JKCL-KABUM-12-NA-017-wylie
mkhyen rab thugs rje'i nyin byed 'bum 'phro skyabs gnas bka' drin zla med dge rtse'i mchog sprul rin po che'i 7zhabs pad du/__gus pas zhu gsol/__deng /__bstan 'gror thugs bskyed dus su smin pa'i gsang gsum mtshan dpe'i dkyil 'khor gdan gsum rdo rje'i bdag nyid du bzhugs shing theg pa'i rtse rgyal snga 'gyur zab gsang 'od gsal mchog gi bstan pa nyin mor byed pa'i gzi 'od kyis bskal ngan dus kyi rgud pa sel ba'i dpal mgon chen por 'tsho gzhes su bzhugs pa nas rnam kun thugs brtse gzigs pa chen pos nye bar skyong bzhin/__da lam rgyal sras sems dpa' chen po rnams ni 'gro ba dman pa rnams la shin tu brtse ba chos nyid du gyur pas 7skyabs mgon mchog gi gsung dbyangs lha yi rnga sgras si tu mchog sprul rin po che dbus kaHthog bla grwa rnams la 'di gar 'byon ba gnad che ba'i bkas bskul dang 'brel/__7mchog gzigs nyid kyi mdun nas/__phran la rten 'brel gzigs bzos kyi gnang skyes bka' glegs phyag rgyas sba ba'i nang gsal rgya cher rtsal ba bka' drin brjod las 'das/__phran chung da lta bla ma mchog gsum gyi byin mthus zo mdog bde bar 'khums/__mtshams zhus/__skye sprul chen po'i ming gi snyan pa'i skye ngan bdag ni rga ba'i sdug bsngal gyis non shing /__'chi khar dmyal mes rgyu bskrun pa'i nyer bdog kho na las/__gzhan gter ston/__rtogs ldan/__grub thob gang yin min rgyu dngos gsal gyur kyang /__snga sor zhe brgyad mjug nas rtsa thig rlung gi 'du 'khrugs bltar mi mngon pas mnar ba dus phyis je dwangs gyur kyang gzhi med 'gro rgyu med khar na lo skor nas phyi nang gi rmi ltas sogs 'chi ltas shin tu gsal ba la bzlog byed ston mchog nyi ma'i gnyen gyi gcig las gcig zab rgya cher gsung pa'i/__snying po rlung gi rnal 'byor la brten pa rnams kyang brtson 'grus dang shes rab zhan pas nyams 'og tu ma chud par ral gri phyung brdeg med par/__sdug thug gi pho kha mo rkub la re ba 'di ni bstan pa spyi yi bab la gnod cing /__bla ma rgyal ba sras bcas kyi thugs khrel ba'i rgyu kho na las ma mchis rung /__rang rig tshad ma'i ngor 'char snga rjes shog lhe gnyis dang /__bde chen rnam rgyal/__'bri gter/__dis sprul gsal dga' sogs kyi lung byang nye rgyu'i rten 'brel gyis phan rgyur gsal ba dang /__'jam mgon kong chen pa'i gsung sgros la'ang nam phug a mye re rgyur rje dbon skal bzang rdo rjes phyag bris zhig tu mthong zhing /__rje gong ma'i lung bstan nang phyogs tsam gsal ba sogs kyis/__gtso bor rang srog la bdag 'dzin gyis nye bar bzung ba'i phyag rgya'i rten 'brel bsgrig rgyur byung ba 'dir skor rang re'i skyabs mgon mchog sku mched rnams la snga sor snyan gsang dgos gnad che yang /__dang po'i dus lo shas gsang dam dgos rgyu'i chags 'jog dang /__dus phyis brel ba 'dom thug gi zhu rgyur ma byung ba rnam mkhyen 'tshoms 'khrugs mi bzhes pa gsol ba lan stong du 'debs shing /__'di skor slad nas kyang gegs med lam lhongs dang /__bstan 'gror spyi byer cung zad re phan pa'i skyabs 'jug nam yang mi 'dor ba zhu zhu mkhyen mkhyen/__slad char yang /__snga 'gyur bstan pa'i gtsug rgyan dam par zhabs pad rdo rje'i chos bdun ngo bor bzhugs pa nas zab gsang chos kyi sgra dbyangs rtag khyab lhun grub chen por bskor ba dang /__ring min mtshan dpe'i gser zhal myur mjal yong ba'i rten 'byung bcas zhu zhu/__zhu chung 'degs mtshon lha reg=__//___//
