JKW-KABAB-08-NYA-006-wylie
\u0f01\u0f83:__zab lam bla ma'i thugs sgrub yid bzhin nor bu sku gsum 'od kyi snying po zhes bya ba bzhugs so:__12345678910\u0f7f____rgya gar skad du:__gu ru tsit+ta sA d+ha na tsin+ta ma Ni nA ma:__bod skad du:__gu ru'i thugs sgru yid bzhin no bu zhes bya ba:__dpal he ru ka la phyag 'tshal lo:__o rgyan sngags 'chang pad+ma 'byung gnas bdag:__'od gsal gzhon nu bum sku'i pho brang du:__chos sku'i sangs rgyas rnams dang dbyer med pa'i:__dgongs klong ro gcig 'du 'bral med pa las:__'og min stug po bkod pa'i zhing khams su:__longs spyod rdzogs sku thod phreng rigs lngar shar:__de las mi mjed 'dzam gling gdul bya'i phyir:__d+ha na ko Sha'i mtsho rdzing pad+ma'i sbubs:__rgyu rkyen las 'das sprul pa'i sku ru snang :__theg gsum rim zhugs pad+ma saM b+ha bas:__sde snod rgyud sde'i bstan pa'i rgyal mtshan btsugs:__gsung gi bdag nyid pad+ma rgyal po yis:__gsang sngags chos kyi 'khor los bsgyur ba 'chang :__thugs kyi rig rtsal dpal chen seng ge'i sgrasaH__bdud dang mu stegs log 'dren pham par byas:__yon tan yongs rdzogs shAkya seng ge ni:__rdo rje gdan du thub pa'i rgyal tshab gyur:__phrin las rtsal 'chang nyi ma 'od zer gyis:__dur khrod brgyad du brtul zhugs spyod pa bskyangs:__de las rab 'phros blo ldan mchog sred rtsal:__paN grub rnams dang chos kyi bgro ba mdzad:__dbyer med ngo bo pad+ma 'byung gnas zhes:__'phags bod rnams su nyi zla lta bur grags:__sum stong lon nas bod kyi yul du 'ong :__bsam yas sa btul rab gnas me tog 'thor:__mdo sngags bshad sgrub shing rta'i lam srol phyes:__mnga' bdag rgyal po'i thugs dgongs rdzogs par byas:__khyad par gdul dka'i dregs pa 'dul ba'i slad:__'chol ba'i khro rgyal rdo rje gro lod ces:__srid zhi kun gyi che btsan chen por bzhengs:__bod khams 'byung po thams cad zil gyis mnan:__ri brag mtsho gsum sgrub gnas byin gyis brlabs:__ming can ming med gter kha grangs med sbas:__da ni mi sdod srin po 'dul du 'gro:__da ltar bzhugs dang slad nas 'byon pa yi:__rjes 'jug rnams la shin tu snying brtse bas:__rang gi sgrub thabs rang gis mdzad tshul gyis:__thugs sgrub bye ba bsam yas grangs med pa:__kun gyi bcud bsdus yid bzhin nor bu 'di:__tshe rabs 'brel ba'i lha sras mchog grub dang :__sngags 'chang chen po sangs rgyas ye shes dang :__thugs kyi gzungs ma mos gus phul phyin pa:__mtsho rgyal rnams dang 'bral kha'i zhal chems su:__legs par bstan gyis rtse gcig yid kyis zung :__khong pa'i dbugs bzhin thugs dam snying por dril:__ma 'ongs don phyir brda yig gter du sbos:__skal ldan las can rnams dang 'phrad nas kyang :__byin rlabs mi nub snying po'i btsas su 'gyur:__bla ma'i thugs sgrub yid bzhin nor bu las:__gleng gzhi'i le'u ste dang po'o:__sa ma ya:__rgya rgya rgya:__ma 'ongs nga yi rjes 'jug dad ldan rnams:__pad+ma bdag dang dbyer med sgrub 'dod na:__bla ma la gus dbang thob dam tshig can:__nges 'byung shugs bskyed tshe 'di'i gdos thag bcad:__dben pa'i gnas su dka' thub sgrub sde tshugs:__'du 'dzi'i 'brel ba thams cad rgyang bsrings la:__sku gsung thugs rten spyan gzigs gang 'byor dgram:__bla ma'i gtor chen rin chen 'bar ba dang :__sman raka nyer spyod tshogs kyi 'khor lo bsham:__bde ba'i stan 'dug nyams len gnad du bsnun:__sa ma ya:__de la sngon dngos rjes gsum las:__sngon 'gro mtshams bcad tshogs bsag cing :__bdag dang gnas dang dam rdzas la:__ye shes gzi byin dbab pas brlab:__dang po phyi mtshams bcad pa'i phyir:__mthu chen rgyal po sde bzhi la:__gtsang ma'i gtor ma byin nas kyang :__mtshams srung phrin las gsol bar bya:__nang mtshams dbang chen lhar bsgoms la:__hU~M hrIH__nga ni mnyam nyid ngang gis khros pa las:__thugs rje'i rang rtsal rta mchog dpal gyi sku'i:__rdo rje'i 'du 'phro khro bo'i sprin phung gis:__log 'dren bgegs kyi sbyor ba mtshams bcad do:__oM hrIHpad+ma kro d+ha he ru ka hU~M hU~M hU~M sarba big+hAn uts+tshA Ta ya phaT:__hU~M hU~M hU~MH__gsang ba don gyi mtshams bcad ni:__hU~M:__phyi nang bar chad rnam par rtog pa ste:__rtog pa'i rang bzhin gdod nas stong pa nyid:__'od gsal rdo rje'i srung mtshams lhun gyis grub:__gzung 'dzin bgegs tshogs 'jug pa'i skabs med do:__badz+ra dz+nyA na shud+d+he A:__gnyis pa tshogs bsags las rim la:__dang po skyabs su 'gro ba ni:__na mo:__bdag dang mkha' mnyam sems kun:__dus 'di nas bzung byang chub bar:__bla ma sku gsum 'dus pa'i lhar:__rtse gcig gus pas skyabs su mchi:__smon 'jug sems mchog bskyed pa ni:__hoH__ma gyur 'gro ba thams cad kun:__sangs rgyas go 'phang thob bya'i phyir:__sku gsum bla ma'i dkyil 'khor du:__rig 'dzin bsgrub par sems bskyed do:__yan lag bcu yis bsags sbyang ni:__hoH__bla ma sku gsum lha tshogs rnams:__ye shes dbyings nas gnas 'dir gshegs:__nyi zla pad steng dgyes par bzhugs:__sgo gsum gus pas phyag 'tshal lo:__lus dang longs spyod mchod sprin 'bul:__thog med 'khor ba'i sdig ltung bshags:__bsod nams kun la rjes yi rang :__mya ngan mi 'da' rtag bzhugs nas:__chos kyi 'khor lo bskor bar gsol:__dge tshogs 'dus ma byas par bsngo:__'od gsal snying po'i don rtogs shog:__gsum pa byin chen dbab pa ni:__spos rol dang bcas gdung shugs bskyed:__hU~M hrI:__nam mkha'i mtha' dang mnyam pa'i zhing khams nas:__sku gsum bla ma'i lha tshogs thugs dam can:__mos shing gdung bas rtse gcig rgyud bskul na:__glog ltar myur ba'i thugs rjes gnas 'dir gshegs:__rnal 'byor rgyud la bde chen gzi byin skyed:__sgrub pa'i gnas mchog 'og min zhing du sgyur:__sgrub rdzas mchod tshogs ye shes dbyings kyi rgyan:__kun bzang rnam 'phrul chen por byin phob cig:__oM AHhU~M badz+ra gu ru d+harma kA ya:__saM b+ho ka ya:__nirma kA ya:__dz+nyA na A be sha ya a AH__oM badz+ra ar+g+haM pA d+yaM puSh+pe d+hU pe A lo ke gan+d+he nai bi d+ya shap+da ma hA pU dza AHhU~M:__oM sarba pany+tsa a mr-i ta hU~M hrIHTha:__oM ma hA rak+ta hU~M hrIHTha:__oM ma hA ba liM ta hU~M hrIHTha:__badz+ra sa man+ta b+ha dra pU dza me g+ha s+pha ra Na khAM:__sgrub pa po yi rgyud 'gyur cing :__gnas dang yo byad byin 'od chags:__de tshe ye shes phebs pa'i rtags:__mos