JKW-KABAB-08-NYA-011-wylie

🚧 This website is under continued development. We appreciate your patience!

\u0f01\u0f83:__:yang zab thugs rje chen po rgyal ba rgya mtsho'i gdams pa ye shes 'od kyi snying po bzhugs:__123456\u0f7f__thugs rje chen po la phyag 'tshal lo:__thugs rje chen po rgyal ba rgya mtsho'i gdams pa:__'phrad chog blo bde:__ye shes 'od kyi snying po o rgyan gyi mkhan po pad+ma badz+ra gyis gnubs kyi sngags 'chang chen po sangs rgyas ye shes dang bdag bud med ye shes mtsho rgyal la gdams pa 'di la don gsum ste:__sgrub pa'i thabs dang :__phrin las lam khyer dang :__dbang bskur ba'o:__dang po ni:__dbang thob dam ldan rnal 'byor pas:__dben pa'i gnas su 'brel pa bcad:__mdun mkhar skyabs yul gsal btab ste:__skyabs sems tshogs bsag sdom pa bzung :__tshad med rnam bzhis blo sbyangs la:__dam tshig gsal btab byin gyis brlab:__ye shes drang bstim dbang rgyas gdab:__bskyed pa lha yi gsal snang 'don:__bzlas pa sngags kyi 'phro 'du bya:__thun mtshams dam rdzas gtor mas mchod:__'od gsal bsdu zhing lha skur ldang :__bsngo smon shis brjod spyod lam bskyang :__zhes pas gnas dben zhing byin rlabs dang ldan pa:__me tog dkar po skye ba:__gzhi bdag dkar phyogs skyong bas bsrungs pa'i sgrub khang du:__dbang thob pa:__dam tshig dag pa:__bla ma thugs rje chen po dbyer mi phyed pa'i mos gus dang ldan pas kha la sogs pa dag par byas nas stan bde ba la skyil mo krung gis 'dug ste:__nam mkha' gang ba'i skyabs yul rnams kyi spyan sngar bdag dang mkha' mnyam gyi sems can thams cad skyabs su gsol zhing sems bskyed par bsams la skyabs sems ci nus bya:__yan lag bdun gyis tshogs bsag:__sdom pa bzung :__tshad med bzhis blo sbyang :__tshogs zhing rnams rang la thim pas rgyud byin gyis brlabs par bsams la gsal stong rnam par mi rtog pa'i ngang du sems bzung :__de nas:__oM ma hA shU n+ya tA dz+nyA na badz+ra swA b+hA ba At+ma ko\u0f85haM:__stong pa'i ngang las snying rje'i rang gdangs ye shes sgyu ma'i tshul du shar ba las:__'byung bzhi rim brtsegs ri rab dang bcas pa'i steng du rdo rje srung ba'i 'khor lo me 'od rab tu 'bar bas phyogs thams cad du bskor ba'i dbus su rin po che'i gzhal med khang mtshan nyid thams cad yongs su rdzogs pa dang sna tshogs pad+ma 'dab ma bzhi pa'i lte bar nyi zla'i dkyil 'khor gyi lte bar so so rang rig pa'i ye shes kyi ngo bo nyi zla kha sbyor hrIHdmar po dang bcas pa 'od kyi gong bur 'dril ba yongs su gyur pa las:__rang nyid skad cig gis thugs rje chen po rgyal ba rgya mtsho sku mdog dmar po pad+ma rA ga'i mdangs can zhal gcig phyag bzhi pa:__phyag dang po gnyis thugs kar thal mo sbyar bas rdo rje dmar po rtse lnga pa bsdams shing :__g.yas 'og mas mu tig dmar po'i phreng ba dang :__g.yon 'og mas ut+pal dmar po'i sdong bu 'dzin pa:__yum gsang ba ye shes kyi mkha' 'gro dmar gsal DA ru dang bdud rtsi'i thod pa bsnams pas 'khril ba:__gnyis ka'ang zhi zhing 'dzum la chags pa'i rnam 'gyur rgyas pa cung zad khro bo'i tshul dang bcas pa:__dar dang rin po che dang rus pa dang me tog gi phreng bas brgyan pa:__zhabs rdo rje dang pad+ma'i skyil mo krung gis ye shes kyi 'od lnga 'bar zhing 'phro ba'i klong na rgyal ba rgya mtsho'i khyab bdag chen por bzhugs pa'i sbyor mtshams nas snyoms 'jug bde ba'i ye shes yi ge'i sprin du 'phros 'dus yongs su gyur pa las:__'dab bzhi'i shar du hU~M las mi bskyod thugs rje chen po mthing gsal:__lhor trA~M las rin 'byung thugs rje chen po ser gsal:__nub tu oM las rnam snang thugs rje chen po dkar gsal:__byang du AHlas don grub thugs rje chen po ljang gsal:__thams cad kyang rgyan cha lugs gtso bo dang mtshungs pa:__rang 'od kyi yum gsang ba ye shes ma dang mnyam par sbyor ba:__sgo bzhir a ri ni sa las rigs bzhi'i mkha' 'gro phyogs kyi mdog can:__g.yas so so'i rigs kyi mtshan mas yu ba byas pa'i gri gug dang :__g.yon thod khrag bsnams pa:__dar dang rin chen rus pa'i rgyan can zhabs skyil krung phyed pa'i gar stabs kyis pad nyi ro'i gdan la rol pa:__gtso 'khor thams cad kyi gnas gsum du zla nyi rdo rje oM AHhU~M gis mtshan pas sangs rgyas thams cad kyi sku gsung thugs rdo rje'i rang bzhin du byin gyis brlabs:__thugs ka'i sa bon gyi 'od zer dang :__snyoms par zhugs pa'i bde ba chen po'i rol mos ye shes kyi 'khor lo mkha' khyab tu sad par gyur:__badz+ra sa mA dza:__dzaH hU~M ba~M hoH__dam tshig dang ye shes dbyer med du gyur pa'i thugs srog las 'phros pa'i 'od zer gyis dbang gi lha nam mkha' gang bar bzhugs pas byang chub sems kyi bdud rtsis spyi bo nas dbang bskur:__oM sarba ta thA ta a b+hi She ka ta hrIHhU~M trA~M oM AHab+hi Shiny+tsa mi:__dbang gi chu rgyun spyi bor brtan pa las snang ba mtha' yas tshe dpag med sogs rigs kyi gtso bor gyur pa'i de bzhin gshegs pa rigs lngas dbu brgyan par gyur:__lus gnad bsrang rlung ro bsal 'og rlung cung zad 'then:__bar rlung thad kar brgyangs te rlung sems lha sku ro gcig pa'i ngo bo stong pa:__rang bzhin bde ba:__rnam pa gsal ba la rtse gcig tu sems bzung bas snang stong lha sku'i ting 'dzin gsal ba gsum ldan rim gyis 'grub par 'gyur ro:__bskyed pa'i yan lag tu bzlas brjod bya ba ni:__yab kyi thugs kar pad nyi la gnas pa'i ye shes sems dpa' rta mgrin dmar po pad+ma b+hany+dza bsnams pa:__de'i thugs ka'i klong du zla dkyil hrIH yig sngags phreng gis bskor ba las 'od zer 'phros:__dkyil 'khor gyi lha tshogs rnams gsal bar byas:__thams cad kyi thugs srog sa bon dang bcas pa las 'od zer phyogs bcur 'phros:__rtsa gsum rgyal ba rab 'byams thams cad mchod cing thugs dam gyi rgyud bskul:__sems can thams cad kyi sgrib gnyis bag chags dang bcas pa sbyangs te 'jig rten dbang phyug thugs rje chen po'i go 'phang la bkod:__'khor 'das kyi dwangs bcud ye shes thams cad bdag la thim pas dngos grub rnam gnyis stsal zhing brtan par gyur:__oM AHhU~M hrIHoM ma Ni pad+me hUM:__d+hu ma g+ha ye na maHswA hA:__ha ri ni sa sarba sid+d+hi hU~M:__mi tshig gis bar ma chod par 'bum phrag bzhi bzlas pas dngos nyams rmi lam du 'phags pa'i zhal mthong :__sngags kyi sgra thos:__ye shes rgyud la shar:__gnas gsum gyi mkha' 'gro'i 'du ba thob:__'brel tshad 'phags pa'i go 'phang la 'god par 'gyur ro:__thun thams cad kyi mthar ci 'byor pa'i dam rdzas dang bcas pa'i gtor ma bsham:__ra~M ya~M kha~M gis bsang sbyang :__stong pa'i ngang las rlung me thod pa'i sgyed bu la gnas pa'i ka pA lar sha lnga bdud rtsi lnga rigs lnga ye shes lnga'i sa bon bskol zhing 'od du mer gyis zhu ba las gtor ma bdud rtsi'i rgya mtsho 'dod yon rgya mtsho'i gter chen por gyur:__oM AHhU~M ha ho hrIH__rang gi thugs ka'i sa bon las 'od zer 'phros pas rang bzhin chos sku'i dbyings las 'gag med sgyu 'phrul gyi rol mo 'jig rten dbang phyug thugs rje chen po'i dkyil 'khor gnas gsum gyi dpa' bo mkha' 'gro'i tshogs dang bcas pa mdun gyi nam mkhar badz+ra sa mA dzaH__dzaHhU~M ba~M hoH__ma sUr+Ya tsan+d+ra ka ma lA ya s+t+waM:__lha rnams kyi ljags rdo rje rtse gcig pa'i 'od kyi sbu gus gtor ma'i bcud drangs shing gsol bas dges par gyur:__sngags kyi mthar:__i daM ba liM ta b+hUny+dza hoH__pi pa hoH__dzig+h+ra hoH__a ti kra ma ti sarba sid+d+hi ku ru ku ru hoH__lan gsum la sogs pas phul:__mchod cing bstod:__'dod don gsol:__lha tshogs rnams snyoms par zhugs pa'i bde ba chen po'i 'od zer gyi rnam pas rang la thim:__ye shes kyi gzi byin mchog tu 'bar bar gyur par bsam:__rang nyid rten dang brten par bcas pa 'od gsal du gzhug:__dgongs pa bskyang:__bsngo smon bkra shis sogs bya:__thun mtshams thams cad du lha sngags ye shes kyi rgyun bskyang :__bsnyen sgrub so sor byed na:__thog mar sgrub thabs ltar sngags 'bum phrag bzhi'am gsum bzla:_de nas sgrub pa'i dkyil 'khor dang rdzas bshams shing phrin las lam khyer gyi gzhung bsrangs la sngags 'bum phrag bzhi bzlas shing :__mthar las sbyor gyi tshul du ril bu'i sgrub pa bdun phrag gi rjes dngos grub blang bar bya'o:__'phags pa thugs rje chen po rgyal ba rgya mtsho'i gdams pa las:__sgrub pa'i thabs kyi rim pa ste dang po'o:__sa ma ya:__gnyis pa phrin las lam khyer gyi rim pa la:__sngon 'gro:__dngos gzhi:__rjes so:__dang po sngon 'gro'i las rim la:__rten bshams bgegs bskrad srung mtshams bcad:__mchod pa byin rlabs skyabs sems bya:__tshogs bsag sdom bzung tshad med bsgom:__zhes pas dang po rten bsham pa ni:__dben pa'i gnas su stegs bu'i steng :__bdud rtsi lnga yis chag chag gdab:__dkyil 'khor sgo rdzogs bri ba'am:__me tog tshom bu lha grangs dgod:__dbus su khri'u shing gi khar:__'phags pa'i sprul pa bram ze'i rigs:__skye bdun grub pa thob pa'i gdung :__bla ma yab yum byang sems dang :__dag pa'i sha lnga bdud rtsi lnga:__'bras gsum bzang drug rtag tu ngu :__gi waM cong zhi sin+d+hU ra:__shu dag ru rta ut+pal dmar:__spang rgyan bal bu dbang po lag:__ma nu pa tra ge sar gsum:__'bru lnga'i phye ma sbyar byas la:__gur gum chu yis ril bur dril:__thod pa mtshan ldan nang du blugs:__dar dmar kha bcad brtan par bzhugs:__sin+d+hU ra yi me long ni:__sngags kyis brgyan pas steng nas dgab:__mtha' skor sman gtor rak+ta dang :__mkha' 'gro mnyes pa'i dam rdzas sogs:__phyi nang mtshod tshogs rgyas par bsham:__gnyis pa bgegs bskrad pa ni:__gtor ma ra~M ya~M kha~M gis bsang sbyang :__oM AHhU~M gis 'dod yon gyi gter du brlab:__oM sarba big+h+nan ba liM ta kha kha khA hi khA hi:__zhes bsngos la:__hU~M:__nyon cig bgegs dang log 'dren tshogs:__byang chub sgrub la bar gcod kun:__mchod sbyin bzang po 'di khyer la:__gnas 'dir ma 'dug gzhan du dengs:__gal te mi 'gro 'tshe byed na:__nga nyid dpal chen he ru ka:__rta mchog rgyal po thugs khros nas:__rdul phran bzhin tu brlag par 'gyur:__drag sngags dang thun gyis bskrad do:__gsum pa srung mtshams bcad pa ni:__hU~MH__steng 'og phyogs mtshams thams cad kun:__rdo rje srung ba'i 'khor lo dang :__ye shes me phung 'bar bas gtams:__bgegs kyi sbyor ba mtshams bcad do:__hU~M badz+ra rak+Sha dz+wa la ra~M b+h+rU~M:__bzhi pa mchod rdzas byin gyis brlab pa ni:__ra~M ya~M kha~M:__bdag nyid lhar gsal thugs nas ra~M ya~M kha~M:__'phros pas mchod rdzas nyes skyon bsregs gtor bkrus:__stong pa'i ngang las nyer spyod 'dod yon gter:__sman gtor rak+ta'i mchod sprin rgya mtshor gyur:__oM badz+ra ar+g+haM pA d+yaM puSh+pe d+hU pe A lo ke gan+d+he nai bi d+yA shap+da ma hA pU dza AHhU~M:__oM AHhU~M sarba pany+tsa a mr-i ta rak+ta ba liM ta hU~M hrIHThA:__badz+ra s+pha ra Na khaM:__lnga pa skyabs su 'gro ba ni:__na mo:__rgyal ba rgya mtsho 'dus pa'i sku:__bla ma thugs rje chen po la:__bdag sogs 'gro kun byang chub bar:__khyed shes dad pas skyabs su mchi:__drug pa sems bskyed pa ni:__hoH__ma gyur khams gsum sems can kun:__sangs rgyas go 'phang thob bya'i phyir:__byang chub mchog tu sems bskyed nas:__thugs rje chen po bsgrub par bgyi:__bdun pa tshogs bsag pa ni:__hoH__bla ma thugs rje chen po sogs:__phyogs dus skyabs gnas thams cad la:__sgo gsum gus pas phyag 'tshal zhing :__dngos 'byor yid sprul mchod pa 'bul:__sdig ltung nyams chag mthol zhing bshags:__bsod nams kun la rjes yi rangs:___chos kyi 'khor lo bskor bar bskul:__mya ngan mi 'da' bzhugs gsol 'debs:__dge tshogs byang chub snying por bsngo:__'gro kun sangs rgyas myur thob shog:__brgyad pa sdom pa bzung ba ni:__rtsa gsum rgyal ba rgya mtsho'i tshogs:__bdag la dgongs par mdzad du gsol:__bdag gis dus 'di nas bzung ste:__byang chub snying por mchis kyi bar:__sems can kun gyi don bsgrub phyir:__so sor thar pa'i 'dul ba dang :___byang chub sems dpa'i bslab pa dang :__sngags kyi 'da' dka'i dam tshig rnams:__ma lus bzung zhing bsrung bar bgyi:__dgu pa tshad med pa bzhis blo sbyang ba ni:__khams gsum 'gro drug sems can rnams:__bde ldan sdug bsngal kun dang bral:__'phags pa'i bde dang mi 'bral zhing :__btang snyoms mchog la gnas gyur cig:__gnyis pa dngos gzhi'i las rim la:__dam tshig bskyed bzlas ye shes drang :__bzhugs gsol dbang bskur phyag rgyas gdab:__phyag 'tshal mchod cing bstod pa bya:__bzlas pas rgyud bskul thun mtshams 'jug:__ces pas dang po dam tshig gi 'khor lo bskyed cing byin gyis brlab pa ni sgrub thabs ltar bya'o:__gnyis pa ye shes kyi 'khor lo spyan 'dren pa ni:__hrIH__pad+ma rnam par rgyas pa'i zhing khams nas:__rgyal ba rgya mtsho ye shes lha yi lha:__rtsa gsum dpa' bo mkha' 'gro'i 'khor dang bcas:__thugs rje'i dbang gis gnas 'dir gshegs su gsol:__lus la snang stong sku yi byin gyis rlobs:__ngag la grags stong sngags kyi nus pa spor:__yid la rig stong 'od gsal dgongs pa skyed:__mchog dang thun mong dngos grub myur du stsol:__oM lo ke shwa ra gu ru d+he wa d+hA kA d+hA ki nI sarba sa ma ya dzaHdza:__A be sha ya hrIM hrIM pheM pheM:__gsum pa bzhugs su gsol ba ni:__hrIH__'gro 'dul thugs rje'i lha tshogs byon pa legs:__bdag cag 'gro ba kun gyi don mdzad phyir:__rin chen pad+ma nyi zla'i gdan steng du:__dam tshig ye shes dbyer med brtan par bzhugs:__dz+nyA na sa ma ya dzaHhU~M ba~M hoH__tiSh+Tha lhan:__bzhi pa dbang bskur zhing rgyas gdab pa ni:__slar yang thugs ka'i 'od kyis dbang gi lha:__nam mkha' gang bar spyan drangs dbang bskur bas:__ye shes mthu bskyed chu lhag spyi bor brtan:__so so'i rigs kyi bdag pos dbu brgyan gyur:__oM sarba ta thA ga ta a b+hi She ka ta hrIHhU~M trA~M oM AHab+hi Shiny+tsa mi:su ra ta s+t+waM a hiH__lnga pa phyag 'tshal ba ni:__hrIH__thugs rje chen po rigs lnga'i 'khor los sgyur:__gsang ba ye shes yum dang gnyis su med:__phrin las bzhi mdzad bde chen mkha' 'gro ma:__rgyal ba rgya mtsho'i tshogs la phyag 'tshal lo:__a ti pu hoH__pra tIts+tsha hoH__drug pa mchod pa 'bul ba ni:__hrIH__rgyal ba rgya mtsho'i lha tshogs la:__dngos 'byor yid kyis rnam sprul pa'i:__nyer spyod 'dod yon mchod pa 'bul:__bzhes nas mchog thun dngos grub stsol:__oM lo ke shwa ra gu ru d+he wa d+hA ki nI sa pa ri wA ra ar+g+haM pA d+yaM puSh+pe d+hU pe A lo ke gan+d+he nai bid+yA shap+da ma hA pU dza hoH__hrIH__rgyal ba rgya mtsho'i lha tshogs la:__rtsa brgyad yan lag stong sbyar ba'i:__bdud rtsi sman gyi mchod pa 'bul:__bla med 'phrul gyi dngos grub stsol:__oM sarba pany+tsa a mr-i ta khA hiH__hrIH__rgyal ba rgya mtsho'i lha tshogs la:__nyon mongs rtog pa bsgral ba yi:__chags