JKCL-KABUM-09-TA-016

From Khyentse Lineage - A Tsadra Foundation Project

སྒྱུ་འཕྲུལ་ཞི་བ་རིན་ཆེན་དྲྭ་བའི་མཆན་འགྲེལ་མི་བསྐྱོད་རྡོ་རྗེའི་དགོངས་རྒྱན།
Wylie title sgyu 'phrul zhi ba rin chen drwa ba'i mchan 'grel mi bskyod rdo rje'i dgongs rgyan JKCL-KABUM-09-TA-016.pdf
Location chos kyi blo gros bka' 'bum
Volume 9, Text 16, Pages 163-296 (Folios 1a to 67b6)
Author འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Source Author(s) སངས་རྒྱས་གསང་བ་ (Buddhaguhya)
Citation 'jam dbyangs mkhyen brtse chos kyi blo gros. sgyu 'phrul zhi ba rin chen drwa ba'i mchan 'grel mi bskyod rdo rje'i dgongs rgyan. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 9: 163-296. Bir, H.P.: Khyentse Labrang, 2012.
Genre Commentary with Annotations - mchan 'grel
Colophon

།ཅེས་སློབ་དཔོན་ཆེན་པོ་སངས་རྒྱས་གསང་བས་མཛད་པའི་ཞི་བ་རིན་ཆེན་དྲྭ་བའི་བསྟན་བཅོས་ལ་དབུས་གྲུ་མཁས་པ་སྨོན་ལམ་སེངྒེའི་མཆན་ཏིག་རྩ་མཆན་སྡེབས་ཤིང་བསྡུས་དོན་དཀྱུས་སུ་བཀོད་དེ་འཇམ་དབྱངས་ཆོས་ཀྱི་བློ་གྲོས་པས་གསལ་བར་བྱས་པའི་ཡི་གེའི་མཐུན་འགྱུར་མགོ་ཚ་མཁན་སྡེ་སྣོད་འཛིན་པ་གཞན་ཕན་བཟང་པོས་བགྱིས་པ་འདིས་ཀྱང་གསང་བ་སྙིང་པོའི་བསྟན་པ་རིན་པོ་ཆེ་ཕྱོགས་བཅུར་འཕེལ་བའི་རྒྱུར་གྱུར་ཅིག། །། སརྦ་དཱ་མངྒ་ལཾ།།

/ces slob dpon chen po sangs rgyas gsang bas mdzad pa'i zhi ba rin chen drwa ba'i bstan bcos la dbus gru mkhas pa smon lam seng+ge'i mchan tig rtsa mchan sdebs shing bsdus don dkyus su bkod de 'jam dbyangs chos kyi blo gros pas gsal bar byas pa'i yi ge'i mthun 'gyur mgo tsha mkhan sde snod 'dzin pa gzhan phan bzang pos bgyis pa 'dis kyang gsang ba snying po'i bstan pa rin po che phyogs bcur 'phel ba'i rgyur gyur cig/___//__sarba dA mang+ga laM//

":Property:textsubnumber|textsubnumber" can not be assigned to a declared number type with value 1.

[edit]
༄༅། །སྒྱུ་འཕྲུལ་ཞི་བ་རིན་ཆེན་དྲྭ་བའི་མཆན་འགྲེལ་མི་བསྐྱོད་རྡོ་རྗེའི་དགོངས་རྒྱན་ཅེས་བྱ་བ་བཞུགས་སོ། །

ན་མོ་གུ་རུ་བཛྲ་ས་ཏྭ་ཡེ། གཉིས་སུ་མི་ཕྱེད་རྡོ་རྗེའི་ཐུགས་ནི་ནམ་མཁའི་དབྱིངས་ལྟར་རབ་ཡངས་ཤིང་། །རྒྱ་མཚོ་ལྟ་བུར་ཟབ་པའི་གསུང་གིས་ཆོས་ཀྱི་སྒྲ་དབྱངས་རྟག་ཏུ་སྒྲོགས། །སྒྱུ་འཕྲུལ་བདེ་ཆེན་རྡོ་རྗེའི་སྐུ་ནི་ལོངས་སྤྱོད་ཡོངས་རྫོགས་འཁོར་ལོར་ཤར། །དཔལ་ལྡན་བླ་མ་རིགས་ཀུན་ཁྱབ་བདག་རྡོ་རྗེ་སེམས་དཔའི་ཞབས་ལ་འདུད། །ལུང་བསྟན་རྡོ་རྗེ་ཀུ་ཀུ་རཱ་ཛ་དང་། །སྒེག་རྡོར་སངས་རྒྱས་གསང་བ་བི་མ་ལ། །གཉགས་ལོ་སོ་ཟུར་གནུབས་དང་སྒྲོ་ཕུག་སོགས། །སྒྱུ་འཕྲུལ་བརྒྱུད་པའི་བླ་མ་རྣམས་ལ་འདུད། །ཀུན་བཟང་རྡོ་རྗེ་འཆང་གི་སྔགས་རྒྱུད་ཆེའི། །ཡང་རྩེ་གཉིས་མེད་སྒྱུ་འཕྲུལ་དྲྭ་བ་ཡི། །བསྐྱེད་རིམ་རྩ་བ་ཞི་བ་རིན་ཕྲེང་གི །མཆན་འགྲེལ་རིག་འཛིན་གྲུབ་པའི་གསུང་བཞིན་དབྱེ། །དེ་ལ་ཏནྟྲ་ཆེན་པོ་སྡེ་བཅོ་བརྒྱད་ཀྱི་རྩ་བའི་སྤྱི་རྒྱུད་སྒྱུ་འཕྲུལ་དྲྭ་བ་རྡོ་རྗེ་སེམས་དཔའ་གསང་བའི་སྙིང་པོའི་དཀྱིལ་འཁོར་གྱི་ལྷ་ཡི་མངོན་པར་རྟོགས་པ་ཞི་ཁྲོ་གཉིས་ལས་བདེ་གཤེགས་ཞི་བའི་ལྷ་སྔགས་རྒྱས་པར་བསྟན་པའི་ཞི་བ་རིན་ཆེན་དྲྭ་བ་ཞེས་པ་འདི་ཉིད་གང་ཞིག་རྡོ་རྗེ་ཐེག་པའི་བསྟན་པའི་ཤིང་རྟ་འཕགས་ཡུལ་པཎ་གྲུབ་རྒྱ་མཚོའི་གཙུག་རྒྱན་སློབ་དཔོན་ཆེན་པོ་སངས་རྒྱས་གསང་བས་མཛད་པ་འདི་ལ་གསུམ་སྟེ། ཀླད་དང་། གཞུང་དང་། མཇུག་གོ །དང་པོ་ཀླད་ལ་གསུམ་སྟེ། མཚན་དང་། ཕྱག་དང་། དམ་བཅའ་བའོ། །དང་པོ་ནི། ཞི་བ་རིན་ཆེན་དྲྭ་བ་ཞེས་བྱ་བ་སྟེ། ཐུགས་ཆོས་ཉིད་ཀྱི་ངང་ལས་དམིགས་པ་མེད་པའི་སྙིང་རྗེ་ཆེན་པོས་རྟག་ཏུ་ཞི་བ་དེ་ཡི་ངང་ལས་རྡོ་རྗེ་སེམས་དཔའ་མི་བསྐྱོད་རྒྱལ་པོ་ལ་སོགས་པ་ལོངས་སྤྱོད་རྫོགས་པ་ཆེན་པོ་དང་སྤྲུལ་པའི་སྐུར་སྣང་བ་དེ་ནི་སྲིད་དང་ཞི་བར་ནོར་བུ་རིན་པོ་ཆེ་ལྟར་འབྱུང་བར་དཀོན་པ་སོགས་ཡོན་ཏན་དྲུག་དང་ལྡན་ཞིང་འཁོར་འདས་ཀྱི་དཔལ་ཡོན་ཐམས་ཅད་དེ་ལས་འབྱུང་བ་དང་། དེའང་ཕྱོགས་དུས་རེས་འགའ་བ་མ་ཡིན་པར་བརྟན་གཡོ་ཀུན་ལ་ཁྱབ་ཅིང་འབྲེལ་བས་དྲྭ་བའམ་ཡང་ན་ཐབས་དང་ཤེས་རབ་གཉིས་སུ་མེད་པའི་དོན་གྱིས་ན་དྲྭ་བ་ཞེས་གསུངས་ལ་ཞེས་བྱ་བ་ནི་མཚན་དེ་སྐད་འདོགས་པ་དང་། དེ་ལྟར་མཚན་བསྟན་པའི་དགོས་པ་ནི་དབང་པོ་རབ་ཀྱིས་མཚན་བསྟན་པ་ཙམ་གྱིས་དབུ་ཞབས་ཀྱི་དོན་ཐམས་ཅད་ཁོང་དུ་ཆུད་པ་དང་། འབྲིང་ལ་མཚན་གྱི་དོན་བཤད་པས་དོན་གྱི་ཕྱོགས་ཙམ་ཁོང་དུ་ཆུད་པ་དང་། ཐ་མས་ཀྱང་སྨན་ལ་ཁ་བྱང་གདགས་པ་ལྟར་གླེགས་བམ་བཙལ་སླ་བའི་དགོས་པ་ཡོད་དོ། །གཉིས་པ་མཆོད་པར་བརྗོད་པའི་ཕྱག་ལ་ནི་གསུམ་སྟེ། དགོས་པའི་དོན། བསྡུས་པའི་དོན། ཚིག་གི་དོན་ནོ། །དང་པོ་དགོས་པའི་དོན་ལ་གསུམ་སྟེ། མན་ངག་རྩོམ་པ་ལ་བར་ཆད་ཀྱི་བགེགས་ཞི་བར་བྱ་བའི་དགོས་པ་དང་། ཡ་རབས་དམ་པ་དང་ཚུལ་བསྟུན་པའི་སྒོ་ནས་དད་པའི་རྒྱུར་འགྱུར་བའི་དགོས་པ་དང་། ཡི་དམ་གྱི་ལྷ་མི་གཡེལ་བའི་དགོས་པ་ཡོད་པའོ། །གཉིས་པ་བསྡུས་པའི་དོན་ནི་བཞི་སྟེ། ཡུལ་གང་ལ་འཚལ། གང་ཟག་གང་གིས་འཚལ། ཚུལ་ལམ་ཐབས་ཇི་ལྟར་འཚལ། འཚལ་བ་ལ་དོན་ཆེན་ཅི་ཡོད་དོ། །དེ་ལ་ཡུལ་གང་ལ་ཞེ་ན། དཔལ་ཀུན་ཏུ་བཟང་པོ་རྒྱལ་བ་དྲུག་པ་ལའོ། །གང་ཟག་གང་གིས་ན་སྔོན་བྱུང་དུ་སློབ་དཔོན་སངས་རྒྱས་གསང་བའོ། །རྗེས་འཇུག་ཏུ་བཤད་པ་པོ་རྣམས་ཀྱིས་སོ། །ཚུལ་ལམ་ཐབས་ནི་ལུས་གུས་པ་དང་ངག་སྙན་པ་དང་སེམས་དད་པ་དང་བཅས་ནས་བཙལ་བའོ། །བཙལ་བའི་དགོས་ཆེད་ནི་དོན་གྱི་ཕྱག་བཙལ་བས་རིག་པ་ཉིད་ཀུན་ཏུ་བཟང་པོར་རྟོགས་པའོ། །ཚིག་གི་ཕྱག་བཙལ་བས་མཆོག་དང་ཐུན་མོང་གི་རྒྱུར་འགྱུར་བའི་དོན་ནོ། །གསུམ་པ་ཚིག་གི་དོན་ནི། དེ་བཞིན་གཤེགས་པ་ཀུན་གྱི་བདག །ཡེ་ཤེས་རྒྱ་མཚོ་རབ་ཟབ་ཐུགས། །དཀྱིལ་འཁོར་ཡིད་བཞིན་འབྱུང་བའི་གཏེར། །རྡོ་རྗེ་ཡིད་ལ་ཕྱག་འཚལ་ཏེ། །ཞེས་སོ། །འདི་ལ་གཉིས་ཏེ་རྒྱུད་དང་དཀྱིལ་འཁོར་གྱི་བདག་པོ་ངོས་བཟུང་བ་དང་། དེའི་ཆེ་བ་ལ་སྐུ་ལྔ་ལྷུན་གྲུབ་ཏུ་བསྟན་པའོ།

།དང་པོ་རྒྱུད་དང་དཀྱིལ་འཁོར་གྱི་བདག་པོ་ངོས་བཟུང་བ་ལ་གསུམ་སྟེ། རང་བཞིན་དང་། དགོངས་སྤྱོད་དང་། ངོ་བོའོ། །དེ་དག་ནི་རིམ་པ་བཞིན་དུ་ཚིག་རྐང་སྔ་མ་གཅིག་དང་། དེ་ནས་རྐང་པ་གཉིས་དང་། ཕྱི་མ་ནི་ཚིག་རྐང་བཞི་པས་སྟོན་ལ། གཉིས་པ་དེའི་ཆེ་བ་སྐུ་ལྔ་ནི་ཚིག་རྐང་དང་པོས་ཆོས་སྐུ་དང་། ཡེ་ཤེས་རྒྱ་མཚོ་སོགས་ཀྱིས་ལོངས་སྐུ་དང་། ཐུགས་ཀྱིས་མངོན་པར་བྱང་ཆུབ་པའི་སྐུ་དང་། གཏེར་གྱིས་མི་འགྱུར་རྡོ་རྗེའི་སྐུ་དང་། དཀྱིལ་འཁོར་གྱིས་སྤྲུལ་པའི་སྐུ་སྟོན་པའོ། །ཚིག་དོན་དངོས་ནི། དེ༷་མ་ནོར་བཞི༷ན་མ་བཅོས། དེའི་ངང་དུ་གཤེ༷གས་པ༷་ནི་གཉིས་ཏེ། གྲོལ་ལམ་དུ་གཤེགས་པ་དང་། ཐབས་ལམ་དུ་གཤེགས་པའོ། །གྲོལ་ལམ་ནི་རང་བྱུང་ཡེ་ཤེས་སྐུ་ཉམས་སུ་བསྟར་བའོ། །ཐབས་ལམ་དུ་གཤེགས་པ་ནི་ལྷན་ཅིག་སྐྱེས་པའི་ཡེ་ཤེས་སྐུ་ཉམས་སུ་བསྟར་བའོ། །ཀུན༷་གྱི༷་ནི་དེ་བཞིན་གཤེགས་པ་ཐམས་ཅད་ཕྱིར་བསྡུས་པའོ། །བད༷ག་ནི་ཆོས་ཉིད་ཡེ་ནས་མ་བཅོས་མ་བསླད་པའི་དོན་ཇི་ལྟ་བར་རང་གིས་མངོན་སུམ་དུ་བྱས་པ་ནི་དཔལ་ཀུན་ཏུ་བཟང་པོ་ཕྱོགས་བཅུ་དུས་བཞིའི་དེ་བཞིན་གཤེགས་པ་ཐམས་ཅད་ཀྱི་བདག་ཉིད་རྒྱལ་བ་དྲུག་པ་སྟེ། དངོས་སུ་མཉམ་པ་ཉིད་ཀྱི་ཆོས་ཀྱི་སྐུའི་རང་བཞིན་དུ་གནས་པའོ། །ཡེ་ཤེས་ནི་གཉིས་ཏེ། གྲོལ་ལམ་རང་བྱུང་གི་ཡེ་ཤེས་ཆེན་པོ་དང་། ཐབས་ལམ་ལྷན་ཅིག་སྐྱེས་པའི་ཡེ་ཤེས་སོ། །དེ་གཉིས་ཇི་ལྟ་བར་རྟོགས་པས་ན་ཡེ༷་ཤེས༷་སོ། །དེའི་དཔེ་ནི་རྒྱ༷་མཚོ༷་སྟེ་གཏིང་དཔག་པར་དཀའ་བས་ཟབ་པའོ། །དེ་དང་ཀུན་བཟང་གི་ཐུགས་འདྲ་བས་ན་ཐུགས་སོ། །དེ་བས་ན་དེ་བཞིན་གཤེགས་པའི་ཐུགས་རང་བྱུང་གི་ཡེ་ཤེས་ནི་རབ༷་ཏུ་ཟབ༷་པའི་ཕྱིར་གདུལ་བྱས་དཔག་པར་དཀའ་བ་ནི་དཔེ་རྒྱ་མཚོ་ལྟ་བུའོ། །དེ་ནི་ལོངས་སྤྱོད་རྫོགས་སྐུར་འབྱུང་ངོ་། །ཐུགས་ཡང་དག་པའི་ཡེ་ཤེས་དེ་ལས་མ་གཡོས་པར་ཞི་བ་དང་ཁྲོ་བོའི་དཀྱིལ༷་འཁོར༷་ཐམས་ཅད་མ་ལུས་མ་བཙལ་བར་གདུལ་བྱ་ཡི་སྣང་བ་ལ་འབྱུང་བ་ནི། དཔེར་ན་ཡིད༷་བཞི༷ན་གྱི་ནོར་བུ་རིན་པོ་ཆེའི་གཏེར༷་དང་འདྲའོ། །དེ་ཡང་ཟད་མི་ཤེས་ཤིང་འདོད་དགུར་འབྱུང༷་བ༷་ནི་སྤྲུལ་པའི་སྐུའོ། །ཆོས་ཉིད་འདུས་མ་བྱས་པ་ཡིན་པས་ཐམས་ཅད་དུ་སྣང་བ་ནི་མ་བཙལ་བའི་ཕྱིར་ན་རྡོ༷་རྗེ༷་ཡིད་དོ། །དེ་ཡང་རྡོ་རྗེ་ནི་དཔལ་རྡོ་རྗེ་སེམས་དཔའ་སྟེ་དལ་གྱི་གཙོ་བོའོ། །ཡི༷ད་ནི་ཀུན་ཏུ་བཟང་པོ་སྟེ་རྒྱུད་ཀྱི་སྟོན་པའོ། །ལ༷་ནི་གཞི་སྟེ་དེ་གཉིས་ཡུལ་དུ་བྱས་པའོ། །ཕྱག༷་ནི་དོན་དང་ཚིག་ཏུ་བཙལ་བའོ། །སྟེ༷་ནི་ལྷག་མ་ཅན་གྱི་ཚིག་སྟེ། རྒྱུད་ཀྱི་དོན་བསྡུས་སྙིང་པོ་ཙམ་ཞིག་བཤད་པར་དམ་བཅའ་བ་དང་འབྲེལ་བ་ཡིན་ནོ། །གསུམ་པ་བཤད་པར་དམ་བཅའ་བ་ལ་གསུམ་སྟེ། དགོས་པའི་དོན་དང་། བསྡུས་པའི་དོན་དང་། ཚིག་གི་དོན་ནོ། །དགོས་པའི་དོན་ནི་དམ་བཅས་པས་གདུལ་བྱ་ཡལ་བར་མི་འདོར་བ་དང་། བསྟན་ཆོས་རྩོམ་པ་མཐར་ཕྱིན་པའི་དགོས་པ་ཡོད་དོ། །བསྡུས་པའི་དོན་ནི་གང་གིས་བཤད། གང་བཤད། ཚུལ་ལམ་ཐབས་ཇི་ལྟར་བཤད། བཤད་པའི་དགོས་པ་ཅི་ཡོད་པའོ། །དེ་ཡང་གང་གིས་བཤད་ན་སངས་རྒྱས་གསང་བས་བཤད་དོ། །གང་བཤད་ན་ཞི་བ་རིན་ཆེན་དྲྭ་བའོ། །ཚུལ་ལམ་ཐབས་ནི་ཕྱག་འཚལ་ནས་བཤད་པར་དམ་བཅའ་བའོ། །དགོས་པ་ནི་བདེ་བར་གཤེགས་པའི་སྙིང་པོ་མ་རིག་པར་རང་གི་རྣམ་རྟོག་གིས་བཅིངས་པའི་སེམས་ཅན་རྣམས་རང་བྱུང་གི་ཡེ་ཤེས་ཆེན་པོ་རྒྱུད་ལ་བསྐྱེད་པའི་དགོས་པ་ཡོད། །ཚིག་གི་དོན་ནི། ཨེ་མ་ཧོ་བདེ་གཤེགས་སྙིང་པོ་ལས། །རང་གི་རྣམ་རྟོག་ལས་ཀྱིས་བཅིངས། །རང་བྱུང་ཡེ་ཤེས་བསྐྱེད་པའི་ཕྱིར། །རྒྱུད་ཀྱི་དོན་བསྡུས་སྙིང་པོ་བརྩམ། །ཞེས་པ་སྟེ། ཨེ༷་མ༷འོ༷་ནི་ངོམ་ཞིང་ངོ་མཚར་བ་སྟེ་ངོ་གང་ལ་མཚར་ན་སེམས་ཅན་གྱི་སེམས་ཉིད་བདེ༷་བར་གཤེ༷གས་པའི་སྙིང༷་པོ༷ར་གནས་པ་དེ་མ་རྟོགས་པར་གནས་པ་དེ་ལ་ངོ་མཚར་བའོ། །དེ་བས་ན་ཁམས་གསུམ་ན་གནས་པའི་སེམས་ཅན་ལ་སྙིང་པོ་བྱང་ཆུབ་ཀྱི་སེམས་རང་ལ་རང་ཆས་སུ་ཡོད་ཀྱང་ངེས་པའི་ཤེས་པ་མ་སྐྱེས་པའི་ཕྱིར་དེ་ལ༷ས་འཁྲུལ་པ་ནི་ངོ་མཚར་ཏེ། སྙིང་པོ་བྱང་ཆུབ་ཀྱི་སེམས་མ་རྟོགས་པ་ཉིད་འཁོར་བར་བརྒྱུད་པའི་རྒྱུར་གྱུར་བའོ་ཞེས་འདིས་ནི་གཞི་རིག་པའི་གནས་ཐབས་བསྟན་ལ། བརྒྱུད་པའི་རྒྱུར་གྱུར་པ་དེ་ཁོ་ན་ར༷ང་གི༷་རྣམ༷་རྟོག༷་སྟེ་ལྷན་གཅིག་སྐྱེས་པའི་མ་རིག་པ་ཞེས་ཀྱང་བྱའོ། །རྒྱུ་དེ་ལ་རྐྱེན་ནི་ལ༷ས་དང་ཉོན་མོངས་པ་གཉིས་ཀྱི༷་དབང་གིས༷་རང་གི་རྒྱུད་བཅིང༷ས་ནས་འབྲས་བུ་འགྲོ་བ་རིགས་དྲུག་གི་རྟོག་པས་བཅིངས་ཏེ་ཐར་བའི་དུས་མེད་དོ་ཞེས་ལམ་རྐྱེན་གྱིས་འཁྲུལ་པ་བསྟན། འགྲོ་དྲུག་ནས་ཐར་དུས་མེད་པ་དེ་ལྟ་བུ་ལ་རང༷་བྱུང༷་ཡེ༷་ཤེས༷་ཀྱི་སྣང་བ་སྔར་མ་སྐྱེས་པ་དེ་སྐྱེད་པ་སྟེ་བསྐྱེད༷་པའི༷་ཕྱིར༷་སློབ་དཔོན་སངས་རྒྱས་གསང་བས་རྒྱུད་གསང་བ་སྙིང་པོའི་དོན་བསྡུས་ནས་རྩོམ་པའོ་ཞེས་འབྲས་བུའི་ཡེ་ཤེས་བསྐྱེད་ཐབས་བསྟན་ལ། ཇི་ལྟར་རྩོམ་ན་རྒྱུད༷་ཀྱི༷་དོ༷ན་ཞེས་སྦྱར་ཏེ་རྒྱུད་ནི་དཔལ་གསང་བའི་སྙིང་པོ་ལ་དེ་ཉིད་ཀྱི་དོན་ནི་བདུན་སྟེ། ལྟ་བ་དང་། སྤྱོད་པ་དང་། དབང་དང་། དམ་ཚིག་དང་། འཕྲིན་ལས་དང་། སྒྲུབ་པ་དང་། དལ་དང་། བདུན་གྱི་དོན་མན་ངག་འདིར་བསྡུས༷་པས་ན་མན་ངག་གི་སྙིང༷་པོ༷་ལྟ་བུའོ། །དེ་བས་ན་རྒྱུད་དོན་གྱི་མན་ངག་འདིར་བསྡུས་ནས་སྙིང་པོ་བརྩམ༷ས་སོ་ཞེས་རང་བཟོ་སྤངས་པའི་ཕྱིར་བསྡུས་པའི་རྒྱུད་ཀྱི་ཁུངས་བསྟན་པའོ།

།གཉིས་པ་གཞུང་གི་དོན་ལ་གསུམ་སྟེ། དང་པོ་སྔོན་དུ་བྱ་བའི་ལས་དང་། བར་དུ་ཏིང་ངེ་འཛིན་སྒོམ་པ་དང་། ཐ་མར་ཚོགས་སྒྲུབ་པའོ། །དང་པོ་སྔོན་དུ་བྱ་བའི་ལས་ལ་དྲུག་སྟེ། སྦྱིན་པའི་སྣོད་དང་། སྣོད་ངན་ལ་བྱིན་པའི་སྐྱོན་དང་། མཉམ་པའི་དམ་ཚིག་བསྲུང་བ་དང་། དངོས་གྲུབ་སེམས་ཡིན་པས་ལོགས་ན་མེད་པ་དང་། མཉམ་བཞག་བསྒོམས་པ་ལས་འབྲས་བུ་འབྱུང་བ་དཔེས་བསྟན་པ་དང་། བསྒོམ་པའི་གནས་བསྟན་པའོ། །དང་པོ་ནི། ཐོས་བསམ་བསྒོམས་ལ་རབ་སྦྱངས་པའི། །ཤེས་རབ་མིག་ལྡན་རྣམས་ཀྱིས་བཟུང་། །སྣོད་ལྡན་ངང་ཚུལ་བཟང་ལ་བསྟན། །ལུས་དང་ལོངས་སྤྱོད་གཏོང་ལ་སྦྱིན། །ཞེས་གསུངས་ཏེ་གཞི་རིག་པའི་གནས་ཐབས་བསྟན་པ་ནི་སོ་སོ་སྐྱེ་བོ་རིག་པའི་རྩལ་སྦྱོང་ན་ཤེས་རབ་རྣམ་པ་གསུམ་ནི་སྒྲ་དང་དོན་ཡུལ་དུ་བྱས་པ་ལས་སྐྱེ་བ་ཡིན་ཏེ། དེ་ཡང་སྒྲ་ཡུལ་དུ་བྱས་པ་ལས་ཐོས༷་པའི་ཤེས་རབ་སྐྱེ་བ་དང་། སྒྲ་དོན་གཉིས་ཀ་ཡུལ་དུ་བྱས་པ་ལས་བས༷མ་པའི་ཤེས་རབ་སྐྱེ་བ་དང་། སྒྲ་སྤངས་ནས་དོན་འབའ་ཞིག་ཡུལ་དུ་བྱས་པ་ལས་སྒོམ༷་པའི་ཤེས་རབ་སྐྱེའོ། །དེའི་དུས་སུ་སྣོད་ཀྱི་སྐྱོན་བཞི་སྤངས་ཏེ། སྣོད་ཁ་སྦུབ་དང་། གཞོག་རལ་དང་། ཞབས་རྡོལ་དང་། དུག་ཅན་ནོ། །དེ་བས་ན་དང་པོ་ཐོས་པའི་ཤེས་རབ། བར་དུ་བསམ་པའི་ཤེས་རབ། ཐ་མར་སྒོམ་པའི་ཤེས་རབ་སྟེ་ཐོས་བསམ་སྒོམ་གསུམ་ལ༷་བློ་ར༷བ་ཏུ་སྦྱང༷ས་པ༷འི་ཞེས་པའོ། །སྔོན་དུ་ཐེག་པ་འོག་མ་ལ་བློ་སྦྱང་བར་བསྟན་པ་ནི་དེ་ལྟར་ཤེས་རབ་གསུམ་གྱིས་ཐུན་མོང་གི་ཐེག་པ་ལ་ཚེ་སྔ་མའམ་སྔོན་དུ་བློ་སྦྱངས་བས་དུས་ད་ལྟ་ཤེས༷་ར༷བ་ཀྱི་མིག༷་དང་ལྡན༷་པའམ་བློ་མཆོག་ཏུ་གྱུར་པ་དེ་ལྟ་བུའི་གང་ཟག་རྣམ༷ས་ཀྱིས༷་འདི་ཟུང༷་ཞིག །དེ་མ་ཡིན་པའི་གཞན་སྦྱངས་པ་སྔོན་དུ་མ་སོང་བ་དང་ཤེས་རབ་དང་མི་ལྡན་པ་རྣམས་ཀྱིས་འདིའི་དོན་མི་རྟོགས་པའོ། །དེ་བས་ན་སྣོད༷་ལྡན༷་ངང༷་ཚུལ༷་བཟ༷ང་ལ༷་བ༷སྟན་ཞེས་བྱའོ། །དེ་རྣམས་ནི་སྦྱངས་པའི་ཡོན་ཏན་ནོ། །སྦྱངས་པ་ཅན་གྱི་གང་ཟག་དེ་ཉིད་སྣོད་དང་ལྡན་པར་བསྟན་པ་ནི། དེ་ལྟར་སྣོད་དང་ལྡན་པར་གྱུར་པ་དེ་ནི་ངང་རིང་བ་ཆུ་བོའི་རྒྱུན་ལྟ་བུ་སྟེ་བཟོད་པ་ཁྱད་པར་ཅན་ཐོབ་པ་དང་། ཚུལ་ཞི་བ་དགེ་སློང་གསར་པ་ལྟ་བུ་སྟེ་ཐོ་ཅོ་དང་བབ་ཅོལ་གྱི་སྤྱོད་པ་སྤངས་པ་དང་། རང་བཞིན་གྱིས་བཟང་བ་ཉི་མ་ལྟ་བུ་སྟེ་སེམས་ཅན་ལ་སྙིང་རྗེ་ཆེན་པོ་དང་ལྡན་པས་ཕྱོགས་སུ་འཛིན་པ་ཐམས་ཅད་སྤངས་པ་དང་། རིགས་བརྟན་པས་རི་བོ་ལྟ་བུ་སྟེ་གསང་བའི་ཐེག་པའི་སྒོར་ཞུགས་ནས་ཕྱིས་ཐེག་པ་དམན་པ་ལ་མི་ལྡོག་པ་དེ་ལྟ་བུ་ལ་ཆོས་བསྟན་པར་བྱའོ། །དེ་རྣམས་ནི་རང་བཞིན་གྱི་ཡོན་ཏན་ཡིན་ནོ། །སྤྱིར་ན་བླ་མ་མཉེས་པའི་ཡོ་བྱད་གསུམ་སྟེ། རབ་ཤེས་རབ་ཀྱིས་མཉེས་པ་དང་། འབྲིང་ལུས་ཀྱིས་མཉེས་པ་དང་། ཐ་མ་ལོངས་སྤྱོད་ཀྱིས་མཉེས་པའོ། །རབ་ནི་ཐེག་པ་འོག་མ་པ་ལ་བློ་སྦྱངས་པས་ཤེས་རབ་ཀྱི་སྤྱན་དང་ལྡན་པའོ། །འབྲིང་ནི་བླ་མ་ལ་ལུས་སྲོག་འབུལ་བའོ། །ཐ་མ་ནི་བླ་མ་ལ་ནོར་འབུལ་བའོ། །མདོར་ན་མཆེད་ལྕམ་དང་སློབ་དཔོན་གྱི་དོན་དུ་རང་གི་ལུས༷་དང༷་ལོང༷ས་སྤྱོད༷་གཏོང༷་ནུས་པ་སྟེ། དེ་ལྟ་བུའི་གང་ཟག་ལ༷་མན་ངག་འདི་སྦྱིན༷་ནོ། །དེས་ཀྱང་བླ་མ་མཉེས་པའི་ཡོན་འབུལ་ལོ། །གཉིས་པ་ནི། སློབ་དཔོན་མཉེས་པར་མ་བྱས་ཤིང་། །དབང་རྣམས་ཐོབ་པར་མ་བྱས་ན། །ཉན་པ་ལ་སོགས་བརྩོན་པ་རྣམས། །འབྲས་བུ་མེད་ཅིང་བརླག་པར་འགྱུར། །ཞེས་གསུངས་ཏེ་འདིར་ཚིག་རྐང་དང་པོས་དབང་སྒོ་ཡོན་གྱིས་འབྱེད་པ་དང་། གཉིས་པས་ཆོས་སྒོ་དབང་གིས་འབྱེད་པ་དང་། གསུམ་པས་དབང་རིམ་པར་ནོད་པ་དང་། བཞི་པས་དེ་རྣམས་མ་བྱས་ན་སྐྱོན་ཆེ་བར་བསྟན་པ་རྣམས་རིམ་པ་བཞིན་དུ་ཕྱིར་སློབ་དཔོན་ལ་དྲུག་སྟེ་སྤྱིའི་སློབ་དཔོན་དང་། འདྲེན་པའི་སློབ་དཔོན་དང་། དབང་བསྐུར་བའི་སློབ་དཔོན་དང་། །ཉམས་ཆགས་སྐོང་བའི་སློབ་དཔོན་དང་། །ཤེས་རྒྱུད་འགྲོལ་བའི་སློབ་དཔོན་དང་། མན་ངག་ལུང་གི་སློབ་དཔོན་ལས་འདིར་རྡོ་རྗེ་སློབ་དཔོན་དེ་ལ་རྡོ་རྗེ་སློབ༷་དཔོ༷ན་གྱི་ལུས་ངག་ཡིད་གསུམ་རྫས་དང་ཡོ་བྱད་ཤེས་རབ་རྣམ་པ་གསུམ་གྱིས་མཉེས༷་པ༷ར་མ༷་བྱས༷་ཤི༷ང་། དབ༷ང་རྣམ༷ས་ནི་དབང་བཅོ་བརྒྱད་དེ་ཕྱིའི་དབང་བཅུ་ནི་ཕན་དབང་དང་། ནང་དབང་ནི་ནུས་པའི་དབང་ལྔ་དང་། གསང་བའི་དབང་ནི་ཟབ་མོའི་དབང་གསུམ་སྟེ་དབང་བཅོ་བརྒྱད་པོ་རིམ་པར་ཐོབ༷་པ༷ར་མ༷་བྱས༷་ན་དབང་མ་ཐོབ་པར་གསང་བ་བླ་ན་མེད་པའི་དོན་ལ་ཉན༷་པ༷་དང་འཆད་པ་དང་འཕྲིན་ལས་དང་བསྒོམ་བསྒྲུབ་དང་། གཞན་གྱི་སློབ་དཔོན་བྱེད་པ་ལ༷་སོ༷གས་པར་བརྩོན༷་པ༷་རྣམས་ནི་གསང་སྔགས་ལ་རས་ཆོད་དང་གཟུ་ལུམ་སུ་འགྲོ་བས་དབང་ཐོབ་པ་ཅིས་ཀྱང་རབ་ཏུ་གཅེས་པར་གདམས་པའོ། །གཞན་དུ་དང་པོར་བླ་མ་མཉེས་པར་མ་བྱས། བར་དུ་དབང་མ་མནོས། ཐ་མར་རས་ཆོད་དང་གཟུ་ལུམ་སུ་བྱས་པས་ནི་ཚེ་འདིར་བྱས་པ་རྣམས་ནི་འབྲས༷་བུ༷་མེད༷་ཅིང༷་ཕྱི་མ་ལ་བྱས་པ་ཆུད་ཟོས་ཏེ་བཀའ་བཞིན་དུ་མ་སྤྱད་པས་འབྲས་བུ་ངན་སོང་དུ་སྐྱེ་ཞིང་བརླག༷་པ༷ར་འགྱུར༷་བས་ན་བདེ་གཤེགས་སྙིང་པོ་འཁོར་བར་གནས་པར་འགྱུར་བའོ། །དེ་བས་ན་ཤིན་ཏུ་སྐྱོན་ཆེ་བར་བསྟན་པའོ། །དེ་ལྟར་སྐྱོན་ཆེ་བ་དེ་བས་ན་འབྲས་བུ་ཆོས་སྐུ་ཐོབ་པར་འདོད་ན་རྐྱེན་བསྒོམ་བསྒྲུབ་ལ་རགས་ལས། དེ་ཆོས་སྒོ་ལ་རགས་ལས་ཆོས་སྒོ་དབང་གིས་འབྱེད་དབང་སྒོ་ཡོན་གྱིས་བསླུ་བས་ན། དང་པོ་སློབ་དཔོན་མཉེས་པར་བྱ་དེ་མཉེས་ན་དབང་ཐོབ་དབང་ཐོབ་ནས་ཉན་བཤད་མཐར་དབྱུང་དེ་མཐར་ཕྱིན་པས་འབྲས་བུ་མཆོག་དང་ཐུན་མོང་འགྲུབ་པར་འགྱུར་རོ། །དེས་ན། སློབ་དཔོན་མཉེས་པར་རབ་བྱས་ནས། །དབང་རྣམས་ཐོབ་པར་གྱུར་པ་ནི། །ཉན་པ་ལ་སོགས་བརྩམས་པ་རྣམས། །མཆོག་དང་ཐུན་མོང་འབྲས་བུ་འགྲུབ། །ཅེས་སོ། །གསུམ་པ་ནི། མཉམ་ལ་མཉམ་པར་སྦྱོར་བ་ཡིས། །མཉམ་པའི་དམ་ཚིག་ལ་གནས་བསྔགས། །མཉམ་རྫོགས་ཆེན་པོ་ཐོབ་པར་འགྱུར། །འདས་ན་སངས་རྒྱས་མ་ཡིན་ནོ། །ཞེས་པས་བསྟན། མཉམ༷་པའི་དོན་ལ༷་གསུམ་སྟེ་དོན་དམ་པར་མ་སྐྱེས་པར་མཉམ་པ་དང་ཀུན་རྫོབ་སྒྱུ་མར་མཉམ་པ་དང་དོན་དམ་ཀུན་རྫོབ་དབྱེར་མེད་དུ་མཉམ་པའོ།

།དང་པོ་ནི་ཆོས་ཐམས་ཅད་ཡེ་ཤེས་ཀྱི་རང་བཞིན་ཏེ་ཐོག་མ་ནས་ཆོས་ཐམས་ཅད་མ་སྐྱེས་པར་མཉམ་པའོ། །གཉིས་པ་ནི་ཀུན་རྫོབ་ཏུ་ཕུང་པོ་ལྔ་རིགས་ལྔར་མཉམ། འབྱུང་བ་ལྔ་ཡུམ་ལྔར་མཉམ། རྣམ་པར་ཤེས་པའི་ཚོགས་བརྒྱད་སེམས་དཔའ་སེམས་མར་མཉམ། ལུས་ཀྱི་རེག་བྱ་བཞི་སྒོ་བར་མཉམ། ཉོན་མོངས་པ་དྲུག་ཐུབ་པར་མཉམ་པའོ། །གསུམ་པ་ནི་ཀུན་རྫོབ་དོན་དམ་ངོ་བོ་གཅིག་པར་མཉ༷མ་པ༷ར་སྦྱོར༷་བ་སྟེ་ལྟ་བ་བདེན་པ་དབྱེར་མེད། རིག་པ་སྤྱོད་ཡུལ་དང་བྲལ་བ། སྐོར་བདུན་ངོ་བོ་ཉིད་ཀྱི་རྒྱུར་ལྷུན་གྱིས་གྲུབ་ནས་གནས་སོ། །དེ་ཡིས་མཉམ་པའི་ངོ་བོ་བསྟན་པའོ། །དེ་ལྟར་ཆོས་ཐམས་ཅད་མཉ༷མ་པ་ཉིད་དུ་རྟོགས་པའི་རང་བཞིན་ལས་མི་འདའ་བར་དུས་གསུམ་དུ་གནས་ན་རང་བཞིན་ལྟ་བའི་དམ༷་ཚི༷ག་སྟེ་འབྲས་བུ་དེ་ཉིད་མངོན་དུ་བྱེད་པར་བསྔ༷གས་སོ། །དེ་ཡང་གསལ་བཀྲ་ལས། དམ་ཚིག་དམ་ཚིག་ཅེས་བྱ་བ། །གུད་ན་ཡོད་པ་མ་ཡིན་ཏེ། །རང་གི་ལྟ་བ་དམ་ཚིག་ཡིན། །ཞེས་སོ། །དེའི་མཉམ་པའི་དགོས་པ་བསྟན་ནོ། །དོན་དམ་སྐྱེ་མེད་དུ་མཉམ་ཀུན་རྫོབ་སྒྱུ་མར་མཉམ་དེ་གཉིས་དབྱེར་མེད་དུ་མཉམ་པར་རྫོགས་པ་དེ་ལ་ནི་ཆེན་པོ་ཞེས་བྱ་སྟེ། དེ་ལྟ་བུའི་མཉམ༷་རྫོག༷ས་ཆེན༷་པོ༷འི་ལྟ་བ་ལ་གནས་ན་རྟེན་གྱི་གང་ཟག་གིས་ཚེ་འདི་ཉིད་ལ་མངོན་པར་རྫོགས་པར་སངས་རྒྱས་པ་ཐོ༷བ་པ༷ར་འགྱུར༷་རོ་ཞེས་མཉམ་པའི་ཡོན་ཏན་བསྟན་པའོ། །དེ་ལྟ་བུའི་དམ་ཚིག་ལས་འད༷ས་ན༷་ཡང་དག་པར་རྫོགས་པའི་སང༷ས་རྒྱས༷་མ༷་ཡིན༷་ནོ༷་ཞེས་བྱ་སྟེ་ཆོས་ཐམས་ཅད་མཉམ་པ་ཆེན་པོར་མ་ཤེས་ཏེ་ཐེག་པ་འོག་མ་ལྟར་དོན་དམ་ཀུན་རྫོབ་ཐ་དད་དུ་མར་འཛིན་པ་ནི་དེ་ལས་འདས་པའོ། །དེ་བས་ན་ཐ་དད་ཀྱི་གཉིས་འཛིན་གྱིས་སངས་རྒྱས་ཐོབ་པར་མི་འགྱུར་རོ་ཞེས་མཉམ་པ་མ་རྟོགས་པའི་སྐྱོན་བསྟན་པའོ། །དེས་ན་མཉམ་པ་ཆེན་པོའི་ལྟ་བས་ཐག་ཆོད་པར་བྱ་བ་གལ་ཆེའོ། །བཞི་པ་ནི། དུས་བཞི་ཕྱོགས་བཅུ་གང་ནས་ཀྱང་། །རྫོགས་པའི་སངས་རྒྱས་རྙེད་མི་འགྱུར། །སེམས་ཉིད་རྟོགས་ན་སངས་རྒྱས་པས། །སངས་རྒྱས་གཞན་དུ་མ་ཚོལ་ཅིག །ཅེས་གསུངས། དེ་ལ་གནས་གང་ནས་བཙལ་ན་དུས་དང་ཕྱོགས་ཀུན་ནས་ཏེ། དེ་ཡང་དུས༷་བཞི༷་ནི་རྒྱུ་རྐྱེན་འཚོགས་ནས་འབྲས་བུ་སྤྱད་ཟིན་པ་ནི་འདས་པའི་དུས། རྒྱུ་རྐྱེན་འཚོགས་པ་ལས་འབྲས་བུ་མ་སྤྱད་པ་ནི་ད་ལྟ་བ། རྒྱུ་ཙམ་ཡོད་པ་ནི་འབྱུང་བར་མ་ངེས་པའི་དུས། རྒྱུ་རྐྱེན་གང་ཡང་མ་འཚོགས་པ་ནི་མ་འོངས་པའི་དུས་སོ། །ཕྱོག༷ས་བཅུ༷་ནི་གནས་པ་རང་བཞིན་གྱི་ཕྱོགས་བཅུ་དང་། སྒྲུབ་པ་པོ་དམིགས་པས་བཟུང་བའི་ཕྱོགས་བཅུའོ། །དེ་ལྟར་ཕྱོགས་དང་དུས་ཀྱིས་བསྡུས་པ་ག༷ང་ན༷ས་ཀྱ༷ང་ངོ་བོ་གང་བཙལ་ན་རྫོགས་པའི་སངས་རྒྱས་ཏེ་དེ་ཉིད་གཞན་ནས་བཙལ་ཀྱང་ཡང་དག་པར་རྫོག༷ས་པ༷འི་སང༷ས་རྒྱས༷་ཀྱི་འབྲས་བུ་ཞིག་མི་རྙེད་དོ། །དེས་ན་གང་ལས་བཙལ་ཞེ་ན་རང་གི་སེམས་ལས་བཙལ་ལོ། །བཙལ་བའི་ཐབས་ཇི་ལྟར་བཙལ་ན་རང་གི་སེམ༷ས་ཉིད༷་རིག་པ་བྱང་ཆུབ་ཀྱི་སེམས་ནི་ཡེ་ནས་འབྲས་བུ་ཆོས་ཀྱི་སྐུའི་ངོ་བོ་ཡིན་ཏེ་དེའི་དོན་རྟོག༷ས་པ་མངོན་དུ་གྱུར་པ་ལ་འབྲས་བུ་ཐོབ་ཅེས་གདགས་ཀྱིས་དེ་ལས་གཞན་དུ་སངས་རྒྱས་མ་ཚོལ་ཅིག །མཉམ་པ་མ་རྟོགས་པའི་སྐྱོན་ནི་རང་རིག་པ་དེ་ལས་མ་གཏོགས་པ་མེད་པ་ལ་རིག་པ་དེ་ལས་སང༷ས་རྒྱས༷་གཞ༷ན་དུ༷་ཚོལ་ན་ནི་རྒྱ་མཚོའི་ངོས་ནས་སོང་སྟེ་སྨིག་རྒྱུའི་ཆུ་ལ་བསྙེགས་པ་དང་འདྲའོ། །དེ་མི་རྙེད་པའི་ཕྱིར་ན་དེ་ལས་མ་གཏོགས་པ་མེད་པས་མ༷་ཚོལ༷་ཅིག༷་ཅེས་གདམས་སོ། །ལྔ་པ་ནི། གང་ཞིག་གླང་ཆེན་མྱོས་འདྲའི་སེམས། །མཉམ་པར་བཞག་པས་བཏུལ་ནས་སུ། །སྔགས་དང་ཕྱག་རྒྱ་རབ་བརྟན་ན། །དངོས་གྲུབ་ཡ་མཚན་ཆེན་པོར་འགྱུར། །ཞེས་ཏེ། དཔེར་ན་གླང་པོ་ཆེ་སྨྱོན་པ་འདུལ་བའི་དུས་ན། སྐྱེས་བུ་གོས་དམར་པོ་གྱོན་དབྱངས་སྙན་པ་བླངས་ནས་ལག་པ་གཡོན་དུ་སྤོས་དུད་ཐོགས་གཡས་སུ་ལྕགས་ཀྱུ་ཐོགས་ནས་གླང་བྲིད་དེ་རྩར་བྱུང་ཙ་ན་ལྕགས་ཀྱུས་གླང་སྣ་ནས་བཟུང་ནས་འབྲས་ཆང་བླུད་པས་གླང་མྱོས་པ་ལ་དམག་མང་པོ་བཞོན་ནས་བཏུལ་ཏེ། དེ་ཐུལ་ཙམ་ན་གཞན་གྱི་དམག་དཔུང་འཇོམས་པའོ། །དཔེ་དེ་བཞིན་དུ་རྣལ་འབྱོར་པ་ག༷ང་ཞིག༷་གི་འཁྲུལ་པའི་སེམས་ནི་གླང༷་པོ་ཆེ༷་སྨྱོན༷་པ་དང་འདྲ་བ་དེ་འདུལ་ཐབས་ནི། སྔགས་དང་ཕྱག་རྒྱས་མཉམ་པར་བཞག །ཅེས་པ་ལྟར་བླ་མ་དམ་པའི་གདམས་ངག་ལྕགས་ཀྱུ་དང་འདྲ་བས་བཟུང་ནས་ཆོས་ཉིད་རྣམ་པར་མི་རྟོག་པའི་ངང་ལ་བློ་མཉམ༷་པ༷ར་བཞ༷ག་པ་དང་། གཟུང་འཛིན་གྱི་རྣམ་པར་རྟོག་པ་དེ་དག་བཏུལ༷་ན༷ས་སུ༷་སེམས་དང་ཡེ་ཤེས་ཀྱི་ཕྱག་རྒྱས་ཐམས་ཅད་དུ་སྣང་བར་འགྱུར་རོ། །དེ་ཡང་རྒྱུ་མ་ནོར་བ་རྩ་བའི་སྔག༷ས་ཀྱིས་བསྐྱེད་པའི་རྒྱུ་བྱེད། བསྐྱེད་པ་རྐྱེན་གྱི་སྔགས་ཀྱིས་གསལ་བར་བྱེད་པ་ད༷ང་། བཟླས་པ་ལས་ཀྱི་སྔགས་ཀྱིས་བརྟན་པར་བྱེད་པའོ། །སྔགས་དེ་གསུམ་གྱིས་ལྷའི་སྐུ་གསལ་བ་དེ་ལ་ནི་ཕྱག༷་རྒྱ༷་ཆེན་པོ་བཞི་དང་ལྡན་པ་ཞེས་པ་སྟེ་དམ་ཚིག་གི་ཕྱག་རྒྱ་དང་། ལས་ཀྱི་དང་། ཆོས་ཀྱི་དང་། སྐུ་ཕྱག་རྒྱ་ཆེན་པོ་ར༷བ་ཏུ་བརྟ༷ན་ན༷་ཐུན་མོང་གི་དངོ༷ས་གྲུ༷བ་དང་། མཆོག་གི་དངོས་གྲུབ་དང་། ཡ༷་མཚ༷ན་ཆེན༷་པོ༷་ལ་སོགས་པའི་ཡོན་ཏན་ཐམས་ཅད་ཐོབ་པར༷་འ༷གྱུར་རོ། །དྲུག་པ་ནི། དགོན་པ་ཆེན་པོའི་ས་ཕྱོགས་སུ། །ཙན་དན་ནགས་དང་མེ་ཏོག་ཚལ། །ཡིད་འོང་བཀྲ་ཤིས་ཉམས་དགའ་བའི། །བདག་དབང་བར་ཆད་མེད་པའི་གནས། །ཞེས་པས་བསྟན། སྤྱིར་གནས་ལ་གསུམ་སྟེ་ཕྱིའི་གནས་དང་། ནང་གི་གནས་དང་། གསང་བའི་གནས་སོ། །ཕྱིའི་གནས་ལ་གཉིས་ཏེ་ཚུལ་ཤིས་པའི་གནས་དང་ཚུལ་དང་མཐུན་པའི་གནས་སོ། །ཚུལ་ཤིས་པའི་གནས་ནི་གསུམ་སྟེ་དང་པོ་བདེ་བར་གཤེགས་པའི་ཞབས་ཀྱིས་བཅགས་ཤིང་བྱིན་གྱིས་བརླབས་པའི་གནས་རྒྱ་གར་རྡོ་རྗེ་གདན་དང་རི་མ་ལ་ཡ་དང་འཕགས་པ་ཤིང་ཀུན་ལ་སོགས་པ་ལྟ་བུའོ། །གཉིས་པ་ནི། དང་པོ་གྲུབ་པ་ཐོབ་པས་བཀྲ་ཤིས་པའི་གནས་ནི་ལི་ཡུལ་ལྕང་ར་སྨུག་པོའམ། སྤ་གྲོ་སྟག་ཚང་ངམ། ལྷོ་བྲག་མཁར་ཆུ་ལྟ་བུའོ། །དེ་ལྟ་བུ་རྣལ་འབྱོར་པས་གྲུབ་པ་ཐོབ་པའོ། །གསུམ་པ་ནི་རང་ཡིད་དུ་འོང་བས་ཉམས་དགའ་བའི་གནས་སོ། །ཚུལ་དང་མཐུན་པའི་གནས་ནི་ཞི་བའི་དགོན་གནས་དང་། རྒྱས་པའི་འཕེལ་གནས་དང་། དབང་གི་འདུ་གནས་དང་། དྲག་པོའི་འགྱེད་གནས་དང་། ལྷུན་གྲུབ་ཀུན་འབྱུང་གི་གནས་སོ། །ནང་གི་གནས་ནི་རང་གི་རིག་པས་ངོ་ཤེས་ཏེ་ཉམས་དགའ་བའོ། །གསང་བའི་གནས་ནི་ཡུམ་མཚན་ལྡན་ནོ། །དེ་ལ་འདིར་བསྒྲུབ་པའི་གནས་ཀྱི་རིང་ཐུང་གི་ཚད་ནི་དགོ༷ན་པ༷་སྟེ་གྲོང་ཡུལ་ལས་དཔག་ཚད་དང་རྒྱང་གྲགས་ཀྱིས་རིང་བར་གྱུར་པ་སྟེ། དེའི་དགོས་པ་ནི་བསམ་གཏན་གྱི་དགྲ་མི་འབྱུང་བའི་ཕྱིར་རོ། །དེ་བས་ན་ཆེ༷ན་པོ༷་ཅེས་སོ། །དགོན་པ་ཆེན་པོ་ནི་ཡུམ་ལ་ཟེར་བ་ཡང་ཡོད་དོ། །གཞན་མ་རང་གི་གནས་སྐབས་སུ་ངོས་བཟུང་བའོ། །དེ་ནི་ཕྱིའི་གནས་གཙོ་ཆེ་བའོ། །གནས་དེར་ས་གཞི་བརྟགས་པ་ནི་གནམ་འཁོར་ལོ་རྩིབས་བརྒྱད་འདྲ་བ་ས་གཞི་པདྨ་འདབ་བརྒྱད་འདྲ་བ། ས་སྣུམ་ལ་བཀྲག་ཆགས་པའོ། །གནས་དེར་ཕྱོགས་བརྟགས་པ་ནི་ཤར་འཇམས་པ། ལྷོ་གཞོལ་བ། ནུབ་མཐོ་བ། བྱང་འདུད་པའོ། །དེ་བས་ན་ས༷་ཕྱོག༷ས་སུ༷་ཅེས་པའོ། །གནས་ཀྱི་དབྱིབས་བསྟན་པ་ནི་ས་ཕྱོགས་དེར་སྔོན་བཀྲ་ཤིས་པའི་གནས་ཙན༷་ད༷ན་གྱི་ན༷གས་ཚལ་ད༷ང་། མདུན་ན་མེ༷་ཏོག༷་གི་གླིང་ཆགས་པ་སྟེ་བཀྲ་ཤིས་པའི་ཡན་ལག་གོ །དེ་རྣམས་ནི་སྔར་སྨོས་པ་ལྟར་རྣལ་འབྱོར་བས་ཡི༷ད་དུ་འོང༷་ཞིང་བཀྲ༷་ཤིས༷་པ་འཕྲལ་ཉམ༷ས་དག༷འ་བ༷འི་གནས་ཏེ། དེས་གནས་ཀྱི་རང་བཞིན་བསྟན་པ་ཡིན་ནོ། །གནས་དེ་བདག་གི་དབང་དུ་བྱེད་པའི་ཕྱིར་ས་སླང་བ་ནི་སྣང་བ་དང་མི་སྣང་བ་ལ་རིན་སྩལ་ལ་བད༷ག་གི་དབ༷ང་དུ་བྱ་བ་དང་གནས་དེར་ཧ་ཅང་ཐག་རིང་ན་རྫས་ཀྱི་བར་ཆད་འབྱུང་། གཡེལ་ན་དགྲའི་བར་ཆད་འབྱུང་། ལྷ་འདྲེའི་ལམ་ཆོད་ན་བགེགས་ཀྱི་བར་ཆད་འབྱུང་བས་ན་བཀྲ་ཤིས་ལ་ཡིད་དུ་འོང་བ་ཕྱི་ནང་གི་བ༷ར་ཆ༷ད་གང་ཡང་མི་འབྱུང་བའི་གནས་བཙལ་བར་བྱའོ་ཞེས་གནས་ཀྱི་སྐྱོན་བསལ་བར་བསྟན་པའོ། །གཉིས་པ་བར་དུ་ཏིང་ངེ་འཛིན་སྒོམ་པ་ལ་གསུམ་སྟེ། ཏིང་ངེ་འཛིན་གྱི་དཀྱིལ་འཁོར་བསྐྱེད་པ་དང་། ཡེ་ཤེས་ཀྱི་དཀྱིལ་འཁོར་སྤྱན་དྲང་བ་ལ་སོགས་པ་དང་། མཇུག་གི་ལས་སོ། །དང་པོ་ཏིང་ངེ་འཛིན་གྱི་དཀྱིལ་འཁོར་ལ་བཞི་སྟེ། བྱང་ཆུབ་ཏུ་སེམས་བསྐྱེད་པ་དང་། ཏིང་ངེ་འཛིན་གསུམ་སྒོམ་པ་དང་། དཀྱིལ་འཁོར་དངོས་སྒོམ་པ་དང་། བསྒོམ་པའི་ཆེ་བའོ།

།དང་པོ་སེམས་བསྐྱེད་པ་ལ་གཉིས་ཏེ། དམ་བཅའ་བ་དང་། སེམས་ཡེ་ཤེས་ལྔར་བསྐྱེད་པའོ། །དང་པོ་ནི། བདག་དང་མཐའ་ཡས་སེམས་ཅན་རྣམས། །ཡེ་ནས་སངས་རྒྱས་ཡིན་མོད་ཀྱང་། །རྟོག་པའི་དབང་གིས་འཁོར་བ་ལས། །བྱང་ཆུབ་མཆོག་ཏུ་སེམས་བསྐྱེད་དོ། །ཞེས་སོ། །སྤྱིར་ན་སེམས་བསྐྱེད་པ་ལ་གཉིས་ཏེ། ཀུན་རྫོབ་བྱང་ཆུབ་མཆོག་ཏུ་སེམས་བསྐྱེད་པ་དང་། དོན་དམ་བྱང་ཆུབ་མཆོག་ཏུ་སེམས་བསྐྱེད་པའོ། །ཀུན་རྫོབ་བྱང་ཆུབ་མཆོག་ཏུ་སེམས་བསྐྱེད་པ་ནི། སྨོན་པ་འབྲས་བུར་སེམས་བསྐྱེད་པ་དང་། འཇུག་པ་རྒྱུར་སེམས་བསྐྱེད་པའོ། །དོན་དམ་བྱང་ཆུབ་མཆོག་ཏུ་སེམས་བསྐྱེད་པ་ནི། གནས་པ་བྱང་ཆུབ་ཀྱི་སེམས་དང་། བརྟན་པ་བྱང་ཆུབ་ཀྱི་སེམས་དང་། མཐར་ཕྱིན་པ་བྱང་ཆུབ་མཆོག་ཏུ་སེམས་བསྐྱེད་པའོ། །འདིར་ནི་ཀུན་རྫོབ་གཞན་ལས་ཁྱད་པར་དུ་བྱས་པས་ན་བྱང་ཆུབ་མཆོག་ཏུ་བསྐྱེད། དོན་དམ་པ་འོད་གསལ་མངོན་དུ་བྱས་པས་ན་ཡེ་ཤེས་ལྔར་སེམས་བསྐྱེད་པའོ། །འདི་ལྔ་དོན་དམ་ཀུན་རྫོབ་དབྱེར་མེད་སྟོན་པར་འདུག་པས་འདོམས་སོ་ཞེ་ན་བརྩམ་གཞི་སོ་སོ་ལས་བརྩམ་བྱ་ཐ་དད་པར་དང་། བརྗོད་བྱ་སོ་སོ་ལ་དོན་སོ་སོར་སྟོན་པའི་ཚིག་ཡིན་ནོ། །དེ་ལ་འདིར་གང་གིས་སེམས་བསྐྱེད་ན་སྒྲུབ་པ་པོས་བད༷ག་རང་ད༷ང་བསམ་གྱིས་མི་ཁྱབ་ཅིང་མཐ༷འ་ཡ༷ས་པའི་སེམ༷ས་ཅ༷ན་འགྲོ་བ་དྲུག་གིས་བསྡུས་པ་ཐམས་ཅད་རྣམས་སོ། །དེ་རྣམ༷ས་ཡེ༷་ཐོག་མ་ཉིད་ནས༷་སྐུ་ལྔ་ཡེ་ཤེས་ལྔར་སང༷ས་རྒྱས༷་པ་ཡིན༷་མོད༷་ཀྱང༷་ཞེའམ་ཡང་ན་རང་བཞིན་ལྷུན་གྱིས་གྲུབ་པའི་སངས་རྒྱས་གཅིག་ཡིན་ཀྱང་དེ་ལྟར་མ་རྟོགས་པའི་དབང་གིས་བུདྡྷ་ཡིན་ཀྱང་ངོ་མ་ཤེས་པའོ། །དེ་ལ་ཚུལ་ཇི་ལྟར་སེམས་བསྐྱེད་ན་དེ་ལྟར་མ་རྟོགས་པས་བདག་དང་བདག་གིར་རྟོག༷་པ༷འི་དབ༷ང་གི༷ས་འཁོ༷ར་བ༷་མཐོ་དམན་དུ་འཁོར་བ་ལ༷ས་ད་ལྟར་ཉིད་དུ་སྐུ་ལྔ་ཡེ་ཤེས་ལྔར་སངས་རྒྱས་པར་སེམས་བསྐྱེད་པ་སྟེ། དགོས་པ་གང་གི་ཕྱིར་སེམས་བསྐྱེད་ན་བདག་ཀྱང་ཁམས་གསུམ་ལས་ཐར་བར་བྱ་བ་དང་བདག་ཉིད་ཐར་ནས་ཀྱང་སེམས་ཅན་ཐར་བར་བྱའོ་ཞེས་བྱང༷་ཆུབ༷་མཆོ༷ག་ཏུ༷་ངོ་བོ་གང་བསྐྱེད་ན་སྐུ་ལྔ་ཡེ་ཤེས་ལྔར་སངས་རྒྱས་པ་ཡིན་པར་རྟོགས་པར་སེམ༷ས་བསྐྱེད༷་དོ༷། །གཉིས་པ་ལ་ལྔ་ལས་ཆོས་ཀྱི་སྐུ་དང་སྟོང་པ་ཉིད་ཀྱི་ཡེ་ཤེས་སུ་སེམས་བསྐྱེད་པར་བསྟན་པ་ནི། ཨེ་མའོ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང་། །སྐྱེ་བ་མེད་ལས་ཐམས་ཅད་སྐྱེས། །སྐྱེས་པ་ཉིད་ན་སྐྱེ་བ་མེད། །ཅེས་པས་བསྟན་ཏེ། ཨེ༷་མ༷འོ༷་ནི་ངོམ་པ་སྟེ་དེ་ཡང་གང་ལ་ངོམ་ན་ཆོས་ཐམས་ཅད་སྐུ་ལྔ་ཡེ་ཤེས་ལྔའི་རང་བཞིན་དུ་སངས་རྒྱས་པ་ཡིན་པ་ལ་སེམས་ཅན་རྣམས་ཀྱིས་དེ་ལྟར་མ་རྟོགས་པ་ལ་ངོམ་ཞིང་ངོ༷་མཚ༷ར་བའོ། །རྨད༷་ཀྱི༷་ཆོས༷་ནི་ཚིག་ངོ་མཚར་ཅན་ལས་དོན་རྨད་དུ་བྱུང་བའི་དོན་སྟོན་པ་ལ་བྱའོ། །ཆོས་དེ་གང་གིས་གསུངས་ན་རྒྱུ་བསོད་ནམས་དང་འབྲས་བུ་ཡེ་ཤེས་ཀྱི་ཚོགས་རྫོག༷ས་པ༷འི་སང༷ས་རྒྱས༷་སྐུ་ལྔ་ཡེ་ཤེས་ལྔར་ལྷུན་གྱིས་གྲུབ་པ་དེས་གསུངས་ལ་སངས་རྒྱས་ཉིད་ཀྱི་ཐུགས་ཀྱི་བརྣག་བྱ་ཡང་འདི་ཡིན་པས་ན་གས༷ང་བའོ། །སྟོང་པ་ཉིད་ཀྱི་ཡེ་ཤེས་ཀྱི་རང་བཞིན་ནི་ཆོས་ཐམས་ཅད་ཀྱི་ངོ་བོ་སྟོང་ཞིང་བདག་མེད་པ་དེ་ལ་རྒྱུ་གང་ལས་སྐྱེ༷་བ༷་མེད༷་པའོ། །དེ་ལྟར་དོན་དམ་པར་རྒྱུ་ལ༷ས་སྐྱེ་བ་མེད་པས་ཀུན་རྫོབ་ཏུ་ཆོས་ཐམ༷ས་ཅད༷་རྒྱུ་ལས་སྐྱེས༷་པ་ལྟར་སྣང་ལ། དེ་ལྟར་ཀུན་རྫོབ་ཏུ་སྐྱེས༷་པ༷་ལྟར་སྣང་བའི་དུས་ཉིད༷་ན༷་དོན་དམ་པར་མ་སྐྱེས་པའི་ངང་ལས་མ་གཡོས་པ་ནི་སྟོང་པ་ཉིད་ཀྱི་ཡེ་ཤེས་དང་ཆོས་ཀྱི་སྐུར་སེམས་བསྐྱེད་པའོ། །གཉིས་པ་མེ་ལོང་ལྟ་བུའི་ཡེ་ཤེས་དང་ལོངས་སྐུར་སེམས་བསྐྱེད་པ་ནི། ཨེ་མའོ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང་། །འགག་པ་མེད་ལས་ཐམས་ཅད་འགག །འགག་པ་ཉིད་ན་འགག་པ་མེད། །ཅེས་སོ། །ཨེ༷་མ༷འོ༷་ནི་ངོམ་ཞིང་ངོ༷་མཚ༷ར་བ་སྟེ་ངོ་གང་ལ་མཚར་ན་རང་སེམས་སྟོང་པ་སྐྱེ་མེད་དུ་གཏན་ལ་འབེབས་པའི་དེ་ཁོ་ན་ལ་ངོ་མཚར། དེ་གང་གི་ཆོས་ལུང་ཡིན་གསང་བ་རྨ༷ད་དུ་བྱུང་བ་མ་ཧཱ་ཡོ་གའི་ཆོ༷ས། དེ་གང་གི་གསུང་ཡིན་ན་རྫོག༷ས་པ༷འི་སང༷ས་རྒྱས༷་དཔལ་ཀུན༷་ཏུ་བཟང་པོ་རྒྱལ་བ་དྲུག་པའི་གསུང་བློ་དམན་དང་ཐེག་པ་འོག་མ་བའི་སྤྱོད་ཡུལ་དུ་མ་གྱུར་པས་ན་གསང༷་བའོ། །ཆོས་ཐམས་ཅད་གསལ་ལ་རྟོག་པ་མེད་པའམ་གསལ་ལ་འག༷ག་པ༷་མེད༷་པ་ཡིན་པ་དེ་ལ༷ས་མ་གཡོས་བཞིན་དུ་ཆོས་ཐམ༷ས་ཅ༷ད་ཀྱི་སྐྱོན་དུ་གྱུར་པ་འག༷ག་པ་ལྟར་སྣང་ངོ་། །དེ་ལྟར་ཀུན་རྫོབ་ཏུ་འག༷གས་པ༷་ལྟར་སྣང་བའི་དུས་ཉིད༷་ན༷་དོན་དམ་པར་འག༷གས་པ༷་ཅི་ཡང་མེད༷་དོ། །དེ་ལྟར་རྟོགས་པ་ནི་མེ་ལོང་ལྟ་བུའི་ཡེ་ཤེས་དང་ལོངས་སྤྱོད་རྫོགས་པའི་སྐུར་སེམས་བསྐྱེད་པ་ཡིན་ནོ། །གསུམ་པ་མཉམ་པ་ཉིད་ཀྱི་ཡེ་ཤེས་དང་མངོན་པར་བྱང་ཆུབ་པའི་སྐུར་སེམས་བསྐྱེད་པ་ནི། ཨེ་མའོ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང་། །གནས་པ་མེད་ལས་ཐམས་ཅད་གནས། །གནས་པ་ཉིད་ན་གནས་པ་མེད། །ཅེས་སོ། །ཨེ༷་མ༷འོ་ནི་ངོམ་ཞིང་ངོ༷་མཚ༷ར་བ་སྟེ་གང་ལ་ངོ་མཚར་ན་རང་སེམས་མཉམ་པ་ཉིད་ཆེན་པོར་སྟོན་པས་ངོ་མཚར་བའོ། །དེ་གང་གི་ཆོས་ལུགས་ཡིན་ན་གསང་བ་རྨ༷ད་དུ་བྱུང་བ་སྒྱུ་འཕྲུལ་དྲྭ་བའི་ཆོས༷། དེ་གང་གི་གསུང་ཡིན་ན་ཡང་དག་པར་རྫོག༷ས་པ༷འི་སང༷ས་རྒྱས༷་ཀུན༷་གྱི་གས༷ང་བའོ། །ཆོས་ཉིད་དོན་དམ་པར་གཟུང་བ་དང་འཛིན་པ་མེད་པར་གན༷ས་པ༷་ཡིན་པ་ལ་ཀུན་རྫོབ་ཏུ་ཆོས་ཐམ༷ས་ཅ༷ད་གཟུང་འཛིན་གྱིས་གན༷ས་པ་ལྟར་སྣང་ཡང་སྣང་བའོ། །དེ་ལྟར་ཀུན་རྫོབ་ཏུ་གན༷ས་པ༷་ལྟར་སྣང་བའི་དུས་ཉིད༷་ན༷་དོན་དམ་པར་གན༷ས་པ༷་མེ༷ད་དེ་དེ་ཉིད་མཉམ་པ་ཉིད་ཀྱི་ཡེ་ཤེས་དང་ངོ་བོ་ཉིད་ཀྱི་སྐུར་སེམས་བསྐྱེད་པ་ཡིན་ནོ། །བཞི་པ་སོ་སོར་རྟོག་པའི་ཡེ་ཤེས་དང་སྤྲུལ་སྐུར་སེམས་བསྐྱེད་པ་ནི། ཨེ་མའོ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང་། །དམིགས་པ་མེད་ལས་ཐམས་ཅད་དམིགས། །དམིགས་པ་ཉིད་ན་དམིགས་པ་མེད། །ཅེས་གསུང་སྟེ། ཨེ་མའོ་ངོམ་ཞིང་ངོ་མཚར་བ་སྟེ་དེ་ཡང་ངོ་གང་ལ་མཚར་ན་རང་སེམས་ཡེ་ཤེས་སུ་རྟོགས་པ་དེ་ལའོ། །དེ་གང་གི་ཆོས་ཡིན་ན་མ་ཧཱ་ཡོ་གའི་འོ། །དེ་གང་གི་གསུང་ཡིན་ན་ཡང་དག་པར་རྫོགས་པའི་སངས་རྒྱས་ཀུན་ཏུ་བཟང་པོའི་གསུང་ངོ་། །ཆོས་ཐམས་ཅད་རང་དང་སྤྱིའི་མཚན་ཉིད་མ་འདྲེས་པར་མཁྱེན་ལ་རང་དང་སྤྱིའི་མཚན་ཉིད་དོན་དམ་པར་དམིགས་པ་མེད་དོ། །དེ་ལས་མ་གཡོས་བཞིན་དུ་ཆོས་ཐམས་ཅད་ཀུན་རྫོབ་ཏུ་དམིགས་པར་ཤར་ནས་སྣང་བ་ཡིན་ནོ། །དེ་ལྟར་ཀུན་རྫོབ་ཏུ་དམིགས་པའི་དུས་ཉིད་ན་དོན་དམ་པར་དམིགས་པ་མེད་པ་ལས་མ་གཡོས་པ་དེ་ནི་སོ་སོར་རྟོག་པའི་ཡེ་ཤེས་དང་སྤྲུལ་པའི་སྐུར་སེམས་བསྐྱེད་པ་ཡིན་ནོ། །ལྔ་པ་བྱ་བ་གྲུབ་པའི་ཡེ་ཤེས་དང་རྡོ་རྗེའི་སྐུར་སེམས་བསྐྱེད་པར་བསྟན་པ་ནི། ཨེ་མའོ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང་། །འགྲོ་འོང་མེད་ལས་འགྲོ་དང་འོང་། །འགྲོ་འོང་ཉིད་ན་འགྲོ་འོང་མེད། །ཅེས་པས་བསྟན་ཏེ། ཨེ༷་མ༷འོ༷་ནི་ངོམ་ཞིང་ངོ༷་མཚ༷ར་བ་སྟེ་ངོ་གང་ལ་མཚར་ན་རང་སེམས་ཡེ་ཤེས་སུ་རྟོགས་པ་ལའོ། །དེ་ནི་གསང་བ་མ་ཧཱ་ཡོ་གའི་ཆོས་ཡིན་ནོ། །འཁོར་འདས་སེམས་ཉིད་དུ་རྫོགས་པས་ན་རྫོག༷ས་པ༷འི་ལྟ་བ་ངན་པའི་དྲི་མ་དང་བྲལ་བས་སང༷ས་ལ་ཡེ་ཤེས་མཐའ་དབུས་མེད་པར་རྒྱས༷་པས་ན་རྒྱས་ཕྱོགས་བཅུ་དུས་བཞིའི་སངས་རྒྱས་ཀུན་གྱི་བདག་པོ་ཡིན་པས་ན་ཀུན༷་གྱིས༷་རྟོགས་པར་དཀའ་བས་ན་གས༷ང་ངོ་། །བྱ་བ་གྲུབ་པའི་ཡེ་ཤེས་ཀྱིས་བདག་དང་གཞན་གྱི་དོན་ཐམས་ཅད་གྲུབ་ཅིང་མཐར་ཕྱིན་པར་མཛད་ཀྱང་དོན་དམ་པར་བདག་དང་གཞན་གྱི་དོན་ལ་སྤྲུལ་པ་ཕར་འགྲོ༷་བ་དང་ཚུར་འོང༷་བ་མེད༷་དོ། །ཀུན་རྫོབ་ཏུ་སྤྲུལ་པ་ཕར་འགྲོ༷་བ་དང་ཚུར་འོང༷་བར་སྣང་ངོ་། །དེ་ལྟར་རྟོགས་ཙམ་ཉིད༷་ན་དོན་དམ་པར་འགྲོ༷་འོང༷་མེད༷་པ་ནི་བྱ་བ་ནན་ཏན་གྱི་ཡེ་ཤེས་དང་རྡོ་རྗེའི་སྐུར་སེམས་བསྐྱེད་པའོ། །གཉིས་པ་ཏིང་ངེ་འཛིན་ལ་བཞི་སྟེ། ཏིང་ངེ་འཛིན་གྱི་དགོས་པ་དཔེས་བསྟན་པ་དང་། དེ་བཞིན་ཉིད་དང་། ཀུན་ཏུ་སྣང་དང་། རྒྱུའི་ཏིང་ངེའོ།

