སྤྱི་མདོ་དགོངས་འདུས་ཀྱི་འཆད་ཐབས་ཟིན་བྲིས་ཉུང་ངུ་རྣམ་གསལ།

🚧 This website is under continued development. We appreciate your patience!

Previous Text Back to Volume PageNext Text

Wylie title	spyi mdo dgongs 'dus kyi 'chad thabs zin bris nyung ngu rnam gsal
Location	chos kyi blo gros bka' 'bum Volume 9, Text 14, Pages 141-154 (Folios 1a to 7b2)
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation	'jam dbyangs mkhyen brtse chos kyi blo gros. spyi mdo dgongs 'dus kyi 'chad thabs zin bris nyung ngu rnam gsal. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 9: 141-154. Bir, H.P.: Khyentse Labrang, 2012.
Genre	Notes - zin bris
Colophon	།ཅེས་པའི་རྒྱུད་ཀྱི་འཆད་ཐབས་ཉུང་ངུ་འདི་ཀཿཐོག་རྡོ་རྗེ་གདན་གྱི་ཆོས་གྲྭ་ཆེན་པོ་རྒྱུད་འདིའི་བཤད་ལུང་འབོགས་པའི་སྐབས་མཁས་པའི་དབང་ཕྱུག་མཁན་ལེགས་འབྱོར་དང་ནུས་ལྡན་ཟུང་གི་གསུང་བསྐུལ་ངོར་འཇམ་དབྱངས་བློ་གྲོས་རྒྱ་མཚོས་སྨྲས་པ་ཡི་གེ་པ་ནི་འགྱུར་མེད་བཀྲ་ཤིས་ཀྱིས་བགྱིས་པ་འདིས་ཀྱང་གསང་བ་མཆོག་གི་བསྟན་པ་ཉིན་མོར་བྱེད་པའི་རྒྱུར་གྱུར་ཅིག །སརྦ་དཱ་མངྒ་ལཾ།།
	/ces pa'i rgyud kyi 'chad thabs nyung ngu 'di kaHthog rdo rje gdan gyi chos grwa chen po rgyud 'di'i bshad lung 'bogs pa'i skabs mkhas pa'i dbang phyug mkhan legs 'byor dang nus ldan zung gi gsung bskul ngor 'jam dbyangs blo gros rgya mtshos smras pa yi ge pa ni 'gyur med bkra shis kyis bgyis pa 'dis kyang gsang ba mchog gi bstan pa nyin mor byed pa'i rgyur gyur cig__/sarba dA mang+ga laM//

1 Texts in this Section (sde tshan or chos tshan)

141-154	སྤྱི་མདོ་དགོངས་འདུས་ཀྱི་འཆད་ཐབས་ཟིན་བྲིས་ཉུང་ངུ་རྣམ་གསལ། spyi mdo dgongs 'dus kyi 'chad thabs zin bris nyung ngu rnam gsal Notes - zin bris	Text page View PDF
	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ ('jam dbyangs mkhyen brtse chos kyi blo gros)

Tibetan Text

Wylie

[edit]

༄༅། །སྤྱི་མདོ་དགོངས་འདུས་ཀྱི་འཆད་ཐབས་ཟིན་བྲིས་ཉུང་ངུ་རྣམ་གསལ་བཞུགས་སོ། ། ཆོས་ཉིད་བྱང་ཆུབ་སེམས་ཀྱི་ངང་། །ཐམས་ཅད་རིག་པ་ཕྱག་རྒྱའི་སྐུ། །བླ་མ་རྡོ་རྗེ་རྒྱལ་པོར་འདུད། །རྣལ་འབྱོར་བཞི་བཅུའི་ཉི་མ་ཡི། །འོད་ཟེར་དྲྭ་བ་ཆེན་པོའི་བདག །དཔལ་ལྡན་རྒྱུད་ཀྱི་རྒྱལ་པོ་ཡི། །འཆད་ཐབས་ཉུང་ངུ་འདིར་གསལ་བྱ། །དེ་ལ་ལུང་ཆེན་པོ་ཨ་ནུ་ཡོ་གའི་སྤྱི་མདོ་དགོངས་པ་འདུས་པའི་རྒྱུད་འཆད་པ་ལ། སློབ་མ་མདོ་རང་ལུགས་ཀྱི་ཕྱི་ནང་གསང་བའི་དབང་གིས་སྨིན་པ་རྣམས་ལ། གནས་དུས་ཕུན་སུམ་ཚོགས་པར་རྩ་བ་གསུམ་གྱི་རྟེན་བཀྲམ་པའི་སྤྱན་སྔར་སྟེགས་བུ་ལ་རས་བྲིས་ཀྱི་དཀྱིལ་འཁོར་བཀྲམ་ཕྱི་ནང་གསང་བའི་མཆོད་ཚོགས་བཤམས་ནས་མདོ་རང་ལུགས་སྒྲུབ་དབང་གྲགས་པའི་ཆུ་བོ་དང་འབྲེལ་བའི་དུར་ཁྲོད་གསང་མཆོག་གི་རྩ་དཀྱིལ་ལམ་ཕྱི་དཀྱིལ་ཚོགས་ཆེན་འདུས་པའི་སྒྲུབ་ཐབས་གཏེར་ཆེན་བླ་མས་མཛད་པ་ལྟར་བཟླས་པ་གྲུབ་ཀྱི་བར་བྱ། ལེགས་ལྡན་གཏོར་ཆོག་འདོན། དེ་ནས་སློབ་དཔོན་གྱིས། འོ། ལུང་ཆེན་ཨ་ནུ་ཡོ་གའི་རྒྱུད་ཐམས་ཅད་ཀྱི་རྒྱལ་པོ་སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོའི་བཤད་བཀའ་ཟབ་མོ་ཞུ་བའི་ཡོན་དུ་དམིགས་ནས་མཎྜལ་འབུལ་བར་ཞུ། ཞེས་བརྡ་སྤྲད་ལ་ཚོམ་བུ་སོ་བདུན་མ་རྒྱས་པར་འབུལ་མཐར་རྒྱུད་སྦྱངས་བ་ནི། སོ་སོ་རང་རང་གི་དབུ་གཙུག་ཏུ་པྃ་ལས་པདྨ་དང་ཨ་ལས་ཟླ་བའི་དཀྱིལ་འཁོར་གྱི་སྟེང་དུ་བླ་མ་དང་གཉིས་སུ་མེད་པའི་རྡོ་རྗེ་སེམས་དཔའ་སྐུ་མདོག་དཀར་པོ་ཞལ་གཅིག་ཕྱག་གཉིས་རྡོ་རྗེ་དང་དྲིལ་བུ་འཛིན་ཅིང་། དེའི་དཔང་དུ་ཡུམ་སྙེམ་མ་དཀར་མོ་གྲི་གུག་དང་ཐོད་པ་འཛིན་པས་འཁྱུད་ཅིང་མཉམ་པར་སྦྱོར་བའི་ཡབ་ཀྱི་ཐུགས་ཀར་ཟླ་བའི་སྟེང་དུ་ཧཱུྃ་དཀར་པོའི་མཐར་སྔགས་ཕྲེང་ཁ་དོག་དཀར་པོ་གཡས་བསྐོར་དུ་འཁོར་བ་དང་ཡི་གེ་བརྒྱ་པ་གསོལ་འདེབས་ཀྱི་ཚུལ་དུ་བཟླས་པས་སྐུ་དང་སྔགས་ཕྲེང་ལས་བདུད་རྩིའི་རྒྱུན་དཔག་ཏུ་མེད་པ་བྱུང་། ཚངས་སྦུག་ནས་ཞུགས། ལུས་ཀྱི་ནང་ཐམས་ཅད་གང་། ནད་གདོན་སྡིག་ལྟུང་ཐམས་ཅད་ལྷག་མེད་དུ་བྱང་བར་མོས་ལ་ཡི་གེ་བརྒྱ་པ་ལྷན་ཅིག་དུ་བཟླ་བར་ཞུ། ཞེས་པས་ཡི་གེ་བརྒྱ་པ་ལན་ཉེར་གཅིག་ཙམ་བཟླ། མགོན་པོ་བདག་ནི་མི་ཤེས་སོགས་དང་། སྐུ་གསུང་ཐུགས་སོགས་ནས་མཛད་དུ་གསོལ་བར་དཔོན་སློབ་ལྷན་དུ་འདོན། ཅེས་གསོལ་བ་བཏབ་པས་སྡིག་སྒྲིབ་དག་པའི་གནང་བ་བྱིན་ནས་རྡོ་རྗེ་སེམས་དཔའ་ཡབ་ཡུམ་སོ་སོར་རང་རང་ལ་ཐིམ་པར་གྱུར། ཉིན་གཉིས་པ་མན་ཆད་ཉན་དབང་ལ་འཇུག །ཉིན་དང་པོར་སློབ་དཔོན་གྱིས་ཆོ་འཕྲུལ་འབྱུང་བའི་གླུ་འདིའི་གསོལ་བ་བཏབ་པའི་ཕྱིར་རྗེས་ཟློས་མཛོད། ཡེ་ཤེས་སྒྱུ་མའི་རྣམ་པར་རོལ་པའི་སྐུ། །ཐབས་དང་ཤེས་རབ་ཆེ་ལ་མངའ་བརྙེས་པའི། །འཕགས་རྗེ་སྤྲུལ་པ་མང་པོ་འབྱུང་བའི་གནས། །བདེར་གཤེགས་བདེ་བར་གཤེགས་པ་བཞེངས་སུ་གསོལ། །ལན་གསུམ། སླར་ཡང་རྡོ་རྗེ་རོལ་པ་དེ་ཁོ་ནའི་གླུས་བསྐུལ་ཏེ་གསོལ་བ་བཏབ་པ་འདིའི་རྗེས་ཟློས། ཨེ་མ་འོ། ཡིད་བཞིན་སྐུ་མཆོག་རྣམ་མཁའ་ལྟ་བུ་ལས། །ཁྱབ་པའི་བྱིན་རླབས་རྡོ་རྗེ་གར་མཛད་ཅིང་། །གཟི་བརྗིད་སྤྲིན་ཕུང་རོལ་པའི་བསྒྱིངས་པའི་སྐུ། །ཐོགས་མེད་རྡོ་རྗེ་རོལ་པའི་ཆོ་འཕྲུལ་སྟོན། །ཨེ་མ་འོ། ཡིད་བཞིན་གསུང་མཆོག་སྒྲ་བསྙན་ལྟ་བུ་ལས། །སྙན་པའི་བྱིན་རླབས་རྡོ་རྗེ་བརྗོད་མཛད་ཅིང་། །ཡན་ལག་རྒྱ་མཚོའི་མི་བཟོད་བཀོད་པའི་གསུངས། །སེང་གེ་སྒྲ་ཡི་གསང་སྔགས་རྒྱ་མཚོ་སྟོན། །ཨེ་མ་འོ། ཡེ་ཤེས་སྙིང་པོ་ཉི་མ་ལྟ་བུ་ལས། །འབར་བའི་བྱིན་རླབས་རྡོ་རྗེ་བདེ་མཛད་ཅིང་། །ཐིག་ལེ་སྤྲོས་བྲལ་རྣམ་པར་མི་རྟོག་ཐུགས། །རྣམ་གྲོལ་དེ་ཉིད་ངེས་པའི་ཆོ་འཕྲུལ་སྟོན། །མི་ཤེས་བླུན་རྨོངས་འདམ་བྱིང་འགྲོ་བ་རྣམས། །སྡུག་བསྔལ་དྲ་བས་བཅིངས་པ་ཐབས་ཀྱིས་གྲོལ། །མ་རིག་མུན་པས་ལོང་བ་དོན་གྱིས་ཕྱེ། །འཁོར་བའི་རྒྱ་མཚོ་ལྟ་བའི་གྲུ་ཡིས་སྒྲོལ། །དེ་བཞིན་གཤེགས་པ་ཀུན་གྱི་ཐུགས་ཆེན་པོ། །ཡེ་ཤེས་དོན་གྱི་སྙིང་པོ་མཆོག་དང་ལྡན། །རྣལ་འབྱོར་ཐེག་ཆེན་རྡོ་རྗེ་ཀུན་འདུས་ལུགས། །འདུས་པའི་ཚོགས་ལ་རྒྱ་ཆེར་བཤད་དུ་གསོལ། །ཨ་ཧོ། ལན་དུ་འདི་ནས་ལན་དགོས་འདྲ་དཔྱད། དེ་ནས་གསང་སྒོ་དབྱེ་བར་གསོལ་བ་བཏབ་པ་འདིའི་རྗེས་ཟློས། གསང་བ་ཆེན་པོའི་རིགས་ཚོགས་སུ། །དེ་ནས་བདག་ནི་འཇུག་པར་བྱ། །ཕྱིར་མི་ལྡོག་པར་ལུང་ཐོབ་ཕྱིར། །བདག་ལ་གསང་སྒོ་དབྱེ་བར་གསོལ། །ལན་གསུམ། ཉིན་གཉིས་པ་མན་འདི་ནས་འཇུག །བླ་མ་དང་གཉིས་སུ་མེད་པའི་དཔལ་ཆེན་པོ་ཡབ་ཡུམ་མཉམ་པར་སྦྱོར་བའི་མཁའ་གསང་ལས་ཉི་ཟླ་བྱང་ཆུབ་སེམས་ཀྱི་འོད་ཟེར་གྱི་སྤྲིན་འཕྲོས་པས་རྒྱུད་ཉན་པ་ལ་སྒྲིབ་པའི་དྲི་མ་ཐམས་ཅད་ཕྲལ་ཏེ་དོན་ལ་ངེས་པར་འཇུག་པའི་གསང་སྒོ་ཕྱེ་བར་གྱུར། སློབ་དཔོན་རང་ཉིད་ཀྱི་ལྕེ་ལ་སྨྲ་བྱེད་ཀྱི་ཐིག་ལེ་ཉིད་ཧྲཱིཿ ཡིག་ཟུང་ལས་སྣང་བ་མཐའ་ཡས་ཡབ་ཡུམ་དམར་པོ་པདྨ་དང་དྲིལ་བུ་འཛིན་པའི་སྐུར་གྱུར། གནས་གསུམ་ལས་འཕྲོས་པའི་འོད་ཀྱིས་དེ་བཞིན་གཤེགས་པ་ཐམས་ཅད་ཀྱི་གསུང་རྡོ་རྗེ་འོད་ཀྱི་རྣམ་པར་བསྡུས་ཏེ་ཐིམ་པས་ཆོས་འཆད་པ་ལ་སྒྲིབ་པའི་དྲི་མ་ཐམས་ཅད་དག །སློབ་དཔོན་རང་ཉིད་ལྷ་དང་བཅས་པ་འོད་དུ་ཞུ་བ་ལས་སྣང་བ་མཐའ་ཡས་ཀྱི་སྐུར་གྱུར། ཉིན་དང་པོ། སློབ་བུའི་རྣ་བ་གཉིས་སུ་བདུད་རྩིས་ཐིག་ལེ་བྱ། ཉིན་གཉིས་པ་ཕན་ཆོད་ཐིག་ལེ་མི་དགོས་སློབ་བུའི་རྣ་བ་གཉིས་སུ་ཉན་ཤེས་ཀྱི་ཐིག་ལེ་ཉིད་ཏྲཾ་ཡིག་ཟུང་ལས་རིན་ཆེན་འབྱུང་ལྡན་ཡབ་ཡུམ་སེར་པོ་རིན་ཆེན་དང་དྲིལ་བུ་འཛིན་པའི་སྐུར་གྱུར། གནས་གསུམ་ལས་འཕྲོས་པའི་འོད་ཟེར་གྱིས་ཚིག་དང་དོན་གྱི་གཟུངས་ལ་སོགས་པ་དེ་བཞིན་གཤེགས་པའི་ཡོན་ཏན་རིན་པོ་ཆེའི་གཏེར་ཐམས་ཅད་འོད་ཀྱི་རྣམ་པར་བསྡུས་ནས་ཐིམ་པས་ཆོས་ཉན་པ་ལ་སྒྲིབ་པའི་དྲི་མ་ཐམས་ཅད་དག །སློབ་མ་ལྷ་དང་བཅས་པ་འོད་དུ་ཞུ་བ་ལས་རིན་ཆེན་འབྱུང་ལྡན་གྱི་སྐུར་གྱུར། ཉིན་གཉིས་པ་བདུད་ཚར་གཅོད་ཀྱི་སྔགས་ལ་འཇུག །ཉིན་དང་པོ་ལ། ཏྲྃ་ལས་བྱུང་བའི་རིན་ཆེན་འབྱུང་ལྡན་གི་ངོ་བོ་རྒྱུད་ཀྱི་གླེགས་བམ་གཏད་དེ། ཏྲྃ་གསང་བ་གསང་ཆེན་གསང་མཆོག་རྣམ་གསུམ་གྱིས། གསང་བའི་དོན་ལ་མཉན་ཞིང་སློབ་པའི་དབང་། དབང་ཐོབ་སྐལ་ལྡན་ཁྱོད་ལ་སྦྱིན་པར་བྱ། བདུད་རྩིའི་ཆུ་འདིས་རྣ་བའི་གསང་སྒོ་དབྱེ། སརྦ་ཏ་ཐཱ་ག་ཏ་དྷརྨ་སིདྡྷི་ཧོཿན་མོ། ཕྱོགས་བཅུའི་དུས་བཞིའི་དེ་བཞིན་གཤེགས་པ་ཐམས་ཅད་ཀྱི་བདེན་པའི་བྱིན་རླབས་ཀྱིས། སྐལ་ལྡན་རིག་པ་འཛིན་པ་ཁྱོད་ལ་ཉན་པའི་དབང་བསྐུར་བས་གསང་བའི་བཀའ་མཐའ་དག་ཉན་པའི་དབང་དམ་པ་མཐའ་དག་ཐོབ་པར་གྱུར་ཅིག །བླ་མ་དཔལ་ཆེན་པོའི་འཁོར་རྣམ་པར་སྦྱོང་བའི་ཆེད་དུ་ཤངས་ཀྱི་ཧཱུྃ་རིང་ལས་བྱང་ཆུབ་སེམས་ཀྱི་སྤྲིན་དང་ལས་ཀྱི་ཁྲོ་བོའི་ཚོགས་དཔག་ཏུ་མེད་པ་སྤྲོས་པས་བགེགས་དང་ལོག་པར་འདྲེན་པའི་ཚོགས་ཐམས་ཅད་རྒྱང་རིང་དུ་བསྐྲད་པར་གྱུར། ཧཱུྃ་ཧཱུྃ་ཧཱུྃ། རྡོ་རྗེ་འདུས་པར་འདུས་པ་ཡི། །ཐེག་ཆེན་དམ་པའི་རིགས་ཅན་རྣམས། །བླ་འོག་རིམ་པ་ཇི་བཞིན་དུ། །རྡོ་རྗེ་གསང་བའི་གྲལ་བཀོད་དེ། །རིགས་མ་ཡིན་པ་རིགས་མེད་འགྱུར། །རིགས་ཅན་རྣམས་ཀྱི་དམ་ཚིག་གི །རིགས་མེད་རྣམས་ལ་འབབ་མི་འགྱུར། །དེ་ལས་འདས་ན་དེ་རླག་བྱེད། ཧཱུྃ་ཀྲོ་དྷ་ཛྭ་ས་མ་ཡ། རཀྵ་ཛྭ་ས་མ་ཡ། ཡཀྵ༴ ཙཏྟ༴ ཞེས་བགེགས་བསྐྲད། དེ་ནས་ཁྱེད་རང་རྣམས་ཀྱིས་རྨད་དུ་བྱུང་བའི་མེ་ཏོག་དང་། ཏིང་ངེ་འཛིན་གྱི་མཆོད་པ་སྣ་ཚོགས་པ་འབུལ་བའི་མོས་པ་དང་བཅས་ཏེ་འདིའི་རྗེས་ཟློས། རྡོ་རྗེ་རྒྱལ་པོ་ཚོགས་བདག་དགོངས་སུ་གསོལ། །ཆོས་ཀྱི་རྒྱལ་པོ་མི་གཡོ་རྒྱལ་ཚུལ་མཛད། །རྒྱལ་མཆོག་བདེ་ཆེན་ས་ལ་རབ་བཞུགས་ཏེ། །སྨྲ་བའི་ལས་མཆོག་རྡོ་རྗེ་ལྕེ་འབར་བས། །སྒྲ་དབྱངས་རྒྱལ་བ་རྣམས་ཀྱིས་བདག་བྱིན་རློབས། །གསང་སྔགས་རྒྱལ་པོ་ཆོས་ཀྱི་མེ་ལོང་འདི། །རྒྱལ་མཆོག་ཆོས་ཀྱི་རྒྱལ་པོ་ཉིད་ཀྱི་མཐུས། །འདུས་པའི་ཚོགས་ལ་རྒྱ་ཆེར་བརྗོད་པའོ། །ཨ་ཧོ། ཞེས་གསོལ་བ་གདབ། །དཔོན་སློབ་ཀྱིས། བཛྲ་ཀརྨ་སཏྭ་ཙཀྲ་ཧ་ཧ་ཧོ། ཞེས་བརྗོད་ལ་སེམས་དཔའ་རྡོ་རྗེའི་ང་རྒྱལ་བྱ། དེ་ནས་སློབ་དཔོན་གྱིས་བདུད་ཚར་གཅོད་ཀྱི་སྔགས་བཟླས། རྩ་བའི་བླ་མའི་གསོལ་འདེབས་དང་། ཆོས་བསྐུལ་སྔོན་དུ་འགྲོ་བས་སེམས་བསྐྱེད་གསལ་གདབས་སྔགས་ཀྱི་ཁྱད་པར་ཀྱི་ཀུན་སློང་རྣམས་ཀྱང་བཤད་ལ། སྤྱི་མདོའི་ཆེ་བ་བརྗོད་པ་ཅི་རིགས་སྔོན་དུ་བཏང་ནས་ཆོས་རྗེ་དམ་པའི་མདོའི་ཁོག་དབུག །སྐུ་བཞིའི་གླིང་འགྲེལ། དཀའ་འགྲེལ་རྣམས་ཀྱི་བཤད་ལུང་སྔོན་དུ་བཏང་། མདོ་དངོས་ལ་ཆོས་རྗེ་དམ་པའི་བསྡུས་དོན་དང་སྐབས་སུ་སྦྱར། མདོ་གཞུང་རྩ་བ་དལ་བུས་འགྲེལ་བ་དང་བསྒྲགས་ཏེ་བཏང་བའོ། །ལེའུ་རེ་རེ་བཏོན་རྗེས་དཀའ་འགྲེལ་མུན་པའི་གོ་ཆ་ཉིད་ཚིག་མ་ཆད་པར་བརྡ་འཕྲོད་པར་བཀླགས། འཆད་ཤེས་ན་བར་སྐབས་སུ་སྤྱི་དོན་དང་ཆོས་རྗེ་དམ་པའི་མཆན་ཉིད་ཀྱིས་རྩ་བ་ལ་འབྲུ་མནན་བྱས་ནས་བཤད་ནའང་ཤིན་ཏུ་ལེགས་པར་འགྱུར་རོ། །ཆོས་ཐུན་གྲོལ་བ་ན། དགེ་བསྔོ་དང་ཚོགས་མན་ཆད་སྒྲུབ་ཐབས་དཀྱུས་ལྟར་རོ། །ཉིན་རྗེས་མ་རྣམས་ལ་སྒྲུབ་ཐབས་རྒྱས་པ་མ་གྲུབ་ན། འཇིགས་མེད་གླིང་པས་མཛད་པའི་འདུས་མདོའི་རྒྱུན་ཁྱེར་རམ། གཏེར་ཆེན་མཆོག་གླིང་གི་ལུང་རྡོ་རྗེ་བཀོད་པའི་ཕྱི་དཀྱིལ་དང་ལུས་དཀྱིལ་གང་རུང་ཞིག་བཏང་ན་ཡང་སྟབས་བདེ་བར་སེམས། ལེགས་ལྡན་གཏོར་ཆོག་མ་ཆག་པར་བྱ། རྒྱུད་གྲོལ་བ་ན། གཞུང་དངོས་རྫོགས་པར་གྲུབ་རྗེས། འགྲེལ་ཆེན་གྱི་དབུ་གཤམ་ལུང་བཀླགས། བླ་མ་དཔལ་ཆེན་པོ་དང་གསང་བའི་མདོ་ཆེན་པོ་ཉིད་ལ་ཆེད་དུ་བརྗོད་ཅིང་བསྟོད་པའི་གླུ་བླང་བ་འདིའི་རྗེས་ཟློས། ཨེ་མ་ཧོ། སྐྱེས་ཆེན་གསང་བའི་བདག །རྩལ་ཆེན་སྨྲ་བ་སེང་གེའི་སྒྲ། དེ་བཞིན་གཤེགས་པ་ཀུན་གྱི་ཐུགས། །ང་རྒྱལ་ཀུན་སྔོན་ཡེ་ནས་བྱུང་། །ཁྱོད་ཀྱི་སངས་རྒྱས་ཀུན་གྱི་མེས། །ཆེ་མཆོག་རྗེ་བཙུན་དམ་པའི་སྐུ། །བདེ་གཤེགས་ཀུན་གྱི་བཤེས་གཉེན་མཆོག །སེམས་དཔའ་སངས་རྒྱས་ཀུན་གྱི་དངོས། །སངས་རྒྱས་ཀུན་གྱི་འབྱུང་གནས་གསལ། །ཕྱོགས་ཀུན་གསལ་འགྲེལ་ངེས་པའི་མདོ། །ཐེག་ཆེན་སྨད་གྲགས་ངོ་མཚར་ཆེ། །གསང་ཆེན་བྱུང་ཚུལ་ངོ་མཚར་ཆེ། །ཨ་ཧོ། ཞེས་ངེས་པ་དམ་པར་མངོན་པར་བསྟོད། དེ་ལྟར་སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོའི་བཤད་བཀའ་ཟབ་མོ་ལེགས་པར་ཐོབ་པའི་བཀའ་དྲིན་གཏང་རག་གི་ཡོན་དུ་མཎྜལ་ཕུལ་མཛོད། མཎྜལ་ཚོམ་བུ་སོ་བདུན་པ་རྒྱས་པར་ཕུལ། འདི་ལྟ་བུའི་རྒྱུད་ཀྱི་རྒྱལ་པོ་འདི་ཉིད་དབང་མ་ཐོབ་པ་དང་སྣོད་མིན་ལ་མི་སྟེར་ཞིང་སྣོད་ལྡན་ངེས་པ་ཅན་ལ་སྦྱིན་པ་དང་། བཤད་སྒྲུབ་ཀྱི་ཕྲིན་ལས་ནམ་མཁའ་དང་མཉམ་པར་བགྱི་བའི་སྒོ་ནས་དོན་གཉིས་རླབས་པོ་ཆེ་སྒྲུབ་སྙམས་པས་འདིའི་རྗེས་ཟློས། གཙོ་བོས་ཇི་ལྟར༴ དེང་ནས་བརྩམ་ཏེ་སོགས་བརྗོད། སྤྱི་བསྔོ་བའི་མཚམས་སྦྱར་རྒྱས་པར་སྤྲོས་ནས་བསྔོ་སྨོན་གྱིས་རྒྱས་གདབས། རྒྱུད་ཆོག་གི་ཚུལ་དུ་བསྒྲུབ་ཐབས་བཀའ་མ་ལྟར་འདོན། ཚོགས་ལ་རོལ་རྗེས་སྤྱི་མདོ་དགོངས་འདུས་སམ་རྩ་རྒྱུད་ཀུན་འདུས་རིག་པའི་མདོ་ལྟ་བུ་སློབ་མ་དུ་ཡོད་ལ་དཔེ་བསྒོས་ནས་ཚར་གཅིག་བཏོན་ན་ཤིན་ཏུ་ལེགས། རྒྱུད་འདོན་པའི་དབུར། བླ་མ་སངས་རྒྱས་ཆོས་ཚོགས་ལ། །བྱང་ཆུབ་བར་དུ་སྐྱབས་སུ་མཆི། །གཞན་དོན་རྫོགས་བྱང་ཐོབ་བྱའི་ཕྱིར། །ཟབ་མོའི་རྒྱུད་སྡེ་བཀླགས་པར་བགྱིད། ལན་གསུམ། བདག་ཉིད་གསང་མཆོག་སྐུར་གསལ་ཞིང་། །ངོ་བོ་གཉིས་མེད་གསང་བའི་སྙིང་། །གསུང་གི་བྱིན་རླབས་རང་སྣང་བ། །རྟེན་འབྱུང་སྒྲ་བསྙན་ལྟ་བུའི་ཚུལ། །དབྱིངས་ལས་མ་བྱུང་ཨ་ལས་ནི། །ཡི་གེ་ཡིད་བཞིན་སྤྲིན་ཚོགས་འཕྲོས། །ཨ་ནི་རང་བཞིན་ཡི་གེ་སྟེ། །རྟེན་དང་བྲལ་བའི་རྒྱུ་རྐྱེན་མེད། །ཁོང་ནས་ཀུན་ཁྱབ་ནམ་མཁའ་འདྲ། །ཆོས་དབྱིངས་སྐྱེ་མེད་ཟབ་མོ་ཡིས། །ཆོས་ཀུན་ཁྱབ་གནས་ཟིན་པ་ལྟར། །ཁྱབ་གནས་ཨ་ཡི་རང་བཞིན་གྱིས། །ཡི་གེ་ཀུན་ཁྱབ་ཀུན་ཟིན་ཏེ། །མིང་དང་ཚིག་ཚོགས་སྣ་ཚོགས་བསྒྱུར། །སྐྱེས་བུ་ཐུགས་ཀྱི་དཔལ་བེའུ་ནས། །ཐམས་ཅད་འབྱུང་བ་ཀུན་གྱི་གཞི། །མགུར་གྱི་གསང་བའི་དབྱིངས་སུ་ཤར། །ཆོ་འཕྲུལ་ཡི་གེ་ལྔར་སྣང་བ། །མགུར་གྱི་སྒྲ་བྱུང་མགུར་ལས་གྲགས། །ཨ་ཀ་ཁ་གྷ་ང་། །ཨ་ལས་ཡིག་འབྲུ་ཟེར་འཕྲོས་པས། །ལྗགས་ཀྱི་དབང་པོ་ཟླ་གམ་འཕྲོས། །ཆོ་འཕྲུལ་ཡི་གེ་ལྔར་སྣང་བ། ལྗགས་ཀྱི་སྒྲ་བྱུང་ལྗགས་ལས་གྲགས། །ཙ་ཚ་ཛ་ཛྷ་ཉ། །ཨ་ཡི་འོད་ཟེར་རྩེར་མོ་ལས། །ལྗགས་ཀྱི་ཟླ་གམ་རྩེ་མོ་འཕྲོས། །ཆོ་འཕྲུལ་ལྔ་གཉིས་ཡི་གེ་སྣང་། །རྩེ་མོ་སྒྲ་བྱུང་ཐོར་ཏོར་གྲགས། །ཏ་ཐ་ད་དྷ་ན། །ཊ་ཋ་ཌ་ཌྷ་ཎ། །དེ་བཞིན་དེ་ལས་དེ་བྱུང་བས། །ཞལ་གྱི་སྒྲོམ་ལས་འཁྱིལ་འབར་བའི། །དེ་བཞིན་ཡིག་འབྲུ་ལྔར་སྣང་བས། །ཞལ་གྱི་སྒོར་བྱུང་ཞལ་ལས་གྲགས། །པ་ཕ་བ་བྷ་མ། །ཡིག་འབྲུ་ཀུན་གྱི་མཆོག་དེ་ཉིད། །གསུང་གི་རྒྱུན་ལམ་དེར་བྱུང་བ། །ཡུལ་ལ་རེག་པའི་འབྲུར་ཤར་བ། །ཆོ་འཕྲུལ་ཡི་གེ་སྣ་ཚོགས་སྣང་། །ཡ་ཝ་ར་ལ། ཤ་ཥ་ས་ཧ་ཀྵ། ཨ་ཨཱ་ཨི་ཨཱི་ཨུ་ཨཱུ་ཨེ་ཨཱཻ་ཨཾ་ཨཱ་རྀ་རཱྀ་ལྀ་ལཱྀ་ཨ་ཧོ། ཞེས་བརྗོད་ལ་རྒྱུད་བཀླགས་པའི་རྗེས། ཀུན་བཟང་། ཞབས་བསིལ། བཞི་བསྣོལ་རྣམས་ཀྱིས་མཆོད། ཨེ་མ་ཧོ། ཉེས་བཅོམ་ལེགས་ལྡན་མཚན་བཞི་མཐའ་ལས་འདས། །དཔག་མེད་བྱམས་སྙོམས་དོན་གྱི་བདག་གཞན་དཔལ། །དོན་དམ་གསང་སྦས་ནམ་མཁའི་དཀྱིལ་དུ་འཁྱིལ། །རྡོ་རྗེ་ཆེ་མཆོག་དབང་ཕྱུག་ཀུན་གྱི་བདག །འཛིན་པ་མི་རྟོག་ཤ་རུས་ཁྲག་ལ་རོལ། །ཐུགས་ཀྱི་གདུང་ཐག་འཁོར་བའི་མཐའ་ལ་དགྱེས། །ཡུལ་མེད་མ་སྐྱེས་མཚན་མའི་གཡུལ་ལས་རྒྱལ། །བདེ་མཆོག་རྒྱལ་པོ་ཁྱེད་ལ་ཕྱག་འཚལ་བསྟོད། །ཤེས་རབ་ཆེན་པོ་ནམ་མཁའི་ཉི་མར་གསལ། །བྱང་ཆུབ་སེམས་ཀྱི་འོད་ཟེར་དབྱིངས་སུ་འཆར། །དཔའ་བརྟུལ་མྱུར་བུའི་ཤུགས་ཀྱི་འགྲོ་དྲུག་སྒྲོལ། །རྟོག་འཇོམ་ཡེ་ཤེས་རྡོ་རྗེའི་ཆོ་འཕྲུལ་འཕྲོ། །དམ་པའི་དོན་གསུངས་གཉིས་མེད་སྟོན་པའི་སྐུ། །སྨྲ་བའི་སེང་གེ་མཆོག་ལ་ཕྱག་འཚལ་བསྟོད། །རིན་ཆེན་གཏེར་ལྡན་འདོད་རྒུར་ཀུན་སྐོང་ཞིང་། །ལུང་དང་རིག་པ་གཏན་ཚིག་ཀུན་གྱི་མཛོད། །བརྡའ་ཅན་ཡན་ལག་ལེན་པའི་མེ་ལོང་གསལ། །རྡོ་རྗེ་ཀུན་འདས་འཇིགས་བྱེད་རྒྱལ་པོའི་རྒྱུད། །ཆོས་ཀྱི་མེ་ལོང་འདི་ལ་བདག་ཅག་སྤྲོ། །ཅེས་པས་བསྟོད། ཚོགས་ཀྱི་སྨོན་ལམ་དང་། ལྷག་མ་བསྔོ། ཆོས་སྐྱོང་གཏོར་ཆོག་དང་བསྟན་མ་སོགས་སྒྲུབ་ཐབས་དཀྱུས་ལྟར་ནས་བསྔོ་སྨོན་བཀྲ་ཤིས་རྒྱས་པར་བརྗོད་པས་དགེ་ལེགས་སུ་བྱའོ། །དེ་ལྟར་འཆད་པའི་ཉིན་གྲངས་ཀྱང་ཞག་བཅོ་ལྔའམ་བདུན་ལས་མི་ཉུང་བར་ངེས་པར་དགོས་སོ། །འདི་དགེའི་བསོད་ནམས་གྲུབ་པ་གང་ཡོད་རྣམས། །གྲོང་ཁྱེར་གསུམ་ལས་འགྲོ་རྣམས་དབུགས་འབྱིན་ཞིང་། །ཡེ་ཤེས་བླ་མའི་ས་མཆོག་ཐོབ་ནས་ཀྱང་། །དོན་གཉིས་ལྷུན་གྲུབ་འབད་མེད་འབྱུང་བར་ཤོག །ཅེས་པའི་རྒྱུད་ཀྱི་འཆད་ཐབས་ཉུང་ངུ་འདི་ཀཿཐོག་རྡོ་རྗེ་གདན་གྱི་ཆོས་གྲྭ་ཆེན་པོ་རྒྱུད་འདིའི་བཤད་ལུང་འབོགས་པའི་སྐབས་མཁས་པའི་དབང་ཕྱུག་མཁན་ལེགས་འབྱོར་དང་ནུས་ལྡན་ཟུང་གི་གསུང་བསྐུལ་ངོར་འཇམ་དབྱངས་བློ་གྲོས་རྒྱ་མཚོས་སྨྲས་པ་ཡི་གེ་པ་ནི་འགྱུར་མེད་བཀྲ་ཤིས་ཀྱིས་བགྱིས་པ་འདིས་ཀྱང་གསང་བ་མཆོག་གི་བསྟན་པ་ཉིན་མོར་བྱེད་པའི་རྒྱུར་གྱུར་ཅིག །སརྦ་དཱ་མངྒ་ལཾ།། །།

[edit]

