JKW-KABAB-09-TA-013-wylie
\u0f01\u0f83:__yak+Sha dzam b+ha la'i sgrub thabs kyi man ngag rin chen gter spungs zhes bya ba bzhugs so:__:__\u0f01\u0f83:__:rdo rje 'dzin la phyag 'tshal lo:__ma 'ongs snyigs dus 'gro ba rnams:__dbul zhing phongs pas mnar ba yi:__sdug bsngal thams cad zhi ba dang :__'dod rgu'i dpal 'byor rgyas pa'i phyir:__pad+ma thod phreng bdag nyid kyis:__yak+Sha rtsa ba'i tan+t+ra dang :__rat+na rtsal chen 'dus pa yi:__dum bu man ngag zung 'brel du:__lag len dmar khrid tshul gyis bstan:__yid bzhin nor bu'i snying po 'di:__skal ldan rnams kyis gces par zungs:__sa ma ya:__rgya rgya rgya:__de'ang yak+Sha dzam b+ha la mU la tan+t+ra'i le'u so gsum pa las:__khyad par stobs dang ldan pa yis:__las kun myur du 'grub 'dod na:__nor sbyin srog gi rten bca' zhing :__rang nyid gsang ba'i bdag por bsgom:__mdun gyi nam mkha'i dbyings gnas par:__rin chen gzhal med khang bzang dbus:__'dab brgyad pad+ma'i snying po la:__yak+Sha kA la dzam+b+ha la:__mthing nag zhal gcig phyag bzhi pa:__spyan gsum mche gtsigs khro gnyer bsdus:__mi'u thung gtum pa'i ngang tshul can:__phyag g.yas rdo rje'i tho ba gsor:__g.yon pas nor bu'i rgyal mtshan bsgrengs:__lhag ma thod pa ne'u le 'dzin:__thod skam rat+na'i rtse bran dang :__mi bskyod rigs kyi bdag por 'chang :__stag sham rin chen sbrul rgyan brjid:__zhabs zung g.yon brkyangs dor stabs kyis:__nyi steng gter bum gnod sbyin bsnol:__ye shes 'od kyi klong dkyil na:__bsod nams gzi byin 'bar bar bzhugs:__nor gyi rgyun 'bebs yum dang sbyor:__'dab brgyad gnod sbyin pho mo 'khril:__de ltar bsgoms nas sngags kyis bsnyen:__oM dzaM b+ha la dza len+d+rA ya swA hA:__'bum phrag bcu yis las kun byed:__dngos grub bsgrub pa'i rig pa ni:__oM yak+Sha kA la dzam+b+ha la dza len+d+rA ya ba su d+ha rI sarba tsit+ta rat+na sid+d+hi hrIM hrIM dza:swA hA:__'bum phrag bzhi bzlas 'grub par 'gyur:__thugs dam bskul zhing sid+d+hi blang :__'dod rgu 'byung ba'i las la sbyar:__gzhan yang tshe bsring bsod nams bskyed:__'jigs pa 'phrog cing dpal 'byor rgyas:__rigs brgyud dang ni nor phyugs 'phel:__yo byad 'dzad med snyan grags sgrog:__mnga' thang dbang bsgyur legs tshogs dgug:__yi ge bcu yis bsgrub par bya:__snod ldan slob ma rjes gzung phyir:__sku gsung thugs yon phrin las kyi:__byin brlab dbang bskur dam tshig 'bogs:__des ni myur du 'grub par 'gyur:__zhes gsungs so:__rgyud kyi le'u ste dang po'o:__sa ma ya:__rgya rgya rgya:__rgyud don man ngag lag len tshul:__dang po srog rten bca' ba ni:__dpal can shis pa'i sa blangs la:__stegs bu ser po gru bzhi brtsig:__dri lnga'i chu yis chag chag gdab:__rin chen 'bru sman snying po dang :__spos dang me tog gcal du dgram:__pho brang lha mtshan ci rigs bri:__de steng khri'u shing gi khar:__dus gsum thod pa gser gyi mdog:__'dod 'byung shing lo me 'bras sogs:__bkra shis rang byung snod mchog nang :__lnga tshan lnga yi rdzas kyis byug:__de sogs khrol bus phyur bur gtams:__rmad byung thugs kyi rten yin no:__'khor lo rgyas bsdus gang rigs te:__rgyas par gzhan du shes par bya:__bsdu na dar ras gro shog la:__lte bar rtsa ba'i bsnyen sgrub sngags:__'dab brgyad ma Ni b+ha dra sogs:__gnod sbyin yab yum brgyad dang ni:__de phyir nor lha spyi yi gzungs: tad+ya thA:__hi li ma Ni sogs/__rgyal chen sde bzhi'i rig pa bcas:__de rgyab gong gnon gnyen po'i sngags:__A li kA li rten 'brel snying :__kun mthar 'dod don gsol byed spel:__rdo rwa 'od lnga'i phreng bas brgyan:__rdzas kyis byugs la rab tu gnas:__na bzas dril te b+han+d+har gzhug:__de ni khyad par gsung rten no:__rin po che'am dpal chen sar:__rdzas dang bcas te yab yum gyi:__snang brnyan bzhengs la rdzas sngags bcug:__rab tu gnas shing thod pa'i nang :__srog gi tsakra'i rgyab tu bzhugs:__thun mong sku yi rten yin no:__yon tan rin chen gzhong pa'i nang :__gtor ma nor bu 'bar ba'i dbyibs:__kha zas bzang rgus brgyan pa ni:__b+han+d+ha'i g.yas su bzhag par bya:__phrin las dpal dang ldan pa yis:__phywa cha dkor cha g.yon du dgod:__de rnams mdun du mchod gtor bsham:__rgyab tu mda' dar rgyan ldan gzug:__mtha' bskor rgyal mtshan ba dan dang :__dar dpyangs rat+na'i phreng bas brgyan:__steng du gdugs dang bla bre dbub:__bgegs bskrad khrus gsol byin phab la:__bag dro brjid dang ldan par bya:__rten rnams rgyas par ma grub na:__gtor ma sngags kyi gzungs ldan dang :__bris sku tsam la brten kyang rung :__rten bca' ba'i le'u ste gnyis pa'o:__sa ma ya:__rgya rgya rgya:__de nas phyi nang mtshams bcad la:__sngags pa dge ba'i yid ldan pas:__skyabs su 'gro zhing byang sems bskyed:__bar chad bsal zhing bsrung mtshams bcad:__mchod gtor nam mkha'i mdzod du brlab:__bdag nyid gsang ba'i bdag por bsgom:__hU~M:__spros bral ngang las ye shes rtsal:__'bar ba hU~M gi 'od zer gyis:__snod bcud zhen 'dzin stong par sbyangs:__'od gsal ngang las skad cig gis:__sra brtan rdo rje'i srung 'khor dang :__rang byung lhun grub pho brang dbus:__pad nyi dregs pa'i gdan gyi steng :__hU~M las sku bzhengs gsang ba'i bdag:__mthing nag char sprin 'khrugs pa'i mdog:__zhal gcig phyag bzhi khro gtum nyams:__rtsa phyag sdig mdzub sbrel ba yis:__rdo rje dril 'dzin yum la 'khril:__lhag ma lcags kyu zhags pa gdengs:__phag mo gri thod 'dzin pas 'khyud:__khro bo'i