JKW-KABAB-02-KHA-061-wylie

From Khyentse Lineage - A Tsadra Foundation Project

Template:WyliePageHeader


@#/__/bla ma'i thugs sgrub bar chad kun sel gyi nor sgrub rin chen bum bzang zhes bya ba bzhugs so/___/bla ma'i thugs sgrub bar chad kun sel gyi nor sgrub rin chen bum bzang zhes bya ba/__bla ma nor lha rtsa ba gsum la phyag 'tshal lo/__chos dbyings mkha' la bsod nams gru char gyis/__/ye shes chos sku chu gter gting zab pa/__/longs spyod rdzogs pa'i yon tan rgya chen bskyil/__/smon lam sprul pa'i rlabs phreng g.yo la 'dud/__/sku gsum yongs rdzogs mtsho skyes rdo rje yi/__thugs gter las byung dgos 'dod rin po che/__/'bad med rnam mang 'byung ba'i bum pa bzang*/__rgud pa mtha' dag bsal phyir 'di na sbyin/__de yang sangs rgyas rnams kyis thog ma nyid du sbyin pa'i gtam kho na mdzad cing thar pa dang thams cad mkhyen pa'i sa la 'graud pa'i lam gyi rtsa ba sbyin pa'i pha rol tu phyin pa las gzhan med pas de sgrub par byed pa la nor dang longs spyod phun sum tshogs par bsgrub dgos te/__zhal gdams snying byang yid bzhin nor bu'i le'u bdun pa las/__de ltar tshe dang blo gros ldan:__glo bur bar chad bral bas na:__'di dang phyi ma'i don sgrub cing :__lha chos rgyan dang mi chos gzhi:__nor la brten nas 'byung ba'i phyir:__longs spyod phywa g.yang 'gugs pa'i thabs:__nor sgrub rin chen bum bzang bstan:__zhes gsungs pas de dag nyams su blang ba'i rim pa bshad pa la bzhi/__sngon 'gro dngos gzhi rjes dang 'phros don no/__de la dang po tshogs bsags shing :__gnyis pa bgegs tshogs mtshams bcad bya:__gsum pa 'gal rkyen sdig ltung bshags:__bzhi pa rdo rje'i dam bca' bzung :__lnga pa ye shes byin chen 'bebs:__drug pa mchod rdzas byin gyis brlab:__bdun pa rang rig rang gsal gdab:__zhes pa ltar dang po tshogs bsags pa la gnyis/__sbyor ba yo byad bshams pa dang*/__tshogs bsags dngos so/__dang po bkra shis pa'i gnas su gza' skar bzang ba'i nyin gnas khang phyag dar bya zhing spyan gzigs bkram/__gzhi ma dul ba la sa'i cho ga bya/__rgyas par thig tshon byin rlabs bcas rdul tshon gyi dkyil 'khor sgo rdzogs spyi ltar rta babs brgyad pa ba dan rdo rje 'od zer gyi phreng ba/__dbus bru chad ljang gu sna tshogs pad+ma 'dab brgyad phyag mtshan gyis mtshan pa bri ba'am/__stegs bu khebs ldan gyi khar ras bris bkram/__rab bsod nams stobs skyed kyi 'khor lo bri ba'am/__ma grub na rin po che'am/__rdza'i bum par 'og nas 'byung ba'i lha sngags rnams dang 'dod gsol gos bzang ras dang shog bu gang 'byor la bris pa bkra shis phyug pa'i zas nor gyi gtsos g.yang rdzas gang rnyed blug__/yod na yid bzhin nor bu'i ril bu tshad sgrub bcug__/kha rgyas gdab la dkyil 'khor gyi dbus su khri 'u'i khar 'bras kyi g.yung drung bris pa'i khar bkod g.yas su rin po che'i snod du chang gi nying khu 'o ma sogs btung ba'i phud rnams mngar gsum btab pa mar gyi ze prog ldan pa/__g.yon du rin po che'i snod dang ras dkar gyi khug ma'am sgrom bu lta bu zas snas bkang ba/__g.yang can gyi lag nas byung ba'i mda' rgod sgro can la dar sna rin po che btags pa/__mdun du bla ma nor lha'i gtor ma rin po che'i snod du spod sna tshogs pas bran pa'i 'bru sna'i phye mar chang gis sbrus pa'i zan la bang rim bzhi rin chen zur brgyad rin chen 'bar ba pad+mas mtshan pa'i bang rim rnams su dzaM bshos lha grangs bkod la rgyan rgyas spros can/__rtsa brgyad stong sbyar chang dang sbyar ba'i sman rak+ta so lnga khrag dang sbyar ba/__nyer spyod bdun bkra shis rdzas rtags rgyal srid bdun ris su bris pa sogs mchod rdzas ci 'byor pa dang*/__tshogs kyi 'khor lo sngon gtor gyi rim pa bsham/__grub na gal chen rgab 'dre mnan pa bya ba'i tshul gzhung ltar bya zhing*/__de ltar ma grub na ltog 'gong bse rag bskrad na snod tshur blang mi dgos pa'i nang du 'bru zan la/__mi rgan thal skya snod stong khur ba/__byis pa gcer bu du mas bskor ba'i mdun du mar me/__zho lad/__chang skyur/__sbang ma/__sprag__/rus pa/__tshwa sgog ram gsum sogs bse rag chags pa'i yas stags sna tshogs mi phyugs kyi dri glud changs bu zan ril brgya rtsa brgyad sogs dang*/__'o chab/__khrus chu/__rdo thun sogs dgos pa'i yo byad 'du bya'o/__/gnyis pa tshogs bsags pa ni/__brgyud pa'i bla ma la gsol ba btab/__gnas bdag la gtor ma 'bul/__de nas skyabs su 'gro ba dang sems bskyed pa la gnyis kyi dang po ni/__rang gi snying ga'i sa bon las 'od zer 'phros pas bla ma rig 'dzin sgyu 'phrul drwa ba chen po'i dkyil 'khor gyi lha tshogs mdun gyi nam mkhar badz+ra sa mA dza:__zhes skyabs yul mkha' khyab tu sad pa'i spyan sngar/__na mo:__bdag dang mkha' mnyam sems can ma lus kun:__bla ma sangs rgyas chos dang dge 'dun dang :__yi dam dpa' bo mkha' 'gro chos skyong tshogs:__thugs rje che ldan rnams la skyabs su mchi:__gnyis pa sems bskyed pa la gsum/__smon sems bskyed pa/__tshogs bsags pa/__'jug pa byang chub kyi sems la blo sbyong ba'o/__/dang po ni/__tshogs zhing rnams dpang po'i tshul du byas te/__don yid la dran bzhin pas/__ho:__sngon gyi rgyal ba sras dang bcas rnams kyis:__bla med byang chub mchog tu thugs bskyed ltar:__bdag kyang ma gyur mkha' mnyam 'gro kun la:__phan gdags slad du sangs rgyas bsgrub par bgyi:__gnyis pa ni/__rang gzhan sems can thams cad sgo gsum gus pas phyag 'tshal zhing*/__mchod pa'i sprin rab 'byams spro ba sogs dmigs 'don zung du chud pas/__oM AHhU~M hrI:__rig 'dzin pad+ma 'byung gnas la sogs pa'i:__phyogs bcu'i skyabs yul rnams la phyag 'tshal lo:__dngos su 'byor dang yid las byung ba yi:__kun bzang mchod sprin nam mkha' gang bas mchod:__so thar byang chub sems dpa'i bslab pa dang :__rig 'dzin sngags kyi dam tshig nyams chags bshags:__'phags dang so so skye bo'i tshogs rnams kyis:__rgyal sras spyod pa spyad la rjes yi rang :__mtha' yas 'gro ba sdug bsngal gyur pa las:__phan pa ji ltar 'tshams pa'i chos 'khor bskor:__bskal pa bye ba bsam yas ji snyed du:__'gro ba'i don du mya ngan mi 'da' bzhugs:__bdag gis dus gsum bsags pa'i dge ba rnams:__'gro kun byang chub snying po thob phyir bsngo:__gsum pa ni/__bdag gi bde ba gzhan la btang ba'i byams pa/__gzhan gyi sdug bsngal rang gis blang ba'i snying rje/__de dag dang mi 'bral bar smon pa'i dga' ba/__thams cad mnyam nyid du btang ba snyoms pa'i blo phyogs ris dang bral ba rgyal sras kyi spyod pa rlabs po che la bslab pa'i 'dun pa dang bcas/__bsod nams 'di yis 'gro kun bde dang ldan:__sdug bsngal kun bral bdag la smin gyur cig:__sdug bsngal med pa'i bde dang mi 'bral zhing :__chos kun mnyam nyid btang snyoms la gnas shog:__rjes 'brel tshogs zhing bsdu ba ni/__dzaHhU~M baM hoHsa tshogs zhing rnams:__yi ge gsum gyi rnam pa yis:__bdag dang mkha' mnyam 'gro la thim:__sgrib dag byin gyis brlabs par gyur:__gnyis pa bgegs tshogs mtshams gcad pa la gnyis/__bse rag bskrad pa dang*/__mtshams bcad pa'o/__dang po ni/__rang nyid khro bo'i rgyal po sme bar brtsegs pa'i skur gyur par bsams la/__oM u tsuSh+ma kro d+ha hU~M hU~M phaT:__oM b+hur kur ma hA pra NA