bral rak+ta'i mchod pa 'bul:__bde chen mchog gi dngos grub stsol:__oM ma hA rak+ta khA hiH__hrIH__rgyal ba rgya mtsho'i lha tshogs la:__snod bcud phun tshogs 'dod 'byung gter:__dam rdzas gtor ma'i mchod pa 'bul:__ye shes sgyu ma'i dngos grub stsol:__oM ma hA ba li taM khA hiH__hrIH__rgyal ba rgya mtsho'i lha tshogs la:__dbyings rig dbyer med mnyam sbyor ba'i:__gsang ba mchog gi mchod pa 'bul:__'od gsal thig le'i dngos grub stsol:__oM d+harma d+hA tu dz+nyA na gar+b+ha a AH__bdun pa bstod pa bya ba ni:__hrI:__pad+ma rA ga'i mdog can ye shes sku:__yi ge drug pa rang byung sngags kyi gsung :__so sor kun rtog bde ba mchog gi thugs:__'phags pa spyan ras gzigs la phyag 'tshal bstod:__sangs rgyas kun gyi rang bzhin thugs rje'i gter:__ye shes rigs lnga'i tshul du rnam par snang :__gsang ba d+hA ki yum dang gnyis su med:__kha sbyor longs spyod rdzogs la phyag 'tshal bstod:__zhi rgyas dbang drag phrin las sgyu ma'i 'phrul:__gnas gsum dpa' bo mkha' 'gro'i dbang phyug ma:__rdo rje rin chen pad+ma las kyi rigs:__dkyil 'khor yongs rdzogs lha la phyag 'tshal bstod:__brgyad pa bzlas pas thugs dam bskul ba ni:__dang po dzaba? kyi phrin las mdzad pa'i phyir:__hrIH__pad+ma rnam par rgyas pa'i zhing khams su:__rgyal ba rgya mtsho'i dkyil 'khor lha tshogs rnams:__dgyes pa'i sku las 'od zer phyogs bcur 'phros:__rdo rje'i gsung gis snying po'i dzaba? sgra sgraugs:__ye shes thugs kyi dgongs pa dbyings nas gsal:__gtso dang 'khor bcas sngags kyis rgyud bskul zhing :__ma gsal bar du lhar snang ting 'dzin brtan:__ma 'grub bar du snying po mi btang na:__dngos grub rnam gnyis deng 'dir stsal du gsol:__oM AHhU~M hrIHoM ma Ni pad+me hU~M:__d+hU ma g+ha ye na maHswA hA:__ha ri ni sa man+t+ra dz+nyA na sid+d+hi A be sha ya a A:__zhes bskul nas:__sgrub thabs ltar sgrub pa'i dmigs bzlas rtse gcig tu bya'o:__las sbyor la:__thun mong du 'khor ba dong sprugs kyi bzlas pa ni:__rigs drug gi sems can sdug bsngal gyi rgyu 'bras la longs spyod pa rnams la dmigs pa med pa'i snying rje chen po lhag par bskyed la:__rang nyid rgyal ba rgya mtsho yi:__spyi bor lha yi sa bon aH__de steng lha yi thub pa yi:__ngo bo oM yig dkar po las:__'od 'phros a yig bsregs shing sbyangs:__rang rgyud 'pho ltung rgyu 'bras bsal:__slar 'phros lha yi gnas rigs khyab:__sdug bsngal nyon mongs kun sbyangs nas:__'od gsal ye shes mngon du gyur:__yi ge drug pa kho na dang :__brgya rtsa re yi sngags sham du:__a de ba sarba duHkha sho d+ha ya sho d+ha ya bi sho d+ha ya sarba karma A ba ra Na bi sho d+ha ya ha na hU~M phaT:__ces bzla'o:__de bzhin du:__'grin par lha min sa bon su:__de steng lha min thub pa yi:__ngo bo ma yig ljang gsal las:__'od 'phros su yig bsregs shing sbyangs:__rang rgyud 'thab rtsod rgyu 'bras bsal:__slar 'phros lha min gnas rigs khyab:__sdug bsngal nyon mongs kun sbyangs nas:__bya grub ye shes mngon du gyur:__yig drug dang :__su a su ra sarba duHkha sogs sngags sham sbyar:__snying gar mi yi sa bon nr-i:__de steng mi yi thub pa yi:__ngo bo Ni yig dmar gsal las:__'od 'phros nr-i yig bsregs shing sbyangs:__rang rgyud brel phongs rgyu 'bras bsal:__slar 'phros mi yi gnas rigs khyab:__sdug bsngal nyon mongs kun sbyangs nas:__mnyam nyid ye shes mngon du gyur:__yig drug dang :__nr-i na ra sarba duHkha sogs:__lte bar dud 'gro'i sa bon tri:__de steng byol song thub pa yi:__ngo bo pad yig mthing gsal las:__'od 'phros tri yig bsregs shing sbyangs:__rang rgyud blun rmongs rgyu 'bras bsal:__slar 'phros dud 'gro'i gnas rigs khyab:__sdug bsngal nyon mongs kun sbyangs nas:__chos dbyings ye shes mngon du gyur:__yig drug dang :__tri tir+Ya ka sarba duHkha sogs:__gsang gnas yi dwags sa bon praiH__de steng yi dwags thub pa yi:__ngo bo me yig dmar gsal las:__'od 'phros pre yig bsregs shing sbyangs:__rang rgyud bkres skom rgyu 'bras bsal:__slar 'phros yi dwags gnas rigs khyab:__sdug bsngal nyon mongs kun sbyangs nas:__sor rtog ye shes mngon du gyur:__yig drug dang :__pre pre ta sarba duHkha sogs:__rkang mthil dmyal ba'i sa bon du:__de steng dmyal ba'i thub pa yi:__ngo bo hU~M yig mthing nag las:__'od 'phros duHyig bsregs shing sbyangs:__rang rgyud tsha grang rgyu 'bras bsal:__slar 'phros dmyal ba'i gnas rigs khyab:__sdug bsngal nyon mongs kun sbyangs nas:__me long ye shes mngon du gyur:__yig drug dang :__duHna raka sarba duHkha sogs:__de 'ang so sor yig drug 'bum phrag re dang :__sngags sham stong phrag them par bya:__thun mong du 'khor ba dong sprugs kyi gzungs kyang stong phrag bdun bzla'o:__de la 'khor ba dong sprugs kyi gzungs ni 'di'o:__oM a mi d+he wa hrIHhrIHhrIH__oM ma Ni pad+me hU~M:__oM pad+ma d+hA ra ma hA a mo g+ha pA sha bi pu la gar+b+h+ye:__ma Ni pra b+he:__ta thA ga ta:__nirde sha ni:__ma Ni ma Ni su pra b+he:__bi ma la sA ga raH__gam+b+hi re hUM hUM dz+wa la dz+wa la bud+d+ha bi lo ki te:__gu h+ya a d+hiSh+Thi te gar+b+he swA hA:__pad+ma d+ha ra a mo g+ha dza ya te tsu ru tsu ru swA hA:__zhes so:__de ltar bsnyen sgrub sngon du song bas las sbyor gyi bzlas pa 'di tshul bzhin du bsgrubs na mthong thos dran reg gi 'gro ba thams cad ngan song dang 'khor ba'i sdug bsngal las sgrol ba'i mthu thob par 'gyur la:__sgrub pa po rang nyid rigs drug 'khor ba'i bag chags thams cad zad par 'gyur ba lta smos kyang ci dgos:__des mtshon pa'i phan yon bsam gyis mi khyab pa 'thob pa'i tshul rgyud las:__rgyal ba rgya mtsho thams cad kyi:__snying rje chen po gcig bsdus pa:__'phags pa'i rig sngags bzlas nas kyang :__'khor ba dong sprugs ting 'dzin bsgrub:__'dis ni nad zhi gdon las grol:__tshe bsod dpal 'byor ye shes rgyas:__'brel tshad 'khor ba dong sprugs nas:__thugs rje chen po'i rigs su 'gyur:__stong gsum 'jig rten thams cad kyi:__rdul phran grangs kyang brjod nus kyi:__rig sngags 'di bzlas yon tan mtha':__sus kyang brjod par mi nus so:__zhes gsungs so:__khyad par skye bdun myong grol gyi las sbyor ni:__mdun gyi thod pa'i dkyil 'khor la dmigs te:__hrIH__rang byung lhun grub pho brang dbus:__ril bu 'khor 'das dwangs bcud kun:__gcig tu bsdus pa'i ngo bo nyid:__rgyal ba rgya mtsho'i dkyil 'khor lha:__snang stong chu zla lta bur gsal:__bdag gi thugs nas 'od 'phros pas:__rtag rgyun shugs kyi thugs rje bskul:__gdul bya'i yul la 'jug pa'i phyir:__bde stong rol pa'i 'od zer sprin:__'khor 'das brtan g.yo'i khams kun khyab:__rtsa gsum rgyal ba mchod cing mnyes:__mkhyen brtse nus pa'i ye shes kyi:__grol ba bzhi ldan byin rlabs kun:__tshur 'dus ril bu'i lha la thim:__bde chen gzi byin mchog tu 'bar:__slar 'phros khams gsum thams cad khyab:__'gro rnams nyon mongs sdug bsngal sbyangs:__kun kyang 'phags pa'i go 'phang bkod:__lha sngags chos nyid 'khor lor sad:__snang srid gzhir bzhengs chen po'i ngang :__grags stong rdo rje'i sngags bzlas pas:__srid dang zhi ba'i bdud rtsi'i bcud:__mi shigs thig le chen por 'khyil:__bsnyen sgrub kyi sngags mthar:__'aHaHshaHsaHmaHhaH__ma ma ko ling sa man+ta:__a ra pa tsa mi ta hri da ya swA hA:__zhes thun re la stong phrag las mi nyung bar rtse gcig tu bzla:__skabs su gnad nas skul ba'i sngags:__ma hA a mr-i ta e A ral+li hriM hriM pheM pheM:__zhes pa'ang ci rigs par bzla'o:__dam tshig dang ldan pa'i sgrub grogs yod na sngags kyi sgra khor yug tu bya:__zhag bdun du brtson pas ril bu las 'od dang :__sgra dang :__dri dang :__'phel ba dang :__'khrab cing 'phur ba sogs skye bdun gyi rdzas grub pa'i rtags 'byung ngo :__de'i tshe dngos grub dbang du bya ba'i sngags:__oM hU~M trA~M hrI AHmU~M lA~M mA~M pA~M tA~M:__sarba ta thA ga ta ma hA pany+tsa oM:__A yur+dz+nyAn ma hA puN+ye tiSh+Tha oM:__zhes bzlas:__mchod cing bstod la dngos grub blas pas:__ril bu'i ye shes kyi 'khor lo rang la thim:__dam tshig pa myong grol 'od 'bar ba'i bdud rtsir bsams la dbang blang zhing myang ngo :__phan yon ni rgyud las:__skye bdun rdzas kyi ril bu gang :__myong bas thugs rje'i byin rlabs zhugs:__tha mal lus la ye shes rnyed:__spyan ras gzigs dang skal ba mnyam:__mtshams med lnga yi sdig kyang 'dag:__ngan saung 'khor ba dong sprugs nas:__skye ba gzhan gyis ma chod par:__bde ba can du byang chub thob:__gang zhig ril bu mthong ba'am:__ril bu'i thig le byed pa dang :__'chang dang dran dang thos pas kyang :__byang chub sa bon thob par nges:__zhes sogs rgya cher gsungs so:__gzhan yang snang ba dbang sdud kyi las sbyor ni:__bcu drug ltag sprod kyi DA ma ru gtso bor gyur pa'i rol cha la:__khye'u pho mo gtsang ma'i dang po'i khams dkar dmar:__rdo khab len:__sngo lcags kyu:__gnas chen gyi sid+hU ra rnams dang ma da na bzang po sbyar la:__oM d+hU ma g+ha ye na ma ku ru kul+le hrIHhrIHhrIHswA hA:__sarba lo ka b+ha wa ba shaM ma na ya hoH__zhes khri bzlas shing byug:__gong gi rdzas rnams dang shu dag:__spos dkar:__gla sgang :__spang spos:__ma nu rnams sbyar ba la sngags stong bzlas shing bdug:__yungs kar la byang sems dkar dmar gyis brlan pa sngags stong bzlas la brab:__de nas rang nyid thugs rje chen po yab yum snyoms par zhugs pas yum gsang ba ye shes rjes chags lhag par 'bar:__thugs ka nas 'od dmar po bdud rtsi dang bcas pa byung :__pad+ma'i ze'u 'brur sleb pa dang las byed kyi mkha' 'gro ma ku ru kul+le nyi rdul ltar 'phros:__chags pa'i rnam 'gyur dang :__'od zer:__hriH'i sgra dri za'i glu ltar snyan pas 'jig rten thams cad shig shig mer mer g.yos:__bde ba chen po'i rang bzhin 'od dmar lam gyis rang la thim pas snang sems ro gcig tu 'dres pa'i dgongs gdengs bskyed la sngags 'bum phrag sogs bzlas shing rol cha la'ang btab pas 'od dang :__sku sogs dngos kyi rtags byung ba'am:__rmi lam du khrom tshogs 'du ba:__zas nor ster ba:__lus sems bde ba sogs byung na grub pa yin pas mi mang po 'du zhing tshogs pa'i sar gong gi dmigs pa dang bcas rol cha 'khrol ba tsam gyis thams cad kyi yid rang dbang med par 'gul zhing zil gyis gnon:__mi dang mi ma yin thams cad dbang du 'du bar 'gyur ro:__de las gzhan pa'ang rab tu gnas pa dang :__sbyin sreg dang :__khrus dang :__dbyug chos dang :__tshe dang :__nor dang :__gter sgrub pa dang :__gshin po rjes su bzung ba sogs kyi las thams cad bsnyen sgrub sngon du song bas 'grub par 'gyur ro:___dgu pa thun mtshams la 'jug pa ni:__bzlas pa'i thun las ldang ba na sngags kyi lhag chad kha bskong zhing brtan par bya:__hrIH__snang stong bskyed pa'i mchod pa 'di:__rgyal ba rgya mtsho'i sku la 'bul:__grags stong dzaba? kyi mchod pa 'di:__rgyal ba rgya mtsho'i gsung la 'bul:__rig stong ye shes mchod pa 'di:__rgyal ba rgya mtsho'i thugs la 'bul:__mchod bzhes dam skong dngos grub stsol:__nyid dang dbyer med mdzad du gsol:__kA ya wA ka tsit+ta sid+d+hi hU~M:__zhes khyad par gyi mchod pa dang :__thun mong du gtor ma bsang sbyang byin gyis brlabs la 'bul:__mchod cing bstod:__rgyal ba rgya mtsho'i lha tshogs dang :__'bum phrag dpa' bo mkha' 'gro'i tshogs:__'dod yon bdud rtsi'i gtor ma bzhes:__dgyes pa chen po'i gzi byin skyed:__nad gdon bar chad zhi ba dang :__tshe dang 'byor pa snyan grags spel:__snang ba thams cad dbang du sdus:__dgra bgegs 'byung po tshar chod cig:__mchog tu mi 'gyur ye shes kyis:__rtsa khams rlung la byin gyis rlobs:__thun mong mchog gi dngos grub kyis:__las kyi 'bras bu mchis par mdzod:__ces 'dod don gsol lo:__gsum pa rjes kyi las rim la:__tshogs mchod bya zhing lhag ma gtong :__gtor ma bskyang zhing rta bro brdung :__dngos grub gsol zhing lhar snang bsdu:__thun mtshams lhar ldang bsngo smon dang :__bkra shis brjod pas mthar dbyung ngo :__zhes pas dang po tshogs kyi mchod pa ni:__dam rdzas rnams ra~M ya~M kha~M gis bsang sbyang :__stong pa'i ngang las rlung me thod skyed steng :__chos kyi dbyings mnyam b+han+d+ha yangs pa ru:__sha lnga bdud rtsi rigs lnga ye shes lnga:__'dod yon lnga ldan tshogs mchod rgya mtshor 'khyil:__oM hUM trA~M hrIHAHha ho hrIH__tshogs zhing spyan drangs shing phud kyi mchod pa ni:__hrI:__nub phyogs bde chen zhing khams nas:__snang ba mtha' yas tshe dpag med:__'dir gshegs tshogs kyi mchod pa bzhes:__mchog dang thun mong dngos grub stsol:__ri po ta la'i pho brang nas:__rgyal ba rgya mtsho spyan ras gzigs:__'dir gshegs tshogs kyi mchod pa bzhes:__mchog dang thun mong dngos grub stsol:__dbang drag rol pa'i dur khrod nas:__khrag 'thung rgyal po rta mchog dpal:__'dir gshegs tshogs kyi mchod pa bzhes:__mchog dang thun mongs dngos grub stsol:__nyi shu rtsa bzhi'i gnas mchog nas:__'bum phrag dpa' bo mkha' 'gro'i tshogs:__'dir gshegs tshogs kyi mchod pa bzhes:__mchog dang thun mong dngos grub stsol:__gzhan yang phyogs bcu'i zhing khams nas:__rtsa gsum rgyal ba rab 'byams kun:__'dir gshegs tshogs kyi mchod pa bzhes:__mchog dang thun mong dngos grub stsol:__oM AHhU~M lo ke shwa ra gu ru d+he wa d+hA ki nI sarba sa ma ya dzaHdzaH__ga Na tsakra pU dza hoH__bar pa bshags pa ni:__hoH__bdag dang sems can thams cad kyi:__nyams chag sdig sgrib nyes ltung kun:__tshogs kyi mchod pas bskang zhing bshags:__bzod bzhes dam skongs dngos grub stsol:__badz+ra sa ma ya shud+d+he a A:__tha ma bsgral mchod ni:__hrIH__rta mchog thugs nas pho nya spros:__dgra bgegs 'byung po dgug bstims bsgral:__sha khrag tshogs kyi mchod par bzhes:__bde chen mchog gi dngos grub stsol:__nr-i tri sha trUn dzaHhU~M ba~M hoH__mA ra ya phaT:__b+hin+d+ha ya b+hin+d+ha ya kha kha khA hi khA hi:__de nas tshogs kyi yo byad la longs spyod pas phung khams skye mched lha yi ngo bo dgyes par bsam:__gnyis pa lhag ma gtong ba ni:__bdud rtsi'i kha phru dbab:__oM AHhU~M ha ho hri:__e A ral+li hriM hriM pheM pheM:__hrIH__rgyal ba rgya mtsho'i dkyil 'khor du:__lhag gtor dbang bar dam mnos pa'i:__mkha' 'gro ging dang lang+ka'i tshogs:__thugs rje'i pham phabs 'di bzhes la:__sgrub pa'i bar chad srung ba dang :__zhi dang rgyas dang dbang dang dgug:__bskrad dang mngon spyod la sogs pa'i:__phrin las thams cad 'grub par mdzod:__oM uts+tshi Sh+ta ba liM ta pra tIts+tsha khA hiH__gsum pa gtor ma bskyang ba ni:__hrI:__pad+ma rol pa'i dkyil 'khor du:__brgyud gsum rig 'dzin bla ma yis:__bka' bsgos dam bzhag srung ma'i tshogs:__dpal gyi gtor ma 'di bzhes shig:__sman