JKCL-KABUM-12-NA-084

Previous Text Back to Volume PageNext Text

བསྔོ་སྨོན།

Wylie title	bsngo smon
Location	chos kyi blo gros bka' 'bum Volume 12, Text 84, Pages 371-376 (Folios 1a1 to 3b1)
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation	'jam dbyangs mkhyen brtse chos kyi blo gros. bsngo smon. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 12: 371-376. Bir, H.P.: Khyentse Labrang, 2012.
Genre	Dedications - bsngo ba  ·  Prayers - smon lam

":Property:textsubnumber|textsubnumber" can not be assigned to a declared number type with value 1.

Tibetan Text

Wylie

[edit]

བསྔོ་སྨོན་ནི། བླ་མ་ཡི་དམ་ལྷ་ཚོགས་དགོངས་སུ་གསོལ། །དེང་འདིར་བརྩོན་པས་སྒྲུབས་པའི་དགེ་བ་དང་། །དུས་གསུམ་བསགས་དང་ཡོད་པའི་དགེ་བ་རྣམས། །བསྡོམས་ཏེ་བླ་མེད་བྱང་ཆུབ་ཆེན་པོར་བསྔོ། །དེང་ནས་བྱང་ཆུབ་སྙིང་པོར་མཆིས་ཀྱི་བར། །རིག་བཟང་བློ་གསལ་ང་རྒྱལ་མེད་པ་དང་། །སྙིང་རྗེ་ཆེ་ཞིང་བླ་མ་ལ་གུས་ལྡན། །དཔལ་ལྡན་རྡོ་རྗེའི་ཐེག་ལ་ངེས་གནས་ཤོག །དབང་གིས་སྨིན་ཅིང་དམ་ཚིག་སྡོམ་པར་ལྡན། །རིམ་གཉིས་ལམ་ལ་བསྙེན་སྒྲུབ་མཐར་ཕྱིན་ཏེ། །དཀའ་བ་མེད་པར་རིག་འཛིན་གོ་འཕང་བགྲོད། །དངོས་གྲུབ་རྣམ་གཉིས་བདེ་བླག་འགྲུབ་གྱུར་ཅིག །ཅིར་སྣང་སྒྱུ་འཕྲུལ་དྲྭ་བའི་འཁོར་ལོར་རྫོགས། །གྲགས་པ་ཐམས་ཅད་བརྗོད་བྲལ་སྔགས་ཀྱི་སྒྲ། །སེམས་ཀྱི་འགྱུ་བ་རང་རིག་འདུས་མ་བྱས། །བདེ་ཆེན་འདུ་འབྲལ་མེད་པར་མངོན་གྱུར་ཤོག །ཉམས་ཆག་རྟོག་སྒྲིབ་མ་སྤངས་གནས་སུ་དག །ཕྱི་ནང་གསང་བ་དབྱེར་མེད་རྟོགས་པས་བསྐངས། །གང་ཤར་རང་གྲོལ་ཀུན་བཟང་ཀློང་ཡངས་སུ། །ངན་སོང་དོང་སྤྲུགས་སྲིད་ཞི་མཉམ་གྱུར་ཅིག །ཐིག་ལེ་ཆེན་པོར་སྐུ་དང་ཞིང་ཁམས་རྫོགས། །དམ་ཚིག་ཆེན་པོར་སྤང་བླང་མཚན་མར་དག །ཁྱབ་བརྡལ་ཆེན་པོར་རེ་དོགས་མདུད་པ་གྲོལ། །རྫོགས་པ་ཆེན་པོར་ཆོས་སྐུ་མངོན་གྱུར་ཤོག །བརྒྱུད་པ་གསུམ་གྱི་བྱིན་རླབས་སྙིང་ལ་ཞུགས། །སྒྱུ་འཕྲུལ་དྲྭ་བའི་ལམ་གསང་སེམས་ལ་རྫོགས། །ཕྲིན་ལས་རྣམ་བཞི་ལྷུན་གྱིས་འགྲུབ་པ་ཡིས། །མུ་མཐའ་མེད་པའི་འགྲོ་བ་སྒྲོལ་བར་ཤོག །ཞི་ཁྲོ་སྤྲུལ་པའི་འཁོར་ལོ་ལུང་སྟོན་ཞིང་། །མཁའ་འགྲོ་རྣམས་ཀྱིས་བུ་བཞིན་སྐྱོངས་བ་དང་། །ཆོས་སྐྱོངས་སྲུང་མས་བར་ཆད་ཀུན་བསལ་ནས། །ཡིད་ལ་སྨོན་པ་མཐའ་དག་འགྲུབ་གྱུར་ཅིག །རྒྱལ་བའི་བསྟན་པ་དར་ཞིང་རྒྱས་པ་དང་། །བསྟན་འཛིན་རྣམས་ཀྱིས་བཞེད་པའི་དོན་ཀུན་འགྲུབ། །མ་ལུས་སྐྱེ་རྒུའི་འགལ་རྐྱེན་ཀུན་ཞི་ཞིང་། །ཕུན་ཚོགས་མཐའ་དག་ཡིད་བཞིན་འབྱོར་གྱུར་ཅིག །ཨོཾ་ཡེ་དྷརྨཱ་ཧེ་ཏུ་པྲ་བྷ་ཝ་ཧེ་ཏུནྟེ་ཥནྟ་ཐ་ག་ཏོ་ཧྱ་བ་ད་ཏ་ཏེ་ཥཱཉྩ་ཡོ་ནི་རོ་དྷ་ཨེ་ཝཾ་བཱ་དི་མ་ཧཱ་ཤྲ་མ་ཎ་ཡེ་སྭཱ་ཧཱ། བཀྲ་ཤིས་ནི། ཕུན་སུམ་ཚོགས་པ་མངའ་བ་གསེར་གྱི་རི་བོ་འདྲ། །འཇིག་རྟེན་གསུམ་གྱི་མགོན་པོ་དྲི་མ་གསུམ་སྤངས་པ། །སངས་རྒྱས་པདྨ་རྣམ་རྒྱས་འདབ་འདྲའི་སྤྱན་མངའ་བ། །དེས་ནི་ཁྱེད་ལ་དེ་རིང་ཞི་བྱེད་བཀྲ་ཤིས་ཤོག །དེ་ཡིས་ཉེ་བར་བསྟན་པའི་མཆོག་རབ་གཡོ་མེད་པ། །འཇིག་རྟེན་གསུམ་ན་གྲགས་ཤིང་ལྷ་དང་མིས་མཆོད་པ། །ཆོས་ཀྱི་དམ་པ་སྐྱེ་རྒུ་རྣམས་ལ་ཞི་བྱེད་པ། །དེས་ནི་ཁྱེད་ལ་དེ་རིང་༴ །དམ་ཆོས་ལྡན་པ་ཐོས་པའི་བཀྲ་ཤིས་ཀྱིས་ཕྱུག་ཅིང་། །དགེ་འདུན་མི་དང་ལྷ་དང་ལྷ་མིན་ཡོན་གྱི་གནས། །ཚོགས་ཀྱི་མཆོག་རབ་ངོ་ཚ་ཤེས་དང་དཔལ་གྱི་གཞི། །དེས་ནི་ཁྱེད་ལ་དེ་རིང་ཞི་བྱེད༴ །ཆེ་བའི་ཆེ་མཆོག་སྟོན་མཆོག་བླ་ན་མེད། །ཆོས་རྗེ་ཉི་མ་རྒྱལ་བའི་བྱིན་རླབས་ཀྱིས། །བདུད་དང་བགེགས་རིགས་གནོད་པའི་དགྲ་ཞི་སྟེ། །རྟག་ཏུ་དཔལ་གནས་ཉི་མཚན་བཀྲ་ཤིས་ཤོག །ཆོས་ཉིད་བདེན་པའི་ཆོས་མཆོག་བླ་ན་མེད། །དམ་ཆོས་བདུད་རྩི་བདེན་པའི་བྱིན་རླབས་ཀྱིས། །ཉོན་མོངས་དུག་ལྔ་གདུང་པའི་དགྲ་ཞི་སྟེ། །རྟག་ཏུ་དཔལ་གནས་ཉིན་མཚན་བཀྲ་ཤིས་ཤོག །དགེ་འདུན་ཡོན་ཏན་རིན་ཆེན་དཔལ་འབར་བ། །རྒྱལ་སྲས་ཕན་མཛད་བདེན་པའི་བྱིན་རླབས་ཀྱིས། །ཉེས་པའི་སྐྱོན་བྲལ་དགེ་ཚོགས་རྣམ་པར་འཕེལ། །རྟག་ཏུ་དཔལ་གནས་ཉིན་མཚན་བཀྲ་ཤིས་ཤོག །སྟོན་མཆོག་དམ་པ་ལྷ་མིས་མཆོད་འོས་པ། །སངས་རྒྱས་ཕྱག་འཚལ་དེང་འདིར་བདེ་ལེགས་ཤོག །སེམས་ཅན་གང་དག་འགྲོ་དང་མི་འགྲོ་བ། །དེ་དག་ཐམས་ཅད་དེང་འདིར་བདེ་གྱུར་ཅིག །ཞི་བ་ཆགས་བྲལ་ལྷ་མིས་མཆོད་འོས་པ། །ཆོས་ལ་ཕྱག་འཚལ་དེང་འདིར་བདེ་ལེགས་ཤོག །སེམས་ཅན་གང་དག༴ །དེ་དག་ཐམས་ཅད་དེང་འདིར༴ །ཚོགས་ཀྱི་དམ་པ་ལྷ་མིས་མཆོད་འོས་པ། །དགེ་འདུན་ཕྱག་འཚལ་དེང་འདིར་བདེ་ལེགས་ཤོག །སེམས་ཅན་གང་དག་འགྲོ་དང་མི་འགྲོ་བ། །དེ་དག་ཐམས་ཅད་དེང་འདིར་བདེ་གྱུར་ཅིག །རྒྱལ་བ་སྲས་བཅས་བསོད་ནམས་མཐུ་དག་དང་། །ལྷ་རྣམས་ཀུན་གྱིས་ལེགས་པར་བསམ་པ་དང་། །གསང་སྔགས་རིགས་སྔགས་རྣམས་ཀྱི་མཐུ་སྟོབས་དང་། །བདེན་པར་སྨྲ་བ་རྣམས་ཀྱི་བདེན་ཚིག་གིས། །བསོད་ནམས་རི་བོ་བཞིན་དུ་བརྟན་པ་དང་། །བརྒྱུད་འཛིན་ཉི་ཟླ་བཞིན་དུ་གསལ་བ་དང་། །སྙན་པས་ནམ་མཁའ་བཞིན་དུ་ཁྱབ་པ་སྟེ། །གསུམ་པོ་དེས་ཀྱང་དེང་འདིར་བདེ་ལེགས་ཤོག །བགེགས་རིགས་སྟོང་ཕྲག་བརྒྱད་ཅུ་ཞི་བ་དང་། །མི་མཐུན་གནོད་པའི་རྐྱེན་དང་བྲལ་བ་དང་། །འདོད་པ་གྲུབ་ཅིང་ཕུན་སུམ་ཚོགས་པ་སྟེ། །བཞི་པོ་དེས་ཀྱང་༴ །ལོ་བརྒྱ་ཐོབ་ཅིང་སྟོན་བརྒྱ་མཐོང་བ་དང་། །ཚེ་རིང་ནད་མེད་བདེ་སྐྱིད་ཕུན་སུམ་ཚོགས། །ཐེག་པ་མཆོག་ལ་ངེས་པར་འབྱུང་བ་སྟེ། །ལྔ་པོ་དེས་ཀྱང་དེང་༴ །སྦྱིན་པ་གཏོང་ཞིང་ཚུལ་ཁྲིམས་བསྲུང་བ་དང་། །བཟོད་པ་སྒོམ་ཞིང་བརྩོན་འགྲུས་བརྩམ་པ་དང་། །མཉམ་པར་འཇོག་ཅིང་གནས་ལུགས་རྟོགས་པ་སྟེ། །དྲུག་པོ་དེས་ཀྱང་དེང་འདིར་བདེ་ལེགས་ཤོག །ཉིན་མོ་བདེ་ལེགས་མཚན་བདེ་ལེགས། །ཉིན་མའི་གུང་ཡང་བདེ་ལེགས་ཤིང་། །ཉིན་མཚན་རྟག་ཏུ་བདེ་ལེགས་པ། །དཀོན་མཆོག་གསུམ་གྱིས་དེང་འདིར་སྩོལ། །དཔལ་ལྡན་བླ་མས་དེང་འདིར་སྩོལ། །ཡི་དམ་ལྷ་ཡིས་དེང་འདིར་སྩོལ། །ཆོས་སྐྱོང་སྲུང་མས་དེང་འདིར་སྩོལ། །གཞི་བདག་རྣམས་ཀྱིས་དེང་འདིར་སྩོལ། །འབྱུང་པོ་གང་དག་འདིར་ནི་ལྷག་གྱུར་ཏམ། །སའམ་འོན་ཏེ་བར་སྣང་འཁོད་ཀྱང་རུང་། །སྐྱེ་རྒུ་རྣམས་ལ་རྟག་ཏུ་བྱམས་བྱེད་ཅིང་། །ཉིན་དང་མཚན་དུ་ཆོས་ལ་སྤྱོད་པར་ཤོག །འདིར་ནི་རྒྱལ་བ་དགྲ་རྒྱལ་བདེན་གང་གིས། །ཤིན་ཏུ་བདེན་པར་གསུངས་ཤིང་བརྫུན་མེད་པ། །བདེན་པ་དེས་ཀྱང་དེང་འདིར་བདེ་ལེགས་ཤོག །དེ་ཀུན་འཇིགས་པ་དེ་ལས་ཐར་གྱུར་ཅིག །དེང་འདིར་རྣལ་འབྱོར་བདག་ཅག་དཔོན་སློབ་ཡོན་མཆོད་འཁོར་དང་བཅས་པ་ཐམས་ཅད་ཉི་མ་དང་ཟླ་བ་གཟའ་སྒྲ་གཅན་གྱི་གནོད་པ་ལས་གྲོལ་བ་བཞིན་དུ་བདུད་དང་སྤང་བྱ་བར་ཅད་མི་མཐུན་པའི་ཕྱོགས་ཐམས་ཅད་ལས་རྣམ་པར་རྒྱལ་ཏེ་ཤིན་ཏུ་བཀྲ་ཤིས་པར་གྱུར་ཅིག །ཛ་ཡ་ཛ་ཡ་སུ་ཛ་ཡ། དེ་ལྟར་འགྲུབ་པར་བྱེད་པ་ཡང་། །དཀོན་མཆོག་གསུམ་གྱིས་བདེན་པ་དང་། །སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་བྱིན་གྱིས་རླབས་པ་དང་། ཚོགས་གཉིས་ཡོངས་སུ་རྫོགས་བའི་མངའ་ཐང་ཆེན་པོ་དང་། ཆོས་ཀྱི་དབྱིངས་རྣམ་པར་དག་ཅིང་བསམ་གྱིས་མི་ཁྱབ་པའི་སྟོབས་ཀྱིས་དེ་དེ་བཞིན་དུ་འགྲུབ་པར་གྱུར་ཅིག། །།ཏདྱ་ཐཱ། པཉྩནྡྲི་ཡ་ཨ་ཝ་བྷོ་ཏ་ན་ཡ་སྭཱ་ཧཱ། །མངྒ་ལཾ།། །།

[edit]

