JKCL-KABUM-05-CA-013-wylie

From Khyentse Lineage - A Tsadra Foundation Project

Template:WyliePageHeader


@#/__/'chi med pad+ma'i snying thig las/__rdo rje tshe yi nang sgrub bklags chog tu bkod pa 'chi med pad+ma'i phreng ba zhes bya ba bzhugs so/__/ na mo gu ru a pa ri mi ta ye/__gzhom bral tshe dang ye shes dpag med cing /__/gzi brjid bkod pa'i rgyal po zhes grags pa/__/mtshan thos tsam gyis dus kyi 'jigs 'phrog pa'i/__/rgyal ba 'od snang mtha' yas de la 'dud/__/gang de'i sgrub thabs bye ba phrag brgya yi/__/yang snying pad+ma rgyal po'i thugs kyi thig__/shin tu zab mo dgongs pa'i gter bcud las/__/byung ba'i phrin las byang bu bklags chog spel/__/de'ang tshe sgrub pad+ma snying thig gi nang sgrub lha bcu bdun ma'i bsnyen sgrub bya bar 'dod pas/__dkyil 'khor 'di nyid du dbang thob cing dam tshig dang ldan pas ra ba bzhi'i yar ngo'i gza' skar 'phrod sbyor legs par dam tshig bris sku sogs rten bkram pa'i spyan sngar sgrub mchod dbang bskur sogs dang 'brel na ras bris kyi dkyil 'khor gzhung mthun nam 'bru tshom bkod pa'i khar dbang rdzas sgrub rten sogs 'god/__dkyus tsam du sman raka gtor mchod sogs dang dkar bgegs bshams la/__sgrub pa po bde ba'i stan la 'khod de nges 'byung gi blo bskyed/__byang chub kyi sems bsgom la cho ga'i las rim la 'jug ste/__de la'ang sngon 'gro/__dngos gzhi/__rjes kyi las rim mo/__/sngon 'gro la brgyad las/__dang po skyabs su 'gro ba'i thog mar tshig bdun gsol 'debs dang /__mgon po tshe dpag med kyi dgongs pa yis:sogs dang /__brgyud 'debs 'don/__bsnyen pa'i nyin dang po dang sgrub pa'i skabs/__zhing skyong gzhi bdag la byin rlabs sngon du 'gro bas/__a kA ro'i sngags dang /__gang dag 'dir gnas kyis dkar gtor gser skyems spyi ltar 'bul/__skyabs 'gro dngos ni/__mdun gyi nam mkhar bla ma tshe dpag med skyabs yul rgya mtsho'i tshogs kyis bskor ba mngon sum bzhin du bzhugs par dmigs la/__na mo:bdag ni deng nas byang chub bar:bla ma dkon mchog rnam gsum la:mi phyed dad dang dang ba'i blos:rtse gcig gus pas skyabs su mchi:zhes lan gsum/__gnyis pa sems bskyed ni/__de nas gzhan phan mchog gi blos:smon dang 'jug pa'i byang sems bsgom:hoHnam mkha' mnyam pa'i sems can rnams:ma rtogs bdag tu bzung ba'i blos:skye 'chi mtshan ma'i chos la zhen:bsgral phyir sems kyis dam bca' bzung :'gro kun bdag gi pha ma ste:de dag byang chub 'god pa'i blos:sbyin sogs pha rol phyin pa yis:rgyal sras spyod la bslab par bgyi:zhes smon 'jug gi don yid la dran bzhin lan gsum gyi mthar tshad med bzhi bsgom pa ni/__sems can bde dang mi 'bral ldan:sdug bsngal rgyu 'bras mtha' dag zhi:bde dang rtag tu mi 'bral ba'i:rang gzhan phyogs ris med gnas shog:ces brjod/__gsum pa tshogs bsags yan lag bdun pa 'bul ba ni/__hoHphyogs dus rgyal ba sras bcas dang :tshe dpag med mgon zhabs pad+mor:zhing rdul kun gyi grangs snyed kyi:sgo gsum gus pas phyag 'tshal lo:phyi nang gsang ba bla med pa'i:kun bzang mchod sprin rgya mtshos mchod:sdig sgrib nyes ltung mthol zhing bshags:tshogs gnyis spyod la rjes yi rangs:chos kyi 'khor lo bskor bzhin du:mya ngan mi 'da' bzhugs gsol 'debs:dge tshogs byang chub snying por bsngo:gzhan don sangs rgyas myur 'grub shog:lan gsum/__badz+ra muHtshogs zhing rnams rang la thim par gyur:bzhi pa bgegs la bka' bsgo zhing mtshams gcod pa ni/__gtor ma las chus bran te/__rang nyid skad cig gis pad+ma dbang chen rta mchog rol pa'i skur gyur:ra~M ya~M kha~M/__stong pa'i ngang las rin po che las grub pa'i snod yangs shing rgya che bar gtor ma kha dog dri ro nus pa phun sum tshogs par gyur/__oM AHhU~M/__lan gsum/__ha ho hrIHrgyas par spel/__oM sarba b+hu ta A kaR+Sha ya dzaHsa mgron dgug__/oM sarba big+h+nAn na ma:sogs nam mkha' mdzod kyi sngags rgya lan gsum gyis bsngos la/__hrI:nga ni dbang chen he ru ka:'khor 'das yongs kyi rje btsan te:tshe bdud log 'gran bar chad bdud:bsnyen pa'i skabs/__sngon gyi bag chags ngan pa yis:gsang spyod lta ba'i skabs med phyir:gnas 'dir ma 'dug gzhan du song :zhes kha bsgyur/__sngon gyi lan chags sbyang