JKCL-KABUM-07-JA-006-wylie
kun mkhyil mched gsum rgyun khyer bzhugs/__skyabs sems ni/__bla ma mchog gsum yi dam lha/__/gus pas skyabs mchi mkha' mnyam 'gro/__/bla med byang chub mchog thob phyir/__/kun 'khyil mched gsum bsgrub par bgyi/__lhar bskyed pa ni/__oM swa b+hA wA sogs/__stong pa'i ngang las mdun gyi mkhar:yid 'phrog 'dod 'jo'i ljon shing ni:me tog dmar ser 'khrigs pa'i dbus:zla ba'i dkyil 'khor gsum gyi steng :d+hA ki kun 'khyil mched gsum ni:sku mdog sngon po zhi 'dzum sgeg:g.yas g.yon gter bum nor bu 'dzin:zhabs zung brkyang bskum gar gyis rol:gnas gsum 'bru gsum 'od zer gyis:ye shes spyan drangs dbyer med thim:oM pi sha tsi d+hA ki nI sarba tsit+ta rat+na hrIng hrIng dzaHdzaHdzaHhU~M ba~M ho:oM badz+ra ar+g+haM sogs/__hU~M/__dur khrod nags tshal yid 'phrog tu:sgyu ma'i gar mdzad d+hA ki nI:yid bzhin re skong mched gsum la:mchod cing bstod do dngos grub stsol:rang gi thugs nas 'od 'phros pas:lha mo mched gsum thugs rgyud bskul:sprul pa yang sprul stong gsum khyab:zas gos nor sogs mthun pa'i rkyen:dbang bsdus char bzhin 'bebs par bsam:oM i li ki li pi li ki li ki ki ye swA hA:zas bsgrub pa'o:oM a nA le kuN+Da li gr-ih+na pi sha tsi na ye swA hA:gos bsgrub pa'o/__/oM na ma shuk+Sha na bA su mu khaM ma hA pi shA tsi na ye swA hA:nor bsgrub pa'o:sngags de gsum ci nus bzla/__thun mtshams su zas phud bshams la 'bru gsum gyis brlab/__gtor mgron lha mo mched gsum badz+ra sa ma dzaHpad+ma ka lA ya s+t+wa~M/__gong gi sngags so so'i mthar nam mkha' mdzod sngags btags pa lan gsum res phul/__mchod bstod byas la/__ye shes pa rten dang dbyer med du bzhugs/__/dam tshig pa rang la bsdu/__/g.yas g.yon gyi lha mo gnyis rang la thim/__/rang yang mi dmigs pa'i ngang du bzhag__/slar yang d+hA ki'i skur gyur/__/badz+ra kA wA tsi rak+Sha haM/__'dis bsrungs la dge bsngo shis brjod bya'o/__/zhes pa'ang chos kyi blo gros pas so//___//
