བློ་སྦྱོང་དོན་བདུན་མའི་ཟིན་བྲིས།

🚧 This website is under continued development. We appreciate your patience!

Previous Text Back to Volume PageNext Text

Wylie title	blo sbyong don bdun ma'i zin bris
Location	chos kyi blo gros bka' 'bum Volume 9, Text 18, Pages 401-407 (Folios 1a to 4a5)
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Source Author(s)	འཆད་ཁ་བ་ ('chad kha ba)
Citation	'jam dbyangs mkhyen brtse chos kyi blo gros. blo sbyong don bdun ma'i zin bris. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 9: 401-407. Bir, H.P.: Khyentse Labrang, 2012.
Genre	Notes - zin bris
Lotsawa House Link	https://www.lotsawahouse.org/tibetan-masters/jamyang-khyentse-chokyi-lodro/notes-on-seven-points-mind-training

Tibetan Text

Wylie

[edit]

༄༅། །བློ་སྦྱོང་དོན་བདུན་མའི་ཟིན་བྲིས་བཞུགས་སོ། ། བླ་མ་དྷརྨ་རཀྵི་ཏ། ལྟ་བ་ཉན་ཐོས་བྱེར་སྨྲ། ལུང་གཡུག་ས་གསུམ་གྱི་ཕྲེང་བ། རིག་པ་ལྟ་ཡངས་ཀྱི་མདོ་སྡེ་སྐྱེས་རབས། བྱམས་པའི་རྣལ་འབྱོར་འདི་ཀུ་སུ་ལུ་ཆུང་བ་ཡིན། འདི་ལྟ་བ་མི་གནས་པ། ལུང་ནམ་མཁའི་སྙིང་པོ། རིག་པ་བསླབ་བཏུས་སྤྱོད་འཇུག །གསེར་གླིང་པ་ལྟ་བ་བདག་འཛིན་མི་སྤང་བར་རྒྱུ་མཚན་བྱས། སྤྱོད་པ་མུ་སྟེགས་དང་ཐུན་མོང་། ལུང་དྲི་མེད་གྲང་ཞུ། རིག་པ་བྱང་ཆུབ་སེམས་དཔའི་རྗེས་འབྲང་། བྱམས་པ་ནས་བརྒྱུད། དྲི་མེད་གྲགས་མདོ་ལས། འཇིགས་ཚོགས་ལ་ལྟ་བ་སངས་རྒྱས་ཀྱི་གདུང་ཡིན་ནོ། །གསེར་གླིང་པས། དང་པོ་བདག་གཞན་མཉམ། དེ་ནས་བརྗེ་བ་བསྒོམས་པ་ཡིན། སྤྱན་སྔ་རིན་པོ་ཆེས་གསུངས། འགྲོམ་སྟོན་གྱི་ཞལ་ནས། གསེར་གླིང་པས་དང་པོ་ཉིད་ནས་བརྗེ་བ་བསྒོམས་པ་ཡིན་གསུངས། དོན་བདུན་ཚིག་གི་ཆོས་རྣམས་རྨི་ལམ་ལྟ་བུར་བསླབ། མ་སྐྱེས་རིག་པའི་གཤིས་ལ་བསྐྱེད། གཟུང་འཛིན་རང་བཞིན་མེད་པར་སྟོན། གཉེན་པ་ཉིད་ཀྱང་རང་སར་གྲོལ། ཆོས་ཐམས་ཅད་རང་བཞིན་མེད་པར་སྟོན། ངོ་བོ་ཀུན་གཞིའི་ངང་ལ་བཞག །ཡུལ་ཡུལ་ཅན་གྱི་རྟོགས་པས་མ་བསླད་པར། དངོས་གཞི་འོད་གསལ་ཞེས་བྱ། ཐུན་མཚམས་སྒྱུ་མའི་སྐྱེས་བུར་བྱ། མཉམ་བཞག་གི་ཉམས་ལེན་རྗེས་ཐོབ་ཏུ་མ་བྲལ་བ་བདེན་མེད་སྒྱུ་མ་ལྟ་བུར་སྦྱངས། དེ་ལྟར་བསྒྲུབས་པ་སོགས་ཚིགས་བཞིའི་ཕན་ཡོན་བསྟན། ཀུན་རྫོབ་བྱང་སེམས་བསྒོམ་པ་ལ་གཏོང་ལེན་གཉིས་པོ་སྤེལ་བར་སྦྱངས། བྱམས་སྙིང་རྗེ་བསྒོམས་པ་ཐོག་མར་བསྟན། དེ་གཉིས་རླུང་ལ་བསྐྱོན་པར་བྱ། སྦྱངས་ལུགས་དངོས་བསྟན། རྗེས་ཡུལ་གསུམ་དུག་གསུམ་དགེ་རྩ་གསུམ་ཞེས་པའི་སྤྱོད་ཡུལ་ལམ་ཁྱེར་བསྟན། སྤྱོད་ལམ་ཀུན་ཏུ་ཚིག་གི་སྦྱངས། སྣོད་བཅུད་སྡིག་པས་གང་བའི་ཚེ། རྐྱེན་ངན་བྱང་ཆུབ་ལམ་དུ་སྒྱུར། རྐྱེན་ངན་གྲོགས་སུ་ཁྱེར་བར་བསྟན། ཀུན་ལ་བཀའ་དྲིན་ཆེ་བར་བསྒོམས། སེམས་ཅན་ལ་དྲིན་ཆེ་བར་བཟུང་ལ་གཅེས་པར་བལྟ་བ་བསྟན། འདི་ལ་ཤ་ཁྱེར་ཁྲག་ཁྱེར་གྱི། གདམས་པ་ཡང་ཟེར། དོན་དམ་བྱང་སེམས་ཀྱི་རྐྱེན་ངན་ལམ་སློང་། ལྟ་བ་གསུམ་དང་ནས་ཚིགས་བཞིའི་བསྟན། སྡུག་བསྔལ་མེད་ན་ངེས་འབྱུང་མེད། །སྐྱོ་བས་དྲེག་པ་སེལ་བར་བྱེད། །འཁོར་བ་པ་ལ་སྙིང་རྗེ་སྐྱེ། །དང་པོས་ངེས་འབྱུང་། གཉིས་པས་བཀའ་དྲིན་ཆེ་བར་བསྒོམས། གསུམ་པས་སྙིང་རྗེ་བསྟན། སྦྱོར་བ་བཞི་ལྡན་ཐབས་ཀྱི་མཆོག །ཞེས་པས་བསགས་སྦྱངས་བསྟན་ནས་བྱང་སེམས་སྦྱངས་ཚུལ་བསྟན། དེ་ཡང་དང་པོ་ཚོགས་བསགས། གཉིས་པ་སྡིག་སྦྱོང་། གསུམ་པ་གདོན་ལ་མཆོད། གནོད་བྱེད་ལ་གཏོར་མ་སྦྱིན། བཞི་པ་ཆོས་སྐྱོང་མཆོད། །མན་ངག་སྙིང་པོ་མདོར་བསྡུས་པ། །སྟོབས་ལྔ་དག་ལ་སྦྱང་བར་བྱ། །ཞེས་པས་ཚེ་གཅིག་གི་མན་ངག་དྲིལ་ནས་བསྟན། དེ་ཡང་འཕན་པ། གམས་པ། དཀར་པོ་ས་བོན་གྱི་སྟོབས་སུན་ཕྱིན། སྨོན་ལམ་གྱི་སྟོབས་དང་ལྔའོ། །སྟོབས་ལྔ་ཉིད་ཡིན་སྤྱོད་ལམ་གཅེས། ཞེས་པས་འཆི་ཁ་འཕོ་བའི་གདམས་ངག་བསྟན། སྤྱོད་ལམ་སྣ་བུག་གཡས་བཀག །གཡོན་དུ་དད་འཆི་པར་བྱ། ཆོས་ཀུན་དགོངས་པ་གཅིག་ཏུ་འདུས། ཞེས་པས་བློ་སྦྱོང་གི་ཚད་བསྟན། དཔང་པོ་གཉིས་ཀྱི་གཙོ་བོར་བཟུང་། ཞེས་པས་རང་གཞན་གྱིས་མི་ཁྲེལ་པའི་དཔང་པོ་གཉིས་སོ། །ཡིད་བདེ་འབའ་ཞིག་རྒྱུན་དུ་བསྟན། ཞེས་པས་མི་འདོད་པ་ཅི་བྱུང་ཡང་གྲོགས་སུ་འཆར་ན་བློ་འབྱོངས་པའི་ཚད་གཅིག །ཡེང་ཀྱང་ཐུབ་ན་འབྱོངས་པར་ཡིན། རྟག་པ་རྩལ་ཆེན་གྱིས་དཔེས་བློ་འབྱོངས་པའི་ཚད་གཅིག །སྤྱི་དོན་གསུམ་ལ་རྟག་ཏུ་བསླབ། ཞེས་པས་ཁས་བླངས། ཐོ་ཅོ་ཕྱོགས་རེ་མ་སོང་བ་གསུམ་མོ། །འདུན་པ་བསྒྱུར་ལ་རང་སར་བཞག །བདག་གཞན་བརྗེ་བའི་རྣལ་འབྱོར་བསྒོམས་པ་དང་མ་བྲལ་བའི་སྒོ་ནས་ལུས་ཀྱི་སྤྱོད་པ་སོ་ཐུབ་པ་བྱ་ཚུལ་བསྟན། ཡན་ལག་ཉམས་པར་བརྗོད་མི་བྱ། ཞེས་པས་སྐྱོན་དག་སྤང་བར་བསྟན། འབྲས་བུ་རེ་བ་ཐམས་ཅད་སྤང་། །ཞེས་པས་རྣམ་སྨིན་གྱི་རེ་བ་སྤང་བར་བསྟན། དུག་ཅན་གྱི་ཟས་སྤང་། ཞེས་པས་བདེན་འཛིན་སྤང་། ཤག་ངན་མ་དགོད། ཅེས་པས་ཚིག་རྩུབ་སྤང་། འཕྲང་མ་བསྒུག །ཞེས་པས་ཞེ་བཞག་སྤང་། མཛོ་ཁལ་གླང་ལ་མི་འཇོ། ཞེས་པས་འཁོན་སྤང་། མགྱོགས་ཀྱི་རྩེ་མ་གཏོང་། ཞེས་པས་འདོད་པའི་དངོས་པོ་ཐབས་ཀྱི་རང་ལ་བསྒྱུར་བ་སྤང་། གཏོ་ལོག་མི་བྱ། ཞེས་པས་བློ་སྦྱོངས་རང་འཁྲས་མ་ཚོད་པ་སྤང་། ལྷ་བདུད་ཏུ་མི་དབབ། ཞེས་པས་གཞན་ལ་རས་ཆོད་དང་བརྙས་ཆོས་བྱེད་པ་སྤང་། དཔེ་དོན་གཉིས་ཡོད། སྐྱིད་ལན་སྡུག་མ་འཚོལ། ཞེས་པའི་རང་སྐྱིད་ཏུ་རེ་བས་གཞན་ལ་སྡུག་བྱུང་ན་དགའ་བ་སྤང་། རྣལ་འབྱོར་ཐམས་ཅད་གཅིག་གི་བྱ། ཞེས་པས་བློ་སྦྱོང་གི་ཆོས་གཅིག་པུའི་ཆོག་པར་བསྟན། ལོག་གནོན་ཐམས་ཅད་གཅིག་གི་བྱ། ཞེས་བློ་སྦྱོང་སྙིང་མི་འདོད་པ་སོང་ན་བསྒོམ་ལོག་པ་ཡིན་པས་སླར་ནན་ཏན་ཏུ་སྤྱོད་པར་བརྟན་ཐོག་མཐའ་གཉིས་ལ་བྱ་བ་བསྟན། བླ་མའི་གདམས་ངག་དྲན་པར་བྱ། ཞེས་པས་ནངས་པར་བདག་འཛིན་གྱི་མ་གོས་པའི་འཕེན་པ་བཏང་། ནུབ་མོ་དེ་བྱས་དེ་ནས་དེ་བྱས་སོ་སྙམ་པས། འགལ་ན་བཤགས་པ་བྱ། མ་འགལ་ན་དགའ་བ་བསྒོམ་བསྔོ་སྨོན་བྱའོ། །གཉིས་པོ་གང་བྱུང་བཟོད་པར་བྱ། ཞེས་པས་མཐོ་དམན་དང་སྐྱིད་སྡུག་ཅི་བྱུང་ཡང་། ཁེང་དྲེག་དང་ཡི་མུག་མི་བྱ། གཉིས་པོ་སྲོག་དང་བསྡོམ་ནས་བཟུང་། ཞེས་པས་ཆོས་སྤྱི་ཡི་དམ་ཚིག་དང་། བློ་སྦྱོངས་གི་དམ་ཚིག་གཉིས་མ་ཉམས་པར་བསྟན། དཀའ་བ་གསུམ་ལ་བསླབ་པར་བྱ། ཉོན་མོངས་སྤང་བ་ནི་གཉེན་པོ་དྲན་དཀའ། ལྡོག་དཀའ། རྒྱུན་གཅོད་པར་དཀའ་བ་སྟེ་མི་དཀའ་བར་བསླབ། རྒྱུ་ཡི་གཙོ་བོ་རྣམ་གསུམ་བླངས། ཞེས་པས་བླ་མའི་གདམས་ངག་རྒྱུད་ལ་སྐྱེད་བ་དང་། སྐྱོ་ཤས་ཆེ་བ་དང་། མཐུན་རྐྱེན་འཛོམས་པ་གསུམ་བསྟན། ཉམས་པ་མེད་པ་རྣམ་གསུམ་བསྒོམ། ཞེས་པས་དད་གུས་མ་ཉམས་པ། སྤྲོ་བ་མི་ཉམས་པ། བག་ཡོད་མ་ཉམས་པ་གསུམ་ལ་བསླབ། །འབྲལ་མེད་གསུམ་དང་ལྡན་པར་བྱ། ཞེས་བས་ལུས་ངག་ཡིད་གསུམ་དགེ་སྦྱོར་ངང་མ་བྲལ་བར་བསྟན། བཀོལ་བ་རྣམས་ལ་རྟག་ཏུ་སྦྱོང་། ཞེས་པས་རང་ལ་ཚུལ་གནས་པ་དང་། ཡིད་དུ་མི་འོང་བ་རྣམས་ལ་ལྷག་པར་སྙིང་གི་དུམ་བུ་བཞིན་དུ་བསམ་ལ་སྦྱོང་། ཡུལ་གཉན་པ་རྣམས་ལ་རྣམ་སྨིན་བསམ་གྱིས་མི་ཁྱབ་པས་ཁྱད་པར་དུ་བཀོལ་ལ་སྦྱོང་། སྐྱེ་བ་གཞན་དག་ལ་ལྟོས་མི་བྱ། ཞེས་པས་མཐུན་རྐྱེན་མ་འཛོམ་ན་མ་འཛོམ་པ་དེ་ཆོས་འདིའི་རྒྱུ་ཡིན་པར་གོ །ད་རེས་གཙོ་བོ་ཉམས་སུ་བླང་། ཞེས་པས་ཚེ་ཕྱི་མའི་དོན་སྒྲུབ་པ་གཙོ། བྱང་སེམས་སྦྱོང་བའི་སྒྲུབ་པ་གཙོ། བླ་མའི་མན་ངག་གཙོ། མལ་དུ་བསྡོད་པ་གཙོ། གོ་ལོག་མི་བྱ། ཞེས་པས། བཟོད་པ། འདུན་པ། རོ་མྱོང་། སྙིང་རྗེ། གཉེར་སེམས། ཡིད་རངས་ཏེ་དྲུག་པོ་དེ་རྣམས་སྤང་། རས་འཇོག་མི་བྱ་ཞེས་པས་། རེས་བཟླས་པ། རེས་བློ་སྦྱོང་སོགས་མི་བྱ། དེ་ལ་བློ་སྦྱོང་ཚོད་མི་བྱེད་པ་བློ་ཐག་ཆོད་པས་སྦྱོང་། རྟོག་དཔྱོད་གཉིས་ཀྱི་ཐལ་བར་བྱ། ཞེས་པས་འདས་མ་འོང་གཉིས་ཀྱི་ཚུལ་ལུགས་ཀྱིས་ཉོན་མོངས་པ་སྤང་བ་ལ་ནན་ཏན་བྱ་བར་བསྟན། ཡུས་མི་བསྒོམ་ཞེས་པ། ཡུས་ཀྱི་སྣོན་པ་དང་། ང་རྒྱལ་ཆེ་བར་མི་བྱ། གཉེན་པོ་བསྟན་པ་གཉིས་ཀྱི། ཀོ་ལོང་མི་བསྡོམས་ཞེས་པ། ངན་ལན་མི་བྱ། ཡུད་ཙམ་པ་མི་བྱ་ཞེས་པ། ངོ་མི་རྟག་བ་རེ་ལ་རྣམ་འབྱོར་བསྟན་པ་སྤང་། འོལ་ཆེ་མ་འདོད་ཞེས་པ། ཚིག་གི་གཏང་རག་བཏང་བ་སོགས་སྙན་གྲགས་འདོད་པ་སྤང་། སྙིགས་མ་ལྔ་པོ་བདོ་བ་འདི། བྱང་ཆུབ་ལམ་དུ་བསྒྱུར་བར་ཡིན། ཞེས་པས་ཕན་ཡོན་བསྟན། རང་གི་མོས་པ་སོགས་ཚིག་བཞིའི་དཀའ་བ་རང་གིས་ཉམས་སུ་ལེན་པའི་ཚུལ་བསྟན་པ་རྫོགས་སོ།། །།

[edit]

@#/__/blo sbyong don bdun ma'i zin bris bzhugs so/__/ bla ma d+harma rak+Shi ta/__lta ba nyan thos byer smra/__lung g.yug sa gsum gyi phreng ba/__rig pa lta yangs kyi mdo sde skyes rabs/__byams pa'i rnal 'byor 'di ku su lu chung ba yin/__'di lta ba mi gnas pa/__lung nam mkha'i snying po/__rig pa bslab btus spyod 'jug__/gser gling pa lta ba bdag 'dzin mi spang bar rgyu mtshan byas/__spyod pa mu stegs dang thun mong /__lung dri med grang zhu/__rig pa byang chub sems dpa'i rjes 'brang /__byams pa nas brgyud/__dri med grags mdo las/__'jigs tshogs la lta ba sangs rgyas kyi gdung yin no/__/gser gling pas/__dang po bdag gzhan mnyam/__de nas brje ba bsgoms pa yin/__spyan snga rin po ches gsungs/__'grom ston gyi zhal nas/__gser gling pas dang po nyid nas brje ba bsgoms pa yin gsungs/__don bdun tshig gi chos rnams rmi lam lta bur bslab/__ma skyes rig pa'i gshis la bskyed/__gzung 'dzin rang bzhin med par ston/__gnyen pa nyid kyang rang sar grol/__chos thams cad rang bzhin med par ston/__ngo bo kun gzhi'i ngang la bzhag__/yul yul can gyi rtogs pas ma bslad par/__dngos gzhi 'od gsal zhes bya/__thun mtshams sgyu ma'i skyes bur bya/__mnyam bzhag gi nyams len rjes thob tu