ba'i phyir:'dod yon glud gtor 'di sbyin gyis:tshim par gyis la gzhan du song :gal te mi nyan 'tshe byed na:dbang gi rgyal po'i ting nge 'dzin:'bar ba'i brtul zhugs rol pa yi:cho 'phrul bsam gyis mi khyab pas:brlag par gyur gyis phyir dengs shig:hU~M bzhi'i sngags dang thun gyis gzir:phyogs bcings srung ba'i mtshams bcad phyir:hrIHsnang srid ye shes lha yi dal:snang grags rig pa sku gsung thugs:gnyis su med pa'i dkyil 'khor te:kun kyang 'bar ba'i phyag rgyar shar:bgegs dang bar chad ming yang med/__mi shigs rdo rje 'khor lo dang :rin chen pad+ma rgya gram gyi:gur khang 'bar bas phyogs mtshams gtams:mtshams kyi dkyil 'khor lhun gyis grub:dz+nyA na badz+ra tsakra rat+na pad+ma khang+ga rak+Sha rak+Sha b+h+rU~M b+h+rU~M b+h+rU~M:lnga pa 'khon gcugs bshags pas sbyangs ba ni:hoHtshe yi lha tshogs ma lus pa:thugs rje brtse bas dgongs su gsol:bdag ni ma rig 'khrul pa yis:las dang nyon mongs gzhan dbang can:srid pa 'khor ba'i las bsags pa:mi dge nyes par byas pas nongs:snying nas gdung bas mthol bshags kyis:bzod par bzhes la sku gsung thugs:ye shes rdo rje'i dngos grub stsol:yi ge brgya pa yang yang brjod:drug pa dam bca' sdom pa bzung ba ni:oM:ye shes spyan ldan rnal 'byor dbang :thugs rje'i dbang bsgyur bcom ldan 'das:srid gsum 'gro ba'i gnyen gcig pu:bdag la dgyes pas bzhugs su gsol:mtha' yas sems can ma lus pa'i:don du yang dag lam 'dod pas:so sor thar dang byang chub sems:rig 'dzin nang gi bslab pa la:spyi dang khyad par lhag pa yi:rtsa ba sku gsung thugs mchog dang :yan lag dam tshig nyi shu lnga:rang bzhin lta ba'i dam tshig las:nam yang 'gal bar mi bgyid cing :yang dag nges pa'i gsang ba yi:bla med rgyal po'i dam tshig gi:rim pa yal bar mi dor ba'i:rdo rje'i dam bca' gnyan po bzung :badz+ra sa ma ya hoHbdun pa rdo rje'i byin chen dbab ba'i phyir:spos dang bshugs glu'i brdas bskul zhing :mda' dar g.yab la rol mo brdung :gdung shugs ting 'dzin mi g.yel bas:sgrub mchod sogs kyi skabs 'jam mgon bla ma'i dgongs gter byin 'bebs ye shes mchog stsol kyang sbyar na legs/__hU~M hrIH'og min chos dbyings bde chen brdal ba che:lhun grub rol pa bcom ldan snang mtha' yas:rig stong ye shes chos sku'i lha tshogs kyis:gnyis med mnyam pa chen por byin phob cig:kha sbyor longs spyod rdzogs pa'i zhing khams nas:gsung gi rdo rje 'chi med tshe yi lha:rang snang khyab brdal longs sku'i lha tshogs kyis:snang srid dkyil 'khor rdzogs pa'i byin phob cig:snod bcud dag pa'i 'khor lo'i pho brang nas:'gro 'dul sgyu 'phrul dra ba'i dkyil 'khor lha:ting 'dzin sgyu mar rol pa'i cho 'phrul gyis:sku gsung thugs kyi ye shes byin phob cig:byin chen byin phob sku gsung thugs dbang bskur:dbang chen dbang bskur gnyis med byin gyis rlobs:snod bcud bde chen zhing gi rang bzhin dang :sgrub rdzas ye shes rol mor 'char bar mdzod:oM badz+ra ma hA A yur maN+Dal dz+nyA na a bai sha ya A a:hrIM hrIM:phaiM phaiMHhU~M hU~M hU~M:byin bsdu gnyis med bstim pa dang :brgyad pa mchod rdzas byin gyis brlab pa ni:oM AHhU~M:snod bcud phun tshogs bde chen zhing :rang snang kun bzang mchod pa'i sprin:zag med nam mkha' gang ba'i tshogs:ye shes chen po'i rol par shar:oM badz+ra ar+g+haM nas/__shab+da'i bar/__sarba sa ma ya pU dza dz+nyA na AHhU~M:oM sarba pany+tsa a mr-i ta AHhU~M:oM ma hA rak+ta AHhU~M:oM ma hA ba liM ta AHhU~M:zhes sngags rnams lan gsum re brjod pas byin gyis brlab bo:gnyis pa dngos gzhi la bdun gyi dang po lha yi sa ma d+hi:rtse gcig yid kyis bsgom pa ni:oM ma hA shu n+ya ta dz+nyA na badz+ra swA b+hA wa at+ma ko\u0f85 haM:'khor 'das chos kun dbyings kyi ngang :rnam par thar pa sgo gsum gyi:ye shes chen po'i rang bzhin du:gdod nas dag pa'i chos su gnas:ting 'dzin de yi ngang nyid las:ma rtogs 'khrul pa'i sems can rnams:dag pa chen por bsgral ba'i phyir:snying rje sgyu ma khyab par brdal:zung 'jug mchog gi ye shes ni:sangs rgyas kun gyi thugs kyi dbyings:rang byung lhun grub sa bon che:yi ge hrIHyig mkha' la shar:de las e ya~M ra~M su~M dang :ra~M dang b+h+rU~M chad yongs gyur