chas rdzogs dor stabs kyis:__ye shes me phung klong du 'gying :__phyogs bzhir dpa' bo sde bzhi po:__so so'i rigs kyi mkha' 'gror bcas:__dkar ser dmar mthing g.yas rang rtags:__g.yon rnams thod pa khrag bkang rol:__'bar zhing chags pa'i nyams 'gyur rdzogs:__thod sprul rin chen rus pas brgyan:__pad nyi bdud bzhi'i gdan la rol:__gzhan yang steng 'og bar mtshams kun:__bdag skyobs lha dang mkha' 'gro'i tshogs:__char sprin gtibs pa ji bzhin gsal:__dam tshig ye shes dbyer med pa'i:__gnas gsum yi ge gsum gyis mtshan:__thugs dbus nyi steng rdo rje'i sbubs:__hU~M mthar sngags kyi phreng bas bskor:__bzlas pas rgyud bskul 'od zer 'phros:__rtsa gsum rgyal ba rab 'byams kyi:__byin rlabs nus stobs bdag la thim:__gsang bdag dpal dang dbyer med bsam:__oM badz+ra pA Ni tsaN+Da ma hA ro Sha Na hU~M phaT:__'bum phrag gnyis bzlas bsnyen pa'o:__slar yang gtso 'khor thams cad kyi:__thugs nas 'bar ba'i 'od zer gyis:__bgegs kyi tshogs rnams tshar bcad cing :__gnod sbyin nor bdag las la bskul:__gang 'dod dngos grub thob par bsam:__bsnyen pa'i sngags kyi hU~M phaT gong :__sarba duSh+tAn mA ra ya:__zhes spel 'bum phrag gcig tu bzla:__gzhan yang yum dang 'khor gyi sngags:__oM pa~M badz+ra b+ha ra he kro d+hI kA lI ha ri ni sa ra tsa hri ya tsit+ta hrIng hrIng sarba duSh+tAn mA ra ya hU~M phaT:__ces pa khri phrag gcig bzlas 'grub:__sgrub dang las sbyor sbrel ba'o:___de ltar bdag nyid nus thob nas:__mdun bskyed nor lha bsnyen pa ni:__hU~M:__skye med chos dbyings rnam dag las:__snang stong sgyu ma'i ting 'dzin rtsal:__mdun du rin chen gzhal med khang :__gru bzhi sgo bzhi mtshan nyid rdzogs:__'dod rgu'i 'byor pas yongs gang dbus:__rab tu rgyas pa'i pad+ma ni:__sna tshogs mdog can 'od du 'bar:__de yi ze'u 'brur nyi ma dang :__yid bzhin gter gyi bum pa che:__gnod sbyin pho mo zung bcas pa'i:__steng du hU~M yig mthing nag 'bar:__de las rdo rje hU~M gis mtshan:__kun tu khyab pa'i 'od zer gyis:__'khor 'das dpal 'byor dwangs bcud bsdus:__mthing nag 'od kyi gong bur 'dril:__de nyid yongs gyur skad cig gis:__bcom ldan mgon po dzam+b+ha la:__nor lha bye ba'i bdag po'i tshul:__gnag cing snum pa'i mdangs 'od 'tsher:__zhal gcig phyag bzhi spyan gsum g.yo:__mche ba bzhi gartsigs khro gnyer bsdus:__mi'u thung gtum zhing khros pa'i nyams:__phyag g.yas rdo rje'i tho ba gsor:__log 'dren 'byung po'i spyi nas 'gems:__g.yon pas nor bu'i rgyal mtshan bsgrengs:__mi mthun bdud kyi dpung las rgyal:__g.yas 'og rin chen thod pa bsnams:__sgrub pa po la dngos grub ster:__g.yon 'og brjid ldan ne'u le bzung :__'dod rgu'i longs spyod char ltar 'bebs:__dbu skra dmar ser gyen du brdzes:__thod skam rat+na'i rtse bran dbus:__pad+ma nyi zla'i gdan gyi steng :__rigs bdag mi bskyod rdo rje bzhugs:__sku la stag lpags sham thabs 'phyang :__sbrul rigs lnga dang rin chen brgyan:__rtags kyi mtshan ma 'greng zhing 'bar:__zhabs gnyis g.yon brkyangs dor stabs kyis:__ye shes me 'od klong na rol:__g.yon nas nor rgyun lha mo ljang :__lcags kyu gter bum bsnams pas 'khyud:__phyogs mtshams 'dab brgyad pad+ma la:___nor bu bzang sogs gnod sbyin brgyad:__rang rang rigs kyi yum dang 'khril:__in+d+ra nI la'i mdangs 'od 'tsher:__yab rnams ban+d+ha ne'u le:__yum rnams lcags kyu gter bum bsnams:__dar dang rin chen me tog brgyan:__nyi ma nor skyugs pho mo'i steng :__sgegs mdzes khro bo'i nyams ldan 'gying :__sgo bzhir rgyal po chen po bzhi:__phyi nang bar mtshams khor yug tu:__'jig rten skyong ba'i sdai dpon dang :__nor lha gter bdag bye ba'i tshogs:__sprin phung gtibs pa lta bur bzhugs:__gnas gsum oM AHhU~M gis mtshan:__rang gi thugs nas 'od 'phros pas:__ye shes sems dpa' spyan drangs bsam:__dbyangs snyan rol mo'i sgra dang bcas:__gdung ba'i shugs bskyed thugs dam gsol:__hU~M:__byang phyogs gter gyi gzhal yas nas:__dpal ldan mgon po dzam+b+ha la:__nor lha bye ba'i tshogs dang bcas:__mchod cing bstod phyir spyan 'dren na:__sems can dbul zhing phongs pa yi:__mgon skyabs mdzad par zhal bzhes shing :__dam bcas dus ni deng lags pas:__ma thogs myur du gshegs su gsol:__bgegs kyi sbyor ba rgyun chod la:__tshe bsod dpal dang 'byor pa spel:__srid gsum phywa g.yang longs spyod kyi:__dngos grub 'dod rgu'i byin chen phob:__oM yak+Sha dzam+b+ha la sa pa ri wA ra badz+ra sa ma ya dza dzaH__hU~M:__dam tshig ye shes dbyer med par:__bkra shis dge ba'i gdan la bzhugs:__mi bskyod rdo rje'i bdag nyid la:__gus shing dang bas phyag 'tshal lo:__dzaHhU~M ba~M hoH__sa ma ya A sa na tiSh+Tha lhan:__na mo na mA mi:__hU~M:__nor lha gter bdag 'khor bcas la:__stong gsum 'jig rten rab 'byams kyi:__mchod yon bdud rtsi zhal du 'bul:__chu gtsang 'dag chal zhabs la 'bul:__mtshar sdug me tog dbu la 'bul:__bsung zhim bdug spos shangs la 'bul:__gzi ldan sgron me spyan la 'bul:__dri bzang char rgyun sku la 'bul:__bcud ldan zhal zas ljags la 'bul:__rol mo'i sgra dbyangs snyan la 'bul:__bzhes nas 'dod rgu'i dngos grub stsol:__oM Ar+Ya dzam b+ha la sa pa ri wA ra ar+g+haM pAd+yaM puSh+pe d+hu pe A lo ke gan+d+he nai bid+yA shap+da pra tIts+tsha swA hA:__hU~M:__nor lha gter bdag 'khor bcas la:__stong gsum 'jig rten rab 'byams kyi:__yid 'ong gzugs kyi mchod pa 'bul:__snyan 'gyur sgra yi mchod pa 'bul:__sim byed