bsngo smon ni/__bla ma yi dam lha tshogs dgongs su gsol/__/deng 'dir brtson pas sgrubs pa'i dge ba dang /__/dus gsum bsags dang yod pa'i dge ba rnams/__/bsdoms te bla med byang chub chen por bsngo/__/deng nas byang chub snying por mchis kyi bar/__/rig bzang blo gsal nga rgyal med pa dang /__/snying rje che zhing bla ma la gus ldan/__/dpal ldan rdo rje'i theg la nges gnas shog__/dbang gis smin cing dam tshig sdom par ldan/__/rim gnyis lam la bsnyen sgrub mthar phyin te/__/dka' ba med par rig 'dzin go 'phang bgrod/__/dngos grub rnam gnyis bde blag 'grub gyur cig__/cir snang sgyu 'phrul drwa ba'i 'khor lor rdzogs/__/grags pa thams cad brjod bral sngags kyi sgra/__/sems kyi 'gyu ba rang rig 'dus ma byas/__/bde chen 'du 'bral med par mngon gyur shog__/nyams chag rtog sgrib ma spangs gnas su dag__/phyi nang gsang ba dbyer med rtogs pas bskangs/__/gang shar rang grol kun bzang klong yangs su/__/ngan song dong sprugs srid zhi mnyam gyur cig__/thig le chen por sku dang zhing khams rdzogs/__/dam tshig chen por spang blang mtshan mar dag__/khyab brdal chen por re dogs mdud pa grol/__/rdzogs pa chen por chos sku mngon gyur shog__/brgyud pa gsum gyi byin rlabs snying la zhugs/__/sgyu 'phrul drwa ba'i lam gsang sems la rdzogs/__/phrin las rnam bzhi lhun gyis 'grub pa yis/__/mu mtha' med pa'i 'gro ba sgrol bar shog__/zhi khro sprul pa'i 'khor lo lung ston zhing /__/mkha' 'gro rnams kyis bu bzhin skyongs ba dang /__/chos skyongs srung mas bar chad kun bsal nas/__/yid la smon pa mtha' dag 'grub gyur cig__/rgyal ba'i bstan pa dar zhing rgyas pa dang /__/bstan 'dzin rnams kyis bzhed pa'i don kun 'grub/__/ma lus skye rgu'i 'gal rkyen kun zhi zhing /__/phun tshogs mtha' dag yid bzhin 'byor gyur cig__/oM ye d+harmA he tu pra b+ha wa he tun+te Shan+ta tha ga to h+ya ba da ta te ShAny+tsa yo ni ro d+ha e waM bA di ma hA shra ma Na ye swA hA/__bkra shis ni/__phun sum tshogs pa mnga' ba gser gyi ri bo 'dra/__/'jig rten gsum gyi mgon po dri ma gsum spangs pa/__/sangs rgyas pad+ma rnam rgyas 'dab 'dra'i spyan mnga' ba/__/des ni khyed la de ring zhi byed bkra