ma bral ba bden med sgyu ma lta bur sbyangs/__de ltar bsgrubs pa sogs tshigs bzhi'i phan yon bstan/__kun rdzob byang sems bsgom pa la gtong len gnyis po spel bar sbyangs/__byams snying rje bsgoms pa thog mar bstan/__de gnyis rlung la bskyon par bya/__sbyangs lugs dngos bstan/__rjes yul gsum dug gsum dge rtsa gsum zhes pa'i spyod yul lam khyer bstan/__spyod lam kun tu tshig gi sbyangs/__snod bcud sdig pas gang ba'i tshe/__rkyen ngan byang chub lam du sgyur/__rkyen ngan grogs su khyer bar bstan/__kun la bka' drin che bar bsgoms/__sems can la drin che bar bzung la gces par blta ba bstan/__'di la sha khyer khrag khyer gyi/__gdams pa yang zer/__don dam byang sems kyi rkyen ngan lam slong /__lta ba gsum dang nas tshigs bzhi'i bstan/__sdug bsngal med na nges 'byung med/__/skyo bas dreg pa sel bar byed/__/'khor ba pa la snying rje skye/__/dang pos nges 'byung /__gnyis pas bka' drin che bar bsgoms/__gsum pas snying rje bstan/__sbyor ba bzhi ldan thabs kyi mchog__/zhes pas bsags sbyangs bstan nas byang sems sbyangs tshul bstan/__de yang dang po tshogs bsags/__gnyis pa sdig sbyong /__gsum pa gdon la mchod/__gnod byed la gtor ma sbyin/__bzhi pa chos skyong mchod/__/man ngag snying po mdor bsdus pa/__/stobs lnga dag la sbyang bar bya/__/zhes pas tshe gcig gi man ngag dril nas bstan/__de yang 'phan pa/__gams pa/__dkar po sa bon gyi stobs sun phyin/__smon lam gyi stobs dang lnga'o/__/stobs lnga nyid yin spyod lam gces/__zhes pas 'chi kha 'pho ba'i gdams ngag bstan/__spyod lam sna bug g.yas bkag__/g.yon du dad 'chi par bya/__chos kun dgongs pa gcig tu 'dus/__zhes pas blo sbyong gi tshad bstan/__dpang po gnyis kyi gtso bor bzung /__zhes pas rang gzhan gyis mi khrel pa'i dpang po gnyis so/__/yid bde 'ba' zhig rgyun du bstan/__zhes pas mi 'dod pa ci byung yang grogs su 'char na blo 'byongs pa'i tshad gcig__/yeng kyang thub na 