las:nam mkha' rlung me sa ri rab:me steng rdo rje'i rdul 'thas par:pad+ma rgya gram yangs pa'i steng :rin chen gzhal yas mtshan nyid rdzogs:phyi gsal nang gsal 'od zer 'bar:mdog lnga'i rtsig pa yid du 'ong :pha gu drwa phyed mdzes pas spras:mda' yab pu shu tog gis brjid:'dod snam lha mo'i mchod sprin spro:ye shes snang ba bsam mi khyab:sgo bzhi rgyu 'bras rta babs brgyad:chos 'khor ri dwags gdugs kyis brgyan:ngo mtshar rgyan gyi bkod pa'i tshogs:blo las 'das pa'i cho 'phrul shar:sa ma ya maN+Dal b+h+rU~M:pho brang de yi lte ba la:pad+ma rin chen rma bya'i khri:'dab stong ge sar zla ba'i steng :sa bon babs pa yongs gyur las:'phro 'dus brtan g.yo'i dwangs ma bsdus:'od zhu pad+ma rA ga yi:rdo rje rtse lnga 'od 'bar ba'iHphyag mtshan yongs su gyur pa las:'chi med mgon po snang mtha' yas:gsung gi rdo rje tshe dpag med:dmar gsal mtshan dpe'i gzi byin 'bar:longs spyod rdzogs pa'i rgyan chas mdzes:zhi 'dzum gzhon nu'i ngang tshul can:rdo rje'i skyil mo krung gis bzhugs:phyag gnyis mnyam gzhag phyag rgya'i steng :'chi med tshe yi bum pa bsnams:pang du rang 'od gos dkar mo:dmar gsal gzhon nu ma yi gzugs:gcer bu rus pa'i phyag rgya can:pad phreng tshe yi bum pa 'dzin:gnyis med 'khril sbyor bde bas dgyes:'od kyi phung po 'bar ba las:pho nya mgyogs ma 'phro zhing 'du:yab yum sbyor ba'i byang chub sems:hU~M trA~M oM AHyab kyi snying :mU~M lA~M mA~M trA~M yum gyi snying :zung re 'phros pa phyogs bzhir babs:shar du mi bskyod tshe dpag med:mA ki yum dang bcas pa mthing :lho ru rin 'byung tshe dpag med:spyan ma yum dang bcas pa ser:nub tu rnam snang tshe dpag med:dbyings phyug yum dang bcas pa dkar:byang du don grub tshe dpag med:sgrol ma yum dang bcas pa ljang :kun kyang cha lugs gtso dang mtshungs:mnyam gzhag phyag rgyas tshe bum 'dzin:yum rnams pad phreng bum pa bcas:bde stong sbyor ba'i cho 'phrul mdzes:tshe bdag rigs lnga'i g.yas kyi zur:rdo rje sgeg mo sku mdog dkar:rdo rje phreng ba mthing la mdzes:rdo rje glu ma dmar mo sgeg:rdo rje gar ma ljang bu'i mdog:longs spyod rdzogs pa'i gzhon tshul gyisaHphyed skyil tshe yi bum pa 'dzin:g.yon gyi zur bzhir mgyogs ma bzhi:dkar mthing dmar ljang lha mo'i chas:pad+ma'i skyil krung tshe bum can:kun kyang pad zla'i steng na bzhugs:sgo bzhir rdo rje lcags kyu ma:zhags pa lcags sgrog dril bu can:phyag rgya bzhi dang mda' dar 'dzin:brkyang bskum gar gyis pad nyir bzhengs:bar mtshams tshe yi rig 'dzin dang :'chi med ye shes lha yi tshogs:nyi zer rdul gyi phung po bzhin:bsam yas bkod pa 'phro zhing 'du:gnas gsum oM AHhU~M gi 'brus:sku gsung thugs kyi byin rlabs bsdus:spyi bo'i gnas lngar sa bon lnga:yongs gyur rigs lnga'i cho 'phrul gyi:byang chub sems kyi bdud rtsi yis:dbang bskur rigs kyi 'khor los bsgyur:snang mtha' yas pa'i rgyas btab ste:dkyil 'khor chen po rdzogs par gyur:badz+ra dz+nyA na kA ya oM:badz+ra dz+nyA na wA ka AHbadz+ra dz+nyA na tsit+ta hU~M:hrIHhU~M trA~M oM AHa b+hi Shiny+tsa mi:gnyis pa ye shes kyi 'khor lo spyan drangs pa:hrIHnub phyogs bde chen dbang gi zhing :pad+ma sgyu 'phrul drwa ba yi:bkod pa'i cho 'phrul bsam las 'das:ye shes lha tshogs gshegs su gsol:bcom ldan mgon po tshe dpag med:'chi med rnga sgra pad+ma'i rigs:'od snang mtha' yas dkyil 'khor lha:'khor dang bcas pa gshegs su gsol:rigs lnga bsam yas bkod pa'i tshogs:gsung gi rdo rje gar gyi dbang :'chi med rig 'dzin mkha' 'gro bcas:rtsa gsum lha tshogs gshegs su gsol:sgrub pa'i gnas 'dir gshegs nas kyang :sku gsung thugs kyi dbang mchog bskur:byin gyis rlobs la bar chad sol:tshe bdud 'gal rkyen zhi ba dang :mchog dang thun mong dngos grub stsol:oM sarba ta thA ga ta a pa ri mi ta A yur+dz+nyA na maN+Dal sa ma ya dzaHdzaHma hA ka ru Ni ka dr-i sh+ya hoHsa ma ya hoHsa ma ya s+t+waM:gsum pa bzhugs gsol ni/__hrIHdbyings nas spyan drangs ye shes pa:dam tshig thugs rjes brtser dgongs la:ting 'dzin bkod pa'i dkyil 'khor 'dir:gnyis su med par bzhugs su gsol:sa ma ya tiSh+Tha lhan:bzhi pa phyag mchod bstod pa'i rim pa ni:hrIHbde