dri yi mchod pa 'bul:__zhim mngar ro yi mchod pa 'bul:__'jam 'khril reg bya'i mchod pa 'bul:__bde chen chos kyi mchod pa 'bul:__bzhes nas 'dod rgu'i dngos grub stsol:__oM Ar+Ya dzam+b+ha la sa pa ri wA ra rU pa shap+da gan+d+he ra sa spar+she d+harma ma hA su kha pra tIts+tsha swA hA:__hU~M:__nor lha gter bdag 'khor bcas la:__stong gsum 'jig rten rab 'byams kyi:__dge legs rtags kyi mchod pa 'bul:__bkra shis rdzas kyi mchod pa 'bul:__rgyal srid gter gyi mchod pa 'bul:__bzhes nas 'dod rgu'i dngos grub stsol:__oM Ar+Ya dzam+b+ha la sa pa ri wA ra aSh+ta mang+ga laM pU dza ho:__ma d+ha laM ku nu pU dza ho:__shrI ma hA rat+na pU dza ho:__hU~M:__nor lha gter bdag 'khor bcas la:__stong gsum 'jig rten rab 'byams kyi:__snod bcud 'byor pa'i maN+Dal 'bul:__bzhes nas 'dod rgu'i dngos grub stsol:__oM Ar+Ya dzam+b+ha la sa pa ri wA ra sarba maN+Dal pU dza ho:__hU~M:__nor lha gter bdag 'khor bcas la:__stong gsum 'jig rten rab 'byams kyi:__'dod yon gtor ma'i mchod pa 'bul:__dkar mngar phud kyi=__zas mchog bcud kyi mchod=__bzhes nas 'dod rgu'i dngos grub stsol:__oM Ar+Ya dzam+b+ha la sa pa ri wA ra ma hA ba liM ta khA hi:__ma hA su ra tA khA hi:__ma hA rA sa yA na khA hi:__hU~M:__mi bskyod ye shes rdo rje sems:__'gro ba'i don du sems dpa'i tshul:__gnod sbyin gter gyi khyab bdag la:__mchod cing bstod de phyag kyang 'tshal:__sku mdog gnag cing snum 'od 'tsher:__zhal gcig phyag bzhi khro zhing sgeg:__mi'u thung gtum pa'i tshul 'chang la:__mchod cing bstod de phyag kyang 'tshal:__dbu skra dmar ser gyen du brdzes:__thod skam nor bu'i rtse bran dang :__rigs bdag cod pan 'chang ba la:__mchod cing bstod de phyag kyang 'tshal:__spyan gsum dmar zlum 'khyil zhing gzigs:__zhal gdangs ljags 'dril mche ba gtsigs:__bdud bzhi 'dul mdzad dpa' bo cher:__mchod cing =__phyag bzhi'i tho bas log 'dren 'dul:__nor bu'i rgyal mtshan phyogs las rgyal:__khams gsum kun gyi dbang phyug la:__mchod cing =__thod pas 'dod pa'i dngos grub ster:__nor skyugs gter gyi char chen 'bebs:__sgrub po'i re skong dzam+b+ha lar:__mchod cing =__sbrul dang rin chen rus pa sogs:__'dod yon ma spangs longs spyod rgyan:__che ba'i yon tan yongs rdzogs lhar:__mchod cing bstod=__bde chen mtshan ma rab tu bsgrengs:__gter bum nor sbyin gdan du bting :__yak+Sha bye ba'i sde dpon cher:__mchod cing =__btsun mo dpal ldan nor gyi rgyun:__brla g.yon 'khyud cing 'khril ba'i tshul:__dngos grub gter gyi dbang phyug mar:__mchod cing =__phyogs mtshams skyong ba'i gter bdag che:__gnod sbyin dbang po yab dang yum:__rang rang rigs kyi 'khor bcas la:__mchod cing bstod de=__sgo bzhi srung ba'i nor lha che:__'jig rten dpal mgon rgyal chen bzhi:__btsun mo sras dang g.yog bcas la:__mchod cing =__gzhan yang gter gyi pho brang cher:__dam tshig thugs rjes bzhugs pa yi:__nor lha bye ba'i tshogs rnams la:__mchod cing bstod de phyag kyang 'tshal:__oM:__bdag cag ma rig 'khrul pa yis:__nor lha gter bdag tshogs rnams kyi:__thugs dang 'gal ba'i las bgyis pa:__snying nas 'gyod pas mthol zhing bshags:__ye shes chen pos bzod par bzhes:__rdo rje'i tshe dang g.yung drung lus:__gnod sbyin gter gyi longs spyod sogs:__dngos grub ma lus stsal du gsol:__oM dzam+b+ha la sarba sid+d+hi pha la hU~M:__de ltar phrin las gzhung bsrangs nas:__lha sku'i gsal snang rtse gcig brtan:__khyad par bsnyen pas bskul ba ni:__bdag nyid lha yi thugs ka nas:__'od dmar lcags kyu'i dbyibs can 'phros:__mdun bskyed thugs kar nyi ma'i steng :__rdo rje rtse lnga'i lte bar hU~M:__sngags kyi phreng bas bskor la thim:__nus pa bskyed cing gzi byin 'bar:__thugs dam rgyud bskul 'od zer tshogs:__mkha' la sprin ltar khyab pa las:__'dod rgu'i char cher 'bebs par bsam:__oM dzam+b+ha la dza len+d+rA ya swA hA:__yi ge'i grangs snyed 'bum bzlas pas:__gnod sbyin dbang po nye bar 'gyur:__de nas sgrub pa'i bzlas pa ni:__slar yang thugs ka'i 'od zer gyis:__mdun bskyed 'khor bcas thugs rgyud bskul:__gtum zhing sgeg pa'i gzi byin bskyed:__rdo rje'i sngags kyi sgra chen bsgrags:__ye shes 'od zer mkha' khyab 'phros:__stong gsum 'jig rten khams kun g.yos:__'khor 'das kun gyi bcud dang dpal:__lha klu mi yi longs spyod tshogs:__rang dbang med par 'ubs kyis bsdus:__bdag gi bang mdzod gnas khang dang :__yul phyogs thams cad phyur bur khengs:__dwangs ma rten rdzas rnams la thim:__yid bzhin 'dod 'jo'i dpal du bsam:__oM yak+Sha kA la dzam+b+ha la dza len+d+rA ya ba su d+hA rI sarba tsit+ta rat+na sid+d+hi hrIM hrIM:dzaHswA hA:__'bum phrag gzhi bzlas 'grub par 'gyur:__dngos gzhi bsnyen cing sgrub pa'i le'u ste gsum pa'o:__sa ma ya:__rgya rgya rgya:__thun mtshams rnams su mchod bstod dang :__gtor ma 'bul zhing chu sbyin bya:__ci 'byor tshogs kyi longs spyod dbul:__khyad par thugs dam skul ba ni:__spos bsreg snyan pa'i rol mo 'khrol:__mda' dar g.yab cing gdung shugs bskyed:__hU~M:__bkra shis yid 'ong 'grub pa'i zhing :__longs spyod gter gyi pho brang nas:__rigs kyi khyab bdag dzam+b+ha la:__btsun mo dpal ldan nor gyi rgyun:__nor lha rab 'byams tshogs dang bcas:__rtse gcig gus pas bsgrub lags na:__byams pa'i zhal bzang dus 'dir ston:__dgyes pa chen po'i gzi byin bskyed:__dngos bshams yid las byung ba yi:__nyer spyod 'dod yon sprin ltar btibs:__snod