ye b+hur tsi b+hurki b+hi ma le u tsuSh+ma kro d+ha rA dza hU~M phaT:__ces bzla/__khrus chu la dmigs te/__oM e ho shud+d+he shud+d+he:__ya~M ho shud+d+he shud+d+he:__ra~M ho shud+d+he shud+d+he:__ba~M ho shud+d+he shud+d+he:__la~M ho shud+d+he shud+d+he:__e ya~M ra~M ba~M la~M shud+d+he a a swA hA:__zhes bzlas la khrus chu dang rdo thun la phus btab/__yas rnams chang skyur gyis bran la/__sngags drug phyag drug dang*/__oM AHhU~M gis 'dod yon du byin gyis brlab/__oM sarba b+hU ta A kar+Sha ya dzaHsa bkug__sam+b+hA ras changs bu ril bu brgya rtsa brgyad bsngos shing 'o chab sbreng*/__hU~M:__ser sna rang rgyud 'dzin pa'i gzugs:__dbul sri bse rag ltog 'gong ni:__mi rgan nyams thag snod stong khur:__bse rag 'bum gyi 'khor gyis bskor:__yod la mi dga' med la dga':__gang la mi dga' stong la dga':__nor sgrub byed la 'gab 'drer sdang :__snod bcud mnga' thang nyams par byed:__blo nyes tshong nyes mi kha btang :__bza' btung gos rgyan sris la brku:__khyad par lan chags rjes su snyegs:__de ring rten dang gnyis med bkug:__sngags dang phyag rgya ting 'dzin mthus:__yid dang mthun pa'i longs spyod rdzas:__zad med nam mkha'i mdzod du bsngos:__ser sna'i lan chags ngan pa sbyangs:__dbul ba'i sdug bsngal zhi bar byas:__da ni 'dug pa'i gnas med kyi:__yas 'di longs la gzhan du song :__gling chen gzhan gyi phyogs su song :gling bar mun pa'i nang du song :__gling mtha' rgya mtsho'i ngogs la song :__gal te mi 'gro 'dug gyur na:__rtsa gsum lha tshogs thugs khros nas:__rdul phran bzhin du brlag par 'gyur:__de bas da lta phyir dengs shig:__drag sngags brjod cing gnas khang kun gyi sgo 'gag bskor/__gu gul dang rdo thun gyis ded/__khang mgo mi mthong ba'i sar chu bo chen po rang yul du mi ldog pa'i gzhung du dor ro/__hU~M:__chos nyid bden pa'i byin rlabs dang :__chos can rgyu 'bras bslu med dang :__dkon mchog rtsa gsum dkyil 'khor gyis:__ting 'dzin sngags dang phyag rgya yi:__nus mthu bsam gyi mi khyab dang :__khyad par bde gshegs thams cad kyi:__byin rlabs mthu stobs gcig bsdus pa:__'chol ba'i khro rgyal chen po ni:__bcom ldan sme ba brtsegs pa yi:__bden pa'i byin rlabs nus mthu yis:__nyams grib zas grib gos kyi grib:__gnas grib 'gos grib gdon gyi grib:__dme grib yul grib la sogs pa:__grib dang mi gtsang rgyu bcas kun:__ye shes me yis gzhob tu bsreg:__chos nyid rlung gi rjes med gtor:__byang sems chu yi bag chags bkrus:__'byung ba lnga yi dbyings su thim:__lhag ma med par dag gyur cig:__lha sngags khrus sngags sogs bzlas la/__yungs thun rdo thun gtor khrus chu 'thor zhing gu gul dud pa bdug go__/g.yang skyabs nyin grangs byed na nyin phyi ma rnams su'ang bse rag bskrad pa tshar re bgyid grub na legs shing*/__mi lcogs na gong gi tshogs bsags 'phros su phrin las 'bring po ltar bgegs gtor bsngos la 'dir 'jug dgos so/__/gnyis pa mtshams bcad pa ni/__hU~M hrI:__bdag nyid dpal chen pad+ma dbang gi sku:__'khor 'das thams cad gsang gsum phyag rgyar rdzogs:__rdo rje'i sa gzhi rwa gur bla bre sogs:__mtshon cha rnam lnga'i gur gyis phyogs mtshams gtams:__me ri me phung srid gsum kun tu 'khrugs:__gnyis med ye shes lha sngags chos sku'i ngang :__mtshams kyi dkyil 'khor rang bzhin lhun gyis grub:__hU~M hU~M hU~M:__badz+ra rak+Sha rak+Sha b+h+rU~M:__gsum pa bshags pa ni/__mdun du bshags yul rnams gsal btab la/__hU~M:__bde bshegs snying po rang bzhin 'od gsal la:__'khrul pa'i dbang gis sgro dang skur btab ste:__log pa'i lam du gol ba'i nongs pa kun:__gnyis med blo las 'das pa'i ngang du bshags:__sa ma ya shud+d+he AH__bshags dang bshags yul mi dmigs pa'i ngang la mnyam par bzhag__/bzhi pa rdo rje'i dam bca' bzung ba ni/__hU~M:__bde chen ye shes mched lcam lu gu rgyud:__mi 'bral rtse gcig bsgrub pa'i g.yar dam gyis:__thog ma tha ma med pa'i yi dam lha:__bla ma lhag pa'i lha dang mkha' 'gro ma:__gdod nas rang dang lhan cig skyes pa'i ngang :__da lta dbyer med du ma ro gcig tu:__bsnyen cing bsgrub pa'i ting 'dzin zab mo las:__'da' ka rdo rje'i dam tshig mchog tu bzung :__bo d+hi tsit+ta badz+ra sa ma ya hU~M:__lnga pa byin chen 'bebs pa ni/__zhwa gos phod kas rgyan bklubs te spos bsreg rol mo snyan par 'khrol cing*/__gdung ba'i dbyangs kyis dar dang zhing gis g.yab nas/__bla ma rig 'dzin la mos gus rtse gcig pas/__hU~M hrI:__sku gsum bla ma'i lha tshogs dbyings nas bzhengs:__mi mngon dbyings nas gnas 'dir gshegs su gsol:__phyi nang gsang ba'i dkyil 'khor dam rdzas la:__sku gsung thugs kyi rdo rje'i byin chen phob:__ngo mtshar rtags dang mtshan ma myur du ston:__sgrub mchog bdag la dbang skur byin gyis rlobs:__gnas 'dir byin phob dbang dang dngos grub stsol:__oM AHhU~M badz+ra gu ru d+he wa DA ki Ni dz+nyA na A be sha ya a AH__hU~M hU~M hU~M:__drug pa mchod pa byin brlab ni/__hU~M hrI:__yig 'bru gsum las ra~M ya~M kha~M 'phros pas:__ye shes me rlung chu yis bsregs gtor bkrus:__snang srid gzhi bzhengs mchod pa'i phyag rgya che:__kun bzang mchod sprin rgya mtshor byin gyis rlobs:__oM sarba pU dza me g+ha AHhU~M:__oM badz+ra ar+g+haM AHhU~M:sogs nas/__shab+da AHhU~M:__hU~M hrI:__stong gsal rlung me thod sgyed rnam thar gsum:__chos dbyings rang byung b+han+d+ha chen po ru:__'byung ba phung po sha lnga bdud rtsi lnga:__me rlung sbyor bas byang chub sems su zhu:__rlangs pa kha dog lnga ldan phyogs bcur 'phros:__snod bcud dwangs ma oM AHhU~M du 'dus:__bde bar gshegs pa'i bdud rtsi spyan drangs nas:__kha sbyor 'khor lo sdom pa'i bdud rtsir gyur:__b+h+rU~M las rin chen snod mchog gzhal yas dbus:__'bru gsum las byung gtor ma 'dod yon lnga:__rak+ta'i snod mchog e yi rang bzhin dbus:__gIrti'i mkha' nas dmar chen char ltar bab:__bdud rtsi dkrugs shing*/__oM AHhU~M sarba pany+tsa a mr-i ta kuN+Da lI hU~M hrIHThA:__bdud rtsi gtor mar bran cing*/__oM AHhU~M ma hA ba liM ta te dzo ba liM ta ba la ba te gu h+ya sa ma ya hU~M hrIHThA:__rak+ta phyar zhing*/__oM AHhU~M ma hA rak+ta dz+wa la maN+Da la hU~M hrIHThA:__bdun pa rang rig gsal gdab pa ni/__hU~M:__rang rig byang chub sems kyi rtsa gsum lha:__gzhan du ma grub rang dang dbyer med ngang :__rgyal ba'i dkyil 'khor thams cad 'di la rdzogs:__ye nas ma bcos ngang du rang gsal gdab:__oM AHhU~M:gu ru d+he wa DA ki nI sarba sa ma ya stAM:__bo d+hi tsit+ta dz+nyA na AH__spyi don gsum pa ni/__de nas dngos gzhi las kyi rim:__dang po phyag rgya bskyed cing gsal:__gnyis pa ye shes 'gugs shing bstim:__gsum pa dbyer med bzhugs su gsol:__bzhi pa phyag dang mchod pas bsnyen:__lnga pa rdo rje'i gsang gsum bstod:__drug pa 'dzab bskul bzlas pas bsgyur:__bdun pa phrin las mthar phyin nas:__dbang dang dngos grub blang bar bya:__zhes pa ltar dang po phyag rgya bskyed cing gsal ba ni:__AH__chos sku de bzhin nyid dbyings 'od gsal ngang :__longs sku 'gag med kun snang snying rje'i rtsal:__sprul sku rgyu yi ting 'dzin hrIHser po:__de las 'od 'phros snod bcud dngos 'dzin sbyangs:__'byung ba rim brtsegs rdo rje'i srung 