rag phud kyis gzi byin skyed:__ji ltar zhal bzhes ma g.yel bar:__sgrub mchog rnal 'byor tshe srog srings:__dgra bgegs bdud bzhi'i bar chad zlog:__za ba'i mche rnon dgra la gtsigs:__rngams pa'i brtul zhugs bgegs la skyed:__bstan dang bstan 'dzin bu bzhin skyongs:__gang bcol las kun 'grub par mdzod:__shrI d+harma pA la ma hA ba liM ta pra tIts+tsha kha kha khA hi khA hi:__bshal chus brtan ma mchod cing :__hrIH__gnas ni gangs can mtha' dbus kyi:__gangs brag nags tshal mtsho gling nas:__nam mkha' sa gzhi khyab par rgyu:__so kha srung bar dam mnos pa'i:__brtan ma skyong ma ya ma'i tshogs:__tshur gshegs bshal chu'i bdud rtsi bzhes:__log lta mtha' dmag dpung bcas srungs:__nad mug mtshon 'khrugs dal yams zlog:__bod khams bstan dang bstan 'dzin gyi:__phan bde spel ba'i phrin las mdzod:__ma ma hrIM hrIM ba liM ta pra tIts+tsha kha kha khA hi khA hi:__bzhi pa rta bro brdung pa ni:__hrIHhrIH__rgyal ba rgya mtsho'i dkyil 'khor du:__bar chad dam sri 'dul ba'i lha:__dpal chen pad+ma he ru ka:__rta gdong rngams bzhad phyogs bcur 'tsher:__rdo rje'i gar gyi bro brdungs pas:__nyon mongs 'khor ba'i bag chags bcom:__gzung 'dzin dgra bgegs dbyings su bsgral:__rdo rje 'bar ba'i e klong du:__bar chad dam 'gong spyi nas mnan:__mi 'gyur lhun po'i phyag rgyas gdab:__byang chub sems mchog ma skyes bar:__nam yang ldang ba'i skabs med do:__hrI hrI hrIHe hU~M laM nan:__lnga pa dngos grub blang ba ni:__mchod cing bstod la:__oM AHhU~M:__rgyal ba rgya mtsho dngos grub gter gyi mdzod:__yun ring dus nas bsnyen cing bsgrubs lags na:__sku gsung thugs dang yon tan phrin las kyi:__dngos grub dam pa deng 'dir stsal du gsol:__kA ya wA ka tsit+ta gu Na karma sarba sid+d+hi pha la hoH__A li kA li yi ge brgya pa bzlas pas cho ga lhag chad bskang zhing nongs pa bshags:__drug pa bskyed rim bsdu ba ni:__hrIH__snod bcud 'byung ba lha dang phung khams tshogs:__'gags med sgyu ma'i lha dang gzhal yas khang :__mkha' la sprin ltar 'od gsal dbyings su thim:__skye med khyab gdal gnyug ma'i ngang du bzhag:__a a a:__zhes brjod cing dgongs pa'i gdings bskyang ngo :__bdun pa thun mtshams kyi lhar ldang ba ni:__hrIH__slar yang chu las rlabs bzhin skad cig gis:__rang nyid rgyal ba rgya mtsho spyan ras gzigs:__'gyur med sku gsung thugs kyi phyag rgyas mtshan:__snang srid gzhir bzhengs chen po'i ngang nas spyod:__hrIHdz+nyA na kA ya badz+ra oM AHhU~M:__brgyad pa bsngo smon bya ba ni:__hrIH__bdag gis bsnyen sgrub dus gsum dge ba'i tshogs:__mkha' khyab 'gro ba rnams kyi don du bsngo:__kun kyang sa bcu lam lnga mthar phyin nas:__rgyal ba rgya mtsho'i go 'phang myur thob shog:__dgu pa bkra shis gsol ba ni:__hrIH__thugs rje'i gter chen 'jig rten dbang phyug dang :__gnas gsum dbang po mkha' 'gro'i tshogs bcas kyis:__deng 'dir mi mthun rgud pa kun zhi zhing :__rtag tu dpal gnas nyin mtshan bkra shis shog:__ces sogs brjod cing me tog 'thor:__rol mo'i sgra sbyar:__stong nyid snying rje dbyer med lha sngags ye shes kyi ngang nas spyod par bya'o:__'phags pa thugs rje chen po rgyal ba rgya mtsho'i gdams pa las:__phrin las lam khyer gyi rim pa ste gnyis pa'o:__sa ma ya:__gsum pa dbang bskur ba la gnyis te:__dbang bskur ba dang :__dbang don gyi ye shes bskyang ba'o:__dang po la bzhi ste:__sa'i cho ga dang :__lhag par gnas pa dang :__sgrub cing mchod pa dang :__dbang bskur ba dngos so:__dang po ni:__bsnyen sgrub drod thob rnal 'byor pas:__smin grol gdams pa 'chad 'dod na:__bkra shis sa gzhi legs par brtag:__snang dang mi snang yul la bslang :__ting nge 'dzin gyis sbyang zhing bzung :__srung zhing mtshams kyi las bya'o:__zhes pas dang po brtag pa ni sgrub thabs nas 'byung ba dang :___gsang ba spyi ltar brtag go:__gnyis pa bslang ba ni:__snang ba yul gyi bdag po la chad dang rin gzhal bas rtsod pa med par bya:__mi snang ba sa bdag lha klu la gtor ma bshams shing bsang sbyang :__byin gyis brlab:__oM pri th+wI de wI nA ga b+hU mi pa ti sa pa ri wA ra i daM ba liM ta g+hr-ih+na b+hUny+dza hoH__zhes pas phul:__nyer spyod kyis mchod:__hU~M:__dgongs shig dbang chen mnga' bdag brtan ma dang :__chu dang sa la gnas pa'i 'byung po kun:__bdag gis mchod cing bstod pas dgyes pa bskyed:__rin chen sa rin mchod gtor 'di bzhes la:__ko long ru nga phrag dog ma mdzad par:__zhi dang bkra shis bde legs stsal du gsol:__ces gsol bas dgyes bzhin du gnang bar bsam la gats+tshas gshegs:__gsum pa sbyang zhing bzung ba ni:__hrI:__bdag nyid dbang chen thugs ka nas:__'od 'phros sa yi dngos 'dzin sbyangs:__phyogs mtshams 'od dmar 'bar bas khyab:__brtan g.yo thams cad dbang du gyur:__hrI bi shud+d+ha pa shaM ku ru hoH__zhes brjod cing dbang gi phur bu'ang gdab bo:__bzhi pa bsrung zhing mtshams gcod pa ni phrin las ltar bgegs la bka' bsgo zhing srung ba'i 'khor lo gsal brtan du bsgom:__sgrub pa chen po dang 'brel na phyi nang gsang ba'i mtshams gcod pa'ang spyi ltar bya'o:__gnyis pa lhag gnas ni:__yo byad lha dang bum pa dang :__slob ma lhag gnas tshul bzhin bya:__zhes pas dang po yo byad sta gon ni:__rab tu gnas pa'i rdo rje dang dril bu:__thod rnga:__bdud rtsi:__bum pa bcud ldan:__mchod gtor sogs legs par 'du byas nas:__de thams cad rang bzhin ye shes kyi rol par byin gyis brlab po:__gnyis pa lha sta gon ni:__bdag nyid rgyud sbyang zhing bsnyen pa'i rnal 'byor la gnas pas:__mdun gyi stegs bur me tog gi tshom bus mtshon par mchod gtor gyis bskor:__bsgrub pa'i gzhir rang byung ye shes kyi gzhal med khang chen por rgyal ba rgya mtsho thugs rje chen po'i lha tshogs dwangs pa'i mkha' la 'ja' tshon shar ba ltar skad cig gis gsal bar bsams la mchod cing bstod:__spos btul:__me tog dang bcas thal mo sbyar la:__bcom ldan snying rje'i gter chen po:__khyed rnams mchod dang gzhan don phyir:__bdag gis dkyil 'khor bsgrub 'tshal bas:__thugs rjes dgongs te gnang du gsol:__zhes gsol bas dgyes bzhin du gnang ba stsal nas sa gzhir thim nas byin gyis brlabs par bsam mo:__gsum pa bum pa sta gon ni:__mtshan nyid dang ldan pa'i bum pa bcud ldan chas su bcug la bsang sbyang :__stong pa'i ngang las b+h+rU~M las phyi rin po che'i bum pa'i rnam pa la nang gzhal yas khang bdud rtsi'i rgya mtsho 'khyil pa'i dbus su 'jig rten dbang phyug rgyal ba rgya mtsho'i dkyil 'khor gyi lha tshogs mtsho rdzing dwangs par zla skar shar ba bzhin skad cig gis gsal bar gyur par bsams la mchod cing bstod:__rang gi thugs ka nas sngags kyi 'od zer 'phros:__bum pa'i lha rnams la phog:__snyoms par zhugs pa'i byang chub kyi sems ye shes kyi bcud du 'khyil par bsam:__bsnyen sgrub kyi sngags bzla:__mthar oM AHhU~M gis bdud rtsi'i mchod yon phul bas lha rnams 'od du zhu ba bum pa'i chu dang ro gcig par blta'o:__las bum du rta mgrin dmar po pad+ma dang b+hany+dza bsnams pa gsal:__oMpad+mAn+ta kr-i ta hU~M phaT:__ces bzlas mthar 'od zhu bya'o:__bzhi pa slob ma sta gon ni:__'os su gyur pa'i slob ma rnams las bum gyi chus khrus byas la dri ma sbyang :__gtor ma byin nas bgegs sbyang zhing srung mtshams bcad:__maN+Dal phul la:__rgyal ba rgya mtsho'i ye shes sku:__thugs rje'i gter chen slob dpon gyis:__bdag cag yongs su smin bya'i phyir:__lhag par gnas pa mdzad du gsol:__ces lan gsum gyis gsol ba gdab:__skyabs sems tshogs bsag sdom pa dbog:__so shing la oM bud+d+ha sa twa AHbzlas pas bde gshegs sems dpa'i ngo bor byin gyis brlabs pa:__oM:__bde gshegs sems dpa'i ngo bo nyid:__byang chub so shing 'di byin pas:__lus kyi sgrib pa kun dag nas:__bum dbang snod du rung bar shog:__oM bud+d+ha sa twa dan+ta pr-ik+Sha ka ya bi sho d+ha ni hU~M:__zhes pas byin pa:__slob mas oM bud+d+ha sa twa ha sa hiH__zhes brjod pas so shing ra bar dor:__rtse mo rang dang slob dpon la:__phyogs na mchog gi dngos grub ste:__shar sogs las chen rnam bzhi dang :__mtshams su phra mo'i dngos grub 'gyur:__zhes lung bstan:__chu gtsang la oM pad+ma satwa AHbzlas pa byin la:__oM:__pad+ma sems dpa'i ngo bo nyid:__sngags kyi 'thor 'thung 'di byin pas:__ngag gi sgrib pa kun dag nas:__gsang dbang snod du rung bar shog:__oM pad+ma sa twa u da ka wA ka bi sho d+ha na swA hA:__sngags mdud la oM badz+ra sa twa AHbzlas pa dpung par bcings la:__hU~M:__rdo rje sems dpa'i ngo bo nyid:__sngags kyi mdud pa 'di byin pas:__yid kyi sgrib pa kun dag nas:__sher dbang snod du rung bar shog:__oM badz+ra satwa tsit+ta badz+ra rak+Sha haM:__ku sha'i chun po che chung la oM karma sa twa AHbzlas pa lag gnyis su byin la:__hAH__las kyi sems dpa'i ngo bo nyid:__ku sha'i sngas stan 'di byin pas:__gzung 'dzin sgrib pa kun dag nas:__rig rtsal snod du rung bar shog:__oM karma satwa a pra ti ha na hU~MH__de ltar bgyis pas slob ma rnams sgrib pa bzhi dag:__gzhi lus kyi rang bzhin las skad cig gis dkyil 'khor gyi gtso bo yab yum du gsal ba la:__oM rat+na satwa AHzhes bzlas pa'i dri chus gnas gsum du reg la:___swAH__rin chen sems dpa'i ngo bo nyid:__dri yi thig les byin brlabs pas:__sgo gsum dkyil 'khor bdag po yi:__rdo rje gsum dang dbyer med shog:__oM rat+na sa twa oM AHhU~M:__zhes brjod pas byin gyis brlabs pa la mnga' dbul gyi mchod pa'ang byaH__slar yang :__kye rigs kyi bu rnams rdo rje'i lus thob:__rdo rje theg pa'i ston pa dang mjal:__sngags kyi lam zab mo dang 'phrad pa ni rnyed pa'i mchog legs par rnyed pa yin pas tshul 'di las nam du'ang blo mi 'gyur ba dang :__dngos grub kyi mtshan ma rmi lam gyi sgo nas kyang brtag par mdzod cig:__ces gdams so:__gsum pa sgrub cing mchod pa ni:__sgrub pa'i rten bsham rgyan bkod dgram:__sgrub cing mchod la dngos grub gsol:__zhes pas dang po sgrub pa'i rten 'du bya ba ni:__stegs bur ba byung dang bdud rtsis chag chag gtab:__thig tshon rigs lnga yab yum du bskyed pas ye shes kyi thig gdab:__las thig gis cha dbye:__rdul tshon gyis dkyil 'khor legs par bri:__ma grub na ri mor bris pa'ang me tog gi tshom bu lha grangs dgod pa ni sku mtshan ma'i dkyil 'khor:__de'i dbus su khri'u shing gi khar thod pa myong grol gyi bcud dang dar dmar gyi khebs ldan bsham pa gsung bdud rtsi'i dkyil 'khor:__kha gcod sin+d+hU ra'i me long sngags kyis brgyan pa thugs sin+d+hU ra'i dkyil 'khor ro:__mdun nas brtsams te rnam rgyal bum pa sogs dbang rdzas rnams phyogs mtshams su dgod do:__gnyis pa rgyan dgod pa ni:__steng du bla re:__bar du dar dang rin po che'i drwa ba drwa phyed:__mtha' sgab skor gyis dkris pa'i nang du sman gtor rak+ta nyer spyod 'dod yon sogs mchod pa'i yo byad dgram:__phyi rol tu mda' dar me long dang bcas pa:__phur pa:__ral gri:__tshod skud kyi drwa phyed sogs kyis brgyan:__gdugs rgyal mtshan 'phan 'phur bsgreng :__spos dang mar me'i phreng ba rgyun mi 'chad pa sbar ba sogs bag dro lhun brjid du bya:__'di rnams tshogs kyi sgrub pa dang 'brel na dzaba? dbyangs dang bcas rdo rje slob dpon gyis sna drangs bum pa sogs g.yas skor gyis dkyil 'khor du dgod:__rol mo'i sgra snyan cing brjid chags par bya:__rdo rje rgyal po sogs mnga' gsol zhing rang rang gi gral la 'god cing bdag gnas yo byad la byin dbab par bya'o:__gsum pa sgrub cing mchod pas thugs dam bskul ba ni:__sngon du 'gro bas rgyud sbyangs nas sgrub pa po ting nge 'dzin brtan pa'am:__spros pa la mi dga' na bdag dang mdun gyi bsgrub gzhi'i dkyil 'khor dbyer med du gsal btab cing phrin las bsrang :__las dang po pa'am spros pa dang bcas pa'i tshe thog mar bdag gi rnal 'byor bsnyen pa'i skabs ltar byas la 'od gsal du bsdu zhing thun mtshams kyi lhar ldang :__de nas mdun bskyed kyi phrin las tshul bzhin du bya:__tshogs sgrub la dzaba? bzlas rgyun mi bcad:__thun bzhi'am drug tu tshogs kyi mchod pa dang :__skong bshags kyi rim pa gzhan yang gtong :__thun mtshams su dngos grub 'phrog pa'i nyul le'i bgegs kyi ling+ga 'du byas la:__rang dbang chen he ru kar gsal bas dgug gzhug drag tu bya'o:__phur pa 'dril zhing :__hU~M:__'bar ba e yi dbyings rum du:__dam sri 'byung po bkug byas te:__dbang chen khros pa'i mtshon gyis gzir:__rdul phran bzhin du brlag par bya:__hrIHpad+man+ta kr-i ta ha ya grI wa hU~M phaT:__ces dang drag sngags so lnga pa dang sder mo'i oM g+ha g+ha sogs/__sngags kyis gdab:__thun gyis brab la tshar bcad:__de ma thag tu byin dbab pa'i phyir:__sgrub pa po rnams zhwa gos rgyan dang ldan pas dar gyis g.yab:__sbyar ba'i spos bsreg:__rol mo dbyangs dang bcas pas:__hU~M hrIH__nam mkha'-i mtha' dang mnyam pa'i dkyil 'khor nas:__rdo rje'i sku mnga' 'gran du med pa yi:__rtsa gsum rab 'byams lha tshogs thugs dam can:__thugs rjes brtser dgongs 'dir gshegs byin chen phob:__hU~M hrI:__'og min bde chen bkod pa'i zhing khams nas:__rigs kyi khyab bdag snang mtha' tshe dpag med:__bde gshegs pad+ma dbyings kyi lha tshogs rnams:__thugs rjes brtser dgongs 'dir gshegs byin chen phob:__rnal 'byor rgyud la dbang bzhi'i ye shes skyed:__sgrub pa'i gnas mchog rdo rje'i zhing du sgyur:__dam tshig rdzas la dngos grub byin nus stsol:__bsgrubs pa'i 'bras bu da lta mchis par mdzod:__hU~M hU~MH__'gro 'dul rang bzhin sprul pa'i zhing khams nas:__rigs lnga sgyu 'phrul drwa ba'i skur ston pa:__'phags mchog rgyal ba rgya mtsho'i lha tshogs rnams:__thugs rjes brtser dgongs 'dir gshegs byin chen phob:__rnal 'byor sogs:__hU~M hrIH__gnas yul dur khrod drag po'i zhing khams nas:__gang 'dul las mdzad mthu rtsal thogs med pa:__rigs bzhi'i dpa' bo'i mkha' 'gro 'bum gyi tshogs:__thugs rjes sogs/__hU~M hrIH__gzhan yang phyogs bcu rab 'byams zhing khams nas:__brgyud gsum bla ma yi dam zhi khro'i lha:__d+hA ki chos srung dkar phyogs skyong ba'i tshogs:__thugs rjes sogs:__oM AHhU~M hrIHoM ma Ni pad+me hU~M:__d+hU ma g+ha ye na ma swA hA:__ra tsa hri ya ha ri ni sa sa pa ri wA ra sa ma ya ho:__sa ma ya s+t+waM:__dz+nyA na A bai sha ya a A:__hrIM hrIM pheM pheM:__hU~M hU~M hU~M:__dzaHhU~M ba~M hoH__zhes brjod cing byin phab pas bdag dang :__gnas dang :__sgrub rdzas la byin phab pa'i rtags su 'od dang :__sgra dang :__dri dang :__nyam dga'i zhing zil che ba sogs byung na rgyun gyi dngos grub blang bar bya'o:__de lta bu'i sgrub pa'i dus kyi nges pa ni:__rgyud las:__zhag ni sum cu phrag drug gis:__dbang bsgyur rigs kyi dam pa 'grub:__ces zla ba