bcud ri gling 'byor pa'i tshogs:__bkra shis rtags rdzas rgyal srid bdun:__bum bzang 'dod 'jo dpag bsam shing :__gtor ma skyems phud ro bcud ldan:__zad mi shes pa'i longs spyod kyis:__g.yar dam bskang zhing nyams chags bshags:__mos shing gdung bas rgyud bskul na:__thugs rje thugs dam dbyings nas dgongs:__stong gsum 'khor 'das rab 'byams kyi:__snod kyi 'byung ba'i phywa g.yang khug:__bcud kyi 'byor pa'i phywa=__mdzes sdug gzugs kyi phywa=__snyan brjid sgra yi=__bsung zhim dri yi phywa=__bcud ldan ro yi=__'jam 'khril reg bya'i=__yid mthun chos kyi=__lha yi bdud rtsi'i=__klu yi nor bu'i=__gnod sbyin gter gyi=__gling bzhi mi yi=__pho brang mkhar gyi=__rigs brgyud sras kyi=__mnga' ris bde skyid phywA=__dpa' rtsal stobs kyi=__sra brtan go cha'i phywa=__rkang bzhi phyugs kyi=__lo tog 'bru bcud phywa=__bza' shing sman gyi=__zhim mngar zas kyi=__bkrag can gos kyi=__yid 'phrog rgyan gyi phywa=__brjid can nor gyi=__mkhas pa'i mkhyen rtsal phywa=__grub pa'i nus mthu'i phywa=__'phags pa'i spangs rtogs phywa=__dam pa'i chos kyi phywa=__bshad sgrub bstan pa'i phywa=__'chi med tshe yi phywa=__bsod nams dbang thang phywa=__snyan cing grags pa'i phywa g.yang =__dpal dang 'byor pa'i=__nad med bde ba'i phywa=__rgas med lang tsho'i phywa=__ci bsam 'grub pa'i phywa g.yang khug:__phywa khug g.yang skyobs dngos grub stsol:__bkra shis bde legs rgyas par mdzod:__oM dzam+b+ha la dza len+d+rA ya swA hA:__shrI ba su d+ha ri NI sarba sid+d+hi sdus sdus rat+na puSh+tiM pa shaM ku ru ho:__hU~M:__shar nas dngos grub stsol ba'i lha:__gnod sbyin sde dpon nor bu bzang :__btsun mo dpal ldan zla ba'i 'od:__sras 'khor sprul par bcas pa rnams:__rtse gcig gus pas bsgrub lags na:__byams pa'i zhal bzang sogs nas:__bkra shis bde legs rgyas par mdzod:__oM ma Ni b+ha drA ya tsan+d+rA kAn+t+yai swA hA:__sarba sid+d+hi sdus sdus rat+na puSh+tiM pa shaM ku ru ho:__hU~M:__lho nas dngos grub stsol ba'i lha:__gnod sbyin sde dpon gang ba bzang :__btsun mo dpal ldan nor sbyin ma:__sras 'khor sprul par bcas pa rnams:__rtse gcig gus pas sogs 'gre/__oM pur+Na b+ha drA ya dat+tA yai swA hA:__sarba sid+d+hi sdus sdus rat+na puSh+tiM pa shaM ku ru hoH__hU~M:__nub nas dngos grub stsol ba'i lha:__gnod sbyin sde dpon nor sbyin dang :__btsun mo dpal ldan rab sbyin ma:__sras 'khor sprul par bcas pa rnams:__rtse gcig gus pas sogs/__oM d+ha na dA ya su dat+tA ye swA hA:__sarba sid+d+hi sdus sdus rat+na puSh+tiM pa shaM ku ru ho:___hU~M:__byang nas dngos grub stsol ba'i lha:__gnod sbyin sde dpon rnam thos sras:__btsun mo dpal ldan 'phags ma dang :__sras 'khor sprul par bcas pa rnams:__rtse gcig sogs/__oM bai shra ma NA ya Ar+ya yai swA hA:__sarba sid+d+hi sdus sdus rat+na puSh+tiM ku ru hoH__hU~M:__shar lho'i dngos grub stsol ba'i lha:__gnod sbyin sde dpon rol pa'i phreng :__btsun mo dpal ldan rab bzang mo:__sras 'khor sprul par bcas pa rnams:__rtse gcig sogs/__oM ki li mA li ni su b+ha drA ye swA hA:__sarba sid+d+hi sdus sdus rat+na puSh+tiM pa shaM ku ru ho:___hU~M:__lho nub dngos grub stsol ba'i lha:__gnod sbyin sde dpon kuN+Da li:__btsun mo dpal ldan rab sbas ma:__sras 'khor sprul par bcas pa rnams:__rtse gcig sogs=__oM pi tsi kuN+Da li su gup+tA ye swA hA:___sarba sid+d+hi sdus sdus rat+na puSh+tiM pa shaM ku ru ho:__hU~M:__nub byang dngos grub stsol ba'i lha:__gnod sbyin sde dpon sgo yi dbang :__btsun mo dpal ldan mdzes ma dang :__sras 'khor sprul par bcas pa rnams:__rtse gcig sogs=__oM mu khan+d+rA+e ya de bya swA hA:___sarba sid+d+hi sdus sdus rat+na puSh+tiM pa shaM ku ru ho:__hU~M:__byang shar dngos grub stsol ba'i lha:__gnod sbyin sde dpon g.yo ba'i dbang :__btsun mo dpal ldan dbyangs can ma:__sras 'khor sprul par bcas pa rnams:__rtse gcig sogs=__oM tsa ran+d+rA+e ya swa ra swat+yai swA hA:___sarba sid+d+hi sdus sdus rat+na puSh+tiM pa shaM ku ru ho:__hU~M:__dkyil 'khor chen po'i sgo bzhi nas:__sgrub la bar chad zlog pa dang :__dngos grub stsol bar zhal bzhes pa'i:__mthu chen rgyal po chen po bzhi:__rang rang rigs kyi dpung bcas rnams:__rtse gcig sogs=__oM d+hr-iSh+ta rASh+tA ya bai ru D+ha kA ya bi rU pak+ShA ya bai shra ma NA ya swA hA:___sid+d+hi sdus sdus rat+na puSh+tiM pa shaM ku ru ho:__hU~M:__gzhan yang steng 'og bar mtshams nas:__dngos grub rin chen char 'bebs pa'i:__nor lha gter bdag rab 'byams tshogs:__rtse gcig sogs=__tad+ya thA:__oM hi li ma Ni b+ha dra:__hi li hi li ma Ni b+ha dra:__ki li ma Ni b+ha dra:__ki li ki li ma ni b+ha dra:__ku ru ma Ni b+ha dra:__ku ru ku ru ma Ni b+ha dra:__tu ru ma Ni b+ha dra:__tu ru tu ru ma Ni b+ha dra:__su ru ma Ni b+ha dra:__su ru su ru ma Ni b+ha dra:__tsu ru ma Ni b+ha dra:__tsu ru tsu ru ma Ni b+ha dra:__oM e h+ye hiH__tiSh+Tha tiSh+Tha:__sarba ar+tha me sA d+ha ni:__tad+ya thA:__su d+ha ni:__su ra s+yaHsu ma tiHsu pu+u khiHhi li mi li swA hA:___sarba sid+d+hi sdus sdus rat+na puSh+tiM pa shaM ku ru ho:__zhes bskul mchod pa'i dpung bskyed la:__sgrub pa'i skabs ltar dmigs pa gsal:__phywa g.yang longs spyod dngos grub mchog:__myur du 'grub par gdon mi za:__mthar ni mchod bstod nongs pa bshags:__mdun bskyed rten dang dbyer med bsam:__bdag nyid 'od zhu thugs srog hU~M:__mthing nag 'bar la sems