chen 'od 'bar chos kyi sku:longs spyod yongs rdzogs 'chi med lha:dkyil 'khor rgya mtsho'i tshogs bcas la:mi phyed gus pas brda phyag 'tshal:na mo pu ru sha ya hoHrang las shar ba'i phyag rgya mos:kun bzang mchod pa'i tshogs dpag yas:nam mkha' gang ba rab spros te:yang dag mchod cing bstod par bsam:mchod pa rgyas na 'di dang 'dod yon lnga mchod dang gnyis tshig rkang so sor kha phral yang rung bas zur byang ltar bya/__hrIHdag pa'i zhing khams rab 'byams nas:yid 'ong kun bzang mchod pa'i rdzas:dri med lha yi mchod yon sgrengs:dag gtsang zhabs bsil rgya mtshor bskyil:bkod mdzes me tog char du 'bebs:kun khyab spos kyi sprin lding zhing :snang gsal 'od kyi phreng ba bstar:dri bzang byug pa'i tshogs 'gyed de:tshim byed lha yi zhal gyi zas:dbyangs snyan rol mo'i sgra dang bcas:dngos dang ting 'dzin las byung ba:'bul gyi bzhes la dngos grub stsol:oM sarba ta thA ga ta A yu de wa maN+Dal sa pa ri wA ra ar+g+haM nas/__shab+da pU dza AHhU~M:hrIHyid du 'ong ba'i gzugs kyi tshogs:rdo rje sgeg mo'i phyag rgyar 'bul:snyan 'jebs sgra yi dbyangs mtha' dag:rdo rje glu ma'i dbyangs su stob:sbyar dang lhan cig skyes pa'i dri:rdo rje dri ma'i tshogs su 'bul:phun tshogs lha yi zas kyi bcud:rdo rje ro ma'i phyag rgya che:reg 'jam lha rdzas na bza' yang :rdo rje reg bya mar sprul te:kun kyang chos kyi dbyings khyab pas:bde chen mchod pa chen po yang :rang byung rang shar tshul gyis 'bul:bzhes nas tshe yi dngos grub stsol:oM badz+ra ru pa shab+da gan+d+he rA sa spaR+She d+ha tu pU dza hU~M:hrU+iHdug lnga'i nad sel sman gyi mchog:rtsa ba brgyad la yan lag stong :rigs lnga rgyal ba sgrub pa'i rdzasaHdam tshig longs spyod chen por 'bul:ma hA a mr-i ta khA hi:brgyud pa'i mtshan don sbyar/__hrIHrgyud drug bsgral ba rak+ta'i bcud:dmar gyi rba rlabs mkha' la 'phyo:'khor ba stong ba'i ye shes phung :gI rti'i gsang ba'i mkha' las 'bebs:ma hA rak+ta khA hi:hrI:'dod yon lnga ldan ba liM ta:zeg ma mchod pa'i sprin phung 'phro:snod bcud yongs rdzogs chen po 'di:dkyil 'khor lha la bdag gis 'bul:ma hA ba liM ta khA hi:hrIHgzung 'dzin ru dra'i tshogs bsgral zhing :bde chen sbyor bas dgyes pa'i dpal:mchod dang mchod bya gnyis su med:mnyam pa'i mchod pa dam pa bzhes:badz+ra ta na ga na pU dza ho:hrIH'chi bdag la sogs bdud bzhi 'joms pa'i lha:gsung gi rdo rje mgon po tshe mtha' yas:'chi med dkyil 'khor 'khor lo'i dbang phyug che:bcom ldan lha yi lha la phyag 'tshal lo:sku mdog dmar gsal byi ru'i lhun po ltar:mtshan dpe'i gzi byin rgyas pa'i snang ba can:gar gyi dbang phyug 'od snang pha mtha' yas:'jig rten gsum gyi mgon po phyag 'tshal bstod:zab cing rgya che rmad byung tshangs pa'i dbyangs:ngo mtshar theg pa'i chos sgo sna tshogs ston:mtha' yas gdul bya 'dul ba'i cho 'phrul can:mtshungs med 'dren pa de la phyag 'tshal bstod:smra bsam brjod med chos sku de bzhin nyid:nam yang mi g.yo 'od gsal chen po'i thugs:shes bya kun gzigs 'gro la brtse bas dgongs:ye shes rgya mtsho mnga' la phyag 'tshal bstod:zag med yon tan yongs su rdzogs pa yi:mnga' dbang chen pos don gnyis lhun gyis grub:bde chen zhing gi ston pa rgyal kun gtso:'gro ba'i mgon po khyod la phyag 'tshal bstod:mtshan thos tsam gyis ngan song dus min 'chi:'joms mdzad thugs bskyed chen po'i go cha can:srid zhi'i 'jigs pa 'phrog mdzad dpa' bo che:don gnyis lhun grub mchog la phyag 'tshal bstod:chos nyid gcig la bzang ngan mtshan bral yang :gdul bya 'dul phyir gang 'dul thugs rje'i sku:bde stong sgyu mar rol pa'i phrin las can:'khor dang bcas la gus pas bstod par bgyi:lnga pa dzaba? bzlas pa ni/__dbang dang sgrub mchod sogs kyi skabs dzaba? khang dbye dgos pas/__oM a ma ra Ni dzi wan+ti ye swA hA:AHyur+dz+nyA na puSh+TiM ku ru oM:hU~M trA~M hrIHAHb+h+rU~M bi shwa bi shud+d+he dz+nyA na tsakra maN+Dal b+h+rU~M:pra we sha ya phaT dzaHbdag nyid las mdun rten du bsgom pa dang 'dra ba'i ye shes kyi 'khor lo gnyis pa phye ste me ri 'dab 'byor du bzhugs par gyur bsam la dza?b bskul ni/__hU~M hrIHtshe dpag med mgon lha tshogs