA ki nI ye ma hA su kha sarba sid+d+hi A be sha ya a AH__zhes 'bum phrag gcig bzla ba ni las sbyor te ye shes la dbang bar 'gyur ro:__de ni gsung bzlas pa nyer bar bsnyen pa'i rnal 'byor ro:__thun mthar dbyangs gsal rten snying yig brgya brjod pas lhag chad bskang shing nus pa brtan pa byas nas mchod cing bstod/__bsnyen pa'i skabs lta bur thun thams cad du'am mi nus na dgong thun dang*/__rgyun lta bur srod kyi dus su gtor ma mdun bskyed bzlas pa'i mthar 'byung ba ltar phul mthar yig brgyas nongs pa bshags/__gtor mgron rten la bzhugs pa'am gshegs su gsol bar bya'o:__des ni rnal 'byor pa'i bar chad thams cad zhi zhing tshe dang dpal 'byor gyi yon tan rgyas pa dang :__las thams cad myur du 'grub par 'gyur ro:__gnyis pa mdun bskyed la drug las dang po dam tshig pa bskyed pa ni/__hU~M zhes brjod pas mdun gyi dkyil 'khor mi dmigs te stong pa nyid du gyur/__stong pa'i ngang las 'byung bzhi rim brtsegs ri rab dang bcas pa'i steng du chos kyi 'byung gnas yangs shing rgya che ba'i phyi rol tu dur khrod chen po brgyad kyis yongs su bskor ba'i lte bar sna tshogs pad nyi 'jigs byed dus mtshan dang bcas pa'i gdan gyi steng du rang sems gnyug ma mi shigs pa'i thig le hrIHyig dkar gsal yongs su gyur pa las skad cig gis bcom ldan 'das ma sku mdog ston ka'i zla ba ltar rab tu dkar zhing dwangs ba'i mdangs dang ldan pa:__zhi zhing 'dzum la cung zad khro bo'i nyams dang bcas rjes su chags pa'i gzi byin ches cher 'bar ba:__rna ltag g.yas su phag zhal nag po ngur sgra sgrogs pas sa gsum g.yo ba:__zhal gcig phyag gnyis spyan gsum mche ba'i myu gu bzhi gtsigs pa:__phyag g.yas pas 'khor los mtshan pa'i gri gug nam mkhar 'phyar bas gzung 'dzin gyi rnam rtog gcod cing :__g.yon thod pa bdud bzhi'i khrag gis gang ba thugs kar bsnams pas bde chen ye shes kyi rgyun 'bebs pa:__gru mo g.yon du yab he ru ka sbas pa'i tshul gyis rdo rje'i kha TA~M ga'i rnam par 'chang bas bde stong gnyis su med pa:__dbu skra thor cog spyi bor bcings pa'i rtser 'khor los mtshan cing lhag ma sil bur grol bas sku sked yan chad khebs pa:__nu 'bur mkhregs shing gsang ba'i pad+mo rgyas pa:__thod pa skam po lngas dbu brgyan cing skam po lnga bcu'i do shal can:__rus pa'i phyag rgya lnga dang dar dpyangs kyis brgyan pa:__zhabs g.yas pa skums shing g.yon brkyangs pa'i gar stabs kyis ye shes kyi me 'bar ba'i dbus na zhugs pa'i snying ga'i dbus su rang 'dra ba'i ye shes sems pa mtshon gang ba:__de'i thugs kar nyi zla'i ga'u kha sbyor hrIHdkar pos mtshan pa la sems gtad pas bde ba chen po'i ye shes bsam gyis mi khyab pa skyes pa'i rkyen gyis de las 'od zer 'phros:__lus kyi nang thams cad mun khung du sgron me btegs pa ltar gsal bar byas:__de'i rkyen gyis skad cig gis snying ga'i nang skor gyi rtsa 'dab bzhi la snying po'i rnal 'byor ma bzhi:__phyi skor brgyad la sgo mtshams ma brgyad:__spyi bo la sogs pa'i rtsa mdud rnams su yul nyi shu rtsa bzhi'i rnal 'byor ma rnams dang :__gzhan yang rtsa khams thams cad dpa' bo dang mkha' 'gro'i tshogs kyis yongs su gang ba gdod nas lhun grub tu bzhugs pa rnams lam gyis gsal bar gyur/__lha rnams kyi spyi bor oM dkar po:__mgrin par AHdmar po:__thugs kar hU~M sngon po:__lte bar hoHser po rnams kyis mtshan pa las de bzhin gshegs pa thams cad kyi sku gsung thugs ye shes rdo rje'i bdag nyid du bsams la:__oM sarba ta thA ga ta ma hA kA ya wA ka tsit+ta dz+nyA na badz+ra swa b+hA wa At+ma ko\u0f85ha~M:__zhes nga rgyal gzung :__gnyis pa ye shes kyi 'khor lo spyan drangs pa ni/__mig gyen du blta zhing 'bar ba'i rgya dang bcas phaiM zhes brjod pas ye shes kyi 'khor lo mkha' khyab tu sad par bsams la:__oM:__stong pa shin tu yod med las:__ye shes sgyu ma'i phyag rgyar bzhengs:__dam tshig chen po'i dkyil 'khor 'dir:__byin gyis rlob phyir gshegs su gsol:__oM badz+ra b+hA rA hI sa pa ri wA ra e h+ye hi:__zhes pas spyan drang :__badz+ra dz+nyA na sa ma ya dzaHhU~M ba~M hoH__gsum pa dbang bskur rgyas gdab ni/__slar yang phaiM zhes pas dbang lha nam mkha' gang bar spyan drangs pa rnams kyis byang chub sems kyi bdud rtsi'i