bzung zhing :__de yang mi dmigs stong pa'i ngang :__lha dang snang ba chos nyid gsum:__dbyer med dgongs pa'i gding bskyed nas:__dmigs bsam spro bsdu bral bar bzhag:__rjes thob lha skur lam khyer zhing :__dge ba bsngo zhing smon lam gdab:__bdag gis bsnyen sgrub bgyis la sogs:__dge ba'i rtsa ba la brten nas:__'gro kun 'dod rgu'i dpal 'byor rgyas:__byang chub go 'phang myur thob shog:__bkra shis brjod cing me tog 'thor:__de ltar thun bzhir brtson pa yis:__dbang po skal ba'i khyad par bzhin:__dngos nyams rmi lam ci rigs par:__nor lha dgyes pa'i zhal mthong zhing :__sngags kyi sgra thos dbugs dbyung thob:__ting 'dzin gsal brtan ye shes 'char:__phyag mtshan rnyed dang gter chen brdol:__gnas khang byin chags snum 'od 'bar:__spos dang mar me yun ring 'tsho:__yul phyogs chu klung rtsi shing dang :__me tog 'bras bu lo tog rgyas:__rta phyugs rgab dang gzhon chu 'phel:__kha zas bcud ldan sris smre zhing :__lang tsho gos rgyan bkrag mdangs rgyas:__nyams dga' bag pheb yid spro zhing :__mi dang mi min 'du ba dang :__'byor pa ngang gis rgyas pa rnams:__nor lha 'grub pa'i rtags su shes:__gnod sbyin sgrub pa gzhan gy-i tshe:__sgab 'dre'i bar chad 'byung srid kyang :__'di ni rdo rje mi bskyod pa:__khros pa'i nor lha'i rigs yin phyir:__bgegs rnams ngang gis zil gyis gnon:__bka' btsan byin che brtan par gsungs:__de phyir nor sgrub mthar thug go:__grub pa'i rtags ni mthong ba dang :__phrin las dngos grub blang ba'i phyir:__gza' tshes shis pa'i nyi shar la:__rang nyid zhwa gos rgyan chas spras:__mdun bskyed dkyil 'khor lha tshogs la:__gtor ma tshogs mchod rgya cher 'bul:__nongs tshogs bzod gsol sngon 'gro bas:__gdung shugs thugs dam rtse gcig bskul:__de nas dngos grub gsol ba ni:__hU~M:__dpal ldan rdo rje dzam+b+ha la:__yab yum sras 'khor sprul par bcas:__dang por gdung bas rtse gcig bsnyen:__bar du dngos grub ting 'dzin bsgrub:__da lta gsol ba'i dus lags na:__sngon gyi zhal bzhes dam bcas ltar:__thugs rje thugs dam dbyings nas dgongs:__ye shes chen po'i mthu rtsal skyed:__byin gyis rlobs shig bar chad sol:__'dod rgu'i longs spyod char ltar phob:__sku gsung thugs yon phrin las kyi:__dngos grub ma lus stsal du gsol:__sngags mthar sarba sid+d+hi pha la hU~M:__zhes btags dngos grub spyir blangs nas:__bye brag so sor blang ba ni:__oM:__bcom ldan mgon po dzam+b+ha las:__'gyur med sku yi sgo phyes la:__gzi brjid stobs kyi dngos grub stsol:__sku yi rdo rjer bdag sgrubs shig:__kA ya sid+d+hi oM:__zhes brjod sku rten spyi bor blang :__sku yi dngos grub kun thob bsam:__gsung rten tsakra mgrin par blang :__AH__bcom ldan mgon po dzam+b+ha las:__'gag med gsung gi sgo phyes la:__nus rtsal sngags kyi dngos grub stsol:__gsung gi rdo rjer bdag sgrubs shig:__wA ka sid+d+hi AH__thugs rten thod pa snying gar blang :__hU~M:__bcom ldan mgon po dzam+b+ha las:__'khrul med thugs kyi sgo phyes la:__mkhyen brtse ye shes dngos grub stsol:__thugs kyi rdo rjer bdag sgrubs shig:__tsit+ta sid+d+hi hU~M:__yon tan gtor ma lte bar blang :__swA:__bcom ldan mgon po dzam+b+ha las:__'dod 'byung yon tan sgo phyes la:__longs spyod rgyan gyi dngos grub stsol:__yon tan rdo rjer bdag sgrubs shig:__gu Na sid+d+hi swA:__phrin las rdzas rnams mdun du dgram:__hAH__bcom ldan mgon po dzam b+ha las:__thogs med phrin las sgo phyes la:__gang 'dul yid bzhin dngos grub stsol:__phrin las rdo rjer bdag sgrubs shig:__karma sid+d+hi hA:__bza' bca' btung ba'i phud kyang myang :__de nas rten rnams dal dbus dgod:__slar yang mchod bstod brtan bzhugs dang :__shis pa brjod pa rgya cher bya:__sku gsung thugs kyi rten rnams ni:__rang gi lus la 'chang ba'am:__ma grub mdzod kyi nang phug tu:__rten gtor rdzas dang bcas pa rnams:__mi nyams tshas dang bcas te sba:__skabs su longs spyod phud kyis mchod:__de ltar sbyor dngos rjes gsum gyis:__nor lha bsgrub pa mthar phyin na:__tshe ring nad med bar chad zhi:__'byor pa yid bzhin gter chen brdol:__yul phyogs dge zhing bkra shis skyed:__dbul ba'i gdung ba kun dang bral:__bsam pa thams cad yid bzhin 'grub:__dam tshig ma nyams bsrung ba yis:__tshe rabs gang nas gar skyes kyang :__gter bdag rnams dang mi 'bral 'grogs:__nam mkha'i mdzod la dbang bsgyur bas:__bsod nams sbyin pa'i phar phyin rdzogs:__myur du byang chub skal ldan 'gyur:__rjes skul zhing dngos grub blang ba'i le'u ste bzhi pa'o:__sa ma ya:__rgya rgya rgya:__de ltar dngos grub grub pa yis:__las kyi rim pa bsgrub 'dod na:__spyi dang bye brag gang yang rung :__phrin las kha bsgyur tsam gyis 'grub:__spyir ni 'byor pa spel ba'i phyir:__'byung bzhi yongs rdzogs las sbyor bya:__dpal can shis pa'i sa zhag ni:__snum 'od ldan pa blangs nas kyang :__rin chen 'bru sman sogs bsres pa'i:__'jim pa byin brlab sAts+tsha gdab:__nang du srog gi 'khor lo'am:__sngags dang 'dod gsol shog dril bcug:__dkyil 'khor yongs rdzogs bskyed bstim bsgrub:__gtsug lag sgo gong mdzod kyi phug:__rgyab ri dpal dang ldan pa'i sar:__rdza yi ga 'ur tshas dang bcas:__bzhugs la rab gnas 'dod gsol bya:__sa gzhi dge zhing shis pa dang :__byin che bkrag mdangs snum zhag 'khyil:__lo tog bza' shing rtsa phyugs 'phel:__chos dang srid kyi 'du ba rgyas:__yun du brtan cing dge bar 'gyur:__rgya mtshor 'babs pa'i chu bo'i 