dbyings nas bzhengs:thugs dam gnad nas bskul lo dzaba? sgra sgrogs:snang stong sku yi phyag rgyas stong gsum gang :grags stong gsung gi dzaba? dbyangs 'brug ltar ldir:rig stong thugs klong 'od gsal ngang du gnas:lha rnams thams cad bde ba'i gar gyis rol:sngags rnams rtsol med rdo rje'i glu yis bskul:thugs ni sgrol mdzad ye shes srog dang bcas:ma gsal bar du bskyed cing bzlas par 'bad:ma grub bar du dgongs pa mi gtong gsol:ma g.yel thugs rje chen po'i dus la babs:bsnyen sgrub rnam bzhi stan thog 'di nyid du:mthar phyin dkyil 'khor bdag por 'grub par mdzod:gsang sngags bzlas pa'i ting 'dzin gyis:dngos grub gnad la nges par bskul:bsnyen pa sgrub pa'i las sbyor bas:spro bsdu'i rim pa 'di ltar bya:dzaba? khang phyes/__bdag mdun zhes bsgyur mchan/__bdag nyid gtso bo'i thugs ka ru:nyi zla'i ga'u 'og rgya gram:nang du srog gi snying po hrIHdmar gsal sngags kyi phreng bas bskor:dwangs ma'i 'od zer mkha' khyab 'phros:'phags mchod tshogs gnyis rdzogs par byas:sku gsung thugs kyi byin rlabs kyi:dwangs ma bdud rtsi'i char du byung :lus gang ye shes gzi byin 'bar:slar yang mkha' khyab 'od zer gyis:mtha' klas sems can ma rig pas:'gro kun skye 'chi'i sdug bsngal sogs:srid pa'i rgyu 'bras thams cad sbyangs:kun kyang lha yi 'khor lor sad:phyi snod 'byung ba lnga'i dwangs ma:nang bcud skye 'gro'i tshe dpal kun:'od kyis bdud rtsi'i rnam pa kun:bsdus te slar yang sku la thim:ma dag phung khams skye mched kyiHrtsa rlung thig le kun khyab ste:dwangs ma'i rdo rje gsum du gyur:gzhom gzhig bral ba gnyug ma'i srog:ye shes phyag rgya che grub gyur:oM a ma ra Ni dzi wan+ti ye swA hA:A yur+dz+nyA na puSh+TiM ku ru oM:'bum phrag bzhi bzlas ting 'dzin gyi:dngos grub sgo rnyed gdon mi za:sa ma ya:bsnyen pa'i rnal 'byor las rung pas:sgrub pa'i rim pa dag la 'jug:gtso bo rigs lnga'i thugs kar rgya gram steng :nyi zla'i gwa 'ur rang srog sa bon mthar:sngags kyi phreng ba g.yas su bskor ba las:'od zer spro bsdus don gnyis mtha' dag sgrub:khyad par rigs lnga'i ye shes tshe yi bcud:'byung lnga'i dwangs ma bsdus thim sku gsung thugs:yon tan phrin las mi zad rgyan gyi sprin:gnyis su med pa'i ngo bor byin rlabs gyur:oM hU~M trA~M hrIHAHmU~M lA~M mA~M pA~M tA~M:a ma ra Ni dzi wan+ti ye swA hA:A yur+dz+nyA na puSh+TiM ku ru oM:'bum phrag bzhi bzlas rnal 'byor la:brtson pas tshe yi dngos grub thob:'dir mtshan brgya rtsa brgyad pa'i gzungs kyang bzla/__grangs bsnyen gyi dbang du byas nas 'bum phrag gcig bzla/__bsnyen dang sgrub pas lha nyid dang :skal ba mnyam tshe las la sbyor:gtso 'khor yongs rdzogs thugs kyi 'od:sgo ma bzhi bskul pho nya'i tshogs:nam mkha' gang ba'i spro bsdu yis:tshe bdud bar chad gzung 'dzin zhi:bsod nams longs spyod dwangs ma 'phel:dwangs mas rlung sems dbang du bsdus:bdud bgegs tshogs bsgral thun mong dang :khyad par las bzhi lhun grub gyur:oM a ma ra Ni dzi wan+ti ye swA hA:dzaHshan+tiM ku ru hU~M:hU~M puSh+TiM ku ru oM:ba~M wa shaM ku ru hoHhoM mA ra ya phaT:'bum res las 'grub gdon mi za:bum bzlas dgos na spyi 'grigs ltar sbyar la gzungs thag 'dzin pas bsnyen sgrub las gsum gyi sngags bzla/__las bum rta mgrin bskyed bzlas zur gsal ltar sbyar/__drug pa tshe 'gugs pa ni/__bdag mdun lha tshogs rnams kyi thugs ka nas 'od zer bsam gyis mi khyab pa dang lha mo mgyogs ma'i tshogs nyi zer gyi rdul ltar 'phros/__snod bcud thams cad la khyab pas byin rlabs kyi gzi byin 'bar/__rang dang bsgrub bya'i bla tshe chad nyams yar ba dang /__brtan g.yo 'khor 'das kyi tshe bcud ma lus pa 'chi med bdud rtsi'i rnam par spyan drangs/__bdag dang bsgrub bya rten rdzas rnams la thim pas rdo rje tshe yi dngos grub thob cing nus pa dang ldan par gyur ces dmigs shing mda' dar g.yab la/__hrIHdkar mo mgyogs ma rdo rje rigs kyi yum:zhi ba'i las mdzad mda' dar tshe bum bsnams:rang 'dra'i sprul pas 'jig rten khyab par 'gengs:shar phyogs snod bcud 'jig rten rab 'byams kyi:brtan g.yo'i dpal dang tshe bsod dwangs ma'i tshogs:khyad par bsgrub bya'i bla tshe yar ba khug:sde brgyad 'byung pos