shis shog__/de yis nye bar bstan pa'i mchog rab g.yo med pa/__/'jig rten gsum na grags shing lha dang mis mchod pa/__/chos kyi dam pa skye rgu rnams la zhi byed pa/__/des ni khyed la de ring =____/dam chos ldan pa thos pa'i bkra shis kyis phyug cing /__/dge 'dun mi dang lha dang lha min yon gyi gnas/__/tshogs kyi mchog rab ngo tsha shes dang dpal gyi gzhi/__/des ni khyed la de ring zhi byed=____/che ba'i che mchog ston mchog bla na med/__/chos rje nyi ma rgyal ba'i byin rlabs kyis/__/bdud dang bgegs rigs gnod pa'i dgra zhi ste/__/rtag tu dpal gnas nyi mtshan bkra shis shog__/chos nyid bden pa'i chos mchog bla na med/__/dam chos bdud rtsi bden pa'i byin rlabs kyis/__/nyon mongs dug lnga gdung pa'i dgra zhi ste/__/rtag tu dpal gnas nyin mtshan bkra shis shog__/dge 'dun yon tan rin chen dpal 'bar ba/__/rgyal sras phan mdzad bden pa'i byin rlabs kyis/__/nyes pa'i skyon bral dge tshogs rnam par 'phel/__/rtag tu dpal gnas nyin mtshan bkra shis shog__/ston mchog dam pa lha mis mchod 'os pa/__/sangs rgyas phyag 'tshal deng 'dir bde legs shog__/sems can gang dag 'gro dang mi 'gro ba/__/de dag thams cad deng 'dir bde gyur cig__/zhi ba chags bral lha mis mchod 'os pa/__/chos la phyag 'tshal deng 'dir bde legs shog__/sems can gang dag=____/de dag thams cad deng 'dir=____/tshogs kyi dam pa lha mis mchod 'os pa/__/dge 'dun phyag 'tshal deng 'dir bde legs shog__/sems can gang dag 'gro dang mi 'gro ba/__/de dag thams cad deng 'dir bde gyur cig__/rgyal ba sras bcas bsod nams mthu dag dang /__/lha rnams kun gyis legs par bsam pa dang /__/gsang sngags rigs sngags rnams kyi mthu stobs dang /__/bden par smra ba rnams kyi bden tshig gis/__/bsod nams ri bo bzhin du brtan pa dang /__/brgyud 'dzin nyi zla bzhin du gsal ba dang /__/snyan pas nam mkha' bzhin du khyab pa ste/__/gsum po des kyang deng 'dir bde legs shog__/bgegs rigs stong phrag