'gram:__rdzing bu bcos la maN+Dal bsham:__sku gsung thugs rten ci rigs mdun:__chu yi mchod sbyin rgya cher phul:__mthar ni rdzing nyid chu bor drang :__yang na chu mig 'phan bzang 'gram:__de ltar mchod bstod gsol ba yis:__char chu dus 'bebs btsa' than zhi:__'bru nor longs spyod phun tshogs dpal:__'dzad med chu bo'i rgyun bzhin 'gyur:__rgyas pa'i thab khung mtshan rdzogs par:__'bras ldan dri bzang bud shing brtsig:__me sbar dzaM la 'khor bcas bskyed:__zas gos 'bru nor la sogs pa:__gang 'dod gtsor gyur bsreg rdzas sbyin:__'byor pa me ltar 'bar ba thob:__gtso 'khor yongs rdzogs sngags kyi mthar:__gsol byang sbyar ba'i tsakra ni:__lhar bskyed rab tu gnas pas bsgrub:__mthun phyogs mthun pa'i rlung la bskor:__'byung ba rlung la las bcol bas:__bsod nams snyag grags stong gsum khyab:__khyad par yongs rdzogs gter chen po'i:__bum pa bzang po'i sgrub thabs ni:__zangs sam rdza yi bum pa'i nang :__dri dang dpal g.yang rdzas kyis byugs:__sa chu shing dang me tog 'bru:__gang rnyed gtsang mar gzhi byas la:__lnga tshan lnga yi rdzas dang ni:__'byung bzhi'i dwangs bcud gser thig po:__me chu'i shel dang ga bur dri:__zas gos rta phyugs spu sna'i rigs:__rin chen kha dog sna lnga dang :__bil ba la sogs shing tog bcas:__dpal 'byor rdzas kyis phyur bur gtams:__snying po sku dang sngags byang dang :__srog 'khor rgyas bsdus gang rigs gzhug:__ma d+hal dbus bsham tshul bzhin bsgrub:__lha khang rgyal po'i khab kyi rtse:__mdzod kyi phug dang zhing sa bzang :__'phen phyug chu dang dpal can rir:__sbas shing brtan bzhugs bkra shis brjod:__phyogs de'i snod bcud nyams pa gso:__dpal 'byor zad med rgya mtsho 'khyil:__brtan cing bkra shis bde legs 'gyur:__bye brag yi ge bcu po la:__brten nas sna tshogs las sbyor ni:__oM gyis tshangs pa'i tshe bsgrub phyir:__snying po lnga yi 'brang rgyas dang :__bza' btung tshe yi dam rdzas bsham:__bdag mdun sgrub pa'i tshul bzhin bya:__mdun bskyed thugs kar oM yig mthar:__tshe yi rig pas bskor ba las:__lcags kyu lta bu'i 'od zer 'phros:__rang dang bsgrub bya'i tshogs rnams kyi:__bla tshe srog dbugs yar ba dang :__brtan g.yo'i tshe bsod dwangs bcud kun:__'od zer bdud rtsi'i rnam par bkug:__bdag dang sgrub pa'i rdzas la thim:__'chi med rig 'dzin 'grub par bsam:__oM dzam+b+ha la dza len+d+rA ya badz+ra A yu She swA hA:__'bram phrag gcig gis tshe bsod 'phel:__tshangs pa'i tshe dang ldan par 'gyur:__mthar ni 'brang rgyas rten du bzung :__tshe yi bza' btung longs spyod do:__dzaM gyis gnod sbyin dbang po dang :__mtshungs pa'i bsod nams bskyed pa ni:__rin chen sa las glang po che:__rab brjid skye mched dod par bcos:__lte bar 'bru sman rin chen dang :__srog gi 'khor lo gzhug byas la:__lha bskyed tshul bzhin bsgrubs pa'i sngags:__oM dzam+b+ha la dza len+d+rA ya dzaM b+he mo he ma hA puN+ye puSh+tiM ku ru swA hA:__khri bzlas mdzod kyi phug tu sba:__dus bzang rnams su mchod par bya:__bsod nams gzi byin 'bar bar 'gyur:__b+ha yis 'jigs pa kun bsrung ba:__rdo rje mkhar gyi rig pa ni:__mdun bskyed thugs ka'i hU~M yig las:__'bar ba'i gnod sbyin gtum po mthing :__tho ba lcags kyu thogs pa'i tshogs:__grangs med phyogs mtshams kun tu 'phros:__bdag dang bsrung bya'i tshogs rnams la:__gnod cing 'tshe ba'i dgra dang bgegs:__me chu dug mtshon byad phur gdon:__chom rkun gcan gzan gtum po sogs:__ma rungs thams cad rgyang ring bskrad:__gal te mi 'gro 'tshe byed rnams:__lcags kyus bzung zhing tho bas brdungs:__rjes shul lhag ma med par bcom:__tshur 'dus rdo rje srung ba'i gur:__yangs shing rgya che sra brtan 'bar:__me 'od mtshon cha 'phro ba yis:__'jigs pa thams cad mtshams bcad bsam:__oM dzam+b+ha la dza len+d+rA ya karma yak+Sha sarba duSh+tAn hU~M phaT:__sarba b+ha ya rak+Sha rak+Sha mAM swA hA:__khri phrag gcig gis 'grub par 'gyur:__skud pa nag po sum bsgril la:__rdo rje'i mdud pas btab la bsngags:__gang gi mgul lam dpung par 'chang :__'jigs pa'i tshogs rnams ci byung yang :__rdo rje'i mkhar du tshud dang 'dra:__la yis dpal 'byor blang ba ni:__lcags kyu'i me tog khab len rdo:__'dod pa'i chu dang lan tsha'i ro:__ga bur dri sbyar ril bu dril:__bdag mdun bskyed cing mdun bskyed kyi:__thugs kar rjes chags laM yig dmar:__de las 'od byung ril bur thim:__dpal gyi 'byor pa chen po yang :__dbang med 'phrog pa'i mthu ldan bsam:__oM dzam+b+ha la dza len+d+rA ya ma hA rat+na laM b+ha ya wA shaM ku ru swA hA:__khri bzlas sngags btab ril bu las:__'od dang du ba'i rtags byung na:__rang rang dpal 'byor gang 'dod pa'i:__rdzas dang gzugs la bdug pa yis:__pha rol stobs dang dpal 'byor kun:__rang dbang med par blang bar 'gyur:__dza yis rigs brgyud spel ba ni:__rin chen bum pa bzang po'i nang :__rgyun 'babs chu sna dgu yis dgang :__gur gum gi waM sa le sbram:__g.yu rnying dpal 'bras bu trA dzaM:__shu dag dkar po dang bcas gzhug:__gnod sbyin dkyil 'khor bskyed cing bzlas:__oM dzam+b+ha la dza len+d+rA ya ma hA puN+ya pu tra dza dzaHswA hA:__dzaHyig lcags kyu'i 'od zer gyis:__rigs brgyud 'phel ba'i nus bcud bsdus:__bum lha'i thugs kar thim par bsam:__khri bzlas srid 'phel dngos grub 'gyur:__bum lha 'od zhu bdud rtsir bsam:__mtshan ldan ma la dus su btang :__'bri mar dang sbyar ril bu bza':__las dang sbyar la du bas bdug:__des