gus bskyed cing dgongs pa bskyang :__bla ma'i thugs sgrub yid bzhin nor bu las:__sngon 'gro'i las rim ste le'u gnyis pa'oH__sa ma ya:__rgya rgya rgya:__dngos gzhi'i phrin las rim pa laH__lha bskyed dzaba? bzlas thun mtshams bya:__dang po snang srid gzhir bzhengs kyi:__bla ma'i dkyil 'khor bkod pa ni:__hU~M hrIH__chos sku mi 'gyur stong nyid rdo rje'i ngang :__longs spyod yongs rdzogs dmigs med snying rje'i sprin:__rgyu yi sa bon hU~M yig mthing gsal mdangs:__nam mkha'i dbyings su skar chen bzhin du shar:__de las 'od 'phros snod bcud dngos kun sbyangs:__stong pa'i ngang las 'byung ba rim brtsegs dang :__ri rab pad+ma sna tshogs rdo rje'i steng :__mi phyed srung ba'i 'khor lo gsal zhing brtan:__de dbus b+h+rU~M las rin chen pho brang che:__gru bzhi sgo bzhi rta babs rgyan bkod rdzogs:__ye shes sgyu ma'i bkod pa bsam yas par:__rat+na zur brgyad 'dab bzhi'i pad+ma'i dbus:__chu skyes ge sar nyi zla'i dkyil 'khor steng :__rig rtsal hU~M babs rdo rje hU~M gis mtshan:__'od zer 'phro 'dus stobs bcu'i gzi byin 'bar:__mthing gsal thig le yongs gyur skad cig gis:__kun bzang chos sku bla ma rdo rje 'chang :__nam mkha'i mdangs can khro 'dzum brjid pa'i sku:__rdo rje dril 'dzin rang 'od yum la 'khyud:__dar dang rin chen rus pa'i phyag rgyas spras:__zhabs gnyis rdo rje pad+ma'i skyil krung gis:__ye shes 'od lnga 'phro ba'i klong dkyil du:__rigs rnams kun gyi khyab bdag chen por bzhengs:__hU~M hrIH__dbus dang mdun sogs phyogs bzhi'i 'dab ma la:__bde chen longs spyod yongs rdzogs thod phreng rtsal:__dkar mthing ser dmar ljang gu'i mdangs 'od 'tsher:__phyag g.yas so so'i rigs kyi phyag mtshan gdengs:__g.yon pas shes rab dril bu dku la brten:__gsang gos phod ka pad+ma'i snyan zhu gsol:__dar dpyangs rin chen rus rgyan rab tu brjid:__zhi chags khro zhing 'dzum pa'i ngang tshul can:__rang 'dra'i yum rnam gnyis med dgyes pas 'khyud:__pad+ma nyi zla'i gdan la skyil krung bzhugs:__so so'i thugs kar tshe bdag rigs mchog lngaH__yab yum mnyam sbyor 'od skur lam mer gsalaH__hU~M hrIH__de yi phyi rim rin chen zur brgyad la:__pad nyi zla steng 'od lnga'i gur khang dbus:__sprul pa'i skur snang rdo rje'i mtshan mchog brgyad:__shar du kun 'dus gu ru pad+ma 'byung :__mthing mdog rdo rje dril 'dzin yum dang 'khyud:__lho ru sku yi gu ru saM b+ha ba:__dkar gsal pad phor skyabs sbyin rab byung chas:__nub tu gsung gi gu ru pad+ma'i rgyal:__dmar smug DA ru me long 'khor los sgyur:__byang du thugs kyi gu ru seng ge'i sgra:__mthing nag rdo rje sdigs mdzub khro chas rdzogs:__shar lhor yon tan gu ru shAkya seng :__gser mdog sa gnon mnyam bzhag sprul sku'i tshul:__lho nub phrin las gu ru nyi ma 'od:__ser gsal kha TA~M nyi zer rnal 'byor spyod:__nub byang rig rtsal gu ru blo ldan mchog:__dkar dmar DA ru pad phor dar phod gsol:__byang shar stobs kyi gu ru gro bo lod:__dmar nag rdo rje phur 'dzin 'chol ba'i chas:__kun kyang zhi chags 'bar ba'i nyams 'gyur rdzogs:__rang 'dra'i sprul pa nyi zer rdul ltar 'phro:__so so'i thugs kar mchog gi rig 'dzin brgyad:__mthing mdog bde stong DA ru thod chang bsnams:__rin chen rus brgyan dar phod brjid par gsol:__ye shes 'od zer 'phro ba'i klong na gsal:__hU~M hrIH__phyi rol sgo bzhir pad nyi bam ro'i steng :__rdo rje rin chen pad+ma las kyi rigs:__dpa' bo mkha' 'gro yab yum mnyam par sbyor:__mthing ser dmar ljang gri gug thod khrag bsnams:__zhi rgyas dbang drag 'bar ba'i nyams 'gyur can:__rin chen rus rgyan dar dpyang stag sham gsol:__zhabs gnyis 'dor stabs 'od phung klong na rol:__gzhan yang bdag skyob lha dang rig 'dzin tshogs:__snang stong zung 'jug chu zla 'ja' tshon ltar:__byin rlabs dngos grub phrin las dbang sgyur ba'i:__snang sr-id gzhir bzhengs dkyil 'khor chen por gsal:__rdo rje gsum gyi phyag rgyas byin brlabs shing :__rang byung dbang thob rigs lnga'i cod pan rdzogs:__bde chen rol pa lcags kyu'i 'od zer gyis:__mkha' khyab ye shes dkyil 'khor spyan drangs thim:__gdung shugs drag pos spyan 'dren pa ni:__hU~M hrI:__ka dag sngon gyi bskal pa dang po la:__lhun grub rig pa ye shes sprin bkod de:__sku gsum dbyer med cho 'phrul cir yang ston:__khyab bdag pad+ma thod phreng skur bzhengs shig:__hU~M hrI:__'og min chos dbyings spros bral pho brang nas:__chos sku kun tu 'chang ba gshegs su gsol:__stug po bkod sogs dag pa'i zhing mchog nas:__longs sku thod phreng rigs lnga gshegs su gsol:__mi mjed 'dzam gling bye ba phrag brgya nas:__sprul pa'i gu ru mtshan brgyad gshegs su gsol:__gnas yul dur khrod drag po'i pho brang nas:__'bum phrag dpa' bo mkha' 'gro gshegs su gsol:__gzhan yang phyogs bcu'i zhing khams rab 'byams nas:__rtsa gsum chos srung rgya mtsho gshegs su gsol:__sgrub pa'i gnas mchog 'di ru byin phob la:__sgrub mchog rnal 'byor rgyud la dbang bzhi skur:__bgegs dang log 'dren bdud bzhi'i bar chad sol:__mchog dang thun mong dngos grub ma lus stsol:__oM AHhU~M badz+ra gu ru d+harma kA ya:__saM b+ho kA ya:__nirma kA ya pad+ma thod phreng rtsal badz+ra sa ma ya dza dzaHsid+d+hi pha la hU~M AH__dgyes shing brtan par bzhugs su gsol:__hU~M hrIH__sku gsum bla ma'i dkyil 'khor lha tshogs rnams:__thugs rje'i dbang gis gnas 'dir byon pa legs:__rin chen mdzes khri pad+ma nyi zla'i steng :__dgyes par bzhugs nas dbang dang dngos grub stsol:__dzaHhU~M ba~M hoH__sa ma ya tiSh+Tha lhan:__phyag mchod bstod pas byin rlabs bskul:__hU~M hrIH__skye 'gag 'gyur med chos sku'i snying po las:__sku gsung thugs yon phrin las longs spyod rdzogs:__yid bzhin dngos grub char 'bebs sprul pa'i sku:__rig 'dzin bla ma'i tshogs la phyag 'tshal lo:__a ti pu ho:__pra tIts+tsha ho:__hU~M hrIH__bla ma sku gsum dkyil 'khor lha tshogs la:__dngos su 'byor bshams yid kyis rnam sprul pa'i:__lha rdzas las grub nyer spyod 'dod yon sogs:__kun bzang rnam 'phrul phyi yi mchod par 'bul:__rang byung lhun grub dbang po'i me tog sogs:__drag po'i longs spyod nang gi mchod par 'bul:__bde stong mnyam sbyor rtog tshogs dbyings su bsgral:__gnyis med rig pa gsang