JKCL-KABUM-05-CA-056-wylie

bka' brgyad rgyun khyer ni/__bla ma dpal chen zhi khro'i lhar/__/gus pas skyabs mchi sems mchog bskyed/__/stong pa'i ngang las skad cig gis/__/rdo rje brag chen pad zla nyi/__/byol song gtso brgyad phyogs skyong dang /__/lha chen rnams kyi gdan steng du/__/rang rig hU~M sngon 'bar ba las/__/dpal chen che mchog he ru kaH/__dbus mthing g.yas dkar g.yon dmar zhal/__/g.yas gsum rdo rje g.yon gsum b+han/__dpal dang dur khrod chas kyis brgyan/__/yum chen gnam zhal dbyings phyug 'khyud/__/dbu rgyan kun bzang rigs lnga dang /__/sku la dpal dgu'i lha rnams rdzogs/__/thugs kar rang 'dra'i ye shes sems/__/de yi thugs kar kun tu bzang /__/thugs dbus rdo rje'i lte ba ru/__/nyi zla'i gwa'u hU~M sngon po/__/gsal zhing dwangs pa rtag 'char las/__/sngags phreng 'phros shing zhi khro'i lha'i/__/thugs rgyud bskul bas don gnyis byas/__/snod bcud dpal chen dkyil 'khor shar/__/oM bo d+hi tsit+ta ma hA su kha dz+nyA na d+hA tu AHzhes dang /__oM badz+ra kro d+hA ma hA shrIHhe ru ka hU~M phaTaHma hA kro d+hI shwa rI s+t+waM/__oM ru lu ru lu hU~M b+h+yo hU~M/__zhes dang /__oM badz+ra tsaN+Da sarba duSh+Tan tA ka ha na da hA pa tsa hU~M phaTaHces pa rnams bzlas mthar/__snang cha'i lha sku 'od gsal ngang /__/slar yang gnyug ma'i phyag rgyar ldang /__/oM AHhU~M:zhes byin brlab dge bsngo shis brjod rnams bya'o/__/zhes pa'ang la dkar bu bsod nams rgyal mtshan gyi bzhed ngor/__chos kyi blo gros pas so/__//__/