ni srid kyi mtsho rdol 'gyur:__len gyis nor phyugs 'bru bcud spel:__rtsi dang 'bru mar sbrang rtsi yis:__'bru sna yungs kar ma rmos 'bras:__se 'bru rgun 'brum spol byas la:__ga bur gi waM dri yis bsgyur:__rin po che yi snod du blugs:__mdun bskyed thugs srog sa bon las:__spel byed len gyi yi ge'i gzugs:__gser ltar 'bar ba bdud rtsir bcas:__dpag med byung nas rdzas la thim:__nor phyugs 'bru bcud spel ba yi:__nus pa mchog gi bcud du bsam:__oM dzam+b+ha la dza len+d+rA ya sarba ba su sid+d+hi d+ha ni me d+hi puSh+tiM ku ru swA hA:__khri bzlas dri sogs rtags byung na:__'bri brgya'i mar dang 'o ma sbyar:__phyugs la btang bas sgab 'phel zhing :__dkar chu rgyas dang nad yams zhi:__lhas mal dag tu gtor yang phan:__zhing dang skyed mos tshal sogs la:__gtor bas lo nad zhi ba dang :__myu gu 'bras bu 'phel bar 'gyur:__drA yis yo byad spel ba ni:__rin po che dang dpal chen sar:__'brang rgyas nor bu 'bar ba bzhengs:__gzungs dang dpal 'phel rdzas bcug la:__nor lhar bskyed bzlas bsgrub par bya:__oM dzam+b+ha la dza len+d+rA ya sarba dra byaM s+pha ra Na bar d+ha naM swA hA:__khri bzlas rten la brtan bzhugs bya:__de nyid yo byad gang 'dod kyi:__rdzas dang bcas te bum par bcug:__mdzod kyi phug tu sbas pa yis:__zas nor gos sogs gang 'dod pa:__'dzad med gter chen rdaul bar 'gyur:__ya yis snyan grags spel ba ni:___rgyal mtshan tog tu 'khor lo gzhug:__maN+Dal dbus bsham lhar bskyed bzlas:__oM dzam+b+ha la dza len+d+rA ya ma hA ya sho ba ti ru ru tsa le swA hA:__khri phrag bzlas pas 'grub par 'gyur:__khyad par sngags kyi nus pa ni:__skad snyan dbyings legs dung la bstim:__gtsug lag khang ngam pho brang dang :__rang gi gnas khang sogs kyi rtser:__rgyal mtshan 'dzugs shing dung skad bskul:__mchod sbyin tshogs bsog spel ba yis:_bsod nams chen po'i snyan pa ni:__phyogs kun ngang gis grags pa dang :__dge 'dun chos srid legs tshogs 'du:__bla na med pa'i las sbyor ro:__swA yis kun la dbang bsgyur ba'i:__mnga' thang chen po bsgrub pa ni:__tsakra gser gyi 'khor lo dang :__ne'u le'i gzugs sam rkyal par gzhug:__dkyil 'khor dbus su lding khrir bzhag:__mnga' dbul mchod tshogs dpung bskyed la:__bdag mdun dkyil 'khor tshul bzhin bsgrub:__oM dzam+b+ha la dza len+d+rA ya ma hA shrI b+hU ti s+pha ra Na khaM swA hA:__khri phrag bzlas pas nus ldan bya:__'khor lo gnas kyi rtse mo'am:__sgo khang steng du legs par brgyan:__ne'u le mdzod dam khyim phug sba:__dpal gyi 'byor pa chen po yi:__mnga' thang 'khor los sgyur ba thob:__hA yis don kun bsgrub pa dang :__dge legs bkra shis spel ba ni:__sa spyin bzang po bkra shis dang :__dpal can rdzas bcas za ma tog:__rin chen zur brgyad dbyibs su bya:__dbus su srog gi 'khor lo ni:__shing tog bil ba lhan cig gzhug:__phyogs mtshams rdzas rtags sna bdun sogs:__dngos sam ri mor bris pa dang :__dpal dang bkra shis rdzas kyis bkang :__dkyil 'khor dbus bzhag tshul bzhin bsgrub:__thugs srog hA ljang 'od 'bar ba'i:__snang bas 'khor 'das kun tu khyab:__'phags pa rnams kyi ye shes dang :__don kun grub pa'i thugs bskyed stobs:__'jig rten 'jig rten 'das pa yi:__bkra shis bde legs yon tan dpal:__'od zer rnam par mer gyis bsdus:__bdag dang sgrub pa'i rten la thim:__bde legs bkra shis rgyas par bsam:__oM dzam+b+ha la dza len+d+rA ya sarba ar+tha sid+d+hi swa sti swa sti b+h+rU~M b+h+rU~M puSh+tiM ku ru swA hA:__khri phrag bzlas pas brtan par bya:__mthar ni brtan bzhugs shis pa brjod:__srid pa'i ru sbal gzugs kyi nang :__rin chen 'bru sman tshas bcas gtams:__yul gyi ri dang mkhar khang rtse:__khyim gyi phug dang sgo khang steng :__sgrub pa'i khang pa la sogs par:__sbas shing brtan bzhugs bkra shis brjod:__des ni bsam don yid bzhin 'grub:__dpal 'byor bkra shis bde legs 'phel:__phyogs rnams kun tu dge bar 'gyur:__de ltar mtha' rgyas las kyi rim:__bsnyen sgrub them zhing dam tshig gtsang :__byang chub sems ldan rnal 'byor pas:__rang gzhan don du gang brtsams 'grub:__rjes kyi mtha' rgyas las sna tshogs sgrub pa'i le'u ste lnga pa'o:__sa ma ya:__rgya rgya rgya:__de lta'i bsnyen sgrub las gsum gyi:__snod du rung zhing nus thob phyir:__srog gi dbang bskur zab mo ni:__dkyil 'khor rten rdzas tshogs pa dang :__lha yi bum pa bcud ldan bsham:__bdag mdun bskyed bzlas nus pa blang :__bum par gsang ba'i bdag po bskyed:__bzlas pa bya zhing 'od du bzhu:__de nas slob ma snod ldan rnams:__dag pa'i khrus bya bgegs bsal bsrung :__rin chen la sogs gces pa'i rdzas:__phongs med maN+Dal rgya cher 'bul:__thal sbyar gus pas gsol ba gdab:__bla ma gsang bdag dpa' bo che:__bdag la brtse bas nyer dgongs nas:__gnod sbyin sde dpon dzam+b+ha la'i:__dngos grub dbang bskur stsal du gsol:__lan gsum zhu zhing dam tshig 'bogs:__'di ni yak+Sha kA la che:__bka' gnyan byin rlabs nus stobs bdag:__dam tshig srog bzhin bsrung nus na:__dbang bskur sbyin gyi gzhan du min:__zhes bsgo dam tshig bdud rtsi sbyin:__bus kyang khas blang bro bor bya:__rgyud sbyang dam tshig gnod sbyin gsal:__ye shes sems dpa' dbab cing brtan:__de nas bum pa spyi bor bzhag:__oM:__bkra shis bum pa'i pho brang na:__gsang bdag 'od zhu bdud rtsi'i chus:__skal ldan bu la dbang bskur bas:__gnyen po stobs kyi dbang thob shog:__sngags mthar ka la sha a mr-i ta a b+hi Shiny+tsa mi:__bdud