ba'i mchod par 'bul:__sku lnga ye shes lnga rdzogs grub pa'i rdzas:__rtsa brgyad stong sbyar sman gyi mchod par 'bul:__snang srid dmar gyi rgya mtsho chen por bskyil:__chags bral bde chen rak+ta'i mchod par 'bul:__snod bcud 'byor tshogs bza' bca' btung ba'i rigs:__'dod 'byung dpal gyi gtor ma'i mchod par 'bul:__zag med bde chen bskyed phyir bzhes nas kyang :__mchog dang thun mong dngos grub stsal du gsol:__oM AHhU~M badz+ra gu ru d+harma kA ya:__saM b+ho kA yaHnirma kA ya maN+Da la sa pA ri bA ra ar+g+haM pA' d+yaM puSh+pe d+hU pe A lo ke gan+d+he nai bi d+ya shap+da pany+tsa kA ma gu Na ma hA pU dza dz+nyA na su kha ho:__oM sarba pany+tsa a mr-i ta khA hi:__ma hA rak+ta khA hi:__ma hA ba liM ta kha kha khA hi khA hi:__hU~M hrIH__ma bcos spros bral 'od gsal 'dus ma byas:__dus gsum bde gshegs thams cad 'byung ba'i gnas:__sku dang ye shes phrin las bsam mi khyab:__pad+ma chos kyi sku la phyag 'tshal bstod:__kha sbyaur yan lag bdun ldan bde chen dbyings:__phung po gnas 'gyur nyon mongs rang sar grol:__mi zad bkod pa rgyan gyi 'khor lor shar:__rigs lnga longs spyod rdzogs la phyag 'tshal bstod:__mi mjed dzam gling bye ba phrag brgya ru:__pad sdong las 'khrungs rgyal sras rig pa 'dzin:__gang 'dul sgyu 'phrul drwa ba'i gar mdzad pa:__sprul pa'i mtshan mchog brgyad la phyag 'tshal bstod:__gnas yul dur khrod rab 'jigs zhing rnams su:__bde stong rol pa'i rtags kyi phyag rgya 'chang :__'bum phrag yangs pa'i mkha' 'gro'i sprin phung 'phro:__dpa' bo mkha' 'gro'i tshogs la phyag 'tshal bstod:__gzhan yang bdag skyob lha dang rig pa 'dzin:__rtsa gsum chos srung rgya mtsho'i skur ston pa:__ye shes dam tshig thugs rjes mngon bzhugs pa'i:__dkyil 'khor yongs rdzogs lha la phyag 'tshal bstod:__ces bstod lha sku'i gsal snang la:__yid mig rlung gsum rtse gcig gtad:__bying rgod rnyog mas ma bslad pa'i:__ting 'dzin gyad du 'gyur la bslab:__gnyis pa dzaba? gyi dgongs pa la:__thog mar rtsa ba'i bsnyen pa ni:__dkyil 'khor gtso bo'i thugs kar pad zla'i steng :__ye shes sems dpa' khyab bdag kun tu bzang :__mthing gsal mnyam bzhag bzang mo yum dang 'khril:__de'i thugs kar rin chen zur brgyad dbus:__rdo rje rtse lnga'i lte bar hU~M yig mthar:__rang byung rig pa sngags kyi phreng bas bskor:__bzlas pas 'od zer mkha' khyab kun tu 'phros:__sku gsum bla ma'i byin rlabs nus stobs kun:__tshur 'dus bdag thim thugs yid dbyer med 'dres:__khyab bdal gnyug ma 'od gsal ngang nas bzla:__oM AHhU~M badz+ra gu ru pad+ma sid+d+hi hU~M:__'bum phrag bcu gnyis rtse gcig bzlas:__dus gsum bla mas byin gyis rlob:__rig stong don gyi rang zhal mthong :__pad+ma bdag dang skal pa mnyam:__khyad par sgrub pa'i dzaba? dgongs ni:__thod phreng rigs lnga'i ye shes sems dpa' yi:__thugs kar nyi zla kha sbyor sa bon mthar:__sngags phreng 'khor ba'i zer gyis snang srid khyab:__rgyal ba mnyes mchod 'gro ba'i las sgrib sbyangs:__dregs tshogs dbang bsdus tha mal snod dang bcud:__lha sngags chos sku dag pa rab 'byams ngang:__tshur 'dus bdag thim bde chen rig rtsal rgyas:__ye shes lnga ldan rdo rje'i srog 'grub 'gyur:__oM AHhU~M bud+d+ha badz+ra rat+na pad+ma karma thod phreng rtsal badz+ra sa ma ya dzaHdzaHA yur+dz+nyA na sarba sid+d+hi pha la hU~M A:__'bum phrag lnga bzlas rigs lnga yi:__tshe dang ye shes dngos grub 'thob:__slar yang rang gi thugs nas 'od 'phros pas:__sprul pa'i gu ru mtshan brgyad thugs rgyud bskul:__lha sngags phyag mtshan 'od zer spro zhing bsdus:__gang 'dul dngos sgrub rab 'byams dbang du gyur:__oM AHhU~Mbadz+ra ma hA gu ru sarba sid+d+hi hU~M:__'bum phrag bzhi yis gang 'dod kyi:__dngos grub ye shes rang dbang thob:__thun mong las kyi bzlas pa ni:__sku gsum bla ma'i ye shes 'od zer gyis:__rigs bzhi dpa' bo mkha' 'gro'i thugs rgyud bskul:__'bum phrag yangs pa'i pho nya'i 'phro 'du yis:__zhi rgyas dbang drag phrin las lhun grub gyur:__ra tsa hri ya ha ri ni sa shAn+tiM puSh+tiM pa shaM mA ra ya rbad:__khri phrag bzhi yis las kun byed:__gsum pa thun mtshams 'jug pa ni:__mchod cing bstod la thugs dam bskul:__hU~M hrIH__smon 'jug byang chub mchog tu sems bskyed nas:__dus gsum rgyal ba rnams kyi gdung 'tshob par:__rig 'dzin dngos grub stsol bar zhal bzhes pa'i:__sku gsum bla ma'i lha tshogs dus la bab:__hU~M hrIH__'od gsal spros pa bral ba'i pho brang nas:__chos sku'i bla ma pad+ma rdo rje 'chang :__dam pa khyed kyi rjes su bdag sgrub na:__rang byung don gyi dngos grub stsal du gsol:__'og min stug po bkod pa'i zhing khams nas:__longs spyod yongs rdzogs rigs lnga thod phreng rtsal:__dam pa khyed kyi rjes su bdag sgrub na:__tshe dang ye shes mchog gi dngos grub stsol:__mi mjed dzam gling bye ba phrag brgya nas:__sprul pa'i skur snang gu ru mtshan mchog brgyad:__dam pa khyed kyi rjes su bdag sgrub na:__'gro 'dul phrin las dngos grub stsal du gsol:__gnas yul dur khrod bde chen pho brang nas:__bde stong pho nya dpa' bo mkha' 'gro'i tshogs:__dam pa khyed kyi rjes su bdag sgrub na:__zhi rgyas dbang drag las kyi dngos grub stsol:__sku gsum rigs 'dus dkyil 'khor lha tshogs rnams:__dang por bsnyen cing bar du rtse gcig bsgrubs:__deng 'dir thugs dam bskul ba'i dus lags na:__byin rlabs dngos grub char chen dbab tu gsol:__phyi nang gsang ba'i lam gyi bar chad sol:__bgegs dang log 'dren 'byung po rdul du rlog:__tshe bsod dpal 'byor bde chen ye shes skyed:__sgrub pa'i las kyi 'bras bu mchis par mdzod:__oM AHhU~M badz+ra gu ru d+harma kA ya:__sam+b+ho kA ya:__nirma kA ya d+hA ka d+hA ki nI sarba maN+Dal e A ral+li hrIM hrIM pheM pheM kA ya wA ka tsit+ta dz+nyA na sid+d+hi sa ma ya ho:__zhes bskul mos gus rtse gcig bskyed:__byin rlabs nyams 'ur rtogs pa skye:__de tshe dkyil 'khor lha tshogs dang :__dgongs pa dbyer med lta gdeng bskyed:__nyams myong lam du bslang shes na:__dngos grub skad cig 'grub par 'gyur:__bla ma'i thugs sgrub yid bzhin nor bu las:__dngos gzhi'i las rim ste le'u gsum pa'o:__sa ma ya:__rgya rgya rgya:__rjes kyi phrin las rim pa la:__tshogs mchod bya zhing