།དང་པོ་ནི། བསྒྲུབ་པའི་གཙོར་ནི་ཏིང་འཛིན་པས། །ཏིང་འཛིན་འདི་ཡིས་བྱེད་པར་འགྱུར། །གསེར་འགྱུར་སྨན་དང་མུན་སེལ་བཞིན། །རྟོག་པའི་དབང་བསྒྱུར་ཏིང་འཛིན་ཡིན། །དེ་ཕྱིར་ཏིང་འཛིན་རིམ་པར་བསྒོམ། །ཞེས་གསུང་སྟེ་ཐུན་མོང་གི་བསྒྲུབ༷་པ་དང་ཐུན་མོང་མ་ཡིན་པ༷འི་བསྒྲུབ་པ་ལས་གཙོ༷་བོར་ག༷ང་བྱེད༷་ཀྱང༷་ཏིང་ངེ་འཛིན་མེད་ན་འབྲས་བུ་མི་འབྱུང་བས་དེའི་ཕྱིར་གཙོ་བོར་ཏིང༷་ངེ་འཛི༷ན་ཁོ་ན་བསྔགས་པ་ཡིན་པ༷ས་སོ། །དེ་བས་ན་མཆོག་དང་ཐུན་མོང་གི་སྒྲུབ་ཐབས་ཐམས་ཅད་ཏིང༷་འཛི༷ན་འདི༷་ཡི༷ས་བྱེད༷་པ༷ར་འ༷གྱུར་བ་ཡིན་པས་ན་ཏིང་འཛིན་འདི་དང་ལྡན་པས་ཐམས་ཅད་འགྲུབ་པར་འགྱུར་བ་ཡིན་ནོ། །དཔེར་ན་ལྕགས་ལ་གསེ༷ར་འགྱུར༷་གྱི་རྩི་བཏང་ན་ལྕགས་གསེར་དུ་འགྱུར་བ་དང་། དུག་ལ་སྨན༷་མ་ཀི་ཏ་བཏབ་ན་དུག་སྨན་དུ་འགྱུར་བ་ད༷ང་མུ༷ན་པ་ལ་སྒྲོན་མ་བྱུང་ན་མུན་པ་སེལ༷་བའི་དཔེ་དེ་བཞི༷ན་དུ་ཆོས་ཉིད་རྣམ་པར་མི་རྟོག་པ་དེ་བཞིན་ཉིད་ཀྱི་ཏིང་འཛིན་བསྒོམས་པས་རྟོག་པ་ཐམས་ཅད་ཆོས་ཉིད་དུ་འགྱུར་ཡེ་ཤེས་སྒྱུ་མའི་ཏིང་ངེ་འཛིན་ཐམས་ཅད་དུ་ཀུན་ཏུ་སྣང་བར་བསྒོམས་པས་ཕྱོགས་གཅིག་པའི་མུན་པ་སེལ་སྐུ་དང་ཡེ་ཤེས་དབྱེར་མེད་ཕྱག་རྒྱ་རྒྱུ་ཏིང་དུ་བསྒོམས་པས་ཕུང་པོ་ཁམས་དང་སྐྱེ་མཆེད་གནས་འགྱུར་བའོ། །དེ་ལྟར་ཏིང་འཛིན་གཙོ་བའི་ཕྱིར་ན་དེ་ཏིང་ལ་སོགས་པ་གོང་མ་རྣམས་གསལ་བའི་སྟེང་ལ་འོག་མ་རིམ་པར་སྒོམ་མོ། །དེ་ལྟར་མདོར་ན་ཚིག་རྐང་ལྔས་བསྒྲུབ་པའི་གཙོ་བོ་གང་ཡིན་དང་དབང་ཇི་ལྟར་བསྒྱུར་བ་དང་དཔེ་གང་གིས་མཚོན་པ་དང་དགོས་པ་ཅི་ཡོད་པ་དང་གཏན་ཚིག་གིས་གདབ་པ་རྣམས་གོ་རིམ་བཞིན་དུ་སྟོན་པའོ། །གཉིས་པ་དེ་བཞིན་ཉིད་ཀྱི་ཏིང་འཛིན་ནི། དངོས་རྣམས་ཉིད་ན་དངོས་མེད་པས། །རྟོག་པའི་སྨྲ་བསམ་ཡུལ་ལས་འདས། །དེ་བཞིན་ཉིད་དབྱིངས་ཡེ་ཤེས་ཏེ། །དེ་ཕྱིར་དངོས་པོ་དངོས་མེད་དོ། །ཞེས་གསུངས། དང་པོ་དེ་བཞིན་ཉིད་ཀྱི་ཏིང་ངེ་འཛིན་ལ་དྲུག་སྟེ་སྦྱང་བྱ་ནི་ཤི་བ་རྣམ་རྟོག་མེད་པས་སོ། །སྦྱོང་བྱེད་ནི་དེ་བཞིན་ཉིད་ཀྱི་ཏིང་ངེ་འཛིན་ནོ། །ངོ་བོ་ནི་སྟོང་པ་ཆེན་པོའོ། །རྣམ་གྲངས་ནི་མ་ནོར་བའི་དེ་བཞིན་ཉིད། མ་བཅོས་པའི་དེ་བཞིན་ཉིད། དངོས་པོ་མེད་པའི་དེ་བཞིན་ཉིད། གཞན་མ་ཡིན་པའི་དེ་བཞིན་ཉིད་དོ། །སྒོམ་ཐབས་ནི་སྟོང་པ་ཉིད་མཐའ་བརྒྱད་དང་བྲལ་བའོ། །འབྲས་བུ་ནི་ཆོས་ཀྱི་སྐུ་ཐོབ་པའོ། །དེ་ཡང་ཕྱི་ནང་སྣོད་བཅུད་ཀྱི་དངོ༷ས་པོ་སྣ་ཚོགས་སུ་སྣང་བ་འདི་རྣམ༷ས་གཞན་མ་ཡིན་ཏེ་རིག་པ་བྱང་ཆུབ་ཀྱི་སེམས་ཉིད་རང་སྣང་བའོ། །བྱང་ཆུབ་ཀྱི་སེམས་ཉིད་སྣང་བའི་དུས་ཉིད༷་ན༷་རང་གི་ངོ་བོ་ཅིར་ཡང་མ་གྲུབ་པས་སྣང་བའི་དངོ༷ས་པོར་མེ༷ད་པ༷འོ། །དཔེར་ན་མཚལ་དམར་ན་ཁུ་བ་ཡང་དམར་བ་ལྟར་དངོས་པོའི་རྟོག༷་པ་མ་གྲུབ་པ༷འི་ཕྱིར་ན་དངོས་འཛིན་སྨྲ༷་བས༷མ་མེད་དེ་དོན་སེམས་ཉིད་ལ་རྟོག་པ་དང་ཐ་སྙད་ཐམས་ཅད་རང་བཞིན་གྱིས་བྲལ་བ་ནི་འཛིན་པའི་ཡུལ༷་ལ༷ས་འད༷ས་པའོ། །མ་ནོར་བའི་དེ༷་བཞི༷ན་ཉིད༷་དངོས་པོ་མེད་པས་ཆོས་ཀྱི་དབྱིང༷ས། མ་བཅོས་པ་ཡིན་པས་ཡེ༷་ཤེས༷་ད་ཐམས་ཅད་དུ་ཁྱབ་པར་གནས་པ་ཡིན་པས་ན་མཐའ་དང་དབུས་མེད་དེ་ཆོས་ཀྱི་དབྱིངས་སོ། །དེ༷་ཡི་ཕྱི༷ར་ན་དངོ༷ས་པོ༷ར་སྣང་བ་ཉིད་དངོ༷ས་པོ་མེ༷ད་པ་ཉིད་དོ༷། །གསུམ་པ་ཀུན་སྣང་གི་ཏིང་ངེ་འཛིན་ནི། དེ་བཞིན་ཉིད་ནི་སྤྲོས་མེད་ཀྱང་། །རང་བཞིན་ཀུན་ཏུ་སྣང་བའི་ཕྱིར། །སེམས་ཅན་ཀུན་ལ་སྙིང་བརྩེའི་ཕྱིར། །ནམ་མཁའ་ལ་ནི་ནམ་མཁའ་བསྒོམ། །ཞེས་སོ། །ཀུན་སྣང་གི་ཏིང་ངེ་འཛིན་ལ་དྲུག་ལས། །སྦྱང་བྱ་ནི་བར་དོའི་སྣང་བའོ། །སྦྱོང་བྱེད་ནི་ཀུན་དུ་སྣང་ངོ་། །ངོ་བོ་ནི་ཡེ་ཤེས་སྒྱུ་མའོ། །རྣམ་གྲངས་ནི་ཀུན་ཏུ་སྣང་ཞེས་བྱ། ཡེ་ཤེས་སྒྱུ་མ་ཞེས་བྱ། མཚམས་སྦྱོར་ཆེན་པོའི་ཏིང་ངེ་འཛིན་ཞེས་བྱ་བའོ། །བསྒོམ་པའི་ཐབས་ནི་མ་ཧཱ་ཡོ་ག་ཆོས་ཉིད་ཡེ་ཤེས་སྒྱུ་མ་བསྒོམ་ལ། ཨ་ནུ་ཡོ་ག་བ་རང་གི་སྨིན་མཚམས་སུ་འོད་དམར་སྨུག་ཚོན་གང་བ་ལས་འོད་འཕྲོས་པས་འཇིག་རྟེན་ཐམས་ཅད་འོད་ཀྱིས་ཁེངས་པར་བསྒོམ་མོ། །འདིར་ནི་ཆོས་ཉིད་ཡེ་ཤེས་སྒྱུ་མར་བསྒོམ་པའོ། །འབྲས་བུ་ནི་ལོངས་སྤྱོད་རྫོགས་པའི་སྐུ་འཐོབ་པའོ། །དེ་ལ་དེ༷་བཞི༷ན་ཉིད༷་ནི་སྤྲོས༷་པ་མེད༷་པས་ཐམས་ཅད་ལ་ཁྱབ་པ་ཡིན་ཀྱང༷་ར༷ང་བཞི༷ན་ཀུ༷ན་ཏུ༷་སྣང༷་བ༷འི་ཕྱིར་ཆོས་ཀྱི་དབྱིང༷ས་སོ། །དེ་ལྟ་བུའི་དོན་མ་རྟོགས་པའི་སེམ༷ས་ཅན༷་ཀུ༷ན་ལ༷་སྙིང༷་བརྩེ༷་བ་ཆེན་པོ་ཕྱོགས་རིས་མེད་པར་འབྱུང་བའི༷་ཕྱིར༷་ཆོས་ཀྱི་དབྱིངས་ན༷མ་མཁ༷འ་དང་འདྲ་བ་ཀུན་ལ༷་ཁྱབ་པ་ལ་སྙིང་རྗེ་ཆེན་པོ་ཡང་ནི༷་ན༷མ་མཁ༷འ་དེ་ལྟར་བསྒོ༷མ་མོ། །བཞི་པ་རྒྱུའི་ཏིང་ངེ་འཛིན་ལ་བཞི་སྟེ། དམ་བཅའ་བ་དང་། ཡི་གེ་ཨ་ལ་སེམས་སྦྱངས་བ་དང་། མིང་ཚོགས་གཞན་ལ་སེམས་སྦྱང་བ་དང་། སེམས་སྦྱངས་པའི་ཡོན་ཏན་ནོ། །དང་པོ་ནི། གཞི་རྩ་མེད་པའི་སེམས་ཉིད་ནི། །ཆོས་རྣམས་ཀུན་གྱི་རྩ་བ་ཡིན། །སེམས་ཉིད་ཡི་གེའི་རང་བཞིན་ཏེ། །ཡི་གེ་མཆོག་ནི་བསྒོམ་པར་བྱ། །ཞེས་སོ། །རྒྱུའི་ཏིང་ངེ་འཛིན་ལ་དྲུག་སྟེ་སྦྱང་བྱ་ནི་མངལ་དུ་འཇུག་པའོ། །སྦྱོང་བྱེད་ནི་རྒྱུའི་ཏིང་ངེ་འཛིན་ནོ། །ངོ་བོ་ནི་ཡི་གེ་ཨའོ། །རྣམ་གྲངས་ནི་ཧཱུཾ་དང་ཨ་ལས་འདིར་ཨའོ། །བསྒོམ་ཐབས་ནི་ཨ་དཀར་པོ་རྒྱུ་སྐར་མ་ཡས་པ་ལ་ཁར་ཤར་བ་ལྟ་བུའོ། །འབྲས་བུ་ནི་སྤྲུལ་པའི་སྐུ་འཐོབ་པའོ། །དེ་ལ་རྒྱུའི་ཏིང་ངེ་འཛིན་གྱི་ངོ་བོ་གང་ཡིན་ན་གནས་པའི་གཞི༷་མེད། བརྟེན་པའི་རྩ༷་བ་མེ༷ད་པ༷འི་ངོ་བོ་དེ་ལ་མཚོན་པ་ཙམ་དུ་སེམ༷ས་ཞེས་བྱ་སྟེ་ཉིད་ནི་ཆོས་ཉིད༷་དོ། །ཆོས་ཉིད་ནི༷་བརྟེན་པ་དང་གནས་པའི་ཐ་སྙད་དང་བྲལ་བའོ། །དེས་ལས་ཅི་བྱེད་ན་དེ་ཉིད་དངོས་པོ་ཡོད་མེད་གཉིས་ཀྱིས་བསྡུས་པའི་ཆོས༷་རྣ༷མས་ཐམས་ཅད་ཀུ༷ན་གྱི༷་རྩ༷་བ་ཡི༷ན་ཏེ་རིག་པ་བྱང་ཆུབ་ཀྱི་སེམ༷ས་རྟེན་གཞི་དང་བྲལ་བ་ཉིད༷་དོ། །རང་བཞིན་ཅི་ཡིན་ན་རིག་པ་སེམས་ཉིད་རྟེན་གཞི་དང་བྲལ་བ་ཉིད་གནས་ཀྱི་ཡེ་ཤེས་རང་སྣང་བ་ནི་ཡི༷་གེའི༷་ར༷ང་བཞི༷ན་ཨ་དཀར་པོ་ཉིད་དོ༷། །ཨའི་སྒྲ་ནི་ཆོས་ཉིད་སྐྱེ་བ་མེད་པའི་དོན་བསྒོམ་མོ། །ཐབས་ཇི་ལྟར་སྒོམ་ན་ཨའི་དབྱིངས་ལས་ཡི་གེ་ཐམས་ཅད་འབྱུང་བའི་ཕྱིར་ན་ཨ་ནི་ཡི༷་གེ༷་མཆོ༷ག་སྟེ་དེ་ལ་དམིགས་པ་རྩེ་གཅིག་ཏུ་བརྟན་པ་ལ་ནི༷་བསྒོམ༷་པ༷་ཞེས་བྱའོ༷། །གཉིས་པ་ནི། ཨ་རབ་ཏུ་བརྟན་འགྱུར་ཨ་དཀར་ལས། །ཤིན་ཏུ་ཕྲ་བའི་ཨ་རྣམས་འཕྲོ། །ཕྱོགས་བཅུ་གང་བར་གསལ་གྱུར་ནས། །བསྡུས་ཀྱང་འཕེལ་འགྲིབ་མེད་པར་བརྟན། །རྩ་བའི་ཡི་གེ་ཨ་ལས་སྤྲོ་བསྡུ་བྱ་བར་བསྟན་པ་ནི་རྒྱུའི་ཏིང་ངེ་འཛིན་ཨ་དཀར་པོ་དེ་རྐྱེན་དབང་དུ་མི་འགྲོ་བར་བརྟན་པ་དང་འོད་སྤྲོས་ཏེ་ཨ༷་ནི་ཆོས་ཉིད་ཀྱི་རང་བཞིན་རིག་པ་བྱང་ཆུབ་སེམས་སོ། །ར༷བ་ཏུ༷་བརྟ྄༷ན་པར་གྱུར༷་པ་ནི་དམིགས་པ་རྩེ་གཅིག་པས་གསལ་བར་གྱུར་པའོ། །གཞིའི་ཨ༷་དཀ༷ར་པོ་དེ་ལ༷ས་ཤི༷ན་ཏུ༷་ཕྲ༷་བ༷འི་ཨ༷་མང་པོ་རྣམ༷ས་ཕར་སྤྲོས་ཤིང་འཕྲོ༷་བའོ། །ཡན་ལག་གི་ཡི་གེ་དབྱངས་དང་གསལ་བྱེད་ལ་སྤྲོ་བསྡུ་བྱ་བར་བསྟན་པ་ནི་ཡི་གེ་ཨ་ཕྱོགས་བཅུར་སྤྲོས་པས་ཕྱོག༷ས་བཅུ༷་ཨས་ག༷ང་བ༷ར་དམིགས་ནས་ཡི་གེ་ཨ་གས༷ལ་བར་གྱུ༷ར་ན༷ས་འོད་སྤྲོ་བསྡུ་བྱའོ། །འོད་ཟེར་གྱིས་དངོས་པོར་སྣང་བ་ཐམས་ཅད་སྲེག་སྦྱངས་ནས་ཆོས་ཐམས་ཅད་དོན་དམ་པའི་བདེན་པར་བྱས་ཚུར་ལ་འདུས་པས་ཨའི་གཞི་མ་ལ་ཐིམ་མོ། །དེ་ལྟར་བྱས་པས་ཕར་ལ་སྤྲོས་ཀྱང་ཨ་ཆུང་དུ་མ་སོང་ཚུར་བསྡུས༷་ཀྱང༷་ཆེར་མ་སོང་བས་བསྡུས་ཀྱང་འཕེ༷ལ་འགྲི༷བ་མེད༷་པ༷ར་བརྟ༷ན་པའོ། །གསུམ་པ་ནི། དེ་ལས་མིང་ཚོགས་གསལ་འབར་ཀུན། །སྤྲོ་ཞིང་བསྡུ་བའང་དེ་བཞིན་ནོ། །ཨ་དེ༷་ལ༷ས་མི༷ང་གི་ཡི་གེའི་ཚོ༷གས་ནི། ཀ་ཁ་ག་གྷ་ང་ལ་སོགས་དང་ཨ་ཨཱ་ཨི་ཨཱི་ལ་སོགས་པ་དེ་དག་ཡིད་ལ་གས༷ལ་བ་དང་ཁ་དོག་འོད་ཟེར་འབ༷ར་བར་བསྒོམ་པའོ། །དེ་ནི་ཀུན༷་རྫོབ་བདེན་པའི་ཡི་གེའོ། །དེ་རྣམས་ལས་སྤྲོ༷་ཞིང༷་བསྡུ༷་བ༷འང་སྔར་ཨ་ལས་ཡི་གེ་དབྱིབས་དང་འོད་ཟེར་ཅན་དུ་འཕྲོས་པས་སྣོད་བཅུད་སྦྱངས་པས་ཨ་ཆུང་དུ་མ་སོང་བསྡུས་པས་ཀྱང་ཆེར་མ་སོང་བ་དེ༷་བཞི༷ན་བྱ་བ་ཡིན་ནོ༷། །དེ་ཡང་ཆོས་ཉིད་ཡིན་པས་འཕེལ་འགྲིབ་དང་བྲལ་ལོ། །བཞི་པ་ནི། འདི་ནི་རྡོ་རྗེ་དངོས་གྲུབ་ཀྱི། །བརྟན་འབྱུང་ཡེ་ཤེས་རྒྱུ་ཡིན་ནོ། །ཞེས་གསུངས་ཏེ། ཡི་གེ་འདི༷་ནི༷་དོན་སྐྱེ་བ་མེད་པའི་ཡི་གེ་རྟགས་ནི་ཡི་གེ་ཨ་འབྲས་བུ་སྐུ་གསུང་ཐུགས་རྡོ༷་རྗེ༷་གསུམ་གྱི་དངོ༷ས་གྲུ༷བ་ཐམས་ཅད་འབྱུང་བའོ། །ཏིང་ངེ་འཛིན་བརྟན༷་པ་ལས་བྱུང༷་བ་ནི་སྐུ་དང་ཡེ༷་ཤེ༷ས་ཐམས་ཅད་ཀྱི་འབྱུང་བའི་རྒྱུའ༷མ་བསྐྱེད་པའི་རྐྱེན་ཡང་ཡི་གེ་ཡི༷ན་ནོ༷། །གསུམ་པ་དཀྱིལ་འཁོར་དངོས་བསྒོམ་པ་ལ་གཉིས་ཏེ། རྟེན་གཞལ་ཡས་ཁང་དང་། བརྟེན་པ་ལྷའོ། །རྟེན་གཞལ་ཡས་ཁང་ལ་གཉིས་ཏེ། འ༷བྱུང་བ༷་དབ༷ང་ཆེན་དང་། གཞལ་ཡས་ཁང་ངོ་།

།དང་པོ་ནི། དེ་ལས་རྒྱལ་བའི་བཞུགས་གནས་རྟེན། །དབང་ཆེན་དཀྱིལ་འཁོར་རིམ་བཞིན་བསྒོམ། །ཨེ། ཡཾ། བཾ། སུཾ། ལཾ། ཞེས་སོ། །འདིར་འབྱུང་བ་རིམ་བརྩེགས་ལ་ཡང་དྲུག་སྟེ་སྦྱང་བྱ་ནི་སྣོད་ཀྱི་འཇིག་རྟེན་ནོ། །སྦྱོང་བྱེད་ནི་འབྱུང་བ་རིམ་བརྩེགས་སོ། །ངོ་བོ་ནི་འབྱུང་བ་ལྔའོ། །རྣམ་གྲངས་ནི་འདུས་བྱས་ཀྱི་འབྱུང་བ་དང་ཆོས་ཉིད་ཀྱི་འབྱུང་བའོ། །བསྒོམ་ཐབས་ནི་རྒྱུའི་ཏིང་ངེ་འཛིན་གསལ་ཞིང་བརྟན་པ་དེ༷་ལ༷ས་རྒྱལ༷་བ༷འི་ཚོགས་རྣམས་བཞུ༷གས་པའི་གན༷ས་ས༷མ་རྟེན༷་དུ་གྱུར་པ་སྒོམ་པ་ནི་འབྱུང་བ་ལྔ་རང་བཞིན་གྱིས་སངས་རྒྱས་པས་ན་དབ༷ང་ཆེ༷ན་གྱི་དཀྱི༷ལ་འཁོ༷ར་སྟེ་དེ་དག་རི༷མ་པ་བཞི༷ན་བསྒོ༷མ་པའི་ཚུལ་ཨ་ལས་ཨེ༷་ཆད་དེ་ཡོངས་སུ་གྱུར་པ་ལས་ཨེ་གྲུ་གསུམ་ཆོས་ཀྱི་འབྱུང་གནས་ཕྱི་དཀར་ལ་ནང་དམར་བ་ཡངས་ཤིང་རྒྱ་ཆེ་བ་གཅིག་བསྒོམ། དེ་ཡང་འབྱུང་བ་ནམ༷་མཁའ་ཡུམ་ཀུན་ཏུ་བཟང་མོའི་བྷ་ག་རྣམ་པར་དག་པས་ནང་དུ་ན་ཀུན་གཞི་སྦྱོང་ཞིང་ཉོན་མོངས་པ་གཏི་མུག་དག །ཡེ་ཤེས་ལྔ་ལས་ཆོས་ཀྱི་དབྱིངས་ཀྱི་ཡེ་ཤེས་སོ། །ཡ༷ྃ་ལས་རླུང་གི་དཀྱིལ༷་འཁོར་དབྱིབས་ཟླ་གམ་མདོག་ལྗང་གུ་འབྱུང་བ་རླུང་དང་ཡུམ་དམ་ཚིག་སྒྲོལ་མ་ནང་དུ་ན་ཕུང་པོའི་དབུགས་ཉོན་མོངས་ཕྲག་དོག་བྱ་བ་གྲུབ་པའི་ཡེ་ཤེས་རྣམས་སོ། །བ༷ཾ་ལས་ཆུ་ཡི་དཀྱིལ་འཁོར་དབྱིབས་ཟླུམ་པོ་མདོག་དཀར་པོ་འབྱུང་བ་ཆུ་ཡུམ་མ་མ་ཀི་ལུས་ལ་སྦྱར་ན་ཁྲག་ཉོན་མོངས་ང་རྒྱལ་མཉམ་པ་ཉིད་དོ། །སུྃ་ལས་གསེར་གྱི་ས་གཞི་དབྱིབས་གྲུ་བཞི་མདོག་སེར་པོ་འབྱུང་བ་ས་ཡུམ་སངས་རྒྱས་སྤྱན་ཕུང་པོ་ནི་ཤ་ཉོན་མོངས་ཞེ་སྡང་མེ་ལོང་ལྟ་བུའི་ཡེ་ཤེས་སོ། །ལ༷ཾ་ལས་རིན་པོ་ཆེའི་རི་རབ་དབྱིབས་གྲུ་བཞི་མཁར་ཐབས་མདོག་ཡེ་ཤེས་ལྔ་ལྡན་འདི་ཡང་ཡུམ་སངས་རྒྱས་སྤྱན་འབྱུང་བ་ས་ཕུང་པོ་ནི་ཤ་ཉོན་མོངས་ཞེ་སྡང་མེ་ལོང་ཡེ་ཤེས་སོ། །དེའི་སྟེང་དུ་ར༷ཾ་ལས་མེའི་དཀྱིལ་འཁོར་དབྱིབས་གྲུ་གསུམ་ཁ་མདོག་སྣ་ཚོགས་འབྱུང་བ་ནི་མེ་ཡུམ་གོས་དཀར་མོ་ཕུང་པོའི་དྲོད་ཉོན་མོངས་འདོད་ཆགས་ཡེ་ཤེས་ནི་སོ་སོར་རྟོག་པའི་ཡེ་ཤེས་དང་སྦྱར་རོ། །འབྲས་བུ་ནི་འབྱུང་ལྔ་ཡེ་ནས་སངས་རྒྱས་པའོ། །གཉིས་པ་གཞལ་ཡས་ཁང་ལ་གསུམ་སྟེ་བསྐྱེད་པའི་སྔགས་དང་། གཅིག་ཆར་བའི་དཀྱིལ་འཁོར་དང་། རིམ་པས་བསྐྱེད་པའོ། །དང་པོ་ནི། བྷྲུཾ་བི་ཤྭ་བི་ཤུད་དྷེ། ཞེས་ཏེ། རིན་པོ་ཆེའི་རི་རབ་ཀྱི་སྟེང་དུ་ཡི་གེ་བྷྲཱུྃ་ལས་རིན་པོ་ཆེ་སྣ་ཚོགས་ལས་གྲུབ་པའི་གཞལ་ཡས་ཁང་ཕྱི་ནས་བལྟས་ན་ནང་གསལ་བ་ནང་ནས་བལྟས་ན་ཕྱི་གསལ་བ་གང་ཡང་མི་སྒྲིབ་པའི་རང་བཞིན་ཅན་ནོ། །གཉིས་པ་ནི། ཡེ་ཤེས་ཕྱོགས་ཁ་བཞི་དབུས་བརྟགས་ཏེ། །དཀྱིལ་འཁོར་བསམ་ཡས་ལྷུན་གྲུབ་ནི། །རྫོགས་ཆེན་རྟོགས་ཀ་པའི་རྣལ་འབྱོར་བས། །ཀུན་འབྱུང་དཀྱིལ་འཁོར་ག་ཆེན་པོར་སྤྱོད། །ཅེས་སོ། །གང་རྟོགས་པར་བྱ་ན་མཚོན་བྱེད་ནི་འཁོར་ལོ་རྩིབས་བཞི་དབུས་དང་ལྔའོ། །མཚོན་བྱ་ནི་ཡེ༷་ཤེས༷་ལྔ་སྟེ་དབུས་ཆོས་ཀྱི་དབྱིངས་ཀྱི་ཡེ་ཤེས། ཤར་མེ་ལོང་། ལྷོར་མཉམ་པ་ཉིད། ནུབ་སོ་སོར་ཀུན་རྟོགབྱང་བྱ་བ་གྲུབ་པའི་ཡེ་ཤེས་རྣམས་ལ་ཕྱོག༷ས་བཞི༷་དབུས༷་དང་ལྔར་བརྟག༷ས་པ་སྟེ༷་དེ་ཡང་ཕྱོགས་མཐུན་པ་དང་གྲངས་དང་མཐུན་པ་དང་དོན་མཐུན་པ་དང་རྟགས་མཐུན་པས་སོ། །དེ་ཇི་ལྟར་རྟོགས་པར་བྱ་ན་དཀྱིལ༷་རྡོ་རྗེ་སེམས་དཔའ་ལ་འཁོ༷ར་བཞི་བཅུ་ཐམ་པས་བསྐོར་བ་ནི་གདུལ་བྱའི་བློ་བས༷མ་ཡ༷ས་ཀྱང་བློ་ཆེ་བ་ལ་རང་བཞིན་ལྷུན༷་གྲུབ༷་ཏུ་གནས་པ་ནི༷་རང་བཞིན་ལྷུན་གྱིས་གྲུབ་པའི་དཀྱིལ་འཁོར་རོ། །དེ་གང་གིས་རྟོགས་པར་བྱ་ན་སྒྲུབ་པ་པོ་རྟེན་གྱི་གང་ཟག་བློ་མཆོག་ཏུ་གྱུར་པ་སྟེ། དེས་ཆོས་ཐམས་ཅད་ཡེ་ནས་ལམ་དང་གཉེན་པོས་མ་བཅོས་པ་སྐུ་དང་ཡེ་ཤེས་སུ་སངས་རྒྱས་པའི་རང་བཞིན་དུ་རྒྱུད་ཀྱི་དོན་རྫོག༷ས་པ་ཆེ༷ན་པོའི་དོན་རྟོག༷ས་པའི༷་རྣལ༷་འ༷བྱོར་པ༷ས་སོ། །རྟོགས་པའི་དོན་ཅི་ཞེ་ན་བུདྡྷ་བཞི་བཅུ་རྩ་གཉིས་དང་པོ་ནས་རང་ལ་ལྷུན་གྱིས་གྲུབ་པའི་ཕྱིར་ན་རིག་པ་ལས་བུདྡྷ་ཀུན༷་འབྱུང༷་བ་རྒྱ་མཚོ་ལས་གཟའ་སྐར་འཆར་བ་བཞིན་དུ་དུས་གཅིག་ལ་རྫོགས་པར་བསྒོམ་པ་ཡིན་པས་དཀྱིལ༷་འཁོ༷ར་ཆེན༷་པོར༷་སྤྱོད༷་ཅེས་སོ། །གསུམ་པ་རིམ་གྱིས་བསྐྱེད་པ་ལ་གསུམ་སྟེ། །དཀྱིལ་འཁོར་གྱི་མཚན་ཉིད་དང་། རྒྱན་དང་། གདན་ནོ། །དང་པོ་ནི། འཁོར་ལོ་རྩིབས་བཞི་མུ་ཁྱུད་བཅས། །ལྷག་པའི་ཡེ་ཤེས་གློ་འབུར་ཅན། །གྲུ་ཆད་བཞིས་བརྒྱན་བར་ཁྱམས་དང་། །ཀུན་ཏུ་གྲུ་བཞི་སྒོ་ཁྱུད་ལྡན། །ཞེས་གསུངས་ཏེ། སྤྱིར་གཞལ་ཡས་ཁང་ལ་གསུམ་སྟེ། ཆོས་ཉིད་རང་བཞིན་གྱི་དཀྱིལ་འཁོར་དང་། དམིགས་པ་གཟུགས་བརྙན་དང་། བསམ་པ་ཏིང་ངེ་འཛིན་ནོ། །རང་བཞིན་ལ་གཉིས་ཏེ་རང་བཞིན་གྱི་དཀྱིལ་འཁོར་དང་། རང་བཞིན་འབྲས་བུ་མཐར་ཕྱིན་པའི་དཀྱིལ་འཁོར་རོ། །གཟུགས་བརྙན་ལ་གཉིས་ཏེ་གཟུགས་བརྙན་དང་། ལྷག་པའི་གཟུགས་བརྙན་ནོ། །ཏིང་ངེ་འཛིན་གྱི་དཀྱིལ་འཁོར་ལ་གཉིས་ཏེ་ཏིང་ངེ་འཛིན་གྱི་དཀྱིལ་འཁོར་དང་། ལྷག་པ་ཏིང་ངེ་འཛིན་གྱི་དཀྱིལ་འཁོར་རོ། །དེའི་སྟེང་དུ་བྱང་ཆུབ་སེམས་ཀྱི་དཀྱིལ་འཁོར་དང་། མཆོད་པ་ཚོགས་ཀྱི་དཀྱིལ་འཁོར་རོ། །དེ་ལས་འདིར་རང་བཞིན་གྱི་དཀྱིལ་འཁོར་ཏེ་གཞལ་ཡས་ཁང་ནི་དབུས་ལྟེ་བ་ཟླུམ་པོ་ཆོས་ཀྱི་དབྱིངས་ཏེ་མཐིང་གའོ། །རྩིབས་བཞི་ནི་ཡེ་ཤེས་བཞི་སྟེ་གསེར་གྱི་འཁོ༷ར་ལོ༷་རྩིབ༷ས་བཞི༷་པ། སྤྲོས་པ་མེད་པའི་མུ༷་ཁྱུད༷་ཟླུམ་པོ་རྡོ་རྗེའི་རྩིགས་པ་དང་བཅ༷ས་པའོ། །ཐམས་ཅད་དབང་དུ་སྡུད་པའི་རྩིབས་མཆན་དམར་པོ་ཕྲིན་ལས་བཞི་དང་ལྡན་པས་ན་གྲུ་ཆད་ལྗང་གུའོ། །ཡེ་ཤེས་རེ་རེ་ལ་ཡང་ལྷག༷་པ༷འི་ཡེ༷་ཤེས༷་བསམ་གྱིས་མི་ཁྱབ་པའི་རྟགས་སུ་གློ༷་འབུ༷ར་བཞི་སྟེ་ཤར་ན་དུང་གི །ལྷོ་ན་གསེར་གྱི། ནུབ་ན་ཟངས་ཀྱི། བྱང་ན་གཡུ་ཡི་གློ་འབུར་དུ་སྣང་ངོ་། །དེ་ཡང་ཡེ་ཤེས་གཞན་ལས་ཁྱད་པར་དུ་གྱུར་ཏེ་སྤང་ནས་ལྷག་པའི་རྟགས་ཅན༷་ནོ། །ཕྲིན་ལས་བཞིའི་གྲུ༷་ཆ༷ད་བཞི༷ས་དབུས་ཀྱི་ཕོ་བྲང་ལ་བརྒྱན༷་པའོ། །དབྱེར་མེད་པའི་དོན་ལ་མཁས་པས་བདེན་པར་ཚུལ་གཅིག་ཏུ་འདུས་ཏེ་དོན་དམ་ཀུན་རྫོབ་དབྱེར་མེད་པས་ན་བ༷ར་ཁྱམ༷ས་ཕྱོགས་མཐུན་ད༷ང་། རང་རིག་པ་ཉིད་ལ་སངས་རྒྱས་ཀྱི་ཆེ་བའི་ཡོན་ཏན་ཐམས་ཅད་ལྷུན་གྱིས་གྲུབ་པའི་རྟགས་སུ་ཕྱིའི་དབྱིབས་ཀུ༷ན་ཏུ༷་གྲུ༷་བཞི༷ར་གྱུར་པའོ། །དེ་ཡང་སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པ་དང་། རང་བཞིན་གྱིས་འོད་གསལ་བའི་ཕྱིར་ན་སྒོ༷་ཁྱུད༷་བཞི་དང་ལྡ༷ན་པ་ཐེག་པ་རིམ་པ་བརྒྱད་ཡོད་པའི་གནས་སུ་གྱུར་པས་རྟ་བབས་བརྒྱད་ཡོད་པ། སྟོང་ཉིད་མི་ཤིགས་པའི་རྟགས་སུ་རྡོ་རྗེའི་རབས་བསྐོར་བ། གདུག་པ་ཅན་འཇོམས་པའི་རྟགས་སུ་མེ་དཔུང་འབར་བས་འཁྲིགས་པ་ཅན་ནོ། །གཉིས་པ་ནི། རོལ་མོ་སྣ་ཚོགས་སྤྲིན་ཕུང་བཞིན། །དཀྱིལ་འཁོར་བཞི་བཅུ་གཉིས་ཀྱིས་བརྒྱན། །ཞེས་པ་སྟེ། འདི་ལ་སྤྲུལ་པའི་རྒྱན་དང་བདག་པོའི་རྒྱན་གཉིས་ལས། དང་པོ་ནི། གཞལ་ཡས་ཁང་དེ་ལ་པན་ཙ་ར་གའི་རྩིགས་པ་དང་རིན་ཆེན་ཕ་གུའི་བར་ན་འདོད་ཡོན་སྣམ་བུ་དམར་པོ་ལ་རོ༷ལ་མོ༷་ལ་སོགས་པའི་མཆོད་རྫས་སྣ༷་ཚོག༷ས་ཐོགས་པའི་འདོད་པའི་ཡོན་ཏན་ལྔའི་ལྷ་མོ་སྣ་ཚོགས་པའི་གཟུགས་ཅན་སྤྲིན༷་ཕུ༷ང་བཞི༷ན་དུ་འཁྲིགས་པ་སྟེ་སྣང་ལ་རང་བཞིན་མེད་པ་གསལ་ལ་མི་སྒྲིབ་པའོ། །གཉིས་པ་བདག་པོའི་རྒྱན་ནི། གཞལ་ཡས་ཁང་གི་བདག་པོ་ནི་དཀྱིལ༷་འཁོ༷ར་གྱི་ལྷ་ཚོགས་རྒྱལ་བ་བཞི༷་བཅུ༷་རྩ་གཉིས་སོ། །འོ་ན་དཀྱིལ་འཁོར་གྱི་རྒྱན་དུ་ལྷ་འགྲོ་བའི་འཐད་པ་ཅི་ཞེ་ན་སྤྱིར་རྒྱན་ལ་དུ་མ་ཡོད་ཀྱང་འདིར་རང་བཞིན་ལྷུན་གྱིས་གྲུབ་པའི་དབང་དུ་བྱས་ན་གཞལ་ཡས་ཁང་དང་ལྷ་ལ་སྔ་ཕྱི་མེད་ལ། འདིར་སྔ་ཕྱི་བྱུང་བ་ནི་གདུལ་བྱའི་བསམ་པ་ལ་དགོངས་ནས་གདུལ་བྱ་བློ་ཆུང་བས་དུས་སྐད་ཅིག་ལ་མི་ལྕོགས་པར་རིམ་པས་སྨོས་པ་ཡིན་ཏེ། དེ་བས་ན་སྔོན་ལ་གཞལ་ཡས་ཁང་བསྐྱེད་ནས་དེ་ནས་ལྷ་ཕྱི་ལ་བསྐྱེད་པ་ལ་དགོངས་ནས་རྒྱན་ཟེར་རོ། །ལྷ་བཞི་བཅུ་རྩ་གཉིས་ཀྱི་ཆ་བྱད་ཅན་སྤྲུལ་པ་བཞི༷་བཅུ༷་རྩ་གཉིས༷་ཀྱིས༷་བརྒྱ༷ན་ཟེར་རོ། །ཡང་ན་གཞལ་ཡས་ཁང་གི་རྒྱན་དུ་ལྷ་འགྱུར་ཏེ་ཁང་སྟོང་ལ་བདག་པོས་བརྒྱན་པ་ལྟ་བུའོ། །གསུམ་པ་ནི། སེང་གེ་གླང་ཆེན་རྟ་དང་ཁྱུང་། །ནམ་མཁའ་ལྡིང་གི་ཁྲི་ཆེན་ལ། །ཉི་ཟླ་པདྨ་རིན་པོ་ཆེ། །ཞེས་པས་བསྟན། འདིར་གདན་ལ་གསུམ་ལས་རྟགས་ཀྱི་ཆེ་བས་ཁེང་པ་བཅོམ་པའི་གདན་ནི་སེམས་ཅན་བརྒྱད་བརྒྱད་མཇུག་མ་ནང་དུ་བསྣོལ་ནས་གདན་འོག་ན་རྣ་བས་ཆོས་ཉན་པ་སྟེ་བྱང་ཆུབ་སེམས་དཔའ་ཤེས་བྱའི་སྒྲིབ་པ་སྦྱོང་བས་ལུས་གདན་དུ་ཕུལ་བའོ། །དེ་ཡང་དབུས་ཤེས་རབ་ཀྱི་ཕ་རོལ་ཏུ་ཕྱིན་པས་མི་འཇིགས་པ་བཞི་ཐོབ་པའི་རྟགས་སུ་སེང༷་གེ༷་ཡི་གདན་ནོ། །ཤར་དུ་བསམ་གཏན་གྱི་ཕ་རོལ་ཏུ་ཕྱིན་པས་མི་འགྱུར་བའི་རྟགས་སུ་སྟོབས་བཅུ་མངའ་བས་གླ༷ང་ཆེན༷་གྱི་གདན་དཀར་པོའོ། །ལྷོར་སྦྱིན་པའི་ཕ་རོལ་ཏུ་ཕྱིན་པས་རྫུ་འཕྲུལ་རྐང་པ་བཞི་མཚོན་པའི་རྟགས་སུ་རྟ༷་མཆོག་གི་གདན་སྔོན་པོ་ད༷ང་། ནུབ་ཏུ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་མཚོན་པའི་རྟགས་སུ་དབང་བཅུ་མཚོན་པ་མཛེས་པའི་ཁྱུང༷་རྨ་བྱའི་གདན་སྣ་ཚོགས། བྱང་དུ་བརྩོན་འགྲུས་ཀྱི་ཕ་རོལ་ཏུ་ཕྱིན་པའི་རྟགས་སུ་འཕྲིན་ལས་སྣ་ཚོགས་པ་མཚོན་པའི་ཤང་ཤང་ན༷མ་མཁ༷འ་ལྡིང༷་གི༷་ཁྲི༷་ཆེན༷་ནམ་གདན་ལུས་སོ་སོ་ལ༷་གཤོག་པ་གཡུར་སྣང་བའོ། །གཉིས་པ་སའི་ཁྱད་པར་བསྒྲོད་པའི་གདན་ནི། བཅུ་གཅིག་ཀུན་ཏུ་འོད་དང་བཅུ་གཉིས་མ་ཆགས་པདྨ་ཅན་དང་བཅུ་གསུམ་ཡི་གེ་འཁོར་ལོ་ཚོགས་ཆེན་གྱི་ས་ནོན་པས་ཤེས་རབ་སྟོང་པ་མཚོན་པ་ཉི༷་མའི་གདན་དང་། ཐབས་མ་འགགས་པ་མཚོན་པ་ཟླ༷་བའི་གདན་དང་། སྐྱོན་གྱིས་མ་གོས་པ་མཚོན་པ་གདན་སྣ་ཚོགས་པའི་པ༷དྨ༷འོ། གསུམ་པ་ཆོས་ཀྱི་འཁོར་ལོ་བསྐོར་བའི་གདན་ནི། འོག་གཞི་ཆོས་ཀྱི་འཁོར་ལོ་རྩིབས་བཞིའམ་རིན༷་པོ༷་ཆེ༷་འབར་བའི་ཁྲི་རྐང་ལ་དགོས་འདོད་སྣ་ཚོགས་འབྱུང་བ་དང་འོག་གཞི་འཁོར་ལོ་ལ་ཆོས་ཀྱིས་འགྲོ་བ་འདུལ་བར་བསྟན་པའོ། །དེ་བས་ན་རྒྱལ་བ་རིགས་ལྔ་ལ་དོན་དང་རྟགས་སུ་ལྡན་པའི་གདན་ལྔ་བརྩེགས་སོ། །ཀུན་བཟང་ཡབ་ཡུམ་དང་སེམས་དཔའ་སེམས་མ་ལ་ཉི་ཟླ་པདྨའོ། །ཐུབ་པ་ལ་པད་རྐྱང་ངོ་། །སྒོ་བ་ལ་རྡོ་རྗེ་བྲག་གི་སྟེང་ན་ཉི་མ་རྐྱང་པའོ། །གཉིས་པ་རྟེན་པ་ལྷ་སྒོམ་པ་ལ་གཉིས་ཏེ། བདག་སྔོན་གྱི་སངས་རྒྱས་ཡིན་པའི་ཕྱིར་བདག་གི་སྲས་སུ་དེ་བཞིན་གཤེགས་པ་བྱ་བ་དང་། རིགས་མི་ནུབ་ཅིང་ལྷུན་གྱིས་གྲུབ་པར་བྱ་བའི་ཕྱིར་དེ་བཞིན་གཤེགས་པའི་སྲས་སུ་བདག་བྱ་བའོ། །དང་པོ་བདག་སྲས་ལ་ལྔ་སྟེ། གཙོ་བོ་བསྐྱེད་པ་དང་། བདག་སྲས་ཀྱི་གཏན་ཚིགས་དང་། གསང་བའི་དཀྱིལ་འཁོར་བསྐྱེད་པ་དང་། སྔགས་ཀྱིས་ཕྱིར་གདོན་པ་དང་། དེ་དག་རྒྱུ་རྐྱེན་འཚོགས་པ་ལས་འབྱུང་བར་བསྟན་པའོ།

།དང་པོ་ནི། ཨ་ནི་སྐྱེ་མེད་དེ་བཞིན་ཉིད། །ཀྵ་ནི་ཐུགས་ཀྱི་ཡེ་ཤེས་ཤར། །དེ་ལས་ཆོ་འཕྲུལ་གསུམ་གྱིས་བསྐྱེད། །ཀུན་བཟང་མཉམ་བཞག་ཡེ་ཤེས་འཕྲོ། །ཡུམ་གྱུར་མཉམ་རྫོགས་པད་མོའི་དཀྱིལ། །ཕྱག་རྒྱ་ཆེན་པོའི་སྐུ་གཉིས་རྫོགས། །ཞེས་པ་སྟེ། བདག་སྔོན་གྱི་སངས་རྒྱས་ཡིན་པའི་ཕྱིར་ན་བདག་གི་སྲས་སུ་དེ་བཞིན་གཤེགས་པ་བྱ་བ་ནི་ལྔ་སྟེ། སངས་རྒྱས་གང་དང་སྦྱར་བ་དང་། དོན་གང་དང་མཐུན་པ་དང་། སྒོ་གང་ནས་འཇུག་པ་དང་། དོན་གང་རྟོགས་པ་དང་། ཡེ་ཤེས་གང་ཐོབ་པའོ། །དེ་ལ་སངས་རྒྱས་ནི་རང་བཞིན་ལྷུན་གྱིས་གྲུབ་པའི་སངས་རྒྱས་དང་སྦྱར། དེ་ཡང་བདག་རང་བཞིན་ལྷུན་གྱིས་གྲུབ་པའི་སངས་རྒྱས་ཡིན་པས་ན་རང་བཞིན་གྱི་ལྟར་བསྒོམ་པའོ། །དོན་གང་དང་མཐུན་ན་ཡེ་ཡིན་པ་དང་དོན་དང་མཐུན་པའོ། །ཡེ་ཡིན་པ་ནི་དཔེར་ན་འཇིག་རྟེན་སྲིད་པའི་མེས་པོ་ལྷ་དབང་ཕྱུག་ཆེན་པོ་ཡབ་ཡུམ་ཡིན་པ་ལྟར་སངས་རྒྱས་ཐམས་ཅད་ཀྱི་མེས་པོ་དཔལ་ཀུན་ཏུ་བཟང་པོའོ། །སྒོ་གང་ནས་འཇུག་པ་ནི་མ་ཧཱ་ཡོ་ག་ཨ་ཏི་ཡོ་ག་དང་སྦྱར་ནས་འཇུག་པའོ། །དོན་གང་རྟོགས་པ་ནི་རིག་པ་ཡེ་ནས་སངས་རྒྱས་པའི་དོན་དེ་རྟོགས་པའོ། །ཡེ་ཤེས་གང་རྟོགས་པ་ནི་རིག་པ་རང་གསལ་གྱི་ཡེ་ཤེས་ཐོབ་པའོ། །འོ་ན་བདག་དཔལ་ཀུན་ཏུ་བཟང་པོ་ཡབ་ཡུམ་གཉིས་པོ་སྔོན་གྱི་སངས་རྒྱས་ཡིན་ན་བུདྡྷ་བཞི་བཅུ་པོ་དེ་ལྷ་འཕྲལ་བྱུང་གི་སངས་རྒྱས་ཡིན་ནམ་ཞེ་ན། དེ་བྱས་ན་གློ་བུར་བ་ཡིན་པས་དོན་མི་འགྲུབ་པས་མི་འཐད་དོ། །དེ་མ་ཡིན་ན་སྔོན་གྱི་སངས་རྒྱས་ཞེས་ཅི་ལ་གདགས་ཞེ་ན་ཞེས་དྲིས་པ་ན། དེའི་ལན་དུ་དེ་ནི་འདི་ལྟར་ཤེས་པར་བྱ་སྟེ་རང་བཞིན་ལྷུན་གྱིས་གྲུབ་པའི་སངས་རྒྱས་ཡེ་ཇི་བཞིན་པའི་ཀུན་ཏུ་བཟང་པོ་མ་ཤེས་ན་རིག་པ་སངས་རྒྱས་སུ་ཐག་མི་ཆོད་པས་ན་དེ་སྐད་ཅེས་བྱ། རྟོགས་པ་མངོན་གྱུར་གྱི་སངས་རྒྱས་རྒྱུད་དག་པའི་སངས་རྒྱས་མེད་ན་རིགས་ནུབ་ཅིང་བདེ་གཤེགས་རྒྱུན་ཆད་པའི་ཕྱིར་ན་རིགས་མི་ནུབ་ཅིང་ལྷུན་གྱིས་གྲུབ་པར་བྱ་བའི་ཕྱིར་བདག་གི་སྲས་སུ་དེ་བཞིན་གཤེགས་པ་བྱ་བའོ། །དོན་གོ་དྲིལ་ན་བུདྡྷ་བཞི་བཅུ་རྩ་གཉིས་ལ་སྔ་ཕྱི་མེད་ཀྱང་གདུལ་བྱའི་བློ་དང་མཐུན་པར་བསྟན་པའོ། །དེ་བས་ན་བདག་སངས་རྒྱས་ནས་གཞན་དོན་བྱེད་པས་ན་བུདྡྷ་ཉིད་ལ་བུདྡྷ་ཉིད་ཀྱིས་དོན་བསྐུལ་བའོ། །དེ་ལྟར་ངེས་པར་བྱས་ནས་འདི་ལྟར་རྒྱུའི་ཏིང་ངེ་འཛིན་གྱི་ཨ༷་དེ་དབུས་ཀྱི་གདན་སྟེངས་སུ་བབས་པ་སྟེ་ཨའི་དོན་ནི༷་ཆོས་ཉིད་སྐྱེ༷་བ་མེ༷ད་པ་ཡིན་ལ་རྟགས་ཀུན་ཏུ་བཟང་མོའི་ས་བོན་ནོ། །ངོ་བོ་དེ༷་བཞི༷ན་ཉིད༷་ཀུན་གཞི་ཆོས་ཀྱི་དབྱིངས་ཀྱི་རང་བཞིན་ནོ། །ཨ་དེ་ལས་ཀྵ༷་གཡས་སུ་འཕྲོས་པའི་དོན་ནི༷་ཐུགས༷་ཀྱི༷་ཡེ་ཤེས་སམ་ཐུགས་རིག་པའི་ཡེ༷་ཤེས༷་ཤ༷ར་བའོ། །རྟགས་ཀུན་ཏུ་བཟང་པོའི་ས་བོན་ནོ། །ངོ་བོ་ཡིད་རང་བྱུང་གི་ཡེ་ཤེས་བདེ་བར་གཤེགས་པའི་ཐུགས་སོ། །དེ༷་ལ༷ས་ཆོ༷་འཕྲུལ༷་གསུ༷མ་གྱིས༷་ལྷར་བསྐྱེད༷་པའི་ཚུལ་ནི་ཨ་དང་ཀྵ་གཉིས་སུ་གསལ་བ་གསུང་ཡིག་འབྲུའི་ཆོ་གའོ། །དེ་འཕྲོས་འདུས་པས་རྡོ་རྗེ་དང་དྲིལ་བུ་གཉིས་སུ་གྱུར་པ་ནི་ཐུགས་ཕྱག་མཚན་གྱི་ཆོ་གའོ། །དེ་འཕྲོས་འདུས་པ་ལས་སྐུ་ཕྲ་མོར་གྱུར་པ་ནི་སྐུ་ཡོངས་སུ་རྫོགས་པའི་ཆོ་གའོ། །དེ་འཕྲོས་འདུས་པ་ལས་སྔགས་བརྗོད་པས་ཀུན་བཟང་ཡབ་ཡུམ་དུ་བསྐྱེད་པའི་ཚུལ་ནི་སྐུ་ཕྲ་མོ་དེ་ལ་ཧཱུཾ་ཧཱུཾ་ཧཱུཾ་བཛྲ་ཙིཏྟ་ཧཱུཾ་ཞེས་བརྗོད་པས་ཀུན༷་ཏུ་བཟ༷ང་པོ་ཞབས་གཉིས་དཀྱིལ་ཀྲུང་མཉམ་བཞག་ཏུ་བཞུགས་པ་རྒྱན་ཐམས་ཅད་ཀྱིས་བརྒྱན་པ་སྐུ་མཐིང་ཀ་ཕྱག་གཉིས་མཉམ་བཞག་གི་ཕྱག་རྒྱ་ཅན་དགོངས་པ་མཉམ༷་བཞ༷ག་ཏུ་བཞུགས་པའོ། །སོར་མོ་སོ་སོར་གསལ་བ་ནི་ཡེ༷་ཤེ༷ས་འཕྲོ༷་ཞིང་གསལ་བའི་དོན་ཡིན་ནོ། །ཨ་ཨ་ཨ་བཛྲ་བྷ་དྲ་ས་མ་ཡ་སྟྭཾ་ཞེས་བརྗོད་པས་ཡུམ༷་ཀུན་ཏུ་བཟང་མོར་གྱུར༷་བ་ནི་ཞལ་གཅིག་ཕྱག་གཉིས་པ་སྐུ་མཐིང་ཀ་ཡབ་ལ་འཁྲིལ་བ་ཞབས་པད་མའི་སྐྱིལ་ཀྲུང་དུ་བཞུགས་པ་ཡབ་དང་སྐུ་མཉམ༷་པ༷ར་རྫོག༷ས་པ་ཞབས་པ༷ད་མོ༷འི་སྐྱིལ༷་ཀྲུང་དུ་བཞུགས་པ་ནི་ཉེས་པའི་སྐྱོན་དང་བྲལ་བའི་དོན་ནོ། །དེ་ལྟར་ལྷ་སྐུ་ཕྱག་རྒྱར་བསྒོམ་པ་འདི་ནི་དཀྱིལ་འཁོར་ཐམས་ཅད་ཀྱི་སྤྲོ་གཞི་དང་ཁྱབ་བདག་ཡིན་པས་ཕྱག༷་རྒྱ༷་ཆེ༷ན་པོ༷འི་སྐུ༷་ཞེས་པ་ཀུན་བཟང་ཡབ་ཡུམ་གཉིས༷་རྫོག༷ས་པར་བསྒོམ་པའོ། །གཉིས་པ་ནི། བདག་ཉིད་སངས་རྒྱས་ཐམས་ཅད་ཀྱི། །སྐུ་གསུང་ཐུགས་ཀྱི་རྡོ་རྗེའི་བདག །ཕྱོགས་དུས་དཀྱིལ་འཁོར་བདག་ཉིད་ཆེ། །ཀུན་བཟང་ཡེ་ནས་ཡིན་པའི་ཕྱིར། །ཞེས་གསུངས་ཏེ། རྣལ་འབྱོར་བ་བད༷ག་ཉིད༷་དཔལ་ཀུན་ཏུ་བཟང་པོར་བསྐྱེད་པ་དེ་ཡང་འཕྲལ་ལ་བྱས་པ་ལྟ་བུ་མིན་ཏེ་དུས་གསུམ་གྱི་སང༷ས་རྒྱས༷་ཐ༷མས་ཅད༷་ཀྱི༷་སྐུ༷་དང་གསུ༷ང་དང་ཐུག༷ས་ཀྱི༷་རྡོ༷་རྗེ༷འི་བད༷ག་པོའམ་རང་བཞིན་དང་ཕྱོག༷ས་བཅུ་དུས༷་བཞིའི་དཀྱིལ༷་འཁོ༷ར་ཐམས་ཅད་ཀྱི་བད༷ག་ཉིད༷་ཆེ༷ན་པོ་དཔལ་ཀུན༷་ཏུ་བཟ༷ང་པོ་ཉིད་ཡེ༷་ན༷ས་ཡི༷ན་པ༷འི་ཕྱིར༷་བདག་གི་སྲས་སུ་དེ་བཞིན་གཤེགས་པ་བྱའོ། །གསུམ་པ་ནི། ཐབས་དང་ཤེས་རབ་དགྱེས་སྤྲིན་ལས། །བྱང་ཆུབ་སེམས་ཚོགས་རྒྱུ་འཁོར་ལོ། །འབྲས་བུ་རྒྱལ་བ་སྨིན་གྲུབ་བྱེད། །ངོ་མཚར་མིང་ཚོགས་བཞི་བཅུ་གཉིས། །ཨ་ཀ་ཁ་ག་གྷ་ང་། ཙ་ཚ་ཛ་ཛྷ་ཉ། ཊ་ཋ་ཌ་ཌྷ་ཎ། ཏ་ཐ་ད་དྷ་ན། པ་ཕ་བ་བྷ་མ། ཡ་ར་ལ་ཝ། ཤ་ཥ་ས་ཧ་ཀྵ་ཨི་ཨཱི། ཨུ་ཨཱུ། ཨེ་ཨཱེ། ཨོ་ཨཱཽ། ཨ་ཉིད་སྣ་ཚོགས་པར་སྣང་བའི། །ཀ་ལ་སོགས་པ་བཞི་བཅུ་གཉིས། །སྒྲ་ཡི་མིང་གིས་ཐམས་ཅད་བསྡུས། །མངོན་རྫོགས་རྒྱལ་པོ་དེ་ཉིད་ངེས། །ཞེས་གསུངས་ཏེ། ཡབ་ཐབས་ཀྱི་རང་བཞིན་ཀུན་ཏུ་བཟང་པོའི་མཁའ་ནི་རྡོ་རྗེ་རྩེ་ལྔ་པ་མཆུ་སྦུབས་སུ་ཨོཾ་གྱིས་མཚན་པ་ད༷ང་། ཡུམ་ཤེ༷ས་ར༷བ་ཀུན་ཏུ་བཟང་མོའི་མཁའ་ནི་པདྨ་འདབ་མ་བརྒྱད་པར་བསྒོམ་པའི་ལྟེ་བ་ལ་ཨཾ་བསམ། དེ་ལྟར་ཡབ་ཡུམ་གཉིས་སུ་མེད་པར་དགྱེས༷་པར་རོལ་པའི་བྱང་ཆུབ་སེམས་སྤྲིན༷་ལྟ་བུ་ཟག་པ་མེད་པའི་ཐིག་ལེ་བདེ་བ་ཆེན་པོ་ལ༷ས་ཡབ་ཡུམ་རོལ་པའི་བྱང༷་ཆུབ༷་སེམ༷ས་ཀྱི་ཚོག༷ས་སུ་བྱུང་བ་ནི་ལྷ་བསྐྱེད་པའི་རྒྱུ༷་འཁོ༷ར་ལོ༷་ལྟར་འབྱུང་ངོ་། །དེ་ལྟ་བུའི་ཡི་གེ་རྣམས་ལ་བསྐྱེད་པ་རྐྱེན་གྱི་སྔགས་བརྗོད་ན་ཡི་གེའི་འབྲ༷ས་བུ༷་ནི་བུདྡྷ་རྒྱལ༷་བ༷་བཞི་བཅུ་རྩ་གཉིས་སུ་སྨིན༷་ཅིང་གྲུབ༷་པར་བྱེད༷་པའོ། །རྒྱུ་ཡི་གེ་དེ་ལས་འབྲས་བུ་སངས་རྒྱས་སུ་གྲུབ་པ་ནི་ངོ༷་མཚ༷ར་ཏོ། །མིང༷་ཚོ༷གས་ནི་ཡི་གེའོ། །བཞི༷་བཅུ༷་རྩ་གཉིས༷་ནི་གྲངས་ཀྱི་རྣམ་གྲངས་སོ། །དེ་ཡང་ཡི་གེ་འདི་རྣམས་ལ་སྤྱི་དོན་གསུམ་སྟེ་ཡི་གེ་འབྱུང་བའི་གནས་དང་། ཡི་གེའི་ངོ་བོ་དང་། ཡི་གེ་ལྷ་དང་སྦྱོར་བའོ། །ཡི་གེ་འབྱུང་བའི་གནས་ནི་ཨ་ཁོང་ནས་འབྱུང་། ཀ་སྡེ་མགྲིན་པ་ནས་འབྱུང་། ཙ་སྡེ་ལྕེ་རྩེ་དང་སོ་ལས་འབྱུང་། ཊ་སྡེ་ལྕེ་རྩེ་དང་རྐན་ལས་འབྱུང་། ཏ་སྡེ་ལྕེ་ལས་འབྱུང་། པ་སྡེ་མཆུ་ལས་འབྱུང་། ཝ་ཡ་མཆུ་ལས་སོ། །ར་ལྕེ་ལས་སོ། །ལ་ལྕེ་དང་སོ་ལས་སོ། །ཤ་དང་ས་ནི་ལྕེ་དང་སོ་ལས་སོ། །ཀྵ་ལྟེ་བ་ནས་སོ། །ཨི་ཨཱི་སྤྱི་བོ་ནས་སོ། །ཨུ་མཆུ་ལས་སོ། །ཨེ་གྲེ་བ་ནས་སོ། །ཨོ་ཨཱོ་མཆུ་ལས་སོ། །ངོ་བོ་ནི་སེམས་ཀྱི་རང་བཞིན་སྐྱེ་བ་མེད་པ་ལས་གདངས་འགགས་མེད་དུ་ཤར་བའོ། །ལྷ་དང་ངོ་སྦྱར་བ་ནི་གསུམ་སྟེ། ཕྱི་རྟོག་ཚོགས་བཞི་བཅུ་རྩ་གཉིས་སུ་ངོ་སྤྲད་པ་དང་། ནང་རྩ་གནས་ཀྱི་ཐིག་ལེ་དང་སྦྱར་བ་དང་། གསང་བ་ཡབ་ཡུམ་གྱི་བྱང་སེམས་དང་སྦྱར་བའོ། །དེ་ཡང་གཞི་ཐིག་ལེར་གནས་པ་ལས་བྱང་སེམས་ཡི་གེར་བབས་པ་ལས་ལྷར་བསྐྱེད་པ་ནི་ཨ༷་སྐྱེ་བ་མེད་པའི་དོན་ཀུན་གཞི་ཆོས་ཀྱི་དབྱིངས་ཡུམ་ཀུན་ཏུ་བཟང་མོའི་རྒྱུའོ། །ཀ༷་ས་ཡི་སྙིང་པོ། ཁ༷་ཕྱག་ན་རྡོ་རྗེ། ག༷་སྤྱན་རས་གཟིགས། གྷ༷་ནམ་མཁའི་སྙིང་པོ། ང༷་གཤིན་རྗེ་གཤེད། ཙ༷་ལ་སེ་མ། ཚ༷་ནིར་ཏི་མ། ཛ༷་གིར་ཏི་མ། ཛྷ༷་མ་ལེ་མ། ཉ༷་སྟོབས་པོ་ཆེ། ཊ༷་རྣམ་སྣང་། ཋ༷་མི་བསྐྱོད་པ། ཊ༷་རིན་འབྱུང་། བྷ༷་སྣང་མཐའ། ཎ༷་དོན་གྲུབ། ཏ༷་སངས་རྒྱས་སྤྱན། ཐ༷་དབྱིངས་ཕྱུག་མ། ད༷་མ་མ་ཀིདྷ༷་གོས་དཀར་མོ། ན༷་དམ་ཚིག་སྒྲོལ་མ། པ༷་བྱམས་པ། ཕ༷་སྒྲིབ་སེལ། བ༷་ཀུན་བཟང་། བྷ༷་འཇམ་དཔལ། མ༷་རྟ་མགྲིན། ཡ༷་དྷུ་པེ་བདུག་སྤོས་མ། ར༷་པུཥྤེ་མེ་ཏོག་མ། ལ༷་ཨ་ལོ་ཀེ་མར་མེ་མ། ཝ༷་གྷན་དྷེ་དྲི་ཆབ་མ། ཤ༷་ལྕགས་ཀྱུ་མ། ཥ༷་ཞགས་པ་མ། ས༷་ལྕགས་སྒྲོག་མ། ཧ༷་དྲིལ་བུ་མ། ཀྵ༷་ཡིད་ཀུན་ཏུ་བཟང་པོ། ཨི༷་ལྷའི་ཐུབ་པ། ཨཱི༷་ལྷ་མ་ཡིན་གྱི། ཨུ༷་མིའི། ཨཱུ༷་བྱོལ་སོང་གི །ཨེ༷་ཡི་དྭགས། ཨཱེ༷་དམྱལ་བ། ཨོ༷་ཨཱོ༷་བདུད་རྩི་འཁྱིལ་བ་ལུས་ཀྱི་རེག་བྱ་བཞི་རེག་པར་འདུས་པ་ཡི་གེ་གཉིས་སུ་བྱུང་བའོ། །ཡི་གེ་ཨ་ནི་སེམས་ལ་གནས་པའི་ཀུན་གཞི་དོན་དུ་ན་ཆོས་ཀྱི་དབྱིངས་ཀྱི་ཡེ་ཤེས་ཡི་གེ་ཐམས་ཅད་ཀྱི་འབྱུང་གནས་ཡིན་པས་ན་ཨ༷་ཉིད༷་ལས་ཡི་གེ་སྣ༷་ཚོག༷ས་པ༷་འབྱུང་བའོ། །གང་འབྱུང་ཞེ་ན་གསལ་བྱེད་དུ་སྣང༷་བའི༷་ཀ༷་ལ༷་སོག༷ས་པ༷འི་ཡི་གེ་བཞི༷་བཅུ༷་རྩ་གཉིས༷་སུ་འབྱུང་བ་ནི་འབྱུང་བའི་གནས་གཞིའི་ཡི་གེ་ཨ་ལས་འབྱུང་བའོ། །དེ་ཡང་སྒྲ༷་ཡི༷་འབྱུང་གནས་ཡི་གེ་ཡིན་ལ་སྒྲ་ལས་མི༷ང་འབྱུང་། མིང་ལས་ཚིག་འབྱུང་ཚིག་གི༷ས་དོན་གསལ་ཞིང་རྟོགས་པས་ཚིག་ལས་དོན་བྱུང་ནས་དེས་ཆོས་ཐམ༷ས་ཅ༷ད་བསྡུས༷་པའོ། །རྒྱུའི་ཡི་གེ་བཞི་བཅུ་རྩ་གཉིས་ཉིད་འབྲས་བུ་མངོ༷ན་པར་རྫོག༷ས་པར་སངས་རྒྱས་པའི་རྒྱལ་བ་བཞི་བཅུ་རྩ་གཉིས་སུ་རྫོགས་པར་འབྱུང་ལ་རྒྱལ་བ་དེ་དག་ཉིད་ཀྱང་ལོངས་སྤྱོད་རྫོགས་པའི་སྐུ་འཁོར་ལོ་བསྒྱུར་བའི་རྒྱལ༷་པོ༷་ལྟར་འབྱུང་བ་དེ༷་ཉིད༷་ནི་སྤྲུལ་པ་ལྟ་བུ་ཡིན་པར་ངེས༷་སོ། །བཞི་པ་ནི། དེ་ལ་རྐྱེན་གྱི་སྔགས་ཀྱིས་བསྐུལ། །ཀུན་ཏུ་བཟང་པོ་ཡབ་ཡུམ་གྱི་མཁའ་གསང་ནས་གདན་སྟེངས་སུ་ཡི་གེ་འཕྲོས་པ་ལ་དེ༷་ལ༷་ཧཱུཾ་བཛྲ་དྷྲིག་ལ་སོགས་པའི་བསྐྱེད་པ་རྐྱེན༷་གྱི༷་སྔ༷གས་ཀྱིས༷་བསྐུལ༷་བས་ལྷ་སོ་སོའི་སྐུ་ཡོངས་སུ་རྫོགས་པར་བསྐྱེད་དོ། །ལྔ་པ་ནི། སྒྱུ་འཕྲུལ་དཀྱིལ་འཁོར་བཞི་བཅུ་གཉིས། །དྲྭ་བའི་དཀྱིལ་འཁོར་མངོན་རྫོགས་གསལ། །འདུས་མ་བྱས་ཉིད་འདུས་བྱས་སྣང་། །རྡོ་རྗེའི་དཀྱིལ་འཁོར་འབྱིན་པའི་དམ། །དབང་མེད་རྒྱུ་རྐྱེན་འཚོགས་པའི་མཐུ་ཆེན་ཡིན། །ཞེས་པས་བསྟན་ཏེ། སྒྱུ་ནི་ཡིག་འབྲུ་བཞི་བཅུ་རྩ་གཉིས་ལ་འཕྲུལ་པ་ནི་དེ་ལས་དཀྱིལ༷་འཁོ༷ར་གྱི་ལྷ་བཞི༷་བཅུ༷་རྩ་གཉིས༷་སུ་བསྒོམ་པའོ། །ཕྱི་ནང་གསང་བ་དེ་ཁོ་ན་ཉིད་བཞི་ལས་འདི་རྣམས་གསང་བ་སྒྱུ་འཕྲུལ་དྲྭ་བའམ་རྣལ་འབྱོར་སྒྱུ་འཕྲུལ་དྲྭ་བ་སྟེ་ཆོས་ཉིད་ཀྱི་གཟུགས་བརྙན་ཡུམ་གྱི་སྐུར་བྱུང་བ་དང་ཡེ་ཤེས་ཀྱི་གཟུགས་བརྙན་ཡབ་ཀྱི་སྐུར་བྱུང་བ་གཉིས་ཡེ་ནས་དབྱིངས་དང་ཡེ་ཤེས་གཉིས་སུ་མེད་པར་འབྲེལ་བའི་ཕྱིར་དྲྭ༷་བ༷འི་ལྷག་པ་ཏིང་ངེ་འཛིན་གྱི་དཀྱིལ༷་འཁོ༷ར་ན་རིག་པ་མངོ༷ན་སུམ་དུ་རྫོག༷ས་པར་གས༷ལ་བའོ། །དོན་དམ་པར་ཆོས་ཉིད་འདུས་མ༷་བྱས༷་པའི་ངང་ལས་མ་གཡོས་ཀྱང་ཀུན་རྫོབ་ཙམ་དུ་ལྷའི་སྐུ་ཉིད༷་འདུས༷་བྱས༷་ལྟར་སྣང༷་བ་ནི་དེ་ཁོ་ན་ཀུན་རྫོབ་དང་དོན་དམ་པར་སྣང་ཡང་དོན་གྱི་ངོ་བོ་ལ་བདེན་པ་དབྱེར་མེད་པའི་ཕྱིར་རྡོ༷་རྗེ༷འི་དཀྱིལ༷་འཁོ༷ར་རམ་ཏིང་ངེ་འཛིན་གྱི་དཀྱིལ་འཁོར་འབྱིན༷་པ༷འི་ཚུལ་ལས་མི་འདའ་བ་ནི་ད༷མ་ཚིག་གོ །དེ་ཡང་དཔེར་ན་རྒྱུ་ས་བོན་ལ་རྐྱེན་ཆུ་ལུད་འཛོམ་ན་འབྲས་བུ་རང་དབ༷ང་མེད༷་པར་འབྱུང་བ་ལྟར་རྒྱུ༷་ཟག་མེད་ཀྱི་བྱང་ཆུབ་སེམས་ཡི་གེར་སྣང་བ་དང་རྐྱེན༷་བསྐྱེད་པའི་སྔགས་ཀྱི་ནུས་པ་འཚོ༷གས་ན་འབྲས་བུ་ལྷའི་སྐུ་རང་དབང་མེད་པར་འབྱུང་སྟེ་གསང་སྔགས་གསང་བའི་ནུས་མཐུ༷་ཆེན༷་པོ་ཡི༷ན་ནོ། །དེ་ཡན་ཆད་ཀྱིས་བདག་སྔོན་གྱི་སངས་རྒྱས་ཡིན་པའི་ཕྱིར་བདག་གི་སྲས་སུ་དེ་བཞིན་གཤེགས་པ་བྱ་བའོ། །གཉིས་པ་ལ་འཇུ་འདུལ་བྱ་བ་དང་། དཀྱིལ་འཁོར་བསྐྱེད་པའོ།

།དང་པོ་ལ་བཞི་སྟེ་བསྐུལ་བར་དམ་བཅའ་བ་དང་། བསྐུལ་བ་དངོས་དང་། རྟོག་པ་སྦྱངས་པ་དང་། ལྷ་ཀུན་འོད་དུ་ཞུ་བའོ། །དང་པོ་ནི། དེ་ནས་བཅོམ་ལྡན་དགྱེས་ཆེན་རིགས། །ལྷུན་གྱིས་གྲུབ་པར་བྱ་བའི་ཕྱིར། །རང་སྣང་དབྱེར་མེད་དཀྱིལ་འཁོར་ལ། །འཇུག་པའི་མཚན་ཉིད་མཉམ་སྦྱོར་བས། །རང་གི་ངང་ཚུལ་དེ་བཟུང་ནས། །བསྐུལ་ཚིག་འདི་ཡང་རབ་ཏུ་བརྗོད། །ཅེས་གསུངས་ཏེ། རིགས་མི་ནུབ་ཅིང་ལྷུན་གྱིས་གྲུབ་པར་བྱ་བའི་ཕྱིར་དེ་བཞིན་གཤེགས་པའི་སྲས་སུ་བདག་བྱ་བ་ལ་ལྔ་སྟེ། སངས་རྒྱས་གང་དང་སྦྱར་བ། དོན་གང་དང་མཐུན་པ། སྒོ་གང་ནས་འཇུག་པ། དོན་གང་ཐོབ་ཅིང་རྟོགས་པ། ཡེ་ཤེས་གང་རྟོགས་པའོ། །སངས་རྒྱས་གང་དང་སྦྱར་ན་རྟོགས་པ་མངོན་གྱུར་གྱི་སངས་རྒྱས་དང་སྦྱར། དེ་ཡང་རྟོགས་པ་མངོན་དུ་གྱུར་པའི་དཀྱིལ་འཁོར་བསྐྱེད་པའོ། །དོན་གང་དང་མཐུན་ན་ཕ་མས་བུ་ཚ་བསྐྱེད་པ་དང་འདྲའོ། །སྒོ་གང་ནས་འཇུག་ན་མ་ཧཱ་ཡོ་གའི་ཨ་ནུ་ཡོ་ག་ནས་འཇུག་གོ །དོན་གང་རྟོགས་ན་རང་བྱུང་གི་ཡེ་ཤེས་ཆེན་པོ་རྟོགས་པའོ། །རང་རིག་པ་ལ་རང་གིས་རྟོགས་པ་མངོན་དུ་གྱུར། རྒྱུད་དག་པའི་ཀུན་ཏུ་བཟང་པོར་བྱས་རིག་པ་དང་རྟོགས་པ་དབྱེར་མེད། དེ་ཅི་ལས་བྱུང་ན་རང་རིག་པ་སངས་རྒྱས་ཡིན་པ་ལ་ཡིན་པར་ཤེས་ནས་དེའི་སྲས་སུ་བདག་བྱེད་པ་ལས་འབྱུང་ངོ་། །དེ་ཡང་དཀྱིལ་འཁོར་དང་པོ་བསྐྱེད་པ་དེ༷་ནས༷་བཅོ༷མ་ལྡ༷ན་འདས་དགྱེས༷་པ་ཆེ༷ན་པོ་དཔལ་ཀུན་ཏུ་བཟང་པོ་རིག༷ས་ཀྱི་བདག་པོ་ཡབ་ཡུམ་གཉིས་སུ་མེད་པ་ལྷུན༷་གྱིས༷་གྲུ༷བ་པ༷ར་ཡོད་ཀྱང་རང་བཞིན་ལྷུན་གྲུབ་དེ་རྟོགས་པ་མངོན་དུ་གྱུར་པར་བྱ༷་བ༷འི་ཕྱིར༷་ན་རང་བཞིན་ལྷུན་གྲུབ་དང་ར༷ང་སྣང༷་རིག་པའི་དཀྱིལ་འཁོར་གཉིས་དབྱེར༷་མེད༷་པའི་དཀྱིལ༷་འཁོ༷ར་དུ་བྱ་ལ༷་དེ་རྟོགས་པས་ལྷུན་གྲུབ་ཏུ་བྱ་བའི་ཕྱིར་དེ་བཞིན་གཤེགས་པའི་སྲས་སུ་བདག་བྱ་བའོ། །གཞི་རང་བཞིན་ལྷུན་གྱིས་གྲུབ་པའི་དཀྱིལ་འཁོར་དེ་རྐྱེན་འཇུ༷ག་པ༷འི་ལམ་གྱི་མཚ༷ན་ཉིད༷་ཀྱིས་ཉམས་སུ་བླངས་ལ་གཞི་དེ་རང་གི་བློ་ལ་མ་མཉམ༷་པ༷ར་སྦྱོར༷་བ༷ས་སྒོམ་མོ། །དབུས་ཀྱི་གཙོ་བོའི་ཐུགས་ཀ་ནས་ར༷ང་གི༷་རྣམ་པར་སྨིན་པའི་ལུས་འདི་འདྲ་བའི་ང༷ང་ཚུལ༷་དེ༷་བཟུ༷ང་བའི་ཚངས་པ་ཕྲུ་གུའི་ཆ་བྱད་ཅན་གཅིག་བྱུང་ན༷ས་སོ། །དེ་བྱུང་ནས་བར་ཁྱམས་ནས་དཀྱིལ་འཁོར་གྱི་ལྷ་ལ་བསྐོར་བ་བྱས་ནས་ནུབ་སྒོར་འདུག་སྟེ་བརྐྱང་ཕྱག༷་ལན་གསུམ་འཚལ་ནས་པུས་མོ་བཙུགས་ཏེ་དཀྱིལ་འཁོར་གྱི་ལྷ་ལ་བསྐུལ༷་ཚིག༷་འདི༷་ཡ༷ང་ར༷བ་ཏུ༷་བརྗོ༷ད་ཅིང་གསོལ་བ་ལན་གསུམ་འདེབས་པ་འདི་སྐད་དོ། །གཉིས་པ་ནི། ཨོཾ་ཡེ་ཤེས་རྒྱལ་པོ་སྐུ་གསུང་ཐུགས། །ཡོན་ཏན་ཕྲིན་ལས་རྨད་པོ་ཆེ། །ད་ལྟ་ཉིད་དུ་མཉམ་སྦྱོར་བས། །ཕྱག་རྒྱ་ཆེན་པོར་བདག་སྦྱོར་ཅིག །ཅེས་སོ། །དེ་ལ་ཡེ་ཤེས་ལྔ་དང་ལྡབ་པའི་ཡི་གེ་ཨོ༷ཾ་གྱིས་མགོ་དྲངས་ནས་རང་བྱུང་ཡེ༷་ཤེས༷་ཀྱི་ངོ་བོ་དཔལ་ཀུན་ཏུ་བཟང་པོ་ནི་ཐམས་ཅད་དུ་དབང་བསྐུར་བའི་ཕྱིར་ན་རྒྱལ༷་པོ༷འོ། །སྐུའི༷་རིགས་རྣམ་པར་སྣང་མཛད་དང་གསུ༷ང་གི་རིགས་སྣང་བ་མཐའ་ཡས་ཐུག༷ས་ཀྱི་རིགས་མི་བསྐྱོད་པ་ཡོན༷་ཏན༷་རིན་འབྱུང་འཕྲི༷ན་ལ༷ས་དོན་ཡོད་གྲུབ་པའོ། །དེ་ཡང་རྒྱལ་བ་ལྔ་སོ་སོར་བྱུང་བ་ནི་མ་ཡིན་ཏེ་རྒྱལ་བ་གཅིག་ལས་ཡོན་ཏན་སྐུ་གསུང་ཐུགས་འཕྲིན་ལས་རེ་རེ་དང་ལྡན་པས་ན་རྨ༷ད་པོ༷་ཆེ༷་ཞེས་བྱའོ། །དེ་ལྟ་བུ་དེ་བདག་ལ་ད༷་ལྟ༷་ཉིད༷་དུ༷་ཁྱེད་དང་དབྱེར་མེད་པར་མཉམ༷་པར་སྦྱོར༷་བ༷ས་ན་དུས་ཕྱི་མ་ལ་མི་ལྟོས་པར་དུས་ད་ལྟ་ཉིད་དུ་སྦྱོར་བའོ། །ཁྱེད་ཀྱི་ཕྱག༷་རྒྱ༷་ཆེན༷་པོར༷་བད༷ག་སྦྱོར༷་ཅིག༷་ཅེས་པ་སྟེ་ཇི་ལྟར་ན་བདག་རང་བཞིན་ལྷུན་གྲུབ་ཀྱི་སངས་རྒྱས་དང་ཁྱེད་རྟོགས་པ་མངོན་གྱུར་གྱི་སངས་རྒྱས་གཉིས་དབྱེར་མེད་པར་གྱུར་ལ་བདག་ཉིད་ཀྱང་རྟོགས་པ་མངོན་གྱུར་གྱི་སངས་རྒྱས་སུ་སྦྱོར་ཅིག་པའོ། །གསུམ་པ་ནི། ཐབས་དང་ཤེས་རབ་གཉིས་མེད་པའི། །ཡེ་ཤེས་ཟེར་གྱིས་ལུས་རྟོག་སྦྱངས། །གསེར་ཞུན་ལྟ་བུའི་སེམས་དག་ལས། །གསུམ་གྱི་བྱིན་བརླབས་འོད་ཀྱི་འབྲུ། །ཐུགས་ཀར་ཐིམ་ནས་སྐུ་ཡི་དབྱིག །རྡོ་རྗེའི་ལམ་བྱུང་ཡུམ་གྱི་མཁའ། །ཆོས་སྐུ་བྱང་ཆུབ་སེམས་སུ་གནས། །ཞེས་སོ། །དེ་ལྟར་གསོལ་བ་བཏབ་པས་དཀྱིལ་འཁོར་གྱི་ལྷ་ཡབ་ཡུམ་ཐབ༷ས་ད༷ང་ཤེས༷་ར༷བ་གཉིས༷་སུ་མེད༷་པ༷འི་སྦྱོར་བ་ཚད་མེད་པས་སྦྱོར་མཚམས་ནས་བྱང་ཆུབ་ཀྱི་སེམས་རྣོ་ལ་མྱུར་བ་གྲངས་མེད་པ་བྱུང་བའི་ཡེ༷་ཤེས༷་ཀྱི་ཟེར༷་གྱིས༷་བདག་གི་ལུ༷ས་ཀྱི་རྟོག༷་པ་དང་སྡིག་པ་ཐམས་ཅད་བྱ་སྒྲོ་མེས་སྲེགས་པ་བཞིན་དུ་སྦྱང༷ས་ནས་དཔེ་གསེ༷ར་ཞུ༷ན་མ༷་ལྟ༷་བུའི༷་ཚུལ་དུ་བདག་གི་སེམ༷ས་ད༷ག་པར་གནས་པ་ལ༷ས། དེ་ལ་ལྷ་རྣམས་ཀྱིས་གཟིགས་ཏེ་སེམས་རྟེན་གྱི་གནས་སུ་གསང་བ་གསུམ༷་གྱི༷་བྱིན༷་བརླ༷བས་འོད༷་ཀྱི༷་ཡིག་འབྲིུ༷་ཨོཾ་ཨཱཿཧཱུཾ་གསུམ་འཕྲོས་པས་འོད་ཀྱི་རང་བཞིན་ལྷའི་སེམས་དེ་ཡི་གེ་འབྲུ་གསུམ་དུ་གྱུར་ཏོ། །ཡི་གེ་ཡང་འཕྲོས་འདུས་པས་ཧཱུཾ་དུ་ཐིམ། དེས་བར་ཁྱམས་ནས་བསྐོར་བ་ལན་གསུམ་བྱས་ནས་གཙོ་བོའི་ཐུག༷ས་ཀ༷ར་ཐི༷མ་ན༷ས་སྐུ༷འི༷་དབྱིག༷་ཏུ་གྱུར་སྒལ་ཚིགས་ཀྱི་རྟ་བརྒྱུད་རྡོ༷་རྗེའི༷་ལ༷མ་དུ་བྱུང༷་ནས་ཡུམ༷་གྱི༷་མཁ༷འ་ལ་བབས་པ་དང་ཧཱུཾ་གི་འོད་ཀྱིས་ཡུམ་ཡང་འོད་དུ་ཞུ་སྣང་ལ་རང་བཞིན་མེད་པའི་སྐུ་གསལ་ལ་རྟོག་པ་མེད་པའི་ཐུགས་ཆོས༷་སྐུ༷་བྱང༷་ཆུབ༷་སེམ༷ས་སུ༷་གན༷ས་སོ། །བཞི་པ་ནི། ལྷ་རྣམས་སོ་སོའི་སྙིང་པོའི་སྒྲ། །བཞི་བཅུ་རྩ་གཉིས་སྒྲ་བྱུང་བས། །བྱང་ཆུབ་སེམས་སུ་གཅིག་པར་ཐིམ། །ཞེས་ཏེ། དཀྱིལ་འཁོར་གྱི་ལྷ༷་གཞན་རྣ༷མས་ཀྱང་རང་རང་སོ༷་སོ༷འི་སྙིང༷་པོ༷འི་སྒྲ༷འམ་ཡི་གེ་བཞི༷་བཅུ༷་རྩ༷་གཉིས༷་ཀྱི་སྒྲ༷་ཙམ་བྱུང༷་བ༷ས་སྔགས་ཀྱི་སྒྲས་བསྐུལ་ནས་གནས་པ་དེ་དབུས་ཀྱི་གཙོ་བོའི་འོད་ཕུང་བྱང་ཆུབ་སེམས་སུ་གནས་པ་ལ་གཅིག་པར་ཐིམ་མོ། །གཉིས་པ་དཀྱིལ་འཁོར་བསྐྱེད་པ་ལ་བཞི་སྟེ། གཙོ་བོ་བསྐྱེད་པ་དང་། འཁོར་བསྐྱེད་པ་དང་། ལྷའི་ཚུལ་བསྟན་པ་དང་། ནུས་པ་དང་ལྡན་པར་བྱ་བའོ། །དང་པོ་གཙོ་བོ་བསྐྱེད་པ་ལ་བཞི་སྟེ་ཡབ་ཡུམ་བསྐྱེད་པ་དང་། དབང་དང་བྱིན་བརླབས་བྱ་བ་དང་། མཁའ་གསང་བྱིན་གྱིས་བརླབས་ཏེ་བརྡས་བསྐུལ་བ་དང་། བྱང་སེམས་སྤྲོས་ཏེ་ཆགས་མཆོད་བྱ་བའོ། །དང་པོ་ནི། དེ་ནས་སྙིང་པོ་དྲན་ཙམ་གྱིས། །ཨ་ཀྵ་གསུང་གི་ཕྱག་རྒྱ་གཉིས། །ཆོ་ག་གསུམ་གྱི་སྦྱོར་བ་ཡིས། །ཕྱག་རྒྱ་ཆེན་པོའི་སྐུ་གཉིས་རྫོགས། །ཞེས་པ་སྟེ། ལྷ་ཐམས་ཅད་འོད་དུ་ཞུ་ནས་འོད་ཀྱི་གོང་བུ་གཅིག་ཏུ་གནས་པ་དེ༷་ན༷ས་ཨ་དང་ཀྵ་གཉིས་ཀྱི་སྙིང༷་པོ༷་དྲ༷ན་ཙམ༷་གྱིས༷་འོད་ཀྱི་གོང་བུ་དེ་ཨ༷་ཀྵ༷་གསུ༷ང་གི༷་ཡི་གེ་གཉིས་སུ་གྱུར་ཏེ། །དེ་ལས་སྐུ་བསྐྱེད་པའི་རང་བཞིན་ལས་མི་འདའ་བས་ན་ཕྱག༷་རྒྱ༷་གཉིས༷་ཞེས་བྱའོ། །འོད་ཀྱི་གོང་བུ་ཨ་ཀྵ་གཉིས་སུ་གྱུར་པ་ནི་གསུང་ཡིག་འབྲུའི་ཆོ་གའོ། །དེ་འཕྲོས་འདུས་པ་ལས་རྡོ་རྗེ་དང་དྲིལ་བུར་གྱུར་པ་ནི་ཐུགས་ཕྱག་མཚན་གྱི་ཆོ་གའོ། །དེ་འཕྲོས་འདུས་པ་ལས་སྐུ་ཕྲ་མོར་གྱུར་པ་སྟེ་དེ་ལྟར་ཆོ༷་ག༷་གསུ༷མ་གྱི༷་སྦྱོར༷་བ༷་ཡིས༷་སྐུ་ཕྲ་མོ་འཕྲོས་འདུས་པ་ལས་སྔགས་བརྗོད་པས་ཕྱག༷་རྒྱ༷་ཆེན༷་པོ༷འི་སྐུ༷་དཔལ་ཀུན་ཏུ་བཟང་པོ་ཡབ་ཡུམ་གཉིས༷་ཡོངས་རྫོག༷ས་སུ་གྱུར་པར་སྒོམ་པ་ནི་སྐུ་མདོག་མཐིང་ཀ་ཞལ་གཅིག་ཕྱག་གཉིས་པ་ཞབས་རྡོ་རྗེའི་སྐྱིལ་ཀྲུང་ཕྱག་མཉམ་བཞག་ཏུ་གནས་པ་རྒྱན་ཐམས་ཅད་ཀྱིས་བརྒྱན་པར་བསྒོམ་མོ། །གཉིས་པ་ནི། འབྲུ་གསུམ་འབྲུ་ལྔའི་བྱིན་བརླབས་དབང་། །ཞེས་པ་སྟེ། བྱིན་གྱིས་བརླབས་པ་ནི་ལྷ་རྣམས་ཀྱི་སྤྱི་བོ་དང་མགྲིན་པ་དང་སྙིང་གར་ཉི་མ་དང་ཟླ་བ་དང་པདྨའི་གདན་བསམ་ལ་དེའི་སྟེང་དུ་སྤྱི་བོར་ཨོཾ་མགྲིན་པར་ཨཱཿཐུགས་ཀར་ཧཱུཾ་སྟེ་འབྲུ༷་གསུ༷མ་བསམ་དེ་ལས་འོད་འཕྲོས་འདུས་པ་ལས་རྣམ་སྣང་སྣང་མཐའ་རྡོ་རྗེ་སེམས་དཔར་བསྐྱེད་ལ་སྔགས་ཀྱིས་ང་རྒྱལ་བྱའོ། །དབང་བསྐུར་བ་ནི་ཀུན་ཏུ་བཟང་པོའི་དབུའི་གནས་ལྔར་རིན་པོ་ཆེའི་ཁང་བུ་ལྔའི་ནང་དུ་ཡི་གེ་འབྲུ༷་ལྔ༷་བཀོད་པའི༷་བྱིན༷་བརླ༷བས་འོད་ཟེར་གྱི་རྣམ་པས་འོག་མིན་ནས་རིགས་ལྔ་སྤྱན་དྲངས་ཏེ། མདུན་གྱི་ནམ་མཁའ་ལ་བཞུགས་པ་དེའི་ཐབས་དང་ཤེས་རབ་གཉིས་སུ་མེད་པ་དེ་བྱང་ཆུབ་སེམས་དབུའི་ཡི་གེ་ལྔ་ལ་ཐིམ་པ་དང་དོན་ཡེ་ཤེས་ལྔར་དབ༷ང་བསྐུར་ཏེ་མ་ཧཱ་ཤཱུ་ནྱ་ཏ་ལ་སོགས་པའི་སྔགས་ཀྱིས་ང་རྒྱལ་བྱའོ། །དེ་ནས་ནམ་མཁའི་རིགས་ལྔ་དབུའི་ཁང་བུ་ལྔའི་ནང་དུ་སྤྱན་དྲངས་ལ་དབུ་རྒྱན་དུ་བཞུགས་སུ་གསོལ་ལོ། །གསུམ་པ་ནི། ཧཱུཾ་ལས་རྡོ་རྗེ་རྩེ་ལྔ་ཨོཾ། །པཾ་ལས་པདྨ་འདབ་བརྒྱད་ཨཾ། །རྗེས༷་སུ་ཆགས་པས་དེ་བཞིན་བསྐུལ། །ཞེས་པས་བསྟན། ཡབ༷་ཀྱི་གསང་བ་ཧཱུ༷ཾ་ལས༷་རྡེ༷་རྗེ༷་རྩེ༷་ལྔ༷་པ་ཆུ་སྦུགས་སུ་ཡི་གེ་ཨོ༷ཾ་གྱིས་མཚན་པར་བསྐྱེད་དོ། །ཡང་ན་རྩ་བར་ཨོཾ་རྐེད་པར་ཧཱུཾ་རྩེ་མོར་ཕཊ་བསམ་པར་བྱའོ། །ཡུམ་གྱི་མཁའ་པ༷ཾ་ལ༷ས་པ༷དྨ༷་འད༷བ་བརྒྱད༷་དུ་གྱུར་པའི་དབུས་སུ་ཉི་མའི་དཀྱིལ་འཁོར་དེའི་སྟེང་དུ་ཨ༷ཾ་བསམ་པར་བྱའོ། །ཡུམ་གྱིས་ཡབ་ལ་བསྐུལ་བ་དེ་བཞིན་གཤེགས་པ་ཐམས་ཅད་ཀྱིས་རྗེས༷་སུ༷་ཆ༷གས་པ༷འི་བདག་ཉིད་མའམ་ཡུལ་ང་ཉིད་ཡིན་ཞེས་བསྐུལ་བ༷ས་ཡབ་ཀྱིས་ཡུམ་ལ་ལན་བྱིན་པ་ནི་དེ༷་བཞི༷ན་གཤེགས་པ་ཐམས་ཅད་ཀྱི་མཆོད་པ་ཆེན་པོའི་རྡོ་རྗེའི་རང་བཞིན་ངའམ་བདག་ཉིད་ཡིན་ཞེས་ལན་དུ་བསྐུལ༷་བའོ། །བཞི་པ་ནི། ཨོཾ་སརྦ་ཏ་ཐ་ག་ཏ་མ་ཧཱ་ཨ་ནུ་ར་ག་བཛྲ་སྭ་བྷ་ཝ་ཨཏྨ་ཀོ྅་ཧཾ། ཨོཾ་སརྦ་ཏ་ཐཱ་ག་ཏ་མ་ཧཱ་པུ་ཙ་བཛྲ་སྭ་བྷ་ཝ་ཨཏྨ་ཀོ྅་ཧཾ། སྟེ་དེ་ལ་ཨོ༷ཾ་ནི་སྔགས་ཀྱི་མགོ་འདྲེན་པ་ས༷རྦ༷་ཐམས་ཅད་ཏ༷་ཐཱ༷་ག༷་ཏ༷་དེ་བཞིན་གཤེགས་པ་མ༷་ཧཱ༷་ཆེན་པོ་ཨ༷་ནུ༷་ར༷་ག༷་རྗེས་སུ་ཆགས་པ་བ༷ཛྲ༷་རྡོ་རྗེ་སྭ༷་བྷ༷་བ༷་ངོ་བོ་ཉིད་ཨ༷དྨ༷་ཀོ༷྅་ཧ༷ཾ་བདག་ཉིད་ངའོ། །ཨོ༷ཾ་ས༷རྦ༷་ཐམས་ཅད་ཏ༷་ཐ༷་ག༷་ཏ༷་དེ་བཞིན་གཤེགས་པ་མ༷་ཧཱ༷་ཆེན་པོ་པཱུ༷་ཙ༷་མཆོད་པ་བ༷ཛྲ༷་རྡོ་རྗེ་སྭ༷་བྷ༷་བ༷་ངོ་བོ་ཉིད་ཨ༷ཏྨ༷་ཀོ༷྅་ཧ༷ཾ་བདག་ཉིད་ངའོ། །གཉིས་པ་འཁོར་བསྐྱེད་པ་ལ་གཉིས་ཏེ་ཡུམ་གྱི་མཁར་བྱང་ཆུབ་སེམས་ལས་ལྷར་བསྐྱེད་པ་དང་། སྔགས་ཀྱིས་ཕྱིར་གདོན་པའོ།