'khor dbus:__b+h+rU~M las nor bu sna tshogs gzhal med khang :__yangs shing rgya che ngo mtshar bkod pas mdzes:__lta na lhun sdug bkra shis pho brang cher:__dbus nyid dwangs ma 'od lnga 'khrugs pa'i klong :__sna tshogs pad+ma 'dab brgyad lte ba ru:__thabs shes zung 'jug nyi zla'i gdan gyi steng :__hrIHlas 'od zer spro bsdu'i cho 'phrul gyis:__'khor 'das dwangs ma'i bcud kun gcig tu 'dus:__de nyid yongs gyur skad cig dran rdzogs su:__ma hA gu ru pad+ma saM b+ha ba:__'dod rgu'i mchog stsol skyes mchog tshul bzang rtsal:__nor lha bye ba'i dbang phyug chen por bzhengs:__gser mdog brjid chags mtshan dpe'i gzi byin 'bar:__phyag g.yas rdo rje rtse lnga dang bcas pas:__khams gsum dbang sdud rin chen rgyal mtshan bsnams:__g.yon pas mnyam bzhag rin chen za ma tog:__'dod rgu'i dngos grub ma lus char du 'bebs:__dbu la rab mdzes paN zhu dmar po dang :__sku la gsang ba'i na bza' mthing ga'i steng :__chos gos gsum gsol ber chen smug pos klubs:__zhabs zung mi 'gyur rdo rje'i skyil krung bcings:__de yi phyi rol pad+ma'i 'dab ma la:__shar du rdo rje'i nor bdag dzaM b+ha la:__dkar gsal rdo rje'i be con ne'u le 'dzin:__lho ru rin chen nor bdag dzaM b+ha la:__gser mdog dbang gi rgyal po ne'u le 'dzin:__nub tu pad+ma'i nor bdag dzaM b+ha la:__dmar gsal pad+ma'i lcags kyu ne'u le 'dzin:__byang du las kyi nor bdag dzaM b+ha la:__ljang nag thod khrag dang ni ne'u le 'dzin:__kun kyang sha rgyas gsus khyim mchog tu che:__'dzum zhing khro la sgeg pa'i nyams 'gyur can:__dar dang rin chen pad+ma'i phreng bas brgyan:__zhabs gnyis bzhengs stabs nor skyugs pho mo brdzis:__sku las skyes pa'i 'od kyi klong na bzhugs:__shar lho lha yi nor bdag tshogs kyi dbang :__dkar gsal glang gdong la phug nor bu bsnams:__lho nub mi yi nor bdag nor gyi rgyun:__gser mdog mchog sbyin 'bras kyi snye ma bsnams:__nub byang klu yi nor bdag rig byed ma:__dmar gsal pad+ma'i lcags kyu zhags pa bsnams:__byang shar gnod sbyin nor bdag rnam thos sras:__ljang ser rin chen rgyal mtshan ne'u le bsnams:__kun kyang rang rang rgyan rdzogs phyed skyil bzhugs:__zhi rgyas dbang drag 'bar ba'i nyams dang ldan:__de yi phyi rol mtshams kyi grwa bzhi ru:__shar lhor dbyig gi nor bdag nor bu bzang :__dkar ser yid bzhin rin chen ne'u le bsnams:__lho nub cang shes nor bdag re man+ta:__gser 'od shel gy-i ral gri ne'u le 'dzin:__nub byang zas gos nor bdag gnod sbyin dmar:__dbang mdog mdung dar rin chen ne'u le bsnams:__byang shar rkang bzhi'i nor bdag ku be ra:__mthing nag ral gri dang ni ne'u le bsnams:__kun kyang nor bu'i go khrab brjid par bgos:__rin chen rgyan phreng dar gyi na bzas klubs:__rang rang mdog mtshungs rta mchog rgyan ldan chibs:__dkyil 'khor chen po'i phyogs kyi sgo bzhi ru:__shar phyogs 'jig rten nor bdag yul 'khor srung :__dkar gsal zhi ba'i las mdzad pi waM bsgreng :__lho phyogs 'jig rten nor bdag 'phags skyes po:__mthing nag drag po'i las mdzad ral gri phyar:__nub phyogs 'jig rten nor bdag spyan mi bzang :__dmar gsal khams gsum dbang sdud sbrul zhags 'ching :__byang phyogs 'jig rten nor bdag ngal gsos po:__gser mdog rgyas pa'i las grub be con gdengs:__kun kyang mdzes shing brjid chags rgyan gyis spras:__gzhan yang gzhal yas bar mtshams thams cad du:__rtsa gsum chos skyong srung ma'i tshogs rnams dang :__lha klu gnod sbyin nor bdag bye bas bskor:__'dod rgu'i char 'bebs dbul ba'i gdung ba sel:__khams gsum dbang sdud srid gsum zil gyis gnon:__drag shul thabs kyis gdon bgegs tshar gcod pa'i:__phrin las lhun gyis grub pa'i phyag rgyar bzhengs:__snang stong zung 'jug ye shes sgyu ma'i sku:__rdo rje gsum gyi ngo bor lhun grub cing :__ye shes rigs lnga'i dbang mchog rdzogs par gyur:__oM AHhU~M:__oM hU~M trAM hrIHAH__a b+hi Shiny+tsa hU~M:__gnyis pa ye shes pa 'gugs bstim ni/__rang gi thugs ka nas 'od zer 'phros pas bla ma nor lha rtsa gsum rgya mtsho badz+ra sa mA dza:__spos rol g.yab dar sna tshogs bcas pas/__hU~M hrI:__yul gyi ming ni lho nub rnga yab gling :__sprul pa'i zhing mchog pad+ma drwa ba nas:__sku gsum dbyer med pad+ma saM b+ha wa:__rab 'byams rtsa gsum rgya mtsho'i 'khor dang bcas:__mos pa'i gnas 'dir gdung bas spyan 'dren na:__thugs rje'i thugs dam dbang gis gshegs nas kyang :__bar chad kun sol mchog thun dngos grub stsol:__oM AHhU~M badz+ra gu ru pad+ma thod phreng rtsal badz+ra sa ma ya dzaHsid+d+hi pha la hU~M AH__dzaHhU~M baM ho:__zhes spyan drangs pa thams cad dam tshig pa la bstim/__gsum pa bzhugs su gsol ba ni/__hU~M hrI:__yid 'ong pho brang mdzes pa'i gzhal yas dbus:__rin chen seng khri pad+ma nyi zla'i steng :__rig 'dzin bla ma nor lha'i lha tshogs rnams:__dgyes shing mi g.yo brtan par bzhugs su gsol:__sa ma ya tiSh+Tha lhan:__bzhi pa mchod pa la gnyis/__phyag 'tshal ba dang mchod pa'o/__/de nas dkyil 'khor pa las rang nyid logs su phye ste las kyi sems dpa' dang sems mar sprul la phyag 'tshal mchod pa bstod pa'i las la 'jug par bya ste/__dang po phyag bya ba ni/__hU~M hrI:__skye 'gags 'gyur med phrin las thams cad rdzogs:__rang byung thugs rjes 'gro ba ma lus sgrol:__yid bzhin nor ltar dngos grub char 'bebs pa'i:__rig 'dzin nor lha'i tshogs la phyag 'tshal lo:__a ti pU hoH__pra tIts+tsha ho:__gnyis pa mchod pa la gsum/__phyi nang gsang ba gsum mo/__dang po phyag rgya dang bcas pas/__hU~M hrI:__rig 'dzin nor lha'i lha tshogs spyan lam du:__dngos 'byor yid kyi rnam par sprul pa y-i:__yan lag brgyad ldan mchod yon mtsho ltar bskyil:__dri med zhabs bsil gang+gA'i rgyun bzhin sgreng :__lha rdzas me tog char gyis nam mkha' bkang :__dri zhim spos kyi dud sprin bar snang khyab:__snang gsal nyi zla'i tshogs rnams 'od rab gsal:__byugs pas bde ba skyed pa bdud rtsi'i chu:__ro bcud nus pa phun tshogs zhal zas rigs:__rol mo glu dbyangs kun bzang dbyings khyab pa:__'bul lo bzhes nas nor gyi dngos grub stsol:__oM AHhU~M gu ru d+he ba DA ki Ni sa pa ri wA ra ar+g+haM pAd+yaM sogs/__shap+da pra tIts+tsha swA hA:__oM:__gling bzhir dbang mdzad 'khor los sgyur rnams kyi:__dpal gyi 'byor pa chen po rin chen bdun:__bla ma rtsa gsum nor lha'i tshogs la 'bul:__bzhes nas longs spyod 'dod rgu'i dngos grub stsol:__oM ma hA rat+na pU dzi te AHhU~M:__oM:__rgyal ba'i tshogs gnyis las byung mtshan dpe'i dpal:__kun tu dge ba'i bkra shis rtags mchog brgyad:__bla ma rtsa gsum nor lha'i tshogs la 'bul:__bzhes nas longs spyod 'dod rgu'i dngos grub stsol:__oM aSh+ta mang+ga laM pU dzi te AHhU~M:__oM:__sngon tshe rdzogs sangs rgyas kyis byin brlabs pa'i:__bkra shis 'byor pa spel ba'i rdzas mchog brgyad:__bla ma rtsa gsum nor lha'i tshogs la 'bul:__bzhes nas longs spyod 'dod rgu'i dngos grub stsol:__oM mang+ga laM ku ru pU dzi te AHhU~M:__gling bzhi ri rab bye ba phrag brgya dang :__lha klu mi yi dpal 'byor thams cad kun:__bla ma rtsa gsum nor lha'i tshogs la 'bul:__bzhes nas longs spyod 'dod rgu'i dngos grub stsol:__na maHsarba ta tha ga ta b+h+yo bi shwa