gtor ma bskyang :__spyod lam ye shes rol par 'jug:__dang po tshogs kyi mchod pa ni:__rdo rje'i dam tshig rdzas bshams la:__bdud rtsi bsang sbyang byin gyis brlab:__ra~M ya~M kha~M:__dam tshig rdzas la nyes pa'i skyon bral yang :__dngos 'dzin rnam rtog bag chags sbyang ba'i phyir:__ye shes me rlung chu yis bsregs gtor bkrus:__snod bcud 'dod yon bde chen rgyan du shar:__oM hU~M trA~M hrI AHpany+tsa kA ma gu Na dz+nyA na a mr-i ta oM AHhU~M:__hU~M hrIH__bzhengs shig sku gsum bla ma'i dkyil 'khor lha:__dpa' bo mkha' 'gro rgya mtsho'i tshogs dang bcas:__longs spyod tshogs kyi 'du bar spyan 'dren na:__thugs rje'i dbang gis 'dir gshegs byin gyis rlobs:__badz+ra sa ma ya dzaHdzaH__hU~M hrIH__bza' bca' btung ba rdo rje'i dam tshig rdzas:__'don yon bde chen ye shes rol pa'i rgyan:__sku gsum bla ma'i lha tshogs mnyes phyir 'bul:__mchod bzhes dam skong byin rlabs dngos grub stsol:__ma hA ga Na tsakra pU dza hoH__hoH___bdag cag byang chub mchog tu sems bskyed nas:__grub pa'i rig 'dzin bsgrub par dam bcas kyang :__sku gsung thugs kyi dam las 'gal ba kun:__zhal zas tshogs kyi mchod pas bskang zhing bshags:__badz+ra sa ma ya bi shud+d+he a AH__hU~M hrIH__thugs rje khros pa dpal gyi pho nya yis:__'du bar 'os min dgra bgegs 'byung po'i tshogs:__bkug cing bstims nas ye shes mtshon gyis bsgral:__sha khrag tshogs kyi longs spyod chen por bzhes:__sarba sha trUn big+h+nAn dzaHhU~M ba~M hoHmA ra ya rbad:__b+hin+d+ha ya b+hin+d+ha ya kha kha khA hi khA hi:__de ltar phyi yi dkyil 'khor pa:__tshogs kyi mchod pas dgyes par bskang :__nang du phung khams skye mched lha:__dam tshig bdud rtsi myang bas tshims:__gsang ba bde stong nyams sbar cing :__de nyid rig pa'i ngang du bzhag:__tshogs gnyis mig 'phrul lta bur rdzogs:__yang dag ye shes mngon du 'gyur:__lhag mas zhing skyong pho nya mchod:__e A ral+li sarba d+hA ka d+hA ki nI hrIM hrIM:__hU~M hrIH__sku gsum bla ma'i bka' nyan dam tshig can:__lhag la dbang ba'i mkha' 'gro ging lang+ka :__'dir gshegs 'dod yon bdud rtsi'i gtor ma bzhes:__'khor srung rkyen zlog sgrub pa'i bar chad sol:__ma ma d+hA ka d+hA ki ni uts+tshiSh+ta ba liM ta khA hi:__gnyis pa gtor ma bskyang ba ni:__gtor mar sha khrag sman phud bran:__rdo rje'i chos srung tshogs rnams la:__las kyi tha tshig bsgrag par bya:__hU~M hrIH__chos sku'i dbyings su ye shes 'du 'bral med:__longs spyod rdzogs sku rigs lnga'i sprin bkod de:__'gro 'dul sprul pa'i rig 'dzin rgya mtsho yis:__rgyud lung man ngag chos 'khor bskor ba'i tshe:__bka' yi dam nos rdo rje'i yal gam can:__pho rgyud mo rgyud gnyis med chos srung tshogs:__ye shes las dang 'jig rten tshul ston cing :__legs nyes stangs 'dzin dam tshig rjes gcod rnams:__sngon tshe zhal bzhes dam bcas ma g.yel bar:__sha khrag bdud rtsi'i gtor ma 'di bzhes la:___sdang ba'i dgra thul gnod pa'i bar chad choms:__tshe srings dpal skyed bshad sgrub bstan pa spel:__zhi rgyas dbang drag mngon spyod la sogs pa'i:__rab 'byams phrin las myur du 'grub par mdzod:__sarba d+harma pA la i dam ba liM ta grih+Na kha kha khA hi khA hi:__bshal chus bod skyong brtan ma gsol:__hU~M hrI:__dgung sngon steng dang g.ya' ri gangs rtse sogs:__bod khams mtha' dbus khyab pa'i brtan skyong tshogs:__dpal gyi zhal chab gtor ma'i bshal chu bzhes:__gangs can bde skyid rgyas pa'i phrin las mdzod:__pad+ma d+hA kI nI ma ma hrIM hrIM ba liM ta khA hi:__las mtha' dpal gyi rta bros bsdu:__hU~M hrIH__bla ma sku gsum rigs 'dus dkyil 'khor 'dir:__sgrub la bar chad dam sri gdug pa'i tshogs:__e dbyings rdo rje lhun po'i 'og tu mnan:__dbang chen rol pa'i bro yis rgyas gdab bo:__sarba big+h+nAn s+t+waM b+ha ya nan:__shrI pad+ma he ru ka hi hi hi hU~M:__gsum pa bskyed pa'i lha rnams kun:__'od gsal ngang bsdu lhar ldang zhing :__bsngo smon shis brjod mtshams sbyar nas:__thun mtshams ye shes rol par spyod:__hU~M hU~M hU~M:__snang srid snod bcud 'od gsal dbyings su thim:__don dam bla ma chos sku mngon tu gyur:__slar yang gzugs sku sgyu ma'i phyag rgya yis:__stong nyid snying rjes 'gro ba'i don bya'o:__a a aH__dz+nyA na kA ya oM AHhU~M:__bdag gis bla ma sku gsum bsgrubs la sogs:__dge tshogs mkha' khyab 'gro ba'i ched du bsngo:__kun kyang byang chub snying po mngon 'gyur nas:__rang gzhan don kun yid bzhin 'grub par shog:__hU~M hrIH__sku gsum brgyud ldan bla ma'i bkra shis shog:__rab 'byams yi dam zhi khro'i bkra shis shog:__gnas yul dpa' bo mkha' 'gro'i bkra shis shog:__dngos grub dpal la spyod pa'i bkra shis shog:__ces brjod thun mtshams thams cad du:__ye shes snying rje chen po'i ngang :__rang gzhan phan pa'i don spyod cing :__tha mal snang zhen kun sbyang bya:__sa ma ya:__de ltar sbyor dngos rjes gsum tshang ba yi:__rigs 'dus phrin las 'di la sus spyod pa:__'di phyi bar do gnas skabs thams cad du:__rang byung pad+ma bdag dang 'bral ba med:__khyad par dus kyi rgyal po tshes bcu la:__'byor tshogs ci yod tshogs dang gtor mar spungs:__dam tshig dag pa 'dus pa'i grogs dang bcas:__gdung shugs drag pos tshul bzhin nyams blangs na:__rnga yab gling sogs sprul pa'i zhing khams nas:__o rgyan nga nyid the tshom med par 'byon:__bar chad sel zhing bsam pa chos bzhin 'grub:__yul phyogs kun kyang bkra shis bde legs 'byung :__bla ma'i thugs sgrub yid bzhin nor bu las:__phrin las rjes kyi le'u ste bzhi pa'o:__sa ma ya:__rgya rgya rgya:__bsnyen sgrub sngon song rnal 'byor pas:__las tshogs rim pa 'di ltar bya:__thog mar sdig sgrib zhi ba'i phyir:__rang nyid dkyil 'khor gtso bo yi:__thugs nas 'od zer dkar po 'phros:__lus kyi gnas kun yongs su khyab:__khyad par 'pho chen bcu gnyis kyi:__rtsa mdud rnams su zhugs pa yis:__gzung 'dzin mdud pa dbyings su grol:__ma rig las byung rten 'brel kun:__lugs ldog ye shes chen por smin:__'khor ba'i las nyon bag chags dang :__sdig sgrib rtsad nas dag par bsam:__gsang sngags yi ge bcu gnyis bzla:__skabs su sham bu 'di yang spel:__oM hU~M trA~M hrI AH'aHaHshaHsaHmaHhaHma ma ko ling sa man+ta:__rigs drug gi las nyon sdig