།དང་པོ་ནི། ཡུམ་གྱི་པད་མོའི་དཀྱིལ་འཁོར་དུ། །བདེ་བ་ཐུགས་ཀྱི་དཀྱིལ་འཁོར་སྤྲོ། །གཞལ་ཡས་ཐིག་གདབ་སྙིང་པོ་བཀོད། །དེ་ལས་སྤྲོ་དང་བསྡུ་བ་ཡིས། །ཐུགས་ཀྱི་ཕྱག་རྒྱ་བཞི་བཅུ་གཉིས། །དེ་ལས་ཕྲ་མོའི་སྐུ་འཕྲོས་འདུས། །ཞེས་པས་བསྟན་ཏེ་ཡུ༷མ་གྱི༷་ཞེས་ཀུན་ཏུ་བཟང་མོའི་མཁའ་པ༷ད་མ༷་འདབ་མ་བརྒྱད་པའི༷་དཀྱིལ༷་འཁོ༷ར་དུ༷་བྷ་ག་བདེ་སྟོང་གི་ཉམས་དང་ལྡན་པ་དེ་ཡབ་ཀུན་ཏུ་བཟང་པོའི་ལྷག་པ་བྱང་ཆུབ་ཀྱི་སེམས་བདེ༷་བ༷་ཐུག༷ས་ཀྱི༷་རང་བཞིན་ནམ་ཐུགས་ཡང་དག་པའི་བདེ་བ་དེ་ཡབ་ཀྱིས་ཡུམ་ལ་དཀྱིལ༷་འཁོ༷ར་གྱི་ལྷའི་རྒྱུར་སྤྲོ༷་བའོ། །དེ་ཡང་ཡུམ་གྱི་མཁར་བྱང་ཆུབ་སེམས་དང་པོ་སྤྲོས་པས་གཞ༷ལ་ཡ༷ས་ཁང་གི་དལ་དུ་གྱུར་གཉིས་པ་སྤྲོས་པས་ཐི༷ག་གད༷བ། གསུམ་པ་སྤྲོས་པས་དལ་ཡོངས་སུ་རྫོགས། བཞི་པ་སྤྲོས་པས་གདན་གསལ། ལྔ་པས་སྙིང༷་པོ༷་གསུང་ཡིག་འབྲུ་བཞི་བཅུ་རྩ་གཉིས་སུ་གསལ་ཞིང་བཀོ༷ད་པའོ། །དེ༷་ལ༷ས་འོད་ཟེར་སྤྲོ༷་བ་ད༷ང་བསྡུ་བ༷་ཡིས༷་ཐུག༷ས་ཀྱི༷་ཕྱ༷ག་རྒྱའ༷མ་ཕྱག་མཚན་བཞི༷་བཅུ༷་རྩ་གཉིས༷་སུ་གྱུར་པའོ། །དེ༷་ལ༷ས་ཡང་ཕར་འཕྲོས་ཚུར་འདུས་པ་ལས་ཕྲ༷་མོ༷འི་སྐུའ༷མ་སྐུ་ཕྲ་མོ་བཞི་བཅུ་རྩ་གཉིས་སུ་གྱུར་པའོ། །གཉིས་པ་ནི། སོ་སོའི་སྔགས་ཀྱིས་བསྐྱེད་ཅིང་གདོན། །སོགས་ནས་ཨོཾ་མུ་ནེ་ཡེ་སྭཱ་ཧཱ་ཞེས་པའི་བར་གྱིས་བསྟན་པ་སྟེ། དེ་ནས་ཡུམ་གྱི་མཁའི་ནང་ན་གནས་པའི་སྐུ་ཕྲ་མོ་དེ༷་རྣམས་ལས་འཕྲོ༷ས་འད྄ུ༵ས་པ་དང་སོ་སོའི་སྔགས་བརྗོད་པའི་རྐྱེན་ཉིད་ཀྱིས་ལྷ་ཡོངས་རྫོགས་སུ་བསྐྱེད་ཅིང་ཕྱིར་ལ་གདོན་པར་བྱའོ། །དེ་ཡང་གཙོ་བོ་ཡབ་ཡུམ་གྱི་སྔགས་ཧཱུྃ་བ༷ཛྲ༷་དྷྲིག༷་ཅེས་བརྗོད་པས་དབུས་སུ་བཅོམ་ལྡན་འདས་རྡོ་རྗེ་སེམས་དཔའ་ཞལ་གསུམ་ཕྱག་དྲུག་པ་གཡས་དཀར་གཡོན་དམར་དབུས་མཐིང་ཀའི་ཞལ། རྡོ་རྗེ་འཁོར་ལོ་རིན་ཆེན་གཡས་དང་དྲིལ་བུ་པདྨ་རལ་གྲི་གཡོན་ན་བསྣམས་པ་རྒྱན་ཐམས་ཅད་ཀྱིས་བརྒྱན་པ་ཞབས་རྫོགས་པའི་སྐྱིལ་ཀྲུང་དུ་བཞུགས་པའོ། །དེ་བཞིན་དུ་ཨོ༷ཾ་ཛི༷་ན༷་ཛི༷ཀ་ཅེས་བརྗོད་པས་ཤར་དུ་རྣམ་པར་སྣང་མཛད་ཞལ་གསུམ་ཕྱག་དྲུག་གཡས་དམར་གཡོན་སྔོ་དབུས་དཀར་ཞལ་འཁོར་ལོ་རིན་ཆེན་རྡོ་རྗེ་གཡས། དྲིལ་བུ་པདྨ་རལ་གྲི་གཡོན་ཞབས་རྫོགས་པའི་སྐྱིལ་ཀྲུང་དུ་བཞུགས་པའོ། །སྭ༷་ར༷ནྟ༷་དྷྲི༷ག༷་ཞེས་པས་ལྷོར༷་རིན་ཆེན་འབྱུང་ལྡན་ཞལ་གསུམ་ཕྱག་དྲུག་པ་གཡས་སྔོ་གཡོན་དམར་དབུས་སེར་ཞལ། རིན་ཆེན་འཁོར་ལོ་རྡོ་རྗེ་གཡས་དྲིལ་བུ་པདྨ་རལ་གྲི་གཡོན་ན་བསྣམས་པའོ། །ཨ༷་ཨ༷་རོ༷་ལི༷ཀ་ཞེས་པས་ནུབ་ཏུ་སྣང་བ་མཐའ་ཡས་ཞལ་གསུམ་ཕྱག་དྲུག་པ་གཡས་སྔོ་གཡོན་དཀར་དབུས་དམར་ཞལ། པདྨ་འཁོར་ལོ་རྡོ་རྗེ་གཡས་དང་དྲིལ་བུ་རིན་ཆེན་རལ་གྲི་གཡོན་ན་བསྣམས་པའོ། །ཧ༷་པྲ༷ད་ཉ༷་དྷྲིག༷་ཞེས་པས་བྱང་དུ་དོན་ཡོད་གྲུབ་པ་ཞལ་གསུམ་ཕྱག་དྲུག་པ་གཡས་དཀར་གཡོན་དམར་དབུས་ལྗང་ཞལ། རལ་གྲི་འཁོར་ལོ་རྡོ་རྗེ་གཡས་དང་དྲིལ་བུ་པདྨ་རིན་ཆེན་གཡོན་ན་བསྣམས་པའོ། །མཱུ༷ཾ་དྷ༷་དུ༷་ཤྭ༷་རི༷་ཞེས་པས་དབུས་སུ་དབྱིངས་ཕྱུག་མ་མཐིང་ཀ་གཡས་ཡབ་ལ་འཁྱུད་པ་གཡོན་དྲིལ་བུ་བསྣམས་པའོ། །ལ༷ཾ་ཏེ༷་ཤ༷་ར༷་ཏི༷་ཞེས་པས་ཤར་དུ་སངས་རྒྱས་སྤྱན༷་དཀར་མོ་གཡས་ཡབ་ལ་འཁྱུད་པ་གཡོན་པ་དྲིལ་བུ་བསྣམས་པའོ། །མ༷ཾ་མོ༷་ཧ༷་ར༷་ཏི༷་ཞེས་པས་ལྷོར་མ་མ་ཀི་སེར་མོ་གཡས་པ་ཡབ་ལ་འཁྱུད་པ་གཡོན་པ་དྲིལ་བུ་བསྣམས་པའོ། །པྱ༷ཾ་ར༷་ག༷་ར༷་ཏི༷་ཞེས་པས་ནུབ་ཏུ་གོས་དཀར་མོ་དམར་མོ་གཡས་ཡབ་ལ་འཁྱུད་པ་གཡོན་དྲིལ་བུ་བསྣམས་པའོ། །ཏ༷ཾ་བ༷ཛྲ༷་ར༷་ཏི༷་ཞེས་པས་བྱང་དུ་དམ་ཚིག་སྒྲོལ་མ་ལྗང་གུ་གཡས་པ་ཡབ་ལ་འཁྱུད་པ་གཡོན་པ་དྲིལ་བུ་བསྣམས་པའོ། །ནང་གི་སེམས་དཔའ་བཞི་ནི་ཀྵི༷་ཧི༷་ར༷་ཙ༷་ཡ༷་ཞེས་པས་ཤར་ལྷོའི་རྩིབས་མཆན་ལ་སའི་སྙིང་པོ་དཀར་པོ་གཡས་རིན་ཆེན་མྱུ་གུ་གཡོན་དྲིལ་བུ་བསྣམས་པའོ། །ཏྲ༷ྃ་ཨ༷་ཀ༷རྦྷ༷་ཡ༷་ལྷོ་ནུབ་ཀྱི་རྩིབས་མཆན་ལ་ནམ་མཁའི་སྙིང་པོ་སེར་པོ་གཡས་རལ་གྲི་གཡོན་དྲིལ་བུ་བསྣམས་པའོ། །ཧྲཱི༷་པ༷དྨ༷་བ༷ན་དྷ༷་མ༷་ནུབ་བྱང་གི་རྩིབས་མཆན་ལ་སྤྱན་རས་གཟིགས་དམར་པོ་གཡས་པདྨ་དཀར་པོ་གཡོན་དྲིལ་བུ་བསྣམས་པའོ། །ཛི༷མ་ཀུ༷་རུ༷་པ༷་ཎི༷་ཧྲི༷་བྱང་ཤར་གྱི་རྩིབས་མཆན་ལ་ཕྱག་ན་རྡོ་རྗེ་ལྗང་གུ་གཡས་རྡོ་རྗེ་གཡོན་དྲིལ་བུ་བསྣམས་པའོ། །ཧཱུ༷ཾ་ལ༷་སེ༷་ས༷་མ༷་ཡ༷་སྟྭ༷ཾ་ལ་སེ་སྒེག་མོ་དཀར་མོ་གཡས་མེ་ལོང་ཐོགས་པ་གཡོན་འགྱིང་བག་གི་ཚུལ་ཅན་སེམས་དཔའ་ས་ཡི་སྙིང་པོའི་ཡུམ་འཁྲིལ་སྦྱོར་དུ་གནས་སོ། །ཏྲ༷ྃ་མ༷་ལེ༷་ས༷་མ༷་ཡ༷་ཧོ༷་མ་ལེ་མ་སེར་མོ་འཕྲེང་བ་སྤྱི་བོར་འདྲེན་པ་ནམ་མཁའི་སྙིང་པོ་དང་འཁྲིལ་སྦྱོར་དུ་གནས་སོ། །ཧྲཱི༷་གྷི༷ར་ཏི༷་ར༷་གོ༷་ཡ༷་ཧ༷ཾ་དབྱངས་མ་དམར་མོ་པི་ཝཾ་སྦྲེང་བ་སྤྱན་རས་གཟིགས་ཀྱི་ཡུམ་མོ། །ཨ༷་ནི༷ར་ཏི༷་ར༷་གོ༷་ཡ༷་མི༷་གར་མ་ལྗང་གུ་ཕྱག་རྒྱ་གར་བསྒྱུར་མ་ཕྱག་ན་རྡོ་རྗེའི་ཡུམ་མོ། །ཕྱིའི་སེམས་དཔའ་ཡབ་ཡུམ་ནི་མེ༷་དྷ༷་ར༷་ནི༷་སྭཱ༷་ཧཱ༷་བྱམས་པ་དཀར་པོ་གཡས་ཀླུ་ཤིང་གཡོན་དྲིལ་བུ་ཅན་ཤར་ལྷོའི་གྲུ་ཆད་ལའོ། །ཐླྷི༷ཾ་ས༷་ར༷ཾ་པ་ཡ༷་སྭཱ༷་ཧཱ༷་ལྷོ་ནུབ་ཏུ་སྒྲིབ་སེལ་སེར་པོ་ཆོས་ཀྱི་འཁོར་ལོ་དང་ལོ་དང་དྲིལ་བུ་བསྣམས་པའོ། །ཧཱུ༷ཾ་སྭ༷་ར༷་ཙ༷་ཡ༷་སྭཱ༷་ཧཱ༷་ནུབ་བྱང་གི་གྲུ་ཆད་ལ་ཀུན་བཟང་དམར་པོ་གཡས་རིན་ཆེན་སྙེ་མ་གཡོན་དྲིལ་བུའོ། །མཱུ༷ཾ་ཤྲི༷་ཨ༷་རཾ་ག༷་ཡ༷་སྭཱ༷་ཧཱ༷་བྱང་ཤར་གྱི་གྲུ་ཆད་ལ་འཇམ་དཔལ་ལྗང་གུ་གཡས་ཨུཏྤལ་གཡོན་དྲིལ་བུའོ། །ཛ༷་དྷུ༷་པེ༷་པྲ༷་བེ༷་ཤ༷་དྷུ་པེ་མ་དཀར་མོ་སྤོས་ཕོར་ཐོགས་པ་བྱམས་པའི་ཡུམ་ཡིན་ནོ། །ཧཱུ༷ཾ་པུ༷ཥྤེ༷་ཨ༷་བེ༷་ཤ༷་པུཥྤེ་མ་སེར་མོ་མེ་ཏོག་ཐོགས་པ་སྒྲིབ་སེལ་གྱི་ཡུམ་མོ། །བ༷ཾ་དི༷་པ༷ཾ་སུ༷་ཀི༷་ནི༷་ཨ་ལོ་ཀེ་དམར་མོ་མར་མེ་ཐོགས་པ་ཀུན་བཟང་གི་ཡུམ་མོ། །ཧོ༷་གྷ༷ནྡྷེ༷་ཙི༷ཏྟ༷་ཧོ༷་གྷནྡྷེ་མ་ལྗང་གུ་དྲི་ཆབ་ཐོགས་པ་འཇམ་དཔལ་གྱི་ཡུམ་མོ། །སྒོ་བ་ཡབ་ཡུམ་ནི་ཧཱུཾ་ཡ༷་མ༷ནྟ྄༷་ཀྲི༷ད་ཕ༷ཊ་ཤར་སྒོར་གཤིན་རྗེ་གཤེད་ཞལ་གསུམ་ཕྱག་དྲུག་པ་གཡས་ལྗང་གཡོན་སྔོ་དབུས་དཀར་ཞལ་ཕྱག་དང་པོ་གཉིས་མི་མགོ་གནོན་པ་གཡས་གཏུན་ཤིང་རྡོ་རྗེ་གཡོན་དབྱུག་ཏོ་དགྲ་སྟྭའོ། །ཧཱུ༷ཾ་བི༷ག་ན༷ནྟ྄༷་ཀྲི༷ད་ཕ༷ཊ་ལྷོར་སྟོབས་པོ་ཆེ་ཞལ་གསུམ་ཕྱག་དྲུག་པ་གཡས་དཀར་གཡོན་དམར་དབུས་སྔོ་ཞལ་གཡས་གཡོན་དང་པོ་གཉིས་རྡོ་རྗེ་གནོན་པ་གཡས་རིན་ཆེན་རྡོ་རྗེ་གཡོན་ལྕགས་ཀྱུ་རལ་གྲིའོ། །ཧཱུ༷ཾ་པ༷དྨ༷་ཏ༷་ཀྲི༷ད་ཕ༷ཊ་ནུབ་ཏུ་རྟ་མགྲིན་ཞལ་གསུམ་ཕྱག་དྲུག་པ་གཡས་སྔོ་གཡོན་དཀར་དབུས་དམར་ཞལ་གཡས་གཡོན་དང་པོ་གཉིས་ཐོད་པ་སྦྲུལ་གྱིས་བརྒྱན་པ་གཡས་པདྨ་རྡོ་རྗེ་གཡོན་རལ་གྲི་སྡིག་མཛུབ་བོ། །ཧཱུ༷ཾ་པྲ༷ད་ཛྙཱ༷ནྟ༷་ཀྲི༷ད་ཕ༷ཊ་བྱང་དུ་བདུད་རྩི་འཁྱིལ་བ་ཞལ་གསུམ་ཕྱག་དྲུག་པ་གཡས་དམར་གཡོན་དཀར་དབུས་ལྗང་ཞལ་གཡས་གཡོན་དང་པོ་གཉིས་རྡོ་རྗེ་རྒྱ་གྲམ་གཡས་གཉིས་ན་རལ་གྲི་རྡོ་རྗེ་གཡོན་དྲིལ་བུ་དགྲ་སྟའོ། །ཨོ༷ཾ་མ༷་ཧཱ༷་བ༷ཛྲ༷་དྷ༷་ར༷་མ༷་ཧཱ༷་ཀྲོ༷་ཏི༷་ཤྭ༷་རི༷་ཛྭ༷་ལ༷་ནི༷་ཧཱུ༷ཾ་ཕ༷ཊ། ཤར་དུ་གཤིན་རྗེ་གཤེད་པོའི་ཡུམ་ལྕགས་ཀྱུ་མའི་སྔགས་སོ། །ཨོ༷ཾ་མ༷་ཧཱ༷་ར༷ཏྣ༷་དྷ༷་ར༷་མ༷་ཧཱ༷་ཀྲོ༷་ཏི༷་ཤྭ༷་རི༷་ཛྭ༷་ལ༷་ནི༷་ཧཱུ༷ཾ་ཕ༷ཊ་ལྷོར་སྟོབས་པོ་ཆེའི་ཡུམ་སེར་མོ་ཞགས་པ་མའི་སྔགས་སོ། །ཨོ༷ཾ་མ༷་ཧཱ༷་པ༷དྨ༷་དྷ༷་ར༷་མ༷་ཧཱ༷་ཀྲོ༷་ཏི༷་ཤྭ༷་རི༷་ཛྭ༷་ལ༷་ནི༷་ཧཱུ༷ཾ་ཕ༷ཊ་ནུབ་ཏུ་རྟ་མགྲིན་གྱི་ཡུམ་དམར་མོ་ལྕགས་སྒྲོག་མའི་སྔགས་སོ། །ཨོ༷ཾ་མ༷་ཧཱ༷་ཀ༷རྨ༷་དྷ༷་ར༷་མ༷་ཧཱ༷་ཀྲོ༷་ཏི༷་ཤྭ༷་རི༷་ཛྭ༷་ལ༷་ནི༷་ཧཱུ༷ཾ་ཕ༷ཊ་བྱང་དུ་བདུད་རྩི་འཁྱིལ་བའི་ཡུམ་ལྗང་གུ་དྲིལ་བུ་མའི་སྔགས་སོ། །ཀུན་བཟང་ཡབ་ཡུམ་ནི་ཧཱུ༷ཾ་ཧཱུ༷ཾ་ཧཱུ༷ཾ་བ༷ཛྲ༷་ཙི༷ཏྟ༷་ཧཱུ༷ཾ། དཀྱིལ་འཁོར་ཤར་གྱི་བར་ཁྱམས་སུ་ཀུན་ཏུ་བཟང་པོ་མཐིང་ཀ་སྐྱིལ་ཀྲུང་མཉམ་བཞག་ཅན་དུ་གནས་སོ། །ཨ༷་ཨ༷་ཨ༷་བ༷ཛྲ༷་བྷ༷་དྲ༷་ས༷་མ༷་ཡ༷་ཨོ༷ཾ། དཀྱིལ་འཁོར་ནུབ་ཀྱི་བར་ཁྱམས་སུ་ཀུན་ཏུ་བཟང་མོ་མཐིང་སྔོན་མཉམ་གཞག་གི་ཕྱག་རྒྱ་ཅན་ནོ། །ཐུབ་དྲུག་གི་སྔགས་ནི། ཨོ༷ཾ་མུ༷་ནེ༷་ཀྲིཾ་སྭཱ༷་ཧཱ༷་བྱང་ཤར་མཚམས་སུ་ལྷའི་ཐུབ་པ་སེར་པོ་པི་ཝཾ་ཐོགས་པའོ། །ཨོ༷ཾ་མུ༷་ནེ༷་ཧཱུ༷ཾ་ཏྲུ༷ཾ་སྭཱ༷་ཧཱ༷་ཤར་ལྷོར་ལྷ་མ་ཡིན་གྱི་ཐུབ་པ་སེར་པོ་གོ་ཆ་ཐོགས་པའོ། །ཨོ༷ཾ་མུ༷་ནེ༷་སྲུ༷ཾ་སྭཱ༷་ཧཱ༷་ལྷོར་མིའི་ཐུབ་པ་སེར་པོ་གསེག་ཤིང་དང་པར་བུ་ཐོགས་པའོ། །ཨོ༷ཾ་མུ༷་ནེ༷་ཀྵ༷ཾ་སྭཱ༷་ཧཱ༷་ལྷོ་ནུབ་ཏུ་བྱོལ་སོང་གི་ཐུབ་པ་སེར་པོ་པོ་ཏི་ཐོགས་པའོ། །ཨོ༷ཾ་མུ༷་ནེ༷་བྲ༷ཾ་སྭཱ༷་ཧཱ༷་ནུབ་བྱང་དུ་ཡི་དྭགས་ཀྱི་ཐུབ་པ་སེར་པོ་རཏྣའི་སྒྲོམ་བུ་ཐོགས་པའོ། །ཨོ༷ཾ་མུ༷་ནེ༷་ཡེ༷་སྭཱ༷་ཧཱ༷་བྱང་དུ་དམྱལ་བའི་ཐུབ་པ་སེར་པོ་མེ་ཆུ་ཐོགས་པའོ། །གསུམ་པ་ལྷའི་ཚུལ་ལ་དྲུག་སྟེ་བཞུགས་ཚུལ་དང་། བཞུགས་གནས་དང་། ཕྱག་མཚན་དང་། སྐུ་མདོག་དང་། ཞི་བའི་ཚུལ་དགུ་དང་། འོད་ཟེར་རོ།

།དང་པོ་ནི། གདན་ལ་རྫོགས་དང་སེམས་དཔའི་ཚུལ། །ཞེས་གསུངས་ཏེ། གད༷ན་ལ༷་ནི་རྒྱལ་བ་རིགས་ལྔ་ལ་གདན་ལྔ་བརྩེགས་ཉི་ཤུ་རྩ་ལྔའོ། །སེམས་དཔའ་སེམས་མ་ལ་ཉི་ཟླ་པདྨ་སུམ་བརྩེགས་སོ། །ཐུབ་པ་ལ་པདྨ་རྐྱང་པའོ། །ཀུན་བཟང་ཡབ་ཡུམ་ལ་ཉི་ཟླ་པདྨའོ། །སྒོ་བ་ཡབ་ཡུམ་ལ་རྡོ་རྗེའི་བྲག་གི་སྟེང་ན་ཉི་མ་རྐྱང་པའོ། །རྫོག༷ས་ད༷ང་ཅེས་པས་རིགས་ལྔ་རྫོགས་པའི་སྐྱིལ་ཀྲུང་ཞེས་བྱ་སྟེ་རྡོ་རྗེའི་སྐྱིལ་ཀྲུང་དུ་བཞུགས་པའོ། །སེམས་དཔའི་ཚུལ་ཅེས་པ་སེམས་དཔའ་རྣམས་མཛད་པ་མ་རྫོགས་པས་ཕྱེད་དཀྱིལ་ལམ་བབས་ཞོན་ནམ་སེམ༷ས་དཔ༷འི་བཞུགས་ཚུ༷ལ་ཐུབ་པ་འགྲེང་བུའོ། །སྒོ་བ་བརྒྱད་ཀྱི་དོར་ཐབས་སོ། །ཡུམ་རྣམས་པདྨའི་སྐྱིལ་ཀྲུང་ངོ་། །ཀུན་ཏུ་བཟང་པོ་མཉམ་པའི་སྐྱིལ་ཀྲུང་ཀུན་ཏུ་བཟང་མོ་པདྨའི་སྐྱིལ་ཀྲུང་ངོ་། །གཉིས་པ་ནི། འཁོར་ལོར་རྒྱལ་པོ་རྒྱལ་མོ་དང་། །གཡས་ནས་མཐོང་ཐོས་སྣོམ་པ་དང་། །མྱོང་དང་བཙུན་མོའི་ཚོགས་སུ་བཅས། །གྲུ་ཆད་ལ་ནི་མཐོང་བྱེད་དང་། །ཐོས་བྱེད་སྣོམ་བྱེད་མྱོང་བྱེད་རྣམས། །བཙུན་མོའི་ཚོགས་དང་ལྡན་པར་གནས། །བར་ཁྱམས་ལ་ནི་ཐུབ་དྲུག་དང་། །མདུན་དང་རྒྱབ་ཏུ་བྱེད་པ་དང་། །བྱ་བ་དག་ནི་གནས་པར་བསྟན། །སྒོ་ཁྱུད་བཞི་ལ་འཇོམས་པ་ནི། །བཙུན་མོའི་ཚོགས་དང་ལྡན་པར་གནས། །ཞེས་པ་སྟེ། དེ་ལ་འཁོ༷ར་ལོ༷ར་ནི་བཞུགས་གནས་སོ། །རྒྱལ༷་པོ༷་ནི་རིགས་ལྔ་སྟེ་རྣམ་ཤེས་ལས་རྒྱལ་བ་རྡོ་རྗེ་སེམས་དཔའ། གཟུགས་ཀྱི་ཕུང་པོ་ལས་རྒྱལ་བ་རྣམ་སྣང་། ཚོར་བ་ལས་རྒྱལ་བ་རིན་འབྱུང་། འདུ་ཤེས་ལས་རྒྱལ་བ་སྣང་མཐའ། འདུ་བྱེད་ལས་རྒྱལ་བ་དོན་ཡོད་གྲུབ་པའོ། །རྒྱལ༷་མོ༷་ནི་ཡུམ་ལྔ་སྟེ་ནམ་མཁའ་ལས་དབྱིངས་ཕྱུག་མ། ས་སངས་རྒྱས་སྤྱན། ཆུ་མ་མ་ཀི། མེ་གོས་དཀར་མོ། རླུང་ལས་རྒྱལ་བ་དམ་ཚིག་སྒྲོལ་མ་དེ་རྣམས་དབུས་ན་འཁོར་ལོ་རྩིབས་བཞི་ལྟེ་བ་ད༷ང་ལྔ་ལ་བཞུགས་པའོ། །རྡོ་རྗེ་སེམས་དཔའ་གཡ༷ས་ན༷ས་ཞེས་གཡས་ཀྱི་རྩིབས་མཆན་ལ་མཐོ༷ང་བ་མིག་གི་རྣམ་པར་ཤེས་པ་སའི་སྙིང་པོ་དང་དེ་ནས་གཡས་བསྐོར་གྱི་ཚུལ་དུ་ཐོས་པ་རྣ་བའི་རྣམ་པར་ཤེས་པ་ཕྱག་ན་རྡོ་རྗེ་དང་། སྣོམ༷་པ༷་སྣའི་རྣམ་པར་ཤེས་པ་སྤྱན་རས་གཟིགས་ད༷ང་། མྱོང༷་བ་ལྕེའི་རྣམ་པར་ཤེས་པ་ནམ་མཁའི་སྙིང་པོ་རྣམས་འཁོར་ལོའི་རྩིབས་མཆན་བཞི་ལ་བཞུགས་པའོ། །དེ་རྣམས་ནང་ན་གནས་པས་ན་ནང་གི་སེམས་དཔའ་ཞེས་བྱའོ། །དེ་ད༷ང་དེས་སྤྱད་པར་བྱ་བའི་ཡུལ་དུ་གྱུར་པས་ན་བཙུ༷ན་མོ༷འི་སྒྲས་བསྟན་ཏེ་མིག་གིས་གཟུགས་ལ་སྤྱོད་པས་ན་བཙུན་མོའིའོ། །ཚོ༷གས་སུ༷་བཅ༷ས་ཞེས་པ་ནི་དེ་རྣམས་དང་ལྷན་ཅིག་བཞུགས་པའི་དོན་ཏེ་དེ་ཡང་སའི་སྙིང་པོའི་ཡུམ་ལ་སེ་མའོ། །དེ་བཞིན་དུ་མ་ལེ་མ་དང་གིར་ཏི་དང་ནིར་ཏི་རྣམས་དང་གཉིས་སུ་མེད་པར་འཁྲིལ་བའི་ཚུལ་དུ་བཞུགས་སོ། །གྲུ༷་ཆ༷ད་ལ༷་ནི༷་ཕྱིའི་སེམས་དཔའ་བཞུགས་པ་སྟེ་མིག་གི་དབང་པོ་ནི་མཐོ༷ང་བྱེད༷་ལ་དེ་གནས་གྱུར་པ་ནི་བྱམས་པ་ད༷ང་དེ་བཞིན་དུ་ཐོ༷ས་བྱེད༷་རྣ་བའི་དབང་པོ་སྒྲིབ་སེལ་སྣོམ༷་བྱེད༷་སྣའི་དབང་པོ་ཀུན་བཟང་མྱོང༷་བྱེད༷་ལྕེའི་དབང་པོ་འཇམ་དཔལ་རྣ༷མས་ནི་གྲུ་ཆད་བཞི་ལ་བཞུགས་སོ། །དེ་བས་དེ་བས་བཞི་པོ་དེ་རྣམས་ཅེས་སོ། །དེ་དབང་པོའི་ཕྱི་ན་ཡོད་པས་ཕྱིའི་སེམས་དཔའ་ཞེས་ཀྱང་བྱའོ། །དོན་དུ་ན་ལྷ་ལ་ཕྱི་ནང་མེད་དེ་སེམས་ཅན་གྱི་རྟོག་ཚོགས་ལ་དགོངས་པས་ན་སེམས་དཔའ་ལ་ཡང་ཕྱི་ནང་གཉིས་སོ། །སྤྱད་པར་བྱ་བའི་ཡུལ་དུ་གྱུར་པས་ན་བཙུ༷ན་མོ༷་སྟེ་འདས་པ་དང་ད་ལྟར་དང་མ་འོངས་པ་དང་འབྱུང་བར་མ་ངེས་དབྱར་དགུན་སྟོན་དཔྱིད་བཞི་ལ་དབང་བས་ན་དྷུ་པེ་མ་དང་པུཥྤེ་མ་དང་ཨ་ལོ་ཀེ་དང་གྷནྡྷེ་མའི༷་ཚོ༷གས་རྣམས་ད༷ང་འཁྲིལ་སྦྱོར་དང་ལྡ༷ན་པ༷ར་གན༷ས་སོ། །བ༷ར་ཁྱ༷མས་ཀྱི་བྱང་ཤར་ལ༷་ནི༷་ལྷའི་ཐུབ་པ། ཤར་ལྷོར་ལྷ་མ་ཡིན་གྱི་ཐུབ་པ། ལྷོར་མིའི་ཐུབ་པ། ལྷོ་ནུབ་ཏུ་བྱོལ་སོང་གི་ཐུབ་པ། ནུབ་བྱང་དུ་ཡི་དྭགས་ཀྱི་ཐུབ་པ། བྱང་དུ་དམྱལ་བའི་ཐུ༷བ་པ་སྟེ་དྲུག༷་ད༷ང་། བར་ཁྱམས་ཀྱི་ཤར་ནུབ་གཉིས་སུ་ཀུན་བཟང་ཡབ་ཡུམ་གཉིས་བཞུགས་པ་ནི་མདུ༷ན་ད༷ང་རྒྱབ༷་ཏུ༷་ཞེས་པས་བསྟན་ཏེ་ཇི་ལྟར་ན་རྡོ་རྗེ་སེམས་དཔའི་མདུན་ངོས་སུ་བྱེད༷་པ༷་པོ༷་ཀུན་ཏུ་བཟང་པོ་གནས་ཏེ་ཡིད་ཀྱི་རྣམ་པར་ཤེས་པ་གནས་གྱུར་པ་ཡིན་པས་ན་སེམས་ཅན་གྱི་དུས་ན་བྱེད་པ་པོ་ཐམས་ཅད་ཡིད་སངས་རྒྱས་ཀྱི་དུས་ན་རྒྱུད་ད༷ང་དཀྱིལ་འཁོར་གྱི་བྱེད་པ་པོ་ཐམས་ཅད་ཀུན་ཏུ་བཟང་པོ་ཡིན་ནོ། །རྡོ་རྗེ་སེམས་དཔའི་རྒྱབ་ངོས་ན་བྱ༷་བ༷་མོ་ཀུན་ཏུ་བཟང་མོ་གནས་པའོ། །དེ་ཡང་སེམས་ཅན་གྱི་དུས་ན་བྱ་བའི་གཞིར་གྱུར་པ་ཀུན་གཞིའོ་སངས་རྒྱས་ཀྱི་དུས་ན་ཡང་ཆོས་ཀྱི་དབྱིངས་སོ། །དེས་ཡིད་བྱེད་པ་པོ་ཀུན་ཏུ་བཟང་པོ་དང་ཆོས་བྱ་བ་མོ་གཉིས་ཡིད་ཀྱི་སྤྱད་བྱ་ཀུན་གཞི་ཡིན་པས་ན་ཀུན་བཟང་ཡབ་ཡུམ་དག༷་ཏུ་ནི༷་གན༷ས་པ༷ར་བསྟན༷་ཏོ། །སྒོ༷་ཁྱུ༷ད་བཞི༷་ལ༷་ཅེས་པ་ནི་གཡས་གཡོན་སྒོ་ཁྱུད་ལ་སྒོ་བ་བཞི་གནས་པ་སྟེ་འཇོ༷མས་པ༷་ནི༷་རེག་པའི་རྟོག་པ་འཇོམས་པ་གཤིན་རྗེ་གཤེད་རེག་བྱ་སྟོབས་པོ་ཆེ་རེག་བྱེད་རྟ་མགྲིན་རེག་ཤེས་ཀྱི་རྟོག་པ་འཇོམས་པ་བདུད་རྩི་འཁྱིལ་བའོ། །བཙུ༷ན་མོ༷་ནི་སྤྱད་བྱའི་ཡུལ་དུ་གྱུར་པ་སྟེ་ལུས་ཀྱི་དབང་པོ་བཞི་རྟག་པ་དང་ཆད་པ་དང་བདག་དང་མཚན་མ་བཞི་ལ་དབང་བས་ན་བཞི་པོ་དེ་གནས་སུ་དག་པས་ནི་ལྕགས་ཀྱུ་མ་དང་ཞགས་པ་མ་དང་ལྕགས་སྒྲོག་མ་དང་དྲིལ་བུ་མ་བཞིའི༷་ཚོ༷གས་ད༷ང་ལྡ༷ན་པ༷ར་གན༷ས་སོ། །དེ་བས་ན་དབང་པོ་ལྔའི་ལས་བྱེད་ལྟ་བུ་ནི་ལུས་ཀྱི་དབང་པོ་ཡིན་ལ་ལྷའི་ལས་བྱེད་པ་ཡིན་པས་ན་ཆོས་མཐུན་པའོ། །ཞི་བའི་ལྷ་བུདྡྷ་བཞི་བཅུ་རྩ་གཉིས་ཞེས་བཞེད་པ་ཡིན་པ་ལ་ཁྲོ་བོ་ཡབ་ཡུམ་བརྒྱད་ཡོད་པས་ཁྲོ་བོ་རྣམས་ཞི་བའི་ལྷར་འགྲོའམ་མི་འགྲོ་ཞེ་ན། ཕྱིར་རྣལ་འབྱོར་བས་སྒྲུབ་པར་བྱ་བའི་ཞི་བའི་ལྷ་བཞི་བཅུ་རྩ་གཉིས་ཀྱི་སྐུ་གསུང་ཐུགས་ཀྱི་རྒྱུད་ཞི་བས་ན་ཞི་བ་ཟེར་ལ། སྐུ་ཁྲོ་ཚུལ་དང་བཅས་འབར་བའི་གར་དགུས་ཁྱབ་ཁྲོ་རྟགས་དྲུག་ཅུ་རྩ་བརྒྱད་དང་ལྡན་པས་ཁྲོ་བོ་ཟེར་རོ། །འོ་ན་སྐུ་གསུང་ཐུགས་ཀྱི་རྒྱུད་ཞི་ན་སྒོ་བ་ལ་ཁྲོ་བོའི་མིང་མེད་དམ་ཞེ་ན། འདི་ལྟར་བཞེད་དེ་ཞི་བ་ལ་ལྟོས་ན་ཁྲོ་བོ་ཡིན་ཡང་ཁྲོ་བོའི་གར་དགུ་དང་ཁྲོ་རྟགས་མེད་དེ་སྐུ་ཁྲོ་ཚུལ་དང་བཅས་པར་སྣང་བའོ། །དེས་ན་འགལ་བ་མེད་དེ་དེ་བས་ན་ཅུང་ཟད་ཁྲོ་བོ་ལྷ་བརྒྱད་ཅེས་བྱ་སྟེ་སྟག་དང་སྦྲུལ་གྱི་རྒྱན་ཙམ་མ་བཀག་གོ །དངོས་སུ་སྐུ་གསུང་ཐུགས་ཀྱི་རྒྱུད་ཞི་བར་གནས་སོ། །དེ་བས་ན་ཁྲོ་བོ་མི་ཟེར་ཏེ་འཇོམས་པ་ཞེས་བཤད་དོ། །གསུམ་པ་ཕྱག་མཚན་ནི། རྡོ་རྗེ་འཁོར་ལོ་རིན་པོ་ཆེ། །པདྨ་རལ་གྲི་དྲིལ་བུ་འབར། །ཨུད་དཔལ་ཀླུ་ཤིང་ལ་སོགས་མཚན། །རིན་ཆེན་མྱུ་གུ་རལ་གྲི་འབར། །པདྨ་དཀར་པོ་རྡོ་རྗེ་འབར། །ཆོས་ཀྱི་འཁོར་ལོ་རིན་ཆེན་སྙེ། །གཟུགས་མཛེས་རིན་ཆེན་འཕྲེང་བ་དང་། །པི་ཝང་གར་མཁན་མཆོག་ཉིད་དེ། །མེ་ཏོག་ཕྲེང་དང་སྤོས་མཆོག་མ། །མར་མེ་བྱུག་པ་ལ་སོགས་པའི། །ལས་ལ་འཁྲིལ་ཞིང་ཆོས་ལ་བསྟན། །དབུ་རྣམས་འབྱོ་ཞིང་འདུད་པའི་ཚུལ། །གོང་གི་ཕྱག་རྒྱ་ཆེན་པོ་བཞིན། །གཉིས་མེད་དབྱིངས་ཀྱི་ངང་དུ་འཁྲིལ། །སྒོ་བཞི་ཁྲོ་བོའི་ཕྱག་རྒྱ་ནི། །ནྲིར་མགོ་གདེངས་དང་རྡོ་རྗེ་གནོན། །ཐོད་སྦྲུལ་ཆེན་པོ་གནོན་པ་དང་། །རྡོ་རྗེ་རྒྱ་གྲམ་ལས་ཀྱིས་གནོན། །ལྕགས་ཀྱུ་ཞགས་པ་སྥོ་ཊ་ཧོ། །སྒོ་བཞིར་གནས་པ་དེ་དག་ཀྱང་། །འདུད་ཚུལ་འཁྲིལ་བ་གོང་མ་བཞིན། །ཐུབ་དྲུག་ཕྱག་རྒྱ་སྣ་ཚོགས་ཏེ། །མདོར་བསྡུས་ཕྱག་རྒྱ་དྲུག་ཏུ་བསྟན། །གསེག་པར་དང་ནི་པི་ཝང་དང་། །གོ་ཆ་པོ་ཏི་རིན་ཆེན་སྒྲོམ། །མེ་དང་ཆུ་ནི་རབ་ཏུ་བསྟན། །ཡུམ་ནི་དམིགས་མེད་ཆོས་ཀྱི་དབྱིངས། །ཀུན་བཟང་མཉམ་བཞག་ཡེ་ཤེས་འཕྲོ། །ཡུམ་གྱུར་མཉམ་རྫོགས་པད་མོའི་དཀྱིལ། །གཞན་ཡང་ཕྱག་རྒྱ་སྣ་ཚོགས་ཏེ། །ཡང་ན་དེ་བཞིན་གཤེགས་པ་ཉིད། །ཡང་ན་རྡོ་རྗེ་ཐལ་མོ་ཉིད། །ཅེས་པས་བསྟན་ཏེ་ཕྱིར་གནས་འཕྲོག་བརྩིས་ན་ཞལ་གསུམ་ཕྱག་དྲུག་ཏུ་བྱེད་པ་ནི་གོང་བཞིན་ནོ། །འདིར་གཡས་གཡོན་གྱི་དང་པོ་རྣམས་བཤད་པ་སྟེ་མི་བསྐྱོད་པའི་གཡས་དང་པོ་ན་རྡོ༷་རྗེ༷་འཛིན་པ་ནི་ཡེ་ཤེས་ལྔ་དང་ལྡན་པའི་རྟགས་སོ། །རྣམ་པར་སྣང་མཛད་ཀྱི་གཡས་དང་པོ་ན་འཁོ༷ར་ལོ༷་བསྣམས་པ་ནི་ཉོན་མོངས་པ་ཐམས་ཅད་གཅོད་པའི་རྟགས་སོ། །རིན་འབྱུང་གི་གཡས་དང་པོ་ན་རི༷ན་པོ༷་ཆེ༷་འཛིན་པ་ནི་དགོས་འདོད་རེ་བ་ཐམས་ཅད་སྐོང་བའོ། །སྣང་བ་མཐའ་ཡས་ཀྱི་གཡས་དང་པོ་ན་པ༷དྨ༷་བསྣམས་པ་ནི་ཉེས་པའི་སྐྱོན་གྱིས་མ་གོས་པའི་རྟགས་སོ། །དོན་ཡོད་གྲུབ་པའི་གཡས་དང་པོ་ན་ར༷ལ་གྲི༷་བསྣམས་པ་ནི་རྟོག་པ་ཐམས་ཅད་རྩད་ནས་གཅོད་ཅིང་མཁྱེན་པའི་ཡེ་ཤེས་དང་ལྡན་པའི་རྟགས་སོ། །གཡོན་གྱི་ཕྱག་ན་དྲིལ༷་བུ༷་བསྣམས་པ་ནི་ཤེས་རབ་སྤྲོས་པ་མེད་པས་ཆོས་ཀྱི་དབྱིངས་ལས་མ་གཡོས་པའི་རྟགས་སོ། །བར་མ་དང་ཐ་མ་རྣམས་ནི་དེ་དག་ལས་གོང་འོག་ཏུ་བསྒྱུར་ཏེ་གནས་འཕྲོག་བརྩིས་ནས་བྱེད་པའོ། །དྲིལ་བུ་འབ༷ར་བ་ཡུམ་རྣམས་ཀྱི་གཡོན་ན་འཛིན་ནོ་གཡས་པ་རྣམས་རང་རང་གི་ཡབ་ལ་འཁྱུད་པའོ། །སེམས་དཔའ་བརྒྱད་ཀྱི་ཕྱག་མཚན་ནི་བྱང་ཤར་མཚམས་ཀྱི་གྲུ་ཆད་ལ་འཇམ་དཔལ་གྱིས་ཨུ༷ད་དཔ༷ལ་བསྣམས་པ་དང་། ཤར་ལྷོ་མཚམས་ཀྱི་གྲུ་ཆད་ལ་བྱམས་པས་ཀླུ༷་ཤི༷ང་དང་ལ༷་སོ༷གས་མཚ༷ན་ཞེས་པས་གཡོན་དྲིལ་བུ་བསྣམས་པ་སྟོན་ལ། ཤར་ལྷོ་མཚམས་ཀྱི་རྩིབས་མཆན་ལ་སའི་སྙིང་པོ་རི༷ན་ཆེ༷ན་མྱུ༷་གུ༷་དང་། ལྷོ་ནུབ་མཚམས་ཀྱི་རྩིབས་མཆན་ལ་ནམ་མཁའི་སྙིང་པོ་ར༷ལ་གྲི༷་འབ༷ར་བ་དང་། ནུབ་བྱང་གི་རྩིབས་མཆན་ལ་སྤྱན་རས་གཟིགས་པ༷དྨ༷་དཀ༷ར་པོ༷་དང་། བྱང་ཤར་གྱི་རྩིབས་མཆན་ལ་ཕྱག་ན་རྡོ་རྗེ་རྡོ༷་རྗེ༷་འབ༷ར་བ་དང་། ལྷོ་ནུབ་གྲུ་ཆད་ལ་སྒྲིབ་སེལ་གྱིས་ཆོ༷ས་ཀྱི༷་འཁོ༷ར་ལོ༷་དང་། ནུབ་བྱང་གི་གྲུ་ཆད་ལ་ཀུན་ཏུ་བཟང་པོས་རི༷ན་ཆེ༷ན་སྙེ་མ་བསྣམས་པའོ། །འདིར་སེམས་དཔའ་རྣམས་ཀྱི་ཕྱག་མཚན་གྱི་སྐབས་སུ་གཞུང་འཁྲུགས་པ་སྡེབས་ཏེ་བཤད་ན་རྣམ་པར་ཤེས་པའི་སེམས་དཔའ་སྤྱིའི་ཕྱག་མཚན་ནི་སའི་སྙིང་པོ་རིན་པོ་ཆེའི་མྱུ་གུ་འཛིན་པ་ནི་དགོས་འདོད་ཟད་པ་མེད་པ་འབྱུང་བའོ། །ནམ་མཁའི་སྙིང་པོ་རལ་གྲི་འཛིན་པ་ནི་ཉོན་མོངས་པ་ཐམས་ཅད་གཅོད་པའོ། །སྤྱན་རས་གཟིགས་པདྨ་དཀར་པོ་འཛིན་པ་ནི་ཉོན་མོངས་པའི་སྐྱོན་གྱིས་མ་གོས་པའི་རྟགས་སོ།

།ཕྱག་ན་རྡོ་རྗེ་རྡོ་རྗེ་བསྣམས་པ་ནི་ཡེ་ཤེས་ལྔ་ཡིས་ཉོན་མོངས་པ་འཇོམས་པའི་སྟོབས་དང་ལྡན་པའི་རྟགས་སོ། །དེ་རྣམས་ནི་ནང་གི་སེམས་དཔའ་བཞིའོ། །དབང་པོའི་སེམས་དཔའ་ནི་བྱམས་པའི་ཕྱག་ན་ཀླུ་ཤིང་གི་མེ་ཏོག་བསྣམས་པ་ནི་ཉོན་མོངས་པའི་གདུང་བ་ཐམས་ཅད་ཟིལ་གྱིས་གནོན་པའི་རྟགས་སོ། །སྒྲིབ་པ་རྣམ་པར་སེལ་བ་ཆོས་ཀྱི་འཁོར་ལོ་བསྣམས་པ་ནི་རྟོག་པའི་དྲྭ་བ་ཐམས་ཅད་གཅོད་པའི་རྟགས་སོ། །ཀུན་ཏུ་བཟང་པོ་རིན་པོ་ཆེའི་སྙེ་མ་བསྣམས་པ་ནི་སེམས་ཅན་ཐམས་ཅད་ལ་དགོས་འདོད་རེ་བ་ཡིད་བཞིན་དུ་སྐོང་བའི་རྟགས་སོ། །འཇམ་དཔལ་ཨུད་དཔལ་བསྣམས་པ་ནི་ཆོས་སྤྱི་དང་རང་གི་མཚན་ཐམས་ཅད་ལ་འགག་པ་མེད་པར་མཁྱེན་ཅིང་ཉེས་པའི་སྐྱོན་དང་བྲལ་བའི་རྟགས་སོ། །ལ་སོགས་མཚན་ནི་གཡོན་རྣམས་ན་དྲིལ་བུ་བསྣམས་པའོ། །འབར་ཅེས་པ་ནི་ཕྱག་མཚན་དེ་དག་ཐམས་ཅད་སྣང་ལ་རང་བཞིན་མེད་པ་གསལ་ལ་རྟོག་པ་མེད་པ་འགུལ་འགུལ་ལྡེག་ལྡེག་ལྟར་གསལ་བ་ཡེ་ཤེས་ཀྱི་འོད་ཟེར་འཕྲོ་བའོ། །སེམས་མ་བརྒྱད་ཀྱི་ཕྱག་མཚན་ནི་ལྷ་མོ་ལ་སེ་མ་གཟུ༷གས་མཛེ༷ས་མེ་ལོང་བསྣམས་ནས་འགྱིང་བག་ཏུ་བཞུགས་པ་ནི་སའི་སྙིང་པོ་དང་གཉིས་སུ་མེད་པའི་བདེ་བས་དགྱེས་པའོ། །མ་ལེ་མ་རི༷ན་ཆེ༷ན་འཕྲེ༷ང་བ༷་ཐོགས་པ་ནི་ནམ་མཁའི་སྙིང་པོ་དང་བདེ་བ་རྒྱུན་མི་འཆད་པའི་རྟགས་ད༷ང་། གི་རྟི་མ་པི༷་ཝ༷ང་ཐོགས་པ་ནི་སྤྱན་རས་གཟིགས་དང་གཉིས་སུ་མེད་པའི་བདེ་བའི་སྒྲ་སྒྲོགས་པའི་རྟགས་སོ། །ནི་རྟི་མ་ག༷ར་མཁ༷ན་མཆོ༷ག་ཉིད༷་དེ༷་གར་བསྒྱུར་བ་ནི་ཕྱག་ན་རྡོ་རྗེ་དང་གཉིས་སུ་མེད་པའི་ཡེ་ཤེས་ལ་དབང་བསྒྱུར་བའི་རྟགས་སོ། །དེ་དག་ནང་གི་སེམས་མ་ཡིན་པས་ན་ནང་གི་མཆོད་རྫས་ཕྱག་ན་བསྣམས་པའོ། །པུཥྤེ་མ་མེ༷་ཏོག༷་གི་འཕྲེ༷ང་བ་ཐོགས་པ་ནི་སྒྲིབ་པ་རྣམ་པར་སེལ་བ་ད༷ང་གཉིས་སུ་མེད་པའི་བདེ་བས་མཚོན་པར་བྱེད་པའོ། །སྤོས༷་མཆོ༷ག་མ༷འམ་དྷུ་པེ་མ་སྤོས་ཐོགས་པ་ནི་བྱམས་པ་དང་གཉིས་སུ་མེད་པའི་བདེ་བའི་འོད་ཟེར་འཕྲོས་པའོ། །ཨ་ལོ་ཀེ་མར༷་མེ༷་ཐོགས་པ་ནི་ཀུན་ཏུ་བཟང་པོ་དང་གཉིས་སུ་མེད་པའི་བདེ་བ་གསལ་བའོ། །གྷན་དྷེ་མ་དྲི་ཆབ་ཀྱི་བྱུག༷་པ༷་ཐོགས་པ་ནི་འཇམ་དཔལ་དང་གཉིས་སུ་མེད་པའི་བདེ་བས་བསིལ་བར་བྱེད་པའོ། །དེས་ན་ཕྱིའི་སེམས་མ་ཡིན་པས་ན་ཕྱིའི་མཆོད་རྫས་བསྣམས་པའི་ཚུལ་ལོ། །དེ་ལ༷་སོ༷གས་པ༷འི་ཡུམ་རྣམས་ཡབ་ལ༷ས་ཀྱི་སྐུ་ལ༷་འཁྲི༷ལ་ཞི༷ང་ཡབ་རྣམས་ཡུམ་ཆོས༷་ཀྱི་རང་བཞིན་ལ༷་ཞལ་བསྟན༷་ནས་གཅིག་ལ་གཅིག་འདུད་པའི་ཚུལ་ལོ། །ལྷ་མོ་དེ་དག་ནི་ཡབ་རེ་རེ་དང་ཡུམ་རེ་རེ་ཐབས་དང་ཤེས་རབ་གཉིས་སུ་མེད་པར་སྦྱོར་བ་རེ་རེ་ལ་ཡང་རང་བཞིན་གྱིས་ཚང་བར་བྱའོ། །དེ་ལྟར་སེམས་དཔའ་དང་སེམས་མ་དེ་དག་ཀྱང་ཡུམ་རྣམས་ཡབ་ཀྱི་སྐུ་ལ་གཉིས་སུ་མེད་པར་འཁྲིལ་བ་དང་ཡབ་ཀྱི་ད༷བུ་རྣམ༷ས་ལ་ཞལ་འབྱོ༷་ཞི༷ང་ཡུམ་གྱི་དབུ་རྣམས་མ་ཞས་འདུ༷ད་པ༷འི་ཚུལ༷་གྱིས་ཡབ་ཡུམ་གཉིས་གཅིག་ལ་གཅིག་བཞིན་གྱི་དཀྱིལ་འཁོར་ལ་འཛུམ་པའི་མདངས་ཀྱིས་ལྟ་བ་དང་འདུད་པ་དང་མཛེས་པའི་ཚུལ་གྱིས་དབྱིངས་དང་ཡེ་ཤེས་ཐ་མི་དད་པར་སྙོམས་པར་འཇུག་པའོ། །མདོར་ན་གོ༷ང་གི༷་ཕྱག༷་རྒྱ༷་ཆེ༷ན་པོ༷་རིགས་ལྔ་ཡབ་ཡུམ་རྣམས་ལས་ལ་འཁྲིལ་ཞིང་ཆོས་ལ་བསྟན་པའི་སྐབས་བཞི༷ན་སེམས་དཔའ་ཡབ་ཡུམ་རྣམས་ཀྱང་ཡབ་ཡུམ་གཉིས༷་མེ༷ད་ཆོས་ཀྱི་དབྱིང༷ས་ཀྱི༷་ང༷ང་དུ༷་འཁྲི༷ལ་ལོ། །སྒོ༷་བ་བཞི༷འི་ཕྱག༷་རྒྱ༷་ནི༷་ཤར་དུ་གཤིན་རྗེ་གཤེད་ནྲི༷་མགོའམ་མི་མགོའི་དབྱུག་པ་གདེང༷ས་པ་ནི་ཉོན་མོངས་པ་དང་བགེགས་དང་ལོག་རྟོག་སྐྱེ་ཤི་འཇོམས་པའི་རྟགས་ད༷ང་། ལྷོར་སྟོབས་པོ་ཆེ་རྡོ༷་རྗེ༷ས་ས་གནོ༷ན་པ་ནི་ཉོན་མོངས་པ་དང་བགེགས་ཐམས་ཅད་ལྟ་མི་ནུས་པའོ། །ནུབ་ཏུ་རྟ་མགྲིན་གྱིས་ཐོ༷ད་པ་སྦྲུལ༷་ཆེ༷ན་པོ༷་ཡིས་བརྒྱན་པ་གནོ༷ན་ཐབས་སུ་འཛིན་པ༷་ནི་བགེགས་ཀྱི་ཞེ་སྡང་གནས་སུ་དག་ནས་ཆོས་ཀྱི་དབྱིངས་སུ་མཁྱེན་པ་ད༷ང་། བྱང་དུ་བདུད་རྩི་འཁྱིལ་བ་རྡོ༷་རྗེ༷་རྒྱ༷་གྲམ༷་ཐོགས་པ་ནི་འཕྲིན་ལ༷ས་རྣམ་བཞི་ཉིད་ཀྱིས༷་ཐམས་ཅད་ཀྱི་དོན་མཛད་པ་སྟེ་དེ་ཡང་གནོ༷ན་ཐབས་སུ་འཛིན་པའོ། །དེ་བས་ན་ཕྱག་གཡས་གཡོན་དང་པོ་གཉིས་ནི་དེ་ལྟར་གནས་ལ་གཞན་ལ་ཞལ་གསུམ་ཕྱག་དྲུག་ཏུ་བྱེད་ན་གོང་དུ་བཤད་པ་བཞིན་ནོ། །ལྷ་མོ་ལྕག༷ས་ཀྱུ༷་མ་ནི་ཐུགས་རྗེས་སེམས་ཅན་མྱ་ངན་ལས་འདས་པའི་དབྱིངས་སུ་འདྲེན་པའོ། །ཞ༷གས་པ༷་མ་ནི་སེམས་ཅན་ཐུགས་རྗེས་དྲངས་ནས་འཁོར་བར་མི་གཏོང་བའི་བརྡའོ་སྥོ༷་ཊ༷་སྟེ་ལྕགས་སྒྲོག་མ་ནི་སེམས་ཅན་དེ་དག་བདེ་བར་གཤེགས་པའི་ཐུགས་ཡེ་ཤེས་དབྱེར་མེད་པའི་ས་ལ་འགོད་པའོ། །ཧོ༷་ཞེས་པ་དྲིལ་བུ་མ་ནི་སེམས་ཅན་དེ་དག་ཕྱིར་མི་ལྡོག་པའི་ས་ལ་བཀོད་ནས་བདེ་བ་ཆེན་པོས་མཉེས་པ་དང་ཚིམ་པར་བྱེད་པའི་བརྡར་བསྟན་ནོ། །སྒོ༷་བཞི༷ར་གན༷ས་པ༷་ཁྲོ་བོ་ཡབ་ཡུམ་དེ༷་ད༷ག་ཀྱང༷་ཐབས་དང་ཤེས་རབ་གཉིས་སུ་མེད་པར་བཞུགས་པ་ནི་ཡབ་ཀྱིས་ཡུམ་ལ་འདུ༷ད་པའི་ཚུལ༷་དང་ཡུམ་རྣམས་ཡབ་ཀྱི་སྐུ་ལ་གཉིས་སུ་མེད་པར་འཁྲིལ༷་བ༷་ནི་གོ༷ང་མ༷་རིགས་ལྔ་དང་སེམས་དཔའ་རྣམས་ཀྱི་སྐབས་སུ་བསྟན་པ་བཞི༷ན་ཡབ་ཡུམ་གཉིས་སུ་མེད་པ་སྒོ་བཞིར་གནས་པའོ། །ཐུབ༷་པ་ནི་སྐུ་གསུང་ཐུགས་ཐུབ་པ་སྟེ་དེ་ཡང་སྐུ་ཐུབ་པ་རྟགས་དང་བྱ་བྱེད་སྤངས་པ་དང་གསུང་ཐུབ་པ་ནི་ངག་མི་དགེ་བ་བཞི་སྤངས་པ་དང་ཐུགས་ཐུབ་པ་ནི་ཡིད་ཀྱི་མི་དགེ་བ་གསུམ་སྤངས་པའོ། །དྲུ༷ག་ནི་གྲངས་ཡིན་ལ་དེ་དག་ནི་གདུལ་བྱ་གང་ལ་གང་ལྟར་མོས་པ་བཞིན་དུ་དོན་མཛད་པས་ཕྱག༷་རྒྱ༷་སྣ༷་ཚོ༷གས་མ་ངེས་པ་སྟེ༷་དེ་ཡང་དལ་དུ་སྒོམ་པའི་དུས་སུ་སྒོམ་བདེ་ཞིང་ཏིང་ངེ་འཛིན་གྱི་དམིགས་པ་གསལ་བའི་ཕྱིར་མདོ༷ར་བསྡུས༷་ནས་ཕྱག༷་རྒྱ༷་དྲུ༷ག་ཏུ༷་བསྟན༷་པ་མིའི་ཐུབ་པ་གསེ༷ག་ཤིང་དང་པ༷ར་བུ་ཐོགས་པ་ནི་མི་རྣམས་འདོད་ཆགས་ལས་བློ་ལྡོག་ནས་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་འགོད་པར་མཛད་པའི་རྟགས་ད༷ང་ནི༷། ལྷའི་ཐུབ་པས་པི༷་ཝང༷་ཐོགས་པ་ནི་ལྷ་རོལ་མོ་ལ་དགའ་བ་དེ་དག་ལ་འདུལ་བྱེད་ཀྱང་གདུལ་བྱ་དང་མཐུན་པར་འདུལ་བ་སྟེ་དེ་ཡང་དེ་དག་གི་བློ་ལེ་ལོ་དང་གཡེང་བ་ལས་ལྡོག་ནས་བསམ་གཏན་གྱི་ཕ་རོལ་ཏུ་ཕྱིན་པ་ལ་འགོད་པར་མཛད་པ་ད༷ང་། ལྷ་མ་ཡིན་གྱི་ཐུབ་པ་གོ༷་ཆ༷་ཐོགས་པ་ནི་དེ་དག་ལ་མཐུན་པར་བསྟན་ནས་འཁྲུག་པའི་བློ་བཟློག་སྟེ་བརྩོན་འགྲུས་ཀྱི་ཕ་རོལ་ཏུ་ཕྱིན་པ་ལ་འགོད་པར་མཛད་དོ། །བྱོལ་སོང་གི་ཐུབ་པ་པོ༷་ཏི༷་ཐོགས་པ་ནི་གཏི་མུག་གི་མུན་པ་དེ་དག་པར་མཛད་ནས་ཤེས་རབ་ཀྱི་ཕ་རོལ་ཏུ་ཕྱིན་པ་ལ་འགོད་པར་མཛད་དོ། །ཡི་དྭགས་ཀྱི་ཐུབ་པ་རི༷ན་པོ་ཆེ༷འི་སྒྲོམ༷་བུ་ཐོགས་པ་ནི་སེར་སྣའི་མདུད་པ་ལས་ལྡོག་ནས་སྦྱིན་པའི་ཕ་རོལ་ཏུ་ཕྱིན་པ་ལ་འགོད་པར་མཛད་དོ། །དམྱལ་བའི་ཐུབ་པ་མེ༷་ད༷ང་ཆུ༷་ནི༷་འཛིན་ཚུལ་ར༷བ་ཏུ༷་བསྟན༷་པ་ནི་ཞེ་སྡང་གི་ངོ་བོ་ལས་བློ་ལྡོག་ནས་བཟོད་པའི་ཕ་རོལ་ཏུ་ཕྱིན་པ་ལ་འགོད་པར་མཛད་དོ། །ཐུབ་དྲུག་གི་ཡུམ་ལ་དོན་གྱི་ཡུམ་དང་རྟགས་ཀྱི་ཡུམ་གཉིས་ལས། སྤྲུལ་པའི་སྐུ་དེ་དག་ནི་གྲོགས་མི་བདེ་བ་སྤོངས་ཤིང་འདོད་པ་སྤངས་པའི་ཕྱིར་རྟགས་ཀྱི་ཡུ༷མ་ནི༷་དངོས་སུ་དམི༷གས་སུ་མེ༷ད་པས་མ་བསྟན་ལ་དོན་གྱི་ཡུམ་ནི་ཆོ༷ས་ཀྱི༷་དབྱིང༷ས་དང་དུས་ཐམས་ཅད་དུ་འབྲལ་བ་མེད་པར་བཞུགས་པའོ། །ཀུན་བཟང་ཡབ་ཡུམ་གྱི་ཕྱག་རྒྱ་ལ་ཀུ༷ན་ཏུ་བཟ༷ང་པོ་ནི་ཕྱག་མཉམ༷་བཞ༷ག་གི་སྟེང་ན་ཕྱག་སོར་ལས་ཡེ༷་ཤེ༷ས་ལྔའི་འོད་ཟེར་འཕྲོ༷་ཞིང་ཞབས་བརྟུལ་ཞུགས་ཀྱི་སྐྱིལ་མོ་ཀྲུང་དུ་བཞུགས་པའོ། །དེའི་ཡུ༷མ་དུ་གྱུ༷ར་པ་ནི་ཀུན་ཏུ་བཟང་མོ་སྟེ་ཕྱག་མཉམ༷་རྫོ༷གས་སམ་མཉམ་པར་བཞག་པ་ལས་མཛུབ་མོ་གཉིས་རྩེ་སྤྲད་ནས་བཞུགས་ཤིང་ཞབས་པ༷ད་མོ༷འི་སྐྱིལ༷་ཀྲུང་སྟེ་ཞབས་མཐིལ་གཉིས་སྤྲད་ནས་བཞུགས་པའོ། །གཞ༷ན་ཡ༷ང་ཕྱག༷་རྒྱ༷་མ་ངེས་སྣ༷་ཚོ༷གས་གནས་པ་སྟེ༷་རིགས་ལྔ་སྤྱིའི་ཕྱག་རྒྱའམ་ཡ༷ང་ན༷་དེ༷་བཞི༷ན་གཤེ༷གས་པ༷་རྣམ་པར་སྣང་མཛད་ཀྱི་ཕྱག་རྒྱ་ཉིད༷་དམ་ཡ༷ང་ན༷་རྡོ༷་རྗེ༷་ཐ༷ལ་མོ༷་ཡི་ཕྱག་རྒྱ་ཉིད༷་བཅིང་ངོ་། །བཞི་པ་སྐུ་མདོག་ནི། མཐིང་ཀ་དཀར་པོ་སེར་ལེབ་རྒན། །ལྗང་གུ་ལ་སོགས་སྣ་ཚོགས་པའི། །ཞེས་པས་བསྟན། སྤྱིར་སྐུ་མདོག་ལ་གཉིས་ཏེ། རང་བཞིན་གྱི་སྐུ་མདོག་དང་། རིགས་ཀྱི་སྐུ་མདོག་གོ །དེ་ལ་རང་བཞིན་གྱི་སྐུ་མདོག་ནི་སྣུམ་པ་དང་། འདྲིལ་བ་དང་། གསལ་བ་དང་། འཚེར་བ་སྟེ། དེ་ཡང་ཉེས་པའི་སྐྱོན་གྱིས་མ་གོས་པ་དུང་ལྟ་བུ་དང་། སྣུམ་ལ་འདྲིལ་བ་མེ་ཏོག་ཀུ་མུད་ཏ་ལྟ་བུ་དང་། གསལ་བ་ཉི་མ་ལྟ་བུ། དང་ཞིང་གསལ་བ་ཟླ་བ་ལྟ་བུ། འཚེར་བ་གངས་ལ་ཉི་མ་ཤར་བ་ལྟ་བུའོ། །དེ་རྣམས་ནི་སྤྱིར་ཁྱབ་ལ་རིགས་ཀྱི་སྐུ་མདོག་ནི་རིགས་ལྔ་དང་རིགས་ཆུང་ངོ་། །རིགས་ལྔ་ནི་མཐི༷ང་ཀ༷་ནི་དོན་ཆོས་ཀྱི་དབྱིངས་ལ་ཉོན་མོངས་པས་མ་བསླད་པས་མི་འགྱུར་བའོ། །དེ་ཡང་ཀུན་ཏུ་བཟང་པོ་ཡབ་ཡུམ་དང་མི་བསྐྱོད་པ་ཡབ་ཡུམ་སྐུ་མདོག་མཐིང་ཀར་བཞུགས་པའོ། །དེ་ནི་རྡོ་རྗེའི་རིགས་ཀྱི་སྐུ་མདོག་གོ །དཀ༷ར་པོ༷་ནི་ཉེས་པའི་སྐྱོན་གྱིས་མ་གོས་པ་སྟེ་རྣམ་སྣང་ཡབ་ཡུམ་དང་སའི་སྙིང་པོ་ཡབ་ཡུམ་དང་ལྷའི་ཐུབ་པའི་སྐུ་མདོག་གོ །དེ་ནི་དེ་བཞིན་གཤེགས་པའི་རིགས་སོ། །སེ༷ར་པོ་ནི་ཆེ་བའི་ཡོན་ཏན་རྒྱས་པའི་རྟགས་ཏེ་རིན་ཆེན་འབྱུང་ལྡན་ཡབ་ཡུམ་དང་ནམ་མཁའི་སྙིང་པོ་ཡབ་ཡུམ་དང་མིའི་ཐུབ་པའི་སྐུ་མདོག་སྟེ་དེ་ནི་རིན་པོ་ཆེའི་རིགས་སོ། །ལེ༷བ་རྒ༷ན་ནམ་དམར་པོ་ནི་ཐུགས་རྗེས་འགྲོ་བའི་དོན་ལ་ཆགས་པའི་རྟགས་ཏེ་སྣང་བ་མཐའ་ཡས་ཡབ་ཡུམ་དང་སྤྱན་རས་གཟིགས་ཡབ་ཡུམ་དང་ཡི་དྭགས་ཀྱི་ཐུབ་པའི་སྐུ་མདོག་སྟེ་དེ་ནི་པད་མའི་རིགས་སོ། །ལྗང༷་གུ༷་ནི་འཕྲིན་ལས་བཞིས་འགྲོ་བ་ཐམས་ཅད་ཀྱི་དོན་མཛད་པའི་རྟགས་ཏེ་དོན་ཡོད་གྲུབ་པ་ཡབ་ཡུམ་དང་ཕྱག་ན་རྡོ་རྗེ་ཡབ་ཡུམ་དང་དམྱལ་བའི་ཐུབ་པའི་སྐུ་མདོག་སྟེ་དེ་ནི་ལས་ཀྱི་རིགས་སོ། །རིགས་ཆུང་ནི་ལ་སོགས་ཞེས་པས་ཁ་དོག་ཉི་ཤུ་རྩ་ལྔའམ་ཡང་མཐི༷ང་ཀ༷་རྡོ་རྗེ་སེམས་དཔའ་ཡབ་ཡུམ་ནམ་མཁའི་སྙིང་པོ་ཡབ་ཡུམ་སྒྲིབ་སེལ་ཡབ་ཡུམ་ཀུན་བཟང་ཡབ་ཡུམ་མོ། །དཀ༷ར་པོ་ནི་རྣམ་སྣང་ཡབ་ཡུམ་དང་ས་སྙིང་དང་བྱམས་པའོ། །སེ༷ར་པོ་ནི་རིན་འབྱུང་དང་ཐུབ་པ་དྲུག་གོ །དམར་པོ་ནི་སྣང་བ་མཐའ་ཡས་དང་སྤྱན་རས་གཟིགས་ཀུན་བཟང་ངོ་། །ལྗང༷་གུ༷་ནི་དོན་ཡོད་གྲུབ་པ་དང་ཕྱག་ན་རྡོ་རྗེ་དང་འཇམ་དཔལ་ཡབ་ཡུམ་གྱིའོ། །སྒོ་བ་བཞི་ཕྱོགས་མཐུན་ནོ། །སྣ༷་ཚོ༷གས་པ༷འི་ཞེས་པ་ནི་རང་རང་མ་འདྲེས་པར་གསལ་བའོ། །ལྔ་པ་ཞི་ཚུལ་དགུ་ནི། མཉེན་ལྕུག་འཁྲིལ་ལྡེམ་གཞོན་ཚུལ་ཅན། །གསལ་འཚེར་ལྷུན་སྡུག་གཟི་བརྗིད་ལྡན། །ཞེས་པ་སྟེ། དེ་ལ་ཞི་བའི་ཚུལ་དགུ་ལས་སྐུའི་ཚུལ་རྣམ་པ་ལྔ་ནི་མཉེ༷ན་པ་ནི་ཞེ་སྡང་དག་པས་རིན་པོ་ཆེ་གསེར་ལྟ་བུ་སྟེ་གྱོང་པོ་དང་ཁེངས་པ་ལྟ་བུ་ནི་མ་ཡིན་ནོ། །ལྕུག༷་པ་ནི་ཁོང་ཁྲོ་དག་པས་འབྲས་ས་ལུའི་ལྗང་བུ་ལྟ་བུ་སྟེ་དེ་ཡང་རེངས་པ་ལྟ་བུ་ནི་མ་ཡིན་ནོ། །འཁྲི༷ལ་བ་ནི་འདོད་ཆགས་དག་པས་དཔེར་ན་སྦྲུལ་ལྟ་བུ་སྟེ་ཡབ་ཡུམ་ཐབས་དང་ཤེས་རབ་གཉིས་སུ་མེད་པར་བཞུགས་པའོ། །སོ་སོར་བཞུགས་པ་ལྟ་བུ་ནི་མ་ཡིན་ནོ། །ལྡེ༷མ་པ་ནི་ང་རྒྱལ་དག་པས་ལྗོན་ཤིང་ལྟ་བུ་སྟེ་ཀྱོག་པོ་དང་ཡོན་པོ་ལྟ་བུ་ནི་སྤངས་པའོ། །གཞོ༷ན་ཚུལ༷་ཅན༷་ནི་གཏི་མུག་དག་པས་བྱིས་པ་ལོ་བརྒྱད་ལོན་པ་ལྟ་བུ་སྟེ་གཞོན་ཤ་ཆགས་པའོ་རྒན་པོ་ཁོགས་པ་ལྟ་བུ་ནི་མ་ཡིན་ནོ། །སྐུ་མདོག་གི་ཚུལ་ནི་གས༷ལ་བ་ནི་ཕྲག་དོག་དག་པས་ཚེས་བཅོ་ལྔའི་ཟླ་བ་ལྟ་བུ་སྟེ་མོག་མོག་པོའམ་ནག་ནག་པོ་ནི་མ་ཡིན་ནོ། །འཚེ༷ར་བ་ནི་སེར་སྣ་དག་པས་ཉི་མའི་སྙིང་པོ་ལྟ་བུ་སྟེ་ཕྱོགས་གཅིག་པའམ་མི་གཅིག་པ་ལྟ་བུ་ནི་མ་ཡིན་ནོ། །ལྷུན༷་སྡུག༷་པ་ནི་བདག་འཛིན་དག་པས་རི་བོ་ལྟ་བུ་སྟེ་སྟུར་སྟུར་པོ་ནི་མ་ཡིན་ནོ། །གཟི༷་བརྗི༷ད་དང་ལྡ༷ན་པ་ནི་ཞེན་པ་དག་པས་ནོར་བུ་ལྟ་བུ་སྟེ་མ་འདྲེས་ལ་གསལ་བའོ་ནོར་བུ་འཆིང་བུ་ལྟ་བུ་ནི་མ་ཡིན་ནོ། །ལྷ་ཚོགས་རྣམས་ཀྱི་སྐུ་ནི་དེ་ལྟར་ལྟ་བས་ཆོག་མི་ཤེས་པར་བཞུགས་པའོ། །དྲུག་པ་འོད་ཟེར་ནི། འོད་ཟེར་འཕྲོ་བའི་ཚོགས་ཆེན་པོ། །འབར་བའི་འཕྲེང་བ་འཁྲིགས་པ་སྟེ། །མཐའ་དབུས་མེད་པར་ཁྱབ་པ་ཡི། །དཀྱིལ་འཁོར་བསམ་ཡས་ལྷུན་གྱིས་རྫོགས། །ཞེས་པ་སྟེ། དེ་ཡང་སྐུའི་བ་སྤུའི་བུ་ག་གཅིག་ནས་ཡང་འོ༷ད་ཟེ༷ར་བྱེ་བ་ཁྲག་ཁྲིག་བརྒྱ་སྟོང་དྲུག་ཅུ་དྲུག་ཅུ་འབྱུང་ཞིང་འཕྲོ༷་བ་དང་ཞལ་གྱི་མཛོད་སྤུ་ནས་འོད་ཟེར་ཁ་དོག་མི་འདྲ་བ་ཉི་ཤུ་རྩ་ལྔའི༷་ཚོ༷གས་ཆེ༷ན་པོ༷་འཕྲོ་བའོ།