@#/__/spyi mdo dgongs 'dus kyi 'chad thabs zin bris nyung ngu rnam gsal bzhugs so/__/ chos nyid byang chub sems kyi ngang /__/thams cad rig pa phyag rgya'i sku/__/bla ma rdo rje rgyal por 'dud/__/rnal 'byor bzhi bcu'i nyi ma yi/__/'od zer drwa ba chen po'i bdag__/dpal ldan rgyud kyi rgyal po yi/__/'chad thabs nyung ngu 'dir gsal bya/__/de la lung chen po a nu yo ga'i spyi mdo dgongs pa 'dus pa'i rgyud 'chad pa la/__slob ma mdo rang lugs kyi phyi nang gsang ba'i dbang gis smin pa rnams la/__gnas dus phun sum tshogs par rtsa ba gsum gyi rten bkram pa'i spyan sngar stegs bu la ras bris kyi dkyil 'khor bkram phyi nang gsang ba'i mchod tshogs bshams nas mdo rang lugs sgrub dbang grags pa'i chu bo dang 'brel ba'i dur khrod gsang mchog gi rtsa dkyil lam phyi dkyil tshogs chen 'dus pa'i sgrub thabs gter chen bla mas mdzad pa ltar bzlas pa grub kyi bar bya/__legs ldan gtor chog 'don/__de nas slob dpon gyis/__'o/__lung chen a nu yo ga'i rgyud thams cad kyi rgyal po sangs rgyas kun gyi dgongs pa 'dus pa'i mdo chen po'i bshad bka' zab mo zhu ba'i yon du dmigs nas maN+Dal 'bul bar zhu/__zhes brda sprad la tshom bu so bdun ma rgyas par 'bul mthar rgyud sbyangs ba ni/__so so rang rang gi dbu gtsug tu pa~M las pad+ma dang a las zla ba'i dkyil 'khor gyi steng du bla ma dang gnyis su med pa'i rdo rje sems dpa' sku mdog dkar po zhal gcig phyag gnyis rdo rje dang dril bu 'dzin cing /__de'i dpang du yum snyem ma dkar mo gri gug dang thod pa 'dzin pas 'khyud cing mnyam par sbyor ba'i yab kyi thugs kar zla ba'i steng du hU~M dkar po'i mthar sngags phreng kha dog dkar po g.yas bskor du 'khor ba dang yi ge brgya pa gsol 'debs kyi tshul du bzlas pas sku dang sngags phreng las bdud rtsi'i rgyun dpag tu med pa byung /__tshangs sbug nas zhugs/__lus kyi nang thams cad gang /__nad gdon sdig ltung thams cad lhag med du byang bar mos la yi ge brgya pa lhan cig du bzla bar zhu/__zhes pas yi ge brgya pa lan nyer gcig tsam bzla/__mgon po bdag ni mi shes sogs dang /__sku gsung thugs sogs nas mdzad du gsol bar dpon slob lhan du 'don/__ces gsol ba btab pas sdig sgrib dag pa'i gnang ba byin nas rdo rje sems dpa' yab yum so sor rang rang la thim par gyur/__nyin gnyis pa man chad nyan dbang la 'jug__/nyin dang por slob dpon gyis cho 'phrul 'byung ba'i glu 'di'i gsol ba btab pa'i phyir rjes zlos mdzod/__ye shes sgyu ma'i rnam par rol pa'i sku/__/thabs dang shes rab che la mnga' brnyes pa'i/__/'phags rje sprul pa mang po 'byung ba'i gnas/__/bder gshegs bde bar gshegs pa bzhengs su gsol/__/lan gsum/__slar yang rdo rje rol pa de kho na'i glus bskul te gsol ba btab pa 'di'i rjes zlos/__e ma 'o/__yid bzhin sku mchog rnam mkha' lta bu las/__/khyab pa'i byin rlabs rdo rje gar mdzad cing /__/gzi brjid sprin phung rol pa'i bsgyings pa'i sku/__/thogs med rdo rje rol pa'i cho 'phrul ston/__/e ma 'o/__yid bzhin gsung mchog sgra bsnyan lta bu las/__/snyan pa'i byin rlabs rdo rje brjod mdzad cing /__/yan lag rgya mtsho'i mi bzod bkod pa'i gsungs/__/seng ge sgra yi gsang sngags rgya mtsho ston/__/e ma 'o/__ye shes snying po nyi ma lta bu las/__/'bar ba'i byin rlabs rdo rje bde mdzad cing /__/thig le spros bral rnam par mi rtog thugs/__/rnam grol de nyid nges pa'i cho 'phrul ston/__/mi shes blun rmongs 'dam bying 'gro ba rnams/__/sdug bsngal dra bas bcings pa thabs kyis grol/__/ma rig mun pas long ba don gyis phye/__/'khor ba'i rgya mtsho lta ba'i gru yis sgrol/__/de bzhin gshegs pa kun gyi thugs chen po/__/ye shes don gyi snying po mchog dang ldan/__/rnal 