sgrib bag chags dang bcas pa thams cad shAn+tiM ku ru swA hA:__lus yang dbugs kyi rgyu ba dal:__nyon mongs rnam rtog ngang gis zhi:__ye shes rgyud la 'char ba sogs:__rtags dang yon tan bsam mi khyab:__skabs rer 'od zer spro bsdu yis:__mkha' khyab 'gro ba'i las nyon sbyangs:__dar ras gro shog dri med la:__'khor lo mu khyud bcas pa'i dbus:__gtso bo'i sku'am hU~M mthing bri:__gong ras bsnyen sgrub sngags phreng dgod:__mu khyud pad 'dab bcu gnyis la:__thabs shes yig 'bru bcu gnyis oM AHhU~M sogs dang :__de rgyab dong sprugs sngags sham ma ma ko ling sogs dgod:__de rgyab dbyangs gsal rten snying dgod:__mtha' bskor pa tra mdzes par bri:__myang grol rdzas byug rab gnas bya:__'khor lo mthong ba tsam gyis grol:__'chang bas btags grol rgyal po yin:__sha lnga bdud rtsi mchog grub gdung :__'bras bu gsum dang lnga tshan lnga:__gnas chen cu gang sin+d+hU ra:__rtag ngu rigs gsum dbang po lag:__sbyar bas ril bu sran tsam dril:__thod pa'i nang blugs dal dbus bzhag:__'od zer spro bsdus tshul bzhin bsgrub:__dam tshig ldan pas myang bas grol:__las kyi rim pa 'di brtsams pas:__pad+ma'i byin rlabs shugs phyungs nas:__'di 'am 'chi kha bar do ru:__rang rig bde chen btsan sa zin:__mchog gi las sbyor mthar thug go:__sa ma ya:__bde chen ye shes 'phel 'dod na:__rang nyid bud+d+ha thod phreng bsgom:__snyoms zhugs bde bas rgyud gang bsam:__oM AHhU~M ma hA gu ru bud+d+ha thod phreng rtsal ma hA su kha sid+d+hi hU~M:__gser mdog dbang lag ra mo shag:__'o mar sbyar zos khams bde zhing :__bde ba'i ye shes 'phel bar 'gyur:__sa ma ya:__gzung 'dzin nyon mongs zhi 'dod na:__rang nyid rdo rje thod phreng bsgom:__snying ga'i hU~M las rlung sems bsdu:__rtog tshogs dbyings su zhi bar bsam:__oM AHhU~M ma hA gu ru badz+ra thod phreng rtsal sarba bi kalpa a a a:__bul tog cu gang sga skya la:__sngags btab 'thung bas nyon mongs zhi:__ting 'dzin gsal zhing brtan par 'gyur:__sa ma ya:__rig rtsal shes rab rgyas 'dod na:__rang nyid rat+na thod phreng bsgom:__thugs srog 'od kyis snying dbus kyi:__ma rig sgo nga'i sbubs 'byed bsam:__oM AHhU~M ma hA gu ru rat+na thod phreng rtsal pra dz+nyA dz+nyA na sarba sid+d+hi hU~M:__shu dag gi waM zhun mar la:__sngags btab zos pas rig rtsal 'phel:__sa ma ya:__rlung sems dbang du 'du 'dod na:__rang nyid pad+ma thod phreng bsgom:__kha sbyor bar rlung bde bar bzung :__snang shes 'dzin med ngang du bzhag:__oM AHhU~M ma hA gu ru pad+ma thod phreng rtsal dz+nyA na ba sha~M ku ru sarba sid+d+hi hU~M:__bla ma yab yum byang sems la:__sngags btab zos pas rlung sems zin:__snang ba dbang sgyur 'ja' lus 'grub:__sa ma ya:__'byung ba lus 'khrugs tshar gcod na:__rang nyid karma thod phreng bsgom:__bar rlung bzung zhing ha 'don bya:__sngags kyi 'od kyis 'du 'khrugs sbyangs:__oM AHhU~M ma hA gu ru karma thod phreng rtsal sarba ro ga shAn+tiM ku ru swA hA:__a ru cong zhi brag zhun la:__bzlas btab zos pas nad kun 'byangs:__sa ma ya:__mngon sum ye shes mthong 'dod na:__rang nyid pad+ma 'byung gnas bsgom:__'ja' zer thig les lus kun gang :__snang srid 'od phung chen por bsam:__oM AHhU~M badz+ra ma hA gu ru pad+mA ka ra dz+nyA na sarba sid+d+hi hU~M:__a ba rtag ngu gsang sman la:__sngags bzlas mig la byugs pa yis:__sku dang thig le mthong bar 'gyur:__sa ma ya:__yon tan sna tshogs bsgrub 'dod na:__rang nyid pad+ma saM b+har bsgom:__thugs ka'i 'od kyis 'khor 'das kyi:__ye shes yon tan bdag la bstim:__oM AHhU~M badz+ra ma hA gu ru pad+ma saM b+ha ba sarba gu Na sid+d+hi hU~M:__rgun 'brum shu dag sbrang rtsi la:__sngags kyis byin brlabs lto stong bza':__gzungs dran mngon par shes pa thob:__sna tshogs yon tan rgyas par 'gyur:__sa ma ya:__khams gsum dmigs bya dbang sdud na:__rang nyid pad+ma rgyal por bsgom:__lcags kyu'i 'od kyis snang srid kun:__dmar lam zhu ste bdag la thim:__oM AHhU~M badz+ra ma hA gu ru pad+ma rA dza lo ka sarba sid+d+hi hU~M:__gi waM sin+d+hur pad rAka la:__sngags btab dpral bar thig le bya:__snang srid thams cad dbang du 'gyur:__sa ma ya:__byad phur rbod gtong tshar gcod na:__rang nyid seng ge sgra sgrog bsgom:__sngags kyi 'od zer me lce yis:__phas rgol thams cad bsregs par bsam:__oM AHhU~M badz+ra mahA gu ru sing ha gaN+De sarba sid+d+hi hU~M:__sarba duSh+tAn mA ra ya phaT:__gu gul shu dag yungs kar la:__sngags bzlas dud pas bdug tsam gyis:__gdug pa can rnams gyes par 'gyur:__sa ma ya:__log 'dren bdud bzhi 'dul 'dod na:__rang nyid shAkya seng ger bsgom:__thugs ka'i hU~M las hU~M 'phros pas:__bar chad bdud tshogs bcom par bsam:__oM AHhU~M badz+ra ma hA gu ru shAkya siM ha sarba sid+d+hi hU~M:__sarba mA ra pra mAr+d+ha na ha na hU~M phaT:__yungs kar la bzlas phyogs bcur gtor:__bar gcod bdud kyis nye mi nus:__sa ma ya:__'gro 'dul phrin las rgyas 'dod na:__rang nyid nyi ma 'od zer bsgom:__nyi zer 'od kyis snang srid khyab:__mos bzhis snang srid dbang sgyur bsam:__oM AHhU~M badz+ra ma hA gu ru sUr+Ya rasmi sarba sid+d+hi hU~M:__tre lo ka sarba d+harma pa shaM ku ru swA hA:__tsan+dan rgya spos sbrang rtsi la:__btab nas mang du 'tshogs sar bdug:__snang ba dbang 'dus gdul byar 'gyur:__sa ma ya:__shes rab blo dang ldan 'dod na:__rang nyid blo ldan mchog sred bsgom:__thugs ka'i 'od kyis 'khor 'das kyi:__shes pa kun la dbang bsgyur bsam:__oM AHhU~M badz+ra ma hA gu ru pra dz+nyA dz+nyA na sarba sid+d+hi hU~M:__a ru dri bzang yung ba la:__sngags btab chu gtsang sbyar la btung :__gzungs dran spobs pa rgyas par 'gyur:__sa ma ya:__log 'dren gdug pa tshar gcod na:__rang nyid rdo rje gro lod bsgom:__thugs nas 'bar ba'i khro tshogs 'phros:__dam sri 'byung po brlag par bsam:__oM AHhU~M badz+ra ma hA gu ru rdo rje gro bo lod lo ka sarba sid+d+hi hU~M:__dug khrag bdug cing yungs kar brab:__phur pa gdengs shing hU~M glu len:__rdo rje'i lta bas bltas pa yis:__gdug pa can rnams ring du byer:__sa ma ya:__nad gdon 'jigs brgyad zhi 'dod na:__rang nyid dkyil 'khor gtso bor bsgom:__thugs nas 'phros pa'i 'od zer gyis:__rdo rje dpa' bo 'khor bcas bskul:__de