JKCL-KABUM-12-NA-030-wylie
gdung rten grub dus bod du 'gro nas sa ngor gnyis la mchod 'bul/__lha sa'i jo shAka gsum/__bsam yas byang chub chen po/__khra 'brug gi rten gtso rnams la gser chab mchod 'bul gang lcogs/__de dag gi skabs su yang srid bltam pa la phan nges khyad 'phags 'byon grub pa'i gsol 'debs nan bskyar/__phyir 'khor mtshams 'di gar 'ongs na dbang chos sogs kyi thugs bzhed dang /__rang mkho gang yod kyi zhabs 'degs zhu rgyu sogs/__dgongs pa rdzogs nas bzung 'dir dbang lung rgyun chags kyi bla sprul 'dus sde gnad gang che 'dzoms pa'i spyan sngar 'brel thog tshe 'das la dmigs pa'i bsngo smon dang /__thugs dgongs rdzogs shing yang srid 'byon pa bcas kyi gsol 'debs sogs zhus dang zhu 'gyur/__skye srid gang 'khrungs dang snga phyi sogs ni phran la blo gtad kyi bka' phebs de bzhin/__mchog sprul dam pa lhan bla slob mched grogs dam gtsang yin bzhin du cung zad gsal cha re 'byung srid na las/__gzhan rang re so skye tha shal pa rang nyid ci 'gyur yang cha mi 'tshal ba zhig nges par lags na 'di 'dra'i lkog gyur 'doms pa'i nus pa phra mo tsam mi mnga' yang /__rnam 'dren dam pa de nyid la dad dam lhag blo 'gyur med kyi gsol gdab zhu ste phran bu'i gsal cha byung tshe nang gnas su zhu dang zhu bzhin la/__sa skya bdag po chen po 'di nyid thugs dam gzigs pa'i ye shes kyi spyan ras chags thogs med pa yin 'dug na/__de ga nas thugs dam brtags zhus rim brgyud 'bul rgyu dang /__nged rang nas kyang rgyus shes dang 'brel skabs babs kyi snyan sangs phul rgyu rang rtsa ltar byed chog pa dgongs nges 'tshal zhu/__'degs lha reg__/sku gdung zhal 'debs a 'bar rdil tshad1/__ma legs mtshon dag sgor40/__mdud dam le tshan nang gzhugs phul rgyu thub dbang li sku byin ldan//___//