drug tu yul rkyen gyis bar ma chod pa ting 'dzin gsal zhing brtan pas nyams su blangs na rig pa 'dzin pa'i sa la dbugs 'byin par 'gyur ro:__gzhan du zla ba gcig gam:__zhag bdun nam:__nyin zhag gsum gyis mtha' brten par bsgrubs pas kyang dus dang dbang po dang mthun par dngos grub ci rigs pa thob par 'gyur ba yin no:__bzhi pa grub nas dngos grub blang ba ni:__tho rangs snga mar mchod gtor sogs rgyas par bshams la tshogs dang gtor ma rgya cher phul:__lta nyan gyi 'byung po tshar bcad:__byin dbab:__bshags pa bya:__mchod cing bstod la phrin las ltar dngos grub bskul:__bsnyen sgrub sngags mthar:__kA ya sid+d+hi oM:__wA ka sid+d+hi AH__tsit+ta sid+d+hi hU~M:__gu Na sid+d+hi trA~M:__karma sid+d+hi A:__sarba lo ka dz+nyA na sid+d+hi pha la hU~MH__zhes dzaba? kyis bskul bas dngos grub thams cad 'od zer 'ja' tshon lta bu'i rnam pas bdag gis gnas lngar thim par bsam:__skya rengs 'char ba na sgrub rdzas rnams bteg la:__hrIH__ye shes lus can 'gran du med pa yi:__gzi brjid sku yi dngos grub stsal du gsol:__tshangs pa'i dbyangs la chos kyi char chen 'babs:__nus pa sngags kyi dngos grub stsal du gsol:__gzungs dran ting 'dzin mkhyen brtse yongs kyi gzhi:__'od gsal snying po'i dngos grub stsal du gsol:__yid bzhin nor bu dpag bsam bum pa bzang :__'dod 'byung gter gyi dngos grub stsal du gsol:__gdul bya so so'i mos pa ji bzhin du:__thogs med 'jug pa'i dngos grub stsal du gsol:__srung dang zhi rgyas dbang dang mngon spyod sogs:__thun mong las kyi dngos grub stsal du gsol:__mkha' spyod ril bu mig sman rkang mgyogs sogs:__khyad par grub pa'i dngos grub stsal du gsol:__tshe dang yo byad 'dod rgur bsgyur la sogs:__phyi nang dbang bcu'i dngos grub stsal du gsol:__mthong thos dran reg gdul bya smin cing grol:__bla med mchog gi dngos grub stsal du gsol:__zhes dang sngags brjod pas gnas gsum du gtugs la myong grol dang bum chu sogs bza' btung bya zhing stan thog de nyid du dngos grub rnam gnyis bde blag gi tshul gyis thob par bsams la dgongs pa'i gdengs bzung ngo :__bzhi pa dbang bskur ba ni:__bdag nyid dbang blang gsol ba gdab:__slob ma 'jug cing smin par bya:__zhes pas dang po slob dpon bdag nyid nus ldan du bya ba'i phyir 'jug pa ni:__slob ma la bya ba bzhin dbang bzhi'i snying po rjes dang bcas te blang ba'am:__'od zer spro bsdu'i ting nge 'dzin gyis blang ba'am:__lha dang bdag dbyer med du shes pas don gyi dbang blang ba gang yang rung ba dbang po'i ngo skal dang mthun pas rgyud dag par bya'o:__gnyis pa slob ma 'jug par gnang ba gsol ba ni:__dkyil 'khor gy-i shar sgo nas btud de:__rdo rje gsang mchog dkyil 'khor 'dir:__bdag gi slob ma 'jug 'tshal na:__bzod par dgongs te gnang nas kyang :__byin gyis brlab par mdzad du gsol:__zhes gsol ba btab pas dgyes bzhin du gnang ba stsal bar bsam mo:__gsum pa slob ma dkyil 'khor du gzhug pa ni:__sta gon la gnas pa'i slob ma rnams dkyil 'khor gyi khang pa'i sgo drung 'khod nas sgo srung la gsol ba gdab pa ni:__dkyil 'khor khang pa'i sgo skyong che:__dpal gyi khrau bo bdag la dgongs:__bdag cag 'khor ba las bsgral phyir:__thugs rjes dgongs te 'jug par gsol:__nang nas rdo rje ging chen du brtags pa'i las kyi slob dpon gyis dri ba bya ba ni:__khyed rnams su yin ci zhig gnyer:__rigs dang skal bar ldan nam ci:__zhes dris pa'i lan du:__bdag cag theg pa chen po'i rigs:__gsang sngags lam la shin tu mos:__gzhan don sangs rgyas thob bya'i phyir:__dkyil 'khor chen por 'jug par 'tshal:__zhes zhus pa'i lan sbyin pa ni:__de ltar byang chub don gnyer zhing :__khyad par dam tshig bsrung nus na:__bdag gis khyed cag gzhug par bya:__skal med gzhan dag phyir dengs shig:__ces gnang ba sbyin:__khrus nas dbyung :__tsham rngams gyis bgegs bskrad nas dkyil 'khor gyi khang pa'i nang du gzhug:__srung ba'i 'khor lo gsal gdab:__gdong dgab cing me tog byin:__nges 'byung gi blo bcos:__byang chub sems kyis rgyud sbyangs nas:__'phags pa thugs rje chen po phyi bya spyod ltar bsgrub pa:__nang rnal 'byor gyi rgyud ltar bsgrub pa:__gsang ba rnal 'byor bla med ltar bsgrub pa las mchog tu gyur pa phyi ma la'ang :__rdo rje'i sngags rgyud bye ba phrag brgyar gsungs pa las:__'jig rten dbang phyug rgyal ba rgya mtsho'i pha rgyud pad+ma rgyal po:__ma rgyud pad+ma zab pa:__gnyis su med pa'i rgyud pad+ma'i snying po rnams kyi dgongs don mthar thug gcig tu dril ba'i dkyil 'khor chen por 'jug pa'i phyir maN+Dal phul ba sngon du 'gro bas:__gsol ba 'debs pa ni:__'phags mchog rgyal ba rgya mtsho dang :__dbyer med rdo rje slob dpon gyis:__bdag la brtse bas nyer dgongs nas:__dkyil 'khor chen por 'jug mdzad gsol:__lan gsum:__skyabs sems yan lag bdun pas rgyud sbyang :__khyad par yi ge drug pa'i sgrib sbyong dang :__ku sA li'i tshogs bsag bya:__sdom pa bzung :__slob ma'i snying gar zla ba dang :__rdo rje bden gnyis kyi rang gzugs dbyer med du sems bskyed par mos pas:__oM sarba yo ga tsit+ta ut+pa da yA mi:__zhes dam bcas pa brtan par bya ba'i phyir slob dpon gyis rdo rje snying gar bzhag la:__sangs rgyas rnams kyis chos bstan pa:__bden pa gnyis la yang dag brten:__dbyer med lhag pa'i byang chub sems:__rtag tu mi nyams brtan par bya:__oM bo d+hi tsit+ta badz+ra sa ma ya s+t+waM:__rdo rje spyi bor bzhag la:__deng khyod rgyal ba rgya mtsho yi:__dkyil 'khor chen por gzhug bya yi:__dam nyams ma 'dres med pa la:__nam yang smra bar bya ba min:__zhes gsang bar gdams:__slob dpon gyis:__b+h+rU~M bi mA na dz+nyA na pra be sha ya phaT:__ces brjod pas gzhal med khang gi ye shes kyi sgo bzhi shag gis phye ba la:__slob ma rnams dzaHhU~M ba~M hoHzhes tshad med pa bzhi'i 'jug pas zhugs te sgo so sor sku gsung thugs ye shes kyi phyag byas par mos pas:__oM sarba ta thA ga ta kA ya badz+ra pra Na mya ban+da naM ka ro mi:__de bzhin du wA ka:__tsit+ta:__dz+nyA na zhes so sor sbyar:__de rnams ni phyi mtshan ma'i dkyil 'khor du 'jug pa'o:__de nas nang ltar 'jug pa'i sbyor ba dam la bzhag pa ni rdo rje spyi bor bzhag la:__oMH__deng khyod rgyal ba rgya mtsho yi:__ye shes rgyud la bskyed byas te:__dngos grub dam pa thob 'gyur phyir:__gsang ba'i dam tshig thub par gyis:__badz+ra sa ma ya s+t+wa~M:__snying gar bzhag la:__de ring 'jig rten dbang phyug gi:__ye shes khyod kyi snying la zhugs:__gsang ba gzhan la bsgrags pa na:__de ma thag tu bkas te gshegs:__badz+ra sa ma ya hU~M:__bdud rtsi'i chu nan byin la:__dam tshig bdud rtsi 'di 'thung zhig:__dam bsrung dngos grub myur du 'grub:__dam las 'gal na gshed du 'bebs:__de phyir dam tshig srog bzhin srungs:__oM badz+ra sa ma ya u da ka Tha:__dngos gzhi ye shes dbab pa ni:__bla ma'i byin rlabs lamadu bya ba ste:__slob dpon dkyil 'khor gyi gtso bo yab yum du gsal ba la mos gus drag tu byas pas sbyor mtshams nas bde ba'i 'od zer me lcai lta bu byung :__slob ma'i lus la reg pas rnam smin gyi phung khams bsregs zhing sbyangs:__rnam par shes pa hrIHyig dmar por gyur pa yab kyi zhal du drangs:__thugs kar rjes chags kyi mes zhu:__sbyor mtshams nas hrIHyig gi rnam pas phyir spros pa las rgyal ba rgya mtsho yum dang bcas pa'i skur gyur par bsam:__spyi bor pad+ma nyi zla'i steng du rtsa ba'i bla ma sangs rgyas rdo rje chos dmar gsal rdo rje dang dril bu 'dzin pas rang 'od kyi yum dang mnyam par sbyor ba:__dar dang rin po che'i rgyan can mtshan dpe'i gzi brjid 'bar ba la tshad bzung med pa'i mos gus shugs drag tu bskyed pas:__de'i thugs ka nas 'od zer gyi lcags kyu 'jig rten dbang phyug rgyal ba rgya mtsho'i lha tshogs dang :__dpa' bo dang rnal 'byor ma'i tshogs kyi thugs rgyud bskul:__sku gsung thugs rdo rje'i rnam par spyan drangs:__bla ma la thim:__bla ma yab yum yang rjes chags kyi mes byang chub sems kyi bdud rtsir 'od du zhu:__snying ga'i hrIHyig la thim pas rgyud byin gyis brlabs shing :__bde ba chen po'i ye shes lhag par 'bar bar bsam:__lus bsrang :__rlung kha sbyor du 'ching :__rig pa 'dzin med kyi ngang bskyang :__slob dpon gyis spos rol dang bcas ye shes pa bskul zhing dbab:__nyams skyes pa na:__rdo rje spyi bor rgya gram du reg cing :__tiSh+Tha badz+ra sa ma ya staM:__zhes brtan par bya:__rjes 'brel du me tog 'bul ba ni:__bdag gi rig pa'i me tog 'di:__rgyal ba rgya mtsho'i lha la 'bul:__sngon nas 'brel ba'i rigs kyi lhas:__thugs rjes bzhes la byin gyis rlobs:__rat+na puSh+pe pU dza pra tIts+tsha ho:__zhes dor:__rigs nges par byas la ming gdags:__me tog spyi bor bcings la:__puSh+pe dz+nyA na gr-ih+na sa ma ya s+t+waM:__lhag pa'i lha spyi bor thim pas rgyud byin gyis brlabs par bsam:__mig dbye ba ni:__oM:__rig pa ye shes thur ma yis:__khyod kyi ma rig ling tog bsal:__dkyil 'khor lha dang mjal nas kyang :__dngos grub kun gyi snod 'gyur shog:__dz+nyA na tsak+Shu pra we sha ya phaT:__ces brjod cing mig dar bsal:__e ma skal ldan rigs kyi bu:__'phags pa'i dkyil 'khor 'di la ltos:__sgo gsum dad dang gus par gyis:__dngos grub mchog gi skal ldan 'gyur:__zhes spro ba bskyed nas rten dang brten pa'i dkyil 'khor ngo sprad:__gzugs brnyan gyis mtshon te ye shes kyi dkyil 'khor mngon du mthong bar gyur par mos:__de ni nang ye shes kyi dkyil 'khor du 'jug pa'o:__'dir smin slob la bla ma'i byin rlabs lam du bya ba'i gdams ngag kyang sbyin:__bzhi pa dbang bskur ba dngos la:__phyi yi dbang dang nang gi dbang :__sgrub dang gsang ba'i dbang bskur bya:__zhes dang :__phyi ltar rig pa'i dbang bskur bas:__rgyal ba rgya mtsho'i rigs su 'gyur:__zhes pas dang po thun mong phyi'i dbang bskur zhu ba'i phyir maN+Dal phul la:__bde gshegs rigs lnga'i rgyal ba yis:__byang chub sras rnams dbang bskur ltar:__dpal ldan 'khor lo'i dbang phyug gis:__bdag nyid yongs su smin mdzad gsol:__ces gsol ba gdab:__slob dpon gyi thugs ka'i 'od kyis dbang lha nam mkha' khyab par spyan drangs pa dang lhan cig tu:__slob ma mi bskyod thugs rje chen po rgyal ba rgya mtshor gsal ba'i spyi bor rnam par rgyal ba'i bum pas dbang bskur bar bsam:__oM AHhU~M:__bkra shis chen po'i bum pa ni:__byang chub sems rab chu yis bkang :__rnam par dag pa'i bdud rtsi yis:__rdo rje'i rigs su dbang bskur ro:__oM badz+ra u da ka a b+hi Shiny+tsA mi:__slob ma rin 'byung thugs rje chen por gsal ba'i spyi bor rin po che'i dbu rgyan bcing :__trA~M:__zab cing rgya che'i bdag nyid che:__ye shes yon tan bsam mi khyab:__longs spyod chen pa'i dbu rgyan gyis:__rin chen rigs su dbang bskur ro:__oM rat+na saM b+ha wa a b+hi Shiny+tsA mi:__slob ma snang mtha' thugs rje chen por gsal ba'i lag g.yas su rdo rje gtad:__hrI:__rtog pa'i drwa ba thams cad gcod:__shes bya kun la khyab par 'jug:__rdo rje chos kyi rang bzhin ches:__pad+ma'i rigs su dbang bskur ro:__oM pad+ma badz+ra ab+hi Shiny+tsA mi:__slob ma don grub thugs rje chen por gsal ba'i lag g.yon du dril bu gtad:__A:__thogs pa med pa'i ye shes kyis:__sems can khams rnams sad par mdzad:__shes rab dbyangs ldan dril bu'i sgras:__las kyi rigs su dbang bskur ro:__oM karma gaN+De a b+hi Shiny+tsA maM:__slob ma rnam snang thugs rje chen por gsal ba la rdo rje'i ming gdags:__oM:__sangs rgyas kun kyis lung bstan pa'i:__mtshan gyis sa gsum kun tu khyab:__rdo rje'i ming gi gsang ba che:__bde gshegs rigs su dbang bskur ro:__oM badz+ra nA ma a b+hi Shiny+tsA mi:__de ltar phyi'i dbang rnam pa lnga bskur bas phung po dang nyon mongs pa'i rtog pa sbyangs:__ye shes kyi skal ba bzhag:__'phags pa thugs rje chen po rgyal ba rgya mtsho rigs lnga'i dngos grub thob par byas pa yin no:__gnyis pa khyad par nang nus pa'i dbang bskur ba ni:__nang ltar sku gsung thugs yon tan:__phrin las nus pa rgyud la sbyin:__zhes pas thog mar maN+Dal phul la:__thugs rje'i gter chen slob dpon gyis:__rgyal ba rgya mtsho'i sku gsung thugs:__yon tan phrin las rmad po ches:__bdag la byin gyis brlab tu gsol:__ces gsol ba btab la:__dang po lha sku phyag rgya'i dbang bskur ba ni:__so so'i sku spyi bo sogs dbang gnas su bzhag ste:__hrIH___sangs rgyas kun gyi ye shes sku:__snang ba mtha' yas tshe dpag med:__rigs kyi bdag pos dbang bskur bas:__khyab bdag ye shes mngon gyur shog:__oM a mi ta b+ha kA ya a b+hi Shiny+tsA mi:__hrIH__sangs rgyas kun gyi gsung gi dngos:__pad+ma rgyal po yab yum gyis:__rigs kyi bu la dbang bskur bas:__sor rtog ye shes mngon gyur shog:__oM pad+ma lo ke shwa ra a b+hi Shiny+tsA mi:__hrI:__sangs rgyas kun gyi thugs kyi dngos:__rdo rje rgyal po yab yum gyis:__rigs kyi bu la dbang bskur bas:__me long ye shes mngon gyur shog:__oM badz+ra lo ke shwa ra a b+hi Shiny+tsA mi:__hri:__sangs rgyas kun gyi yon tan dngos:__rin chen rgyal po yab yum gyis:__rigs kyi bu la dbang bskur bas:__mnyam nyid ye shes mngon gyur shog:__oM rat+na lo ke shwa ra a b+hi Shiny+tsA mi:__hri:__sangs rgyas kun gyi sku yi dngos:__bde gshegs rgyal po yab yum gyis:__rigs kyi bu la dbang bskur bas:__chos dbyings ye shes mngon gyur shog:__oM bud+d+ha lo ke shwa ra a b+hi Shiny+tsA mi:__hri:___sangs rgyas kun gyi phrin las dngos:__las kyi rgyal po yab yum gyis:__rigs kyi bu la dbang bskur bas:__bya grub ye shes mngon gyur shog:__oM karma lo ke shwa ra a b+hi Shiny+tsA mi:__hri:__sangs rgyas kun gyi 'bar ba'i sku:__rta mchog ye shes sems dpa' yis:__rigs kyi bu la dbang bskur bas:__'od gsal ye shes mngon gyur shog:__oM pad+man+ta kr-i ta a b+hi Shiny+tsA mi:__hri:__sangs rgyas kun gyi tshad med yum:__sgo bzhi skyong mdzad mkha' 'gro mas:__rigs kyi bu la dbang bskur bas:__phrin las rnam bzhi mthar phyin shog:__oM ha ri ni sa d+hA ki nI a b+hi Shiny+tsA mi:__des snang ba thams cad lha'i 'khor lor byin gyis brlabs pa yin no:__gnyis pa bzlas pa'i sngags kyi dbang bskur ba ni:__bzlas pa'i lung sbyin zhing sgrub thabs ltar dmigs pa ngo sprad:__sngags phreng mgrin par bzhag la:__hrIH__ji snyed sangs rgyas thams cad kyi:__gsung gi rdo rje'i bdag nyid che:__nus pa sngags kyis dbang bskur bas:__grags stong ye shes mngon gyur shog:__oM sarba ta thA ga ta wA ka a b+hi Shiny+tsA mi:__des grags pa thams cad sngags kyi 'khor lor byin gyis brlabs pa yin no:__gsum pa rang byung 'od gsal gyi dgongs pas dbang bskur ba ni:__me long la rdo rje'i gzugs brnyan 'char ba'i brdas mtshon par byas