brkus shing phrogs pa khug:byad phur gdon gyis gzir dang nyams pa khug:phyogs bcu'i 'jig rten rab 'byams kun nas khug:bsgrub bya'i lus ngag yid la gnyis med bstim:rdo rje'i tshe mchog grub pa'i las mdzod cig:hrI:ser mo mgyogs ma rin chen rigs kyi yum:rgyas pa'i las mdzad mda' dar tshe bum bsnamasaHrang 'dra'i sprul pas=lho phyogs snod bcud=brtan g.yo'i dpal=khyad par bsgrub bya'i=sde brgyad 'byung pos=byang phur gdon gyis=phyogs bcu'i 'jig rten=bsgrub bya'i lus ngag=rin chen tshe mchog=hrIHdmar mo mgyogs ma pad+ma rigs kyi yum:dbang gi las mdzad=rang 'dra'i sprul pas=nub phyogs snod bcud=brtan g.yo'i=khyad par bsgrub bya'i=sde brgyad 'byung pos=byad phur=phyogs bcu'i=bsgrub bya'i=pad+ma'i tshe mchog=hrIHljang mo mgyogs ma las kyi rigs kyi yum:drag po'i las mdzad=rang 'dra'i=byang phyogs=brtan g.yo'i=khyad par bsgrub=sde brgyad=byad phur=phyogs bcu'i=bsgrub bya'i=las rab tshe mchog=hrIHsngon mo mgyogs ma bde gshegs rigs kyi yum:mchog gi las mdzad=rang 'dra'i=phyogs mtshams=brtan g.yo'i=khyad par=sde brgyad=byad phur=phyogs bcu'i=bsgrub bya'i=bde gshegs chos mchog grub pa'i las mdzod cig__/rtsa sngags mthar/__dz+nyA na badz+ra A yu She dzaHdzaHdzaHhU~M ba~M hoHbdun pa ni dbyangs gsal ye d+har yig brgya lan gsum gyis lhag chad bskang stong tshig gi mchod bstod dang :bum pa bsgrubs yod na 'od zhu bya:yig brgya lan gsum brjod pas brten par bya'o/__/bar 'dir bka' gter srung ma'i gtor chog spyi dang 'di nyid kyi srung ma 'chi med nye dbang tsaN+Di ka'i gtor chog 'don/__gsum pa rjes kyi las rim bdun las:dang po tshogs kyi 'khor lo ni:thabs shes kyi dam rdzas bskor ba bzang du bshams:bsang chu bdud rtsis bran byas te:gnyis med rol pas byin gyis brlab:ra~M ya~M kha~M:hrIHdbyings kyi b+hany+dzar rig pa'i bcud:ye shes lnga ldan bdud rtsi'i phud:'dod yon zeg ma bsam yas 'phros:mkha' khyab tshogs kyi 'khor lor gyur:oM AHhU~M:tshogs zhing lha rnams spyan 'dren ni:hrIHchos sku'i zhing na 'od mi 'gyur:longs skyod yongs rdzogs tshe dpag med:sprul pa'i gar bsgyur rnga sgra'i gtso:bcom ldan dkyil 'khor lha rnams kun:tshogs kyi 'du bar spyan 'dren na:ye shes dgongs pas gshegs su gsol:tshogs mchod 'od phung ldems se ldem:'chi med bdud rtsi bcud du 'khyil:lha tshogs gar stabs shigs se shig:rdo rje'i glu bro ci yang bsgyur:rnal 'byor dgongs nyams bun ne bun:bde stong cho 'phrul bsam mi khyab:gnas mchog dag pa'i zhing du bsgyur:mched lcam thabs dang rten 'brel ldan:bza' btung rdo rje'i dam tshig rdzas:snod bcud dag pa byin gyis rlobs:sarba sa ma ya dzaHdzaHdz+nyA na sid+d+hi hoHrang las spros pa'i lha mo'i tshogs:bsam mi khyab pas mchod par bsam:bza' btung phud kyi dang pos mchod:hoHrdo rje bza' ba'i dam tshig rdzas:longs spyod chen po rmad du byung :'chi med grub pa'i ra sa ya:dkyil 'khor lha la 'bul gyis bzhes:ga Na tsakra pU dza hoHspro na bskang ba rgyas pa sbyar:bar pa bskang zhing bshags pa ni:hrIHbde chen sgyu mar rol pa yi:rdo rje'i zhing khams bkod pa'i mchog:ngo mtshar rgyan gyi rol mo che:dbyings dang mnyam par spro zhing shar:rang snang bkod pa rmad byung ba'i:phyi nang gsang ba'i mchod rdzas che:bla na med pa'i dam tshig gi:rol pa'i cho 'phrul rmad byung ba:ngo mtshar bsam mi khyab pa 'dis:'chi med mgon po dkyil 'khor gtso:rigs kyi tshom bu dang bcas pa:thugs dam gnyan po dgyes par bskang :dam tshig nyams chag 'gal 'khrul bshags:phyi nang gsang ba'i bar chad sol:'chi med tshe yi dngos grub stsol:yi ge brgya pas nyams chag mthol:tha ma bsgral bstab rim pa ni:hrIHpad+man+ta kr-i ta badz+ra kro d+ha h+ya gr-I wa sarba big+h+nAn ha na ha na hU~M phaT:rang nyid dbang chen rta mchog rol pa'i skur gyur/__na mo/__dkon mchog gsum la phyag 'tshal lo/__/dkon mchog gsum gyi bka' bden pa dang /__chos nyid rnam par dag pa'i bden pa dang /__chos can rgyu 'bras bslu ba med pa'i bden pa dang /__'chi med rdo rje tshe dpag med sgyu 'phrul dra ba'i dkyil 'khor gyi lha tshogs rnams kyi bden pa dang /__bden pa chen po'i byin rlabs kyis ma rungs pa'i sems can