mu kha~M b+h+yaHsarba tha khaM ung+ga te s+pha ra Na i maM ga ga na khaM swA hAH__gnyis pa nang mchod ni/__hU~M hrI:__rang byung gdod nas rnam par dag pa'i rdzas:__rtsa brgyad yan lag stong sbyar sman gyi mchog:__bde stong chags med rak+ta'i mchod pa che:__byang sems dkar dmar bdud rtsi rak+ta'i mtsho:__'khor 'das dwangs bcud khams gsum chags pa'i khrag:__zag med bde ba chen por bzhes su gsol:__ma hA pany+tsa a mr-i ta rak+ta khA hi:__bdud rtsi'i thigs gtor zhing*/__tshe dpag med mgon gar dbang spyan ras gzigs/__gu ru pad+ma bka' babs mi dgu dang*/__nus ldan rnam gnyis chos rgyal yab sras la/__sman mchod 'bul lo 'dod rgu'i dngos grub stsol/__sarba pany+tsa a mr-i ta khA hi/__zab gter sgo 'byed mchog gyur bde chen gling*/__bka' babs bdun ldan 'jam dbyangs mkhyen brtse'i dbang*/__brgyud 'dzin chos bdag rtsa ba'i bla ma la/__sman mchod 'bul lo 'dod rgu'i dngos grub stsol/__sarba pany+tsa a mr-i ta khA hi/__yid bzhin dbang rgyal bla ma nor lha'i tshogs/__mkha' 'gro dam can dkar phyogs skyong ba'i lha/__snang srid bla ma'i dkyil 'khor shar ba la/__sman mchod 'bul lo 'dod rgu'i dngos grub stsol/__sarba pany+tsa a mr-i ta khA hi/__dngos grub blang ba ni/__oM AHhU~M:__mtheb srin nyi zla'i ga'u sbyar ba yis/__lha tshogs dngos grub bdud rtsi'i 'bru gsum po:__blangs te rdo rje lce yi hU~M las brgyud:__lus kun gang bas ye shes rgyas par gyur:__kA ya sid+d+hi oM:__wA ka sid+d+hi AH__tsit+ta sid+d+hi hU~M:__gtor ma 'bul ba ni/__hU~M hrI:__snang ba snod kyi 'jig rten gtor gzhong du:__srid pa bcud kyi sems can gtor mar sbyar:__dpal gyi gtor ma brjid ldan 'gying ba 'di:__bla ma rtsa gsum nor lha'i tshogs la 'bul:__oM AHhU~M gu ru d+he wa d+hA ki nI ma hA ba liM ta khA hi:__gsum pa gsang mchod ni/__oM:__thabs dang shes rab dbyer med byang chub sems:__bde chen dgyes skyed 'khrul pa bsgral ba'i sprin:__ye nas mchod dang mchod yul dmigs gtad bral:__rang byung lhun grub mchod pa chen po'o:__ta na ga Na d+harma d+hA tu At+ma ko\u0f85 haM:__lnga pa rdo rje'i glu yis bstod pa ni:__hU~M hrI:__bsod nams yongs rdzogs sbyin pa'i pha rol phyin:__'dod rgu'i mchog stsol dngos grub char bzhin 'bebs:__rtsa gsum kun 'dus pad+ma saM b+ha wa:__yid bzhin re skong khyod la phyag 'tshal bstod:__rigs bzhi'i nor bdag Ar+Ya dzaM b+ha la:__lha mi klu dang gnod sbyin dbang sdud pa'i:__tshogs bdag nor sbyin ku ru kul+le dang :__rgyal chen rnam thos sras la phyag 'tshal bstod:__rin chen cang shes zas gos phyugs kyi bdag:__gnod sbyin sde dpon chen po'i tshogs rnams dang :__'jig rten kun la dbang bsgyur rgyal chen bzhi:__rab 'byams nor lha'i dkyil 'khor lha la bstod:__de ltar mchod cing gsol ba btab pa'i mthus:__bdag sogs 'gro kun ser sna'i sgrib pa zhi:__longs spyod rgyas shing khams gsum dbang du sdud:__bar chad kun sel mchog thun dngos grub stsol:__drug pa 'dzab la dgu las/__dang po 'dzab khang dbye ba ni/__b+h+ru~M bi shwa bi shud+d+he hrIHphaT dza:__bdag nyid rtsa ba'i dkyil 'khor las:__ye shes dkyil 'khor gnyis pa phye:__mdun gyi nams 'khar bzhugs par gyur:__gnyis pa 'dzab la bskul ba ni/__hU~M hrI:__rig 'dzin nor lha'i lha tshogs dbyings nas bzhengs:__thugs dam gnad nas bskul lo 'dzab sgra sgrog:__snang stong sku yi phyag rgyas stong gsum gang :__grags stong gsung gi 'dzab dbyangs 'brug ltar ldir:__rig stong thugs klong 'od gsal ngang du gnas:__lha rnams thams cad bde ba'i gar gyis rol:__sngags rnams rtsol med rdo rje'i glu yi bskul:__thugs ni sgrol mdzad ye shes srog dang bcas:__ma gsal bar du bskyed cing bzlas par 'bad:__ma grub bar du dgongs pa mi gtang gsol:__ma g.yel thugs dam chen po'i dus la babs:__bsnyen sgrub rnam bzhi stan thogs 'di nyid du:__mthar phyin dkyil 'khor bdag por 'grub par mdzod:__gsum pa bzlas dmigs ni/__rig 'dzin pad+ma saM b+ha'i thugs ka ru:__zla steng hrIHmthar sngags kyi phreng bas bskor:__'od 'phros snod bcud rgud pa thams cad bsal:__ye shes sprin las 'dod rgu'i char chen 'bebs:__srid dang zhi ba'i 'byor pa rab tu rgyas:__dwangs bcud ma lus bdag la thim pa yis:__nam mkha'i mdzod 'chang dngos grub thob par bsam/__bzhi pa 'dzab sngags ni/__oM AHhU~M badz+ra gu ru pad+ma saM b+ha ba sarba sid+d+hi hU~M:__zhes gtso bor bzla zhing*/__khyad par gyi sngags sham ni/__sarba a nr-i tri puN+ya d+ha naM me d+hi rat+na ba su sid+d+hi sdus sdus puSh+tiM ku ru swA hA:__zhes dang*/__gtso bo'i thugs ka'i 'od zer gyis 'khor rnams bskul te/__de rnams kyi 'od zer pho nya'i tshogs rnams kyis 'jig rten khams kyi dpal dang longs spyod thams cad bsdus nas dngos grub 'dod rgu'i char bzhin 'babs par gyur par bsam la/__nor lha spyi dril gyi sngags ni/__oM hU~M trA~M hrIHAHdzam+b+ha la dza len+d+rA ya swA hAH__sarba yak+Sha ba su pa ti lo ka pA la tsit+ta hriM hriM dza:__sarba b+ha su sid+d+hi sdus sdus puSh+tiM ku ru swA hA:__zhes bzla/__rgyas par sgos sngags bzla ba ni/__dzaM dkar ni/__oM bud+d+ha dzam+b+ha la oM swA hA:__dzaM ser ni/__oM rat+na dzam+b+ha la trA~M swA hA:__dzaM dmar ni/__oM pad+ma dzam+b+ha la hrIHswA hA:__dzaM ljang ni/__oM karma dzam+b+ha la AH?swA hA:__tshogs bdag ni/__oM ga~M ga Na pa ti swA hA:__nor rgyun ma ni/__oM baM bA su d+hA ri Ni swA hA:__ku ru kul+le ni/__oM hrI:ku ru kul+le swA hA:__rnam thos sras ni/__oM baM bai shra ma Na ye swA hA:__nor bu bzang po ni/__oM ma Ni b+ha drA ya swA hA:__re man+ta ni/__oM Ar+Ya re man+tA ye swA hA:__gnod sbyin dmar po ni/__oM ma hA rA dza yak+Sha bai hrIHswA hA:__ku be ra ni/__oM ku be rA ye swA hA:__rgyal chen bzhi ni/__oM d+hr-iSh+ta raSh+ta ya swA hA:__oM bairU d+ha kA ya swA hA:__oM bi ru pAk+Sha ya swA hA:__oM bai shra ma Na ye swA hA:__zhes pa rnams so sor gang nus bzla/__rang rang gi las sbyor byed par 'dod na/__dgos pa'i yo byad yod na so so'i sngags sham sbyar bar bya'o/__/lnga pa 'dzab mchod ni/__hU~M hrI:__phyi mchod 'dod yon rgya mtsho sprin ltar gtibs:__nang mchod sman raka gtor tshogs bsam mi khyab:__gsang mchod bde stong zung 'jug ye shes dbyings:__'bul lo bzhes nas mchog thun dngos grub stsol:__oM badz+ra ar+g+haM sogs nas/__shap+da sarba pany+tsa rak+ta ba liM ta ma hA pU dza AHhU~M:__gtor ma sman raka sgreng zhing rol mo rgya cher bya'o/__/drug pa 'dzab bstod ni/__hU~M hrI:__ngo bo 'od gsal chos sku'i ngang nyid las:__rang bzhin bde stong longs spyod rdzogs skur shar:__thugs rje gang 'dul sprul sku'i 'gro don mdzad:__dkyil 'khor lha tshogs rnams la phyag 'tshal bstod:__ces rol mo dang bcas pas bstod do/__/bdun pa nongs bshags ni thal mo sbyar te/__oM:__bla ma nor lha'i lha tshogs rnams:__bdag la gsan cing dgongs su gsol:__bdag cag ma rig 'khrul pa yis:__phyag rgya ma gsal 'dzab bzlas g.yel:__ting 'dzin dgongs pa'i rtsal ma rdzogs:__bying rgod 'chal bar gyur pa sogs:__nongs par gyur pa ci mchis kun:__snying nas 'gyod pas mthol bshags na:__sgrib med tshangs pa'i dngos grub stsol:__yi ge brgya pa bzlas shing dgongs pa bskyangs la/__a