sprin chen pos mngon par dbang bskur bas tha mal snang zhen gyi dri ma dag:__bde ba mchog gi ye shes mngon du byas:__chu lhag ma spyi bor brtan pa las rnam par snang mdzad kyis dbu brgyan par bsams la:__oM badz+ra a b+hi Shiny+tsa ma hA su kha su ra s+t+waM a haM:__bzhi pa mchod pa rgyas par bya ba la bdun las dang po phyi mchod ni/__hU~M:__stong pa'i ye shes las byung ba:__rnam pa kun gyi mchog ldan gzugs:__lha rdzas me tog char chen 'bebs:__dri zhim spos kyi sprin phung g.yo:__snang gsal mar me'i 'od du 'bar:__bsil zhing dri bsung ngad ldan chab:__bza' bca' btung ba'i zhal zas mchog:__snyan brjid rol mo'i dbyangs bcas kyis:__chos dbyings rgyas par bkang byas nas:__bcom ldan rdo rje phag mo mchod:__'khor gyi mkha' 'gro dgyes par rol:__las dang ye shes dngos grub stsol:__oM badz+ra b+hA rA hi sa pa ri wA ra hrI badz+ra ma hA rA ga puSh+pe:__d+hU paM:__dI paM:__gan+d+haM:__nai bid+yaM:__shap+da pra tIts+tsha AHhU~M:__gnyis pa nang mchod ni/__hU~M:__bde ba'i ye shes las byung ba:__rnam pa kun ldan 'dod yon sprin:__gzugs kyi nyams 'gyur rmad du byung :__sgra chen rol mo mtha' yas ldan:__dri zhim bdud rtsi char du 'bebs:__ro bcud nus pa'i phung po brdal:__'jam 'khril reg bya'i longs spyod kyis:__chos dbyings rgyas par bkang byas te:__bcom ldan rdo rje phag mo mchod:__'khor gyi mkha' 'gro dgyes par rol:__las dang ye shes dngos grub stsol:__oM badz+ra b+hA rA hI sa pa ri wA ra shrI badz+ra ma hA rA ga rU pa:__shab+da:__gan+d+he:__rA sa:__spar+she kA ma gu Na sa ma ya hA+o:__gsum pa gsang mchod ni/__hU~M:__zung 'jug ye shes las byung ba:__thabs mchog he ru ka dpal gyi:__rdo rje pad+mar mnyam sbyar bas:__khams gsum gzung 'dzin dbyings su bsgral:__dga' bzhi bde stong chen por sbyor:__so so rang rig lhan cig skyes:__bla na med pa'i 'don yon gyis:__bcom ldan rdo rje phag mo mchod:__'khor gyi mkha' 'gro dgyes par rol:__las dang ye shes dngos grub stsol:__oM badz+ra b+hA rA hI sa pa ri wA ra shrI badz+ra ma hA rA ga bo d+hi tsit+ta ma hA su kha sa ma ya s+t+waM:__bzhi pa rmad du byung sman gtor rak+ta'i mchod pa ni/__hU~M:__sha chen mchog gi bdud rtsi lnga:__rtsa brgyad yan lag stong sbyar ba'i:__rA sa yA na sman gyi bcud:__dag mnyam rtogs pa'i longs spyod rdzas:__dam tshig chen po'i 'dod yon gyis:__bcom ldan rdo rje phag mo mchod:__'khor gyi mkha' 'gro dgyes par rol:__las dang ye shes dngos grub stsol:___oM badz+ra b+hA rA hI sa pa ri wA ra sarba pany+tsa a mr-i ta oM AHhU~M:__kA ya wA ka tsit+ta a mr-i ta sid+d+hi hoH__hU~M:__rdo rje sgeg mo chags pa che:__gIrti'i mkha' nas babs pa'i rgyun:__khams gsum nyon mongs bsgral ba yi:__dmar chen rak+ta'i rgya mtshor thim:__gzi brjid chen po'i 'dod yon gyis:__bcom ldan rdo rje phag mo mchod:__'khor gyi mkha' 'gro dgyes par rol:__las dang ye shes dngos grub stsol:__oM badz+ra b+hA rA hI sa pa ri wA ra rak+ta pI pa hoH__hU~M:__snod kyi 'jig rten khyon yangs par:__bcud kyi sems can gtor mar sbyar:__bza' bca' btung ba'i phung por spungs:__gzugs sgra dri ro reg ldan pa'i:__longs spyod chen po'i 'dod yon gyis:__bcom ldan rdo rje phag mo mchod:__'khor gyi mkha' 'gro dgyes par rol:__las dang ye shes dngos grub stsol:__oM badz+ra b+hA rA hI sa pa ri wA ra i daM ba liM gr-ih+Na b+hUny+dza hoH__lnga pa sku bstod pa'i mchod pa ni/__oM:__bcom ldan rdo rje phag mo ni:__zla ba ltar dkar rjes chags nyams:__ye shes gzi byin cher 'bar ba:__khams gsum dbang phyug ma la bstod:__chags dang khro dang bzhad pa yis:__'dod khro gti mug nyon mongs sbyong :__srid gsum rtog pa zil gnon pa'i:__rdo rje'i sku la phyag 'tshal bstod:__sgra dbyangs rnam pa thams cad pa:__zab mo'i rgyud dang sngags kyi tshul:__sa gsum rmongs pa sad mdzad pa'i:__tshangs pa'i gsung la phyag 'tshal bstod:__gcig pu ma yin mkha' dang mnyam:__du mar mi gnas dbyings su 'khyil:__mkhyen brtse'i rol pa bsam mi khyab:__ye shes thugs la phyag 'tshal bstod:__lhun grub yon tan rgyan du rdzogs:__'du mi mdzad pa'i phrin las mnga':__'gro 'dul rdzu 'phrul mi zad gter:__rgyal kun yum la phyag 'tshal bstod:__rdo