'byongs par yin/__rtag pa rtsal chen gyis dpes blo 'byongs pa'i tshad gcig__/spyi don gsum la rtag tu bslab/__zhes pas khas blangs/__tho co phyogs re ma song ba gsum mo/__/'dun pa bsgyur la rang sar bzhag__/bdag gzhan brje ba'i rnal 'byor bsgoms pa dang ma bral ba'i sgo nas lus kyi spyod pa so thub pa bya tshul bstan/__yan lag nyams par brjod mi bya/__zhes pas skyon dag spang bar bstan/__'bras bu re ba thams cad spang /__/zhes pas rnam smin gyi re ba spang bar bstan/__dug can gyi zas spang /__zhes pas bden 'dzin spang /__shag ngan ma dgod/__ces pas tshig rtsub spang /__'phrang ma bsgug__/zhes pas zhe bzhag spang /__mdzo khal glang la mi 'jo/__zhes pas 'khon spang /__mgyogs kyi rtse ma gtong /__zhes pas 'dod pa'i dngos po thabs kyi rang la bsgyur ba spang /__gto log mi bya/__zhes pas blo sbyongs rang 'khras ma tshod pa spang /__lha bdud tu mi dbab/__zhes pas gzhan la ras chod dang brnyas chos byed pa spang /__dpe don gnyis yod/__skyid lan sdug ma 'tshol/__zhes pa'i rang skyid tu re bas gzhan la sdug byung na dga' ba spang /__rnal 'byor thams cad gcig gi bya/__zhes pas blo sbyong gi chos gcig pu'i chog par bstan/__log gnon thams cad gcig gi bya/__zhes blo sbyong snying mi 'dod pa song na bsgom log pa yin pas slar nan tan tu spyod par brtan thog mtha' gnyis la bya ba bstan/__bla ma'i gdams ngag dran par bya/__zhes pas nangs par bdag 'dzin gyi ma gos pa'i 'phen pa btang /__nub mo de byas de nas de byas so snyam pas/__'gal na bshags pa bya/__ma 'gal na dga' ba bsgom bsngo smon bya'o/__/gnyis po gang byung bzod par bya/__zhes pas mtho dman dang skyid sdug ci byung yang /__kheng dreg dang yi mug mi bya/__gnyis po srog dang bsdom nas bzung /__zhes pas chos spyi yi dam tshig dang /__blo sbyongs gi dam tshig gnyis ma nyams par bstan/__dka' ba gsum la bslab par bya/__nyon mongs spang ba ni gnyen po dran dka'/__ldog