las rang 'dra'i pho nya dang :__'od zer dkar po mkha' khyab 'phros:__rang gzhan nad gdon 'jigs brgyad sogs:__mi mthun phyogs kun zhi bar bsam:__oM ra badz+ra ging+ka ra ha badz+ra d+hA kI nI nad gdon 'jigs brgyad thams cad shAn+tiM ku ru swA hA:__zhes bzlas dri bzang spos chur btab:__'thor 'thung bkrus pas mi mthun zhi:__sa ma ya:__tshe bsod dpal 'byor rgyas 'dod na:__rang nyid dkyil 'khor gtso bor bsgom:__thugs nas 'phros pa'i 'od zer gyis:__rat+na dpa' bo 'khor bcas bskul:__de las rang 'dra'i pho nya dang :__'od zer ser po mkha' khyab 'phros:__rang gzhan tshe bsod dpal 'byor sogs:__legs tshogs thams cad rgyas par bsam:__oM tsa rat+na ging+ka ra ri rat+na d+hA ki nI tshe bsod dpal 'byor legs tshogs thams cad puSh+tiM ku ru oM:__zhes bzlas thod pa mtshan ldan tu:__dpal chen rdzas bkang rten du bzung :__legs tshogs thams cad rgyas par 'gyur:__sa ma ya:__bsgrub bya dbang du bsdu 'dod na:__rang nyid dkyil 'khor gtso bor bsgom:__thugs nas 'phros pa'i 'od zer gyis:__pad+ma dpa' bo 'khor bcas bskul:__de las rang 'dra'i pho nya dang :__'od zer dmar po mkha' khyab 'phros:__dmigs bya'i snying dang gsang bar zhugs:__yid g.yos chags pas 'od dmar zhu:__bdag thim snang ba dbang 'dus bsam:__oM hrIHpad+ma ging+ka ra ni pad+ma d+hA ki ni dmigs bya 'gro ba pho mo pa shaM ku ru ho:__zhes bzlas rgun chang la btab sbyin:__tshangs pa pho mo yin kyang 'gugs:__sa ma ya:__dgra bgegs 'byung po tshar gcod na:__rang nyid dkyil 'khor gtso bor bsgom:__thugs nas 'phros pa'i 'od zer gyis:__karma dpa' bo 'khor bcas bskul:__de las rang 'dra'i pho nya dang :__mtshon cha'i 'od zer mkha' khyab 'phros:__dgra bgegs 'byung po dpung dang bcas:__rjes shul lhag med brlag par bsam:__oM ya karma ging+ga ra sa karma d+ha ki nI dgra bgegs 'byung po mA ra ya phaT:__zhes bzlas dug khrag yungs kar la:__btab nas gnod pa'i phyogs su 'phang :__gdug pa can rnams tshar gcod 'gyur:__sa ma ya:__de ltar las kyi tshogs rnams kun:__snying rje byang chub sems ldan pa'i:__lam gyi drod thob rnal 'byor pas:__rang gzhan don tu brtsams pa'i mod:__ting 'dzin sngags dang rdzas kyi mthus:__ji ltar bsam pa bzhin tu 'grub:__yid bzhin nor bu rin chen ltar:__sku gsum bla ma'i las sbyor ro:__bla ma'i thugs sgrub yid bzhin nor bu las:__las sna tshogs pa'i le'u ste lnga pa'o:__sa ma ya:__rgya rgya rgya:__slob ma rjes bzung dbang bskur ni:__dkyil 'khor rdzas bsham tshul bzhin bsgrub:__bdag nyid dbang blang nus ldan bya:__snod ldan slob ma'i dri ma dang :__bgegs sbyangs srung ba'i 'khor los bcing :__maN+Dal dang bcas gsol gdab bya:__dkyil 'khor gtso bo rdo rje 'chang :__khyab bdag bla ma dgongs su gsol:__bdag cag smin cing grol bya'i phyir:__byin rlabs dbang mchog stsal du gsol:__zhes zhu rgyud sbyang sdom pa sbyin:__lhar gsal ye shes dbab cing brtan:__de nas bkra shis glu blang zhing :__bum pas dbang bskur 'thor 'thung bya:__oM:__bkra shis bum pa bzang po che ba'i mchog:__yon tan dpag tu med pa'i rgyan gyis spras:__ye shes bcud ldan bdud rtsi'i dbang bskur bas:__snang zhen lha yi phyag rgyar rdzogs par shog:__sngags mthar ka la sha a mr-i ta a b+hi Shiny+tsa oM hU~M trA~M hrIHA:__zhes bskur rigs kyi phyag rgyas gdab:__des ni bla ma sprul sku la:__rten nas bum pa'i dbang thob pas:__lus kyi sgrib dag bskyed pa'i rim:__bsgom par dbang zhing sku rdo rje'i:__ye shes rgyud la skyes pa'o:__bla ma rigs lnga mnyam sbyor ba'i:__byang sems bdud rtsi lce la bzhag:__A:__bla ma yab yum sbyor ba'i byang chub sems:__bkra shis rang byung b+han+d+ha'i snod du bskyil:__rtsa khams rlung la bstim zhing dbang bskur bas:__srog rtsol rdo rje'i sngags su dag par shog:__gu h+ya tsit+ta bo d+hi dz+nyA na a b+hi Shiny+tsa A:__gsal stong ye shes skyes par bsam:__sngags kyis bzlas lung dag kyang dpog:__des ni bla ma longs sku la:__brten nas gsang ba'i dbang thob pas:__ngag gi sgrib dag rtsa rlung las:__bsgom par dbang zhing gsung rdo rje'i:__ye shes rgyud la skyes pa'o:__shes rab mtshan ldan pho nyar sbyin:__hU~M:__slob ma kun bzang pad+ma rdo rje 'chang :__rigs kyi lha mo bde ster pad+ma'i yum:__gnyis med brtul zhugs spyod pa'i dbang bskur bas:__thig le dga' bzhi'i lhan skyes mngon gyur shog:__dz+nyA na mu dra ma hA su kha a b+hi Shiny+tsa hU~M:__snyoms 'jug bde ba'i don ngo sprad:__des ni bla ma longs sku la:__brten nas gsum pa'i dbang thob pas:__yid kyi sgrib dag pho nya'i lam:__bsgom par dbang zhing thugs rdo rje'i:__ye shes rgyud la skyes pa'o:__bla ma'i sku 'bag spyi bor bzhag:__hrIH__sku gsum rigs 'dus bla ma rdo rje 'chang :__dad mos can gyi spyi bor mngon sum byon:__gus pas gsol btab thugs yid dbyer med 'dres:__ye shes rig pa rtsal gyi dbang thob shog:__dz+nyA na ka ya a b+hi Shiny+tsa a A:__bla ma spyi nas snying dkyil bstim:__thugs yid bsres nas dgongs pa bskyang :__des ni sku gsum dbyer med la:__brten nas rig rtsal dbang mchog thob:__sgo gsum sgrib dag rdzogs pa che:__bsgom par dbang zhing 'od gsal gyi:__ye shes rgyud la skyes pa'o:__dbang don nus pa brtan pa'i phyir:__gtor ma lhar gsal spyi bor bzhag:__hU~M hrIH__gtor ma rin chen 'bar ba'i gzhal yas su:__dkyil 'khor gtso bo pad+ma rdo rje 'chang :__longs spyod yongs rdzogs rigs lnga'i sprin phung 'phro:__'gro 'dul sprul pa'i rig 'dzin mtshan mchog brgyad:__phrin las lhun grub dpa' bo mkha' 'gro sogs:__rtsa gsum lha tshogs ma 'dres 'ja' ltar shar:__dgyes pa'i gar mdzad rdo rje'i sngags sgra sgrogs:__ye shes 'od zer 'phro 'dus dbang bskur bas:__sku gsung thugs yon phrin las byin rlabs zhugs:__sgrib bzhi dag cing dbang bzhi'i rtogs pa 'phel:__mthong thos dran reg gdul bya smin cing grol:__rab 'byams bka' yi dbang mchog thob par shog:__oM AHhU~M badz+ra gu ru d+harma kA ya:__saM b+ho kA ya:__nirma kA ya d+he wa d+hA ki nI kA ya wA ka tsit+ta gu Na karma sarba a b+hi Shiny+tsa oM AHhU~M hrIHswA hA:__mthar ni gtor ma'i lha tshogs rnams:__'od zhu slob mar gnyis med thim:__dam rdzas dngos grub tshul du sbyin:__dbang don nus pa brtan par bsam:__mtha' rten