།དེ་ནི་ཞི་བའི་སྤྲུལ་པ་སྟེ་དེ་ཉིད་གནས་གྱུར་པས་ཁྲོ་བོའི་དུས་ཀྱི་མེ་དཔུང་ནི་སྒོ་བཞི་ན་གནས་པའི་ཁྲོ་བོ་བཞི་ལས་ཀྱང་ཉོན་མོངས་པ་བསྲེག་པའི་མེ་དཔུང་བསྐལ་པ་འཇིག་པའི་དུས་ཀྱི་མེ་ལྟ་བུ་ཡེ་ཤེས་ཀྱི་མེ་དཔུང་རབ་ཏུ་འབ༷ར་བ༷འི་འཕྲེ༷ང་བ༷་འཁྲིག༷ས་པ༷་སྟེ༷། དེ་ཡང་ཡེ་ཤེས་ཀྱི་མེ་ཡིན་པས་ན་མེ་ལྕེ་འཕྲེང་བ་ལྟར་བརྒྱུས་ནས་མེ་དཔུང་དུ་འཁྲིལ་ཞིང་འབར་བའོ། །ཕྱི་རོལ་ན་ཡང་ཡེ་ཤེས་ཀྱི་མེ་དཔུང་འབར་བའོ། །དེ་ཡང་ནམ་མཁས་གར་ཁྱབ་སར་ཆོས་ཀྱི་དབྱིངས་ཀྱིས་ཁྱབ་ལ་ཆོས་ཀྱི་དབྱིངས་ཀྱིས་གར་ཁྱབ་སར་ཆོས་ཀྱི་དབྱིངས་ཀྱི་ཡེ་ཤེས་རྟོགས་པའི་རྟགས་སུ་ལྷའི་གཞལ་ཡས་ཁང་གིས་མཐ༷འ་དང་དབུས༷་མེ༷ད་པ༷ར་ཁྱབ༷་པ༷་ཡི༷་ཚུལ་དུ་སྣང་སྟེ་དེ་བས་ན་རང་བཞིན་གྱི་དཀྱིལ༷་འཁོ༷ར་དེ་ཉིད་བློས་བས༷མ་གྱི༷ས་མི་ཁྱབ་པས་མཐའ་ཡ༷ས་ཤིང་འབད་རྩོལ་མེད་པར་ལྷུན༷་གྱིས༷་རྫོག༷ས་པའོ། །བཞི་པ་ནུས་པ་དང་ལྡན་པར་བྱ་བ་ནི། ཨོཾ་མ་ཧཱ་ཤཱུ་ནྱ་ཏ་ཛྙཱ་ན་བཛྲ་སྭ་བྷ་ཝ་ཨད་མ་ཀོ྅་ཧཾ། ཞེས་པས་བདག་གི་སྤྱི་བོར་རིན་པོ་ཆེའི་ཁང་བུའི་ནང་དུ་ཉི་མའི་དཀྱིལ་འཁོར་ལ་ཨོཾ་ལས་རྣམ་པར་སྣང་མཛད་སྐུ་ཚོན་གང་བ་གཅིག་ལ་སྐུ་མདོག་དཀར་པོ་བྱང་ཆུབ་མཆོག་གི་ཕྱག་རྒྱ་ཅན་བསམ་མོ། །ཨོཾ་མ་ཧཱ་ཨ་དཪྴ་ཛྙཱ་ན་བཛྲ་སྭ་བྷ་ཝ་ཨཏྨ་ཀོ྅་ཧཾ། བདག་གི་དཔྲལ་བའི་ངོས་སུ་རིན་པོ་ཆེའི་ཁང་བུའི་ནང་དུ་ཉི་ཟླ་པདྨའི་སྟེང་དུ་ཧཱུཾ་ལས་རྡོ་རྗེ་སེམས་དཔའ་མཐིང་ག་ས་གནོན་གྱི་ཕྱག་རྒྱ་ཅན་བསམ་མོ། །ཨོཾ་མ་ཧཱ་ས་མནྟ་ཛྙཱ་ན་བཛྲ་སྭ་བྷ་ཝ་ཨཏྨ་ཀོ྅ཧཾ། བདག་གི་ལྟག་པ་གཡོན་དུ་རིན་པོ་ཆེའི་ཁང་བུའི་ནང་དུ་ཉི་ཟླ་པདྨའི་གདན་ལ་སྭ་ལས་རིན་ཆེན་འབྱུང་ལྡན་སེར་པོ་སྦྱིན་གཏོང་གི་ཕྱག་རྒྱ་ཅན་བསམ་མོ། །ཨོཾ་མ་ཧཱ་པྲ་ཏྱ་བེཀྵ་ན་ཛྙཱ་ན་བཛྲ་སྭ་བྷ་ཝ་ཨཏྨ་ཀོ྅ཧཾ། བདག་གི་ལྟག་ཁུང་དུ་རིན་པོ་ཆེའི་ཁང་བུའི་ནང་དུ་ཉི་ཟླ་པདྨའི་གདན་སྟེང་དུ་ཨ་ལས་སྣང་བ་མཐའ་ཡས་དམར་པོ་མཉམ་བཞག་གི་ཕྱག་རྒྱ་ཅན་བསམ་མོ། །ཨོཾ་མ་ཧཱ་ཀྲི་ཏྱ་ཨ་ནུ་ཏ་ན་ཛྙཱ་ན་བཛྲ་སྭ་བྷ་ཝ་ཨཏྨ་ཀོ྅ཧཾ། བདག་གི་ལྟག་པ་གཡོན་དུ་རིན་པོ་ཆེའི་ཁང་བུའི་ནང་དུ་ཉི་ཟླ་པདྨའི་གདན་སྟེང་དུ་ཧ་ལས་དོན་ཡོད་གྲུབ་པ་ལྗང་གུ་སྐྱབས་སྦྱིན་གྱི་ཕྱག་རྒྱ་ཅན་བསམ་མོ། །ཨོཾ་སརྦ་ཏ་ཐ་ག་ཏ་ཀ་ཡ་བཛྲ་སྭ་བྷ་ཝ་ཨཏྨ་ཀོ྅ཧཾ། བདག་གི་ཀླད་པའི་དུང་ཁང་དུ་འཁོར་ལོ་རྩིབས་བརྒྱད་ཀྱི་སྟེང་དུ་ཨོཾ་ལས་རྣམ་པར་སྣང་མཛད་དུ་བསམ་མོ། །ཨོཾ་སརྦ་ཏ་ཐཱ་ག་ཏ་ཝཀྐ་བཛྲ་སྭ་བྷ་ཝ་ཨཏྨ་ཀོ྅ཧཾ། བདག་གི་ལྕེ་སྟེངས་སུ་པདྨ་འདབ་བརྒྱད་ཀྱི་སྟེང་དུ་ཨ་ལས་སྣང་བ་མཐའ་ཡས་བསམ་མོ། །ཨོཾ་སརྦ་ཏ་ཐ་ག་ཏ་ཙིཏྟ་བཛྲ་སྭ་བྷ་ཝ་ཨཏྨ་ཀོ྅ཧཾ། བདག་གི་ཐུགས་ཀྱི་དཔལ་བེའུ་ཟུར་བརྒྱད་སྟེང་དུ་ཧཱུཾ་ལས་རྡོ་རྗེ་སེམས་དཔའ་བསམ་མོ། །སྐུ་གསུང་ཐུགས་དང་ཡེ་ཤེས་ལྔ། །དབང་དང་བྱིན་རླབས་ཀུན་བསྡུས་ཐིམ། །དཀྱིལ་འཁོར་ཀུན་ཏུ་གསལ་བར་གྱུར། །ཞེས་པས་དེ་ནས་ཡབ་ཡུམ་སྦྱོར་བ་བྱས་པའི་སྦྱོར་མཚམས་ནས་ཡེ་ཤེས་ཀྱི་འོད་ཟེར་འཕྲོས་པས་འོག་མིན་ནས་རིགས་ལྔ་མདུན་གྱི་ནམ་མཁར་སྤྱན་དྲངས་ནས་ཡབ་ཡུམ་སྦྱོར་བ་བྱས་པའི་བྱང་སེམས་ལས་རིག་པའི་ལྷ་མོ་བུམ་པ་ཐོགས་པ་མང་པོས་བདག་ལ་ཆུ་བླུག་སྟེ་དབང་བསྐུར་བས་དབང་རྟགས་སུ་རིགས་ལྔའི་དབུ་རྒྱན་བཞུགས་པར་བསམ་བདེ་བར་གཤེགས་པ་རིགས་ལྔས་ཡེ་ཤེས་ལྔའི་དབང་བསྐུར་བ་དང་། སྐུ་གསུང་ཐུགས་ཀྱི་བྱིན་རླབས་ཀུན་བསྡུས་ནས་ཐིམ་པ་དང་། དཀྱིལ༷་འཁོ༷ར་གྱི་ལྷ་ཚོགས་ཐམས་ཅད་འོད་ཀྱི་རང་བཞིན་དུ་ཀུན༷་ཏུ༷་གས༷ལ་བ༷ར་གྱུར༷་པའོ། །དེ་ལ་ལྷ་རེ་རེ་ལ་དབུ་རྒྱན་ལྔ་བསམ་སྟེ་རང་རང་གི་རིགས་ཀྱིས་གཙོ་བོ་བྱས་པ་ལྔ་ལྔ་བསམ་མོ། །ཐུབ་པ་དྲུག་ལ་མི་བྱེད་དེ་ཅི་ཕྱིར་ཞེ་ན། རྒྱུད་ལས། ཐུབ་དྲུག་སྤྲུལ་པའི་སྐུར་གནས་པས། །བྱིན་རླབས་དབུ་རྒྱན་མ་གསུངས་སོ། །ཅེས་པས་འདོད་པའི་ཡོན་ཏན་སྤངས་པའི་ཚུལ་ཡིན་པས་ཆགས་ལམ་གྱི་དབང་མི་བཞེད་པ་དང་སྤྲུལ་སྐུའི་ཚུལ་དུ་བཞུགས་པས་དབུ་རྒྱན་མི་བཞེད་པ་ལ་དགོངས་སོ། །བཞི་པ་བསྒོམ་པའི་ཆེ་བ་ནི། ས་ལ་སོགས་ལས་ཕྱག་རྒྱར་བྱས། །རྣམ་གྲོལ་རིམ་པ་ཐོབ་འགྱུར་ན། །དག་པའི་ཡེ་ཤེས་ཀྱིས་སྦྱངས་པས། །སྨོས་ཅི་དགོས་ཏེ་དེ་ཉིད་ཡིན། །ཞེས་པ་སྟེ། ས་ལ་སྐུ་གདུང་བཏབ་པ་དང་། ལྡེར་ཚོ་བྱས་པ་དང་རས་སམ་དར་ལ་རིས་སུ་བྲིས་པ་དང་ཐགས་སུ་བཏགས་པའམ་རྡོའམ་ཤིང་ལ་འབུར་དུ་བརྐོས་པ་དང་གསེར་དངུལ་ཟངས་ལྕགས་ལ་ལུགས་སུ་བླུགས་ནས་ལྷས་ཕྱག་རྒྱར་བྱས་པས་ཀྱང་དེའི་དོན་ལས་འཁོར་བའི་སྡུག་བསྔལ་ལས་རྣམ༷་པར་གྲོལ༷་ནས་འབྲས་བུ་མྱ་ངན་ལས་འདས་པའི་གོ་འཕང་གི་རིམ༷་པ༷་ཐོ༷བ་པར་འགྱུར༷་ན༷། འདིར་དང་པོར་དེ་བཞིན་ཉིད་ཀྱི་ཏིང་ངེ་འཛིན་གཟུང་འཛིན་དག༷་པ༷འི་ཡེ༷་ཤེས༷་ཀྱིས༷་ཆོས་ཐམས་ཅད་རང་བཞིན་མེད་པ་དོན་དམ་པ་ཆོས་ཀྱི་དབྱིངས་སུ་སྦྱངས་པ་དང་། ཀུན་ཏུ་སྣང་གིས་དངོས་པོ་ཐམས་ཅད་རང་བཞིན་མེད་པ་ཡེ་ཤེས་སྒྱུ་མར་སྦྱངས་པ་དང་། རྒྱུའི་ཏིང་ངེ་འཛིན་གྱིས་ཡིག་འབྲུར་སྦྱངས་པ་དང་། ཕྱག་རྒྱ་གཅིག་པས་རང་གི་ལུས་ངག་ཡིད་གསུམ་སྐུ་གསུང་ཐུགས་སུ་སྦྱངས་པ་དང་། སྤྲོས་པའི་ཏིང་ངེ་འཛིན་གྱིས་སྤྱོད་ཡུལ་ཐམས་ཅད་ལྷ་དང་ལྷ་མོའི་རང་བཞིན་དུ་སྦྱང༷ས་པ༷ས་ན་འབྲས་བུ་ཐོབ་པ་ལྟ་སྨོ༷ས་ཀྱང་ཅི༷་དགོས༷་ཏེ༷་ཏིང་ངེ་འཛིན་ཏེ་མངོན་དུ་གྱུར་པ་དེ༷་ཁོ་ན་ཉིད་འབྲས་བུ་ཡེ་ཤེས་ཡི༷ན་པས་འབྲས་བུ་གཞན་ནས་བཙལ་དུ་མེད་པའི་ཕྱིར་རོ། །གཉིས་པ་ཡེ་ཤེས་ཀྱི་དཀྱིལ་འཁོར་སྤྱན་དྲངས་པ་ལ་སོགས་པ་ལ་གཉིས་ཏེ། སྤྱན་དྲངས་པ་དང་། མཆོད་པའོ།

།དང་པོ་སྤྱན་དྲངས་པ་ལ་དྲུག་སྟེ། དམ་བཅའ་བ་དང་། ཚིག་གིས་སྤྱན་དྲངས་པ་དང་། སྔགས་ཀྱིས་སྤྱན་དྲངས་པ་དང་། རིག་པའི་མེ་ཏོག་དོར་བ་དང་། དངོས་གྲུབ་བསྐུལ་བ་དང་། གཉིས་མེད་དུ་བསྟིམས་པའོ། །དང་པོ་དམ་བཅའ་བ་ནི། ཕྱག་རྒྱའི་དཀྱིལ་འཁོར་གསལ་བསྐྱེད་ལ། །དབང་བསྐུར་བྱིན་རླབས་རྫོགས་བྱས་ཏེ། །སྟོང་གསུམ་ཉུངས་འབྲུར་གཞུགས་ཚུལ་གྱིས། །དབྱིངས་ནས་དཀྱིལ་འཁོར་སྤྱན་དྲངས་མཆོད། །ཅེས་པ་སྟེ། དེ་ལྟར་ཕྱག༷་རྒྱ༷་ལྷའི༷་དཀྱི༷ལ་འཁོ༷ར་དམ་ཚིག་པ་གས༷ལ་བར་བསྐྱེད༷་ལ༷་དེ་ལ་ཡེ་ཤེས་ལྔས་དབ༷ང་བསྐུ༷ར་བ་དང་སྐུ་གསུང་ཐུགས་སུ་བྱིན༷་གྱིས་བརླ༷བས་པ་རྫོ༷གས་པར་བྱས༷་ལ༷་སྤྱན་དྲངས་པའོ། །ཏིང་ངེ་འཛིན་གྱིས་བསྐྱེད་པའི་གཞལ་ཡས་ཁང་དེར་དེ་བཞིན་གཤེགས་པའི་དཀྱིལ་འཁོར་མི་ཤོང་ཞེ་ན། ལྷའི་རྫུ་འཕྲུལ་གྱིས་སྟོང༷་གསུམ༷་གྱི་སྟོང་ཆེན་པོ་མི་མཇེད་འཇིག་རྟེན་གྱི་ཁམས་ཐམས་ཅད་ཉུང༷་འབྲུ༷ར་ཏེ་ཉུང་འབྲུ་གཅིག་གི་ནང་དུ་གཞུག༷ས་ཀྱང་ཉུང་འབྲུ་ཡང་ཆེར་མ་འཕེལ་ལ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཡང་ཆུང་ངུ་མི་འགྲོ་བར་ཆུད་པ་དེའི་ཚུལ༷་དུ་ཏིང་ངེ་འཛིན་གྱིས༷་བསྐྱེད་པའི་གཞལ་ཡས་ཁང་དེར་ཡེ་ཤེས་ཀྱི་དཀྱིལ་འཁོར་བཞི་བཅུ་རྩ་གཉིས་སྤྱན་དྲངས་ནས་བཞུགས་ཀྱང་གཞལ་ཡས་ཁང་ཆེར་མ་འཕེལ་ལ་ཡེ་ཤེས་ཀྱི་དཀྱིལ་འཁོར་དེ་ཆུང་དུ་འགྲིབ་པ་མ་ཡིན་ནོ། །དེའི་ཕྱིར་ན་གསང་བའི་དཀྱིལ་འཁོར་ངོ་མཚར་ཆེ་བ་ཡིན་ནོ། །འོག་མིན་ཆོས་ཀྱི་དབྱིང༷ས་ཀྱི་ཕོ་བྲང་ན༷ས་རང་བཞིན་ལྷུན་གྱིས་གྲུབ་པའི་དཀྱིལ༷་འཁོ༷ར་སྤྱན༷་དྲ༷ངས་ལ་མཆོད༷་པའི་བྱེ་བྲག་བསམ་གྱིས་མི་ཁྱབ་པས་མཆོད་པར་བྱའོ། །གཉིས་པ་ནི། ཕྱོགས་དུས་དཀྱིལ་འཁོར་བདག་ཉིད་ཆེ། །མི་དམིགས་ཐུགས་ཀྱི་དཀྱིལ་འཁོར་ནས། །དཀྱིལ་འཁོར་ཐམས་ཅད་སྤྱན་དྲངས་སོ། །རང་སྣང་དབྱེར་མེད་དཀྱིལ་འཁོར་ལ། །འཇུག་པའི་མཚན་ཉིད་མཉམ་སྦྱོར་བས། །ཕྱོགས་དུས་ཀུན་ནས་གཤེགས་པ་ཡི། །བསྙེན་པའི་དཀྱིལ་འཁོར་ཀུན་ཏུ་རྫོགས། །ཉེ་བར་གྱུར་པའི་དམ་ཚིག་མཆོག །ཅེས་པ་སྟེ། གང་སྤྱན་དྲངས་ན་ཕྱོག༷ས་བཅུ་དུས༷་བཞིས་བསྡུས་པའི་དཀྱིལ༷་འཁོ༷ར་ནི་བད༷ག་ཉིད༷་ཆེ༷་བའམ་ཆེན་པོའི་རང་བཞིན་ལྷུན་གྲུབ་ཏུ་གནས་པ་སྟེ་གཞན་ལས་འཕགས་པའོ། །དེ་ཡང་ཕྱོགས་བཅུ་དུས་བཞིའི་དཀྱིལ་འཁོར་མ་ལུས་པ་ཐམས་ཅད་ནི་བདག་ཉིད་ཆེན་པོར་སངས་རྒྱས་པའི་བཞི་བཅུ་རྩ་གཉིས་པོའི་རྣམ་པར་སྤྱན་དྲང་ངོ་། །ཡུལ་གང་ནས་སྤྱན་དྲངས་ན་ཕན་ཚུན༷་དང་ཡུལ་དང་ཡུལ་ཅན་ལྟ་བུ་མི༷་དམི༷གས་པའི་རང་བཞིན་སྤྲོས་བྲལ་ཆོས་ཀྱི་དབྱིངས་ཀྱི་ཡེ་ཤེས་ཉིད་ནི་ཐུག༷ས་ཀྱི༷་དཀྱིལ༷་འཁོ༷ར་ཡེ་ཤེས་ལྔར་སྣང་བ་སྟེ་དེ་ནི་དུས་གསུམ་གྱི་རྒྱལ་བ་ཐམས་ཅད་བཞུགས་པའི་གནས་ཡིན་ཏེ། གཟུངས་འཛིན་བྲལ་བའི་ཡེ་ཤེས་ཉིད། །དེ་བཞིན་གཤེགས་པ་ཀུན་གྱི་གནས། །ཞེས་སོ། །གནས་དེ་ན༷ས་ངོ་བོ་གང་སྤྱན་དྲངས་ན་དཀྱིལ༷་རྡོ་རྗེ་སེམས་དཔའ་ལ་འཁོ༷ར་བུདྡྷ་བཞི་བཅུ་ཐམས་པས་བསྐོར་བའི་བུདྡྷ་བཞི་བཅུ་རྩ་གཉིས་པོ་ཐ༷མས་ཅ༷ད་སྤྱན༷་དྲ༷ང་ངོ༷་། །གང་དུ་སྤྱན་དྲངས་ན་ར༷ང་རིག་པའི་སྣ༷ང་བ་ལས་བྱུང་བ་དམ་ཚིག་གི་དཀྱིལ་འཁོར་འདིར། དགོས་ཆེད་ཅིའི་ཕྱིར་སྤྱན་དྲངས་ན་དམ་ཚིག་པ་དང་ཡེ་ཤེས་ཀྱི་དཀྱིལ་འཁོར་གཉིས་དབྱེར༷་མེ༷ད་པའི་དཀྱིལ༷་འཁོ༷ར་ལ༷་རིག་པ་ལ་རིག་པ་འཇུག་དམ་ཚིག་པ་དང་ཡེ་ཤེས་པ་མཉམ་པར་སྦྱོར་བའི་ཕྱིར་ཏེ་དེ་ཡང་རང་སྣང་ལ་ཡེ་ཤེས་ཀྱི་ལྷ་འཇ྄ུ༷ག་པ༷འི་མཚ༷ན་ཉིད༷་དམ་འཇུག་ལུགས་ནི་བདག་དང་ལྷ་མཉ༷མ་པར་སྦྱོར༷་བ༷ས་སོ། །འབྲས་བུ་ཅི་འགྲུབ་ན་ཕྱོག༷ས་བཅུ་དུས༷་བཞི་ཀུན༷་ནས༷་གཤེ༷གས་པ༷་ཡི༷་འགྲོ་བའི་དོན་ཡོངས་སུ་རྫོགས་པར་མཛད་པའི་རྒྱལ་བ་བཞི་བཅུ་རྩ་གཉིས་པོ་དེ་དག་ཐམས་ཅད་བདག་གིས་ཚེ་སྔ་མའི་དུས་ཕན་ཆད་དུ་བསྙེན༷་བསྙེན་བསྒྲུབས་བསྒྲུབས་པ༷འི་དཀྱིལ༷་འཁོ༷ར་ཡིན་པས་ལྷ་དང་བསྙེན་པ་ཀུ༷ན་ཏུ་རྫོག༷ས་པར་ཕུལ་བས་ན་ད་ལྟར་གྱི་དུས་ན་བདག་དཀྱིལ་འཁོར་གྱི་ལྷ་དང་ཉེ༷་བ༷ར་གྱུར༷་པ༷འི་ཕྱིར་དང་རྒྱལ་བ་དེ་དག་འགྲོ་བའི་དོན་མཛད་པར་ཐུགས་དམ་དུ་ཞལ་གྱིས་བཞེས་པ་ལས་མི་འདའ་བའི་ད༷མ་ཚི༷ག་མཆོ༷ག་གི་དབང་གིས་བདག་གི་དོན་མཛད་པའི་ཕྱིར་གནས་འདིར་བྱོན་པ་ཡིན་ནོ། །གསུམ་པ་ནི། ཨོཾ་ཨེ་ཧ་ཡ་ཧི་བྷ་ག་ཝ་ན། མ་ཧཱ་ཀ་རུ་ཎི་ཀ་དྲི་ཤ་ཡ་ཧོ། ས་མ་ཡ་སྟྭཾ། ཛཿཧཱུཾ་བཾ་ཧོ། ཞེས་པ་སྟེ། ཨོ༷ཾ་ཨེ༷་ཧ༷་ཡ༷་ཧི༷་ནི་ཀྱེ་ཚུར་སྤྱོན་བྷ༷་ག༷་ཝ༷ན་བཅོམ་ལྡན་འདས་མ༷་ཧཱ༷་ཀ༷་རུ༷་ཎི༷་ཀ༷་ཐུགས་རྗེ་ཆེན་པོས་དྲི༷་ཤ༷་ཡ༷་ཧོ༷་གཟིགས་ཤིག །ས༷་མ༷་ཡ༷་སྟྭཾ་དམ་ཚིག་ལ་དགོངས། ཛ༷ཿཧཱུ༷ཾ་བ༷ཾ་ཧོ༷༔ ལྷ་མོ་བཞིའོ། །བཞི་པ་ནི། མེ་ཏོག་དོར་ལ་དངོས་གྲུབ་གསོལ། །གཉིས་མེད་ཐིམ་བཞུགས་མཉེས་པར་བྱ། །ཨོཾ་བཛྲ་ས་མ་ཡ་ཨོཾ། ཨཾ་བཛྲ་ས་མ་ཡ་ཨཾ། ཧཱུཾ་བཛྲ་ས་མ་ཡ་ཧཱུཾ། སྭ་བཛྲ་ས་མ་ཡ་སྭ། ཧ་བཛྲ་ས་མ་ཡ་ཧ། ཞེས་པ་སྟེ། རིག་པའི་མེ༷་ཏོག༷་དོ༷ར་ལ༷་རང་ལ་སྐུ་གསུང་ཐུགས་ཀྱི་དངོས་གྲུབ་བསྐུལ་བར་བྱ་བ་སྟེ། དེ་ལྟར་མདུན་གྱི་ནམ་མཁར་བྱོན་པ་ལ་རིག་པའི་མེ་ཏོག་དོར་བས་ལྷ་དང་བདག་དབྱེར་མེད་པར་རྟོགས་ནས་སྐུ་གསུང་ཐུགས་ཀྱི་དངོ༷ས་གྲུ༷བ་གསོ༷ལ་ཕྱིར་གཉིས༷་སུ་མེ༷ད་པར་ཐི༷མ་ནས་བདག་དངོས་གྲུབ་མ་ཐོབ་བར་དུ་བརྟན་པར་བཞུག༷ས་སུ་གསོལ་ནས་མ་སྐྱེས་རྡོ་རྗེ་ཐབས་ཀྱི་ཡེ་ཤེས་ནི་ཅེས་པས་ཕྱག་འཚལ༷་ལ་མཉེས༷་པ༷ར་བྱའོ༷། །དེ་ཡང་དཀྱིལ་འཁོར་གཉིས་ཀྱི་སྐུ་གསུང་ཐུགས་ཡོན་ཏན་འཕྲིན་ལས་དབྱེར་མེད་པར་གསལ་བ་ལ་རིག་པའི་མེ་ཏོག་དོར་ཞེས་བྱ་སྟེ་སྔགས་ནི་ཨོ༷ཾ་བ༷ཛྲ༷་རྡོ་རྗེ་ས༷་མ༷་ཡ༷་དམ་ཚིག་ཨོ༷ྃ་སྐུ་སྟེ་དོན་དུ་སྐུ་རྡོ་རྗེ་དང་དབྱེར་མེད་པར་གྱུར་ཅིག་པའོ། །དེ་བཞིན་དུ་ཨ༷ཾ་བ༷ཛྲ༷་རྡོ་རྗེ་ས༷་མ༷་ཡ༷་དམ་ཚིག་ཨ༷ཾ་གསུང་སྟེ་གསུང་རྡོ་རྗེ་དང་དབྱེར་མེད་པར་གྱུར་ཅིག །ཧཱུ༷ཾ་བ༷ཛྲ༷་རྡོ་རྗེ་ས༷་མ༷་ཡ༷་དམ་ཚིག་ཧཱུ༷ཾ་ཐུགས་ཏེ་ཐུགས་རྡོ་རྗེ་དང་དབྱེར་མེད་པར་གྱུར་ཅིག །སྭ༷་བ༷ཛྲ༷་ཡོན་ཏན་རྡོ་རྗེ་ས༷་མ༷་ཡ༷་དམ་ཚིག་སྭ༷་ཡོན་ཏན་ཏེ་ཡོན་ཏན་རྡོ་རྗེ་དང་དབྱེར་མེད་པར་གྱུར་ཅིག །ཧ༷་བ༷ཛྲ༷་རྡོ་རྗེ་ས༷་མ༷་ཡ༷་དམ་ཚིག་ཧ༷་ཕྲིན་ལས་ཏེ་འཕྲིན་ལས་རྡོ་རྗེ་དང་དབྱེར་མེད་པར་གྱུར་ཅིག་ཅེས་སོ། །ལྔ་པ་ནི། ཨོཾ་བཛྲ་ས་མ་ཡ་ཧཱུཾ། ཨོཾ་བཛྲ་ས་མ་ཡ་སྟྭཾ། ཨོཾ་བཛྲ་ས་མ་ཡ་ཧོ། ཞེས་གསུངས་ཏེ། ཨོ༷ཾ་ཡེ་ཤེས་ལྔ་བ༷ཛྲ༷་རྡོ་རྗེ་ས༷་མ༷་ཡ༷་དམ་ཚིག་ཧཱུ༷ཾ་བསྡུ་བ་སྟེ་ནམ་མཁའ་ཡེ་ཤེས་ཀྱི་དཀྱིལ་འཁོར་གྱི་དངོས་གྲུབ་གསོལ་ཞེས་དངོས་གྲུབ་བསྐུལ་བའི་སྔགས་སོ། །ཨོ༷ཾ་ཡེ་ཤེས་ལྔ་བ༷ཛྲ༷་རྡོ་རྗེ་ས༷་མ༷་ཡ༷་དམ་ཚིག་སྟྭཾ་སྦྱོར་བ་སྟེ་དངོས་གྲུབ་གསོལ་བའི་དུས་ལ་བབས་པའོ། །ཨོ༷ཾ་ཡེ་ཤེས་ལྔ་བ༷ཛྲ༷་རྡོ་རྗེ་ས༷་མ༷་ཡ༷་དམ་ཚིག་ཧོ༷་དགྱེས་པར་རོལ་པ་སྟེ་དངོས་གྲུབ་གསོལ་བ་ལ་དགྱེས་པར་དགོངས་ཤིག་ཅེས་སོ། །དྲུག་པ་ནི། ཛ༷ཿཧཱུ༷ཾ་བ༷ཾ་ཧོ༷། ཞེས་ཕྱག་རྒྱ་བཞིས་དགུག་གཞུག་བྱ་ཞིང་དགྱེས་པ་བསྐྱེད་པའོ། །གཉིས་པ་མཆོད་པ་ལ་བརྒྱད་དེ། ཕྱག་རྒྱ་གར་གྱི་མཆོད་པ་དང་། །ལྷག་པ་ཏིང་ངེ་འཛིན་གྱི་དང་། ཏ་ན་སྒྲོལ་བའི་དང་། ག་ན་སྦྱོར་བའི་དང་། བདུད་རྩིའི་དང་། ཚོགས་ཀྱི་དང་། བསྟོད་པ་དང་། བཟླས་པའི་མཆོད་པའོ། །དང་པོ་ཕྱག་རྒྱ་ལ་གསུམ་སྟེ་ཅིག་ཆར་བ་ཕྱིའི་ཕྱག་རྒྱ་དང་། སྙོམས་འཇུག་གསང་བའི་ཕྱག་རྒྱ་དང་། རིམ་གྱིས་པ་ནང་གི་ཕྱག་རྒྱའོ། །དང་པོ་ཅིག་ཆར་བ་ལ་གསུམ་སྟེ། སེམས་ཀྱི་ཕྱག་རྒྱ་དང་། ལུས་ཀྱི་ཕྱག་རྒྱ་དང་། ཕྱག་རྒྱ་སྤྱིའི་ངེས་ཚིག་ཞར་བྱུང་ངོ་། །དང་པོ་ནི། སྒྱུ་འཕྲུལ་བྲཱ་བའི་མངོན་རྫོགས་པའི། །དབང་པོའི་ཡུལ་དུ་གང་གྱུར་པ། །མཉམ་པའི་ངང་དུ་རྟོགས་གསལ་ན། །ཐམས་ཅད་བྱང་ཆུབ་མཆོག་གི་རྒྱ། །ཞེས་པས་བསྟན། དེ་ལ་སྒྱུ་མ༷་ནི་ཤེས་རབ་ཡུམ་གྱི་ཆ་འཕྲ྄ུ༷ལ་པ་ནི་ཐབས་ཡབ་ཀྱི་ཆ་དྲྭ༷་བ༷་ནི་དེ་གཉིས་འབྲེལ་བའི༷་དོན་ཡིན་པས་རྒྱལ་བ་བཞི་བཅུ་རྩ་གཉིས་པོ་ཐམས་ཅད་ཐབས་ཤེས་རབ་དབྱེར་མེད་པར་མངོ༷ན་པར་རྫོ༷གས་པར་སངས་རྒྱས་པ༷འི་དོན་ཏེ་རང་རིག་པས་མངོན་སུམ་དུ་གསལ་ཞིང་རྟོགས་པ་ན་དབ༷ང་པོ༷འི་ཡུ༷ལ་དུ༷་ག༷ང་གྱ྄ུ༵ར་པ་ཡི་ཆོས་ཐམས་ཅད་སངས་མ་རྒྱས་པ་གཅིག་ཀྱང་མེད་དེ། དེ་ཡང་ཕུང་པོ་དང་དབང་པོ་དང་རྣམ་པར་ཤེས་པ་ཐམས་ཅད་ཐབས་ཀྱི་རང་བཞིན་ཡབ་ཀྱི་དཀྱིལ་འཁོར་ལ། འབྱུང་བ་དང་ཡུལ་དང་དུས་ཐམས་ཅད་ནི་ཤེས་རབ་ཀྱི་རང་བཞིན་ཡུམ་གྱི་དཀྱིལ་འཁོར་ཏེ་དེས་ན་དེ་དག་ཐམས་ཅད་ཐབས་ཤེས་རབ་གཉིས་སུ་མེད་པ་བྱང་ཆུབ་སེམས་མཉམ༷་པ༷འི་ང༷ང་དུ༷་ལྟ་བས་རྟོག༷ས་ཤིང་ཏིང་ངེ་འཛིན་གྱིས་གས༷ལ་ན༷་འཁོར་འདས་ཀྱི་ཆོས་ཐ༷མས་ཅ༷ད་དེ་ལྟར་རྟོགས་པའི་ངང་དེ་ལས་མི་འདའ་བ་ལ་བྱང༷་ཆུབ༷་མཆོ༷ག་གི༷་ཕྱག་རྒྱ༷་ཞེས་བྱའོ། །དེ་ཡང་ཚིག་རྐང་དང་པོས་ཕྱག་རྒྱའི་དོན་གནས་ཐབས་དང་ཚིག་རྐང་བར་མ་གཉིས་ཀྱིས་ལམ་རྟོགས་ཐབས་དང་ཐ་མས་འབྲས་བུའི་ངོ་བོ་བསྟན་པའོ། །གཉིས་པ་ནི། བསྐྱེད་ཆེན་འཁོར་ལོའི་གཞལ་ཡས་སུ། །ཐབས་དང་ཤེས་རབ་ཐམས་ཅད་ཀུན། །གསལ་ཞིང་འོད་ཟེར་འཕྲོ་བསྒོམས་ན། །བསྒུལ་བསྐྱོད་ཐམས་ཅད་ཕྱག་རྒྱ་ཡིན། །ཞེས་པ་སྟེ་ངོ་བོ་གང་སྒོམ་ན་བསྐྱེད༷་ཆེ༷ན་ནི་ལུས་ཀྱི་ཡན་ལག་ལྔའོ། །དེ་ལྟར་འཁོ༷ར་ལོ༷་རྩིབས་བཞི་མུ་ཁྱུད་དང་བཅས་པ༷འི་གཞལ་ཡས་ཁང་དུ་བསྒོམ་པ་ནི་བཞུགས་པའི་གནས་སོ། །གཞལ༷་ཡ༷ས་ཁང་དེ་རྣམས་སུ༷་ཐ༷བས་ཡབ་ད༷ང་ཤེ༷ས་ར༷བ་ཡུམ་ཐ༷མས་ཅ༷ད་དེའི་འཁོར་དང་བཅས་པ་ཀུན༷་བསྒོམ་པ་ནི་དབུ་ལ་དེ་བཞིན་གཤེགས་པའི་རིགས་ཡབ་ཡུམ་བཅུ། ལག་པ་གཡས་པ་ལ་རྡོ་རྗེའི་རིགས་ཡབ་ཡུམ་བཅུ། ལག་པ་གཡོན་པ་ལ་རིན་པོ་ཆེའི་རིགས་ཡབ་ཡུམ་བཅུ། རྐང་པ་གཡས་པ་ལ་ལས་ཀྱི་རིགས་ཡབ་ཡུམ་བཅུ། རྐང་པ་གཡོན་པ་ལ་པདྨའི་རིགས་ཡབ་ཡུམ་བཅུ་བསྒོམ་མོ། །དེ་ཡང་རྔམ་གློག་འཁོར་ལོ་བཀོད་པའི་མདོ་ལས། ལག་གཡས་རྡོ་རྗེ་མི་བསྐྱོད་པ། །ལག་གཡོན་རིན་ཆེན་སེམས་དཔའ་སྟེ། །རྐང་གཡས་ལས་ཀྱི་སེམས་དཔའ་ལ། །རྐང་གཡོན་པདྨའི་སེམས་དཔའ་ཡིན། །དབུ་ནི་དེ་བཞིན་གཤེགས་པའི་རིགས། །ཅེས་སོ། །རྣམ་པ་ཇི་ལྟར་སྒོམ་ན་སྐུ་དེ་ཡང་གས༷ལ་ཞི༷ང་འོ༷ད་ཟེ༷ར་འཕྲོ༷་བར་བསྒོམ༷ས་ཤིང་གསལ་ན༷་དེ་ལྟར་བསྒོམས་པའི་ཡོན་ཏན་ནི་རང་གི་ལུས་ཀྱིས་བསྒུལ༷་བསྐྱོད༷་བྱས་པ་ཐ༷མས་ཅད༷་ལྷའི་ཕྱག༷་རྒྱ༷་ཡི༷ན་ནོ། །ཅི་སྟེ་ན་རིག་པ་ནི་ལུས་ཀྱི་ཡན་ལག་ཐམས་ཅད་ཡི་དམ་ལྷའི་སྐུར་གསལ་བའི་ངང་ལས་མི་འདའ་བའི་ཕྱིར་རོ། །གསུམ་པ་ནི། གསང་བ་དེ་ཉིད་ངེས་པ་ལས། །སྙིང་པོའི་ཕྱག་རྒྱ་འདའ་དཀའ་འོ། །ཞེས་པ་སྟེ། གོང་དུ་བཤད་པ་དེ་ལྟ་བུའི་སྤྱོད་ཡུལ་ཐམས་ཅད་ལྷའི་དཀྱིལ་འཁོར་དུ་གསལ་བ་ནི་སྐྱེ་བོ་དང་ཐེག་པ་འོག་མ་ཐམས་ཅད་ཀྱི་སྤྱོད་ཡུལ་དུ་མ་གྱུར་པས་གས༷ང་བ༷་དང་། དེ༷་ཁོ་ན་ཉིད༷་ངེ༷ས་པ༷འི་དོན་དུ་འབྲས་ལ༷ས་འདས་པའི་རང་བཞིན་ཡིན་ལ་དེ་ནི་ཕྱག་རྒྱ་ཐམས་ཅད་འབྱུང་བའི་རྒྱུར་གྱུར་པས་ན་ཕྱག་རྒྱའི་སྙིང་པོའམ་སྙིང༷་པོ༷འི་ཕྱག༷་རྒྱ༷་སྟེ། ཆོས་ཐམས་ཅད་དོན་གྱི་སྙིང་པོའི་ངང་དེ་ལས་མི་འདའ་བའི་ཕྱིར་ན་འད༷འ༷་དཀ༷འ་འོ༷། །དེ་ཡང་ཚིག་རྐང་དང་པོས་ཁུངས་གང་ཡིན་དང་གཉིས་པས་ངེས་ཚིག་ཇི་ལྟར་ཡིན་བསྟན་པའོ། །གཉིས་པ་སྙོམས་འཇུག་གསང་བའི་ཕྱག་རྒྱ་ནི། ཨོཾ་དང་མུ་གཉིས་རྩེ་སྦྱར་ཏེ། །འབྲུ་བརྒྱད་བསྣོལ་ནས་རྩེ་སྤྲད་པ། །རྒྱལ་བ་ཀུན་དང་མཉམ་སྦྱོར་བས། །བདེ་བ་ཆེན་པོ་འབྱིན་པའི་རྒྱ། །ཞེས་པ་སྟེ། བདག་ཀུན་ཏུ་བཟང་པོར་བསྒོམ་མཁའ་རྡོ་རྗེ་རྩེ་ལྔར་བསྒོམ་རྡོ་རྗེའི་རྩེ་མོར་ཨོ༷ཾ་དང་རྭ་ལྟག་ཏུ་ཧཱུཾ་དང་སྭ་དང་ཨ་དང་ཧ་བསམ། ཡུམ་ཀུན་ཏུ་བཟང་མོར་བསྒོམ་མཁའ་པདྨ་འདབ་བཞིར་བསྒོམ་དབུས་སུ་མུཾ་བསམ་འདབ་མ་བཞི་ལ་ལཾ་མཾ་པཾ་ཏཾ་བསམ་དེ་ནས་རྡོ་རྗེ་དང་པདྨ་གཉིས༷་རྩེ༷་སྦྱར༷་བས་ཨོཾ་དང་མུཾ་སྦྱར་པདྨ་དང་རྭ་འབྱོར་ཏེ༷་འབྲུ༷་བརྒྱད༷་བསྣོལ༷་ན༷ས་རྩེ༷་སྤྲ༷ད་པ༷་ནི་དུས་གསུམ་གྱི་རྒྱལ༷་བ༷་ཀུན༷་ད༷ང་མཉམ༷་པར་སྦྱོར༷་བ་བྱས་པ༷ས་བདེ༷་བ༷་ཆེ༷ན་པོ༷་བྱང་ཆུབ་ཀྱི་སེམས་འབྱིན༷་པ༷འི་ཕྱག་རྒྱའོ༷། །དེ་ནི་ལྷག་པ་བྱང་ཆུབ་སེམས་ཀྱིས་དབང་བསྒྱུར་བའི་ཕྱག་རྒྱ་ཡིན་ལ། འདིར་ལག་པ་གཡས་གཡོན་སོར་མོ་བསྣོལ་ལ་རྩེ་སྤྲད་ནས་བསྒོམ་པར་བྱའོ། །གསུམ་པ་རིམ་གྱིས་པ་ལ་གཉིས་ཏེ། ཕྱག་རྒྱ་འབྱུང་བའི་རྒྱུ་དང་། ལྷ་སོ་སོའི་ཕྱག་རྒྱ་བཅའ་ཐབས་སོ།

།དང་པོ་ནི། མི་བསྐྱོད་ཉི་མའི་དཀྱིལ་ཡི་གེ། རིན་ཆེན་ཟླ་བའི་དཀྱིལ་ཡི་གེ། ལྔ་གཉིས་ཟུང་དུ་སྤྲོས་པ་ལས། །སྦྱར་བས་ཕྱག་རྒྱ་འབྱུང་བའི་རྒྱུ། །ཞེས་སོ། །ལག་པ་གཡས་པ་མི༷་བསྐྱོད༷་པའི་རང་བཞིན་གྱི་སོར་མོའི་བྲེ་ཁ་ལྔ་ལ་ཉི༷་མ༷འི་དཀྱིལ༷་འཁོར་སེན་ཟླུམ་ཙམ་པ་ལྔ་སྒོམ། དེའི་སྟེང་དུ་གུང་མོ་ལ་ཡི༷་གེ༷་ཨོཾ་མཛུབ་མོ་ལ་ཧཱུཾ་སྲིན་ལག་ལ་ཨ་མཐེའུ་ཆུང་ལ་སྭ་མཐེ་བོང་ལ་ཧ་བསམ་མོ། །ལག་པ་གཡོན་པ་རི༷ན་ཆེ༷ན་འབྱུང་ལྡན་གྱི་རང་བཞིན་དུ་བསྒོམས་པའི་སོར་མོའི་བྲེ་ཁ་ལྔ་ལ་ཟླ༷་བ༷འི་དཀྱིལ༷་འཁོར་སེན་ཟླུམ་ཙམ་པ་ལྔའི་སྟེང་དུ་གུང་མོ་ལ་ཡི༷་གེ༷་ལམ་མཛུབ་མོ་ལ་མུཾ་སྲིན་ལག་ལ་པཾ་མཐེའུ་ཆུང་ལ་མཾ་མཐེ་བོང་ལ་ཏཾ་བསམ་མོ། །དེ་ལྟར་སོར་མོ་གཡས་ཀྱི་དཔའ་བོ་འབྲུ་ལྔ་དང་གཡོན་གྱི་དཔའ་མོ་འབྲུ་ལྔ༷་གཉིས༷་ཟུ༷ང་དུ༷་སྦྱར་བ་ལས་འོད་སྤྲོ༷ས་པ༷་དེས་འཕགས་པ་མཆོད་སེམས་ཅན་གྱི་དོན་བྱས་ཚུར་འདུས་པ་ལ༷ས་ཡི་གེ་བཅུ་ལ་ཐིམ་པས་འོད་དུ་འབར་རོ། །དེ་ཐུགས་ཀར་ཐལ་མོ་སྦྱར༷་བ༷ས་ཡབ་ཡུམ་སྦྱོར་བ་བྱེད་པར་བསམ་སྟེ་དེ་ལྟར་ཡབ་ཡུམ་ཐབས་ཤེས་རབ་སྦྱོར་བ་བྱེད་པ་དེ་ནི་ཕྱག༷་རྒྱ༷་འབྱུང༷་བ༷འི་རྒྱུ༷་རྡོ་རྗེ་ཐལ་མོ་ཡིན་ནོ། །གཉིས་པ་ནི། འབྲུ་བཞི་སྦས་ནས་ཐུགས་ཀར་བཀན། །ཧཱུཾ་བྲེང་རྩེ་མོ་རྡོ་རྗེ་འབར། །ཟླ་བརྟུལ་འབྲུ་སྦས་དྲིལ་བསིལ་ཞིང་། །འཁྲིལ་བའི་ཚུལ་གྱིས་ཆོས་ལ་བསྟན། །འབྲུ་བཞི་སྦས་ནས་ཐུགས་ཀར་བཀན། །མུཾ་བསྒྲེང་རྩེ་མོ་དྲིལ་བསིལ་འབར། །ཉི་མ་འབྲུ་ལྔ་ལས་སུ་འཁྲིལ། །བཏུད་དེ་འཛུམ་པའི་མདངས་ཀྱིས་བལྟ། །འབྲུ་བཞི་སྦས་ནས་ཐུགས་ཀར་བཀན། །ཨོཾ་སྒྲེང་རྩེ་མོ་འཁོར་ལོ་འབར། །ཟླ་བཏུལ་འབྲུ་སྦས་དྲིལ་བསིལ་ཞིང་། །འཁྲིལ་བའི་ཚུལ་གྱིས་ཆོས་ལ་བསྟན། །འབྲུ་བཞི་སྦས་ནས་ཐུགས་ཀར་བཀན། །ལཾ་སྒྲེང་རྩེ་མོ་དྲིལ་བསིལ་ཞིང་། །ཉི་མ་འབྲུ་ལྔ་ལས་སུ་འཁྲིལ། །བཏུད་དེ་འཛུམ་པའི་མདངས་ཀྱིས་བལྟ། །འབྲུ་བཞི་སྦས་ནས་ཐུགས་ཀར་བཀན། །སྭ་རྩེ་འབར་བ་རིན་པོ་ཆེ། །ཟླ་བཏུལ་འབྲུ་སྦས་དྲིལ་བསིལ་ཞིང་། །འཁྲིལ་བའི་ཚུལ་གྱིས་ཆོས་ལ་བསྟན། །འབྲུ་བཞི་སྦས་ནས་ཐུགས་ཀར་བཀན། །མཾ་སྒྲེང་རྩེ་མོ་དྲིལ་གསིལ་འབར། །ཉི་མར་འབྲུ་ལྔ་ལས་སུ་འཁྲིལ། །བཏུད་དེ་འཛུམ་པའི་མདངས་ཀྱིས་བལྟ། །འབྲུ་བཞི་སྦས་ནས་ཐུགས་ཀར་བཀན། །ཨཾ་སྒྲེང་རྩེ་མོ་པདྨ་འབར། །ཟླ་བཏུལ་འབྲུ་སྦས་དྲིལ་བསིལ་ཞིང་། །འཁྲིལ་བའི་ཚུལ་གྱིས་ཆོས་ལ་བསྟན། །འབྲུ་བཞི་སྦས་ནས་ཐུགས་ཀར་བཀན། །པཾ་སྒྲེང་རྩེ་མོ་དྲིལ་བསིལ་འབར། །ཉི་མ་འབྲུ་ལྔ་ལས་སུ་འཁྲིལ། །བཏུད་དེ་འཛུམ་པའི་མདངས་ཀྱིས་བལྟ། །འབྲུ་བཞི་སྦས་ནས་ཐུགས་ཀར་བཀན། །ཧ་སྒྲེང་རྩེ་མོ་རལ་གྲི་འབར། །ཟླ་བཏུལ་འབྲུ་སྦས་དྲིལ་བསིལ་ཞིང་། །འཁྲིལ་བའི་ཚུལ་གྱིས་ཆོས་ལ་བསྟན། །འབྲུ་བཞི་སྦས་ནས་ཐུགས་ཀར་བཀན། །ཏཾ་སྒྲེང་རྩེ་མོ་དྲིལ་བསིལ་འབར། །ཉི་མ་འབྲུ་ལྔ་ལས་སུ་འཁྲིལ། །བཏུད་དེ་འཛུམ་པའི་མདངས་ཀྱིས་བལྟ། །ཞེས་གསུངས་ཏེ། སྤྱིར་ཕྱག་རྒྱ་ལ་བཞི་སྟེ་ཕྱག་རྒྱ་བཅའ་བའི་གནས་སྟ་ཟུར་གཡས་གཡོན་ནོ། །ཕྱག་རྒྱ་འབྱུང་བའི་རྒྱུ་རྡོ་རྗེ་ཐལ་མོའོ། །ཕྱག་རྒྱ་འབྱུང་བའི་ཐབས་ཐུགས་ཀ་དང་། །ཕྱག་རྒྱ་དགྲོལ་བའི་དོན་སྟོང་ཉིད་དོ། །དེ་ལ་ཕྱག་རྒྱ་བསྒྱུར་བའི་ཐབས་ལ་གསུམ་སྟེ་ཕྱི་ལུས་ཀྱི་ཡན་ལག་བྱིན་གྱིས་བརློབས་པའི་ཕྱག་རྒྱ་དང་། ནང་ལག་པ་གཡས་གཡོན་ལ་ཐབས་ཤེས་རབ་ཀྱི་ཡི་གེ་བཀོད་པ་དང་། གསང་བ་རྡོ་རྗེ་དང་པདྨ་རྩེ་སྤྲད་པའི་ཕྱག་རྒྱའོ། །དེ་ལ་ནང་གི་ཕྱག་རྒྱ་ལ་བཞི་སྟེ་བཅིང་བ་དམ་ཚིག་གི་ཕྱག་རྒྱ་དང་། བསཾ་པ་ཆོས་ཀྱི་ཕྱག་རྒྱ་དང་། བྱེད་པ་ལས་ཀྱི་ཕྱག་རྒྱ་དང་། བསྒོམ་པ་ཕྱག་རྒྱ་ཆེན་པོའོ། །དེ་བཞིས་ལྷ་སོ་སོའི་ཕྱག་རྒྱ་ཐམས་ཅད་ཁྱབ་པར་བཅིང་ངོ་། །ཕྱག་རྒྱ་དགྲོལ་བ་ནི་སྟོང་ཉིད་དུ་དཀྲོལ་བའོ། །རྒྱས་པ་ལས་གཟུང་དང་འཛིན་པ་རྣམ་གཉིས་པོ། །དག་པར་དོར་བ་ཕྱག་རྒྱ་ཡིན། །ཅེས་སོ། །དེ་ལྟར་ལས་འདིར་ནི་ཕྱག་རྒྱ་དེ་དག་ཐམས་ཅད་གཅིག་ཏུ་ཚང་བར་བཅིང་ནས་བྱེད་པའོ། །དེ་བས་ན་ཐུན་མོང་མ་ཡིན་པའི་ཕྱག་རྒྱ་ཞེས་བྱ་བར་ཡང་འགྲོའོ། །དེ་ཡང་ལག་པ་གཡས་པ་མི་བསྐྱོད་པའི་རང་བཞིན་གྱི་སོར་མོའི་སྟེང་གི་ཨོཾ་སྭ་ཧ་ཨའི་ཡིག་འབྲུ༷་བཞི༷་ཁུ་ཚུར་ནང་དུ་སྦ༷ས་ན༷ས་ཐུ༷གས་ཀ༷ར་བཟུང་སྟེ་མཛུབ་མོ་སྒྲེང་ནས་ཕྱིར་ལ་བཀ༷ན་པའི་ཚུལ་གྱིས་བཟུང་བ་ནི་བཅའ་བ་དམ་ཚིག་གི་ཕྱག་རྒྱའོ། །ཧཱུ༷ཾ་བསམ་པའི་མཛུབ་མོ་བསྒྲེ༷ང་བའི་རྩེ༷་མོ༷་ལ་ཡི་གེ་ཧཱུཾ་ལས་རྡོ༷་རྗེ༷་རྩེ་ལྔ་པ་འོད་འབ༷ར་བ་གསལ་བ་ནི་བསམ་པ་ཆོས་ཀྱི་ཕྱག་རྒྱའོ། །ལག་པ་གཡོན་པ་ཟླ༷་བའི་དཀྱིལ་འཁོར་ཁུ་ཚུར་ནང་དུ་བཅངས་ནས་བཏུལ༷་ཞིང་འབྲུ༷་ལྔ་ནང་དུ་སྦ༷ས་ཏེ་དྲི༷ལ་བུ་བསི༷ལ་ཞི༷ང་རང་གི་ཡུམ་ལ་འཁྲིལ་བ་ནི་བྱེད་པ་ལས་ཀྱི་ཕྱག་རྒྱའོ། །ཡབ་ལས་ཀྱི་རང་བཞིན་ཡུམ་ལ་འཁྲི༷ལ་བ༷འི་ཚུལ༷་གྱིས༷་ཞལ་ཡུམ་ཆོ༷ས་ཀྱི་རང་བཞིན་ལ༷་བསྟན༷་ཅིང་འདུད་པ་ནི་བསྒོམ་པ་ཕྱག་རྒྱ་ཆེན་པོའོ། །ལག་པ་གཡོན་པ་ཟླ་བའི་དཀྱིལ་འཁོར་གྱི་སྟེང་གི་ལཾ་མཾ་པྱཾ་ཏཾ་སྟེ་འབྲུ༷་བཞི༷་ཁུ་ཚུར་བཅངས་ཏེ་སྦ༷ས་ན༷ས་ཐུ༷གས་ཀ༷ར་ཕྱིར་གན་དུ་བཀ༷ན་ནས་བཅངས་པ་ནི་དམ་ཚིག་གི་ཕྱག་རྒྱའོ། །མུཾ་གསལ་བའི་མཛུབ་མོ་བསྒྲེང༷་བའི་རྩེ༷་མོ༷་ལ་ཡི་གེ་མུཾ་ལས་དྲི༷ལ་བུ་འབར་བ་གཅིག་གསལ་ནས་དྲིལ་བུ་བསི༷ལ་བ་དྲིལ་བསིལ་འབ༷ར་ཞེས་པ་བསམ་པ་ཆོས་ཀྱི་ཕྱག་རྒྱའོ། །ལག་པ་གཡས་པ་ཉི༷་མ༷་ལ་གནས་པའི་ཡིག་འ༷བྲུ་ལྔ༷་པོས་ལ༷ས་སུ༷་ཞེས་པ་ཡབ་ཀྱི་རང་བཞིན་ལ་འཁྲི༷ལ་བ་ནི་བྱེད་པ་ལས་ཀྱི་ཕྱག་རྒྱའོ། །ཡུམ་གྱི་དབུ་ཡབ་ལ་བཏུད༷་དེ༷་ཞལ་འཛུ༷མ་པ༷འི་མད༷ངས་ཀྱིས༷་བལྟ༷་བའོ། །དེ་ལྟར་ཡུམ་གྱི་སྐུ་ལྷག་གིས་གསལ་བ་ནི་སྒོམ་པ་ཕྱག་རྒྱ་ཆེན་པོའོ། །ཡབ་ཡུམ་དེ་གཉིས་ཀྱིས་ལྷ་ཚོགས་ཐམས་ཅད་ལ་འགྲེ་བར་ཤེས་པར་བྱའོ། །ཨོཾ་མ་གཏོགས་པའི་འབྲུ༷་བཞི༷་སྦས༷་ནས༷་ཐུགས༷་ཀ༷ར་བཀ༷ན་པ་ནི་བཅངས་པ་དམ་ཚིག་གི་ཕྱག་རྒྱ། གསུང་ཡིག་འབྲུ་ཨོ༷ཾ་བསྒྲེང༷་རྩེ༷་མོ༷་ཐུགས་ཕྱག་མཚན་འཁོ༷ར་ལོ༷་འོད་འབ༷ར་བ་གསལ་བ་ནི་བསམ་པ་ཆོས་ཀྱི་ཕྱག་རྒྱ། ཟླ༷་བ་བཏུལ༷་ཞིང་ཡུམ་གྱི་འབྲུ༷་ལྔ་སྦས༷་ནས་དྲི༷ལ་བུ་བསི༷ལ་ཞིང་ཡུམ་ལ་འཁྲིལ་བ་ནི་བྱེད་པ་ལས་རྒྱ། འཁྲི༷ལ་བ༷འི་ཚུལ༷་གྱིས༷་ཆོ༷ས་ལ༷་ཞལ་བསྟ༷ན་པ་ནི་སྐུར་སྒོམ་པ་ཕྱག་རྒྱ་ཆེན་པོའོ། །མུཾ་མཾ་པྱཾ་ཏཾ་སྟེ་འབྲུ༷་བཞི༷་སྦ༷ས་ན༷ས་ཐུག༷ས་ཀ༷ར་བཀ༷ན་པ་བཅངས་པ་དམ་ཚིག་གི་ཕྱག་རྒྱ། ལ༷ཾ་བསྒྲེང༷་རྩེ༷་མོ༷་དྲིལ༷་བསི༷ལ་འབ༷ར་བ་གསལ་བ་བསམ་པ་ཆོས་རྒྱ། ཉི༷་མ༷་ཡི་དཔའ་བོ་འབྲུ༷་ལྔ༷་ལ༷ས་སུ༷་འཁྲི༷ལ་བ་ནི་བྱེད་པ་ལས་ཀྱི་ཕྱག་རྒྱ། བཏུ༷ད་དེ༷་འཛུམ༷་པ༷འི་མད༷ངས་ཀྱིས༷་ལྟ༷་བ་སྐུ་ཕྱག་རྒྱ་ཆེན་པོའོ། །ཨོཾ་ཧཱུཾ་ཨ་ཧ་སྟེ་འབྲུ༷་བཞི༷་སྦས༷་ན༷ས་ཐུ༷གས་ཀ༷ར་བཀ༷ན་པ་བཅངས་པ་དམ་ཚིག །སྭ༷་བསྒྲེང༷་རྩེ༷་མོ༷་འོད་འབ༷ར་བ༷་ཡི་རི༷ན་པོ༷་ཆེ༷་སྒོམ་པ་བསམ་པ་ཆོས་རྒྱ། ཟླ༷་བཏུལ༷་འབྲུ༷་ལྔ་སྦ༷ས་ནས་དྲི༷ལ་བུ་བསི༷ལ་ཞི༷ང་ཡུམ་ལ་འཁྲིལ་བ་བྱེད་པ་ལས་རྒྱ། འཁྲི༷ལ་བ༷འི་ཚུལ༷་གྱི༷ས་ཞལ་ཆོ༷ས་ལ༷་བསྟ༷ན་པ་སྐུ་ཕྱག་རྒྱ་ཆེན་པོའོ། །མུཾ་ལཾ་པྱཾ་ཏཾ་སྟེ་འབྲུ༷་བཞི༷་སྦ༷ས་ན༷ས་ཐུ༷གས་ཀ༷ར་བཀ༷ན་པ་བཅངས་པ་དམ་ཚིག །མ༷ཾ་བསྒྲེང༷་རྩེ༷་མོ༷་ལ་དྲི༷ལ་བསི༷ལ་འབ༷ར་བ་བསམ་པ་ཆོས་རྒྱ། ཉི༷་མ༷་ཡི་དཔའ་བོ་འབྲུ༷་ལྔ༷་ལ༷ས་སུ༷་འཁྲི༷ལ་བ་བྱེད་པ་ལས་རྒྱ། བཏུད༷་དེ༷་འཛུ༷མ་པ༷འི་མད༷ངས་ཀྱིས༷་ལྟ༷་བ་སྐུ་ཕྱག་རྒྱ་ཆེན་པོའོ། །ཨོཾ་ཧཱུཾ་སྭ་ཧ་སྟེ་འབྲུ༷་བཞི༷་སྦ༷ས་ན༷ས་ཐུག༷ས་ཀ༷ར་བཀ༷ན་པ་བཅངས་པ་དམ་ཚིག །ཨ༷ཾ་བསྒྲེང༷་རྩེ༷་མོ༷་པ༷ད་མ༷་འབ༷ར་བ་བསམ་པ་ཆོས་རྒྱ། ཟླ༷་བ་བཏུལ༷་བས་དཔའ་མོ་འབྲུ༷་ལྔ་སྦ༷ས་ནས་དྲི༷ལ་བུ་བསི༷ལ་ཞི༷ང་འཁྲིལ་བ་བྱེད་པ་ལས་རྒྱ། འཁྲི༷ལ་བ༷འི་ཚུལ༷་གྱིས༷་ཆོ༷ས་ལ༷་བསྟན༷་པ་སྐུ་ཕྱག་རྒྱ་ཆེན་པོའོ། །དཔའ་མོ་འབྲུ༷་བཞི༷་སྦས༷་ན༷ས་ཐུག༷ས་ཀ༷ར་བཀ༷ན་པ་བཅིང་བ་དམ་ཚིག །པྱ༷ཾ་བསྒྲེང༷་རྩེ༷་མོ༷་དྲིལ༷་བསི༷ལ་འབ༷ར་བ་བསམ་པ་ཆོས་རྒྱ། ཉི༷་མ༷་དཔའ་བོ་འབྲུ༷་ལྔ༷་ལ༷ས་སུ༷་འཁྲི༷ལ་བ་བྱེད་པ་ལས་རྒྱ། བཏུད༷་དེ༷་འཛུ༷མ་པ༷འི་མད༷ངས་ཀྱིས༷་ལྟ༷་བ་སྐུ་ཕྱག་རྒྱ་ཆེན་པོའོ། །ཨོཾ་ཨ་ཧཱུཾ་སྭ་སྟེ་འབྲུ༷་བཞི༷་སྦ༷ས་ན༷ས་ཐུ༷གས་ཀ༷ར་བཀ༷ན་པ་བཅངས་པ་དམ་ཚིག །ཧ༷་བ༷སྒྲེང་རྩེ༷་མོ༷་ར༷ལ་གྲི༷་འབ༷ར་བ་བསམ་པ་ཆོས་རྒྱ། ཟླ༷་བཏུ༷ལ་དཔའ་མོ་འབྲུ༷་བཞི་སྦ༷ས་ནས་དྲི༷ལ་བུ་གསི༷ལ་ཞི༷ང་ཆོས་ལ་འཁྲིལ་བ་བྱེད་པ་ལས་རྒྱ། འཁྲི༷ལ་བ༷འི་ཚུལ༷་གྱིས༷་ཆོ༷ས་ལ༷་བསྟན༷་པ་སྐུ་ཕྱག་རྒྱ་ཆེན་པོའོ། །མུཾ་ལཾ་པྱཾ་མཾ་སྟེ་འབྲུ༷་བཞི༷་སྦ༷ས་ན༷ས་ཐུ༷གས་ཀ༷ར་བཀ༷ན་པ་བཅངས་པ་དམ་ཚིག །ཏ༷ཾ་བསྒྲེང༷་རྩེ༷་མོ༷་དྲི༷ལ་བསི༷ལ་འབ༷ར་བ་བསམ་པ་ཆོས་རྒྱ། ཉི༷་མ༷་དཔའ་བོ་འབྲུ༷་ལྔ༷་ལ༷ས་སུ༷་འཁྲི༷ལ་བ་བྱེད་པ་ལས་རྒྱ། བཏུད༷་དེ༷་འཛུ༷མ་པ༷འི་མད༷ངས་ཀྱིས༷་ལྟ༷་བ་སྐུ་ཕྱག་རྒྱ་ཆེན་པོའོ། །གཉིས་པ་ལྷག་པ་ཏིང་ངེ་འཛིན་གྱི་མཆོད་པ་ལ་གཉིས་ཏེ། ལྷག་པའི་ཏིང་ངེ་འཛིན་དངོས་དང་། འབྱུང་ཚུལ་ལོ།

