JKCL-KABUM-07-JA-041-wylie
rdo dril rtse dgu rtse lnga gang yin kyang rab gnas rgyas pa lha so so'i rwa dang pad+ma sogs la bskyed pa logs su shes la/__'dir bsdus nas cho ga'i sngon du bya ba ni/__rdo rje hU~M las rdo rje sems dpa' zhu ba las byung ba'i thabs bde ba chen po'i rang bzhin rdo rjer gyur/__dril bu AHlas rdo rje snyems ma zhu ba las byung ba'i shes rab stong pa nyid kyi rang bzhin dril bu gyur/__thal mo A li kA li yongs su gyur pa las lag g.yas su nyi ma dang g.yon du zla ba gsal bar gyur par bsam/__oM sarba ta thA ga ta sid+d+hi badz+ra sa ma ya tiSh+Tha e Sha s+t+waM d+hA ra ya mi badz+ra satwa hi hi hi hi hi/__hU~M hU~M hU~M phaT swA hA/__zhes g.yas pa'i phyag mthe bong dang ming med kyi rdo rje snying khar bzung /__oM badz+ra gaN+Da AHzhes g.yon pa'i mthe bong dang ming med kyis blangs nas dku g.yon par bzung /__slar rdo rje sngar ltar la dril bu nang gi phyogs mtshams brgyad du lce bskyod nas dkrol zhing /__oM badz+ra d+harma ra Ni ta/__pra ra Ni ta/__saM pra ra Ni ta/__sarba bud+d+ha k+She tra pra tsa li ni/__pradz+nyA pA ra mi ta/__nA da swa b+hA we/__badz+ra satwa hr-i da ya/__san+to Sha ni/__hU~M hU~M hU~M/__ho ho ho/__zhes dkrol/__de nas phrin las gang yin la 'jug go/__//__