rje lus kyi dkyil 'khor du:__rab 'byams dpa' bo mkha' 'gro'i tshogs:__spro zhing sdud pa'i cho 'phrul ston:__khyab bdag chen mor phyag 'tshal bstod:__gus pas mchod cing bstod pa'i mthus:__gsang ba gsum gyi dkyil 'khor nas:__sku gsung thugs kyi byin gyis rlobs:__mchog thun dngos grub stsal du gsol:__drug pa gsung sngags kyis mchod pa ni/__bdag gi thugs ka'i sngags phreng las:__sngags phreng gnyis pa zhal nas byung :__mdun bskyed lha mo'i zhal du zhugs:__sku yi dbyibs brgyud 'od zer gyis:__dkyil 'khor lha tshogs bde bas mchod:__dgyes pa chen po'i 'od snang dang :__lhan cig sngags phreng lte ba nas:__thon te rang gi lte bar zhugs:__bar ma chad par 'khor ba las:__'od dang 'od zer bsam yas 'phros:__gnas gsum dpa' bo mkha' 'gro mchod:__khams gsum tha mal snang zhen sbyangs:__lha sngags ye shes 'khor lor sad:__dngos grub rnam gnyis 'grub par bsam:__oM sarba bud+d+ha DA ki nI ya gu h+ya dz+nyA na bo d+hi tsit+ta ma hA su kha dz+nyA na sid+d+hi hU~M hU~M swA hA:__zhes ci nus su bzla'o:__bdun pa thugs ting nge 'dzin gyis mchod pa ni/__aH__'khor 'das kun khyab byang chub sems:__lha dang bdag nyid dbyer med pa:__ma bcos gnyug ma khyab gdal ngang :__mi g.yo mi smra bsam brjod 'das:__sarba dz+nyA na d+hA tu a a:__zhes dgongs pa bskyang :__dbyangs gsal yig brgya brjod pas lhag chad bskang shing nus pa brtan par byas nas mchod cing bstod/__dbang bskur dgos skabs dbang chog nang gi tshe sgrub dang sman sgrub la 'jug__/lnga pa gtor ma phul ba ni/__thun mthar thod pa la sogs pa'i snod du ba lang gi sha dang chang gis brgyan pa'i gtor ma la bdud rtsis bran/__hU~M hU~M hU~M zhes brjod pas gtor ma'i dngos 'dzin mi dmigs te stong par sbyangs:__stong pa'i ngang las rlung dang :__me dang :__thod pa'i sgyed pu la brten pa'i rang byung bde skyong gi snod yangs shing rgya che bar bcud sha lnga bdud rtsi lnga yi ge 'bru bcus mtshan pa:__rlung me'i sbyor bas thod pa dros:__rdzas yi ge dang bcas pa 'od du zhu ba bdud rtsi'i rgya mtshor 'khyil:__slar yang steng gi nam mkhar nyi ma la gnas pa'i kha T+wA~M ga 'bru gsum gyis mtshan pa'i 'od kyis rgyal ba sras dang bcas pa dang :__dpa' bo dang rnal 'byor ma thams cad kyi sku gsung thugs kyi bdud rtsi bkug:__kha T+wA~M yi ge dang bcas pa la thim:__de nyid gdan dang bcas pa 'od du zhu nas bcud la thim pas dam tshig dang ye shes dbyer med pa'i bdud rtsi 'dod yon rnam pa thams cad pa'i sprin du 'phro bar bsams la:__oM AHhU~M ha ho hrI:__zhes lan gsum gyis brlab:__oM badz+ra b+hA rA hI sa pa ri wA ra e h+ye hi:__badz+ra dz+nyA na sa ma ya dzaHhU~M ba~M hoH__gtor mgron spyan drangs pa mdun gyi nam mkhar mkha' khyab tu bzhugs par bsams la:__rdo rje thal mo se gol gyi sgra dang bcas:__oM sarba bud+d+ha DA ki nI pa ri wA ra sa ma ya ho:__sa ma ya s+t+wa~M:__i daM ba liM b+hUny+dza ho:__a mri ta pI pa ho:__pany+tsa kA ma gu Na ho:__ma ma sarba karma sid+d+hi m+me pra ya ts+tshan+tu:__ha ha hi hi hai hai ho ho phaT swA hA:__zhes lan bdun gyis phul la/__oM shrI badz+ra rA ga puSh+paM:__d+hU paM:__dI paM:__gan+d+haM:__nai bid+yaM:__shap+da pra tIts+tsha AHhU~M:__pany+tsa kA ma gu Na sa ma ya ho:__bo d+hi tsit+ta ma hA su kha sa ma ya s+t+waM:__sarba pany+tsa a mr-i ta oM AHhU~M:__rak+ta bi pa ho:__i daM ba liM gr-ih+Na b+hUny+dza ho:__oMH__bcom ldan rdo rje phag mo ni:__zla ba ltar dkar rjes chags nyams:__ye shes gzi byin cher 'bar ba:__khams gsum dbang phyug ma la bstod:__bcom ldan rdo rje rnal 'byor ma:__gnas gsum mkha' 'gro'i tshogs bcas kun:__mchod dang gtor ma 'di bzhes la:__bdag cag rnal 'byor 'khor bcas kyi:__phyi nang bar gcod zhi ba dang :__mi mthun phyogs kun srung mdzad gsol:__tshe bsod dpal 'byor ye shes spel:__log par lta ba dbang du sdus:__bdud dang dgra bgegs cham la phob:__'jig rten 'jig rten 'das pa sogs:__dngos grub ji ltar 'dod pa yi:__las kyi 'bras bu mchis par mdzod:__ces mchod bstod phrin las bcol/__de nas bka' gter srung ma'i gtor chog rgyas bsdus gang 'grub bya/__drug pa nyams chags bshags skong la bshags pa dang skong ba'i rim pa gnyis las dang po