JKCL-KABUM-12-NA-010-wylie
oM swasti/__srid dang zhi bar gdugs zla med pa'i phul/__/'gro ba'i bla ma shAkya seng+ge dang /__/de sras 'jam dbyangs phyag na pad+mo sogs/__/sras bcas rgyal bas shis pa'i me tog stsol/__/khyad par byin rlabs dngos grub rgya mtsho'i gter/__/pad+ma las grol rgyal dbang thod phreng rtsal/__/dngos cig ye shes sgyu ma'i gar bsgyur ba/__/rig 'dzin brgyud par bcas pas dge legs stsol/__/byang chub sems dpa'i thugs bskyed phrin las ni/__/rgyu dang mi rgyu'i khongs su rab 'jug pa/__/nam mkha' bzhin du kun la khyab pas na/__/snyigs ma'i dus 'dir 'byung ba'ang chos nyid gshis/__/rgyal pa'i myu gu dam pa'i ngang tshul can/__/rgyal sras spyod pa'i gru gzings la zhugs nas/__/rgyal bas bskyangs ba'i 'gro rnams srid mtsho las/__/rgyal bas sgrol bzhin byang chub gling du dgod/__/de la rtsa gsum rab 'byams kyi/__/thugs rjes bden pa'i stobs shugs kyis/__/bar chad bdud kyis mi tshugs par/__/don rnams 'bad med grub gyur cig__/ces shis pa'i tshig gi dge legs su byas te/__snga 'gyur bstan pa'i gzhi ma zhe chen rgyal tshab rin po che'i sku mched rgyal sras byang chub sems dpa' 'gyur med kun dga' gzhan phan dge legs 'phel rgyas 'di nyid bod dang bod chen gyi ljongs mtha' dag la 'phags mchog thugs rje chen po'i 'gro don mkha' khyab tu spel ba'i slad du 'byon par/__phyogs bral yangs pa'i rgyal khams kun nas rang gzhan gyi dge tshogs brlab chen 'phel zhing byang chub kyi khang bzang nyams dga' bar bsgrod pa'i phyir du dge chos kyi mthun rkyen grogs ngan dang dge sgrub sdig spang gi khas len gang gzab re byas na 'di phyi gnyis kar don che bas thugs gzhugs 'tshal/__zhes pa'i springs yig sde dge rdzong gsar dgon gyi chos grwa nas 'jam dbyangs mkhyen brtse'i sprul ming pas phul ba dge/__//