།དང་པོ་ནི། མཆོད་པའི་ཕྱག་རྒྱ་ཆེན་པོ་ནི། །སེམས་ཀྱི་ཡིད་བཞིན་སྤྲིན་ཚོགས་ཀྱིས། །ཕྱོགས་བཅུ་ཐམས་ཅད་སངས་རྒྱས་ཤིང་། །མཉེན་འཇམ་རེག་ན་བདེ་བ་ཡི། །སྣ་ཚོགས་རིན་པོ་ཆེ་ཡི་གཞི། །མཛེས་པར་བྲིས་ཤིང་སྤྲས་པ་དང་། །ཀུན་འབྱུང་རིན་ཆེན་ཕུང་པོར་འབར། །དབྱིབས་ལེགས་རྫིང་བུ་རོ་མཆོག་བསིལ། །རིན་ཆེན་ཁང་པ་སྣ་ཚོགས་དང་། །རྒྱན་དང་དཔག་བསམ་ལྗོན་པའི་ཚལ། །གླུ་དབྱངས་ཚིགས་སུ་བཅད་པའི་སྒྲ། །བླ་རེ་རྒྱལ་མཚན་ན་བཟའ་གདུགས། །དོ་ཤལ་དཔུང་རྒྱན་སེ་མོ་དོ། །མཛེས་པའི་རྒྱན་རྣམས་སྣ་ཚོགས་དང་། །བཟའ་དང་བཏུང་བའི་མཆོག་རྣམས་དང་། །རང་ལ་མཛེས་པར་བརྒྱན་པ་ཡི། །ལྷ་དང་ལྷ་མོ་རྡུལ་སྙེད་ཀྱི། །བྲོ་གར་ལ་སོགས་བསམ་ཡས་ཀྱིས། །ཕྱོགས་བཅུ་ནམ་མཁའི་ཁམས་བཀང་ནས། །དཀྱིལ་འཁོར་ཀུན་ལ་རྒྱས་པར་འབུལ། །ཞེས་པ་སྟེ། སྤྱིར་ན་མཆོད་པ་ལ་གཉིས་ཏེ་དངོས་སུ་འབྱོར་པ་དང་སེམས་ཀྱིས་དམིགས་པའོ། །དེ་ལས་འདིར་ནི་སེམས་ཀྱིས་དམིགས་པའོ། །ནང་མཆོ༷ད་པ༷འི་ཕྱག༷་རྒྱ༷་ཆེ༷ན་པོ༷་ནི༷་ཏིང་ངེ་འཛིན་གྱི་མཆོད་པ་ཟེར་རོ། །རང་རིག་པ་བྱང་ཆུབ་ཀྱི་སེ༷མས་ནི་ཇི་ལྟར་དམིགས་པ་བཞིན་དུ་འགྲུབ་པར་འགྱུར་བ་ཉིད་ཀྱི་ཕྱི༷ར་ཡི༷ད་བཞི༷ན་གྱི་ནོར་བུ་རིན་པོ་ཆེ་དང་འདྲ་བས་མཆོད་པ་མང་ཉུང་གི་ཚད་སྤྲིན༷་ཚོ༷གས་ཀྱི༷་ཕུང་པོ་ཙམ་སྤྲུལ་ནས་འབུལ་ལོ། །དེ་ཡང་ཏིང་ངེ་འཛིན་གྱིས་ཇི་ལྟར་སྤྲུལ་ཞེ་ན་ཕྱོག༷ས་བཅུའི༷་འཇིག་རྟེན་གྱི་ཁམས་འདི་ཐ༷མས་ཅད༷་སང༷ས་རྒྱས༷་ཀྱི་ཞི༷ང་ཁམས་རྣམ་པར་དག་པ་རྒྱན་བཀོད་པ་མནན་ན་ནེམ་སྙམ་བྱེད་པ་བཏེག་ན་འཕར་བ་སྙམ་བྱེད་པར་སྤྲུལ་ལོ། །ཞིང་ཁམས་དེའི་མཚན་ཉིད་ཅི་ལྟ་བུ་ཞེ་ན་མཉེན༷་ལ་འཇ༷མ་པ་དང་རེ༷ག་ན༷་ཟག་མེད་ཀྱི་བདེ༷་བ༷་ཁྱད་པར་ཅན་བསྐྱེད་པར་བྱེད་པ་ཡི༷་རང་བཞིན་ཅན་ནོ། །དེའི་གཞི་གང་ཞེ་ན་རྣམ་པ་སྣ༷་ཚོ༷གས་པའི་རི༷ན་པོ༷་ཆེ༷འི༷་རང་བཞིན་ལས་གྲུབ་པའི་ས་གཞི༷་བརྟན་ཅིང་འདོད་པ་འབྱུང་བ་དང་དྭངས་ཤིང་མཛེས་པར་སྣང་བའོ། །ཞིང་ཁམས་དེའི་རྒྱན་ནི་ཅི་ཞེ་ན་བར་བར་དུ་ཤིན་ཏུ་མཛེ༷ས་པ༷ར་སྣང་བའི་མིག་མང་རིས་སུ་བྲེ༷ས་ཤི༷ང་། དེའི་དམིག་ཏུ་གསེར་གྱི་སོར་གདུབ་ལ་གཡུ་ཡི་ཕྲ་བཅུག་པ་ལྟར་རིན་པོ་ཆེའི་ཟ་ར་ཚགས་དང་སྣ་འཕྱང་དང་ཆུན་འཕྱང་གི་ལྡ་ལྡི་རིས་སུ་སྤྲས༷་པ༷་ད༷ང་དེ་ལྟ་བུ་ཡང་དཀྱིལ་འཁོར་གྱི་ལྷ་ལ་འབུལ་ལོ། །འཇིག་རྟེན་གྱི་རི་ཐམས་ཅད་ཏྲཾ་ལས་འདོད་པའི་ཡོན་ཏན་ཀུན༷་འབྱུ༷ང་བའི་རི༷ན་པོ་ཆེ༷འི་ཕ྄ུ༷ང་པོ༷་ཁ་དོག་མཛེས་པ་འོད་འཕྲོ་ཞིང་འོད་ཟེར་འབ༷ར་བར་དམིགས་ལ་དབུལ་ལོ། །འཇིག་རྟེན་གྱི་ཁམས་ཀྱི་དབྱིབ༷ས་ལེ༷གས་ཤིང་ཡིད་དུ་འོ༷ང་བའི་རྫི༷ང་བུ༷་དང་འབབ་ཆུ་དང་ལྟེང་ཀ་དང་ཆུ་ཀླུང་ཆེན་པོ་ཐམས་ཅད་བདུད་རྩི་རོ༷་མཆོ༷ག་བརྒྱད་དང་ལྡན་པ་དབྱིབས་ལེགས་པ་བསི༷ལ་ལ་འཇམ་པའི་བདུད་རྩིའི་ཆུ་རྒྱུན་དུ་དམིགས་ལ་འབུལ་ལོ། །འཇིག་རྟེན་གྱི་ཁམས་ན་སྦྲ་དང་གུར་དང་ཁང་པ་ལ་སོགས་པ་ཐམས་ཅད་རྣམས་རི༷ན་ཆེ༷ན་སྣ་ཚོགས་ལས་གྲུབ་པའི་གཞལ་ཡས་ཁ༷ང་པ༷་རྒྱན་གྱི་རིགས་སྣ༷་ཚོ༷གས་ཀྱིས་བརྒྱན་པ་ད༷ང་ཕྱི་ནང་མེད་པ་དཔེར་ན་ཤེལ་གྱི་ཕོར་པ་ལྟ་བུར་གསལ་བ་ཟང་ཐལ་བར་དམིགས་ལ་དབུལ་ལོ། །འཇིག་རྟེན་གྱི་ཁམས་ན་རྩི་ཤིང་ཇི་སྙེད་ཡོད་པ་རྣམས་དགོས་འདོད་ཐམས་ཅད་འབྱུང་བའི་རྒྱན༷་ད༷ང་ལྡན་པའི་དཔ༷ག་བས༷མ་གྱི་ཤིང་ལྗོན༷་པ༷འི་ཚལ༷་དུ་དམིགས་ལ་འབུལ་ལོ། །འཇིག་རྟེན་གྱི་ཁམས་ན་གླ྄ུ༷་ལེན་པ་དང་དབྱང༷ས་དང་ཚི༷གས་སུ༷་བཅད༷་པ༷འི་སྒྲ༷་ཇི་སྙེད་ཡོད་པ་ཐམས་ཅད་བདེ་བར་གཤེགས་པ་ལ་ཚིགས་སུ་བཅད་པའི་བསྟོད་པ་བྱེད་པར་བསམ་ལ་དབུལ་ལོ། །འཇིག་རྟེན་ཁམས་ཀྱི་གོས་ཀྱི་རྣམ་པ་ཇི་སྙེད་ཡོད་པ་ཐམས་ཅད་ནི་བདེ་བར་གཤེགས་པ་ལ་བླ༷་རེ༷་དང་རྒྱལ༷་མཚ༷ན་དང་ན༷་བཟ༷འ་དང་གདུག༷ས་དང་བ་དན་ལ་སོགས་པར་བསམ་ལ་དབུལ་བར་བྱའོ། །འཇིག་རྟེན་གྱི་ཁམས་ན་ནོར་བུ་དང་ཕྱག་གདུབ་དང་ཞབས་གདུབ་དང་རྒྱན་ཇི་སྙེད་ཡོད་པ་ཐམས་ཅད་བདེ་བར་གཤེགས་པ་ལ་དབུ་རྒྱན་དང་ཕྱག་གདུབ་དང་ཞབས་གདུབ་དང་མགུལ་ཆུ་དང་དོ༷་ཤལ༷་ད༷ང་དཔ྄ུ༷ང་རྒྱན༷་དང་སེ༷་མོ༷་ད྄ོ༵་དང་མཛེ༷ས་པ༷འི་རྒྱན༷་རྣ༷མ་པ༷་སྣ༷་ཚོ༷གས་པར་བསམ་ལ་དབུལ་ལོ། །འཇིག་རྟེན་གྱི་ཁམས་ན་གོས་ཡོད་པ་རྣམས་ནི་བདེ་བར་གཤེགས་པ་ལ་སྐུའི་སྟོད་གཡོགས་དང་གསུང་གི་སྨད་དཀྲིས་དང་ཐུགས་ཀྱི་ཟིལ་ལྡིར་ཡོན་ཏན་གྱི་ཆོས་གོས་དང་མཛད་པ་ལས་ཀྱི་ཕུ་དུང་དང་མགུལ་ཆུ་ཟེའུ་འཕྲོག་ད༷ང་སྐེད་ཆིངས་ནོར་བུའི་རྩར་འཕྱང་ལ་སོགས་པར་འབུལ་ལོ། །འཇིག་རྟེན་གྱི་ཁམས་ན་བཟ༷འ་བ་ད༷ང་བཅའ་བ་དང་བཏུ༷ང་བ་དང་ལྡག་པ་དང་མུར་བ༷འི་ལོངས་སྤྱོད་ཇི་སྙེད་ཡོད་པ་ཐམས་ཅད་ནི་རོ་མཆོ༷ག་བརྒྱད་དང་ལྡན་པའི་བདུད་རྩིར་བསམ་ལ་བདེ་བར་གཤེགས་པ་རྣ༷མས་ལ་དབུལ་བ་ད༷ང་། འཇིག་རྟེན་གྱི་ཁམས་ན་སྐྱེས་པ་དང་བུད་མེད་དང་བུ་དང་བུ་མོ་ཇི་སྙེད་ཡོད་པ་ཐམས་ཅད་ར༷ང་རང་ལ༷་རྒྱན་སྣ་ཚོགས་ཀྱིས་མཛེ༷ས་པ༷ར་བརྒྱན༷་པ༷་ཡི༷་ལྷ༷་ད༷ང་ལྷ༷་མོ༷་གྲངས་བསམ་གྱིས་མི་ཁྱབ་པ་ནམ་མཁའི་རྡུལ༷་ཕྲ་མོ་སྙེད༷་ཀྱི་གྲངས་དང་མཉམ་པ་དེ་དག་ཐམས་ཅད་ཀྱང་རྐང་པས་སྟབས་མཛེས་པའི་བྲོ༷་བརྡུང་བ་དང་། ལག་པས་ཕྱག་རྒྱ་མཛེས་པའི་ག༷ར་བྱེད་པ་ལ༷་སོ༷གས་པ་བས༷མ་ཡ༷ས་གྲངས་མེད་པའི་ཚོགས་ཀྱིས༷་མཆོད་པར་བསམ་མོ། །དེ་ལྟར་གོང་དུ་བསྟན་པ་དེ་ལྟ་བུའི་ཏིང་ངེ་འཛིན་གྱི་མཆོད་པ་དེས་ཕྱོག༷ས་བཅུ༷་ན༷མ་མཁ༷འི་ཁ༷མས་ཐམས་ཅད་ག༷ང་བར་དམིགས་ནས༷་དཀྱིལ༷་འཁོ༷ར་གྱི་ལྷ་ཚོགས་ཀུན༷་ལ་རེ་རེ་ཞིང་ཡང་རྒྱས༷་པ༷ར་འབུལ༷་བར་བྱའོ། །གཉིས་པ་ནི། སྐལ་ལྡན་གསལ་བའི་ཁྱད་པར་གྱིས། །རིམ་གྱིས་ཡང་ན་གཅིག་ཆར་དུ། །ཆོས་ཀྱི་དབྱིངས་དང་མཉམ་སྦྱོར་ཞིང་། །མཆོད་པའི་ཕྱག་རྒྱ་ཆེན་པོར་བསྒོམ། །ཞེས་པ་སྟེ། དབུལ་བའི་ཐབས་ནི་མ་ཧཱ་ཡོ་གའི་སྒོར་ཞུགས་པའི་རྣལ་འབྱོར་པ་དེ་ནི་སངས་རྒྱ་བའི་སྐལ༷་བ་དང་ལྡན༷་པ་སྟེ་དེ་ལ་ཏིང་ངེ་འཛིན་མི་གསལ་བ་དང་། གས༷ལ་བ༷འི་ཁྱད༷་པ༷ར་གྱིས༷་མཆོད་པ་ཡང་རི༷མས་ཀྱིས༷་སམ་ཡ༷ང་ན༷་ཅིག༷་ཆ༷ར་ད྄ུ༵་འབུལ་སྟེ། དེ་ཡང་རྣལ་འབྱོར་པ་བློ་ཆེན་ཅིག་ཆར་དུ་དུས་གཅིག་ལ་འབུལ་ལ། བློ་ཆུང་ན་རིམས་ཀྱིས་དབུལ་བ་དང་བློ་ཤིན་ཏུ་ཆུང་ན་རིམས་པའི་མོས་པས་དབུལ་བར་བྱའོ། །ནམ་མཁས་གར་ཁྱབ་སར་ཆོས༷་ཀྱི༷་དབྱིང༷ས་ཀྱིས་ཁྱབ་པ་ད༷ང་ཆོས་ཀྱི་དབྱིངས་ཀྱིས་གར་ཁྱབ་སར་བདེ་བར་གཤེགས་པས་ཁྱབ་པས་ན་མཆོད་པ་དང་བདེ་བར་གཤེགས་པ་མཉམ༷་པར་སྦྱོར༷་ཞི༷ང་དབུལ་ལོ། །དེ་ནི་རྩོལ་བ་དང་བཅས་པའི་མཆོད་པ་མིན་ཏེ་ཏིང་ངེ་འཛིན་གྱིས་འབུལ་བས་ན་མཆོ༷ད་པ༷འི་ཕྱག༷་རྒྱ༷་ཆེ༷ན་པོ༷ར་བསྒོམ༷ས་པའོ། །གསུམ་པ་སྒྲོལ་མཆོད་ནི། ཐོག་མར་བདག་ཉིད་རྟོགས་གོམས་བསྒྲལ། །དེ་ནས་གཉིས་མེད་བློ་ཡིས་ནི། །བློ་ངན་འཇིག་རྟེན་སྙིང་རེ་རྗེ། །གཉིས་སུ་མེད་པར་བསྒྲལ་བར་བྱ། །ཞེས་པ་སྟེ། སྤྱིར་སྒྲོལ་བའི་མཆོད་པ་ལ་ལྔ་སྟེ། རང་བཞིན་གྱིས་སྒྲོལ་བ་དང་། ཏིང་ངེ་འཛིན་གྱིས་དང་། དབང་པོ་ཡུལ་གྱི་དང་། ཐབས་ཆེན་པོའི་དང་། མངོན་དུ་ཕྱུང་བའི་དང་ལྔ་ལས་འདིར་རང་བཞིན་གྱིས་སྒྲོལ་བའོ། །དང་པོ་ནི་ཕུང་པོ་ཁམས་དང་སྐྱེ་མཆེད་ཐམས་ཅད་དོན་དམ་པར་མ་སྐྱེས་པ་ཀུན་རྫོབ་ཏུ་ཡེ་ཤེས་ཀྱི་དཀྱིལ་འཁོར་དུ་སངས་རྒྱས་པའོ། །དེ་བས་ན་མཆོག་གི་མཆོད་པ་ནི་མཆོད་པ་ཐམས་ཅད་ཀྱི་ཐོག་མར་འགྲོ་བའོ། །རང་རིག་པ་ཉིད་རྟོགས་ནས་མ་རིག་པའི་མུན་པ་རྣམས་མཆོད་པར་འབུལ་བའོ། །དོན་གྱི་ངོ་བོ་ལ་སྒྲོལ་བར་མ་གྱུར་པའམ་མཆོད་པར་མ་གྱུར་པ་གང་ཡང་མེད་པའོ། །ཐོ༷ག་མ༷་ནི་བདག་དང་གཞན་གཉིས་ལས་ཐོག་མར་བདག་བསྒྲལ་ལོ། །བད༷ག་ཉིད༷་ནི་རང་ལུས་སོ། །རྟོག༷ས་པ་ནི་དབང་པོ་ཡུལ་གྱི་སྒྲོལ་བ་སྟེ་ཡུལ་དུ་སྣང་བ་ཐམས་ཅད་ཡུམ་གྱི་དཀྱིལ་འཁོར་ཤེས་པ་འཇུག་པ་ཐམས་ཅད་ཡབ་ཀྱི་ད་ལར་བསམ་མོ། །སྒོམ༷་པ་ནི་རང་ལུས་སྐྱེ་བ་མེད་པར་སྒོམ་མ་རིག་པ་དང་ལོག་ལྟ་དང་བདག་འཛིན་ལ་སོགས་པ་ཕྱིན་ཅི་ལོག་གི་སྣང་བ་གང་ཡིན་པ་ཐམས་ཅད་མཆོད་པར་འབུལ་ལོ་ཞེས་དེས་རྟོགས་པས་བདག་བསྒྲ༷ལ་བ་བསྟན་ནས་ཐུགས་རྗེས་གཞན་བསྒྲལ་བ་ནི་དེ་ལྟར་རྟོགས་པས་བདག་བསྒྲལ་བ་དེ༷་ན༷ས་བདག་རྣལ་འབྱོར་པ་དབྱིངས་དང་ཡེ་ཤེས་གཉིས༷་སུ་མེ༷ད་པ་དང་ཐབས་དང་ཤེས་རབ་གཉིས་སུ་མེད་པའི་དོན་རྟོགས་པའི་བློ༷་དང་ལྡན་པའི་གང་ཟག་དེ་ཡི༷ས་ནི༷་གཉིས་སུ་མེད་པའི་དོན་ལ་གཉིས་སུ་འཛིན་པའི་བློ༷་ང༷ན་གྱི་སེམས་ཅན་འཇི༷ག་རྟེན༷་ན་གནས་པ་དེ་དག་ཐམས་ཅད་སྙིང༷་རེ༷་རྗེ༷་ཞེས་སྙིང་རྗེས་འདུ་ཤེས་ཀྱིས་བདག་ཉིད་སྒྲོལ་བའི་ལྷ་ཊ་ཀི་ར་ཙར་གསལ་བ་དང་གྲི་འཇམ་དཔལ་ཡེ་ཤེས་སེམས་དཔར་གསལ་བ་དང་བསྒྲལ་བྱའི་སེམས་ཅན་དེ་དག་ཐམས་ཅད་རུ་ཏྲར་གསལ་བར་བྱས་ལ་བདག་ཏུ་རྟོག་པ་རྩད་ནས་བཅད་ནས་སེམས་འོག་མིན་དུ་བསྒྲལ་བ་དང་ཕུང་པོ་འདོད་ཡོན་གྱི་ལྷ་མོར་བྱས་ལ་དཀྱིལ་འཁོར་གྱི་ལྷ་ལ་འབུལ་བར་བྱའོ། །དེ་བས་ན་བདག་དང་གཞན་གཉིས༷་སུ༷་མེ༷ད་པ༷ར་བསྒྲལ༷་བ༷ར་བྱའོ༷། །བཞི་པ་སྦྱོར་མཆོད་ནི། གསལ་ལྡན་མའམ་བྱིན་བརླབས་ལ། །ཐབས་དང་ཤེས་རབ་གཉིས་མེད་པའི། །འཁྲིལ་བའི་མཆོད་ཆེན་མཉམ་སྦྱོར་བས། །བདག་ཉིད་མཉེས་པས་མཉེས་པར་བྱ། །ཞེས་པ་སྟེ་སྦྱོར་བའི་མཆོད་པ་ལ་ལྔ་ལས་འདིར་མངོན་དུ་ཕྱུང་བའི་སྦྱོར་བའི་མཆོད་པ་སྟེ། དེ་ཡང་ཡུམ་དེ་རང་གིས་ཏིང་ངེ་འཛིན་སྒོམ་ཤེས་ན་གས༷ལ་ལྡན༷་མ༷་ཞེས་བྱ་སྟེ་རྣལ་འབྱོར་པས་བྱིན་གྱིས་བརླབས་མི༷་དགོས་པ་དེའ༷མ་ཏིང་ངེ་འཛིན་བསྒོམ་མི་ཤེས་ན་རྣལ་འབྱོར་པས་བྱིན༷་གྱིས་བརླབ༷ས་ལ༷་བྱའོ། །ཐབ༷ས་ཡབ་རྡོ་རྗེ་སེམས་དཔར་བསྒོམ་མཁའ་རྡོ་རྗེ་རྩེ་ལྔ་པར་བསྒོམ་རྩ་བར་ཨོཾ་སྐེད་པ་ཧཱུཾ་རྩེ་མོར་ཕཊ་བསམ་པ་ད༷ང་ཤེ༷ས་ར༷བ་ཡུམ་དབྱིངས་ཕྱུག་མར་བསྐྱེད་མཁའ་པདྨ་འདབ་བརྒྱད་དུ་བསམ་དཀྱིལ་དུ་ཧཱུཾ་དགོད་པར་བྱ་ཡབ་ཡུམ་གཉིས་སུ་མེད་པའི་སྦྱོར་བ་བྱེད་པ་ནི་ཡུམ་གྱིས་ས་མ་ཡ་ཧོ་ས་མ་ཡ་སྟྭཾ། ས་མ་ཡ་ཧཱུཾ་ཞེས་བརྡས་བསྐུལ་ཡབ་ཀྱིས་ར་ག་ཡ་ཧོ་ཞེས་ལན་བྱིན་ནོ། །ཡབ་ཡུམ་ཐ༷བས་ད༷ང་ཤེ༷ས་ར༷བ་གཉིས༷་སུ་མེ༷ད་པ༷ར་འཁྲི༷ལ་བ༷འི་མཆོ༷ད་པ་མཛད་ནས་རིག་པ་ནང་དུ་བཟུང་བས་དགའ་བ་དང་མཆོག་དགའ་དང་ལྷན་ཅིག་སྐྱེས་པའི་དགའ་བ་དང་དགའ་བྲལ་གྱི་དགའ་བ་ཆེ༷ན་པོས་རང་ལུས་བདེ་བས་རྒྱས་པར་བྱ་དེ་ནས་བྱང་སེམས་ཕྱིར་བྱུང་བ་དང་ལྷག་པ་བྱང་ཆུབ་སེམས་ཕར་ལ་འཕྲོས་པས་དཀྱིལ་འཁོར་གྱི་ལྷ་ལ་མཆོད་པ་ཕུལ་བ་སྟེ། དེ་ལྟ་བུའི་མཆོད་པ་དེ་གང་ལས་བྱུང་ན་ཡབ་ཡུམ་དགོངས་པ་ཐམས་ཅད་ཚང་བའི་དབང་པོ་མཉམ༷་པར་སྦྱོར༷་བ་ལས་བྱུང་བ༷ས་ན་སྦྱོར་བའི་མཆོད་པ་ཞེས་གསུངས་ལ། དེ་ནས་བྱང་ཆུབ་ཀྱི་སེམས་ཚུར་བད༷ག་ཉིད༷་ཡུམ་ལ་ཐིམ་པས་རང་གི་རྟོག་ཚོགས་ཉིད་དཀྱིལ་འཁོར་དུ་གསལ་བ་ཡང་བདེ་བ་ཆེན་པོས་མཉེས༷་པ༷ས་དེ་དག་རྣམས་ལ་ཡང་མཉེས༷་པ༷ར་བྱ༷་བའི་མཆོད་པ་ཕུལ་བ་ཡིན་ནོ། །ལྔ་པ་བདུད་རྩིའི་མཆོད་པ་ནི། མཉམ་པའི་སྒྲུབ་རྫས་ཆེན་པོ་དག །བདག་དང་མཉམ་པའི་ཚོགས་ལ་འབུལ། །ཞེས་པས་བསྟན་ཏེ། རྫས་ཀྱི་མཆོད་པ་ནི་གསུམ་སྟེ་ངོ་བོ་དང་། གྲུབ་པ་བཞིས་བརྒྱན་པ་དང་། དབུལ་ཐབས་སོ། །ངོ་བོ་ནི་དྲི་ཆེན་དྲི་ཆུ་མཾ་ས་རཀྟ་ལྷག་པའི་བྱང་སེམས་དང་ལྔའོ། །གྲུབ་པ་བཞིས་བརྒྱན་པ་ནི་ཆོས་ཉིད་རང་བཞིན་གྱིས་གྲུབ་པ་དང་། ཆོས་ཅན་ངོ་བོས་གྲུབ་པ་དང་། མཐུ་ཅན་ལས་ཀྱིས་གྲུབ་པ་དང་། བྱིན་བརླབས་ནུས་པས་གྲུབ་པའི་རྫས་སོ། །དེ་ལྟ་བུའི་གྲུབ་རྫས་ཆེན་པོ་ནི་རང་བཞིན་གྱིས་མཉམ་ལས་ཀྱིས་མཉམ་པའི་ཕྱིར་ན་མཉམ༷་པ༷འི་སྒྲུབ༷་རྫ༷ས་ཏེ༷། རྫས་དེ་ཉིད་སངས་རྒྱས་རིགས་ལྔ་དང་དབྱེར་མེད་པར་ལུས་ལ་ཁམས་བདུད་རྩིར་གནས་པས་ན་ཆེ༷ན་པོའོ༷། །དབུལ་བའི་ཐབས་ནི་དེ་ལྟ་བུའི་བླ་ན་མེད་པའི་དམ་རྫས་ད༷ག་པའི་མཆོད་པ་དེ་བད༷ག་དམ་ཚིག་སེམས་དཔའ་ད༷ང་ལྷ་ཡེ་ཤེས་སེམས་དཔའ་མཉམ༷་ཞིང་དབྱེར་མེད་པ༷འི་ཚོ༷གས་ལ༷་འབུལ༷་བར་བྱའོ། །དྲུག་པ་ཚོགས་མཆོད་ནི། བཟའ་དང་བཅའ་དང་བཏུང་དང་བགོ །ལོངས་སྤྱོད་ལྔ་ལྡན་ཐམས་ཅད་ཀུན། །དཀྱིལ་འཁོར་ལ་ནི་དཀྱིལ་འཁོར་ཐིམ། །ཞེས་པ་སྟེ་བཟ༷འ་བ་ཟས་ཀྱི་རྣམ་པ་ད༷ང་བཅ༷འ་བ་རུས་པའི་རྣམ་པ་ད༷ང་བཏུང༷་བ་ཆང་གི་རྣམ་པ་ད༷ང་བགོ༷་བ་གོས་ཀྱི་རྣམ་པ་རྣམས་ནི་ལོངས་སྤྱོད་རྫས་ཀྱི་མཆོད་པ་ཆེན་པོར་འབུལ་ལོ། །མིག་གཟུགས་ཀྱི་ལོངས་སྤྱོད་དང་། རྣ་བ་སྒྲའི་སྣ་དྲིའི་ལྕེ་རོའི་ལུས་རེག་བྱའི་ལོ༷ངས་སྤྱོད༷་དང་ལྔ༷་ནི་རང་ལ་གང་ཡོད་ལྡ༷ན་ན་དངོས་སུ་དབུལ། མ་ལྡན་ན་ཏིང་ངེ་འཛིན་གྱིས་སྤྲུལ་ལ་དབུལ་ཏེ་ལོངས་སྤྱོད་ལྔ་པོ་ཐ༷མས་ཅད༷་ཀུན༷་དབུལ་ལོ། །དབུལ་ཐབས་ནི་ཡེ་ཤེས་ལྷའི་དཀྱིལ༷་འཁོ༷ར་དབུལ་བྱ་ལ༷་དབུལ་བྱེད་ནི༷་བདག་གི་ཐུགས་ཀ་ནས་མཆོད་པའི་ལྷ་མོའི་དཀྱིལ༷་འཁོ༷ར་རམ་འདོད་ཡོན་གྱི་ལྷ་མོ་མང་པོ་སྤྲོས་ནས་ཐི༷མ་པའོ། །དེ་ལ་ནི་ཡེ་ཤེས་ལ་ཡེ་ཤེས་རོལ་ཞེས་བྱ་ཆོས་ཉིད་ལ་ཆོས་ཉིད་ཐིམ་ཞེས་བྱ་ལྷ་ལ་ལྷ་རོལ་ཞེས་བྱའོ་ཨ་ཨི་ཨུ་ལི་སྔགས་ཀྱིས་དབུལ་ལོ། །བདུན་པ་བསྟོད་པ་ལ་དྲུག་སྟེ་སྐུ་ལ་བསྟོད་པ་དང་། གསུང་ལ་དང་། ཐུགས་ལ་དང་། ཡོན་ཏན་ལ་དང་། ཕྲིན་ལས་ལ་དང་། སྤྱིར་བསྡུས་ཏེ་བསྟོད་པའོ།

།དང་པོ་ནི། ཨོཾ་ཕྱོགས་བཅུ་དུས་བཞི་རྫོགས་པ་ཡི། །ཡེ་ཤེས་དཀྱིལ་འཁོར་ཐིག་ལེ་ཆེ། །བསོད་ནམས་དཀྱིལ་འཁོར་སྐུ་ཡི་ཚོགས། །སྣང་སྟོང་ཐིག་ལེ་ཀུན་ཏུ་རྫོགས་ཧོ། །ཞེས་གསུངས། སྐུ་ལྔ་མངོན་པ་ཉིད་ཀྱི་ཕྱིར་ཡི་གེ་ཨོ༷ྃ་གྱཱིས་འགོ་དྲངས་པའོ། །ཕྱོག༷ས་བ༷ཅུ་དུས༷་བཞི༷་རྒྱུ་མངོན་པར་རྫོག༷ས་པ༷ར་སངས་རྒྱས་པ༷འི་གནས་དང་དུས་ཀུན་ཏུ་ཐུགས་དམ་གྱི་དབང་གིས་འགྲོ་བའི་དོན་རྫོགས་པར་མཛད་པ་ནི་རྒྱལ་བ་ཡབ་ཡུམ་ལྔ་ཡང་སྐུ་ལྔར་འདུས་རང་བྱུང་ཡེ་ཤེས་ཉིད་རང་བྱུང་ལ་མ་འགགས་པར་གསལ་བ་ནི་མངོན་པར་བྱང་ཆུབ་པའི་སྐུའོ། །ཡེ་ཤེས་ལྔ་མི་རྟོག་པའི་ཡེ༷་ཤེ༷ས་སུ་གསལ་བ་ནི་དཀྱིལ༷་འཁོ༷ར་དེ་ཉིད་ཁྱབ་བརྡལ་ཆེན་པོར་གནས་པ་ནི་ཐི༷ག་ལེ༷་ཆེ༷འོ། །དེ་ཡང་ཆོས་ཉིད་ཀྱི་སྐུ་ནི་སྤྲོས་པའི་མཚན་མ་ཐམས་ཅད་བྲལ་བའི་ཆོས་ཉིད་ཡིན་ཏེ་དེ་ལྟར་སྣང་བའོ། །གང་ཡང་མ་སྤངས་པར་ཟག་པ་མེད་པའི་བསོ༷ད་ནམ༷ས་རང་སྣང་བ་ནི་དཀྱིལ༷་འཁོ༷ར་ལྟ་བུ་སྟེ་འབྲས་བུ་ཡེ་ཤེས་ཀྱི་ཚོགས་ལས་ངེས་པར་འབྱུང་བ་ལོངས་སྤྱོད་རྫོགས་པའི་སྐུ་མཚན་དང་དཔེ་བྱད་དུ་བསྟན་པའོ། །རྒྱུ་བསོད་ནམས་ཀྱི་ཚོགས་བར་ཆད་མེད་པ་ལས་འབྲས་བུ་ངེས་པར་འབྱུང་བ་ནི་ལོངས་སྐུ་དེ་དག་ལས་འཁོར་སྤྲུལ་སྐུ༷་ཡི༷་ཚོག༷ས་འགྲོ་བ་རིགས་དྲུག་གི་དོན་སྤྲུལ་སྐུ་མང་པོས་མཛད་དོ། །སྣང༷་བ་རྟགས་སྟོང༷་པ་དོན་དེ་གཉིས་སུ་མེད་པས་ཐི༷ག་ལེ༷་ཀུ༷ན་ཏུ༷་རྫོ༷གས་པས་གཉིས་སུ་མེད་པ་བྲག་ཆ་ལྟ་བུའོ། །དེ་སྐུ་གསུང་ཐུགས་དབྱེར་མེད་པ་རང་གི་ངོ་བོ་མཉམ་པ་ཉིད་འཇིགས་པ་ཐམས་ཅད་དང་བྲལ་བར་རང་བཞིན་གྱིས་གྲུབ་པ་ནི་རྡོ་རྗེའི་སྐུའོ། །དེ་ལྟར་སྐུ་ལྔ་ལ་དགྱེས་པས་ཧོ༷་ཞེས་པའོ། །གཉིས་པ་ནི། ཨོཾ་རྡོ་རྗེ་བསོད་ནམས་ཐིག་ལེ་ཆེ། །རྡོ་རྗེ་ཡེ་ཤེས་དཀྱིལ་འཁོར་ལྡན། །རྡོ་རྗེ་སྒྲ་ཆེན་མཐའ་ཡས་པ། །རྡོ་རྗེ་རྒྱལ་པོ་ཐིག་ལེ་ཆེ་ཧོ། །ཞེས་པ་སྟེ་གསུང་ལྔ་མངོན་པ་ཉིད་ཡི་གེ་ཨོ༷ྃ་དེའི་ཕྱིར་མགོ་དྲངས་པའོ། །རྡོ༷་རྗེ༷་བསོ༷ད་ན༷མས་ཀྱི་ངོ་བོ་སྒྲ་མ་སྤངས་པའི་ཕྱིར་ན་བརྡས་སྟོན་ཏེ་ལོངས་སྤྱོད་རྫོགས་པའི་སྐུ་ཉིད་ཕྱག་དང་ཞབས་དང་སྤྱན་དང་ལྗགས་ཀྱི་བརྡས་བྱང་ཆུབ་སེམས་དཔའི་འཁོར་ལ་བརྡ་གོ་བ་སྤྲོད་པ་དང་སྒྲིབ་པ་སེལ་བས་ན་རྡོ་རྗེ་འབྲས་བུ་ཡེ་ཤེས་ཀྱི་བསོད་ནམས་ལས་གྲུབ་པས་ན་ལོངས་སྐུ་དགོངས་པ་བརྡའི་གསུང་ངོ་། །སྤྲོས་པ་མེད་པའི་ཐིག༷་ལེ༷་བརྗོད་དུ་མེད་པས་དོན་གྱི་གསུང་ཆེ༷་བའམ་ཆེན་པོས་ཏེ་ཆོས་སྐུ་སྐྱེ་མེད་དོན་གྱི་གསུང་ངོ་། །རྡོ༷་རྗེ༷་ནི་སྟོང་པ་ཡེ༷་ཤེ༷ས་ནི་སྟོང་པའི་དོན་ཤེས་པ་དཀྱིལ༷་འཁོ༷ར་ནི་དོན་རྟོགས་པ་ལྡ༷ན་པ་ནི་སྟོང་པའི་དོན་ཡེ་ཤེས་སུ་ལྡན་པ་ཡེ་ཤེས་དཀྱིལ་འཁོར་དུ་ལྡན་པའོ། །དེ་ལྟ་བུ་དེས་མ་བརྗོད་པར་ཐམས་ཅད་གསལ་བར་བརྡ་སྤྲོད་པའི་ཕྱིར་ན་རིག་པའི་གསུང་ངོ་། །དེ་ནི་མངོན་པར་བྱང་ཆུབ་པའི་རིག་པ་སྒྱུ་མའི་གསུང་ངོ་། །རྡོ༷་རྗེ༷་སྟོང་པ་སྒྲ༷་ཆེན་ཚངས་པའི་མཐ༷འ་ཡ༷ས་པ༷་སྣ་ཚོགས་སུ་སྣང་བ་སྟེ་སྤྲུལ་པའི་སྐུའི་ཚངས་པའི་གསུང་གིས་འཇིག་རྟེན་དྲུག་གི་ཕྱོགས་བཅུ་ཐམས་ཅད་ཀྱིས་གོ་བར་སྤྱོད་པ་དང་དེ་དག་གི་ཉོན་མོངས་པའི་སྒྲིབ་པ་ཐམས་ཅད་གཏན་ནས་འཇོམས་པར་བྱེད་དོ། །གཅིག་ལ་མང་པོར་གྲགས་པའི་ཕྱིར་ན་སྤྲུལ་སྐུ་སྣ་ཚོགས་ཚངས་པའི་གསུང་ངོ་། །རྡོ༷་རྗེ༷་ནི་གྲགས་སྟོང་དབྱེར་མེད་པ་དེ་ཉིད་ཀྱིས་ཐམས་ཅད་ལ་དབང་བསྒྱུར་བས་རྒྱལ༷་པོ༷་དང་། གྲགས་སྟོང་ནི་སོ་སོའི་སྤྱོད་པ་ཐམས་ཅད་དང་བྲལ་བའི་ཕྱིར་ཐི༷ག་ལེ༷་ཆེ༷འོ་ཚིག་མེད་པ་ཉིད་བརྗོད་པ་དང་འདྲ་བར་གསལ་བ་གསུང་གི་རང་བཞིན་ཡིན་པས་ན་རྡོ་རྗེའི་སྐུ་གྲགས་སྟོང་དབྱེར་མེད་ཀྱི་གསུང་ངོ་། །དེ་ལྟ་བུའི་དོན་ལ་དགྱེས་པས་ན་ཧོ༷་ཞེས་པའོ། །གསུམ་པ་ནི། ཨོཾ་སྐུ་གསུང་ཐུགས་ཀྱི་རྫོགས་པ་ཆེ། །ཡོན་ཏན་འཕྲིན་ལས་ཀུན་ཏུ་རྫོགས། །ཡེ་ནས་ལྷུན་རྫོགས་ཀུན་ཏུ་བཟང་། །འདུས་པའི་ཚོགས་ཆེན་ཐིག་ལེ་ཆེ། །ཞེས་གསུང་སྟེ། ཐུགས་ལྔ་མངོན་པ་ཉིད་ཡི་གེ་ཨོ༷ྃ་དེའི་ཕྱིར་མགོ་དྲངས་པའོ། །སྐུ༷་ནི་ཆོས་སྐུ་ཟག་བྲལ་ཏེ་དེའི་ཐུགས་ནི་མཉམ་པ་ཆེན་པོ་ཡིན་ལ་དེ་ནི་ཆོས་ཀྱི་དབྱིངས་ཀྱི་ཡེ་ཤེས་སོ། །གསུ༷ང་ནི་མངོན་པར་བྱང་ཆུབ་པ་སྟེ་མི་གཡོ་བའི་ཐུགས་ཡིན་ལ་དེ་ནི་སོ་སོར་རྟོག་པའི་ཡེ་ཤེས་སོ། །ཐུ༷གས་ནི་ལོངས་སྤྱོད་རྫོགས་པའི་སྐུ་སྟེ་དེ་ཉིད་ཀྱི༷་ཐུགས་ནི་མེ་ལོང་ལྟ་བུའི་ཡེ་ཤེས་མི་གཡོ་བའི་རང་བཞིན་མ་འགགས་པའི་ཐུགས་སོ། །དེ་གསུམ་དབྱེར་མེད་པས་ན་རྫོ༷གས་པ༷འོ་མཆོག་ཏུ་གྱུར་པས་ན་ཆེ༷་བའམ་ཆེན་པོར་གནས་པའོ། །ཡོ༷ན་ཏན༷་ནི་རྡོ་རྗེའི་ཐུགས་ཏེ་མཉམ་པ་ཉིད་ཀྱི་ཡེ་ཤེས་སོ། །འཕྲི༷ན་ལ༷ས་ནི་འགྲོ་བ་སྒྲོལ་བའི་ཐུགས་ཏེ་བྱ་བ་གྲུབ་པའི་ཡེ་ཤེས་སོ། །དེ་རྣམས་གཅིག་ཏུ་གནས་པས་ན་ཀུན༷་ཏུ༷་རྫོག༷ས་ཅེས་སོ། །ཡེ༷་ན༷ས་སྐུ་གསུང་ཐུགས་ཡོན་ཏན་འཕྲིན་ལས་ཉེར་ལྔར་རྫོགས་པའོ། །རིགས་ལྔའི་ཐུགས་ནི་ཡེ་ཤེས་ལྔར་གནས་ཏེ་དེ་ཡང་དེ་རེ་རེ་ལ་ཡང་ཡེ་ཤེས་ལྔ་ལྔར་ལྷུན་གྱིས་གྲུབ་པར་གནས་པས་ན་ཡེ་ནས་ལྷུན༷་རྫོག༷ས་ཅེས་བྱ། མ་བཙལ་བར་སྐུ་ལྔ་ཡེ་ནས་ལྷུན་གྲུབ་ཏུ་རྫོགས་པས་ན་རང་བཞིན་ཀུན༷་ཏུ༷་བཟ྄༵ང་པོ་ཞེས་དེ་ལ་བྱའོ། །སེམས་དཔའ་དང་སེམས་མ་ཐམས་ཅད་ཀྱང་རང་རང་གི་རིགས་ཀྱི་ཡེ་ཤེས་ལྔའི་རང་བཞིན་དུ་འདུས༷་པ༷འི་ཕྱིར་ན་ཚོག༷ས་ཆེ༷ན་ཞེས་བྱ་བའི་རྒྱལ་བ་ཉིད་དང་དབྱེར་མེད་པའི་ཕྱིར་ན་ཐི༷ག་ལེ༷་ཆེ༷་བའམ་ཆེན་པོའོ། །དེ་ལྟ་བུ་ལ་དགྱེས་པས་ན་ཧོ༷་ཞེས་བྱ་བའོ། །བཞི་པ་ནི། ཨོཾ་མི་དམིགས་སྒྱུ་འཕྲུལ་མཉམ་པའི་དབྱིངས། །མཐའ་ཡས་ཀུན་ནས་སྣ་ཚོགས་འཕྲོ། །མཐའ་ཡས་ཀུན་ནས་ལྷུན་གྱིས་ཐིམ། །སྣ་ཚོགས་སྐུ་གསུང་ཐུགས་ཆེན་པོ་ཧོ། །ཞེས་པ་སྟེ་ཡོན་ཏན་ལྔ་མཚོན་པའི་ཡི་གེ་ཨོ༷ཾ་གྱིས་ཐོག་དྲངས་ནས་ཆོས་ཀྱི་དབྱིངས་དང་རང་རིག་པའི་ངོ་བོ་ཉིད་དམིགས་པ་ཉིད་རང་རིག་པའི་ཡེ་ཤེས་ཀྱི་གཞལ་ཡས་ཁང་དུ་ཤར་བ་སྟེ་དེ་ཕྱི་ནང་མེད་པར་གསལ་བའི་ཕྱིར་ཡེ་ཤེས་རིན་པོ་ཆེའི་གཞལ་ཡས་ཁང་ངོ་། །མི༷་དམི༷གས་པའི་རིག་པ་ཉིད་སྒྱུ༷་འཕྲུ༷ལ་སྣ་ཚོགས་སུ་སྣང་བས་སྣང་སྟོང་དབྱེར་མེད་མཉམ༷་པ༷འི་དབྱིང༷ས་ཕྱི་ནང་དང་རྒྱ་ཆེ་ཆུང་མེད་པའི་གཞལ་ཡས་ཁང་ངོ་། །ཆོས་ཀྱི་དབྱིངས་ནི་ཡེ་ནས་རང་གི་ངོ་བོས་སྣང་སྟོང་དབྱེར་མེད་པར་མཉམ་པས་ཏེ་དེས་ཐམས་ཅད་ལ་ཁྱབ་པ་ནི་ནམ་མཁའ་དང་མཉམ་པ་མུ་མཐའ་མེད་པའི་ཕྱིར་སངས་རྒྱས་ཀྱི་ཞིང་ངོ་། །དེ་ལྟ་བུའི་གཞལ་ཡས་ཁང་དེ་ནི་དེ་བཞིན་གཤེགས་པའི་བཞུགས་གནས་སོ། །མཐ༷འ་ཡ༷ས་ཀུ༷ན་ན༷ས་ནི་སྐུའི་གནས་ཀྱི་བ་སྤུའི་བུ་ག་ནས་སོ། །སྣ༷་ཚོ༷གས་འཕྲོ༷་ནི་འོད་ཟེར་བསམ་གྱིས་མི་ཁྱབ་པ་འཕྲོས་པས་ཁམས་གསུམ་གྱི་སེམས་ཅན་ཐམས་ཅད་ཀྱི་སྒྲིབ་པ་མ་ལུས་པ་སྦྱོང་བར་བྱེད་པའོ། །ཕྱོགས་བཅུའི་ཞིང་ཁམས་མཐ༷འ་ཡ༷ས་པ་ཀུ༷ན་སྣང་བའི་འདོད་པའི་ཡོན་ཏན་ལྔའི་ལོངས་སྤྱོད་ཐམས་ཅད་ནི་ཡེ་ན༷ས་མཆོད་པའི་ལྷ་མོ་ལྔར་ལྷུ༷ན་གྱིས༷་གྲུབ་ནས་མཆོད་པ་འབུལ་བ་དང་ལྷ་ལ་ལྷ་ཐི༷མ་ཞེས་བྱའོ། །དེ་ཡང་མཐའ་ཡས་པའི་འདོད་ཡོན་ཀུན་ལ་མྱོང་བ་མེད་པའི་ཚུལ་གྱིས་སྤྱོད་པས་ན་ལོངས་སྤྱོད་པའོ། །སྣ༷་ཚོ༷གས་ཞེས་པ་ནི་སེང་གེ་ལ་སོགས་པ་འབྲས་བུའི་བྱང་ཆུབ་སེམས་དཔའ་རེ་རེ་ཡང་བརྒྱད་བརྒྱད་དུ་སྣང་ནས་རྒྱལ་བའི་གདན་ཁྲི་འདེགས་པ་དང་སྐུ༷་སྣང་ལ་རང་བཞིན་མེད་པའམ་གསལ་བ་ཉི་ཟླ་དང་གསུ༷ང་ཉེས་པའི་སྐྱོན་གྱིས་མ་གོས་པས་པདྨའི་གདན་དང་ཐུ༷གས་རིག་པའི་ཡེ་ཤེས་ཆེ༷ན་པོ༷་རང་སྣང་བའི་རྟགས་སུ་དགོས་འདོད་ཀུན་འབྱུང་བ་རིན་པོ་ཆེའི་གདན་ཏེ་དེ་ལ་དགྱེས་པས་ཧོ༷་ཞེས་སོ། །ལྔ་པ་ནི། ཨོཾ་ཕྱོགས་བཅུའི་འཇིག་རྟེན་རྡུལ་སྙེད་དུ། །རྒྱལ་བའི་དོན་རྣམས་རྡུལ་ཕྲན་སྙེད། །སྤྲུལ་པ་རྡུལ་ཕྲན་བསམ་ཡས་ཀྱིས། །སྐད་ཅིག་ཡུད་ལ་ལྷུན་གྱིས་གྲུབ་ཧོ། །ཞེས་པ་སྟེ་འཕྲིན་ལས་ལྔ་འཚོགས་པའི་ཕྱིར་ཨོ༷ཾ་གྱིས་སྣ་དྲངས་ནས་སོ། །ཕྱོག༷ས་བཅུ༷འི་འཇི༷ག་རྟེན༷་གྱི་ཁམས་ནི་མང་ཉུང་གི་ཚད་རྡུལ༷་ཕྲ་རབ་སྙེད༷་དང་མཉམ་པས་ན་དེ་ཉིད་ད྄ུ༵་གནས་པའི་སེམས་ཅན་ཡང་རྡུལ་ཕྲ་རབ་དང་མཉམ་པ་དེ་རྣམས་ནི་དོན་བྱ་བའི་ཡུལ་ལོ། །དེ་ཡང་གདུལ་བྱའི་གནས་ཕྱོགས་བཅུའི་འཇིག་རྟེན་ཚད་རྡུལ་ཕྲ་རབ་དང་ངོ་བོ་དག་པ་དང་མ་དག་པའི་གདུལ་བྱའོ། །དེ་དག་ནི་ཉོན་མོངས་པ་ཞི་བར་བྱེད་པས་ན་ཞི་བའི་འཕྲིན་ལས་སོ། །དེ་དག་ཏུ་རྒྱལ་བའི་སྤྲུལ་པས་འགྲོ་བའི་དོན་བྱེད་པ་ཡང་རྡུལ་ཕྲ་རབ་དང་མཉམ་པའོ། །དེ་བས་ན་རྒྱལ༷་བ༷འི་དོ༷ན་རྣམ༷ས་ནི་འདུལ་བྱེད་དོ་རྡུལ༷་ཕྲ༷ན་སྙེད༷་ནི་འདུལ་ཐབས་སོ་དེ་རྣམས་འགྲོ་དོན་དཔག་ཏུ་མེད་པ་མཛད་པས་ན་རྒྱས་པའི་ཕྲིན་ལས་ཡིན་ནོ། །འདུལ་བྱེད་ཀྱི་ཚད་ནི་བདེ་བར་གཤེགས་པའི་སྤྲུལ༷་པ༷་ཐུབ་པ་དྲུག་གིས་གྲངས་རྡུལ༷་ཕྲ༷ན་ཙམ་ལ་གདུལ་ཐབས་ཞི་ཁྲོ་སྣ་ཚོགས་སུ་སྣང་བས་བས༷མ་ཡ༷ས་པའོ། །དེ་རྣམས་ཀྱིས༷་འགྲོ་བ་རྣམས་དབང་དུ་བྱེད་པས་ན་དབང་གི་འཕྲིན་ལས་སོ། །དོན་གྲུབ་ཚུལ་ནི་སྐ༷ད་ཅི༷ག་གམ་ཡུ༷ད་ཙམ་མམ་ཐང་ཅིག་ལ༷་དོན་བྱེད་པ་དེ་ནི་དྲག་པས་ན་དྲག་པོའོ། །བཏུལ་བའི་ཚད་ནི་མ་བཙལ་བར་ལྷུན༷་གྱིས༷་གྲུ༷བ་པའི་འཕྲིན་ལས་སོ། །དེ་ཡང་དོན་མཛད་པས་དེ་མ་ཐག་པའི་འཕྲིན་ལས་ཀྱིས་ཇི་ལྟར་བཏུལ་བ་བཞིན་དུ་ལྷུན་གྱིས་གྲུབ་པར་བྱེད་པས་ན་དྲག་པོ་དང་ལྷུན་གྱིས་གྲུབ་པའི་འཕྲིན་ལས་ཏེ་དགྱེས་པས་ཧོ༷་ཞེས་སོ། །དྲུག་པ་ནི། ཨོཾ་ཐམས་ཅད་མ་ལུས་སྐུ་གསུང་ཐུགས། །སྐུ་གསུང་ཐུགས་ཀྱི་བདག་ཉིད་ཆེ། །སྐུ་གསུང་ཐུགས་ཀྱིས་ཀུན་ཏུ་ཁྱབ། །སྐུ་གསུང་ཐུགས་ཀྱི་ཐིག་ལེ་ཆེ་ཧོ། །ཞེས་སྐུ་གསུང་ཐུགས་ཡོན་ཏན་འཕྲིན་ལས་ལྔ་ཚོགས་པའི་ཡི་གེ་ཨོ༷ཾ་གྱིས་མགོ་དྲངས་ནས་འཁོར་འདས་ཀྱི་དངོས་པོ་གཉིས་ཀྱིས་བསྡུས་པའི་ཆོས་ཐ༷མས་ཅད༷་མ༷་ལུས༷་ཤིང་ལུས་པ་མེད་པར་སྐུ༷་གསུ༷ང་ཐུག༷ས་སུ་གནས་ལ་སྐུ༷་གསུ༷ང་ཐུག༷ས་ཀྱི༷་རོལ་པས་ཡོན་ཏན་འཕྲིན་ལས་སུ་རང་ཤར་ཏེ་སྐུ་གསུང་ཐུགས་ཡོན་ཏན་འཕྲིན་ལས་ལྔར་གནས་སོ། །དེ་ལྟར་སྐུ༷་གསུ༷ང་ཐུ༷གས་ཀྱང་རིག་པའི་ཡེ་ཤེས་ཀྱི་བད༷ག་ཉིད༷་དུ་རང་ཤར་བ་ཡིན་ཏེ། དེ་དག་གི་ངོ་བོ་ནི་བདག་ཉིད་ཆེ༷་བའམ་བདག་ཉིད་ཆེན་པོ་དཔལ་ཀུན་ཏུ་བཟང་པོའོ། །སྐུ༷་གསུ༷ང་ཐུ༷གས་ཀྱི༷་རང་བཞིན་བདག་ཉིད་ཆེན་པོ་དེ་ཉིད་ཀྱིས་ཐམས་ཅད་ལ་ཁྱབ་པ་ལྟར་གནས་པ་ཉིད་ན་དེས་ཅི་མཛད་ཅེ་ན་འཁོར་འདས་ཀུ༷ན་ཏུ༷་ཁྱབ༷་པར་མཛད་པའོ། །སྐུ༷་གསུ༷ང་ཐུ༷གས་ཀྱིས་ཀྱང་དངོས་པོ་ཐམས་ཅད་ལ་མ་ཁྱབ་པ་གང་ཡང་མེད་དོ་ཐམས་ཅད་ལ་ཁྱབ་ཅིང་བདག་ཉིད་ཆེན་པོར་སྦྱོར་བ་དེ་ཉིད་ཀྱི༷་ཕྱིར་སྤྲོས་པ་ཐམས་ཅད་དང་བྲལ་བས་ན་ཐི༷ག་ལེ༷་ཆེ༷་ཞེས་བྱ་བའོ། །དེ་ལྟ་བུའི་དོན་ལ་དགྱེས་པས་ན་ཧོ༷་ཞེས་གསུངས་སོ། །བརྒྱད་པ་བཟླས་པའི་མཆོད་པ་ནི། །དེ་ཡི་བཟླས་པ་འཕྲུལ་ཆེན་ནི། །རྣམ་གསུམ་ཚུལ་གྱིས་མ་འཁྲུལ་བར། །སྔགས་བཟླས་འཕྲོ་འདུ་བར་མི་བཅད། །འདྲེས་གསལ་བརྟན་པ་མཆོག་གིས་བྱ། །ཞེས་སོ། །དེ་ལ་བཟླས་པ་ལ་གསུམ་སྟེ། ཛབ྄་ཁང་བསྐྱེད་པ་དང་། ལྷ་དབྱེ་བ་དང་། བཟླས་པ་བྱའོ། །དང་པོ་ནི་མདུན་གྱི་བར་སྣང་ལ་བྷྲཱུྃ་བི་ཤྭ་བི་ཤུདྡྷེ་བཛྲ་ཛྙཱ་ན་ཙཀྲ་སུརྱ་རཏྣ་པདྨ་མཎྜ་ལ་ཞེས་བརྗོད་པས་གཞལ་ཡས་ཁང་བསམ་མོ། །དེ་ནས་ལྷ་དབྱེ་བ་ནི་ཧཱུཾ་ཞེས་ལན་གསུམ་བརྗོད་པས་ཧཱུཾ་དང་པོས་སྣང་སྲིད་གསལ་བར་བྱས་ཧཱུཾ་གཉིས་པས་ཐམས་ཅད་བདག་ལ་བསྡུས་ཧཱུཾ་གསུམ་པས་བདག་དམ་ཚིག་པ་དང་ལྷ་ཡེ་ཤེས་པ་གཉིས་སུ་དབྱེ་སྟེ་བདག་དམ་ཚིག་པའི་ལྷའི་དཀྱིལ་འཁོར་གྱི་མདུན་ན་ལྷ་ཡེ་ཤེས་པའི་དཀྱིལ་འཁོར་གསལ་ཏེ་མར་མེ་གཅིག་ལས་གཉིས་སུ་དབྱེ་བ་ལྟར་བསམ་མོ། །བཟླས་པ་ལ་ལྔ་སྟེ། ངོ་བོ་དང་། བཟླས་ཐབས་དང་། སྤྲོ་བསྡུ་དང་། གྲངས་ཚད་དང་། སྐྱོན་སྤངས་པའོ། །ངོ་བོ་ནི་གཉིས་ཏེ་སྤྱི་བསྙེན་དང་སྒོས་བསྙེན་ནོ། །སྤྱི་བསྙེན་ནི་རིགས་ཐམས་ཅད་རྡོ་རྗེ་སེམས་པར་འདུས་པས་ཧཱུཾ་བཛྲ་དྷྲིཀ་མུཾ་དྷ་དུ་ཤྭ་རི་ཅེས་པའོ། །སྤྱིར་དྲིལ་བཞི་ཨོཾ་བོ་དྷི་ཙིཏྟ་མ་ཧཱ་སུ་ཀ་ཛྙཱ་ན་དྷ་དྷུ་ཨ་ཅེས་བཟླས་སོ། །སྒོས་བསྙེན་ནི་ལྷ་རང་རང་གི་སྔགས་ཐད་ཀར་བཟླས་སོ། །བཟླས་ཐབས་ལ་གསུམ་སྟེ་ཕྱི་ལུས་ལ་དམིགས་པའི་བཟླས་པ་དང་། ནང་རྩ་ལ་དམིགས་པའི་བཟླས་པ་དང་། གསང་བ་མཁའ་དབྱིངས་ལ་དམིགས་པའི་བཟླས་པའོ། །ཕྱི་ལྟར་བཟླས་པ་ནི་བདག་གི་ཐུགས་ཀ་ན་ཉི་ཟླ་པདྨའི་གདན། དེའི་སྟེང་ན་རྡོ་རྗེ་སེམས་དཔའ་ཚོན་གང་བ་གཡས་གསེར་གྱི་རྡོ་རྗེ་ནས་ཙམ་པ། གཡོན་གཡུ་ཡི་དྲིལ་བུ་ཁུ་འཕངས་ཙམ་འཛིན་པ་སྐུ་སྟོད་ལ་དར་དཀར་གསེར་གྱི་ངང་རིས་ཅན་གྱི་སྐུའི་སྟོད་གཡོགས་གསོལ་བ། སྐུ་སྨད་ལ་བ་ཏི་སྨུག་པོའི་གསུང་གི་སྨད་དཀྲིས་གསོལ་བ། དར་ཆེན་པོ་དར་རིས་ཀྱིས་ཐུགས་ཀྱི་ཟིལ་དིར་གསོལ་བ། དུར་ཁ་དང་མིག་རིས་ཀྱི་ཡོན་ཏན་གྱི་ཆོས་གོས་གསོལ་བ། ཆུ་དར་སྔོན་པོས་མཛད་པ་ལས་ཀྱི་ཕུ་དུང་བྱས་པ། རིན་པོ་ཆེའི་རྒྱན་རྣམ་པ་སྣ་ཚོགས་པས་སྤྲས་པ་འོད་དང་འོད་ཟེར་དཔག་ཏུ་མེད་པ་འཕྲོ་བ་བསམ་ལ་དེའི་ཐུགས་ཀར་ཉི་མ་དེའི་སྟེང་ན་རྡོ་རྗེ་ནས་ཙམ་པ་དེའི་ལྟེ་བ་ལ་ཧཱུཾ་མཐིང་ཀ་ཉུང་འབྲུ་ཙམ་པ་དེའི་མཐའ་མ་ན་ཕར་ལ་སྔགས་ཀྱིས་བསྐོར་བར་བསམ། མདུན་དུ་ཡང་དེ་ལྟར་བསམ་ལ་བཟླས་པའི་འོད་བདག་དང་མདུན་དཀྱིལ་གཉིས་ལ་སྤྲོ་བསྡུ་བྱའོ། །ནང་ལྟར་བཟླས་པ་ནི་བདག་གི་སྤྱི་བོ་བདེ་བ་ཆེན་པོའི་འཁོར་ལོ་ན་རྩ་འདབ་མ་སུམ་ཅུ་རྩ་གཉིས། མགྲིན་པ་ལོངས་སྤྱོད་ན་བཅུ་དྲུགསྙིང་ག་ཆོས་ཀྱི་འཁོར་ལོ་ན་བརྒྱད། ལྟེ་བ་སྤྲུལ་པའི་འཁོར་ལོ་ན་དྲུག་ཅུ་རྩ་བཞི་གསང་གནས་རླུང་གི་འཁོར་ལོ་གཞུ་ལྟ་བུ་དང་ལྔ་ལ་སྤྱི་བོར་རྣམ་སྣང་། མགྲིན་པར་སྣང་མཐའ། ཐུགས་ཀར་མི་བསྐྱོད། ལྟེ་བར་རིན་འབྱུང་། གསང་བར་དོན་གྲུབ་རྣམས་བསྒོམ། བདག་གི་ཐུགས་ཀར་ཡེ་ཤེས་པ་རེ་རེ། དེའི་ཐུགས་ཀར་རྡོ་རྗེ་དང་འཁོར་ལོ་ལ་སོགས་པའི་ཕྱག་མཚན་དེའི་ལྟེ་བ་ལ་ཧཱུཾ་དང་ཨོཾ་ལ་སོགས་པ་རང་རང་གི་སྔགས་ཀྱིས་བསྐོར་བའོ། །དེ་ལ་དམིགས་ནས་བཟླས་པས་འོད་ཟེར་བདག་ལས་ཆད་སྤྱི་བོར་ཕོག་བྱང་སེམས་ཞུ་མགྲིན་པར་བབས་དེ་ནས་སྙིང་ཀ་དེ་ནས་ལྟེ་བ་དེ་ནས་གསང་གནས་སུ་བྱུང་ཕྱིར་འཕྲོས་བདག་གི་སྤྱི་བོར་ཕོག་དེ་བཞིན་དུ་མགལ་མེ་བཞིན་དུ་བྱའོ། །གསང་བ་ལྟར་བཟླས་པ་ནི་བདག་གིས་བཟླས་པ་བྱས་པས་ཐུགས་ཀའི་སྔགས་སྲོག་རྩ་ནང་ནས་ཡར་ལ་སོང་སྤྱི་བོར་ཐིམ་སྒལ་ཚིག་ཀྱི་རྟ་བརྒྱུད་རྡོ་རྗེའི་ལམ་དུ་བྱུང་ཡུམ་གྱི་མཁའ་ལ་འཕྲོས་མདུན་གྱི་ལྷའི་ཐུགས་ཀར་ཐིམ་པར་མོས་པ་བཟླས་པའོ། །སྤྲོ་བསྡུ་ནི་བསྙེན་པའི་དུས་སུ་འོད་དཀར་པོ་ཕར་ལ་ཉེ་བསྙེན་གྱི་དུས་སུ་འོད་ཟེར་སེར་པོ་ཕར་ལ་འཕྲོས་པས་འགྲོ་བའི་སྒྲིབ་པ་སྦྱོང་། བསྒྲུབ་པའི་དུས་སུ་འོད་དམར་པོ་ཕར་ལ་འཕྲོས་པས་སེམས་ཅན་གྱི་སྒྲིབ་པ་སྦྱོང་ཚུར་བསྡུས་ནས་དངོས་གྲུབ་སྡུད་དོ། །སྒྲུབ་པ་ཆེན་པོའི་དུས་སུ་འོད་ལྗང་གུ་ཕར་ལ་མི་སྤྲོ་བར་ཚུར་ལ་སྐུ་གསུང་ཐུགས་ཀྱི་དངོས་གྲུབ་ཐམས་ཅད་སྡུད་དོ། །གྲངས་ཚད་ནི། གྲངས་ཀྱི་བསྙེན་པ་འབུམ་ཚོ་དྲུག །དུས་ཀྱི་བསྙེན་པ་དབང་པོ་རབ་ཟླ་བ་དྲུག་འབྲིང་ཟླ་བ་བཅུ་བཞི་ཐ་མ་ཟླ་བ་བཅུ་དྲུག་གོམཚན་མ་ནི་རབ་ཡི་དམ་ལྷའི་ཞལ་མཐོང་འབྲིང་བསྒྲུབ་རྫས་ལ་རྟགས་ཐོན་ཐ་མ་ཉམས་དང་རྨི་ལམ་གསལ་ལོ། །སྐྱོན་ནི་ཏིང་ངེ་འཛིན་མི་གསལ་བ་དང་བཟླས་པ་སྒྲ་མ་དག་པ་དང་ལེ་ལོ་དང་གཡེང་བ་སྤང་ངོ་དེས་གྲུབ་པའོ། །དེ་ལྟར་གོང་དུ་བསྐྱེད་པའི་དཀྱིལ་འཁོར་གྱི་ལྷ་དེ༷་ཡི༷་བཟླས༷་པ༷་བྱ་བ་ཡང་ཕར་འཕྲོ་བ་དང་ཚུར་སྡུད་པའི་ཏིང་ངེ་འཛིན་གྱི་ཆོ་འཕྲུལ༷་ཆེ༷ན་པོ་སྟེ་དེ་ལ་ནི༷་བདག་ལས་ཡེ་ཤེས་ཀྱི་ལྷ་མདུན་དུ་དབྱེ་ཞིང་བདག་དམ་ཚིག་གི་ལྷར་གསལ་བ་དང་མདུན་ན་ཡེ་ཤེས་ཀྱི་ལྷ་གསལ་བ་དང་བར་དུ་སྔགས་ཀྱི་འཕྲོ་འདུ་གསལ་བ་སྟེ་རྣམ༷་པ་གསུ༷མ་གྱི་ཚུལ༷་གྱིས༷་ཡིད་མ༷་འཁྲུལ༷་བ༷ར་གསལ་བའོ། །སྔག༷ས་བཟླ༷ས་པས་འཕྲོ༷་འདུ༷་བྱ་ཚུལ་ཀྱང་ཕར་འཕྲོས་པས་ཡེ་ཤེས་ལྷའི་ཐུགས་དམ་བསྐུལ་བ་དང་སླར་འདུས་པས་བདག་ལ་དངོས་གྲུབ་གསོལ་བར་དམིགས་པ་དང་ཏིང་ངེ་འཛིན་གྱི་འཕྲོ་འདུའི་བ༷ར་རྣམ་པར་རྟོག་པས་མི་བཅད་ཅིང་སྔགས་ཀྱི་བར་མི་ཚིག་གིས་མི༷་གཅ༷ད་པར་བཟླས་པར་བྱ༷་བའོ། །དེ་ཡང་རང་ལྷའི་རྣལ་འབྱོར་ལ་འདྲིས༷་པ་དང་འཕྲོ་འདུའི་ཏིང་ངེ་འཛིན་གས༷ལ་བ་དང་རྣམ་པར་རྟོག་པའི་རླུང་གིས་མ་བསྐྱོད་པར་བརྟན༷་པ༷ར་བྱའོ། །དེ་ནི་མཆོ༷ག་གི༷ས་བཟླས་པ་བྱ༷་བའོ། །གསུམ་པ་མཇུག་གི་ལས་ལ་གསུམ་སྟེ། དཀྱིལ་འཁོར་བསྡུ་བ་དང་། རྒྱུན་གྱི་སྤྱོད་ལམ་དང་། རྩ་འཁོར་ལོའི་རྫོགས་རིམས་སོ།

།དང་པོ་ནི། བསྙེན་པ་རྫོགས་ནས་དཀྱིལ་འཁོར་ཀུན། །ཧཱུཾ་ཞེས་བརྗོད་ཅིང་ཐུགས་ཀར་བསྡུ། །སྐྱེ་མེད་མཉམ་རྫོགས་དབྱིངས་སུ་ཐིམ། །ཞེས་པ་སྟེ་བསྙེན༷་པ༷་རྫོ༷གས་ན༷ས་ཚོགས་མཆོད་དང་ལྷག་ཆོག་བྱ་གཏོར་མ་གཏོང་དེ་ནས་དཀྱིལ༷་འཁོ༷ར་ཀུ༷ན་བསྡུ་སྟེ་དམ་ཚིག་གི་དཀྱིལ་འཁོར་ལ་བསྡུ་ཡེ་ཤེས་ཀྱི་དཀྱིལ་འཁོར་གཤེགས་སུ་གསོལ། དེ་ནས་ཧཱུ༷ཾ་ཞེས༷་བརྗོ༷ད་ཅིང༷་བདག་ཉིད་གཙོ་བོའི་ཐུགས་ཀ་ནས་ཧཱུཾ་འཕྲོས་པས་ལྷ་དང་གཞལ་ཡས་ཁང་དང་བཅས་པ་ཐམས་ཅད་འོད་དུ་ཞུ་ནས་གཙོ་བོའི་ཐུག༷ས་ཀ༷ར་བསྡ྄ུ༵་ཞིང་ཐིམ་པ་དང་བདག་ཉིད་འོད་དུ་ཞུ་ནས་ཆོས་ཀྱི་དབྱིངས་སྐྱེ་མེད་མཉམ་རྫོགས་ཆེན་པོའི་དབྱིངས་སུ་ཐིམ་པར་གྱུར་ཏོ། །དེ་ནི་སྟོང་པའི་གོ་ཆ་སྟེ་ཅིས་ཀྱང་མི་ཤིགས་པའོ། །དེ་ནི་རྟག་པ་ཡི་མཐའ་དང་བྲལ་བའི་ཕྱིར་ན་རྫོགས་པའི་རིམ་པ་སྒོམས་པའོ། །གཉིས་པ་ནི། སྟོང་པའི་གོ་ཆས་ལུས་བསྲུང་སྟེ། །སྤྱོད་ལམ་ཀུན་ཏུ་བཙལ་མེད་པར། །འགྲོ་དང་འདུག་དང་ཉལ་བ་དང་། །མཉམ་པ་དེ་ཡི་དབྱིངས་སུ་གནས། །ཞེས་པས་བསྟན། དེ་ལྟར་བསྒོམ་པ་ནི་སྟོང༷་པ༷འི་གོ༷་ཆ༷ས་ལུ༷ས་བསྲུ༷ང་བ་སྟེ༷། ཅིས་ཀྱང་མི་ཚུགས་པའོ། །དེ་ནས་ཀཾ་ལས་རྡོ་རྗེའི་གོ་ཁྲབ་དང་ཧཾ་ལ་རྒྱུན་ཐག་དང་ཨཾ་ལས་རྡོ་རྗེ་དང་ཧཱུཾ་ལས་རིན་པོ་ཆེའི་ཐག་པ་རོ་གུང་མཛུབ་ལ་བསམ་ལ་བཅིང་ངོ་རཏྣ་མ་ལེ་ཨ་བེ་ཤིན་ཙ་ཅེས་པས་རིན་པོ་ཆེའི་ཕྲེང་བས་བཅིང་ངོ་། །ས་ཏ་ལཾ་ཅེས་པས་དར་དཔྱང་དཀར་པོ་གཡས་སུ་འཕུར་བ་དང་ཨ་བི་ཤིན་ཙ་མཾ་ཅེས་པས་དར་དཔྱངས་དམར་པོ་གཡོན་དུ་འཕུར་བའོ། །སྤྱོད༷་ལ༷མ་བྱ་བ་ཡང་དུས་ཀུ༷ན་ཏུ༷་རང་ལས་མ་གཏོགས་པའི་ལྷ་སྐུ་བཙལ༷་དུ་མེ༷ད་པ༷ར་རང་ལ་ཡེ་ནས་ཡོད་པ་དེ་ཉིད་སྤྱོད་ལམ་དུ་བྱེད་པའོ། །འགྲོ༷་བ་ད༷ང་འདུ༷ག་པ་ད༷ང་ཉལ༷་བ༷་ད༷ང་སྡོད་པའི་གནས་སྐབས་ཐམས་ཅད་དུ་ཡང་སྟོང་པ་ཉིད་ཀྱི་གནས་ལུགས་དེ་མ༷་ཉམ༷ས་པའམ་དེ༷་ཡི༷་ངང་ལས་མ་གཡོས་པས་དེའི་དབྱིང༷ས་སུ༷་གན༷ས་པ་དང་ཅུང་ཟད་བློ་ཆུང་བ་འདྲ་ན་དེའི་ངང་ལས་རང་ལྷའི་སྐུར་བསྐྱེད་ནས་ལུས་བསྲུང་བ་དང་གོ་བགོ་བ་བྱས་ལ་སྤྱོད་ལམ་ཐམས་ཅད་ལྷའི་སྐུ་གསལ་བར་བསྒོམ་མོ། །གསུམ་པ་ནི། དཀྱིལ་འཁོར་ལྡན་པའི་དཀྱིལ་འཁོར་གྱིས། །དཀྱིལ་འཁོར་ལ་ནི་དཀྱིལ་འཁོར་བསྒོམ། །དཀྱིལ་འཁོར་དཀྱིལ་འཁོར་ལས་བྱུང་བའི། །ཐུགས་ཀྱི་དཀྱིལ་འཁོར་དཀྱིལ་འཁོར་མཆོག །དེ་ཡིས་བྱང་ཆུབ་སྙིང་པོ་ལེན། །ཞེས་པ་སྟེ། གཞི་དངོས་པོའི་གནས་ལུགས་རང་བཞིན་གྱི་དཀྱིལ༷་འཁོ༷ར་བདག་ལ་གནས་ཤིང་ལྡ༷ན་པ༷འི་དོན་དེ་ཤེས་པར་བྱེད་པའི་དཀྱིལ༷་འཁོ༷ར་གྱིས༷་ཤེས་པར་བྱ་ཞིང་རང་བཞིན་གྱི་དཀྱིལ༷་འཁོ༷ར་ལ༷་ནི༷་ཏིང་ངེ་འཛིན་གྱི་དཀྱིལ༷་འཁོ༷ར་བསྒོ༷མ་པ་སྟེ་རྟོགས་པར་བྱེད་པའོ། །དཀྱིལ༷་འཁོ༷ར་ཅེས་པ་རང་བཞིན་གྱི་དཀྱིལ༷་འཁོ༷ར་ལ༷ས་བྱུང༷་བ༷འི་ཏིང་ངེ་འཛིན་གྱི་དཀྱིལ་འཁོར་ཏེ་ཐུག༷ས་ཀྱི༷་དཀྱིལ༷་འཁོ༷ར་ཞེས་པ་ཏིང་ངེ་འཛིན་གྱི་དཀྱིལ༷་འཁོ༷ར་དེ་ཉིད་ཀྱི་གཙོ་བོ་མཆོ༷ག་ནི་རྡོ་རྗེ་སེམས་དཔའ་ཡིན་པས་སྤྱོད་ལམ་ཐམས་ཅད་དུ་རྡོ་རྗེ་སེམས་དཔའ་སྒོམ་པའོ། །དེ་རྣམས་ནི་སྐུ་བསྒོམ་པར་འདོད་པ་ཁོ་ནའོ། །ཡང་ན་ནང་གི་རྫོགས་རིམས་སུ་བཤད་ན་དཀྱིལ་འཁོར་ལྡན་པ་ནི་རང་ལ་སྤྱི་བོ་བདེ་བ་ཆེན་པོའི་འཁོར་ལོ་ན་རྩ་འདབ་མ་སུམ་ཅུ་རྩ་གཉིས་དང་། མགྲིན་པ་ལོངས་སྤྱོད་ཀྱི་འཁོར་ལོ་ན་རྩ་འདབ་མ་བཅུ་དྲུག་དང་། སྙིང་ག་ཆོས་ཀྱི་འཁོར་ལོ་ལ་རྩ་འདབ་མ་བརྒྱད་དང་། ལྟེ་བ་སྤྲུལ་པའི་འཁོར་ལོ་ན་རྩ་འདབ་མ་དྲུག་ཅུ་རྩ་བཞི་གནས་པ་དང་། སྲོག་ཤིང་རྩ་གཡས་རོ་མ་དང་། གཡོན་རྐྱང་མ་དང་དབུས་ཀུ་དྷར་མ་རྣམས་རང་ལ་གནས་པའོ། །དཀྱིལ་འཁོར་གྱིས་ནི་དེ་ལྟར་གནས་པ་དེ་ཤེས་པར་གྱིས་སོ། །དཀྱིལ་འཁོར་ནི་གནས་པ་དེ་ལའོ་བསྒོམ་པ་ནི་དཀྱིལ་འཁོར་དེ་རྣམས་སྒོམ་པའོ་དཀྱིལ་འཁོར་དཀྱིལ་འཁོར་ལས་བྱུང་བ་ནི་སྤྱི་བོ་ན་ཡི་གེ་ཧཾ་མགོ་ཐུར་དུ་ལྟ་བ་དེ་ལས་བྱང་སེམས་ཞུ་བས་མགྲིན་པར་བྱུང་དེ་ནས་བྱང་སེམས་སྙིང་གར་བྱུང་བའོ། །ཐུགས་ཀྱི་དཀྱིལ་འཁོར་དཀྱིལ་འཁོར་མཆོག་ནི་སྙིང་ག་ན་རྩ་འདབ་མ་བརྒྱད་ལ་རིགས་ལྔ་དང་ཡུམ་ལྔ་དང་སེམས་དཔའ་བརྒྱད་དང་སེམས་མ་བརྒྱད་རྣམས་གནས་པར་བསྟན་པའོ། །དེ་བས་ན་གདམས་ངག་ཏུ་བྱས་པའོ། །དེ་ལྟར་སྒོམ་པའི་ལམ་དེ༷་ཡི༷ས་བླ་ན་མེད་པ་བྱང༷་ཆུབ༷་ཀྱི་སྙིང༷་པོ༷་འབྲས་བུ་ཆོས་ཀྱི་སྐུ་མྱུར་དུ་འཐོབ་ཅིང་རང་རྒྱུད་ལ་ལེན༷་པར་བྱེད་དོ། །རྩ་བའི་ས་བཅད་གསུམ་པ་ཐ་མར་ཚོགས་བསྒྲུབ་པ་ལ་བདུན་ཏེ། མཚན་ཉིད་གསུམ་གྱིས་གཞི་བཟུང་བ་དང་། ཡོ་སྤྱད་དང་དུ་བླང་ཞིང་སྤྱད་པའི་ཡོན་ཏན་དང་། ཚོགས་བསྒྲུབ་པས་ཚེ་དབང་ཐོབ་པ་དང་། དེས་ཕྱག་རྒྱ་ཆེན་པོའི་རིག་འཛིན་ཐོབ་དུས་དང་། དེས་ལྷུན་གྲུབ་ཐོབ་པའི་མཚན་ཉིད་དང་། དེས་འབྲས་བུ་ཆོས་སྐུ་ཐོབ་པ་དང་། ཡོན་ཏན་དེ་གཞན་ནས་མ་བྱུང་བར་བསྟན་པའོ། །དང་པོ་ནི། ཤེས་འཇུག་མཚན་ཉིད་འབྱོར་པའི་གཟུངས། །འབྲས་བུ་སྨིན་བྱེད་རྒྱུ་དང་རྐྱེན། །ནུས་མཐུ་ཅན་དུ་གང་གྱུར་པ། །རིག་འཛིན་རྒྱལ་བའི་ཞིང་དུ་གྲགས། །ཅེས་པ་སྟེ། དེ་ལ་གཞི་ཤེས༷་པའི་མཚན་ཉིད་ལྟ་བ་ནི་ལམ་གྱི་རྒྱུ་ལྟ་བུ། རྐྱེན་འཇ྄ུ༷ག་པའི་མཚ༷ན་ཉིད༷་སྒོམ་པ་ནི་ལམ་གྱི་རྐྱེན་ལྟ་བུ། མངོན་དུ་གྱུར་པ་འབྲས་བུའི་མཚན་ཉིད་ནི་འབྲས་བུའོ། །འབྱོར༷་བ༷འི་གཟུ༷ང་ནི་འབྲེལ་བ་སྟེ་གཞི་དང་ལམ་ནི་ཤེས་བྱ་དང་ཤེས་བྱེད་ཀྱི་འབྲེལ་ལམ་དང་འབྲས་བུ་ནི་ཐོབ་བྱ་དང་ཐོབ་བྱེད་ཀྱིས་འབྲེལ་པའོ། །དེ་ལ་གཞི་ཤེས་པའི་མཚན་ཉིད་ལྟ་བ་ནི་ལྟ་བ་བདེན་པ་དབྱེར་མེད། རིག་པ་སྤྱོད་ཡུལ་དང་བྲལ་བ། སྐོར་བདུན་ངོ་བོ་ཉིད་ཀྱི་རྒྱུར་གནས་པའོ། །རྐྱེན་འཇུག་པའི་མཚན་ཉིད་སྒོམ་པ་ནི་རང་རང་གི་ལུས་རྟོག་ཚོགས་བུདྡྷ་བཞི་བཅུ་རྩ་གཉིས་ལས་ཡེ་ཤེས་ཀྱི་ལྷ་བཞི་བཅུ་རྩ་གཉིས་སྒོམ་པའོ། །དེ་ལྟ་བུའི་ལྟ་སྒོམ་གཉིས་པོ་དེ་ནི་མངོན་དུ་གྱུར་པ་འབྲ༷ས་བུ༷་སྨིན༷་པར་བྱེད༷་པའི་རྒྱུ༷་ད༷ང་རྐྱེན༷་ཡིན་ལ་མངོན་དུ་གྱུར་པ་འབྲས་བུའི་མཚན་ཉིད་ནི་ལམ་གྱི་ཏིང་ངེ་འཛིན་ནུས༷་པ་མཐུ༷་ཅན༷་དུ༷་ག༷ང་གྱུར༷་པ༷་དེ་ཡིས་ཉེ་སྦྱོར་གྱི་འབྲས་བུ་རིག་འཛིན་བཞི་དང་མཐར་ཐུག་གི་འབྲས་བུ་སྐུ་ལྔ་ལྷུན་གྱིས་འགྲུབ་པའོ། །དེ་བས་ན་གཞི་དང་ལམ་དུ་འབྱོར་ལམ་དང་འབྲས་བུར་འབྱོར་འབྲས་བུ་རྒྱུན་གྱི་ཏིང་ངེ་འཛིན་མི་བརྗེད་པའི་གཟུངས་དང་རྡོ་རྗེ་ལྟ་བུའི་སྐུ་གཡུང་དྲུང་ལྟ་བུའི་ཚེ་ཐོབ་པ་དེ་ཁོ་ན་སྨིན་བྱེད་དོ། །འབྲས་བུ་དེའང་གཞན་ནས་འོང་བ་མ་ཡིན་ནོ། །རི༷ག་འཛི༷ན་ནི་དང་པོ་དེ་ལས་བྱུང་བ་དང་བར་དུ་དེའི་བྱ་བ་བྱེད་པ་དང་ཐ་མར་དེའི་རྒྱུད་འཛིན་པའོ། །རྒྱལ༷་བ༷འི་ཞི༷ང་དུ༷་གྲག༷ས་པ་ནི་རྣམ་པར་དག་པའི་ཡི་གེ་འཁོར་ལོ་ཚོགས་ཆེན་གྱི་སའོ། །དེ་ལྟ་བུའོ། །འདིར་རིག་འཛིན་བཞི་ལས་རྣམ་པར་སྨིན་པའི་རིག་འཛིན་ཁོ་ན་འགྲུབ་པའོ། །འབྲས་བུ་ནི་གཉིས་ཏེ་ཐུན་མོང་གི་རིག་འཛིན་དང་ཁྱད་པར་གྱི་འབྲས་བུ་སངས་རྒྱས་སོ། །རིག་འཛིན་ནི་བཞི་སྟེ་རྣམ་པར་སྨིན་པའི་རིག་འཛིན་དང་། ཚེ་ལ་དབང་བའི་རིག་འཛིན་དང་། ཕྱག་རྒྱ་ཆེན་པོ་དང་། ལྷུན་གྱིས་གྲུབ་པའོ། །རྣམ་པར་སྨིན་པ་ནི་རང་ལུས་ཀྱི་རྣམ་པ་ལྷའི་སྐུར་སྨིན་པ་སྟེ་ཡིད་ཀྱིས་ལྷའི་གཟུགས་འཛིན་པའོ། །ཚེ་ལ་དབང་བ་ནི་རང་དོན་དུ་ལོ་སྟོང་དྲུག་བརྒྱ་བཞུགས་ནས་གཞན་དོན་མཛད་དགོས་པ་བྱུང་ན་བརྒྱ་བརྒྱ་ན་མར་ལ་མནུར་ནས་བྱིས་པ་ལོ་བརྒྱད་པ་ལྟ་བུར་གནས་ནུས་པའོ། །ཕྱག་རྒྱ་ཆེན་པོ་ནི་ལུས་ལྷ་སྐུ་དང་ཁྱད་པར་མེད་པ་སྟེ་ལུས་རྡོ་རྗེ་སེམས་དཔའི་སྐུ་གཟུགས་སུ་གནས་པའོ། །ལྷུན་གྲུབ་ནི་རྒྱལ་བ་ཉིད་དང་མཉམ་པའོ། །དེ་ནས་སྐུ་ལྔ་ལྷུན་གྲུབ་ལ་སྦྱོར་བར་བྱེད་དེ་རྣམ་སྨིན་གྱི་རིག་འཛིན་ནི་ལམ་གྱི་འབྲས་བུའོ། །གཉིས་པ་ནི། སྒྱུ་འཕྲུལ་དྲྭ་བར་མངོན་རྫོགས་པའི། །དཀྱིལ་འཁོར་བསྟན་པའི་ཏིང་ངེ་འཛིན། །བྲོ་གར་འདུ་འཕྲོའི་ཕྱག་རྒྱ་ཡིས། །འཛུལ་ལམ་ནམ་མཁར་འགྲོ་བར་འགྱུར། །གླུ་ཚིག་སྒྲ་ཡི་ཕྱག་རྒྱ་ཡིས། །ཆོས་ཀྱི་དངོས་གྲུབ་ཐོབ་པར་འགྱུར། །རྒྱན་དང་བགོ་བའི་ཕྱག་རྒྱ་ཡིས། །འབར་བའི་རྒྱལ་པོ་ཐུབ་མེད་འགྲུབ། །བཟའ་དང་བཏུང་བའི་ཕྱག་རྒྱ་ཡིས། །ཡིད་བཞིན་སྐུ་དང་བདུད་རྩི་འགྲུབ། །ཨ་ལི་ཀ་ལིའི་ཕྱག་རྒྱ་ཡིས། །ཐམས་ཅད་ཐམས་ཅད་འགྲུབ་པར་འགྱུར། །ཞེས་གསུངས་ཏེ་སྒྱ྄ུ༷་ཡུམ་སྟེ་ཆོས་ཀྱི་དབྱིངས་འཕྲ྄ུ༷ལ་ཡབ་སྟེ་མ་འགགས་པར་སྣང་བ་དྲྭ༷་བ༷་འབྲེལ་བ་སྟེ་ཐབས་ཤེས་རབ་དབྱེར་མེད་པ༷ར་རམ་ཟུང་དུ་འབྲེལ་པའོ། །མངོ༷ན་རྫོ༷གས་པ༷འི་ནི་ཏིང་ངེ་འཛིན་གསལ་བའི་རིག་པ་མངོན་དུ་རྫོགས་པའོ། །དེ་ལྟར་ལྷའི་དཀྱིལ༷་འཁོ༷ར་གསལ་བར་རྫོགས་པ་དང་ཤིན་ཏུ་བརྟན༷་པ་ཐོབ་པ༷འི་ཏིང་ངེ་འཛིན་དང་ལྡན་པའི་རྣལ་འབྱོར་གྱི་དབང་ཕྱུག་ཆེན་པོ་ཕོ་མོ་རྣམས་ཀྱིས་ཡན་ལག་ལྔ་ལ་ཚོམ་བུ་ལྔའི་དཀྱིལ་འཁོར་དུ་གསལ་བར་བསྒོམས་ལ་རྐང་པས་བྲོ༷་བརྡུང་བ་དང་ལག་པས་ག༷ར་བྱ་བ་དང་ཡིད་ཀྱིས་འདུ༷་འཕྲོ༷འི་ཕྱག༷་རྒྱ༷་སྟེ་ལྷ་རྣམས་ལ་བྱང་སེམས་ཕར་འཕྲོས་པས་ལྷའི་སྐུ་གསུང་ཐུགས་མཉེས་པ་དང་། སེམས་ཅན་གྱི་དོན་བྱས་ནས་ཚུར་འདུས་པས་བདག་གིས་དངོས་གྲུབ་ཐོབ་པ་སྟེ། དེ་ཡི༷ས་ཚེ་འདིར་ས་ལ་བྱི་བ་བཞིན་དུ་འཛུ༷ལ་ལ༷མ་ནམ༷་མཁ༷ར་བྱ་བཞིན་དུ་འཕུར་ནས་འགྲོ༷་བ༷ར་འགྱུར༷་བ་དང་ཆུ་ལ་མི་བྱིང་བའི་དངོས་གྲུབ་ཐོབ་པ་ནི་རྣམ་པར་སྣང་མཛད་ཀྱི་དངོས་གྲུབ་བོ། །རྣལ་འབྱོར་པ་ཕོ་མོ་རྣམས་ལྟ་བ་དང་ཏིང་ངེ་འཛིན་གསལ་བས་རྡོ་རྗེའི་གླ྄ུ༷་བླང་བ་དང་དོན་ལྡན་རྡོ་རྗེ་ཡི་ཚི༷ག་དང་སྒྲ༷་ཡི༷ས་བདེ་བར་གཤེགས་པ་མཉེས་པར་བྱེད་པ་ལས་མི་འདའ་བའི་ཕྱིར་ན་ཕྱག༷་རྒྱ༷་སྟེ་དེ་ཡི༷ས་ཆོ༷ས་ཉིད་ཀྱི༷་གསུང་དང་བསྟན་པ་ཐམས་ཅད་དུས་གཅིག་ཏུ་མཁྱེན་པའི་དངོ༷ས་གྲུ༷བ་ཐོ༷བ་པ༷ར་འ༷གྱུར་བ་ནི་སྣང་བ་མཐའ་ཡས་གསུང་གི་དངོས་གྲུབ་བོ། །རྣལ་འབྱོར་ཕོ་མོ་རྣམས་ལྷར་གསལ་བ་ལས་ལུས་ལ་རིན་པོ་ཆེའི་རྒྱན༷་སྣ་ཚོགས་གདགས་པ་དང་དར་དང་ཟ་འོག་ལ་སོགས་པའི་གོས་སྣ་ཚོགས་བགོ༷་བ༷འི་ཕྱག༷་རྒྱ༷་ཡི༷ས་སྐུ་གང་གིས་ཀྱང་ཟིལ་གྱིས་མི་ནོན་པས་ལུས་ལ་འོད་འབ༷ར་བ༷འི་ལྷ་དང་མིའི་རྒྱལ༷་པོ༷་རྣམས་ཀྱིས་ཀྱང་ཐུབ༷་པ་མེ༷ད་པ་འགྲུབ༷་པར་འགྱུར་བ་ནི་མི་བསྐྱོད་རྡོ་རྗེའི་དངོས་གྲུབ་བོ། །རྣལ་འབྱོར་པ་རྣམས་ལོངས་སྤྱོད་ཐམས་ཅད་བདུད་རྩིའམ་འདོད་ཡོན་གྱི་ལྷ་མོར་བྱིན་གྱིས་བརླབས་ནས་བཟ༷འ་བ་ད༷ང་བཏུང༷་བ༷འི་ཚོགས་ལ་ལོངས་སྤྱོད་ནས་ཕུལ་ཞིང་དངོས་གྲུབ་བླང་བའི་ཕྱག༷་རྒྱ༷་ཡི༷ས་ཡི༷ད་བཞི༷ན་གྱི་ནོར་བུ་རིན་པོ་ཆེ་དང་འདྲ་བའི་སྐུ༷་ད༷ང་ལོངས་སྤྱོད་ཐམས་ཅད་བདུད་རྩིར་འགྲུ༷བ་པར་འགྱུར་བ་ནི་རིན་ཆེན་འབྱུང་ལྡན་གྱི་དངོས་གྲུབ་བོ། །ཨ༷་ལི༷་སྦྱོར་བ་དང་ཀ༷་ལི༷་སྒྲོལ་བའི༷་མཆོད་པ་ཚུལ་བཞིན་དུ་ཕུལ་ལ་ཐབས་ཤེས་རབ་གཉིས་སྙོམས་འཇུག་གི་ཕྱག༷་རྒྱ༷་ཡི༷ས་ཐབས་ཤེས་རབ་གཉིས་སུ་མེད་པར་གནས་པ་དེ་ཡང་ཐུན་མོང་གི་དངོས་གྲུབ་ཐ༷མས་ཅ༷ད་དང་ཐུན་མོང་མ་ཡིན་པའི་དངོས་གྲུབ་ཐ༷མས་ཅ༷ད་ཚུལ་བཞིན་དུ་འགྲུ༷བ་པ༷ར་འ༷གྱུར་བ་དེ་ནི་དོན་ཡོད་གྲུབ་པའི་དངོས་གྲུབ་སྟེ་དེ་ཡན་ཆད་ཀྱིས་སྦྱོར་ལམ་བསྟན་ནོ། །གསུམ་པ་ནི། ཆོ་ག་སྔགས་དང་ཡོ་སྤྱད་རྣམས། །རྣལ་འབྱོར་ཚོགས་ཀྱི་དཀྱིལ་འཁོར་གྱིས། །ཞག་ནི་སུམ་ཅུ་ཕྲག་དྲུག་གམ། །བཅུ་གཉིས་བཅུ་བཞི་བཅུ་དྲུག་གིས། །དབང་བསྒྱུར་རིགས་ཀྱི་དམ་པ་འགྲུབ། །ཅེས་པས་བསྟན་ཏེ། དང་པོ་ཆོ༷་ག༷་ལྔ་རྫོགས་པར་སྒོམ་སྟེ། དེ་བཞིན་ཉིད་དང་། ཀུན་ཏུ་སྣང་དང་། རྒྱུ་དང་། སྐུར་བསྐྱེད་པ་དང་། ཡེ་ཤེས་པ་སྒྲུབ་པ་དང་ལྔ་རྫོགས་པར་བྱ་སྟེ་དེ་ནས་སྔ༷གས་ཀྱི་ཡན་ལག་ལྔ་ནི་ཡབ་ཡུམ་རྩ་བའི་ལྷ་ད༷ང་བཞི་པོ་སོ་སོར་སྒོམ་པ་ཐབས་ཀྱི་ལྷ་དང་། ཡེ་ཤེས་སེམས་དཔའ་ཤེས་རབ་ཀྱི་ལྷ་དང་། སྐུ་གསུང་ཐུགས་རྡོ་རྗེ་གསུམ་གྱི་ལྷ་དང་། དབུ་རྒྱན་བདག་པོའི་ལྷ་ལྔའོ། །ཡོ༷་སྤྱད༷་རྣམ༷ས་ནི་བྲོ་གར་འདུ་འཕྲོ་དང་། གླུ་ཚིག་སྒྲ་དང་། རྒྱན་དང་བགོ་བ་དང་། བཟའ་དང་བཏུང་བ་དང་། ཨ་ལི་ཀ་ལིའི་ཡོ་སྤྱད་དང་ལྔའོ། །དེ་ལ་དང་པོ་ཆོ་ག་ལྔས་སྐུ་གསལ་བར་བྱེད་དེ་ནས་སྔགས་ཀྱི་ཡན་ལག་ལྔས་ཉི་ཁྲི་ཆིག་སྟོང་ལ་རིག་པ་རྩལ་སྦྱང་དེ་ནས་ཡོ་སྤྱད་ལྔས་མཆོད་པ་འབུལ་ལོ། །དེ་ལྟར་རིག་པ་རྩལ་འབྱོངས་ནས་ཚོགས་དཔོན་བྱ་སྟེ་རྣལ༷་འབྱོར༷་པ་རྣམས་ལྷན་དུ་འཚོ༷གས་པ༷འི་དཀྱིལ༷་འཁོ༷ར་གྱིས༷་ཕུན་སུམ་ཚོགས་པ་ལྔས་སྒྲུབ་པའི་གཞི་བཟུང་། བསྙེན་སྒྲུབ་རྣམ་པ་བཞིས་ལམ་གྱི་གཞུང་བསྲང་། ཚོགས་ལྷག་གཉིས་ཀྱིས་མཆོད་པའི་འབྲེལ་བཅའ། ཐ་མ་འབྲས་བུ་ལ་སྦྱོར་བའོ། །དེ་ཡང་ཞ༷ག་ནི༷་སུམ༷་ཅུ༷་ཕྲ༷ག་དྲུ༷ག་ནི་ཟླ་བ་དྲུག་ཡིན་ཏེ་དབང་པོ་རབ་ཀྱིས་ཟླ་བ་དྲུག་ག༷མ་དབང་པོ་འབྲིང་གིས་ཟླ་བ་བཅུ༷་གཉིས༷་སམ་བཅུ༷་བཞི༷ན་འགྲུབ་དབང་པོ་ཐ་མས་ཀྱང་ཟླ་བ་བཅུ༷་དྲུ༷ག་གི༷ས་འགྲུབ་བོ། །གང་འགྲུབ་ན་ཆོས་ཐམས་ཅད་ལ་ཇི་ལྟར་འདོད་པ་བཞིན་དུ་དབ༷ང་བསྒྱུར༷་བའི་རི༷གས་ཀྱི༷་ད༷མ་པ༷་ཚེ་ལ་དབང་བའི་རིག་འཛིན་འགྲ྄ུ༵བ་པར་འགྱུར་ཏེ་ཚོགས་བསྒྲུབས་པའི་འབྲས་བུའོ། །བཞི་པ་ནི། དེ་ཚེ་བཅུ་དྲུག་ཚུན་ཆད་ཀྱིས། །སྐུ་ལྔ་ལྷུན་གྱིས་རྫོགས་པ་ནི། །ཡེ་ཤེས་ཐིག་ལེ་དེ་ཉིད་ལས། །ཡེ་ཤེས་ཐིག་ལེ་ཉིད་སྣང་བ། །བསམ་གྱིས་མི་ཁྱབ་མཐའ་ཡས་མཆོག །ཅེས་པ་སྟེ་ཚེ་ལ་དབང་བའི་རིག་འཛིན་ཐོབ་པ་དེ༷་ཁོ་ནའི་ཚེ༷་ན་ཕྱག་རྒྱ་ཆེན་པོའི་རིག་འཛིན་ཡང་དེའི་སྟེང་དུ་ཟླ་བ་བཅུ༷་དྲུ༷ག་ཚུན༷་ཆ༷ད་ཀྱིས༷་སྒྲུབ་ན་གྲུབ་པ་ཐོབ་པར་ངེས་ཏེ་དེ་ནས་ལྷུན་གྱིས་གྲུབ་པའི་རིག་འཛིན་ལ་སྦྱོར་བའོ། །དེ་ཡང་ཡང་དག་པར་རྫོགས་པའི་སངས་རྒྱས་སྐུ༷་ལྔ༷་ལྷུན༷་གྱིས༷་རྫོ༷གས་པ༷་ནི༷་རིག་འཛིན་ཉིད་ལས་སྒྲས་དཔགས་པ་ཙམ་དུ་འགྱུར་བའོ། །སྒྲིབ་པ་དག་པའི་ཡེ་ཤེས་མ་བཙལ་བར་ལྷུན་གྲུབ་སྐུ་གསུང་ཐུགས་ཡོན་ཏན་འཕྲིན་ལས་ཉི་ཤུ་རྩ་ལྔར་རྫོགས་པའོ། །དེ་ནི་མཐར་ཐུག་པའི་ལྷུན་གྱིས་རྫོགས་པའོ། །དེ་ཇི་ལྟར་ཐོབ་ན་ཡེ༷་ཤེ༷ས་ནི་ལྷུན་གྱིས་རྫོགས་པའི་རིག་འཛིན་ནོ། །ཐི༷ག་ལེ༷་ནི་སྐུ་གསུང་ཐུགས་ཡོན་ཏན་འཕྲིན་ལས་དབྱེར་མེད་པའོ། །དེ༷་ཉིད༷་ནི་རིག་འཛིན་ནོ་དེ་ལ༷ས་ཁྱད་པར་དུ་བྱས་པའོ། །ཡེ༷་ཤེས༷་ཐིག་ལེ་དེ་ཉིད་ནི་གཞི་དངོས་པོའི་གནས་ལུགས་སོ། །གནས་ལུགས་དེ་ནི་རྡོ་རྗེ་སེམས་དཔའོ། །ཐི༷ག་ལེ༷་ཉིད༷་སྣ༷ང་བ༷་ནི་རིག་པས་དོན་དེ་ཉིད་རྟོགས་པའོ། །དེ་རྣམས་གཞན་ནས་བྱུང་བ་མ་ཡིན་ཏེ་གཞི་རང་བྱུང་གི་ཡེ་ཤེས་སྤྲོས་པ་ཐམས་ཅད་དང་བྲལ་བ་དེ་ཉིད་ལས་ཡེ་ཤེས་ཀྱི་རོལ་པ་མ་འགགས་པར་སྣང་བའོ། །ཡེ་ཤེས་ཀྱི་ཆེ་བའི་ཡོན་ཏན་བས༷མ་གྱིས༷་མི༷་ཁྱབ༷་ཅིང་མཐ༷འ་ཡ༷ས་པ་མཆོ༷ག་སྟོབས་དང་མི་འཇིགས་པ་དང་མ་འདྲེས་གཟུང་དང་ཏིང་ངེ་འཛིན་དང་མཚན་དང་དཔེ་བྱད་ཐམས་ཅད་ལྷུན་གྱིས་གྲུབ་པའི་ཡི་གེ་འཁོར་ལོ་ཚོགས་ཆེན་གྱི་སར་མངོན་དུ་བྱས་པའོ། །ལྔ་པ་ནི། ཕྱོགས་བཅུ་དུས་བཞི་མངོན་རྫོགས་པའི། །ཞིང་ཁམས་གཞལ་ཡས་རྣམ་དག་དང་། །རྒྱ་དང་བྲལ་བའི་གཞལ་ཡས་ཁང་། །འཁོར་ལོའི་རྒྱན་དང་རོལ་མོའི་ཚོགས། །དཀྱིལ་འཁོར་མ་ལུས་ཐམས་ཅད་ཀུན། །མཐོང་ནས་ཉེ་བར་མཉེས་པ་དང་། །རྒྱ་ཆེན་གསུང་ལས་དོན་བྱུང་བ། །མཐུན་པའི་ཡེ་ཤེས་རང་སྣང་བའོ། །ཞེས་པ་སྟེ་ཕྱོག༷ས་བཅུ༷་དང་དུས༷་བཞི༷་ཡིས་བསྡུས་པའི་མངོན་པར་རྫོ༷གས་པ༷་སངས་རྒྱས་པ་ཡི༷་བདག་ཉིད་སྐུ་ལྔ་ལྷུན་གྱིས་གྲུབ་པ་དེའི་བཞུགས་གནས་ཁྱད་པར་ཅན་ནི་སངས་རྒྱས་ཀྱི་ཞི༷ང་ཁ༷མས་དང་གཞ༷ལ་ཡ༷ས་ཁང་རྣམ༷་པར་ད༷ག་པ་སྟེ་དེ་ཡང་ཞིང་ཁམས་ནི་ཕྱི་ཆོས་ཀྱི་དབྱིངས་སྤྲོས་པ་དང་བྲལ་བ་ནང་འོག་མིན་གྱི་གནས་ལྟ་བུར་སྣང་བ་གསང་བ་ཡུམ་གྱི་མཁའ་བདེ་སྟོང་གི་ཉམས་ཅན་ད༷ང་གཞལ་ཡས་ཁང་རྣམ་པར་དག་པ་རྒྱ་ཡོངས་སུ་མ་ཆད་པ་ནི་ཆེ་ཆུང་གི་ཚད་དང་རྒྱ༷་ད༷ང་བྲ༷ལ་བ༷འི་རང་བཞིན་ནོ། །གཞ༷ལ་ཡ༷ས་ཁ༷ང་དེ་ན་དབུས་སུ་འཁོ༷ར་ལོ༷འི་གདན་དང་གཞན་ཡང་རིན་པོ་ཆེའི་རྒྱན༷་མང་པོ་བསམ་གྱིས་མི་ཁྱབ་པ་ད༷ང་འདོད་པའི་ཡོན་ཏན་གྱི་ལྷ་མོ་གྲངས་མེད་པའི་རོ༷ལ་མོ༷འི་ཚོ༷གས་ཀྱིས་བརྒྱན་པའོ། །གནས་དེ་ནི་རང་བཞིན་ལྷུན་གྱིས་གྲུབ་པའི་དཀྱིལ༷་འཁོ༷ར་རྒྱུད་ཡོངས་སུ་དག་པའི་བདེ་བར་གཤེགས་པ་བཞུགས་པས་དཀྱིལ་འཁོར་མ༷་ལ྄ུ༷ས་པ་ཐ༷མས་ཅ༷ད་ཀུ༷ན་དེ་ན་གནས་པའོ། །འོག་མིན་གྱི་གནས་ཀྱི་དུས་གསུམ་གྱི་བདེ་བར་གཤེགས་པ་དེའི་ཞལ་མཐོ༷ང་ན༷ས་ཡིད་དགའ་བ་དང་བྲོད་པ་ཁྱད་པར་ཅན་སྐྱེ་བ་དང་མཆོད་པའི་སྤྲིན་བསམ་གྱིས་མི་ཁྱབ་པ་སྤྲོས་ནས་ཉེ༷་བ༷ར་མཉེས༷་པར་བྱེད་པ༷་ད༷ང་། སངས་རྒྱས་ཀྱི་གསུང་གཅིག་ལ་ཡན་ལག་བསམ་གྱིས་མི་ཁྱབ་པ་མངའ་བས་རྒྱ༷་ཆེ༷ན་པོའི་གསུང༷་ལ༷ས་ཆོས་ཀྱི་དོན་བྱུང་བས་སམ་བཅོམ་ལྡན་འདས་དཔལ་ཀུན་ཏུ་བཟང་པོའི་བྱིན་གྱིས་བརླབས་ལས་དོ༷ན་གྱི་གསུང་བྱུང༷་བ༷་ཡིས་སྒྲིབ་པ་ཤིན་ཏུ་ཆ་ཕྲ་བ་དེ་བཅོམ་ནས་གསུང་རང་བཞིན་གྱི་ཡེ་ཤེས་ཇི་ལྟ་བ་དང་མཐུ༷ན་པ༷འི་བཟོད་པ་ཐོབ་སྟེ་ཡེ༷་ཤེ༷ས་ར༷ང་སྣང༷་བར་འགྱུར་བ༷འོ༷། །དྲུག་པ་ནི། གཅིག་དང་དུ་མ་བྲལ་བ་ཡི། །མཐའ་དང་དབུས་མེད་དེ་བཞིན་ཉིད། །སངས་རྒྱས་ཉིད་ཀྱིས་མི་གཟིགས་ཏེ། །རང་བྱུང་ཡེ་ཤེས་གནས་མེད་སྣང་། །ཞེས་གསུངས་ཏེ་གོང་དུ་བསྟན་པ་ཉིད་རང་རིག་པར་གཅིག་པ་དང་། རང་ཉིད་གཅི༷ག་ད༷ང་དུ༷་མའི་མཐའ་ཐམས་ཅད་དང་བྲལ་ཞིང་གྲོལ་བའི་ཕྱིར་རང་རིག་པ་ཉིད་ཐམས་ཅད་དུ་མ་འགགས་པར་ཤར་བས་གཅིག་དང་དུ་མའི་མཐའ་མ༷་སྤངས་པར་བྲལ༷་བའོ། །དེ་ལྟར་མཐའ་མ་གྲུབ་པ་ཡི༷་ཕྱིར་ན་དབུས་ཀྱང་མ་གྲུབ་པའི་ཕྱིར་མཐ༷འ་ད༷ང་དབུས༷་མེ༷ད་དེ༷་བཞི༷ན་ཉིད༷་ཡིན་ནོ། །དེ་ནི་བདེ་བར་གཤེགས་པ་སང༷ས་རྒྱས༷་ཀྱི༷་ཡེ་ཤེས་ཀྱི་སྤྱན་གྱིས༷་ཀྱང༷་མི༷་གཟི༷གས་ཏེ༷་གཟིགས་རྒྱུ་མེད་པའོ། །འོ་ན་མེད་དོ་སྙམ་པ་ལ་རང་བྱུང་ཡེ་ཤེས་ཉིད་རྟེན་གནས་མེད་པར་སྣང་བའོ། །ཅེས་ཕྱིར་ན་དག་པ་ལ་བརྟེན། བདུན་པ་ཡོན་ཏན་དེ་གཞན་ནས་མ་བྱུང་བར་བསྟན་པ་ནི། ཕྱོགས་བཅུ་དུས་བཞིར་མངོན་རྫོགས་པའི། །བདེ་གཤེགས་ཡོན་ཏན་རྨད་པོ་ཆེ། །གཞན་ན་ཡོད་པ་མ་ཡིན་ཏེ། །ལྷ་སྲིན་ལ་སོགས་སྨོས་ཅི་དགོས། །ཞེས་པ་སྟེ་དེ་ལྟར་བསྟན་པའི་འབྲས་བུ་དེ་ནི་ཕྱོག༷ས་བཅུ༷་དང་དུ༷ས་བཞི༷ར་ཏེ་དུས་བཞིས་བསྡུས་པ་ཐམས་ཅད་དུ་མངོ༷ན་པར་རྫོ༷གས་པར་སངས་རྒྱས་པའོ། །སྐུ་ལྔ་ལྷུན་གྱིས་གྲུབ་པ༷འི་སངས་རྒྱས་སོ། །དེ་ནི་ལམ་བདེ༷་བར་གཤེ༷གས་པ་ཡོ༷ན་ཏན༷་གསང་བ་རྨ༷ད་པོ༷་ཆེ༷འམ་རྨད་དུ་བྱུང་བ་བདེ་བར་གཤེགས་པ་ཐམས་ཅད་གཅིག་ཏུ་བསྡུས་པའི་ངོ་བོ་སྐུ་གསུང་ཐུགས་ཡོན་ཏན་འཕྲིན་ལས་ཀྱི་བདག་པོའོ། །དེ་ལྟར་བསྟན་པའི་འབྲས་བུ་དེ་དག་ཀྱང་གཞ༷ན་ན༷་ཡོ༷ད་པ༷་སྙེད་པ་ལྟ་བུ་མ༷་ཡི༷ན་ཏེ༷་རང་རིག་པ་ཉིད་དེ་ལྟར་རང་ཤར་བ་ལས་མ་གཏོགས་པ་གཞན་ན་མེད་ཅེས་སོ། །དེ་ལྟ་བུའི་འབྲས་བུ་དེ་ཐོབ་བམ་མི་ཐོབ་བམ་བདེན་ནམ་མི་བདེན་ནམ་སྙམ་ན་དཔེར་ན་འཇིག་རྟེན་གྱི་ལྷ༷་སྲི༷ན་ལ༷་སོ༷གས་པ་བསྒྲུབ་པས་གྲུབ་རྟགས་ཕྱུང་ན་འདི་ལ་ཅི་སྨོས། འཇིག་རྟེན་ལྷ་ལ་ཡང་ཡོན་ཏན་ཡོད་ན་འདི་ལ་ལྟ་སྨོས༷་ཀྱང་ཅི་དགོ༷ས་ཞེས་པའོ། །གསུམ་པ་མཇུག་གི་དོན་ལ་བསྟན་བཅོས་བརྩམ་པའི་དགེ་བ་བསྔོ་བ་དང་། བསྟན་བཅོས་མཛད་པ་པོའི་བསྟན་པ་དང་། འགྱུར་བྱང་སྨོས་པའོ། །དང་པོ་ནི། རྒྱུད་ཀྱི་དོན་ལས་སྒྲུབ་པའི་ཐབས། །རིན་ཆེན་དྲྭ་བ་འདི་བསྡུས་པས། །བཅོམ་ལྡན་ཀུན་བཟང་སྐུ་གསུང་ཐུགས། །སེམས་ཅན་ཀུན་གྱིས་ཐོབ་པར་ཤོག །ཅེས་པ་སྟེ་གསང་བ་སྙིང་པོའི་རྒྱུད༷་ཀྱི༷་དོ༷ན་ལ༷ས་ཞི་བ་བསྒྲུབ༷་པ༷འི་ཐབ༷ས་འདི་བསྡུས༷་པས་སོ། །དེའི་མཚན་ནི་ཅི་ཞེ་ན་རི༷ན་ཆེ༷ན་དབང་གི་རྒྱལ་པོ་ལྟར་དགོས་འདོད་འབྱུང༷་དྲྭ་བ༷་ལྟར་ཐབས་ཤེས་སུ་འབྲེལ་བ་འད྄ི༷་རྒྱུད་ལས་ལོགས་སུ་བཀོལ་ནས་བསྡུས༷་པ༷ས་བཅོ༷མ་ལྡ༷ན་འདས་དཔལ་ཀུ༷ན་ཏུ་བཟ༷ང་པོའི་སྐུ༷་གསུང་ཐུག༷ས་ཀྱི་བཅུད་དངོས་གྲུབ་ཀྱི་བཅུད་དམ་པ་རྣམས་བདག་དང་མཐའ་ཡས་པའི་སེ༷མས་ཅ༷ན་ཀུ༷ན་གྱིས༷་ཐོ༷བ་པ༷ར་ཤོ༷ག །གཉིས་པ་ནི། ཞི་བ་རིན་ཆེན་དྲྭ་བ་ཞེས་བྱ་བ་སློབ་དཔོན་སངས་རྒྱས་གསང་བས་མཛད་པ་རྫོགས་སོ། །གསུམ་པ་ནི། རྒྱ་གར་གྱི་པཎྜི་ཏ་སངས་རྒྱས་གསང་བ་དང་བོད་ཀྱི་ལོ་ཙ་བ་བྲ་ཀ་མུ་དྲི་ཏ། ཝས་མནྟུ་ཤྲི་ཝར་མས་བསྒྱུར་ཅིང་ཞུས་ཏེ་གཏན་ལ་ཕབ་པའོ།། །།སླར་ཡང་སྨྲས་པ། ལེགས་བྱས་ཤར་རིའི་ཕྲག་པ་ནས་འཐོན་པའི། །བསིལ་ལྡན་འབུམ་ཕྲག་བརྒྱ་ཡི་ཟེར་གྱིས་ཀྱང་། །ཆ་ཙམ་བསྐྲུན་དུ་མེད་པའི་དགེ་ཚོགས་རྣམས། །གཅིག་ཏུ་བཟླུམ་སྟེ་བསྟན་པ་རྒྱས་ཕྱིར་བསྔོ། །ཞི་བ་རྡོ་རྗེ་དབྱིངས་ཀྱི་ལྷ་ཚོགས་རྣམས། །དཀྱིལ་འཁོར་གཅིག་སྒྲུབ་རིན་ཆེན་དྲྭ་བ་ཡི། །བསྟན་བཅོས་ཆེན་པོ་ཉི་ཟླ་གནས་ཀྱི་བར། །དར་ཞིང་རྒྱས་ལ་མི་ནུབ་ཡུན་གནས་ཤོག །འདི་ཉིད་འཆད་དང་འཛིན་སེམས་སྒོམ་པ་ལ། །བླ་མ་སྒྱུ་འཕྲུལ་དྲྭ་བའི་ལྷ་ཚོགས་ཀྱིས། །རྟག་ཏུ་དགོངས་ཤིང་བཀྲ་ཤིས་བྱིན་བརླབ་ཀྱི། །འོད་ཟེར་སྙིང་དབུས་པདྨོར་སིམ་གྱུར་ཅིག། །ཅེས་སློབ་དཔོན་ཆེན་པོ་སངས་རྒྱས་གསང་བས་མཛད་པའི་ཞི་བ་རིན་ཆེན་དྲྭ་བའི་བསྟན་བཅོས་ལ་དབུས་གྲུ་མཁས་པ་སྨོན་ལམ་སེངྒེའི་མཆན་ཏིག་རྩ་མཆན་སྡེབས་ཤིང་བསྡུས་དོན་དཀྱུས་སུ་བཀོད་དེ་འཇམ་དབྱངས་ཆོས་ཀྱི་བློ་གྲོས་པས་གསལ་བར་བྱས་པའི་ཡི་གེའི་མཐུན་འགྱུར་མགོ་ཚ་མཁན་སྡེ་སྣོད་འཛིན་པ་གཞན་ཕན་བཟང་པོས་བགྱིས་པ་འདིས་ཀྱང་གསང་བ་སྙིང་པོའི་བསྟན་པ་རིན་པོ་ཆེ་ཕྱོགས་བཅུར་འཕེལ་བའི་རྒྱུར་གྱུར་ཅིག། །། སརྦ་དཱ་མངྒ་ལཾ།། །།
[edit]