la lnga las thog mar byin gyis brlab pa ni/__ra~M ya~M kha~M:__stong pa'i ngang las skad cig gis:__gnas yul gsang ba mchog gi zhing :__mchod gtor ye shes rol pa'i rgyan:__nam mkha' mdzod kyi sprin du gyur:__oM AHhU~M:__dang nam mkha' mdzod kyi sngags rgya lan gsum gyis spel/__gnyis pa spyan drangs pa ni/__rang gi thugs srog sa bon las:__'od zer lcags kyu'i rnam par 'phros:__rtsa gsum chos srung rab 'byams kun:__mdun gyi nam mkhar spyan drangs bsam:__oM AHhU~M b+ha ga wAn ma hA kA ru Ni kA sa ma ya ho:__sa ma ya s+t+wa~M:__e h+ye hi:__badz+ra sa ma ya dza:__gsum pa lus kyi nyams chags bskang phyir _phyag 'tshal ba ni/__ho:__dgongs klong dbyer med brda yis mtshon:__snyan rgyud bdud rtsis skal ldan skyong :__byin rlabs thugs rje'i bdag nyid che:__rtsa brgyud bla ma la phyag 'tshal:__chos sku'i ngang las longs spyod rdzogs:__sprul pa'i sgyu 'phrul cir yang ston:__dngos grub rnam gnyis char bzhin 'bebs:__yi dam zhi khro la phyag 'tshal:__lhan skyes ngang las ma g.yos bzhin:__zhing sngags DA ka'i sprin phung 'phro:__mchog thun phrin las glog ltar 'khyugs:__gnas gsum mkha' 'gro la phyag 'tshal:__rig 'dzin bla ma'i bka' bzhin du:__rnal 'byor sgrub mchog bu bzhin skyong :__legs nyes stangs 'dzin bar chad sel:__chos srung gter bdag la phyag 'tshal:__phyag byar 'os pa thams cad la:__sgo gsum gus pas dad phyag 'tshal:__nyams chags sdig sgrib zhi ba dang :__ye shes rgyas par byin gyis rlobs:__oM gu ru sarba ta tha ga ta kA ya wA ka tsit+ta pra Na mye na ben+da naM ka ro mi:__bzhi pa ngag gi nyam chags skong phyir _rdor sems sgom bzlas bya ba ni/__AH__bdag gi spyi bor pad zla'i steng :__bla ma rdor sems he ru ka:__yab yum thugs ka'i sngags phreng dang :__sku las byang sems bdud rtsi'i rgyun:__sbyor mtshams nas byung tshangs bug zhugs:__lus gang sdig sgrib nyes ltung rgyu:__'bras bu nad gdon sdug bsngal kun:__dag cing dri ma med par bsam:__stobs bzhi'i gnad dang ldan pas yi ge brgya pa dzaba? tu bzla/__lnga pa gdung bas smre bshags bya ba ni/__oM:_bla ma dpal ldan rdo rje sems:__bdag la re sa khyed las med:__thugs rje'i spyan gyis gzigs mdzod la:__nyams chags sdig ltung sbyang mdzad gsol:__bdag cag nyon mongs gzhan dbang dang :__mi shes bag med ma gus pas:__rang bzhin kha na ma tho dang :__bcas pa'i bslab las 'gal ba kun:__dag cing tshangs par stsal du gsol:__khyad par rdo rje theg pa yi:__rtsa ba sku gsung thugs mchog dang :__yan lag dam tshig nyi shu lnga:__med phyal gcig pu lhun grub sogs:__rang bzhin lta ba'i dam tshig las:__nyams 'gal ral bar gyur pa kun:__snying nas 'gyod pas mthol bshags na:__sgrib med tshangs pa'i dngos grub stsol:__nyid dang dbyer med byin rlobs shig:__snying nas gdung bas gsol btab pas:__bla ma rdo rje sems dpa' yis:__sdig ltung dag pa'i gnang ba stsal:__dgyes pas 'od zhu rang la thim:__yid kyi nyams chags bskang ba'i phyir:__rang yang kun gzhi ma bcos pa'i:__ngang la yid ni 'dzin pa bral:__rnam dag spros bral chos kyi sku:__chos kyi sku la gnyis su med:__ye bsrung thig le nyag gcig ngang :__spang blang las 'das phyal ba che:__rang byung rang shar lhun gyis grub:__nyams chags rtog sgrib dbyings su grol:__ma bcos rdzogs pa chen po'o:__a a aH__zhes spro bsdu bral bar mnyam par bzhag__/gnyis pa skong gi cho ga la rnam pa gsum las dang po thun mong nyer spyod rdzas kyis bskang ba ni/__oM:_dngos su 'byor dang yid kyis sprul:__rab 'byams zhing gi mchod pa'i sprin:__rtsa gsum rgya mtsho'i tshogs la 'bul:__dgyes bzhes dam skongs dngos grub stsol:__oM gu ru sarba ta thA ga ta de ba DA ki nI sa pa ri bA ra ar+g+haM pAd+yaM puSh+pe d+hU pe A lo ke gan+d+he nai bid+ya shab+da pra tIts+tsha swA hA:__gnyis pa khyad par sman rag gtor mas bskang ba ni/__oM:_rtsa gsum 'khor lo'i b+han+d+ha ru:__ye shes byang sems bdud rtsi bskyil:__bde ba chen po'i dam tshig 'dis:__rtsa brgyud bla ma yi dam lha:__gnas gsum mkha' 'gro'i thugs dam bskang :__nyams chags sdig ltung dbyings su zhi:__gzung 'dzin rtog sgrib rang sar grol:__dbang dang byin rlabs dngos grub stsol:__ma hA pany+tsa a mr-i ta