bkra shis tshe dbang ni:__tshe mda' g.yab cing dwangs bcud bsdu:__hU~M hrI:__chos sku'i bdag nyid mgon po kun tu 'chang :__thod phreng rigs lnga longs sku tshe dpag med:__sprul pa'i pho nya mgyogs ma'i tshogs dang bcas:__thugs dam bskul lo thugs rje'i gzi byin skyed:__bla tshe chad nyams yar ba rang sor chud:__snod bcud 'khor 'das tshe yi dwangs ma sdus:__bdag dang sgrub pa'i rdzas la dbyer med stims:__tshe dang ye shes mchog thun dngos grub stsol:__oM AHhU~M bud+d+ha badz+ra rat+na pad+ma karma thod phreng rtsal badz+ra sa ma ya dza dzaH__A yur+dz+nyA na sarba sid+d+hi pha la hU~M AH__de nas tshe 'brang spyi bor bzhag:__hU~M hrIH__mkha' khyab chos sku pad+ma kun tu 'chang :__longs sku tshe bdag rigs lnga thod phreng rtsal:__sprul pa'i rig 'dzin rtsa brgyud bla ma'i tshogs:__'od gsal dbyings las thugs rjes brtser dgongs la:__'chi med tshe dbang dngos grub byin chen phob:__lus la 'gyur med sku yi tshe dbang stsol:__ngag la bden tshig gsung gi tshe dbang stsol:__yid la spros bral thugs kyi tshe dbang stsol:__yon tan mi zad rgyan gyi tshe dbang stsol:__phrin las 'gro 'dul nus pa'i tshe dbang stsol:__phyi nang gsang ba'i 'gal rkyen bar chad sol:__tshe dang ye shes mchog thun dngos grub stsol:__sngags mthar kA ya wA kA tsit+ta gu Na karma sarba sid+d+hi a b+hi Shiny+tsa oM hU~M trA~M hrIHAH__tshe yi bza' btung bdud rtsi sbyin:__hrIH__thabs kyi rang bzhin 'chi med tshe yi rdzas:__shes rab dwangs bcud bdud rtsi'i btung ba'i rgyun:__skal ldan rigs kyi bu la sbyin pa yis:__tshe dpal ye shes dga' ston rgyas par shog:__sngags brjod:__tshe yi dwangs ma rgyas gdab bya:__a:__'khor 'das tshe bcud thugs srog thig ler thim:__phung khams skye mched rdo rje'i drwa bar bsdams:__'pho med gnyug ma don gyi rgyas btab pas:__mi 'gyur rtag pa ye shes srog 'grub shog:__dz+nyA na bin+d+hu A yu She b+h+rU~M a:__bkra shis yo byad du ma dang :__tshigs su bcad pas mnga' gsol zhing :__dam tshig khas blang maN+Dal sogs:__rjes kyi bya ba spyi ltar spyad:__sa ma ya:__bskyed rdzogs tshul bzhin bsgrub pa la:__ye shes nus 'byin bskyed pa'i phyir:__phyag rgya sku yi dbang bskur gyi:__bkol byang gud du bstan pa ni:__slob ma lus dkyil lhar bcas gsal:__dkyil 'khor lha las gnyis pa spros:__so sor bstims pas byin gyis brlab:__rtags kyi snang brnyan dbang gnas bskur:__hU~M:__chos sku spros bral mkha' khyab stong pa'i gzugs:__rigs kun khyab bdag pad+ma kun tu 'chang :__yab yum gnyis su med pa'i dbang bskur bas:__'od gsal phyag rgya'i ye shes mngon 'gyur shog:__oM gu ru d+harma kA ya a b+hi Shiny+tsa hU~M:__hU~M:__gti mug rnam dag bud+d+ha thod phreng rtsal:__ye shes sems dpa' bud+d+ha tshe yi lha:__yab yum gnyis su med pa'i dbang bskur bas:__chos kyi dbyings kyi ye shes mngon 'gyur shog:__oM bud+d+ha gu ru oM kA ya a b+hi Shiny+tsa hU~M:hU~M:__zhe sdang rnam dag badz+ra thod phreng rtsal:__ye shes sems dpa' rdo rje tshe yi lha:__yab yum gnyis su med pa'i dbang bskur bas:__me long lta bu'i ye shes mngon 'gyur shog:__oM badz+ra gu ru hU~M kA ya=__hU~M:__nga rgyal rnam dag rat+na thod phreng rtsal:__ye shes sems dpa' rin chen tshe yi lha:__yab yum gnyis su med pa'i dbang bskur bas:__mnyam pa nyid kyi ye shes mngon 'gyur shog:__oM rat+na gu ru trA~M kA ya=__hU~M:__'dod chags rnam dag pad+ma thod phreng rtsal:__ye shes sems dpa' pad+ma tshe yi lha:__yab yum gnyis su med pa'i dbang bskur bas:__so sor rtog pa'i ye shes mngon 'gyur shog:__oM pad+ma gu ru hrIHkA ya=__hU~M:__phrag dog rnam dag karma thod phreng rtsal:__ye shes sems dpa' las kyi tshe yi lha:__yab yum gnyis su med pa'i dbang bskur bas:__bya ba grub pa'i ye shes mngon 'gyur shog:__oM karma gu ru AHkA yaH__hU~M:__gang 'dul sprul pa'i gu ru mtshan brgyad dang :__rig 'dzin rtsal 'chang brgyad kyi dbang bskur bas:__tshogs brgyad rang grol ye shes chen por smin:__mchog thun phrin las lhun gyis grub par shog:__oM sarba ma hA gu ru kA ya a b+hi Shiny+tsa hU~M:__hU~M:__dkyil 'khor sgo bzhi skyong mdzad pho nya'i tshul:__rdo rje rin chen pad+ma las kyi rigs:__dpa' bo mkha' 'gro yab yum dbang bskur bas:__tshad med bzhi ldan las bzhi mthar phyin shog:__oM badz+ra rat+na pad+ma karma ra tsa hri ya ha ri sa kA ya a b+hi Shiny+tsa hU~M:__snang stong lha sku 'char la bslab:__bzlas pa sngags kyi 'phro 'du bcas:__rjes su zlos shing sngags phreng sbyin:__A:__brtan g.yo'i sgra skad thams cad sngags su shar:__grags stong dbyer med ye shes dbang bskur bas:__'od zer spro bsdus bsnyen sgrub las sbyor gyis:__nus rtsal stobs rdzogs don gnyis lhun grub shog:__sngags mthar:__wA ka a b+hi Shiny+tsa A:__me long rdo rje'i brdas mtshon te:__hU~M:__'di ltar snang ba'i lha sngags spros pa kun:__me long gzugs ltar gsal la 'dzin pa med:__rigs stong zung 'jug gnyug ma'i dbang bskur bas:___don gyi ye shes dgongs pa mngon 'gyur shog:__tsit+ta ma hA dz+nyA na a b+hi Shiny+tsa hU~M:__de ltar khyad par dbang bskur bas:__lha sngags gnyug ma'i gzer theb cing :__'gro 'dul phrin las mtha' yas pa'i:__ye shes rgyud la smin par 'gyur:__de phyir shin tu gces par zung:__bla ma'i thugs sgrub yid bzhin nor bu las:__slob ma smin byed dbang bskur ba'i le'u ste drug pa'o:__sa ma ya:__rgya rgya rgya:__rang byung rig pa o rgyan pad+ma bdag:__yid can kun gyi rgyud la khyab par bzhugs:__de ltar ma rtogs mngon du bya ba'i phyir:__gdams ngag khrid kyi rim pa 'di ltar bsgom:__sa ma ya:__thugs rje'i byin rlabs 'pho nus slob dpon gyis:__dam ldan bka' bzhin sgrub nus slob ma la:__zab mo'i dbang bskur khrid phog ngo sprod gdab:__dben pa'i gnas su nyams len byed par bskul:__des kyang ltos med bya ba kun btang ste:__sgo gsum rnal dbab shin tu sbyangs nas kyang :__dal 'byor rnyed dka' 'jig par sla ba dang :__'khor bar nges 'byung las 'bras blang dor brtson:__rtse gcig dad pas dkon mchog skyabs su 'gro:__byams dang snying rje smon 'jug byang sems bskyed:__sdig ltung sbyang dang tshogs bsag nan tan bya:__khyad par bla ma o rgyan thod phreng rtsal:__chos