JKCL-KABUM-12-NA-044-wylie
lha mi spyi dang gnas gzhi gter ston bcas nas nges rgyur/__gnas gzhi sprul sku rig 'dzin chos kyi don grub 'di pa 'bri gter skyu ra 'od gsal rdo rjes dam pa'i skyes bur ngos bzung dang gter ston yin rgyur dgongs mnga' bzhin/__ngos nas kyang rmi lam brtags pas/__shud bu dpal seng gi skye mtha'i gter ston zhig yin rgyu nges par shar bas/__da snga phan rnying ma phyogs kyi rtsa gsum mtshams bsnyen rgya cher byas 'dug pa rang yang yid spro'i gnas su byung zhing /__da char yang don gnyis lhun grub tu 'byung ba la gtso bor bka' gter gyi bsnyen sgrub la 'bad rgyu dang /__rang gter gyi dgos cha gtso che ba rnams yal bar mi dor zhing /__dgos yod med kyi lung bstan chab chob mang po mi bri/__lag tu lon nges dang /__bstan 'gror phan nges yod na nyung shas re bris kyang chog__/rang gter sogs gang la'ang nges par can mgo mi bskor ba dang /__rdzun mi bshad pa bden par smra ba gal che zhing /__lha mthong 'dre mthong sogs bshad rgyu mang ba'ang kha la bdud zhugs pa yin pas bag yod bya zhing /__rang gter rigs la gter sgrub dang bsnyen sgrub las sbyor rtags thon re gal che zhing /__de las gzhan rang gter gyi 'gro don i 'byung gi re ba bya rgyu med/__nyams su len nus na gter chos kyi phongs pa med cing /__dus babs kyi rgyal bstan dar ba dang /__nad mug 'khrugs rtsod zhi ba/__bod khams bde zhing skyid pa'i thabs re yod na pad+ma'i pho nya yin pa'i don go chod cing /__de las gzhan du rdzun bshad/__nag chang la sred/__bya byed spre'u ltar rgod/__bshad rgyu rigs rgyu mang po srog rlung gi smyo ba de 'dra gu ru pad+ma'i bstan bshigs yin rgyu pad+ma bka' thang gi gter ston brtags pa'i skabs nas 'byung ba ltar red pas de bzhin thugs nges dang /__lha mi thams cad nas bla ma 'di yi bstan 'gror phan pa'i 'gro don tshul bzhin spyod na phan cher 'gro ba'i rogs ram gang drag las gnod 'gal bya rgyu min/__ces pa'ang rdzong gsar dgon nas 'jam dbyangs mkhyen brtse sprul skus lhag bsam bzang pos bris pa dge zhing bkra shis par gyur cig/__//