kha hi:__AH__'khor lo lnga yi b+hany+dza ru:__gnyis snang bsgral ba'i rak+tas bskang :__gzi brjid chen po'i dam tshig 'dis:__rtsa brgyud bla ma sogs=__ma hA rak+ta khA hi:__hU~M:_phung khams skye mched gtor gzhong du:__bde chen longs spyod gtor ma bshams:__'dod yon rgyan gyi dam tshig 'dis:__rtsa brgyud bla ma sogs=__ma hA ba liM ta khA hI:__bzhi pa dbang bzhi'i dam tshig nyams chags skong ba'i slad du mchog gi bskang ba ni/__mar me thogs te dkyil 'khor la bskor zhing*/__oM:__snang ba snod kyi kong bu ru:__srid pa bcud kyi mar khus gtams:__lus gnas rtsa yi sdong bu btsugs:__snang stong zung 'jug mar me sbar:__dag pa rab 'byams mchod sprin 'dis:__kun bzang rdo rje phag mo yum:__gnas gsum dpa' bo rnal 'byor ma:__thugs rje sprul sku'i bdag nyid can:__mkha' khyab 'dus pa'i thugs dam bskang :__spyi dang khyad par lhag pa sogs:__rdo rje theg pa'i 'dul ba dang :__khyad par bum pa'i dbang gi lam:__mnyam gzhag bskyed rim ma gsal zhing :__rjes thob tha mal snang bar zhen:__bza' ba sha lnga bdud rtsi dang :__bcang ba'i rdo rje dril bu spangs:__bsrung bya rtsa ba yan lag gi:__dam tshig nyams chags gyur pa kun:__snying nas 'gyod pas mthol bshags shing :__phyin chad mi bgyid dam bca' na:__dag cing tshangs par dbugs phyung nas:__sku yi rdo rje'i dngos grub stsol:__oM badz+ra kA ya dI pe pra tIts+tsha AHhU~M:__AH__dbu ma rtsa yi kong bu ru:__srog rtsol rlung gi mar khus gtams:__kha sbyor nA da'i sdong bu btsugs:__gsal stong zung 'jug mar me sbar:__dbang sgyur chen po'i mchod sprin 'dis:__kun bzang rdo rje phag mo yum:__gnas gsum dpa' bo rnal 'byor ma:__rang bzhin longs sku'i bdag nyid can:__mkha' khyab 'dus pa'i thugs dam bskang :__spyi dang khyad par lhag pa sogs:__rdo rje theg pa'i 'dul ba dang :__khyad par gsang ba'i dbang gi lam:__mnyam gzhag rtsa rlung ma bsgoms shing :__rjes thob de nyid lam ma longs:__bza' ba stong gsal bdud rtsi spangs:__bcang ba srog rtsol rang gar shor:__bsrung bya kha sbyor dang bral ba'i:__dam tshig nyams chags gyur pa kun:__snying nas 'gyod pas mthol bshags shing :__phyin chad mi bgyid dam bca' na:__dag cing tshangs par dbugs phyung nas:__gsung gi rdo rje'i dngos grub stsol:__oM badz+ra wA ka dI pe pra tIts+tsha AHhU~M:__hU~M:__'khor lo bzhi yi kong bu ru:__thig le bzhi yi mar khus gtams:__dga' ba bzhi yi sdong bu btsugs:__stong pa bzhi yi mar me sbar:__lhan skyes bde ba'i mchod sprin 'dis:__kun bzang rdo rje phag mo yum:__gnas gsum dpa' bo rnal 'byor ma:__ngo bo chos sku'i bdag nyid can:__mkha' khyab 'dus pa'i thugs dam bskang :__spyi dang khyad par lhag pa sogs:__rdo rje theg pa'i 'dul ba dang :__khyad par gsum pa'i dbang gi lam:__mnyam gzhag bde stong ma bsgoms shing :__rjes spyod lhan skyes nyams dang bral:__bza' ba bde ba'i bdud rtsi dang :__bcang bya dngos yid phyag rgya spangs:__bsrung bya thig le 'pho ba yi:__dam tshig nyams chags gyur pa kun:__snying nas 'gyod pas mthol bshags shing :__phyin chad mi bgyid dam bca' na:__dag cing tshangs par dbugs phyung nas:__thugs kyi rdo rje'i dngos grub stsol:__oM badz+ra tsit+ta dI pa pra tIts+tsha AHhU~M:__ho:__gzung 'dzin yul gyi kong bu ru:__yul can ye shes mar khus gtams:__snang sems zung 'jug sdong bu btsugs:__blo 'das rang byung mar me sbar:__'od gsal chen po'i mchod sprin 'dis:__kun bzang rdo rje phag mo yum:__gnas gsum dpa' bo rnal 'byor ma:__dbyer med bde chen bdag nyid can:__mkha' khyab 'dus pa'i thugs dam bskang :__spyi dang khyad par lhag pa sogs:__rdo rje theg pa'i 'dul ba dang :__khyad par bzhi ba'i dbang gi lam:__mnyam gzhag gnas lugs ma bsgoms shing :__rjes thob tha mal 'khrul par shor:__bza' ba stong nyid bdud rtsi dang :__bcang bya rtse gcig ting 'dzin g.yel:__bsrung bya gzung 'dzin rtogs pas g.yengs:__dam tshig nyams chags gyur pa kun:__snying nas 'gyod pas mthol bshags shing :__phyin chad mi bgyid dam bca' na:__dag cing tshangs par dbugs phyung nas:__ye shes rdo rje'i dngos grub stsol:__oM badz+ra dz+nyA na dI pi pra tIts+tsha AHhU~M:__zhes brjod cing nges shes bskyed la gdung shugs drag pos bshags