JKCL-KABUM-12-NA-051

Previous Text Back to Volume PageNext Text

སྨོན་ལམ་དོན་ཀུན་འགྲུབ་པ།

Wylie title	smon lam don kun 'grub pa
Location	chos kyi blo gros bka' 'bum Volume 12, Text 51, Pages 261-262 (Folios 1a1 to 1b4)
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation	'jam dbyangs mkhyen brtse chos kyi blo gros. smon lam don kun 'grub pa. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 12: 261-262. Bir, H.P.: Khyentse Labrang, 2012.
Genre	Prayers - smon lam
Lotsawa House Link	https://www.lotsawahouse.org/tibetan-masters/jamyang-khyentse-chokyi-lodro/aspiration-to-accomplish-every-aim
Colophon	།ཅེས་པའང་ས་ཁྱི་ཆོ་འཕྲུལ་ཟླ་བར་རྒྱལ་བཀའ་རིན་པོ་ཆེ་ཀློགས་གྲུབ་པའི་རྗེས་ཐོག་ཏུ་སྨོན་པའོ།།
	/ces pa'ang sa khyi cho 'phrul zla bar rgyal bka' rin po che klogs grub pa'i rjes thog tu smon pa'o//

":Property:textsubnumber|textsubnumber" can not be assigned to a declared number type with value 1.

Tibetan Text

Wylie

[edit]

སྨོན་ལམ་དོན་ཀུན་འགྲུབ་པ་བཞུགས། ཕྱོགས་བཅུ་དུས་བཞིར་བཞུགས་པའི་རྒྱལ་བ་དང་། །དེ་སྲས་བྱང་སེམས་ཉན་རང་དགྲ་བཅོམ་སོགས། །འཕགས་པའི་ཚོགས་རྣམས་ཡེ་ཤེས་སྤྱན་ལྡན་པས། །རྣམ་དག་སྨོན་ལམ་འགྲུབ་པའི་དཔང་པོ་མཛོད། །ཤཱཀྱ་སེང་གེའི་གསུང་རབ་ཕུང་པོ་ལས། །སྐྲ་རྩེའི་ཤས་ཙམ་གངས་ཅན་ལྗོངས་འདི་རུ། །ཆོས་རྒྱལ་ལོ་པཎ་རྣམས་ཀྱིས་བསྒྱུར་བ་དང་། །བཀའ་ཡི་བསྡུ་བ་ཆེན་པོའི་གླེགས་བམ་རྣམས། །དེང་འདིར་འདུས་པའི་ཚོགས་ཀྱི་བསྒྲུགས་པ་ཡི། །དགེ་བའི་རྩ་བ་ཇི་སྙེད་མཆིས་པ་དེས། །མཚོན་པའི་དུས་གསུམ་ལེགས་བྱས་ཇི་སྙེད་པ། །ཀུན་ཀྱང་བསྟན་པ་རྒྱས་པའི་རྒྱུ་རུ་བསྔོ། །ཁྱད་པར་བསྟན་ལ་འཚེ་བའི་ཉི་བུའི་ཚོགས། །མྱུར་དུ་ཞི་ནས་འཇིག་རྟེན་བདེ་ཞིང་སྐྱིད། །བདག་ལ་འབྲེལ་བ་ཐོགས་པའི་སེམས་ཅན་རྣམས། །ལས་ཉོན་སྡུག་བསྔལ་མ་ལུས་བྱང་བར་ཤོག །གཡུལ་ངོར་ཤི་བའི་སྦྱིན་བདག་ཕོ་མོ་རྣམས། །འཁྲུལ་སྣང་སྡུག་བསྔལ་མ་ལུས་ཀུན་ཞི་ནས། །མངོན་མཐོ་ལྷ་མིའི་རྟེན་བཟང་ཐོབ་པར་ཤོག །བདག་ལ་སྐྱབས་སུ་བསྙེན་པ་ཐམས་ཅད་ཀྱང་། །འགལ་རྐྱེན་ཀུན་ཞི་ཚེ་བསོད་དཔལ་འབྱོར་རྒྱས། །བསམ་སྦྱོར་ཐམས་ཅད་ཡིད་བཞིན་འགྲུབ་པ་དང་། །བསོད་ནམས་ཚོགས་ཆེན་ཡོངས་སུ་རྫོགས་པར་ཤོག །བདག་ཅག་ནད་གདོན་གནོད་པ་ཀུན་ཞི་ཞིང་། །གཟུགས་ཅན་གཟུགས་མེད་མི་ཁ་བྱད་ཕུར་དང་། །སྲི་སྐེག་ལ་སོགས་ཉེར་འཚེས་མི་ཚུགས་ཤིང་། །དཀོན་མཆོག་གསུམ་གྱི་སྐྱབས་འོག་ཚུད་པར་ཤོག །ཚེ་རབས་ཀུན་ཏུ་དམ་པའི་ཆོས་དང་འཕྲད། །སྟོན་བྱེད་ཡང་དག་དགེ་བའི་བཤེས་དང་མཇལ། །ཚུལ་ཁྲིམས་ཕུང་པོ་ཡོངས་སུ་རྫོགས་པ་དང་། །རྒྱལ་བའི་བསྟན་ལ་བྱ་བ་བྱེད་པར་ཤོག །བསྟན་པ་རིན་ཆེན་འཛམ་གླིང་ཀུན་ཏུ་ཁྱབ། །བསྟན་འཛིན་སྐྱེས་རྣམས་ཞབས་པད་བརྟན་པ་དང་། །བསྟན་ལ་སྡང་བ་རྩྭ་སྦུར་མེས་བསྲེགས་བཞིན། །བསྟན་པ་ཕྱོགས་བཅུར་རྒྱས་པའི་བཀྲ་ཤིས་ཤོག །ཅེས་པའང་ས་ཁྱི་ཆོ་འཕྲུལ་ཟླ་བར་རྒྱལ་བཀའ་རིན་པོ་ཆེ་ཀློགས་གྲུབ་པའི་རྗེས་ཐོག་ཏུ་སྨོན་པའོ།། །།

