JKCL-KABUM-08-NYA-010-001

From Khyentse Lineage - A Tsadra Foundation Project

བླ་མའི་ཞབས་ལ་སོགས་གཞི་ཆེན་རྒྱལ་སྲས་ཀུན་ཉི་ལ་གནང་བ།
Wylie title bla ma'i zhabs la sogs gzhi chen rgyal sras kun nyi la gnang ba JKCL-KABUM-08-NYA-010.pdf
Location chos kyi blo gros bka' 'bum
Volume 8, sde tshan 10, Text 1, Pages 238-240 (Folios 1b1 to 2b3)
Author འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation 'jam dbyangs mkhyen brtse chos kyi blo gros. bla ma'i zhabs la sogs gzhi chen rgyal sras kun nyi la gnang ba. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 8: 238-240. Bir, H.P.: Khyentse Labrang, 2012.
Genre Advice - zhal gdams
Colophon

།དེ་སྐད་མྱང་གི་གདུང་བརྒྱུད་ནི། །གཞི་ཆེན་རྒྱལ་སྲས་ཀུན་ཉི་ཡི། །བཞེད་ངོར་ཆོས་ཀྱི་བློ་གྲོས་པས། །གང་ཤར་ཉིད་དུ་བྲིས་པ་དགེ།

/de skad myang gi gdung brgyud ni/__/gzhi chen rgyal sras kun nyi yi/__/bzhed ngor chos kyi blo gros pas/__/gang shar nyid du bris pa dge/

":Property:textsubnumber|textsubnumber" can not be assigned to a declared number type with value 1.

[edit]
བླ་མའི་ཞབས་ལ་ཕྱག་བཙལ་ནས། །དལ་དང་འབྱོར་པའི་རྟེན་བཟང་འདི། །ད་རེས་ཙམ་ལས་ཐོབ་པར་དཀའ། །མི་ཚེ་ཉི་མ་སོས་དལ་དུ། །མདོ་མེད་སྟོང་ལོག་མི་བྱེད་པ། །དམ་ཆོས་སྒྲུབ་ལ་བརྩོན་པར་ཞུ། །ཚེ་ནི་མི་རྟག་སྐད་ཅིག་གིས། །འཛད་པར་འགྱུར་ལ་དགེ་སྡིག་གི །ལས་བསགས་ཕྱི་བཞིན་འབྲང་བས་ན། །རྒྱུ་འབྲས་སྤངས་བླང་བྱ་བ་དང་། །འཁོར་བའི་སྡུག་བསྔལ་དྲན་པར་གྱིས། །ཆོས་ཀུན་སྔོན་དུ་སེམས་བསྐྱེད་དང་། །དངོས་གཞི་དགེ་བ་གང་བསགས་པ། །དམིགས་མེད་འཛིན་བྲལ་ངང་དུ་བཞག། འཁོར་གསུམ་དག་པའི་བསྔོ་བ་ཡིས། །རྒྱས་འདེབས་སྨོན་ལམ་རྣམ་དག་ཐོབ། །དུས་ཀུན་དྲན་དང་ཤེས་བཞིན་གྱིས། །རང་གི་སེམས་འདི་བསྲུང་བ་དང་། །ཆོས་ཀྱི་རྩ་བ་བྱང་ཆུབ་སེམས། །རང་འདོད་འཁྲི་བ་ཀུན་ཐོངས་ལ། །གཞན་ཕན་དང་དུ་བླང་བ་གཅེས། །ཉེས་ཀུན་རྩ་བ་བདག་འཛིན་གྱི། །འདྲེ་ཆེན་འདི་ཡིས་ཕུང་བས་ན། །ཆོས་ཀུན་འདི་ཡི་ཐོག་ཏུ་སྤུངས། །འགོང་པོ་རྩད་ནས་བརླགས་པར་རེམ། །བྱིན་རླབས་དངོས་གྲུབ་རྩ་བ་ནི། །དཔལ་མགོན་བླ་མར་རག་ལས་པས། །དད་དང་དམ་ཚིག་གཞི་བཟུང་པས། །མོས་གུས་བསྐྱེད་ན་བྱིན་བརླབ་འཇུག། དེ་མེད་དངོས་གྲུབ་ཤིན་ཏུ་ཕྲ། །དེ་ཕྱིར་བླ་མ་སྒྲུབ་པར་བརྩོན། །རང་གི་སེམས་འདི་ཡོངས་སུ་འདུལ། །བསྟན་པའི་སྙིང་པོ་ངེས་དོན་གྱི། །རིག་སྟོང་འོད་གསལ་རྫོགས་པ་ཆེའི། །ཉམས་ལེན་གནད་དུ་ཁེལ་བ་དང་། །སྔ་འགྱུར་བསྟན་ལ་སྒོ་གསུམ་གྱི། །བསྟན་པའི་བྱ་བ་ཅི་ནུས་སྒྲུབས། །རོང་ཀློང་མངའ་རིས་པཎ་ཆེན་དང་། །སྨིན་གཏེར་འཇིགས་གླིང་མི་ཕམ་སོགས། །རིག་འཛིན་བརྒྱུད་པའི་བཞེད་གཞུང་ལ། །རྟོག་གེའི་ངན་སྐྱག་དྲི་མ་ཡི། །བསླད་མིན་དྲི་བྲལ་རང་གཞུང་རྣམས། །བཤད་དང་སྒྲུབ་པས་དར་རྒྱས་སྨོན། །དེ་སྐད་མྱང་གི་གདུང་བརྒྱུད་ནི། །གཞི་ཆེན་རྒྱལ་སྲས་ཀུན་ཉི་ཡི། །བཞེད་ངོར་ཆོས་ཀྱི་བློ་གྲོས་པས། །གང་ཤར་ཉིད་དུ་བྲིས་པ་དགེ། །།
[edit]