'byor theg chen rdo rje kun 'dus lugs/__/'dus pa'i tshogs la rgya cher bshad du gsol/__/a ho/__lan du 'di nas lan dgos 'dra dpyad/__de nas gsang sgo dbye bar gsol ba btab pa 'di'i rjes zlos/__gsang ba chen po'i rigs tshogs su/__/de nas bdag ni 'jug par bya/__/phyir mi ldog par lung thob phyir/__/bdag la gsang sgo dbye bar gsol/__/lan gsum/__nyin gnyis pa man 'di nas 'jug__/bla ma dang gnyis su med pa'i dpal chen po yab yum mnyam par sbyor ba'i mkha' gsang las nyi zla byang chub sems kyi 'od zer gyi sprin 'phros pas rgyud nyan pa la sgrib pa'i dri ma thams cad phral te don la nges par 'jug pa'i gsang sgo phye bar gyur/__slob dpon rang nyid kyi lce la smra byed kyi thig le nyid hrIH__yig zung las snang ba mtha' yas yab yum dmar po pad+ma dang dril bu 'dzin pa'i skur gyur/__gnas gsum las 'phros pa'i 'od kyis de bzhin gshegs pa thams cad kyi gsung rdo rje 'od kyi rnam par bsdus te thim pas chos 'chad pa la sgrib pa'i dri ma thams cad dag__/slob dpon rang nyid lha dang bcas pa 'od du zhu ba las snang ba mtha' yas kyi skur gyur/__nyin dang po/__slob bu'i rna ba gnyis su bdud rtsis thig le bya/__nyin gnyis pa phan chod thig le mi dgos slob bu'i rna ba gnyis su nyan shes kyi thig le nyid traM yig zung las rin chen 'byung ldan yab yum ser po rin chen dang dril bu 'dzin pa'i skur gyur/__gnas gsum las 'phros pa'i 'od zer gyis tshig dang don gyi gzungs la sogs pa de bzhin gshegs pa'i yon tan rin po che'i gter thams cad 'od kyi rnam par bsdus nas thim pas chos nyan pa la sgrib pa'i dri ma thams cad dag__/slob ma lha dang bcas pa 'od du zhu ba las rin chen 'byung ldan gyi skur gyur/__nyin gnyis pa bdud tshar gcod kyi sngags la 'jug__/nyin dang po la/__tra~M las byung ba'i rin chen 'byung ldan gi ngo bo rgyud kyi glegs bam gtad de/__tra~M gsang ba gsang chen gsang mchog rnam gsum gyis/__gsang ba'i don la mnyan zhing slob pa'i dbang /__dbang thob skal ldan khyod la sbyin par bya/__bdud rtsi'i chu 'dis rna ba'i gsang sgo dbye/__sarba ta thA ga ta d+harma sid+d+hi hoHna mo/__phyogs bcu'i dus bzhi'i de bzhin gshegs pa thams cad kyi bden pa'i byin rlabs kyis/__skal ldan rig pa 'dzin pa khyod la nyan pa'i dbang bskur bas gsang ba'i bka' mtha' dag nyan pa'i dbang dam pa mtha' dag thob par gyur cig__/bla ma dpal chen po'i 'khor rnam par sbyong ba'i ched du shangs kyi hU~M ring las byang chub sems kyi sprin dang las kyi khro bo'i tshogs dpag tu med pa spros pas bgegs dang log par 'dren pa'i tshogs thams cad rgyang ring du bskrad par gyur/__hU~M hU~M hU~M/__rdo rje 'dus par 'dus pa yi/__/theg chen dam pa'i rigs can rnams/__/bla 'og rim pa ji bzhin du/__/rdo rje gsang ba'i gral bkod de/__/rigs ma yin pa rigs med 'gyur/__/rigs can rnams kyi dam tshig gi__/rigs med rnams la 'bab mi 'gyur/__/de las 'das na de rlag byed/__hU~M kro d+ha dz+wa sa ma ya/__rak+Sha dz+wa sa ma ya/__yak+Sha=_tsat+ta=_zhes bgegs bskrad/__de nas khyed rang rnams kyis rmad du byung ba'i me tog dang /__ting nge 'dzin gyi mchod pa sna tshogs pa 'bul ba'i mos pa dang bcas te 'di'i rjes zlos/__rdo rje rgyal po tshogs bdag dgongs su gsol/__/chos kyi rgyal po mi g.yo rgyal tshul mdzad/__/rgyal mchog bde chen sa la rab bzhugs te/__/smra ba'i las mchog rdo rje lce 'bar bas/__/sgra dbyangs rgyal ba rnams kyis