rtsis lus gang dri ma dag:__rigs bdag mi bskyod phyag rgyas gdab:__sgrub pa'i sku rten dpral bar bstim:__oM:__yak+Sha kA ya dzam b+ha la'i:__rdo rje'i sku'i dbang bskur bas:__lha tshogs bsgom pa'i snod du gyur:__ye shes gzi byin 'bar bar shog:__bsnyen sngags mthar kA ya a b+hi Shiny+tsa oM:__bsnyen dang sgrub pa'i bzlas lung sbyin:__srog 'khor glegs bam mgrin par bzhag:__AH__yid bzhin 'dod 'jo'i nor bu sngags:__rdo rje'i gsung gi dbang bskur bas:__bzlas shing sgrub pa'i snod du gyur:__dngos grub nus rtsal rdzogs par shog:__wA ka i b+hi Shiny+tsa AH__ban+d+ha rdzas bcas snying gar bzhag:__hU~M:__rang byung 'od gsal kA pA la:__rdo rje'i thugs kyi dbang bskur bas:__ting 'dzin dgongs pa'i snod du gyur:__lha dang chos nyid dbyer med shog:__tsit+ta a b+hi Shiny+tsa hU~M:__gtor ma rin chen lte bar bzhag:__swA:__gtor ma 'dod 'byung nam mkha'i mdzod:__yon tan rgyan gyi dbang bskur bas:__dpal 'byor bsgrub pa'i snod du gyur:__'dod rgu'i char chen 'bebs par shog:__gu Na a b+hi Shiny+tsa swA:__de nas thugs dam bskul byas la:__dpal chen rdzas rnams lag tu gtad:__hAH__'khor 'das phywa g.yang 'dus pa'i bcud:__phrin las rdzas kyi dbang bskur bas:__tshe bsod dpal 'byor snyan grags dang :__stobs rtsal legs tshogs rgyas par shog:__karma a b+hi Shiny+tsa hA:__mtha' rten tshe yi dngos grub phyir:__'brang rgyas lhar gsal spyi bor bzhag:__b+h+rU~M:__'khor 'das tshe la dbang bsgyur ba:__mgon po 'chi med dzam+b+ha las:__rigs kyi bu la dbang bskur bas:__mi 'gyur rdo rje'i srog 'grub shog:__sngags brjod bza' btung rdzas kyang sbyin:__bkra shis dge ba'i yo byad kyis:__mnga' gsol tshigs su bcad pa brjod:__dam tshig bsgrag cing 'dzin du gzhug:__gtang rag dbul zhing dga' ston bya:__des ni nor bdag dzam+b+ha la'i:__byin rlabs ye shes rgyud la smin:__dngos grub sgrub pa'i nus ldan zhing :__rang gzhan don kun 'grub par 'gyur:__snod rung byin rlabs dbang bskur gyi le'u ste drug pa'o:__sa ma ya:__rgya rgya rgya:__de ltar dbang bskur thob pa dang :__bsnyen sgrub brtson pa'i rnal 'byor pas:__dngos grub srog 'dzin dam tshig ni:__snying dang mig las gces par bzung :__nor lha mchod pa la brten nas:__'byor pa'i khyad par ci byung yang :__cung zad tsam yang ma zhen par:__rmi lam sgyu ma lta bu'i ngang :__phud kyis dkon mchog rten gsum bzhengs:__mar me la sogs mchod rgyun 'dzugs:__phyogs bcu'i dge 'dun bsnyen bkur zhing :__pha ma nad pa dka' thub can:__rgan rabs rnams la tshim par gtang :__bar pa rang dang nye 'khor gyis:__phung khams lha tshogs mchod pa'i blos:__bza' btung gos rgyan 'byor par bya:__lhag ma dbul zhing phongs pa la:__khong mi 'khrugs shing snying brtse bas:__gtan pa med pa'i sbyin par spel:__srog bslu bya zhing zam pa 'dzugs:__'gras dang 'khrugs pa nor gyis bzlum:__yul phyogs dge ba'i las rnams bya:__de ni phyi yi dam tshig go:__nor lha bsnyen cing sgrub pa dang :__khyad par chu sbyin ma chags gtang :__tshes brgyad sogs la lhag par mchod:__shin tu gsang bas nyams su blang :__gzhan la bka' rgya dam par spel:__dpe dang lag len lhag par bsdom:__rang gzhan dbul phongs ci byung yang :__nor lha mchod pa ma gtogs par:__log 'tsho sgrub pa'i bya ba spang :__mdor na gnod sbyin nor lha dang :__yi dam dbyer med snying ltar bcang :__dam tshig gcig gis 'brel ba yi:__mched lcam rnams la lhag par yang :__byams dang bsnyen bkur ci nus bya:__de ni nang gi dam tshig go:__khyad par gdams pa zab mo 'di:__gang las nod pa'i bla ma de:__mi bskyod rdo rje sems dpa' dang :__gsang bdag nor lha dbyer med par:__mos gus gdung shugs rgyun mi bcad:__'byor pa gang byung phud dang ni:__bu dang bu mo nor gyi dbyig:__na bza' bcud ldan zhal zas sogs:__gces dang yid 'thad rtag tu dbul:__gsung zur tsam yang gcag mi bya:__'dzum zhing gus pas gsong por gsol:__thugs bzung mnyes pa'i bya ba bsgrub:__rang sems lha dang bla ma dang :__'byor pa'i yo byad la sogs pa:__'khor gsum bden 'dzin bral ba'i ngang :__don gyi dgongs pa'i srog gzung bya:__de rnams gsang ba'i dam tshig go:__de ltar dam tshig rab bsrung na:__gnod sbyin nor lha ma bsgrub 'grub:__tshe ring nad med dpal 'byor 'phel:__mtho ris thar pa'i mchog thob 'gyur:__dngos grub kyi srog dam tshig gis bzung ba'i le'u ste bdun pa'o:__sa ma ya:__rgya rgya rgya:__gnod sbyin nor lha'i rgyud kyi don:__man ngag lag len dmar khrid 'di:__da lta'i rje blon 'dus pa dang :__ma 'ongs 'gro la snying brtse'i blos:__bdag nyid pad+ma sam b+ha bas:__shin tu gsal zhing 'dril bar bsdus:__dpe rgyun 'dra min gsum byas te:__gcig ni lha ri brag tu sbaus:__mnga' bdag sras kyi skye bas rnyed:__gcig ni mon gyi chu phug gtams:__dge slong mchog dbyangs skal par 'gyur:__zab cing rgya che'i snying po 'di:__thugs kyi gzungs ma mtsho rgyal mas:__spa gro cal gyi brag tu sbos:__brag btsan dmar por gnyer du gtod:__sngags 'chang rdo rjes byin brlabs pa:__hU~M gi ming can dpa' bos 'don:_chig brgyud tshul du spel byas na:__dus mthar gsal zhing rgyas par 'gyur:__bod khams dbul phongs sdug bsngal zhi:__'byor pa mi zad gter dang 'phrad:__snod bcud phywa g.yang dpal 'phel bas:__bstan dang 'gro la phan par shog:__a+thi+-i:__sa ma ya:__rgya rgya rgya:__gter ston bal po a hU~M 'bar gyis spa gro cal gyi brag dmar nas spyan drangs pa'o//__//_
