JKCL-KABUM-07-JA-042-wylie
oM mU~M e ma ma sal sal khaM khaM ye swA hA/__a A sogs/__ka kha ga sogs/__ye d+harmA sogs/__NaHkla klo'i bsam sbyor ngan pa thams cad shAn+tiM ku ru swA hA/__dkon mchog rtsa gsum rgya mtsho'i bden stobs dang /__/dbyings phyug yum chen kun tu bzang mo yi/__/chos can chos nyid bden pa'i mthu stobs kyis/__/kla klo'i mdun gros bsam sbyor ngan pa rnams/__/lhag ma med par rtsad nas zhi gyur cig__/gang gi rgyud la zhugs pas skad cig gis/__/blo sna lha min bzhin du sgyur byed pa'i/__/'byung po gdug pa'i tshogs rnams tshar bcad nas/__/phyin chad phyogs 'dir rgyu bar ma gyur cig__/ces pa'ang tshe dbang rdo rjes bskul ngor 'jam dbyangs chos kyi blo gros pas smras pa dge zhing bkra shis//___//__!__dkon mchog rtsa gsum rgya mtsho'i bden stobs dang /__/khyad par rig 'dzin rdo rje drag rtsal gyi/__/mthu stobs nus pa bskal pa'i me bzhin sbor/__/mtha' dmag gdug pa'i dpung tshogs lhag med sregs/__/kla klo'i 'dun gros bye mar chu blugs bzhin/__/nus med rang zhir gyur nas rgyal ba'i bstan/__/der 'dzin sde dang bcas pa gnod 'tshe bral/__/bsam don yid bzhin 'grub par byin gyis brlobs/__zhes pa'ang chu 'brug cho 'phrul zla tshes la pad+ma ye shes rdo rjes spel ba dge'o//___//