bdag byin rlobs/__/gsang sngags rgyal po chos kyi me long 'di/__/rgyal mchog chos kyi rgyal po nyid kyi mthus/__/'dus pa'i tshogs la rgya cher brjod pa'o/__/a ho/__zhes gsol ba gdab/__/dpon slob kyis/__badz+ra karma satwa tsakra ha ha ho/__zhes brjod la sems dpa' rdo rje'i nga rgyal bya/__de nas slob dpon gyis bdud tshar gcod kyi sngags bzlas/__rtsa ba'i bla ma'i gsol 'debs dang /__chos bskul sngon du 'gro bas sems bskyed gsal gdabs sngags kyi khyad par kyi kun slong rnams kyang bshad la/__spyi mdo'i che ba brjod pa ci rigs sngon du btang nas chos rje dam pa'i mdo'i khog dbug__/sku bzhi'i gling 'grel/__dka' 'grel rnams kyi bshad lung sngon du btang /__mdo dngos la chos rje dam pa'i bsdus don dang skabs su sbyar/__mdo gzhung rtsa ba dal bus 'grel ba dang bsgrags te btang ba'o/__/le'u re re bton rjes dka' 'grel mun pa'i go cha nyid tshig ma chad par brda 'phrod par bklags/__'chad shes na bar skabs su spyi don dang chos rje dam pa'i mchan nyid kyis rtsa ba la 'bru mnan byas nas bshad na'ang shin tu legs par 'gyur ro/__/chos thun grol ba na/__dge bsngo dang tshogs man chad sgrub thabs dkyus ltar ro/__/nyin rjes ma rnams la sgrub thabs rgyas pa ma grub na/__'jigs med gling pas mdzad pa'i 'dus mdo'i rgyun khyer ram/__gter chen mchog gling gi lung rdo rje bkod pa'i phyi dkyil dang lus dkyil gang rung zhig btang na yang stabs bde bar sems/__legs ldan gtor chog ma chag par bya/__rgyud grol ba na/__gzhung dngos rdzogs par grub rjes/__'grel chen gyi dbu gsham lung bklags/__bla ma dpal chen po dang gsang ba'i mdo chen po nyid la ched du brjod cing bstod pa'i glu blang ba 'di'i rjes zlos/__e ma ho/__skyes chen gsang ba'i bdag__/rtsal chen smra ba seng ge'i sgra/__de bzhin gshegs pa kun gyi thugs/__/nga rgyal kun sngon ye nas byung /__/khyod kyi sangs rgyas kun gyi mes/__/che mchog rje btsun dam pa'i sku/__/bde gshegs kun gyi bshes gnyen mchog__/sems dpa' sangs rgyas kun gyi dngos/__/sangs rgyas kun gyi 'byung gnas gsal/__/phyogs kun gsal 'grel nges pa'i mdo/__/theg chen smad grags ngo mtshar che/__/gsang chen byung tshul ngo mtshar che/__/a ho/__zhes nges pa dam par mngon par bstod/__de ltar sangs rgyas kun gyi dgongs pa 'dus pa'i mdo chen po'i bshad bka' zab mo legs par thob pa'i bka' drin gtang rag gi yon du maN+Dal phul mdzod/__maN+Dal tshom bu so bdun pa rgyas par phul/__'di lta bu'i rgyud kyi rgyal po 'di nyid dbang ma thob pa dang snod min la mi ster zhing snod ldan nges pa can la sbyin pa dang /__bshad sgrub kyi phrin las nam mkha' dang mnyam par bgyi ba'i sgo nas don gnyis rlabs po che sgrub snyams pas 'di'i rjes zlos/__gtso bos ji ltar=_deng nas brtsam te sogs brjod/__spyi bsngo ba'i mtshams sbyar rgyas par spros nas bsngo smon gyis rgyas gdabs/__rgyud chog gi tshul du bsgrub thabs bka' ma ltar 'don/__tshogs la rol rjes spyi mdo dgongs 'dus sam rtsa rgyud kun 'dus rig pa'i mdo lta bu slob ma du yod la dpe bsgos nas tshar gcig bton na shin tu legs/__rgyud 'don pa'i dbur/__bla ma sangs rgyas chos tshogs la/__/byang chub bar du skyabs su mchi/__/gzhan don rdzogs byang thob bya'i phyir/__/zab mo'i rgyud sde bklags par bgyid/__lan gsum/__bdag nyid gsang mchog skur gsal zhing /__/ngo bo gnyis med gsang ba'i snying /__/gsung gi byin rlabs rang snang ba/__/rten 'byung