[edit]

smon lam don kun 'grub pa bzhugs/__phyogs bcu dus bzhir bzhugs pa'i rgyal ba dang /__/de sras byang sems nyan rang dgra bcom sogs/__/'phags pa'i tshogs rnams ye shes spyan ldan pas/__/rnam dag smon lam 'grub pa'i dpang po mdzod/__/shAkya seng ge'i gsung rab phung po las/__/skra rtse'i shas tsam gangs can ljongs 'di ru/__/chos rgyal lo paN rnams kyis bsgyur ba dang /__/bka' yi bsdu ba chen po'i glegs bam rnams/__/deng 'dir 'dus pa'i tshogs kyi bsgrugs pa yi/__/dge ba'i rtsa ba ji snyed mchis pa des/__/mtshon pa'i dus gsum legs byas ji snyed pa/__/kun kyang bstan pa rgyas pa'i rgyu ru bsngo/__/khyad par bstan la 'tshe ba'i nyi bu'i tshogs/__/myur du zhi nas 'jig rten bde zhing skyid/__/bdag la 'brel ba thogs pa'i sems can rnams/__/las nyon sdug bsngal ma lus byang bar shog__/g.yul ngor shi ba'i sbyin bdag pho mo rnams/__/'khrul snang sdug bsngal ma lus kun zhi nas/__/mngon mtho lha mi'i rten bzang thob par shog__/bdag la skyabs su bsnyen pa thams cad kyang /__/'gal rkyen kun zhi tshe bsod dpal 'byor rgyas/__/bsam sbyor thams cad yid bzhin 'grub pa dang /__/bsod nams tshogs chen yongs su rdzogs par shog__/bdag cag nad gdon gnod pa kun zhi zhing /__/gzugs can gzugs med mi kha byad phur dang /__/sri skeg la sogs nyer 'tshes mi tshugs shing /__/dkon mchog gsum gyi skyabs 'og tshud par shog__/tshe rabs kun tu dam pa'i chos dang 'phrad/__/ston byed yang dag dge ba'i bshes dang mjal/__/tshul khrims phung po yongs su rdzogs pa dang /__/rgyal ba'i bstan la bya ba byed par shog__/bstan pa rin chen 'dzam gling kun tu khyab/__/bstan 'dzin skyes rnams zhabs pad brtan pa dang /__/bstan la sdang ba rtswa sbur mes bsregs bzhin/__/bstan pa phyogs bcur rgyas pa'i bkra shis shog__/ces pa'ang sa khyi cho 'phrul zla bar rgyal bka' rin po che klogs grub pa'i rjes thog tu smon pa'o//___//