JKCL-KABUM-12-NA-060

Previous Text Back to Volume PageNext Text

འདོད་པའི་དོན་ལ་སྨོན་ལམ་རིན་པོ་ཆེའི་ཕྲེང་བ།

Wylie title	'dod pa'i don la smon lam rin po che'i phreng ba
Location	chos kyi blo gros bka' 'bum Volume 12, Text 60, Pages 293-294 (Folios 1a1 to 1b4)
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation	'jam dbyangs mkhyen brtse chos kyi blo gros. 'dod pa'i don la smon lam rin po che'i phreng ba. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 12: 293-294. Bir, H.P.: Khyentse Labrang, 2012.
Genre	Prayers - smon lam
Lotsawa House Link	https://www.lotsawahouse.org/tibetan-masters/jamyang-khyentse-chokyi-lodro/hevajra-aspiration
Colophon	།ཅེས་པའང་ཧེ་བཛྲ་གྱི་བསྙེན་པའི་སྔོན་འགྲོ་བླ་མའི་རྣལ་འབྱོར་སྐབས་གསུང་ངག་རིན་པོ་ཆེར་མོས་པ་ལམ་དུ་བྱེད་པ་འཇམ་དབྱངས་ཆོས་ཀྱི་བློ་གྲོས་བས་རྩེ་གཅིག་གུས་པས་སྨོན་པ་གེགས་མེད་མྱུར་དུ་འགྲུབ་པར་གྱུར་ཅིག །མངྒ་ལཾ།།
	/ces pa'ang he badz+ra gyi bsnyen pa'i sngon 'gro bla ma'i rnal 'byor skabs gsung ngag rin po cher mos pa lam du byed pa 'jam dbyangs chos kyi blo gros bas rtse gcig gus pas smon pa gegs med myur du 'grub par gyur cig__/mang+ga laM//

":Property:textsubnumber|textsubnumber" can not be assigned to a declared number type with value 1.

Tibetan Text

Wylie

[edit]

འདོད་པའི་དོན་ལ་སྨོན་ལམ་རིན་པོ་ཆེའི་ཕྲེང་བ་ཞེས་བྱ་བ་བཞུགས་སོ། །བླ་མ་རྣམས་དང་དཔལ་ལྡན་བིཪྺ་པ། །བརྩེ་བ་ཆེན་པོ་བསོད་ནམས་རྩེ་མོ་དང་། །གྲགས་པ་རྒྱལ་མཚན་ས་སྐྱ་པཎྜི་ཏ། །བློ་གྲོས་རྒྱལ་མཚན་ངོར་ཆེན་ཀུན་དགའ་བཟང་། །བློ་གསལ་རྒྱ་མཚོ་མཁྱེན་བརྩེའི་དབང་ཕྱུག་དང་། །འཇམ་དབྱངས་མཁྱེན་བརྩེ་བློ་གཏེར་དབང་པོ་སོགས། །གསུང་ངག་བརྒྱུད་པའི་བླ་མ་ཐམས་ཅད་དང་། །དགྱེས་པ་རྡོ་རྗེ་ལྷ་མོ་བརྒྱད་དང་བཅས། །མཐུ་སྟོབས་དབང་ཕྱུག་མགོན་པོ་ལྕམ་དྲལ་སོགས། །བདག་ལ་དགོངས་ཤིང་སྨོན་པའི་གནས་འདི་དག །མྱུར་དུ་འགྲུབ་ལ་དཔང་པོར་མཛོད་ཅིག་ཀྱེ། །བདག་ནི་བག་མེད་པ་ཡི་དབང་དུ་གྱུར། །ཆོས་བཞིན་སྤྱོད་ལ་འགལ་རྐྱེན་ཆེས་མང་ཞིང་། །ཁྱད་པར་ཚུལ་མིན་རྣམ་རྟོག་འཚུབ་མ་ཡིས། །བདག་རྒྱུད་ལས་སུ་རུང་བར་མ་གྱུར་པས། །དེང་ནས་རང་སེམས་འདུལ་ལ་བརྩོན་པར་ཤོག །ཉོན་མོངས་འཕེལ་བའི་གནས་དང་གྲོགས་སྤངས་ཤིང་། །འདོད་ཡོན་བདུད་ཀྱི་གཡབ་མོས་མ་ཁྱེར་བར། །ཆོས་མཐུན་སྤྱོད་པའི་གྲོགས་དང་ཟས་གོས་སོགས། །འཚོ་བ་ངན་ངོན་ཙམ་གྱིས་ཆོག་ཤེས་ཤོག །དོན་མེད་ངག་འཁྱལ་ཆགས་སྡང་འཕེལ་བའི་རྒྱུ། །ཉེས་པའི་རང་བཞིན་སྨྲ་བ་བཅད་ནས་སུ། །ཆོས་མཐུན་གཏམ་གྱི་སྦྱོར་བ་ཉུང་ངུ་ལས། །རྟག་ཏུ་ཁ་ཏོན་བྱེད་ལ་བརྩོན་པར་ཤོག །ངེས་འབྱུང་བྱང་སེམས་ཡང་དག་ལྟ་བ་དང་། །ནམ་ཡང་མི་འབྲལ་ཚུལ་ཁྲིམས་ཕུན་སུམ་ཚོགས། །དད་དང་མོས་གུས་བླ་མ་མཉེས་པར་བྱེད། །ཅི་བྱེད་བྱང་ཆུབ་སྤྱོད་ལ་འགྱུར་བར་ཤོག །ཐུན་མོང་ཐུན་མིན་སྡོམ་པ་སྲོག་ལྟར་བསྲུང་། །བླ་མ་དཀྱིལ་འཁོར་གཙོ་བོར་ཤེས་པ་ཡིས། །རིམ་གཉིས་ཐུན་བཞིའི་ལམ་ལ་བརྩོན་པའི་མཐུས། །རྨད་བྱུང་སྐུ་བཞིའི་གོ་འཕང་མྱུར་ཐོབ་ཤོག །ལམ་གྱི་སྙིང་པོ་ཟབ་མོ་དབང་བཞིའི་ལམ། །ཡང་ཡང་གོམས་པས་སྐུ་བཞིའི་རྟེན་འབྲེལ་འགྲིགས། །རྡོ་རྗེ་ལུས་ཀྱི་དཀྱིལ་འཁོར་མངོན་གྱུར་ནས། །དགྱེས་པ་རྡོ་རྗེས་སྲིད་གསུམ་གར་བྱེད་ཤོག །ཅེས་པའང་ཧེ་བཛྲ་གྱི་བསྙེན་པའི་སྔོན་འགྲོ་བླ་མའི་རྣལ་འབྱོར་སྐབས་གསུང་ངག་རིན་པོ་ཆེར་མོས་པ་ལམ་དུ་བྱེད་པ་འཇམ་དབྱངས་ཆོས་ཀྱི་བློ་གྲོས་བས་རྩེ་གཅིག་གུས་པས་སྨོན་པ་གེགས་མེད་མྱུར་དུ་འགྲུབ་པར་གྱུར་ཅིག །མངྒ་ལཾ།། །།

[edit]

'dod pa'i don la smon lam rin po che'i phreng ba zhes bya ba bzhugs so/__/bla ma rnams dang dpal ldan biR+Wa pa/__/brtse ba chen po bsod nams rtse mo dang /__/grags pa rgyal mtshan sa skya paN+Di ta/__/blo gros rgyal mtshan ngor chen kun dga' bzang /__/blo gsal rgya mtsho mkhyen brtse'i dbang phyug dang /__/'jam dbyangs mkhyen brtse blo gter dbang po sogs/__/gsung ngag brgyud pa'i bla ma thams cad dang /__/dgyes pa rdo rje lha mo brgyad dang bcas/__/mthu stobs dbang phyug mgon po lcam dral sogs/__/bdag la dgongs shing smon pa'i gnas 'di dag__/myur du 'grub la dpang por mdzod cig kye/__/bdag ni bag med pa yi dbang du gyur/__/chos bzhin spyod la 'gal rkyen ches mang zhing /__/khyad par tshul min rnam rtog 'tshub ma yis/__/bdag rgyud las su rung bar ma gyur pas/__/deng nas rang sems 'dul la brtson par shog__/nyon mongs 'phel ba'i gnas dang grogs spangs shing /__/'dod yon bdud kyi g.yab mos ma khyer bar/__/chos mthun spyod pa'i grogs dang zas gos sogs/__/'tsho ba ngan ngon tsam gyis chog shes shog__/don med ngag 'khyal chags sdang 'phel ba'i rgyu/__/nyes pa'i rang bzhin smra ba bcad nas su/__/chos mthun gtam gyi sbyor ba nyung ngu las/__/rtag tu kha ton byed la brtson par shog__/nges 'byung byang sems yang dag lta ba dang /__/nam yang mi 'bral tshul khrims phun sum tshogs/__/dad dang mos gus bla ma mnyes par byed/__/ci byed byang chub spyod la 'gyur bar shog__/thun mong thun min sdom pa srog ltar bsrung /__/bla ma dkyil 'khor gtso bor shes pa yis/__/rim gnyis thun bzhi'i lam la brtson pa'i mthus/__/rmad byung sku bzhi'i go 'phang myur thob shog__/lam gyi snying po zab mo dbang bzhi'i lam/__/yang yang goms pas sku bzhi'i rten 'brel 'grigs/__/rdo rje lus kyi dkyil 'khor mngon gyur nas/__/dgyes pa rdo rjes srid gsum gar byed shog__/ces pa'ang he badz+ra gyi bsnyen pa'i sngon 'gro bla ma'i rnal 'byor skabs gsung ngag rin po cher mos pa lam du byed pa 'jam dbyangs chos kyi blo gros bas rtse gcig gus pas smon pa gegs med myur du 'grub par gyur cig__/mang+ga laM//___//