sgra bsnyan lta bu'i tshul/__/dbyings las ma byung a las ni/__/yi ge yid bzhin sprin tshogs 'phros/__/a ni rang bzhin yi ge ste/__/rten dang bral ba'i rgyu rkyen med/__/khong nas kun khyab nam mkha' 'dra/__/chos dbyings skye med zab mo yis/__/chos kun khyab gnas zin pa ltar/__/khyab gnas a yi rang bzhin gyis/__/yi ge kun khyab kun zin te/__/ming dang tshig tshogs sna tshogs bsgyur/__/skyes bu thugs kyi dpal be'u nas/__/thams cad 'byung ba kun gyi gzhi/__/mgur gyi gsang ba'i dbyings su shar/__/cho 'phrul yi ge lngar snang ba/__/mgur gyi sgra byung mgur las grags/__/a ka kha g+ha nga /__/a las yig 'bru zer 'phros pas/__/ljags kyi dbang po zla gam 'phros/__/cho 'phrul yi ge lngar snang ba/__ljags kyi sgra byung ljags las grags/__/tsa tsha dza dz+ha nya/__/a yi 'od zer rtser mo las/__/ljags kyi zla gam rtse mo 'phros/__/cho 'phrul lnga gnyis yi ge snang /__/rtse mo sgra byung thor tor grags/__/ta tha da d+ha na/__/Ta Tha Da D+ha Na/__/de bzhin de las de byung bas/__/zhal gyi sgrom las 'khyil 'bar ba'i/__/de bzhin yig 'bru lngar snang bas/__/zhal gyi sgor byung zhal las grags/__/pa pha ba b+ha ma/__/yig 'bru kun gyi mchog de nyid/__/gsung gi rgyun lam der byung ba/__/yul la reg pa'i 'brur shar ba/__/cho 'phrul yi ge sna tshogs snang /__/ya wa ra la/__sha Sha sa ha k+Sha/__a A i I u U e A+ai aM A r-i r-I l-i l-I a ho/__zhes brjod la rgyud bklags pa'i rjes/__kun bzang /__zhabs bsil/__bzhi bsnol rnams kyis mchod/__e ma ho/__nyes bcom legs ldan mtshan bzhi mtha' las 'das/__/dpag med byams snyoms don gyi bdag gzhan dpal/__/don dam gsang sbas nam mkha'i dkyil du 'khyil/__/rdo rje che mchog dbang phyug kun gyi bdag__/'dzin pa mi rtog sha rus khrag la rol/__/thugs kyi gdung thag 'khor ba'i mtha' la dgyes/__/yul med ma skyes mtshan ma'i g.yul las rgyal/__/bde mchog rgyal po khyed la phyag 'tshal bstod/__/shes rab chen po nam mkha'i nyi mar gsal/__/byang chub sems kyi 'od zer dbyings su 'char/__/dpa' brtul myur bu'i shugs kyi 'gro drug sgrol/__/rtog 'jom ye shes rdo rje'i cho 'phrul 'phro/__/dam pa'i don gsungs gnyis med ston pa'i sku/__/smra ba'i seng ge mchog la phyag 'tshal bstod/__/rin chen gter ldan 'dod rgur kun skong zhing /__/lung dang rig pa gtan tshig kun gyi mdzod/__/brda' can yan lag len pa'i me long gsal/__/rdo rje kun 'das 'jigs byed rgyal po'i rgyud/__/chos kyi me long 'di la bdag cag spro/__/ces pas bstod/__tshogs kyi smon lam dang /__lhag ma bsngo/__chos skyong gtor chog dang bstan ma sogs sgrub thabs dkyus ltar nas bsngo smon bkra shis rgyas par brjod pas dge legs su bya'o/__/de ltar 'chad pa'i nyin grangs kyang zhag bco lnga'am bdun las mi nyung bar nges par dgos so/__/'di dge'i bsod nams grub pa gang yod rnams/__/grong khyer gsum las 'gro rnams dbugs 'byin zhing /__/ye shes bla ma'i sa mchog thob nas kyang /__/don gnyis lhun grub 'bad med 'byung bar shog__/ces pa'i rgyud kyi 'chad thabs nyung ngu 'di kaHthog rdo rje gdan gyi chos grwa chen po rgyud 'di'i bshad lung 'bogs pa'i skabs mkhas pa'i dbang phyug mkhan legs 'byor dang nus ldan zung gi gsung bskul ngor 'jam dbyangs blo gros rgya mtshos smras pa yi ge pa ni 'gyur med bkra shis kyis bgyis pa 'dis kyang gsang ba mchog gi bstan pa nyin mor byed pa'i rgyur gyur cig__/sarba dA mang+ga laM//__//