la:__hrIH__ji snyed sangs rgyas thams cad kyi:__thugs kyi rdo rje'i bdag nyid che:__rang byung rig pa'i dbang bskur bas:__rig stong ye shes mngon gyur shog:__oM sarba ta thA ga ta tsit+ta a b+hi Shiny+tsA mi:__des dran rtog thams cad 'od gsal ye shes kyi 'khor lor byin gyis brlabs pa yin no:__bzhi pa yon tan rgyan gyi dbang bskur ba ni:__dar dang rin po che'i rgyan gyis brgyan la:__hrI:__ji snyed sangs rgyas thams cad kyi:__yon tan rdo rje'i bdag nyid che:__longs spyod rgyan gyi dbang bskur bas:__mkha' khyab ye shes mngon gyur shog:__oM sarba ta tha ga ta gu Na a b+hi Shiny+tsA mi:__des bya ba thams cad zag med yon tan gy-i 'khor lor byin gyis brlabs pa yin no:__lnga pa phrin las rtsal gyi dbang bskur ba ni:__sna tshogs rdo rje gtad la:__hrI:__ji snyed sangs rgyas thams cad kyi:__phrin las rdo rje'i bdag nyid che:__thogs med 'jug pa'i dbang bskur bas:__'gro 'dul ye shes mngon gyur shog:__oM sarba ta thA ga ta karma a b+hi Shiny+tsA mi:__des byed spyod thams cad 'gro 'dul phrin las kyi 'khor lor byin gyis brlabs pa yin no:__gsum pa sgrub pa mchog gi dbang bskur ba'i phyir maN+Dal phul:__hrI:__bde chen dgyes par rol pa yi:__'khor lo'i mgon po bdag la dgongs:__rgyal ba rgya mtsho'i dkyil 'khor du:__sgrub pa mchog gi dbang bskur stsol:__ces gsol ba btab pa la:__lha sgom bshad sgrub khyad par dang :__las kyi rjes gnang brtan par bya:__zhes pas dang po lha bsgom pa'i rjes gnang ni rten dang brten par bcas pa'i dkyil 'khor gtad la:__hoH__deng nas bzungs ste bu khyod kyis:__'phags pa rgyal ba rgya mtsho yi:__rten dang brten pa'i dkyil 'khor bsgom:__tha mal snang zhen kun sbyongs shig:__oM sarba ta thA ga ta maN+Dal a b+hi Shiny+tsA mi:__deng phyin chad 'phags pa thugs rje chen po'i lha bsgom pa dang ma bral bar gyis shig:__gnyis pa chos bshad pa'i dbang bskur ba ni glegs bam gtad la:__hoH__deng nas bzung ste bu khyod kyis:__'phags pa rgyal ba rgya mtsho yi:__dbang skur dam chos rtag tu shod:__'phags pa'i phrin las rgyas par gyis:__oM sarba ta thA ga ta d+harma a b+hi Shiny+tsA mi:__deng phyin chad 'phags pa thugs rje chen po'i smin grol gyi chos kyi 'khor lo bskor bar gyis shig:__gsum pa sgrub pa'i dbang bskur ba ni phreng ba gtad la:__hoH__deng nas bzung ste bu khyod kyis:__'phags pa rgyal ba rgya mtsho yi:__bsnyen sgrub chu bo'i gzhung bzhin brtson:__dngos grub rnam gnyis sgrub par gyis:__oM sarba dz+nyA na sid+d+hi a b+hi Shiny+tsA mi:__deng phyin chad 'phags pa thugs rje chen po'i bsnyen sgrub zab mo'i rnal 'byor la dus rtag tu brtson par gyis shig:__bzhi pa sgrub pa khyad par ba skye bdun rdzas kyi dbang bskur ba la:__slob dpon gyis myong grol thod pa'i zhal khebs bsal bas rang byung b+han+d+ha'i snod du ril bu 'phags pa thugs rje chen po rgyal ba rgya mtsho'i dkyil 'khor gyi lha tshogs su bkra lam mer gsal ba las 'od zer 'phros:__slob ma rnams la phog pas bdag rtog gi dri ma sbyangs:__'phags pa'i thugs rje yul la 'jug pa'i snod dang skal bar ldan par gyur:__lha tshogs rnams snyoms par zhugs pa'i bde ba chen pos 'od du zhu ba las grol ba drug dang ldan pa'i ye shes kyi thig le 'od 'tsher ba'i rnam par bsams la:__ril bu mig lam du bstan cing spyi bor bzhag:__oM:__'gro 'dul rgyal ba rgya mtsho yi:__thugs rje'i phrin las shugs phyung ba:__mthong grol dam tshig rdzas mchog gis:__rgyal ba rtag par dbang bskur ro:__las sngags dang :__oM a b+hi Shiny+tsA mi:__ril bu snod bcas rna bar gzhag la:__hrI:__'gro 'dul rgyal ba rgya mtsho yi:__thugs rje'i phrin las shugs phyung ba:__thos grol dam tshig rdzas mchog gis:__rta mchog chen por dbang bskur ro:__hA a b+hi Shiny+tsA mi:__ril bu'i dri'i rdzas dang sbyar ba'i dud pas bdugs la:__swA:__'gro 'dul rgyal ba rgya mtsho yi:__thugs rje'i phrin las shugs phyung ba:__tshor grol dam tshig rdzas mchog gi:__rdo rje nyi mar dbang bskur ro:__swA a b+hi Shiny+tsA mi:__ril bu lce thog tu bzhag la:__hrI:__'gro 'dul rgyal ba rgya mtsho yi:__thugs rje'i phrin las shugs phyung ba:__myong grol dam tshig rdzas mchog gis:__rdo rje chos su dbang bskur ro:__hrIHa b+hi Shiny+tsA mi:__ril bu dang byang sems dkar dmar sin+d+hU ra bcas sbyar bas snying gar thig le dgod cing :__hU~M:__'gro 'dul rgyal ba rgya mtsho yi:__thugs rje'i phrin las shugs phyung ba:__dran grol dam tshig rdzas mchog gis:__khrag 'thung chen por dbang bskur ro:__hU~M a b+hi Shiny+tsA mi:__ril bu dar gyi na bza' dang bcas mgul du btags la:__a:__'gro 'dul rgyal ba rgya mtsho yi:__thugs rje'i phrin las shugs phyung ba:__btags grol dam tshig rdzas mchog gis:__rdo rje sems dpar dbang bskur ro:__a a b+hi Shiny+tsA mi:__de ltar dbang drug gi byed pas tshogs drug gi snang ba thams cad 'phags pa thugs rje chen po rgyal ba rgya mtsho rigs drug gi ngo bor byin gyis brlabs te mkha' khyab 'gro ba sgrol ba'i mthu dang ldan par bsam:__skye bdun rdzas kyi phan yon kyang brjod par bya'o:__deng phyin chad 'phags pa thugs rje chen po'i khyad par gyi phrin las la brten nas mkha' khyab sems can thams cad grol ba drug ldan gyi go 'phang la dbugs dbyung bar gyis shig:__lnga pa thun mong las dbang bskur ba ni phrin las bzhi'i 'brang rgyas gtad la:__hoH__deng nas bzung ste bu khyod kyis:__'phags pa rgyal ba rgya mtsho yi:__gang 'dul phrin las rnam pa bzhis:__'gro ba'i re 'dod skong bar gyis:__oM sarba karma a b+hi Shiny+tsa mi:__deng phyin chad 'phags pa thugs rjai chen po rgyal ba rgya mtsho'i thun mong gi phrin las la brten nas 'gro ba'i re 'dod yid bzhin nor bu ltar bskang bar gyis shig:__drug pa dbang thams cad brtan par byed pa rnam rgyal bum pa spyi bor bzhag la:__hrIH__bkra shis rnam par rgyal ba'i bum pa na:__'phags mchog rgyal ba rgyal mtsho'i dkyil 'khor bzhugs:__'aud zhu bdud rtsi'i rgyun gyis dbang bskur bas:__sku dang ye shes phrin las yongs rdzogs shog:__hrIHhU~M trA~M oM AHa b+hi Shiny+tsa mi:__su ra tA s+t+waM a haM:__zhes byang chub sems kyi bdud rtsis spyi bo nas dbang bskur bas lus thams cad gang :__dbang thams cad thob:__dri ma thams cad dag:__dbang don gyi ye shes brtan par byas:__chu lhag ma spyi bor 'khyil ba las rigs kyi bdag pos dbur brgyan:__nam mkhar bzhugs pa'i dbang gi lha rnams kyang slob ma la thim pas ye shes kyi gzi byin 'bar:__de nyid la mchod pa'i yo byad dang bkra shis pa'i glus kyang mnga' gsol:__phyi dkyil la brten bum dbang thob:__lus kyi sgrib dag bskyed pa'i rim:__bsgom par dbang zhing sprul pa'i sku'i:__ye shes rgyud la bzhag pa'o:__bzhi pa gsang ba zab mo'i dbang bskur ba la maN+Dal phul:__thugs rje'i gter gyi bka' drin gyis:__phyi nang dbang bskur rdzogs par thob:__da ni gsang ba'i dbang mchog gis:__bde chen ye shes smin mdzad gsol:__ces gsol ba btab pa la:__rdzas dang lam dang rang bzhin gyis:__gsang ba zab mo'i dbang gsum bskur:__zhes pas dang po rdzas gsang ba byang chub sems kyi dbang bskur ba ni:__bla ma yab yum 'du shes gsum gyis snyoms par zhugs pa'i dkar dmar byang chub kyi sems rgyal ba rgya mtsho 'dus pa'i ngo bo byin la:__hrIH__bde gshegs rgyal ba rgya mtsho'i lha:__gsang ba ye shes yum dang sbyor:__byang chub sems kyi dbang bskur bas:__gsal stong ye shes mngon gyur shog:__rtsa sngags dang gU h+ya bo d+hi tsit+ta a b+hi Shiny+tsa A:__slob mas kyang rtog pa med pa'i ngang du myangs pas rtsa khams bde bas gang :__gsal stong mkha' khyab kyi ye shes mngon du gyur par bsam:__dam rdzas la brten gsang dbang thob:__ngag gi sgrib dag rtsa rlung lam:__bsgom par dbang zhing longs spyod sku'i:__ye shes rgyud la bzhag pa'o:__gnyis pa lam gsang ba pho nya'i dbang bskur ba ni:__mtshan nyid dang ldan pa'i rig ma gu h+ya dz+nyA nar byin gyis brlabs pa dang sin+d+hU ra'i maN+Dal slob ma'i lag par gtad de:__hU~M:__'di ni gsang ba'i lha mo ste:__thabs mchog dpa' bo khyod la gtad:__snyoms 'jug bde ba'i dbang bskur bas:__dga' bzhi'i ye shes mngon gyur shog:__rtsa sngags dang pra dz+nyA mu drA a b+hi Shiny+tsA hU~M:__sin+d+hU ras dpral bar thig le dgod:__bus kyang 'du shes gsum gyis rjes su chags pa'i mes bskul bas:__yas babs dang mas brtan gyi lhan skyes nyams su blang :__pho nya la brten sher dbang thob:__yid kyi sgrib dag thig le'i lam:__bsgom par dbang zhing chos kyi sku'i:__ye shes rgyud la bzhag pa'o/__/gsum pa rang bzhin gyis gsang ba rig rtsal gyi dbang bskur ba ni:__slob ma'i rgyud la shar ba'i dpe'i ye shes don gyi lhan skyes su ngo sprad pa ste:__ho:__ltos shig rang gi sems la ltos:__bde ba'i rang bzhin stong par shar:__zung 'jug gnyug ma'i dbang bskur bas:__'od gsal phyag chen mngon gyur shog:__rtsa sngags dang ma hA mu dra dz+nyA na a b+hi Shiny+tsA a a a:__bde bas thabs byas pa'i stong nyid phyag rgya chen po bsam gyis mi khyab pa'i ngang du mnyam par bzhag:__rang bzhin la brten bzhi pa thob:__sgo gsum sgrib dag gnyug ma'i lam:__bsgom par dbang zhing bde chen sku'i:__ye shes rgyud la bzhag pa'o:__smin par slob pa la dbang so so'i mthar dbang don gyi ye shes bskyang tshul gyi gdams ngag kyang thebs par gdab:__rjes dam tshig bsgo ba ni:__ho:__skal ldan rigs kyi bu rnams nyon:__rgyal ba rgya mtsho'i dkyil 'khor du:__zhugs shing dbang bskur rdzogs pa ni:__rgyal bu rgyal sar phyung ba 'dra:__rgyal srid mi nyams bskyang ba bzhin:__dbang srog dam tshig sdom pas bzung :__de phyir spyi dang khyad par gyi:__bslab bya thams cad tshul bzhin srung :__zhes gdams pa la bus kyang khas blang :__gtang rag gi maN+Dal dang dga' ston sogs rgya cher bya'o:__de nas tshogs kyi lhag ma gtong ba sogs phrin las rjes kyi bya ba rnams tshul bzhin du bsgrub:__rdul tshon gyi ye shes pa gshegs shing dam tshig pa bdag nyid dang :__bdag bskyed 'od gsal du bsdu zhing thun mtshams kyi lhar ldangs la mtshams dgrol:__sgrub pa'i rdzas cha gsum du bgos la:__cha gcig gter du sba:__cha gcig sbyin sreg dbul:__cha gcig rang gzhan dngos grub kyi don du longs spyod:__rdo rje slob dpon stegs bu'i dbus su bzhugs pa la slob ma rnams kyis bskor te:___bka' drin gso phyir ci 'byor pa'i longs spyod dang lus dang dge tshogs ltos med du phul ba'i mos pas skyems drangs:__me tog dang bcas thal mo sbyar la:__hoH__rigs kun khyab bdag rdo rje slob dpon gyis:__'phags mchog rgyal ba rgya mtsho'i dkyil 'khor du:__bdag cag thugs rje chen pos rjes gzung ba'i:__bka' drin dus gsum kun tu 'khor med phyir:__lus dang longs spyod ltos med 'bul lags na:__dpal ldan bla ma dam pa zhabs brtan cing :__mdo sngags bstan pa dar zhing rgyas pa dang :__'jig rten khams kun bde legs dpal 'byor rgyas:__'dir 'dus tshe dang sgrub pa mthar phyin nas:__byang chub bar du khyed kyis rjes gzung gsol:__zhes zhu zhing me tog 'thor:__zhabs la phyag bya:__dpon slob thams cad kyis spaus dang mar me thogs la:__hoH__pad+ma rnam par rgyas pa'i dkyil 'khor du:__rigs kun khyab bdag rdau rje slob dpon dang :__mched dang lcam dral 'dus pa'i tshogs rnams kyis:__'gro 'dul thugs rje'i lha tshogs bsgrubs pa'i mthus:__deng nas bzungs stai tshe rabs thams cad du:__tshom bu gcig tu nam yang mi 'bral zhing :__mtho ris yon tan bdun gyis 'byor pa dang :__'phags pa'i nor la rang dbang spyod par shog:__nam zhig byang chub lhums su zhugs pa'i tshe:__ye shes gsal ba'i mar me'i 'od lam las:__'phags mchog dpa' bo mkha' 'gros mdun bsus te:__pad+mo bkod pa'i zhing du dbugs phyungs shig:__bla ma rgyal ba rgya mtshos rjes bzung nas:__rtsa rlung thig le sems kyi dri ma byang :__sku dang ye shes 'du 'bral med pa'i dbyings:__'od gsal thig le chen por lhun rdzogs shog:__ces gdung shugs drag pos smon lam du btab pas brtson 'grus can rnams tshe 'dir grol zhing :__ma 'bad kyang phyi mar dag pa'i zhing du dbugs 'byin cing grol ba thob par 'gyur ro:__gzhan yang bkra shis kyi tshigs su bcad pa rgya cher brjod pas dge zhing shis par bya'o:__don gyi dbang mdor bsdus te bskur na:__bdag mdun sgrub mchod sngon du 'gro bas 'jug pa ji ltar rig pa dang :__sgrub pa'i dbang gi mtha' rten bum dbang gi rjes:__dbang gong ma gsum gzhung ltar bskur bas kyang bla slob gnyis ka ting 'dzin gsal zhing brtan na nges par smin byed du 'gyur ba yin no:__gnyis pa dbang don gyi ye shes bskyang ba gdams ngag 'khrid kyi rim pa la gsum ste:__sngon 'gro blo sbyang ba:__dngos gzhi ye shes bskyang ba:__rjes ye shes gong 'phel du bsgrub pa'o:__dang po ni:__nges 'byung bskyed cing skyabs su 'gro:__byang chub sems sbyong bshags dang spel:__bla ma'i byin rlabs snying la dbab:__ces pas dang po nges 'byung gis mtshams sbyar ba ni:__kye ma bdag gis rten phun sum tshogs pa rnyed dka' la phan yon che ba'i dal 'byor gyi mi lus thob:__skyabs rnam par dag pa mtshan ldan gyi bla ma dang mjal:__lam rmad du byung ba rdo rje theg pa'i gsang ba dang 'phrad pa'i skabs 'dir dam pa'i chos gsha' ma zhig ma byung na rang gi bslus tshabs che ba de las ci zhig yod:__chos sgrub pa de'ang le lo dang phyi bshol gyi dbang du song na bar snang nas glog 'khyugs pa ltar 'chi ba de nam 'ong cha med:__do nub 'chi 'am nangs par 'chi da lta da 'chi na'ang mi shes pas ci drag:__shi bas mi chog par gyi las kyi rjes su 'brangs nas 'chi khar gnad gcod kyi sdug bsngal:__bar dor 'jigs skrag gi 'khrul snang :__rigs drug gang du skyes kyang me'i 'obs dang spu gri'i tshal du 'jug pa ltar bde ba'i go skabs cung zad kyang med:__des na sdug bsngal can gyi 'khor ba de las da res ci nas kyang thar ba zhig mi byed re shi snyam du tshe 'di'i ltos thag thams cad rbad kyis bcad la:__dus rtag tu nges 'byung drag pos skul ma gdab par bya'o:__'di phyi'i rkyen gang la brten nas kyang yid 'byung rtsol med du skye zhing :__blo dam pa'i chos la hril gyis 'gro ba ni 'byongs pa'i tshad do:__de ltar sbyangs pa'i dgos pa ni:__byed spyod thams cad dge bar 'gyur zhing thar pa'i lam du 'gro ba yin no:__gnyis pa skyabs su 'gro bas lam gyi sgor 'jug pa ni:__'jigs rung 'khor ba'i sdug bsngal de las skyob nus pa ni bla ma dang dkon mchog ma gtogs gzhan med par yid ches kyi dad pa brtan pos kun nas bslangs te:__sa phyogs dag pa'i zhing khams:__gnas khang ye shes kyi pho brang :__cir snang mchod pa'i sprin phung du 'khrigs pa'i rang gi mdun gyi nam mkhar:__bla ma 'phags mchog 'gro 