brgyad cu zhi ba dang /__/mi mthun gnod pa'i rkyen dang bral ba dang /__/'dod pa grub cing phun sum tshogs pa ste/__/bzhi po des kyang =____/lo brgya thob cing ston brgya mthong ba dang /__/tshe ring nad med bde skyid phun sum tshogs/__/theg pa mchog la nges par 'byung ba ste/__/lnga po des kyang deng =____/sbyin pa gtong zhing tshul khrims bsrung ba dang /__/bzod pa sgom zhing brtson 'grus brtsam pa dang /__/mnyam par 'jog cing gnas lugs rtogs pa ste/__/drug po des kyang deng 'dir bde legs shog__/nyin mo bde legs mtshan bde legs/__/nyin ma'i gung yang bde legs shing /__/nyin mtshan rtag tu bde legs pa/__/dkon mchog gsum gyis deng 'dir stsol/__/dpal ldan bla mas deng 'dir stsol/__/yi dam lha yis deng 'dir stsol/__/chos skyong srung mas deng 'dir stsol/__/gzhi bdag rnams kyis deng 'dir stsol/__/'byung po gang dag 'dir ni lhag gyur tam/__/sa'am 'on te bar snang 'khod kyang rung /__/skye rgu rnams la rtag tu byams byed cing /__/nyin dang mtshan du chos la spyod par shog__/'dir ni rgyal ba dgra rgyal bden gang gis/__/shin tu bden par gsungs shing brdzun med pa/__/bden pa des kyang deng 'dir bde legs shog__/de kun 'jigs pa de las thar gyur cig__/deng 'dir rnal 'byor bdag cag dpon slob yon mchod 'khor dang bcas pa thams cad nyi ma dang zla ba gza' sgra gcan gyi gnod pa las grol ba bzhin du bdud dang spang bya bar cad mi mthun pa'i phyogs thams cad las rnam par rgyal te shin tu bkra shis par gyur cig__/dza ya dza ya su dza ya/__de ltar 'grub par byed pa yang /__/dkon mchog gsum gyis bden pa dang /__/sangs rgyas dang byang chub sems dpa' thams cad kyi byin gyis rlabs pa dang /__tshogs gnyis yongs su rdzogs ba'i mnga' thang chen po dang /__chos kyi dbyings rnam par dag cing bsam gyis mi khyab pa'i stobs kyis de de bzhin du 'grub par gyur cig/__//tad+ya thA/__pany+tsan+d+ri ya a wa b+ho ta na ya swA hA/__/mang+ga laM//___//