bla ma'i zhabs la phyag btsal nas/__/dal dang 'byor pa'i rten bzang 'di/__/da res tsam las thob par dka'/__/mi tshe nyi ma sos dal du/__/mdo med stong log mi byed pa/__/dam chos sgrub la brtson par zhu/__/tshe ni mi rtag skad cig gis/__/'dzad par 'gyur la dge sdig gi__/las bsags phyi bzhin 'brang bas na/__/rgyu 'bras spangs blang bya ba dang /__/'khor ba'i sdug bsngal dran par gyis/__/chos kun sngon du sems bskyed dang /__/dngos gzhi dge ba gang bsags pa/__/dmigs med 'dzin bral ngang du bzhag/__'khor gsum dag pa'i bsngo ba yis/__/rgyas 'debs smon lam rnam dag thob/__/dus kun dran dang shes bzhin gyis/__/rang gi sems 'di bsrung ba dang /__/chos kyi rtsa ba byang chub sems/__/rang 'dod 'khri ba kun thongs la/__/gzhan phan dang du blang ba gces/__/nyes kun rtsa ba bdag 'dzin gyi/__/'dre chen 'di yis phung bas na/__/chos kun 'di yi thog tu spungs/__/'gong po rtsad nas brlags par rem/__/byin rlabs dngos grub rtsa ba ni/__/dpal mgon bla mar rag las pas/__/dad dang dam tshig gzhi bzung pas/__/mos gus bskyed na byin brlab 'jug/__de med dngos grub shin tu phra/__/de phyir bla ma sgrub par brtson/__/rang gi sems 'di yongs su 'dul/__/bstan pa'i snying po nges don gyi/__/rig stong 'od gsal rdzogs pa che'i/__/nyams len gnad du khel ba dang /__/snga 'gyur bstan la sgo gsum gyi/__/bstan pa'i bya ba ci nus sgrubs/__/rong klong mnga' ris paN chen dang /__/smin gter 'jigs gling mi pham sogs/__/rig 'dzin brgyud pa'i bzhed gzhung la/__/rtog ge'i ngan skyag dri ma yi/__/bslad min dri bral rang gzhung rnams/__/bshad dang sgrub pas dar rgyas smon/__/de skad myang gi gdung brgyud ni/__/gzhi chen rgyal sras kun nyi yi/__/bzhed ngor chos kyi blo gros pas/__/gang shar nyid du bris pa dge/__//

Footnotes

Other Information