kyi sku ni ris med kun tu khyab:__longs spyod rdzogs sku nges pa lnga dang ldan:__sprul sku sna tshogs ma nges 'gro ba 'dul:__de phyir ngo bo rtsa ba'i bla ma dang :__dbyer med ye shes dbyings gcig rol pa las:__rnam pa ma 'gags kun bzang pad+ma 'byung :__spyi gtsug chu skyes nyi zla'i steng du bsgom:__snang stong 'od phung byin rlabs dpal du 'bar:__khyed shes dad pas gsol btab thugs rgyud bskul:__dbang bzhi blang zhing chu la chu thim ltar:__rang dang dbyer med du ma ro gcig bsre:__mos gus nyams 'ur snang ba bla mar shar:__shes pa gza' gtad bral ba'i don shar na:__tshig bshad dbang bskur brgya las de nyid lhag:__de ka'i ngang las bzo med lhod kyis klod:__rnam rtog skyes na byung gnas 'gro gsum btsal:__dang po byung sa skye med chos kyi sku:__bar du gnas snang 'gag med longs spyod rdzogs:__tha ma 'gro ba ris med sprul pa'i rtsal:__kha dog dbyibs med ngo bo ngos bzung bral:__dpe yis mi mtshon tshig gis brjod du med:__sems las 'das pa'i rig pa 'di ka rang :__pad+ma 'byung gnas lugs su blugs pa 'dra:__ma nor ma bcos o rgyan thod phreng rtsal:__'di nyid yin no gzhan du ma tshol cig:__dran mdangs ye shes rol pa shar tsam las:__bcos min gnyen po'i sgom pa bskyur la thong :__sems 'dzin bya byed mang po g.yeng ba'i rgyu:__tha snyad bsal bzhag mang po bslu ba'i chos:__chos rnams ming tsam ming yang btags pa tsam:__btags pa thams cad don med 'khrul pa yin:__mig gi yul du gzugs snang ci shar yang :__snang la zhen med byis pa'i ltad mo 'dra:__snang stong zung 'jug ngos gzung med par 'char:__o rgyan pad+ma sprul pa'i sku dang mjal:__rna ba'i lam du grags pa'i sgra skad kun:__grags la 'dzin med brag cha'i lad mo 'dra:__grags stong zung 'jug skye 'gag med par 'char:__o rgyan pad+ma longs spyod rdzogs dang mjal:__yid kyi yul du rnam rtog ci shar yang :__rig rtsal nyid de blo yis bcos mi gzhug:__rig stong rang grol bya lam rjes med ngang :__o rgyan pad+ma chos kyi sku dang mjal:__lta ba yin no gtad so ci yang med:__bsgom pa yin no ngang bzhag gnyug mar bzlums:__spyod pa yin no 'dzin zhen sbrul mdud grol:__'bras bu yin no dbyings rig zung du chub:__'di yin 'di las gzhan du ma dmigs phyir:__rdzogs chen rnal 'byor sprin med nam mkha' 'dra:__gegs dang gol sa med cing bogs 'don med:__rang babs bskyangs pas sa lam spang thob rdzogs:__thams cad gdod ma'i gzhi la byang chub kyang :__dang po'i las can rnams la mtshon slad du:__gegs sel gtso bo mi rtag byang sems sbyang :__bogs 'don rgyal po bla ma'i mos gus bsgom:__skabs su lus sems gnyis ka khong klod la:__yid tsam rlung ni phyir 'dzin dal bar bslab:__rig pa mig gis gsang 'bras dkyil du gtad:__de nyid nam mkha' stong par mdung tshugs gzir:__bsam 'das brjod med 'od gsal rang babs 'char:__dbyings gsum dbyer med pad+ma'i rang zhal mjal:__skabs su sgo yul rlung rig gnad gcun pas:__rdo rje lug rgyud pad+ma'i dngos zhal 'khums:__de nyid gong 'phel dbyings rig tshad la pheb:__chos can kun zad chos nyid lhums su zhugs:__'di dang 'chi kha bar do'i nyams len gnad:__thams cad gcig dril rang ngo shes pa dang :__gcig thog thag chod grol thog gding 'cha' bas:__don gyi man ngag rig pa rjen par bskyang :__sa ma ya:__thun mong gdul bya rnams la phan gdags phyir:__pad+ma'i snang brnyan mtshan nyid ldan pa bzhengs:__o rgyan bdag gi ring bsrel rnam bzhi sogs:__snying po'i dam rdzas sel med srog tu gzhug:__tshig bdun gsol 'debs khri dang 'bum du bzla:__byin chen dbab cing yul dang yul can gnyis:__dbyings rig zung 'jug dgongs pa g.yo med gtad:__sngar las zil dang gzi brjid che 'bar na:__o rgyan bdag dang khyad par cung zad med:__'brel ba thogs tshad rig 'dzin gral du 'khod:__snying po gsang sngags yig 'bru bcu gnyis dang :__rang byung rig pa stong chen yig 'bru drug:__'aHaHsaHshaHmaHhaH__mthing shog ngos la rin chen gser gyis bris:__dgongs pa gtad de myang grol rdzas kyis byug:__smon lam dang bcas gang la btags na de:__'chi kha'i dbugs la sleb pas ngan song thar:__phung po sreg tshe 'ja' 'od ring bsrel 'byung :__de bzhin sra ba'i rdo la rko ba dang :__dar ras la bris g.yo ba'i rlung dang sbyar:__bum chu ril bu dri zhim spos la bzlas:__su yis myangs dang mer bsregs dri tshor dang :__chu bo che la btab nas myangs pas kyang :__smon lam 'brel bas pad+ma 'od du skye:__de sogs o rgyan bdag gi phrin las kyis:__mkha' khyab 'gro ba'i don la brtson pa ni:__rgyal dang de sras rnams kyi gdung 'tshob phyir:__thams cad 'brel tshad don ldan e ma ho:__bla ma'i thugs sgrub yid bzhin nor bu las:__gdams ngag snying po'i le'u ste bdun pa'o:__sa ma ya:__rgya rgya rgya:__'di ni rang byung pad+ma bdag nyid kyi:__thugs kyi gsang ba rmad byung dwangs ma'i bcud:__sku gsum dbyer med 'od kyi snying po'i gzugs:__snod ldan rnams dang 'bral kha'i zhal chems tshul:__'di yin 'di las gzhan du ma bcos par:__rtse gcig nyams longs brda yi yi ger bris:__mchims phu'i nye 'dabs brag gi sul du sbos:__ma 'ongs rtsub 'gyur dus kyi bar skabs su:__gnubs ban rang gis spyod pa'i smon lam thob:__dri med ming can de dang 'phrad nas kyang :__rang nyams blangs nas ma phyi'i shog ser ni:__'gro 'dul 'phags pa'i thugs kyi ti ka dang :__lhan cig sbas pas rtsub 'gyur yang mtha'i dus:__da lta'i dus kyi lha sras mchog grub rgyal:__gter ston rkyang pa'i skye ba bcu gsum pas:__'di nyid blangs nas ring du gsang rgyas gdab:__dus su babs tshe snod ldan mchog la spel:__des kyang nyams blangs rtogs pa'i rtsal chen rdzogs:__kun bzang gdod ma'i sa la phyin par 'gyur:__bcol lo gnyer ro rdo rje nag po ches:__thub par srung shig dam tshig sa ma ya:__badz+ra ma hA kA la sa ma ya rak+Shan+tu:__rgya rgya rgya:__gter rgya:__sbas rgya:__gtad rgya:__sku gsung thugs kyi rgya yod do:__sprul pa'i gter ston dri med kun dgas bsams yas mchims phu'i brag sna seng ge'i gdong nas spyan drangs te slar brag dmar mgrin pa bzang por yang gter du sbas pa/__kho bo pad+ma 'od gsal mdo sngags gling pa la gnas der ye shes mkha' 'gros dngos su stsal ba'i shog ser las dag par phab pa'o//__//