a aH__brgyad pa 'dod pa'i don la gsol ba 'debs pa ni/__oM:__'dod rgu'i mchog stsol dngos grub ster:__rtsa gsum kun 'dus yid bzhin nor:__gu ru pad+ma saM b+ha wa:__rigs bzhi'i mgon po dzam+b+ha la:__nor bdag gnod sbyin 'jig rten skyong :__bye ba bsam gyis mi khyab pa'i:__dkyil 'khor lha tshogs thams cad la:__phyag 'tshal mchod bstod gsol ba 'debs:__byin gyis rlobs shig bar chad sol:__dngos grub stsol cig longs spyod spel:__rten 'dir bzhugs shing phrin las mdzod:__'khor 'das kun gyi legs tshogs dang :__snod kyi dge mtshan bcud kyi g.yang :__lha mi klu dang gnod sbyin gyi:__zas nor rin chen 'byor pa'i sprin:__cang shes rta dang rkang bzhi phyugs:__lo tog 'bru dang rtsi shing sman:__tshe ring nad med bkra shis dpal:__chos dang rigs kyi brgyud 'dzin sogs:__mdor na srid zhi'i phun tshogs kun:__'bad pa med par dbang du sdus:__zad med chu bo'i rgyun ltar spel:__ci bsam yid bzhin 'grub pa dang :__bkra shis bde skyid ldan par mdzod:__dgu pa g.yang 'gugs ni/__bdag mdun dkyil 'khor gyi gtso bo'i thugs ka nas 'od zer dmar ser nyi ma bye ba'i gzi 'od lta bu 'phros pas:__'khor gyi dzam+b+ha la rigs bzhi:__nor bdag gnod sbyin 'jig rten skyong ba bsam gyis mi khyab pa'i thugs rgyud bskul zhing dam tshig dran par byas pas:__de rnams kyi thugs ka nas rang 'dra ba'i sprul pa dang yang sprul nyi zer gyi rdul ltar 'tshubs shing :__glog ltar 'khyugs:__'od dang 'od zer 'bar zhing g.yo bas 'khor 'das snang srid snod bcud kyi khams thams cad la khyab pas 'jig rten dang 'jig rten las 'das pa'i phywa g.yang longs spyod dngos grub thams cad bkra shis rdzas rtags 'ja' 'od thig le'i rnam par spyan drangs te mdun bskyed dang sgrub rdzas dbyer med pa la thim pas 'dod dgu'i dpal gyi 'byor pa char bzhin dbab par bsams la mda' dar g.yab/__bdug spos dri zhim po 'thul/__dbyangs dang rol mo snyan pas 'di skad ces bskul lo/__hU~M hrI:__'od gsal spros dang bral ba'i ye shes las:__srid dang zhi ba'i zhing khams longs spyod dang :__'dod rgu'i 'byor pa'i dngos por snang ba kun:__thams cad lhun gyis grub pa'i pho brang cher:__phyi ltar bkra shis gter gyi bum bzang la:__nang ltar ye shes rol pa'i gzhal med khang :__gsang ba rtsa gsum nor lha'i dkyil 'khor du:__dgyes bzhin bzhugs pa'i lha tshogs rab 'byams kun:__rnal 'byor mos pa'i gdung bas gsol 'debs shing :__sngon gyi thugs dam zhal bzhes rgyud bskul na:__mkhyen brtse ye shes rgyas pa'i klong yangs nas:__'dod rgu'i dngos grub char bzhin dbab tu gsol:__sku gsung thugs yon phrin las rmad po ches:__srid zhi'i dpal gyi 'byor pa'i byin chen phob:__glogs ltar myur ba'i thugs rje'i nus stobs kyis:__'khor 'das kun gyi phywa g.yang gnas 'dir sdus:__lha dang sgrub rdzas dbyer med rten la bstim:__bkra shis longs spyod rgyas pa'i phrin las mdzod:__hU~M hrI:__dbus kyi phyogs nas dngos grub bskul ba'i lha:__rtsa gsum kun 'dus o rgyan rin po che:__yin bzhin nor bu pad+ma saM b+ha wa:__gser mdog brjid chags snang srid zil gyis gnon:__phyag g.yas rdo rje rin chen rgyal mtshan 'phyar:__g.yon pas dgos 'byung rin chen snod mchog bsnams:__rig 'dzin dpal bo mkha' 'gro'i 'khor bcas la:__phyag 'tshal mchod pa 'bul lo dngos grub stsol:__steng 'og bar gsum 'khor 'das snod bcud kyi:__legs pa'i dpal dang phywa g.yang longs spyod kun:__dar dkar g.yab cing slad nas spyan 'dren na:__thogs pa med par bkra shis gnas 'dir sdus:__mchog dang thun mong dngos grub stsal du gsol:__hU~M hrI:__shar gyi phyogs nas dngos grub bskul ba'i lha:__'gyur med sku yi nor bdag dzaM b+ha la:__dkar gsal rdo rje be con ne'u le 'dzin:__bde gshegs rigs kyi nor lha'i tshogs bcas la:__phyag 'tshal mchod pa 'bul lo dngos grub stsol:__shar phyogs dag pa'i zhing khams rab 'byams kyi:__legs pa'i dpal dang phywa g.yang longs spyod kun:__dar dkar g.yab cing slad nas spyan 'dren na:__thogs pa med par bkra shis gnas 'dir sdus:__mchog dang thun mong dngos grub stsal du gsol:__hU~M hrI:__lho yi phyogs nas dngos grub bskul ba'i lha:__yon tan 'dod dgu'i nor bdag dzaM b+ha la:__ser gsal yid bzhin dbang rgyal ne'u le 'dzin:__rin chen rigs kyi nor lha'i tshogs bcas la:__phyag 'tshal mchod pa 'bul lo dngos grub stsol:__lho phyogs dag pa'i zhing khams rab 'byams nas:__legs pa'i dpal dang phywa g.yang longs spyod kun:__dar dkar g.yab cing slad nas spyan 'dren na:__thogs pa med par bkra shis gnas 'dir sdus:__mchog dang thun mong dngos grub stsal du gsol:__hU~M hrI:__nub kyi phyogs nas dngos grub bskul ba'i lha:__'gags med gsung gi nor bdag dzaM b+ha la:__dmar gsal pad+ma'i lcags kyu phyag na 'dzin:__pad+ma'i rigs kyi nor lha'i tshogs bcas la:__phyag 'tshal mchod pa 'bul lo dngos grub stsol:__nub phyogs dag pa'i zhing khams rab 'byams nas:__legs pa'i dpal dang phywa g.yang longs spyod kun:__dar dkar g.yab cing slad nas spyan 'dren na:__thogs pa med par bkra shis gnas 'dir sdus:__mchog dang thun mong dngos grub stsal du gsol:__hU~M hrI:__byang gi phyogs nas dngos grub bskul ba'i lha:__lhun grub phrin las nor bdag dzaM b+ha la:__ljang nag thod khrag dang ni ne'u le 'dzin:__las kyi rigs kyi nor lha'i tshogs bcas la:__phyag 'tshal mchod pa 'bul lo dngos grub stsol:__byang phyogs dag pa'i zhing khams rab 'byams nas:__legs pa'i dpal dang phywa g.yang longs spyod kun:__dar dkar g.yab cing slad nas spyan 'dren na:__thogs pa med par bkra shis gnas 'dir sdus:__mchog dang thun mong dngos grub stsal du gsol:__hU~M hrI:__shar lho mtshams nas dngos grub bskul ba'i lha:__lha yi dge bsnyen tshogs bdag glang po'i gdong :__chu shel mdog can la phug nor bu bsnams:__lha yi rigs kyi nor lha'i tshogs bcas la:__phyag 'tshal mchod pa 'bul lo dngos grub stsol:__steng phyogs lha yi yul gyi bde skyid dang :__legs pa'i dpal dang phywa g.yang longs spyod kun:__dar dkar g.yab cing slad nas spyan 'dren na:__thogs pa med par bkra shis gnas 'dir sdus:__'dod rgu'i longs spyod char bzhin 'bebs par mdzod:__hU~M hrI:__lho nub mtshams nas dngos grub bskul ba'i lha:__'phags ma nor rgyun lha mo gser gyi mdog:__phyag gnyis mchog sbyin 'bras kyi snye ma bsnams:__gnas yul zhing skyong nor lha'i tshogs bcas la:__phyag 'tshal mchod pa 'bul lo dngos grub stsol:__bar phyogs mi yi 'bru nor stobs rtsal dang :__legs pa'i dpal dang phywa g.yang longs spyod kun:__dar dkar g.yab cing slad nas spyan 'dren na:__thogs pa med par bkra shis gnas 'dir sdus:__'dod rgu'i dngos grub sa ltar brtan par mdzod:__hU~M hrI:__nub byang mtshams nas dngos grub bskul ba'i lha:__dbang mdzad ku ru kul+le rA ga'i mdog:__phyag gnyis pad+ma'i lcags kyu zhags pa bsnams:__klu yi rigs kyi nor lha'i tshogs bcas la:__phyag 'tshal mchod pa 'bul lo dngos grub stsol:__'og phyogs klu yi yul gyi 'byor pa dang :__legs pa'i dpal dang phywa g.yang longs spyod kun:__dar dkar g.yab cing slad nas spyan 'dren na:__thogs pa med par bkra shis gnas 'dir sdus:__'dod rgu'i dngos grub mtsho ltar bskyil bar mdzod:__hU~M hrI:__byang shar mtshams