@#/__/sgyu 'phrul zhi ba rin chen drwa ba'i mchan 'grel mi bskyod rdo rje'i dgongs rgyan ces bya ba bzhugs so/__/ na mo gu ru badz+ra sa twa ye/__gnyis su mi phyed rdo rje'i thugs ni nam mkha'i dbyings ltar rab yangs shing /__/rgya mtsho lta bur zab pa'i gsung gis chos kyi sgra dbyangs rtag tu sgrogs/__/sgyu 'phrul bde chen rdo rje'i sku ni longs spyod yongs rdzogs 'khor lor shar/__/dpal ldan bla ma rigs kun khyab bdag rdo rje sems dpa'i zhabs la 'dud/__/lung bstan rdo rje ku ku rA dza dang /__/sgeg rdor sangs rgyas gsang ba bi ma la/__/gnyags lo so zur gnubs dang sgro phug sogs/__/sgyu 'phrul brgyud pa'i bla ma rnams la 'dud/__/kun bzang rdo rje 'chang gi sngags rgyud che'i/__/yang rtse gnyis med sgyu 'phrul drwa ba yi/__/bskyed rim rtsa ba zhi ba rin phreng gi__/mchan 'grel rig 'dzin grub pa'i gsung bzhin dbye/__/de la tan+t+ra chen po sde bco brgyad kyi rtsa ba'i spyi rgyud sgyu 'phrul drwa ba rdo rje sems dpa' gsang ba'i snying po'i dkyil 'khor gyi lha yi mngon par rtogs pa zhi khro gnyis las bde gshegs zhi ba'i lha sngags rgyas par bstan pa'i zhi ba rin chen drwa ba zhes pa 'di nyid gang zhig rdo rje theg pa'i bstan pa'i shing rta 'phags yul paN grub rgya mtsho'i gtsug rgyan slob dpon chen po sangs rgyas gsang bas mdzad pa 'di la gsum ste/__klad dang /__gzhung dang /__mjug go__/dang po klad la gsum ste/__mtshan dang /__phyag dang /__dam bca' ba'o/__/dang po ni/__zhi ba rin chen drwa ba zhes bya ba ste/__thugs chos nyid kyi ngang las dmigs pa med pa'i snying rje chen pos rtag tu zhi ba de yi ngang las rdo rje sems dpa' mi bskyod rgyal po la sogs pa longs spyod rdzogs pa chen po dang sprul pa'i skur snang ba de ni srid dang zhi bar nor bu rin po che ltar 'byung bar dkon pa sogs yon tan drug dang ldan zhing 'khor 'das kyi dpal yon thams cad de las 'byung ba dang /__de'ang phyogs dus res 'ga' ba ma yin par brtan g.yo kun la khyab cing 'brel bas drwa ba'am yang na thabs dang shes rab gnyis su med pa'i don gyis na drwa ba zhes gsungs la zhes bya ba ni mtshan de skad 'dogs pa dang /__de ltar mtshan bstan pa'i dgos pa ni dbang po rab kyis mtshan bstan pa tsam gyis dbu zhabs kyi don thams cad khong du chud pa dang /__'bring la mtshan gyi don bshad pas don gyi phyogs tsam khong du chud pa dang /__tha mas kyang sman la kha byang gdags pa ltar glegs bam btsal sla ba'i dgos pa yod do/__/gnyis pa mchod par brjod pa'i phyag la ni gsum ste/__dgos pa'i don/__bsdus pa'i don/__tshig gi don no/__/dang po dgos pa'i don la gsum ste/__man ngag rtsom pa la bar chad kyi bgegs zhi bar bya ba'i dgos pa dang /__ya rabs dam pa dang tshul bstun pa'i sgo nas dad pa'i rgyur 'gyur ba'i dgos pa dang /__yi dam gyi lha mi g.yel ba'i dgos pa yod pa'o/__/gnyis pa bsdus pa'i don ni bzhi ste/__yul gang la 'tshal/__gang zag gang gis 'tshal/__tshul lam thabs ji ltar 'tshal/__'tshal ba la don chen ci yod do/__/de la yul gang la zhe na/__dpal kun tu bzang po rgyal ba drug pa la'o/__/gang zag gang gis na sngon byung du slob dpon sangs rgyas gsang ba'o/__/rjes 'jug tu bshad pa po rnams kyis so/__/tshul lam thabs ni lus gus pa dang ngag snyan pa dang sems dad pa dang bcas nas btsal ba'o/__/btsal ba'i dgos ched ni don gyi phyag btsal bas rig pa nyid kun tu bzang por rtogs pa'o/__/tshig gi phyag btsal bas mchog dang thun mong gi rgyur 'gyur ba'i don no/__/gsum pa tshig gi don ni/__de bzhin gshegs pa kun gyi bdag__/ye shes rgya mtsho rab zab thugs/__/dkyil 'khor yid bzhin 'byung ba'i gter/__/rdo rje yid la phyag 'tshal te/__/zhes so/__/'di la gnyis te rgyud dang dkyil 'khor gyi bdag po ngos bzung ba dang /__de'i che ba la sku lnga lhun grub tu bstan pa'o/__/dang po rgyud dang dkyil 'khor gyi bdag po ngos bzung ba la gsum ste/__rang bzhin dang /__dgongs spyod dang /__ngo bo'o/__/de dag ni rim pa bzhin du tshig rkang snga ma gcig dang /__de nas rkang pa gnyis dang /__phyi ma ni tshig rkang bzhi pas ston la/__gnyis pa de'i che ba sku lnga ni tshig rkang dang pos chos sku dang /__ye shes rgya mtsho sogs kyis longs sku dang /__thugs kyis mngon par byang chub pa'i sku dang /__gter gyis mi 'gyur rdo rje'i sku dang /__dkyil 'khor gyis sprul pa'i sku ston pa'o/__/tshig don dngos ni/__deX ma nor bzhiXn ma bcos/__de'i ngang du gsheXgs paX ni gnyis te/__grol lam du gshegs pa dang /__thabs lam du gshegs pa'o/__/grol lam ni rang byung ye shes sku nyams su bstar ba'o/__/thabs lam du gshegs pa ni lhan cig skyes pa'i ye shes sku nyams su bstar ba'o/__/kunaX gyiX ni de bzhin gshegs pa thams cad phyir bsdus pa'o/__/bdaXg ni chos nyid ye nas ma bcos ma bslad pa'i don ji lta bar rang gis mngon sum du byas pa ni dpal kun tu bzang po phyogs bcu dus bzhi'i de bzhin gshegs pa thams cad kyi bdag nyid rgyal ba drug pa ste/__dngos su mnyam pa nyid kyi chos kyi sku'i rang bzhin du gnas pa'o/__/ye shes ni gnyis te/__grol lam rang byung gi ye shes chen po dang /__thabs lam lhan cig skyes pa'i ye shes so/__/de gnyis ji lta bar rtogs pas na yeX shesaX so/__/de'i dpe ni rgyaX mtshoX ste gting dpag par dka' bas zab pa'o/__/de dang kun bzang gi thugs 'dra bas na thugs so/__/de bas na de bzhin gshegs pa'i thugs rang byung gi ye shes ni rabaX tu zabaX pa'i phyir gdul byas dpag par dka' ba ni dpe rgya mtsho lta bu'o/__/de ni longs spyod rdzogs skur 'byung ngo /__/thugs yang dag pa'i ye shes de las ma g.yos par zhi ba dang khro bo'i dkyilaX 'khoraX thams cad ma lus ma btsal bar gdul bya yi snang ba la 'byung ba ni/__dper na yidaX bzhiXn gyi nor bu rin po che'i gteraX dang 'dra'o/__/de yang zad mi shes shing 'dod dgur 'byungaX baX ni sprul pa'i sku'o/__/chos nyid 'dus ma byas pa yin pas thams cad du snang ba ni ma btsal ba'i phyir na rdoX rjeX yid do/__/de yang rdo rje ni dpal rdo rje sems dpa' ste dal gyi gtso bo'o/__/yiXd ni kun tu bzang po ste rgyud kyi ston pa'o/__/laX ni gzhi ste de gnyis yul du byas pa'o/__/phyagaX ni don dang tshig tu btsal ba'o/__/steX ni lhag ma can gyi tshig ste/__rgyud kyi don bsdus snying po tsam zhig bshad par dam bca' ba dang 'brel ba yin no/__/gsum pa bshad par dam bca' ba la gsum ste/__dgos pa'i don dang /__bsdus pa'i don dang /__tshig gi don no/__/dgos pa'i don ni dam bcas pas gdul bya yal bar mi 'dor ba dang /__bstan chos rtsom pa mthar phyin pa'i dgos pa yod do/__/bsdus pa'i don ni gang gis bshad/__gang bshad/__tshul lam thabs ji ltar bshad/__bshad pa'i dgos pa ci yod pa'o/__/de yang gang gis bshad na sangs rgyas gsang bas bshad do/__/gang bshad na zhi ba rin chen drwa ba'o/__/tshul lam thabs ni phyag 'tshal nas bshad par dam bca' ba'o/__/dgos pa ni bde bar gshegs pa'i snying po ma rig par rang gi rnam rtog gis bcings pa'i sems can rnams rang byung gi ye shes chen po rgyud la bskyed pa'i dgos pa yod/__/tshig gi don ni/__e ma ho bde gshegs snying po las/__/rang gi rnam rtog las kyis bcings/__/rang byung ye shes bskyed pa'i phyir/__/rgyud kyi don bsdus snying po brtsam/__/zhes pa ste/__eX maX'oX ni ngom zhing ngo mtshar ba ste ngo gang la mtshar na sems can gyi sems nyid bdeX bar gsheXgs pa'i snyingaX poXr gnas pa de ma rtogs par gnas pa de la ngo mtshar ba'o/__/de bas na khams gsum na gnas pa'i sems can la snying po byang chub kyi sems rang la rang chas su yod kyang nges pa'i shes pa ma skyes pa'i phyir de laXs 'khrul pa ni ngo mtshar te/__snying po byang chub kyi sems ma rtogs pa nyid 'khor bar brgyud pa'i rgyur gyur ba'o zhes 'dis ni gzhi rig pa'i gnas thabs bstan la/__brgyud pa'i rgyur gyur pa de kho na raXng giX rnamaX rtogaX ste lhan gcig skyes pa'i ma rig pa zhes kyang bya'o/__/rgyu de la rkyen ni laXs dang nyon mongs pa gnyis kyiX dbang gisaX rang gi rgyud bcingaXs nas 'bras bu 'gro ba rigs drug gi rtog pas bcings te thar ba'i dus med do zhes lam rkyen gyis 'khrul pa bstan/__'gro drug nas thar dus med pa de lta bu la rangaX byungaX yeX shesaX kyi snang ba sngar ma skyes pa de skyed pa ste bskyedaX pa'iX phyiraX slob dpon sangs rgyas gsang bas rgyud gsang ba snying po'i don bsdus nas rtsom pa'o zhes 'bras bu'i ye shes bskyed thabs bstan la/__ji ltar rtsom na rgyudaX kyiX doXn zhes sbyar te rgyud ni dpal gsang ba'i snying po la de nyid kyi don ni bdun ste/__lta ba dang /__spyod pa dang /__dbang dang /__dam tshig dang /__'phrin las dang /__sgrub pa dang /__dal dang /__bdun gyi don man ngag 'dir bsdusaX pas na man ngag gi snyingaX poX lta bu'o/__/de bas na rgyud don gyi man ngag 'dir bsdus nas snying po brtsamaXs so zhes rang bzo spangs pa'i phyir bsdus pa'i rgyud kyi khungs bstan pa'o/__/gnyis pa gzhung gi don la gsum ste/__dang po sngon du bya ba'i las dang /__bar du ting nge 'dzin sgom pa dang /__tha mar tshogs sgrub pa'o/__/dang po sngon du bya ba'i las la drug ste/__sbyin pa'i snod dang /__snod ngan la byin pa'i skyon dang /__mnyam pa'i dam tshig bsrung ba dang /__dngos grub sems yin pas logs na med pa dang /__mnyam bzhag bsgoms pa las 'bras bu 'byung ba dpes bstan pa dang /__bsgom pa'i gnas bstan pa'o/__/dang po ni/__thos bsam bsgoms la rab sbyangs pa'i/__/shes rab mig ldan rnams kyis bzung /__/snod ldan ngang tshul bzang la bstan/__/lus dang longs spyod gtong la sbyin/__/zhes gsungs te gzhi rig pa'i gnas thabs bstan pa ni so so skye bo rig pa'i rtsal sbyong na shes rab rnam pa gsum ni sgra dang don yul du byas pa las skye ba yin te/__de yang sgra yul du byas pa las thosaX pa'i shes rab skye ba dang /__sgra don gnyis ka yul du byas pa las bsaXm pa'i shes rab skye ba dang /__sgra spangs nas don 'ba' zhig yul du byas pa las sgomaX pa'i shes rab skye'o/__/de'i dus su snod kyi skyon bzhi spangs te/__snod kha sbub dang /__gzhog ral dang /__zhabs rdol dang /__dug can no/__/de bas na dang po thos pa'i shes rab/__bar du bsam pa'i shes rab/__tha mar sgom pa'i shes rab ste thos bsam sgom gsum laX blo raXb tu sbyangaXs paX'i zhes pa'o/__/sngon du theg pa 'og ma la blo sbyang bar bstan pa ni de ltar shes rab gsum gyis thun mong gi theg pa la tshe snga ma'am sngon du blo sbyangs bas dus da lta shesaX raXb kyi migaX dang ldanaX pa'am blo mchog tu gyur pa de lta bu'i gang zag rnamaXs kyisaX 'di zungaX zhig__/de ma yin pa'i gzhan sbyangs pa sngon du ma song ba dang shes rab dang mi ldan pa rnams kyis 'di'i don mi rtogs pa'o/__/de bas na snodaX ldanaX ngangaX tshulaX bzaXng laX baXstan zhes bya'o/__/de rnams ni sbyangs pa'i yon tan no/__/sbyangs pa can gyi gang zag de nyid snod dang ldan par bstan pa ni/__de ltar snod dang ldan par gyur pa de ni ngang ring ba chu bo'i rgyun lta bu ste bzod pa khyad par can thob pa dang /__tshul zhi ba dge slong gsar pa lta bu ste tho co dang bab col gyi spyod pa spangs pa dang /__rang bzhin gyis bzang ba nyi ma lta bu ste sems can la snying rje chen po dang ldan pas phyogs su 'dzin pa thams cad spangs pa dang /__rigs brtan pas ri bo lta bu ste gsang ba'i theg pa'i sgor zhugs nas phyis theg pa dman pa la mi ldog pa de lta bu la chos bstan par bya'o/__/de rnams ni rang bzhin gyi yon tan yin no/__/spyir na bla ma mnyes pa'i yo byad gsum ste/__rab shes rab kyis mnyes pa dang /__'bring lus kyis mnyes pa dang /__tha ma longs spyod kyis mnyes pa'o/__/rab ni theg pa 'og ma pa la blo sbyangs pas shes rab kyi spyan dang ldan pa'o/__/'bring ni bla ma la lus srog 'bul ba'o/__/tha ma ni bla ma la nor 'bul ba'o/__/mdor na mched lcam dang slob dpon gyi don du rang gi lusaX dngaX longaXs spyodaX gtongaX nus pa ste/__de lta bu'i gang zag laX man ngag 'di sbyinaX no/__/des kyang bla ma mnyes pa'i yon 'bul lo/__/gnyis pa ni/__slob dpon mnyes par ma byas shing /__/dbang rnams thob par ma byas na/__/nyan pa la sogs brtson pa rnams/__/'bras bu med cing brlag par 'gyur/__/zhes gsungs te 'dir tshig rkang dang pos dbang sgo yon gyis 'byed pa dang /__gnyis pas chos sgo dbang gis 'byed pa dang /__gsum pas dbang rim par nod pa dang /__bzhi pas de rnams ma byas na skyon che bar bstan pa rnams rim pa bzhin du phyir slob dpon la drug ste spyi'i slob dpon dang /__'dren pa'i slob dpon dang /__dbang bskur ba'i slob dpon dang /__/nyams chags skong ba'i slob dpon dang /__/shes rgyud 'grol ba'i slob dpon dang /__man ngag lung gi slob dpon las 'dir rdo rje slob dpon de la rdo rje slobaX dpoXn gyi lus ngag yid gsum rdzas dang yo byad shes rab rnam pa gsum gyis mnyesaX paXr maX byasaX shiXng /__dbaXng rnamaXs ni dbang bco brgyad de phyi'i dbang bcu ni phan dbang dang /__nang dbang ni nus pa'i dbang lnga dang /__gsang ba'i dbang ni zab mo'i dbang gsum ste dbang bco brgyad po rim par thobaX paXr maX byasaX na dbang ma thob par gsang ba bla na med pa'i don la nyanaX paX dang 'chad pa dang 'phrin las dang bsgom bsgrub dang /__gzhan gyi slob dpon byed pa laX soXgs par brtsonaX paX rnams ni gsang sngags la ras chod dang gzu lum su 'gro bas dbang thob pa cis kyang rab tu gces par gdams pa'o/__/gzhan du dang por bla ma mnyes par ma byas/__bar du dbang ma mnos/__tha mar ras chod dang gzu lum su byas pas ni tshe 'dir byas pa rnams ni 'brasaX buX medaX cingaX phyi ma la byas pa chud zos te bka' bzhin du ma spyad pas 'bras bu ngan song du skye zhing brlagaX paXr 'gyuraX bas na bde gshegs snying po 'khor bar gnas par 'gyur ba'o/__/de bas na shin tu skyon che bar bstan pa'o/__/de ltar skyon che ba de bas na 'bras bu chos sku thob par 'dod na rkyen bsgom bsgrub la rags las/__de chos sgo la rags las chos sgo dbang gis 'byed dbang sgo yon gyis bslu bas na/__dang po slob dpon mnyes par bya de mnyes na dbang thob dbang thob nas nyan bshad mthar dbyung de mthar phyin pas 'bras bu mchog dang thun mong 'grub par 'gyur ro/__/des na/__slob dpon mnyes par rab byas nas/__/dbang rnams thob par gyur pa ni/__/nyan pa la sogs brtsams pa rnams/__/mchog dang thun mong 'bras bu 'grub/__/ces so/__/gsum pa ni/__mnyam la mnyam par sbyor ba yis/__/mnyam pa'i dam tshig la gnas bsngags/__/mnyam rdzogs chen po thob par 'gyur/__/'das na sangs rgyas ma yin no/__/zhes pas bstan/__mnyamaX pa'i don laX gsum ste don dam par ma skyes par mnyam pa dang kun rdzob sgyu mar mnyam pa dang don dam kun rdzob dbyer med du mnyam pa'o/__/dang po ni chos thams cad ye shes kyi rang bzhin te thog ma nas chos thams cad ma skyes par mnyam pa'o/__/gnyis pa ni kun rdzob tu phung po lnga rigs lngar mnyam/__'byung ba lnga yum lngar mnyam/__rnam par shes pa'i tshogs brgyad sems dpa' sems mar mnyam/__lus kyi reg bya bzhi sgo bar mnyam/__nyon mongs pa drug thub par mnyam pa'o/__/gsum pa ni kun rdzob don dam ngo bo gcig par mnyaXm paXr sbyoraX ba ste lta ba bden pa dbyer med/__rig pa spyod yul dang bral ba/__skor bdun ngo bo nyid kyi rgyur lhun gyis grub nas gnas so/__/de yis mnyam pa'i ngo bo bstan pa'o/__/de ltar chos thams cad mnyaXm pa nyid du rtogs pa'i rang bzhin las mi 'da' bar dus gsum du gnas na rang bzhin lta ba'i dmaX tshiXg ste 'bras bu de nyid mngon du byed par bsngaXgs so/__/de yang gsal bkra las/__dam tshig dam tshig ces bya ba/__/gud na yod pa ma yin te/__/rang gi lta ba dam tshig yin/__/zhes so/__/de'i mnyam pa'i dgos pa bstan no/__/don dam skye med du mnyam kun rdzob sgyu mar mnyam de gnyis dbyer med du mnyam par rdzogs pa de la ni chen po zhes bya ste/__de lta bu'i mnyamaX rdzogaXs chenaX poX'i lta ba la gnas na rten gyi gang zag gis tshe 'di nyid la mngon par rdzogs par sangs rgyas pa thoXb paXr 'gyuraX ro zhes mnyam pa'i yon tan bstan pa'o/__/de lta bu'i dam tshig las 'daXs naX yang dag par rdzogs pa'i sangaXs rgyasaX maX yinaX noX zhes bya ste chos thams cad mnyam pa chen por ma shes te theg pa 'og ma ltar don dam kun rdzob tha dad du mar 'dzin pa ni de las 'das pa'o/__/de bas na tha dad kyi gnyis 'dzin gyis sangs rgyas thob par mi 'gyur ro zhes mnyam pa ma rtogs pa'i skyon bstan pa'o/__/des na mnyam pa chen po'i lta bas thag chod par bya ba gal che'o/__/bzhi pa ni/__dus bzhi phyogs bcu gang nas kyang /__/rdzogs pa'i sangs rgyas rnyed mi 'gyur/__/sems nyid rtogs na sangs rgyas pas/__/sangs rgyas gzhan du ma tshol cig__/ces gsungs/__de la gnas gang nas btsal na dus dang phyogs kun nas te/__de yang dusaX bzhiX ni rgyu rkyen 'tshogs nas 'bras bu spyad zin pa ni 'das pa'i dus/__rgyu rkyen 'tshogs pa las 'bras bu ma spyad pa ni da lta ba/__rgyu tsam yod pa ni 'byung bar ma nges pa'i dus/__rgyu rkyen gang yang ma 'tshogs pa ni ma 'ongs pa'i dus so/__/phyogaXs bcuX ni gnas pa rang bzhin gyi phyogs bcu dang /__sgrub pa po dmigs pas bzung ba'i phyogs bcu'o/__/de ltar phyogs dang dus kyis bsdus pa gaXng naXs kyaXng ngo bo gang btsal na rdzogs pa'i sangs rgyas te de nyid gzhan nas btsal kyang yang dag par rdzogaXs paX'i sangaXs rgyasaX kyi 'bras bu zhig mi rnyed do/__/des na gang las btsal zhe na rang gi sems las btsal lo/__/btsal ba'i thabs ji ltar btsal na rang gi semaXs nyidaX rig pa byang chub kyi sems ni ye nas 'bras bu chos kyi sku'i ngo bo yin te de'i don rtogaXs pa mngon du gyur pa la 'bras bu thob ces gdags kyis de las gzhan du sangs rgyas ma tshol cig__/mnyam pa ma rtogs pa'i skyon ni rang rig pa de las ma gtogs pa med pa la rig pa de las sangaXs rgyasaX gzhaXn duX tshol na ni rgya mtsho'i ngos nas song ste smig rgyu'i chu la bsnyegs pa dang 'dra'o/__/de mi rnyed pa'i phyir na de las ma gtogs pa med pas maX tsholaX cigaX ces gdams so/__/lnga pa ni/__gang zhig glang chen myos 'dra'i sems/__/mnyam par bzhag pas btul nas su/__/sngags dang phyag rgya rab brtan na/__/dngos grub ya mtshan chen por 'gyur/__/zhes te/__dper na glang po che smyon pa 'dul ba'i dus na/__skyes bu gos dmar po gyon dbyangs snyan pa blangs nas lag pa g.yon du spos dud thogs g.yas su lcags kyu thogs nas glang brid de rtsar byung tsa na lcags kyus glang sna nas bzung nas 'bras chang blud pas glang myos pa la dmag mang po bzhon nas btul te/__de thul tsam na gzhan gyi dmag dpung 'joms pa'o/__/dpe de bzhin du rnal 'byor pa gaXng zhigaX gi 'khrul pa'i sems ni glangaX po cheX smyonaX pa dang 'dra ba de 'dul thabs ni/__sngags dang phyag rgyas mnyam par bzhag__/ces pa ltar bla ma dam pa'i gdams ngag lcags kyu dang 'dra bas bzung nas chos nyid rnam par mi rtog pa'i ngang la blo mnyamaX paXr bzhaXg pa dang /__gzung 'dzin gyi rnam par rtog pa de dag btulaX naXs suX sems dang ye shes kyi phyag rgyas thams cad du snang bar 'gyur ro/__/de yang rgyu ma nor ba rtsa ba'i sngagaXs kyis bskyed pa'i rgyu byed/__bskyed pa rkyen gyi sngags kyis gsal bar byed pa daXng /__bzlas pa las kyi sngags kyis brtan par byed pa'o/__/sngags de gsum gyis lha'i sku gsal ba de la ni phyagaX rgyaX chen po bzhi dang ldan pa zhes pa ste dam tshig gi phyag rgya dang /__las kyi dang /__chos kyi dang /__sku phyag rgya chen po raXb tu brtaXn naX thun mong gi dngoXs gruXb dang /__mchog gi dngos grub dang /__yaX mtshaXn chenaX poX la sogs pa'i yon tan thams cad thob paraX 'aXgyur ro/__/drug pa ni/__dgon pa chen po'i sa phyogs su/__/tsan dan nags dang me tog tshal/__/yid 'ong bkra shis nyams dga' ba'i/__/bdag dbang bar chad med pa'i gnas/__/zhes pas bstan/__spyir gnas la gsum ste phyi'i gnas dang /__nang gi gnas dang /__gsang ba'i gnas so/__/phyi'i gnas la gnyis te tshul shis pa'i gnas dang tshul dang mthun pa'i gnas so/__/tshul shis pa'i gnas ni gsum ste dang po bde bar gshegs pa'i zhabs kyis bcags shing byin gyis brlabs pa'i gnas rgya gar rdo rje gdan dang ri ma la ya dang 'phags pa shing kun la sogs pa lta bu'o/__/gnyis pa ni/__dang po grub pa thob pas bkra shis pa'i gnas ni li yul lcang ra smug po'am/__spa gro stag tshang ngam/__lho brag mkhar chu lta bu'o/__/de lta bu rnal 'byor pas grub pa thob pa'o/__/gsum pa ni rang yid du 'ong bas nyams dga' ba'i gnas so/__/tshul dang mthun pa'i gnas ni zhi ba'i dgon gnas dang /__rgyas pa'i 'phel gnas dang /__dbang gi 'du gnas dang /__drag po'i 'gyed gnas dang /__lhun grub kun 'byung gi gnas so/__/nang gi gnas ni rang gi rig pas ngo shes te nyams dga' ba'o/__/gsang ba'i gnas ni yum mtshan ldan no/__/de la 'dir bsgrub pa'i gnas kyi ring thung gi tshad ni dgoXn paX ste grong yul las dpag tshad dang rgyang grags kyis ring bar gyur pa ste/__de'i dgos pa ni bsam gtan gyi dgra mi 'byung ba'i phyir ro/__/de bas na cheXn poX ces so/__/dgon pa chen po ni yum la zer ba yang yod do/__/gzhan ma rang gi gnas skabs su ngos bzung ba'o/__/de ni phyi'i gnas gtso che ba'o/__/gnas der sa gzhi brtags pa ni gnam 'khor lo rtsibs brgyad 'dra ba sa gzhi pad+ma 'dab brgyad 'dra ba/__sa snum la bkrag chags pa'o/__/gnas der phyogs brtags pa ni shar 'jams pa/__lho gzhol ba/__nub mtho ba/__byang 'dud pa'o/__/de bas na saX phyogaXs suX ces pa'o/__/gnas kyi dbyibs bstan pa ni sa phyogs der sngon bkra shis pa'i gnas tsanaX daXn gyi naXgs tshal daXng /__mdun na meX togaX gi gling chags pa ste bkra shis pa'i yan lag go__/de rnams ni sngar smos pa ltar rnal 'byor bas yiXd du 'ongaX zhing bkraX shisaX pa 'phral nyamaXs dgaX' baX'i gnas te/__des gnas kyi rang bzhin bstan pa yin no/__/gnas de bdag gi dbang du byed pa'i phyir sa slang ba ni snang ba dang mi snang ba la rin stsal la bdaXg gi dbaXng du bya ba dang gnas der ha cang thag ring na rdzas kyi bar chad 'byung /__g.yel na dgra'i bar chad 'byung /__lha 'dre'i lam chod na bgegs kyi bar chad 'byung bas na bkra shis la yid du 'ong ba phyi nang gi baXr chaXd gang yang mi 'byung ba'i gnas btsal bar bya'o zhes gnas kyi skyon bsal bar bstan pa'o/__/gnyis pa bar du ting nge 'dzin sgom pa la gsum ste/__ting nge 'dzin gyi dkyil 'khor bskyed pa dang /__ye shes kyi dkyil 'khor spyan drang ba la sogs pa dang /__mjug gi las so/__/dang po ting nge 'dzin gyi dkyil 'khor la bzhi ste/__byang chub tu sems bskyed pa dang /__ting nge 'dzin gsum sgom pa dang /__dkyil 'khor dngos sgom pa dang /__bsgom pa'i che ba'o/__/dang po sems bskyed pa la gnyis te/__dam bca' ba dang /__sems ye shes lngar bskyed pa'o/__/dang po ni/__bdag dang mtha' yas sems can rnams/__/ye nas sangs rgyas yin mod kyang /__/rtog pa'i dbang gis 'khor ba las/__/byang chub mchog tu sems bskyed do/__/zhes so/__/spyir na sems bskyed pa la gnyis te/__kun rdzob byang chub mchog tu sems bskyed pa dang /__don dam byang chub mchog tu sems bskyed pa'o/__/kun rdzob byang chub mchog tu sems bskyed pa ni/__smon pa 'bras bur sems bskyed pa dang /__'jug pa rgyur sems bskyed pa'o/__/don dam byang chub mchog tu sems bskyed pa ni/__gnas pa byang chub kyi sems dang /__brtan pa byang chub kyi sems dang /__mthar phyin pa byang chub mchog tu sems bskyed pa'o/__/'dir ni kun rdzob gzhan las khyad par du byas pas na byang chub mchog tu bskyed/__don dam pa 'od gsal mngon du byas pas na ye shes lngar sems bskyed pa'o/__/'di lnga don dam kun rdzob dbyer med ston par 'dug pas 'doms so zhe na brtsam gzhi so so las brtsam bya tha dad par dang /__brjod bya so so la don so sor ston pa'i tshig yin no/__/de la 'dir gang gis sems bskyed na sgrub pa pos bdaXg rang daXng bsam gyis mi khyab cing mthaX' yaXs pa'i semaXs caXn 'gro ba drug gis bsdus pa thams cad rnams so/__/de rnamaXs yeX thog ma nyid nasaX sku lnga ye shes lngar sangaXs rgyasaX pa yinaX modaX kyangaX zhe'am yang na rang bzhin lhun gyis grub pa'i sangs rgyas gcig yin kyang de ltar ma rtogs pa'i dbang gis bud+d+ha yin kyang ngo ma shes pa'o/__/de la tshul ji ltar sems bskyed na de ltar ma rtogs pas bdag dang bdag gir rtogaX paX'i dbaXng giXs 'khoXr baX mtho dman du 'khor ba laXs da ltar nyid du sku lnga ye shes lngar sangs rgyas par sems bskyed pa ste/__dgos pa gang gi phyir sems bskyed na bdag kyang khams gsum las thar bar bya ba dang bdag nyid thar nas kyang sems can thar bar bya'o zhes byangaX chubaX mchoXg tuX ngo bo gang bskyed na sku lnga ye shes lngar sangs rgyas pa yin par rtogs par semaXs bskyedaX doX/__/gnyis pa la lnga las chos kyi sku dang stong pa nyid kyi ye shes su sems bskyed par bstan pa ni/__e ma'o ngo mtshar rmad kyi chos/__/rdzogs pa'i sangs rgyas kun gyi gsang /__/skye ba med las thams cad skyes/__/skyes pa nyid na skye ba med/__/ces pas bstan te/__eX maX'oX ni ngom pa ste de yang gang la ngom na chos thams cad sku lnga ye shes lnga'i rang bzhin du sangs rgyas pa yin pa la sems can rnams kyis de ltar ma rtogs pa la ngom zhing ngoX mtshaXr ba'o/__/rmadaX kyiX chosaX ni tshig ngo mtshar can las don rmad du byung ba'i don ston pa la bya'o/__/chos de gang gis gsungs na rgyu bsod nams dang 'bras bu ye shes kyi tshogs rdzogaXs paX'i sangaXs rgyasaX sku lnga ye shes lngar lhun gyis grub pa des gsungs la sangs rgyas nyid kyi thugs kyi brnag bya yang 'di yin pas na gsaXng ba'o/__/stong pa nyid kyi ye shes kyi rang bzhin ni chos thams cad kyi ngo bo stong zhing bdag med pa de la rgyu gang las skyeX baX medaX pa'o/__/de ltar don dam par rgyu laXs skye ba med pas kun rdzob tu chos thamaXs cadaX rgyu las skyesaX pa ltar snang la/__de ltar kun rdzob tu skyesaX paX ltar snang ba'i dus nyidaX naX don dam par ma skyes pa'i ngang las ma g.yos pa ni stong pa nyid kyi ye shes dang chos kyi skur sems bskyed pa'o/__/gnyis pa me long lta bu'i ye shes dang longs skur sems bskyed pa ni/__e ma'o ngo mtshar rmad kyi chos/__/rdzogs pa'i sangs rgyas kun gyi gsang /__/'gag pa med las thams cad 'gag__/'gag pa nyid na 'gag pa med/__/ces so/__/eX maX'oX ni ngom zhing ngoX mtshaXr ba ste ngo gang la mtshar na rang sems stong pa skye med du gtan la 'bebs pa'i de kho na la ngo mtshar/__de gang gi chos lung yin gsang ba rmaXd du byung ba ma hA yo ga'i choXs/__de gang gi gsung yin na rdzogaXs paX'i sangaXs rgyasaX dpal kunaX tu bzang po rgyal ba drug pa'i gsung blo dman dang theg pa 'og ma ba'i spyod yul du ma gyur pas na gsangaX ba'o/__/chos thams cad gsal la rtog pa med pa'am gsal la 'gaXg paX medaX pa yin pa de laXs ma g.yos bzhin du chos thamaXs caXd kyi skyon du gyur pa 'gaXg pa ltar snang ngo /__/de ltar kun rdzob tu 'gaXgs paX ltar snang ba'i dus nyidaX naX don dam par 'gaXgs paX ci yang medaX do/__/de ltar rtogs pa ni me long lta bu'i ye shes dang longs spyod rdzogs pa'i skur sems bskyed pa yin no/__/gsum pa mnyam pa nyid kyi ye shes dang mngon par byang chub pa'i skur sems bskyed pa ni/__e ma'o ngo mtshar rmad kyi chos/__/rdzogs pa'i sangs rgyas kun gyi gsang /__/gnas pa med las thams cad gnas/__/gnas pa nyid na gnas pa med/__/ces so/__/eX maX'o ni ngom zhing ngoX mtshaXr ba ste gang la ngo mtshar na rang sems mnyam pa nyid chen por ston pas ngo mtshar ba'o/__/de gang gi chos lugs yin na gsang ba rmaXd du byung ba sgyu 'phrul drwa ba'i chosaX/__de gang gi gsung yin na yang dag par rdzogaXs paX'i sangaXs rgyasaX kunaX gyi gsaXng ba'o/__/chos nyid don dam par gzung ba dang 'dzin pa med par gnaXs paX yin pa la kun rdzob tu chos thamaXs caXd gzung 'dzin gyis gnaXs pa ltar snang yang snang ba'o/__/de ltar kun rdzob tu gnaXs paX ltar snang ba'i dus nyidaX naX don dam par gnaXs paX meXd de de nyid mnyam pa nyid kyi ye shes dang ngo bo nyid kyi skur sems bskyed pa yin no/__/bzhi pa so sor rtog pa'i ye shes dang sprul skur sems bskyed pa ni/__e ma'o ngo mtshar rmad kyi chos/__/rdzogs pa'i sangs rgyas kun gyi gsang /__/dmigs pa med las thams cad dmigs/__/dmigs pa nyid na dmigs pa med/__/ces gsung ste/__e ma'o ngom zhing ngo mtshar ba ste de yang ngo gang la mtshar na rang sems ye shes su rtogs pa de la'o/__/de gang gi chos yin na ma hA yo ga'i 'o/__/de gang gi gsung yin na yang dag par rdzogs pa'i sangs rgyas kun tu bzang po'i gsung ngo /__/chos thams cad rang dang spyi'i mtshan nyid ma 'dres par mkhyen la rang dang spyi'i mtshan nyid don dam par dmigs pa med do/__/de las ma g.yos bzhin du chos thams cad kun rdzob tu dmigs par shar nas snang ba yin no/__/de ltar kun rdzob tu dmigs pa'i dus nyid na don dam par dmigs pa med pa las ma g.yos pa de ni so sor rtog pa'i ye shes dang sprul pa'i skur sems bskyed pa yin no/__/lnga pa bya ba grub pa'i ye shes dang rdo rje'i skur sems bskyed par bstan pa ni/__e ma'o ngo mtshar rmad kyi chos/__/rdzogs pa'i sangs rgyas kun gyi gsang /__/'gro 'ong med las 'gro dang 'ong /__/'gro 'ong nyid na 'gro 'ong med/__/ces pas bstan te/__eX maX'oX ni ngom zhing ngoX mtshaXr ba ste ngo gang la mtshar na rang sems ye shes su rtogs pa la'o/__/de ni gsang ba ma hA yo ga'i chos yin no/__/'khor 'das sems nyid du rdzogs pas na rdzogaXs paX'i lta ba ngan pa'i dri ma dang bral bas sangaXs la ye shes mtha' dbus med par rgyasaX pas na rgyas phyogs bcu dus bzhi'i sangs rgyas kun gyi bdag po yin pas na kunaX gyisaX rtogs par dka' bas na gsaXng ngo /__/bya ba grub pa'i ye shes kyis bdag dang gzhan gyi don thams cad grub cing mthar phyin par mdzad kyang don dam par bdag dang gzhan gyi don la sprul pa phar 'groX ba dang tshur 'ongaX ba medaX do/__/kun rdzob tu sprul pa phar 'groX ba dang tshur 'ongaX bar snang ngo /__/de ltar rtogs tsam nyidaX na don dam par 'groX 'ongaX medaX pa ni bya ba nan tan gyi ye shes dang rdo rje'i skur sems bskyed pa'o/__/gnyis pa ting nge 'dzin la bzhi ste/__ting nge 'dzin gyi dgos pa dpes bstan pa dang /__de bzhin nyid dang /__kun tu snang dang /__rgyu'i ting nge'o/__/dang po ni/__bsgrub pa'i gtsor ni ting 'dzin pas/__/ting 'dzin 'di yis byed par 'gyur/__/gser 'gyur sman dang mun sel bzhin/__/rtog pa'i dbang bsgyur ting 'dzin yin/__/de phyir ting 'dzin rim par bsgom/__/zhes gsung ste thun mong gi bsgrubaX pa dang thun mong ma yin paX'i bsgrub pa las gtsoX bor gaXng byedaX kyangaX ting nge 'dzin med na 'bras bu mi 'byung bas de'i phyir gtso bor tingaX nge 'dziXn kho na bsngags pa yin paXs so/__/de bas na mchog dang thun mong gi sgrub thabs thams cad tingaX 'dziXn 'diX yiXs byedaX paXr 'aXgyur ba yin pas na ting 'dzin 'di dang ldan pas thams cad 'grub par 'gyur ba yin no/__/dper na lcags la gseXr 'gyuraX gyi rtsi btang na lcags gser du 'gyur ba dang /__dug la smanaX ma ki ta btab na dug sman du 'gyur ba daXng muXn pa la sgron ma byung na mun pa selaX ba'i dpe de bzhiXn du chos nyid rnam par mi rtog pa de bzhin nyid kyi ting 'dzin bsgoms pas rtog pa thams cad chos nyid du 'gyur ye shes sgyu ma'i ting nge 'dzin thams cad du kun tu snang bar bsgoms pas phyogs gcig pa'i mun pa sel sku dang ye shes dbyer med phyag rgya rgyu ting du bsgoms pas phung po khams dang skye mched gnas 'gyur ba'o/__/de ltar ting 'dzin gtso ba'i phyir na de ting la sogs pa gong ma rnams gsal ba'i steng la 'og ma rim par sgom mo/__/de ltar mdor na tshig rkang lngas bsgrub pa'i gtso bo gang yin dang dbang ji ltar bsgyur ba dang dpe gang gis mtshon pa dang dgos pa ci yod pa dang gtan tshig gis gdab pa rnams go rim bzhin du ston pa'o/__/gnyis pa de bzhin nyid kyi ting 'dzin ni/__dngos rnams nyid na dngos med pas/__/rtog pa'i smra bsam yul las 'das/__/de bzhin nyid dbyings ye shes te/__/de phyir dngos po dngos med do/__/zhes gsungs/__dang po de bzhin nyid kyi ting nge 'dzin la drug ste sbyang bya ni shi ba rnam rtog med pas so/__/sbyong byed ni de bzhin nyid kyi ting nge 'dzin no/__/ngo bo ni stong pa chen po'o/__/rnam grangs ni ma nor ba'i de bzhin nyid/__ma bcos pa'i de bzhin nyid/__dngos po med pa'i de bzhin nyid/__gzhan ma yin pa'i de bzhin nyid do/__/sgom thabs ni stong pa nyid mtha' brgyad dang bral ba'o/__/'bras bu ni chos kyi sku thob pa'o/__/de yang phyi nang snod bcud kyi dngoXs po sna tshogs su snang ba 'di rnamaXs gzhan ma yin te rig pa byang chub kyi sems nyid rang snang ba'o/__/byang chub kyi sems nyid snang ba'i dus nyidaX naX rang gi ngo bo cir yang ma grub pas snang ba'i dngoXs por meXd paX'o/__/dper na mtshal dmar na khu ba yang dmar ba ltar dngos po'i rtogaX pa ma grub paX'i phyir na dngos 'dzin smraX bsaXm med de don sems nyid la rtog pa dang tha snyad thams cad rang bzhin gyis bral ba ni 'dzin pa'i yulaX laXs 'daXs pa'o/__/ma nor ba'i deX bzhiXn nyidaX dngos po med pas chos kyi dbyingaXs/__ma bcos pa yin pas yeX shesaX da thams cad du khyab par gnas pa yin pas na mtha' dang dbus med de chos kyi dbyings so/__/deX yi phyiXr na dngoXs poXr snang ba nyid dngoXs po meXd pa nyid doX/__/gsum pa kun snang gi ting nge 'dzin ni/__de bzhin nyid ni spros med kyang /__/rang bzhin kun tu snang ba'i phyir/__/sems can kun la snying brtse'i phyir/__/nam mkha' la ni nam mkha' bsgom/__/zhes so/__/kun snang gi ting nge 'dzin la drug las/__/sbyang bya ni bar do'i snang ba'o/__/sbyong byed ni kun du snang ngo /__/ngo bo ni ye shes sgyu ma'o/__/rnam grangs ni kun tu snang zhes bya/__ye shes sgyu ma zhes bya/__mtshams sbyor chen po'i ting nge 'dzin zhes bya ba'o/__/bsgom pa'i thabs ni ma hA yo ga chos nyid ye shes sgyu ma bsgom la/__a nu yo ga ba rang gi smin mtshams su 'od dmar smug tshon gang ba las 'od 'phros pas 'jig rten thams cad 'od kyis khengs par bsgom mo/__/'dir ni chos nyid ye shes sgyu mar bsgom pa'o/__/'bras bu ni longs spyod rdzogs pa'i sku 'thob pa'o/__/de la deX bzhiXn nyidaX ni sprosaX pa medaX pas thams cad la khyab pa yin kyangaX raXng bzhiXn kuXn tuX snangaX baX'i phyir chos kyi dbyingaXs so/__/de lta bu'i don ma rtogs pa'i semaXs canaX kuXn laX snyingaX brtseX ba chen po phyogs ris med par 'byung ba'iX phyiraX chos kyi dbyings naXm mkhaX' dang 'dra ba kun laX khyab pa la snying rje chen po yang niX naXm mkhaX' de ltar bsgoXm mo/__/bzhi pa rgyu'i ting nge 'dzin la bzhi ste/__dam bca' ba dang /__yi ge a la sems sbyangs ba dang /__ming tshogs gzhan la sems sbyang ba dang /__sems sbyangs pa'i yon tan no/__/dang po ni/__gzhi rtsa med pa'i sems nyid ni/__/chos rnams kun gyi rtsa ba yin/__/sems nyid yi ge'i rang bzhin te/__/yi ge mchog ni bsgom par bya/__/zhes so/__/rgyu'i ting nge 'dzin la drug ste sbyang bya ni mngal du 'jug pa'o/__/sbyong byed ni rgyu'i ting nge 'dzin no/__/ngo bo ni yi ge a'o/__/rnam grangs ni hUM dang a las 'dir a'o/__/bsgom thabs ni a dkar po rgyu skar ma yas pa la khar shar ba lta bu'o/__/'bras bu ni sprul pa'i sku 'thob pa'o/__/de la rgyu'i ting nge 'dzin gyi ngo bo gang yin na gnas pa'i gzhiX med/__brten pa'i rtsaX ba meXd paX'i ngo bo de la mtshon pa tsam du semaXs zhes bya ste nyid ni chos nyidaX do/__/chos nyid niX brten pa dang gnas pa'i tha snyad dang bral ba'o/__/des las ci byed na de nyid dngos po yod med gnyis kyis bsdus pa'i chosaX rnaXms thams cad kuXn gyiX rtsaX ba yiXn te rig pa byang chub kyi semaXs rten gzhi dang bral ba nyidaX do/__/rang bzhin ci yin na rig pa sems nyid rten gzhi dang bral ba nyid gnas kyi ye shes rang snang ba ni yiX ge'iX raXng bzhiXn a dkar po nyid doX/__/a'i sgra ni chos nyid skye ba med pa'i don bsgom mo/__/thabs ji ltar sgom na a'i dbyings las yi ge thams cad 'byung ba'i phyir na a ni yiX geX mchoXg ste de la dmigs pa rtse gcig tu brtan pa la niX bsgomaX paX zhes bya'oX/__/gnyis pa ni/__a rab tu brtan 'gyur a dkar las/__/shin tu phra ba'i a rnams 'phro/__/phyogs bcu gang bar gsal gyur nas/__/bsdus kyang 'phel 'grib med par brtan/__/rtsa ba'i yi ge a las spro bsdu bya bar bstan pa ni rgyu'i ting nge 'dzin a dkar po de rkyen dbang du mi 'gro bar brtan pa dang 'od spros te aX ni chos nyid kyi rang bzhin rig pa byang chub sems so/__/raXb tuX brta?Xn par gyuraX pa ni dmigs pa rtse gcig pas gsal bar gyur pa'o/__/gzhi'i aX dkaXr po de laXs shiXn tuX phraX baX'i aX mang po rnamaXs phar spros shing 'phroX ba'o/__/yan lag gi yi ge dbyangs dang gsal byed la spro bsdu bya bar bstan pa ni yi ge a phyogs bcur spros pas phyogaXs bcuX as gaXng baXr dmigs nas yi ge a gsaXl bar gyuXr naXs 'od spro bsdu bya'o/__/'od zer gyis dngos por snang ba thams cad sreg sbyangs nas chos thams cad don dam pa'i bden par byas tshur la 'dus pas a'i gzhi ma la thim mo/__/de ltar byas pas phar la spros kyang a chung du ma song tshur bsdusaX kyangaX cher ma song bas bsdus kyang 'pheXl 'griXb medaX paXr brtaXn pa'o/__/gsum pa ni/__de las ming tshogs gsal 'bar kun/__/spro zhing bsdu ba'ang de bzhin no/__/a deX laXs miXng gi yi ge'i tshoXgs ni/__ka kha ga g+ha nga la sogs dang a A i I la sogs pa de dag yid la gsaXl ba dang kha dog 'od zer 'baXr bar bsgom pa'o/__/de ni kunaX rdzob bden pa'i yi ge'o/__/de rnams las sproX zhingaX bsduX baX'ang sngar a las yi ge dbyibs dang 'od zer can du 'phros pas snod bcud sbyangs pas a chung du ma song bsdus pas kyang cher ma song ba deX bzhiXn bya ba yin noX/__/de yang chos nyid yin pas 'phel 'grib dang bral lo/__/bzhi pa ni/__'di ni rdo rje dngos grub kyi/__/brtan 'byung ye shes rgyu yin no/__/zhes gsungs te/__yi ge 'diX niX don skye ba med pa'i yi ge rtags ni yi ge a 'bras bu sku gsung thugs rdoX rjeX gsum gyi dngoXs gruXb thams cad 'byung ba'o/__/ting nge 'dzin brtanaX pa las byungaX ba ni sku dang yeX sheXs thams cad kyi 'byung ba'i rgyu'aXm bskyed pa'i rkyen yang yi ge yiXn noX/__/gsum pa dkyil 'khor dngos bsgom pa la gnyis te/__rten gzhal yas khang dang /__brten pa lha'o/__/rten gzhal yas khang la gnyis te/__'aXbyung baX dbaXng chen dang /__gzhal yas khang ngo /__/dang po ni/__de las rgyal ba'i bzhugs gnas rten/__/dbang chen dkyil 'khor rim bzhin bsgom/__/e/__yaM/__baM/__suM/__laM/__zhes so/__/'dir 'byung ba rim brtsegs la yang drug ste sbyang bya ni snod kyi 'jig rten no/__/sbyong byed ni 'byung ba rim brtsegs so/__/ngo bo ni 'byung ba lnga'o/__/rnam grangs ni 'dus byas kyi 'byung ba dang chos nyid kyi 'byung ba'o/__/bsgom thabs ni rgyu'i ting nge 'dzin gsal zhing brtan pa deX laXs rgyalaX baX'i tshogs rnams bzhuXgs pa'i gnaXs saXm rtenaX du gyur pa sgom pa ni 'byung ba lnga rang bzhin gyis sangs rgyas pas na dbaXng cheXn gyi dkyiXl 'khoXr ste de dag riXm pa bzhiXn bsgoXm pa'i tshul a las eX chad de yongs su gyur pa las e gru gsum chos kyi 'byung gnas phyi dkar la nang dmar ba yangs shing rgya che ba gcig bsgom/__de yang 'byung ba namaX mkha' yum kun tu bzang mo'i b+ha ga rnam par dag pas nang du na kun gzhi sbyong zhing nyon mongs pa gti mug dag__/ye shes lnga las chos kyi dbyings kyi ye shes so/__/yaX~M las rlung gi dkyilaX 'khor dbyibs zla gam mdog ljang gu 'byung ba rlung dang yum dam tshig sgrol ma nang du na phung po'i dbugs nyon mongs phrag dog bya ba grub pa'i ye shes rnams so/__/baXM las chu yi dkyil 'khor dbyibs zlum po mdog dkar po 'byung ba chu yum ma ma ki lus la sbyar na khrag nyon mongs nga rgyal mnyam pa nyid do/__/su~M las gser gyi sa gzhi dbyibs gru bzhi mdog ser po 'byung ba sa yum sangs rgyas spyan phung po ni sha nyon mongs zhe sdang me long lta bu'i ye shes so/__/laXM las rin po che'i ri rab dbyibs gru bzhi mkhar thabs mdog ye shes lnga ldan 'di yang yum sangs rgyas spyan 'byung ba sa phung po ni sha nyon mongs zhe sdang me long ye shes so/__/de'i steng du raXM las me'i dkyil 'khor dbyibs gru gsum kha mdog sna tshogs 'byung ba ni me yum gos dkar mo phung po'i drod nyon mongs 'dod chags ye shes ni so sor rtog pa'i ye shes dang sbyar ro/__/'bras bu ni 'byung lnga ye nas sangs rgyas pa'o/__/gnyis pa gzhal yas khang la gsum ste bskyed pa'i sngags dang /__gcig char ba'i dkyil 'khor dang /__rim pas bskyed pa'o/__/dang po ni/__b+h+ruM bi shwa bi shud d+he/__zhes te/__rin po che'i ri rab kyi steng du yi ge b+h+rU~M las rin po che sna tshogs las grub pa'i gzhal yas khang phyi nas bltas na nang gsal ba nang nas bltas na phyi gsal ba gang yang mi sgrib pa'i rang bzhin can no/__/gnyis pa ni/__ye shes phyogs kha bzhi dbus brtags te/__/dkyil 'khor bsam yas lhun grub ni/__/rdzogs chen rtogs ka pa'i rnal 'byor bas/__/kun 'byung dkyil 'khor ga chen por spyod/__/ces so/__/gang rtogs par bya na mtshon byed ni 'khor lo rtsibs bzhi dbus dang lnga'o/__/mtshon bya ni yeX shesaX lnga ste dbus chos kyi dbyings kyi ye shes/__shar me long /__lhor mnyam pa nyid/__nub so sor kun rtogabyang bya ba grub pa'i ye shes rnams la phyogaXs bzhiX dbusaX dang lngar brtagaXs pa steX de yang phyogs mthun pa dang grangs dang mthun pa dang don mthun pa dang rtags mthun pas so/__/de ji ltar rtogs par bya na dkyilaX rdo rje sems dpa' la 'khoXr bzhi bcu tham pas bskor ba ni gdul bya'i blo bsaXm yaXs kyang blo che ba la rang bzhin lhunaX grubaX tu gnas pa niX rang bzhin lhun gyis grub pa'i dkyil 'khor ro/__/de gang gis rtogs par bya na sgrub pa po rten gyi gang zag blo mchog tu gyur pa ste/__des chos thams cad ye nas lam dang gnyen pos ma bcos pa sku dang ye shes su sangs rgyas pa'i rang bzhin du rgyud kyi don rdzogaXs pa cheXn po'i don rtogaXs pa'iX rnalaX 'aXbyor paXs so/__/rtogs pa'i don ci zhe na bud+d+ha bzhi bcu rtsa gnyis dang po nas rang la lhun gyis grub pa'i phyir na rig pa las bud+d+ha kunaX 'byungaX ba rgya mtsho las gza' skar 'char ba bzhin du dus gcig la rdzogs par bsgom pa yin pas dkyilaX 'khoXr chenaX poraX spyodaX ces so/__/gsum pa rim gyis bskyed pa la gsum ste/__/dkyil 'khor gyi mtshan nyid dang /__rgyan dang /__gdan no/__/dang po ni/__'khor lo rtsibs bzhi mu khyud bcas/__/lhag pa'i ye shes glo 'bur can/__/gru chad bzhis brgyan bar khyams dang /__/kun tu gru bzhi sgo khyud ldan/__/zhes gsungs te/__spyir gzhal yas khang la gsum ste/__chos nyid rang bzhin gyi dkyil 'khor dang /__dmigs pa gzugs brnyan dang /__bsam pa ting nge 'dzin no/__/rang bzhin la gnyis te rang bzhin gyi dkyil 'khor dang /__rang bzhin 'bras bu mthar phyin pa'i dkyil 'khor ro/__/gzugs brnyan la gnyis te gzugs brnyan dang /__lhag pa'i gzugs brnyan no/__/ting nge 'dzin gyi dkyil 'khor la gnyis te ting nge 'dzin gyi dkyil 'khor dang /__lhag pa ting nge 'dzin gyi dkyil 'khor ro/__/de'i steng du byang chub sems kyi dkyil 'khor dang /__mchod pa tshogs kyi dkyil 'khor ro/__/de las 'dir rang bzhin gyi dkyil 'khor te gzhal yas khang ni dbus lte ba zlum po chos kyi dbyings te mthing ga'o/__/rtsibs bzhi ni ye shes bzhi ste gser gyi 'khoXr loX rtsibaXs bzhiX pa/__spros pa med pa'i muX khyudaX zlum po rdo rje'i rtsigs pa dang bcaXs pa'o/__/thams cad dbang du sdud pa'i rtsibs mchan dmar po phrin las bzhi dang ldan pas na gru chad ljang gu'o/__/ye shes re re la yang lhagaX paX'i yeX shesaX bsam gyis mi khyab pa'i rtags su gloX 'buXr bzhi ste shar na dung gi__/lho na gser gyi/__nub na zangs kyi/__byang na g.yu yi glo 'bur du snang ngo /__/de yang ye shes gzhan las khyad par du gyur te spang nas lhag pa'i rtags canaX no/__/phrin las bzhi'i gruX chaXd bzhiXs dbus kyi pho brang la brgyanaX pa'o/__/dbyer med pa'i don la mkhas pas bden par tshul gcig tu 'dus te don dam kun rdzob dbyer med pas na baXr khyamaXs phyogs mthun daXng /__rang rig pa nyid la sangs rgyas kyi che ba'i yon tan thams cad lhun gyis grub pa'i rtags su phyi'i dbyibs kuXn tuX gruX bzhiXr gyur pa'o/__/de yang stong pa nyid dang /__mtshan ma med pa dang /__smon pa med pa dang /__rang bzhin gyis 'od gsal ba'i phyir na sgoX khyudaX bzhi dang ldaXn pa theg pa rim pa brgyad yod pa'i gnas su gyur pas rta babs brgyad yod pa/__stong nyid mi shigs pa'i rtags su rdo rje'i rabs bskor ba/__gdug pa can 'joms pa'i rtags su me dpung 'bar bas 'khrigs pa can no/__/gnyis pa ni/__rol mo sna tshogs sprin phung bzhin/__/dkyil 'khor bzhi bcu gnyis kyis brgyan/__/zhes pa ste/__'di la sprul pa'i rgyan dang bdag po'i rgyan gnyis las/__dang po ni/__gzhal yas khang de la pan tsa ra ga'i rtsigs pa dang rin chen pha gu'i bar na 'dod yon snam bu dmar po la roXl moX la sogs pa'i mchod rdzas snaX tshogaXs thogs pa'i 'dod pa'i yon tan lnga'i lha mo sna tshogs pa'i gzugs can sprinaX phuXng bzhiXn du 'khrigs pa ste snang la rang bzhin med pa gsal la mi sgrib pa'o/__/gnyis pa bdag po'i rgyan ni/__gzhal yas khang gi bdag po ni dkyilaX 'khoXr gyi lha tshogs rgyal ba bzhiX bcuX rtsa gnyis so/__/'o na dkyil 'khor gyi rgyan du lha 'gro ba'i 'thad pa ci zhe na spyir rgyan la du ma yod kyang 'dir rang bzhin lhun gyis grub pa'i dbang du byas na gzhal yas khang dang lha la snga phyi med la/__'dir snga phyi byung ba ni gdul bya'i bsam pa la dgongs nas gdul bya blo chung bas dus skad cig la mi lcogs par rim pas smos pa yin te/__de bas na sngon la gzhal yas khang bskyed nas de nas lha phyi la bskyed pa la dgongs nas rgyan zer ro/__/lha bzhi bcu rtsa gnyis kyi cha byad can sprul pa bzhiX bcuX rtsa gnyisaX kyisaX brgyaXn zer ro/__/yang na gzhal yas khang gi rgyan du lha 'gyur te khang stong la bdag pos brgyan pa lta bu'o/__/gsum pa ni/__seng ge glang chen rta dang khyung /__/nam mkha' lding gi khri chen la/__/nyi zla pad+ma rin po che/__/zhes pas bstan/__'dir gdan la gsum las rtags kyi che bas kheng pa bcom pa'i gdan ni sems can brgyad brgyad mjug ma nang du bsnol nas gdan 'og na rna bas chos nyan pa ste byang chub sems dpa' shes bya'i sgrib pa sbyong bas lus gdan du phul ba'o/__/de yang dbus shes rab kyi pha rol tu phyin pas mi 'jigs pa bzhi thob pa'i rtags su sengaX geX yi gdan no/__/shar du bsam gtan gyi pha rol tu phyin pas mi 'gyur ba'i rtags su stobs bcu mnga' bas glaXng chenaX gyi gdan dkar po'o/__/lhor sbyin pa'i pha rol tu phyin pas rdzu 'phrul rkang pa bzhi mtshon pa'i rtags su rtaX mchog gi gdan sngon po daXng /__nub tu tshul khrims kyi pha rol tu phyin pa mtshon pa'i rtags su dbang bcu mtshon pa mdzes pa'i khyungaX rma bya'i gdan sna tshogs/__byang du brtson 'grus kyi pha rol tu phyin pa'i rtags su 'phrin las sna tshogs pa mtshon pa'i shang shang naXm mkhaX' ldingaX giX khriX chenaX nam gdan lus so so laX gshog pa g.yur snang ba'o/__/gnyis pa sa'i khyad par bsgrod pa'i gdan ni/__bcu gcig kun tu 'od dang bcu gnyis ma chags pad+ma can dang bcu gsum yi ge 'khor lo tshogs chen gyi sa non pas shes rab stong pa mtshon pa nyiX ma'i gdan dang /__thabs ma 'gags pa mtshon pa zlaX ba'i gdan dang /__skyon gyis ma gos pa mtshon pa gdan sna tshogs pa'i paXd+maX'o/__gsum pa chos kyi 'khor lo bskor ba'i gdan ni/__'og gzhi chos kyi 'khor lo rtsibs bzhi'am rinaX poX cheX 'bar ba'i khri rkang la dgos 'dod sna tshogs 'byung ba dang 'og gzhi 'khor lo la chos kyis 'gro ba 'dul bar bstan pa'o/__/de bas na rgyal ba rigs lnga la don dang rtags su ldan pa'i gdan lnga brtsegs so/__/kun bzang yab yum dang sems dpa' sems ma la nyi zla pad+ma'o/__/thub pa la pad rkyang ngo /__/sgo ba la rdo rje brag gi steng na nyi ma rkyang pa'o/__/gnyis pa rten pa lha sgom pa la gnyis te/__bdag sngon gyi sangs rgyas yin pa'i phyir bdag gi sras su de bzhin gshegs pa bya ba dang /__rigs mi nub cing lhun gyis grub par bya ba'i phyir de bzhin gshegs pa'i sras su bdag bya ba'o/__/dang po bdag sras la lnga ste/__gtso bo bskyed pa dang /__bdag sras kyi gtan tshigs dang /__gsang ba'i dkyil 'khor bskyed pa dang /__sngags kyis phyir gdon pa dang /__de dag rgyu rkyen 'tshogs pa las 'byung bar bstan pa'o/__/dang po ni/__a ni skye med de bzhin nyid/__/k+Sha ni thugs kyi ye shes shar/__/de las cho 'phrul gsum gyis bskyed/__/kun bzang mnyam bzhag ye shes 'phro/__/yum gyur mnyam rdzogs pad mo'i dkyil/__/phyag rgya chen po'i sku gnyis rdzogs/__/zhes pa ste/__bdag sngon gyi sangs rgyas yin pa'i phyir na bdag gi sras su de bzhin gshegs pa bya ba ni lnga ste/__sangs rgyas gang dang sbyar ba dang /__don gang dang mthun pa dang /__sgo gang nas 'jug pa dang /__don gang rtogs pa dang /__ye shes gang thob pa'o/__/de la sangs rgyas ni rang bzhin lhun gyis grub pa'i sangs rgyas dang sbyar/__de yang bdag rang bzhin lhun gyis grub pa'i sangs rgyas yin pas na rang bzhin gyi ltar bsgom pa'o/__/don gang dang mthun na ye yin pa dang don dang mthun pa'o/__/ye yin pa ni dper na 'jig rten srid pa'i mes po lha dbang phyug chen po yab yum yin pa ltar sangs rgyas thams cad kyi mes po dpal kun tu bzang po'o/__/sgo gang nas 'jug pa ni ma hA yo ga a ti yo ga dang sbyar nas 'jug pa'o/__/don gang rtogs pa ni rig pa ye nas sangs rgyas pa'i don de rtogs pa'o/__/ye shes gang rtogs pa ni rig pa rang gsal gyi ye shes thob pa'o/__/'o na bdag dpal kun tu bzang po yab yum gnyis po sngon gyi sangs rgyas yin na bud+d+ha bzhi bcu po de lha 'phral byung gi sangs rgyas yin nam zhe na/__de byas na glo bur ba yin pas don mi 'grub pas mi 'thad do/__/de ma yin na sngon gyi sangs rgyas zhes ci la gdags zhe na zhes dris pa na/__de'i lan du de ni 'di ltar shes par bya ste rang bzhin lhun gyis grub pa'i sangs rgyas ye ji bzhin pa'i kun tu bzang po ma shes na rig pa sangs rgyas su thag mi chod pas na de skad ces bya/__rtogs pa mngon gyur gyi sangs rgyas rgyud dag pa'i sangs rgyas med na rigs nub cing bde gshegs rgyun chad pa'i phyir na rigs mi nub cing lhun gyis grub par bya ba'i phyir bdag gi sras su de bzhin gshegs pa bya ba'o/__/don go dril na bud+d+ha bzhi bcu rtsa gnyis la snga phyi med kyang gdul bya'i blo dang mthun par bstan pa'o/__/de bas na bdag sangs rgyas nas gzhan don byed pas na bud+d+ha nyid la bud+d+ha nyid kyis don bskul ba'o/__/de ltar nges par byas nas 'di ltar rgyu'i ting nge 'dzin gyi aX de dbus kyi gdan stengs su babs pa ste a'i don niX chos nyid skyeX ba meXd pa yin la rtags kun tu bzang mo'i sa bon no/__/ngo bo deX bzhiXn nyidaX kun gzhi chos kyi dbyings kyi rang bzhin no/__/a de las k+ShaX g.yas su 'phros pa'i don niX thugasaX kyiX ye shes sam thugs rig pa'i yeX shesaX shaXr ba'o/__/rtags kun tu bzang po'i sa bon no/__/ngo bo yid rang byung gi ye shes bde bar gshegs pa'i thugs so/__/deX laXs choX 'phrulaX gsuXm gyisaX lhar bskyedaX pa'i tshul ni a dang k+Sha gnyis su gsal ba gsung yig 'bru'i cho ga'o/__/de 'phros 'dus pas rdo rje dang dril bu gnyis su gyur pa ni thugs phyag mtshan gyi cho ga'o/__/de 'phros 'dus pa las sku phra mor gyur pa ni sku yongs su rdzogs pa'i cho ga'o/__/de 'phros 'dus pa las sngags brjod pas kun bzang yab yum du bskyed pa'i tshul ni sku phra mo de la hUM hUM hUM badz+ra tsit+ta hUM zhes brjod pas kunaX tu bzaXng po zhabs gnyis dkyil krung mnyam bzhag tu bzhugs pa rgyan thams cad kyis brgyan pa sku mthing ka phyag gnyis mnyam bzhag gi phyag rgya can dgongs pa mnyamaX bzhaXg tu bzhugs pa'o/__/sor mo so sor gsal ba ni yeX sheXs 'phroX zhing gsal ba'i don yin no/__/a a a badz+ra b+ha dra sa ma ya s+t+waM zhes brjod pas yumaX kun tu bzang mor gyuraX ba ni zhal gcig phyag gnyis pa sku mthing ka yab la 'khril ba zhabs pad ma'i skyil krung du bzhugs pa yab dang sku mnyamaX paXr rdzogaXs pa zhabs paXd moX'i skyilaX krung du bzhugs pa ni nyes pa'i skyon dang bral ba'i don no/__/de ltar lha sku phyag rgyar bsgom pa 'di ni dkyil 'khor thams cad kyi spro gzhi dang khyab bdag yin pas phyagaX rgyaX cheXn poX'i skuX zhes pa kun bzang yab yum gnyisaX rdzogaXs par bsgom pa'o/__/gnyis pa ni/__bdag nyid sangs rgyas thams cad kyi/__/sku gsung thugs kyi rdo rje'i bdag__/phyogs dus dkyil 'khor bdag nyid che/__/kun bzang ye nas yin pa'i phyir/__/zhes gsungs te/__rnal 'byor ba bdaXg nyidaX dpal kun tu bzang por bskyed pa de yang 'phral la byas pa lta bu min te dus gsum gyi sangaXs rgyasaX thaXms cadaX kyiX skuX dang gsuXng dang thugaXs kyiX rdoX rjeX'i bdaXg po'am rang bzhin dang phyogaXs bcu dusaX bzhi'i dkyilaX 'khoXr thams cad kyi bdaXg nyidaX cheXn po dpal kunaX tu bzaXng po nyid yeX naXs yiXn paX'i phyiraX bdag gi sras su de bzhin gshegs pa bya'o/__/gsum pa ni/__thabs dang shes rab dgyes sprin las/__/byang chub sems tshogs rgyu 'khor lo/__/'bras bu rgyal ba smin grub byed/__/ngo mtshar ming tshogs bzhi bcu gnyis/__/a ka kha ga g+ha nga /__tsa tsha dza dz+ha nya/__Ta Tha Da D+ha Na/__ta tha da d+ha na/__pa pha ba b+ha ma/__ya ra la wa/__sha Sha sa ha k+Sha i I/__u U/__e A+e/__o A+au/__a nyid sna tshogs par snang ba'i/__/ka la sogs pa bzhi bcu gnyis/__/sgra yi ming gis thams cad bsdus/__/mngon rdzogs rgyal po de nyid nges/__/zhes gsungs te/__yab thabs kyi rang bzhin kun tu bzang po'i mkha' ni rdo rje rtse lnga pa mchu sbubs su oM gyis mtshan pa daXng /__yum sheXs raXb kun tu bzang mo'i mkha' ni pad+ma 'dab ma brgyad par bsgom pa'i lte ba la aM bsam/__de ltar yab yum gnyis su med par dgyesaX par rol pa'i byang chub sems sprinaX lta bu zag pa med pa'i thig le bde ba chen po laXs yab yum rol pa'i byangaX chubaX semaXs kyi tshogaXs su byung ba ni lha bskyed pa'i rgyuX 'khoXr loX ltar 'byung ngo /__/de lta bu'i yi ge rnams la bskyed pa rkyen gyi sngags brjod na yi ge'i 'braXs buX ni bud+d+ha rgyalaX baX bzhi bcu rtsa gnyis su sminaX cing grubaX par byedaX pa'o/__/rgyu yi ge de las 'bras bu sangs rgyas su grub pa ni ngoX mtshaXr to/__/mingaX tshoXgs ni yi ge'o/__/bzhiX bcuX rtsa gnyisaX ni grangs kyi rnam grangs so/__/de yang yi ge 'di rnams la spyi don gsum ste yi ge 'byung ba'i gnas dang /__yi ge'i ngo bo dang /__yi ge lha dang sbyor ba'o/__/yi ge 'byung ba'i gnas ni a khong nas 'byung /__ka sde mgrin pa nas 'byung /__tsa sde lce rtse dang so las 'byung /__Ta sde lce rtse dang rkan las 'byung /__ta sde lce las 'byung /__pa sde mchu las 'byung /__wa ya mchu las so/__/ra lce las so/__/la lce dang so las so/__/sha dang sa ni lce dang so las so/__/k+Sha lte ba nas so/__/i I spyi bo nas so/__/u mchu las so/__/e gre ba nas so/__/o A+o mchu las so/__/ngo bo ni sems kyi rang bzhin skye ba med pa las gdangs 'gags med du shar ba'o/__/lha dang ngo sbyar ba ni gsum ste/__phyi rtog tshogs bzhi bcu rtsa gnyis su ngo sprad pa dang /__nang rtsa gnas kyi thig le dang sbyar ba dang /__gsang ba yab yum gyi byang sems dang sbyar ba'o/__/de yang gzhi thig ler gnas pa las byang sems yi ger babs pa las lhar bskyed pa ni aX skye ba med pa'i don kun gzhi chos kyi dbyings yum kun tu bzang mo'i rgyu'o/__/kaX sa yi snying po/__khaX phyag na rdo rje/__gaX spyan ras gzigs/__g+haX nam mkha'i snying po/__ngaX gshin rje gshed/__tsaX la se ma/__tshaX nir ti ma/__dzaX gir ti ma/__dz+haX ma le ma/__nyaX stobs po che/__TaX rnam snang /__ThaX mi bskyod pa/__TaX rin 'byung /__b+haX snang mtha'/__NaX don grub/__taX sangs rgyas spyan/__thaX dbyings phyug ma/__daX ma ma kid+haX gos dkar mo/__naX dam tshig sgrol ma/__paX byams pa/__phaX sgrib sel/__baX kun bzang /__b+haX 'jam dpal/__maX rta mgrin/__yaX d+hu pe bdug spos ma/__raX puSh+pe me tog ma/__laX a lo ke mar me ma/__waX g+han d+he dri chab ma/__shaX lcags kyu ma/__ShaX zhags pa ma/__saX lcags sgrog ma/__haX dril bu ma/__k+ShaX yid kun tu bzang po/__iX lha'i thub pa/__IX lha ma yin gyi/__uX mi'i/__UX byol song gi__/eX yi dwags/__A+eX dmyal ba/__oX A+oX bdud rtsi 'khyil ba lus kyi reg bya bzhi reg par 'dus pa yi ge gnyis su byung ba'o/__/yi ge a ni sems la gnas pa'i kun gzhi don du na chos kyi dbyings kyi ye shes yi ge thams cad kyi 'byung gnas yin pas na aX nyidaX las yi ge snaX tshogaXs paX 'byung ba'o/__/gang 'byung