dka'/__rgyun gcod par dka' ba ste mi dka' bar bslab/__rgyu yi gtso bo rnam gsum blangs/__zhes pas bla ma'i gdams ngag rgyud la skyed ba dang /__skyo shas che ba dang /__mthun rkyen 'dzoms pa gsum bstan/__nyams pa med pa rnam gsum bsgom/__zhes pas dad gus ma nyams pa/__spro ba mi nyams pa/__bag yod ma nyams pa gsum la bslab/__/'bral med gsum dang ldan par bya/__zhes bas lus ngag yid gsum dge sbyor ngang ma bral bar bstan/__bkol ba rnams la rtag tu sbyong /__zhes pas rang la tshul gnas pa dang /__yid du mi 'ong ba rnams la lhag par snying gi dum bu bzhin du bsam la sbyong /__yul gnyan pa rnams la rnam smin bsam gyis mi khyab pas khyad par du bkol la sbyong /__skye ba gzhan dag la ltos mi bya/__zhes pas mthun rkyen ma 'dzom na ma 'dzom pa de chos 'di'i rgyu yin par go__/da res gtso bo nyams su blang /__zhes pas tshe phyi ma'i don sgrub pa gtso/__byang sems sbyong ba'i sgrub pa gtso/__bla ma'i man ngag gtso/__mal du bsdod pa gtso/__go log mi bya/__zhes pas/__bzod pa/__'dun pa/__ro myong /__snying rje/__gnyer sems/__yid rangs te drug po de rnams spang /__ras 'jog mi bya zhes pas /__res bzlas pa/__res blo sbyong sogs mi bya/__de la blo sbyong tshod mi byed pa blo thag chod pas sbyong /__rtog dpyod gnyis kyi thal bar bya/__zhes pas 'das ma 'ong gnyis kyi tshul lugs kyis nyon mongs pa spang ba la nan tan bya bar bstan/__yus mi bsgom zhes pa/__yus kyi snon pa dang /__nga rgyal che bar mi bya/__gnyen po bstan pa gnyis kyi/__ko long mi bsdoms zhes pa/__ngan lan mi bya/__yud tsam pa mi bya zhes pa/__ngo mi rtag ba re la rnam 'byor bstan pa spang /__'ol che ma 'dod zhes pa/__tshig gi gtang rag btang ba sogs snyan grags 'dod pa spang /__snyigs ma lnga po bdo ba 'di/__byang chub lam du bsgyur bar yin/__zhes pas phan yon bstan/__rang gi mos pa sogs tshig bzhi'i dka' ba rang gis nyams su len pa'i tshul bstan pa rdzogs so//__//