nas dngos grub bskul ba'i lha:__rgyal chen rnam sras ljang ser khros pa'i nyams:__phyag gnyis rin chen rgyal mtshan ne'u le 'dzin:__gnod sbyin rigs kyi nor lha'i tshogs bcas la:__phyag 'tshal mchod pa 'bul lo dngos grub stsol:__byang phyogs gnod spyin yul gyi nor bu'i gter:__legs pa'i dpal dang phywa g.yang longs spyod kun:__dar dkar g.yab cing slad nas spyan 'dren na:__thogs pa med par bkra shis gnas 'dir sdus:__'dod dgu'i dngos grub me ltar 'bar bar mdzod:__hU~M hrI:__shar lho'i grwa nas dngos grub bskul ba'i lha:__gnod sbyin sde dpon chen po nor bu bzang :__dkar ser yid bzhin rin chen ne'u le 'dzin:__bang mdzod dbyig gi nor lha'i tshogs bcas la:__phyag 'tshal mchod pa 'bul lo dngos grub stsol:__gser dngul nor bu rin chen sna tshogs kyi:__legs pa'i dpal dang phywa g.yang longs spyod kun:__dar dkar g.yab cing slad nas spyan 'dren na:__thogs pa med par bkra shis gnas 'dir sdus:__zad med nor gyi dngos grub stsal du gsol:__hU~M hrI:__lho nub grwa nas dngos grub bskul ba'i lha:__gnod sbyin sde dpon chen po re man+ta:__dmar ser shel gyi ral gri ne'u le 'dzin:__cang shes rta yi nor lha'i tshogs bcas la:__phyag 'tshal mchod pa 'bul lo dngos grub stsol:__myur mgyogs rdzu 'phrul shugs ldan rta mchog gi:__legs pa'i dpal dang phywa g.yang longs spyod kun:__dar dkar g.yab cing slad nas spyan 'dren na:__thogs pa med par bkra shis gnas 'dir sdus:__cang shes rta yi dngos grub stsal du gsol:__hU~M hrI:__nub byang grwa nas dngos grub bskul ba'i lha:__gnod sbyin sde dpon chen po dbang gi lha:__chags pa'i mdangs can mdung dar ne'u le 'dzin:__zas gos bcud kyi nor lha'i tshogs bcas la:__phyag 'tshal mchod pa 'bul lo dngos grub stsol:__bcud ldan bza' btung reg 'jam gos mchog gi:__legs pa'i dpal dang phywa g.yang longs spyod kun:__dar dkar g.yab cing slad nas spyan 'dren na:__thogs pa med par bkra shis gnas 'dir sdus:__yid mthun zas gos dngos grub stsal du gsol:__hU~M hrI:__byang shar grwa nas dngos grub bskul ba'i lha:__gnod sbyin sde dpon chen po ku be ra:__mthing nag ral gri dang ni ne'u le 'dzin:__rkang bzhi phyugs kyi nor lha'i tshogs bcas la:__phyag 'tshal mchod pa 'bul lo dngos grub stsol:__yid bzhin 'dod pa 'jo ba'i nor phyugs kyi:__legs pa'i dpal dang phywa g.yang longs spyod kun:__dar dkar g.yab cing slad nas spyan 'dren na:__thogs pa med par bkra shis gnas 'dir sdus:__rkang bzhi phyugs 'phel dngos grub stsal du gsol:__hU~M hrI:__dkyil 'khor shar sgo'i dngos grub bskul ba'i lha:__dpal ldan rgyal po chen po yul 'khor srung :__dkar gsal zhi 'dzum rin chen pi waM bsgreng :__shar phyogs 'jig rten skyong ba'i tshogs bcas la:__phyag 'tshal mchod pa 'bul lo dngos grub stsol:__shar phyogs 'jig rten rab 'byams thams cad kyi:__legs pa'i dpal dang phywa g.yang longs spyod kun:__dar dkar g.yab cing slad nas spyan 'dren na:__thogs pa med par bkra shis gnas 'dir sdus:__dbul phongs sdug bsngal zhi ba'i dngos grub stsol:__hU~M hrI:__dkyil 'khor lho sgo'i dngos grub bskul ba'i lha:__dpal ldan rgyal po chen po 'phags skyes po:__mthing nag khro gtum ral gri 'bar ba bsnams:__lho phyogs 'jig rten skyong ba'i tshogs bcas la:__phyag 'tshal mchod pa 'bul lo dngos grub stsol:__lho phyogs 'jig rten rab 'byams thams cad kyi:__legs pa'i dpal dang phywa g.yang longs spyod kun:__dar dkar g.yab cing slad nas spyan 'dren na:__thogs pa med par bkra shis gnas 'dir sdus:__mi mthun tshar gcod drag po'i dngos grub stsol:__hU~M hrI:__dkyil 'khor nub sgo'i dngos grub bskul ba'i lha:__dpal ldan rgyal po chen po spyan mi bzang :__dmar smug chags nyams sbrul gyi zhags pa bskyil:__nub phyogs 'jig rten skyong ba'i tshogs bcas la:__phyag 'tshal mchod pa 'bul lo dngos grub stsol:__nub phyogs 'jig rten rab 'byams thams cad kyi:__legs pa'i dpal dang phywa g.yang longs spyod kun:__dar dkar g.yab cing slad nas spyan 'dren na:__thogs pa med par bkra shis gnas 'dir sdus:__khams gsum dbang sdud dbang gi dngos grub stsol:__hU~M hrI:__dkyil 'khor byang sgo'i dngos grub bskul ba'i lha:__dpal ldan rgyal po chen po rnam thos sras:__gser mdog brjid chags nor bu'i be con gdengs:__byang phyogs 'jig rten skyong ba'i tshogs bcas la:__phyag 'tshal mchod pa 'bul lo dngos grub stsol:__byang phyogs 'jig rten rab 'byams thams cad kyi:__legs pa'i dpal dang phywa g.yang longs spyod kun:__dar dkar g.yab cing slad nas spyan 'dren na:__thogs pa med par bkra shis gnas 'dir sdus:__tshe bsod dpal 'byor rgyas pa'i dngos grub stsol:__hU~M hrI:__gzhan yang mchog thun dngos grub bskul ba'i lha:__sprin ltar gtibs pa'i rtsa gsum nor lha'i tshogs:__gang 'dul skur ston sna tshogs rgyan gyis mdzes:__rab 'byams nor lha 'dus pa'i dkyil 'khor lhar:__phyag 'tshal mchod pa 'bul lo dngos grub stsol:__'jig rten 'jig rten 'das pa'i khams kun gyi:__legs pa'i dpal dang phywa g.yang longs spyod kun:__dar dkar g.yab cing slad nas spyan 'dren na:__thogs pa med par bkra shis gnas 'dir sdus:__'dod rgu yid bzhin 'byor pa'i dngos grub stsol:__hU~M hrI:__dkyil 'khor lha tshogs rab 'byams thams cad kyi:__ye shes gzi byin thugs rje'i nus stobs skyed:__gnod sbyin nor lha gter bdag bye ba'i tshogs:__zhal bzhes dam tshig gnyan po rjes su dgongs:__lha klu gza' skar sa bdag brtan ma'i tshogs:__las kyi rdzu 'phrul myur mgyogs glog ltar 'khyug:__bod skyong gzhi bdag dkar phyogs dga' ba'i tshogs:__rdo rje'i tha tshig ma g.yel phrin las mdzod:__de ring bkra shis dge ba'i gnas 'di ru:__phywa g.yang 'dod dgu'i dngos grub char ltar phob:__rab 'byams rigs lnga sgyu 'phrul drwa ba'i zhing :__mi zad longs spyod rgyan gyi phywa g.yang khug:__stong gsum phyogs bcu'i 'jig rten thams cad kyi:__snod bcud dpal gyi 'byor pa'i phywa g.yang khug:__sa chu me rlung 'byung ba chen po bzhi:__dwangs ma gzi brjid nus pa'i dngos grub stsol:__'jig rten mngon par mtho ba'i dpung rnams kyi:__tshe dang blo gros stobs rtsal dngos grub stsol:__nyan rang 'phags dang so skye'i tshogs rnams kyi:__mkhyen brtse nus pa'i ye shes phywa g.yang khug:__shar phyogs dri za'i yul gyi lang tsho dang :__rgya nag btsan brjid khrims gyi phywa g.yang khug:__lho phyogs grul bum dbyangs kyi snyan 'gyur dang :__rgya gar dam pa'i chos kyi phywa g.yang khug:__nub phyogs klu dbang nor bu'i bang mdzod dang :__stag gzig nor gyi 'byor pa'i phywa g.yang khug:__byang phyogs gnod sbyin gter gyi bum bzang dang :__ge sar dpal rtsal ldan pa'i phywa g.yang khug:__tshe ring nad med dge ba'i phywa g.yang khug:__dbul phongs sdug bsngal zhi ba'i phywa g.yang khug:__'bru nor longs spyod rgyas pa'i phywa g.yang khug:__rta phyug rkang 'gros 'phel ba'i phywa g.yang khug:__bza' btung gos rgyan 'byor pa'i phywa g.yang khug:__khams gsum dbang du 'du ba'i phywa g.yang khug:__srid gsum zil gyis gnon pa'i phywa g.yang khug:__snyan grags stong gsum khyab pa'i phywa g.yang khug:__chos rgyud chu ltar ring ba'i phywa g.yang khug:__mi rgyud chad pa med pa'i phywa g.yang