'dul rgyal ba rgya mtsho'i skur gsal ba'i mtha' skor du dkon mchog rtsa gsum rgya mtsho'i tshogs rnams mngon sum du bzhugs pa'i spyan sngar:__rang dang pha ma sems can thams cad sgo gsum gus pas 'khod de 'di nas byang chub ma thob bar ci mdzad khyed rnams shes so snyam du blo gtad ling gis bsgyur nas skyabs su song bar mos pas:__na mo:__bdag dang khams gsum sems can kun:__bla ma dkon mchog rtsa gsum lhar:__rtse gcig gus pas skyabs su mchi:__thugs rjes byin gyis brlab tu gsol:__zhes brjod:__srog la nges par bab kyang dkon mchog blos mi gtong zhing :__skyid sdug ci byung yang de kho na la re ltos 'cha' ba ni 'byongs ba'i tshad do:__sbyangs pa'i dgos pa ni ci bsam chos bzhin du 'grub cing :__thar pa'i sa bon thebs pa yin no:__gsum pa sems bskyed pas lam gyi gzhi bca' ba ni:__skyabs yul rnams dpang por gsol te:__sems can thams cad pha ma drin can sha stag yin kyang :__sdug bsngal gyi rgyu 'bras la longs spyod pa snying re rje:__'di thams cad sangs rgyas kyi sar bdag kho nas dgod pa la zhums pa med pa'i snying stobs bskyed:__de'i ched du theg pa mchog gi lam la rtse gcig tu bslab par dam bca' ba ni:__ho:__mar gyur 'gro kun snying re rje:__'di rnams sangs rgyas sar 'god phyir:__bla med smon 'jug byang chub sems:__dam pa bdag gis bskyed par bgyi:__zhes brjod:__mthar skyabs yul rnams las 'od zer 'phros:__bdag gzhan sems can thams cad la phog:__sdig sgrib bag chags dang bcas pa byang :__byin rlabs rgyud la zhugs par mos tai skyabs yul rang la bstim mo:__rang 'dod kyi zhen 'khris med par ci byed gzhan don du ngang gis 'char ba ni 'byongs pa'i tshad do:__sbyangs pa'i dgos pa ni dge sbyor thams cad byang chub kyi rgyur smin cing thams cad mkhyen pa'i go 'phang dka' ba med par thob pa yin no:__bzhi pa yi ge drug pa'i rnal 'byor gyis sdig pa bshags pa ni:__mdun gyi nam mkhar pad zla'i steng :__rtsa ba'i bla ma spyan ras gzigs:__dkar gsal mchog sbyin pad+ma 'chang :__dar dang rin chen rgyan gyis mdzes:__ri dgas pags pas nu g.yon bkab:__zhabs zung phyed skyil rol pas 'gying :__zhi 'dzum brtse ba'i bdag nyid can:__mngon sum bzhin du bzhugs par gyur:__ces gsal btab pa rten du bzung ste:__sdig ltung la shas mi bzod pa'i 'jigs skrag gnong 'gyod drag pos:__bdag dang sems can thams cad kyis tshe rabs 'khor ba thog med nas bsags pa'i sdig ltung bag chags dang bcas pa byang zhing dag pa zhig khyed mkhyen no:__phyin chad srog la bab kyang mi bgyid do snyam pas phyag 'tshal ba dang bcas te:__kye kye bla ma spyan ras gzigs:__bdag la re sa khyed las med:__skyid sdug re ltos khyed shes pas:__sdig ltung dag par byin gyis rlobs:__zhes gsol ba btab cing yi ge drug pa gsol 'debs kyi tshul du bzlas pas:__thugs kar pad zla'i steng du hrIHyig gi mthar sngags kyi phreng bas bskor ba las bdud rtsi'i rgyun dpag tu med pa babs:__zhabs g.yas pa'i mthe bong nas brdol ba'i tshul du byung :__rang gi spyi bo nas zhugs:__tshe rabs 'khor ba thog med nas bsags pa'i sdig ltung gi ngo bo:__rigs drug tu skye ba'i sa bon yi ge drug la reg pa tsam gyis lhag med du sbyangs:__lus thams cad bdud rtsis khengs pas rgyud byin gyis brlabs par mos pa dang bcas yig drug kho na bzla:__skabs su a n+ri su tri pre duHma ma sarba pA pa~M shAn+tiM ku ru swA hA:__zhes spel:__mthar smre sngags drag pos gsol ba btab pas bla ma thugs rje chen po 'od du zhu:__rang la thim:__ye shes drug gis byin gyis brlabs par mos la sdig ltung dag pa'i nges shes bskyed do:__lus yang :__shes pa gsal:__rmi lam na'ang sdig sems mi 'byung :__blo dge sbyor la rtse gcig tu bkol du btub pa ni 'byongs ba'i tshad do:__sbyangs pa'i dgos pa ni rang rgyud sdig ltung gi dri ma dang bral bas lam gyi gegs thams cad sbrul mdud ltar rang grol ba yin no:__lnga pa nang phung po la brten nas tshogs bsags pa ni:__rang nyid tha mal du gnas pa'i snying ga nas rlung sems dwangs ma lnga 'dus thig le'i rnam pas tshangs bug nas 'thon:__nam mkhar gsang ba ye shes kyi mkha' 'gro dmar mo gri thod 'dzin pa'i skur gyur:__gri gug gis phung po'i smin mtshams la reg pas thod pa ling gis 'phar:__mi mgo'i sgyed pu ri rab tsam gsum rang byung du grub pa'i khar bzhag pas stong gsum gyi khyon dang mnyam pa'i nang phung po dum bur bskyur bas sha khrag rus gsum rgya mtshor bskyil:__me rlung gi sbyor bas thod pa dros:__rdzas zhu ba las ye shes kyi bdud rtsi mkha' khyab tu 'phel:__mdun gyi nam mkhar bla ma thugs rje chen po dkon mchog rtsa gsum rgya mtsho'i tshogs kyis bskor ba dang :__mtha' skor bgegs rigs lan chags khams gsum gyi 'gro ba thams cad 'khod pa la:__gsang ba ye shes kyi mkha' 'gro'i thugs ka nas mchod pa'i lha mo nyi zer gyi rdul ltar spros:__bdud rtsi'i phud kyis bla ma dkon mchog rtsa gsum chos srung tshogs rnams la thugs mnyes pa'i mchod pa phul:__ljags 'od kyi sbu gus dgyes bzhin du bzhes:__zag med kyi bde bas mnyes:__tshogs rdzogs sgrib byang dngos grub thob:__lhag ma bgegs rigs lan chags khams gsum gyi 'gro ba kun la stsal bas gnod 'tshe dang gdug sems zhi:__bu lon dang lan chags byang :__byang chub mchog gi skal ba dang ldan par bsams la:__phaT:__bdag nyid tha mal gnas pa yi:__rlung sems thig le tshangs bug nas:__mkha' dbyings thon pa'i skad cig la:__gsang ba ye shes mkha' 'gror gyur:__phyag g.yas gri gug gdengs pa yis:__phung po'i thod pa ling gis bskyur:__b+han+d+ha'i sgyed pu gsum gyi khar:__stong gsum dang mnyam ka pA lar:__sha khrag rus pa'i rgya mtshor bskyil:__ye shes rlung g.yos me sbar bas:__bskol zhing 'od du zhu ba las:__zag med bdud rtsi'i rgya mtshor gyur:__oM AHhU~M ha ho hrIHphaT slar yang mkha' 'gro'i thugs ka nas:__las byed pho nya grangs med spros:__dkon mchog rtsa gsum chos srung mchod:__tshogs rdzogs sgrib byang dngos grub thob:__lhag ma bgegs rigs lan chags dang :__khams gsum snying rje'i mgron la byin:__lan chags bu lon sdig sgrib dag:__tshom bu gcig tu mngon sangs rgyas:__'khor gsum spros pa las 'das pa'i:__'od gsal thig le chen por a:__zhes brjod cing mthar rtog med spros bral gyi ngang bskyang ngo :__tshe ring :__nad med:__chos kyi bsam sbyor thams cad 'grub:__snang ba'i bden zhen zhig pas nyams rtogs la skyed mthong chos su thon pa ni 'byongs pa'i tshad do:__sbyangs pa'i dgos pa ni:__lam gyi bogs thon cing myur du ye shes kyi tshogs rdzogs te gnas lugs mngon sum du byed pa yin no:__drug pa bla ma'i rnal 'byor la brten nas ye shes btsan thabs su 'bebs pa ni:__bdag la thar pa'i lam ston pa'i:__mtshan nyid kun ldan bla ma de:__sangs rgyas kun las bka' drin lhag:__de phyir rtse gcig gus pas bsnyen:__e ma hoH__snod bcud thams cad 'og min zhing :__rgyan dang bkod pa tshad med dbus:__rang byung nam mkhar seng khri dang :__pad+ma nyi zla'i gdan gyi steng :__rtsa ba'i bla ma rdo rje 'chang :__pad+ma'i rigs bdag chen po ni:__dmar gsal rdo dril thugs kar bsnol:__dar dang rin chen rus pas brgyan:__zhi chags mtshan dpe'i 'od phung 'bar:__dkon mchog rtsa gsum kun 'dus pa'i:__khyab bdag ye shes lnga yi bdag:__mngon sum dgyes bzhin bzhugs par gyur:__ces tshogs rten gsal gdab:__yan lag bdun pa 'bul:__khyad par mos gus tshad gzung med par bskyed la:__kye kye bla ma rin po che:__'di nas byang chub snying po'i bar:__bdag la re ltos khyed las med:__thugs rje'i spyan gyis gzigs su gsol:__sdug bsngal 'khor ba'i 'dam las drongs:__zhi bsil bdud rtsi'i char chen phob:__sku gsung thugs kyis rjes su zungs:__smin cing grol bar byin gyis rlobs:__zhes gsol ba brgya stong grangs med du gdab:__oM AHhU~M badz+ra ma hA gu ru sarba sid+d+hi hU~M:__zhes rdo rje'i sngags kyis thugs dam bskul:__mjug tu dbang blang ba ni:__bla ma'i gnas gsum yig 'bru las:__sku dang yig 'bru phyag mtshan tshogs:__rim dang gcig car tshul du 'phros:__rang gi gnas gsum zhugs shing thim:__'od kyis sgo gsum dri ma sbyangs:__bdud rtsis byin brlabs dbang mchog thob:__lam gyi ye shes rgyud la skyes:__'bras bu'i skal ba rgyud la bzhag:__ces rtse gcig tu yid la bya:__mthar ni bla ma 'od du zhu:__rtsa rlung thig le byin gyis brlabs:__sems nyid gnyug ma'i gnas lugs mthong :__thugs yid gcig tu 'dres par bsam:__de ltar nyams su blangs pas bla ma la sangs rgyas rdo rje 'chang dngos kyi mos gus rkyen gang gis kyang 'phrog mi nus pa skye:__snang grags thams cad bla mar shar:__rtogs pa'i ye shes rang shar ba ni 'byongs pa'i tshad do:__sbyangs pa'i dgos pa ni:__tshe 'di nyid la dgongs pa'i btsan sa zin nas dpal ldan bla ma'i gdung 'tshob par nus pa yin no:__gnyis pa dngos gzhi dbang bzhi'i ye shes bskyang ba ni:__bum dbang ye shes snang stong bsgom:__gsang dbang ye shes gsal stong bskyed:__gsum pa'i ye shes bde stong myang :__bzhi pa'i ye shes rig stong blta:__zhes pas dang po bum dbang gi ye shes bskyed pa ni:__bskyed rim gyi lha khrid la gnas par bya ste:__dben pa'i gnas su mtshams dam par bcad:__bris sku sogs dam tshig gi rten bsham:__ting nge 'dzin gyi 'gal rkyen spang :__bsam gtan 'grub pa'i rgyu tshogs brten:__bsnyen sgrub kyi rnal 'byor gzhung bsrang :__thog mar rang nyid gtso bo yab yum la sems bzung :__res lha sku yongs rdzogs la blo bzhag:__res cha shas re re nas gsal gdab:__gsal snang brtan po skyes na chu zla dang 'ja' tshon gyi dpes snang stong du sbyang :__mi gsal na bris sku la yid mig rlung gsum mdung tshugs su gtad:__de lta bus gtso bo yab yum gyi sems 'dzin gyi nyams skyes pa na rim gyis 'khor dang :__gzhal yas khang :__rdo rje'i srung 'khor me ri dang bcas pa'i gsal snang thon par bya:__skabs su dag pa dran par bya ste:__rgyud las:__rang nyid rgyal ba rgya mtsho'i bdag:__'gro la rjes chags sku mdog dmar:__zhal gcig stong nyid thig ler bzlums:__phyag bzhi tshad med snying rjer shar:__zhabs zung bden gnyis zung du 'jug:__rtsa phyag chos sku rdo rjer bsdams:__'og ma longs sku bde chen dang :__sprul pa'i phreng ba pad+ma 'chang :__ye shes yon tan rgyan du rdzogs:__bde stong dbyer med yum dang sbyor:__ye shes bzhi yi rigs mchog dang :__tshad med sgo skyong mkha' 'gror snang :__byang chub phyogs chos gzhal med khang :__'od gsal rdo rje'i srung 'khor las:__rang rtsal me 'od kun tu 'phro:__zhes so:__rtsal sbyang ba'i phyir snang srid dag pa rab 'byams kyi bskyed rim gang snang lha skur 'char ba la bslab:__bogs 'don pa'i phyir rlung sems thig le las rten dang brten par bcas pa nam mkha' gang bar spro zh-ing bsdu:__de thams cad rang rig pa skad cig ma'i ngo bor la bzla:__de ltar yang nas yang du goms pas drod thob:__rlung sems lha skur ldang nus:__'od gsal du 'jug pa'i rim pas chos nyid kyi bden pa mngon du 'gyur ba yin no:__bskyed rim gyi yan lag tu phyi nang gsang ba yang gsang gi sgrub pa byed par 'dod pas:__dang po phyi sgrub la phyi rten phyi ru bca' ba ni:__ji skad bshad pa'i dkyil 'khor gsum dang mchod tshogs 'du bya:__khyad par sba lcag tshigs gsum pa 'am bal po'i se'u'i sdong bu nang khong brus par sku dang sngags gsol byang gis brgyan pa:__pad+ma rA ga hrIHsa mtshan pa dar dang rin chen 'bru sman dar zab sogs bcug:__dar dmar po'i cod pan btags pa'ang dkyil 'khor gyi nub tu btsug:__phrin las kyi gzhung bsrangs la:__bdag mdun dbyer med kyi dkyil du bsgom pa'i bsnyen sgrub las sbyor gyi bzlas pa grangs them pa dang :__rtags mthong ba'i tshe dngos grub blang ba sogs bya'o:__gnyis pa nang sgrub la nang rten lus la 'chang ba ni:__gzhon nu ma rigs ldan gyi dang por byung ba'i mtshal chen gyis spags pa'i ras sam gro shog dmar po la gser gyi 'khor lo lte ba mu khyud dang bcas pa'i dbus su gtso bo yab yum gyi sku thugs kar hrIHsa mtshan pa:__de'i gong ras la oM AHhU~M hrIHoM ma Ni pad+me hU~M:__d+hU ma g+ha ye na ma swA hA:__pad+ma lo ke shwa ra gu h+ya dz+nyA na tsit+ta hrIM hrIM dzaHdzaHkA ya wA ka tsit+ta sarba sid+d+hi pha la hU~M:__zhes bri:__mu khyud dang po la pad 'dab bzhi'i shar du:__gong gi sngags la badz+ra lo ke shwa ra sogs kha bsgyur ba dang :__de bzhin lhor rat+na:__nub tu bud+d+ha:__byang du karma:__mu khyud gnyis pa la 'dab bzhi'i shar du:__oM badz+ra d+hA ki nI tsit+ta hrIM hrIM sogs sngags sham gong dang 'dra:__de bzhin du lhor rat+na:__nub tu pad+ma:__byang du karma zhes pa sgyur mu khyud gsum pa la dbyangs gsal rten snying dang :__'phags pa thugs rje chen po rgyal ba rgya mtsho'i dkyil 'khor gyi lha tshogs rnams bdag gi rdo rje lus kyi dkyil 'khor dang dbyer med par bzhugs nas sku gsung thugs kyi dngos grub ma lus pa myur du stsal du gsol:__zhes sogs gsol byang gis brgyan:__mthar 'od zer gyi phreng ba dmar pos bskor:__bla ma yam yum gyi byang sems:__skye bdun sgrub pa'i rdzas ril:__gi waM:__sin+d+hU ra:__rdo khab len:__lcags kyu can gyi me tog dmar po dang bcas pas byugs shing :__rdzas de dag lhan cig zangs kyi gwa 'ur bcug:__rab tu gnas te drod dang ma bral bar bcangs pa tsam gyis kyang thugs rje chen po mkha' 'gro'i tshogs dang bcas pas sgo gsum la ye shes kyi byin 'bebs par 'gyur ro:__nyams su blang ba ni:__sngon 'gros rgyud sbyangs te bla ma'i rnal 'byor gyi mthar gnas dang mchod pa'i yo byad byin gyis brlab:__hrIH__stong nyid dbyings las snying rje'i gdangs:__rang sems hrIHlas 'od 'phros pas:__snod bcud phung khams dbyings su sbyangs:__de yi ngang las 'byung rim steng :__rdo rje'i srung 'khor gzhal med khang :__mtshan rdzogs 'od zer 'bar ba'i dbus:__pad nyi zla steng skad cig gis:__rang nyid 'phags mchog spyan ras gzigs:__rgyal ba rgya mtsho sku mdog dmar:__zhal gcig phyag bzhi zhi chags nyams:__rtsa phyag thugs kar rdo rje bsdams:__lhag ma phreng ba pad+ma 'chang :__gsang ba ye shes rA ga'i mdangs:__DA ru thod pa bsnams pas 'khril:__dar dang rin chen rus rgyan can:__rdo rje pad+ma'i skyil krung gis:__snang stong 'od lnga'i klong na bzhugs:__spyi gtsug rigs bdag tshe dpag med:__dmar gsal mnyam bzhag tshe bum 'dzin:__spyi bo mgrin pa snying ga dang :__lte ba gsang ba'i gnas lnga ru:__bde gshegs pad+ma rdo rje dang :__rin chen las kyi spyan ras gzigs:__dkar dmar mthing ser ljang gu'i mdog:__rang 'od yum dang mnyam par sbyor:__rgyan dang phyag mtshan gtso bo ltar:__'od lnga'i thig le'i klong yangs su :__pad zla'i steng na dgyes par bzhugs:__yan lag bzhi la pad nyi'i steng :__rigs bzhi'i mkha' 'gro las kyi mdog:__gri gug thod 'dzin gar thabs kyis:__dbugs bral bam ro'i snying gar rol:__dam tshig ye shes dbyer med pa:__rdo rje gsum gyi bdag nyid can:__rang byung dbang bskur gdod nas rdzogs:__thugs las sprul pa'i lha mo yis:__mchod cing rdo rje'i glu blangs bsam:__oM:__ye shes rnam pa thams cad pa:__longs spyod rgyan gyi 'khor lor shar:__phyi nang gsang ba bla med mchog:__mchod pa'i phyag rgya chen por rol:__oM badz+ra ar+g+haM pA d+yaM puSh+pe d+hU pe A lo ke g+han+d+he nai bi d+yA shap+da sarba pU dza pany+tsa a mri ta rak+ta ba liM ta d+harma d+hA tu hoH__e ma ho bde ba'i ye shes sku:__bde chen 'gag pa med pa'i gsung :__mchog tu mi 'gyur bde ba'i thugs:__phyag 'tshal rgyal ba rgya mtsho la'o:__zhes gsal btab la sems 'dzin pa'i bsam gtan la rtse gcig tu bslab:__yan lag tu bzlas pa bya ba ni:__thugs ka'i lha yi thugs dbus su:__pad nyi zla steng rta mgrin dmar:__pad+ma b+hany+dza yum dang 'khril:__de yi thugs kar pad zlar hrIH__sngags kyis bskor las gnyis pa byung :__phyi nang lha rnams thams cad kyi:__yab yum zhal dang gsang ba brgyud:__bar ma chad par 'khor ba yis:__sgrib dag byin rlabs dngos grub thob:__bde chen ye shes 'bar zhing g.yos:__brtan cing nus pa mchog gyur par:__rtsa khams rlung la byin brlabs gyur:__ces dgongs pa gsal btab la:__oM yab lnga __AHhU~M hrIHma yum lnga ha ri ni sa mkha' 'gro bzhi gu h+ya dz+nyA na bo d+hi tsit+ta ma hA su kha hU~M hU~M:__zhes bar rlung thad kar bzung la gtso bor yid bzlas bya:__des skyo na ngag bzlas kyang ji ltar rigs par bya ste:__tshad ni 'bum phrag gsum mo:__yid kyi bzlas pa la grangs gzung du med pas:__rlung sems zin pa'i rtags ma mthong bar 'bad par bya ba yin no:__thun las ldang ba na:__mchod bstod dngos grub gsol:__nongs pa bshags:__lha sku 'od gsal du sbyang zhing bde chen zung 'jug gi skur ldangs la bsngo smon bkra shis bya:__skabs su gtor ma tshogs kyi mchod pa sogs kyang ci rigs par bya'o:__des ni nang lus dkyil la brten nas sngags kyi zhi gnas khyad par can 'grub pa yin no:__gsum pa gsang sgrub la:__gsang rten dam tshig gi gta' ru bzung ba ni:__'khar ba'i me long sor bzhi pa la:__grong pa'i chos kyis ma gos pa rigs ldan gyi khye'u pho mo'i dang por byung ba'i khams dkar dmar skyobs cu gang dang sin+d+hU ra _dang bcas pas chos 'byung zur drug pa bris pa'i dbus su pad 'dab bzhi'i lte bar hrIHma:__shar nas brtsams hU~M ma:__trA~M ma:__oM ma:__AHma:__zhes dang :__g.yas g.yon gyi gra zur bzhi la ha:__ri:__ni:__sa zhes dgod:__bla ma yab yum gyi byang sems:__ye shes brnyes nges pa'i ring bsrel:__sku gdung :__sku bal gyi rigs:__rang byung byin rlabs can gyi cu gang :__sin+d+hU ra:__dung :__mgron bu:__skye bdun gyi rdzas dang bcas gzhon nu ma'i pad rAg gis sbags pa'i 'dom dkris dmar po'i khung du dril:__sgrub cing mchod pas ye shes pa bstim:__dkyil 'khor gyi lha dngos su bsam la zangs kyi gwa'u drod dang ma bral bar bcangs pa tsam gyis dkyil 'khor lhas byin gyis brlabs shing :__dpa' bo mkha' 'gro sprin bzhin du 'du bas rtsa rlung thig le byin gyis brlabs pa'i mthus ye shes rang 'bar bar 'gyur ro:__nyams su blang ba ni:__gzhan nang sgrub dang 'dra ba la:__dkyil 'khor gyi rtsa gnas su dgod par bya ste:__rigs bdag bskyed pa'i rjes su:__rang lus dwangs gsal 'od dmar dbus:__rtsa gsum 'khor lo lnga dang bcas:__dag pa'i shel ltar dri med pa'i:__spyi bo bde chen 'khor lo'i dbus:__bde gshegs rigs kyi spyan ras gzigs dkar gsal zhal gcig phyag bzhi pa:__bde gshegs rigs kyi mkha' 'gros bskor:__mgrin par pad+ma spyan ras gzigs:__dmar gsal pad+ma'i mkha' 'gros bskor:__snying gar rdo rje spyan ras gzigs:__mthing gsal rdo rje mkha' 'gros bskor:__lte bar rin chen spyan ras gzigs:__ser gsal rin chen mkha' 'gros bskor:__gsang bar las kyi spyan ras gzigs:__ljang gsal las kyi mkha' 'gros bskor:__'phags mchog rigs lnga thams cad kun:__rang 'od yum 'khyud bde stong 'bar:__rgyan dang phyag mtshan gtso ltar bskyed:__rtsa 'dab grangs mnyam mkha' 'gro rnams:__gri thod 'dzin cing gar bsgyur bas:__rtsa khams rlung la byin chen 'bebs:__dam tshig ye shes dbyer med pa:__zhes sogs nang sgrub ltar gsal gdab:__thog mar bar rlung bzung la phyi dbyibs kyi sku la sems gtad:__de la gsal snang thon pa dang :__nang rtsa 'khor gyi lha rnams la rlung yid rig pa gcig tu dril te snying mgrin spyi bo lte gsang rnams la sems bzung :__so sor bum can gyi sbyor bas brtan par byas pas rtsa rlung sgrib bral gyi ye shes skye ba'i rten du 'gyur ba la bslab bo:__zhar byung bzlas brjod kyi bsam gtan la 'jug par spro na:__lus gnad bcos:__rlung ro bsal:__khams snyoms pa'i rlung nang du rang bzhin gyis 'ong ba na 'khor 'das kyi dwangs bcud bde ba chen po'i ye shes oM kyi gdangs su byung zhing zhugs:__nang du gnas pa'i tshe 'khor lo lnga'i thugs kar AH'i gdangs kyis thim pa'i tshul gyis bde chen bskyed:__phyir 'gro ba na hU~M gi gdangs kyis snyigs ma'i khams phyir thon par bsams la shes pa ma 'khrul bas du ba la sogs pa'i rtags ma mthong bar du brtson:__ngag gi bzlas pa la sbyar na spro bsdu'i dmigs pa snga ma bzhin la lce mchu mi bskyod pa'i tshul gyis 'bru gsum 'bum phrag gsum bzla'o:__thun mjug gi bya ba sogs kyang nang sgrub ltar byas nas nyams su blang pas dpe yi ye shes 'char ba'i nyer bsdogs 'grub par 'gyur ro:__bzhi pa yang gsang gi sgrub pa la:__yang gsang gi rten gnyug mar la bzla ba ni:__da lta'i shes pa skyon yon gang gis kyang ma bslad pa:__gzhon nu ma'i bde ba bzhin nyams su myong yang :__lkugs pas bu ram zos pa'i ro ltar smra mi shes pa:__dpe yi thabs kyis mtshon par bya ba 'di kho na rang rig don gyi rgyal ba rgya mtsho yin par ngo shes par byas la gnyug mar la bzla ba ste:__'di la 'phrig tshud cing nges shes skyes pa tsam gyis kyang 'od gsal snying po'i lha 'grub pa yin no:__nyams su blang ba ni:__sngon 'gro dang phyi nang gsang ba'i bskyed bzlas cung zad sngon du 'gro bas:__dngos gzhir lus bsrang :__rlung rang babs su klod:__mig gi rgya mtsho nam mkhar ar la gtad:__sems dus gsum gyi spros pa bcad la rig pa rang lugs su bzhag:__de la don gyi dgongs pa gsal 'debs pa'i phyir rgyud las:__las drug rgyu las skyes pa yi:__'gro ba rmi lam lta bu ste:__dag pa'i sku dang zhing khams kyang :__ye shes sgyu ma'i gzugs brnyan tsam:__thams cad rang rig gcig pu ste:__'di ni 'khor 'das kun gyi srog:__brtan dang g.yo bar snang ba'i gzhi:__dag dang ma dag sna tshogs pa:__nyams dga' sems kyi cho 'phrul yin:__sems nyid gsal la ma 'gags pa:__thabs mchog rang byung 'phags pa yab:__ngo bo cir yang ma grub pa:__shes rab stong nyid gsang ye yum:__gnyis med mnyam pa'i rig rtsal las:__dug lnga'i rtog pa ci shar yang :__sbrul mdud bzhin du rang grol ba:__rigs lnga'i rgyal ba rgya mtsho ste:__sems nyid dbang bsgyur rigs kyi bdag:__gsal la ngar ldan rta mchog dpal:__stong la go 'byed sgyu ma'i 'phrul:__'byung phung mtha' bzhi'i rtog tshogs kun:__rang grol rigs kyi mkha' 'gro yin:__snyoms 'jug bde ba gong bu'i gzugs:__lus ni gzhal med khang chen te:__skra dang ba spu la sogs pa:__de yi chos kun pho brang rgyan:__dam tshig ye shes dbyer med pa'i:__dkyil 'khor chen po gdod nas grub:__tshogs drug rtog pa rang grol ba:__mchod bstod rgyan gyi 'khor lor shar:__snang ba stong gzugs gnyug ma'i lha:__sgra skad grags stong skye med sngags:__rang byung don gyi ye shes las:__nam yang mi 'da' phyag rgya che:__zhes gsungs pa'i don la nges shes bskyed cing dgongs pa mi 'gyur ba'i gzer gdab:__thun mjug tu phyi nang gi lha sku 'od gsal du bsdu ba sogs bya:__thun mtshams thams cad du'ang gnyug ma bcos min gyi lha sngags rig pa'i rgyun bskyang :__de ltar brtson pas don gyi ye shes mngon du 'gyur ba'i lhag mthong rgyud la skye ba yin no:__de ltar gyi nyams len khyad par can 'di'i phyi nang gi sgrub pa ni bum dbang gi lam dang :__gsang ba dang yang gsang gi dbang gong ma'i ye shes bskyed pa'ang yin pas mchog tu zab pa'i mthar thug par shes par byas nas nyams su blang ba la brtson par bya'o:__gnyis pa gsang dbang gi ye shes bskyed pa la gnyis te:__rtsa ba dang :__yan lag go:__dang po ni:__phyi nang gi bskyed pas lus sbyang :__gsang ba'i sgrub pas rtsa dang rlung lam 'byongs pa na:__rlung bum can gyi sbyor bas gzhi bca' bar bya ste:__gnas shin tu dben par khams snyoms par byas la:__lus gnad rnams snang chos bdun gyis chun btsal:__sna bug gnyis nas rlung dal la ring ba bsal bas 'byung ba'i rlung dug dbyung :__rtsa gsum 'khor lo bzhi lhag par gsal bas:__'og rlung gyen du 'then:__steng rlung rdzogs par drang :__'og rlung lhag med du drangs pa lte ba'i rtsa gsum 'dus mdor bskyil te:__bum pa ltar dgang :__mi thub na gzhil:__des kyang mi bden mda' 'phang ba ltar bya:__de lta bu'i rim pas nyin zhag re la thun chen bzhi:__thun chen re la thun phran bcu drug:__thun phran re re la bum pa can bcu gnyis kyis mtshon te nyams su blang :__rtsol ba rgyun mi 'chad pa'i bya ba rdzogs pa'i skad cig ma brgya rtsa brgyad kyi bar rlung bde bar khegs pa la bslab bo:__de nas gtum mo'i me sbar ba ni:__rtsa gsum gyi 'dus mdor yum gsang ba ye shes kyi ngo bo tsaN+Da lI thig le dmar po ma yig gis mtshan pa gsal btab la:__rlung sbyor gyi bskul bas me stag dmar phrom phrom 'phro bar bsam:__rlung rig gcig tu dril:__de nas me cung zad 'bar ba dang :__cher 'bar ba dang :__des ltai 'og gi rtsa sbubs:__lte ba'i rtsa 'khor nas brtsams spyi bo'i bar rim bzhin du khengs:__de las cher mched de rtsa gsum 'khor lo bcas lcags gong mer bsregs pa ltar dmar lam mer gyur:__de las me stag dmar phrom phrom dang bcas me lce rim par mched pas lus kyi rtsa thams cad gang :__mthar lus nang mtha' dag khyab:__dbang po ba spu'i sgo tshun nas me lce dmar nyug nyug byung :__lus kyi phyi nang thams cad dang :__rim par phyi rol gyi tho phyi nas brtsams snang srid thams cad gtum mo'i me bde ba'i rang bzhin gyis khengs par bsams la rlung sbyor drag tu gcun:__lus thab mgal gyi phyag rgya bca':__lto ba sgal pa la brdab:__rkang pa'i sor mo rnams bskum:__yan lag thams cad la 'phur bshud bya:__skabs su rlung ro drag tu bsal zhing ha sprugs dang brdab chung bya:__de lta bu'i sgo nas drod rtsol med du ma skyes bar bslab bo:__de nas zhu bde'i ye shes bsgrub pa ni:__spyi bo'i rtsa 'khor gyi steng du yab thugs rje chen po'i ngo bo ma hA su kha'i thig le dkar po sran ma tsam pa hrIHdmar pos mtshan par gsal btab la:__me dmigs dang rlung sbyor gong bzhin gyis bskul bas:__me lce glog gi tsha zer lta bu zhig dmar khyug gis dbu ma'i lam nas tha ler song :__spyi bo'i thig le hrIHdang bcas pa la reg pa tsam gyis bud med mdzes ma gzhon nus chags ldan gyi skyes bu dar mar 'khyud pa bzhin bde khril gyis byung ba'i rkyen las thig le las dwangs ma ba thag ltar nar gyis babs:__me lce mar mnan nas 'bros 'ded kyi tshul gyis lte ba'i bar byung :__slar yang me cher 'bar:__thig le gyen du ldog:__spyi bor sleb pa dang thig le'i rgyun sngar las che ba babs pas 'khor lo bzhi'i gnas mer gyis khengs:__dga' mchog khyad par lhan skyes kyi bde ba nyams su myangs par bsam:__rlung sbyor dang bcas bde ba'i ngang du gnyug ma'i rgyun bskyang :__de las bde stong gi nyams rtsol med du skyes pa bogs 'don pa'i phyir rtsa gsum 'khor lo lnga rtsa dkyil gyi lha dang bcas pa gsal btab la 'bar 'dzag gi bde bas mnyes par bya:__des bde ba brtan cing gzhan lus la dbang thob par 'gyur ro:__gnyis pa yan lag la lnga las:__dang po nyin snang sgyu mar bsre ba ni:__thun mtshams thams cad du gang snang gtum mo'i 'bar 'dzag gi zhu bde dang ro gcig pa'i lha sku chu zla lta bu la sems 'dzin cing :__bden med du bun ner bzhag:__gnyis pa mtshan snang sgyu mar bsre ba ni:__nyin snang dang rmi lam bsre:__gnyid dus 'khor lo'i lha rnams bsdus te mgrin pa'i pad+ma spyan ras gzigs yab yum la thim:__de gnyis snyoms par zhugs pas bde rlung sems gsum ro gcig pa'i thig le dmar po 'od 'bar bar mos:__'di rmi lam yin 'dug snyam du bsam:__de la sems gtad de bar rlung gi ngang gnyid log pas rmi lam ngo shes pa 'byung :__de'i tshe zhu bde'i lha sku sgyu ma lta bur sbyangs te nyams su blangs pa la brten nas sprul bsgyur zhing khams lta ba sogs 'grub pa yin no:__gsum pa gnyid 'od gsal dang bsre ba ni:__nyin par sgyu ma'i lha sku'i stong nyid du sbyangs pa'i stong cham me ba'i ngang du bzhag:__gnyid dus 'khor lo lnga'i lha rnams thugs snying ga'i __rdo rje spyan ras gzigs yab yum la bsdu:__yab yum snyoms par zhugs pa'i rkyen gyis thig le sngon po gsal ba stong pa shin tu phra ba la rlung sems bsdus te 'ching zhing 'dzin med du bzhag pas:__gnyid kyi thim rim la brten nas gnyug ma 'od gsal gyi ngang bskyang chog pa 'byung ngo :__bzhi pa 'da' ka ma dbyings rig dang bsre ba ni:__rang lus kyi dbus su d+hU ti shel gyi ka ba btsugs pa lta bu mar sna lte bar phug rdug gis zlum pa:__yas sne tshangs bug gi skar khung du tha ler song ba'i steng gi rgyab tu pad nyi zla ba'i gdan la bla ma'i rigs bdag 'od dpag med dges bzhin bzhugs par bsam:____snying gar rlung sems dbyer med kyi ngo bo hrI:__dmar po mar me ltar 'bar ba la sems gtad:__rlung sems 'du ba'i nyams skyes pa na:__spyi bo'i bla ma la gsol ba drag tu btab pas thugs ka nas 'od zer gyi lcags kyu dbu ma'i lam nas nar gyis byung :__hrIH'i gi gu la 'khyud de 'then pas gyen du 'phar:__hika ces drag po'i sgras bskul bas skar mda' 'phang ba bzhin bla ma'i thugs kar thim:__bla ma 'od dpag med kyi thugs chos sku'i dbyings stong pa dang :__rang gi rlung rig gsal ba'i cha chu la chu bzhag pa ltar dbyer med du 'dres par bsams la:__rlung gyen du 'phul:__ltag pa dgye:__mig ldog ste dbyings rig dbyer med kyi ngang bskyang :__yang ka zhes brjod cing steng rlung mnan:__'og rlung klod pas hrIHyig mar byung :__snying gar lci thing gis gnas par bsgom:__de lta bu thun rer brgya rtsa sogs sbyang :__thun mjug tu hrIHyig mar babs pa'i rjes:__bla ma 'chi med kyi bdud rtsir zhu ba snying ga'i hrIHla thim pas rdo rje lta bu'i srog 'grub:__tshangs bug 'od kyi drwa bas sra zhing 'thas pa'i tshul du bkag par bsam:__spyi bo tsha ba:__'khyug pa:__chu ser zil pa 'byung ba sogs rtags thon par sbyang :__rgyun du ma brjed par bya:__nam 'chi 'pho ba'i tshe rlung sems bla ma'i thugs kar thim rjes:__bla ma 'ja' 'od kyi lam las bde ba can du gshegs:__zhing gi gtso bo 'od dpag tu med pa'i thugs kar thim par bsams la:__dbyings rig stong gsal 'dus ma byas pa'i ngang bskyangs pas bar do med par dag pa'i zhing khams su dbugs 'byin par 'gyur ro:__lnga pa bar do sku gsum dang bsre ba ni:__da ltar gyi rang lus snang ba dang bcas thams cad bar do'i gnas skabs yin snyam pa'i 'dun pa bskyed:__yid 'gyur ba'i nyams skyes pa na thams cad me long la has btab pa yal ba ltar stong nyid du sbyangs te rig stong rjen pa'i ngang du cham mer bzhag:__'chi srid dag pa chos sku'o snyam pa'i nges shes bskyed:__de las ldang ba na zhu bde dang ro gcig pa'i lha skur lam gyis gsal:__bar srid dag pa longs sku'o snyam pa'i nga rgyal bzung :__de'i ngang las brtan g.yo snod bcud kyi snang ba gang shar na'ang chags sdang rmongs gsum gyi rtog pa rbad kyis bcad la rang bzhin sprul pa'i zhing khams chen por dag snang bskyed:__skye srid dag pa sprul sku'o snyam du rtsal sbyang :__de ltar yang yang du goms pas rmi lam du'ang rang shar na bar dor yang dran pas zin nas grol ba thob par 'gyur ro:__gang yang gtum mo'i zhu bde la brten nas snang ba bde bar 'char zhing mi rtog pa'i ting nge 'dzin shugs kyis drang nus pa ni 'byongs pa'i tshad do:__sbyangs pa'i phan yon ni drod thob cing mched pas dpe'i ye shes 'char ba la tshegs med pa yin no:__gsum pa sher dbang gi ye shes bskyang ba ni:__rtsa khams bde bas khyab pa nyid 'dzag med du bzung ba dang :__gyen du 'drongs pa dang :__gnas su dgram pa lhag par goms pas 'dzin 'dren la dbang thob pas gzhan lus la bsnyen sgrub yan lag bzhi'i sgo nas 'jug par bya ste:__dang po bsnyen pa ni:__phyag rgya'i mtshan nyid brtag pa dang :__dgug pa dang :__mi snang bar sba ba dang :__rgyud sbyang ba rnams tshul bzhin du bya'o:__gnyis pa nye bsnyen ni:__rang dang rig ma drod thob pas phan tshun shin tu dben par 'bol ba'i gdan la 'khod:__bcud skyed pa'i zas kyis khams gso:__gzugs la lta ba sogs 'dod pa'i yon tan sgyu ma lta bu la bslabs pas bde ba spel lo:__gsum pa yas babs sgrub pa ni:__rang dang rig ma rgyal ba rgya mtsho lhan cig skyes pa yab yum gyis gsal snang brtan po zhu bde dang dbyer med pa'i nga rgyal bzung :__mkha' gsang rdo rje dang pad+mar bsgom zhing gnas gsum 'bru gsum gyi rgyas gdab:__mtha' yas pa'i sems can gyi don du bde chen ye shes sgyu ma'i sku mngon du bya ba'i 'du shes bskyed de:__rdo rje pad+mar dal bus bcug ste cung zad gsor:__bde ba g.yos pa na sems bzung :__bde ba yal na bskyod pa dang gsor ba'i sbyor bas dbab:__gsang ba'i rtsa btsal la nor bu'i bu gar bcug ste rtsa kha sbyar:__gsang ba'i rlung drangs te rlung kha sbyar:__thig le dkar dmar gsang rtser reg la ma 'dres par kha sbyar te zag med kyi bde ba yun du bskyang ngo :__bzhi pa mas brtan sgrub pa chen po ni:__de nas gsang rlung gyen du drang :__rgya mtsho ri rab la sbyar:__ro 'dzin dang dbang po'i mchog steng du ldog:__stong 'dren dang ha ring ha thung gi sbyor bas sog sbubs nas chu drangs pa ltar skad cig gis gyen du ldog ste dwangs ma'i dwangs ma spyi bo'i thig le la bstim:__gzhan gnas su khyab par dgram:__bde ba'i ngo bo rang rig pa sprin thag chad pa'i nam mkha' lta bu'i ngang la yun ring du mnyam par bzhag:__de las langs pa na sgyu ma lta bu'i sku dang :__gsung dang :__thugs rnam pa thams cad pas cir snang bde ba:__de stong pa:__de gnyis zung du chud pa'i spyod pa bskyang bar bya'o:__de lta bu'i bde bas stong pa 'dren nus shing :__de gnyis zung du chud pas mi skye ba'i chos la bzod pa thob pa dang :__'jig rten pa'i ye shes kyi mchog la dbang 'byor pa ni dbyongs ba'i tshad do:__sbyangs pa'i dgos pa ni de kho nas bar ma chad par 'jig rten las 'das pa'i ye shes mngon sum du 'dren nus pa yin no:__bzhi pa tshig dbang gi ye shes bskyang ba ni:__rim gyis pa rnams ji skad bshad pa'i lam snga ma gsum la brtan pa thob nas:__dpe yi ye shes don gyi phyag rgya chen por ngo sprad par bya ba yin la:__gcig car ba'i rigs can rnams ni bla ma'i byin rlabs 'ba' zhig la brten nas gnyug ma char phog tu ngo 'phrod par 'gyur ro:__de'ang lta sgom 'bras bu nyams len bzhi'i rim pas gtan la dbab pa phyag rgya chen po'i khrid kyi rim pa ltar bskyang bar bya'o:__gsum pa rjes ye shes gong 'phel du bya ba ni:__kun bzang gsang dang mngon spyod pas:__dbang bzhi'i ye shes gong 'phel bya:__zhes pas dang po bum dbang dang gsang dbang gi ye shes bskyang ba'i dus su kun tu bzang po'i spyod pa rnam par dag pa lnga la bslab par bya ste:__gnas rnam par dag pa 'du 'dzi las ring du brgal ba'i ri khrod:__gangs khrod:__nags tshal:__bas mtha' sogs yid dang mthun par sgrub pa'i sa rde'u 'dzugs:__grogs rnams par dag pa tshangs pa mtshungs par spyod pa'am dam tshig gtsang ba re gnyis tsam dang 'grogs:__'tsho ba rnam par dag pa log pa'i 'tsho ba srog la bab kyang spang zhing :__zas gos gnas mal yo byad thams cad kha na ma tho ba med pas mtha' gnyis su ma lhung tsam bsten:__lta ba rnam par dag pa bden pa gnyis dbyer med pa'i don la blo sbyang :__sbyod pa rnam par dag pa phyi so thar:__nang byang sems:__gsang ba sngags kyi sdom pa ma nyams par bsrung zhing rnal 'byor gyi rang sa bzung :__de lta bu'i sgo nas bskyed rdzogs kyi lam 'di kho na la rtse gcig tu nyams su blangs pas lo 'am zla ba res kyang ye shes gong du 'phel zhing drod thob par 'gyur ro:__gnyis pa sher dbang gi ye shes bskyang ba'i dus su gsang ba rig ma'i spyod pa la bslab par bya ste:__gnas rnam par dag pa dur khrod dang :__rgya mtsho'i ngogs sogs tha mal gyi skye bos mthong tshor med par sa bzung :__grogs rnams par dag pa mtshan nyid dang ldan cing rgyud smin cing grol ba'i rig ma dang 'grogs:__'tsho ba rnam par dag pa kha zas dang bcud len bsten:__lta ba rnam par dag pa zhu bde 'gyur med las skyes pa'i ye shes kyis tha mal gyi 'dzag bde rgyun bcad:__spyod pa rnam par dag pa byang chub kyi sems gsum smon 'jug don dam _dang 'du shes gsum las skad cig kyang mi g.yel bas dga' bzhi bsgrub:__de ltar shin tu gsang zhing sbyangs pas ring por mi thogs par 'gyur med kyi bde ba'i ye shes 'phel bas 'jig rten pa'i chos thams cad kyi mchog tu gyur pa'i ting nge 'dzin skye bar 'gyur ro:__gsum pa tshig dbang gi ye shes la bslab pa'i dus su:__slob pa'i zung 'jug mngon du phyogs pa'i rnal 'byor pas gnas rnam par dag pa 'du ba dang nye ba'i 'du ba la sogs pa he ru ka'i gnas yul nges med du rgyu:__grogs rnams par dag pa zhing skyes kyi dpa' bo dang rnal 'byor ma'i tshogs dang spyod yul mnyam par brdal:__'tsho ba rnams par dag pa sha lnga bdud rtsi lnga la sogs la longs spyod:__lta ba rnam par dag pa srid zhi mnyam pa nyid du rtogs pas shes bya'i sgrib pa zil gyi mnan:__spyod pa rnam par dag pa blang dor ro snyoms pa'i brtul zhugs kyis 'jigs pa dang bag tsha ba med pa seng ge gangs kyi stongs nas rgyu ba ltar spyad do:__des ni 'jig rten las 'das pa'i ye shes gong nas gong du 'phel te ring por mi thogs par shin tu rnam par dag pa'i go 'phang la sbyor bar 'gyur ro:__'phags pa thugs rje chen po rgyal ba rgya mtsho'i gdams pa las:__dbang bskur ba gdams ngag dang bcas pa'i rim pa ste gsum pa'o:__sa ma ya:__rgya rgya rgya:__de lta bu'i gdams pa zab mo 'phrad pas chog pa'i lam:__thob pas chog pa'i rts-i:__'di kho nas tshe gcig lus gcig gis 'ja' lus rdo rje'i sku 'grub pas na:__gdams pa gzhan la ltos mi dgos par blo bde thag chod 'jig rten dbang phyug rgyal ba rgya mtsho'i ye shes mngon sum yi ge'i gzugs su snang ba:__'od gsal thig le chen po'i yang zhun gser 'gyur gyi rtsi lta bu'i snying po 'di nyid:__dpal gyi bsams yas mchims phu bre gu'i dge'u phug tu:__gnubs kyi sngags 'chang chen po dang kho mo mtsho rgyal la thugs kyi dgongs nyams mthil phyin pa bka' stsal pa'i skabs:__sprul pa'i dkyil 'khor mkha' khyab tu snang bar mdzad nas dbang bskur ba dang gdams ngag thams cad chos nyid rdo rje'i rang sgras chig rdzogs su mdzad pas ye shes mngon du gyur pa'i dngos grub thob:__kho mos mi brjed pa'i gzungs su bzung ste mkha' 'gro'i sprul pa'i yi ger bkod:__slar yang ma 'ongs pa'i dus la dgongs te dpal lha'i sras po mchog grub rgyal po la'ang smon lam gtad rgyas rjes su bzung ste gu ru chen po nyid dgyes bzhin du 'di skad ces bka' stsal to:__rang byung 'chi med pad+ma 'byung gnas nga :__chos sku kun zang 'od mi 'gyur ba dang :__longs sku rgyal ba rgya mtshor dbyer med kyang :__sprul pas 'dzam gling thabs kyis 'dul ba'i phyir:__d+ha na ko Shar pad+ma'i sbubs su 'ongs:__o rgyan yul du brtul zhugs spyod pa spyad:__rgya gar shar nub dbus 'gyur ma ga d+hAr:__sangs rgyas bstan pa'i rgyal mtshan bsgreng par byas:__lho phyogs 'chi ba mthar byed brag phug tu:__bde chen mchog gi ye shes bsgrub pa'i tshe:__'phags mchog thugs rje'i gter chen dngos su byon:__rgyud dang gdams pa bye ba bsam yas pa'i:__smin grol man ngag skad cig nyid la stsal:__'gro 'dul rgyal tshab chen por mnga' gsol mdzad:__slar yang 'phags pa'i zhing khams bod yul 'dir:__mnga' bdag rgyal pos gsol ba btab pa dang :__sngon gyi smon lam zab mos mtshams sbyar nas:__stag gi lo la bsam yas mthil du sleb:__gtsug lag khang bzhengs bkra shis me tog 'thor:__mdo sngags zab don chos kyi char pa phab:__mtha' dbus thams cad sgrub gnas byin gyis brlabs:__chos dang rten dang nor gter dpag yas sbas:__ma 'ongs rje 'bangs sprul pas spyod pa yi:__smon lam btab cing gter srung gnyer byang gtad:__khyad par yi dam thugs rje chen po yi:__rgyud kyi gzhung bsgyur lung gi nges pa dbye:__man ngag lag len gnad du dril nas kyang :__bye ba phrag brgya gdams pa'i snying po ni:__tshig nyung don tshang nyams su blang bde ba:__thos pas rang grol rgyal ba rgya mtsho yi:__dgongs nyams dmar khrid 'od kyi yang zhun 'di'i:__dbang bskur thob tshad bde ba can du skye:__rtse gcig nyams blangs tshe 'dir byang chub thob:__tshogs su bsgrubs dang dam rdzas myangs pas kyang :__thar pa'i sa bon skad cig nyid la 'debs:__gang du brtsams pa'i yul phyogs bkra shis shing :__nad mug mtshon 'khrugs dus kyi rgud pa zhi:__gzhi der gnas pa'i 'jag ma'i srin bu yan:__spyan ras gzigs kyi gdul byar gyur nas kyang :__'khor ba mtha' can thar pa'i sa bon thebs:__de phyir sngon chad gzhan du ma bstan pa'i:__yid bzhin rin chen snying gi nor bu 'di:__snod ldan las ldan thugs kyi gzungs ma la:__smin grol mthar thug nges pa'i don du bshad:__yal bar ma dor rang rang nyams su longs:__gzhan du ma spel mkha' 'gro'i brda yi dpe:__gnas 'di'i brag sna seng ge'i gdong la sbos:__nam zhig dbus gtsang khol bur 'khrugs pa'i tshe:__grwa phyi'i phyogs su las ldan sngags pa'i rigs:__bud+d+ha'i sprul pa mtsho rgyal snying gi bu:__me khams phag lo skye mtha'i byang chub sems:__dri med bslab ldan mtshan dpe'i cha shas rdzogs:__ngang rgyud ring zhing thabs mkhas 'gro ba 'dul:__kun dga'i ming can de dang 'phrad par 'gyur:__de tshe rgya che'i bla rdzogs thugs rje'i skor:__bshad dang sgrub pas 'gro mang thar lam bkod:__khyad par gdul bya shar gyi phyogs su rgyas:__dkar po'i brgyud 'dzin bod khams kun tu dar:__snying po'i mchog 'di rang gis nyams blangs nas:__slar yang mgrin pa bzang po'i bre gu'i sul:__yang gter rgyas gdab smon lam rgya cher thob:__de nas ma 'ongs shin tu rtsub 'gyur dus:__yab gcig khri srong lha sras mchog grub rje:__zung 'jug rnam 'phrul sgyu ma'i rang mdangs shig:__mdo khams shar du lcags khams 'brug gi lo:__bka' babs bdun ldan rig rtsal thod rgal 'chang :__brtul zhugs zil ldan dpa' bo stag sham can:__o rgyan thugs sras pad+ma'i ming can la:__ye shes mkha' 'gros gter ka dngos su sprad:__des kyang ring du gsang zhing 'chang ba'i mthar:__bi ma mi tra lha sras sku mched dang :__bud+d+ha be ro nam snying mchog dbyangs dpal:__bdud 'joms dz+nyA na mtsho rgyal lcam sogs kyi:__byin brlabs sprul pa phyogs mtshams byung ba'i tshe:__rmi lam tshul du chos kyi bdag po yis:__bka' gtad byin brlabs skul ma thengs gsum 'ong :__de dus gdams pa 'di nyid gtan la phob:__bram ze nyer gcig gdung gi ril bu bcas:__las lngan rnams la rim bzhin spel mkhas gyis:__ma 'ongs don ldan 'brel tshad 'gro ba kun:__'jig rten dbang phyug sras su gdon mi za:__de phyir snying la zung zhig sa ma ya:__zhes bka' stsal pa ltar mi 'gyur ba'i gnas su rgyas btab cing bka'i srung ma rdo rje nag po chen po dang :__gter gyi bya ra ba las mgon bya rog gdong can la gnyer du gtad do:__ma 'ongs las ldan rnams dang 'phrad par shog:__'phrad nas gzhan don rgya cher 'byung bar shog:__sa ma ya:__rgya rgya rgya:__gter rgya:__sbas rgya:__gsang rgya:__zab rgya:__gtad rgya:__sku gsung thugs yon tan phrin las kyi rgya yod do:__khathaM:__guh+ya:__yang zab rmad du byung ba'i gdams pa 'di nyid/__sngon rab byung drug pa'i lcags mo glang gi lo'i smal po zla ba'i tshes bcur dpal gyi mchims phu'i brag sna seng ge'i gdong nas gnubs chen po'i rnam 'phrul skye mtha'i byang sems o rgyan dri med kun dgas gdan drangs/__bla rdzogs thugs gsum rgya che ba'i skor rnams khyab gdal du spel ba la brten nas gdul bya mtha' yas pa smin grol la bkod/__/snying po 'di nyid lung byang ltar thugs nyams su bzhes te gzhan la ma spel bar dpal gyi bsam yas brag dmar mgrin bzang gi bre gu'i sul du rgyas btab pa/__slad nas kho bo pad+ma 'od gsal mdo sngags gling pa la rab byung bcu bzhi pa'i sa sprel dbyug pa zla ba'i tshes bcur 'gro 'dul 'phags pa'i thugs tig dang lhan cig tu ye shes kyi mkha' 'gros dngos su stsal ba ring du gsang nas/__phyis rab tshes me mo glang lor gter ston sprul pa'i skus rmi lam du rjes su bzung zhing byin gyis brlabs pa sogs dus su bab pa'i tshe/__lo chen bai ro dngos byon pad+ma'i zhal tshab o rgyan 'chi med bstan gnyis gling pas rin chen gter gyi mdzod chen po'i shing rta'i lam srol gsar du phye ba'i cha rkyen du bla ma dang mkha' 'gro'i byin rlabs las shog ser zheng sor do dkyus sor drug pa zhig las dag par phab pa 'brel tshad 'gro kun 'phags pas rjes su bzung ste bde ba can gyi zhing du byang chub snying po'i go 'phang la reg pa'i rgyur gyur cig__/sarba dA ka l+yANaM b+ha ba tu//