JKCL-KABUM-09-TA-035-wylie
zab gsang pad+ma yang tig las:__gu ru drag po'i phrin las sngon 'gro'i rim pa bzhugs:__oM:__rang byung khrag 'thung rgyal la 'dud:__dus kyi tha ma'i gdul bya rnams:__dug gsum rang gzugs 'byung po yi:__bar gcod gdon bgegs lhag par ldang :__de nyid skyobs pa'i thabs kyi mchog:__bdag nyid rdo rje thod phreng rtsal:__drag po sgrub pa'i las rim bstan:__dang po skyabs su 'gro ba ni:__na mo:__bde gshegs kun 'dus thod phreng rtsal:__skyabs gnas rgya mtsho'i ye shes sku:__pad+ma drag po'i dkyil 'khor la:__byang chub bar du skyabs su mchi:__gnyis pa byang chub sems bskyed ni:__hoHdon dam gdod nas rnam dag kyang :__ma rtogs dug gsum 'khrul pas gtses:__ye shes dbyings su sgrol ba'i phyir:__drag po bsgrub par sems bskyed do:__gsum pa bsags sbyangs bdun rnam dag:__hU~MHbla ma yi dam mkha' 'gro gshegs:__nyi zla pad+ma'i gdan la bzhugs:__lus ngag yid gsum gus phyag 'tshal:__phyi nang gsang ba'i mchod pa 'bul:__nyams chags sdig sgrib mthol zhing bshags:__gsang sngags sgrub la rjes yi rangs:__smin grol gsang sngags chos 'khor bskor:__mya ngan mi 'da' bzhugs gsol 'debs:__snying po sems can don du bsngo:__yang dag rdo rje'i don rtogs shog:__bzhi pa nag phyogs brngan cing bskrad:__hU~M:__yang dag gsang ba'i dkyil 'khor 'dir:__glag lta bar gcod bdud kyi rigs:__gtor ma longs la gzhan du dengs:__'das na brlag par gdon mi za:__drag po'i sngags dang thun gyis gzir:__lnga pa phyi nang mtshams bcad pa:__hU~M:__rdo rje gsang ba'i gnas mchog 'dir:__gdod nas snang srid lha ru rdzogs:__dag pa chen po'i rol pa las:__mi phyed srung ba'i 'khor lor shar:__badz+ra dz+nyA na rak+Sha b+h+rU~M:__drug pa ye shes byin chen dbab:__hU~M hrIHskye med chos dbyings klong yangs nas:__rang byung sangs rgyas 'od mi 'gyur:__srid zhi mnyam pa'i sgyu 'phrul gyi:__ye shes byin chen dbab tu gsol:__'od gsal rig pa rang snang sprin:__zhi khro'i nyams 'gyur bsam mi khyab:__gang 'dul dkyil 'khor lha tshogs kyis:__mchog thun dngos grub byin chen phob:__zung 'jug thugs rje'i rig pa'i rtsal:__rdo rje srin po khro bo'i rgyal:__pad+ma drag rtsal he ru kas:__bdud bzhi 'dul ba'i byin chen phobs:__sku gsum bla ma'i lha tshogs rnams:__dbyings las rang shar glog ltar spyon:__rdo rje gsum gyi byin rlabs kyis:__rnal 'byor dgongs pa'i nyams rtogs spor:__bgegs dang log 'dren bar chad sol:__bdud bzhi'i gnod pa dbyings su zlog:__sgrub mchog rnams la dbang bzhi bskur:__mchog dang thun mong dngos grub stsol:__oM AHhU~M badz+ra gu ru pad+ma tsaN+Da d+he wa d+hA ki nI sa pa ri wA ra dz+nyA na A be sha ya a AHhrIM hrIM:__phaiM phaiM:__sa ma ya ho:__sa ma ya s+t+wa~M:__dz+nyA na tiSh+Tha hU~M:__bdun pa mchod pa byin brlab ni:__oM AHhU~M:__snang srid ye shes phyag rgya'i sprin:__kun bzang mchod pa'i gter chen po:__gdod nas rang bzhin lhun grub pa:__bla med mchog gi rdzas su shar:__oM badz+ra ar+g+haM nas/__shab+da sarba pU dza sa mu dra AHhU~M:__oM ma hA pany+tsa a mr-i ta rak+ta ba liM ta AHhU~M:__zhes brjod phrin las dngos la 'jug:__sngon du bya ba'i rim pa'o:__sa ma ya:__zhes khye ru las rab rtsal gyi gter byon sku tshab rin po che'i thugs kar gsal ba'i brda yig las gangs can bstan 'gro'i skyabs gcig 7'jam mgon rdo rje 'chang pad+ma ye shes rdo rje'am/__rang byung pad+ma gling pas gtan la phab pa'i zab gsang pad+ma'i yang tig gi smin grol zab mo'i thog ma'i snod ldan gyi skal bzang mngon du gyur nas/__'bebs gzhi'i phyag bris bcas rtsal zhing byin rlabs dgongs gtad thun mong ma yin pa thob pa'i nges shes kyi mthus/__stod kyi spyi chings kyang 'bri bar bos pa'i bka' yi gnang ba thob pa ltar bla ma dang lhag pa'i lhas gnang ba'i byin rlabs kyi bdud rtsi'i reg pas dbyings rig gsang ba'i chos gter gyi tshul du pad+ma gar dbang pad+ma 'od gsal mdo sngags gling pas mdo khams sde dge'i chos rgyal chen po'i pho brang gi shar phyogs/__zil khrom gangs kyi ra ba dang 'dab 'byor ba'i gnas mkha' spyod thugs kyi 'khor lo yid lhung lha mtsho'i sman ljongs nags kyi dga' tshal nas gtan la phab pa 'dis kyang 'od gsal rdo rje snying po'i bstan pa la bya ba mchog tu byed par gyur cig/___/_