bsgral ba'i zhing du gyur pa thams cad mtshan ma rdzas kyi rten 'di la mchis par gyur cig__/nr-i yaM dzaHnr-i badz+ra ang+ku sha dzaHtri yaM dzaHtri badz+ra ang+ku sha dzaHdzaHhU~M ba~M hoHphyag rgya dang bcas te bstim/__e las 'bar ba'i b+hany+dza ru:tshe bdud bar chad glo bur bgegs:phyag rgya bzhi yis 'gugs 'ching sdom:myos te lha phral rang gshed dbab:rta mchog rol pa'i rdo rje'i mtshon:nyams pa'i snying la btab cing gzir:dwangs ma'i snying po rang la bstim:sha khrag dgyes pa'i mchod par 'bul:mA ra ya phaT:mAM sa rak+ta gau ro tsa na keM ni ri ti khA hiH'dus pa'i tshogs la bza' btung brim:brda dang brda yi len gyis rol:las kyi rdo rjes phyag 'tshal te:thabs shes bza' btung bsnol bar stob:e ma ho:rdo rje rgyal po gsang ba sngags kyi mdzod:bde chen dgyes par rol pa'i brtul zhugs bskyed:gtsang rme gnyis 'dzin bral ba'i 'khor lo yis:bde mchog dgyes pa'i dpal la rol du gsol:lan du pad+ma'i phyag rgyas blang :a la la:thabs dang shes rab bde ba mchog gi dbyings:'du 'bral med pa gsang ba'i de kho na:rol pa chen po'i dam tshig bla na med:mchog gi ye shes rgyas phyir bdag gis blang :zhes dang /__rang lus dkyil 'khor lha ru gsal:rdo rje phung po'i dkyil 'khor ni:gdod nas gdan gsum lha yi dal:rtsa rlung thig le'i dkyil 'khor du:dgyes pas rol pa'i dpal du spyod:sa ma ya pU dza hoHsteng dpyal mnyam par rol pa yis:bde ba chen po lam du slong :rdo rje pad+ma'i grong khyer ni:mnyam par spyod pa'i de nyid las:a haM bsregs bzhu'i rol rtsed kyis:gsang mchog dgyes pa'i dam tshig go:a nu ra ga a la la ho:nges pa'i gsang ba bla na med:de kho na yi dbyings su bzhag:phud kyi lhag ma kun bsdus te:slob dpon la zhal chab zhu sman raka bran:me sgron btsugs la/__pany+tsa a mr-i ta ha ho hrI:lhag gtor 'dod pa'i yon tan lnga dang ldan par gyur/__e a ra l+li hrIM hrIM:pad+ma dbang gi dkyil 'khor che:skyong ba'i bka' nyan lhag sdud tshogs:dpal gyi pham phab 'di bzhes la:bcol pa'i phrin las 'grub par mdzod:uts+tshiSh+Ta ba liM ta khA hi:bla med gsang ba'i dkyil 'khor du:dam tshig chen po'i mchod pa'i mthus:tshogs gnyis yongs su rdzogs pa dang :'chi med tshe yi dpal thob shog:rdo rje'i glu dang gar chen pos:lha tshogs dgyes bskyed dngos grub tshogs:thob pa'i skal bzang mngon gyur nas:lha dang skal ba mnyam par bsam:gnyis pa thugs dam bskul ba ni:'dir spro na rje bla ma'i zab gter gyi tshe yi brgyud bskul kyang sbyar:hrIHye shes dbyings kyi pho brang nas:tshe mtha' yas pa'i thugs dam bskul:skye 'chi mtshan ma dag pa yi:mchog gi tshe dbang stsal du gsol:bde chen rig pa'i pho brang nas:gsung gi dbang phyug thugs dam bskul:mi shigs rdo rje'i gsang ba gsum:mngon sum grub par mdzad du gsol:zung 'jug mkha' khyab dkyil 'khor nas:pad+ma dbang gi thugs dam bskul:'chi med ye shes tshe yi mchog:'grub pa'i dngos grub mchog stsol mdzod:gzung 'dzin 'khrul pa'i bag chags zhi:tshe dang ye shes mchog tu rgyas:rlung sems dbang 'dus phrin las kyis:tshe bdud bar chad zhi bar mdzod:gsum pa chos skyong gtor ma 'bul ba ni/__gtor 'gugs dang /__dam can spyi yi gtor 'bul rjes/__srung mar chad tho bsgrag pa ni/__hU~M hrIHsngon tshe bskal pa'i dang po la:slob dpon pad+ma thod phreng gis:tshe yi rig 'dzin sgrub pa'i tshe:brag phug mA ra ti ka ru:'chi med pad+ma rig 'dzin dang :lha lcam man+d+hA ra ba yis:nye rgyu'i spyod pa'i mchog grub nas:tshe bdag mgon po yab yum gyis:rdo rje tshe yi dbang yang bskur:skye 'chi med pa'i go 'phang brnyes:tshe rgyud bye ba phrag brgya gtad:rdo rje sa la phyin pa'i tshe:g.yar dam phog pa'i chos skyong kun:gtor ma bdud rtsi'i mchod pa bzhes:rnal 'byor tshe srog nyams pa gsos:tshe dbang mchog gi dngos grub thob:zab gter bstan pa rgyas pa dang :'dod dgu'i phrin las 'grub par mdzod:brtan ma bshal chus bran nas kyang :hU~M hrIHbod khams skyong ba brtan ma'i tshogs:bdud dang gnod sbyin sman mo'i tshul:bshal chu'i bdud rtsi bzhes nas kyang :so kha srungs la kla klo sgrol:rtsa rlung thig le'i mdud pa bkrol:bden don yan lag bcu gnyis tshogs:mi rtog dbu ma'i dbyings su