pas dbang bzhi'i sdom pa dang dam tshig gi nyes ltung thams cad sor chud par 'gyur ro:__bzhi pa smon lam gdab pa ni/__ho:__gsang mchog rdo rje btsun mo'i dkyil 'khor du:__rdo rje slob dpon sgrub pa'i mched lcam gyis:__bsnyen sgrub skong ba'i cho gar brtson pa'i mthus:__rgyud dag dngos grub rnam gnyis rgyas par shog:__bum dbang dam tshig nyams chags sor chud cing :__snang stong zung 'jug ye shes gong du 'phel:__thun mong las kyi tshogs kun 'grub pa dang :__kun tu 'od kyi sa la dbyugs phyung zhig:__gsang ba'i dbang gi dam tshig nyams chags byang :__gsal stong zung 'jug ye shes gong du 'phel:__rlung sems lha sku'i phyag rgya 'grub pa dang :__pad+ma can gyi sa la phyin par shog:__gsum pa'i dbang gi dam tshig nyams chags dag:__bde stong zung 'jug ye shes gong du 'phel:__'od gsal ngang las lhan skyes sgyu ma'i sku:__'khor lo'i tshogs chen bde bas dbugs phyung zhig:__don gyi dbang gi dam tshig nyams chags grol:__rig stong zung 'jug ye shes gong du 'phel:__slob pa min pa'i go 'phang la brten nas:__ye shes bla ma'i sa la lhun rdzogs shog:__tshe 'dir 'bras bu mngon du ma gyur na:__'chi ba 'od gsal chos sku'i dbyings su thim:__bar do longs spyod rdzogs pa'i phyag rgyar bzhengs:__skye srid sprul pas 'gro don lhun grub shog:__rlung sems 'khrul snang mun pa 'char srid tshe:__ye shes mar me'i snang bas shul mtshon te:__bde stong dpa' bo mkha' 'gro'i tshogs rnams kyis:__mkha' spyod dag pa'i zhing du dbugs phyung zhig:__mdor na 'di nas byang chub snying po'i bar:__bka' drin can gyi rdo rje slob dpon dang :__nam yang mi 'bral byin gyis brlabs pa las:__phyams gcig gdod ma'i sa la grol bar shog:__ces 'dun pa rtse gcig pas gdab/__gsum pa rjes kyi bya ba la drug las thog mar tshogs kyi 'khor lo ni/__tshogs kyi yo byad rnams la bsang chus bran/__hU~M:__zhes brjod pas tshogs kyi dngos 'dzin mi dmigs te stong par sbyangs:__stong pa'i ngang las rlung dang :__me dang :__thod pa'i sgyed pu gsum la brten pa'i rang byung bde skyong gi snod yangs shing rgya che bar bcud sha lnga bdud rtsi lnga yi ge 'bru bcus mtshan pa:__rlung me'i sbyor bas thod pa dros:__rdzas yi ge dang bcas pa 'od du zhu ba bdud rtsi'i rgya mtshor 'khyil:__slar yang steng gi nam mkhar nyi ma la gnas pa'i kha T+wA~M ga 'bru gsum gyis mtshan pa'i 'od kyis rgyal ba sras dang bcas pa dang :__dpa' bo dang rnal 'byor ma thams cad kyi sku gsung thugs kyi bdud rtsi bkug:__kha T+wA~M yi ge dang bcas pa la thim:__de nyid gdan dang bcas pa 'od du zhu nas bcud la thim pas dam tshig dang ye shes dbyer med pa'i bdud rtsi 'dod yon rnam pa thams cad pa'i sprin du 'phro bar bsams la:__oM AHhU~M ha ho hrI:__zhes lan gsum gyis brlab/__tshogs phud cha gsum du spros la/__hU~M:__chos sku kun bzang rdo rje 'chang :__longs sku dpal ldan he ru ka:__yi dam zhi khro'i sprin phung 'phro:__sprul sku rdo rje phag mo yum:__rigs bzhi'i snying po'i rnal 'byor ma:__las kyi dbang chen mkha' 'gro'i gtso:__rang byung sangs rgyas pad+ma skyes:__sprul pa'i mtshan mchog brgyad la sogs:__rig 'dzin rtsa brgyud bla ma'i tshogs:__mkha' khyab rnam 'phrul sprin ltar gtibs:__thugs rje thugs dam rtsal skyed la:__rnal 'byor longs spyod chen po yi:__tshogs kyi 'du bar gshegs su gsol:__bza' dang bca' dang btung dang bgo:__gzugs sgra dri ro reg bya chos:__zag med bdud rtsi'i bcud ldan pa'i:__tshogs kyi mchod pas thugs dam bskang :__thog med dus nas da lta'i bar:__sdom pa gsum dang 'gal ba yi:__dam tshig nyams chags nyes pa dang :__sdig ltung thams cad mthol zhing bshags:__phyi nang gsang ba'i bar chad sol:__nad gdod sdig sgrib zhi bar mdzod:__tshe bsod dpal 'byor ye shes spel:__rlung sems snang ba dbang du sdus:__dngos grub sgrub la bar gcod pa'i:__gnas nyul d+hA ki'i sun ma dang :__byad phur rbod gtong 'jigs brgyad zlog:__dgra bgegs 'byung po rdul du rlog:__ma mo mkha' 'gro 'khrugs pa yi:__rgyu rkyen 'bras bu dbyings su sbyongs:__snod bcud dge ba'i legs tshogs skyed:__mchog dang thun mong dngos grub stsol:__oM gu ru sarba ta thA ga ta maN+Da la badz+ra b+hA rA hI sarba d+hA ki ni