JKW-KABAB-09-TA-027-wylie
@#/__/sgrub chen bka' brgyad dregs pa kun 'dul gyi brgyud 'debs bde chen grub ster zhes bya ba bzhugs so//__khyab bdag kun bzang rigs lnga zhi dang khro/__/rdo rje chos dang las kyi dbang mo che/__/dpal chen mngon grub rig 'dzin rnam brgyad la/__/gsol ba 'debs so dbang bskur byin gyis rlobs/__/bde gshegs kun 'dus pad+ma thod phreng rtsal/__/bka' babs mi dgu bsam gtan bde chen gling*/__/gsang 'dzin smug nag dbang gi mkha' 'gro la/__/gsol ba 'debs so dbang bskur byin gyis rlobs/__/bka' babs bdun ldan pad+ma mdo sngags gling*/__/rtsa brgyud bla ma sgrub pa bka' brgyad lha/__/gnas gsum mkha' 'gro dam can chos skyong la/__/gsol ba 'debs so dbang bskur byin gyis rlobs/__/smin byed dbang thob dam tshig rnam par dag__/phyi nang bskyed pa'i lhar snang gsal zhing brtan/__/rim pa rnam lnga'i rdzogs rim la brten nas/__/mchog thun dngos grub thob par byin gyis rlobs/__/zhes pa'ang khyab bdag rig 'dzin chen po nyid kyis rjes su gnang ba ltar blo gros mtha' yas kyis bris pa dge/__//