khug:__log 'dren dgra bgegs 'dul ba'i phywa g.yang khug:__nyin mtshan bkra shis bde legs phywa g.yang khug:__phywa khug g.yang skyob dngos grub gnas 'dir stsol:__zhes gsol zhing*/__oM AHhU~M badz+ra guru pad+ma saM b+ha ba sarba sid+d+hi hU~M:__sarba a nr-i tri puN+ya d+ha naM me d+hi rat+na ba su sid+d+hi sdus sdus puSh+tiM ku ru sA \u0f84hA:__oM hU~M trA~M hrIHAHdzam+b+ha la dzaM len+d+rA ya swA hA:__sarba yak+Sha ba su pa ti lo ka pA la tsit+ta hriM hriM dza:__sarba b+ha su sid+d+hi sdus sdus puSh+tiM ku ru swA hA:__khu ye puSh+tiM ku ru ye sarba sid+d+hi pha la b+h+rU~M:__zhes brjod cing brtan par bya'o/__/bdun pa dbang dang dngos grub blang ba la gnyis/__bsdus pa dang rgyas pa'o/__/dang po ni/__oM AHhU~M swA hA badz+ra sa ma ya kA ya wAka tsit+ta gu Na karma swA b+hA wa At+ma ko\u0f85 haM:__oM:__shin tu rnam par dag pa yi:__ye shes rig rtsal 'chang ba'i lha:__gdod nas rang dang lhan cig skyes:__rdo rje bzhi yi dbyings su rdzogs:__dam tshig ye shes dbyer med par:__byang chub sems su ro gcig pa'i:__dbang bskur byin rlabs rmad po che:__sku bzhi'i ngo bor lhun gyis grub:__oM badz+ra sa ma ya hU~M s+t+waM ho:__kA ya wA ka tsit+ta dz+nyA na badz+ra dzaHhU~M ba~M ho:__mdun du bzhugs pa'i ye shes pa:__rang dang dbyer med brtan cing mnyes:__gsal snang rdzogs pa'i ting 'dzin la:__mnyam par gzhag pa'i lam du khyer:__gnyis pa rgyas pa ni:__ji ltar bltams pa sogs kyis khrus byas/__hU~M hU~M hU~M sogs kyis yungs thun gyis brab cing gu gul bdug pas bgegs bsal/__badz+ra rak+Sha rak+Sha hU~M gis srung 'khor bsgom/__hU~M hrI:__snying po byang chub sems kyi dkyil 'khor sogs kyis gsol ba 'debs/__na mo:__bdag dang sogs kyis rgyud sbyang*/__gzhan la bskur na/__khyed rang skad cig gis bla ma nor lha sku mdog gser btso ma lta bu gsang phod paN zhwa chos gos ber phyam gsol ba/__phyag g.yas rdo rje dang bcas pas rgyal mtshan dang*/__g.yon dgos 'dod stsol ba'i rin chen sgrom bu 'dzin cing zhabs skyil krung gis pad+ma nyi zla'i gdan la bzhugs pa'i gnas gsum du oM AHhU~M gsum gsal zhing 'bar bar gyur par bsam/__zhes brda sbyar/__bdag mdun dkyil 'khor gyi gtso bo'i thugs ka nas 'od zer sogs/__hU~M hrI:__'od gsal spros dang bral sogs/__hU~M hrI:__dkyil 'khor sogs/__rtsa sngags sham can nor lha spyi'i sngags/__khu ye puSh+tiM sogs brjod cing me tog 'thor la brtan par bya/__gter bum nor lha'i pho brang dngos su gsal ba'i lha tshogs rnams kyi sku las byin rlabs dngos grub 'ja' zer thig le'i rnam par thim pas rtsa gsum nor lha'i sku'i nus pa 'bar bar gyur/__oM:__bkra shis gter gyi bum pa bzang po na:__rab 'byams rtsa gsum nor lha'i dkyil 'khor bzhugs:__mchog thun re skong yid bzhin char 'bebs pa'i:__byin rlabs dbang dang dngos grub stsal du gsol:__sngags mthar/__sarba sid+hi kA ya a d+hiSh+Tha na tiSh+Tha oM/__g.yang chang thogs la/__g.yang chang 'khor 'das kyi dwangs bcud 'dus pa btung bas bdag la rtsa gsum nor lha'i gsung gi nus pa 'bar bar gyur:__AH__longs spyod 'dzad med rin chen snod mchog tu:__'khor 'das dwangs ma bdud rtsi'i rgyun gyis gang :__tshe dang blo gros dpal 'byor rab rgyas pa'i:__nus pa sngags kyi dngos grub stsal du gsol:__sngags mthar/__sarba sid+d+hi wA ka a d+hiSh+Tha na tiSh+Tha AH__zhes phyi mi la mi sbyin par btung ngo*/__/g.yang rdzas rnams thogs la/__lha mi'i longs spyod srid zhi'i 'dod yon gyi dngos grub blangs pas yid la rtsa gsum nor lha'i thugs kyi byin rlabs zhugs pas 'dod rgu'i yon tan dang phrin las lhun gyis grub pa'i dngos grub la dbang 'byor par gyur par bsams la/__hU~M:__mi 'gyur snying po thugs kyi thig le ru:__srid dang zhi ba'i bcud rnams kun bsdus pas:__dge legs yon tan nam mkha' mnyam par 'phel:__'dod rgu lhun gyis grub pa'i dngos grub stsol:__sngags mthar/__sarba sid+d+hi tsit+ta a d+hiSh+Tha na tiSh+Tha AH__zhes bza' btung la rol lo/__g.yang rdzas rnams bdag gir bya/__bum pa re zhig dkyil 'khor gyi dbus su bzhag go__/spyi don gsum pa rjes kyi bya ba la/__dang po tshogs kyi dga' ston spel:__gnyis pa bskul zhing gtor ma skyong:__gsum pa bod khams brtan ma mchod:__bzhi pa las 'jug bro yis bsdu:__lnga pa bskyed rim gsal snang bsdu/__drug pa zung 'jug sgyu mar spyod:__bdun pa smon lam shis brjod kyi:__bsags pa'i las rnams don yod 'gyur:__zhes pa ltar dang po la lnga/__byin rlabs/__spyan 'dren/__mchod pa/__longs spyod/__lhag ma bsngo/__dang po ni/__tshogs kyi yo byad la bsang chu 'thor zhing*/__raM yaM khaM:__bdag nyid lhar gsal thugs ka'i sa bon las:__ra~M ya~M kha~M 'phros tshogs rdzas dngos 'dzin sbyangs:__'bru gsum 'od kyis ye shes bdud rtsir bsgyur:__'dod yon mchod sprin nam mkha' gang bar gyur:__oM AHhU~M:__gnyis pa spyen 'dren ni:__hU~M hU~M hU~M:__bzhengs shig sku gsum rgyal ba rgya mtsho'i tshogs:__'od gsal spros dang bral ba'i ngang nyid las:__bdag cag tshogs bsags sgrib pa sbyong slad du:__ye shes sgyu mar rol bzhin gshegs su gsol:__badz+ra sa ma ya dza dza:__gsum pa mchod pa la gsum gyi/__tshogs phud dang po 'bul ba ni/__oM AHhU~M:__tshogs kyi ngo bo ye shes bdud rtsi'i sprin:__rnam pa 'dod yon lha mos nam mkha' gang :__zag med bde ba chen po'i longs spyod 'dis:__rtsa gsum dkyil 'khor lha tshogs mnyes gyur cig:__sarba ga Na tsakra pU dza ho:__bar pa skong bshags ni:__ho:__thogs med bsags pa'i sdig sgrib nyes btung dang :__khyad par rtsa ba yan lag dam tshig las:__'gal zhing nyams par gyur pa thams cad kun:__'dod yon tshogs kyi mchod pas bskang zhing bshags:__sa ma ya shud+d+he a:__tha ma bsgral mchod ni/__hU~M:__dpal chen thugs sprul rdo rje'i ging ka ras:__gzung 'dzin bdud bgegs tshogs rnams bkug cing bstim:__'od gsal dbyings su bsgral ba'i sha khrag rus:__rtsa gsum dkyil 'khor lha tshogs zhal du bstab:__sarba big+h+nAn sha trUM mA ra ya kha kha khA hi khA hi:__ha ha hi hi hU~M hU~M phaT:__bzhi pa longs spyod pa ni/__las rdor gyis bza' ba g.yas dang btung ba g.yon tu thogs nas/__tshogs kyi mchod pa rgyan du rol/__pad+ma'i phyag rgyas blangs la/__a la la ho:__zhes lus dkyil gyi lha tshogs mchod la bde ba'i nyams bskyang ngo*/__/lnga pa lhag ma btang ba ni/__gsog 'jog med par lhag ma rnams bsdus gtsang sme bsre/__rig 'dzin bla ma'i rdo rje'i grong khyer du:__bde chen tshogs kyi 'du bas mnyes byas mthus:__bdag gzhan 'gro kun rtsa gsum lha tshogs dang :__dbyer med dkyil 'khor gcig tu 'grub par shog:__ces sogs smon lam btab/__oM AHhU~M:__lan gsum brjod la zhal chab sman rag gis bran/__e A ral+li hring dza:__zhes lhag mgron bkug la/__b+h+yo:__dpal gyi bka' nyan pho nya'i tshogs:__lhag ma'i longs spyod 'di gsol la:__sngon tshe g.yar dam bcas pa bzhin:__bar chad kun sel mthun rkyen spel:__ma ma hriM hriM ba liM ta khA hi:__gnyis pa bskul zhing chad mdo bsgrag pa ni/__hU~M:__sngon gyi bskal pa'i dang po la:__brgyud gsum bla ma rig 'dzin gyis:__dam la btags pa'i lha 'dre rnams:__chos nyid bden pa'i bka' la nyon:__dbang gi rgyal po pad+ma yis:__dur khrod chen po bsil