ga Na tsakra pU dza ho:__hU~M:__gnas ni rab tu dga' ba'i sa:__de bzhin nye gnas dri ma med:__zhing ni 'od rab byed pa'i sa:__nye ba'i zhing ni 'od 'phro ba:__tshan+d+hA+o mngon du gyur pa ste:__nye ba'i tshan+d+ho sbyang dka' ba:__'du ba ring du song ba ste:__nye ba'i 'du ba mi g.yo ba:__dur khrod legs pa'i blo gros te:__nye ba'i dur khrod chos kyi sprin:__he ru ka dpal dgyes pa'i yul:__gnas yul dur khrod rab 'byams na:__bzhugs pa'i dpa' bo rnal 'byor ma:__mkha' 'gro dang ni mkha' 'gro ma:__khro chags sgeg pa'i tshul 'chang ba'i:__mkha' khyab rnam 'phrul sprin ltar gtibs:__thugs rje thugs dam rtsal skyed la:__rnal 'byor longs spyod chen po yi:__tshogs kyi 'du bar gshegs su gsol:__bza' dang bca' dang btung dang bgo:__gzugs sgra dri ro reg bya chos:__zag med bdud rtsi'i bcud ldan pa'i:__tshogs kyi mchod pas thugs dam bskang :__thog med dus nas da lta'i bar:__sdom pa gsum dang 'gal ba yi:__dam tshig nyams chags nyes pa dang :__sdig ltung thams cad mthol zhing bshags:__phyi nang gsang ba'i bar chad sol:__nad gdod sdig sgrib zhi bar mdzod:__tshe bsod dpal 'byor ye shes spel:__rlung sems snang ba dbang du sdus:__dngos grub sgrub la bar gcod pa'i:__gnas nyul d+hA ki'i sun ma dang :__byad phur rbod gtong 'jigs brgyad zlog:__dgra bgegs 'byung po rdul du rlog:__ma mo mkha' 'gro 'khrugs pa yi:__rgyu rkyen 'bras bu dbyings su sbyongs:__snod bcud dge ba'i legs tshogs skyed:__mchog dang thun mong dngos grub stsol:__oM shrI sarba wI ra yo gi nI DA ki DA ki ni ma hA su kha ga Na tsakra pU dza ho:__hU~M:__chos nyid zhi las ma g.yos kyang :__bstan pa srung phyir 'bar ba'i rtsal:__dpal ldan mgon po nag po che:__sku gsung thugs yon phrin las sras:__lha mo nag mo re ma tI:__rje khol bran dang yang g.yog sogs:__rgyud gsum dregs pa'i tshogs rnams kun:__mkha' khyab rnam 'phrul sprin ltar gtibs:__thugs rje thugs dam rtsal skyed la:__rnal 'byor longs spyod chen po yi:__tshogs kyi 'du bar gshegs su gsol:__bza' dang bca' dang btung dang bgo:__gzugs sgra dri ro reg bya chos:__zag med bdud rtsi'i bcud ldan pa'i:__tshogs kyi mchod pas thugs dam bskang :__thog med dus nas da lta'i bar:__sdom pa gsum dang 'gal ba yi:__dam tshig nyams chags nyes pa dang :__sdig ltung thams cad mthol zhing bshags:__phyi nang gsang ba'i bar chad sol:__nad gdod sdig sgrib zhi bar mdzod:__tshe bsod dpal 'byor ye shes spel:__rlung sems snang ba dbang du sdus:__dngos grub sgrub la bar gcod pa'i:__gnas nyul d+hA ki'i sun ma dang :__byad phur rbod gtong 'jigs brgyad zlog:__dgra bgegs 'byung po rdul du rlog:__ma mo mkha' 'gro 'khrugs pa yi:__rgyu rkyen 'bras bu dbyings su sbyongs:__snod bcud dge ba'i legs tshogs skyed:__mchog dang thun mong dngos grub stsol:__oM shrI ma hA kA la ma hA kA lI de wI sarba d+harma pA la ma hA su kha ga Na tsakra pU dza ho:__zhes phul zhing yi ge brgya pas nyams chags bshags sbyang bya ba dang bcas phyi dkyil rnams 'dod yon gyi mchod pas bskang zhing bshags/__dbang bskur sogs dgos na skabs 'dir bya/__brda dang brda yi 'bul len bcas nang rdo rje lus kyi dkyil 'khor mchod pa'i phyir bza' btung rnams la tshim par longs spyod/__gsang ba snyoms 'jug gi bde ba spel zhing de kho na nyid kyi ngang du mnyam par gzhag__/lhag ma rnams gsog 'jog med par bsdus la/__dam tshig gi bdud rtsi'i kha khru dbab/__pany+tsa a mr-i ta oM AHhU~M hoHsa brlab:__phaiM:__rdo rje phag mo'i dkyil 'khor du:__phyi 'khor skyong ba'i bka' nyan ni:__dbang phyug ging dang lang ka'i tshogs:__mkha' 'gro shugs 'gro pho nya'i sde:__ma lus lus pa med pa kun:__he ru ka dpal spyan snga ru:__ji ltar khas blangs dam bcas ltar:__lhag ma'i gtor ma 'di bzhes la:__rnal 'byor byang chub sgrub pa yi:__'khor srungs rkyen zlog bar chad sol:__zhi rgyas dbang dang mngon spyod sogs:__'dod pa'i las kun 'grub par mdzod:__oM sarba king+ka ra uts+tshiSh+ta ba liM ta kha kha khA hi khA hi sarba karma ku ru ho:__zhes phyi rol du bskyal:__bkra shis kyi glu blangs shing smon lam gdab pa ni:__oM:__bkra shis gang zhig he ru ka dpal dgyes pa'i yum:__rdo rje phag mo'i dkyil 