zhe na gsal byed du snangaX ba'iX kaX laX sogaXs paX'i yi ge bzhiX bcuX rtsa gnyisaX su 'byung ba ni 'byung ba'i gnas gzhi'i yi ge a las 'byung ba'o/__/de yang sgraX yiX 'byung gnas yi ge yin la sgra las miXng 'byung /__ming las tshig 'byung tshig giXs don gsal zhing rtogs pas tshig las don byung nas des chos thamaXs caXd bsdusaX pa'o/__/rgyu'i yi ge bzhi bcu rtsa gnyis nyid 'bras bu mngoXn par rdzogaXs par sangs rgyas pa'i rgyal ba bzhi bcu rtsa gnyis su rdzogs par 'byung la rgyal ba de dag nyid kyang longs spyod rdzogs pa'i sku 'khor lo bsgyur ba'i rgyalaX poX ltar 'byung ba deX nyidaX ni sprul pa lta bu yin par ngesaX so/__/bzhi pa ni/__de la rkyen gyi sngags kyis bskul/__/kun tu bzang po yab yum gyi mkha' gsang nas gdan stengs su yi ge 'phros pa la deX laX hUM badz+ra d+h+rig la sogs pa'i bskyed pa rkyenaX gyiX sngaXgs kyisaX bskulaX bas lha so so'i sku yongs su rdzogs par bskyed do/__/lnga pa ni/__sgyu 'phrul dkyil 'khor bzhi bcu gnyis/__/drwa ba'i dkyil 'khor mngon rdzogs gsal/__/'dus ma byas nyid 'dus byas snang /__/rdo rje'i dkyil 'khor 'byin pa'i dam/__/dbang med rgyu rkyen 'tshogs pa'i mthu chen yin/__/zhes pas bstan te/__sgyu ni yig 'bru bzhi bcu rtsa gnyis la 'phrul pa ni de las dkyilaX 'khoXr gyi lha bzhiX bcuX rtsa gnyisaX su bsgom pa'o/__/phyi nang gsang ba de kho na nyid bzhi las 'di rnams gsang ba sgyu 'phrul drwa ba'am rnal 'byor sgyu 'phrul drwa ba ste chos nyid kyi gzugs brnyan yum gyi skur byung ba dang ye shes kyi gzugs brnyan yab kyi skur byung ba gnyis ye nas dbyings dang ye shes gnyis su med par 'brel ba'i phyir drwaX baX'i lhag pa ting nge 'dzin gyi dkyilaX 'khoXr na rig pa mngoXn sum du rdzogaXs par gsaXl ba'o/__/don dam par chos nyid 'dus maX byasaX pa'i ngang las ma g.yos kyang kun rdzob tsam du lha'i sku nyidaX 'dusaX byasaX ltar snangaX ba ni de kho na kun rdzob dang don dam par snang yang don gyi ngo bo la bden pa dbyer med pa'i phyir rdoX rjeX'i dkyilaX 'khoXr ram ting nge 'dzin gyi dkyil 'khor 'byinaX paX'i tshul las mi 'da' ba ni daXm tshig go__/de yang dper na rgyu sa bon la rkyen chu lud 'dzom na 'bras bu rang dbaXng medaX par 'byung ba ltar rgyuX zag med kyi byang chub sems yi ger snang ba dang rkyenaX bskyed pa'i sngags kyi nus pa 'tshoXgs na 'bras bu lha'i sku rang dbang med par 'byung ste gsang sngags gsang ba'i nus mthuX chenaX po yiXn no/__/de yan chad kyis bdag sngon gyi sangs rgyas yin pa'i phyir bdag gi sras su de bzhin gshegs pa bya ba'o/__/gnyis pa la 'ju 'dul bya ba dang /__dkyil 'khor bskyed pa'o/__/dang po la bzhi ste bskul bar dam bca' ba dang /__bskul ba dngos dang /__rtog pa sbyangs pa dang /__lha kun 'od du zhu ba'o/__/dang po ni/__de nas bcom ldan dgyes chen rigs/__/lhun gyis grub par bya ba'i phyir/__/rang snang dbyer med dkyil 'khor la/__/'jug pa'i mtshan nyid mnyam sbyor bas/__/rang gi ngang tshul de bzung nas/__/bskul tshig 'di yang rab tu brjod/__/ces gsungs te/__rigs mi nub cing lhun gyis grub par bya ba'i phyir de bzhin gshegs pa'i sras su bdag bya ba la lnga ste/__sangs rgyas gang dang sbyar ba/__don gang dang mthun pa/__sgo gang nas 'jug pa/__don gang thob cing rtogs pa/__ye shes gang rtogs pa'o/__/sangs rgyas gang dang sbyar na rtogs pa mngon gyur gyi sangs rgyas dang sbyar/__de yang rtogs pa mngon du gyur pa'i dkyil 'khor bskyed pa'o/__/don gang dang mthun na pha mas bu tsha bskyed pa dang 'dra'o/__/sgo gang nas 'jug na ma hA yo ga'i a nu yo ga nas 'jug go__/don gang rtogs na rang byung gi ye shes chen po rtogs pa'o/__/rang rig pa la rang gis rtogs pa mngon du gyur/__rgyud dag pa'i kun tu bzang por byas rig pa dang rtogs pa dbyer med/__de ci las byung na rang rig pa sangs rgyas yin pa la yin par shes nas de'i sras su bdag byed pa las 'byung ngo /__/de yang dkyil 'khor dang po bskyed pa deX nasaX bcoXm ldaXn 'das dgyesaX pa cheXn po dpal kun tu bzang po rigaXs kyi bdag po yab yum gnyis su med pa lhunaX gyisaX gruXb paXr yod kyang rang bzhin lhun grub de rtogs pa mngon du gyur par byaX baX'i phyiraX na rang bzhin lhun grub dang raXng snangaX rig pa'i dkyil 'khor gnyis dbyeraX medaX pa'i dkyilaX 'khoXr du bya laX de rtogs pas lhun grub tu bya ba'i phyir de bzhin gshegs pa'i sras su bdag bya ba'o/__/gzhi rang bzhin lhun gyis grub pa'i dkyil 'khor de rkyen 'juXg paX'i lam gyi mtshaXn nyidaX kyis nyams su blangs la gzhi de rang gi blo la ma mnyamaX paXr sbyoraX baXs sgom mo/__/dbus kyi gtso bo'i thugs ka nas raXng giX rnam par smin pa'i lus 'di 'dra ba'i ngaXng tshulaX deX bzuXng ba'i tshangs pa phru gu'i cha byad can gcig byung naXs so/__/de byung nas bar khyams nas dkyil 'khor gyi lha la bskor ba byas nas nub sgor 'dug ste brkyang phyagaX lan gsum 'tshal nas pus mo btsugs te dkyil 'khor gyi lha la bskulaX tshigaX 'diX yaXng raXb tuX brjoXd cing gsol ba lan gsum 'debs pa 'di skad do/__/gnyis pa ni/__oM ye shes rgyal po sku gsung thugs/__/yon tan phrin las rmad po che/__/da lta nyid du mnyam sbyor bas/__/phyag rgya chen por bdag sbyor cig__/ces so/__/de la ye shes lnga dang ldab pa'i yi ge oXM gyis mgo drangs nas rang byung yeX shesaX kyi ngo bo dpal kun tu bzang po ni thams cad du dbang bskur ba'i phyir na rgyalaX poX'o/__/sku'iX rigs rnam par snang mdzad dang gsuXng gi rigs snang ba mtha' yas thugaXs kyi rigs mi bskyod pa yonaX tanaX rin 'byung 'phriXn laXs don yod grub pa'o/__/de yang rgyal ba lnga so sor byung ba ni ma yin te rgyal ba gcig las yon tan sku gsung thugs 'phrin las re re dang ldan pas na rmaXd poX cheX zhes bya'o/__/de lta bu de bdag la daX ltaX nyidaX duX khyed dang dbyer med par mnyamaX par sbyoraX baXs na dus phyi ma la mi ltos par dus da lta nyid du sbyor ba'o/__/khyed kyi phyagaX rgyaX chenaX poraX bdaXg sbyoraX cigaX ces pa ste ji ltar na bdag rang bzhin lhun grub kyi sangs rgyas dang khyed rtogs pa mngon gyur gyi sangs rgyas gnyis dbyer med par gyur la bdag nyid kyang rtogs pa mngon gyur gyi sangs rgyas su sbyor cig pa'o/__/gsum pa ni/__thabs dang shes rab gnyis med pa'i/__/ye shes zer gyis lus rtog sbyangs/__/gser zhun lta bu'i sems dag las/__/gsum gyi byin brlabs 'od kyi 'bru/__/thugs kar thim nas sku yi dbyig__/rdo rje'i lam byung yum gyi mkha'/__/chos sku byang chub sems su gnas/__/zhes so/__/de ltar gsol ba btab pas dkyil 'khor gyi lha yab yum thabaXs daXng shesaX raXb gnyisaX su medaX paX'i sbyor ba tshad med pas sbyor mtshams nas byang chub kyi sems rno la myur ba grangs med pa byung ba'i yeX shesaX kyi zeraX gyisaX bdag gi luXs kyi rtogaX pa dang sdig pa thams cad bya sgro mes sregs pa bzhin du sbyangaXs nas dpe gseXr zhuXn maX ltaX bu'iX tshul du bdag gi semaXs daXg par gnas pa laXs/__de la lha rnams kyis gzigs te sems rten gyi gnas su gsang ba gsumaX gyiX byinaX brlaXbs 'odaX kyiX yig 'bru+iX oM AHhUM gsum 'phros pas 'od kyi rang bzhin lha'i sems de yi ge 'bru gsum du gyur to/__/yi ge yang 'phros 'dus pas hUM du thim/__des bar khyams nas bskor ba lan gsum byas nas gtso bo'i thugaXs kaXr thiXm naXs skuX'iX dbyigaX tu gyur sgal tshigs kyi rta brgyud rdoX rje'iX laXm du byungaX nas yumaX gyiX mkhaX' la babs pa dang hUM gi 'od kyis yum yang 'od du zhu snang la rang bzhin med pa'i sku gsal la rtog pa med pa'i thugs chosaX skuX byangaX chubaX semaXs suX gnaXs so/__/bzhi pa ni/__lha rnams so so'i snying po'i sgra/__/bzhi bcu rtsa gnyis sgra byung bas/__/byang chub sems su gcig par thim/__/zhes te/__dkyil 'khor gyi lhaX gzhan rnaXms kyang rang rang soX soX'i snyingaX poX'i sgraX'am yi ge bzhiX bcuX rtsaX gnyisaX kyi sgraX tsam byungaX baXs sngags kyi sgras bskul nas gnas pa de dbus kyi gtso bo'i 'od phung byang chub sems su gnas pa la gcig par thim mo/__/gnyis pa dkyil 'khor bskyed pa la bzhi ste/__gtso bo bskyed pa dang /__'khor bskyed pa dang /__lha'i tshul bstan pa dang /__nus pa dang ldan par bya ba'o/__/dang po gtso bo bskyed pa la bzhi ste yab yum bskyed pa dang /__dbang dang byin brlabs bya ba dang /__mkha' gsang byin gyis brlabs te brdas bskul ba dang /__byang sems spros te chags mchod bya ba'o/__/dang po ni/__de nas snying po dran tsam gyis/__/a k+Sha gsung gi phyag rgya gnyis/__/cho ga gsum gyi sbyor ba yis/__/phyag rgya chen po'i sku gnyis rdzogs/__/zhes pa ste/__lha thams cad 'od du zhu nas 'od kyi gong bu gcig tu gnas pa deX naXs a dang k+Sha gnyis kyi snyingaX poX draXn tsamaX gyisaX 'od kyi gong bu de aX k+ShaX gsuXng giX yi ge gnyis su gyur te/__/de las sku bskyed pa'i rang bzhin las mi 'da' bas na phyagaX rgyaX gnyisaX zhes bya'o/__/'od kyi gong bu a k+Sha gnyis su gyur pa ni gsung yig 'bru'i cho ga'o/__/de 'phros 'dus pa las rdo rje dang dril bur gyur pa ni thugs phyag mtshan gyi cho ga'o/__/de 'phros 'dus pa las sku phra mor gyur pa ste de ltar choX gaX gsuXm gyiX sbyoraX baX yisaX sku phra mo 'phros 'dus pa las sngags brjod pas phyagaX rgyaX chenaX poX'i skuX dpal kun tu bzang po yab yum gnyisaX yongs rdzogaXs su gyur par sgom pa ni sku mdog mthing ka zhal gcig phyag gnyis pa zhabs rdo rje'i skyil krung phyag mnyam bzhag tu gnas pa rgyan thams cad kyis brgyan par bsgom mo/__/gnyis pa ni/__'bru gsum 'bru lnga'i byin brlabs dbang /__/zhes pa ste/__byin gyis brlabs pa ni lha rnams kyi spyi bo dang mgrin pa dang snying gar nyi ma dang zla ba dang pad+ma'i gdan bsam la de'i steng du spyi bor oM mgrin par AHthugs kar hUM ste 'bruX gsuXm bsam de las 'od 'phros 'dus pa las rnam snang snang mtha' rdo rje sems dpar bskyed la sngags kyis nga rgyal bya'o/__/dbang bskur ba ni kun tu bzang po'i dbu'i gnas lngar rin po che'i khang bu lnga'i nang du yi ge 'bruX lngaX bkod pa'iX byinaX brlaXbs 'od zer gyi rnam pas 'og min nas rigs lnga spyan drangs te/__mdun gyi nam mkha' la bzhugs pa de'i thabs dang shes rab gnyis su med pa de byang chub sems dbu'i yi ge lnga la thim pa dang don ye shes lngar dbaXng bskur te ma hA shU n+ya ta la sogs pa'i sngags kyis nga rgyal bya'o/__/de nas nam mkha'i rigs lnga dbu'i khang bu lnga'i nang du spyan drangs la dbu rgyan du bzhugs su gsol lo/__/gsum pa ni/__hUM las rdo rje rtse lnga oM/__/paM las pad+ma 'dab brgyad aM/__/rjesaX su chags pas de bzhin bskul/__/zhes pas bstan/__yabaX kyi gsang ba hUXM lasaX rdeX rjeX rtseX lngaX pa chu sbugs su yi ge oXM gyis mtshan par bskyed do/__/yang na rtsa bar oM rked par hUM rtse mor phaT bsam par bya'o/__/yum gyi mkha' paXM laXs paXd+maX 'daXb brgyadaX du gyur pa'i dbus su nyi ma'i dkyil 'khor de'i steng du aXM bsam par bya'o/__/yum gyis yab la bskul ba de bzhin gshegs pa thams cad kyis rjesaX suX chaXgs paX'i bdag nyid ma'am yul nga nyid yin zhes bskul baXs yab kyis yum la lan byin pa ni deX bzhiXn gshegs pa thams cad kyi mchod pa chen po'i rdo rje'i rang bzhin nga'am bdag nyid yin zhes lan du bskulaX ba'o/__/bzhi pa ni/__oM sarba ta tha ga ta ma hA a nu ra ga badz+ra swa b+ha wa at+ma ko\u0f85 haM/__oM sarba ta thA ga ta ma hA pu tsa badz+ra swa b+ha wa at+ma ko\u0f85 haM/__ste de la oXM ni sngags kyi mgo 'dren pa saXrbaX thams cad taX thAX gaX taX de bzhin gshegs pa maX hAX chen po aX nuX raX gaX rjes su chags pa baXdz+raX rdo rje swaX b+haX baX ngo bo nyid aXd+maX koX\u0f85 haXM bdag nyid nga'o/__/oXM saXrbaX thams cad taX thaX gaX taX de bzhin gshegs pa maX hAX chen po pUX tsaX mchod pa baXdz+raX rdo rje swaX b+haX baX ngo bo nyid aXt+maX koX\u0f85 haXM bdag nyid nga'o/__/gnyis pa 'khor bskyed pa la gnyis te yum gyi mkhar byang chub sems las lhar bskyed pa dang /__sngags kyis phyir gdon pa'o/__/dang po ni/__yum gyi pad mo'i dkyil 'khor du/__/bde ba thugs kyi dkyil 'khor spro/__/gzhal yas thig gdab snying po bkod/__/de las spro dang bsdu ba yis/__/thugs kyi phyag rgya bzhi bcu gnyis/__/de las phra mo'i sku 'phros 'dus/__/zhes pas bstan te yuXm gyiX zhes kun tu bzang mo'i mkha' paXd maX 'dab ma brgyad pa'iX dkyilaX 'khoXr duX b+ha ga bde stong gi nyams dang ldan pa de yab kun tu bzang po'i lhag pa byang chub kyi sems bdeX baX thugaXs kyiX rang bzhin nam thugs yang dag pa'i bde ba de yab kyis yum la dkyilaX 'khoXr gyi lha'i rgyur sproX ba'o/__/de yang yum gyi mkhar byang chub sems dang po spros pas gzhaXl yaXs khang gi dal du gyur gnyis pa spros pas thiXg gdaXb/__gsum pa spros pas dal yongs su rdzogs/__bzhi pa spros pas gdan gsal/__lnga pas snyingaX poX gsung yig 'bru bzhi bcu rtsa gnyis su gsal zhing bkoXd pa'o/__/deX laXs 'od zer sproX ba daXng bsdu baX yisaX thugaXs kyiX phyaXg rgya'aXm phyag mtshan bzhiX bcuX rtsa gnyisaX su gyur pa'o/__/deX laXs yang phar 'phros tshur 'dus pa las phraX moX'i sku'aXm sku phra mo bzhi bcu rtsa gnyis su gyur pa'o/__/gnyis pa ni/__so so'i sngags kyis bskyed cing gdon/__/sogs nas oM mu ne ye swA hA zhes pa'i bar gyis bstan pa ste/__de nas yum gyi mkha'i nang na gnas pa'i sku phra mo deX rnams las 'phroXs 'du?~Xs pa dang so so'i sngags brjod pa'i rkyen nyid kyis lha yongs rdzogs su bskyed cing phyir la gdon par bya'o/__/de yang gtso bo yab yum gyi sngags hU~M baXdz+raX d+h+rigaX ces brjod pas dbus su bcom ldan 'das rdo rje sems dpa' zhal gsum phyag drug pa g.yas dkar g.yon dmar dbus mthing ka'i zhal/__rdo rje 'khor lo rin chen g.yas dang dril bu pad+ma ral gri g.yon na bsnams pa rgyan thams cad kyis brgyan pa zhabs rdzogs pa'i skyil krung du bzhugs pa'o/__/de bzhin du oXM dziX naX dziXka ces brjod pas shar du rnam par snang mdzad zhal gsum phyag drug g.yas dmar g.yon sngo dbus dkar zhal 'khor lo rin chen rdo rje g.yas/__dril bu pad+ma ral gri g.yon zhabs rdzogs pa'i skyil krung du bzhugs pa'o/__/swaX raXn+taX d+h+riXgaX zhes pas lhoraX rin chen 'byung ldan zhal gsum phyag drug pa g.yas sngo g.yon dmar dbus ser zhal/__rin chen 'khor lo rdo rje g.yas dril bu pad+ma ral gri g.yon na bsnams pa'o/__/aX aX roX liXka zhes pas nub tu snang ba mtha' yas zhal gsum phyag drug pa g.yas sngo g.yon dkar dbus dmar zhal/__pad+ma 'khor lo rdo rje g.yas dang dril bu rin chen ral gri g.yon na bsnams pa'o/__/haX praXd nyaX d+h+rigaX zhes pas byang du don yod grub pa zhal gsum phyag drug pa g.yas dkar g.yon dmar dbus ljang zhal/__ral gri 'khor lo rdo rje g.yas dang dril bu pad+ma rin chen g.yon na bsnams pa'o/__/mUXM d+haX duX shwaX riX zhes pas dbus su dbyings phyug ma mthing ka g.yas yab la 'khyud pa g.yon dril bu bsnams pa'o/__/laXM teX shaX raX tiX zhes pas shar du sangs rgyas spyanaX dkar mo g.yas yab la 'khyud pa g.yon pa dril bu bsnams pa'o/__/maXM moX haX raX tiX zhes pas lhor ma ma ki ser mo g.yas pa yab la 'khyud pa g.yon pa dril bu bsnams pa'o/__/pyaXM raX gaX raX tiX zhes pas nub tu gos dkar mo dmar mo g.yas yab la 'khyud pa g.yon dril bu bsnams pa'o/__/taXM baXdz+raX raX tiX zhes pas byang du dam tshig sgrol ma ljang gu g.yas pa yab la 'khyud pa g.yon pa dril bu bsnams pa'o/__/nang gi sems dpa' bzhi ni k+ShiX hiX raX tsaX yaX zhes pas shar lho'i rtsibs mchan la sa'i snying po dkar po g.yas rin chen myu gu g.yon dril bu bsnams pa'o/__/traX~M aX kaXr+b+haX yaX lho nub kyi rtsibs mchan la nam mkha'i snying po ser po g.yas ral gri g.yon dril bu bsnams pa'o/__/hrIX paXd+maX baXn d+haX maX nub byang gi rtsibs mchan la spyan ras gzigs dmar po g.yas pad+ma dkar po g.yon dril bu bsnams pa'o/__/dziXm kuX ruX paX NiX hriX byang shar gyi rtsibs mchan la phyag na rdo rje ljang gu g.yas rdo rje g.yon dril bu bsnams pa'o/__/hUXM laX seX saX maX yaX s+t+waXM la se sgeg mo dkar mo g.yas me long thogs pa g.yon 'gying bag gi tshul can sems dpa' sa yi snying po'i yum 'khril sbyor du gnas so/__/traX~M maX leX saX maX yaX hoX ma le ma ser mo 'phreng ba spyi bor 'dren pa nam mkha'i snying po dang 'khril sbyor du gnas so/__/hrIX g+hiXr tiX raX goX yaX haXM dbyangs ma dmar mo pi waM sbreng ba spyan ras gzigs kyi yum mo/__/aX niXr tiX raX goX yaX miX gar ma ljang gu phyag rgya gar bsgyur ma phyag na rdo rje'i yum mo/__/phyi'i sems dpa' yab yum ni meX d+haX raX niX swAX hAX byams pa dkar po g.yas klu shing g.yon dril bu can shar lho'i gru chad la'o/__/th+l+hiXM saX raXM pa yaX swAX hAX lho nub tu sgrib sel ser po chos kyi 'khor lo dang lo dang dril bu bsnams pa'o/__/hUXM swaX raX tsaX yaX swAX hAX nub byang gi gru chad la kun bzang dmar po g.yas rin chen snye ma g.yon dril bu'o/__/mUXM shriX aX raM gaX yaX swAX hAX byang shar gyi gru chad la 'jam dpal ljang gu g.yas ut+pal g.yon dril bu'o/__/dzaX d+huX peX praX beX shaX d+hu pe ma dkar mo spos phor thogs pa byams pa'i yum yin no/__/hUXM puXSh+peX aX beX shaX puSh+pe ma ser mo me tog thogs pa sgrib sel gyi yum mo/__/baXM diX paXM suX kiX niX a lo ke dmar mo mar me thogs pa kun bzang gi yum mo/__/hoX g+haXn+d+heX tsiXt+taX hoX g+han+d+he ma ljang gu dri chab thogs pa 'jam dpal gyi yum mo/__/sgo ba yab yum ni hUM yaX maXn+ta?X kriXd phaXT shar sgor gshin rje gshed zhal gsum phyag drug pa g.yas ljang g.yon sngo dbus dkar zhal phyag dang po gnyis mi mgo gnon pa g.yas gtun shing rdo rje g.yon dbyug to dgra s+t+wa'o/__/hUXM biXg naXn+ta?X kriXd phaXT lhor stobs po che zhal gsum phyag drug pa g.yas dkar g.yon dmar dbus sngo zhal g.yas g.yon dang po gnyis rdo rje gnon pa g.yas rin chen rdo rje g.yon lcags kyu ral gri'o/__/hUXM paXd+maX taX kriXd phaXT nub tu rta mgrin zhal gsum phyag drug pa g.yas sngo g.yon dkar dbus dmar zhal g.yas g.yon dang po gnyis thod pa sbrul gyis brgyan pa g.yas pad+ma rdo rje g.yon ral gri sdig mdzub bo/__/hUXM praXd dz+nyAXn+taX kriXd phaXT byang du bdud rtsi 'khyil ba zhal gsum phyag drug pa g.yas dmar g.yon dkar dbus ljang zhal g.yas g.yon dang po gnyis rdo rje rgya gram g.yas gnyis na ral gri rdo rje g.yon dril bu dgra sta'o/__/oXM maX hAX baXdz+raX d+haX raX maX hAX kroX tiX shwaX riX dz+waX laX niX hUXM phaXT/__shar du gshin rje gshed po'i yum lcags kyu ma'i sngags so/__/oXM maX hAX raXt+naX d+haX raX maX hAX kroX tiX shwaX riX dz+waX laX niX hUXM phaXT lhor stobs po che'i yum ser mo zhags pa ma'i sngags so/__/oXM maX hAX paXd+maX d+haX raX maX hAX kroX tiX shwaX riX dz+waX laX niX hUXM phaXT nub tu rta mgrin gyi yum dmar mo lcags sgrog ma'i sngags so/__/oXM maX hAX kaXrmaX d+haX raX maX hAX kroX tiX shwaX riX dz+waX laX niX hUXM phaXT byang du bdud rtsi 'khyil ba'i yum ljang gu dril bu ma'i sngags so/__/kun bzang yab yum ni hUXM hUXM hUXM baXdz+raX tsiXt+taX hUXM/__dkyil 'khor shar gyi bar khyams su kun tu bzang po mthing ka skyil krung mnyam bzhag can du gnas so/__/aX aX aX baXdz+raX b+haX draX saX maX yaX oXM/__dkyil 'khor nub kyi bar khyams su kun tu bzang mo mthing sngon mnyam gzhag gi phyag rgya can no/__/thub drug gi sngags ni/__oXM muX neX kriM swAX hAX byang shar mtshams su lha'i thub pa ser po pi waM thogs pa'o/__/oXM muX neX hUXM truXM swAX hAX shar lhor lha ma yin gyi thub pa ser po go cha thogs pa'o/__/oXM muX neX sruXM swAX hAX lhor mi'i thub pa ser po gseg shing dang par bu thogs pa'o/__/oXM muX neX k+ShaXM swAX hAX lho nub tu byol song gi thub pa ser po po ti thogs pa'o/__/oXM muX neX braXM swAX hAX nub byang du yi dwags kyi thub pa ser po rat+na'i sgrom bu thogs pa'o/__/oXM muX neX yeX swAX hAX byang du dmyal ba'i thub pa ser po me chu thogs pa'o/__/gsum pa lha'i tshul la drug ste bzhugs tshul dang /__bzhugs gnas dang /__phyag mtshan dang /__sku mdog dang /__zhi ba'i tshul dgu dang /__'od zer ro/__/dang po ni/__gdan la rdzogs dang sems dpa'i tshul/__/zhes gsungs te/__gdaXn laX ni rgyal ba rigs lnga la gdan lnga brtsegs nyi shu rtsa lnga'o/__/sems dpa' sems ma la nyi zla pad+ma sum brtsegs so/__/thub pa la pad+ma rkyang pa'o/__/kun bzang yab yum la nyi zla pad+ma'o/__/sgo ba yab yum la rdo rje'i brag gi steng na nyi ma rkyang pa'o/__/rdzogaXs daXng ces pas rigs lnga rdzogs pa'i skyil krung zhes bya ste rdo rje'i skyil krung du bzhugs pa'o/__/sems dpa'i tshul ces pa sems dpa' rnams mdzad pa ma rdzogs pas phyed dkyil lam babs zhon nam semaXs dpaX'i bzhugs tshuXl thub pa 'greng bu'o/__/sgo ba brgyad kyi dor thabs so/__/yum rnams pad+ma'i skyil krung ngo /__/kun tu bzang po mnyam pa'i skyil krung kun tu bzang mo pad+ma'i skyil krung ngo /__/gnyis pa ni/__'khor lor rgyal po rgyal mo dang /__/g.yas nas mthong thos snom pa dang /__/myong dang btsun mo'i tshogs su bcas/__/gru chad la ni mthong byed dang /__/thos byed snom byed myong byed rnams/__/btsun mo'i tshogs dang ldan par gnas/__/bar khyams la ni thub drug dang /__/mdun dang rgyab tu byed pa dang /__/bya ba dag ni gnas par bstan/__/sgo khyud bzhi la 'joms pa ni/__/btsun mo'i tshogs dang ldan par gnas/__/zhes pa ste/__de la 'khoXr loXr ni bzhugs gnas so/__/rgyalaX poX ni rigs lnga ste rnam shes las rgyal ba rdo rje sems dpa'/__gzugs kyi phung po las rgyal ba rnam snang /__tshor ba las rgyal ba rin 'byung /__'du shes las rgyal ba snang mtha'/__'du byed las rgyal ba don yod grub pa'o/__/rgyalaX moX ni yum lnga ste nam mkha' las dbyings phyug ma/__sa sangs rgyas spyan/__chu ma ma ki/__me gos dkar mo/__rlung las rgyal ba dam tshig sgrol ma de rnams dbus na 'khor lo rtsibs bzhi lte ba daXng lnga la bzhugs pa'o/__/rdo rje sems dpa' g.yaXs naXs zhes g.yas kyi rtsibs mchan la mthoXng ba mig gi rnam par shes pa sa'i snying po dang de nas g.yas bskor gyi tshul du thos pa rna ba'i rnam par shes pa phyag na rdo rje dang /__snomaX paX sna'i rnam par shes pa spyan ras gzigs daXng /__myongaX ba lce'i rnam par shes pa nam mkha'i snying po rnams 'khor lo'i rtsibs mchan bzhi la bzhugs pa'o/__/de rnams nang na gnas pas na nang gi sems dpa' zhes bya'o/__/de daXng des spyad par bya ba'i yul du gyur pas na btsuXn moX'i sgras bstan te mig gis gzugs la spyod pas na btsun mo'i'o/__/tshoXgs suX bcaXs zhes pa ni de rnams dang lhan cig bzhugs pa'i don te de yang sa'i snying po'i yum la se ma'o/__/de bzhin du ma le ma dang gir ti dang nir ti rnams dang gnyis su med par 'khril ba'i tshul du bzhugs so/__/gruX chaXd laX niX phyi'i sems dpa' bzhugs pa ste mig gi dbang po ni mthoXng byedaX la de gnas gyur pa ni byams pa daXng de bzhin du thoXs byedaX rna ba'i dbang po sgrib sel snomaX byedaX sna'i dbang po kun bzang myongaX byedaX lce'i dbang po 'jam dpal rnaXms ni gru chad bzhi la bzhugs so/__/de bas de bas bzhi po de rnams ces so/__/de dbang po'i phyi na yod pas phyi'i sems dpa' zhes kyang bya'o/__/don du na lha la phyi nang med de sems can gyi rtog tshogs la dgongs pas na sems dpa' la yang phyi nang gnyis so/__/spyad par bya ba'i yul du gyur pas na btsuXn moX ste 'das pa dang da ltar dang ma 'ongs pa dang 'byung bar ma nges dbyar dgun ston dpyid bzhi la dbang bas na d+hu pe ma dang puSh+pe ma dang a lo ke dang g+han+d+he ma'iX tshoXgs rnams daXng 'khril sbyor dang ldaXn paXr gnaXs so/__/baXr khyaXms kyi byang shar laX niX lha'i thub pa/__shar lhor lha ma yin gyi thub pa/__lhor mi'i thub pa/__lho nub tu byol song gi thub pa/__nub byang du yi dwags kyi thub pa/__byang du dmyal ba'i thuXb pa ste drugaX daXng /__bar khyams kyi shar nub gnyis su kun bzang yab yum gnyis bzhugs pa ni mduXn daXng rgyabaX tuX zhes pas bstan te ji ltar na rdo rje sems dpa'i mdun ngos su byedaX paX poX kun tu bzang po gnas te yid kyi rnam par shes pa gnas gyur pa yin pas na sems can gyi dus na byed pa po thams cad yid sangs rgyas kyi dus na rgyud daXng dkyil 'khor gyi byed pa po thams cad kun tu bzang po yin no/__/rdo rje sems dpa'i rgyab ngos na byaX baX mo kun tu bzang mo gnas pa'o/__/de yang sems can gyi dus na bya ba'i gzhir gyur pa kun gzhi'o sangs rgyas kyi dus na yang chos kyi dbyings so/__/des yid byed pa po kun tu bzang po dang chos bya ba mo gnyis yid kyi spyad bya kun gzhi yin pas na kun bzang yab yum dgaX tu niX gnaXs paXr bstanaX to/__/sgoX khyuXd bzhiX laX ces pa ni g.yas g.yon sgo khyud la sgo ba bzhi gnas pa ste 'joXms paX niX reg pa'i rtog pa 'joms pa gshin rje gshed reg bya stobs po che reg byed rta mgrin reg shes kyi rtog pa 'joms pa bdud rtsi 'khyil ba'o/__/btsuXn moX ni spyad bya'i yul du gyur pa ste lus kyi dbang po bzhi rtag pa dang chad pa dang bdag dang mtshan ma bzhi la dbang bas na bzhi po de gnas su dag pas ni lcags kyu ma dang zhags pa ma dang lcags sgrog ma dang dril bu ma bzhi'iX tshoXgs daXng ldaXn paXr gnaXs so/__/de bas na dbang po lnga'i las byed lta bu ni lus kyi dbang po yin la lha'i las byed pa yin pas na chos mthun pa'o/__/zhi ba'i lha bud+d+ha bzhi bcu rtsa gnyis zhes bzhed pa yin pa la khro bo yab yum brgyad yod pas khro bo rnams zhi ba'i lhar 'gro'am mi 'gro zhe na/__phyir rnal 'byor bas sgrub par bya ba'i zhi ba'i lha bzhi bcu rtsa gnyis kyi sku gsung thugs kyi rgyud zhi bas na zhi ba zer la/__sku khro tshul dang bcas 'bar ba'i gar dgus khyab khro rtags drug cu rtsa brgyad dang ldan pas khro bo zer ro/__/'o na sku gsung thugs kyi rgyud zhi na sgo ba la khro bo'i ming med dam zhe na/__'di ltar bzhed de zhi ba la ltos na khro bo yin yang khro bo'i gar dgu dang khro rtags med de sku khro tshul dang bcas par snang ba'o/__/des na 'gal ba med de de bas na cung zad khro bo lha brgyad ces bya ste stag dang sbrul gyi rgyan tsam ma bkag go__/dngos su sku gsung thugs kyi rgyud zhi bar gnas so/__/de bas na khro bo mi zer te 'joms pa zhes bshad do/__/gsum pa phyag mtshan ni/__rdo rje 'khor lo rin po che/__/pad+ma ral gri dril bu 'bar/__/ud dpal klu shing la sogs mtshan/__/rin chen myu gu ral gri 'bar/__/pad+ma dkar po rdo rje 'bar/__/chos kyi 'khor lo rin chen snye/__/gzugs mdzes rin chen 'phreng ba dang /__/pi wang gar mkhan mchog nyid de/__/me tog phreng dang spos mchog ma/__/mar me byug pa la sogs pa'i/__/las la 'khril zhing chos la bstan/__/dbu rnams 'byo zhing 'dud pa'i tshul/__/gong gi phyag rgya chen po bzhin/__/gnyis med dbyings kyi ngang du 'khril/__/sgo bzhi khro bo'i phyag rgya ni/__/n+rir mgo gdengs dang rdo rje gnon/__/thod sbrul chen po gnon pa dang /__/rdo rje rgya gram las kyis gnon/__/lcags kyu zhags pa s+pho Ta ho/__/sgo bzhir gnas pa de dag kyang /__/'dud tshul 'khril ba gong ma bzhin/__/thub drug phyag rgya sna tshogs te/__/mdor bsdus phyag rgya drug tu bstan/__/gseg par dang ni pi wang dang /__/go cha po ti rin chen sgrom/__/me dang chu ni rab tu bstan/__/yum ni dmigs med chos kyi dbyings/__/kun bzang mnyam bzhag ye shes 'phro/__/yum gyur mnyam rdzogs pad mo'i dkyil/__/gzhan yang phyag rgya sna tshogs te/__/yang na de bzhin gshegs pa nyid/__/yang na rdo rje thal mo nyid/__/ces pas bstan te phyir gnas 'phrog brtsis na zhal gsum phyag drug tu byed pa ni gong bzhin no/__/'dir g.yas g.yon gyi dang po rnams bshad pa ste mi bskyod pa'i g.yas dang po na rdoX rjeX 'dzin pa ni ye shes lnga dang ldan pa'i rtags so/__/rnam par snang mdzad kyi g.yas dang po na 'khoXr loX bsnams pa ni nyon mongs pa thams cad gcod pa'i rtags so/__/rin 'byung gi g.yas dang po na riXn poX cheX 'dzin pa ni dgos 'dod re ba thams cad skong ba'o/__/snang ba mtha' yas kyi g.yas dang po na paXd+maX bsnams pa ni nyes pa'i skyon gyis ma gos pa'i rtags so/__/don yod grub pa'i g.yas dang po na raXl griX bsnams pa ni rtog pa thams cad rtsad nas gcod cing mkhyen pa'i ye shes dang ldan pa'i rtags so/__/g.yon gyi phyag na drilaX buX bsnams pa ni shes rab spros pa med pas chos kyi dbyings las ma g.yos pa'i rtags so/__/bar ma dang tha ma rnams ni de dag las gong 'og tu bsgyur te gnas 'phrog brtsis nas byed pa'o/__/dril bu 'baXr ba yum rnams kyi g.yon na 'dzin no g.yas pa rnams rang rang gi yab la 'khyud pa'o/__/sems dpa' brgyad kyi phyag mtshan ni byang shar mtshams kyi gru chad la 'jam dpal gyis uXd dpaXl bsnams pa dang /__shar lho mtshams kyi gru chad la byams pas kluX shiXng dang laX soXgs mtshaXn zhes pas g.yon dril bu bsnams pa ston la/__shar lho mtshams kyi rtsibs mchan la sa'i snying po riXn cheXn myuX guX dang /__lho nub mtshams kyi rtsibs mchan la nam mkha'i snying po raXl griX 'baXr ba dang /__nub byang gi rtsibs mchan la spyan ras gzigs paXd+maX dkaXr poX dang /__byang shar gyi rtsibs mchan la phyag na rdo rje rdoX rjeX 'baXr ba dang /__lho nub gru chad la sgrib sel gyis choXs kyiX 'khoXr loX dang /__nub byang gi gru chad la kun tu bzang pos riXn cheXn snye ma bsnams pa'o/__/'dir sems dpa' rnams kyi phyag mtshan gyi skabs su gzhung 'khrugs pa sdebs te bshad na rnam par shes pa'i sems dpa' spyi'i phyag mtshan ni sa'i snying po rin po che'i myu gu 'dzin pa ni dgos 'dod zad pa med pa 'byung ba'o/__/nam mkha'i snying po ral gri 'dzin pa ni nyon mongs pa thams cad gcod pa'o/__/spyan ras gzigs pad+ma dkar po 'dzin pa ni nyon mongs pa'i skyon gyis ma gos pa'i rtags so/__/phyag na rdo rje rdo rje bsnams pa ni ye shes lnga yis nyon mongs pa 'joms pa'i stobs dang ldan pa'i rtags so/__/de rnams ni nang gi sems dpa' bzhi'o/__/dbang po'i sems dpa' ni byams pa'i phyag na klu shing gi me tog bsnams pa ni nyon mongs pa'i gdung ba thams cad zil gyis gnon pa'i rtags so/__/sgrib pa rnam par sel ba chos kyi 'khor lo bsnams pa ni rtog pa'i drwa ba thams cad gcod pa'i rtags so/__/kun tu bzang po rin po che'i snye ma bsnams pa ni sems can thams cad la dgos 'dod re ba yid bzhin du skong ba'i rtags so/__/'jam dpal ud dpal bsnams pa ni chos spyi dang rang gi mtshan thams cad la 'gag pa med par mkhyen cing nyes pa'i skyon dang bral ba'i rtags so/__/la sogs mtshan ni g.yon rnams na dril bu bsnams pa'o/__/'bar ces pa ni phyag mtshan de dag thams cad snang la rang bzhin med pa gsal la rtog pa med pa 'gul 'gul ldeg ldeg ltar gsal ba ye shes kyi 'od zer 'phro ba'o/__/sems ma brgyad kyi phyag mtshan ni lha mo la se ma gzuXgs mdzeXs me long bsnams nas 'gying bag tu bzhugs pa ni sa'i snying po dang gnyis su med pa'i bde bas dgyes pa'o/__/ma le ma riXn cheXn 'phreXng baX thogs pa ni nam mkha'i snying po dang bde ba rgyun mi 'chad pa'i rtags daXng /__gi rti ma piX waXng thogs pa ni spyan ras gzigs dang gnyis su med pa'i bde ba'i sgra sgrogs pa'i rtags so/__/ni rti ma gaXr mkhaXn mchoXg nyidaX deX gar bsgyur ba ni phyag na rdo rje dang gnyis su med pa'i ye shes la dbang bsgyur ba'i rtags so/__/de dag nang gi sems ma yin pas na nang gi mchod rdzas phyag na bsnams pa'o/__/puSh+pe ma meX togaX gi 'phreXng ba thogs pa ni sgrib pa rnam par sel ba daXng gnyis su med pa'i bde bas mtshon par byed pa'o/__/sposaX mchoXg maX'am d+hu pe ma spos thogs pa ni byams pa dang gnyis su med pa'i bde ba'i 'od zer 'phros pa'o/__/a lo ke maraX meX thogs pa ni kun tu bzang po dang gnyis su med pa'i bde ba gsal ba'o/__/g+han d+he ma dri chab kyi byugaX paX thogs pa ni 'jam dpal dang gnyis su med pa'i bde bas bsil bar byed pa'o/__/des na phyi'i sems ma yin pas na phyi'i mchod rdzas bsnams pa'i tshul lo/__/de laX soXgs paX'i yum rnams yab laXs kyi sku laX 'khriXl zhiXng yab rnams yum chosaX kyi rang bzhin laX zhal bstanaX nas gcig la gcig 'dud pa'i tshul lo/__/lha mo de dag ni yab re re dang yum re re thabs dang shes rab gnyis su med par sbyor ba re re la yang rang bzhin gyis tshang bar bya'o/__/de ltar sems dpa' dang sems ma de dag kyang yum rnams yab kyi sku la gnyis su med par 'khril ba dang yab kyi daXbu rnamaXs la zhal 'byoX zhiXng yum gyi dbu rnams ma zhas 'duXd paX'i tshulaX gyis yab yum gnyis gcig la gcig bzhin gyi dkyil 'khor la 'dzum pa'i mdangs kyis lta ba dang 'dud pa dang mdzes pa'i tshul gyis dbyings dang ye shes tha mi dad par snyoms par 'jug pa'o/__/mdor na goXng giX phyagaX rgyaX cheXn poX rigs lnga yab yum rnams las la 'khril zhing chos la bstan pa'i skabs bzhiXn sems dpa' yab yum rnams kyang yab yum gnyisaX meXd chos kyi dbyingaXs kyiX ngaXng duX 'khriXl lo/__/sgoX ba bzhiX'i phyagaX rgyaX niX shar du gshin rje gshed n+riX mgo'am mi mgo'i dbyug pa gdengaXs pa ni nyon mongs pa dang bgegs dang log rtog skye shi 'joms pa'i rtags daXng /__lhor stobs po che rdoX rjeXs sa gnoXn pa ni nyon mongs pa dang bgegs thams cad lta mi nus pa'o/__/nub tu rta mgrin gyis thoXd pa sbrulaX cheXn poX yis brgyan pa gnoXn thabs su 'dzin paX ni bgegs kyi zhe sdang gnas su dag nas chos kyi dbyings su mkhyen pa daXng /__byang du bdud rtsi 'khyil ba rdoX rjeX rgyaX gramaX thogs pa ni 'phrin laXs rnam bzhi nyid kyisaX thams cad kyi don mdzad pa ste de yang gnoXn thabs su 'dzin pa'o/__/de bas na phyag g.yas g.yon dang po gnyis ni de ltar gnas la gzhan la zhal gsum phyag drug tu byed na gong du bshad pa bzhin no/__/lha mo lcagaXs kyuX ma ni thugs rjes sems can mya ngan las 'das pa'i dbyings su 'dren pa'o/__/zhaXgs paX ma ni sems can thugs rjes drangs nas 'khor bar mi gtong ba'i brda'o s+phoX TaX ste lcags sgrog ma ni sems can de dag bde bar gshegs pa'i thugs ye shes dbyer med pa'i sa la 'god pa'o/__/hoX zhes pa dril bu ma ni sems can de dag phyir mi ldog pa'i sa la bkod nas bde ba chen pos mnyes pa dang tshim par byed pa'i brdar bstan no/__/sgoX bzhiXr gnaXs paX khro bo yab yum deX daXg kyangaX thabs dang shes rab gnyis su med par bzhugs pa ni yab kyis yum la 'duXd pa'i tshulaX dang yum rnams yab kyi sku la gnyis su med par 'khrilaX baX ni goXng maX rigs lnga dang sems dpa' rnams kyi skabs su bstan pa bzhiXn yab yum gnyis su med pa sgo bzhir gnas pa'o/__/thubaX pa ni sku gsung thugs thub pa ste de yang sku thub pa rtags dang bya byed spangs pa dang gsung thub pa ni ngag mi dge ba bzhi spangs pa dang thugs thub pa ni yid kyi mi dge ba gsum spangs pa'o/__/druXg ni grangs yin la de dag ni gdul bya gang la gang ltar mos pa bzhin du don mdzad pas phyagaX rgyaX snaX tshoXgs ma nges pa steX de yang dal du sgom pa'i dus su sgom bde zhing ting nge 'dzin gyi dmigs pa gsal ba'i phyir mdoXr bsdusaX nas phyagaX rgyaX druXg tuX bstanaX pa mi'i thub pa gseXg shing dang paXr bu thogs pa ni mi rnams 'dod chags las blo ldog nas tshul khrims kyi pha rol tu phyin pa la 'god par mdzad pa'i rtags daXng niX/__lha'i thub pas piX wangaX thogs pa ni lha rol mo la dga' ba de dag la 'dul byed kyang gdul bya dang mthun par 'dul ba ste de yang de dag gi blo le lo dang g.yeng ba las ldog nas bsam gtan gyi pha rol tu phyin pa la 'god par mdzad pa daXng /__lha ma yin gyi thub pa goX chaX thogs pa ni de dag la mthun par bstan nas 'khrug pa'i blo bzlog ste brtson 'grus kyi pha rol tu phyin pa la 'god par mdzad do/__/byol song gi thub pa poX tiX thogs pa ni gti mug gi mun pa de dag par mdzad nas shes rab kyi pha rol tu phyin pa la 'god par mdzad do/__/yi dwags kyi thub pa riXn po cheX'i sgromaX bu thogs pa ni ser sna'i mdud pa las ldog nas sbyin pa'i pha rol tu phyin pa la 'god par mdzad do/__/dmyal ba'i thub pa meX daXng chuX niX 'dzin tshul raXb tuX bstanaX pa ni zhe sdang gi ngo bo las blo ldog nas bzod pa'i pha rol tu phyin pa la 'god par mdzad do/__/thub drug gi yum la don gyi yum dang rtags kyi yum gnyis las/__sprul pa'i sku de dag ni grogs mi bde ba spongs shing 'dod pa spangs pa'i phyir rtags kyi yuXm niX dngos su dmiXgs su meXd pas ma bstan la don gyi yum ni choXs kyiX dbyingaXs dang dus thams cad du 'bral ba med par bzhugs pa'o/__/kun bzang yab yum gyi phyag rgya la kuXn tu bzaXng po ni phyag mnyamaX bzhaXg gi steng na phyag sor las yeX sheXs lnga'i 'od zer 'phroX zhing zhabs brtul zhugs kyi skyil mo krung du bzhugs pa'o/__/de'i yuXm du gyuXr pa ni kun tu bzang mo ste phyag mnyamaX rdzoXgs sam mnyam par bzhag pa las mdzub mo gnyis rtse sprad nas bzhugs shing zhabs paXd moX'i skyilaX krung ste zhabs mthil gnyis sprad nas bzhugs pa'o/__/gzhaXn yaXng phyagaX rgyaX ma nges snaX tshoXgs gnas pa steX rigs lnga spyi'i phyag rgya'am yaXng naX deX bzhiXn gsheXgs paX rnam par snang mdzad kyi phyag rgya nyidaX dam yaXng naX rdoX rjeX thaXl moX yi phyag rgya nyidaX bcing ngo /__/bzhi pa sku mdog ni/__mthing ka dkar po ser leb rgan/__/ljang gu la sogs sna tshogs pa'i/__/zhes pas bstan/__spyir sku mdog la gnyis te/__rang bzhin gyi sku mdog dang /__rigs kyi sku mdog go__/de la rang bzhin gyi sku mdog ni snum pa dang /__'dril ba dang /__gsal ba dang /__'tsher ba ste/__de yang nyes pa'i skyon gyis ma gos pa dung lta bu dang /__snum la 'dril ba me tog ku mud ta lta bu dang /__gsal ba nyi ma lta bu/__dang zhing gsal ba zla ba lta bu/__'tsher ba gangs la nyi ma shar ba lta bu'o/__/de rnams ni spyir khyab la rigs kyi sku mdog ni rigs lnga dang rigs chung ngo /__/rigs lnga ni mthiXng kaX ni don chos kyi dbyings la nyon mongs pas ma bslad pas mi 'gyur ba'o/__/de yang kun tu bzang po yab yum dang mi bskyod pa yab yum sku mdog mthing kar bzhugs pa'o/__/de ni rdo rje'i rigs kyi sku mdog go__/dkaXr poX ni nyes pa'i skyon gyis ma gos pa ste rnam snang yab yum dang sa'i snying po yab yum dang lha'i thub pa'i sku mdog go__/de ni de bzhin gshegs pa'i rigs so/__/seXr po ni che ba'i yon tan rgyas pa'i rtags te rin chen 'byung ldan yab yum dang nam mkha'i snying po yab yum dang mi'i thub pa'i sku mdog ste de ni rin po che'i rigs so/__/leXb rgaXn nam dmar po ni thugs rjes 'gro ba'i don la chags pa'i rtags te snang ba mtha' yas yab yum dang spyan ras gzigs yab yum dang yi dwags kyi thub pa'i sku mdog ste de ni pad ma'i rigs so/__/ljangaX guX ni 'phrin las bzhis 'gro ba thams cad kyi don mdzad pa'i rtags te don yod grub pa yab yum dang phyag na rdo rje yab yum dang dmyal ba'i thub pa'i sku mdog ste de ni las kyi rigs so/__/rigs chung ni la sogs zhes pas kha dog nyi shu rtsa lnga'am yang mthiXng kaX rdo rje sems dpa' yab yum nam mkha'i snying po yab yum sgrib sel yab yum kun bzang yab yum mo/__/dkaXr po ni rnam snang yab yum dang sa snying dang byams pa'o/__/seXr po ni rin 'byung dang thub pa drug go__/dmar po ni snang ba mtha' yas dang spyan ras gzigs kun bzang ngo /__/ljangaX guX ni don yod grub pa dang phyag na rdo rje dang 'jam dpal yab yum gyi'o/__/sgo ba bzhi phyogs mthun no/__/snaX tshoXgs paX'i zhes pa ni rang rang ma 'dres par gsal ba'o/__/lnga pa zhi tshul dgu ni/__mnyen lcug 'khril ldem gzhon tshul can/__/gsal 'tsher lhun sdug gzi brjid ldan/__/zhes pa ste/__de la zhi ba'i tshul dgu las sku'i tshul rnam pa lnga ni mnyeXn pa ni zhe sdang dag pas rin po che gser lta bu ste gyong po dang khengs pa lta bu ni ma yin no/__/lcugaX pa ni khong khro dag pas 'bras sa lu'i ljang bu lta bu ste de yang rengs pa lta bu ni ma yin no/__/'khriXl ba ni 'dod chags dag pas dper na sbrul lta bu ste yab yum thabs dang shes rab gnyis su med par bzhugs pa'o/__/so sor bzhugs pa lta bu ni ma yin no/__/ldeXm pa ni nga rgyal dag pas ljon shing lta bu ste kyog po dang yon po lta bu ni spangs pa'o/__/gzhoXn tshulaX canaX ni gti mug dag pas byis pa lo brgyad lon pa lta bu ste gzhon sha chags pa'o rgan po khogs pa lta bu ni ma yin no/__/sku mdog gi tshul ni gsaXl ba ni phrag dog dag pas tshes bco lnga'i zla ba lta bu ste mog mog po'am nag nag po ni ma yin no/__/'tsheXr ba ni ser sna dag pas nyi ma'i snying po lta bu ste phyogs gcig pa'am mi gcig pa lta bu ni ma yin no/__/lhunaX sdugaX pa ni bdag 'dzin dag pas ri bo lta bu ste stur stur po ni ma yin no/__/gziX brjiXd dang ldaXn pa ni zhen pa dag pas nor bu lta bu ste ma 'dres la gsal ba'o nor bu 'ching bu lta bu ni ma yin no/__/lha tshogs rnams kyi sku ni de ltar lta bas chog mi shes par bzhugs pa'o/__/drug pa 'od zer ni/__'od zer 'phro ba'i tshogs chen po/__/'bar ba'i 'phreng ba 'khrigs pa ste/__/mtha' dbus med par khyab pa yi/__/dkyil 'khor bsam yas lhun gyis rdzogs/__/zhes pa ste/__de yang sku'i ba spu'i bu ga gcig nas yang 'oXd zeXr bye ba khrag khrig brgya stong drug cu drug cu 'byung zhing 'phroX ba dang zhal gyi mdzod spu nas 'od zer kha dog mi 'dra ba nyi shu rtsa lnga'iX tshoXgs cheXn poX 'phro ba'o/__/de ni zhi ba'i sprul pa ste de nyid gnas gyur pas khro bo'i dus kyi me dpung ni sgo bzhi na gnas pa'i khro bo bzhi las kyang nyon mongs pa bsreg pa'i me dpung bskal pa 'jig pa'i dus kyi me lta bu ye shes kyi me dpung rab tu 'baXr baX'i 'phreXng baX 'khrigaXs paX steX/__de yang ye shes kyi me yin pas na me lce 'phreng ba ltar brgyus nas me dpung du 'khril zhing 'bar ba'o/__/phyi rol na yang ye shes kyi me dpung 'bar ba'o/__/de yang nam mkhas gar khyab sar chos kyi dbyings kyis khyab la chos kyi dbyings kyis gar khyab sar chos kyi dbyings kyi ye shes rtogs pa'i rtags su lha'i gzhal yas khang gis mthaX' dang dbusaX meXd paXr khyabaX paX yiX tshul du snang ste de bas na rang bzhin gyi dkyilaX 'khoXr de nyid blos bsaXm gyiXs mi khyab pas mtha' yaXs shing 'bad rtsol med par lhunaX gyisaX rdzogaXs pa'o/__/bzhi pa nus pa dang ldan par bya ba ni/__oM ma hA shU n+ya ta dz+nyA na badz+ra swa b+ha wa ad ma ko\u0f85 haM/__zhes pas bdag gi spyi bor rin po che'i khang bu'i nang du nyi ma'i dkyil 'khor la oM las rnam par snang mdzad sku tshon gang ba gcig la sku mdog dkar po byang chub mchog gi phyag rgya can bsam mo/__/oM ma hA a daR+sha dz+nyA na badz+ra swa b+ha wa at+ma ko\u0f85 haM/__bdag gi dpral ba'i ngos su rin po che'i khang bu'i nang du nyi zla pad+ma'i steng du hUM las rdo rje sems dpa' mthing ga sa gnon gyi phyag rgya can bsam mo/__/oM ma hA sa man+ta dz+nyA na badz+ra swa b+ha wa at+ma ko\u0f85haM/__bdag gi ltag pa g.yon du rin po che'i khang bu'i nang du nyi zla pad+ma'i gdan la swa las rin chen 'byung ldan ser po sbyin gtong gi phyag rgya can bsam mo/__/oM ma hA pra t+ya bek+Sha na dz+nyA na badz+ra swa b+ha wa at+ma ko\u0f85haM/__bdag gi ltag khung du rin po che'i khang bu'i nang du nyi zla pad+ma'i gdan steng du a las snang ba mtha' yas dmar po mnyam bzhag gi phyag rgya can bsam mo/__/oM ma hA kri t+ya a nu ta na dz+nyA na badz+ra swa b+ha wa at+ma ko\u0f85haM/__bdag gi ltag pa g.yon du rin po che'i khang bu'i nang du nyi zla pad+ma'i gdan steng du ha las don yod grub pa ljang gu skyabs sbyin gyi phyag rgya can bsam mo/__/oM sarba ta tha ga ta ka ya badz+ra swa b+ha wa at+ma ko\u0f85haM/__bdag gi klad pa'i dung khang du 'khor lo rtsibs brgyad kyi steng du oM las rnam par snang mdzad du bsam mo/__/oM sarba ta thA ga ta wak+ka badz+ra swa b+ha wa at+ma ko\u0f85haM/__bdag gi lce stengs su pad+ma 'dab brgyad kyi steng du a las snang ba mtha' yas bsam mo/__/oM sarba ta tha ga ta tsit+ta badz+ra swa b+ha wa at+ma ko\u0f85haM/__bdag gi thugs kyi dpal be'u zur brgyad steng du hUM las rdo rje sems dpa' bsam mo/__/sku gsung thugs dang ye shes lnga/__/dbang dang byin rlabs kun bsdus thim/__/dkyil 'khor kun tu gsal bar gyur/__/zhes pas de nas yab yum sbyor ba byas pa'i sbyor mtshams nas ye shes kyi 'od zer 'phros pas 'og min nas rigs lnga mdun gyi nam mkhar spyan drangs nas yab yum sbyor ba byas pa'i byang sems las rig pa'i lha mo bum pa thogs pa mang pos bdag la chu blug ste dbang bskur bas dbang rtags su rigs lnga'i dbu rgyan bzhugs par bsam bde bar gshegs pa rigs lngas ye shes lnga'i dbang bskur ba dang /__sku gsung thugs kyi byin rlabs kun bsdus nas thim pa dang /__dkyilaX 'khoXr gyi lha tshogs thams cad 'od kyi rang bzhin du kunaX tuX gsaXl baXr gyuraX pa'o/__/de la lha re re la dbu rgyan lnga bsam ste rang rang gi rigs kyis gtso bo byas pa lnga lnga bsam mo/__/thub pa drug la mi byed de ci phyir zhe na/__rgyud las/__thub drug sprul pa'i skur gnas pas/__/byin rlabs dbu rgyan ma gsungs so/__/ces pas 'dod pa'i yon tan spangs pa'i tshul yin pas chags lam gyi dbang mi bzhed pa dang sprul sku'i tshul du bzhugs pas dbu rgyan mi bzhed pa la dgongs so/__/bzhi pa bsgom pa'i che ba ni/__sa la sogs las phyag rgyar byas/__/rnam grol rim pa thob 'gyur na/__/dag pa'i ye shes kyis sbyangs pas/__/smos ci dgos te de nyid yin/__/zhes pa ste/__sa la sku gdung btab pa dang /__lder tsho byas pa dang ras sam dar la ris su bris pa dang thags su btags pa'am rdo'am shing la 'bur du brkos pa dang gser dngul zangs lcags la lugs su blugs nas lhas phyag rgyar byas pas kyang de'i don las 'khor ba'i sdug bsngal las rnamaX par grolaX nas 'bras bu mya ngan las 'das pa'i go 'phang gi rimaX paX thoXb par 'gyuraX naX/__'dir dang por de bzhin nyid kyi ting nge 'dzin gzung 'dzin dgaX paX'i yeX shesaX kyisaX chos thams cad rang bzhin med pa don dam pa chos kyi dbyings su sbyangs pa dang /__kun tu snang gis dngos po thams cad rang bzhin med pa ye shes sgyu mar sbyangs pa dang /__rgyu'i ting nge 'dzin gyis yig 'brur sbyangs pa dang /__phyag rgya gcig pas rang gi lus ngag yid gsum sku gsung thugs su sbyangs pa dang /__spros pa'i ting nge 'dzin gyis spyod yul thams cad lha dang lha mo'i rang bzhin du sbyangaXs paXs na 'bras bu thob pa lta smoXs kyang ciX dgosaX teX ting nge 'dzin te mngon du gyur pa deX kho na nyid 'bras bu ye shes yiXn pas 'bras bu gzhan nas btsal du med pa'i phyir ro/__/gnyis pa ye shes kyi dkyil 'khor spyan drangs pa la sogs pa la gnyis te/__spyan drangs pa dang /__mchod pa'o/__/dang po spyan drangs pa la drug ste/__dam bca' ba dang /__tshig gis spyan drangs pa dang /__sngags kyis spyan drangs pa dang /__rig pa'i me tog dor ba dang /__dngos grub bskul ba dang /__gnyis med du bstims pa'o/__/dang po dam bca' ba ni/__phyag rgya'i dkyil 'khor gsal bskyed la/__/dbang bskur byin rlabs rdzogs byas te/__/stong gsum nyungs 'brur gzhugs tshul gyis/__/dbyings nas dkyil 'khor spyan drangs mchod/__/ces pa ste/__de ltar phyagaX rgyaX lha'iX dkyiXl 'khoXr dam tshig pa gsaXl bar bskyedaX laX de la ye shes lngas dbaXng bskuXr ba dang sku gsung thugs su byinaX gyis brlaXbs pa rdzoXgs par byasaX laX spyan drangs pa'o/__/ting nge 'dzin gyis bskyed pa'i gzhal yas khang der de bzhin gshegs pa'i dkyil 'khor mi shong zhe na/__lha'i rdzu 'phrul gyis stongaX gsumaX gyi stong chen po mi mjed 'jig rten gyi khams thams cad nyungaX 'bruXr te nyung 'bru gcig gi nang du gzhugaXs kyang nyung 'bru yang cher ma 'phel la stong gsum gyi stong chen po'i 'jig rten gyi khams yang chung ngu mi 'gro bar chud pa de'i tshulaX du ting nge 'dzin gyisaX bskyed pa'i gzhal yas khang der ye shes kyi dkyil 'khor bzhi bcu rtsa gnyis spyan drangs nas bzhugs kyang gzhal yas khang cher ma 'phel la ye shes kyi dkyil 'khor de chung du 'grib pa ma yin no/__/de'i phyir na gsang ba'i dkyil 'khor ngo mtshar che ba yin no/__/'og min chos kyi dbyingaXs kyi pho brang naXs rang bzhin lhun gyis grub pa'i dkyilaX 'khoXr spyanaX draXngs la mchodaX pa'i bye brag bsam gyis mi khyab pas mchod par bya'o/__/gnyis pa ni/__phyogs dus dkyil 'khor bdag nyid che/__/mi dmigs thugs kyi dkyil 'khor nas/__/dkyil 'khor thams cad spyan drangs so/__/rang snang dbyer med dkyil 'khor la/__/'jug pa'i mtshan nyid mnyam sbyor bas/__/phyogs dus kun nas gshegs pa yi/__/bsnyen pa'i dkyil 'khor kun tu rdzogs/__/nye bar gyur pa'i dam tshig mchog__/ces pa ste/__gang spyan drangs na phyogaXs bcu dusaX bzhis bsdus pa'i dkyilaX 'khoXr ni bdaXg nyidaX cheX ba'am chen po'i rang bzhin lhun grub tu gnas pa ste gzhan las 'phags pa'o/__/de yang phyogs bcu dus bzhi'i dkyil 'khor ma lus pa thams cad ni bdag nyid chen por sangs rgyas pa'i bzhi bcu rtsa gnyis po'i rnam par spyan drang ngo /__/yul gang nas spyan drangs na phan tshunaX dang yul dang yul can lta bu miX dmiXgs pa'i rang bzhin spros bral chos kyi dbyings kyi ye shes nyid ni thugaXs kyiX dkyilaX 'khoXr ye shes lngar snang ba ste de ni dus gsum gyi rgyal ba thams cad bzhugs pa'i gnas yin te/__gzungs 'dzin bral ba'i ye shes nyid/__/de bzhin gshegs pa kun gyi gnas/__/zhes so/__/gnas de naXs ngo bo gang spyan drangs na dkyilaX rdo rje sems dpa' la 'khoXr bud+d+ha bzhi bcu thams pas bskor ba'i bud+d+ha bzhi bcu rtsa gnyis po thaXms caXd spyanaX draXng ngoX /__/gang du spyan drangs na raXng rig pa'i snaXng ba las byung ba dam tshig gi dkyil 'khor 'dir/__dgos ched ci'i phyir spyan drangs na dam tshig pa dang ye shes kyi dkyil 'khor gnyis dbyeraX meXd pa'i dkyilaX 'khoXr laX rig pa la rig pa 'jug dam tshig pa dang ye shes pa mnyam par sbyor ba'i phyir te de yang rang snang la ye shes kyi lha 'ju?Xg paX'i mtshaXn nyidaX dam 'jug lugs ni bdag dang lha mnyaXm par sbyoraX baXs so/__/'bras bu ci 'grub na phyogaXs bcu dusaX bzhi kunaX nasaX gsheXgs paX yiX 'gro ba'i don yongs su rdzogs par mdzad pa'i rgyal ba bzhi bcu rtsa gnyis po de dag thams cad bdag gis tshe snga ma'i dus phan chad du bsnyenaX bsnyen bsgrubs bsgrubs paX'i dkyilaX 'khoXr yin pas lha dang bsnyen pa kuXn tu rdzogaXs par phul bas na da ltar gyi dus na bdag dkyil 'khor gyi lha dang nyeX baXr gyuraX paX'i phyir dang rgyal ba de dag 'gro ba'i don mdzad par thugs dam du zhal gyis bzhes pa las mi 'da' ba'i daXm tshiXg mchoXg gi dbang gis bdag gi don mdzad pa'i phyir gnas 'dir byon pa yin no/__/gsum pa ni/__oM e ha ya hi b+ha ga wa na/__ma hA ka ru Ni ka dri sha ya ho/__sa ma ya s+t+waM/__dzaHhUM baM ho/__zhes pa ste/__oXM eX haX yaX hiX ni kye tshur spyon b+haX gaX waXn bcom ldan 'das maX hAX kaX ruX NiX kaX thugs rje chen pos driX shaX yaX hoX gzigs shig__/saX maX yaX s+t+waM dam tshig la dgongs/__dzaXHhUXM baXM hoX:__lha mo bzhi'o/__/bzhi pa ni/__me tog dor la dngos grub gsol/__/gnyis med thim bzhugs mnyes par bya/__/oM badz+ra sa ma ya oM/__aM badz+ra sa ma ya aM/__hUM badz+ra sa ma ya hUM/__swa badz+ra sa ma ya swa/__ha badz+ra sa ma ya ha/__zhes pa ste/__rig pa'i meX togaX doXr laX rang la sku gsung thugs kyi dngos grub bskul bar bya ba ste/__de ltar mdun gyi nam mkhar byon pa la rig pa'i me tog dor bas lha dang bdag dbyer med par rtogs nas sku gsung thugs kyi dngoXs gruXb gsoXl phyir gnyisaX su meXd par thiXm nas bdag dngos grub ma thob bar du brtan par bzhugaXs su gsol nas ma skyes rdo rje thabs kyi ye shes ni ces pas phyag 'tshalaX la mnyesaX paXr bya'oX/__/de yang dkyil 'khor gnyis kyi sku gsung thugs yon tan 'phrin las dbyer med par gsal ba la rig pa'i me tog dor zhes bya ste sngags ni oXM baXdz+raX rdo rje saX maX yaX dam tshig oX~M sku ste don du sku rdo rje dang dbyer med par gyur cig pa'o/__/de bzhin du aXM baXdz+raX rdo rje saX maX yaX dam tshig aXM gsung ste gsung rdo rje dang dbyer med par gyur cig__/hUXM baXdz+raX rdo rje saX maX yaX dam tshig hUXM thugs te thugs rdo rje dang dbyer med par gyur cig__/swaX baXdz+raX yon tan rdo rje saX maX yaX dam tshig swaX yon tan te yon tan rdo rje dang dbyer med par gyur cig__/haX baXdz+raX rdo rje saX maX yaX dam tshig haX phrin las te 'phrin las rdo rje dang dbyer med par gyur cig ces so/__/lnga pa ni/__oM badz+ra sa ma ya hUM/__oM badz+ra sa ma ya s+t+waM/__oM badz+ra sa ma ya ho/__zhes gsungs te/__oXM ye shes lnga baXdz+raX rdo rje saX maX yaX dam tshig hUXM bsdu ba ste nam mkha' ye shes kyi dkyil 'khor gyi dngos grub gsol zhes dngos grub bskul ba'i sngags so/__/oXM ye shes lnga baXdz+raX rdo rje saX maX yaX dam tshig s+t+waM sbyor ba ste dngos grub gsol ba'i dus la babs pa'o/__/oXM ye shes lnga baXdz+raX rdo rje saX maX yaX dam tshig hoX dgyes par rol pa ste dngos grub gsol ba la dgyes par dgongs shig ces so/__/drug pa ni/__dzaXHhUXM baXM hoX/__zhes phyag rgya bzhis dgug gzhug bya zhing dgyes pa bskyed pa'o/__/gnyis pa mchod pa la brgyad de/__phyag rgya gar gyi mchod pa dang /__/lhag pa ting nge 'dzin gyi dang /__ta na sgrol ba'i dang /__ga na sbyor ba'i dang /__bdud rtsi'i dang /__tshogs kyi dang /__bstod pa dang /__bzlas pa'i mchod pa'o/__/dang po phyag rgya la gsum ste cig char ba phyi'i phyag rgya dang /__snyoms 'jug gsang ba'i phyag rgya dang /__rim gyis pa nang gi phyag rgya'o/__/dang po cig char ba la gsum ste/__sems kyi phyag rgya dang /__lus kyi phyag rgya dang /__phyag rgya spyi'i nges tshig zhar byung ngo /__/dang po ni/__sgyu 'phrul brA ba'i mngon rdzogs pa'i/__/dbang po'i yul du gang gyur pa/__/mnyam pa'i ngang du rtogs gsal na/__/thams cad byang chub mchog gi rgya/__/zhes pas bstan/__de la sgyu maX ni shes rab yum gyi cha 'phru?Xl pa ni thabs yab kyi cha drwaX baX ni de gnyis 'brel ba'iX don yin pas rgyal ba bzhi bcu rtsa gnyis po thams cad thabs shes rab dbyer med par mngoXn par rdzoXgs par sangs rgyas paX'i don te rang rig pas mngon sum du gsal zhing rtogs pa na dbaXng poX'i yuXl duX gaXng gyu?