tshal du:__mkha' 'gro dam can dam la btags:__bod la nyi ma mdzad pa'i tshe:__lha srin thams cad dam la btags:__bdag ni rig 'dzin de yi gdung :__khyod rnams lha 'dre de yi rigs:__sngon tshe slob dpon bka' ma bcag:__da lta rnal 'byor dam ma 'dral:__rgyan gyi gtor ma 'di bzhes la:__bcol ba'i phrin las 'grub par mdzod:__zhes chad tho bya/__gsum pa brtan ma skyong ba ni:__gtor gzhong bdud rtsis bshal la gtor mar blugs shing :__hU~M:__rgya gar yul gyi tshu rol dang :__bal po'i yul gyi pha rol mthar:__a su ra yi brag phug tu:__rig 'dzin rdo rje drag po dang :__slob dpon ba su d+ha ra yis:__zhing chen brdal ba'i khri steng du:__tshogs kyi gral du bcug nas kyang :__dam tshig bdud rtsi byin pa yis:__brtan ma chen mo bcu gnyis rnams:__tha tshig dam bca' ji bzhin du:__mchod gtor bdud rtsi 'di bzhes la:__rnal 'byor bcol ba'i phrin las sgrub:__oM ma ma:__la la:__le le:__ti ti:__te te:__kha rak+mo:__ma ma sring 'gro ma hU~M b+h+yo hU~M:__bzhi pa las 'jug bro yis bsdu ba ni/__gtor gzhong sbub la rdo rjes bsnol mas mnan la/__hU~M:__rta yi brtul zhugs chen po ni:__dbang chen rngams pa'i sgra sgrogs shing :__dpal gyi rta skad tse re re:__rol pa'i rta bro chems se chem:__gzung 'dzin ltar snang dam sri'i tshogs:__rdzogs pa chen po'i klong du mnan:__oM AHhU~M badz+ra kro d+ha h+ya grI wa oM b+h+rU~M hrIHphaT:__hU~M stAm+b+ha ya laM nan:__lnga pa bskyed pa'i gsal snang bsdu ba la gsum/__dkyil 'khor lha la mchod bstod bzod gsol bya ba/__dngos grub blang ba/__bsdu rim dngos so/__/dang po mchod bstod bzod gsol ni/__phyi mchod 'dod yon rgya mtsho'i sprin ltar gtibs:__nang mchod sman raka gtor tshogs bsam mi khyab:__gsang mchod bde stong zung 'jug dbyings su gzhengs:__'bul lo bzhes nas mchog thun dngos grub stsol:__oM badz+ra ar+g+haM sogs nas/__shap+da sarba pany+tsa rak+ta ba liM ta ma hA pU dza AHhU~M:__hU~M hrI:__ngo bo 'od gsal chos sku'i ngang nyid las:__rang bzhin bde stong longs spyod rdzogs skur shar:__thugs rje gang 'dul sprul sku'i 'gro don mdzad:__dkyil 'khor lha tshogs rnams la phyag 'tshal bstod:__ces rol mo dang bcas pas bstod do/__/nongs bshags ni thal mo sbyar te/__oM:__bla ma nor lha'i lha tshogs rnams:__bdag la gsan cing dgongs su gsol:__bdag cag ma rig 'khrul pa yis:__phyag rgya ma gsal 'dzab bzlas g.yel:__ting 'dzin dgongs pa'i rtsal ma rdzogs:__bying rgod 'chal bar gyur pa sogs:__nongs par gyur pa ci mchis kun:__snying nas 'gyod pas mthol bshags na:__sgrib med tshangs pa'i dngos grub stsol:__yi ge brgya pa bzlas shing dgongs pa bskyangs la/__a a a:__gnyis pa sgrub rten spyi bor blangs shing bdud rtsi btung la/__hU~M hrI:__snying po byang chub sems kyi dkyil 'khor du:__ye shes sgyu mar rol pa'i lha tshogs rnams:__mi 'da' rdo rje'i dam tshig rjes dgongs la:__byin rlabs dbang dang dngos grub stsal du gsol:__gu ru d+he wa DA ki NI kA ya wA ka tsit+ta gu Na karma sarba sid+d+hi pha la hU~M:__rtsa khams bdud rtsi'i dwangs mas gang :__mchog gi dngos grub mngon du gyur:__dwangs ma'i 'od zer phyogs bcur 'phros:__thun mong dngos grub 'bad med 'grub:__rnam kun dkyil 'khor 'khor lo dang :__dbyer med chen por byin brlab gyur:__gsum pa dkyil 'khor bsdu ba ni/__mdun bskyed rten yod na/__oM:__'dir ni gzugs dang lhan cig tu:__'khor ba srid du bzhugs nas kyang :__nad med tshe dang dbang phyug dang :__mchog rnams legs par stsal du gsol:__oM su pra tiSh+Tha badz+ra ye swA hA:__rdul tshon yin na/__oM/__khyed kyis sems can don kun mdzod/__/rjes su mthun pa'i dngos grub stsol/__/sangs rgyas yul du gshegs nas kyang*/__/slar yang 'byon par mdzad du gsol/__/badz+ra mu:__gang ltar yang*/__hU~M hU~M hU~M:__snod bcud lhar gsal ba thams cad rang la thim/__rang yang thugs ka'i sa bon la thim/__de yang mi dmigs pa 'od gsal gyi ngang du mnyam par bzhag__/drug pa zung 'jug sgyu ma lta bu'i rgyun gyi spyod lam ni/__phaTa? phaTa? phaTa?/__slar yang chu las nya ldang ba'i tshul gyis rang nyid gtso bo'i skur gsal ba'i spyi bor oM/__mgrin par AH__thugs kar hU~M yig gis mtshan par gyur/__oM AHhU~M badz+ra kA bA tsi rak+ShA ha~M:__snang grags rig gsum lha sngags ye shes kyi rol par blta zhing spyod lam thams cad don yod par bya'o/__/bdun pa smon lam dang shis brjod la gnyis las/__dang po dge rtsa rnams 'khor gsum yongs su dag pa'i bsngo bas rgyas btab pa ni/__ho:__rig 'dzin nor lha'i dkyil 'khor bsgrubs pa'i mthus:__bdag dang mtha' yas sems can ma lus kun:__phrin las rnam bzhi lhun gyis grub pa dang :__'od gsal chos sku'i dbyings su grol bar shog:__gnyis pa shis par brjod pa ni/__me tog thor zhing rol mo sna tshogs bsgrags la/__rtsa brgyud bla ma'i byin rlabs snying la zhugs:__yi dam mkha' 'gro lus dang grib bzhin 'grogs:__chos skyong srung mas bar chad kun bsal nas:__mchog thun dngos grub 'grub pa'i bkra shis shog:__zhes shis par brjod pas mtha' brgyan par bya'o/__/bzhi pa 'phros don ni/__gter bum yod pa'am/__yang na g.yang rdzas gang yod mdzod kyi phug tu bzhag__/mchod pas mdun bdar/__'dod gsol ltar brtan bzhugs byas nas sgrom la sogs pa sgo bsdam/__hU~M:__dpal ldan rgyal po chen po sde bzhi rnams:__bkra shis rtsa gsum nor lha'i sgo srung la:__dngos grub 'dzad med yun du brtan pa dang :__dus dang dus su thugs rjes sgo dbye gsol:__zhes rten snying brjod cing me tog 'thor zhing shis brjod bya'o/__/yang sngon nas g.yang rten sgrom nang du bzhugs pa slar sgrub phyir sgo dbye na 'don bya sngar ltar la rten snying mi brjod par rol mo dang bcas g.yang rten sgrub dkyil du gdan drang ngo*/__/gong ltar dkyil 'khor sogs ma grub na tshom bu tsam la brten la gter bum bsgrub rung zhing dkyil 'khor gter bum gnyis ka med na dbang gi gtor ma ri rab gter bum nor bus mtshan pa bza' btung g.yang rdzas ci 'byor bshams la phrin las dkyus ltar ram/__tshogs dang gtor skyong sogs ma grub kyang chog cing shin tu bsdu na phrin las snying po'i rnal 'byor gyi ching gis bcings te g.yang 'gugs mthar mchod bstod nongs bshags bya/__dngos grub len skabs yon bdag sogs tshogs nas rdzas gtad/__gtor ma bgo zhing bza' bar 'dod na lha rnams bdud rtsir zhu bar bsam mo/__shin tu rgyas na dkyil 'khor sogs rgyas spros dang 'dzab rgyun dang skabs su rgyan gos bzang pos dkyil 'khor bskor zhing byin 'bebs bya ba dang*/__phrin las sngon rjes gnyis phrin las rgyas pa ltar bya'o/__/bskal pa mtha' yas tshogs gnyis bsags pa yis/__/pad+ma'i thugs mtsho shin tu zab pa nyid/__/brtse bas rab bsrungs bum bzang 'gro ba'i dpal/__/rab mtho lhun po'i rtse ru sbas pa de/__/skal bzang shing rtas 'dzam gling 'di ru drangs/__/slar yang legs bshad bzang po'i kha bye bas/__/'gro mang 'dod dgu'i nor la longs spyod cing*/__/tshogs gnyis yongs su rdzogs pa'i rgyu ru shog__/ces sprul pa'i gter chen 'gro 'dul mchog gyur bde chen gling pas ljags bsgrigs su mdzad pa la gsal byed kha skong phran tshegs dang bcas dag par byed pa po pad+ma gar dbang blo gros mtha' yas so/__/dge legs 'phel//__//