'khor lha tshogs mchod pa'i mthus:__bdag gzhan 'gro kun dam tshig nyams chags nyes ltung zhi:__bsod nams tshogs rdzogs ye shes 'bras bu mngon 'gyur shog:__ces brjod cing rol mo'i sgra bya'o:__gtang rag gi mchod bstod ni mchod pa kha gsos la/__oM AHhU~M:__oM shrI badz+ra rA ga puSh+paM:__d+hU paM:__dI paM:__gan+d+haM:__nai bid+yaM:__shap+da pra tIts+tsha AHhU~M:__pany+tsa kA ma gu Na sa ma ya ho:__bo d+hi tsit+ta ma hA su kha sa ma ya s+t+waM:__sarba pany+tsa a mr-i ta oM AHhU~M:__rak+ta bi pa ho:__i daM ba liM gr-ih+Na b+hUny+dza ho:__bstod pa ni/__oM:__bcom ldan rdo rje phag mo ni:__zla ba ltar dkar rjes chags nyams:__ye shes gzi byin cher 'bar ba:__khams gsum dbang phyug ma la bstod:__gnyis pa dngos grub kyi slad du dkyil 'khor gyi mdun thod pa mtshan ldan bdud rtsis gang ba bshams la:__bdag gi thugs ka nas 'od zer 'phros:__mdun bskyed kyi mkha' 'gro'i thugs rgyud bskul:__de'i thugs ka dang sku'i dkyil 'khor rab 'byams dang bcas pa'i byin rlabs dngos grub thams cad bdud rtsi'i rnam par char bzhin du babs te dam tshig gi rdzas la thim par bsam:__oM sarba bud+d+ha DA ki nI ye ma hA su kha dz+nyA na hU~M phaT swA hA:__kA ya wA ka tsit+ta dz+nyA na sarba sid+d+hi hU~M hU~M:__zhes ci rigs bzlas pas bskul te thod pa spyi bor bkod la/__oM:__bde mchog bde spyod nam mkha'i dbyings:__mkha' dang mnyam pa'i dkyil 'khor nas:__bcom ldan rdo rje phag mo yum:__rab 'byams d+hA ki'i tshogs dang bcas:__bsnyen sgrub rtse gcig brtson lags na:__thugs rje thugs dam rtsal skyed la:__dngos grub stsol ba'i dus la bab:__gsang ba gsum gyi byin rlabs mchog:__rnal 'byor lus ngag yid la stsol:__rdo rje gsum gyi ye shes dang :__dngos grub ma lus stsal du gsol:__oM sarba bud+d+ha DA ki nI ye ma hA su kha dz+nyA na hU~M phaT swA hA:__kA ya sid+d+hi oM:__wA ka sid+d+hi AH__tsit+ta sid+d+hi hU~M:__dz+nyA na sid+d+hi hrI:__zhes brjod cing thod pa gnas bzhir reg la bdud rtsi myang :__yi ge brgya pa lan gsum gyis nongs pa bshags/__rten yod na/__'dir ni gzugs dang sogs kyis mdun bskyed kyi ye shes pa rten la bstim:__dzaHhU~M ba~M hoH__dam tshig pa rang la thim/__gsum pa rtag mtha' bsal ba ni/__hrI:__rang gi thugs srog sa bon las:__'od 'phros dag pa'i snod dang bcud:__'od zhu hrIHla gnyis med thim:__de yang mi dmigs ngang du bzhag:__a a a:__bzhi pa chad mtha' bsal ba ni/__slar yang chu las rlabs bzhin du:__rang lus badz+ra wA rA hI:__snang ba lha dang grags pa sngags:__dran rtog 'od gsal ngang nas spyod:__lnga pa bsngo smon ni/__bdag gis bsnyen cing bsgrubs la sogs:__dus gsum bsags pa'i dge tshogs mthus:__'gro kun rdo rje btsun mo dang :__dbyer med mngon par byang chub shog:__drug pa bkra shis ni/__oM:__kun tu bzang mo dbyings kyi yum:__chos kyi sku yi bkra shis shog:__rdo rje btsun mo dgyes pa che:__longs spyod rdzogs sku'i bkra shis shog:__gnas yul dur khrod mkha' 'gro'i tshogs:__sprul pa'i sku yi bkra shis shog:__mchog dang thun mong dngos grub kyis:__rtag tu dge ba'i bkra shis shog:__ces brjod me tog gi char dbab pas dge legs su bya'o/__/gter gzhung las/__de ltar brtson pas dam tshig nyams chags kyi nyes ltung zhi:__tshe dang ye shes dang 'byor pa brgyas:__bde ba chen po'i rtogs pa 'phel:__snang sems dbang du 'du:__gnas gsum gyi pho nya'i 'du ba thob cing mchog gi dngos grub myur du 'grub:__sgrub pa chen po'i gzhi things par 'gyur ro:__zhes gsungs pa la yid ches bskyed de brtson pa lhur len pa ni don dang ldan pa lags so/__/ces pa'ang rgyal kun ye shes kyi phung po bdag cag gi 'dren par chas pa 7'jam dbyangs mkhyen brtse rin po che thub bstan chos kyi rgya mtsho'i zhal snga nas/__mkhyen brtse'i bka' babs kyi smin grol rdzogs par stsal ba'i skal bzang mngon du gyur pa'i mjug thogs su/pad+ma mthong grol gyi cod paN tshangs gnas kyi rgyan du bkod de zab chos 'di dag gi bdag por mnga' gsol ba thob pa phun tshogs rnam rgyal pas/__2008_lor bka' babs skor bskyar bsgrig skabs bod zla gsum pa'i tshes gnyis la gter gzhung las bklag chog tu bsdebs pa 'dis kyang rgyal bstan dar shing skye rgu bde ba'i rgyur gyur cig/__//
