JKCL-KABUM-09-TA-024-wylie
rang snang 'og min mngon dga'i zhing :__rgyan bkod phun sum tshogs pa'i dbus:__chos 'byung pad nyi bam ro'i steng :__a ma yum chen sher phyin ni:__rdo rje mkha' 'gro gar mkhan ma:__sku mdog dmar skya khro chags nyams:__zhal gcig phyag gnyis spyan gsum pa:__mche ba'i smyu gu cung zad gtsigs:__phyag g.yas gri gug dkur g.yas brten:__g.yon pas thod khrag bkang ba bsnams:__sku la rus pa'i rgyan drug gsol:__zhabs gnyis gar stabs bsgyur bzhin du:__bcu drug bde ba'i lang tshos sgeg:__gnas gsum yig 'brus mtshan pa las:__rang 'dra'i ye shes spyan drangs bstim:__a:__rdo rje mkha' 'gro gar mkhan ma:__'dir gshegs gdan la bzhugs su gsol:__phyag 'tshal mchod bstod dngos grub stsol:__oM badz+ra DA ki nI sa pa ri wA ra ar+g+haM nas/__shab+da pany+tsa a mr-i ta rak+ta ba lin+ta sarba pU dza hoHmkha' 'gro'i thugs kar pad nyi'i steng :__rje btsun sgrol ma tshon gang ba:__gcer bu rgyan med pa sku mdog ljang nag zhi la khro'i nyams can bzhugs stangs g.yas bskum g.yon brkyang ngo /__/de'i thugs kar pad nyi'i steng :__sa bon a mthing ka'i mthar sngags phreng dmar po mchan/__sngags kyi phreng bas bskor:__bzlas pas spro bsdus don gnyis byas:__byin rlabs dngos grub stsol bar dmigs:__oM badz+ra tA re DA ki nI sarba sid+d+hi hU~M:__zhes bzlas tshad du skyol ba dang :__rtags mthong dngos grub blang bar bya:__sngon rjes rim pa spyi ltar ro:__gu h+ya:__:::__