dag:dngos grub mchog gi sdong grogs mdzod:gtor gzhong ri rab 'bar ba'i 'og__/sgab 'dre dam sri mnan par bsam/__hU~M:e yi dkyil 'khor chen po ru:bar du gcod pa'i dam sri'i tshogs:mnan no klong chen yum lnga'i rgya:nam yang ldang bar ma gyur cig:s+t+waM b+ha ya nan:bzhi pa dngos grub bskul ba ni:hrIHbcom ldan mgon po tshe dpag med:sku gsung thugs kyi ye shes dbyings:nam mkha' mnyam pa'i cho 'phrul las:mkhyen brtse'i dgongs pa'i sgo phyes la:lus 'di 'chi med sku 'grub mdzod:gzhom med tshangs dbyangs gsung 'grub mdzod:ye shes thugs kyi srog thob mdzod:'chi med gnyug ma'i gsang ba che:da lta nyid du 'grub par mdzod:sgrub sngags mthar/__kA ya wA ka tsit+ta gu Na karma sid+d+hi pha la hU~M:lnga pa mchod bstod rgyas bsdus ci rigs dang /__ma rnyed yongs su sogs kyi nongs bshags yig brgya bzla/__rten yod na brtan bzhugs dang /__ye shes gshegs dam tshig dkyil 'khor rang la bstim/__drug pa rtag chad kyi mtha' bsal phyir bsdu ldang ni/__AHmtshan bcas lha yi rten brten pa:'od gsal dbyings kyi thig ler thim:snang grags rig pa lha dang sngags:ye shes rol pa'i 'khor lor shar:oM AHhU~M:badz+ra kA wA tsi rak+Sha haM:zhes gnas gsum byin rlabs dang go bsgo/__bdun pa bsngo smon shis brjod ni/__ho:legs spyad dge ba'i tshogs thams cad:'chi med rig 'dzin 'grub phyir bsngo:lha dang skal pa mnyam pa yi:don gnyis 'bad med 'grub gyur cig:ces dge ba rdzogs byang du bsngos la/__khyad par bkra shis ni me tog 'thor/__snyan pa'i dbyangs dang bcas/__oM:gsung gi bdag po dkyil 'khor gtso:tshe mtha' yas pa'i bkra shis shog:gsang ba ye shes mkha' 'gro'i dbang :gos dkar yum gyi bkra shis shog:ye shes rnam lngas 'gro ba sgrol:tshe bdag rigs lnga'i bkra shis shog:lha tshogs dgyes bskyed tshe dpal sdud:'chi med DA ki'i bkra shis shog:phrin las rnam bzhi dbang bsgyur ba'i:phyag rgya bzhi yi bkra shis shog:gnas skabs tshe dang bsod nams 'phel:brtan g.yo'i dpal kun dbang du 'du:mthar thug gnyug ma'i 'khor lo cher:dbyer med 'grub pa'i bkra shis shog:gzhan yang zhal nas gsungs pa'i shis pa brjod bzhin me tog gi char du bsnyil zhing rol mo'i sgra snyan par sgrogs pas dge legs su bya'o/__/phyi nang gsang ba kun 'dril yang zab rgyun gyi rnal 'byor spros med yin kyang tshogs mchod sogs kyis cung zad rgyas par 'dod na/__sngon rjes 'di ltar la lha bskyed gsang sgrub gzhung ltar gyi/__oM ma hA shu n+ya ta sogs/__chos kun gzod nas de bzhin nyid sogs nas/__pad phreng bum pa 'dzin pas 'khyud:ces pa'i mtshams gang gi las byang nas gnas gsum oM AHhU~M gi 'brus zhes sogs kyis byin brlab/__dbang bskur rgyas gdab dang spyan 'dren yan sngar ltar sbyar/__bzlas pa'i skabs dzaba? bskul ma byas kyang chog__/bzlas dmigs ni/__thugs kar pad+ma dmar po ni:zhes sogs dang /__badz+ra A yu She bzlas mthar tshe gzungs brgya rtsa sogs bzla/__rjes kyi las rim sngar ltar byas pas grub bo/__/de ltar byin rlabs dpal du 'bar ba yi/__/rdo rje'i srog rtsa sgrub pa'i 'chi med kyi/__/gdams zab snying po'i bcud dril 'di lta bu/__/rna ba'i dpyid du thob pa'ang skal ba bzang /__/'di 'dra'i gdams pa dad brtson sgrub po yis/__/rtse gcig 'bad na 'chi bdag bdud sde las/__/rnam par rgyal zhing tshe dang ye shes kyi/__/dngos grub chen po thob las som nyi bral/__/de phyir yal bar ma dor nyams su blangs/__/rang gzhan don gnyis 'grub la mi bslu nges/__/'di la nongs par gyur pa'i tshogs rnams kun/__/bla ma mkha' 'gro'i tshogs la bzod par gsol/__/rab dkar legs byas mtho ris bdud rtsi'i chab/__/skal bzang lha phrug kun dga'i sman mchog gi/__bcud kyi len pas tshe dpal 'chi med kyi/__/dga' ston 'jig rten gsum na mdzes gyur cig__/ces pa'ang kun gzigs gter chen bla ma'i bka' yi rjes su gnang ba bzhin zab chos 'di nyid kyi thog ma'i snod ldan 'jam dbyangs bla ma mkhyen brtse'i dbang po'i phrin las kyi byed por smon pa 'jam dbyangs chos kyi blo gros tshe dbang grub pa rtsal gyis bkra shis 'chi med grub pa'i dga' tshal du bklags chog tu bsdebs bas 'gro kun skye 'chi'i gzhom bral rdo rje'i ye shes kyi sku brnyes pa'i rgyur gyur cig__///__