~Xr pa yi chos thams cad sangs ma rgyas pa gcig kyang med de/__de yang phung po dang dbang po dang rnam par shes pa thams cad thabs kyi rang bzhin yab kyi dkyil 'khor la/__'byung ba dang yul dang dus thams cad ni shes rab kyi rang bzhin yum gyi dkyil 'khor te des na de dag thams cad thabs shes rab gnyis su med pa byang chub sems mnyamaX paX'i ngaXng duX lta bas rtogaXs shing ting nge 'dzin gyis gsaXl naX 'khor 'das kyi chos thaXms caXd de ltar rtogs pa'i ngang de las mi 'da' ba la byangaX chubaX mchoXg giX phyag rgyaX zhes bya'o/__/de yang tshig rkang dang pos phyag rgya'i don gnas thabs dang tshig rkang bar ma gnyis kyis lam rtogs thabs dang tha mas 'bras bu'i ngo bo bstan pa'o/__/gnyis pa ni/__bskyed chen 'khor lo'i gzhal yas su/__/thabs dang shes rab thams cad kun/__/gsal zhing 'od zer 'phro bsgoms na/__/bsgul bskyod thams cad phyag rgya yin/__/zhes pa ste ngo bo gang sgom na bskyedaX cheXn ni lus kyi yan lag lnga'o/__/de ltar 'khoXr loX rtsibs bzhi mu khyud dang bcas paX'i gzhal yas khang du bsgom pa ni bzhugs pa'i gnas so/__/gzhalaX yaXs khang de rnams suX thaXbs yab daXng sheXs raXb yum thaXms caXd de'i 'khor dang bcas pa kunaX bsgom pa ni dbu la de bzhin gshegs pa'i rigs yab yum bcu/__lag pa g.yas pa la rdo rje'i rigs yab yum bcu/__lag pa g.yon pa la rin po che'i rigs yab yum bcu/__rkang pa g.yas pa la las kyi rigs yab yum bcu/__rkang pa g.yon pa la pad+ma'i rigs yab yum bcu bsgom mo/__/de yang rngam glog 'khor lo bkod pa'i mdo las/__lag g.yas rdo rje mi bskyod pa/__/lag g.yon rin chen sems dpa' ste/__/rkang g.yas las kyi sems dpa' la/__/rkang g.yon pad+ma'i sems dpa' yin/__/dbu ni de bzhin gshegs pa'i rigs/__/ces so/__/rnam pa ji ltar sgom na sku de yang gsaXl zhiXng 'oXd zeXr 'phroX bar bsgomaXs shing gsal naX de ltar bsgoms pa'i yon tan ni rang gi lus kyis bsgulaX bskyodaX byas pa thaXms cadaX lha'i phyagaX rgyaX yiXn no/__/ci ste na rig pa ni lus kyi yan lag thams cad yi dam lha'i skur gsal ba'i ngang las mi 'da' ba'i phyir ro/__/gsum pa ni/__gsang ba de nyid nges pa las/__/snying po'i phyag rgya 'da' dka' 'o/__/zhes pa ste/__gong du bshad pa de lta bu'i spyod yul thams cad lha'i dkyil 'khor du gsal ba ni skye bo dang theg pa 'og ma thams cad kyi spyod yul du ma gyur pas gsaXng baX dang /__deX kho na nyidaX ngeXs paX'i don du 'bras laXs 'das pa'i rang bzhin yin la de ni phyag rgya thams cad 'byung ba'i rgyur gyur pas na phyag rgya'i snying po'am snyingaX poX'i phyagaX rgyaX ste/__chos thams cad don gyi snying po'i ngang de las mi 'da' ba'i phyir na 'daX'aX dkaX' 'oX/__/de yang tshig rkang dang pos khungs gang yin dang gnyis pas nges tshig ji ltar yin bstan pa'o/__/gnyis pa snyoms 'jug gsang ba'i phyag rgya ni/__oM dang mu gnyis rtse sbyar te/__/'bru brgyad bsnol nas rtse sprad pa/__/rgyal ba kun dang mnyam sbyor bas/__/bde ba chen po 'byin pa'i rgya/__/zhes pa ste/__bdag kun tu bzang por bsgom mkha' rdo rje rtse lngar bsgom rdo rje'i rtse mor oXM dang rwa ltag tu hUM dang swa dang a dang ha bsam/__yum kun tu bzang mor bsgom mkha' pad+ma 'dab bzhir bsgom dbus su muM bsam 'dab ma bzhi la laM maM paM taM bsam de nas rdo rje dang pad+ma gnyisaX rtseX sbyaraX bas oM dang muM sbyar pad+ma dang rwa 'byor teX 'bruX brgyadaX bsnolaX naXs rtseX spraXd paX ni dus gsum gyi rgyalaX baX kunaX daXng mnyamaX par sbyoraX ba byas paXs bdeX baX cheXn poX byang chub kyi sems 'byinaX paX'i phyag rgya'oX/__/de ni lhag pa byang chub sems kyis dbang bsgyur ba'i phyag rgya yin la/__'dir lag pa g.yas g.yon sor mo bsnol la rtse sprad nas bsgom par bya'o/__/gsum pa rim gyis pa la gnyis te/__phyag rgya 'byung ba'i rgyu dang /__lha so so'i phyag rgya bca' thabs so/__/dang po ni/__mi bskyod nyi ma'i dkyil yi ge/__rin chen zla ba'i dkyil yi ge/__lnga gnyis zung du spros pa las/__/sbyar bas phyag rgya 'byung ba'i rgyu/__/zhes so/__/lag pa g.yas pa miX bskyodaX pa'i rang bzhin gyi sor mo'i bre kha lnga la nyiX maX'i dkyilaX 'khor sen zlum tsam pa lnga sgom/__de'i steng du gung mo la yiX geX oM mdzub mo la hUM srin lag la a mthe'u chung la swa mthe bong la ha bsam mo/__/lag pa g.yon pa riXn cheXn 'byung ldan gyi rang bzhin du bsgoms pa'i sor mo'i bre kha lnga la zlaX baX'i dkyilaX 'khor sen zlum tsam pa lnga'i steng du gung mo la yiX geX lam mdzub mo la muM srin lag la paM mthe'u chung la maM mthe bong la taM bsam mo/__/de ltar sor mo g.yas kyi dpa' bo 'bru lnga dang g.yon gyi dpa' mo 'bru lngaX gnyisaX zuXng duX sbyar ba las 'od sproXs paX des 'phags pa mchod sems can gyi don byas tshur 'dus pa laXs yi ge bcu la thim pas 'od du 'bar ro/__/de thugs kar thal mo sbyaraX baXs yab yum sbyor ba byed par bsam ste de ltar yab yum thabs shes rab sbyor ba byed pa de ni phyagaX rgyaX 'byungaX baX'i rgyuX rdo rje thal mo yin no/__/gnyis pa ni/__'bru bzhi sbas nas thugs kar bkan/__/hUM breng rtse mo rdo rje 'bar/__/zla brtul 'bru sbas dril bsil zhing /__/'khril ba'i tshul gyis chos la bstan/__/'bru bzhi sbas nas thugs kar bkan/__/muM bsgreng rtse mo dril bsil 'bar/__/nyi ma 'bru lnga las su 'khril/__/btud de 'dzum pa'i mdangs kyis blta/__/'bru bzhi sbas nas thugs kar bkan/__/oM sgreng rtse mo 'khor lo 'bar/__/zla btul 'bru sbas dril bsil zhing /__/'khril ba'i tshul gyis chos la bstan/__/'bru bzhi sbas nas thugs kar bkan/__/laM sgreng rtse mo dril bsil zhing /__/nyi ma 'bru lnga las su 'khril/__/btud de 'dzum pa'i mdangs kyis blta/__/'bru bzhi sbas nas thugs kar bkan/__/swa rtse 'bar ba rin po che/__/zla btul 'bru sbas dril bsil zhing /__/'khril ba'i tshul gyis chos la bstan/__/'bru bzhi sbas nas thugs kar bkan/__/maM sgreng rtse mo dril gsil 'bar/__/nyi mar 'bru lnga las su 'khril/__/btud de 'dzum pa'i mdangs kyis blta/__/'bru bzhi sbas nas thugs kar bkan/__/aM sgreng rtse mo pad+ma 'bar/__/zla btul 'bru sbas dril bsil zhing /__/'khril ba'i tshul gyis chos la bstan/__/'bru bzhi sbas nas thugs kar bkan/__/paM sgreng rtse mo dril bsil 'bar/__/nyi ma 'bru lnga las su 'khril/__/btud de 'dzum pa'i mdangs kyis blta/__/'bru bzhi sbas nas thugs kar bkan/__/ha sgreng rtse mo ral gri 'bar/__/zla btul 'bru sbas dril bsil zhing /__/'khril ba'i tshul gyis chos la bstan/__/'bru bzhi sbas nas thugs kar bkan/__/taM sgreng rtse mo dril bsil 'bar/__/nyi ma 'bru lnga las su 'khril/__/btud de 'dzum pa'i mdangs kyis blta/__/zhes gsungs te/__spyir phyag rgya la bzhi ste phyag rgya bca' ba'i gnas sta zur g.yas g.yon no/__/phyag rgya 'byung ba'i rgyu rdo rje thal mo'o/__/phyag rgya 'byung ba'i thabs thugs ka dang /__/phyag rgya dgrol ba'i don stong nyid do/__/de la phyag rgya bsgyur ba'i thabs la gsum ste phyi lus kyi yan lag byin gyis brlobs pa'i phyag rgya dang /__nang lag pa g.yas g.yon la thabs shes rab kyi yi ge bkod pa dang /__gsang ba rdo rje dang pad+ma rtse sprad pa'i phyag rgya'o/__/de la nang gi phyag rgya la bzhi ste bcing ba dam tshig gi phyag rgya dang /__bsaM pa chos kyi phyag rgya dang /__byed pa las kyi phyag rgya dang /__bsgom pa phyag rgya chen po'o/__/de bzhis lha so so'i phyag rgya thams cad khyab par bcing ngo /__/phyag rgya dgrol ba ni stong nyid du dkrol ba'o/__/rgyas pa las gzung dang 'dzin pa rnam gnyis po/__/dag par dor ba phyag rgya yin/__/ces so/__/de ltar las 'dir ni phyag rgya de dag thams cad gcig tu tshang bar bcing nas byed pa'o/__/de bas na thun mong ma yin pa'i phyag rgya zhes bya bar yang 'gro'o/__/de yang lag pa g.yas pa mi bskyod pa'i rang bzhin gyi sor mo'i steng gi oM swa ha a'i yig 'bruX bzhiX khu tshur nang du sbaXs naXs thuXgs kaXr bzung ste mdzub mo sgreng nas phyir la bkaXn pa'i tshul gyis bzung ba ni bca' ba dam tshig gi phyag rgya'o/__/hUXM bsam pa'i mdzub mo bsgreXng ba'i rtseX moX la yi ge hUM las rdoX rjeX rtse lnga pa 'od 'baXr ba gsal ba ni bsam pa chos kyi phyag rgya'o/__/lag pa g.yon pa zlaX ba'i dkyil 'khor khu tshur nang du bcangs nas btulaX zhing 'bruX lnga nang du sbaXs te driXl bu bsiXl zhiXng rang gi yum la 'khril ba ni byed pa las kyi phyag rgya'o/__/yab las kyi rang bzhin yum la 'khriXl baX'i tshulaX gyisaX zhal yum choXs kyi rang bzhin laX bstanaX cing 'dud pa ni bsgom pa phyag rgya chen po'o/__/lag pa g.yon pa zla ba'i dkyil 'khor gyi steng gi laM maM pyaM taM ste 'bruX bzhiX khu tshur bcangs te sbaXs naXs thuXgs kaXr phyir gan du bkaXn nas bcangs pa ni dam tshig gi phyag rgya'o/__/muM gsal ba'i mdzub mo bsgrengaX ba'i rtseX moX la yi ge muM las driXl bu 'bar ba gcig gsal nas dril bu bsiXl ba dril bsil 'baXr zhes pa bsam pa chos kyi phyag rgya'o/__/lag pa g.yas pa nyiX maX la gnas pa'i yig 'aXbru lngaX pos laXs suX zhes pa yab kyi rang bzhin la 'khriXl ba ni byed pa las kyi phyag rgya'o/__/yum gyi dbu yab la btudaX deX zhal 'dzuXm paX'i mdaXngs kyisaX bltaX ba'o/__/de ltar yum gyi sku lhag gis gsal ba ni sgom pa phyag rgya chen po'o/__/yab yum de gnyis kyis lha tshogs thams cad la 'gre bar shes par bya'o/__/oM ma gtogs pa'i 'bruX bzhiX sbasaX nasaX thugasaX kaXr bkaXn pa ni bcangs pa dam tshig gi phyag rgya/__gsung yig 'bru oXM bsgrengaX rtseX moX thugs phyag mtshan 'khoXr loX 'od 'baXr ba gsal ba ni bsam pa chos kyi phyag rgya/__zlaX ba btulaX zhing yum gyi 'bruX lnga sbasaX nas driXl bu bsiXl zhing yum la 'khril ba ni byed pa las rgya/__'khriXl baX'i tshulaX gyisaX choXs laX zhal bstaXn pa ni skur sgom pa phyag rgya chen po'o/__/muM maM pyaM taM ste 'bruX bzhiX sbaXs naXs thugaXs kaXr bkaXn pa bcangs pa dam tshig gi phyag rgya/__laXM bsgrengaX rtseX moX drilaX bsiXl 'baXr ba gsal ba bsam pa chos rgya/__nyiX maX yi dpa' bo 'bruX lngaX laXs suX 'khriXl ba ni byed pa las kyi phyag rgya/__btuXd deX 'dzumaX paX'i mdaXngs kyisaX ltaX ba sku phyag rgya chen po'o/__/oM hUM a ha ste 'bruX bzhiX sbasaX naXs thuXgs kaXr bkaXn pa bcangs pa dam tshig__/swaX bsgrengaX rtseX moX 'od 'baXr baX yi riXn poX cheX sgom pa bsam pa chos rgya/__zlaX btulaX 'bruX lnga sbaXs nas driXl bu bsiXl zhiXng yum la 'khril ba byed pa las rgya/__'khriXl baX'i tshulaX gyiXs zhal choXs laX bstaXn pa sku phyag rgya chen po'o/__/muM laM pyaM taM ste 'bruX bzhiX sbaXs naXs thuXgs kaXr bkaXn pa bcangs pa dam tshig__/maXM bsgrengaX rtseX moX la driXl bsiXl 'baXr ba bsam pa chos rgya/__nyiX maX yi dpa' bo 'bruX lngaX laXs suX 'khriXl ba byed pa las rgya/__btudaX deX 'dzuXm paX'i mdaXngs kyisaX ltaX ba sku phyag rgya chen po'o/__/oM hUM swa ha ste 'bruX bzhiX sbaXs naXs thugaXs kaXr bkaXn pa bcangs pa dam tshig__/aXM bsgrengaX rtseX moX paXd maX 'baXr ba bsam pa chos rgya/__zlaX ba btulaX bas dpa' mo 'bruX lnga sbaXs nas driXl bu bsiXl zhiXng 'khril ba byed pa las rgya/__'khriXl baX'i tshulaX gyisaX choXs laX bstanaX pa sku phyag rgya chen po'o/__/dpa' mo 'bruX bzhiX sbasaX naXs thugaXs kaXr bkaXn pa bcing ba dam tshig__/pyaXM bsgrengaX rtseX moX drilaX bsiXl 'baXr ba bsam pa chos rgya/__nyiX maX dpa' bo 'bruX lngaX laXs suX 'khriXl ba byed pa las rgya/__btudaX deX 'dzuXm paX'i mdaXngs kyisaX ltaX ba sku phyag rgya chen po'o/__/oM a hUM swa ste 'bruX bzhiX sbaXs naXs thuXgs kaXr bkaXn pa bcangs pa dam tshig__/haX baXsgreng rtseX moX raXl griX 'baXr ba bsam pa chos rgya/__zlaX btuXl dpa' mo 'bruX bzhi sbaXs nas driXl bu gsiXl zhiXng chos la 'khril ba byed pa las rgya/__'khriXl baX'i tshulaX gyisaX choXs laX bstanaX pa sku phyag rgya chen po'o/__/muM laM pyaM maM ste 'bruX bzhiX sbaXs naXs thuXgs kaXr bkaXn pa bcangs pa dam tshig__/taXM bsgrengaX rtseX moX driXl bsiXl 'baXr ba bsam pa chos rgya/__nyiX maX dpa' bo 'bruX lngaX laXs suX 'khriXl ba byed pa las rgya/__btudaX deX 'dzuXm paX'i mdaXngs kyisaX ltaX ba sku phyag rgya chen po'o/__/gnyis pa lhag pa ting nge 'dzin gyi mchod pa la gnyis te/__lhag pa'i ting nge 'dzin dngos dang /__'byung tshul lo/__/dang po ni/__mchod pa'i phyag rgya chen po ni/__/sems kyi yid bzhin sprin tshogs kyis/__/phyogs bcu thams cad sangs rgyas shing /__/mnyen 'jam reg na bde ba yi/__/sna tshogs rin po che yi gzhi/__/mdzes par bris shing spras pa dang /__/kun 'byung rin chen phung por 'bar/__/dbyibs legs rdzing bu ro mchog bsil/__/rin chen khang pa sna tshogs dang /__/rgyan dang dpag bsam ljon pa'i tshal/__/glu dbyangs tshigs su bcad pa'i sgra/__/bla re rgyal mtshan na bza' gdugs/__/do shal dpung rgyan se mo do/__/mdzes pa'i rgyan rnams sna tshogs dang /__/bza' dang btung ba'i mchog rnams dang /__/rang la mdzes par brgyan pa yi/__/lha dang lha mo rdul snyed kyi/__/bro gar la sogs bsam yas kyis/__/phyogs bcu nam mkha'i khams bkang nas/__/dkyil 'khor kun la rgyas par 'bul/__/zhes pa ste/__spyir na mchod pa la gnyis te dngos su 'byor pa dang sems kyis dmigs pa'o/__/de las 'dir ni sems kyis dmigs pa'o/__/nang mchoXd paX'i phyagaX rgyaX cheXn poX niX ting nge 'dzin gyi mchod pa zer ro/__/rang rig pa byang chub kyi seXms ni ji ltar dmigs pa bzhin du 'grub par 'gyur ba nyid kyi phyiXr yiXd bzhiXn gyi nor bu rin po che dang 'dra bas mchod pa mang nyung gi tshad sprinaX tshoXgs kyiX phung po tsam sprul nas 'bul lo/__/de yang ting nge 'dzin gyis ji ltar sprul zhe na phyogaXs bcu'iX 'jig rten gyi khams 'di thaXms cadaX sangaXs rgyasaX kyi zhiXng khams rnam par dag pa rgyan bkod pa mnan na nem snyam byed pa bteg na 'phar ba snyam byed par sprul lo/__/zhing khams de'i mtshan nyid ci lta bu zhe na mnyenaX la 'jaXm pa dang reXg naX zag med kyi bdeX baX khyad par can bskyed par byed pa yiX rang bzhin can no/__/de'i gzhi gang zhe na rnam pa snaX tshoXgs pa'i riXn poX cheX'iX rang bzhin las grub pa'i sa gzhiX brtan cing 'dod pa 'byung ba dang dwangs shing mdzes par snang ba'o/__/zhing khams de'i rgyan ni ci zhe na bar bar du shin tu mdzeXs paXr snang ba'i mig mang ris su breXs shiXng /__de'i dmig tu gser gyi sor gdub la g.yu yi phra bcug pa ltar rin po che'i za ra tshags dang sna 'phyang dang chun 'phyang gi lda ldi ris su sprasaX paX daXng de lta bu yang dkyil 'khor gyi lha la 'bul lo/__/'jig rten gyi ri thams cad traM las 'dod pa'i yon tan kunaX 'byuXng ba'i riXn po cheX'i phu?Xng poX kha dog mdzes pa 'od 'phro zhing 'od zer 'baXr bar dmigs la dbul lo/__/'jig rten gyi khams kyi dbyibaXs leXgs shing yid du 'oXng ba'i rdziXng buX dang 'bab chu dang lteng ka dang chu klung chen po thams cad bdud rtsi roX mchoXg brgyad dang ldan pa dbyibs legs pa bsiXl la 'jam pa'i bdud rtsi'i chu rgyun du dmigs la 'bul lo/__/'jig rten gyi khams na sbra dang gur dang khang pa la sogs pa thams cad rnams riXn cheXn sna tshogs las grub pa'i gzhal yas khaXng paX rgyan gyi rigs snaX tshoXgs kyis brgyan pa daXng phyi nang med pa dper na shel gyi phor pa lta bur gsal ba zang thal bar dmigs la dbul lo/__/'jig rten gyi khams na rtsi shing ji snyed yod pa rnams dgos 'dod thams cad 'byung ba'i rgyanaX daXng ldan pa'i dpaXg bsaXm gyi shing ljonaX paX'i tshalaX du dmigs la 'bul lo/__/'jig rten gyi khams na glu?X len pa dang dbyangaXs dang tshiXgs suX bcadaX paX'i sgraX ji snyed yod pa thams cad bde bar gshegs pa la tshigs su bcad pa'i bstod pa byed par bsam la dbul lo/__/'jig rten khams kyi gos kyi rnam pa ji snyed yod pa thams cad ni bde bar gshegs pa la blaX reX dang rgyalaX mtshaXn dang naX bzaX' dang gdugaXs dang ba dan la sogs par bsam la dbul bar bya'o/__/'jig rten gyi khams na nor bu dang phyag gdub dang zhabs gdub dang rgyan ji snyed yod pa thams cad bde bar gshegs pa la dbu rgyan dang phyag gdub dang zhabs gdub dang mgul chu dang doX shalaX daXng dpu?Xng rgyanaX dang seX moX do?~X dang mdzeXs paX'i rgyanaX rnaXm paX snaX tshoXgs par bsam la dbul lo/__/'jig rten gyi khams na gos yod pa rnams ni bde bar gshegs pa la sku'i stod g.yogs dang gsung gi smad dkris dang thugs kyi zil ldir yon tan gyi chos gos dang mdzad pa las kyi phu dung dang mgul chu ze'u 'phrog daXng sked chings nor bu'i rtsar 'phyang la sogs par 'bul lo/__/'jig rten gyi khams na bzaX' ba daXng bca' ba dang btuXng ba dang ldag pa dang mur baX'i longs spyod ji snyed yod pa thams cad ni ro mchoXg brgyad dang ldan pa'i bdud rtsir bsam la bde bar gshegs pa rnaXms la dbul ba daXng /__'jig rten gyi khams na skyes pa dang bud med dang bu dang bu mo ji snyed yod pa thams cad raXng rang laX rgyan sna tshogs kyis mdzeXs paXr brgyanaX paX yiX lhaX daXng lhaX moX grangs bsam gyis mi khyab pa nam mkha'i rdulaX phra mo snyedaX kyi grangs dang mnyam pa de dag thams cad kyang rkang pas stabs mdzes pa'i broX brdung ba dang /__lag pas phyag rgya mdzes pa'i gaXr byed pa laX soXgs pa bsaXm yaXs grangs med pa'i tshogs kyisaX mchod par bsam mo/__/de ltar gong du bstan pa de lta bu'i ting nge 'dzin gyi mchod pa des phyogaXs bcuX naXm mkhaX'i khaXms thams cad gaXng bar dmigs nasaX dkyilaX 'khoXr gyi lha tshogs kunaX la re re zhing yang rgyasaX paXr 'bulaX bar bya'o/__/gnyis pa ni/__skal ldan gsal ba'i khyad par gyis/__/rim gyis yang na gcig char du/__/chos kyi dbyings dang mnyam sbyor zhing /__/mchod pa'i phyag rgya chen por bsgom/__/zhes pa ste/__dbul ba'i thabs ni ma hA yo ga'i sgor zhugs pa'i rnal 'byor pa de ni sangs rgya ba'i skalaX ba dang ldanaX pa ste de la ting nge 'dzin mi gsal ba dang /__gsaXl baX'i khyadaX paXr gyisaX mchod pa yang riXms kyisaX sam yaXng naX cigaX chaXr du?~X 'bul ste/__de yang rnal 'byor pa blo chen cig char du dus gcig la 'bul la/__blo chung na rims kyis dbul ba dang blo shin tu chung na rims pa'i mos pas dbul bar bya'o/__/nam mkhas gar khyab sar chosaX kyiX dbyingaXs kyis khyab pa daXng chos kyi dbyings kyis gar khyab sar bde bar gshegs pas khyab pas na mchod pa dang bde bar gshegs pa mnyamaX par sbyoraX zhiXng dbul lo/__/de ni rtsol ba dang bcas pa'i mchod pa min te ting nge 'dzin gyis 'bul bas na mchoXd paX'i phyagaX rgyaX cheXn poXr bsgomaXs pa'o/__/gsum pa sgrol mchod ni/__thog mar bdag nyid rtogs goms bsgral/__/de nas gnyis med blo yis ni/__/blo ngan 'jig rten snying re rje/__/gnyis su med par bsgral bar bya/__/zhes pa ste/__spyir sgrol ba'i mchod pa la lnga ste/__rang bzhin gyis sgrol ba dang /__ting nge 'dzin gyis dang /__dbang po yul gyi dang /__thabs chen po'i dang /__mngon du phyung ba'i dang lnga las 'dir rang bzhin gyis sgrol ba'o/__/dang po ni phung po khams dang skye mched thams cad don dam par ma skyes pa kun rdzob tu ye shes kyi dkyil 'khor du sangs rgyas pa'o/__/de bas na mchog gi mchod pa ni mchod pa thams cad kyi thog mar 'gro ba'o/__/rang rig pa nyid rtogs nas ma rig pa'i mun pa rnams mchod par 'bul ba'o/__/don gyi ngo bo la sgrol bar ma gyur pa'am mchod par ma gyur pa gang yang med pa'o/__/thoXg maX ni bdag dang gzhan gnyis las thog mar bdag bsgral lo/__/bdaXg nyidaX ni rang lus so/__/rtogaXs pa ni dbang po yul gyi sgrol ba ste yul du snang ba thams cad yum gyi dkyil 'khor shes pa 'jug pa thams cad yab kyi da lar bsam mo/__/sgomaX pa ni rang lus skye ba med par sgom ma rig pa dang log lta dang bdag 'dzin la sogs pa phyin ci log gi snang ba gang yin pa thams cad mchod par 'bul lo zhes des rtogs pas bdag bsgraXl ba bstan nas thugs rjes gzhan bsgral ba ni de ltar rtogs pas bdag bsgral ba deX naXs bdag rnal 'byor pa dbyings dang ye shes gnyisaX su meXd pa dang thabs dang shes rab gnyis su med pa'i don rtogs pa'i bloX dang ldan pa'i gang zag de yiXs niX gnyis su med pa'i don la gnyis su 'dzin pa'i bloX ngaXn gyi sems can 'jiXg rtenaX na gnas pa de dag thams cad snyingaX reX rjeX zhes snying rjes 'du shes kyis bdag nyid sgrol ba'i lha Ta ki ra tsar gsal ba dang gri 'jam dpal ye shes sems dpar gsal ba dang bsgral bya'i sems can de dag thams cad ru trar gsal bar byas la bdag tu rtog pa rtsad nas bcad nas sems 'og min du bsgral ba dang phung po 'dod yon gyi lha mor byas la dkyil 'khor gyi lha la 'bul bar bya'o/__/de bas na bdag dang gzhan gnyisaX suX meXd paXr bsgralaX baXr bya'oX/__/bzhi pa sbyor mchod ni/__gsal ldan ma'am byin brlabs la/__/thabs dang shes rab gnyis med pa'i/__/'khril ba'i mchod chen mnyam sbyor bas/__/bdag nyid mnyes pas mnyes par bya/__/zhes pa ste sbyor ba'i mchod pa la lnga las 'dir mngon du phyung ba'i sbyor ba'i mchod pa ste/__de yang yum de rang gis ting nge 'dzin sgom shes na gsaXl ldanaX maX zhes bya ste rnal 'byor pas byin gyis brlabs miX dgos pa de'aXm ting nge 'dzin bsgom mi shes na rnal 'byor pas byinaX gyis brlabaXs laX bya'o/__/thabaXs yab rdo rje sems dpar bsgom mkha' rdo rje rtse lnga par bsgom rtsa bar oM sked pa hUM rtse mor phaT bsam pa daXng sheXs raXb yum dbyings phyug mar bskyed mkha' pad+ma 'dab brgyad du bsam dkyil du hUM dgod par bya yab yum gnyis su med pa'i sbyor ba byed pa ni yum gyis sa ma ya ho sa ma ya s+t+waM/__sa ma ya hUM zhes brdas bskul yab kyis ra ga ya ho zhes lan byin no/__/yab yum thaXbs daXng sheXs raXb gnyisaX su meXd paXr 'khriXl baX'i mchoXd pa mdzad nas rig pa nang du bzung bas dga' ba dang mchog dga' dang lhan cig skyes pa'i dga' ba dang dga' bral gyi dga' ba cheXn pos rang lus bde bas rgyas par bya de nas byang sems phyir byung ba dang lhag pa byang chub sems phar la 'phros pas dkyil 'khor gyi lha la mchod pa phul ba ste/__de lta bu'i mchod pa de gang las byung na yab yum dgongs pa thams cad tshang ba'i dbang po mnyamaX par sbyoraX ba las byung baXs na sbyor ba'i mchod pa zhes gsungs la/__de nas byang chub kyi sems tshur bdaXg nyidaX yum la thim pas rang gi rtog tshogs nyid dkyil 'khor du gsal ba yang bde ba chen pos mnyesaX paXs de dag rnams la yang mnyesaX paXr byaX ba'i mchod pa phul ba yin no/__/lnga pa bdud rtsi'i mchod pa ni/__mnyam pa'i sgrub rdzas chen po dag__/bdag dang mnyam pa'i tshogs la 'bul/__/zhes pas bstan te/__rdzas kyi mchod pa ni gsum ste ngo bo dang /__grub pa bzhis brgyan pa dang /__dbul thabs so/__/ngo bo ni dri chen dri chu maM sa rak+ta lhag pa'i byang sems dang lnga'o/__/grub pa bzhis brgyan pa ni chos nyid rang bzhin gyis grub pa dang /__chos can ngo bos grub pa dang /__mthu can las kyis grub pa dang /__byin brlabs nus pas grub pa'i rdzas so/__/de lta bu'i grub rdzas chen po ni rang bzhin gyis mnyam las kyis mnyam pa'i phyir na mnyamaX paX'i sgrubaX rdzaXs teX/__rdzas de nyid sangs rgyas rigs lnga dang dbyer med par lus la khams bdud rtsir gnas pas na cheXn po'oX/__/dbul ba'i thabs ni de lta bu'i bla na med pa'i dam rdzas daXg pa'i mchod pa de bdaXg dam tshig sems dpa' daXng lha ye shes sems dpa' mnyamaX zhing dbyer med paX'i tshoXgs laX 'bulaX bar bya'o/__/drug pa tshogs mchod ni/__bza' dang bca' dang btung dang bgo__/longs spyod lnga ldan thams cad kun/__/dkyil 'khor la ni dkyil 'khor thim/__/zhes pa ste bzaX' ba zas kyi rnam pa daXng bcaX' ba rus pa'i rnam pa daXng btungaX ba chang gi rnam pa daXng bgoX ba gos kyi rnam pa rnams ni longs spyod rdzas kyi mchod pa chen por 'bul lo/__/mig gzugs kyi longs spyod dang /__rna ba sgra'i sna dri'i lce ro'i lus reg bya'i loXngs spyodaX dang lngaX ni rang la gang yod ldaXn na dngos su dbul/__ma ldan na ting nge 'dzin gyis sprul la dbul te longs spyod lnga po thaXms cadaX kunaX dbul lo/__/dbul thabs ni ye shes lha'i dkyilaX 'khoXr dbul bya laX dbul byed niX bdag gi thugs ka nas mchod pa'i lha mo'i dkyilaX 'khoXr ram 'dod yon gyi lha mo mang po spros nas thiXm pa'o/__/de la ni ye shes la ye shes rol zhes bya chos nyid la chos nyid thim zhes bya lha la lha rol zhes bya'o a i u li sngags kyis dbul lo/__/bdun pa bstod pa la drug ste sku la bstod pa dang /__gsung la dang /__thugs la dang /__yon tan la dang /__phrin las la dang /__spyir bsdus te bstod pa'o/__/dang po ni/__oM phyogs bcu dus bzhi rdzogs pa yi/__/ye shes dkyil 'khor thig le che/__/bsod nams dkyil 'khor sku yi tshogs/__/snang stong thig le kun tu rdzogs ho/__/zhes gsungs/__sku lnga mngon pa nyid kyi phyir yi ge oX~M gyIs 'go drangs pa'o/__/phyogaXs baXcu dusaX bzhiX rgyu mngon par rdzogaXs paXr sangs rgyas paX'i gnas dang dus kun tu thugs dam gyi dbang gis 'gro ba'i don rdzogs par mdzad pa ni rgyal ba yab yum lnga yang sku lngar 'dus rang byung ye shes nyid rang byung la ma 'gags par gsal ba ni mngon par byang chub pa'i sku'o/__/ye shes lnga mi rtog pa'i yeX sheXs su gsal ba ni dkyilaX 'khoXr de nyid khyab brdal chen por gnas pa ni thiXg leX cheX'o/__/de yang chos nyid kyi sku ni spros pa'i mtshan ma thams cad bral ba'i chos nyid yin te de ltar snang ba'o/__/gang yang ma spangs par zag pa med pa'i bsoXd namaXs rang snang ba ni dkyilaX 'khoXr lta bu ste 'bras bu ye shes kyi tshogs las nges par 'byung ba longs spyod rdzogs pa'i sku mtshan dang dpe byad du bstan pa'o/__/rgyu bsod nams kyi tshogs bar chad med pa las 'bras bu nges par 'byung ba ni longs sku de dag las 'khor sprul skuX yiX tshogaXs 'gro ba rigs drug gi don sprul sku mang pos mdzad do/__/snangaX ba rtags stongaX pa don de gnyis su med pas thiXg leX kuXn tuX rdzoXgs pas gnyis su med pa brag cha lta bu'o/__/de sku gsung thugs dbyer med pa rang gi ngo bo mnyam pa nyid 'jigs pa thams cad dang bral bar rang bzhin gyis grub pa ni rdo rje'i sku'o/__/de ltar sku lnga la dgyes pas hoX zhes pa'o/__/gnyis pa ni/__oM rdo rje bsod nams thig le che/__/rdo rje ye shes dkyil 'khor ldan/__/rdo rje sgra chen mtha' yas pa/__/rdo rje rgyal po thig le che ho/__/zhes pa ste gsung lnga mngon pa nyid yi ge oX~M de'i phyir mgo drangs pa'o/__/rdoX rjeX bsoXd naXms kyi ngo bo sgra ma spangs pa'i phyir na brdas ston te longs spyod rdzogs pa'i sku nyid phyag dang zhabs dang spyan dang ljags kyi brdas byang chub sems dpa'i 'khor la brda go ba sprod pa dang sgrib pa sel bas na rdo rje 'bras bu ye shes kyi bsod nams las grub pas na longs sku dgongs pa brda'i gsung ngo /__/spros pa med pa'i thigaX leX brjod du med pas don gyi gsung cheX ba'am chen pos te chos sku skye med don gyi gsung ngo /__/rdoX rjeX ni stong pa yeX sheXs ni stong pa'i don shes pa dkyilaX 'khoXr ni don rtogs pa ldaXn pa ni stong pa'i don ye shes su ldan pa ye shes dkyil 'khor du ldan pa'o/__/de lta bu des ma brjod par thams cad gsal bar brda sprod pa'i phyir na rig pa'i gsung ngo /__/de ni mngon par byang chub pa'i rig pa sgyu ma'i gsung ngo /__/rdoX rjeX stong pa sgraX chen tshangs pa'i mthaX' yaXs paX sna tshogs su snang ba ste sprul pa'i sku'i tshangs pa'i gsung gis 'jig rten drug gi phyogs bcu thams cad kyis go bar spyod pa dang de dag gi nyon mongs pa'i sgrib pa thams cad gtan nas 'joms par byed do/__/gcig la mang por grags pa'i phyir na sprul sku sna tshogs tshangs pa'i gsung ngo /__/rdoX rjeX ni grags stong dbyer med pa de nyid kyis thams cad la dbang bsgyur bas rgyalaX poX dang /__grags stong ni so so'i spyod pa thams cad dang bral ba'i phyir thiXg leX cheX'o tshig med pa nyid brjod pa dang 'dra bar gsal ba gsung gi rang bzhin yin pas na rdo rje'i sku grags stong dbyer med kyi gsung ngo /__/de lta bu'i don la dgyes pas na hoX zhes pa'o/__/gsum pa ni/__oM sku gsung thugs kyi rdzogs pa che/__/yon tan 'phrin las kun tu rdzogs/__/ye nas lhun rdzogs kun tu bzang /__/'dus pa'i tshogs chen thig le che/__/zhes gsung ste/__thugs lnga mngon pa nyid yi ge oX~M de'i phyir mgo drangs pa'o/__/skuX ni chos sku zag bral te de'i thugs ni mnyam pa chen po yin la de ni chos kyi dbyings kyi ye shes so/__/gsuXng ni mngon par byang chub pa ste mi g.yo ba'i thugs yin la de ni so sor rtog pa'i ye shes so/__/thuXgs ni longs spyod rdzogs pa'i sku ste de nyid kyiX thugs ni me long lta bu'i ye shes mi g.yo ba'i rang bzhin ma 'gags pa'i thugs so/__/de gsum dbyer med pas na rdzoXgs paX'o mchog tu gyur pas na cheX ba'am chen por gnas pa'o/__/yoXn tanaX ni rdo rje'i thugs te mnyam pa nyid kyi ye shes so/__/'phriXn laXs ni 'gro ba sgrol ba'i thugs te bya ba grub pa'i ye shes so/__/de rnams gcig tu gnas pas na kunaX tuX rdzogaXs ces so/__/yeX naXs sku gsung thugs yon tan 'phrin las nyer lngar rdzogs pa'o/__/rigs lnga'i thugs ni ye shes lngar gnas te de yang de re re la yang ye shes lnga lngar lhun gyis grub par gnas pas na ye nas lhunaX rdzogaXs ces bya/__ma btsal bar sku lnga ye nas lhun grub tu rdzogs pas na rang bzhin kunaX tuX bza?~Xng po zhes de la bya'o/__/sems dpa' dang sems ma thams cad kyang rang rang gi rigs kyi ye shes lnga'i rang bzhin du 'dusaX paX'i phyir na tshogaXs cheXn zhes bya ba'i rgyal ba nyid dang dbyer med pa'i phyir na thiXg leX cheX ba'am chen po'o/__/de lta bu la dgyes pas na hoX zhes bya ba'o/__/bzhi pa ni/__oM mi dmigs sgyu 'phrul mnyam pa'i dbyings/__/mtha' yas kun nas sna tshogs 'phro/__/mtha' yas kun nas lhun gyis thim/__/sna tshogs sku gsung thugs chen po ho/__/zhes pa ste yon tan lnga mtshon pa'i yi ge oXM gyis thog drangs nas chos kyi dbyings dang rang rig pa'i ngo bo nyid dmigs pa nyid rang rig pa'i ye shes kyi gzhal yas khang du shar ba ste de phyi nang med par gsal ba'i phyir ye shes rin po che'i gzhal yas khang ngo /__/miX dmiXgs pa'i rig pa nyid sgyuX 'phruXl sna tshogs su snang bas snang stong dbyer med mnyamaX paX'i dbyingaXs phyi nang dang rgya che chung med pa'i gzhal yas khang ngo /__/chos kyi dbyings ni ye nas rang gi ngo bos snang stong dbyer med par mnyam pas te des thams cad la khyab pa ni nam mkha' dang mnyam pa mu mtha' med pa'i phyir sangs rgyas kyi zhing ngo /__/de lta bu'i gzhal yas khang de ni de bzhin gshegs pa'i bzhugs gnas so/__/mthaX' yaXs kuXn naXs ni sku'i gnas kyi ba spu'i bu ga nas so/__/snaX tshoXgs 'phroX ni 'od zer bsam gyis mi khyab pa 'phros pas khams gsum gyi sems can thams cad kyi sgrib pa ma lus pa sbyong bar byed pa'o/__/phyogs bcu'i zhing khams mthaX' yaXs pa kuXn snang ba'i 'dod pa'i yon tan lnga'i longs spyod thams cad ni ye naXs mchod pa'i lha mo lngar lhuXn gyisaX grub nas mchod pa 'bul ba dang lha la lha thiXm zhes bya'o/__/de yang mtha' yas pa'i 'dod yon kun la myong ba med pa'i tshul gyis spyod pas na longs spyod pa'o/__/snaX tshoXgs zhes pa ni seng ge la sogs pa 'bras bu'i byang chub sems dpa' re re yang brgyad brgyad du snang nas rgyal ba'i gdan khri 'degs pa dang skuX snang la rang bzhin med pa'am gsal ba nyi zla dang gsuXng nyes pa'i skyon gyis ma gos pas pad+ma'i gdan dang thuXgs rig pa'i ye shes cheXn poX rang snang ba'i rtags su dgos 'dod kun 'byung ba rin po che'i gdan te de la dgyes pas hoX zhes so/__/lnga pa ni/__oM phyogs bcu'i 'jig rten rdul snyed du/__/rgyal ba'i don rnams rdul phran snyed/__/sprul pa rdul phran bsam yas kyis/__/skad cig yud la lhun gyis grub ho/__/zhes pa ste 'phrin las lnga 'tshogs pa'i phyir oXM gyis sna drangs nas so/__/phyogaXs bcuX'i 'jiXg rtenaX gyi khams ni mang nyung gi tshad rdulaX phra rab snyedaX dang mnyam pas na de nyid du?~X gnas pa'i sems can yang rdul phra rab dang mnyam pa de rnams ni don bya ba'i yul lo/__/de yang gdul bya'i gnas phyogs bcu'i 'jig rten tshad rdul phra rab dang ngo bo dag pa dang ma dag pa'i gdul bya'o/__/de dag ni nyon mongs pa zhi bar byed pas na zhi ba'i 'phrin las so/__/de dag tu rgyal ba'i sprul pas 'gro ba'i don byed pa yang rdul phra rab dang mnyam pa'o/__/de bas na rgyalaX baX'i doXn rnamaXs ni 'dul byed do rdulaX phraXn snyedaX ni 'dul thabs so de rnams 'gro don dpag tu med pa mdzad pas na rgyas pa'i phrin las yin no/__/'dul byed kyi tshad ni bde bar gshegs pa'i sprulaX paX thub pa drug gis grangs rdulaX phraXn tsam la gdul thabs zhi khro sna tshogs su snang bas bsaXm yaXs pa'o/__/de rnams kyisaX 'gro ba rnams dbang du byed pas na dbang gi 'phrin las so/__/don grub tshul ni skaXd ciXg gam yuXd tsam mam thang cig laX don byed pa de ni drag pas na drag po'o/__/btul ba'i tshad ni ma btsal bar lhunaX gyisaX gruXb pa'i 'phrin las so/__/de yang don mdzad pas de ma thag pa'i 'phrin las kyis ji ltar btul ba bzhin du lhun gyis grub par byed pas na drag po dang lhun gyis grub pa'i 'phrin las te dgyes pas hoX zhes so/__/drug pa ni/__oM thams cad ma lus sku gsung thugs/__/sku gsung thugs kyi bdag nyid che/__/sku gsung thugs kyis kun tu khyab/__/sku gsung thugs kyi thig le che ho/__/zhes sku gsung thugs yon tan 'phrin las lnga tshogs pa'i yi ge oXM gyis mgo drangs nas 'khor 'das kyi dngos po gnyis kyis bsdus pa'i chos thaXms cadaX maX lusaX shing lus pa med par skuX gsuXng thugaXs su gnas la skuX gsuXng thugaXs kyiX rol pas yon tan 'phrin las su rang shar te sku gsung thugs yon tan 'phrin las lngar gnas so/__/de ltar skuX gsuXng thuXgs kyang rig pa'i ye shes kyi bdaXg nyidaX du rang shar ba yin te/__de dag gi ngo bo ni bdag nyid cheX ba'am bdag nyid chen po dpal kun tu bzang po'o/__/skuX gsuXng thuXgs kyiX rang bzhin bdag nyid chen po de nyid kyis thams cad la khyab pa ltar gnas pa nyid na des ci mdzad ce na 'khor 'das kuXn tuX khyabaX par mdzad pa'o/__/skuX gsuXng thuXgs kyis kyang dngos po thams cad la ma khyab pa gang yang med do thams cad la khyab cing bdag nyid chen por sbyor ba de nyid kyiX phyir spros pa thams cad dang bral bas na thiXg leX cheX zhes bya ba'o/__/de lta bu'i don la dgyes pas na hoX zhes gsungs so/__/brgyad pa bzlas pa'i mchod pa ni/__/de yi bzlas pa 'phrul chen ni/__/rnam gsum tshul gyis ma 'khrul bar/__/sngags bzlas 'phro 'du bar mi bcad/__/'dres gsal brtan pa mchog gis bya/__/zhes so/__/de la bzlas pa la gsum ste/__dzaba? khang bskyed pa dang /__lha dbye ba dang /__bzlas pa bya'o/__/dang po ni mdun gyi bar snang la b+h+rU~M bi shwa bi shud+d+he badz+ra dz+nyA na tsakra sur+ya rat+na pad+ma maN+Da la zhes brjod pas gzhal yas khang bsam mo/__/de nas lha dbye ba ni hUM zhes lan gsum brjod pas hUM dang pos snang srid gsal bar byas hUM gnyis pas thams cad bdag la bsdus hUM gsum pas bdag dam tshig pa dang lha ye shes pa gnyis su dbye ste bdag dam tshig pa'i lha'i dkyil 'khor gyi mdun na lha ye shes pa'i dkyil 'khor gsal te mar me gcig las gnyis su dbye ba ltar bsam mo/__/bzlas pa la lnga ste/__ngo bo dang /__bzlas thabs dang /__spro bsdu dang /__grangs tshad dang /__skyon spangs pa'o/__/ngo bo ni gnyis te spyi bsnyen dang sgos bsnyen no/__/spyi bsnyen ni rigs thams cad rdo rje sems par 'dus pas hUM badz+ra d+h+rika muM d+ha du shwa ri ces pa'o/__/spyir dril bzhi oM bo d+hi tsit+ta ma hA su ka dz+nyA na d+ha d+hu a ces bzlas so/__/sgos bsnyen ni lha rang rang gi sngags thad kar bzlas so/__/bzlas thabs la gsum ste phyi lus la dmigs pa'i bzlas pa dang /__nang rtsa la dmigs pa'i bzlas pa dang /__gsang ba mkha' dbyings la dmigs pa'i bzlas pa'o/__/phyi ltar bzlas pa ni bdag gi thugs ka na nyi zla pad+ma'i gdan/__de'i steng na rdo rje sems dpa' tshon gang ba g.yas gser gyi rdo rje nas tsam pa/__g.yon g.yu yi dril bu khu 'phangs tsam 'dzin pa sku stod la dar dkar gser gyi ngang ris can gyi sku'i stod g.yogs gsol ba/__sku smad la ba ti smug po'i gsung gi smad dkris gsol ba/__dar chen po dar ris kyis thugs kyi zil dir gsol ba/__dur kha dang mig ris kyi yon tan gyi chos gos gsol ba/__chu dar sngon pos mdzad pa las kyi phu dung byas pa/__rin po che'i rgyan rnam pa sna tshogs pas spras pa 'od dang 'od zer dpag tu med pa 'phro ba bsam la de'i thugs kar nyi ma de'i steng na rdo rje nas tsam pa de'i lte ba la hUM mthing ka nyung 'bru tsam pa de'i mtha' ma na phar la sngags kyis bskor bar bsam/__mdun du yang de ltar bsam la bzlas pa'i 'od bdag dang mdun dkyil gnyis la spro bsdu bya'o/__/nang ltar bzlas pa ni bdag gi spyi bo bde ba chen po'i 'khor lo na rtsa 'dab ma sum cu rtsa gnyis/__mgrin pa longs spyod na bcu drugasnying ga chos kyi 'khor lo na brgyad/__lte ba sprul pa'i 'khor lo na drug cu rtsa bzhi gsang gnas rlung gi 'khor lo gzhu lta bu dang lnga la spyi bor rnam snang /__mgrin par snang mtha'/__thugs kar mi bskyod/__lte bar rin 'byung /__gsang bar don grub rnams bsgom/__bdag gi thugs kar ye shes pa re re/__de'i thugs kar rdo rje dang 'khor lo la sogs pa'i phyag mtshan de'i lte ba la hUM dang oM la sogs pa rang rang gi sngags kyis bskor ba'o/__/de la dmigs nas bzlas pas 'od zer bdag las chad spyi bor phog byang sems zhu mgrin par babs de nas snying ka de nas lte ba de nas gsang gnas su byung phyir 'phros bdag gi spyi bor phog de bzhin du mgal me bzhin du bya'o/__/gsang ba ltar bzlas pa ni bdag gis bzlas pa byas pas thugs ka'i sngags srog rtsa nang nas yar la song spyi bor thim sgal tshig kyi rta brgyud rdo rje'i lam du byung yum gyi mkha' la 'phros mdun gyi lha'i thugs kar thim par mos pa bzlas pa'o/__/spro bsdu ni bsnyen pa'i dus su 'od dkar po phar la nye bsnyen gyi dus su 'od zer ser po phar la 'phros pas 'gro ba'i sgrib pa sbyong /__bsgrub pa'i dus su 'od dmar po phar la 'phros pas sems can gyi sgrib pa sbyong tshur bsdus nas dngos grub sdud do/__/sgrub pa chen po'i dus su 'od ljang gu phar la mi spro bar tshur la sku gsung thugs kyi dngos grub thams cad sdud do/__/grangs tshad ni/__grangs kyi bsnyen pa 'bum tsho drug__/dus kyi bsnyen pa dbang po rab zla ba drug 'bring zla ba bcu bzhi tha ma zla ba bcu drug gomatshan ma ni rab yi dam lha'i zhal mthong 'bring bsgrub rdzas la rtags thon tha ma nyams dang rmi lam gsal lo/__/skyon ni ting nge 'dzin mi gsal ba dang bzlas pa sgra ma dag pa dang le lo dang g.yeng ba spang ngo des grub pa'o/__/de ltar gong du bskyed pa'i dkyil 'khor gyi lha deX yiX bzlasaX paX bya ba yang phar 'phro ba dang tshur sdud pa'i ting nge 'dzin gyi cho 'phrulaX cheXn po ste de la niX bdag las ye shes kyi lha mdun du dbye zhing bdag dam tshig gi lhar gsal ba dang mdun na ye shes kyi lha gsal ba dang bar du sngags kyi 'phro 'du gsal ba ste rnamaX pa gsuXm gyi tshulaX gyisaX yid maX 'khrulaX baXr gsal ba'o/__/sngagaXs bzlaXs pas 'phroX 'duX bya tshul kyang phar 'phros pas ye shes lha'i thugs dam bskul ba dang slar 'dus pas bdag la dngos grub gsol bar dmigs pa dang ting nge 'dzin gyi 'phro 'du'i baXr rnam par rtog pas mi bcad cing sngags kyi bar mi tshig gis miX gcaXd par bzlas par byaX ba'o/__/de yang rang lha'i rnal 'byor la 'drisaX pa dang 'phro 'du'i ting nge 'dzin gsaXl ba dang rnam par rtog pa'i rlung gis ma bskyod par brtanaX paXr bya'o/__/de ni mchoXg giXs bzlas pa byaX ba'o/__/gsum pa mjug gi las la gsum ste/__dkyil 'khor bsdu ba dang /__rgyun gyi spyod lam dang /__rtsa 'khor lo'i rdzogs rims so/__/dang po ni/__bsnyen pa rdzogs nas dkyil 'khor kun/__/hUM zhes brjod cing thugs kar bsdu/__/skye med mnyam rdzogs dbyings su thim/__/zhes pa ste bsnyenaX paX rdzoXgs naXs tshogs mchod dang lhag chog bya gtor ma gtong de nas dkyilaX 'khoXr kuXn bsdu ste dam tshig gi dkyil 'khor la bsdu ye shes kyi dkyil 'khor gshegs su gsol/__de nas hUXM zhesaX brjoXd cingaX bdag nyid gtso bo'i thugs ka nas hUM 'phros pas lha dang gzhal yas khang dang bcas pa thams cad 'od du zhu nas gtso bo'i thugaXs kaXr bsdu?~X zhing thim pa dang bdag nyid 'od du zhu nas chos kyi dbyings skye med mnyam rdzogs chen po'i dbyings su thim par gyur to/__/de ni stong pa'i go cha ste cis kyang mi shigs pa'o/__/de ni rtag pa yi mtha' dang bral ba'i phyir na rdzogs pa'i rim pa sgoms pa'o/__/gnyis pa ni/__stong pa'i go chas lus bsrung ste/__/spyod lam kun tu btsal med par/__/'gro dang 'dug dang nyal ba dang /__/mnyam pa de yi dbyings su gnas/__/zhes pas bstan/__de ltar bsgom pa ni stongaX paX'i goX chaXs luXs bsruXng ba steX/__cis kyang mi tshugs pa'o/__/de nas kaM las rdo rje'i go khrab dang haM la rgyun thag dang aM las rdo rje dang hUM las rin po che'i thag pa ro gung mdzub la bsam la bcing ngo rat+na ma le a be shin tsa ces pas rin po che'i phreng bas bcing ngo /__/sa ta laM ces pas dar dpyang dkar po g.yas su 'phur ba dang a bi shin tsa maM ces pas dar dpyangs dmar po g.yon du 'phur ba'o/__/spyodaX laXm bya ba yang dus kuXn tuX rang las ma gtogs pa'i lha sku btsalaX du meXd paXr rang la ye nas yod pa de nyid spyod lam du byed pa'o/__/'groX ba daXng 'duXg pa daXng nyalaX baX daXng sdod pa'i gnas skabs thams cad du yang stong pa nyid kyi gnas lugs de maX nyamaXs pa'am deX yiX ngang las ma g.yos pas de'i dbyingaXs suX gnaXs pa dang cung zad blo chung ba 'dra na de'i ngang las rang lha'i skur bskyed nas lus bsrung ba dang go bgo ba byas la spyod lam thams cad lha'i sku gsal bar bsgom mo/__/gsum pa ni/__dkyil 'khor ldan pa'i dkyil 'khor gyis/__/dkyil 'khor la ni dkyil 'khor bsgom/__/dkyil 'khor dkyil 'khor las byung ba'i/__/thugs kyi dkyil 'khor dkyil 'khor mchog__/de yis byang chub snying po len/__/zhes pa ste/__gzhi dngos po'i gnas lugs rang bzhin gyi dkyilaX 'khoXr bdag la gnas shing ldaXn paX'i don de shes par byed pa'i dkyilaX 'khoXr gyisaX shes par bya zhing rang bzhin gyi dkyilaX 'khoXr laX niX ting nge 'dzin gyi dkyilaX 'khoXr bsgoXm pa ste rtogs par byed pa'o/__/dkyilaX 'khoXr ces pa rang bzhin gyi dkyilaX 'khoXr laXs byungaX baX'i ting nge 'dzin gyi dkyil 'khor te thugaXs kyiX dkyilaX 'khoXr zhes pa ting nge 'dzin gyi dkyilaX 'khoXr de nyid kyi gtso bo mchoXg ni rdo rje sems dpa' yin pas spyod lam thams cad du rdo rje sems dpa' sgom pa'o/__/de rnams ni sku bsgom par 'dod pa kho na'o/__/yang na nang gi rdzogs rims su bshad na dkyil 'khor ldan pa ni rang la spyi bo bde ba chen po'i 'khor lo na rtsa 'dab ma sum cu rtsa gnyis dang /__mgrin pa longs spyod kyi 'khor lo na rtsa 'dab ma bcu drug dang /__snying ga chos kyi 'khor lo la rtsa 'dab ma brgyad dang /__lte ba sprul pa'i 'khor lo na rtsa 'dab ma drug cu rtsa bzhi gnas pa dang /__srog shing rtsa g.yas ro ma dang /__g.yon rkyang ma dang dbus ku d+har ma rnams rang la gnas pa'o/__/dkyil 'khor gyis ni de ltar gnas pa de shes par gyis so/__/dkyil 'khor ni gnas pa de la'o bsgom pa ni dkyil 'khor de rnams sgom pa'o dkyil 'khor dkyil 'khor las byung ba ni spyi bo na yi ge haM mgo thur du lta ba de las byang sems zhu bas mgrin par byung de nas byang sems snying gar byung ba'o/__/thugs kyi dkyil 'khor dkyil 'khor mchog ni snying ga na rtsa 'dab ma brgyad la rigs lnga dang yum lnga dang sems dpa' brgyad dang sems ma brgyad rnams gnas par bstan pa'o/__/de bas na gdams ngag tu byas pa'o/__/de ltar sgom pa'i lam deX yiXs bla na med pa byangaX chubaX kyi snyingaX poX 'bras bu chos kyi sku myur du 'thob cing rang rgyud la lenaX par byed do/__/rtsa ba'i sa bcad gsum pa tha mar tshogs bsgrub pa la bdun te/__mtshan nyid gsum gyis gzhi bzung ba dang /__yo spyad dang du blang zhing spyad pa'i yon tan dang /__tshogs bsgrub pas tshe dbang thob pa dang /__des phyag rgya chen po'i rig 'dzin thob dus dang /__des lhun grub thob pa'i mtshan nyid dang /__des 'bras bu chos sku thob pa dang /__yon tan de gzhan nas ma byung bar bstan pa'o/__/dang po ni/__shes 'jug mtshan nyid 'byor pa'i gzungs/__/'bras bu smin byed rgyu dang rkyen/__/nus mthu can du gang gyur pa/__/rig 'dzin rgyal ba'i zhing du grags/__/ces pa ste/__de la gzhi shesaX pa'i mtshan nyid lta ba ni lam gyi rgyu lta bu/__rkyen 'ju?Xg pa'i mtshaXn nyidaX sgom pa ni lam gyi rkyen lta bu/__mngon du gyur pa 'bras bu'i mtshan nyid ni 'bras bu'o/__/'byoraX baX'i gzuXng ni 'brel ba ste gzhi dang lam ni shes bya dang shes byed kyi 'brel lam dang 'bras bu ni thob bya dang thob byed kyis 'brel pa'o/__/de la gzhi shes pa'i mtshan nyid lta ba ni lta ba bden pa dbyer med/__rig pa spyod yul dang bral ba/__skor bdun ngo bo nyid kyi rgyur gnas pa'o/__/rkyen 'jug pa'i mtshan nyid sgom pa ni rang rang gi lus rtog tshogs bud+d+ha bzhi bcu rtsa gnyis las ye shes kyi lha bzhi bcu rtsa gnyis sgom pa'o/__/de lta bu'i lta sgom gnyis po de ni mngon du gyur pa 'braXs buX sminaX par byedaX pa'i rgyuX daXng rkyenaX yin la mngon du gyur pa 'bras bu'i mtshan nyid ni lam gyi ting nge 'dzin nusaX pa mthuX canaX duX gaXng gyuraX paX de yis nye sbyor gyi 'bras bu rig 'dzin bzhi dang mthar thug gi 'bras bu sku lnga lhun gyis 'grub pa'o/__/de bas na gzhi dang lam du 'byor lam dang 'bras bur 'byor 'bras bu rgyun gyi ting nge 'dzin mi brjed pa'i gzungs dang rdo rje lta bu'i sku g.yung drung lta bu'i tshe thob pa de kho na smin byed do/__/'bras bu de'ang gzhan nas 'ong ba ma yin no/__/riXg 'dziXn ni dang po de las byung ba dang bar du de'i bya ba byed pa dang tha mar de'i rgyud 'dzin pa'o/__/rgyalaX baX'i zhiXng duX gragaXs pa ni rnam par dag pa'i yi ge 'khor lo tshogs chen gyi sa'o/__/de lta bu'o/__/'dir rig 'dzin bzhi las rnam par smin pa'i rig 'dzin kho na 'grub pa'o/__/'bras bu ni gnyis te thun mong gi rig 'dzin dang khyad par gyi 'bras bu sangs rgyas so/__/rig 'dzin ni bzhi ste rnam par smin pa'i rig 'dzin dang /__tshe la dbang ba'i rig 'dzin dang /__phyag rgya chen po dang /__lhun gyis grub pa'o/__/rnam par smin pa ni rang lus kyi rnam pa lha'i skur smin pa ste yid kyis lha'i gzugs 'dzin pa'o/__/tshe la dbang ba ni rang don du lo stong drug brgya bzhugs nas gzhan don mdzad dgos pa byung na brgya brgya na mar la mnur nas byis pa lo brgyad pa lta bur gnas nus pa'o/__/phyag rgya chen po ni lus lha sku dang khyad par med pa ste lus rdo rje sems dpa'i sku gzugs su gnas pa'o/__/lhun grub ni rgyal ba nyid dang mnyam pa'o/__/de nas sku lnga lhun grub la sbyor bar byed de rnam smin gyi rig 'dzin ni lam gyi 'bras bu'o/__/gnyis pa ni/__sgyu 'phrul drwa bar mngon rdzogs pa'i/__/dkyil 'khor bstan pa'i ting nge 'dzin/__/bro gar 'du 'phro'i phyag rgya yis/__/'dzul lam nam mkhar 'gro bar 'gyur/__/glu tshig sgra yi phyag rgya yis/__/chos kyi dngos grub thob par 'gyur/__/rgyan dang bgo ba'i phyag rgya yis/__/'bar ba'i rgyal po thub med 'grub/__/bza' dang btung ba'i phyag rgya yis/__/yid bzhin sku dang bdud rtsi 'grub/__/a li ka li'i phyag rgya yis/__/thams cad thams cad 'grub par 'gyur/__/zhes gsungs te sgyu?X yum ste chos kyi dbyings 'phru?Xl yab ste ma 'gags par snang ba drwaX baX 'brel ba ste thabs shes rab dbyer med paXr ram zung du 'brel pa'o/__/mngoXn rdzoXgs paX'i ni ting nge 'dzin gsal ba'i rig pa mngon du rdzogs pa'o/__/de ltar lha'i dkyilaX 'khoXr gsal bar rdzogs pa dang shin tu brtanaX pa thob paX'i ting nge 'dzin dang ldan pa'i rnal 'byor gyi dbang phyug chen po pho mo rnams kyis yan lag lnga la tshom bu lnga'i dkyil 'khor du gsal bar bsgoms la rkang pas broX brdung ba dang lag pas gaXr bya ba dang yid kyis 'duX 'phroX'i phyagaX rgyaX ste lha rnams la byang sems phar 'phros pas lha'i sku gsung thugs mnyes pa dang /__sems can gyi don byas nas tshur 'dus pas bdag gis dngos grub thob pa ste/__de yiXs tshe 'dir sa la byi ba bzhin du 'dzuXl laXm namaX mkhaXr bya bzhin du 'phur nas 'groX baXr 'gyuraX ba dang chu la mi bying ba'i dngos grub thob pa ni rnam par snang mdzad kyi dngos grub bo/__/rnal 'byor pa pho mo rnams lta ba dang ting nge 'dzin gsal bas rdo rje'i glu?X blang ba dang don ldan rdo rje yi tshiXg dang sgraX yiXs bde bar gshegs pa mnyes par byed pa las mi 'da' ba'i phyir na phyagaX rgyaX ste de yiXs choXs nyid kyiX gsung dang bstan pa thams cad dus gcig tu mkhyen pa'i dngoXs gruXb thoXb paXr 'aXgyur ba ni snang ba mtha' yas gsung gi dngos grub bo/__/rnal 'byor pho mo rnams lhar gsal ba las lus la rin po che'i rgyanaX sna tshogs gdags pa dang dar dang za 'og la sogs pa'i gos sna tshogs bgoX baX'i phyagaX rgyaX yiXs sku gang gis kyang zil gyis mi non pas lus la 'od 'baXr baX'i lha dang mi'i rgyalaX poX rnams kyis kyang thubaX pa meXd pa 'grubaX par 'gyur ba ni mi bskyod rdo rje'i dngos grub bo/__/rnal 'byor pa rnams longs spyod thams cad bdud rtsi'am 'dod yon gyi lha mor byin gyis brlabs nas bzaX' ba daXng btungaX baX'i tshogs la longs spyod nas phul zhing dngos grub blang ba'i phyagaX rgyaX yiXs yiXd bzhiXn gyi nor bu rin po che dang 'dra ba'i skuX daXng longs spyod thams cad bdud rtsir 'gruXb par 'gyur ba ni rin chen 'byung ldan gyi dngos grub bo/__/aX liX sbyor ba dang kaX liX sgrol ba'iX mchod pa tshul bzhin du phul la thabs shes rab gnyis snyoms 'jug gi phyagaX rgyaX yiXs thabs shes rab gnyis su med par gnas pa de yang thun mong gi dngos grub thaXms caXd dang thun mong ma yin pa'i dngos grub thaXms caXd tshul bzhin du 'gruXb paXr 'aXgyur ba de ni don yod grub pa'i dngos grub ste de yan chad kyis sbyor lam bstan no/__/gsum pa ni/__cho ga sngags dang yo spyad rnams/__/rnal 'byor tshogs kyi dkyil 'khor gyis/__/zhag ni sum cu phrag drug gam/__/bcu gnyis bcu bzhi bcu drug gis/__/dbang bsgyur rigs kyi dam pa 'grub/__/ces pas bstan te/__dang po choX gaX lnga rdzogs par sgom ste/__de bzhin nyid dang /__kun tu snang dang /__rgyu dang /__skur bskyed pa dang /__ye shes pa sgrub pa dang lnga rdzogs par bya ste de nas sngaXgs kyi yan lag lnga ni yab yum rtsa ba'i lha daXng bzhi po so sor sgom pa thabs kyi lha dang /__ye shes sems dpa' shes rab kyi lha dang /__sku gsung thugs rdo rje gsum gyi lha dang /__dbu rgyan bdag po'i lha lnga'o/__/yoX spyadaX rnamaXs ni bro gar 'du 'phro dang /__glu tshig sgra dang /__rgyan dang bgo ba dang /__bza' dang btung ba dang /__a li ka li'i yo spyad dang lnga'o/__/de la dang po cho ga lngas sku gsal bar byed de nas sngags kyi yan lag lngas nyi khri chig stong la rig pa rtsal sbyang de nas yo spyad lngas mchod pa 'bul lo/__/de ltar rig pa rtsal 'byongs nas tshogs dpon bya ste rnalaX 'byoraX pa rnams lhan du 'tshoXgs paX'i dkyilaX 'khoXr gyisaX phun sum tshogs pa lngas sgrub pa'i gzhi bzung /__bsnyen sgrub rnam pa bzhis lam gyi gzhung bsrang /__tshogs lhag gnyis kyis mchod pa'i 'brel bca'/__tha ma 'bras bu la sbyor ba'o/__/de yang zhaXg niX sumaX cuX phraXg druXg ni zla ba drug yin te dbang po rab kyis zla ba drug gaXm dbang po 'bring gis zla ba bcuX gnyisaX sam bcuX bzhiXn 'grub dbang po tha mas kyang zla ba bcuX druXg giXs 'grub bo/__/gang 'grub na chos thams cad la ji ltar 'dod pa bzhin du dbaXng bsgyuraX ba'i riXgs kyiX daXm paX tshe la dbang ba'i rig 'dzin 'gru?~Xb par 'gyur te tshogs bsgrubs pa'i 'bras bu'o/__/bzhi pa ni/__de tshe bcu drug tshun chad kyis/__/sku lnga lhun gyis rdzogs pa ni/__/ye shes thig le de nyid las/__/ye shes thig le nyid snang ba/__/bsam gyis mi khyab mtha' yas mchog__/ces pa ste tshe la dbang ba'i rig 'dzin thob pa deX kho na'i tsheX na phyag rgya chen po'i rig 'dzin yang de'i steng du zla ba bcuX druXg tshunaX chaXd kyisaX sgrub na grub pa thob par nges te de nas lhun gyis grub pa'i rig 'dzin la sbyor ba'o/__/de yang yang dag par rdzogs pa'i sangs rgyas skuX lngaX lhunaX gyisaX rdzoXgs paX niX rig 'dzin nyid las sgras dpags pa tsam du 'gyur ba'o/__/sgrib pa dag pa'i ye shes ma btsal bar lhun grub sku gsung thugs yon tan 'phrin las nyi shu rtsa lngar rdzogs pa'o/__/de ni mthar thug pa'i lhun gyis rdzogs pa'o/__/de ji ltar thob na yeX sheXs ni lhun gyis rdzogs pa'i rig 'dzin no/__/thiXg leX ni sku gsung thugs yon tan 'phrin las dbyer med pa'o/__/deX nyidaX ni rig 'dzin no de laXs khyad par du byas pa'o/__/yeX shesaX thig le de nyid ni gzhi dngos po'i gnas lugs so/__/gnas lugs de ni rdo rje sems dpa'o/__/thiXg leX nyidaX snaXng baX ni rig pas don de nyid rtogs pa'o/__/de rnams gzhan nas byung ba ma yin te gzhi rang byung gi ye shes spros pa thams cad dang bral ba de nyid las ye shes kyi rol pa ma 'gags par snang ba'o/__/ye shes kyi che ba'i yon tan bsaXm gyisaX miX khyabaX cing mthaX' yaXs pa mchoXg stobs dang mi 'jigs pa dang ma 'dres gzung dang ting nge 'dzin dang mtshan dang dpe byad thams cad lhun gyis grub pa'i yi ge 'khor lo tshogs chen gyi sar mngon du byas pa'o/__/lnga pa ni/__phyogs bcu dus bzhi mngon rdzogs pa'i/__/zhing khams gzhal yas rnam dag dang /__/rgya dang bral ba'i gzhal yas khang /__/'khor lo'i rgyan dang rol mo'i tshogs/__/dkyil 'khor ma lus thams cad kun/__/mthong nas nye bar mnyes pa dang /__/rgya chen gsung las don byung ba/__/mthun pa'i ye shes rang snang ba'o/__/zhes pa ste phyogaXs bcuX dang dusaX bzhiX yis bsdus pa'i mngon par rdzoXgs paX sangs rgyas pa yiX bdag nyid sku lnga lhun gyis grub pa de'i bzhugs gnas khyad par can ni sangs rgyas kyi zhiXng khaXms dang gzhaXl yaXs khang rnamaX par daXg pa ste de yang zhing khams ni phyi chos kyi dbyings spros pa dang bral ba nang 'og min gyi gnas lta bur snang ba gsang ba yum gyi mkha' bde stong gi nyams can daXng gzhal yas khang rnam par dag pa rgya yongs su ma chad pa ni che chung gi tshad dang rgyaX daXng braXl baX'i rang bzhin no/__/gzhaXl yaXs khaXng de na dbus su 'khoXr loX'i gdan dang gzhan yang rin po che'i rgyanaX mang po bsam gyis mi khyab pa daXng 'dod pa'i yon tan gyi lha mo grangs med pa'i roXl moX'i tshoXgs kyis brgyan pa'o/__/gnas de ni rang bzhin lhun gyis grub pa'i dkyilaX 'khoXr rgyud yongs su dag pa'i bde bar gshegs pa bzhugs pas dkyil 'khor maX lu?Xs pa thaXms caXd kuXn de na gnas pa'o/__/'og min gyi gnas kyi dus gsum gyi bde bar gshegs pa de'i zhal mthoXng naXs yid dga' ba dang brod pa khyad par can skye ba dang mchod pa'i sprin bsam gyis mi khyab pa spros nas nyeX baXr mnyesaX par byed paX daXng /__sangs rgyas kyi gsung gcig la yan lag bsam gyis mi khyab pa mnga' bas rgyaX cheXn po'i gsungaX laXs chos kyi don byung bas sam bcom ldan 'das dpal kun tu bzang po'i byin gyis brlabs las doXn gyi gsung byungaX baX yis sgrib pa shin tu cha phra ba de bcom nas gsung rang bzhin gyi ye shes ji lta ba dang mthuXn paX'i bzod pa thob ste yeX sheXs raXng snangaX bar 'gyur baX'oX/__/drug pa ni/__gcig dang du ma bral ba yi/__/mtha' dang dbus med de bzhin nyid/__/sangs rgyas nyid kyis mi gzigs te/__/rang byung ye shes gnas med snang /__/zhes gsungs te gong du bstan pa nyid rang rig par gcig pa dang /__rang nyid gciXg daXng duX ma'i mtha' thams cad dang bral zhing grol ba'i phyir rang rig pa nyid thams cad du ma 'gags par shar bas gcig dang du ma'i mtha' maX spangs par bralaX ba'o/__/de ltar mtha' ma grub pa yiX phyir na dbus kyang ma grub pa'i phyir mthaX' daXng dbusaX meXd deX bzhiXn nyidaX yin no/__/de ni bde bar gshegs pa sangaXs rgyasaX kyiX ye shes kyi spyan gyisaX kyangaX miX gziXgs teX gzigs rgyu med pa'o/__/'o na med do snyam pa la rang byung ye shes nyid rten gnas med par snang ba'o/__/ces phyir na dag pa la brten/__bdun pa yon tan de gzhan nas ma byung bar bstan pa ni/__phyogs bcu dus bzhir mngon rdzogs pa'i/__/bde gshegs yon tan rmad po che/__/gzhan na yod pa ma yin te/__/lha srin la sogs smos ci dgos/__/zhes pa ste de ltar bstan pa'i 'bras bu de ni phyogaXs bcuX dang duXs bzhiXr te dus bzhis bsdus pa thams cad du mngoXn par rdzoXgs par sangs rgyas pa'o/__/sku lnga lhun gyis grub paX'i sangs rgyas so/__/de ni lam bdeX bar gsheXgs pa yoXn tanaX gsang ba rmaXd poX cheX'am rmad du byung ba bde bar gshegs pa thams cad gcig tu bsdus pa'i ngo bo sku gsung thugs yon tan 'phrin las kyi bdag po'o/__/de ltar bstan pa'i 'bras bu de dag kyang gzhaXn naX yoXd paX snyed pa lta bu maX yiXn teX rang rig pa nyid de ltar rang shar ba las ma gtogs pa gzhan na med ces so/__/de lta bu'i 'bras bu de thob bam mi thob bam bden nam mi bden nam snyam na dper na 'jig rten gyi lhaX sriXn laX soXgs pa bsgrub pas grub rtags phyung na 'di la ci smos/__'jig rten lha la yang yon tan yod na 'di la lta smosaX kyang ci dgoXs zhes pa'o/__/gsum pa mjug gi don la bstan bcos brtsam pa'i dge ba bsngo ba dang /__bstan bcos mdzad pa po'i bstan pa dang /__'gyur byang smos pa'o/__/dang po ni/__rgyud kyi don las sgrub pa'i thabs/__/rin chen drwa ba 'di bsdus pas/__/bcom ldan kun bzang sku gsung thugs/__/sems can kun gyis thob par shog__/ces pa ste gsang ba snying po'i rgyudaX kyiX doXn laXs zhi ba bsgrubaX paX'i thabaXs 'di bsdusaX pas so/__/de'i mtshan ni ci zhe na riXn cheXn dbang gi rgyal po ltar dgos 'dod 'byungaX drwa baX ltar thabs shes su 'brel ba 'di?X rgyud las logs su bkol nas bsdusaX paXs bcoXm ldaXn 'das dpal kuXn tu bzaXng po'i skuX gsung thugaXs kyi bcud dngos grub kyi bcud dam pa rnams bdag dang mtha' yas pa'i seXms caXn kuXn gyisaX thoXb paXr shoXg__/gnyis pa ni/__zhi ba rin chen drwa ba zhes bya ba slob dpon sangs rgyas gsang bas mdzad pa rdzogs so/__/gsum pa ni/__rgya gar gyi paN+Di ta sangs rgyas gsang ba dang bod kyi lo tsa ba bra ka mu dri ta/__was man+tu shri war mas bsgyur cing zhus te gtan la phab pa'o//__//slar yang smras pa/__legs byas shar ri'i phrag pa nas 'thon pa'i/__/bsil ldan 'bum phrag brgya yi zer gyis kyang /__/cha tsam bskrun du med pa'i dge tshogs rnams/__/gcig tu bzlum ste bstan pa rgyas phyir bsngo/__/zhi ba rdo rje dbyings kyi lha tshogs rnams/__/dkyil 'khor gcig sgrub rin chen drwa ba yi/__/bstan bcos chen po nyi zla gnas kyi bar/__/dar zhing rgyas la mi nub yun gnas shog__/'di nyid 'chad dang 'dzin sems sgom pa la/__/bla ma sgyu 'phrul drwa ba'i lha tshogs kyis/__/rtag tu dgongs shing bkra shis byin brlab kyi/__/'od zer snying dbus pad+mor sim gyur cig/___/ces slob dpon chen po sangs rgyas gsang bas mdzad pa'i zhi ba rin chen drwa ba'i bstan bcos la dbus gru mkhas pa smon lam seng+ge'i mchan tig rtsa mchan sdebs shing bsdus don dkyus su bkod de 'jam dbyangs chos kyi blo gros pas gsal bar byas pa'i yi ge'i mthun 'gyur mgo tsha mkhan sde snod 'dzin pa gzhan phan bzang pos bgyis pa 'dis kyang gsang ba snying po'i bstan pa rin po che phyogs bcur 'phel ba'i rgyur gyur cig/___//__sarba dA mang+ga laM//__//

Footnotes

Other Information